|
يا حاسدي يا حاسدي هذا أنا جيت أو رِحـْت والـواثـق بـْ نـَفـسَه ترى دايماً فـوق غالي وْبَعَد مملوح..ولا من تِمِلَحْت.. أزيد سِعْر الملح وْ يخلَص من السوق ما هَـزّنـي رايـك أسَـرّيـتـَه أو بِـحْـت سكـوتي ماهـو خوف لكن من الـذوق ما جادِل الجاهل وإذا صاح ماصِحْت أخاف بيـني وبيـنه إتـضيـْع إلـفـروق ماكنت في عْيوني عشان أزعل إن طِحْت ولا كلّ واحـد كِـلـْمـِتـَه تـِلـْمَـس الـعـوق يبقى القمر عالي.. وتبقى البشر تَـحْت كـِلٍّ يَـعَـرْفـه وْ مـا يـعَـرْف أيّ مخـلـوق في الناس لي مبدء..شعار أنحته نَحت (ودِّك تشوف الشخص/إخِذ منـْه منطوق) ولاّ إنـت لا ذمّـيـتـنـي أو تِـمَـدّحــت .. تـرى الـقـرادة ما دَرت عـنّـهـا الـنـوق ما هو غـرور اللي أقـوله و صَـرّحـت بالـّزين إخِذ عيني وتعال إسكن الموق النخلة ما تعطي الرّطب مهما لَـوّحت تجـني رطـَبـها يـوم تـرقـى للـْعـذوق بعْض البشر يحرجْك من ذوقه البَـحْت والبعْض لوببلاش ما يسوى في السوق وهالنوع لا صادفني.. صدّيته ورِحت عشان يعرِف حجمه وْ يصحى ويْـفوق |
رد: يا حاسدي صح نبضك واحساسك الله يعطيك العافيه على جمال الابيات مودتي :2: |
رد: يا حاسدي مرام تغيرت معالم صفحتي بمرور فاق الوصف وطربت كلماتي فرحا بثناء فاق الثناء فشكرا لتعطيرك متصفحي واشراقك أرجاءه تحياتي واحترامي |
رد: يا حاسدي مبدعه دائماً في إختياراتك ونزفك الراقي والعذب لامس هذا النص مشاعري وعزف على أوتار قلبي فعلاً نص راقي ويدل على ذائقه راقيه ومتألقه كلمات لها أبعاد نفسيه تصل إلى أعماق النفوس وتبحر في دماء الشرايين نعيشها لحظات ونسكنها أمكان وأوقات هذه هي أبعد مراحل الإندماج في كل مرّه اقرى لك من نبض قلمك الرااقي احد نفسي اعيش جماال الحرف وروعة الطرح وانتقاء المفرده بكل احسااس رااقي وشعور طاااغي وجاااذبيه لاتقااااوم،، كل الشكر والتقدير |
رد: يا حاسدي حبي الاكيد اكتمل متصفحي بمرور شذى حرفك وهو يطرز عباراتي بوشاح مفرداتك العذبه شكرا لمرورك واطرائك الجميل تحياتي لشخصك الكريم |
| الساعة الآن 07:48 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010