أطالع للقمر واشوف فيه اغلب تواصيف
 

https://up.hamsalshok.com/do.php?img=32632

ليامنّي تذكّرتك ومرّ بخاطري طيفك
أحس اني معك في كلّ روحاتك وجيّاتك

أطالع للقمر واشوف فيه اغلب تواصيفك
هدوء ومنظر ونور وصفاء وبعض ميزاتك

ترا حبّي وحبّك ماهو بكيفي ولا كيفك
واذا تبغى تأكّد شوف سجّاتي وسجّاتك

جميع معاملاتي معك محفوظات بارشيفك
وكرتٍ فيه بصماتي تحصّل فيه بصماتك

أحبّك واعشقك واعشق رسايلك وسواليفك
واموت بشكلّك الجذّاب واخلاقك وعاداتك

ومن شدّة غلاك اعدّ صوتك من معاريفك
أخشّ بعالمٍ ثاني على نغمات نبراتك

أجل ماشفتني يوم انتظر جيّة صواديفك؟
على درب الامل , والشوق يرسملي علاماتك

واقول الحين ياقلبي تحرّكبك مجاديفك
على بحر المودّه واللقا قصدك وغاياتك

تكلّفك المسافه والرجا يدفع تكاليفك
يعنّيك المفَارَق واللقا ينهي معاناتك

https://up.hamsalshok.com/do.php?img=32632

رد: أطالع للقمر واشوف فيه اغلب تواصيف
 

سلمت أناملك
على روعة طرحك
كل الأمنيات بدوام عطاءك ،
ودوام إبداعك
دمت بكل الود

رد: أطالع للقمر واشوف فيه اغلب تواصيف
 

النورسيه
كل الشكر والامتنان على مرورك الطيب
نورتي الموضوع بوجودك
وزادت صفحتي نورا واشراقة بطلتك