شبكة همس الشوق - حبك تراها ماهي بس كلمة

أحبك أحبك أحبك تراها ماهي بس كلمه..

لكل من جاء بدون شعور أنااااا أحكيها..

اهي كلمه بها أحساس بها معنى بها ذمه..

تموت الكلمه في صدري وتنقتل بما فيها..

ولأني اقولها لأنسان وهي في الأصل ماتهمه..

كبيره حيل هالكلمه ورب البيت فهمتها.

تبيني لك انا اشرحها كانك جد مهتم

بسيطه خذ لك طفل وعلى ايدك ربيه..

عطه من حنان قلبك حنان يغطي هالأمه..

وبعد مايكبر بحضنك لأهله روح وديه..

وشوف حالتك بعد فراقه كيف منغمه..

إلي منك شعرت صدق خلاص انك فقدته.

وهو لك كان الدنيا ونبض القلب ودمه..

وفجأه أختفى عنك وقالوا اليوم انساه..

وانسى لما قالك أحبك حييييل يايبه..

امانه بس ابي اعرف يجيلك قلب تنساه.

وتعديه مجرد حلم بس الوقت ماتمه..

وش يعني الحنان اللي من قلبك عطيته.

طبيعي هالعطا مهما نقص أو زاد في حجمه..

غريزه نابعه من القلب ولاتدري وش فيها..

وكان قبل لاينطق حكيه وقبل لايتمه..

تعرف اللي بيقوله قبل لانت تسأله..

غلاه وش هو يعنيلك غلا خاله أو غلا عمه..

أوهو مجرد طفل مسكين وبعطفك حضنته..

وعادي لو خسرته طبيعي منت مهتم..

ابي تعيش هالقصه من اولها لتاليها..

وأبي تعرف وش المقصود منها ووش الحكمه..

ساعتها بس بتعرف أحبك ليه أداريها..

وليه بالتحديد هالكلمه ماهي بس هي كلمه..

وإذا كانت مشاعر صادقه والحب يحييها..

وترى ماهي حكايه غامضه وكلن حسب فهمه..

كثير أشياء تثبتها وكثير أشياء تنفيها..

وإذا مات الصدق فينا نموت ونندفن ..

وإلا إنا نعيش كذبه أنا وإنت مانبقيها..

ترى درب الهوى متعب مثل اللي يصعد القمه..

يبيله قلب مايتعب وخطواته يهديها..

لجل يقدر على المشوار ومايضعف أبد عزمه..

شفت شلون هالكلمه كبيره حيل في معانيها..

ولا اذكر قلتها إلا لشخص ضلوعي تضمه..

عرفت إنت لي وش تعني هذاك الطفل عرفته