|
تدري وش اللي يجرح القلب جرحين تدري وش اللي يجرح القلب جرحين ..................ويمد حبـل الحـزن فيـك ويشـده انك تناظر طفل مـن غيـر ابويـن .................يمشي ودمعـة سايـل فـوق خـده منظر صعيب ويقسم القلـب قسميـن ................لا قـام يمسـح دمعـة بكـف يـده يمشي ولا يدري طريقة علـى ويـن ...............لين التعب من كثـر مـا تـاه هـده اثقل حـروف يشيلهـا فيـة حرفيـن ...............لا أب يـدريـبـه ولا أم تـــرده في خطوته رحلـة ودمعـة وسكيـن ................وحـظ توسـد بالمراسـي مـخـده جيت اسألـة بالله قللـي ولـد ميـن ...............وبغي يجاوب واختنـق صـوت رده أنـا يتيـم ومـا لدربـي عنـاويـن ...............وجزر الحزن فينـي يسـاوي لمـده وطعم الطفولة ما عرفته لهـا لحيـن .............وثوب السعادة صـرت مانيـب قـده ابكي إلى من شفت غيـري سعيديـن ................ليـن البكـا فينـي يوصـل لحـده واقفي ورحت امسح دموعي من العين ...............وعيني تناظـر دمعتـه فـوق خـده وهذا اللي يجـرح القلـب جرحيـن ..............ويمد حبل الحـزن غصـب ويشـده |
طرح قمة الروعه سلمت الايادي |
يسلم رووحك ي الغلا لاعدمتك يارب |
قصـيـــدة أليييممممــهه كلماتها رآآئــعــــه ومــؤثـــرة سلمت يمنـااك ع الطـــرح الرآآئــع وأشكرك لحسن أختيـاارك ودي لأرووحك العـذبـه |
يسلم قلبك لبى طلتك ي الغلا |
جمال السطر والمفردات رقه المعنى ..وعذب الاحساس فرفرف حرفنا بالقلم الى جنان قد نضحت بالمعاني على سطركم ابداع فوق ابداع وجمال يفوق الجمال سلمت و سلمت ذايقتك التي خطت ارق الكلمات واجملها وردي على جنبات سطركم واعجابي يقبل نصك |
يسلم قلبك لبى طلتك ي الغلا |
| الساعة الآن 05:18 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010