شبكة همس الشوق - كلام بعض البشر

كلام بعض البشر قاسي وبعضه لطيف
وبعضه لو إنّه قسا ،،، يرجع لحنيتّه . .
وترى النوايا مهي دايم بمقصد شريف
إما تجي صافيه ،،،، والا إنها مبيتّه . .
والناس نوعين تلقاهم خبيث ونظيف
أحدٍ يسم العسل ،،، وأحدٍ على نيتّه . .
الأول إن جاك يركض لاتحسبه وليف
ماهي بجية غلا / لاتفرح بجيتّه . .
هذا لو بيوم تحتاجه / بشيٍ خفيف
كنك تبي فزعةٍ من جثةٍ ،،، ميتّه . .
والثاني مهما خطا أو غاب قلبه
صخيف القلب الابيض يمون وتنغفر سيتّه . .
وإن جات للجد وإلا جاك ظرفٍ عنيف
والله لتلقاه قبل اخوك / بحميتّه . .
شخصٍ زيادة عدد / ورفاقته ماتضيف
وشخصٍ يزيدك عساها تزيد ذريتّه . .
وكاد محدٍ مخلد ،،، والبنادم ضعيف
عسى الله يعطي البشر كلن حسب نيتّه