شبكة همس الشوق - قصه وقصيدة الفتاة اليتيمة

اليوم عندي لكم قصه محزنه ومعبره بنفس الوقت
يمكن انه مرت عليكم قصت الفتاة اليتيمه اللي
توفى ابوها وعاشت عن عمها ولاكن عيشه المذله
وسبحان الله لما العم اللي هو في مقام الوالد
تعيش عنده بنت اخوه ويوريها المذله عشانها
يتيمه وطبعا بناته مدلعهم احلا دلع والمشكله
الاهانه وصلت معها لابعد الحدود وطبعا احد الشعار
اللي هوعبدالكريم العياش سمع القصه هاذي وكتب
قصيده على لسان هاذي الفتاة المسكينه
كانها هي اللي قالتها وطبعا بعد ماغنا الكلمات
هاذي الفنان بدر الغريب اشتهرت الغنيه هاذي وتعاطف
الناس مع هاذي البنت وقصتها هي القصه حقيقيه وموثره
ولاكن كانو اكثر اللي سموعها يحسبون ان الكلمات قالته
البنت نفسها ولاكن الشاعر احساسه قدر انه يعيش مأسات
هاذي الفتاه باحساسه وعبر عنها في ابيات جميله ومحزنه
وغناها الفنان حميان خليفه قبل بدر الغريب ولاكنها
اشتهرت عن طريق بدر الغريب الكلمات تقول..

آه واويـلاه مـن عمـن ظلـوم **بعد ما ابويه رقـد تحـت التـراب

القمر لو غـاب ماتفيـد النجـوم ** وعسى بيتن عقب عمـره خـراب

كيف ابا أهجع وأهتني في حل نوم ** وأمسح ادموعن مثل طش السحاب

بعد ماحكمي على اسرتنـا عمـوم ** صرت أنا بعيونهـم مثـل الذبـاب

أرتدي للمدرسـه اردى الهـدوم ** وبنت عمي ترتدي أغلـى الثيـاب

إن طلبتـه حاجتـن فيهـا لـزوم ** صد عنـي دون يعطينـي جـواب

طال همـي وأغتيابـي واللجـوم ** آه يادنيـا التعـاسـه والـعـذاب

ومرحباً يا قبر فـي كفـن رحـوم ** وعسـى يجـزاه ربـي بالثـواب

ليت من قبره ولو ساعـه يقـوم ** شهد اللي صابنـي بعـز الشبـاب

فوق ماعندي من أحزان وهمـوم ** زوجونـي شايبـن قـذر الثيـاب

الدقيقـه كنهـا تسعيـن يــوم ** ليتني ارقـد معـه تحـت التـراب

المهم بعد ماشتهرت الاغنيه وقصة الفتاة اليتيمه
كتبت احد الفتيات مجاراه لهذي القصيده لانها تعيش نفس مأساتها
وارسلتلها للفنان بدر الغريب وغناها وبسراحه لحنها مؤثر
وكلماتها تقطع القلب للي عنده احساس وأليكم الكلمات والاغنيه
وسامحوني اذا احد منكم تأثر بالموضوع...

ياإله الكون غيرك ما يدوم
اليتامى لك دعاهم مستجاب
مرحبا ياخت بالدنــــيا تهوم
صابها ماصابنا صرنا اصحاب
مات أبونا وأمنا راحو بيوم
واتركوا اطفالهم بين الذئاب
أكثر الأيام يا أختي نصوم
مالحقنا بعدهم قوت الرقاب
اه لولا اخواني اطفالن غشوم
يسألوني مايعرفون الصواب
يسألوني عندما العالم تنوم
ليه أبونا وأمنا طال الغياب
كل واحد يسمع الباب ويقوم
يحسبون ان جيت الأبا حساب
يصرخون أمي وابويه بالقدوم
يفتحون الباب خاب الظن خاب
لا وحق اللي كسى لحم العظوم
وانزل القران وايات الكتاب
ما منعني يوم احضرت السموم
كود اخواني وأصغرهم عقاب
انحرمت من الدراسه والعلوم
نار حزني اذهبت حالي ذهاب

هاذي مجارات البنت اليتيمه اللي توفا ابوها وامها ولابقى عندها الاخوانها الصغار

http://i.imgur.com/MZuQARv.gif