|
امشي على خطه وتكتيك مدروس امشي على خطه وتكتيك مدروس ولاهو بهمي اكسب اصوات واعجاب ! ويا فكري اللي تملك احساس معكوس يا لعنبوك اليا متى وانت غلاب ! ويا قلبي اللي من عنا الهم متروس ما ابيك تضعف لا قدك عند الاجناب لا شك ابيك تكون لعداي كابوس في عصر شعر كله فسرق وانهاب ! ما دامك العالي تعليك ناموس خلك كذا كايد ويحسب لك حساب ! علم هل النمات نقارة السوس اللي يزيدون الحكي زود واكذاب ! اني ارى قد اينعت للفنا روس حان القطاف وحان تقطيع الارقاب ! صاحب وخاين صار لعداي جاسوس وصاحب فشى سري كذا دون اسباب ! يا رب انا في رفقتي ليه منحوس برحمتك ترحم صويب ومنصاب ! لا جن ليل الهم هب لي الكوس كنها تذكرني مواعيد الاحباب ! آجر صوتي واسحبه سحب منكوس من خاطر فيه الهواجيس تنتاب ! وانا بحبه ناحل القد ( مهووس) حبه يعذبني يا لبى التعذاب ! اغليه ما (امريكا) بها كره للروس واشتاق له ما خوف الغرب ( الارهاب) ! ولو المحبه شي واقع وملموس ما شفت عاشق يشتكي هم واتعاب ! لكن ما دامه شي فالقلب محسوس تبقى الحقيقه دونها ستر واحجاب ! يا قطع كبدي قطعة الجلد بالموس لا صارت افعال الرياجيل تنعاب ! ما يربح اللي يذخر لوقته فلوس الرابح اللي يذخر لوقته (اصحاب) ! |
رد: امشي على خطه وتكتيك مدروس الله يعطيك العافيه ع الطرح الرائع وحسن ذائقتك بإنتظار جديدك بكل شوق ودي وعبق الورد http://img.el-wlid.com/imgcache/2014/11/892023.gif |
رد: امشي على خطه وتكتيك مدروس الله يعطيك العافيه يارب اشكرك على انتقائك المميز في انتظار جديدك في امان الله وحفظه http://www9.0zz0.com/2014/04/28/20/563312171.pnghttp://www9.0zz0.com/2014/04/28/20/563312171.png |
رد: امشي على خطه وتكتيك مدروس
|
| الساعة الآن 03:46 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010