شبكة همس الشوق - تخطي علي دايم وانا اقول مسموح

http://www.hamsatq.com/kleeja/uploads/1446896645325.gif

:

:

:

:

:

:

خليتنـي للهم والحـزن والـنـوح
وأقفيت ماتدري وش اللـي جرالـي

تركت لي قلب من الهجـر مذبـوح
شوف الغياب اشلـون أثـر بحالـي

أبطيت ياخللي وانا منـك مجـروح
تعال داو الجـرح وارفـق بحالـي

ابطيت ياخلـي وانـا اون وانـوح
ماغبت لحظه عايـش فـي خيالـي

إلمين ابي اشكي همي اليـوم وأبـوح
مادام عقبك صارهالكـون خالـي

تخطي علي دايم وانا اقول مسمـوح
انت الامل ياشـوق وانـت المنالـي

انا بدونك صرت جسـم بـلاروح
ومن عقب شوفك هالعمر ماهنالـي

وشلون احبك وانت بتقول لـي روح
ماهو بحـق كـل هـذا جـزالـي

عقب الغلا كل الغلا ليـه بتـروح
ويـن الخفوق اللـي بحبـه صفالـي

عقب المحبة تجزي القلـب بجـروح
وهدمت قصر كان بالحـب عالـي

ماعاد لي فـي دنيتـي أي مصلـوح
وكل البشر صاروا سراب وخيالـي

ماغيرك احد يسكن القلب والـروح
صار الحزن في غيبتـك راس مالـي

ماغيرك احد يااروع النـاس مملـوح
يشهـد علـي الله مانـي بسالـي

حبك بقلبي شوف يبني له صـروح
طـول غيابـك يابعـد كل غـالـي

ابكي ودمعي فوق الاوجان مسفوح
حملتنـي ياصـاح فـوق احتمالـي

بين المآسي والحزن صرت مطـروح
وانعا زمانن مـن جانبـك مضالـي

صرحت لك حب من القلب بوضوح
انا اسيـرك وانـت دالـه وسالـي

ياما خذ حبـي خرافـات ومـزوح
وانت الذي قلبك من الـود خالـي

فاضن دموعي واصبح السد مفضوح
بحكم القـدر والله مالـك ولا لـي

هذا نصيبي وانكتب لي علـى لـوح
أقاسـي الحرمـان وابقـى لحالـي

http://www.hamsatq.com/kleeja/uploads/1446896917731.gif