شبكة همس الشوق - خذني غلا يا اصدق غلا بالوقت الاول والاخير

خذني غلا يا اصدق غلا بالوقت الاول والاخير

أبـغـاك تــدرس حالـتـي أول وأنــا أدرس حالـتـك

حنا نفس واحد..وروح..وقلب..وعيـون..وضميـر

عدالـتـي ظلـمـك .. وظلـمـي منـتـهـى عـدالـتـك

يـا بـدري الطلّـة ويـا طلّـتـك يــا الـبـدر المنـيـر

تـرى خسـوف القمـر .. بـشـارة وصــول إطلالـتـك

وإطلالتـك عنـدي أنـا .. تعنـي لـي الـشـي الكثـيـر

لا صارت .. عيونـي علـى خـدّك سحـآآآآب ..وسالتـك

أوقف .. وأسميـك الملـك .. وشـوي أسمّيـك ..الأميـر

أخـاف مـن سطـوة سـمـوّك ... وأحـتـرم جلالـتـك

حبـك كبيـر ... وبالمقابـل .. قــدرك بقلـبـي كبـيـر

إحساسـي بمحبـتـك ... وإحسـاسـي .. بزمالـتـك

لا يضيق لك خاطر .. فديتـك .. لـو يصيـر اللـي يصيـر

إن كـان مـا شالتـك الأرض .. رمـوش عينـي شالتـك

يا أترف مشاعر بالبشر ... يـا أرق مـن لمـس الحريـر

ساعة زمـن ... ممشـاك مـن غرفتـك .. حتـي صالتـك

دلعـك يثقـل خطوتـك .. وأحيـان .. يمنـعـك المسـيـر

وأحيـان أشــك إن الـدلـع ... سلالـتـه .. سلالـتـك

يومك تعض .. شفيفتك .. وإصبعـك لعيونـي ..يشيـر

وتقـول هـذي مالتـي ؟؟ ... وأقــول طبـعـا مالـتـك

تقولهااا .. وأعيش نشوتهـا .. وأحـس المـوووت أخيـر

لا شفـت موتـي بيـن عقـرب صـدرك ..وسلسااالتـك

تدري ؟؟؟ لا شفت بيالتـك .. بأطـراف ثغـرك ..تستديـر

أضرب علـى صـدري .. وأقـول الحـظ .. حـظ بيالتـك

مـدام أبـوك النـاي .. وأمـك ضحكـة الطفـل الغـريـر

وتصيـر عمّتـك الشطانـة .. والشـقـاوة خآآآآلـتـك؟؟

لازم عليـك آغيـر مـن نفسـك .. وحتـي منـك آغيـر

عشـان لـو تطاولـك كــل البـشـر ... مــا طالـتـك

مـا طالتـك .. يالأسمـر الجـذآآآآب .. يالملـح المثـيـر

ياللـي سمـارك .. جامـعِ .. سـكـر ومـلـح أصالـتـك

فتنتنـي .. بعيونـك الـخـدرات .. والــزول القصـيـر

وحببتنـي فــي طيـشـك ... وحببتـنـي .. جهالـتـك

ماعاد لي .. سلطـة علـى حالـي .. وأنـا بيديـك أسيـر

ولا عـاد لـي حـيـلِ يساعـدنـي .. عـلـى حيالـتـك

يا علّنـي فدوتـك مـن راسـك .. إلـى إصبعـك الصغيـر

يـا كبـر بختـي..يـوم ناولتـك يـدي..ونآآآآآلـتـك

يا أصدق غلا..وأعذب غلا..بالوقت الأول..والاخير

هـذي خلاصـة حالتـي .. عطـنـي خـلاصـة حالـتـك..

ممــآآ شدني..