|
وهذي خلاصة تجربة عدة عقود أمزح ولكن خل مزحك في حدود ومن لا يحب المزح لا تمزح معه المزح بعض أحيان مروي للكبود لكن ليا من زاد ضربة موجعه وأتْعب على خوّة عريبين الجدود اللي مَعَك فا الضيق وإلا فا السّعه وأحذر تعاشر راعي القلب الحسود اللي ضرره أقرب لك من المنفعه وأبعد عنِ مْخالط مبيّحة السدود واللي على نقل الحكي متجمّعه خليطهم إما ورد همج العدود وإلا سمع شيٍّ ما ودّه يسمعه واليا عطيت إنسان ميثاق وعهود خلك وفي وأدفع كثر مايدفعه ولا تقابل راعي الطّيْب بجحود وأحذر من اللي طيبها تتصنّعه وان شفت طبع الظلم ف العالم يسود أحذر من المظلوم لا صلىّ أربعه له دعوةٍ لا من دعا ترقا سنود ومن صابِته دعْوَتْه ماطاب وجعه وان شفت من نظرات أقاربك الصدود حبل التواصل بينكم لا تقطعه واصبر ولو ما أنته عليهم بمحدود بكره تبي تحصد ثمر ما تزرعه وأعلم بأن الودّ لو صابه جمود شمس المحبه تصهره وتميّعه وإن سال في مجراه وأروى كل عود أخضرّت أوراقه ولانت أفرعه واليا طلبت وصال ناقضة الجعود دوّر على اللي بالحيا متشبّعه واظفر بذات الدين من حمر الخدود يلقى بها قلبك مناه ومطمعه واعلم بأن العمر ينقص مايزود واللي يفوتك منْه صعْب ترجّعه ولا تنْظر لماضيك لأنّه مايعود فكر بحاضرك الجديد وسنّعه وأبذل عشان أحلامك أضعاف الجهود وباب الأمل بين المحاني شَرّعه وأثْبت لنفسك بين خلق الله وجود ودوّر على اللي قَدْر نفسك يرفعه وإذا فتَر عزمك وحسّيت بْبرود حفّز خفوقك بالطموح وشجّـعـه نفسك بيدك تْقودها للعز قود وتارد بها عدٍّ قراحٍ منبعه وهذي خلاصة تجربة عدة عقود وبْخط وافين الخصال موقَّعَه مضمونها يروي معاطيش الكبود ويلقى بهاالعاقل مناه ومطمعه |
رد: وهذي خلاصة تجربة عدة عقود صح لسان قايلها وتسلم يد ناقلها الله يعطيك العافيه ع الجلب الرائع والمميز بإنتظآر جديدك بكل شوق لروحك جنآئن الورد |
رد: وهذي خلاصة تجربة عدة عقود يعطيك العافيه على الطرح الجميل بإنتظآر جديدك بكل شوق لروحك جنآئن الورد |
رد: وهذي خلاصة تجربة عدة عقود سلمت آناملك على هكذا طرح رآقي كرقي روحـك لآعدمنا جمآل ذآئقتك بآنتظار جديد آبداعك دائمآ ودي واحترامي لكِ |
رد: وهذي خلاصة تجربة عدة عقود سلمت يمنــآك طرح جميل جدا |
رد: وهذي خلاصة تجربة عدة عقود
|
رد: وهذي خلاصة تجربة عدة عقود سلمت اناملك ويعطيك الله العافيه على مجهودك الرائع والمزيد من عطائك ومواضيعك الرائعه والجميله ودائما في إبداع مستمر لروحك النرجس |
| الساعة الآن 08:55 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010
