شبكة همس الشوق

شبكة همس الشوق (https://www.hamsalshok.com/vb/index.php)
-   همس الشعر والقوافي (https://www.hamsalshok.com/vb/f283)
-   -   لبى العرب (https://www.hamsalshok.com/vb/t58179.html)

ياقلبي اكتفيت 24 - 5 - 2015 04:46 PM

لبى العرب
 
الليله اللي بدايتها قصيد وطرب
تكاشف ابروقها لاحنّت ارعودها

هيهات هيهات واللي مايطول العنب
يشره على شجر ِته لو طال عنقودها

والجادل اللي تفاخر بالحسب والنسب
وشلون ماتفتخر لاعدّت اجدودها

كنت احسِب الدم ياصل دونها للركب
إلين ساقتني الاقدار لحدودها

امهايطيه ولاتهتم فطلق شنب
استرسلت فالحكي ياحي مارودها

من صوتها العذب تطعني بليّا سبب
وانا ا تحمّل خناجرها وبارودها

الا على طاري الطعنات لبّى الهدب
لبيه لبيه لامن سلهمت سودها

قالت عشا قلت مستعجل وقالت شبب
هي فاهمتني وانا فاهم لمقصودها

دخلت في ربعةٍ فيها ادلال ومشب
وصبّت من الدله اللي فايعٍ عودها

(لبى العرب) ياحليب الذود لبى العرب
من يوم قالت تعال وبهّلت ذودها

انا اشهد انها على ماقيل عز الطلب
واحترت مابين حقتها ومفرودها

لاجيت اوصّف وش اوصّف ويا للعجب
الليل فجعودها والصبح فخدودها

والله ماكن فيها اعظام ولا عَصَب
عزاه لامن تثنّت وانثنى عودها

وانا انتحاري على الفطره واحب النشب
والبنت من جودها وافقت ماجودها

لمحت فعيونها كلام كلّه عتب
سئلتها ليش لكن كان مردودها

قالت سلمنا ولكِنها سلامة عطب
والله يستر من العالم ومنقودها

ليله وعدت ولادري كيف طاح الحطب
ان باحت اسدودها ماباحت اسدودها

والله لو قيل عدها واخذ وزنك ذهب
والله ماعودها والله ماعودها
[/quote]

همسة الشوق 24 - 5 - 2015 05:32 PM

رد: لبى العرب
 
يعطيكِ العافيهـ
انتقاء بمنتهى الواقعيهـ
ب انتظار جديدك بشوق

نظرة عين 24 - 5 - 2015 06:03 PM

رد: لبى العرب
 

http://www.gifarchiv.net/grafiken/gi...n/brunnen7.gif
..
شُكرا غلاي ..
في انتظار جديدكم المميز ..
لك مني إجمل تحيه واحترام ..
http://copinette.c.o.pic.centerblog.net/3bx33vhv.gif



همسه الشوق 24 - 5 - 2015 09:37 PM

رد: لبى العرب
 
طرح رائع بروعتك
الله يعطيك العافيه ع
ذائقتك المميزه
لروحك الجوري

ياقلبي اكتفيت 24 - 5 - 2015 10:48 PM

رد: لبى العرب
 
شكرا لكن

احترامي

ياقلبي اكتفيت 24 - 5 - 2015 10:48 PM

رد: لبى العرب
 
شكرا لكن

احترامي


الساعة الآن 02:33 PM

جميع الحقوق محفوظه للمنتدى
HêĽм √ 3.1 BY: ! ωαнαм ! © 2010
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd.


SEO by vBSEO