http://i48.servimg.com/u/f48/16/98/49/62/normal10.jpg


ياقو قلبك على الصده و ياصبرك
و يا وسع صدري على صدك و ياصبري

و ياطول عمرك بذاكرتي و ياكبرك
و ياشيب عيني بشيب عاد ذا كبري

و الله لو ان حمل صبري فوقك .. ان تبرك
و الله ولو تعتذر منت بعلى خبري

اما جبرك الغلا .. ما اقدر على جبرك
ياللي على ارض المحبه ما شبرك بشبري

تزعل .. وترجع .. و تلقاني على خبرك
و انا انكسر لك و اجيك .. ادور لجبري

امحق وليف ومحبه .. والا اقول .. ابرك
حسبي عليك .. اعشقك .. و انت تحفر قبري
مابين صدري والمقابر علاقـات
بالاسم والمعنى ودفـن الضحيـه

الفرق بن المقبره تحضن اموات
وانا دفنت اشياء باالصـدر حيـه

دفنت حبك عن هروج السخافات
ودفنت شوقي عن عيون البريـه

ودفنت في صدري غرابيل وأهات
واسرار نفسٍ من زمنها شقيـه

أأأأمنتك الله يابعد راس الابيـات
ياملهم ن قافي صباااح وعشيـه

ان حل بي طاريك وقفت بسكات
وان زارني طيفك عطيته تحيـه

من زود حبك ماحسبت المسافات
ومن زود شوقي ماتهـم المنيـه




مدري علام القلب يهواك بالذات
وعروق شوقه برض حبك نديـه

ان قابلك ضمه وقل له سلامـات
لانه قبل يومين صابـه شظيـه

تذكرك وانهار والنزف حسـرات
على زمااانـك والعلـوم النقيـه


ولملم شتاته حزن وهموم وأهات
ودفتنها بالصـدر يازيـن حيـه