عزاي إنك رجاي العذب لو كل الدروب عثور للكاتبة اديم الراشد

13 - 2 - 2022, 12:36 AM

الحين فهمت وعد ان الكل متحامل عليها دام السالفه فيها عقاب
طلعت وتركتهم وهي مصره على اللي براسها ام خلف : يا نوريه
وش فيك على البنت مهما كان وعد عاقله وتعرف مصلحتها
.
.
اماني: يمه هاللي قلتيه ثقيل حيل ! ليه تحسسينا إنا جالسين على
قلبكم
ام وعد :يابنتي ماهو ذا قصدي لكن ابي اتطمن عليكم ابي ازوجكم
وافرح فيكم
الكل سكت محد رد وكلهم متضايقين
.___________________
وفي بيت الجد قايد
كانوا سحر وعهد ومضاوي وهيا وشهد بالسطح جالسين
ويتقهوون لكن لفوا على دق باب السطح
وفزت شهد تفتح: وعد حياك
وعد بغضب: وين عمي محمد !
مضاوي: بسم هلل ردي السالم طيب
وعد : مضاوي مالي خلقك وين عمي
عهد : عشتوا ليه مالك خلق تردين السالم داخله على يهودين
مسكت نفسها وعد غصب ال تطلع حرت عقاب فيها: ابعدي عني
يا عهد ترا كل شياطين االرض قدام عيوني ال تخليني اسوي شي
اندم عليه
هيا: اذكري هللا يا وعد ومحمد في غرفته
مرت وعد بغضب ولفت سحر بخوف: بسم هلل وش فيها
عهد : فيها الطغيان اللي مالقت احد يكسر راسها عليه
مضاوي : انتي وش صاير لعقلك هاه انهبلتي وقعدتي؟؟ عهد
امسكي لسانك ال اقول لعقاب
عهد صدت وسكتت
اما وعد طارت لغرفة محمد وهي مالها نصير اال محمد دقت الباب
ودخلت : عمي فاضي
اعتدل محمد وهو يبعد الجريده: اي يا وحش تعالي
صدت وعد بضيق : الظاهر بتناهشني الوحوش يا عمي ويضيع
هاالسم مني
فز محمد بخوف : وعد وش فيك!؟ وش صاير !
جلست وعد بضيق: عمي طلبتك مالي اال انت تفهمني
محمد : ابشري قولي وش فيك!
وعد قالت له عن خطبة مبارك وخطبة عقاب وقالت انها رافضه
عقاب وال تبيه وتكرهه وال قالت كل التفاصيل وانصدم محمد:
وش صاير لكم انتم! كل واحد عاف ولد عمه وال يبيه!
وعد : ياعمي ادري ان عقاب ولد عمي واحسن من الغريب
واعرف اني ما احصل احسن منه واعرف اني كل شي بينحاس
برفضي له لكن ياعمي افهمني ما اطيق عقاب ما اواطنه وتعرف
ان ال انا وال عقاب شخصياتنا تتوافق وتعرف اني لو بتزوجه من
ثاني يوم بيذبحني وال بهج وتطلق انا وياه ما يصير نتزوج وانت
بنفسك قلت الزواج ماهو غصب واجبار
محمد سكت بحيره وهو فعال يعرف انهم اكثر اثنين مايصلحون
لبعض وعد قويه وعقاب طاغي : انا ادري يا وعد لكن كيف نقنع
ابوك
وعد رغم مرارة القرار اال انها كابرت على نفسها وقالت بعد ما
الكل ضغط عليها ووصفها باالنانيه وانها موقفه نصيبها ونصيب
اخواتها : انا موافقه على مبارك لكن ابيك تفهم ابوي ان كل شي
قسمه ونصيب وال يجبرني على عقاب
انصعق محمد من قرارها ولف :يا وعد انتي متاكده !؟ انتي
تقولين مبارك شايب
وعد بغصه: فرق العمر مو مهم
ابعد محمد ووقف يناظرها بحيره وقرب : وعد اذا ما تبين مبارك
محد يقدر يجبرك ابد ال عليه وال على عقاب .
.
. ــــــــــــــــــــــــــــــــــ.
.
ابعد محمد ووقف يناظرها بحيره وقرب : وعد اذا ما تبين مبارك
محد يقدر يجبرك ابد ال عليه وال على عقاب
وعد كانت متاكده ان مجرد ما ترفض مبارك بينجن ابوها
ويجبرها على عقاب ويمكن الكل يأيده قالت بهدوء عكس البراكين
في صدرها: ال ياعمي انا استخرت وارتحت لمبارك لكن ابيك
تحاول تفهم من ابوي وال تقوله اني قلت لك شي
محمد : زين
طلعت وعد وتركت محمد في صدمه مايدري وش صاير لعيال
اخوانه كل واحد عايف الثاني وكل واحد يفضل الموت على الثاني
وهو مذهول اصال من عقاب شلون يخطب وعد وهو ما يواطنها !
لكن اصرار وعد على مبارك في ريبه ماكان يدري كيف بيحل
القصه لكن فيه سر ورا كل هاللي يصير فيه سر بين عقاب ووعد
.___________________
عند وعد طلعت وهي تحاول تتماسك وما تنهار هي ما تبي مبارك
لكن عندها فرصه تتفتك فيها من عقاب ومن اللوم اللي يوجهه
لها من اهلها كانت تفكر بأنها تتزوج مبارك فتره وترجع مطلقه
او انها تشكل مبارك على ما تبي وتقلبه وسيله تحقق فيها امانيها
لكن قبل توصل لبيتهم لفت على صوت ضحك شامت فيها ولفت
وهي البسه جاللها ومتغطيه بس معروفه وعد وفارقه بين البنات
بطولها وورزتها
ما توقعت يكون عقاب موجود وفالسطح وكل البنات في بيت ابو
خلف ناظرته بحده
وضحك عقاب بشماته اول ماشافها تمشي بضيق وقهر واضحه
عليها : قلت لك بتندمين وما طعتي لكن هاذي اول بشاير الخير
واول خضوعك انك تمشين وعينك باالرض وان شاء هللا الجاي
اعظم وهذا انا اقولها لك وبخلي لكالمي من اسمك نصيب وعد
علي يا وعد لتشوفين على يدي اياام تساويك باالرض وال ترفعين
عينك وال توقفين بكل هالطغى كله وخذي وعدي على محمل الجد
ضحكت وعد بإستهزاء وهي تناظره بنفس الحده والوقوف
الشامخ : اعلى مافي خيلك اركبه وربك يا عقاب مثل ما يكون
السمي نصيب في وعدك وربك الكون اشد عليك من اسمك واكون
انا عقابك من ربك وصدقني ليدفنونك تحت هالتراب ما تطول اللي
تبيه وانا وعد وقلت لك قبل انت مافي يدك اال تكيد مثل الحريم
لكن انا بتوصلك اخبار افعالي وهذا وعدي انا
تركته ومشت وهي قد تحدي عقاب ومستعده تدفع حياتها ثمن وال
تخلي لعقاب عليها سيطره
وقف عقاب بقهر وعلى قد ما انقهر من كالمها على قد ماهو
واثق بتخطيطه
.___________________
وعند ضاري
كان يمشي بالسوق ضايق صدره مايدري كيف يتصرف في
هالعزيمه اللي انبال فيها اخذ بعض االغراض اللي يحتاجها ورجع
للبيت دخل بهدوء وهو يمشي على مهل يخاف امه نايمه
ويصحيها بإزعاجه اول ما وصل المطبخ لف على صوت امه :
ضاري يمه جيت!؟
اسرع لها وهو يمسك يدها: ايه يمه ليه قمتي وانتي تعبانه
ام ضاري : سمعتك ما دخلت زي العاده خفت ضايق صدرك
ابتسم ضاري بخفه: ال يالغاليه ما فيني شي بس ماحبيت ازعجك
اخاف نايمه
ام ضاري : ال ياحبيبي ما تزعجني انت
ضاري : تعالي اجلسي اجلسي
جلست وهي تناظر االغراض اللي على الباب: وش انت جايب !
ضاري : جبت اغراض بسوي لك شي دافي ينشطك وبعد جبت
اغراض للعشاء
ام ضاري : هللا يعطيك لين يرضيك يا يمه
ضاري : امين
سكت شوي مايدري كيف بيقول لها بيجي له ضيوف ولفت ام
ضاري : يمه عالمك قلي ! واضح عليك الضيق
ضاري : ال يمه بس تعرفين خلف ونادر وعقاب قلت لك عنهم
ام ضاري : ايه !
ضاري : ادري ماهو وقته بس انهم بيجون اليوم البيت
وبيتعشون عندي
ابتسمت ام ضاري: وبس هذا اللي مضيق صدرك ! وانت ليه ما
تبيهم يجون
ضاري : ال يمه ماقصدي اني ما ابيهم يجون بس مابي استقبل
احد وانت تعبانه وبيزعجونك باالصوات
ام ضاري : ال ماعليك رحب بضيوفك يمه واترك الباقي علي ال
تشيل هم شي انا اسوي لك العشاء والقهوه و...
قاطعها ضاري: ال يمه وهللا ما تسوين شي وانتي مريضه ووقفتك
صعبه وهللا ماتمدين يدك لشي ابد انا بس ابيك ترتاحين ومابي
احد يزعجك والباقي اسويه انا
ام ضاري : ما يزعجوني ضيوفك يمه
ابتسم ضاري وهو يبوس راسها: هللا يخليك لي ، يال قومي
ارتاحي لين اجهز لك شي تاكلينه
ام ضاري : هللا يرضى لي عليك
دخلت ووقف ضاري يناظر البيت كانت حالته صعبه بدون حرمه
تهتم فيه هو ماهو ذاك الزود في ترتيب امور البيت كل اللي قدر
يسويه اكل خفيف المه ويغسل كم صحن ويكنس اي كالم واللي
يشوفه انه الزم ينظف البيت نظافه كامله هذا اول شي الزم
يسويه والزم يفكر بعشاء محترم يصلح لضيوف وهو مايعرف
يطبخ شي كبير اخذ نفس بضيق وبعد ما جهز اكل امه رجع
يحوس بالمجلس والبيت
.___________________

.
وفي الكويت
جاء جابر وهو يعلن ان الليله ملكة شيخه واستعجلوها عشان
ابوه عنده شغل الزم يطلع السعوديه وبدا الركض فالبيت والكل
يساعد ويشتغل ومحتاس
وليلى تساعد امها ومريم لكن كل ما فكرت تركض او تحرك
يوقفها صوت الخلخال ويذكرها بخلف لكن كانت تتجاهله وتكمل
ووقفت عند الكاميره تجهزها عشان تصور االحداث لكن دق قلبها
اول ماشافت المقطع االخير اللي كان فيه خلف وجابر وسوالفهم
ومررت المقطع بتحذفه لكن ما قدرت وطنشت هي ترجع لشيخه
وتصورها وتصور مريم وامها وكل شي قبل يجون الضيوف
وبعد ما انتهت جلست وهي ترجع تعيد الفيديو وابتسمت اول ما
ظهر خلف بالمقطع وهو مذهول لكن مبتسم استغربت ابتسامه
لكن اخذتها الذكرى لصوته ونظرته المتسعجله اللي يحاول يغضها
وال يناظر ليلى لكن واضح فيها لمعه غريبه
سكرتها وجلست وهو تسمع صوت االغاني
.___________________
في بيت الجد قايد
كان عقاب جالس بغرفته بهدوء يفكر وش بتسوي وعد ! دامها
للحين تتحداه واعتدل اول ما فتح الباب محمد ودخل : عقاب
عقاب : هال عمي
محمد : زين لقيتك صاحي
عقاب : امرني
محمد جلس وهو مالمحه جامده وسكت شوي وقال : بسألك
سؤال واحد ياعقاب وبتجاوب جواب واحد وواضح وصريح
عقاب : ابشر
محمد : ليه خطبت وعد !
استعد عقاب انه يبرر له نفس تبرير خلف لكن قاطعه محمد
بغضب: عقاب قلت لك جواب صادق! ال تقولين بنت عمي وال
تقولي هالخرابيط كلها انا ادري وانت تدري انك ما تواطن وعد
وال هي تواطنك
شد عقاب على اسنانه بغيض وابتسم مايبي يكشف نفسه: انا ما
اكرهه وعد لكن ما احب تصرفاتها لكن التصرفات ممكن تتبدل
وتتغيرر وانا ما عندي مشكله بعدها واشوف اني دامني نويت
اتزوج بنت عمي اولى بي
محمد: بناتك عمك ظ£! ؟ مالقيت اال وعد!
عقاب : الن عمي ما يرضى يزوج الصغار ويخلي الكبيره
محمد : ماهو عذر !
عقاب : انتم وش فيكم!؟ وش الذذنب اللي سويته عشان تجون
كلكم تحققون ! لذا الدرجه ما تشوفوني مناسب لها ؟
محمد : محد قال ذا الكالم بس اللي صار غريب
عقاب : ليه غريب!؟ محمد : الن وعد ما تبيك وتفضل انها تاخذ
الشايب وال تاخذك ؟ هذا ماهو غريب
ضحك عقاب : ابد طال عمرها هللا يهنيها ويوفقها انا اللي علي
سويته وهي بكيفها تاخذ الشايب تاخذ الشباب بكيفها
طلع بسرعه وتركه بغضب وهو مبسوط ان وعد تمشي على
خطته وبتزوج مباررك وبتمنى لو هي رضت فيه وال اخذت مبارك
بس مقهور انها تمشي وتنشر رفضها له في كل مكان
.___________________
.
.
في بيت ابو خلف
الكل كالعاده مجتمعين للقهوه ومحد يدري عن خطبة عقاب اال
بيت ابو خلف
ولفت ام ناصر: وش بالها وعد يانوريه تمر مثل الخفاش رايحه
جايه
ام وعد : مافيها شي تعبانه شوي
مضاوي : باهلل علموني مواعيد روقانها مشتهيه كيكتها
ضحكت اماني : جربي وقومي طلبيها
مضاوي :مالي خلق اتكفخ الحين كفايه علي عقاب
سكتوا على صوت الباب وكان فيصل وعزوز وسالم وغيث ودخل
غيث يركض :يمه ألحقي فيصل رجله تصب دم
فزوا كلهم برعب وركضت هيا: ليه لييه!؟
عزوز من برا : عمتي هيا خذو طريق بندخل فيصل
ابعدو كل البنات ودخلوا فيصل
وشهقت ام وعد : فيصل بسم هلل عليك وش فيك !
ام خلف : عزوز وش فيه!!
عزوز : كنا نلعب كوره وكلن بيشوت الكوره وشات الحديده
بالغلط وشكلها كسرت رجله
هيا :ال حول روح ناد اي احد يوديه للمستشفى
مضاوي : بشوف محمد اذا فيه
تعبى البيت صراخ فيصل وسالم وعزوز يركضون يدورون احد
يودي فيصل المستشفى
ونزلت وعد بصدمه: فيصل وش فيك !؟
فيصل : ألحقيني يا وعد بموووت بموت رجلي رجلي
وعد : وش فييييه!؟ سحر: كان بيشوت الكوره وضربت رجله
الحديده بالغلط
وعد : عمي محمد وينه!؟ رجعت مضاوي تركض : مافيه احد
وعد : بروح انادي خلف
ام خلف: راحوا عزوز وسالم
الكل وقف يناظر فيصل اللي دايما وابدا مايعرف يصبر
.___________________
اما عند خلف
رغم مشكله وعد اللي تحوس براسه اال انه يراقب نقطه فارغه
سرحان ومبتسم وهو ينتظر اللحظه اللي بترد ليلى على رسالته
ووش بتقول !؟
وقف على صوت جده يناديه ياخذ االغراض من الناس وشاف
عمه محمد جاي واضح في وجهه الضيق
خلف: عمي حياك
محمد : هال خلف وين ابوك!

13 - 2 - 2022, 12:37 AM

خلف: مدري وهللا الظاهر مع ابو ممدوح
محمد : زين وابوي
خلف : توه راح لدوانية الشيبان محمد: زين اجلس ابيك بكلمه
خلف : امر
محمد : اكيد انك عارف عن خطبة مبارك وبعد عقاب
تنهد خلف بضيق: ايه ادري لكن االمور ماهي تمام
محمد : ايه جت وعد وقالت لي
خلف : دامها قالت لك اكيد قالت عن رفضها لعقاب
محمد : ايه
خلف : وانت وش تشوف!؟ محمد : كلنا متفقين الزواج مافيه
غصب !وبيني وبينك ما اشوف انها هي وعقاب مناسبين لبعض
نعرف عقاب نار وشرار ووعد قويه وال تحب احد يحكمها
والنتيجه بتكون وخيمه
خلف : انا معك لكن ابوي!
محمد : وعد تقول انها موافقه على مبارك وعقاب خطبته كانت
في حال ان وعد رفضت مبارك تصير خطبته يعني عقاب معلق
على رفض مبارك
خلف : عمي ال يكون بتأيدها على موافقتها لمبارك!
محمد : اذا هي راضيه مالنا شغل احنا
..
قبل يرد خلف فز على صوت عزوز وسالم ينادونه : ألحق فيصل
خلف بخوف: وش فيه؟؟ عزوز: رجله انكسرت
طلعوا كلهم متجهين للبيت واخذوا فيصل للمستشفى وهم
مختبصين
!.___________________
المغرب في بيت نادر
جلس وهو يناظر وش مسويه شوق اليوم وش طابخه كان
مصدوم انها تعرف تطبخ
ولف لها: شوق
شوق : سم
نادر : اليوم معزوم على العشاء وما ودي اخليك لحالك
ابتسمت شوق : طيب قول لخلف يجيب وعد
ابتسم نادر: هللا هللا يعني الحين بترسمين لي صداقه مع وعد
شوق : يعني ما اعرف اال هي
سكت نادر وهو يدري ابو خلف مايطيقه وال يطيق اي شي من
طرفه ومستحيل يخلي بناته يجون وال شوق تروح لهم
وقربت شوق وهي تشد على ذراعه: وش فيك ضقت؟ اذا ما تبي
خالص
نادر اعتدل وهو يمسك يدها: ال مو هذا قصدي لكن بيني وبين ابو
خلف مشكله وبالزوور لين اقابل خلف وعلى كذا مستحيل يرضى
ان وعد تجي او انك تروحين لهم
ابتسمت شوق بهدوء: مو مشكله ابد اللي يزعلك ويضيق صدرك
انا ما ابيه
ابتسم نادر بحب : وش رايك تجين معي الم ضاري!؟ شوق :
فشله ما عزمتني اروح كذا
نادر سكت بضيق وقالت شوق : شوف ما عليك انا يخلص تنظيف
البيت شوي شوي وناظرر التلفزيون شوي وبنام ماعليك انت
نادر: زين ما رح اطول انا برجع بدري
وقف نادر يجهز وشوق تساعده وتسولف معاه وهي تحس الحياه
معاه اسهل من حياتها قبل
.___________________
في بيت ابو خلف
الكل كان ينتظر فيصل ومتوترين واخيرا وصلوا
ووقف ابو خلف يناظرهم ودخلو فيصل وجلسوا
ام وعد: بسم هلل عليك يمه ، وش فيه يا خلف وش قالوا له
جلس خلف بتعب: مافيه اال العافيه ، ضربت رجله بالحديده
وانجرحت وصار فيها فك بسيط وان شاء هللا ايام ايام ويطيب
ماعليه شر
ابو خلف: فيصلوه كم مره اكلمت عند هالكوره ياولدي انت خبل!
فيصل: يا يبه وش نسوي ماعندنا شي اال الكوره
محمد : بسيطه يا رجال ماصار شي ، المهم انا بروح
ابو خلف : وين رايح اجلس للقهوه
محمد: ال ال بروح انام شي
طلع محمد ولفت حنان: خلف تبي شي قهوه شي!؟؟
خلف : ال بس ابس مالبس نظيفه معزوم على العشاء
ابو خلف : عند مين!
خلف: ضاري
ابو خلف : ال تتأخر
خلف : زين
ام خلف : خلف يا روحي اخذ معك الكمام احتياط اذا حصلت دخان
نار وال شي يضرك
خلف : ابشري يمه ابشري
طلع للغرفه وقبل يدخل راح لوعد اللي جالسه بهدوء وهو للحين
في بالها ضحك عقاب
خلف :وعد وش تسوين بلحالك
وعد : وال شي
خلف : وش تفكرين فيه
وعد وقفت وهي تطوي جالل الصالة : كنت اصلي واستخرت
تكتف خلف: وان شاء هللا وصلتي لحل
.
.
. ــــــــــــــــــــــــــــــــــ .
.
تكتف خلف: وان شاء هللا وصلتي لحل
وعد وهي تحاول ما تبين انهيارها : ايه ، وياليت تبارك الختك
قطب خلف بغضب : مصره على مبارك
وعد : هذاك بعينك شفت فكرت واستخرت وشفت ان نصيبي مع
مبارك
خلف : نصيبك ذا على قولك بنيتيه حاجز عشان ما تفكرين بعقاب
!
وعد : ماودي اني اكلمك كذا ! لكن تصرفنا متشابهه ياخلف
الحاجز اللي بنيته ببمبارك ضد عقاب على قولك مثل الحاجز اللي
سويته انت بينك وبين سحر عشان ليلى
احتدت نظرة خلف وقرب بغضب: قلت لك هالموضوع ال تفتحينه
يا وعد
وعد : اجل ال تفتح سالفة عقاب
خلف : زين يا وعد سوي اللي بتسوينه لكن ذنبك على جنبك
ابتسمت وعد : ماعليه اعرف متى اشيل ذنبي واعرف انه
الغلبني وطحت بتجي وتشيله عني
ضاق صدر خلف من كالمها واتجهه لها : وعد يا حبيبتي انا ما
ابيك ترمين نفسك بمتاهه وكله عشان ما تبين عقاب
وعد : انا ماني راميه نفسي لكن اشوف نصيبي مع مبارك
ارتخى خلف بهدوء : قلت لك الشور شورك لكن انا ماني راضي
راح وتركها وهو مايبيها ترتكب جريمه في نفسها وتزوج مبارك
عشان تكون في الحل الوسط وترضي كل االطراف
وجلست وعد بضيقة صدري وهي تدري ان قبولها لزواج عقاب
كارثه بتدمرها وتدمر اهلهم من بعدها الن مستحيل تسكت على
ضيم عقاب وبعدها بتكبر المشاكل
ورفضها لعقاب يمكن يسبب زعل بسيط لكن تنحل القضيه بقول
ان مبارك سبق وخطب ونصيب له حتى لو زواجها من مبارك
سجن لكن افضل كثير
.___________________
وفي بيت ضاري
انكسر ظهره ينظف ويعيد التنظيف مليون مره ويحوس ستين
حوسه عشان يطلع المكان بأحسن وجهه وقف يناظر العشاء اللي
بيسويه ولف على صوت امه: ياضاري خلني اسويه انا يا امي
ضاري: ال ووهللا بسويه انا
ام ضاري : بس انت ما تعرف
ضاري: اتعلم ماهي مشكله
ام ضاري كانت بتعترض بس جلسها ضاري : انتي عطيني
التعليمات وانا اطبق المهم خليك مرتاحه
ضحكت ام ضاري : يوم اقولك خلني ازوجك عشان هاليوم يمه
ضحك ضاري : خلينا ننهي هاليوم وبعدين نفكر في الزواج
ابتدت تعطيه التعليمات وهو يطبق وانتهى تماما من كل شي وهو
ميت تعب لكن راضي
وركض يبدل مالبسه عن الحوسه قبل يجون
.___________________
عند نادر
كان واقف ينتظر خلف وعقاب اللي بعد ظ،ظيمنع دقايق ووصلوا
خلف : يال
نادر بقلق: ايه
عقاب : وش فيك!؟
نادر : اسمعوا ما بنطول ساعه ونرجع
خلف : ليه!؟ نادر : ياخي مقدر اتأخر على شوق في البيت لحالها
عقاب : ياشيخ وش بيصير لها
نادر: عقاب هللا يرحم والدينك ال تغثني وانت ما تدري وش انا فيه
.
خلف : تعال تعال ورا ما تجيبها عند البنات؟ تنسبط معهم شوي
نادر: ياخي ابوك قصه لحاله
خلف : مب شرط بيتنا تروح عند عماتي
عقاب : ايه بيت جدي مايقول شي
نادر : مامعنا وقت وهللا
خلف : معك وقت ارجع اخذها وانا بكلم البنات يال بسرعه
ماعطاه خلف فرصه ورجع مسرع للبيت هو وعقاب وقالوا لهم
بتجيهم ضيفه وفهموهم انها زوجة نادر والزم ينتبهون زين
هيا: هللا يصلحكم ليه ما قلتوا لنا على االقل نجهز شي
مضاوي: وبعدين وش هالزياره بعد العشاء !
خلف: يا بنت الحالل ال تعتبرينها زياره اعتبريها جمعة بنات
اسهروا واستانسوا لين نجي
هيا: خواتك يدرون
خلف: بقولهم الحين
رجع خلف ينادي البنات وبذات وعد ويقولهم عن شوق
واستفروا البنات يجهزون
ونفس االستنفار عند نادر اللي رجع لشوق اللي ارتبكت
وانبسطت بنفس الوقت ولبست بسرعه وطلعت : نادر كذا تمام!؟
ناظرها نادر ببتسامه: تمام التمام
شوق: مدري احس فشله جايه هالوقت
نادر: ماعليه فالنهايه جمعة بنات وبتطمن اكثر
شوق : زين
نادر: زي ما اتفقنا ال تخلين احد يضايقك طيب
شوق : طيب
اخذها وطلع لبيت ابو ناصر وابتسم لخلف اللي ابعد وهو يقول :
حياك هللا وانا اخوك ادخلي
دخلت شوق وهي خايفه لكن استقبلتها مضاوي مبتسمه : حياك
هللا
دخلت معها شوق وشافت الكل مجتمعين ماعدا ام وعد اللي
جالسه مع فيصل وتطمنت اول ماشافت وعد اللي قربت تحضنها
ببتسامه
وتجمدوا كلهم اول ماشافوها صغيره ومنحرجه
.___________________
عند العيال اتجهوا
لبيت ضاري على الوصف وهم ماعمرهم شافوه ولف نادر يناظر
البيت الشعبي اللي نوعا ما قديم : اذا هذا بيتكم ماني قايل اال
حسبي عليك يا عقاب
عقاب : خير ان شااء هللا!؟ وش دخلني!
خلف : وش اللي وش دخلك كفايه انك محرج الرجال ومجبره
على العزيمه
عقاب بال مباله: ماعليه نعلمه المرجله
نادر: اص يا ابو المرجله اص
دق الباب خلف وجاهم صوت ضاري من بعيد وفتح الباب مبتسم:
حياكم هللا
الكل: هللا يحيك
ضاري: تفضلوا تفضلوا
دخلوا وهم ودهم يلفون على عقاب ويكفخونه وكان ضاري مرتبك
شوي وواضح وراه شي شايل همه وجلسوا يتقهوون وضاري
يروح ويجي للمطبخ باستمرار خايف ينحرق العشاء
عقاب : وش بالك كأنك مقروص الظاهر ماتعودت تستقبل ضيوف
ابتسم ضاري بحده:ال وهللا متعود لكن مثلك عارف انا انسان ما
اعرف اثني رجلي واجلس اهذر على الفاضي والمليان
ال وهللا احب اظهر بأفعال اكثر من كالم
.
ناظره عقاب بحده وهو يوجهه له هالكالم للمره الثانيه اول مره
وعد وهالمره ضاري وكلهم يصبون كالمهم في منبع ان عقاب
صاحب كالم وبس لكن ضحك باستفزاز وقال: ايه صح تحب تظهر
افعالك لكن بعد ما نمليها عليك بالكالم
احتدت النظرات واعتدلوا خلف ونادر تحسبا لأي مشكله بتصير :
اذكروا هللا كلكم ماعليكم قصور
ضحك ضاري وهو يصب القهوه: ارتاحوا يا شباب خلو عقاب
على راحته
رجع ضاري يتجاهل عقاب وهو وده يتوطى بطنه وهالشعور
مشترك من الكل لكن عقاب كان مبتسم بنفس االستفزاز
.___________________
في الكويت
كانت اجواء الفرح تعم المكان والحضور اكتمل وليلى مثل عادتها
ماسكه الرقص وتصوير وماهي مقصره وفرحانه لشيخه وبتموت
من فرحها
كانت تنتقل بين الحضور اللي كانوا من العايله والحفله عائليه
بسعة صدر ووقفت وهي تثبت الكاميره وتنتظر دخول جاسم وهي
البسه عبايتها ومتحجبه ودخل معه جابر اللي التفت لليلى
ببتسامه: صوريني وياهم
ليلى: زين روح
ودخل ابو نهيان ونهيان وبدت المراسم والكل مبسوط وليلى
تسمع كل وحده تبارك تقول : عقبال ليلى
كانت باالرج بتقول : امين
لكن في نفسها شعور يخليها تخاف من هالدعوه دام نطاق
تفكيرها صار محكور على خلف هااليام
ابتسم وهي تسمع صوت جابر يناديها عشان تكون بالصوره
معهم وابتسمت ودخلت معهم
وبعد فتره طلع جاسم عشان يترك لهم الحريه
وقالت ام بدر عمتهم: عقبال ليلى
ورفع جابر يده بضحك : يارب يارب تسمع وتستجيب ياهلل
ضربته ليلى بقهر: خيييير شنو فيك حاط دوبك من دوبي
ام نهيان: يدعي لچ
ليلى: مابي هالدعوه
نهيان: لا وهللا ما نبيها الحين استغفر للله بس كفايه علينا شيوخ
مريم: لا تحسد اختك الخير

13 - 2 - 2022, 12:38 AM

مريم: لا تحسد اختك الخير
نهيان: مو حاسدها الله يبارك لها لكن زواج البنات صعب صعب
ضحكت ليلى: كفو اخوي اللي يقول الكلام السلام
ابو نهيان: ماعليه هاذي سنة الحياه
جابر: اوووه باعچ ابوي اخيراً
ليلى: افا يبه
ضحك ابو نهيان وهو يحضنها ولفت شيخه باحراج اول ماحضنها ابوها بعد
ام بدر : ابو نهيان يا اخوي متى بتردون السعوديه!؟
ابو نهيان: بكره ان شاء الله
ام بدر : مو چنه مبكر
ابو نهيان: عندي شغل بخلصه بدري و ارد
ام بدر: زين
ورجعوا يكملون الحفل والكل مبسوط وليلى ودها يجي بكره وترجع لسعوديه
_______________________.
وفي بيت الجد قايد
الكل جالس بصمت يناظرون شوق اللي ما تناظر احد
.

وفي بيت الجد قايد
الكل جالس بصمت يناظرون شوق اللي ما تناظر احد ما ترد على احد
ام ناصر : حياك الله يا شوق
شوق : الله يحيك يا خاله
ام خلف كان مصدومه من شوق وضايق صدرها عليها لكن كانت تحاول تهون عليها: كيفك يابنتي كيف اهلك وكيف نادر
شوق : حمدلله كلنا بخير
وعد كانت مبسوطه ان شوق بخير زي ما تشوفها لكن ماكانت وعد تبين ضيقها وحزنها : شوق هذولا خواتي اللي قلت لك عنهم
بدت تعرفها بالكل وشوق مبتسمه بعد نص ساعه راحو الكبار وبقوا بس البنات
وقربت عهد : شوق كم عمرك! معليش على السؤال بس شكلك مايعطي انك انسانه متزوجه
ابتسمت شوق بخجل : انا عمري ظ،ظ¥
قالت مضاوي تبي تغير جو الرسميه وتقلب الموضوع ضحك: عطيني السر اللي خلاك تزوجين بهالسرعه لان كل الشله اللي جالسين قدامك عوانس
ضحكوا البنات ولفت اماني بمزح: افا يا مضاري شصار على الچويتيين !
مضاوي: هنا مربط الفرس ابي حل سريع يجيبهم
هيا بفشله: ماعليك منهم ترا كل وحده اخبل من الثانيه وهذا سبب العنوسه
ضحكت شوق: لا عادي
وجدان: يعني انتي بعمرنا تقريباً
شوق: ايه
شهد: وخلصتي دراستك!؟ شوق ابتسمت : لا ماكملت بس نادر يقول بكره نروح ناخذ اوراقي واختبر
ابتسمت وعد بفرح: حلوووو يعني نادر ماعنده اعتراض
ابتسمت لها شوق بحب : لا بالعكس رافض اني اتركها
تطمنت وعد على شوق كثير وقالت سحر : ليت نادر يعطي عقاب شوي من تفكيره
عهد : عقاب تفكيره منطقي
طنشوها كلهم ورجعوا لشوق يسولفون معها ودخلت معهم ورغم انها شايفه شرود وعد الا ان وعد ثابته وما اهتزت رغم العواصف اللي داخلها
_______________________.
في بيت ضاري
الجو كان راكد وسوالف وبعد شوي جاء تركي اللي ابتسم اول ماشاف خلف وسلم عليهم
ضاري : هذا تركي هذا نسميه سلطااان المشاعر والفن
ضحك نادر: واااضح طال عمره وجهه سمح
تركي : الله يسلمك
خلف: خذوها مني شهاده يا عيال اللي ضايق صدره يجلس مع تركي يغني له
نادر: لا تجيبون لي طاري الضيقه والا بجلس عنده ظ،ظيمنع سنين قدام يغني لي
تركي: افا بالخدمه يا معلم
ضاري : نادر صدقني بينفعك انت بذات
عقاب كان ساكت يناظر تركي وضاري وكارهه تركي من كرهه لضاري وماكان يرد ويناظر الساعه غالب الوقت وانتبه له ضاري وابتسم: اقول عقاب عسى ما أخرناك على شي!
عقاب : لا ابد انا فااااضي لك وقاعد على قلبك صدقني
دقه خلف بكوعه وهمس ( عقاب مصختها خلاص)
ضاري : لا ما عليك مصدقك دامك عازم نفسك اكيد فاضي
حس تركي ان فيه شوشره بالجو وقطع السالفه وهو يقول: ضاري كيفها امك بعد ماكانت تعبانه .
.
.
حس تركي ان فيه شوشره بالجو وقطع السالفه وهو يقول: ضاري كيفها امك بعد ماكانت تعبانه
لفوا كلهم لضاري وهم مايدرون ان امه تعبانه ومع ذلك مستقبلهم وهم يعرفون انه وحيدها
ضاري : حمدلله احسن اليوم
خلف : ضاري شفيها امك!؟ نادر: ليه ما قلت انها تعبانه عشان نأجل العزيمه على الاقل
ضاري : ماله داعي هي بخير الحين بس تعب الكبر
بحسن نيه قال خلف : وانا قلت لك العشاء نبيه بالبيت وتعبناها الله يطول بعمرها
ضحك تركي : لا ماعليك يا خليف ضاري هو اللي يطبخ امه الله يسعدها ما يخليها تسوي شي
التفت له ضاري وهو يأشر له يسكت وقال تركي بسرعه: يعني ضاري يحب امور الطبخ
لف نادر يناظر خلف وتفشلوا من جيتهم وواضح حوسة ضاري اللي يغيب فترات ويرجع
هالمره بس اللي حس عقاب انه ماله داعي وتفشل وهو توه يحس انه ضغط على ضاري بهالعزيمه
بالقوه تحملوا لين نزل العشاء وكان بسيط وتعشوا وحلف ضاري مايرحون الا بعد الشاهي
كان تركي ينوب على ضاري في المجلس لين يرجع لكن رجع ضاري مبتسم ووقف على الباب : يا شباب امي ودها تسلم عليكم
لفوا كلهم على بعض منحرجين ايه يعرفون اطباع الناس قديمين والكبار بس مستكثرين انها تعبانه وجايه تسلم عليهم اما تركي متعود
وجات ام ضاري اللي لابسه جلالها الطويله غطاها وهي مستنده لضاري : سلام عليكم
فزوا كلهم واقفين : هلا والله
ام ضاري :وشلونكم ياعيالي
الكل: بخير حمدلله
خلف : العذر والسموحه ياخاله جينا في وقت ماهو مناسب لكن ضاري الله يهديه ماقال انك تعبانه والا كان نأجلها
ام ضاري : ابد والله جيتوا في وقتكم وحياكم الله في بيت اخوكم وانا بخييير دامني اشوف ضاري بخير معكم
ابتسم ضاري لها وقال نادر: الله يخليه لك ياخاله ونعم التربيه ونعم الرجال ضاري والله يمد بعمرك ويحفظك له
الكل: اميين
تركي بضحك: الله ياخاله سمعت انك بتزوجينه زوجيني معه تراني وليدك بعد
ضحك ضاري : قايلك لا تحسدني
ام ضاري : الله يرزقكم كلكم
ولفت تشوف عقاب المتكتف وبانت في ملامحه الضيق وصاد ولا يشاركهم كثير
والحال انه تضايق من نفسه وتضايق اكثر وهو يشوف حب ام ضاري له وضاري بعد وحن لامه ولابوه وحن لهالمشاعر الطيبه والحنينه
ام ضاري لعقاب: اقول ياوليدي عسى ما ضاري مضيق صدرك ولا ماعجبك عشانا
لفت عقاب بذهول لها ولحنية صوتها: لا والله ياخاله كثر خيركم
ضاري ببتسامه: والله لا تجيبين طاري الشكاوي له ترا قلبه مليان علي
عقاب: يعني ياخاله ولدك يبي له قرصة اذن تعدله شوي
ضحكت ام ضاري : اعرفه اعرفه لكن انت ما انت بعيد عنه ( تقصد انه يشبهه ضاري في تصرفاته) .
.
.
ضحكت ام ضاري : اعرفه اعرفه لكن انت ما انت بعيد عنه ( تقصد انه يشبهه ضاري في تصرفاته)
نادر: اي والله ياخاله ما نجلس معهم الا يتهاوشون كل واحد اردى من الثاني
ام ضاري ببتسامه: ايه ماعليه مهما تهاوشوا يبقى زعل اخوان
خلف : صدقتي لكن لا تعبين نفسك اكثر وارتاحي
ام ضاري : مرتاحه لكن قلت بشوف هاللي طاير فيهم ضاري تركي ونعرفه وهذا حنا عرفناكم وودعناكم الله
راحت وخلت وراها ابتسامه على وجيه الشباب لكن عقاب كان ممتلي حزن وحنين
اخذ اغراضه ولف بهدوء: كثر خيرك يا ضاري
ضاري : خير الله اجلس ساهرين
عقاب : اكتفيت من شوفة وجهك الرضي
نادر: وش ذا الخضوع
ضحك ضاري : لا يغرك لسانه الحلو هذا اسلوب تخفي
تركي : بالله تهاوشوا دايماً خلوني اوسع صدري شوي
خلف : فاضي ياتركي حنا يالله نركدهم
نادر: المهم ياضاري مشكور وتعبناك معنا وبعدين لا عاد تخبي شي
ضاري: ابشر
نادر: خلنا نشوفك تركي وانا بذات ابيك بكلمة راس
ضحك تركي: كلمة راس تحتاج العود!؟ نادر: عود ومناديل بعد
تركي: وضعك خطير
خلف: لا تعطيه وجهه تراه يحب الدراما، يلامع السلامه
طلعوا كلهم وتركوا ضاري اللي رجع منهد حيله نظف الحوسه وبعدها دخل في دوامة نوم
_______________________.
وفي بيت نادر
بعد ما اخذ شوق ورجعوا لبيتهم ارتمى بتعب وجلست شوق بجنبه بهدوء وهي مبتسمه : هاه انبسطت فالجلسه
تكى نادر على ذراعه: انبسطت لكن تفشلت اكثر
شوق: ليه !
نادر: سالفه طويله ودي اني مسكت عقاب قبل يروح وغسلت شراعه لكن اختفى قبل اصيده
شوق ضحكت: عقاب اخو البنات وواضح من كلامهم انه اقشر
نادر: الله يصلحه غربل نفسه والعالم معه
شوق: طيب وش صار!؟ نادر: عقاب مايطيق ضاري وفي كل فرصه يحاول يحرجه ويصغره قدام الكل وعاد عقاب حقده شييييين المهم انه طال عمره عزمنا عند الرجال بدون ما يستحي ووافق ضاري لكن المسكين طلعت امه مسكينه تعبانه وهو يكرف بالطبخ والبيت لحاله وحالته بالويل وعقاب مازال يشوف نفسه ماسوى شي الا انه يعلمه المرجله على قوله
شوق : ماله داعي عقاب مهما صار لا يحرج الرجال
نادر: هذا اللي مخليني ودي اكفخه
شوق : عاد خواته وعماته يجننون
بحركه غير متوقعه سند نادر راسه لحضن شوق للي ارتبكت وقال بدون ما ينتبهه: كيف شفتيهم سولفي لي يعني وش صار
تداركت شوق ارتباكها وهي تحاول تهدي خجلها وبدت تسولف له عن البنات وشخصياتهم وسوالفهم وكيف انبسطت ونادر مبسوط انها اخيراً حصلت احد تستانس معه
_______________________.
وفي مكان بعييد
على اطراف الشاطي البعيد كان هناك عقاب اللي من سنييييين جمد مشاعره
.
.
.
وفي مكان بعييد
على اطراف الشاطي البعيد كان هناك عقاب اللي من سنييييين جمد مشاعره ومايبي يشوف اي موقف يحركها كان يتعمد يبعد عن اي شي ممكن يجدد حنينه وشوقه لأمه وابوه كان يجاهد نفسه عشان ما ينهار وهو للحين في قلبه مرارة وحرارة الموقف اللي ودع فيه امه وابوه سوا يتذكر بروده اجسادهم اول ماقرب يحتضنهم ويبوس راسهم وينقلهم لمثواهم الاخير يتذكر ثقلهم على يدينه الصغيره
غمض بقووووه وخنقه كان يحاول ما يبكي لانه لو بكى بينهار ! بيموت ومايقدر يوقف نفسه زي ما وقفها طول هالسنين وهو يتجاهل كل شي ويحط حيله في اخوانه وتربيتهم وكيف لازم يكونون وكيف لازم يخاف عليهم وهو يتذكر! هل سوا شي لاخوانه!؟ ولا كل افعاله مجرد كلام زي مايقولون
شد على صدره بحرقه يحاول يهون على نفسه: خلاص يا عقاب خلاص وش الفايده من انهيارك الحين ! ياعقاب صبرت سنين لا تترك نفسك الحين !لا ضاري ولا حتى وعد يقدرون يهزونك خلك مثل ما انت خلك قوي خلك عقاب
قال كلامه الاخير وما كمل صوته انقطع وانثنى جسمه من ثقل حزنه وبكى .. بكى شوق لأمه وشوق لابوه كان وده لو امه عايشه وتحضنه ام خلف اذا حضنته وتدعي له مثل ام ضاري اذا دعت له
في اخر مراحل التعب بدا يستجمع نفسه عقاب ووقف وهو يمسح دموعها بطرف شماغه اخذ نفس ومشى وترك هالانهيار المتعب عند البحر اللي في كل فتره يحس عقاب انه انهلك يجي هنا ويطلع كل شي بقلبه ويرجع للبيت
_______________________.
ومن بكره
كان بكره منتظر للكل منهم اللي ينتظره بشوق ولهفه للاحداث الحلوه اللي ممكن تصير فيه
ومنهم اللي ينتظره عشان يرمي الثقل اللي على كتفه بكلمه
بداية اليوم كانت فالكويت ..
كان ابو نهيان واقف وهو ينادي : يلااا يلا وينكم
طلعت ام نهيان: خلاص جينا
طلعت ليلى تركض لحماسها المعتاد : انا خلصت يبه
ابو نهيان: وين اخوانچ
شيخه: انا هنيه يبه
ابو نهيان : ويييينك يا جابر
طلع جابر بتعب : يبببببه ليش مطلعنا من صباح الله خير
ابو نهيان: متى تبي تطلع ان شاء الله ،يلا بس يلا
ركبوا كلهم واغلبهم ناموا بما ان الوقت مبكر الا ابو نهيان اللي يسوق وليلى اللي في اخر مرتبه بالسياره كانت مرتخيه بهدوء بتنام لكن تذكرت رسالة خلف وكيف بترد عليه!؟ ترد ولا ما ترد !؟ كيف بتتصرف بس لازم ما تسكت على اللي سواه وعلى جرائته المرعبه دق قلبها بخوف اول ما تذكرت الموقف
ومن هالمنطلق بدت تدور رد قاسي يوقف خلف عند حده
_______________________.
في بيت ابو خلف
الكل مجتمعين على الفطور وهادين مافيه الا صوت ام وعد تجبر فيصل يفطر زين .
اسسفه مره اني نسيت امس احط العلامة
.
الكل مجتمعين على الفطور وهادين مافيه الا صوت ام وعد تجبر فيصل يفطر زين عشان تتشافى رجله بسرعه
وغيث يسولف لخلف لكن كسرت وعد الصمت وقالت: يبه
لف ابو خلف : نعم!
وعد بغصه : انا موافقه مبارك
الكل رفع راسه يناظرها بذهول ولف ابو خلف بغضب: والله !؟ ترفضين عقاب وترضين بمبارك الغريب
وعد : اذا رفضت عقاب بتطيح الدنيا على راسنا
ام وعد :انهبلتي انتي عقاب اقرب لك
ابو خلف : وعييييد حطي عقلك براسك واعرفي وش النعمه اللي ترفسينها ولا بتسوين مثل سحر!؟ وعد : انا ماني سحر هذا واحد ! وانا مابي عقاب مو غصب
خلف : وعد وعد بس
ابو خلف : انتي مجنونه الظاهر اني عطيتك وجهه ليييييين طغيتي
خلف : يبه نرجع نقول السالفه ماهي غصب واللي ينطبق علي ينطبق على وعد وعقاب وبعدين كلنا نعرف لا عقاب يصلح لوعد ولا وعد تصلح له
ابو خلف : وانت صفيت معها
فيصل : انا صاف معهم بعد
وعد : اذا ودك تخسر عيال اخوانك وبنتك زوجني عقاب وانت تدري وش العواقب
ابو خلف : تهدديني انتي!؟ وعد : اما اهدد لا بالعكس مو اكلتوني ما تزوجتي وماتزوجتي هذاني اقولك موافقه على مبارك
ابو خلف بغضب: زيييين ياوعد زيييين لكن من الحين اقولك اذا حصل وتزوجتي مبارك وجاء يوم وشفتي منه الضيم لاتجيييين تقولين افزع يبه
ضحكت وعد : لا تشيل هم يا يبه انا ادبر نفسي
راحت ولف ابو خلف على خلف : انا ما اقولك عقلها!؟ والحين جاي تقول ماهو غصب
وعد : ولنفترض اني عقلتها مثل ما تقول افترض إنا اجبرناها على عقاب !؟ تخيل بس وش بيصير دام عقاب نار وشرار ووعد مثله!؟ كيف بيعيشون! تخيل المشاكل اللي بتصير يبه!؟ تخيل الكارثه اللي بتصير
انت تعرف وتعرف زيييين ان وعد ما تنجبر واذا انجبرت بتقوم الدنيا ولا تقعد
ابو خلف : هذا كلامك انت بعد ! زييييين يا خلف زييين خلك انت وياها على رايك بس من الحين اقولك انا مالي شغل فيها انت المسؤول عن اللي بيصير لها
ام خلف : يا ناصر اذكر الله ان شاء الله مايصير الا كل خير
طلع ابو خلف وتركهم ووقف خلف بضيق
ام وعد : الله يسامحك ياخلف كان ما طعت وعد وكلمتها وهي تسمع منك
خلف : ياعمه ياعمه الموضوع ماهو ميانه وتسمع مني الموضوع حيييييياه ومستقبل ومايصير اللي تقولينه
فيصل: خلف صادق لا عقاب يصير لوعد ولا وعد تصير له
خلف : هذا هو
ندى: بس مهما كان ما توافق على شايب !
خلف: هي تقرر وش تبي محد له شغل
اخذ اغراضه وطلع وهو محتاااس تفكيره بعد
_______________________.
وفي بيت الجد قايد
كانوا مجتمعين على الفطور ودخل عقاب اللي توه يرجع وكان واضح عليه الزعل والضيق

.
كانوا مجتمعين على الفطور ودخل عقاب اللي توه يرجع وكان واضح عليه الزعل والضيق
ام ناصر: عقاااب وينك من اليوم اشغلتني افكر فيك
عقاب :كان عندي شغل
ابو ناصر: وش الشغل اللي من تالي الليل للحين
صد عقاب بضيق :مهمه في الدوام
سحر: عقاب تعال افطر
عقاب: ما ابي وابي انام ولا احد يزعجني
مضاوي : ماشاء الله جاي بشياطينك
مارد عقاب اللي طلع وتركها وهذا شي خطير بالنسبه لهم
ابو ناصر:سحر يا بنتي شوفيه لا يكون مريض او فيه شي
سحر: ابشر
مضاوي: لا لا انا بروح له اعرف له
طلعت تركض للغرفه ودخلت وهي تشوفه مرتمي على فراشه بكامل ملابسه وذراعه على عيونه وقال بصوت منزعج :وش قلت انا!
مضاوي :عقاب وش فيك ! صاير شي!؟ ليه متضايق هالكثر
عقاب : مافيه شي يا مضاوي تعبان وبنام
مضاوي : من قالك اني بزر ولا خبله تلعب علي بهالكلام
سكرت الباب وقربت وهي تسحب ذراعه بحذر: عقاب حلفتك بالله تقول وش فيك
ابعد عقاب يناظرها بضيق : مافيه شي ومتهاوش مع واحد من الشباب
مضاوي : من هو !؟ كلهم اثنين يا خلف او نادر
عقاب : لا لا واحد ثاني
مضاوي : الله اكبر يا عقاب من متى والناس يهزونك ويضيقون صدرك! ماخبرتك تزعل الا على الشديد القوي
عقاب تنهد بضيق وابعد : مالك فالخوافي داعي يا مضاوي
مضاوي: افا يا عقاب ! من متى صارت لك خوافي بعيد عني !
عقاب : والله مافيه شي بس تكفين ابي ارتاح
مضاوي : على راحتك
طلعت وهي متوقعه وش سبب ضيقه ممكن تكون لها علاقه بأمه وابوه
_______________________.
وعند
نادر من بدري طلع متجهه للحفر ووقف اخيراً عند مدرسة شوق اللي لفت تناظره بارتباك وهو للمره المليون يحفظها اللي بتقوله وترتبك وتنسى
نادر: شوق اسمعيني خلاص اطلعي لهم وقولي ان زوجي بيكلم المديره وانا اتفاهم معها
شوق : طيب
نزلت وهي خايفه يرفضونها دخلت بهدوء وهي تناظر المعلمات وصاحباتها قربت تسلم عليهم بفرح وبعدها اتجهت للمديره وطلبتها تكلم نادر اللي استعد وودخل بالموضوع بلباقه وفطنه ورسميه ما اعتادها من نفسه والنتيجه انه فعلاً قبلوا العذر وفعلا اعطوها الاوراق وطلعت شوق بتطير من الفرح وركضت لسياره وركبت
نادر:هاااه نقول مبروك
شوق : ابشررك وافقوا وافقوا
نادر ضحك: ماشاء الله حمدلله
شوق:بس ماعطوني كتب جديده
نادر:ليه وين كتبك انتي!
شوق : رمتها امي لانها متوقعه اني ماعاد بدرس
صد نادر بضيق: ماعليك اجيب ادبر لك كتب جديده
ابتسمت شوق ورجعت لمكانها ببتسامه ووهي تتخيل حلمها وكيف بتصير .
وكان نادر متطمن لاول مره يحس انه سحااابة خييييير ويالله يازين هالشعور اللي يحس فيه
رجع على طول للخفجي لانه مايبي يجلس بالحفر
_______________________.
وفي الدكان
كان هناك خلف اللي بعد ما تكسر يومه بموافقه وعد على مبارك صار وقت انه يلف ويسأل عن مبارك اخذ اغراضه وطلع متجهه لمقر عمله
لكن على مدخل الحاره وقف مبتسم اول ماشاف سيارة ابو نهيان توهم واصلين وجابر واقف ينزل الاغراض ابتسم وتقدم وهو يرحب فيه: حي الله جابر نورت الديره
ابتسم جابر وهو يسلم عليه: الله يحيك يا خلف شلونك عساك بخير
خلف: بخييير الحمدلله ، طمني عنك وعن الوالد واهل البيت
جابر: حمدلله كلنا بخييير
خلف يمازحه لكن طالع الكلام من قلبه : طولتوا علينا يا جابر
ضحك جابر: تعود يا رجال هالمره جايين اسبوع وبنرد الكويت
خلف : افا ، ليهه ماجازت لكم ديرتنا
جابر: لا والله ماكو احسن السعوديه لكن عرس اختي قريب وعقبال الافراح عندكم
نسى خلف كل شي وركز على اخته نسى انه ممكن يكون عنده اخت ثانيه يمكن ما تكون ليلى نسى كل الاعذار وضرب قلبه بقوه ونشف ريقه اخذ نفس بالقوووه طلعه من صدره قال بصوت هادي: والله !؟ ماشاء الله
جابر : اي والله عاد انت عارف الحوسه اللي بتصير ولازم نكون بالكويت الفتره الجايه
خلف لللي تمالك نفسه لا يقول اختك مييين لكن لف بهدوء: الله يهنيكم ويلا انا اترخص
راح ما سمع رد جابر ولا يهمه يسمعه كان تفكيره في ذهول !؟ كان ينتظر بحماس رد ليلى! لكن ما هقى ان الرد بيكون بهالقسوه كلها
رجع لدكان وهو تدور فيه الدنيا كل شي شين طرا له لكن صحى من غيبوبة الصدمه على صوت ممدوح: خلف خلف
لف يناظره بهدوء : نعم
ممدوح: تكفى بروح لمشوار ضروري والبقاله مافيها احد ابوي ماهو فيه ! تجلس فيها لين اجي!؟
خلف : ابشر
راح ممدوح واتجهه خلف للبقاله وهو متضايق وجلس بغضب: هذا اللي كان ناقصني يا ممدوح
_______________________.
وفي بيت النوخذه
طلع ابو نهيان بعد ماقال لهم يجهزون الغداء ودخل جابر ينام وشيخه بعد والكل تعبان لكن ليلى كانت جالسه بهدوء ومافيها نوم لفت على صوت امها:ليلى تروحين وياي
ليلى فزت: ايييه بس وين!
ام نهيان: البيت يصفر مافيه شي ينطبخ وبروح حق الدكان
ليلى: ابشري اللبس واجي
ركضت ولبست ونزلت وهي روح حياتها المشاوير وطلعوا متجهين للبقاله وليلى اللي اول مادخلوا مدخل السوق لفت تناظر محل جد خلف لكن شافته فاضي مافيه الا الجد وخلف ماهو فيه
ارتاحت شوي انها مارح تقابله لكن كان ودها تشوفه
دخلت امها محل الخضار اللي جنب البقاله .
.

13 - 2 - 2022, 12:39 AM

ارتاحت شوي انها مارح تقابله لكن كان ودها تشوفه
دخلت امها محل الخضار اللي جنب البقاله وقالت وهي تعطيها ورقه: ليلى روحي الدكان خذي هالاغراض بسرعه زتچ
ليلى:طيب
دخلت ليلى بدون ما تلتفت وعينها تدور الاغراض اللي بالورقه
كان خلف مستند على نهاية المكتب ضايق ويفكر ! وش بيسوي! وكيف بيعرف اذا ليلى فعلاً تزوجت
لكن لف على اللي نزل الاغراض على الطاوله وجمد وهو يناظرها يصدق يكذب !؟ ( لا لا! انا اتوهم وش يجيب ليلى هالحزه للبقاله )؟
فز اول ما تأكد فعلاً انها ليلى اول ماقالت: خلف!!؟ لا شعورياً وقف بذهول : ليلى!
لفت ليلى بصدمه: شجابك هنييييه شتسوي!؟ خلف : انتي اللي وش جابك!
ليلى: شنو هالسؤال ابي اغراض وجيت الدكان انت شتبي فيه!
خلف: جيت بدال ممدوح لانه مشغول شوي
ارتبكت ليلى اول ما استوعبت انهم فالبقاله لحالهم بدت تجمت الاغراض بارتباك : كم فلوسهم!
اخذها خلف وهو يعد مليون مره ولا يقدر يطلع معه ناتج ونزلها بغضب وتجرأ وقال: سمعت انكم راجعين للكويت ووراك زواج
رفعت ليلى راسهت بذهول : وانت شكو! لو سمحت ابعد عني وترا للحين مانسيت اللي سويته اخر مره ولاتثق واجد بصداقتك ويا جابر اخوي لو قلت له عن اللي تسويه راح يذبحك
اخذ خلف نفس : اعرفي اني ماني خايف من احد وانا واثق جداً اني اقدر اسبقك واكلم جابر
ليلى بردت اطرافها بذهول وقبل تسأله وش بيقول لجابر لفت على صوت امها: خلصتي يمه !
اخذ خلف الاغراض وهو يعطيها اياه وطلعت ليلى الفلوس ونزلت بخوف وطلعت مع امها وهي خايفه من كلامه ( هذا شنو دراه ان عندنا زواج ، ياحسرتي وش بيقول لجابر!؟ حسبي لله عليك يالعيار حسبي لله عليك )
رجعت للبيت وهي تحس انها بتطيح في اي لحظه من الخوف ان خلف يكذب على جابر او يقوله ان بينهم رسايل
_______________________.
اما خلف
ما بردت حرته وهو للحين مايدري اذا ليلى بتتزوج او لا هذا غير كلامها الحاد معه والاسوأ انه قال كلامه الاخير ما كمله وصار كأنه تهديد
طلع من الدكان وهو شبهه بمخنوق وجاء ممدوح ورجع خلف للبيت وهو يحس ان بدت معه مرحلة نوبة ربو
وصل البيت ودخل وهو ينادي وجدان اللي جت تركض:هلا
خلف وهو يتنفس بسرعه: جيبي دواي بسرعه
ركضت وجدان وجات حنان: خلف بسم لله عليك وش فيك!؟ طلعت ام خلف ورمت اللي بيدها اول ماشافت خلف مفتح ازاريره وجالس وهو انفاسه سريعه ويكح :خلف خلف وش فيك
جات وجدان وهي تعطي الدواء ام خلف اللي بدت تعطيه خلف وتهويه
والكل ابعد عنه لين اخذ نفسه وهدت النوبه وهو منسدح على رجل امه وهو منهد حيله .
.
والكل ابعد عنه لين اخذ نفسه وهدت النوبه وهو منسدح على رجل امه وهو منهد حيله
ام خلف: بسم لله عليك ياحبيبي وش صار لك وش اثر عليك
خلف بصوت مبحوح: ماصار شي يمه بس بطلع ارتاح
ندى: تبي شي!
خلف : لا
اخذته امه لغرفته وانسدح بتعب وقربت امه: فيه شي مزعلك يمه !
خلف : لا لا بس اهملت العلاج
ام خلف : ياخلف ياحبيبي لا تخوفني عليك لا تهمل نفسك والله اني يدي على قلبي اخاف يصير شي لك
خلف : لا تخافين يمه حمدلله انا بخير
ام خلف: زين يمه انتبه لنفسك
خلف : زين
طلعت وتركته ومسح وجه بتعب وهو زاد همه واكيد ليلى فهمت كلامه غلط وكيف بيحل هذا كله الحين
_______________________.
وفي بيت الجد قايد
الناس مجتمعه ومضاوي تهوجس بضيق عقاب ما تعوده كذا ما تحبه يكون بهالضيق
نزلت وهي تسمع صوت ابو خلف ينادي عقاب وهو جالس مع ابوه بالمجلس
مضاوي: عقاب تعبان ونايم
ابو خلف : صحيه خليه يجي وبعدين محد ينام هالحزه
صدت مضاوي وطلعت وهي تصحي عقاب اللي على غير العاده وقف وطلع ونزل لعمه
عقاب : سم ياعمي
ابو خلف: وراك نايم هالوقت ! وليه تعبان
عقاب : مانمت زين بالليل كنت في شغل ورجعت تعبان ونمت
ابو خلف : زين
جاء محمد وجلس بهدوء : سلام عليكم
الكل : عليكم السلام
لف ابو خلف : مضاوي اطلعي وسكري الباب
مضاوي : زين
طلعت ووقفت بحيره وهي متاكده فيه شي بس ما تدري وشو !؟ لف ابو خلف بحرج: ابوي ومحمد اسمعوني ! جاء واحد اسمه مبارك من معارف عقاب وخطب مني وعد
ما احد استغرب لانهم يعرفون وقال محمد : طيب!
ابو خلف : وانا شاورت عقاب وكنت متردد وعقاب مدح الرجال وقال اذا وعد رفضت مبارك هو بيخطبها
اعتدل عقاب يبي يطلع من ضيق ويرجع لهمه الوحيد وهو وعد
لف ابو ناصر بذهول : صدق!؟ ماقلت لنا
عقاب : خليت الموضوع لعمي وهو يفكر
ابو ناصر: كمل يا ناصر!
ابو خلف بحرج: كان ودي ان عقاب يتزوج وعد لكن وعد وافقت على مبارك
اتسعت عيون الجد بذهول : رفضت عقاب
ابتسم عقاب بداخله وهو يقول( مهما سويتي نفسك فطينه بتظلين غبيه يا وعد ) ورد بحزم: لا ياجدي مارفضتني! لكن وافقت على مبارك وهذا اساس الامر وانا طرحت الخطبه بحيث انه اذا رفضت مبارك
محمد كان يراقب عقاب اللي ماله اي ردة فعل الا انه زعل من كلمة( رفضت عقاب )
ابو ناصر: وش في مبارك زود ؟؟
محمد : مافيه زود الا بالقسمه والنصيب واذا ربي ماكتب لوعد نصيب مع عقاب معناته الامر انتهى
ابو خلف : ياعقاب وانا عمك لا يضيق صدرك انت اشر على اي وحده من بناتي وابشر بها .
ابو خلف : ياعقاب وانا عمك لا يضيق صدرك انت اشر على اي وحده من بناتي وابشر بها
عقاب ابتسم بهدوء: افا ياعم بناتك اكبر من اني أمر واشر اذا ما وافقوا برضاهم ما ينجبرون لكن ياعمي الافضل نأجل المووضوع شوي
ابو ناصر صد بضيق: ومبارك ذا وش هو من رجال!؟ بدا ابو خلف يكرر اللي قاله له عقاب وهو واثق ان عقاب يبي لوعد الخير
اما عقاب كان ماسك نفسه غصب لا يقوم ويفسرونه انه ميت على وعد
محمد: ومتى بتكلم الرجال!؟ ابو خلف : كلمته والمغرب بيجي ونتفاهم على اللي باقي
محمد : الله يكتب الخير
لين هنا وتقفل الموضوع بس عند مضاوي توه بدا وتوها تفسر وتفهم تصرفات عقاب ووعد الغاضبه رجعت بذهول بدون ما احد يحس فيها وهي مصدومه ان عقاب الكارهه لوعد يقدم على هالخطوه ووعد كارهه لعقاب ويعرف هالشي ! بس انقهرت على عقاب تظن ضيقه له علاقه برفض وعد وهي مهما كان ماترضى على عقاب وزي ما انقهرت على خلف لعقاب من ضيقها نصيب اخذت طريقها لبيت ابو خلف دقت الباب وفتح غيث : هلا عمه مضاوي
مضاوي : هلا غيث وين خواتك!؟ مالكم صوت
غيث: خواتي كلهم فالغرفه مايبون يزعجون خلف عشانه تعب من شوي ووبس وعد فالسطح
مضاوي : ليه خلف تعبان!
غيث: زي كل مره
مضاوي : زين
طلعت للسطح تركض ودخلت وشافت وعد جالسه بهدوووء على الزوليه مثل عادتها قدامها القهوه
مضاوي : زين اني لقيتك لحالك
لفت وعد لها: ليه!؟ وش تبين فيني لحالي!
مضاوي بغضب: ابد ودي اسألك عن فارس الاحلام اللي خطبك ورفضتي عقاب ووافقتي عليه
احتدت نظره وعد لها بقهر وقالت : وش هالكلام اللي تخربطين فيه هالحزه؟
مضاوي : ليييه متى ودك ناخذ موعد عشان نتكلم معك
وعد : مضاوي ترا ماني ناقصتك! وش تبين!؟ مضاوي : ابي افهم وشوله ترفضين عقاب وعشان مين ؟
ضحكت وعد : صاحيه انتي جايه تسأليني انا ليه رافضه عقاب !
مضاوي : ايييه اسالك انتي ولا على راسك ريشه!
وعد :لا والله في راسي عقل ! انا مابعد انهبلت عشان اتزوج ولد اخوك المريض هذا
مضاوي : ترا سكت لك بما فيه الكفايه عقاب اصحى واحد فيكم؟
وعد : زييين الله يديم رضاك عليه ! لكن ابعدي عني انتي وسيرته خلاص لان اسمه صار يجيب لي غثيان
مضاوي : والله مدري وين بيوديك هالغرور
وعد : يوديني للمكان اللي ما اشوف فيه مرض عقاب وطغيانه
مضاوي : ما اصدق انك بكل هالحقد والكرهه!؟ وعد : مضاوي اسمعيني زين انا مابي ابني مشاكل مع الكل والزواج مو غصب و مو لازم احب عقاب واموت عليه عشان ترضون ولا لازم اوافق عشان محد يزعل ،
والزواج مو غصب و مو لازم احب عقاب واموت عليه عشان ترضون ولا لازم اوافق عشان محد يزعل ، ما ألومك عقاب ولد اخوك وتحبييينه وما ودك يضره شي بس اعرفي اشوف الموت ولا اشوفه وانتي اكثر وحده تدرين اني انا وعقاب كل الضد اللي فالعالم موجود بينا مابي ادخل حياة انا ادري انها كلها مشاكل
صدت مضاوي بضيق : يمكن الموضوع خيره بس تعلمي ما تكونين بهالقسوه كلها
ابتسمت وعد بضيق: ماعليه لو ماكنت قاسيه كان من زمااااااان رحت وطي
راحت مضاوي بضيق وتركتها وهي تدري صح هي وعقاب ضد لكن ماكان المفروض يكون رد وعد قاسي بكل هالكرهه الموجهه لعقاب هاذي وجهة نظر مضاوي المحبه لعقاب ولا تدري عن اللي صاير
_______________________.
في الليل
في بيت ابو خلف الكل مستعد لجيةومبارك والكل غالباً متضايق والكل جامد وكان خلف واقف بضيق مايدري من وين يلاقيها ومن وين بيحل هالمشاكل
واقف جنبه عقاب بكل شموخ وهو يوقف على اول عتبات انتقامه من وعد مبسوط ومستانس
على الطرف عزوز وفيصل اللي كانوا متقبلين الوضع بشكل عادي
ومحمد اللي واقف بحزن ضايق من حال عايلتهم اللي يحسه متشتت ولا وده الكرهه بين عيال العمومه ينتشر رغم ان وعد سعت انها توقفه بهالزواج لكن مايدري تنجح ولا تفشل
ابو خلف كان شبه راكد ضايق من وعد وزعلان منها بس مهما كان وده تتزوج ويرزقها الله حياه حلوه
ابو ناصر رغم احلامه اللي كانت مبنيه على زواج خلف وعقاب من سحر ووعد ويضمن احفاده حلوه الا ان احلامه تنهدم قدام راحتهم وسعادتهم
وصل مبارك وصوته المسموع من اخر الشارع وهو يرد السلام ووصل للوعد اللي واقفه فوق وغمضت بكل قوتها اول ماشافت هيكله ومنظره وايقنت بالهلاك لكن ماعاد فيها رجعه
دخل مبارك يسلم بحراره وجلس والكل يناظره وقال: يا ابو خلف انا كلمتك خاطب لبنتك وبعد ماعطيتني الضو الاخضر جيت بتمم كلامي واخطب رسمي ويشرفني اخطب يد كريمتك على سنه الله ورسوله زوجة لي
ابو خلف : شرفتنا يا مبارك وانا يوم كلمتك قلت لك إني ان شاء الله عطيتك وان شاء الله نصيبك عندنا
مبارك التفت لعقاب يبتسم: بارك الله فيك يا ابو خلف وانا تحت امرك باللي تطلبه وابشر وتم
ابو ناصر: قبل نطلب وقبل حاضر وتم ، انا اشوفك جاي تخطب لحالك! وين اهلك!
مبارك: انا ياعم مالي الا الله امي وابوي توفوا من زمن وانا وحيدهم وتزوجت وماكتب ربي نصيب وهذاني ادور نصيبي عندكم
ابو خلف : رحمة الله عليهم
الكل : امين
كان خلف مدقق عليه ويراقب تصرفاته خراجياً كان انسان هيبه ومحترم
وبدا ابو خلف يعرض عليه شروطهم اللي كلها كانت عاديه مهر وبيت وإلخ ..
.
وبدا ابو خلف يعرض عليه شروطهم اللي كلها كانت عاديه مهر وبيت وإلخ ... مبارك: تم ياعم
ابو خلف :الله يتمم لك
مبارك: متى تحبون الملكه والزواج
ابو خلف لف يناظر حوله يبي منهم اقتراحات وقال مبارك: يناسبكم بعد شهر !
ابو خلف : ايه زين
مبارك: اجل تم وان شاء الله من بكره يوصلكم المهر
ابو خلف: تم
لف خلف بضيق يصب القهوه لهم وهو وده يرفض لكن خلاص الامر منتهي ومبارك ماكان سيء قدامهم ابداً وكل اجابته راكزه
وابتسم عقاب بفرح وهو يبارك لمبارك وللكل طبعاً وبعد فترة طلع مبارك ورمى خلف اللي معه وطلع ورا ابوه اللي دخل وشاف الكل مجتمعين ومحد يدي عن خطبه عقاب الا ناس معدودين
ابو خلف : تمت خطبة وعد وان شاء الله العرس بعد شهر
وقفوا الكل فرحانين لكن وعد ماكان فيه وطلع خلف يركض قبل يوصلون البنات ووصل السطح وشاف تجمع الملابس من الحبل بلا مباله باللي صاير تحت راح لها بهدوء وقال: ابوي تمم لمبارك
ضحكت وعد بكل قوه: ماشاء الله اجل بارك لي !
خلف بتدقيق: خاطرك ابارك لك صدق !
مثل ماتعودت وعد دايماً تكون قويه ومتحكمه في دمعتها ابتسمت وهي توقف قريب منه: افا ياخلف ! طول عمركم تنتظرون هاليوم والحين مترددين في كلمة مبروك
قرب خلف يحضنها بهدوء وهو يدعي انها فعلاً فرحانه ما تدعي الفرح : مبروك يا وعد اذا هالمبروك بتسعدك الف مبروك وانا اخوك
لف على اصوات البنات اللي طلعوا مبسوطين وهم يغنون ويضحكون وهم لازم يفرحون لوعد وهم فاهمين ان كل شي قسمه ونصيب
لفوا حولها يغنون ويرقصون ويضحكون وخلف مبتسم بينهم ووعد مبتسمه وجات امها وام خلف وهيا ومضاوي
وقالت وجدان: خلف بنات عمي بيجون
خلف : ا زين انا اصلا رايح
نزل خلف يدعي ان ربي ينزل الفرح على قلب وعد طلع يمشي تارك الفرح وراه ببيت اهله لكن مجرد ماشاف ابو نهيان اجتمعت الهموم فوق راسه
سمع صوته ابو ممدوح يسولف مع ابو نهيان اللي قال : وتعرف يا اخوي زواج بنتي بالكويت لازم ارد مبكر
ابو ممدوح: ماشاء الله ومن زوجت من بناتك!؟ لصق خلف في مكانه ما قدر يقدم رجله او يوخرها ينتظر الرد اللي بيقطع الشك باليقين
ابو نهيان: بنتي الكبيره شيخه
ابو ممدوح : الله يبارك لها
تشقق قلب خلف من الفرح وهو يقول بصوت شبه عالي : لله يبارك لها ويستر عليها
لكن تدارك نفسه وصد قبل احد يسمعه ويشوفه ورجع للمكانهم يطير من الوناسه
_______________________.
وفي بيت النوخذه
تركت ليلى امها وشيخه اللي يخططون لزواج وطلعت لسطح ونزلت عودها وبدت تغني وهي شاردة بتفكيرها ونزلت العود اول ماحست انها ماعاد تعرف تغني من الارتباك
.
تركت ليلى امها وشيخه اللي يخططون لزواج وطلعت لسطح ونزلت عودها وبدت تغني وهي شاردة بتفكيرها ونزلت العود اول ماحست انها ماعاد تعرف تغني من الارتباك اللي تحسه واللي خلف اشغلها به ما تدري وش بيقول لجابر وتنتظر دخلت جابر عليها وقفت وهي تناظر من فوق السطح وشهقت وهي تشوف خلف جاي لبيتهم : يمممه يمهه شيبي هذا؟! حسبي لله عليه بيخلي فضيحتي في كل البيت
ركضت للباب قبل يدقه وحصلت عباية امها قريب الباب لبستها وتلثمت بالطرحه وركضت وهي تدري امها وشيخه في غرفتهم فوق
وقبل يدق خلف الباب اللي جاء وهو وده يسلم على جابر ويرد له العزيمه وياخذه معه للمكان اللي يجتمعون فيه لكن انفتح الباب بسرعه وطلت ليلى: انت شتبي هنيه!؟ مجنون قاضي!؟ ماتستحي ما تنتخي
تفاجئ خلف بس ضحك : وانتي دايم طايره كذا !؟ ليلى: وانت شكووو!؟ اسمعني ياولد الناس ابعد عنا احسن لك ! انا مدري شنو تبي هاه شنو تبي فيني !تبي الفضايح !
ابتسم خلف بخفه وهو مجذوب لعيونها: ماجيت ابيك ابي اخوك جابر
ليلى طاح قلبها: شتبي فيه هاه !؟ وشتبي تقوله حسبي الله عليك
ضحك خلف: لاتدعين علي اخاف تندمين
ليلى: اندم على شنو ياحظي ، بالعكس بفتك منك ، واسمعني ادحر ابليس وروح منيه!؟ قلت لك لا تثق في صداقتك لجابر
خلف : بالعكس انا واثق !
ليلى : بالله!؟ شنو اللي يخليك واثق ! ملك ولا نبي ؟
ثبت خلف عيونه في عيونها وتجرأ وابتسم: لا ملك ولا نبي!؟ لكن يمكن اكون نسيب وحزتها ما ودك ان جابر يضرني! ليلى دق قلبها وهي ماهي فاهمه وش قصده بنسيب! ومالها معنى الا معنى واحد خافت منه ليلى
ورجع خلف يقول بكل جديه : اذا شفتي جابر قولي له خلف سبقني قبل اشكي لك منه ويقولك يا ولد النوخذه ! لو اخطب منك ترضى!
اكتفى بهالللي طلع من قلبه ورجع مع طريقه قبل يجي احد يدفنه وهو واثق انه فعلاً وده يتزوج ليلى وماكان كلامه موجهه لجابر كان موجهه ليلى يبي يفهمها اول شي ان كلامه اللي قاله يقصد انه بيسبقها وبيخطبها من جابر ! ويبي يوضح لها انه مايلعب وانه جاد جداً في موضوعهم لانه كل مايذكر تفاصيل ليلى ينشلع قلبه
_______________________.
وفي بيت نادر
اللي من اول ما صحى طلع لمكانهم وشاف عقاب هناك وهو مسترخي تماماً بهدوووء وهو يراقب ابريق الشاهي قدامه يفور وكان متأكد ان قلب وعد يفور مثله واكثر
فز على صوت نادر: وييين وصلت يالحبيب!
عقاب : قريب ! غريبه جاي توقعتك بالحفر !
نادر:رحت وجيت
عقاب : وش صار معك طيب
نادر: ابد اخذت الموافقه وبتكمل شوق الدراسه هنا لكن مدري لاي مدرسه بوديها .
.

.
نادر: ابد اخذت الموافقه وبتكمل شوق الدراسه هنا لكن مدري لاي مدرسه بوديها
عقاب : مدرسه شهد ووجدان؟ هي معهم بنفس الصف صح!
نادر: ايه
عقاب: محلوله اجل تدخل مدرستهم وتصير معهم
نادر: اي والله ماودي ادخلها لحالها ابد ، ولازم ندبر لها كتب بعد
عقاب: لا تشيل هم اكلم شهد بكره تنتظرها في المدرسه ويرتبون امورها من هناك
ابتسم نادر: والله انك راعي فزعه ياعقاب
ابتسم عقاب : افا بس ياما فزعت لي انت
نادر : واجبنا ! وين خلف
عقاب: مدري والله
لف على جيت خلف المبتسم الرايق اللي جوه فوووق فوووق فوق من بعيد قال : مسسسساكم الله بالخير والرضا والسلام
لفوا يضحكون : لله يمسيك بالخير
نادر: والله يا خليف انا احب إيجابيتك فالحياه ياخي متفائل رغم تسفييل الدنيا فينا
ضحك خلف : وش اسوي انا لو استسلم لها بمووت
عقاب :اسمعوا اسمعوا ترا صدق مليت من وضعنا هذا دوروا لنا شي نسويه ! ما تلاحظون من مده هاجدين وما نجتمع الا نتشكوى
نادر: ملاحظيييين بس وش في يدينا
خلف : ليه ما نروح لاصحاب ضاري غنى وطرب وسعة صدر
عقاب : لا مانبي ضاري ياخي ترا مليييينا
نادر : تعاااال هذاك ذكرتيني عقاب!؟ خييير انهبلت وش سوى فيك الرجال حاط حيلك فيه ترا للحين ما بلعت حركاتك امس
عقاب : لا يطق لك عرق! كل هالزعل عشان واحد من شهر عرفتوه
خلف: ياعقاب ياحبيبي السالفه ماهي سالفة عرف وجهل لكن ما معك حق تأذي ضاري حاول تتفاهم معه والله انه ابن حلال
عقاب : زين زين المهم شوفوا لنا حل
وقف نادر ومعاه حجر وعود وقف يرسم مربعات على الارض ورفع ثوبه وهو يرمي الحجر في احد المربعات ورفع رجله وهو يضحك ويقول : من يتحداني !
وقف عقاب ببتسامه: افااا هاذي لعبتي انا
خلف : رجعنا على البربر !
نادر: والله اليوم بلعب كل لعبه تطري علي
وقف خلف معهم وهم يمشون بالدور في اللعبه لكن وقف بتعب وهو يقول : انا بروح اجيب اغراض من البقاله
ماردوا وهم مندمجيييين في اللعبه
_______________________.
في بيت النوخذه
طلعت ليلى تمشي وهي كأنها مسحوووره رجعت لمكانها بالسطح وجلست بذهول جلست تعيييييد كلام خلف مليون مره احيان تقول انه فعلاً يمكن يكون يحبها واحيان يرفض عقلها ويذكرها بسحر واللي كان يسويه خلف وترجع تقول ( خلف ماله أمان ، ترك بنت عمه ولا فكر اكيد في راسه شي)
حطت يدها على عيونها تبي تتناسى اللي صار لكن مازال وجهه وابتسامته في عيونها وكيف وااااثق من نفسه
رجعت لغرفتها بحيييره وجلست جنب الشباك المردود لكن سكتت على صوت ترحيب .

رجعت لغرفتها بحيييره وجلست جنب الشباك المردود لكن سكتت على صوت ترحيب
قربت تطل وشافت ضاري اللي يرحب في شخص جاي من بعيد لكن اول ما قرب عرفت انه خلف
ضاري : اشوف وجهك مسفهل
خلف ابتسم: اول شي كيفك وكيف امك ان شاء الله بخير!
ضاري: بخييير الحمدلله وتسلم عليكم
خلف : الله يسلمها
ضاري : انجز وش بلاك من سبعين كيلو تنشاف صفة اللولو
خلف: اسكت ياضاري شفت الموت بعيوني
ضاري: بسم لله عليك مريض اجل!
خلف : مريض المحبه والله
دفه ضاري بضحك :يعني الوضع صار رسميييي
خلف : شوف انا من الساعه الاولى عرفت اني طبيت على وجهي بس توني عرفت اني غرقاااان
ضاري : والله ماينعرف لك يوم صاكه فيك الدنيا ويوم ضحكتك معبيه وجهك
خلف : والله هالايام المشاكل تحذف علينا مع كل صوب
ضاري : ليش!
خلف اللي كان مستأمن لضاري كثيير وبدا يقوله عن مسألة وعد وعقاب
ضاري: لا تقول عشان كذا عقاب متضايق
خلف : لا تسألني عن عقاب لاني مدري وش يدور براسه
ضاري سكت شوي وقال: لا يكون الموضوع كله ردة فعل لمسألة رفض سحر لك
خلف : لاااا يا رجال ماهي ذي السالفه وعد تدري بكل السالفه وعقاب مستحيل يحط هالموضوع بينا لكن الموضوع انقضى ووعد بتزوج مبارك
ضاري: لا تجزع ياخي دامها راضيه مالك الا تدعي لها بالخير وان شاء الله مافيه شي تخاف منه
خلف: يارب ياضاري
ضاري : زييين خلصنا من هالسالفه!؟ انت وش جديدك مع هاللي اخذه عقلك
ضحك خلف : اه يا ضاري انا والله حالتي حاله من امس وانا قلبي يرقع عجزت انام وعجزت اتحرك وعجزت حتى افكر
ضاري : وش صار؟
خلف : صادفت اخوها طال عمره وبزعمه انه يبشرني يقول ان زواج اخته قريب وقف قلبي بغيت اموت اظلمت الدنيا بعيوني
ضاري بذهول : تزوجت !
خلف : هذا اللي كنت اظنه لكن سمعت ابوها يقىل انه زواج اختها الكبيره والله اني ارتحت راحه ما تخيلها
ضاري : ماشاء الله عليك يعني ضامن انت ووجهك ووش دراك ما تتزوج
خلف : قول خير يارجال
ضاري: هذا اللي بيصير اذا جلست شاق الابتسامه وتخيل وتأمل ومجمد الموضوع
خلف : ماني مجمده وحتى اني قلت لها بخطبها بس انتظر سالفة وعد تخلص
ضاري : زيين اجل دام هاذي نيتك شد حيلك
خلف : اسمع قم قم نبي نرجع للشباب قبل يفقدونا
ضاري: يلا
رجعوا لكن ليلى جمدت على الشباك مذهوله مصدومه ماهي مستوعبه واول شي ما استوعبته ان سحر رافضه خلف!!؟ وهي ظلمته ، وثاني شي ان خلف يحبها لهدرجه! واعترف بنفسه وقال لضاري وأكد لها اول ماقال لضاري انه خطبها استوعبت كلامه الحين استوعبت كل شي ولا شعورياً دق قلبها بشعور غريب وضحكت وغمضت
.
.
.
استوعبت كل شي ولا شعورياً دق قلبها بشعور غريب وضحكت وغمضت بكل قوتها وفزت وهي تناظر الخلخال وابتسمت وحاولت توقف هالشعور وهالابتسامه بس قلبها ما سمح لها
_______________________.
وفي بيت ابو خلف
الكل فرحان لوعد والكل مبسوط ووعد جامده بدون اي ردة فعل الا الثبات والقوه
وقفت بتعب وهي تبعد عن جلسة البنات
حنان: وين رايحه!؟ وعد : بنام
ضحكت سحر: بدري على الاحلام الورديه
ناظرتها وعد بهدوء وابتسمت: ماعليك اعرف اخلي كل شي بوقته
ضحكت عهد: صادقه تعرفين تديرين الامور
قاطعتهم ام وعد تنادي البنات يساعدون فيصل وطلعوا هيا وعهد وسحر وشهدد لبيتهم
وقفت مضاوي تناظر عقاب اللي توه رجع كانت ساكته وهي تناظره بهدوء
عقاب : وين عزوز!
شهد: عند فيصل
عقاب : زين شهد اسمعي بكره اذا رحتي المدرسه خليك قريب الباب وبتجي شوق زوجة نادر معكم بنفس الصف خذيها وعرفيها على المدرسه والاداره عشان ترتب امورها وتستعد للاختبارت
ابتسمت سحر: ماشاء الله وافقوا على دراستها
عقاب : ايه
شهد: حلو يعني بتصير صديقتنا
عقاب : ايه وانتبهي لها
هيا : زين الله يوفق نادر جبر بخاطرها
ام ناصر: اهلها وشلون زوجوها وهي هالكبر!
عقاب : والله مدري يا جده لا تسأليني
ام ناصر: وش اسالك عنه عن النوم!؟
ضحك عقاب : وش عندي غير النوم خليني انام لين اشبع
سحر: ماعندك دوام بكره؟؟
عقاب : لا
التفت على مضاوي اللي ساكته : خييير من البقره اللي حجت على قرونها اشوفك طاخه وساكته
ابتسمت مضاوي وهي تناظره بضيق ماتدري توقف بصفه او صف وعد : ولا شي اتأمل حسنك الباهر
ضحك عقاب : ايه تأملي وادعي ان الله يرزقك رجال مثلي
مضاوي: بايعه عمري!؟
قال عقاب متعود على المزح بهالطريقه: لييه ما اشرف!
مضاوي دق قلبها بتأنيب وفزت بسرعه وجلست جنبه: لا والله ماهو قصدي بس امزح معك
استغرب عقاب انها اخذت الموقف جدي وهي دايماً ترد عليه بأبشع من هالرد وضحك: ماصار شي امزح
مضاوي : افا بس انت عين السيح
عقاب : كثري منها
شهد: شكلها وراها مصلحه
هيا: ايه تعرفين حركاتها دامك مثلها
مضاوي : مابي شي والله بس امدح ولد اخوي حرام يعني !
عقاب: ماهو حرام الحرام اللي تسوينه فيني دايم لكن ارحميني بنام تعبان
دقت مضاوي صدرها : افا عليك في وجهي رح وانام وارتاح وانا اسهر لراحتك وما اخلي حتى الذبانه تطير عندك
شهقوا كلهم مصدومين والكل متوقعه تبي شي لكنها راحمه عقاب متوقعته يحب وعد المتغطرسه عشان كذا متضايق
ضحك عقاب : يوم الرضا يارب .
.ضحك عقاب : يوم الرضا يارب
طلع والكل يناظر مضاوي اللي فعلاً تحاول توفر لعقاب وسائل الراحه
_______________________.
وعند نادر
اللي رجع للبيت ودخل وهو يدور شوق وشاف الملابس طايحه بطرف وواضح انها مغسوله استغرب ودخل الغرفه شافها جالسه بالغرفه وكأنها بتنام ومتجمعه باللحاف وهي مغمضه بقوه
نادر: شوق
فزت شوق بخوف وصرخت
ركض نادر بسرعه يبعد اللحاف : شوق بسم لله عليك وش فيك !
شوق بخوف وهي تناظر حولها: خايفه خايفه
نادر قرب بخوف : بسم لله عليك وش فيك !وش صار
ناظرت شوق الحوش البعيد : كنت انشر الملابس هناك
نادر: ايه!؟ شوق : وانا انشر حسيت احد وراي ولفيت
اتسعت عيون نادر بخوف : ايييه!؟
شوق ببكى ورجفه : شفت ظل كبييييييييير وهريض اسود واقف كنت احس بأنفاس حاره حولي عجزت استوعب وماكان له ملامح ابداً كان له ظل بس معه وطلع صوووت غريب ويخوف يناديني رميت كل شي معي وجيت هنا ماقدرت اطلع
اخذ نادر نفس بخوف مستغرب اللي صار لكن توقع هالشي بما انه ورا هالحوش بيت مهجور مسح عليها بهدوء : لا تخافين سمي بالله واقري الاذكار وان شاء الله مافيه شي
وقف وفزت شوق: وين رايح!؟ نادر: بشوف الحوش وارجع
طلع وهو يدور حوله ماشاف شي لكن رجع وهو يشغل الراديو على القران و يجمع الملابس ورجع لشوق اللي عيونها على الباب بخوف
نادر: لا تخافين ما فيه شي ولا تبكين خلاص قومي بدلي عشان تنامين ولا تفكرين بشي القران شغال ما فيه شي يقدر يجي
شوق مسحت دموعها بخوف : زين بس لا تروح بعيد
نادر: زين
سكر نادر كل شي ورجع بتعب وجلس ينتظر شوق اللي طلعت بهدوء وجلست على الطرف الثاني من السرير وهو خايفه
وقال نادر يبي ينسيها اللي صار
نادر: تأخرت عليك!
شوق : شوي
نادر: والله خذاني الوقت لكن جيت ببشاره
شوق : وشو!؟ نادر: كلمت عقاب وبكره بنروح لمدرسة خواتهم شهد ووجدان عشان تسجلين فيها وتختبرين معهم ويساعدونك في اي شي فاتك
ابتسمت شوق بفرح: وللله
نادر: ايييه وان شاء الله كل شي يتسهل
بدون سابق انذار فزت شوق وهي تحضن نادر اللي انحبست انفاسه كانت ردة فعل سريعه وبريئه تمثل إمتنان شوق وشكرها لنادر اللي ماكان بيده الا يبتسم ويبادر بعد بحضنه لها
تفشلت شوق اول ما استوعبت اللي سوته وتحركت بتبعد لكن ما ابعد نادر اللي كان مبتسم ولا حب ينهي هالحضن ابد يحتاجه مثل ما شوق تحتاجه
ارتخى بهدوء لين ما اعتدل بجسمه على مكانه وهو يقول بهدوء : لا تبعدين نامي هنا الليله ( يقصد بحضنه)
جمدت شوق بهدوء وهو تحس ان قلبها بيفجر صدرها ويطلع
.
.

13 - 2 - 2022, 12:40 AM

جمدت شوق بهدوء وهو تحس ان قلبها بقطع صدرها ويطلع ماقدرت تنطق الا بعد فتره وقالت : مشكور يانادر سويت لي شي ما سووه امي وابوي
شد نادر عليها اكثر وابتسم : وانا مابي شكر ابد ولا سويت شي اشكر عليه لكن ابي اشوفك بحلمك واقفه ورافعه راسي وراسك
ابتسمت شوق : ان شاء للله
سكتوا وعم الهدوء لكن ماعم على قلوبهم اللي تدق بكل قوتها لكن في طمأنينه عجيبه
_______________________.
ومن هالليله
انطلقت الأماني والاحلام والكوابيس بعد وعدا شهر
بالنسبه لخلف كان اخر يوم يلتقي بليلى هو اول ماعرض عليها خطبته وبعدها ما شافها ولا حتى بالصدفه لكن مرتاح في قلبه شعور حلو صار ينعكس على ملامحه ولو ان ليلى كثير احيان تصده
لكن ليلى اللي من هالليله وعصافير الفرح والحب تطير بقلبها فجأه تحرك الاعجاب المخبى تحرك الذهول اللي تحسه اتجاه خلف صحت وصارت تشوفه فارس الاحلام المنتظر او بالأصح قيس ليلى المنتظر وصارت تحاول ان الصدف تجمعهم من جديد لكن سفرهم للكويت وقف جيمع السُبل ... واذا على عقاب كان يعيش على اعلى مستويات الرضا وهو يشوف تجهيزات زواج وعد قايمه من جهتهم فرح لكن مبارك كان يجهز لطغيان وجبروت ينميه عقاب فيه بشويش بدون ما احد يحس ...
ووعد للي كل يوم يعدي ويقرب زواج كانت تحس انها بتنهار لكن مجرد ما تلمح عقاب ترجع لقوتها وكانت تسمع اعتراضات كثيره عنها وليش تروح تجهز لزواجها! وهاذي مو من عاداتهم وهذا عيب ومنقود ويفسر ان البنت ما تستحي ومع ذلك سوتها وعد وتعدت الكل وفرضت رايها وكملت وهي تدري ان عقاب غضبان من هالعصيان ويمنع البنات يروحون معها لسوق لكن كانت تثبت شخصيتها على الكل وغصب بعد وهي تجهز لمبارك انواع واشكال من العصيان والقوه
... اما نادر
فهو في نعيييييم ورضا تام بما انه متفاهم مع شوق ويشوفها في احسن حال وبدا الوضع بينهم يتطور ويصير في قمة اللطافه والاحترام والحنيه
اما شوق كانت من كثر ماهي سعيده صارت تشوف ان نادر ملاك وخصوصاً بعد ما ساعدها باختباراتها ويذاكر لها رغم انه مايفهم في هالامور ودراسه فاشله لكن اللي مايعرفه يروح لخلف يشرح ويرجع لها ويساعدها لين اخذت اعلى الدرجات
هذا غير تعامله معها اللي كان قاسم الحياه بينهم وجاب شغاله تساعدها فالبيت ....
اما عند ضاري كان ملتزم بحبه لامه كالعاده لكن الوقت قدامه بدا يضيق وامه كل يوم تعرض له بنت ولا يرتاح ويرفض وهذا شي ضغطه وبدا يتوتر منه
.
.
في الكويت شيخه تزوجت من يومين وزفوها لبيتها بالفرح والدعاوي السعيده ومع روحة شيخه ودع الهدوء والسلام والركاده بيت النوخذه
وبقى الهواش والعناد والصراخ مع ليلى وجابر اللي بقوا واللي من اهم اهتماماتهم رجوعهم لسعوديه وماصدقوا خلص زواج شيخه ورجعوا السعوديه
_______________________.
في بيت ابو خلف
في اليوم المنشود رغم ازدحام الاشغال فيه والحوسه كان الفرح يعم على الكل وبما ان زواج الحريم في بيت ابو خلف كان خلف يعلق العقود هو وفيصل وسالم وعزوز وغيث يفرشون ويساعدون
والبنات في الغرفه يجهزون لكن وعد وندى كانوا مع ماجد في الصالون
وكان ماجد مصدوم من موافقة وعد على مبارك حاول كثير يغير رايها لكن رفضت وعد واصرت لذلك الكل سحب يده وبقت وعد
دخل عقاب بيت ابو خلف مبتسم : سلام
الكل : عليكم السلام
عقاب : مساعده شي؟؟ خلف : لا خلاص قضينا
عقاب : اجل انا طالع لزواج الرجال
خلف : زين
طلع عقاب بإنتصار ووصل زواج الرجال اللي في نفس الحاره وبعيد شوي شاف مبارك مجهز كل شي وخالص لكن باقي ما جهز هو
تقدم له مبتسم : ياعريييس وين الكشخه ووين البشت
مبارك: والله توني قضيت وبروح اكشخ
عقاب : ايييه شد حيلك واكشخ الليله ليلتك
ابتسم مبارك: لا توصيني على ليالي العمر
ضحك عقاب وهو متكتف يناظر حوله ويشوف الناس مجتمعين ويساعدون
_______________________.
في بيت النوخذه
كانوا معزومين على الزواج وليلى تكشخ بكل ما أوتيت من قوه ومتحمسه ومبسووووطه وهي رافعه صوت عبد الحلييييم وتغني معه
لفت على صوت جابر اللي يهاوش على صوت الاغاني العالي ونزلت وهي مبتسمه: شنو فيك ! صراخك معبي الفريچ
جابر: ليلووووه قصري الصوت فشلتينا
ليلى: ماكو احد يسمع
جابر : مابي اعيد الكلام
ليلى: زيييين
ام نهيان: يلا يا ليلى مابقى على المغرب شي يلا زتچ
ليلى: زين يمه زييين
ابو نهيان: جابر ساعدت جيرانك يبه!
جابر : ايه يبه توني واصل
ابو نهيان: بارك الله فيك
كان ابو نهيان حريص على جيرانه والجيره الطيبه
_______________________.
وفي بيت نادر
كانت شوق تجهز وهي متحمسسسسه لزواج وعد من كثر ماتحبها تحسها اختها وطلعت مستعجله : هاه نادر كيف شكلي
لف نادر اللي من العصر يحوس ويساعد في زواج الرجال وابتسم: اووووه ملكه مللكه
ضحكت شوق : لا تبالغ
نادر : من وجهة نظري اللي ماشافت الا انتي انا اعطيك هاللقب مع سابق الاصرار والترصد
ابتسمت شوق: طيب يلا عشان تجهز
نادر: يلا يلا
شوق : طيب اسمع باخذ الشغاله معنا تساعدهم
نادر: اكيد اكيد خذيها
شوق : طيب .
.
.
شوق : طيب اسمع باخذ الشغاله معنا تساعدهم
نادر: اكيد اكيد خذيها
شوق : طيب
راحت شوق تقولها تجهز وبعد شوي طلع نادر وشوق متجهين لبيت ابو خلف
_______________________.
وعند ضاري
من يوم وصلت لهم العزيمه ووصلت لامه وهو يبيها تحضر وتغير جو وتنبسط ومن الصبح وهو يغسل ملابسها ويبخرها ويجهزها عشان تحضر
جلس ببتسامه ينتظر امه اللي تمشط شعرها وهي تجدله مثل طريقة كل العجايز للكبار
ووقف ضاري يعطيها طرحتها ببتسامه ولبستها ولفتها على طريقة لثام وعلى فمها ومبينه خشمها اللي يلمع فيه زمامها الازرق القديم
وقرب ضاري معاه العود ودهن العود يبخرها ويعطرها ويلبسها العبايه وابتسمت ام ضاري : تسلم يمه تسلم
ضاري : الله الله وش ذا الزين ياخوفي يلخبطون بينك وبين العروس
ضحكت ام ضاري : ياحبك للعياره
ضاري قرب يبوس راسها: والله يا يمه انك في عيوني اجمل الحريم كلهم
ام ضاري : نشوف اذا كلامك بيثبت اذا تزوجت
صد ضاري بنفي وغضب:الله يأخذ نفسي اذا ببدي عليك احد
ام ضاري : بسم لله عليك لكن يايمه القلب اذا حب يحتم مصيرك
ضاري : انتي الحب الاول وبعد يصير خير
ام ضاري : يالله يارب ترزقك باللي تسر قلبك وخاطرك
ضاري : امين
مشى معها يلبسها عبايتها وطلعوا للعرس
_______________________.
بالصالون البسيط
كانت هناك وعد اللي انتهت ووقفت تناظر نفسها من وإلى وضحكت بإستهزاء ! مقهوره على نفسها اللي المفروض تكون مبسوطه وفرحانه لكن قلبها فااااااارغ ما تحس بأي شعور ما تحس انها عروس تحس انها مجنده عشان تحارب أشباه الرجال من عقاب وغيره
ايتسمت اول ماجت ندى وهي تصفر: الللللللله يا وعد الله وش هالزييييييين
ابتسمت وعد : شفتي كيف !
ندى:اموووت على الغرور والكبرياء
ضحكت وعد : يلا يلا شوفي وين ماجد تعبت خلاص
ضحكت ندى: بدررري على التعب بدري
صدت وعد بهدوء وطلعوا لماجد اللي ينتظر وركبوا ولف ماجد مبتسم : لله يحيها عروستنا
ندى: ياليتك تشوووف الزييين ياخالي بس
ضحك ماجد: وعد مزيونه من سنين ما وقفت على الحين
وعد : تسلم ياخالي
ماجد : يلا يادوب نلحق
تحركوا متجهين للبيت وكل مايقرربون تختنق وعد اكثر واول ما وصلت شافت عقاب وخلف وعزوز وسالم وغيث وفيصل وابو خلف ومحمد وابو ناصر كلهم على الباب في قمة كشختهم وهيبتهم ملفتيييين وينعشون الواحد بمنظرهم لكن كانت ودها تمشي من بينهم لين توصل عقاب وتضربه كف يبرد قلبها
في المقابل تركزت عيوون عقاب على السيارة ونزلت وعد بكامل ثباتها وخطواتها وهيبتها اللي تستفز عقاب بها خاطره يشوفها منزله راسها لكن هذا مستحيل .

خاطره يشوفها منزله راسها لكن هذا مستحيل
تقدم خلف بكل حب يحاوط كتف وعد مبتسم وابعدوا عزوز وعقاب وطلعوا ودخلوا اخوان وعد ومحارمها
وطلعوا البنات اللي كشخوا واستعدوا يركضون لوعد
وركضت حنان تاخذ عبايتها واغراضها ولفت وعد ببتسامه تناظرهم وقرب خلف بحب : ماشاء الله ماشاء الله الله يحفظك وانا اخوك ويسعدك ويملى حياتك رغد ووسعاده
قرب فيصل يصفر ويصفق : وعييييد الله يسامحك كنتي مخفيه هالزين كله بالهواش
ناظرته وعد بضحك :لا ابشرك بترتاح
قرب فيصل يحضنها بعبره: لا والله ماني مرتاح ولا للبيت طعم بغيابك ياعمود هالبيت
تزعزع ثبات الكل بعد كلام فيصل والكل فرحان لكن حزينين على روحة وعد
تعلق فيها غيث اللي يصيح وسالم وبالقوه ابعدوهم لكن خلف كان ابعدهم كلهم مايبي ينكد عليها ومايبي ينهار
ابو خلف : يلا يا عيال يلا وش ذا
قربت هيا: خلاص لا تخربون مكياجها
وعد اللي ما تحركت فيها دمعه كانت شاده ذراعها بقوه ماتبي تبكي ابداً
اماني : تعالي للغرفة الناس بيوصلون
دخلوا وعد الغرفه عشان تلبس فستانها وتستعد والكل طلع واخيراً بدو الحضور يجتمعون
والرجال يتجهون لزواج الرجال
_______________________.
في زواج الرجال
كان الحضور من جماعة مبارك قليل نوعاً ما لكن عقاب كان واقف معه وخلف واخوانه واقفين بالزواج بعد والحضور كبير وجابر نادر وضاري يساعدون
لكن خلف عيونه كانت على مبارك وده يتفحصه لاخر لحظه مايدري ليه خايف على وعد مايدري ليه قلبه ماهو مرتاح مايدري ليييييه شعور في صدره موجعه حييل كان مستغرب العلاقه القويه بين عقاب ومبارك لكن توقعها علاقة عمل
ما طول تفكيره فالموضوع لان بدا دخان النار والبرد والبخور والعود والعطورات اللي بالجو تكتم انفاسه وزود على ضيقة صدره وعبرته اللي خانقته عجز يتحمل
وطلع من الزواج يبي يرجع ياخذ دواه ويبي يشوف وعد يحس وده يحضنها ماهو مستوعب انها بتروح وتخليهم ومايدري وش مصير هالزواج
ركض وراه نادر وضاري : خلف خلف وين رايح ؟
خلف : بروح اخذ ادويتي واجي
نادر : اروح معك
خلف : لا لا بروح بسرعه وارجع
نادر: زييين
طلع خلف مستعجل لبيت قبل يطيح
_______________________.
وفي زواج الحريم
كل البنات كانوا مجتمعين ومبسوطين وكان الحفل في الحوش تحت والكل مبسوط
لكن فالسطح كانوا كل البنات مجتمعين ينتظرون وعد تجهز عشان يدخلون يسلمون عليها
كانت شوق وليلى وسحر ينتظرون فالسطح والباقين مع وعد واغلبهم تحت بالضيافه
كانت ليلى تراقب سحر بذهول ماهي مصدقه شلون ترفض خلف !؟ وكان ودها تسألها .
.
.
كانت ليلى تراقب سحر بذهول ماهي مصدقه شلون ترفض خلف !؟ وكان ودها تسألها لكن سكتت وهي تسمع سحر تقول : بنزل اساعدهم
شوق : بنزل اجيب لنا شي نشربه عن البرد
ليلى: زين
جلست ليلى تنتظر وهي تمشي بالسطح ببتسامه لكن فزت على الباب اللي بالنص لللي انفتح
وكان خلف اللي جاء من بيت جده عشان يدخل من فوق وينادي البنات لان تحت مايسمعون لكن تجمد يناظر ليلى وابتسم اول ماشهقت ليلى بخوف: انت شنو تسوي هنييييه!؟ ضحك خلف : حتى في بيتنا بتسألين هالسؤال !
اختبصت ليلى: شنو يعني بيتكم!؟ ماتعرف ان فيه زواج وفي حريم
خلف تكتف ببتسامه وهو يدقق فيها : ايه اعرف لكن اعرف ان محد يجي السطح الا اهل البيت
تفشلت ليلى منه ومن نظراته ولفت تدور اي شي حولها وسحبت الثوب اللي على الحبل تحطه حاجز بينها وبينه عشان مايشوفها وقالت بسرعه : شنو عرفني انك بتدرعم ! وان لازم محد يكون هنيه الا اهل البيت
ابتسم خلف بدقه خفيفه : لا ماعليك انتي تعتبرين من اهل البيت
تصلبت ليلى لكن ابتسمت اول مادق قلبها بفرح وحب وسكتت لكن لف خلف ببتسامه: روحي نادي وحده من خواتي قولي لهم خلف تعبان يبي دواه
لفت ليلى برعب : تعبان!؟ ضحك خلف : ايه اذا ودك جيبيه انتي ، اظنك تعرفين وينه
تفشلت ليلى وطلع بسرعه من السطح وتركته لكن خلف ابتسم وهو يمسح صدره بألم : ااااه ياربي وش ذا اللي اشوفه واعيشه
نزلت ليلى تركض وقابلتها حنان: وش فيك!
ليلى: فيه صوت رجال ينادي فوق
حنان: غريبه مين ؟
طلعت بسرعه وشافت خلف : خلف وش فيك !
خاب ظن خلف اللي توقع ليلى تجيبه : ابي دواي
حنان: يوووه الحييين اجيبه دقيقه
وطلعت تركض وجابته ورجعت وطلع خلف ونسى انه بيسلم على وعد ونسى كل شي وبعيونه ليلى ااااه يا ليلى كل ما يتذكرها يطير بين الغيوم
_______________________.
ومشى الزواج زي ما الكل يحب والكل مبسوط ومستانسين واخيراً جت نهاية الليله بالنسبه لوعد اللي طلعت لها امها وعمتها ام خلف والكل يجهزها استعداد لجيت مبارك اللي سمعون زفة الرجال فالحاره
غمضت وعد ووقفت وقلبها يرقع من التوتر وسمعت صوت ابوها يقول : حياك الله يا مبارك ادخل
وسمعت صوت خطواتهم جايه وصوت رجال غريب صوت مبحوح بشكل مرعب يقول : سلام عليكم
ماقدرت ترد لكن حست بأمان اول ما ألتفو حولها ابوها واخوانها وجدها وعمها محمد وماجد
بدول يسلمون عليها ويدعون لها ويودعونها ويحصرون على مبارك ويوصونه عليها وكانت كل ما تسمعهم يعيدون على مبارك(وعد امانه الله ثم امانتك) تحس بغصه
.

13 - 2 - 2022, 12:41 AM

.
كل ما تسمعهم يعيدون على مبارك(وعد امانه الله ثم امانتك) تحس بغصه لكن كان خلف لهجته شديده وهو يحرص على مبارك لو ضيق صدرها بيصير شي ماحصل
مبارك: لا تخافون أمانتكم بالحفظ والصون
ابو ناصر: الله يوفقكم ويستر عليكم ويوفقكم
الكل :امين
التفت مبارك لابو خلف : حنا نستاذن ياعم طالعين
مسكت وعد يد خلف بكل قوتها ولف خلف عليها بخوف وهو يحضنها وهمس : فيك شي!؟ هزت وعد راسها بضيق : لا
خلف : لا تخافين انا معك واذا هالمبارك سوا اي شي يزعلك اتصلي علي وانا اجي ادفنه
وعد: ادري لكن كل ما اتذكر اني بروح عنكم انخنق
خلف : هاذي سنة الحياة ياحبيبتي وبتجين لنا ان شاء الله
وعد بهمس: طيب بسلم على امي وخواتي
خلف : ابشري
لف على مبارك بحده: مبارك لاهنت انتظر شوي برا
لف مبارك على خلف وهو ماهو بالع خلف اللي يحسه بياكله :ابشر
طلع وطلعوا كل الرجال ودخلوا البنات وام وعد ام خلف وام ناصر وتعبت الغرفه بكي واحضان وانهيااارات كبييره
لكن صار وقت ان وعد تطلع وودعتهم بقلب باكي وطلعت وهي ماكانت تمنى تشوف عقاب واقف بكل هيبه قريب السياره ومبتسم
لكن كيف يفوت عقاب هالفرصه كيف يفوت لقطة الختام كيف رفع صوته لعانه وقال: بالرفاهه والبنين يا ياعرسان
ورفع رشاشه يرمي بالهوى ولفت وعد تناظره بقهر وركبت سيارة مبارك وهي ماهي حاسه بيدين خلف اللي تساعدها كانت عيونها على عقاب وهي تحلف لتندمه
تسكر الباب وتحرك مبارك وعقاب يرمي وراهم والباقين واقفين
_______________________.
وعند الحريم
رجعوا لزواج والبنات واضح البكى في عيونهم ووقفت مضاوي تصب القهوه بعد العشاء لكن وقفت عن الباب اول ماسمعت خلف ينادي : هلا !
خلف : نادي ام ضاري بيسرون
مضاوي :طيب
رجعت تدورها وهي ماتشوفها زين من دموعها لكن عرفتها وراحت لها وجلست قدامها: خالتي ام ضاري !؟ ام ضاري:سمي يا امي
ابتسمت مضاوي : ولدك يبيك عند الباب
ابتسمت ام ضاري وهي تمسح على مضاوي بحب :زين
ساعدتها مضاوي توقف ولفت ام ضاري عليها بحب وهي تمسح وجهها : لا يضيق صدرك يابنيتي افرحي لاخيتك وادعي لها بالتوفيق
ابتسمت مضاوي وهي تبوس راسها: ابشري
ساعدتها تطلع وهي تبتسم لهالعجوز اللي كلها رضا وسماحه
_______________________.
وانتهى الزواج
والكل صار قدام الباب عشان ياخذون اهلهم وبدا يفضى البيت لكن اخر الناس كانوا بيت النوخذه ينتظرون جابر يجي وطلعت اماني وهي شايله صحن في رز لاحد بيوت الجيران وتنادي : سالم ، غييييييث وجع وييينكم
جاء سالم يركض :اماني وش مطلعك
اماني: جدتي تقول وده لبيت ام محيميد لايبرد بسرعه
.
.
اماني: جدتي تقول وده لبيت ام محيميد لايبرد بسرعه
مسكه سالم وطالع الصحن وشهقت اماني : الله لا يعطي العدو عافيه
ونست نفسها ورفعت غطاها: ياخبببببل
سالم شهق : غطي وجهك الرجال حولنا
لفت اماني بخوف وهي تسحب غطاها: كله منك يا ثور جمعه كله وتعال قول لجدتي انك كبيته
دخلت بخوف لا يكون احد شافها بس ماشافت جابر اللي واقف بطرف كان يبي سالم ينادي اهله لكن تفاجئ باللي صار وصد
وجاء خلف : جابر وش فيك!؟
جابر: ناد لي الاهل لا هنت
خلف ابتسم : زين
دخل خلف وهو يدق الباب الداخلي وينادي : ياااولد بيت النوخذه يطلعون لجابر
فزت ليلى على صوته وابتسمت : يمه يلا
ام نهيان وقفت وهي تغطي وجهها: يلا ياجماعه الله يوفق وعد ويكتب لها الخير
الكل : امييين
ام ناصر : لا تقطعين يا ام نهيان
ام نهيان:ان شاء الله
لفت ليلى ببتسامه: مع السلامه بنات ولا تزعلون على وعد بالعكس استانسوا لها واحمدوا ربكم انتم واجد انا وحده بس وراحت اختي والحمدلله ما زعلت
ضحكت هيا: ماعليك إحنا خواتك بعد
ضحكت ليلى: ياحلاتكم
طلعت مع امها وهي صارت تحب البيت واهل البيت شافت خلف جالس مع سالم يجمعون الرز وواضح على ملامحه الغضب لكن اول ماسمع صوت الباب لف ببتسامه وصد بسرعه وهو يسمع صوت خلخال ليلى اول ما مرت وقال: كمل نظفه وناد غيث معك
سالم: زين
طلعوا اهل النوخذه وهم كلهم تاركين في بيت ابو خلف مواقف مذهله لكن خلت بقلوبهم رجفه
_______________________.
وفي بيت نادر
اللي وصلوا وجلس نادر يسمع لشوق تشرح له الزواج واللي صار ولف على صوت الباب
شوق : من بيجي هالوقت!؟ نادر: يمكن العيال انتظري
طلع وفتح الباب لكن شاف ابوه وامه واقفين فرح نادر لكن جانب من قلبه اظلم اول ما تذكر ان ممكن يتسببون لشوق بظلم
ودخل ابو نادر: ما تبي تسلم!؟ تحرك نادر: العذر والسموحه تفاجأت
ام نادر: لايكون ماتبي جيتنا
نادر: وش ذا الحكي يمه الله يهديك
ام نادر: حمدلله اجل .
.
.
ابو نادر : نزل الشناط من السياره
نادر: غريبه خليتوا جدي!
ابو نادر: عماتك عنده
نادر : زين
وقفت ام نادر تناظر الشغاله بذهوول: شغاله!؟ نادر : ايه
ضحكت ام نادر باستهزاء : وليش ان شاء الله !
نادر: تساعد شوق في الشغل
ابو نادر: وشوق ماتعرف تسوي شي!؟
تكتف نادر يرحب بالمشاكل اللي انهلت عليه من البدايه : لا والله تعرف لكن مستحيل اخليها تسوي كل شي وهي بهالعمر
ام نادر : عشنا وشفنا طول عمري اكرف على يديني ما شفت شغاله ولا شكيت
صد نادر وهو طول عمره كان يشوف امه قادره تسوي كل شي بكل قوتها ولو طلبت شغاله جاب لها
طلعت شوق وهي ما سمعت هالكلام ابداً تقدمت ببتسامه : خالتي حمدلله على السلامه
ام نادر : هلا الله يسلمك
سلمت عليها واتجهت لابو نادر: عمي شلونك عساك ما تعبت بالطريق
ابو نادر: حمدلله ما تعبنا انتي وشلونك!
شوق: حمدلله
ام نادر : عسى غرفتنا نظيفه بس!
شوق ابتسمت : ايه زكيه نظفتها وسكرتها
صدت ام نادر ماردت ودخلت ودخل ابو نادر ولف نادر بضيق : يلا خلينا ننام
قربت شوق مستغربه: كأنهم متضايقين!
نادر: لا لا
سكتت شوق مستغربه لكن ماكانت متوقعه انهم ممكن يطينون عيشتها
_______________________.
وفي بيت مبارك
عند وعد اللي انقطع نفسها اول ما دخلت ونزلت عبايتها وهي تستغفر بنفسها ولفت على صوت مبارك اللي يناظرها بكل قوة عييين كان مبتسم ابتسامه مرعبه كان مفتون في وعد اللي كانت حريصه ما تطلع بأي صورة فاتنه لكن مع الاسف كانت تشوف في عيون مبارك الاعجاب
تقدم مبارك مبتسم : ماشاء للله ماشاء الله نصيبنا هالمره طيب
شدت وعد على اسنانها بقرف منه وابعدت عنه خطوتين وتقدم مبارك هالخطوتين
مبارك: لا لا مانبي خوف يا بنت الحلال
ناظرته وعد بنظره حاده وهي تبعده بيدها بشويش وبالقوه انطقت وقالت: ماني خايفه لكن ابعد
قطب حواجبه مبارك بعجب : افا من البدايه ! لكن ماعليه نتعشى ونتفاهم انا والله جوعان
ابعدت وعد بكرهه ودخلت تدور شنطتها وبدلت ملابسها بملابس ساتره ورجعت شافته بدا بالاكل ما انتظر وجلست بصمت ومبارك يناظرها : تعالي تعشي
وعد : مالي نفس
مبارك : مايصير تتركين زوجك ياكل لوحده
ماردت عليه وعد وسكت مبارك وكمل عشاه هو مقرر يتفاهم مع هالصمت
كانت وعد متوتره ماتدري كيف تفتك من مبارك لكن حلها مثل اي حل يطري لاي وحده بهالموقف اول ما انتهى وشافته يقرب وقفت على طول وابعدت ومسك يدها مبارك قبل تبعد : وين وين !
وعد بهدوء تحاول تسيطر فيه على خوفها: تعبانه وبنام
.
وعد بهدوء تحاول تسيطر فيه على خوفها: تعبانه وبنام
مبارك ابتسم بخبث : ماعليه كلنا تعبانين وبننام
سحبت يدها وعد وابعدت مبارك بسرعه اول ما قرب : ابعد
مبارك بغضب: وش فيك !
وعد غمضت بهدوء وقالت : مايصير تقرب مني
مبارك : شلوون!؟ وعد : مايصير يعني مايصير
انتبه مبارك وابعد : لا إله الا الله يالليل النكد
ابعد وهو ينزل ثوبه ويرميه بغضب وابعدت وعد براحه وهي تسمع هواشه لكن ماهمها
نام مبارك ووقف وعد وابعدت بقرف لاخر غرفه نزلت لحافها وانسدحت لكن مجرد ما حطت راسها على المخده انهاااااارت تبكي بكل قوتها
_______________________.
وفي بيت ابو خلف
بعد ما الكل راح عم الهدوء على البيت لكن ام وعد كانت تبكي ويهدونها
خلف : ياعمتي مو انتي اللي كنتي تبين وعد تتزوج وتفرحين فيها ليه تبكين الحين
ام وعد : ما تعودت على البيت من دون وعد مدري كيف بعيش ما اشوفها قدامي
ندى: يمممه صح انها لها فقده بس بتجي وبنشوفها تكفين خلاص
ام خلف : تعوذي من ابليس يابنت الحلال وقومي غسلي وصلي ركعتين ونامي
ندى : يلا يمه يلا
طلعت ندى مع امها وطلعت ام خلف تنام ولف خلف يناظر اخوانه اللي مجتمعين حوله وكلهم ساكتين
خلف : وش فييييكم !؟
غيث اللي من ساعه يصيح : ابي وعد
حضنه خلف ببتسامه: افا غيث نقول الرجال مايبكي
وبعدين وعد خلاص راحت بيتها وان شاء الله بكره بتجي
فيصل : ولله انا شايل هم البيت بدونها احسه بيصير شي
اماني ببتسامه: اذا انت ضايق ان مافيه احد يعدلك بعد وعد انا ترا بالخدمه
دفها فيصل بضحكه : وييين وعد وانتي وين
وجدان: انا صراحه مرتاحه مافيه احد يكرفني
خلف : ماعليه ماعليه بتجي وتشوف وضعك
حنان: اسمعوا يلا قوموا ناموا عشان ابوي مايعصب من الصوت
خلف اخذ غيث وهو يقول : فيصل اخذ سالم وصحه زين لا تفجعه
فيصل : زيين
افترقوا كل جهه راحوا لغرفتهم والبنات متأثرين من زواج وعد لكن العيال رغم تأثرهم الا انهم دخلوا بسابع نومه ماعدا خلف اللي يعيش احلامه على ذكرى شوفته لليلى اللي كل ماغمض يشوفها بعيونه تتمايل على الانغام وتغني
_______________________.
وفي بيت النوخذه
ليلى كانت نفس حالة خلف لكن اخف شوي كانت تناظر الكاميره وتناظر ملامحه وتبتسم وهي تقارن بين الواقع والصوره لكن في كل الحالات كان سمح ومبتسم وطيب
تذكرت صوته وكلامه اللي في كل مره يثبت لها جديته وان فعلاً شاريها
لكن مهما تخيلت ما توصل بها الافكار لأبعد من هالنقطه .. وفي طرف ثاني من البيت كان جابر الليله ماهو قادر ينام ايه متعود انه يششوف بنات بالغلط او بالعمد
.
.
وفي طرف ثاني من البيت كان جابر الليله ماهو قادر ينام ايه متعود انه يششوف بنات بالغلط او بالعمد لكن الليله كان صاد وماله من الشيطان طاري لكن مايدري من وين طلعت له هالاماني لمحها لمحه لكن كانت وافيه انها ترسب ملامحها بعقله
حط اللحاف على راسه يحاول يمنع التفكير انه يعمق ويتورط
_______________________.
اما في بيت الجد قايد
كانوا البنات عند محمد ويسولفون له عن وعد وانا رغم البكى اللي صار ما بكت وما تأثرت وكان عقاب جالس وهو يسمع لكن مقهور شلون ما بكت ! شلون ما تأثرت
محمد : هذا هي وعد قويييه كعادتها
هيا : هاذي صفة حلوه لكن ماهو كل الاحوال !! اشوفه احيان مرض بتتعب كذا
سحر: لا ولله ماهو مرض بالعكس
عهد : ماعليها خوف وعد تأكل مبارك وعشره معه
مضاوي كانت تراقب عقاب للي منشد لكن ومصدقه الكذبه اللي كذبتها وصدقتها متوقعه تأثر عقاب بزواج وعد وقالت تنهي الموضوع: الله يوفقها خلاص انتم سكروا الموضوع
محمد: عهد كأني ملاحظ انك شايله على وعد!؟
عهد : لا شدعوه بس اقول
عزوز: لا عاد تقولين دام هذا كلامك
عقاب : اقول قوموا كلكم افرقونا نبي ننام
هيا : اي ولله يلا يلا
طلعوا كلهم وارتخى عقاب بقهر( اجل ماهمك ولا اهتميتي ياوعد لكن هين ان ما بكيتك دم هين )
_______________________.!
وفي بيت ضاري
من يوم رجعت انه وهو جالس معها يهمز رجولها ويسمع سوالفها لكن قالت أمه : ضاري يمه هالمره وجبت ياولدي هالمره ان شاء الله بيصيب النصيب
ضاري : وشو يمه!؟
ام ضاري : اليوم في الزواج كانت عيوني على البنات وادور اللي قلبي يرتاح لها وطول الحفله قدامي وحده تشرح القلب والخاطر الابتسامه سبحان الله اللي رسمها والاخلاق والسناعه كامله والكامل الله
خاف ضاري من هالنقطه وقال: لا يمه لا تقولين من اهل خلف
ام ضاري : عليك نور يمه انا سألتها وقالت انها عمته
ضاري : عمته!؟ ام ضاري : اييه لكن صغيييره ماهي كبيره
ضاري : ماهي هنا المشكله بس يمه انا خايف مابي ادخل بهالموضوع مع خلف اخاف يصير شي وافقده وانا مابي افقده
ام ضاري :وش بيصير يا يمه ما صاير الا كل خير
ضاري : يمكن ما ارتاح للبنت يمكن ما نتفق
ام ضاري: من هالناحيه ارتاح البنت فيها من اطباعك كثير
ضحك ضاري : مب لذا الدرجه يمه
ام ضاري : والله يايمه فيها من هبالك
ضحك ضاري : خربتيها يمه
ام ضاري ضحكت: وانا صادقه
ضاري سكت شوي وقال: بس انتي تدرين يمكن مايرضون فيني
ام ضاري باستغراب: ليييه انت وجال وسيد الرجال!
ضاري : ايييه لكني لقيط يايمه
.
.

13 - 2 - 2022, 12:42 AM

.
ام ضاري باستغراب: ليييه انت وجال وسيد الرجال!
ضاري : ايييه لكني لقيط يايمه
ام ضاري سكتت بضيق وقالت : يمه هذا ماهو شي ينقص منك شي اللهم لك الحمد انتي ولدي وربيتك وكبرتك ومحد يقدر يعذربك يمه
قرب ضاري يبوس راسها: انا ادري دامني تحت ظلك محد يقدر يضايقني لكن لو جصل ورفضوا بخسر خلف في كل الحالتين
سكتت ام ضاري: اللي تشوفه يمه اللي تبيه
صد ضاري بضيق وهو يلحفها وطلع متضايق وهو اسباب الرفض دايماً لقيط ماله اصل وفصل ومحد يقدر يزوجه مايدرون اذا ابن حلال او لا
وهذا اكثر الاسباب المعذبه لضاري وكان وده يتزوج ويعيش لكن يخاف
_______________________.
ومن بكره
في بيت نادر اللي كان غرقان بنومه لكن فز برعب اول ما سمع صوت امه تناديه بصوت عالي
فزت شوق معه وهي تناظر ام نادر اللي واقفه على باب الغرفه ومتكتفه : ناااادر راح دوامك وانت ناييييم
قبل ما يستوعب نادر اللي صار انتبه ان امه دخلت من دون لا احم ولا دستور وواقفه تناظرهم ومازالت تصارخ عليه وتقول : الظاهر انك ماعاد تروح لدوام!؟ وش هالرباده! الطيور طاررت بأرزاقها وانت نايم
نادر: يممممه وش فيك تصارخين الله يرضى عليك!
ام نادر: اصارخ من هاللي اشوفه نايم داري عن الدنيا
نادر: يمه دوامي باقي له ساعه
ام نادر وهي تخز شوق: حتى ولو يالله تقوم وتفطر وتروح ولا شكلك ماتفطر ابد
شوق كانت متفشله وهي تبعد عن نادر اللي اخر الفتره صاروا قريبين من بعض
وقف نادر بغضب وطلع لامه وهو ياخذها معه: يمه الله يهديك وش بلاك مدرعمه كذا فجعتينا وخبصتينا
ام نادر: لا والله وش تبيني اسوي!
نادر: يمه انا مابي اعلمك بس انتي داخله على رجال وزوجته كان المفروض تدقين الباب او اقل شي تنادين من برا
ام نادر : لا احد يسمعك تكفى ويقول صدق متزوج ؟ لكن خل هالانسانيه تنفعك
صد نادر بضيق : هذا شي يخصني مال احد شغل فيه ويمه الله يرضى عليك خفي شوي على شوق ماله داعي ذا الحركات
ام نادر: زين زين
رجع نادر بضيق وهو يبدل ويلبس
شوق: لا تروح لين اسوي لك الفطور
نادر: مالي نفس بطلع
شوق : بس ما يصير
نادر: :يصير لكن اسمعي
تقدم بضيق وقال: طولي بالك على امي شوي واذا ضايقتك ماعليه اصبري امي شوي عسره واذا سألتك عن شي قولي صار
نزلت راسها شوق بضيق : ابشر
طلع نادر هو ماصدق يستقر الا رجعت المشاكل
_______________________.
في بيت ابو خلف
كانوا جالسين يفطرون على زل الزواج للان ما شالوه وكان ماجد موجود ونايم عندهم
وقف خلف وهو يلبس جاكيته بما ان الجو صار باااارد : انا طالع الدكان .
.
.
كانوا جالسين يفطرون على زل الزواج للان ما شالوه وكان ماجد موجود ونايم عندهم
وقف خلف وهو يلبس جاكيته بما ان الجو صار باااارد : انا طالع الدكان
ابو خلف : انتبه للبرد لا تجلس ناقع برا الدكان لين تمرض
خلف : ابشر
لف ابو خلف : انا بروح انا وجدك نزور ابو محسن
خلف : زين
طلع خلف وابو خلف وطلع فيصل لعزوز ولف ماجد بهدوء : سالم ناد لي امك بالمجلس
سالم : زييين
ركض ينادي امه وماجد واقف بارتباك ولف على دخول ام وعد : ماجد ناديتني !
ماجد : ايه ايه تعالي اجلسي بكلمك بموضوع
ام وعد : وش فيك! خوفتني
ماجد وهو مرتبك: اسمي ياخيتي انا مالي الا الله ثم انتي وانا لي مده افكر اني اخطب واتزوج
ابتسمت ام وعد بفرح: اخييييراً ما بغيت
ابتسم ماجد: يعني هي موجوده الفكره من قبل لكن توني لقيت اللي ابيها
ام وعد : من هااذي اللي داعين لها والديها
ماجد بهدوء : سحر بنت نايف
شهقت ام وعد : وشوو!!! سحر ماغيرها سحر اللي كانت خطيبة خلف !
صد ماجد بضيق: كانت لكن الحين مافيه شي يربطها بخلف
ام وعد : بس يا ماجد !
ماجد:وش بسه! كانت معطيه لخلف وانتهى كل شي يعني مافيها شي اذا خطبتها انا
ام وعد : وانت وش عرفك فيها
ماجد : عرفتها وابي هالبنت بذات سمعتيني !
ام وعد : اييه سمعت لكن اول شي يمكن ما احد يوتفق علو هالخطبه
ماجد : ليييه وش ناقصني؟
ام وعد : ماناقصك شي لكن تعرف عقاب والموضوع حساس بما انها كانت لخلف
ماجد : ماهمني هالحكي كله انا جيت اقولك لاني هالايام الجايه بخطب رسمي
ام وعد بذهول: يعني مقرر وخالص
ماجد : ايه
ام وعد : بكيفك ياماجد لكن اذا ردوك لا تزعل
ماجد : لا تخافين
اخذ اغراضه وطلع وطلعت ندى تركض بصدمه ودخلت المطبخ وهي تسكر الباب
فزت اماني وحنان وهم يناظرونها بخوف: وش فيك ؟
ندى : اسكتوا بتطيح السماء علييييينا
اماني : بسم لله وش فيك
حنان : لا تخوفيييني
ندى : تخيلوا خالي ماجد يبي يخطب سحر
شهقوا البنات بصوت واحد وفجعه : وشووو
ندى: سمعته بأذني يقول لأمي يبي يخطب سحر ويبيها هي بذات ومصر على رايه
.
.
.
ندى: سمعته بأذني يقول لأمي يبي يخطب سحر ويبيها هي بذات ومصر على رايه وقالت له امي ان عقاب بيرفض ويمكن يكون الموضوع حساس عشان خلف بس كان رافض كل شي ويبي يخطبها لو مدري وش يصير
شهقت اماني : وهو وش عرفه بسحر عشان يصر انه يخطبها كذا!
ندى : قالت له امي وقال اعرفها ومحد له شغل
لفت حنان بخوف وشك : بنات لايكون فيه شي بينهم!؟ وش عرفه فيها !
اماني :هاه ؟
حنان:مدري انا للحين مافهمت سبب رفض سحر لخلف واخاف لخالي دخل
سكتوا يناظرون بعض بخوف من هالاحتمال الكارثي اللي طرا لهم
_______________________.
وفي بيت مبارك
فزت وعد اول ما حست احد يناظرها وابعدت بضيق من مبارك اللي جالس مقابلها ويناظرها : بسم لله الرحمن الرحيم
مبارك : بسم لله عليك خوفتك !
وقفت وعد وابعدت عنه ووقفها مبارك : ويييين !
نست نفسها وعد وقالت : بصلي صلاة ربي اللي فاتتني
طارت عيون مبارك : وشو ؟ مو على اساس معذوره!
ناظرته وعد بورطه ولفت: من قال!؟ مبارك انصدم: امس وش تقولين ! مو قلتي مايصير تقرب!
لفت وعد تستجمع قوتها: ايييه قلت لكن ماقصدت اللي فهمته
مبارك بغضب: وش تقصدين اجل
تقدمت وعد وهي لازم تفرض قوتها من البدايه والا بتضيع حطت يدها على كتف مبارك اللي في لحظة غضبه كان يناظر وعد بهيمان ورغم انها متستره لكن ملامحها الجميله وشخصيتها الجميله وسط القميص الابيض الحريري جايبه راسه لا شعورياً ركد من لمسة يدها وابتسمت وعد اول ماشافت تأثره وقالت: شوف يا مبارك انا مابي اخذ عنك فكره سيئه وانت بعد ما تبي عشان كذا الاحسن نجلس ونتفق ونتكلم وبعدها يصير خير
اخذ مبارك نفس متقطع وقال: وش نتكلم فيه!؟ وعد بنفس لابتسامه : اذا ممكن اطلب فطور لين ابدل وارجع وانت تعرف وش بنتكلم فيه
راحت وتركت مبارك اللي من فتره جايب الفطور ونزله وجلس ينتظر وعد مذهول من الجمال لللي لو حاول يتصرف معه بقوه بيكون ظالم
اما وعد رغم كرهها لهالاسلوب لكن مافيه حل الا هو مافيه حل بيدها الا تكسب مبارك ويصير بصفها لانها مستحيل ترجع مطلقه بكل هالسهوله
رتبت نفسها وبدلت ولبست فستان مناسب وثقلت روجها الاحمر وتعطرت وطلعت بثقه تجبر اللي قدامها ينذهل
ابتسمت بطريقه مذهله وجلست قدام مبارك اللي احمر وجهه من كثر ما دق قلبه واللي ارتخت يدينه وهو يناظر وعد من عيونها لأسفل قدمها .
.
ابتسمت بطريقه مذهله وجلست قدام مبارك اللي احمر وجهه من كثر ما دق قلبه واللي ارتخت يدينه وهو يناظر وعد من عيونها لأسفل قدمها
واخيراً نطق مبارك وقال : وش بتتكلمين فيه !؟ وعد : اسمعني يا مبارك انا خاطري نبدأ حياتنا متفقين وعلى بيّنه وانا لازم اقولك كل شي عني وانت لازم تفهمني
انشد مبارك لكلامها وقال : قولي اسمع!
وعد بمكر : شوف انا لما قلت ابعد انا خايفه عليك ومابي لك الضرر
مبارك : خايفه علي!؟ ومن وش!
قربت وعد تهمس له بخبث وهي جمدته بهالحركه لكن انتفض اول ما سمع اللي قالته : انا يا مبارك معي مس عاشق
ابعد لا شعورياً يناظرها بحده لكن كل ما دقق النظر يشوف انه طبيعي يكون لها عشاق من الجن والانس مثل هالجمال ما احد يقدر يتجاهله
مسكت يده وعد : لا تخاف انا اقولك الحين لأنهم مو موجودين الحين
سكت مبارك وهو نوعاً ما مصدقها وشعور فيه رافض يصدق
ورجعت وعد تقول : انت تدري انهم يدرون اذا احد زعلني او ضايقني وعشان كذا امس جيت نمت هنا ما أبيك تضاقيني ويأذونك
تنحنح مبارك :ودام هذا كلامك ليه ما رحتي لشيخ!
ضحكت وعد وهمست : لانهم بيذبحون الشيخ وأي احد يوديني لشيخ
ابعد مبارك عنها شوي وهو يحاول ما يتأثر : والمطلوب مني الحين !
وعد : ابد المطلوب بس انك ما تضايقني
تكتف مبارك: لين متى ان شاء الله !؟ وعد تجرأت وقالت: انا اقدر اكلمكم ولا يأذونك مهما سويت لكن بشروط
مبارك: وشو هالشروط!؟ وعد : اول شي طبعاً ابيك تسفرني ابي انبسط
مبارك : بس! هاذي بسيطه؟
ابتسمت وعد : وثاني شرط هو الاهم
مبارك: وشوو
وعد: انا قدمت اوراقي في معهد وهالاسبوعين رح يعلن القبول وفي حال انهم اقبلوني رح تخليني ادرس وتوصلني وما ترفض لاي سبب من الاسباب لين اخلص دراستي
مبارك: نعمم !! دراسه بهالعمر!؟
وعد كانت تحاول تتحكم بغضبها لا تقوم تقلب الدنيا عليه : ايييه بهالعمر وبعدين ماهي دراسه دراسه لا دورة اخذ فيها خبره اقدر اتوظف فيها مستقبلاً
مبارك بغضب وصراخ : وبعد وظيفه
فقدت نفسها للحظه وصرخت بصوت متحشرج ومقهور ومليان بكى وعيونها محمره من احتباس الدموع وبانت ملامحها التعبانه اللي تخفيها ورا الهدوء والجمود :لا تصاااااارخ علييييي لا تصارخ احسن لك يامبارك
اول ما شاف مبارك انقلاب ملامحها اللي تحولت من ملاك لشيطان غاضب سكت خايف انه يكون احد غير وعد وهو يحاول يتدارك الوضع : وهالدراسه كم مدتها !؟ اختفت ملامح الغضب من وجهه وعد ورجعت تبتسم بوجهه ملايكي وهي تأشر بيدها: ثلاث شهور بس وماهي علي كثيره ولا وش قولك!
سكت مبارك لكن قال يسايرها: زين .
.
.
اختفت ملامح الغضب من وجهه وعد ورجعت تبتسم بوجهه ملايكي وهي تأشر بيدها: ثلاث شهور بس وماهي علي كثيره ولا وش قولك!
سكت مبارك لكن قال يسايرها: زين
وعد : لكن مارح تقرب مني لين اخلصها
مبارك: نعععم !
وعد : ليه زعلان ! المهم سلامتك اكيد ماودك تموت
وقف مبارك بغضب: يصير خير ان شاء الله
عرفت وعد انه ما اقتنع ولازم تقنعه اكثر وراح مبارك
ماردت وعد وطلع وجلست وهي تحاول تدعم خطتها بس كيف تدعمها
_______________________.
وفي السوق
كان خلف جالس كالعاده على طاولته وهو رافع صوت الراديو ولف على دخول عقاب : خليييف شاد حيلك من صبح الله
رفع راسه خلف مبتسم : الله يزيديني لكن بعض الناس ورا ما هو مداوم
عقاب : ماعندي دوام الحين ، وجيت ادورك تفطرني
خلف : نفطرك ليه ما نفطرك! وش ناوي تطحن من الصبح
ضحك عقاب : اي شي ياكلونه الاوادم
وقف خلف وهو ينزل اغراضه: زين انتبهه للمحل اجل
عقاب : جدي عنده انا بروح معك
خلف : يلا اجل
طلعوا وخلف يدور على اي شي يفطر فيه عقاب وعقاب يسولف شافوا نادر اللي جاي بإنزعاج ومسكه عقاب : سكنهم مساكنهم وش فيك
نادر : بالله اذا احد يعرف حل اعدل فيه حظي يعلمني
خلف : والله انا افتقر للحظ بقوه عشان كذا ماعندي حل
عقاب : وانا اردى
ضحك خلف وهو يأشر لضاري اللي جاي : جااك اللي بيجيب لك الحل
جاء ضاري : خييير وجهيكم مروعه!
خلف : نادر يحتاج حل يعدل فيه حظه
ضاري : اذا لقيت علمني
عقاب : داري مامن وراك فايده
ضاري : خلك على جنب يا ابو الفايده كلها
نادر : ممكن تركزون في مشكلتي
اتجههوا للبقاله وقال خلف: وش مشكلتك ؟
نادر : امي وابوي رجعوا
ضربه ضاري بكل قوته: وهاذي مشكله يالفاسق!
نادر : لا ياخي بالعكس نعمه من ربي ومستانس والله انهم رجعوا
عقاب اللي اول مره يتفق مع ضاري بشي وقال بغضب: اجل وش بلاك!
خلف : اصبروا وش فيكم خلوه يتكلم !
نادر: افهموا انتم انا مبسوط برجعتهم بس المشكله ان امي رجعت وهي حاطتني براسها ومب بس انا شوق معي وهي توها امس وصلت لكن ماقصرت من يوم دخلت وهي غاسله شراعي
ضاري : اسمع عاد كل شي ينبلع الا انك تبدي زوجتك على امك
عقاب : انا مع ضاري مهما كانت شوق عندك لا تخليها فوق امك وابوك
نادر: اكيد مستحيل اني افضلها عليهم لكن مستحيل ارضى بالظلم واخضع مجرد انهم امي وابوي واقول لغلطهم صح
خلف : ما قلنا ارضى الظلم لكن حاول تتفاهم
نادر : والله من مواري البدايه واضح ماهي بداية خير امي انا اعرفها قويه ولاني عاندت بالبدايه استقعدت لي وابوي اذا امي قالت شي يصدقها على طول وانا انشب
.
.
عقاب : اسمع مهما كان مامعك الا حل واحد ترضي امك وابوك وبعدين تفهمهم وضعك مع شوق
ضاري : ياربي لك الحمد عشت وشفت عقاب يقول شي عدل
لف له عقاب : اسكت اذا ماودك ادفنك واوريك العدل كيف !
خلف : اسمع يانادر خلك راكد وحاول تمشي الامور بسياسه واذا ما نفع نشوف لك حل
نادر :يالله يارب انك تنظر لحالي والله ماني ناقص غربله
سكتوا وابعدوا اول ماشافوا حريم عند البقاله بيمرون لكن خلف انتبهه لنظرة عقاب المسلطه على احد الحريم ولف واحتر دمه اول ماشافها ليلى اللي كالعاده عيونها باينه
قرب عقاب بهمس : عينهم على الموت الحمر
دق خلف بكل قوته بغضب: عمى يعمي عيونك استح على وجهك
نادر اللي كان صاد بضحك: انا والله مقدر اناظر متزوج ونظرتي محسوبه علي
عقاب : خلف وش بلاك فجرت مراراتي بكوعك
خلف بغضب: احسن وقمرانت وياه اذلفوا للمحل لين اخذ فطوركم واجي
راحوا وجلس ضاري مع خلف وهو الوحيد اللي مالف ولا ناظر وماهي من عادته
وهمس لخلف : وش فيك عصبت ؟
خلف اللي كان يلتفت : اسمع عينك على الباب اذا جاء اي احد كح سو اي شي ينبهني
ضاري : لييه ؟
خلف : اسمع الكلام
دخل خلف البقاله اللي كانت فيها ليلى وام نهيان
وشافته ليلى اللي من يوم دخلوا السوق وشافتهم قريب البقاله ابتسمت واول ما مرت كانت ملاحظه نظرات خلف اللي فيها شي من العصبيه
ولف على صوته يكلم ممدوح وبعدها اتجهه لها وكأنه قاصد الرف اللي وراه ومر بهدوء وصوت مليان غضب وغيره وهمس : وش رايك ترحمين الناس وتغطين هالعيون اللي ما بقى مسلم يؤمن بالله الا وحلف انها احلى عيون في ذا الدنيا
ارتبكت ليلى لا شعورياً سحبت طرحتها تعدلها وابعدت شوي وهي تحس انها معاد تسمع من دقات قلبها
اخذ خلف اغراضه ووقف بطرف وهو مبتسم بهدوء انها استجابت وغطت عيونها
ولفت ليلى تناظر جاكيته اللي نساه على الرف اخذته وهي ماتدري كيف اخذته وهي تمر جنبه بسرعه وحطته على ذراعه اللي مستند فيها على الرف وهمست : واذا ماخاب ظني كل الملسمين اللي يؤمنون بالله بيحلفون اني اكثر وحده تركض وراك عشان صحتك ! حاول ما تنسى جاكيتك والجو بارد والشتاء دخل لا تمرض بسبتي
تجمد خلف لكن ابتسم وهو ياخذ جاكيته ولبسه اول ما حس بنسمه بارده دخلت قلبه
ابعد اول ماجت ام نهيان واخذ قلم من ممدوح وابعد وهو يسحب قطعة ورقه صادفته وابتسم وهو يكتب ( وانا مؤمن واحلف اني اول ماعرفتك ماكنت قاصد اعرفك لكن جابتك لي الصدف .. وماكنت ضد الحب ولا كنت معه كنت دايماً محايد في هالامور .. لكن فجأه رجحت بي كفه ما هقيت اني بكون فيها .
.
.
( وانا مؤمن واحلف اني اول ماعرفتك ماكنت قاصد اعرفك لكن جابتك لي الصدف .. وماكنت ضد الحب ولا كنت معه كنت دايماً محايد في هالامور .. لكن فجأه رجحت بي كفه ما هقيت اني بكون فيها .. كنت مؤمن ان فصول السنه أربعه وطول عمرها بتكون أربعه وطول عمرها بتمر في سنه .. لكن عشتها كلها معك وفي هاللحظه بذات ومع الاسف اكتشفت انها صارت خمسه وفصلها الخامس أحلاها مدري كيف بوصفه لكن انا متأكد اذا مرك بتعرفينه .. وايه مؤمن ان الشمس وحده ! لكن اشرقت في دنياي شمس ثانيه بشوفتك .. وآمنت بعد أن القمر واحد بس ! لكن اختلف هالكلام البارح ! وعرفت ان لسماء قمر ولخلف قمر وليلى )
سكر القلم وابتسم وهو سحب اقرب بسكوت شاف ليلى تاخذ منه فكه بشويش وهو يدخل الورقه فيه وقرب وحطه بشويش بجنب اغراض ليلى بدون محد يحس وشافته ليلى وارتبكت لكن كح ضاري واخذ خلف اغراضه وطلع وشاف عقاب راجع: تأخرتوا
خلف : خلاص قضينا يلا
اخذه بسرعه قبل تطلع ليلى وراحوا وهو مبتسم وضاري ماهو فاهم شي لكن شك في الموضوع في بداية الامر
_______________________.
وفي بيت ابو نادر
مثل ماكان نادر متوقع تركت ام نادر كل شي واستقعدت لشوق ووقف وهي تناديها
وجات شوق : سمي ياخاله
ام نادر: انتي وينك انادي من ساعه!
شوق : ارتب اغراض نادر
ام نادر: اتركي كل شي وتعالي رتبي غرفتي ما احب الشغالات يلمسونها
شوق: ابشري
دخلت وهي تناظر حوسة الشناط وبدت ترتبها لكن وقفت على صوت ام نادر: طلعي كل الملابس واكويها ما احب ملابسي معفسه
شوق بذهول : كلها!
ام نادر: ايييه ليه ما تعرفين
شوق : الا اعرف
ام نادر : يلا عجلي
كانت ام نادر تحمل شوق سبب تغيييير نادر اللي مالها ذنب فيه بالعكس نادر اللي اختلفت نظرته للكل بعد اللي سووه فيه وفي شوق
قربت وهي تناظر شوق بتدقيق وقالت : اسمعيني زييين يا شوق تسوييين اللي تسوينه وتممين هالزواج وتجيبين لولدي ولد يشيل اسمه واسم ابوه تسمعين!
ضاقت شوق ولفت بسرعه وهي تنزل الكوايه بالارض وتقدمت ام نادر بغضب : تسمعييني !؟ كانت شوق بترد لكن بحركه غير متوقعه مرت ام نادر من جنب الكوايه ودفتها بالغلط وفزت شوق بألم اول ماحست بحرارتها على فخذها
صرخت وهي توقف بألم ولفت تناظر ام نادر بعيون مليانه دموع
وانصدمت ام نادر للي لفت بتوتر: ما تشوفين حاطته بالطريق
طلعت شوق وتركتها ركضت وهي تفتح المويه البارده على رجلها غمضت بألم وهي ماتدري وش تسوي
_______________________.
وفي بيت الجد قايد
كانت مضاوي سرحانه وتفكر ومرت من جنبها سحر: مضاري وش فيك ما انتي عاجبتني من مده .
.
.
وفي بيت الجد قايد
كانت مضاوي سرحانه وتفكر ومرت من جنبها سحر: مضاري وش فيك ما انتي عاجبتني من مده
مضاوي : ولا شي
سحر جلست جنبها ببتسامه : اتوقع اشتقتي لوعد
ضحكت مضاوي : مايمدي
سحر: اجل وش فيك!
مضاوي : افكر هاذي وعد اولنا كلنا تزوجت وافكر لو يجي يوم الكل يتزوج كيف بيكون الوضع! بنكون مرتاحين ولا لا
ضحكت سحر: وييين وصلتي بخيالاتك
لفت مضاوي تناظرها بهدوء : ليه ماودك تتزوجين
صدت سحر: كل شي يكتبه ربي قومي انتي قومي نتقهوى
راحت بسرعه ماتبي تسمع هالسؤال ولا تسمع هالاجابه لكن تنتظر اللحظه اللي يجي فيها خلف ويعلن انه بيتزوج! هنا السؤال كيف بيكون وضعها وكيف بتتقبل
اما مضاوي اللي قررت تتناسى موضوع عقاب وتحاول تشوف حل يتنقذه فيه
_______________________.
وفي دكان ابو ناصر
انتهت جلسة الشباب وكل واحد راح لشغله الا ضاري اللي كان ساكن وهو يناظر خلف بتمعن
رفع راسه خلف يناظر : وش فيك!؟ ضاري : هالبنت اللي كانت بالبقاله ! هي نفسها اللي بايع الدنيا عشانها
ابتسم خلف ورجع لوراء : لازم جواب!
ضاري : يعني مايحتاج تجاوب لاني متاكد انها هي
خلف :وش بتستفيد اذا هي
ضاري : لا بس اقول دامك وضعك لهدرجه خطير كلم ابوك ورتب امورك
ابتسم خلف : ايام ان شاء الله ، خلك مني انتي قلبي وش فيك كأنك متضايق
ضحك ضاري ورجع بكرسيه للجدار وهو يقول بطريقة مازحه : اقولك قصه!
هز راسه خلف بضحك وهو يرجع لشغله: قل اسمعك
ضاري : اممم تخيل معي إن في يوم من الأيام كان فيه عجوز كبييره بالسن وهي بطريقها بالصدفه شافت عند المسجد كرتون وفي بزر يصييح ويبكي طبعاً كسر خاطرها واخذته معها لبيتها وربته وكبرته وحنت عليهم كأنه ولدها اللي مارزقها الله به
ترك خلف كل شي وناظر ضاري اللي كان يناظر فراغ ويسولف وفجأه لف له وهو مبتسم : هي عطته كل شي فالدنيا وهو ما بقى شي في يده ما سواه عشانها وكل شي يقدر يسويه يسويه ويحس انه مقصر
لكن .. في يوم من الايام طلبت منه هالعجوز اللي ربته انه يتزوج عشان تكون مرتاحه وهو وده يتزوج عشان يريحها .. لكن كل ما دق باب كان الحواب .. والله مانزوج لقيط ماندري قلعة ابوه منين!؟ قرب وهو يتكي على المكتب : السؤال الحين! لو يجيك هاللقيط تزوجه !؟ او تقضبه الباب
سكت خلف فتره مايدري وش يرد ومايدري اذا هالقصه من واقع !؟ او خيال ضاري الواسع!؟ لها صلة فيه او لا !؟ لكن قال: اذا هو رجال كفو يستاهل كل علمٍ طيب
ابتسم ضاري بإنكسار وقال: وذا هو ضاري !
.
.
.
عم الصمت ووقفت نظرة خلف على ضاري اللي يناظره بهدوء وقرب خلف يبي يتأكد اذا هو صدق لكن ابعد ضاري وابتسم : لا تجبر نفسك كثير ، كل الناس تبي لبناتها ولد اصل وفصل
مسكه خلف قبل يقوم : اجلس ولا تكلمني بألغاز يا ضاري وانا فتحت لك حياتي كتاب قدامك وقلت كل شي ماقدرت اقوله لأقرب الناس ! واللي انتظره منك أنك تبادرني وتقول لي السالفه واضحه لا توقف موقفي اعتمادًا على مواقف غيري ! ضاري انت اخو ولأخو مايخبي على اخوه شي قلي كل القصه وخلني افهم
رجع يجلس ضاري بهدوء وهو يحاول يتدارك العبره وبدا يقص لخلف قصته كامله وانهاها بقرار امه اللي فاتحته به امس ورفضه
وسكت ينتظر رد خلف اللي قال وهو يناظر عيون ضاري : اول شي انت لو تطلب قلبي اللي بين ضلوعي عطيتك اياه ما شاورت احد
وانت ياضاري رجال شلت نفسك وامك وشلت سيرتك العطره بين الناس وماعليك قصور
والذنب ماهو ذنبك ! وليه تقول لقيط ! ليه ما تقول ان ربي ارسلك رحمه لهالعجوز المسكينه!؟ ليه ما تفكر فهالايام ! ليه ما تعتبر الموضوع حكمه من ربي ! اللي حطك بطرييق امك رأفه ورحمه بحالها ! ماتدري لو هي بذاك اليوم رفعت يدها وطلبت من ربي معجزه طلبته ولد يكون لها سند وذخر وهي وحيده مالها عيال ولا لها اهل واستجاب الله وعطاها ولد بار فيها وشايلها على راسه ؟
ليه تعتبر قصتك بصمة عار عليك ! ليه ما تقول أنك قوه نشأت بلحالها ما احتاجت توجيهات اب او يدين أم قدرت تكون ضاري للي كل شخص يتمنى ان ولده مثلك!
ضاري حتى لو في يوم فكرت في كثير افكار شينه هذا شي مايدينك ! ياما رجال عيال حمايل وقبايل لكن هم اكبر مسمى للعار! لكن انت من جميع الزوايا ووالجهات بينقال عنك هذاك ضاري الكفو ، هذاك ضاري البار هذاك اللي شال امه فوق راسه ، هذاك الشهم ، هذاك اللي يبدي الكل على نفسه ، هذاك اللي لو احد يطلبه عيونه بيقول تم بس عشان يكونون مبسوطين ... مابي اقول شي اكثر من ان اي انسان يتخلى عنك يعتبر نفسه خسر دنيا عظيمة وخسر سند ، ولا تخلق لنفسك اعذار بالعكس اقدم واطلب وكل شي لعيونك يصير
اختنق ضاري من كلام خلف اللي بدد كل المعاني السيئه بقلبه وزرع فيها أمل وزع قوه ماتخيلها وقف واتجهه له يحضنه بكل حيله مايدري وش يرد اكثر
لكن ابعد خلف ببتسامه وضحك: اسمع زهب عمرك وزهب امك وتعال بيت جدي وابشر بعزك ياضاري
ضاري ببتسامه: والله مدري وش اقولك ياخلف
خلف : لا تقول شي لكن تضبطني اضبطك
ضحك ضاري وابعد وهو يبتسم : اسمع بروح ابشر امي
خلف : على القوه
.

ضحك ضاري وابعد وهو يبتسم : اسمع بروح ابشر امي
خلف : على القوه
طلع من المحل يطير من الوناسه والسعاده وده يرجع لخلف ويشيله فوق راسه ويقول لناس انه أعز صاحب عرفته الدنيا عليه
اما خلف رغم انه حاول بكلامه يغير افكار ضاري لكن للحظه حس بقلبه ضيييق على ضاري اللي من يوم عرفه ماعرف الا انسان نظيف وطيب وقلببببه مثل الثلج ومثله حرام تكسره الدنيا
لكن المهمه الحييين انه لازم يكلم جده ويقنعه ولازم الكل يقتنع
_______________________.
وفي بيت النوخذه
رجعت ليلى وهي في عالم وردي عالم ملييييان احلام حلوه دخلت وهي تفتح الورقه وضمتها حييل اول ما وصل لها الشعور المكتوب لكن فزت على صوت جابر وركضت وهي تخبي الورقه بارتباك ودخل جابر
جابر : ليلوه شنو تسوين ؟!
ليلى: ما اسوي شي ارتب الغرفه
جابر : زييين تعالي ابوي يسأل عنچ
ليلى : خلاص الحين جايه
نزلت وهي تشوف ابوها جالس واسرعت تبوس راسه وجلست جنبه : يبه ناديتني
ابو نهيان: اي ادور شمعة بيتي ما شفتها اليوم وينچ يبه
ليلى : بعد عمري يبه من شوي جينا من السوق وصعدت ارتب اغراضي
ام نهيان: يلا قومي وياي ساعديني بالطباخ والمطبخ
ليلى: من عيوني
راحت تساعد امها وهي على وجهها ابتسامه غريبه و حلووه
_______________________.
وفي بيت ابو نادر
وصل نادر وهو يشوف البيت هادي شاف غرفة امه مسكره ودخل ينادي شوق ماردت واول مادخل لفت شوق بسرعه وهي تعدل فستانها
نادر: وينك اناديك من ساعه؟
شوق اللي كانت تحاول تداوي الجرح بدون ما يحس نادر : كنت اسوي شغله
جلس نادر بتعب وبحركه عفويه استند على فخذ شوق عشان يجلس لكن فز برعب اول ما صرخت شوق وتجمعت الدموع بعيونها
ابعد نادر بخوف وهو يناظرها: شوووق وش فيك!؟ اوجعتك !
كانت بترد عليه بس ماقدرت من حرقة الألم الوجع وقرب نادر بخوف : شووق وش فيك ليه تبكين! صار شي احد مسوي لك شي!
هزت شوق راسها بنفي ووقفت وابعدت : لا
انتبه نادر انها رافعه فستانها عن رجلها كأنها ماتبيه يلامس شي ركض وهو يوقفها: تعالي تعالي اجلسي وقولي وش فيها رجلك !
شوق : مافيها شي
جلسها نادر اول ما استوعب انها مستحيل تتكلم ورفع الفستان بسرعه واتسعت عيونه بصدمه وغضب: وشووو ذا
نزلت شوق فستانها ببكى: ولا شي كنت اكوي وطاحت علي الكوايه
نادر: وشووووو!؟ من قالك تكوين اصلاً انا مو قلت لك ما تقربين لأي شي واللي تبينه تسويه زكيه!؟ لييه ما تسمعين الكلام
شوق ببكى: كانت مشغوله وقلت اسويها بنفسي
نادر : ولييييه ساكته على الحرق ليه مارحتي لامي وقلتي لها تحط لك اي شي يخففه ويهديه لين اجي .

13 - 2 - 2022, 12:44 AM

.
نادر : ولييييه ساكته على الحرق ليه مارحتي لامي وقلتي لها تحط لك اي شي يخففه ويهديه لين اجي
صدت شوق ماتبي تبين له ان امه السبب لكن وصل لنادر هالاحساس ووقف بذهول وهو يقول بصوت اشبهه للهمس من الصدمه : لا يكون امي لها علاقه بهالحرق
لفت شوق بسرعه : لا لا مالها شغل ماتدري ولا لها شغل
تأكد نادر ووقف بغضب لكن مسكته شوق : وين رايح !
نادر : ابعدي يدك واجلسي لين ارجع ونطلع المستشفى
شوق : نادر حلفتك بالله يانادر ماتروح ولا تزعل امك مالها والله
نادر: الحييين تقولين وش صار
شوق ؛ والله ماصار شي انا احرقت نفسي بالغلط والله خالتي مالها شغل والله
ماصدقها نادر لكن من كثر ما ترجته قرر يمشي الموضوع ولف بغضب: ألبسي عباتك بسرعه يلا
ركضت شوق تلبس ونادر متكتف وطلعوا وشوق تدعي انه مايسوي مصيبه
لكن طلعت ام نادر وهي متكتفه : وين على الله !؟ وش بلاك داخل مثل الطياره ولا فكرت تمر امك وتسلم عليها ! سيده لغرفتك!
التفت نادر بقهر : والله يا يمه انا مدري وش اقول ! انا لو بجلس سنين افكر اني يوم من الايام يكون قهري من امي ما اصدق
ام نادر: قهرك من امك !! ليييه شسويت لك يا نادر ! انا اللي شلتك وربيتك وتعبت عليك الحين تنكري
نادر : والله ما نكرتك يمه ! ما نكرت انا خايف لو بقيتي على هالحال وش بيصير فينا
ام نادر: ماعمري فكرت اني اذا زوجتك بتلعب بعقلك هالبزر وتغيرك علينا من يوم دخلت هالبيت وانت ما انت طيب
نادر بذهول : مب انتي اللي حطيتي رجل بالسماء ورجل بالارض والا تزوجيني بنت خالتي! وش صار الحين!؟ وش غير تفكيرك الحين! من هالشيطان اللي دخل براسك وقساك كذا! كل شي سكت وبسكت عنه الا انك توصلين للحرق
شهقت ام نادر: ايا اللي ما تخاف الله انت وياها تتهموني اني محرقتها ؟ لا ياحبيبي ماحرقت احد هذا من الرباده وقلة الدبره والسناعه لكن الشرهه ماهي عليكم علي انا اللي زوجتك اياها لكن اقولك من الحين ياتسنعها يا تطلقها
كانت شوق تسمع وتبكي مالها حل ولا حيله
ضحك نادر بغبنه: لا يا يمه لا و الساعه اللي بفكر فيها اني اطلق شوق افضل اني اموت ، ولا هي محتاجه انها تسنع ! وياليت يمه تتركين هالموضوع ترا دمرتوا بما فيه الكفايه !؟ وشوق لا تطلبينها شي هاذي الشغاله واطلبيها للي تبين شوق لا احد يتعرض لها
التفت لشوق وهو يمسكها بيدها: يلا ياشوق
اخذها وطلع ووقفت امه بغضب تراقبهم واول ما استقروا فالسياره لفت شوق : نادر ليه قلت كذا انا مستعده اسوي اي شي تبيه خالتي
صرخ نادر بغضب: لا يا حبيبتي مانك مستعده لشي ولا ابيك تستعدين لشي وسكري الموضوع
.
.
صرخ نادر بغضب: لا يا حبيبتي مانك مستعده لشي ولا ابيك تستعدين لشي وسكري الموضوع احسن
عم الهدوء ونادر بيموت من القهر مايدري ليه امه تتصرف بهالطريقه وليه اصلا قلبت على شوق وهي اللي كانت بتموت لو ما اخذها! وماكفاهم انهم حطوه في امر صعب مثل هالامر بيعذبونه فيه بعد! كفايه سلبوا من احلامه كم سنه وسلبوا من شوق حياتها وطفولتها وبعد يحاجون ! عجز يفهم وعجز حتى يتصرف
_______________________.
وفي بيت ام ضاري
دخل ضاري وهو يركض دخل وهو يستبشر ويبشر ركض لامه اللي واقفه بعصاتها فالمطبخ : يمممه وش تسوين يمه
ام ضاري : قهوه يمه
اخذها ضاري منها وجلس وهو يجلسها ولفت امه تناظر الفرح بعيونه: وش فيك يمه!؟ من هاللي مفرحك الله يفرح قلبه
ابتسم ضاري وقال: اليوم كلمت خلف وقلت له كل شي عني وقلت له بعد انك تبين تخطبين له عمته وتدرين يمه وش قال!؟ ام ضاري بترقب: وش قال!؟ قرب ضاري يعيد لها كلام خلف بالحرف حفظه بقلبه قبل لسانه يبشر امه فيه وكمل يقول: تدرين يمه وش كثر فرحة بهالحكي ! جاء يمه مثل الماء البارد غسل كل شي شين في قلبي رفعني فووووووق فوق وصلني الغيم يايمه ، تدرين اني بعد هالكلام ماهمني شي حتى لو رفضني جده وابوه وكل عايلته انا مابي الا هالكلام منه
ابتسمت امه بفرح وهي تمسح دموعها بشيلتها: حمدلله يمه والله يسخر لك الارض ومن عليها يا وليدي الطيب الناس ما تنساه يمه وان شاء الله ربي يكتب لك نصيب فيها يمه
ابتسم ضاري:اللهم امين يمه، تدرين اني كل ما شفت خلف والله ما اتذكر الا دعواتك الطيبه لي
ام ضاري : ان كانت دعوتي واجابها الله عشانك رضي يمه وبار في امك
ضاري :يابعد قلبي يمه يابعد قلبي
ام ضاري : ومتى تبي نروح
ضاري : بكره يمه بكره
ام ضاري : زييين يمه
سكت ضاري بحب يتخيل بس وش بيصير بعدين وكيف بيكون مصيره
_______________________.
وفي بيت ابو ناصر
رجع خلف ووقف على باب بيتهم وهو مايدري كيف يفتح الموضوع ودق الباب بهدوء وركضت شهد : مييين !
خلف :انا ياشهد
ابعدت شهد وهي تقول : اصبر شوي وادخل
انتظر خلف شوي وبعدها دخل متجهه للمجلس رغم احساسه بالعيون اللي تراقبه الا انها توجع قلبه و تحسفه مليون مره على قراره في اتخذه في تركها
دخل وهو يقول بصوت هادي : مسهم بالخير
لفوا عليه جده وعمه محمد : مساء النور ادخل ياخليف
دخل خلف وسكر الباب وجلس : وش الاخبار والعلوم
محمد بشك: مثل ماخبرتها! لكن الظاهر عندك اخبار
ابو ناصر: قل وانا جدك نسمعك
خلف : والله ياجدي انا عندي خبر وقررت اكلمكم فيه قبل ابوي يجي وعقاب بعد والعيال .
.
خلف : والله ياجدي انا عندي خبر وقررت اكلمكم فيه قبل ابوي يجي وعقاب بعد والعيال
محمد : صاير شي!
خلف : ماصاير الا كل خيييير ، لكن تعرفون ضاري
ابو ناصر: خويك اللي معك!؟
خلف :ايه
ابو ناصر: وش فيه!؟ خلف : كلمني اليوم قال ان امه يوم جت الزواج شافت وحده من عماتي وخاطرها تخطبها لضاري
لفوا يناظرون بعض ويناظرونه وقال محمد : طيب! ودامه بيخطب يدل البيت يجي ونشوف
خلف : ايه يدل البيت لكن قبل فيه شي لازم تعرفونه
ابو ناصر : وشو!
خلف بكل ثبات بدا يقص قصة ضاري وبكل قوة دافع عنه واثبت وجهة نظره وكمل يقول : من شهور تعرفون ضاري وشفتوا فزعته وشفتوا موقفه وتعرفون انه رجال وماناقصه شي ابد
ابو ناصر: والله والنعم لكن هو ماعرف احد من اهله ابد
خلف : لا ياجدي وتأكد ان هالشي مايعيبه دامه رجال شايل نفسه وانت بنفسك تقول كفو
محمد : انا بالنسبه لي مايهمني سالفة الاهل والقبيله كل المهم انه يخاف الله وانه رجال وغير ذا مو مهم
خلف : وانت ياجدي
ابو ناصر: قلي كلمه وحده بس توصف ثقتك فيه لدرجة انك تزكيه كل هالتزكيه
خلف بسرعه قال : يا جدي انا والله لو كل هالدنيا ضدي وضاري على يميني ان ما علي خوف وانا مستعد احط روحي على كفه ولا اسأل ابد وضاري لو يطلبني عيوني ما تغلى عليه وانت تدري اني مستحيل اقبل بأي شخص لعماتي
ابو ناصر : وانا ياخلف اثق بكلمتك اكثر من اي شي وعشان كذا توكلنا على الله وانا جدك خله يجي وان شاء للله خير
ابتسم خلف بفرح: زين وابوي وعقاب !؟ محمد : ابوك وعقاب انا اتفاهم معهم
دخل عقاب بهاللحظه : وش بتفاهم مع عقاب عليه!؟ الكل سكت وخلف يناظر بعقاب يدري انه بيقوم الدنيا ولا يقعدها
محمد : جيت بوقتك يا عقاب تعال
تقدم عقاب وجلس وهو يناظر بشك: وش صايرر!؟ محمد : ضاري صاحبكم كلم خلف يقول ان امه امس شافت وحده من البنات وبتخطبها
سكت عقاب فتره والكل يراقبه وقال : من هاللي بيخطبها
خلف : من عماتي
ابو ناصر: وش قولك ياعقاب
عقاب رغم كرهه لضاري الا انه في قرارة نفسه يعرف ان ضاري كفو وشاايف وعارف انه انسان يقدر يأمنه على حياته مو بس عماته
ويعرف انه طيب ويستاهل كل خير وعلاقته المضطربه معه كلها بسبب غيرة عقاب على خلف اللي كان صديقهم لحالهم وفجأه صار لهم شريك
قال بهدوء محد توقعه منه: والله ما اظلمه ابداً ضاري كفو ويتساهل كل خير واذا انت راضي ياجدي الله يوفقهم
انصدمو كلهم واولهم خلف اللي يحاول يتسوعل الموضوع عجز عقاب ما يرضى كذا الا وراه شي
محمد : زين اجل
وقف خلف : عقاب تعال ابيك شوي
.
.
وقف خلف : عقاب تعال ابيك شوي
طلع عقاب مع خلف وهو عارف صدمته ولف خلف بهدوء يناظره : غريبه راضي
ضحك عقاب : وليه تبيني ارفض!
خلف : بالعكس ما ابيك ترفض لكن كنت اظن انك بترفض والسبب معلوم! انت ما تطيق ضاري !
ابتسم عقاب : ما ادانيه ايييه لكن ما اكرهه له الخير ، ولا اظلمه ولو تعلق بنجوم السماء بجلس عمري كلمه ماهضمته لكن مابي اوقف بنصيب احد
ضحك خلف : والله انك تحييير يا عقاب ماينعرف لك ابد
التفت له عقاب بهدوء: صح هذا انا لكن انت وش اللي مغيرك!؟ وقالبك فوق تحت ما انت على خبري
اعتدل خلف بهدوء: وش بيغيري يعني !
عقاب : مدري بس ما انت عاجبني من تالي
مد خلف يده يخبط على كتفه: ريح نفسك اموري فالتمام
عقاب : حمدلله
سكت خلف يفكر وشلون قادر يخفي على عقاب ! عقاب اللي من عمر ماخبى عليه شي ! كيف قاادر يكذب عليه بكل قوه ! لكن يفضل يكذب عليه ولا يخسره
والتفت وقال : عقاب بقولك شي
عقاب ابتسم: قلت لك فيه شي!
خلف : لا ما تخصني تخص ضاري
عقاب : ايييوه رجعنا لضاري!
خلف : فيه شي لازم تعرفه
سكت عقاب يسمع قصة ضاري من خلف ولفت به الدنيا من الصدمه وقف مذهول يقول : انت صادق ولا بتخليني اتعاطف معه
خلف : مافيه شي يخليك تعاطف معه هذا واقع وصار
انصدم عقاب وهو يدور: شلون كيف ماحسينا !
خلف : ماحسيت لانك لاهي في تجريحه وكل شىي تدور طريقه تحرجه فيها
مسك عقاب راسه بضيق وفشله يتذكر كلامه اللي كان مثل السم لضاري والتفت يناظر خلف اللي قال : انا ماقلت لك قصته عشان تشفق عليه او تحاول تعاطف لا انا ابيك بس توقف هاللي تسويه فيه ابيك تعرف ان ماورى كل ضحكه حياة سعيده ولا كل انسان مثل ضاري يتسحق معامله شينه بالعكس وانت تدري
وما ابيك تضرب ضاري بهالحقيقه
لف عقاب بغضب: افا يا خلف لا توقع اني خسيس لهدرجه وكأنك ماتعرفني انا يمكن غلطت معه لكن ماتوصل اني اسوي هالسواة
خلف : انا ادري وابيك تصرف بحذر
عقاب : ابشر ابشر
ابعد عقاب في ذهول مصدوم عمره مافكر بهالشي وعمره ما توقع ان الانسان اللي يشع طاقه وراه هالقصه طاح من عين نفسه وضاق وكرهه الساعه اللي استقعد لضاري فيها
_______________________.
الليل
في بيت مبارك
اللي طول اليوم يراقب وعد يحاول يفهم صادقه او تكذب عليه لكن مجرد ما يناظر وجهها يحس انها ما تعرف الكذب في حياته كان تقريباً جمالها نقطة ضعف عنده عجز يبررها
اما وعد كانت فاهمه وحاسه بنظراته وكانت لصالحها وماصدقت ان العشاء قضى عشان تبدأ خطتها وتكمل عليها
بدلت وكعادتها كشخت واقنعت مبارك انها تعبانه وبتنام وعلى هالاساس نام مبارك .
.
.
بدلت وكعادتها كشخت واقنعت مبارك انها تعبانه وبتنام وعلى هالاساس نام مبارك
لكن في عز نومه صحى على صوت همس لف بسرعه وخوف وشاف احد جالس بزواية الغرفه نركز عيونه عليه وفز يبي يشوفه لكن ارتخى برعب اول ماسمع صوا وعد اللي مقابله الجدار وهي تقول : لا لا تكفون لا احد يأذيه مبارك ما أذاني ولا سوى شي يزعجني بالعكس بيسوي كل اللي ابيه لا احد يذبحه
اتسعت عيونه بذهول وابتسمت وعد بخبث اول ماحست فيه وكانت متعمده تجلس قدام الجدار وتتكلم عشان ترعبه ويصدق انها تكلم الجن
وكانت تردد وتقول : بيسوي شروطي لا احد يذبحه
ومدت يدها بهدوء بدون مايحس مبارك وضغطت على المسجل اللي في يدها وكانت مسجله فيه اصوات مرعبه وكأنها ترد عليها
وهنا ضرب الرعب في قلب مبارك اللي رجع تلحف بهدووء وهو معرق ومحتر مايدري وش يسوي
وفجأه رجعت وعد لسرير مبتسمه واول ماشافت منظره وهو يمثل النوم وجبينه معرق واعصابه مشدوده عرفت انه اكل الخطه كامله
انسدحت بضحك وهي تقول في نفسها ( الدنيا كيد ياعقاب وبنشوف كيف اضربك بصديقك اللي شاد الظهر فيه )
_______________________.
وفي بيت ابو خلف
كان خلف جالس مع خواته يناظرهم بهدوء ولفت عليه اماني : خليف وش فيك!؟ تنهدت خلف ببتسامه: ما تعودت عليهم ناقصين
حنان : اي والله اشتقت لوعد حيييل لها صوت بالبيت
ندى : وهالخايس مبارك ماجابها اليوم
وجدان: صح اني ارتحت من اوامرها بس ياشين البيت من دونها
همست ندى بضحك: للإمانه توقعت فيصل بيرتاح ويكيف لكن لو تشوفون ضيقته تخيلوا ما طلع من البيت اليوم ابد ولا قاشر غيث و سالم ولا سوى اي مشكله
ابتسم خلف : ايييه القطو مايحب الا خناقه
حنان : يكسر الخاطر طول اليوم ينتظرها تجي
خلف : يلا المهم انها بخير ومبسوطه كل شي يهون
اماني : كلمتها امي اليوم وصاحت امي وعمتي لين قالوا بس
خلف :ايييه اذا صياح اخذي صياح
لفوا على دق باب السطح وركضت وجدان تفتح: هلا مضاوي
مضاوي :هلا
خلف : وينك مالك حس اليوم
مضاوي : ابد مكروفه
ندى: كثري منها كلٍ ينكرف الا انتي
مضاوي بمزح: مكروفه عقلياً
خلف بنفس المزح : ليييه من اللي اخذ عقلك
مضاوي بضحك: الچويتي
ضحك خلف وهو من يوم ضاري قاله بيخطبون وحده من عماته تمنى لو هي مضاوي لانها اكثر انسانه تناسب ضاري وتفكيره وبيصلحون لبعض : اييه هين
ندى: اقولك ياحبيبتي بتعنسين دامك بهالطفاقه لا بياخذك لا سعودي ولا چويتي على قولك ولا حتى جني
شهقت مضاوي : ليييييه ياعيوني وش ناقصني وبعدين اصبري ان قاله الله بعرس قبلك
زلزلهم الصوت اللي جاء بغضب من الدرج: ماشاء الله على قلة الحياء ��
.
زلزلهم الصوت اللي جاء بغضب من الدرج: ماشاء الله على قلة الحياء
فزوا كلهم على صوت ابو خلف اللي صحى على اصواتهم وطلع بغضب : خييير انتي وياها اخر الليل وللحين جالسين!؟
مضاوي اللي توزت ماتبيه يشوفها ويغسل شراعها
خلف : الحين قايمين يبه
ابو خلف: والله لو اوصل الغرفه واشوف احد باقي لتوطى بطنه يلا
نزلوا كلهم ونزلت معهم مضاوي عشان مايشوفها لين يروح وترجع لاهلها لكن الصدمه ان ابو خلف قفل كل الابواب ووقفت وهي تشهق: ياويلي من امي وابوي الحين يدوروني ما يحصلوني
خلف : وانتي ماقلتي لا احد
مضاوي : كلهم نايمين وجيت وخليتهم
اماني : نامي هنا بسيطه
مضاوي: والله!؟ ادري بسيطه لكن اذا ما لقوني بيلعنون خيري
خلف : وش بتسوين نامي والصباح رباح
افترقوا ووقفت مضاوي وهي خايفه انهم يقلبون الدنيا عليها
_______________________.
وفي بيت ابو نادر
كان نادر في غرفته ماطلع من بعد مارجع من المستشفى وخصوصاً بعد ما امه وصلت اللي صار لابوه وكبرت السالفه
لفت شوق تناظره بضيق وهي تشوفه متضايق : نادر انا اسفه
لف نادر بهدوء: على وشو!
شوق : اني سببت بينكم مشكله
نادر: المشكله صايره من زمان يا شوق مالك علاقه انتي
شوق : بس ...
سكتها نادر اللي لف بهدوء: خلاص ياشوق سالفة وبتنحل نامي انتي
دخلت شوق باللحاف وهي كارهه ضيق اليوم ومشاكل اليوم
لكن نادر ماكان يدري كيف يتصرف مستحيل يظلم شوق ويخليهم يظلمونها ومستحيل يوقف ضد امه وابوه ولازم يشوف حل لكن كل ما التفت وشاف دموع شوق تضيق به الوسيعه زود
_______________________.
عند ضاري
اللي من الفرحه عجز ينام وهو يفكر ويتخيل وينتظر بكره يحس انه موعود بشي لكن خايف من هالشي وهو للحين مايدري وش ردة فعل عقاب وش اللي بيترتب على هالمووضوع
اخذ نفس وهو يقول ( يارب لا تعلقني بحاجة ماهي لي يارب )
_______________________.
ومن بكره
في بيت مبارك اللي عجز ينام وهو يتذكر اللي صار امس التفت يناظر وعد اللي جلست قريب منه وابعد شوي وابتسمت وعد : مبارك ابيك توديني لاهلي اسلم عليهم
مبارك : زين
وعد : وش قلت على السفرر !
مبارك: قلت لك انه تم وبعد ما نرجع ترتبين الاغراض عشان نمشي
وعد ابتسمت بكل سعة صدر ووقفت تجهز بفرح وهي اشتاقت لاهلها
كان مبارك يراقبها بهدوء وهو لازم يحل هالمشكله اللي طلعت بوجهه عشان ينعم بوعد وقربها
طلعت وعد : انا جهزت !
مبارك : يلا
اتجهه لبيت ابو خلف
_______________________.
وفي بيت الجد قايد
الكل نزل للفطور الا مضاوي مفقوده
.
.
وفي بيت الجد قايد
الكل نزل للفطور الا مضاوي مفقوده ونزل عقاب اللي من امس وهو في ضغط نفسي من سالفة ضاري يفكر في اي شي يكفر فيه عن افعاله لكن بدون مايبين لضاري
محمد : عقاب شفت مضاوي!
عقاب : لا وينها غريبه ما صحتني اليوم!
عهد: ما ندري صحينا مالقيناها
شهد: يمكن في بيت عمي
ابو ناصر: عزوز وانا جدك روح دورها عندهم
عزوز: ابشر
ركض يدق الباب وفتح ابو خلف : هاه عزوز عزوز:عمي جدي يقول عمتي مضاوي عندكم!
ابو خلف : مضاوي! وش يجيبها هالحزه !
وقفوا كلهم مستغربين وقالت ام ناصر: ياويلي وين راحت البنت !
انتشروا يدورونها لكن فجأه طلعت من غرفة البنات وهي خايفه : انا هنا
لف ابو خلف بغضب: وش جابك هنا! خبله انتي !
مضاوي ركضت ورا ظهر خلف اللي واقف وقال خلف يدافع عنها : امس كانت معنا وبعد ماقفلت انت الابواب نامت هنا
ابو خلف : انتي ماتقريييين ما تنثبرين في مكانك
ابو ناصر: وراك يا بنتي تخوفينا
محمد : ماصار شي يا جماعه خلاص
عقاب : تعالي يا جنيه امشي
طلعت مضاوي تركض قبل يضربها ابو خلف ودخلت بيتهم ولفت بضحك: وصلنا منطقة الامان
هيا : مجنونه انتي
ضربتها ام ناصر بغضب : والله ان عدتيها لكسر يدينك
مضاوي : طيب طيب
ورجعوا كل واحد لبيته ووقف عقاب بعد ما تجهز لدوامه وطلع وهو للحين شايل هم ضاري مايدري كيف بيواجهه وكيف بيقدر يتصرف
لكن وقف بهدوء يناظر سيارة مبارك واللي نزلت من سيارة مبارك نزلت وعد مثل عادتها شامخه ولا حتى تنتظر مبارك
ناظرته وعد بحده من فوووق لتحت وصدت وتركته وهي تدق الباب وتوجهه عقاب لمبارك وهو يسلم عليه بحراره وقال بصوت عالي : حي الله العريس وجهك منور
ضحك مبارك بغبنه : الله يسلمك
عقاب: حياك اقل.. قبل يكمل كلمته قالت وعد بحده : ابوي واخواني جو يا مبارك
التفت عقاب بحده مقهور شلون تقطع عزيمته لمبارك شلون تقطع كلامه
جاء ابو خلف اللي يرحب بوعد وخلف بعد وفيصل والكل يركض يسلمون على وعد قبل مبارك وصد عقاب بغضب وطلع لدوامه معصب ومقهور
وابتسمت وعد وابعدت وهي تركض لامها وخواتها
وتقدموا يدخلون مبارك ويرحبون فيه
_______________________.
وفي بيت النوخذه
كان جابر جالس بهدوء وهو يقلب كاسة الشاهي بيده
لفت ليلى باستغراب : جابر شنو فيك ساهي وتفكر صاير شي
جابر : لا مافيني شي
ليلى بهمس: اذا فيه شي قولي ترا انا اعين واعاون
التفت جابر لها بهدوء ووقف : تعالي وياي
ركضت ليلى وراه ودخل جابر وهو يسكر الباب : قعدي
جلست ليلى : لا تخوفني
جابر بارتباك : انتي تعرفين بنات القايد صح! .
.
.
جابر بارتباك : انتي تعرفين بنات القايد صح!
لفت ليلى برعب : ايه ليييش سألت !
جابر : ا ا تعرفين منو ااماني !؟ وشنو تصير حق خلف!
شهقت ليلى: شنو تبي بالبنت ! ليش تسأل
جابر: قصري صوتچ لا احد يسمعچ
ليلى خافت اكثر : جابر شحقه تسأل عن اخت خلف
ابتسم جابر : يعني اخته
ليلى: ايه اخته ! انت شعليك فيها!؟
جابر : ليلوه قلت لچ قصري صوتچ
ليلى: قبل بتقولي شعرفك فيها
جابر : ما اعرفها بس يوم الزواج.... كمل باقي اللي صار وختم كلامه يقول : وانا ماقصدي شي لكن البنت اعجبتني واجد و قمت افكر في موضوع الزواج لكن بسألچ عنها قبل
لفت الدنيا في ليلى وهي خايفه يصير شي ينكشف فيها امرها هي وخلف لكن خلف بعد يفكر بالزواج ويفكر يخطبها !؟ ويمكن يصير بينهم زواج ويصيرون انساب رجعت على صوت جابر: وين رحتي!؟ ليلى: مارحت مكان افكر شلون بتتصرف مع امي وابوي
جابر : اول قولي شتعرفين عنها وبعدين نتصرف
ليلى بدت تكلم جابر عن اماني وهي تحس انها خايفه ومرتبكه تعرف ان جابر ماعنده خرابيط ويحب خلف كثير واكيد نيته طيبه لكن خايفه
بعد ماجابر اخذ كل التفاصيل طلع وهو فعلياً يفكر بجد وترك ليلى خايفه ومحتاره
_______________________. وعند نادر
طلع من البيت قبل يبلش بمشكله جديد لكن حرص على شوق ما تحتك في احد
طلع يمشي على وجهه لكن ابتسم لا شعورياً اول ماشاف ضاري ومعه تركي مقبلين عليه وهم كعادتهم يضحكون
ضاري : حي الله نادر
نادر: الله يحيك يا ضاري وشلونك! تركي كيفك
تركي: حمدلله بخير
ضاري : حنا بخير انت وشلونك
نادر ببتسامه باهته: ماشي حالي
تركي : اسمع اجل خذ خويكم ذا بروح اخلص شغلي واشغلني
نادر : هاته محتاجينه
راح تركي ووقف ضاري بعيد وهو يدقق النظر في نادر وضحك نادر: وش فيك تناظرني كذا ؟؟
ضاري : ابد بشوف هالسواد اللي في وجهك وش سببه
نادر : المشكله نفسها هي نفسها وابشرك صارت اكبر
ضاري : لا حوووول الله تعال تعال
جلسوا ونادر ساكت مايدري وش يقول لكن ضاري بطريقته خلاه يتكلم
ولف ضاري بهدوء: الحين شوق ماهي بنت خالتك!
نادر : ألا بنت خالتي
ضاري : طييييب وش فيها امك عليها
نادر: وش دراني انا اقولك امي قلبت علي وعليها وعلى الدنيا ابي افهم وش صار ماعرفت
ضاري : والله مدري وش اقولك وضعك صعب لكن يمكن السالفه غيره !
نادر: بزران حنا يا ضاري ! وش غيرته
ضاري : يا ابن الحلال انت ولدهم الوحيد وفجأه قلبت وتغيرت وحست الدنيا اكيد بيفكرون ان شوق هي السبب
نادر بغضب: والله اذا فيه سبب هو مؤامرتهم علي ، يتحملون هاللي سووه .
.
.
ضاري : يا ابن الحلال انت ولدهم الوحيد وفجأه قلبت وتغيرت وحست الدنيا اكيد بيفكرون ان شوق هي السبب
نادر بغضب: والله اذا فيه سبب هو مؤامرتهم علي ، يتحملون هاللي سووه
ضاري : طيب اجلس معهم وفهمهم
نادر: افهمهم وش اذا هم مايبون يسمعون
ضاري : شوف اذا بتعاند وتكبر راسك وتطنش ترا الموضوع بيكبر يا نادر
سحب نادر زقارته بغضب: خير ان شاء للله خير
سكتوا وبعد فتره لف نادر: تعرف وينهم العيال؟؟ ضاري : ما شفت احد منهم والله حتى المحل باقي ما فتحوه
نادر: غريبه ! المهم يلا بروح لشغل
ضاري: يلا حتى انا
_______________________.
في بيت ابو خلف
رغم وجود مبارك الا ان العيال كلهم عند وعد وكان خلف يناظرها ببتسامه يشوف على ملامحها هدوء
ام وعد : هاه يمه عساك مرتاحه
وعد : حمدلله
فيصل: وعيييد اذا مبارك سوا اي شي يزعجك علميني وانا اقوم بالواجب
خلف بهدوء: ماعليها وعد خوف
ندى: وش فيكم متحاملين على الرجال ما سوى شي
سالم : يعني اذا سوى
ضحكت وعد : ماعليكم
ام خلف : انتم ليش هنا !؟ روحوا عند الرجال
خلف : ايييه روحوا
ام خلف : وانت وين بتروح !؟ خلف : بروح اجهز الذبيحه عشان الغداء واعزم الجيران
ام خلف: زين
رجعوا لمبارك ورجعوا البنات لوعد اللي كانت قد ماتقدر تكون واثقه وقويه
مضاوي: هاه وعد ان شاء الله مرتاحه
ابتسمت وعد : اووه فوق ماتخيلون
اماني بمزح: يعني ممكن نشوف تطورات وحب وغرام !
ابتسمت وعد : اذا صارت بتشوفينها
عهد باستهزاء : لا عاد دوري التطورات عند كل البنات الا وعد
لفت لها وعد بكرهه مخبى: اييييه صادقه تدور السخافات عند كل الناس الا عندي تعرفيني ماني حي الله ولا اجي على وجهي من كلمتين حلوه
ناظرتها مضاوي بهدوء والكل سكت وسكتت وعد
_______________________.
وفي مجلس ابو خلف
كان عقاب مسلط انظاره على مبارك كان يشوفه يسولف ويتكلم لكن يبان عليه التفكييير وعرف عقاب ان وعد لها يد واكيد سوت شي وكان ينتظر الفرصه اللي يختلي فيها بمبارك لكن ماعطوه فرصه وانصدم اول ماسمع مبارك يقول انه بعد الغدا بيسافر شهر العسل
صد وهو يقول ( هاذي بدايتها يا مبارك وخلتك تسافر وانت ما تحب السفر لكن هين الله لا يخليني ان خليتك تسافرين )
ماصدق طلعوا كلهم وابتسم وهو يقول :والله الظاهر انك استسلمت ! وييين السفر وانت وييين اخبرك ما تحبه !
صد مبارك بهدوء: وش نسوي ياعقاب اسم إنا عرسان
ضحك عقاب باستهزاء وخبث ولعانه :ايييه اجل كلام النهار يمحيه الليل يا عريس
.
.
.
ضحك عقاب باستهزاء وخبث ولعانه :ايييه اجل كلام النهار يمحيه الليل يا عريس
التفت مبارك بحرج: ابد كلامي ثابت لكن ما ودنا نزعل بنت عمك ونقصر عليها
قرب عقاب بهدوء وابتسم: القصور ما تجي منك يامبارك لكن الحق ينقال وانت رجال راتبك على قد حالك وديونك تاخذ راتبك كله وأجار بيت وتقسيط سياره وحالك يشوف الطريق ! وحنا مانبي منك الا تحفظ بنتنا وتكون رجال صالح مانبي منك لا سفريات ولا تضغط على نفسك ولا زوجناك الا ندري انك كفو والسفر ماهو مهم هالوقت اصبر لين تعدل امورك وسافر بعدين
لف مبارك على عقاب بهدوء: والله انك صادق بس !
عقاب: لا بس ولا هم يحزنون قلت لك انت عندك أولويات واذا تفكر ان وعد بتزعل ابد ماعليك وترا حنا عايله مانحب السفر الواجد والخرابيط واهم ماعلينا ان محل البنت بيتها لا سفر ولا بطيخ
ابتسم مبارك تطمن مادام اهل وعد مايحبون السفر ومتشددين يمديه يسوي اللي يبي : اجل خيرها بغيرها
وابتسم عقاب اللي حس ان مبارك اقتنع وتأكد انه خرب على وعد وارتاح شوي وهو ييقول بنفسه (اجل بتسافرييين وتدجين على كيفك معصي والله وانا عقاب )
_______________________.
في بيت النوخذه
بعد صلاة الظهر كان البيت هادي والكل في غرفهم يريحون شوي الا ليلى اللي امها حالفه عليها تنظف البيت ودق الباب وفتحت الباب بغضب متوقعته سعود اللي ازعجها هو والبزران يدقون الباب ورفعت المكنسه بغضب لكن نزلتها بفشله وشهقت
وابعدت عن الباب بسرعه وصد خلف بضحك وهو اللي كان جاي يعزم للغداء : افاا يا بنت النوخذه! كذا تستقبلون ضيوفكم
تفشلت ليلى : ع بالي سعود جنني من ساع يدق الباب وينحاش
ابتسم خلف بخفه : لا بارك الله في سعود هاللي ماعنده ذوق
ابتسمت ليلى بحب وهي تراقبه من فتحات الباب وكان خلف مبتسم على منظرها غاضب وقال: شلونك من بعد اخر مره
ابتسمت ليلى وهي تتذكر موقف البقاله وقالت تقلد كلامه : ابد من المسلمين اللي يؤمنون بالله ويحلفون انهم بخير وألف نعمه
ضحك خلف :هذا المهم
ليلى بهدوء : وانت !
استعجل خلف وقال: بخييير
وضحكت ليلى اللي كانت بتكمل سؤالها بس قاطعها ولف ضحك وهو حاااب ضحكتها كثيير : مادريت ان جوابي يضحك لذا الدرجه
تفشلت ليلى وقالت: لا مايضحك لكن استعجلت ماخليتني اكمل واقول ! وانت ليه ما تؤمن بالله وترحم نفسك وتلبس شي يدفي قلنا لك إحنا في فصل الشتاء وبرررد يامعووود
اخذ خلف نفس ملييييان حب وابتسم : ياامعووووده قلت لك إني اعيش في خامس الفصول وانا احتاج برررد يبرد على قلبي شوي وماعلي خلااف .

13 - 2 - 2022, 12:45 AM

.
اخذ خلف نفس ملييييان حب وابتسم : ياامعووووده قلت لك إني اعيش في خامس الفصول وانا احتاج برررد يبرد على قلبي شوي وماعلي خلااف وسكت وتدارك نفسه بسرعه اول ماشاف واحد جاي من بعيد وقال : كنت ابي ابوك وجابر
شهقت ليلى بخوف : شتبي فيهم!
خلف ببتسامه: وش فيك يا بنت الحلال من مروعك اركدي بسم لله علييييك بعزمهم للغداء عندنا ضيوف
ليلى بفشله: زين هم نايمين اناديهم الحين
همس خلف : عجلي عيون الناس تراقب
ركضت ليلى تنادي جابر اللي نزل وهو يسأل: منو عند الباب!؟
ليلى بكذب: ما ادري يقول يبي النوخذه وجابر
طلع جابر وابتسم : خلف حياك الله دش دش
خلف: لا لا مستعجل يامعووود
وابتسم اول ماطرت له بصوت ليلى لكن قال بهدوء: عندنا غداء لضيف وابوي يعزمكم عليه
جابر: ابشر اكلم ابوي وان شاء الله بنجي
خلف : يلا ينحتريكم اسلم وسلم
جابر: يوصل
راح خلف فرحان ومبسوط بهاللقاء السريع وكمل يعزم اما جابر دخل وهو على نياته يقول : هذا خلف عندهم عزيمه روحي قعدي ابوي
ليلى ببتسامه: من عيوني
ركضت تصحيه وهي ماتدري كيف انها قادره تتواصل مع خلف وكيف ماخافت لكن متأكده ان خلف يخلي اي انسان يتطمن له ويحبه
_______________________.
في بيت نادر
دخل وهو يدور على امه وابوه واتجهه لغرفتهم ودق الباب ودخل وهو يسكر الباب
ورفع راسه ابو نادر: وش جاي تبي!؟ تقدم نادر وهو يجلس قدامهم بضيق : بتكلم معكم في موضوع
ام نادر: وش قايله لك هالبزر بعد
غمض نادر بضيق : يمه اتركي هالكلام واسمعيني
ابو نادر: وش عندك!؟ نادر: ابي افهم وشوله تسوون هاللي تسوونه ليييه وش مسوي انا عشان ترغموني على هالحرب
ام نادر: حرب وشو بعد!؟ جلس نادر بهدوء وقال: يمه الله يرحم والدينك فهميني وشوله انتي متحامله علي وعلى شوق وش صاير لك!
ابو نادر: انت اللي انهبلت ومعاد تفرق معك ؟ وشو له متغير علينا من يوم تزوجت هاه ! قلت بتزوج وزوجناك ماهقينا ان هاذي تاليتك
نادر: تراني تعبت وانا اعيد هالكلام! ايييه قلت لكم زوجوني وزوجتوني ما قصرتوا ؟ لكن زوجتوني بزززر بزر الفرق بيني وبينها عمر !طفله عمرها ظ،ظ¥ سنه ويوم سألت قلتوا كبيييره خليتوني ابنيييي في راسي اشياء كبيره انهارت كلها وطاحت فوق راسي اول ما شفت هالطفله تنتفض قدامي خايييفه ماتدري من وين تلاقيها من اهل ولا هالرجال اللي قدامها ! وقلت آمنت بالله مالنا الا نزضى لكن اشوف إنا رضينا بالهم والهم مارضى فينا ! .
.
خليتوني ابنيييي في راسي اشياء كبيره انهارت كلها وطاحت فوق راسي اول ما شفت هالطفله تنتفض قدامي خايييفه ماتدري من وين تلاقيها من اهل ولا هالرجال اللي قدامها ! وقلت آمنت بالله مالنا الا نرضى لكن اشوف إنا رضينا بالهم والهم مارضى فينا !
ابو نادر : امك كانت بعمرها يوم تزوجتها وهذا هي بخير وعافيه
ضحك نادر بضيق : ايييه كانت كبرها لكن تقدر تقولي وش صار فيها!؟ تزوجت وهي طفله لكن وش نتيجتها حملت بطفل واحد وهي صغيره وصارعت الموووت ونتيجة هالصراع صارت ما تقدر تحمل وتولد نهائياً تتذكر وش صار ولا ماتذكر ! وانتي يمه كم مره حكيتي وقلتي لي وش كثر كنتي تعبانه ! قلتي لي انك صغييييره ماتدرين وش يصير معك !؟ قلتي مصايب واجد صارت لك! ما خفتي على شوق بعد ماخفتي على بنت اختك
سكتوا كلهم ووقف نادر بضيق : فكروا زييين يمه فكروا في العواقب انا راضي وانا قااابل بشوق لكن اتركوني اعيش براحتي واتركوا هالمسكينه في حالها وانا ما رح اضر شوق ابد لو جلست عمري كله انتظر واراعيها وانتبه لها حتى من نفسي انا ما عدمت انسانيتي للحين
طلع وتركهم وهو خلاص تعب تعب اتجهه لشوق وهو منهد حيله دخل وشافها جالسه بنفس الهدوء اللي تعوده عليها قبل تفز شوق وتستقبله انصدمت اول ما قرب نادر وجلس قريب منها وهو يحط راسه في حضنها وكان يؤمن رغم ان شوق صغيره لكن يحس بهدوء وامان مجرد مايكون عندها
ابتسمت شوق بضيق وهو تمسح على شعره بهدوء ماكانت بتتكلم لانها تعرفه وش علته وهي بعد متضايقه من ضيقه
_______________________.
وفي بيت ابو خلف
بدوا الرجال يجتمعون في بيت ابو خلف وكانت وعد تساعد البنات وكانت حدودها واضحه محد يقدر يتخطاها ويسألها اي سؤال تافهه
وبعد ما تمت العزيمه والكل راح بيته رجع سالم يركض : وعد مبارك يقول يلا مشيتوا
صدت وعد بضيق وهي تحضن البنات وتودعهم واخذت اغراضها وطلعت سلمت على ابوها وخلف وفيصل وراحت لمبارك وكانت تشوف عقاب مبتسم ومن ابتسامته عرفت انه مسوي شي بس وشو!
ركبت ولفت تناظر مبارك اللي كان ساكت ولا رد واول ما وصلوا البيت نزلت وهي تبي تجمع الاغراض لكن وقفت ووقف شعر راسها بغضب اول ماقال مبارك : رجعي الاغراض ماحنا مسافرين
لفت وعد وهو تقول : نعم!!؟ مبارك: اللي سمعتيه انا رجال علي ديون والتزامات مقدر اسافر
تكتفت وعد بغضب ولافقدت نفسها وهي تقول : لاااااااااا والله !؟ وين كلامك هذا امس ولا توك الحين تذكر ديونك والتزاماتك
مبارك: انا ماني ملزوم ابرر وقلت لك مانقدر يعني مانقدر ولا تزعجيني احسن لك .
.
مبارك: انا ماني ملزوم ابرر وقلت لك مانقدر يعني مانقدر ولا تزعجيني احسن لك
ضربت الطاوله قدامه بغضب : ماهو على كيفك تقول كلمه وتغيرها يامبارك وماهو في صالحك اللي تسويه
مبارك وقف بغضب : اقولللللك اص وصوتك لا يرتفع احسسسن لك
وعد بغضب وهي متاكده ان عقاب اثر عليه ماتوقعت مبارك هزيل لهدرجه : لا برفعع صوووتي لاني حسبتك رجال وكلمتك وعد وطلعت خييييخه
طارت عيون مبارك بغضب: وشوو انا رجال غصبٍ علييييك وعلى اللي مايرضى ياقليلة الادب
وعد: رجولتك كلااااام يا استاذ وافعالك هوووى
هنا فقد مبارك نفسه واتجهه لوعد غاضب وهو ناوي يضربها لكن تصدت له وعد وهي تدافع عن نفسها وتدفه لكن تطور الموضوع من كلام وصار فعل لاثبات الرجوله وهي انهبلت وهي تدف مبارك لكن كان غضبان ولا يسمع ولا يشوف الا اللي براسه
وكان يصرخ بغضب: عطيتك وجهه لكن ما ينفع معك وانا اللي بربيك ياطويلة اللسان
وانقض عليها اللي ما توقعته وعد انها تقدر تهاجمه بهالغضب وضربته بالمزهريه اللي جنبها وقف يناظرها وفي لحظة تعبى وجهه دم والدنيا حولها دم وطاح مبارك عليها مليان دم وشهقت وعد برعب وهي من الغضب والكرهه طلعت حرة عقاب في مبارك اللي له نصيب من غضبها والله ماكان ناوي لها نية طيبة صرخت وهي تدفه ببكى وتناظره بذهول طايح غرقان بدمه
_______________________.
وفي بيت ضاري
كان يناظر امه اللي تستعد وتجهز عشان العصر يروحون بيت ابو ناصر وكان مبتسم وهو يناظر امه بأمل
ام ضاري : وش بلاك تناظرني
ضاري : فرحان فيك يمه
ضحكت ام ضاري وهي تحضنه: بتفرح زووود يمه اذا شفت مضاوي وشفت وشلون هي البنت اللي تناسبك
ابتسم ضاري وضحك: من بدايتها واضح انها بتناسبني دام اسمي واسمها يتشابهون
ام ضاري : يالله يارب انك تكتب لوليدي النصيب الطيب معها يالله
وقف ضاري ببتسامه: امييين امين
ام ضاري: يلا يمه اجهز مابقى على العصر شي
ضاري : من عيوني الثنتين
دخل يجهز وهو مايدري ليه متأمل لهدرجه لكن خايف من خيبة الظن ومن عقاب ومن نفسه
_______________________.
وفي بيت الجد قايد
كان محمد يعطي البنات خبر يجهزون لان بيجون رجال وكانت ام ناصر عندها خبر بالموضوع وطول الوقت وهي معزره في هيا متوقعه انها المطلوبه ومضاوي خارج الحسبه ومحد حاط في باله انها المطلوبه وحتى هي بنفسها
كانت جالسه قدام عقاب وعزوز وشهد وتسولف معهم وتقشم حب
ابو ناصر بغضب: انتي مالك نيه تصيرين سنعه وتقومين تشتغلين مع البنات
مضاوي : والله اني سنعه لكن اليوم مالي خلق وبارك الله في هيا وبنات اخوي .

مضاوي : والله اني سنعه لكن اليوم مالي خلق وبارك الله في هيا وبنات اخوي
عقاب : وانتي مالقيتي تصيرين رفله ( ماهي سنعه) الا يوم الموضوع فيه خطبه
ضحكت مضاوي : ابد امر الله من سعه ادري محدٍ مدورني
محمد: اجل دام هذا وضعك قومي قومي رتبي اغراضي من زمان ماترتبت
مضاوي بتفكير : ما كإنك ابطيت ماسافرت
ضربتها ام ناصر بغضب: وانتي وشوله تذكرينه
محمد : قاعد على قلبك !
مضاوي :اااه ، لابالعكس مستانسه فيك
عزوز: عمي صدق ما تبي تسافر
محمد : لا تعبت بريييح شوي
ام ناصر: وش رايك تريييح وتزوج وتعقل
محمد بضيق: لا لا لا اتزوج ولا هم يحزنون وانا بروح انام شوي اذا جو الناس صحووني
الكل : زييين
تفرقوا كلهم الا عقاب ومضاوي اللي جالسين وجت عهد وجلست
عقاب : وش فيك انتي متضايقه!
عهد : ولا شي
جات سحر وهي تقول : عقاب اليوم كلمتنا جدتي ام امي
عقاب: والله وشلونها
سحر: والله زعلانه بالحييييل تقول ليه مازرتوني من العيد
عقاب : يوووه صدق مارحنا لها
شهد: تكفى اذا بنروح ما حنا مطولين
عزوز: ايييه عندهم ضيقة صدر
عقاب : بس انت وياها
عهد : بنروح!؟
عقاب : بشوف بشوف
سحر: تراها اصرت انك تكلمها ضروري
عقاب : طيييب والله مالي خلق هواش وسفر بعد
ضحكت عهد باستهزاء وهمس: مخلين السفر للجنيه
سمعها عقاب ولف : وشو !
عهد : لا بس افكر وعد سافرت ولا باقي
صد عقاب يخفي ابتسامته لكن لقطته مضاوي اللي متوقعه انها غصة وضربت عهد بغضب:وش تبين فيها الله يستر على المسلمين ويهنيهم
عهد: الله يستر عليها والا الهناء وااضح انها مبسوطه ماعليها
سحر: عههد
سكتت عهد وطلعت وبقى عقاب اللي سرح يفكر( كيف بتواجهه وعد رفض السفر !؟ كيف بتصرف لكن كان متخيل قهرها ويضحك عليه)
_______________________.
وفي بيت النوخذه
في قمة الهدوء وصوت الراديو يشتغل كسر الصمت جابر اللي قال: اقول يبه
ابو نهيان وهو مشغول في الجريده: شنو !
جابر بهدوء: ماصار في خاطرك تزوجني
تركوا كل شي ولفوا وشرقت ليلى مد جابر يده يخبطها : حلو حلو
ام نهيان: يمهه جابر صچ هالكلام
ابتسم جابر: يعني اشوف انه وقته
ابو نهيان ابتسم بفرح: اييي والله وقته وتأخرت واييد يا ابوك
جابر: مافات شي ودامني لقيت الناس اللي يناسبوني قلت احاچيكم بالموضوع
ابو نهيييان: ماشاء الله ومنو هالناس
ام نهيان: يالعييييار حاط عينك على وحده ولا قايل لي
جابر بسرعه: لا يمه انا ماحطيت عيني على احد بس اهل البنت طيبين وقلت قربهم شرف
ابو نهيان: ومنو!
جابر بخوف وترقب: بيت القايد تحديداً بيت ابو خلف ومن خوات خلف انا عرفت ان عنده خوات مو متزوجات
.
.
.
جابر بخوف وترقب: بيت القايد تحديداً بيت ابو خلف ومن خوات خلف انا عرفت ان عنده خوات مو متزوجات
ام نهيان: ياولدي شنو جابك هنيه! ديرتنا مليانه بنات
جابر: الله يخلي بنات الديره لاهلهم لكن انا ابي من هنيه
ابو نهيان : وعلى اي اساس تبي تتزوج من هنيه !؟
جابر : على اساس اني مرتاح لناس وابي اناسبهم
ابو نهيان : وتدري عن الناس لو يبون يناسبونك او لا !؟ جابر: وليه مايناسبوني يبه!؟
ابو نهيان: الناس لهم اعراف وعادات وتقاليد !؟ وبنات ابو خلف لهم عيال عم ولا ناسي ان اغلب العادات تقول ان بنت العم لولد العم
ليلى : بس يبه خوات خلف واجد
لفوا لها بغضب وكمل جابر: نجرب يبه مافيها شي
ام نهيان : واذا رفضوا!
جابر: قسمه ونصيب
وقف ابو نهيان: خلني افكر
وراح وتركهم وراه ولفت ام نهيان بضيق: والله خايفه يرفضون يمه
ليلى: تفائلي بالخير يمه
ضربتها امها بغضب: بس انتي اكيد انه من تحت راسچ يالسوسه
صدت ليلى بألم ووقف جابر وطلع وهو خايف من رفض ابوه اما ليلى تدعي ان كل شي يتم لان وقتها بينفتح بها باب هي وخلف
_______________________.
وفي بيت مبارك
كانت وعد واقفه برعب تناظر بمبارك لكن صحت من رعبها وهي خايفه ان يصير شي له ركضت وهي تجيب المناديل وتوقف نزيفه سحبت بخوف وهو يتغسل جرحه وتحاول تتعامل معه سكرت على الجرح مدت يدها لرقبته تتأكد من النبض وارتخت براحه اول ماحست بنبضه وركضت تدور اي شي يصحيه من غيبوبته جابت عطر وهي تمرره عند خشمه وفتح عيونه مبارك لكن دايخ
سحبت اي شي يسند راسه وهي تحاول توقف النزيف ورفعته وهي شاطره بالاسعافات الاوليه اللي تعلمتها من خالها ماجد وكان معطيها شنطة اسعافات متكامله وفيها كل شي وركضت تجيبها وبدت تنظف الجرح وتعقمه وقدرت توقف نزيفه وماكان كبيييير داومت الجرح ولفته بطريقه محترفه كأنها بالمستشفى وكأنه كان بالمستشفى اصلا وكان معها مسكن وبعض ادوية الصداع رتبتها ونظفت المكان ورجعت لمبارك تصحيه وتنادي ليييين صحى وهو ماكان يدري وش يصير حوله اعتدل هو ماسك راسه بألم ولف يناظرها بغضب لكن لف يناظر نفسه بالمرايه مصدوم من ضماد اللي على راسه لف يناظر نفسه بذهول ويناظرها
وجلست وعد وهي تحاول تكون هاديه وكأن شي ماصار
ناظرها مبارك بغضب: من اللي لف على راسي
رفعت وعد كتفها بهدوء : مدري
وقف مبارك بغضب لكن جلس اول ماداخ والتفت :لا تلعبين بأعصابي يا وعد
وعد : شفيييك انت شفييييك قلت لك مدري شفتك طايح مدري كيف انضربت وطحت وركضت بتصل بالاسعاف بس رجعت شفتك ملفوف راسك مدري من لفه ولا ادري وش صار .
.
مدري كيف انضربت وطحت وركضت بتصل بالاسعاف بس رجعت شفتك ملفوف راسك مدري من لفه ولا ادري وش صار
مبارك بصراخ: وععععععععد اقولك لا تلعبييين بأعصابي وصدقيني صدقيني لأربيك لا تحسبين ماني منتبهه لك
ناظرته وعد بهدوء وقربت بخبث: مبارك قلت لك قبل لا تأذيني ويأذونك قلت لك لا تضرني ومارح يخلونك شوف وش سووا فيك وترا لو صار وعالجوك ماهو عشانك عشان ما اتضايق انا واحمد ربك ما ذبحوك
ناظرها مبارك بحده يشوف في عيونها الثقه ويتذكر قوتها وهي تدافع عن نفسها كانت قويه ومستحيل تكون قوه بنت وهذا غير طريقة معالجة الجرح المتقنه ابعد عنها وجلس والتفت يناظر الاوديه ويناظرها ونزلت وعد المويه قدامها وابعدت وجلست بهدوء وهي تراقبه تدري انه مصدوم وماهو مقتنع لكن بيقتنع غصب عليه وهالضربه تعليمه له
اما مبارك كان منهبل منجن ماهو مستوعب ابد اللي يصير
_______________________.
العصر في بيت ابو ناصر
الكل مستعد وابو خلف كان يدري ان ضاري خاطب بس مايدري انه لقيط والكل ينتظر
واخيراً وصل ضاري وهو مرتبك محتاس لكن منتبه لامه استقبله خلف بحب وهمس : وش بلاك مرتبك
ضاري : رهبة الموقف
خلف :خل صدرك شمالي امورك بتطيب ان شاء الله تقدم عقاب لام ضاري وفاجأهم : تفضلي ياخاله
لفوا مستغربين ود عقاب اللي ما استقبل ضاري لكن كان احترامه لام ضاري واضح
دخلوا ام ضاري واستقبلتها ام ناصر وام خلف وام وعد يرحبون فيها
ودخل ضاري للمجلس وجلس يراقبهم بعيونه وارتباكه واضح
ابو ناصر : كيفك ياضاري
ضاري : حمدلله يا عمي انت وشلونك وكيف صحتك
ابو ناصر : بخير حمدلله
لف ضاري على الكل: كيفكم جمييييع
الكل: حمدلله
التقت نظراته بنظرات عقاب اللي كان يناظره بهدوء
وقال ضاري : العلم سلامتكم يا جماعه والموضوع انت عارفينه قبل لا اجي وخلف ما قصر وانا ياعمي ابو ناصر جايك وناصي بيتك وشاري نسبكم وطالب قربكم واخطب يدك بنتكم مضاوي
ابو ناصر: تشرفنا يا ولدي وان شاء الله اني اشوف فيك الرجال الكفو اللي يستاهل كل طيب
ضاري : الله يسلمك يا عمي
محمد :قلنا يا ضاري وش تشتغل فيه
ضاري بهدوء : اشتغل في احد المحلات فالسوق
ابو خلف : وكم راتبك
ضاري : خير وبركه يكفيني اعيش
ابو ناصر: يفتح لك بيت يا ولدي
ضاري : ان شاء الله
بدت الاسئله تنهل على ضاري والكل خايف من ابو خلف لكن استئاذن وطلع بزعم انه مشغول وارتاحوا كلهم وصار الهم الاكبر الحين عقاب للي ساكت ويراقب ضاري كان متوقعه يخطب هيا لكن مضاوي صعبه مضاوي اعز وحده على قلبه يتزوجها ضاري ابغض واحد على قلبه كيف بيبلع هالموضوع كييف !؟
.
.
.
وفي قسم الحريم
كانت مضاوي مسترخيه ماهي متوقعه اي شي لكن انصدمت اول ماجت ام ناصر اللي صاده بضيق:مضاوي قومي جيبي لنا القهوه
مضاوي : وش دخلني تجيبها هيا
ام ناصر: قومي بس
وقفت مضاوي بدون ما تسأل وراحت وهي تاخذ القهوه ودخلت مبتسمه واقبلت وهي تنزل القهوه واتجهت لام ضاري وهي تبوس راسها بعفويه: وشلونك ياخاله ان شاء الله انك بخير كيف امورك بعد اخر مره جيتينا
الكل ناظرها بفشله وهم متعودين على حياء البنات بهالموقف بس مضاوي ماتدري بشي
ام ضاري ابتسمت: بخيير يا امي بخير
ام خلف وقف تاخذ القهوه: خليها يامضاوي
مضاوي : لا والله بصبها خليها ارتاحي انا بقهوي خالتي ام ضاري
انجلطوا كلهم وابتسمت ام ضاري اللي قالت لهم انها تبي مضاوي وكان المفروض هاذي شوفه لها لكن مضاوي حاست الدنيا
وهمست ام خلف : مضاوي روحي الحرمه تخطبك انتي لا تفشلين نفسك
هنا انصدمت مضاوي تمنت الارض تنشق وتبلعها تركت كل شي وطلعت وهي وجهها اسوووود بمعنى الكلمه اسود
سحر: بسم للله وش فيك !؟ ندى:لايكون احرقتي العجوز !؟ حنان: مضاوي وش بلاك
ناظرت مضاوي هيا بخوف : مب قالوا بيخطبونك!
هيا ابتسمت: لا بيخطبون وحده منا وشكله انتي
شهقت مضاوي وهي تضرب راسها : يافضيييييحتي يافضيحتي وش بتقول عني الحين بتقول ما تستحي بتقول مافي وجهها حيا
اماني : افااا سحبتي على الچويتي
مضاوي: مب وقتك الله ياخذك
هيا: وش هببتي اخلصي
مضاوي : ابد طال عمرك درعمت على العجوز واتخطفها واسلم عليها واحلف اصب القهوه لخالتي ام ضاري
عهد : الله يفشلك يالخبله
ندى: ليييه ماقالوا من البدايه
ضحكت اماني: مضاوووي لايكون هو الخبل اللي دفع حساب خلف
فجاه انقلب المطبخ ضحك ومضاوي تناظر بفشله تذكر علاقة ضاري مع خلف الغريبه وشكلها وهي داخله على امه وكانها بتموت على ماتتزوج
_______________________.
وبعد الخطبه طلعوا ضاري وامه بعد ما قالوا لهم بنفكر ونرد لكم وكانوا متفائلييين وكان بيت الجد قايد يفيض بالضحك على مضاوي واللي صار معها وانتشرت سالفتها والكل يضحك الا عقاب كان يناظ بهدوء
وجلست مضاوي جنبه بفشله: للله ياخذكم وش دراني
عزوز : ليه انتي خبله ماتعرفين تكونين ذربه
شهد : ماعطتك وعد من الثقل
لف عقاب بغضب: قم انت وياها وطس
راحوا مستغربين غضب عقاب وفضى السطح ولا بقى الا مضاوي اللي من يوم ابوها ومحمد فتحوا الموضوع وبلغوها تستخير وهي محتاره
ولف عقاب عليها: وش فيك انخبصتي
مضاوي: بعد ليه ! شايف وش يصير
عقاب: اشوف لكن انتي موافقه!؟
مضاوي ناظرته بهدوء: ليه انت مو موافق !؟ .

.
عقاب: اشوف لكن انتي موافقه!؟
مضاوي ناظرته بهدوء: ليه انت مو موافق !؟ عقاب : ماهو مهم المهم انتي!وبعدين قالوا لك كل شي عن ضاري
مضاوي : لا
عقاب اعتدل وهو ما يحاول يخرب لكن ماكان راضي تماماً عن هالزواج ويعتبر نفسه مسؤول لازم يقول لمضاوي كل شي عن ضاري وقال : تدرين انه لقيط
لفت مضاوي بصدمه وهي تناظره بذهول : وشوووو !؟ وامه
عقاب : مربيته وهو صغير
تزلزلت مضاوي تناظر عقاب وتراقبه بذهول واول ماحس عقاب انها انصدمت قال: اذا سألتي خلف بيعلمك القصه كلها
وقفت مضاوي بصدمه ودخلت وهي ماهي مستوعبه كلام عقاب وتحاول تفهم كلامه ماتدري كيف تفهمه لكن على طول اخذت اغراضها وطلعت بيت ابو خلف
ندى: حي اللله العروس
مضاوي بضيق: وين خلف !
حنان: يلبس بيطلع ليه!؟ مضاوي تكرتهم وطلعت لخلف اللي كان يرتب نفسه تحسباً لأي صدفه وكل ما يطري له منظر ليلى في كل مره يشوفها يوجعه قلبه
في عز احلامه فتحت مضاوي الباب ودخلت وهي تقول : سالم غيث فيصل برا
لفوا يناظرونها بذهول وقال فيصلل: بيتنا يالعمه بتطردينا
خلف : قم قم انت وياه يلا
طلعوا والتفت خلف وهو شاك ان عقاب قال شي: وش فيك
مضاوي بتردد: لازم تعلمني كل شي عن ضاري
خلف جلس هو يجلسها: وش كل شي!؟ مضاوي : كل شي كل شي ماهو صديقك ! بتقولي كل شي عشان اقرر
ابتسم خلف بضيق: يعني عقاب قالك؟
مضاوي: ليه وش ناوي تخبي!
خلف : ماني مخبي شي بس عقاب سليط ولا يعرف يشرح لامور
مضاوي: زييين ياخلف اشرح انت
اعتدل خلف وبدا يشرح لها عن ضاري كل شي وكل سطر يقوله يقشعر بدن مضاوي ومن كثر ما خلف يمدحه حسته ملاك لكن نظرة عقاب تهمها
خلف : هذا انتي تعرفين كل شي وانا ما امدحه عشان توافقين لا بالعكس انا اكلمك عن رجل لو رفضتيه انا مستعد ازوجه من خواتي
ناظرته مضاوي بذهول : خبل انت !
ضحك خلف : انا صادق ضاري يستاهل اني اسعى له بحياه حلوه ولا تسمعين لعقاب وانتي تدرين عقاب ما يحب احد بسهوله ودايماً عدواني وكرهه لضاري كله غيره
وقفت مضاوي بضيق: مشكور صراحه
طلعت وتركت خلف اللي وقف مبتسم مايدري وش قرار مضاوي بس ان شاء الله خيير
_______________________.
وفي بيت
ام ضاري كانت مبتسمه وهي تسولف لضاري وتحكي عن مضاوي اللي ماكانت تدري بشيء وكيف استقبلتها
رجع ضاري لورى وهو مبتسم : اذا فيها خير يمه الله يجيبها
ام ضاري : الله يكتب كل خير
ضاري : بس تدرين يمه حسيت ام ابو خلف ذا بيوقف في بلعومي
ام ضاري : ليه يمه !؟ ضاري : هو معروف انه اقشر بس نظراته ما تريح
ا.
.
.
ام ضاري : ليه يمه !؟ ضاري : هو معروف انه اقشر بس نظراته ما تريح
ام ضاري : ماعليك منه يمه انت مافيك شي ينعاب
انسدح ضاري على رجلها بحب : ياليت كل الناس تشوفني ب عيونك يمه كان انا سلطان زماني
ضحكت ام ضاري وهي تمسح على شعره : اللي راضي عليه الله بيشوفك سلطان واللي ما يخاف الله بيشوفك راعي خير
ضحكت ضاري : يعني فكل الحالتين سوقي ماشي عندك
ام ضاري : ايييه محدٍ مثل ولدي
سكت ضاري وهو مايهمه احد بعد كلام امه
_______________________. في بيت مبارك
كان يحوم ويدوم وهو يحس راسه بينفجر من الوجع ومن التفكير يبي يعرف اذا وعد صادقه او مخادعه لكن اللي صار ماهو بسيط ولازم يكون له راي وكلمه وكل ما لف يناظرها يشوف هدوء غريييب عجيب وهذا شي اربكه
اما وعد كانت على كثر قهرها الا انها عارفه كيف تلعب وبتجنن مبارك وتجنن عقاب معه وتاخذ حقها منهم كلهم ولفت وهي تقول : ارتب الشنط!
ناظرها مبارك بحيره وقال: رتبيها
وقفت مبتسمه وجهزتها وقرر مبارك يسافر كم يوم ومنها يفك نفسه هالشر ومنها يستفرد بوعد ويشوف صدقها من كذبها
واول اتجاهاته لمكه وهناك بيعرف زيين اذا هي فعلاً فيها مس او الموضوع تلفيقه
كذا رضت وعد وانبسطت واخذت اللي تبي والجاي اعظم
_______________________.
عند نادر
اللي قرر ياخذ شوق ويطلع لسوق شوي يهدي نفسه ويرفهه عن شوق وقف وكانت شوق ماتروح بعيد عنه ابد لكن ابعدت اول ماشافت خلف واقف وهو لابس كمامه ويسلم على نادر
نادر اللي رمى زقارته على طول ولف : وش فيك لابس الكمام تعبان
ضحك خلف : لا بخير بس امي طال عمرها طلعت يدها من الدريشه وحست ان الجو بارد وحلفت علي ما اطلع الا بها ولا بتزعل وانا ما اقوى زعل ميمتي
ابتسم نادر : الله يخليها لك
خلف :امين ، اخبارك انت!؟ نادر: بخير
خلف : بتجي الليله لمكانا ؟
نادر: لا ااسمع تكفى توني ادور ضاري بكلمه نبي نروح لتركي احس ودي احد يغني فوق راسي يطلع احاسيسي
ضحك خلف: ولله كلنا نفس حالتك لكن ابشر ادور ضاري واقوله لكن ماودي اخرك على نديمتك على قول ضاري مابيها تزعل عليك
ضحك نادر بضيق : ليت كلٍ سمح مثل نديمتي
ابتسم خلف : انت تفائل خير وكل شي يبدا كبييير ويصغر هونها وتهون
نادر: وانت صادق يلا يلا
خلف : الله معك وارد لك شوي
رجع نادر لشوق اللي لفت عليه ببتسامه : نادر شرايك بهالفستان
ابتسم نادر: حلو ولو ماهو حلو بتحلينه
ضحكت شوق بفرحي : طيب باخذه
نادر : ابشري اصلا خذي اللي تبينه
انطلقت شوي تجمع اغراضها وتاخذ اللي تبي ونادر متكتف يناظرها بكسرة خاطر

_______________________.
.
وعند مضاوي
اللي كانت تقلب موضوع ضاري براسها ماتدري كيف بتفكر تمنت لو وعد فيه وتقدر تشاورها بما ان وعد اعقلهم
لكن كانت واثقه بشهادة خلف وحتى عقاب ما ذمه ولا قال شي الا انه لقيط بس
تذكرت ام ضاري اللي كانت قمه فالطيبه واكيد ربته على الطيب بعد
لكن متخوفه من هالموضوع
وطلعت وهي تشوف البنات مجتمعين
ندى:بدت تسحب علينا الخايسه
اماني بضحك : شكلها نوت تخون الچويتي
مضاوي : خليت لك الچويتي خلاص برضى ببولد ديرتي
ضحكت سحر: وافقتي
مضاوي : لا بستخير بس اقهرها
حنان : عاد يا مضاوي خلف يحببببه
ووجدان: ويقول خبل زيك
مضاوي: اص انتي اص وش عرفك بسوالف الكبار
شهد: ترا ماصدقنا ان وعد تزوجت وماعاد احد يهاوشنا
مضاوي : ااااه ياوعد هذا وقتك والله
حنان :الله يستر عليها كلمت امي تقول مسافرين
هيا : ياحليلها سافرت
ندى: ايييه اكيد بتسافر عروس
عهد : عسى ما تفجع الرجال بس
اماني : لا حبيبتي الرجال بيموت عليها
عهد : اييه الله يهني سعيد بسعيده
صدوا كلهم بكرهه وهم مايدرون وش سبب حقدها على وعد
_____________.
في السوق
بعد ما قفل خلف المحل لف على صوت عقاب: اشوى لحقتك
خلف : زييين انك لحقت
قبل يكملون كلامهم اقبل عليهم جابر واستقبله خلف بحب وحراره
جابر: شلونك بعد اليوم !
خلف: حمدلله وانت كيفك وكيف النوخذه واهل البيت
جابر: بألف نعمه
خلف : وين ناوي تروح!؟ جابر: والله توني قفلت الدكان وبرّد البيت تعبان حيل بنام
خلف : كنت بعزمك لكن دامك تعبان مره ثانيه
جابر: اي والله يامعود ان شاء الله الجايات اكثر
خلف: يلا فمان الله
جابر: الله وياك
راح جابر وتحركوا خلف وعقاب وقال عقاب : كأنك موسع دايرة معارفك بالحيل
لف خلف ببتسامه: وليه ماتبيني اوسعها ؟
عقاب : لا وسعها لكن انتبه
خلف : ماعليك جابر رجال
عقاب : وش عندك طايح عليييه ومصادقه
خلف : ابد ابن حلال وطيب
عقاب : على قولك ،وين رايح الحين؟! خلف: :بنروح لضاري بنروح معه لتركي نادر خاطره احد يغني له
عقاب : الله يعين نادر بس ولا... انقطع كلامه بجيت ضاري اللي كالعاده ينادي من بعيد ببتسامه وكان الموقف مرتبك بينهم عقاب ماكان يبي يبين الشفقه على ضاري ولا يبي يوضح له شي رغم انه للحين مايطيقه لكن مايدري كيف بيتكلم معه بدون ما يبان عليه انه حزين عليه
وضاري كان خايف يشوف نظرة الشفقهه في عين عقاب وحزتها بينكسر كبرياءه كله
لكن تدارك نفسه عقاب وقال: اييييه اذا طريت المدري وش اسمه( يقصد الكلب) جهز عصاك
ضحك ضاري بغيض: لا معليك ماهو شرط كل يوم نطريك ولا جبنا عصا ولا سلك ��

13 - 2 - 2022, 12:46 AM

.
ضحك ضاري بغيض: لا معليك ماهو شرط كل يوم نطريك ولا جبنا عصا ولا سلك
صد خلف وهو يضحك:امانه خلاص ترا ملييييت منكم
ضاري: انا ما غلطا يغلط نرد عليه
عقاب : وخر وخر
خلف : اقولك وين تركي
ضاري : ينتظركم لكن موصيني باغراض اسبقوني بلحقكم
خلف : انا بنروح لنادر ناخذه بطريقنا
ضاري : يلا زين
اتجهوا لبيت نادر اللي كان قريب من بيت النوخذه وكالعاده كانوا العيال الصغار بالحاره يلعبون مع سعود اللي يدق باب النوخذه وتفتح ليلى وتعطيه حلاوه وتسكر وعلى هالحال لين شافه خلف وابتسم وهو يقول :عقاب كمل انت وانا بروح اجيب اغراضي بالمحل نسيتها
عقاب :عجل يلا
كمل عقاب ورجع خلف بعيد شوي وكان معه حلاوه اخذها لغيث وسالم لكن قرر يضحي بها وجلس بعيد شوي وهو يحطها بكيس وحط في الكيس ورقه خفيفه مكتوب فيها( اتركي هالسعود اللي اشغلك وخذي هالحلاوه الله يحلي أيامك وسكري الباب الشارع مليان ناس ورايح والجاي يناظر بيتكم ماودي غيري يصير مريض وليلى دواه ، ودامني مريت من عندكم قلت لازم اسلم عليك ، وعلى فكره وصلني انك تدقين عود وبما أن ليلتي اليوم محفوفه بهالطرب الحلو ابي نتشارك هالقصيده لكن انا بسمعها وانتي اعتبريها اهدا وغنيها لأن فعلاً بتعاتبني الدنيا كلها اذا مريت ولا سلمت
( الليل ياليلى يعاتبني ... ويقول لي سلم على ليلى
الحب لاتحلو نسائمه ... إلا إذا غنى الهوى ليلى
وطيب الشوق يحملني ... إلى عينيك ياليلى
لأجلك يطلع القمر ... خجولاً كله خفر
وكم يحلو له السفر ... مدى عينيك ياليلى
لنا الأيام تبتسم ... ولا همس ولا ندم
وماذا ينفع الندم ... نديم الروح ياليلى )
سكرها وركض لسعود وهو يناديه: سعودوووه تعال تعال
سعود : هاه
خلف: اسمع خذ هالكيس وده بيت النوخذه وعطه ليلى قلها هذا من وعد صديقتها فهمت
سعود : اختك وعد!
خلف: ايه اختي ولا تعطيه احد الا هي
سعود : زين
خلف : لا اشوفك تدق الباب كل شوي ازعجت الناس
سعود : طيب
ركض سعود وخلف واقف بعيد شوي ودق الباب وفتحت ليلى مبتسمه : شنو ياسعىوووود
سعود: خذي هالكيسه عطاني خلف يقول من اخته وعد لك
شهقت ليلى وجلست قدام سعود لكن ابتسمت اول ماشافت خلف واقف بعيد اخذته وابعدت تضحك ودخلت وسكرت الباب وهي كل يوم يجلطها خلف لكن ضحكت اول ماشافت الحلاوه وقرت الرساله ضمتها بضحك وهو تقول بهمس( وينچ يا مريوووم تشوفين قيس الحقيقي )
ركضت ليلى لسطح وهي تحيب عدتها وجلست مستعده تغني هالقصيده وتأمل كل كلمه فيها
_______________________.
وفي طريق السفر
كانت وعد متوتره من مبارك وشاكه في نيته وماهي متطمنه
.
.

.
وفي طريق السفر
كانت وعد متوتره من مبارك وشاكه في نيته وماهي متطمنه واول مادخلوا مكه واخذوا الفندق
جلست تراقبه بتفكير والتفت مبارك وشغل اذاعه القران ووقفت وعد تناظره
مبارك: وش فيك
تقدمت وهي تسكره بغضب: مبارك لا تستفزني احسن للحين جرحك طري
مبارك: كم مره علمتك عند هاللسان الطويل
جلست وعد بخبث جنبه وملاصقه له وهي تمسح على كتفه وجرحه وقالت بصوت هامس اهلك مبارك: مبببببارك يا عيني ليش ما تبي تفهم انا كل اللي اسويه عشانك انا احاول اعدل ظروفنا ومابي احد يأذيك بس انت ما تطيع !
مبارك انحبست انفاسه وقال : ومتى تعدل ان شاء الله ؟!
وعد: بتعدل بس انت طول بالك وخلنا ننبسط ونستانس بسفرتنا وهي كلها اسبوع ونرجع واوعدك كل شي يتعدل
مبارك: زييين ياوعد زيين
ابعدت وهي وهي تبتسم له ولا يقدر يقاوم ابتسامتها ولا يرد عليها
وبما ان خطته فشلت قرر ينام لكن قررت وعد تفكر فالجاي وتتصل بماجد يسجلها وتضمن اسمها ضمن القبول
جلست تنتظر ماجد اللي رد : هلا والله من معي
وعد : هذا انا وعد ياخالي
اعتلى صوت ماجد يرحب : هلا واللله هلا حي الله العروسه شخبارك وشعلومك ان شاء اللله مبسوطه
وعد : حمدلله بخييير ياخالي انت كيفك
ماجد: ماشي حالي
وعد : افا فيك شي
ماجد : والله ياوعد هذا وقت فزعتك
وعد :افا ياخالي وش فيك قلي
ماجد : ادري ماهو وقته وبزعجك في مثل هالوقت
ضحكت وعد : بسيطه ياخالي ولا ازعاج ولا شي قول اسمعك
ماجد : صراحه يا وعد ابي اخطب سحر بنت عمك
سكتت وعد بصدمه وقال ماجد: ادري بتنصدمين وبتقولين كانت خطيبة خلف لكن هي الحين مالها علاقه بخلف وانا صراحه من زمان ابيها لكن ساكت عشان خلف وبما ان مافيه نصيب بخطبها
تنحنحت وعد تطلع صوتها اللي اختفى من الصدمه: لا ياخالي لكن غريبه وش جابها على بالك !
ماجد بتردد: زمان شفتها وعرفت انها سحر ودخلت قلبي من زمان ومن حظي ان زواجها هي وخلف ما تم وكلمت امك لكن واضح ماهي راضيه وشكلي بتعب معها
وعد : انا والله انصدمت لكن سحر تستاهل كل خير وانت بعد لكن عقاب المريض وش بتسوي فيه وابوي والكل يعني تعرف انت انهم زعلانين للحين على فركشة الخطبه ومدري يرضون او لا
ماجد : وهذا اللي ابيك فيه ! ابوك وسحر وجدك وخلف اقنعيهم انتي وخلف يقنع عقاب يعني كل الموضوع عليك
سكتت وعد وهي تقول بنفسها ( انا مبتلشه بعقاب وانا ماسويت شي اجل لو بخطط لزواج اخته منك وهو مايطيقك وش بيسوي فيني ؟ )
ماجد: وش قلتي
وعد : ابشر لكن لا تخطب رسمي لين ارجع
ماجد: ماشاء الله وينك فيه؟؟ .
.

.
وعد : ابشر لكن لا تخطب رسمي لين ارجع
ماجد: ماشاء الله وينك فيه؟؟ وعد : في مكه لكن بنطلع قريب ونكمل سفرتنا لكن قبل قلت اذكرك تسجلني بالمعهد
ماجد:موافق مبارك!؟اخاف يسوي سالفه !
وعد: موافق ماعليك لكن لا يفوتني
ماجد :ابشري ترجعين تلقين كل شي جاهز
وعد : يابعد عمري ياخالي الله ينولك اللي في بالك
ماجد: امين ويلا روحي لزوجك مابي اخرك
وعد : زين
سكرت وهي تفكر في حل الحيييين صدق بتنشب في عقاب و والله لو يدري انها سبب في خطبة ماجد وسحر ليقلب الدنيا عليها صدق
_______________________.
ومن بكره في بيت ابو خلف
كان هاليوم راكد والجو هادي والكل عايش روتينه ومجتمعين على القهوه بالحوش
والتفت خلف على امه : ابوي وين !؟ ام خلف : مدري من الصبح اخذ بشته واغراضه وطلع
ام وعد : يقول معزوم
خلف : ايييه الله يستر عليه
حنان : عاد اليوم هاااادي والجو هادي
ندى: اصلاً بيتنا هاادي من يوم تزوجت وعد ووالله كانت مسويه جو
فيصل: من هالناحيه صدقتي
خلف : انا بروح بيت جدي احد بيجي معي
ام خلف : اي والله بنروح لخالتي اليوم ماجت مدري وينها
خلف : يلا اجل
التفت فيصل بملل: قلنا هادي وجونا هادي لكن اللي يعرف رابح صقر هاذي يعرف الراحه
لفوا كلهم على اماني اللي كالعاده معلقه المسجل معها وتنظف وتغني والصوت قمة النشاز
قبل يردون دق الباب وفز فيصل: حمدلله لله ربي ارسل لي عزوز ينقذني
فتح الباب وابعد باستغراب : يبه
ابو خلف : ايييه وخر وخر عن الباب واطلع جب الاغراض
الكل لف يناظر ابو خلف اللي دخل ومعه حرمه لكن محد يعرفها
ابو خلف : ادخلي ادخلي
خلف : يبه !؟ من هاذي
ام وعد : من هاذي !؟ ابو خلف : اجلسوا اجلسوا كلكم واسمعوني
محد جلس وكلٍ يناظره هالحرمه اللي بجنب ابو خلف
ام خلف : من هاذي يا ناصر
ابو خلف : هاذي حوريه زوجتي الجديده
عم الهدوء والكل فجأ اجتمعوا حول بعض وكلهم يناظرون بعض بذهول ومحد مصدق
لكن صحوا من صدمتهم على شهقت ام وعد :وشوووو
ابو خلف : سلموا عليها
كشفت حوريه غطاها وهي مبتسمه : سلام عليكم
محد رد لكن انفجرت ام وعد: تزوج ليييه!؟ وش مقصرييين عليييك فيه هاه
ابو خلف بغضب: اقصرييي صوتك
خلف : عمه اهدي
ام وعد : وشلون اهدا بعد هالعمر يتزوج وشوله يتزوج
ابو خلف: اتزوج ولا ما اتزوج محد له شغل وسلموا ولا ابعدوا عن الطريق
خلف : يبه ابيك شوي
ابو خلف : ندددى اماني حنان وجدان
لفوا البنات عليه بصدمه : سم
ابو خلف : نظفوا غرفة العيال وفضوها لحوريه
ام خلف : وشوووو غرفة العيال وين بتوديهم!؟ وبعدين بيتنا صغير يالله شايلنا ��

.
ام خلف : وشوووو غرفة العيال وين بتوديهم!؟ وبعدين بيتنا صغير يالله شايلنا
ابو خلف : اسسسسكتي ياحرمه انتي وياها وكلمتي وحده وانتم خلصوا بسرعه
خلف :يببببه
ابو خلف بصراخ: خلصوووا وانتي ياحوريه ادخلي المجلس لين تقضي الغرفه
دخلت حوريه المجلس وهي ساكته
ومحد كان مستوعب اللي صار ولا كلام ابوهم
واتجهه خلف لابوه: يبه الله يخليك انت صادق ! متزوج ! وبهالعمر
ابو خلف : ايييه صادق وبتزوج بهالعمر!؟ محد له علي كلمه
خلف : محشوم لكن وش ناقصك
ابو خلف : ماهو شغلك
خلف :زين لكن ليه ما توديها بيت ثاني يبه انت جايبها عند امي وعمتي ومستحيل يتقبلون !
ابو خلف :محد له شغل هذا بيتي واحط لللي ابي فيه وامك وعمتك اللي تبي بيتها بتسكت واسمعني زين وعلم اخوانك لو اشوف واحد يتكلم كلام ماله داعي والله والله لربيه من جديد
خلف عجز يرد لكن طلع متجهه لبيت جده محد يحل هالمصيبه الا هو
فتحت هيا: خلف هلا
خلف :هلا يا هيا وين جدي وعمي محمد
هيا: يفطرون
خلف : خذي لي طريق طيب
هيا : طيب
راحت ورجعت بعد دقايق : خلف تعال
دخل خلف وهو متضايق اتجهه لجده للي وقف بخوف اول ما لمح الضيق في ملامح خلف
ابو ناصر : خليف علامك يا ولدي
خلف : ابد طال عمرك تعال معي شف هالمصيبه اللي مسويها ابوي
محمد : بسم لله وش مصيبته
خلف : جاء ابوي معه وحده يقول انها زوجته
عقاب : وشو'!؟؟زوجته!
خلف: امي وعمتي حالتهم حاله
ابو ناصر: يا ولدي وش تبيني اسوي تزوج على سنة الله ورسوله
خلف : يا جدي يتزوج ماقلنا شي لكن ماهو كذا وهذا غير ان بيتنا صغييير يالله مكفينا حنا
محمد: اركد يا خلف اركد وبنشوف الحين هالزواج اللي محدٍ درا به
عقاب : بعد ما شاب ودوه الكتاب
ابو ناصر: اقصر الكلام ياعقاب، خلف ناد ابوك
رجع خلف وهو يشوف ابوه حايس الدنيا ويجهز الغرفه لحوريه وفعلاً بدا يفضي اغراضهم من غرفتهم وركض قبل لا احد يبعثر اوراقه اخذ الاوراق وكل شي وهو يلفها بجاكيته وركض لحنان اللي اكثر امانه بين خواته : حنان خذي هالاوراق خبيها ولا تعطينها احد ولا احد يفتحها خليها امانه
حنان :ابشر
نزل خلف وهو يشوف امه وعمته واقفات بصدمه ينتظرون حوريه لللي في لمح البصر نزلت عبايتها وجلست بقمة كشختها ولبسها وذهب ناظرها بذهول وصد وهو ماهو مرتاح لها لحق ابوه اللي صار بمجلس جده
شاف فيصل واقف متكتف بغضب ووقف جنبه
ابو ناصر: وش ذا الزواج اللي محدٍ درا به يا ناصر وشلون تدخل وتقول تزوجت كذا!؟ مالك اهل مالك والي !
.
.

.
ابو ناصر: وش ذا الزواج اللي محدٍ درا به يا ناصر وشلون تدخل وتقول تزوجت كذا!؟ مالك اهل مالك والي !
ابو خلف: انا ماني ولد وعقلي براسي واعرف خلاصي
محمد: محد قال انك ولد لكن اشرح ! مايصير زواج في يوم وليله ومحد يدري
لف ابو ناصر يناظر العيال وبعدين لف : ابد انا متزوج من فتره لكن حبيت اني اجيب زوجتي لبيتي هالمره
ابو ناصر: متزوج بعد من فتره
ابو خلف : ايييه
محمد : وش هاللي متزوجها من وين جايبها ؟
ابو خلف : اخت واحد من اخوياي مطلقه وتزوجتها انا لكن ماعاد اقدر اخليها في بيت وانا في بيت
ابو ناصر : ويييييين تجيبها !؟ بيتك كبر الكف بتحطها وييين
ابو خلف : انا ادبرها وهذا بيتي وانا ابخص
محمد: والله ما ظنتي تبخص وانت فالوقت للي المفروض تزوج عيالك فيه تتزوج انت
ابو خلف: ماسويت حرام ولا عيب
خلف : يبه ماينفع تسكن زوجتك معنا!؟ ابو خلف : وش رايك تطردها من بيتي
خلف: محشوم
فيصل بضيق : الكل مزحوم فالبيت ماحنا ناقصين نفس ثانيه !؟ يالله نعيش فيه
ابو خلف : فيييييصلوه اقصر صوتك لا ترفع صوتك علي
عقاب : وانت ياعمي ليه ما تاخذ بيت ثاني
ابو خلف : محد له نقاش معي وانا اسوي اللي ابي واللي ماهو عاجبه الباب يوسع جمل طلع وتركهم والكل يناظر فالثاني وقال عقاب : ما اقول الا الله يعينكم على مصيبتكم
ابو ناصر: والله مدري وش ورا هالزواج
طلعوا عيال ابو خلف للبيت والكل عرف والكل اجتمع وام ناصر تناظر حوريه بغضب لكن اتجهت لها حوريه ببتسامه بتسلم وصدت عنها : وخري عني
حوريه:شدعوه يا خالتي ماني يهوديه!؟ ام ناصر : اقول ابعدي عني احسن لك
ابو خلف: يييمه الله يخليك
ام ناصر: ياخساره ان هالذهبتين حريمك ماتستاهل طيب ام خلف وام وعد
صدوا بضيق وطلعت ام ناصر والكل صار حديثه هالسالفه واللي صار
والكل يراقب ابو خلف اللي يجهز بنفسه غرفة حوريه اللي تناظر البنات وحده وحده وهم يناظرونها بغضب وقهر
ابعدت ندى بقهر: اااه وينك ياوعد تجين ترنيييين هالحيييه
اماني : انا خايفه صراحه
وجدان: اااه يالقهر شوفوا شكلها هاللي ماتستحي
حنان: ياقلبي امي وعمتي مقهورين
ندى: بينقهرون اكييييد هم من عمر متصافين مع بعض ولا حتى عادين انفسهم ضراير بالعكس خوات واعز واغلى وفجإه تجي وحده ماندري منين جايه
حنان: الله يجيب العواقب سليمه
_______________________.
وفي بيت الجد قايد
جلست مضاوي بشهقه: وشووو متزوج هالشايب العايب
هيا:اسكتي لا يسمعك
مضاوي: خليييه يسمع اجل الحيييين بعد ماصاروا عياله رجال وبناته عرايس يبي يتزوج
عهد : ايييه مالهم امان الرجال .
.

.
عهد : ايييه مالهم امان الرجال
سحر: قهر على خالاتي
هيا: والله ضاق صدري عليهم حتى العيال مقهورين وخلف اول مره اشوفه متضايق كذا
شهد: طبيعي بينقهر هاذي هي من يوم طبت البيت انطردوا من غرفتهم
مضاوي: وششششو وطردهم بعد
سحر: ايييه بيجهز غرفه لعييين السيح
مضاوي : هذا يبيني ارووح اطربق البيت على راسه وراسها
هيا: اهجدي بس
اخذت مضاوي اغراضها ونزلت تركض لكن وقفها صوت محمد: مضاوي تعالي وين رايحه
مضاوي: بشوف وش مهبب ابو جهل
ضحك محمد : تعالي خلييه وش تبين فالمشاكل
ام ناصر: احكي بأدب عن اخوك
مضاوي : للله يسلمك يمه اخوي ما خلا ادب واحترام
عقاب: اص اص وش دخلك انتي يتزوج يطلقق رجال عاقل وعقله براسه امشي
محمد وقف وسحبها وهو يجلسها: خليينا منه علمينا عنك
انمغصت مضاوي : وش اعلمك !؟ ابو ناصر : ننتظر ردك ولا نسيتي
مضاوي توترت وتفشلت ونست اصلا سالفة ضاري مع هالكارثه لكن اول ماشافت الكل يناظرها لفت تناظر عقاب اللي يناظرها بتركيز وقالت في لحظة توتر وخوف : موافقه دامكم موافقين
ابعد محمد وهو يضحك: ايييه قولي كذا
ابو ناصر: الله يبارك لك
ابتسم لها عقاب اللي كان في قرارة نفسه يشوف ضاري رجال كويس لكن المكابر عنده اخذ دور
وتبدلت السالفه لخطبة مضاوي وكيف بيبلغون ضاري بالموافقه
_______________________.
في بيت النوخذه
نزلت ليلى وهي في قمة روقانها والفضل يرجع لخلف اللي ما تقرا كلامه يرفرف قلبها
شافتهم على الفطور وركضت وهي تبوس راس ابوها وامها
ام نهيان: لا عاد تأخرين على الريوق
ليلى: من عيوني
جلسوا بصمت وجابر ساكت وابوه بعد لكن فجأه لف ابو جابر وقال: كلم خلف ياجابر
لف جابر ونزل الشاهي : اكلمه بشنو !؟ ابو نهيان: ما تقول لقيت العروس كلم خلف يكلم ابوه ان اليوم بنزوره
استبشر جابر ولف بفرح: صچ يبه
ليلى صفقت بضحك : اللللله الللله اللله
ام نهيان ابتسمت بفرح: مابغينا نشوف هاليوم
فز جابر يبوس راسهم بوناسه: مشكور يبه والحين اكلم خلف
ابو نهيان: اركد اركد
جابر: ابشششر
ترك كل شي وركض وهو فرحان لانه من ايام يطري له طيف اماني وبدا فعلاً يحطها براسه زوجه وعروس
ولفت ليلى ببتسامه: يارب يصير نصيب
ابو نهيان: استانستي واجد!؟ ام نهيان: ايييه مو رفيچاتها وماي عيونها
ابتسمت ليلى وهي في نفسها تقول ( كل شي قريب من خلف بيصير ماي عيوني ) : بعد عمري والله
ابو نهيان: انا رايح البحر بشوف السفن والبضايع
ليلى بود : تاخذني وياك يبه
ام نهيان: بنت انتي شنو!؟ صبي انتي صبي شنو يوديچ للسفن قعدي اشوف
ليلى: يببببببه .
.
.
ام نهيان: بنت انتي شنو!؟ صبي انتي صبي شنو يوديچ للسفن قعدي اشوف
ليلى: يببببببه
ابو نهيان: قومي قومي وياي
ام نهيان: وي ياحسرتي ما ادري شلون بربيها وانت مدلعها چذيه
ركضت ليلى تضم ابوها بفرح: لله يخلييييه لي طول العمر
ابو نهيان: يلا زتچ
ركضت ليلى تلبس وهي فرحانه وام نهيان بدورها فرحانه ومبسوطه
_______________________.
وفي السوق
طلع خلف من بيتهم ضايق صدره مافي يده شي يسويه لكن اقل شي لازم يبعد عشان مايطق من القهر جلس بالمحل بغضب وهو متكتف ويفكر بس في حل يتفادى فيها هالبلوه للي في بيتهم
وفي عز اندماجه بهمه صحى على صوت دق على باب المحل ووقف ببتسامه: حياك الله
جابر: الله يحيك شلونك خليف
خلف:حمدلله انت شلونك
جابر: زييييين
خلف ابتسم: المزاج اليوم رايق
ابتسم جابر: اي والله وصراحه جاي لك بتكلم معك بموضوع
خلف : وشو تأمرني
جابر بتردد : ما يأمر عليك عدو وظالم لكن.. خلف : لا تستحي يا جابر
جابر بحرج: الحقيقه يا خلف انا ناوي ازوركم انا والوالد اليوم
ضحك خلف: وكل هالحيا عشان بتزورنا حياك الله في اي وقت البيت بيتك
جابر : لا مو هذا قصدي
خلف : وشو !؟ جابر : بنروركم خطاب
لف خلف بكل قوته لدرجة ان كاس الشاهي اللي قدامه طاح وانكب
وقف بسرعه يتدارك الوضع وارتبك جابر من موقف خلف اللي ابد ما توقعه كذا
اما خلف اللي كان كأن احد ضربه كف بكل قوته ما استوعب وهو يقلب في راسه السالفه وقال بذهول : مييين اللي بيخطب!؟ جابر ارتبك: انا يشرفني اطلب وحده من خواتك شافتها امي وقلت اتكلم وياك قبل
انقطع نفس خلف مايدري الموضوع صدفه او وشو وش جاب جابر لخواته!؟ وهو كان يفكر كيف بيخطب ليلى وهل بيقبلون فيه او لا !؟ لكن اللي صار في صفه ولو تزوج جابر وحده من خواته زواجه من ليلى مضمون
جابر اللي حس ان خلف انخبص وارتبك قال بحرج: قلت شي غلط ياخوي !؟ خلف بسرعه : لا لا شدعوه لكن انصدمت يعني تعرف انه موضوع مايطري لا على البال ولا على الخاطر
جابر بحرج: انا صراحه لما قالت لي امي ان عندك خوات ما رفضت ابد وانا يشرفني انك ياخلف تصير خال لعيالي
بردت اطراف خلف وابتسم: الله يسلمك يا جابر وانت والله انك رجال كفو وتستاهل كل خير
جابر: تسلم
خلف : والله مدري وش اقولك بس حياكم الله والوالد يستقبلكم ان شاء الله
جابر : زييين يلا فمان الله
خلف : فمان الله
راح جابر وتجمد خلف على طاولته يقلب الموضوع اللي طير عقله ونساه سالفة ابوه وزواجه !؟ هاذي فرصة عمره ولا بتكرر وماهي بس فرصه هي قنبله بتنفجر بين يديه لو رفض ابوه وبتطير بليلى من يده .
.

.
راح جابر وتجمد خلف على طاولته يقلب الموضوع اللي طير عقله ونساه سالفة ابوه وزواجه !؟ هاذي فرصة عمره ولا بتكرر وماهي بس فرصه هي قنبله بتنفجر بين يديه لو رفض ابوه وبتطير بليلى من يده
ماكان خلف ناقص حرب نفسي وجلس بضيق وهو شبه متاكد ان ابوه بيرفض لان ابوه مستحيل يقبل بزواج بعيييد مثل كذا
_______________________.
وعند ليلى
كانت مبسوطه لكن صدمها ابوها اللي اخذ طريق السوق يقول ان فيه اوراق بالمحل لازم ياخذها بس اخذتها حجه تشوف خلف
كانت تدوره بعيونها لكن شافته كالعاده طاولته عند الباب لكن مايشتغل هالمره سرحان وفي عالم ثاني
حاولت تلفت انتباهه لكن ماهو معها والضيق على ملامحه بينه لكن صحت على صوت ممدوح اللي يرحب في ابوها بصوت عالي: حياك الله يالنوخذه
وهنا لف خلف يناظر النوخذه لكن انصدم اول ماشاف خلف معه وتناظره وقف بسرعه مايدري كيف جت له الجرأه ووقف واتجهه للبقاله
وكان ابو نهيان واقف يجمع له كم غرض من البقاله ودخل ليلى معه ودخل خلف بعدهم وهو يحوس حولهم واول ماشاف ابو نهيان مشغول اسرع وهو يهمس لليلى: ليه ماقلتي لي عن موضوع جابر
تجمدت ليلى بخوف ماتدري وش موضوع جابر هل يقصد خطبته او السالفه كلها مع اماني
ولفت تناظر ابوها اللي مشغول وهمست بخوف وارتباك: ما ادري عن شي
خلف بنفس الهمس : تدرين انه من صالحنا لو حصل نصيب
ولفت ليلى بهدوء وهي تناظر عيون خلف: واذا ما حصل!؟ شنو بتسوي !
خلف اول ما تمكنت نظرتها من قلبه ماعاد عرف وش يقول كان لها نظره جباره تهزه هز
لكن ابعد اول ما سمع صوت خطوات وترك ليلى اللي لفت لابوها اللي يناديها وطلعت وهي ماتدري وش نية خلف! ( وهي تدري لو ماصار بين اماني وجابر نصيب بيخرب كل شي وهنا اللي لازم خلف يثبت موقفه فيه)
طلعت وهي تدري انه واقف وراها ويراقبها
اما خلف ترك كل شي ورجع لدكانه وهو لازم يضبط وضعه سواء صار نصيب او لا ومستحيل يسمح ان شي بسيط يطير ليلى منه
_______________________.
وعند نادر
اللي من بعد اخر الكلام بين امه وابوه ركدت الامور ومبدئياً محد مزعجه ابداً او مزعج شوق
طلع بعد ما لبس وهو يسلم عليهم ولف يناظر شوق : طالع لخلف شوي وارجع
شوق : الله يستر عليك
ابو نادر: انا بروح معك اجيب اغراض البيت
نادر: زيين
طلع بعد ما ودع شوق واخذ طلباتها كالعاده ماكان ابوه يسولف معه او بينهم موضوع لكن سمع ابوه يقول : اللي انت تسويه غلط!؟ والدلع ماينفع ! بتخليها كذا بكره ماتقدر تسيطر عليها
ناظره نادر بضيق: وش لازم اسوي يعني!؟ .
.
.
ناظره نادر بضيق: وش لازم اسوي يعني!؟ ابو نادر: تعرف اللي لازم تسويه زيين وعمرك يمشي يانادر وانا ابي حفيييد
اول ماوصلت المعلومه لنادر انحرف عن الطريق واتجهه لمحل خلف بضيق ومارد وهو رافض هالفكره كلها ومايدري متى بيتركونه بحاله وصل وشاف خلف مكتف بحيره
ضربه بخفه على كتفه: خليييف وش فيك يا سمح الخاطر ضايقٍ خاطرك
ابتسم خلف وهو يقول : اول شي بارك لي صرت خطابه كل من نوى يخطب جاء وكلمني
ضحك نادر: من خطب !؟ خلف: اول شي ضاري خطب عمتي !؟وثاني شي تخيل ان جابر ولد النوخذه جاي يقولي بنزوركم نخطب
اتسعت عيون نادر بصدمه: لحظه لحظه قبلل جابر !؟ ضاري متى خطب
خلف : عاد ضاري سالفته سالفه
نادر: سمعني ؟
خلف بدا يقوله سالفة ضاري وهنا انهبل نادر ووقف : خلف انت متأكد هالكلام!؟ خلف : ايييه
نادر: وشلون!؟ وماحسينا!؟ ولا احد جاب طاري!
خلف : هذا اللي صاير
نادر: طيييب! وش قالوا جدك وعقاب والكل !؟ اكيد رفضوا واكيد عقاب هالشين قلب الدنيا لقى له عذر الحين
ابتسم خلف : ماتصدق لو قلت لك عقاب ماعنده مانع
نادر: لا لا كذا كثيييييييير
خلف : لا وللله هذا اللي صار ! ترا سالفة عقاب سالفة مكابر وغرور لكن في نفسه يعرف ان ضاري رجال
نادر : يابعد عيني يا ضاري والله انه اجودي وطيب ومايستاهل الا كل خير
خلف: صدقت
نادر: و وش سالفة ولد النوخذه ؟! خلف : ابد يقول امه قالت له ان شافت خواتي وبتخطب له ووافق وجاي يقولي عشان يكون عندي خبر
ضحك نادر: بشره ان ابك بيقول اقضب الباب
ضاق صدر خلف وصد بضيييق:ااااه من ابوي الله يصلح ابوي
نادر : وش فيه بعد !؟ تنهد خلف بضيق: بارك لي ابوي عريس
نادر: وشووووو!؟
سحب خلف الكرسي وبدا يشرح البلاوي للي صايره لنادر
_______________________.
وفي مكة
كانت وعد تتمشى ومبسوطه وهي ملاحظه ان مبارك بالسياسه يجي وبكم كلمه حلوه ينسحب على وجهه
وهي الحييين صارت تفكر بماجد وسحر وكيف بتحل القضيه
لكن ما اهتمت لذا كلها وكرست كل جهدها ان تعتمر وتدعي ان الله يقويها على عقاب وعلى مبارك وعلى هالظروف الشيييينه
بعد ما خلصت طلعت لحالها للفندق بدون ما تنتظر مبارك
جلست وهي تتصل على بيت ابوها لكن محد يرد ورجعت تتصل وورد سالم: الوو
وعد : سالم كيفك ياحبيبي
سالم بفرح: وعدد انا بخير انتي كيفك
وعد : بخييير وين الناس ليش محد يرد
سالم بضيق: محد فاضي
وعد: ليش!؟ سالم بهمس ضايق: الكل متضايق ابوي تزوج وحده والكل زعلان
وعد وقفت بصدمه: نععععععم
.
.

سالم بخوف : والله
وعد : متى صار هالكلام !؟ سالم : الصبح
وعد : رووووح ناد لي ندى بسسسرعه بسرعه
ركض سالم لندى وهو يسحبها: تعاااالي تعاااالي
ندى: وش فيييييييك
سالم : وعد تبي تكلمك
ندى شهقت: وشووو لايكون قلت لها شي
سالم: اي قلت لها
ضربت وعد رجلها بغضب: اللللللله يهديك يا سالم الله يهدييييك
ركضت وهي ترفع السماعه: وعد
وعد بغضب: وش ذا اللي يقوله سالم وش قصة زواج ابوي !؟ ندى بضيق : مثل ما سمعتي والله
وعد : شللوووون ابوي ماسواها وهو صغير بيسويها الحين!؟؟
ندى:هذا اللي صار دخل علينا الصبح وهي معه ولا احم ولا دستور قال هاذي عمتكم وسلموا عليها ومحد طبعاً راح لها وعصب وزود على كذا طلع اخوانتي من غرفتهم يجهزها لها
وعد : وششششششو ليه وين يبيهم ينامون
ندى: يقول بالمجلس
وعد : ماشاء الله هاذي بدايتها اجل
ندى: الا لا يوريك اياها يا وعد جايه والشر بعيونها والله مدري وش نيتها
وعد : تخسي هي ونيتها وان شفتوا منها شي لا تسكتون لها
ندى: امي وعمتي ضايقات مررره وابوي صارخ عليهم قدامها والوضع مكهرب
وعد : ماعليه يومين وبجي والله والله لحوس هالزواج انتظري بس
ندى: لا تقطعين سفرك عشان سالفة تافه خلاص شي وصار وش في يدينا
وعد : اذا جيت اعلمك وش في يديني
لفت على صوت مبارك: خلاص اكلمكم بكره
ندى : زين
سكرت وعد ولفت تناظره وقال مبارك بغضب: وشوووووله طلعتي من الحرم ماقلتي لي!؟ خليتيني افره عشرين مره ادور عليك
وعد بلا مبالاة: تعرف اني مقدر اجلس فالمسجد زياده وماحبيت اخرب عليك صلاتك عشان كذا طلعت وهذاني هنا ماطرت
مبارك: عدلي اسلوبك يا وعد
وعد بضيق: زييين متى بنطلع من مكه
مبارك بشك: مطولين ليه!؟ وعد: مابي اجلس زياده بنرجع للخفجي
مبارك: وانا هنا رجل كرسي!؟ مالي راي
وعد : قلت تبي تعتمر وتصلي وهذاك اعتمرت وصليت خلاص
مبارك : بجلس بعد ماشبعت
صدت وعد بكرهه وجلست وهي ماهي معه ابد تفكيرها باللي صاير في بيت اهلها
ولا اخذ مبارك ولا عطى لانه انهد حيله وتعب وهو يدور جميلته الفاتنه اللي صار فعلاً يحب يجلس يناظرها وبس مايبي اي شي ثاني
_______________________.
وفي السوق
كان نادر متكتف يناظر خلف وهو مايدري من وين يبدا ووين ينتهي
ابتسم خلف بضيق : يعني ضاري وقضينا منه وضعه مافيه نقاش
خلف : لا ياحبيبي الكارثه لو رفضوه حزتها كيف بتناقش مع ضاري وكيف بشرح له
نادر: هذا شي ماهو بيدك اذا ماله نصيب انت ماتقدر تسوي شي
خلف : وجابر بعد .

المواضيع المتشابهه لموضوع: عزاي إنك رجاي العذب لو كل الدروب عثور للكاتبة اديم الراشد لموضوع: عزاي إنك رجاي العذب لو كل الدروب عثور للكاتبة اديم الراشد
الموضوع	كاتب الموضوع	المنتدى	مشاركات	آخر مشاركة
عيونك شوكة في القلب توجعني و عبرها للكاتبة ديم الراشد مكتملة	همسه الشوق	همس للقصص وحكايات وروايات	150	21 - 1 - 2022 05:24 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM
عزاي لمن خذاه الموت عن احبابه	امر تدلل #	همس الشعر والقوافي	10	26 - 3 - 2013 12:39 PM
عظم الله جري والمفارق عزاي	إنكسآر ♪`	همس الشعر والقوافي	7	21 - 2 - 2013 10:43 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عزاي إنك رجاي العذب لو كل الدروب عثور للكاتبة اديم الراشد

همس للقصص وحكايات وروايات