|
يابحر فيني من الاحزان مافيك يابحر .. فيني من الحزن .. كثر مافيك .. من حزن .. وأوجاع .. وغياب .. وغرايب !! لاتلومني إليا شفتني .. دايم أجيك .. ولاشفتني دايم .. على الشط .. ذايب !! حزني كبير .. أكبر من حدود .. شاطيك .. وأقسى من جروح الزمان .. العطايب !! وإن كان تنشدني فأنا .. مقدر أخفيك .. دايم اظن .. ويطلع .. الظن .. خايب !! في هالزمن .. أقرب حبايبك .. يشقيك .. إلين تدفع في غلاه .. الضرايب !! من بعد هذا .. يبتعد .. عنك .. ويجفيك .. ماكنه .. بجنبك .. قضى الوقت .. طايب !! وإلا .. الخوي اللي توقعت .. يفديك .. يفديك عمره .. لاغدت بك .. نشايب !! صد .. وتصدد .. مايبي .. سمع .. طاريك .. وياما .. أنت .. دونه .. أتعبتك .. الطلايب !! لاتقول لي .. بدري .. وتوك .. ويمديك .. وتعال .. وأسمع باقي الهرج .. صايب !! خلك بحالك .. وأطلب الرب .. يهديك .. ولاتنشد اللي غاب .. وين أنت .. غايب وإن شفتني غايب .. عن حدود .. شاطيك .. أعرف تراني .. تحت .. ذيك .. النصايب !! وأعرف تراني .. دايم إن ضقت .. بآجيك .. لأني .. أنا .. والموج .. صرنا .. حبايب !! |
واو روووووعة كلمات ابداعية يسلمووو يالغلا ليمونة ننتظر جديدك بكل شووووق |
اللـــــــــــــــــــــــــــــــــه رائعة تعابير صيغت بأسلو ب شاعري فـذ لامست مدامع الذكريات وعانقت مشاعر اليأس كل الشكر لمن كتب ولمن نقل أرتوت أحاسيسي |
كلمات رآآآئعه جداً واحساس رآآآقي أشكرك ع رووعة الطرح |
كلماتٌ تعتلي قمم الجبالِ وإبداعٌُ وتميزٌ هو متصفحك تتلاشى حروفي أمام ماخطتهُ أناملك لكنها ستواصل لــ تقول لكِ من الأعماق طرحكِ راقيٍ............ لك ودي ووردي جاااك |
| الساعة الآن 10:22 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010