شبكة همس الشوق - تدري النحل لو ذاق سكر شفايفك

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - تدري النحل لو ذاق سكر شفايفك (https://www.hamsalshok.com/vb/t75833.html)

تدري النحل لو ذاق سكر شفايفك

https://lh3.googleusercontent.com/rB...=w1366-h768-no

تدْري النّحل لو ذاق سكّر شفايفْك
يتْرك رحيق الورْد ويحط يمّـك

وذاك البرد لو شاف لمْعة رهايفْك
يذوب غيره لانظر صوب فمّـك

حتى القمر صار إيتمنّى وصايفْك
والّليل ودّه وسْط حضنه يضمّك

سبْحانه اللي من حلا, الكون قاطفْك
كمّلـك ربّـي ياحبيبـي وأتمّـك

شعْرك إلْيامنّك تثنّيت لحّفْك
لاناد ذعذاع النّسايم وزمّك

لنت الوحيد اللي طيوفك تلاطفْك
والورد,ذاب وودّه انّـه يشمّـك

انت الغنج والدّل نـاد, بتهنّفْـك
من زود زينك خوف تحْسدْك أمّك

شاعرك بإحساسه عجز لايوصّفْك
لنّك جمعْت الزّين في راس كمّك

ياويش أوصّف بك قوامك,سوالفْك
كلّك جميل وميّزك خـفْ دمّـك

حتّى قصيدي ياهوى الرّوح والفْك
يجمع شتاتك في عروقي ويلمّـك

جرْأة عيونك في هدبهن وخايفْك
لاسلْهمن ترْسل بهن سهم سمّك

وأنا بقتل الرّوح قابل تأسّفْك
فدْوى العيون وأنت ولايهمّك

دام الشّهد آيات سكّر شفايفْك
القلب نحْله جابها الشّهْد يمّك