شبكة همس الشوق - سلام باسم السعودية بلاد الملوك

يالله ياللي ليا ضاقوا عبيدك دعوك
تعينـي يامعيـن ولاتخيـب تعبي

سلام باسم السعودية بلاد الملوك
مهابط الوحي والكعبه وبيت النبي

يامحمد الاحمد الله يرحم امك وابوك
يسكنك في النعيم الخالد الغيهبي

حطيت للشعر حق مثل حق الصكوك
سيف العرب يستلمه الشاعر اليعربي

والجايزة دونها زمل يصول ويصوك
الكل منها يبي جسمه مثل مانبي

ابطال غزوة بدر وابطال غزوة تبوك
تبغى الفخر مشي ولازحف ولاحبي

وانا زحمت الجمال الواقفة والبروك
لعيونكم ياعيال كليب بن تغلبي

الحاجة اللي تبرطم بالحجاج الضحوك
يقلط لها شايب عند الملاقا صبي

ياغازي أما خذيت الناس ولا خذوك
الدعم باشنابكم والجايزه بشنبي

من شان لاقالواالشعار لافظ فوك
اقول هذا حلالي ورث جدي وأبي

والله ماهنَي رصيد سويسرا بالبنوك
مادام باقي على وجه التراب اكلبي