عشاق من احفاد الشيطان

4 - 2 - 2012, 02:22 AM

دخلوا ندى ونجودوبو هواجس لشقه الواسعه .. وكل وحده مبتسمه .. احساس غريب منعش انهم مو بالسعوديه ومسافرين

ناظروا بالشقه ..العصريه باثاثها ..

ندى : اكييييد حنا ... ب "الزمالك "..

نجود تخصرت : وليه ان شاء الله ..؟ من قالك ..؟

ندى بذكاء زايد : لان الشقه كشخه ومرتبه وطول وقتهم بالمسلسلا ت يمدحوا بالزمالك ..

نجود: لا احب اصحح معلومتك حنا بفيوم ..؟

ندى : لااا مانقص الا تقولي شرم لشيخ .. ياشاطره حنا بالقاااااااهره ..

نجود: بس هذا اللي حافظته القاهره ...

بو هواجس راسه صدع وصرخ فيهم : خلاااااااص اسكتوا ...

سكتوا شوي بعدها قالت نجودبحماس : تعالي نشوف باقي الشقه ..

مشوا لداخل وشهقوا : وااااو ..

بو هواجس بيده ورقه: هذا المطبخ والصالون .. واللي قبل شوي غرفه الضيوف ..

ندى رمت حجابها على الطاوله وقالت وهي تفتح الادراج : وناااااااااسه ..؟ الله يخليك ياهواجس ..

نجودبدون نفس : هواجس و علي اخوووي ..

ندى : وعلي اخوك درينا .. يله الغرف ..

نجود: هم غرفتين واسمحي لي خالك ينام بالصاله ..

بو هواجس احتقر نجود: انتي يالبزر بنتي دافعه علشان انام بمكان عدل ..

نجودرفعت كتوفها /: انا لي غرفه وندى لها غرفه تصرف انت وبنت اختك ..؟

ندى حست بالكائبه فجاءه وتانيب الضمير اللي ماتركها من طلعت من البيت .. قلبها انقبض ... لكن قالت مبتسمه : ماعليه خالي بعد قلبي نام بالصالون على مايجوا البنتين اللي بالشقه المقابله هم ورجالهم وتروح معهم ..

بو هواجس : لااا انا برجع بعد شهر .. يعني ابغى غرفه لي ..

ندى تاففت : ماينف هذي نذله

نجودبتكبر مصطنع : لوووو سمحتي احترمي نفسك واذا بتحاكيني انا نجودمو هذي ..

ندى : اقول ضفي وجهك لغرفتك ..

وتهاوشوا لحد ماستسلم بو هواجس وقرر ينام بغرفه الضيوف لان الصالون ممعه المطبخ يعني ازعاج ..

دخلت ندى لغرفو اللي اختارتها .. وقلبها يدق بسرعه من الخوف ماتدري ايش اللي قدرت تحكي فيه هواجس مع امها وابوها وكيف بيتصرفوا مع خديجه ...

سريرين وش تعمل فيهم .. يله مصير البنتين الي دفعوا معهم بالشقه يجوا ويزاحموهم .. هي ماتبغى الا مع نجود.. ماتدري وش قصة البنتين الثانين بس اللي حكوه انهم خليجين ..

تمددت على السير بتنام نزلت دموعها بسرعه وبدون مقدمات وبكت .. حست انها مخنوقه ومتضايقه ..

اهلها زعلانين عليها ومتضايقين وهي كذا .. تسولف وتضحك وماخذه راحتهم لا وتركتهم ...بطريقه شينه ...

بكت تحس بالندم لكن مافي مجال لتراجع ..

* وبنتدمي كثير ياندى المشوار طويل قدامك ..؟

**********************
عشاق من احفاد الشيطان ... روايه رومنسيه حزينه .. ... وخياليه
**************************

رياض دخل للمحلق وهو كاشخ بيطلع لشركه .. لكن دقت امه عليه تطمن على حبيبة قلبها وعود .. يموت ويعرف وش سر الحب القديم لهذي المغروره وعود ..

دخل للغرفه وكانت ثاني مره يدخلها ...
الاولى كانت لما شرف على التشطيبات ..

وقف عند السرير مد ايده قبل لايصحيها او يحكي شاف سماعه التلفون على اذنها وهي غرقانه بالنوم .. وشعرها الذباح حوالي وجهها ..
استغرب من السماعه نامت والسماعه باذنها رفعها لاذنه شاف الخط مشغول ..

رجع السماعه بلامبالاه مايهمه من تحاكي او سهت عيونها معه ..
قال بصوته الخشن وهو متوعدها : حنااان حناان ..حنااان

وعود سمعت صوته ينادي حنان من حنان يمكن خدامه هنا ..
فتحت عيونها شافته قبالها مكشر ومرسم .. بهمس : رياض

رياض بدون نفس وهو يناظرها تعدل من جلستها : ايوه ريااض .. يله حنان قومي اذن الظهر وانتي نايمه ..؟

وعود صحت من النوم .. وناظرت بالغرفه لثواني متنحه

رياض مشى لعند المدخل ونادى على الخدامه تجهز الحمام لوعود ..

..(( من حنان ..؟ هذا من جده مايعرف اسمي والا يستهبل .. وجهه مايوضح انه لستهبال ))
وعود حست بالعبره تخنقها وقلبها يتقطع .. جرحها حتى اسمه مو عارفه ..
لملمت شعرها عن وجهها وظهرها

رياض لف عليها وهو مستعجل بيطلع كان يخفي ابتسامه وهو يشوفها مكشره من بعد ماقال لها حنان .. : قبل لانسى امي تقولك دقي عليها .. وماله داعي تحكي لها عن كات..

وعود بهدوء : مين كات ..؟ - باستهزاء – اهااا استاز رياز ..

رياض ناظرها باحتقار : تستهبلين انتي

وعود نزلت من السرير تاخذ الشبشب من الارض : ليه مره الميانه بيننا علشان استهبل ..

رياض ناظرها تمشي وشعرها يتحرك معها : انتي ماتعرفي تردي مثل الناس انسي ايام الفقر واسلوبها ودعي اي شي من حركات عيال الفراشين ..

وعود انقهرت منه لكن ماردت دخلت للحمام يقهر مصدق حاله ..ومطنش ..

وبعد ماطلعت ماشافته موجود : يورم وين بابا رياض ..؟

يورم وهي تنظف السرير : مسيو رياد في روه .. برى بيت مس كات .. ويقول انت في جهز هو عندك الليله ..

وعود استغربت .. (( يعني لي ليله وامس هوجد الهبله المضيعه تقول اكيد مايبغاني .. ))

بدلت وعود وطلعت لبره الحديقه تستمع بالعز من زمان نفسها تكون بحديقه تجلس فيها .. وانتبهت ان فيه ورى اصطبل خيول ماحبت تروح لان اكيد فيه رجال ورى ..

جلست تتمشى وتغير جو .. سمعت ازعاج وصوت ناس من نافذه بقصر كات ..
حست بالفضول مشت لتحت النافذه وقلبها يدق بسرعه لو حد شافها ..هذا اول يوم وتتجسس اجل باقي الايام وش بتعمل بتدخل عليهم بالرشاشات ..

رياض بهدوء ونعومه عكس صوته معها : بس ياحبيبتي كات انا من حقي يكون لي عيال يحملوا اسمي .. ومراح يضمن لي جدي الشركه الا بولد على اسمه ...

كاترين : آآي بعرف حبيبي بس انا مابدي بيرديك رشاتي وجسمي هيدي م

قاطعها رياض بشويه عصبيه ..: لااا ياكاترين ماهي بحاله انا ابغى عيال ومن حقي .. امي مصره اجيب من هذي بنت الفقر ..؟

وعود غضت شفايفها بالم ..والدموع تجمعت بعيونها .. مو بس يجرحها .. حتى يشمت كاترين فيها ..

كمل حكيه وتجريح لها : وانا مابغى الا منك ..؟ - باشمئزاز – تصوري ان عيالي همج ومايفهموا مثل هذي ..؟

كاترين جلست ببرود : اي تحمول .. انا ماخصني .. ولاد مابدي ..
(( تحمل انا.. وش دخلني .. وعيال مابغى ))

رياض ناظرها معصب .. لكن هي تداركت الموضوع و قال بدلع : رياز انت بترداها لالي بجيب ولاد بهيدي السن .. انا ب 24 بحمول .. والله مابادر صعبى علي كتير .. بدي اتهنى بشابابي ..
(( رياض انت ترضاها لي اجيب عيال بهذا السن .. انا بال24 اصير حامل .. والله ماقدر صعب علي كثير .. ابغى اتهنى بشبابي ..))

رياض طلع وتركها معصب ..
دخل سيارته يسب ويلعن .. تاخر على الشركه والسبب كاترين .. دخل يتطمن على كاترين قبل لايطلع لانها مزكومه .. كان يضنها حامل ونبسط لكن معها رشح بسيط ..

وعود كانت حاطه ايدها على قلبها من القهر جد ان رياض ولاشي نافخ نفسه على الفاضي وحده مثل كاترين تحركه ..
رجعت لملحقها بجيبة امل .. كانت متامله ان حضها يكون احسن لكن الظاهر ان حضها هذي المره اشين من الاولى ..

دقت على ام رياض وهي تنتظرها فكرت بضيقه ..
(( وش الفائده اهل زوج يحبوها وزوج يكرها ويناظرها بتعالي .. مالها حظ ابدا يعقوب كان يموت فيها لكن اهله يكروهها و عذبوها جد .. ))

جاءها صوت ام رياض الواثق : ياهلا ومرحبا بالعروس

ابتسمت وعود ببرود : هلا فيك يمه وش اخبارك ..كيفك .. ؟!

ام رياض قلبها دق لكلمه يمه تحب وعود كثير : كويسه وانتي كيفك وكيف رياض معك عساك مرتاحه والا زعلك ها ..؟

**********************
عشاق من احفاد الشيطان ... روايه رومنسيه حزينه .. ... وخياليه
**************************

4 - 2 - 2012, 02:37 AM

**********************
عشاق من احفاد الشيطان ... روايه رومنسيه حزينه .. ... وخياليه
**************************

سامي ناظر لجوال .. (( اصايل )) تافف وقرر يرد عليها من كم يوم غاثته تدق
وهو عاهد نفسه مايخون وليد صحبه بعد ماوقفه اللي ماينساه له طول حياته ..

بصوت مبحوح : الو ..

اصايل قلبها دق بسرعه اشتاقت له وحست بالحزن اللي بصوته : سامي .. عظم الله اجرك ..؟

سامي بجديه : اصايل اسمعيني يابنت الناس ... انتي محترمه ومربيه ومالك بهالسوالف ..
واخوك رجال و النعم فيه .. اخو وعزيز وغالي ..انا كنت اللعب عليك .. وماحبك و تهميني اصلا ..

اصايل شهقت : ايش ..؟

سامي كمل بنفس القسوه مثلي مانتي سامعه ومافي واحد يحي مع وحده الا يبغى منها شي .. وانا كنت ناوي اقابلك واضيعك فاهمتني

اصايل تبكي : ........

سامي : انا لا حبيتك ولا راح احبك او حتى اناظرك .. انتي رخيصه بعتي ثقة وليد وامك وابوك فيك ..
انا مستتتتحيل افكر اثق فيك ..او حتى اتزوجك ...
الرجال اذا فكر يتزوج اول من يخطر بباله وحده نظيفه .. ماعرفت حد قبله .. علشان يضمن ان عياله وسمعته وشرف بيد امينه ..

سكت بنتظر ردها عوره قلبه على بكيها .. لكن لازم يجرحها ويقسى عليها علشان تفهم وتعرف ..
عالم المكالمات والشباب كيف قذر ..ونهايته ماساه وعار ..
: اصايل انا فقدت اختي نجلاء وحسيت بحرقه القلب على الاخت . ..
لاتنزل راس وليد بالارض ولا تحرقي قلبه عليك ..
وان شاء الله بتحصلي اللي احسن مني واللي جاد وبيتزوجك ..
الله يوفقك ويستر عليك ..

سكر بدون مايسمع رد ها .. اول مره ينهي علاقته مع بنت وهو مرتاح ..
حس براحه عجيبه ونفسه يضحك انبسط كثير .. وريح ضميره ..
لكن مراح يرتاح الا لما يبعد اصايل عن هالطريق القذر اللي هو دخلها فيه وهو السبب ..

دخل سلطان للبيت وشاف سامي بالحديقه متمدد وسرحان ..
حزن على حال عيال اخته واخته المرميه عندهم ماتحس بشي .. صحيح كانت مغروره ومتكبره على اهلها ..
لكن حالها هاللحين يبكي العيون ..
: ساااام السلام عليكم ..

لف عليه سامي وهو سرحان : حكيتني ..؟

سلطان : لا الجوال ايوه انت .. وين سرحان فيه

سامي تنهد : شموخ ..؟

سلطان ارتبك من طاريها .. هو ماكان يشوفها كثير ولا جاء لبيتهم ..لان الجده قالت له مايحكي معها وحكت له كل القصه .. من صغرهم علشان كذا مايحب يشوفها مو حلال عليه ..
الا بايام العزاء دخل وكانت فيه ماتصورها كبرت كذا وزادت حلى
: وش فيها بينك ..؟

سامي : بالمستشفى .. مقهور عليها يقولوا لازم تضل عندهم وعند دكتور الاعصاب ..

سلطان بواقعيه : طبيعي اللي شافته مو قليل ..

سامي بضيقه : المشكله حالتها ماثره على

سكت يفكر بداخله ..
(( ريان .. حالته ماتسر ومتوتر من عرف واحسه مستحيل يرضى او يسكت ))

سلطان : ايوه امي تقول كانها مجنونه مات

سامي قاطعه بعصبيه : شموخ ماهي بمجنونه ..

سلطان بسرعه : ايوه فاهم بس هذا حكي اللكل عنها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

ام نواف ضربت صدرها من المصيبه : هربت ..؟

هواجس وجهها متغير لالوان : لا ماهربت – بلعت ريقها من الخوف – هي سافرت مع ابوي تكمل دراستها ..؟

بو نواف ماسك الورقه بقله حيله وجالس على الارض رجلينه مو شايلته : متاكده مع ابو يعني لو ادق عليه اسمع صوته ..؟

هواجس : ايوه والله معه انا ماتركتها بالمطار الا معه .. والله ياعمي

بو نواف بعتب وصوت مبحوح : ليه ياهواجس تركتيه تروح ..؟ ليه توصليها بنفسك ..؟ انتي عارفه ان ابوك مايدري وين الله حاطه ..؟

هواجس ارتبكت ونزلت راسها للارض حست انها خجلانه من عمها زوج عمتها مالها وجه ترد عليه .ز وحجتها سخيفه ..
قالت بصوت ضعيف : مابغاها تعيش مثلي .. مابغاها تكون رخصه .. عمي انت عارف ان خديجه ماترحم وولدها ماعنده شخصيه قدام امه ..

ام حمد الجده كانت تتبسم : والله بنتي تربيتي عفيه عليك يانديه .. – قالت بصوت عالي لبو نواف وام نواف – تستاهلون ياعديمين الشخصيه .. كنتم بتتعشوا فيها تغدت فيكم هههه ..

ام نواف بحسره : حسبي عليك ياسعيدان حسبي الله عليك حطيت الفكره براس البنت وجرجرتها معك ..

بو نواف وقف : انا اعرف ارجعها ..

هواجس : لا ياعمي فات الوقت دقت علي وطمنتني انها وصلوا واخذوا شقه لهم .. لاتخاف انا ماجرتها بمكان سنع ومحترم ..

ام نواف شدت على كتف هواجس وقالت وهي تبكي : مالي قلب يدعي عليك ياهواجس والا كان دعيت عليك .. من اليوم مابغى اشوفك ببيتي

هواجس فتحت عيونها للاخير عمتها تطردها من بيتها عمتها اللي بغت امها وبيتها مفتوح لها طول عمرها ..

بو نواف هز راسه يايد زوجته بحكيها : لكن اخبار ندى نبغى نسمعها وقولي لي هاللحين وين ساكنه وباي حي ..؟

ام حمد : ياقليلين الخاتمه تطردوا هواجس ها .. وهي اللي ساعدتك يا حمد لما حتجت لفلوس .. ولبست بناتك ورزت نواف بمدرسه سنعه .. ماقصرت عنك وعيونها بتعطيكم اياها . .. ماشافت عمرها اول ماوصلتها الفلوس وذكرتكم .. حتى لبيتها ترجتكم تسكنوا معها وانتم رفضتوا وهذا انتم مو اهلها لا امها ولا ابوها باليا

قاطعتها هواجس وهي ماسكه دموعها : لا يمه لاتعبي نفسك معهم حق .. ابشروا اخبار ندى عندكم اول باول ..

تركتهم وطلعت ..

ام نواف بكت من قلب خايفه على ندى ومقهوره عليها ..ندمت انها فكرت تغصبهاعلى عبدالعزيز .. عارفه ندى عنيده لكن مو كذا .. تتركهم وتهرب مع خالها

بو نواف تمنى ندى قباله علشان يقطعها قطع صغيره ويربطها يذبحها من الضرب .. لكن ندى هربت اللي مطمنه ان خالها معها يعني بتخافه وبيتصرف معها ..
مهما كان سعيدان عصبي ويفهم ..
حس بالحسره بقلبه ان بنته تهرب منه وتدور الامان بعيد عنه .. ندى اكشن البيت هربت منه ..؟ : والله لو ترجع لاذبحها بمكانها ..

هواجس ارجعت للبيت وهي حاسه بتانيب الضمير ... على اللي عملته .. ندمت انها سايرت ندى بهبالها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

4 - 2 - 2012, 02:41 AM

الفصل الثالث والعشرين
الجزء الثاني

هواجس ساكته بدون تعليق ابوها نذل..
لكن ماتوقعته كذا متملك بنور على يزيد ... من غير ماتدري..
والحقير بو ماهر يدري لكن ساكت ... ماحكى قال بس ان يزيد خطبها ..

ام هواجس : يمه نور لاتقهري نفسك ..

نور تبكي من قلب احلامها كلها ضاعت مع راكان وكان عندها امل كل شي يتصلح .. لكن هاللحين بعد مازوجها ابوها وقبض الثمن بدون ماتدري ضاع كل شي ..

يزيد كان طالع الدرج رايق اللي يبغاه وصار .. نور اللي شافها صدفه بالمطبخ وحس انها هذي البنت المحترمه اللي يدور عليها ...
وخلاص ملك عليها .. وضمن انها له ..وكان مفتخر بنفسه ويضن انها بعد ماشافته بالمطبخ وافقة عليه .. اكيد في حد بوسامته ينرفض ..

مر من عند غرفتها وسمع كل حكيهم وبالذات الاخير منه .. وصوتها المتضايق ..

قالت بصوت مبحوح : ليه .. ليه ابوي كذا ..؟ ليه يكرهنا حنا وش اللي عملنا له...
ضيعنا وباعنا برخيص..

يزيد حس انها مو موافقه ومن حكيهم انها مغصوبه عليه او تملكت بدون ماتدري ..؟

ام هواجس : خلاااص يانور الل حص حصل .. لاتضايقي نفسك ومابيدنا شي ..

نور بقسوه قالت لامها وهي تبكي : انت السبب بكل هذا ..انتي السلبيه ضعيفه الشخصيه هو ماتجرء يعمل اللي يبغاه برضاك او بدونك الا منك ..
ليه تسكتي له ..؟ ليه ماتصرخي بوجهه ها ..

هواجس بصوت واثق : نور اسكتي واستحي على وجهك ..

نور بطفش : اووه هواجس لاتعمليلي فيها العاقل المتزنه ..انتي اكثر وحده دفعت ثمن سلبيت امي ...
من صغرنا وامي سلبيه وساكته وانتي اللي تاخذي شويه من حقنا من الزفت ابوي وبالاخير يضربك وهي واقفه تتفرج ..تخاف تنظرب معك.. مع انك اذا ظربها رحتي تساعديها ..
حتى هاللحين انتي تدفعي ثمن سلبيتها .. زوجك لشايب الغبي واخذ ثمنك وانتي الضحيه ..

ام هواجس كانت تسمع نور ..وتسمع الواقع والحقيقه اللي تهرب منها ..
نور كانت تطعن فيها وتنزف جراح قديمه فيها بدون ماتدري ..
هي عارفه ان نور بلحضه غضب نادر تحصل معها ..لكن منهاره من تصرفات ابوها ..

هواجس : اقسم بالله يانوير اذا مانطميتي لاكون متصرفه معك ...

نور بتريقه : يااامي ارعبتيني ..هواجس لاتنكري انك تبكي كل ليله وتتحسري على حالك ..
لاتظني انك ساكته ماحنا بحاسين بالحزن اللي بعيونك .. والا لاننا مطنشين تظني مانحس ..
اانا مستحيل ارضى باللي رضيتي فيه لو على جثتي ..

هواجس لامس حكي نور وتر حساس كانت تداريه وتبعده عن اللكل لكن الظاهر فاشله توزي الحزن عنهم :
مابيدك شي يانور هو زوجك هاللحين خلاص ..

نور باستنكار وعيونها بتطلع من مكانها من الصدمه والقهر : كيف يزوجني لهذا المستهتر .. ويسافر ها ..؟
وراكان ... كيف نسى قلبي المتعلق فيه ..
هواجس انتي ترضينها لي ا

قاطعتها هواجس : احمدي ربك اللي زوجك اياه شباب والحياه قدامه ..

نور من قلب مقهور : الله يلعن الفقر والحاجه ...
الله يلعن المشروب اللي ضيع ابوي وتركه بدون عقل ..

يزيد اللي سمعه يكفيه وزياده .. كسرت خاطره نور .. وحس ان نفسه يطمنها ويوعدها بحياه احسن من الحرمان اللي هي عائيشه فيه ..
قرر بينه وبين نفسه يعوضها عن كل شي .. ويعلمها انه مو مستهتر مثل ماتظن ..
هو نفسه يبدى حياه جديده معها واكيد بتساعده ..

رجع لبرى القصر .. لشركه علشان مايتاخر على الاجتماع ..

....... & ......

نور وهي تدخل لغرفتها.. قالت بتعب لان مابيدهم شي : خلاااص اتركوني لوحدي هاللحين مابغى اجلس مع حد .. ولاتخافوا بجهز نفسي يوم الخميس ..

سكرت الباب ورمت نفسها على السرير تبكي ..

هواجس هموم الدنيا كلها على راسها وبالذات ان اللي حصل ذكرها بنفسها وحالها ..
حطت ايدها على كتف امها اللي تبكي مو من زواج نور ..
لااا من الحكي القاسي اللي حكته نور ..
: يمه لاتضايقي نفسك ولاتزعلي منها ..
تعرفي نوير كانها ندووش اذا نقهرت تقول حكي ماتقصده ..

ام هواجس بصوت هادي : لااا مازعلت ولايهمك مني يمه وروحي صحي زوجك للعمل ولا نسيتي ان عنده اجتماع ..

هواجس ابتسمت لامها : لا مانسيت هذا انا طالعه اصحيه ..

طلعت هواجس من الغرفه وهي متوعده بو ماهر واول شي بتعمله بتتركه نايم لحد مايطير عليه الاجتماع اللي بعد نص ساعه ..
لعانه فيها كذا بتتركه ..

دخلت للغرفه وناظرت بوجهه نفسها تخنقه ...تعوذت من الشيطان ..ولفت بتطلع الا جوال سعود يدق .. رفعته بسرعه وردت وهي تركض لبرى الغرفه علشان مايحس فيها : الوووو

يزيد بدون نفس : وين عمي ..؟

هواجس كشت على السماعه (( مالت عليك وعلى وجهك )): عمك نايم خير بغيت منه شي ..

يزيد مستغرب: نايم والاجتماع بيبدى ..؟

هواجس بدون نفس : هو قالي لاتصحيني ولا اني برايح لمكان .. اغصبه يعني ..

يزيد نفسه يطلع لها من السماعه ويضربها ضرب : صحيه وقولي له الاجتماع ضروري ..

هواجس مقهوره منه وعلى حركته يملك بنور من دون ماتدري : والله ماني بعبده عندك ... علشان اصحيه مثل ماتامر حظرتك ..ويله فارق لامنك ولامن عمك ..

سكرت بوجهه السماعه وهي مرتاحه تادبه على الاقل ...

يزيد عصب منها وحقد عليها : مردوده يابنت الكلب .. ناسيه انا اختك بين ايدي ..لكن نور مالها داخل انتي انتي اللي بكسر خشتك يالحقيره ..

**********************
عشاق من احفاد الشيطان ... روايه رومنسيه ... خياليه
**************************

وعود حاطه ايدها على خدها وتحكي مع الشغاله : هو اكيد قالك بيجي عندي ..؟

يورم: يس مدام ... هو في قول ..قول هذا واود في يجي ليل..

وعود بصوت واطي : دامه قال كذا ليه دخل عند ام ريحه .. جد حمار مفهومه حركته ... انا اللي مره بموت عليه مالت عليه وعلى وجهه ..

يورم : يبي شي مدام ..

وعود: لااا روحي نامي ..

قامت ودخلت غرفتها وتمددت بتنام .. وهي تتوعد رياض (( مردوده يالنذل ))

**********************
عشاق من احفاد الشيطان ... روايه رومنسيه ... خياليه
**************************

وصلت الطياره للمطار ..

تنفس فهد هواء السعوديه والرياض ..

شتاء بارد للمتعودين على حر السعوديه اما اللي ماذاق حرها مثل فهد عادي عنده ..

لابس بنطلون جنز وتيشرت ابيض مفتوح الصدر والعقد طبعا ..

اخذ شنطته المتوسطه وحطها بالعربه بهدوء ناظر المطار من حوله كثير لابسين ثياب وكاشخين وهو عقدته الثوب والشماغ مايعرف لهم .. ومايهتم لان نزلاته لسعوديه نادره لكن يزيد حلف يحضر علشان .. يشهد لملكته ..

عيونه على العربه خايف على الفستان ثلاث ايام تكسرت ايده وظهره ورقبته وهو يخيطه ويفصله ومافي ايد لمسته غيره ..

وصل للمشغل فرعه اللي بالسعوديه .. ناظر فيه اغلب اللي يشتغلون سعوديين ..من جده يشرف عليه من بعيد لبعيد ..

دخل وهو يدور على غطاء ومخده وينام ..

سلم على الشباب وتطمن على الشغل وعلى الفرع النسائي منه ..واخذ سياره للفندق ..بعد مارسل ليزيد انه وصل وبيقابله على الغداء ...

**********************
عشاق من احفاد الشيطان ... روايه رومنسيه ... خياليه
**************************

4 - 2 - 2012, 02:42 AM

**********************
عشاق من احفاد الشيطان ... روايه رومنسيه ... خياليه
**************************

.. الساعه 7 الصباح من اليوم الثاني ..

.. بام الدنيا مصر ..

ندى تناظر الناس بالجامعه فاهيه ... ماقد شافت مثل هالمجتمع غيييير عن جامعات المملكه ..

هنا بنات وشباب يجلسوا سوا.. وسواليف وضحك ..مجتمع مختلط

شافت مثله بالتلفزيون مليون مره .. لكن بالطبيعه غير... وبالذات ان فيه خليجيات ومتبرقعات مثلها كثير ..

وفيه فسقانات وخالعات جد كثييير.. بنات وشباب ولاكانهم بجامعه كانهم بمرقص على الوقفه سوا والنظرات الماصخه ..

نجودوعيونها على اللكل : ندوووش

ندى : هااا

نجود: شنو هذا ..؟ حنا وين بهالزحمه ...

ندى: مادري .. تعالي نروح للمدرجات نشوف شالقصه ..

نجودفتحت فمها : المدرجات كثيره وزحمه وين نعرف ..؟

ندى عوجت فمها : وحنا ماخترنا الا مصر هم سبعين الف مليون نسمه زدناهم نسمتين

نجود تمشي وهي تجر ندى : قصدك ثلاث نسمات وخالك اللي ماشفناه من امس الليل ...

ندى: مادري من وين له هالفلوس مستحيل هواجس تعطيه كثير وهي عارفته ..

طبعا مهر نور أخذه كله ابوها علشان سفرته لمصر ..

دخلوا للكلاس اللي هم فيه وكان مزحوووم وحار ..ومليان والشباب على البنات مخلوطين ...

ندى: ياويلي معه حق ابوي مارضالي بهالسفره ..

نجود: تعالي بس تعالي وانا ادبرها .. اذا وقفنا كذا مادرسنا ..

مشوالعند مكان فيه شباب قليل وبنتين خليجيات وبجنبهم واحد مصري .. اظطروا يجلسوا بجنبه ونجودجلست لان ندى حلفت وتوعدت ماتجلس ..

بعد فتره بالمحاظره ندى طفشت وابتسمت تحت البرقع : نجووووده قلبي انتي

نجود احتقرتها : خير ...

ندى : هههه وش رايك نستهبل على هالمصري اللي بجنبك ونتمصلح معه

نجود: والله وليه ماتتمصلحي مع بنات

ندى: يؤه البنات مملين هذا مصري ونلعب عليه

نجود تحمست للفكره : حلووو بس من بيحاكيه احلمي انا

ندى : لا انا ... وانا بنت حمد .. ابعدي كذا احاكيه ..

لما بعدت نجودوهي تاركه مسافه شخص بينها وبين المصري..
ناظرت بالمصري لحد مانتبه فيها واول ماناظرها .. بعدت عيونها ..
ناظرت مستغرب ورجع ناظر قدام .. لكن حس بنظرات ندى اللي رجعت تناظره مستهبله ..
لف ناظرها بعدت عيونها ...

وعلى هالحال لحد ماقربت المحاظره الاولى تنتهي ...

بعدها قالت ندى بصوتها العادي : لوسمحت ياباشا ..

المصري لف عليها مستغرب اول مره يحاكي متبرعات : هو انتي بتتكلمي معايه انا ..

ندى بالمصري : ايووه .. امال احاكي مين ..- بالسعودي – هذي احاكي مين حقتنا ههههه

نجودضربتها بخفيف : اتعدلي يابت

ندى شهقت: اآآآآآآآآآآيه بت بت لما تبتك .. انا آنسه ..

نجود بصوت واطي : خلصينا الولد يناظرك

ندى رجعت تناظر المصري : ايوه لو سمحت يااا .. اسمك بالخير ..

نجود: هههههههههه

ندى : وجعه انطمي

المصري ابتسم : انا محمود وانتي ..

ندى بدون نفس : لاااا وتسال عن اسمي ياقليل الادب

نجود بين اسنانها : هيييه انتي حنا بمصر قولي اسمك عادي .. – ناظرت بمحمود - هي ندى وبصراحه ياخوي يامحمود هي معجبه بك وبعيونك الخضراء

ندى : يالحماره وش هالحكي استهبلي عدل الله يفضحك متاثره من الافلام مع وجهك ..

محمود ابتسم اكثر وهو ينار ندى : دنتي صريحه اوي ياندى

ندى (( عشتوا ههههه.. الهبله من اول يوم قالت لواحد معجبه فيه .. وش ورانا نستهبل بس خخخخ))
نزلت عيونها علامات الحياء ..

نجودكاتمه ضحكتها ومبتسمه تحت البرقع ..: لا يامحمود حنا بنات صريحات ..وماعندنا لعب ..

ندى قبل لايرد محمود وقفت لان المحاضره تقريبا انتهت ..: خلاص يانجودتعالي نطلع احراج ...

لحقتها نجودوتركوا محمود قبل لاتنفجر بالضحك قدامه ...

واول مابعدوا ماتوا ضحك : هههههههههههههه

ندى: والله شكلنا بننبسط بهالمصري هههههههه

نجود: والله لانهبل بهالمصري خخخخخ

ندى وهي مبتسمه من قلب : الا غريبه مانبسط لما قلنا له مع وجهه ثقيل هههههههههههه

نجود: شكله خاطب ههههههههه

ندى : لا خاطب مستحيل وانا ههههههههههه

نجود: اسمعي بس استهبال انتبهي

ندى احتقرتها : يعني وش رايك .. بحبه مثلا .. امشي بس نقز بالخليجين اللي هنا

نجود: الا قصدك الخليجيات ..ياكثر البنات السعوديات بالبراقع هنا

ندى بتفكير: ترى في مصريات محجبات .. المهم لموويه انتبهي مانبغى نتعرف على احد ولا ناكل شي من ايد احد

نجودبدلع : ولا حتى محموووود

ندى: هههههههههه .. امشي يالهبله على طول معجبه هههههههههههههه

نجود: اكشن هههههههههه

**********************
عشاق من احفاد الشيطان ... روايه رومنسيه ... خياليه
**************************

ريان ناظر بعيونها الرماديه بالضبط : تكلمي شموخ تسمعيني ..؟
اقولك بتركك هنا بمستشفى الاعصاب علشان تهدى اعصابك شوي ..

شموخ كانت جالسه على السرير .. سانده راسها وظهرها على المخده ..
وشعرها متوزع بكل مكان على كتوفها وجهها والمخده من ورى..وعيونها الرماديه ذبلانه من التعب ..

وريان جالس بجنبها اليمين على السرير ..وسامي واقف عنده ..

شموخ تناظر فيه ساكته .. تحس انها مخنوقه من جوا .. في ايد تعصر قلبها بقوه .. وتقطعه بدون رحمه ...
ضيقه بصدرها تخنقها ..دموعها متحجره داخل عيونها تحرقها ..
لكن ماتقدر ترد على ريان لسانها ثقيل وكاررهه ريان وسامي وكل شي بحياتها ..

سامي : ريان وش فيها ماترد من ساعه نحاكيها ..

ريان يناظر بشموخ بخوف .. : مادري ... هي تحس فينا والا لا - مسك ايدها وشدها – شموخ تسمعيني .. تسمعي سامي ..

شموخ بنفس النظره البارده تناظره
تقدر تحكي وتصرخ ..
لكن ..
مايفيد شي ..

صرخت بموت مروج ..صرخت باكتشافها انها يتيمه ومالها حد ..
صرخت بموت نجلاءوابوها ..
صرخت بشلل امها اللي ماقد حسستها انها مو بنتها ..
كل هذا صرخت فيه ومانفعها ليه تحكي او تصرخ هاللحين مراح يفيدها ..

سامي : لاحول ولاقوه الا بالله .. خلاص ياريان نتركهم ياخذوها على المستشفى احس .. ناظر فيها يوم عن يوم تزيد حالتها .. حتى حكي ماتقدر تحكي اخاف اذا تركناها تضيع من ايدنا مثل نجلاء ..

شموخ حقدت على سامي وكرهته اكثر من اي وقت مضى .. كان عزيز على قلبها لكن هاللحين نفسها تفرغ فيه مسدس ابوها او عمها اللي رباها ..

ريان قلبه ينزف معها ماتهون عليه وهي كذا .. يحس انه ضعيف مع ضعفها وحالتها .. ضم يدها بيدينها وقال باصرار : شموخ ردي قولي لا واطلعك من هنا .. قولي ايوه واتركك هنا .. بس تكفين ردي علي ..

شموخ ناظرت بيده الدافيه اللي تحتضن ايدها .. تمنت انه جد صادق ومراح يتركها ..
لكن هي عارفه ومتاكده انه يتمنى موتها اليوم قبل بكره ويكرهها ..
تحس بحنانه ولهفته لكن الخوف مسيطر عليها وعلى تفكيرها .. ماعادت تثق باحد ..

ريان هز راسه بياس : مافي فائده من ساعتين وانا احاول معها ماترد...
والدكتور يقول ماعندها اي مشكله بالنطق ..- صرخ بقهر - بنجنن ليه حالها كذا ... ليه يصير معها كذا

سامي بهدوء : ريااان لاتصرخ كذا شموخ تعبانه .. ابعد انا بحاول معها

وقبل لايعترض ريان قال سامي بعصبيه : لك ساعتين تحاول اتركني خمس دقايق ..

ريان ناظر بشموخ نظره اخيره وترك ايدها وقف ..وعيونه تترجاءها ترد ..

سامي جلس قبل شموخ ونفسها تمد ايدها على وجهه وتمشخه .. لكن المشكله انه يشبه ريان وماتبغى تشوه اي شي بصوره ريان ..
مقهوره من تناقضها تكرهه لاقرب منها واول مايبعد لو خطويتين ويترك ايدها .. تخاف وتتمناه يرجع وقلبها يدق بسرعه ..

ناظرت بريان بخوف وسامي يحكي معها : بينك ..بينك انا سام حاكيني ..

شموخ عيونها تنادي ريان وماردت على سامي

ريان مافهم نظرتها هو تعبان وموقادر يركز والدنيا ضايقه فيه على حالاها ..ويضن نظرتها تطردها او تخاف من قربه ..

قال بعد نفس طويل : انا طالع يمكن تحاكيك لاطلعت ...

طلع من غير لايلف لانه بيرجع لها اذا لف ...
من الضيقه اللي جاءت له طلع من المستشفى بكبرها ..

سامي بحنان: ها يابينك ريان طلع حاكيني ..

شموخ احتقرته بنظراتها (( ومن قالك اني مابغى ريان .. انا اتمناه مايتركني لحضه .. رجع ريان ابغاه هنا .. طيب فيصل واللي يرحمك فيصل ابغاه بس احاكيه))

سامي : لاحول ولاقوه الا بالله ..- جلس على كرسي بعيد منها – حالتها صعبه مررره وضروري تدخل للمستشفى باقرب وقت ..

......... & ........

ريان كان تعبان ويحس شوي ويغمى عليه وماصدق ان السواق وقف داخل الفيلا بالجبيل كان يبغى يبعد عن جو بيتهم الكئيب وجو بيت جده ..

دخل للغرفه وهو بثوب بدون شماغ مايدري وين رماه شاف منى بوجهها المجعد متمدده على السرير وبجنبها بنتين صغار بالعمر ..ومعهم ممرضه .. بعمر شموخ وسجى
ناظر فيهم لثواني ورجع ناظرها ..
: خير ايش فيه..؟
(( طاااح الطفل يااارب ))

منى ابتسمت من قلب : انت جئيت هلا وغلا ..

ريان احتقرها ..جد وحده فاضيه وماعندها سالفه ..

ساره ورغد تغير وجههم اول مره يشوفوا جدتهم مع زوجها الصغير الحليوه ريان ..
ساره تعرفه لانه ولد جيرانهم واخو شموخ الكريهه..اما رغد ماتعرفه الا من الصور .. فتحت فمها وهي تناظره ..

مشوا ساره ورند بيطلعوا حسوا اشكالهم غلط ومالها داعي ..

منى: هههه تعالوا لاتستحوا حلال عليكم ..

ريان ناظر بمنى مطنش ساره ورغد اللي وقفوا بعيد عنه علشان يبعد عن الباب ويطلعوا : وش فيه ..؟ ليه الممرضه هنا ..؟

منى بدلع مايلبق : الولد تعبني شوي ..

رغد تهمس لساره : ياحلوه .. بذمتك مو احلى من الصور ..

ساره: اسكتي لايسمعني .. مع وجهه متى بيبعد عن الباب ..

رغد وساره يحسوا انهم بدون عبايه اشكالهم غلط ..خدودهم محمره ومايقدروا يحكوا بصوت عالي علشان يبعد

ريان بجفاء : الولد ليه عرفتي ولد والا بنت ..

رغد باندفاع : ولد وشكله بيطلع قم.....

سكتت وانحرجت من نفسها لان ريان ناظرها

ساره ترقعها : عظم الله اجرك – بتريقه – عمي ..

رغد كتمت فمها ..: ههههه

ريان ببرود بدون مايناظرهم : اجرنا واجرك ...
منى .. انا بنام بالغرفه الثانيه لاحد يزعجني الا اذا دق سامي او بينك ..

لف بيطلع وتذكر كره منى لشموخ : مننننننى لاتطنشي اذا دقت بينك صحيني لو بمدافع ..

طلع وتركهم ..

**********************
عشاق من احفاد الشيطان ... روايه رومنسيه ... خياليه
**************************

4 - 2 - 2012, 02:42 AM

**********************
عشاق من احفاد الشيطان ... روايه رومنسيه ... خياليه
**************************

وعود وهي تناظر ديكور السقف .. والسماعه باذنها: وليه انتي ماتبغيه ..

نور: وعععع ماطيقه ..مره وحده شفته صدفه كان خبيث وكريه والله ياوعود مايريح ..

وعود (( يابعد قلبي بنات خالي والله ماتستاهلون كل اللي يحصل لكم .. آآه يانور انا فاهمه شعورك .. ماكنت مرتاحه لرياض لكن مشيتها وهذي النتيجه ..
بس الفرق انا ابوي سال .. انتي خالي باعك وماسال ..))

نور: وعود الو الو احاكيك

وعود: ها معك بس افكر هواجس وش ردها..؟

نور بنرفزه : هواجس ماتعرفيها تمثل القوه على قل سنع ..وتقول حكي هي ماتطبقه ..

وعود: امم اكيد تفلسفت عليك ..؟

نور: ايوه اكيد ..

سكرت وعود من نور وهي مقهوره لان رياض السخيف قال امس بيجي وماجاء ...

طلعت برى تتمشى لكن وقفت عند باب ملحقها وهي تشوف كاترين ورياض جالسين بالحديقه على الكراسي الخيرزان سواليف وضحك ..
حست بالقهر لكن ببرود نفس الوقت لان رياض موهو اللي تغار عليه ..

لفت ظهرها عنهم ودخلت ..

رياض انتبه فيها ..ابتسم وكمل حكيه مع كاترين .. يبغى يذلها باي طريقه ..

رجع التلفون دق ... من جاءت لهنا تسليتها الوحيده هذا التلفون ردت بدون نفس : آلو ..

ام رياض : هاي .. هلا وغلا وعود كيفك ..؟

وعود : يمه الجازي شخبارك ..؟

ام رياض بروقان : الحمدلله كويسه .. وانتي كيفك وكيف اهلك .. والاهم رياض كيفوا معك ...

وعود : الحمدلله مرتاحه ... واهلي كويسين ويسلموا عليك ..

ام رياض : كويس .. اقول وعود وينك من زمان عنك مازرتينا ولاشفناك ..

وعود ارتبكت : انشغلت شوي ..ولايهمك يمه اذا تبغي اليوم انا عندك ..

ام رياض : ايوه انا داقه اقولك تعالي عندنا شوي انبسطي وغيري لنا جو ..

وعود انبسطت تغير جو بدل رياض وقطوته كات :ابشري يمه لكن احكي مع رياض و

ام رياض بتسلط : ماعليك من رياض انا حكيت معه ووافق ..انتي جهزي حالك وتعالي

وعود عصبت وانقهرت ..(( والله ....
حلوه هذي وافق مع وجهه علشان يرتاح مني بس ))

**********************
عشاق من احفاد الشيطان ... روايه رومنسيه ... خياليه
**************************

على العصر ..

الخيمه الكبيره أ متلت بالرجال من اليمين والحريم على يسارهم متبرقعات .حتى روابي ... .والبزارين حولهم ..

الجو بارررد يدخل بالعظام ..وريحة الشوي ماليه المكان ..

بو عبدالعزيز : انا حكيت مع حمد وحسيته يضيع الوقت ..

خديجه : ليكون بيمشي حكي البزر ندى ومايزوجها لعبدالعزيز ..

عبد العزيز تافف بيزوجونه وحده ماتبغاه ..

احلام : مادري وش شايفه بهالعوبه ندى ياعمه خديجه ..

روابي : وانتي ماتذكري حدبالخير كل الناس عندتس شيون ..

بو رياض: هاللحين روابي كم عمرك انتي ..؟

سوال مفاجاءه صدمها وبالذات انه من خالها بو رياض .. ماهي بمتعوده عليه كثير وماتشوفه دايم ...
تجمعت الدمو بعيونها وماقدرت ترد ...

متعب وهو ينفخ على الشوي اللي قباله : يبه تراها صغيره اكبرمني بسنه ..

بو رياض بتفكير : متعب لاتكذب ها روابي مارديتي علي انتي باي صف ..؟ اول ثانوي ..

لان شكلها صغير وهيئتها لكن صوتها وطريقة حكيها كبيره : ههههه وش مدرسته ياخالي انا ادرس اللي بعمر متيعب ..

متعب لف ناظرها : هع هع هع هع هع حلوه منك وين تدرسيني والفرق بيننا 12 شهر ..

بورياض ان بوده يسال وراكم ماعرستوها لكن سكت .. وهالشي قرته روابي بعيون خالها وتضايقت ..

خديجه تغير الموضوع اقول متيعب وش صار معك .. خلص الشؤي ..

متعب وهو دفيان وغرقان بريحه الشوي .. وكل تفكيره مع روابي اللي اشغلت عمرها بلف البطاطس بالقصدير : اممم تقريبا خلص .. ويازين هالريحه تفك الراس ..

دانه على جنب مع احلام : وش فيه ..؟ ولد عمك يصارخ لاحكى

احلام تنهدت : رجاااال

دانه : احلفي وش رجاله وهو يصارخ ويحكي بعربجه .. شكله عربجي ..

احلام احتقرتها : صبااااح الخير ..هههههه بدري تحسي ..

ام يعقوب : احلام .. دانه قوموا ساعدوا روابي بالبطاط..

روابي بسرعه : لااااا واللي يرحم والديتس لاتنادي حد يساعدني هذولا ماينفعوا الا للبربره وكثره الحكي ..

احلام ودانه : مالت عليك ..

متعب تعجبه روابي وبالذات اذا ردت على هذولاء المدلعات : هع هع هع هع هع

روابي ناظرته : وش عليه تضحك انت بعد ..

ياسر : متعب على كل شي يضحك ..

متعب وقف وبيده سيج : واخير نضج ..

بو رياض :عطيني اذوقه ..

متعب كمل مشيه لحد موقف عند روابي : لا يبه انت ماتعرف لطعم اللحم لانضج ..- جلس على ركبته عند روابي لكن فيه مسافه بينهم – روابي تعرف اكثر

بو عبدالعزيز : بسم الله عليه روابي تعرف كل شي

روابي رفعت عيونها الناعمه برموشها القصيره والكثيفه تناظر بمتعب وحست بقلبها يدق بسرعه .
.اول ماجاءت عيونها بعيون متعب البشوشه والمبتسمه خافت في شي بمشاعرها متطوره بالنسبه لمتعب نظراته غير وهو كله غير صار عندها ..
تحس بالخجل وهي تقول اسمه علشان كذا ترفع صوتها او مماتنطق فيه .. حتى ماتناديه باسمه الا مصغر " متيعب "..

متعب برد قطعه "الشيش طاوق "اللي بيده نفخ عليها بخفه ..
ومدها لها : تفضلي شوفيها نضجت ..

حس متعب بارتباك وهي تاخذها من يده بهدوء وهي ساكته للحضات نسى ابوه وابوها وامها وكل اللي حولها ..
لكن نبهه صوت عبدالعزيز : ها نضجت

روابي ماقدرت ترد ولاحست بطعم الشيش اللي بيدها لكن هزت راسها ايوه ..

وقف متعب وهو يخفي ارتباكه بطريقته العربجيه المعروفه : اجل عشاءكم نضج .. يله اللي يبغى بسندويشات يقولي ..

احلام كانت مقهوره من الحركه وقالت بسرعه تتلزق بمتعب : انا ..

متعب : تحبي كل شي فيها ..

احلام بلهفه لانه يحكي معها : ايوه كل شي ..(( من ايدك حلو ))

دانه ضربتها : اثقلي وجعه ..

احلام : ليه رمي نفسه عليه مادري من زينها القشره ..

جهز متعب سندويشه وارسلها لاحلام ..

احلام بخيبه امل : اف ضنيته بيعطيني هو ..

دانه تتريق عليها : ليه انتي روااابي ..

احلام بحقد : مالت عليها لكن انا بوريها والله لاخلي متعب يموت فيني ولا يرمي نفسه عليها ..

روابي جلست ساكته وهي متضايقه حركات متعب جرياءه ..وقريبه لقلبها .. تحس مع كل حركه ولحضه تشوفه فيها يكبر بعينها ..

كملت لف البطاطس وهي سرحانه ماهي بمنتبهه لحكي امها وزوجه خالها عن ندى وخطبتهم لها ولا عن سواليف ابوها وخالها وباقي العيال عن المباريات اللي بالاختبارات ..

صحتها ايد سارا بنت خال احلام : روابي خذي

روابي ناظرت بقطعه الخبزه الملفوفه بالمشاوي : ايش هذا ..؟

سارا: هذي من متعب

اخذتها روابي وهي سرحانه اكثر ..حتى مابتسمت لسارا اللي تضحك لها ..
لفت على متعب كان ياشر بالسيخ لعبدالعزيز : لحم والا دجاج ..

انتبه متعب بنظراتها لف عليها وزادت ابتسامته : ها روابي وش رايك ..ماكثرت لك طحينيه ..

بدوي ..
بدووووي ...
بدووووووووووي ...

بسيط ...
خفيف دم ...
رجااال ...
شهم ...
محبوب ...
شبابي ..
بشوش ...
يدخل القلب ...

واكثر من كذا.. كلمات توصف متعب .. مع انه عصبي شوي اذا حد غلط لكن رهيب ..
يكفي ثلاث قلوب مفطوره بشهامته داخل هالخيمه ..
احلام ..دانه .. والاهم روابي ..

روابي بصوت عالي تكابر مشاعرها : يعني مقبوله ولو ان ناقصها شي يعطيها طعم ..

متعب : هع هع هع هع .. توقعت مراح تعجبك ..- حس انه مصخها ولا هو بحاشم حد من اهلها .. لف على احلام وقال بنفس الاسلوب - .. ها احلام عجبتك ...

احلام : ايوه تجنننننن رهيبه طعمها غير ...

روابي وهي تاكل قالت مقهوره تقلداحلام : ايوه تجنن رهيبه طعمها غير ...
انت وش علمتي يالبزر

وقضوها سهر وسواليف لكن روابي كانت ساكته وبعد فتره انسحبت من الخيمه لخيمتها بدون محد يحس فيها ..
لكن متعب حس وراقبها وهي تدخل خيمة النسوان ..
وهو مستغرب (( غريبه تدخل بدري وش عندها ))

**********************
عشاق من احفاد الشيطان ... روايه رومنسيه ... خياليه
**************************

ام ريان : وين بنتي .. وين شموخ ..؟

شمس ناظرت باختها اللي تكرها .. مع كل اللي حصل لها وتكره اختها لانها متكبره ومغروره ..
وضرت امها وابوها كثير ...
: مادري ..

ام ريان بعيوها رجاء : شمس الله يعافيك وين شموخ وينها نادوها لي ..

شمس وقفت تصارخ : يمممه .. ريماس .. تعالللللوا شيخه تبغاكم – لفت على ام ريان – لاتضني اني بسامحك وانتي بهذا الكرسي وارمله .. ادفعي ثمن غرورك ياختي .. وهذا بنتك شموووخ اللي مقاطعه اللكل من خوفك عليها تركتك وراحت ..

طلعت لفوق وتركت اختها .. ماتنسى غرور شموخ واحتقارها لها ..
..وجاء الوقت اللي ترد فيه كرامتها ..

تذكرت بمره من الايام ...
لما كانت ام ريان مع شموخ ونجلاء نايمين ببيت بو سلطان ...

(( شمس : لاااا من هذا اللي تحاكيه ..؟

شموخ بالحديقه لفت على شمس مفجوعه : شمس

شمس متكتفه ..: بسرعه اخلصي علي من هذا .. رامي اللي تحاكيه ..

سكرت شموخ الجوال واحتقرت شمس : مالك دخل ..

شمس : لاااا يالصايعه الضايعه .. ياقليلة الادب .. انتي ماتستحي على وجهك سمعتك زفت وكل المدرسه تدري ..

كانت شموخ مع شمس بمدرسه وحده بالثانويه ..

شموخ بغرور : والله كيفي انا حره وهذا حكي صديقاتك الغيرانات مني ...

شمس : هههههااااي غيرانات .. كيف حالك ياغيرانات ..
اقول عطيني تلفونك بسرعه اشوف من تحاكين ..؟

شموخ رفعت حواجبها : لااا واثقه من ننفسك بزياده ..

شمس ببرود: تتوقعي لو درى ريان عن هذا رامي وش ممكن يعمل لك

شموخ ابعدت شعرها الجذاب بغرور : جربي وراح تعرفي من اكون ..؟

شمس كانت نعومه وبنوته برياءه .. : ياااامي ارعبتيني .. لاااا تكفين خفت ..حركاتك هذي مو علي .. وانا ماسكت لك بالمدرسه وحركاتك الماصخه اخر الدوام واللي تقابليهم الا بمزاجي .. مو على بالك اولى ثانوي مادري وش القصه ..؟
لا يافالحه عارفه بلاوي كلها انتي ومدرسه الاحياء بالسياره السوداء مع هذاك الاسمر على بالك ماشفتكم تركبوا معه وترجعي بعدين ...

شموخ تنرفزت وعصبت شمس تعرف عنها كل شي حتى عن احمد اللي طلعت معاه وتغدوا ورجعهم ..
: انت تخرفي احترمي نفسك ..؟

شمس : ههههههه اقسم بالله لو تناظري شكلك تموتي من الضحك ..

شموخ بانفعال : والله ياشمس اذا ماكلتي تبن لاحطك ببالي ..

شمس بغرور : انا اللي حطيتك ببالي .. و الله لااحكي لريان كل شي حصل واذا ما قتلك مثل مروج ماكون شمووووسه

تركتها ودخلت داخل ..

اما شموخ جلست بمكانها تغلي من العصبيه والقهر ماتوقعت ان شمس تعرف عنها كل شي ..
هي من البدايه قالت ماتبغاها معها بنفس الثانويه لكن هذي احسن مدارس الشرقيه ..

ضلت تشبر الحديقه وهي رايحه وجائيه .. لو حكت شمس شي راحت فيها شموخ ..

....**...

.. شمس ماكانت جاده بتهديدها كذا بس حبت ترعب شموخ وتوقفها عند حدها ..
وتكسر غرورها ...

...**...

دخل ريان لبيت جده وشاف شموخ موجوده بالحديقه ..

شافته شموخ طاح قلبها ببطنها لكن احتقرته ولفت ..
وهو طنشها وكمل مشيه لداخل ..

شمس عناد بشموخ ركضت لعند ريان : ريااااااان ... ريان ..

شموخ لفت مرعوبه ومعصبه .. حتقرت شمس اللي ابتسمت لها بخبث ..

دخل ريان مع شمس وهي تحاكيه بصوت مرتفع : تعال رياااان ابحكي لك شي مهم ....

ماحكت له عن شموخ كذا سولفت معه ...

اما عند شموخ كانت على اعصابها .. وتحس ريان بيطلع باي لحضه يضربها او يعمل لها شي ...

لكن طولوا ساعتين ومحد بين ...

دخلت لداخل و ناويه شر لاي حد يقرب منها ..
شمس ناظرتها بخبث : هذي المره سلامه لاني مو رايقه لك لكن اذا ماحترمتي نفسك والله لحكي لشيخه اختي وريان ..

شموخ دفتها باحتقار : مراح تلحقي .. يا زباله ...

........ من اليوم الثاني كان رد شموخ لشمس ...

بنص الدوام بالمدرسه

شموخ نادت شمس : شمس شمس ..

شمس بجنبها صديقاتها همست وهي تناظر شموخ بدلعها وجمالها الجذاب تمشي لعنده ..
كانت اصغر من هاللحين وبالذات مع التنوره الكحليه المكسره والكرافيتا الممتليه اكسسوارت ..
: شتبغى هذي ..

لمى : مو هي تقولك لاتقولي انك خالتي ومابغى اعرفك ..

شمس : ايوه نشوف وش عندها ..

شموخ مع برودها بالاخير وصلت لعند شمس ..
قالت بدلع ..: اسمعي ماما تقول ارجعي معي بسواقنا لان سواقكم اخذه ابوك معه ..

شمس استغربت شموخ هي اللي معترضه يستخدو نفس السواق : زين في شي ثاني

شموخ بابتسامه خبيثه : انا اطلع متاخره انتظريني عند الباب الرئيسي ..

تركتها ومشت ...

شمس انتظرت شموخ عند الباب الرثيسي وعبايتها لابستها لكن الغطاء على كتفها نص المدرسه تقريبا طلعوا .. الا شموخ ..: آف وينها البارده هذي ..

من بعيد ورى المدرسه
شموخ : مارسيل انا بطلع وانتي و البنات تكملوا اللي قلتلكم

رسل : اوكيه بسرعه اطلعي وارجعي للبيت علشان ماننكشف ..

شموخ : اوكيه ليكون ريوف الغبيه ماصرفت السواق ..

رسل بسرعه : الا صرفتها وقالت انها لمى صاحبت شمس ..

شموخ : ههههه احسسسسسسسسن هههههههههه

رسل : ههههههههه جعلي ماكون عدوتك

شموخ : آمين .. يله بسرعه روحي ..

رسل طلعت تركض وعملت نفسها خائيفه: شمس كويس انك هنا

شمس ناظرتها مستغربه : خير ايش فيك .. وش تبين

رسل : الحقي بنت اختك شموخ طاحت علينا ماندري وش فيها ..؟

شمس : كيف .. شموخ ..؟

رسل سحبتها من ايدها : ايوه تعالي بسرعه ..

ركضت شمس مع رسل خايقه على شموخ ..

شموخ اول ماشافتهم دخلوا لمبنى المدرسه وطلعوا فوق للفصل ركضت لسواق برى لمدرسه ورجعت للبيت ..

شمس ناظرت بصاحبات رسل الكثير اربع بنات معروفات بسمعتهم الشينه بالمدرسه ..واقفين عند فصل شموخ ..
: ابعدوا وينها شموخ ..؟

دفتها شذى اضخم البنات واكبرهم لداخل الفصل : شموخ بالبيت وتسلم عليك ..

ناظرت شمس بالفصل الفاضي مافيه حد والبنت اللي سكرت الباب بقوه ..: ايش فيه ..؟

وجيههم ماتبشر بالخير ..

قربت شذى الضخمه لعند شمس ومسكتها من ايدها : تسلم عليك شموخ وتقول هي تعرف تسكتك ..

دفتها شمس باقوى ماعندها : ابعدي انتي وجهك وش تبغي ..؟

تهجموا عليها البنات الاربعه وضربوها ضرب ورسل تناظرهم من النافذه وتتلفت لايشوفها احد ...

اخر الدوام المدرسه مافيها الاكم طالبه وكلهم عند الباب .. والمراقبات مشيوا الا وحده بغرفه المديره وماتدري عن الصراخ اللي فوق ..

شمس اخذت ضرب ماقد ذاقته بحياتها وكانها مع وحوش ورجال ضخام مو بنات ...

فتحوا الباب

شذى تلهث ..: خلصنا ..

رسل بخوف قالت بسرعه : يله البسوا عباياتكم وراي على السياره ..

شمس كانت تتاوه وتصرخ بضعف : يمه .. يممممه ... شموخ الكلبه .. يمه ..

فضت كل المدرسه ماصارت تسمع شي .. الا صوت آهاتها هي ..
حست براسها ثقيل والدنيا تظلم حولها لحد مافقدت الوعي ..

المستخدمه قفلت باب لمدرسه واعطت المفتاح لزوجها ...

......÷.......

شموخ سكرت السماعه بعد ماطمنتها رسل ان كل شي اوكيه ..

ام سلطان : وينها شمس ..؟

شموخ : اكيد نايمه بعد مارجعت من المدرسه ..؟

ام ريان : متى رجعت ماشفتها تدخل ..؟

شموخ : مادري عنها هي كل يوم ترجع بدري قبلي .. موادهم كثيره ومع كذا يخلصوا بدري ..

ام ريان : ايوه انتي سنه ثانيه ماوراك شي وتجلسي تهذري بالمدرسه هههههههه

ام سلطان : غريبه شموخ مانمتي اليوم ..؟

شموخ بدون نفس : كيفي متى مانام بنام

ام ريان ناظرت شموخ : اسكتي ..؟

..........***.......

شمس فتحت عيونها وتحس كل شي بجسمها مكسر .. تسمع صوت اذان يدخل باذنها .." الله اكبر الله اكبر .."
اذان العشاء ...

الدنيا ظلام من حولها رفعت جسمها من الارض البارده نزلت دموعها .. من اثر الضرب ..
: آآه يمه ..يمممممممه

شمت ريحه غريبه ماتعودتها ريحه مدرسه طباشير الوان ..
استوعبت وفتحت عيونها كويس .. هي لهالحين بالمدرسه بعد ضرب الحقيرات لها ...

وقفت بسرعه وفتحت الباب ماتعرف من وين جاءتها القوه .. شافت مبنى المدرسه المرخم ومافيه غير كم صف مشغل النور ..
مدرسه طول بعرض هي فيها لوحدها ..

وقف شعر جسمها وقشعر .. نزلت دموعها بالهبل من الخوف وقالت وهي تشهق بالدموع .. وصوتها يرتجف : يمممممه يممممه ..
وجع..ل....نا
........من ..

.. بين ...

اي..ديهم ..

سدا ...

وم...

طاحت على ركبتها تبكي من الخوف مافي حد حولها يسمعها ..
غطت يدينها بوجهها منهاره ...

مبنى دورين ضخم فيه مئة غرفه وغرفه مكان مهجور هي لوحدها فيه ..

خوف دخل لعظامها ينخرها .. شعر جسمها وقف من الرعب ..

نزلت بسرعه لتحت غرفه المدرسات .. ماتدري كيف جاءتها القوه وشغلت النور ..

مكان مهجور مرعب .. مافيه احد ...

شافت التلفون ودقت على بيتهم ارقام حافظتها عن ظهر قلب دقتها ولا تدري كيف قدرت تستوعب ..

........**...........

ريماس فتحت باب غرفه شمس تصحيها للعشاء وتصلي الصلوات ..: شميييس قومي ..

شغلت الانوار ناظرت بالسرير مرتب من امس مافيه حد ..: شمس وينها

فتحت باب الحمام عاقده حواجبها ... : وينها هذي ..

طلعت لعند طاوله الطعام : يمه مافيه حد بغرفتها ..؟

ام سلطان : كيف .. اجل يمكن بالحوش و الديوانيه ..؟

ريماس : المشكله سريرها على وضعه من رتبته الشغاله الصباح .. وين نامت

ام ريان : كيف على ترتيبه هي رجعت ونامت ..

شموخ ارتبكت لكن اكلت ولا همها .. وتذكرت ان شمس بالمدرسه ..كيف نستها كانت ناويه العصر ترجعها لكن راحت عليها نومه ...(( احسن تستاهل يارب تموت هناك ))

ريان : وينها شمس هذي الرومنسيه اكيد بالسطح او على المسبح ..

قامت ريماس ومعها نجلاء بسرعه يدوروها وقلبهم مقبوض .. رجعوا ووجيهم صفراء

نجلاء : مافيه حد بالديوانيه ..ولا بالكراج

ريماس : ولا بالمسبح حتى بالحديقه مافيه حد

ام سلطان : يمه بنيتي ..؟

ريان وقف خايف : انتم دوروها بالغرفه يعني وين راحت ..؟

ام ريان : شموخ انتي متاكده انها رجعت بالمدرسه

شموخ : مادري لكن اكيد رجعت هي ترجع قبلي ...

نجلاء : السواق نسال السواق ..

ركض ريان لعند السواق وساله بلهفه : انت في جيب ماما شمس من مدرسه

السواق ببرود : لا هذا في صديقه لمى يقول روه هي بعدين يرجع ..

ريان ونجلاء وريماس شهقوا : كيف ...؟

شموخ حست ان قلبها وصل لبطنها اللكل يدور ومحتاس عليها وهي جالسه وقفت تدور معهم علشان مايشكوا فيها ... لكن الندم مادخل قلبها ..

ريان دخل وجهه اسود : شمس مارجعت مع السواق من المدرسه – صرخ – كيف ماحسيتوا ..

ام سلطان تبكي : ياويلي بنتي ..

رن التلفون ردت عليه ام ريان اقرب وحده له : الو ..

شمس بصوت مرتجف وضعيف : يمه لحقوا علي يمممممه

ام ريان : شمس ....؟

سحب رياان السماعه : الو شمس ..وينك ..؟

شمس غمضت عيونها بقوه علشان تطرد الخوف من قلبها وتسمع صوت اهلها .. : ريان الحقوا علي انا بالمدرسه ياررربي بموت .. يمه ريان الحقوني ..

ماقدرت تكمل بكت من قلب
ريان : انا عندك ..؟ جدتي يمه حاكوها لاتسكروا لحد ماوصل للمدرسه .... طمنوها ..

كنت شمس تبكي وام سلطان تبكي وام ريان تحاول تهديها ..

اما نجلاء وريماس بسرعه لبسوا عبايتهم وراحوا مع ريان ..

شمس وهي تبكي بالغرفه المهجوره بالليل بالمدرسه طح دفتر من طاولت وحده من المدرسات بكت اكثر وشاهقت .. ضمت نفسها فخذها لصدرها تدور الامان ..
بصوت بكي امها وماتنطق غير بيمه ..
في مثل هالحالات في حد يفكر بغير امه ..
يكفي ان امها تشهق مع شهقتها وحاسه فيها ...

........**..........

ريان رفس باب المستخدم او الفراش بقوه .. يمكن هذي فائده سكن الفراشين بنفس المدرسه لمثل هالحالات ..
: افتح الباااااااب افتح ..

فتح الفراش البدوي الباب وجه مخطوف من قوة الضرب : خير بسم الله ايش فيه ..؟

ريان من اعلى راسه صرخ : افتح باب المدرسه خالتي داخل

الفراش : ها ..

ريان حاول يهدي ويفهم الفراش : خالت... اقصد اختي داخل المدرسه ماطلعت منها

الفراش : مستحيل زوجتي ماقفلت الباب الا متاكده ان كل البنات برى المدرسه ..

ريان بين اسنانه : والله ان اختي داخل ودقت علينا من رقمك ...

الفراش : مستحيل من الصباح لهالحين ..
ولا سالتوا عن بنتكم ...
ياحصه ياحصه ...

المستخدمه حصه : نعم ..

الفراش : في بنت داخل المدرسه ..

حصه : ايش بنت ..؟

وقدروا يدخلوا للمدرسه بعد محاولات ..

ريان دخل غصب عن الفراش ..: شممممممس ... شمس ..

ريماس ونجلاء : شممممممس .. شمس ..

شمس سمعت صوت ريان و ريماس و نجلاء ...
ركضت لبره .. : ريماااااااس ..

ركضت لحضن ريماس اختها تبكي من قلب .. وترتجف ..

اخذوها لسياره وهم يبكوا ويقروا عليها ...

شمس اول ماجلست بجنب اختها .. اغمى عليها ...

.

قسى قلبها اكثر لما تذكرت اللي حصل ..
شموخ وشيخه اختها ..
السبب الرئيسي تكون عربجيه فيه .. لازم تكون قويه علشان ماتسمح لاي بنات يضربوها مثل هذا الضرب ..

ام سلطان : خير ايش فيه ..؟

شمس بدون نفس : تحت تسال عن بنتها .. الدلوووعه شموخ ..

دخلت لغرفتها وسكرت الباب ..: جعلهم على هالحال واردى ..

**********************
عشاق من احفاد الشيطان ... روايه رومنسيه ... خياليه
**************************

4 - 2 - 2012, 03:33 AM

ربى ..
متمدده على بطنها بالكنبه الطويله .. وتتفرج على المجله وعروض الفاشن فيها ..

كانت جالسه بالجهه الثانيه من القصر للي مايستخدموه كثير واللي بيكون لمتعب اذا تزوج ..

تحس بالطفش يقتلها وبالذات انها قطعت علاقتها مع صديقاتها بعد طلاقها .. ماهي بمستعده نفسيا لاي حد او اي شخص .. حتى " لبنا " صديقتها المقربه اللي معها من الابتدائيه ماتدري عنها شي .. بسبب سفر لبنا لقطر وعيشتها هناك على طول ..

فتحت صفحات المجله بطفش :آآآف ..بموووووووت طفش ..

دق جوالها اللي بجنب المجله بالضبط .. ردت بسرعه من الطفش : آآآآآلو ..

سجى بهدوء : الو ربى ..؟

ربى استغربت صوت سجى قالت تتاكد : سجى ..؟؟

سجى حست بالعبره تخنقها ونفسها تبكي بعد حركه تركي امس وهي عندها اخت ماتفضفض لها ووعود ماعندها رقمها الجديد ..

ربى ابتسمت :سجوووو معي ..؟

سجى بصوت مبحوح : ايوه كيفك اخبارك ..؟

ربى : كويسه وينك من زمااان عنك ... حرام عليك حتى لما حضرتي عزايم رياض مامريتي علي ..؟

سجى وصوتها متضايق :انا ماجلست الاشوي بعدها طلعت حتى وعود ماحكيت معها كثير ...

ربى استغربت من صوت اختها وهدوءها .. من متى سجى هاديه كذا: سجووو ياقلبي وش فيه صوتك ..؟

سجى توقف وهي داخل غرفتها الصغيره .. : آآآآآآآآف مقهووووره ..

ربى : خير ايش فيه ..؟ تركي مضايقك ..؟

سجى تنهدت : تركي .. اقول ربى وش رايك تجي لعندي ولامره زرتيني ..؟

ربى : نفسي لكن وعود حكت مع ماما وقالت بتجي اليوم ..

سجى بحماس : جد ...
واللهي قهررر وعود عندكم .. تعالي انتي وعود بلييييز طفشانه ..

ربى تفكر : انتي تعالي ..؟

سجى مدت بوزها : انا تمزحي .. هذا التركان مايفهم ومستحيل يقبل ..

ربى : ليه ..؟ .. سجى انتي بينك وبين تركي مشاكل ..

سجى سكتت ... نفسها تحكي لاختها .. لكن تخاف ان حد عند غرفتها ويسمع حكيها ويتشمت .. لان تركي مو فيه واهله ماخذين راحتهم على الاخير ..

ربى حست اان سجى ماتفدر تحكي بالتلفون : خلاص سجوو بحاول .. واذا ماقدرت بعطيك الو اوكي ..

سكرت سجى من ربى وقفت عند النافذه مقهورره .. تناظر الحوش بزارين خوات تركي يلعبوا وكانه بيتهم ...
ام تركي البخيله ماترضى لحد يدخل لبيتها وطول الوقت ببيت تركي ..
هاجر وشذى وريم اربع وعشرين ساعه عندها .. نوره بعد ماحملت وهي بعد كل يوم معهم ..
سوسن قليل تجي ..اما ام تركي وخالتهم دره ماهم بفاضين شاطرين لدواره بين البيوت ..
: آآآآآآآآآف حياه ماتنطاق ..

تركي من بعد ماطلعت من الحمام امس ماشافته ولافكرت تنزل .. حتى اكل ماكلت شي قضتها على شيبس عندها ..وهي مالها نفس تاكل شي ..

ضاقت عليها الدنيا والافكار اخذتها لبعيد ..متى يجي .. تاريخ 1| 12وترتاح وتطلق ..

بدلت ملابسها تستعد لحضور ربى ..

.............

ربى دخلت لعند راكان مبسوطه وبيدها جوالها ..
: راكااان راكان ..

لف عليها راكان مستغرب : هلا ...

ربى جلست براحه على الكرسي : سجى .. دقت علي وطلبت مني ازورها ..ماتتصور كيف انا مبسوطه .. ياحليلها والله

راكان يكرهه شي اسمه سجى مغروره مدلله يكرها
قال بخبث ماحست فيه ربى : غريبه من شهرين ونص متزوجه ماعزمتك الا اليوم كانها تاخرت ..

ربى بتفكير عوجت فمها : لاااا ظروفها شينه اللي متزوجته تركي صاحب ميتو تعرفه صح ..؟

راكان : ايوه اكيد اعرفه ... لكن كيف ظروفها شينه ..

كان راكان يبغى اي خبر عنها يتشمت فيها ويشفي نار الحقد والمذله من الطريقه اللي تعامله سجى فيها ...

ربى : مادري لكن شكله يغار عليها موت مايرضالها تطلع كثير ولاك

قاطعهاصوت ام رياض المزمجر : ربى وش مجلسك هنا ..؟؟؟

ربى خافت لان امها ماترضالهم يتمادوا مع الخدم
قال بارتباك: لا بس اح..اقصد كنت .. ايوه انا طالعه وحابه اخذ معي حلويات وقلت لراكان يعملها ..

ام رياض:اهااا .. أتركي عنك المطبخ وتعالي معي لحفل ام جميل يقولوا فيه وحده تقراء الكف والمستقبل

ربى تاففت بداخلها لكن ابتسمت لامها اللي تومن بتخاريف مالها لزمه وداعي كلها..خزعبلاااات وشرك بالله ..
: لاماما وقتث اني انا معزومه مع وعود لبيت س.. اقصد لصديقة وعود ..

ام رياض طلعت من المطبخ وجرت معها ربى بعد ماحتقرت راكان ..
: اقوك تعالي معي وعود قالت بتروح معي ..

ربى تضايقت هاللحين امها بتصمم انها تكون معها وبتمشي كلمتها .. (( آآآآ ف ... كيف بتفهم هذي ..؟ ))
: لاماما مالي خلق اطلع لهناك عند ام جميل ونظرات النسوان والحكي الكثير ..

ام رياض بعد تفكير ماتبغى تضايق ربى اكثر وهي لهالحين تحت الصدمه وبالذات ان عمر النذل تركها بيوم زواجها ...: اوكيه براحتك .. انا طالعه ابدل لأتاخر على الجماعه .. الا قبل لانسى صاحبة وعود هذي من بنته ..؟

ربى ارتبكت : ها بنت ال ..ال – بلعت ريقها –المحيسن ..

ام رياض : اها المحيسن والنعم فيهم ..

مشت لفوق

ربى اول ماغابت امها داخل الاصنصيل وبعدت عن عيونها تنفست براحه ومدت لسانها من الخوف .. لودرت انها بتروح لبيت سجى بتعصب .. اكثر من مره طلبت من امها يزوروها عصبت وهزاءتها .. ماتدري وش السبب ..

رجعت لعند راكان ...

راكان رجع لشغله يكمله وكانه متلبد المشاعر المشاعر مايحس لكن بداخله نار مقهووووور...

(( لمتى هذولاء اللي عندهم كم قرش يتكبروا ويناظروه بتعالي .. هذا التعبان رياض يصرخ عليه وكانه بنقالي يشتغل عنده .. وسجى البزر كانت تتامر عليه .. ومتعب اللي مو شايفه اصلا مع انه يبتسم له ويحاكيه كانه واحد من ربعه اوجماعته ..لكن هو موشايفه ولايناظره ..
اما ام رياض هذي الطآمه هذي مصدر التكبر والغرور ..تناظره من طرف عينها وباحتقار كانه حشره ..

الوحيده اللي تعامله بانسانيه ربى ..
ربى انسانه شفافه قلبها ابيض ..
يحسها ورده نقيه طاهره دنستها ايد عمر برفضه الحقير باهم ليله بحياتها ..
عيونها تبرق بشوق اذا حكت عنه ..او سمعت طاريه ..

وهو بافكاره عن ربى دخلت وهي سرحانه .. ابتسم راكان بطريقه آليه ..
كردة فعل طبيعيه اذا فكر احد بشخص بالزينه اول مايشوفيه يبتسم ..

ربى مانتبهت بابتسامته لانه تفكر بصوت عالي : راكان تهقى ليه ماما تمنعنا نزور سجى ..؟ وتعصب اذا حد حكى معها بالموضوع ..

راكان قال بمنطقيه ..
: يمكن لان امك شايفه انو تركي مو من مستواكم او ماينفع تدخلوا لبيت م

قاطعته ربى بحماس: لاااا كان ماوافقت احس ان الموضوع فيه ان .. احس انو ماما ماهي بموافقه على تركي لكن بابااو متعب اقنعوها بالعافيه ...لانو مستحيل ماما تقبل لحفيدة الرالي تتزوج اي احد

راكان عصب من حكي ربى ليه الغرور هذا فيهم وكان الناس غندهم عبيد ..: ليه يعني

ربى ابتسمت تشرح له وهي تتمشى بالمطبخ يمين ويسار : ليه هههههههه.. جدو لو شم خبر وهو انجلترا ان سجى تزوجت من اي كلام وهي بنت الجازي بنته المددله والله لايقلبها على راسنا وبالذات ان تركي مو من الرياض بعد .. الله يستر لارجع ..

راكان هز راسه بلامبالاه (( الله لايجعلني عدوكم )) : اهااااا ..

دق الجرس

ربى : اكيد هذي وعووود راكان بليز جهزي شي اخذه معي لعند سجى ... اوكي

راكان بدون مايناظرها حس انه يكرهها ويكره بيتهم كله الصبر له حدود : اوكي ...

ربى : بااااااا ي ..

طلعت لبرى بهدوء .. راكان بدون نفس باي ياحفيدة الراااالي ...

**********************
عشاق من احفاد الشيطان ... روايه رومنسيه ... خياليه
**************************

فيصل رابع مره يلف بسيارته عند بيتها ..
(( وينها هذي ماترد على جوال .. ولا هي بالبيت .. هذا بيت مهجور ماهو ببيت ...آآآآآآف .. وبعدين ..
كيف اوصل لها هذي ...
مالي الا المشعوذه ام محمد ... ))

رفع جواله ودق على خالد : الو بسرعه جهز نفسك انا عندك ..؟

خالد : اعوذ بالله وين السلام ..

فيصل بين اسنانه : مو فاضي لك انت بالشاليه والا بالفيلا ..؟

خالد : لا بالرياض ..

فيصل : كيف ... الرياض ..؟

خالد : ايوه الوالد بالمستشفى ..

فيصل : لاااا سلامته مايشوف شر .. خلاص ضف وجهك ..

سكر بوجهه السماعه (( يالله وش السوات هاللحين ...
وينك ياشموخ ..؟ ))

**********************
عشاق من احفاد الشيطان ... روايه رومنسيه ... خياليه
**************************

4 - 2 - 2012, 03:33 AM

**********************
عشاق من احفاد الشيطان ... روايه رومنسيه ... خياليه
**************************

نور : بعد بكره الملكه انبسط زوجك ارتاح هاللحين ..

هواجس : نور وطي صوتك لو سمعك يزيد هاللحين

نور : ولعنه يسمع والا تبن بوجهه ...

ام هواجس : لا يانور لاتبدي حياتك كذا من اولها حكي فاضي و

قاطعتهم نور معصبه : ايووووووه اسمعيه افهميه ماقتلتكم الا هذي السلبيه .. لااااا وعريس الغفله عازم لي رجال على الغداء لحمدلله والشكر ماعندكم شخصيه ..

الخدامه : مدام هواجس بابا بو ماهر يبغي انتي ..؟

هواجس : اوكيه نازله ..

نور بدون نفس : روحي روحي

هواجس وقفت وهي بتنزل : والله يانوير اذا ماستعدلتي ياويلك ..

نور: لااااا خوفتيني ..

هواجس رتبت بيجامتها قبل لاتنزل عند بوماهر : من جد نوير حالتك صعبه

نور : الظاهر اذا هربت مثل نديه وقهرتكم تحسوا ..

ام هواجس شهقت : وجعه نديه مع خالها ابوك وانتي مع من ان شاء الله ...

هواجس نزلت وطنشت نور ..
نور اكبر خوافه بالعائله ولاتقدر تعمل شي ..
: هلا سعود بغيتني ..؟

بو ماهربعصبيه : يعني ايث رايك مناديك اتاملك ..

هواجس تنرفزت : ليه تصارخ ..؟

بو ماهر : انتي مرتاح فوق والخدامات ماجهزوا لرجال الغداء

هواجس : لو انه ضيفك على راسي لكن ضيف ولد اخوك مادري اختك مالي خلق ..

بو ماهر : فهد ضيفي وضيف يزيد مسكين جائي من ايطاليا ولا يعرف حد هنا غيرنا

هواجس فتحت عيونها ببلاهه: فهد ..؟

بو ماهر : ايوه هذا السعودي اللي بايطاليا .. اللي صمم يرسمك ..ومعرض لك .. ضيفك انتي بعد ..

هواجس ابتسمت من قلب وصرخت بداخلها (( فهههههههههههههههههههههههههد هنا .. فههههههههههههههههد هنا ))
حاولت تمسك ابتسامتها قد ماتقدر : ان شاء الله

ولفت بسرعه للمطبخ وهي مبتسمه ..

دخلت للمطبخ وسكرت الباب .. قفزت من الفرحه ..
: هههههههههههههههههههههههههههههههههههههههه.... هههههههههههههههههههههههه

.............
****
............

فهد : ومتى الملكه ان شاء الله ..؟

يزيد مبتسم من قلب : بعد بكره

فهد : وش هالابتسامه ها ..

يزيد : ههههههه خلاص باستقر ..

فهد: ناوي تترك البنات والشرب

يزيد : لاااا عاد هذولاء جوي ماقدر الزواج شي والمزاج شي .. صحيح الليله في سهره مرتبه تعال ..

فهد : لاااا انا عندي شغل ماصدقت اجي لهنا ..اكمل شغلي ..

يزيد : يارجال الشغل مايخلص والعمر يخلص ..

فهديضيع الموضوع : اقول يزودي ..ماتبغى افصل لك بدله للملكه ..

يزيد : من جدك انت ههههههه انا غير الشماغ والثوب ما لبس..

........... .........

هواجس كانت طايره من الفرحه معقوله فهد هنا .. فهد معها بمكان واحد ...

اعطت الخدامات الاوامر وهي مبتسمه ..بعكس العاده ..

دقت على المخابز.. " سعد الدين " و " سينبون " و " بيت الدونت " وطلبت احلى شي عندهم للحلا والمعجنات ..

الغداء وصل من المطعم رتبته على الطاوله بلمسه جذابه هذا فهد مو اي احد ..

لينا ماسكه جوال هواجس : هواجس ..هواجس

هواجس وهي مشغوله تنظم الطاوله : هممم

لينا : وعود .. بالسماعه ..

هواجس : قولي لها بعدين انا مشغوله ..

لينا : تبغاك ضروري شكلها ..

هواجس : لينوه ضفي وجهك ...

لينا رفعت كتوفها : تقول ضفي وجهك ماتبغى تحكي ..

وعود : زين انا اوريها مع السلامه ..

هواجس قبل لاتترتب الاكلات على السفره
طلعت لفوق ركض .. تروشت وطلعت بسرعه وهي بالروب تفكر وش تلبس لازم لبس محتشم ...

دقت على بوماهر : الو

سعود : هلا الغداء جاهز ..

هواجس : ايوه .. الا ماقلتلي انا ينفع اتغدى معكم ..؟

سعود ناظر بفهد شبعان من هواجس .. حتى يزيد تتحجب منه بس : ايوه انتي اجلسي معنا عادي

يزيد ناظر بعمه مستغرب اكيد يقصد هواجس بيتركها تجلس معهم ..
هو عادي عنده متعود ...
وفهد رسم هواجس من قبل يعني عارف شكلها ..
لكن
.. ضنها مثل اختها نور ماتحب حد يناظر وجهها ..

فهد تمنى انه يقصد هواجس تجلس معهم ..

هواجس سكرت من بو ماهر و نادت على نور بسرعه ...وهي مرتبكه ..

نور : خير ايش فيك ..؟

هواجس قبالها بدلتين : نوير بسرعه قرري اي وحده ..؟

نور: ايش اللي اي وحده ..؟

هواجس بطفش : من هذولاء البدله الخضراء مع الليموني والا هذي السوداء ..؟

نور: وين بتروحي ..؟

هواجس : آآآآآآآآآف هذا مصمم ايطالي تحت وابغاه يصمم لي وماني عارفه وش البس ..؟ بجللس معه على الغداء..

نور استغربت : بتطلعي عند الرجال كذا ..؟

هواجس بدون نفس : ايوه .. عادي بتحجب ..؟

نور: ماتستحي انتي تلثمتي بالسوق قلنا اوكيه .. تخلعتي بملابسك سكتنا ..
كشفت على يزيد وهو رجال غريب ماحكينا ..
لكن بتجلسي مع رجال غريب وتتغدي بعد كبيره والله

هواجس : اقول بلاعقد يابنت الفقر وانا الغلطانه اسالك ..

نور ناظرت هواجس مصدومه فيها صاارت نسخه من هذولاء اللي على بالهم البرستيج فصاخه ..

هواجس رفعت التنوره الجينز والبلوزه الستان الليموني اللي تنربط على الرقبه ويبان كل الظهر..لكن لبست عليها جاكيت عشبي رسمي ..
: اجلسي على عقدك الحمدلله والشكر ..

**********************
عشاق من احفاد الشيطان ... روايه رومنسيه ... خياليه
**************************

4 - 2 - 2012, 03:34 AM

**********************
عشاق من احفاد الشيطان ... روايه رومنسيه ... خياليه
**************************

شموخ صرخت بالممرضتين اللي يدخلوها للغرفه وهي تبكي : ابعدوووووو .. ابعدي ا نتي معها ..
ابعدووووا الله يلعنكم ...
ياحقيييييره ابعدي...
..رياااااااااان ..
فيييييييييييييييييييييييييصل ..
ريااااااااااااااان ...
سامي ..
والله مو مجنونه اتركوني ..
والله لو درت ماما قتلتكم ..
ابعدوا عني ..
فييييييييييييييييييييييييييصل
سااااامي ..
رياااااان ..
فيييييييييصل ..
بااااااااااااااااااابا ..
نجلااااااااااااااااااااااااااااااااااااااااااااااا ء ....
وينكم ......؟ ؟؟
لاتتركوني ...........مع هذولاء ..؟
ابعدووووووا.....
انا مو مجنونه .. والله مو مجنونه ...
انا بينك انا محد بجمالي تعاملوني كذا ...
انتم ماتناظروا ...

رموها بقسوه الممرضات على السرير بالغرفه الضيقه وكل وحده ممسكه فيها مع صراخها وترجيها .
الممرضه المصريه : ازا ماسكتيش والله حعملك قلسه كهربائيه ..

الدكتور : اخذوها لغرفه الكهرباء ..

شموخ تحاول تبعدهم وتصرخ ..:
انا مو مجنونه ...
والله فيصل مراح يسكت لكم ..
انتم ماعترفوا من انا بنتدموا ..
ابعدوااا عني ابعدوا ..
انااااا مو مجنونه .. ابعدوا عني
ريان ..ريااان ..رياا

دخلوها لغرفه الكهرباء اللي يعاملوا فيها البشر بطرقه خاليه من الانسانيه ..

.....................

صحى ريان من النوم قلبه مقبوض ..
فتح عيونه بالظلام .. : اعوذ بالله وش ذا الحلم الشين ..

عدل جلسته وشغل الابجوره .. ناظر الساعه .. الساعه 8 ..
رمى راسه على خشب السرير : اكيد شموخ هاللحين اخذوها ..

قلبه وضميره يالموه عليها حرام اللي عمله فيها ..
لكن عقله يفكر بمصلحتها ويترك انانيته ..
: ياااربي صح اللي عملته والا غلط .. كيف كيف اترك شموخ تتعذب وتنهار قدام عيوني واسكت وكيف اتركها داخل المستشفى واللكل يناظرها مجنونه ..
يارب وش اللي ممكن اعمله ..
انا بايش والا بايش ..
امي .. منى ..شموخ ..حتى الانتخابات نسيتها ..آآآآآآآآآف ..

نزل من السرير بصعوبه فضيعه .. وكان نايم بالثوب نفسه من التعب ..غسل وجهه وتوضاء وصلى ..

وطلع من البيت بدون لايقابل حد بوجهه..

دخل للمستشفى وهو مبهدل بدون شماغ وثوبه اللي امس ..

الرسيبشن : نعم اخوي من تزور ..؟

ريان بسرعه : شموخ الخيال ..

الرسيبشن : اخذوها لقسم الجانين ..

ريان كلمه مجانين قطعته من داخل وقال بين اسنانه وهو معصب : مالمجنون الا انت وجهك ..شموخ اعقل منك ومن عشره على شاكلتك ..

الرسيبشن تغير وجهه : اسف ماكنت اقصد اجرحك او اغلط ..

ريان باستهزاء : هذ ا انتم المتعلمين وبمجال الطب وتقولوا مجانين .. اجل مالوم المتخلللللللللفين اشكالك ..

الرسيبشن حاول يعتذر من ريان لكن ريان طنشه وراح لقسم الامراض العصبيه ..وبصعوبه قدر يدخل عند شموخ ..

فتح الباب بهدوء وقلبه يدق بسرعه كيف فكر يرميها هنا ..
دخل وقف مكانه وعيونه بعيونها الرماديه الواسعه .. لكن ماكانت رماديه كانت حمراء من جلست الكهرباء الاولى اللي تعرضت لها..

: شموخ ..

شموخ كانت تبغى تبكي وتصرخ وتركض له .. جسمها كان ضعيف ومخدر .. حست بشبه الشلل يخدر جسمها ..

قرب ريان لعندها وهو يشوفها جامده ماتحركت ..: شموخ

ثاني مره ينطق باسمها .. كل مره كذا يرميها بعذاب ماتقدر تتحمله بعدها يفتح ايده ويناديها بحنان ..
حست انها تكرهه اكثر من قبل ..

.. قرب منها لحد ماصار قبال سريرها ..لفت وجهها عنه
.. صدت تكرهه ..

ريان وقف شوي فهم قصدها من الحركه ..بعدها تقدم لهابتردد ..: شموخ والله مو بيدي ان

شموخ تراجعت لورى وبعدت عنه بنفور .. من غير لاتحكي .. ولاتناظره..

ريان تنهد : اوكيه .. اوكيه .. مراح اقرب بس ممكن احكي معك ..

شموخ غطت اذنيها بايدها يعني مابغى اسمعك .. ايدها ترتجف من الجلسه الكهربائيه كل جسمها يرجف ..
ودموعها تنزل ..

الممرضه المصريه ..دخلت وجهها كله قسوه : انت اعد هنا ليه ..؟

ريان كان بباله مع شموخ وشكلها عذبه : هي ليه كذا ..؟

الممرضه حطت صينيه الاكل : دي مقنونه يعني عايز شكلها يباء ايه ..

ريان صرخ على الممرضه : مالمجنونه الا انتي وجهك ..

الممرضه بدون نفس : هم بيطلعوا امتى دول ..

ريان : خير ايش قلتي ..؟

الممرضه : سلامتك .. بس ياستاز دي المجنونه
اا....صد ... اصد دي البنوته ماكلتش حاجه من امبارح ..

ريان : جد ليه ..؟

الممرضه : دي مش رازيه وانا ماليش مزاق ..

طلعت وتركته ..

ريان رجع يناظر شموخ كانت على وضعها لكن تبكي اكثر..

ريان قدم لها صينيه الاكل : كلي مايصير تحرمي نفسك من الاكل ..

شموخ ... تبكي وعلى وضعها

ريان بتردد قرب الطاوله لعندها وجلس قريب منها ...: كلي لاتخافي نظيف مايقرف ..

شموخ : .................

ريان : اوكيه انا ماكلت شي اذا اكلت تاكلي

شموخ : ..........

ريان اخذ الملعقه وناظر بالاكل اللي يسد النفس ..
علبه عصير برتغال صغيره .. شوربه بصحن صغير وبارده ...
فطاير يابسه ..

اغتصب الاكل علشان تاكل ..: هممم قلتلك نظيف وصحي ..
مراح يخرب عليك الدايت ..
ها افتحي فمك كلي ..

مد لها الملعقه بالشوربه البيضاء .. ناظرته باحتقار وهي تبكي .. بدون صوت دموع بس ..

ريان ابتسم لها بالم : كلي .. انا اكلت ..

شموخ رمت الصينيه على الارض بعصبيه وقفت بعيد عنه ..وصارت ترتجف اكثر ..

ريان ناظر ثوبه اللي امتلى بالاوصاخ ..ورجع ناظرها .. ذكره شكلها بالطفل الخايف من اللي قباله ...
كان الكره واضح بعيونها..
عيونها تنطق (( اطلع بره .. اطلع من حياتي مابغاك .. انا اكرهك ..))

ريان وقف وبلع ريقه .. شي صعب اللاحساس اللي يحسه هاللحين ..شموخ كرهته اكثر من اي وقت مضى ..

طلع من الغرفه يبغى يتطمن على حالتها من عند الدكتور والا متى بتظل هنا ..

شموخ اول ماطلع ركضت للباب سكرته بقوه .. ورمت جسمها على الارض تبكي ..
اي مصيبه او هم يصيبها بالدنيا هذي بسببه ..
كل اللي هي فيه منه هو بس ..
صرخت : اكررررررررررررررررررررررررررررررررررررررررهك ..

ريان وقف لما سمع صوت الباب يتسكر بقوه .. كان بيلف ويرجع لها .. لكن صرختها اكرهك ..
رجعته لطريقه عند الدكتور ..

ماهي بجديده هذي الكلمه " اكرهك " اذا مسمعها باليوم الواحد يحس ان شموخ جد مجنونه ...

**********************
عشاق من احفاد الشيطان ... روايه رومنسيه ... خياليه
**************************

ربى بالسياره الفضيه الفخمه مصدومه وهي تناظر للبيت ...

(( هنا ساكنه سجى مستحيل ..
سجى المددله دلوعت اللكل تكون بهذي المزبله ..
كيف ساكته لهالوضع ..))

قالت بهدوء وهي ترفع نظارتها السوداء الكبيره المتعبيه بالكرستال : انت متاكد ان هذا بيت تركي ..

السايق السعودي :ايوه متاكد

ربى والصدمه مجلستها بكرسيها ..هذا حي ماقد ادخلته بحياتها وناس مافكرت تنزل لمستواهم من قبل ..
امهم حابستهم بقوقعت القصور والفيلل الفخمه .
.حتى اذا نزلوا لشرقيه مايزوروا اها .. هم لان امهم ماتبغاهم يختلطوا باماكن وضيعه مثل هذي ..
(( معقوله فيه بالسعوديه مثل هالامكان .. او حتى بالرياض .. لريااااض العاصمه المظهر الحضاري فيها اماكن كذاا ..
ياقلبي عليكي ياسجى انتي تتعذبي وحنا مو حاسين ...
ياليتك ياوعود مهي وتركتي عزايم ام جميل علشان تشوفي بعيونك ..))

السايق : طال عمرك حابه نمشي من هنا او

قاطعته ربى وهي سرحانه : لااا نزل الاغراض بس وانتظرني هنا ..مستحيل اجلس ساعه هنا ..وانتي ميري انزلي معي ..

السايق فتح لها الباب وعمل مثل ماطلبت نزل الاكلات الخفيفه اللي عملها راكان ونزل اكياس "باتشي "
وهدايه ربى لسجى لانها اول مره تزورها ببيتها وماعطتها الهديه ..
مشت بخطوات بطياءه لعند الباب دخل كعبها بالارض ..
تافف بقرف ..مو طبعها كذا ورقد فكرت تقرف من حد لكن فكره ان مصير اختها بداخل هذا الجحر .. وهي اللي تضنها سعيده .. تجمعت الدموع بعيونها ..

فتحوا الباب بزارين كثير ... ناظرتهم ربى بصدمه ولفت على السايق بعصبيه : اكيد انت غلطان هذا مو بيت سجى ..

من البزارين طويل وشكله مراهق .. بال12 .. ال13 سنه ..
: قصدك سجى الحلوه .. زوجه خالي تركي فيه داخل ..

ربى ناظرته برعب يعني اكيد هذا بيت سجى ..: وينها هي ..؟

المراهق : تفضلي حياك ..انتي اختها صح ..؟

ربى ماردت عليه تفكيرها مشغول مع سجى ...

..... & .....

تركي من امس وهو ماصدف او شاف سجى وماله خلق يحتك معها او يشوفها .. مدلله غبيه تقهر ..
معصب عليها وبالذات لما قالت له بغرورها الطفولي " اكرهك .."

كان يسولف مع اهله اللي كلهم اجتمعوا عنده مثل العاده ..

لفوا كلهم وسكتوا او ما..
دخل بدر ولد اخته سوسن وراه بنت تشبه سجى كثير ..
لكن شكلها اكبر ..وانظج واقل جاذبيه ..
راميه الغطاء على كتفها
ونظاره بيضاء من ديور.. تبرق الماساتها على شعرها الاشقر الصارخ وروج الاحمر الخمري مزين شفايفها ..
وعبايتها الفخمه المزحرفه مفتوفحه .. وباينه تنورتها الزيتيه مع البلوزه البيضاء الحريره ..

ناظرت ربى بوجيه كل الحريم الموجودوات مصدومه ..هم اللي جائوا خطبوا سجى لكن في وجيه جديده ..
دورت وجه سجى اختها ماحصلته .. مافيه رجال معهم الا تركي اللي تعرفه من صوره مع متعب..

ام تركي عرفتها : ربى ..؟

ابتسمت ربى ابتسامه صفراء اغتصبتها من شفايفها : هاااي ..

ناظرت بتركي واختفت ابتسامته حقدت عليه وهي اول مره تشوف : تركي ..صح ..؟

تركي ماعرف وش يرد عليها اخت زوجته كاشفه قباله وتسولف ..

ربى باحتقار: وين سجى ..؟

ريم بحماس : اناديها لك هاللحين حياك تفضلي ..

ربى : لا بانتظرها هنا ..

نوره اخت تركي احتقرتها وناظرت بتركي اللي وقف ..: لا انا بطلع اناديها ..

ربى حست انها خايفه منهم... كانت ماسكه قبضت الباب لاي حركه مو محسوبه ..

دخلت الخدامه وراها ومعها الاغراض الكثيره ..

...... & .......

سجى بعد ماحكت مع ربى تروشت وبدلت وهي دايخه راسها مصدع من الجوع .. بيجيها فقر دم اذا ضلت على هذا الحال ..

جففت شعرها وكشخت تبين احسن من وضعها ..قدام ربى ووعود ..

لبست فستان اسود .. قصته تحت الصدر شريطه فوشيه عريضه ..موضت الفستان قديم .. موضته من السنه اللي فاتت وهي متعوده على التجديد لكن مابيدها حيله هذااللي تقدر عليه حتى الكردك اللي اعطاها ابوها كسرها لها المتخلف ..

ثقلت البودره والفونديشن تخفي تعبها وبشرتها الباهته ..

ماكان لها خلق شي كحلت عيونها باسود ثقيل برز عيونها اكثر ووسعها .. وزاد من سوادها ..

قفلت الجوال وزته تحت المخده لودرى تركي عنها قتلها .. طلعته لها وعود ..

جلست بملل على سريرها تنتظر وصول ربى وعود مالها خلق تنزل وتقابل الوجيه القشره ..
وبذات تركي اللي حست له بكره فضيع ..

ناظرت مناكير اللي بيدها فوشي مع ايد خشنه غير الناعمه ..

غيرت جلستها وتمددت حست من كثر الممل ان النوم بدى يداعب عيونها ..لحد ماغمضت عيونها ..

فتح تركي الباب وهو معصب من زياره ربى لانها بتضطره يجامل سجى ..

شافها متمده وراسها على الجدار مايل ..كانت لابسه فستان يعني عارفه ان في حد بيزورها بيجي لها ..
: سجى سججججججى ..سجىىىىىى ...

فتحت عيونها مفزوعه لانها غفت شوي ..
ناظرته لثواني ببلاهه.. بعدها ستوعب وقفت بسرعه وقلبها يدق مجرد ماشافته نست وعودها وكرهها له .. : خير ..

تركي : نايمه بالعسل وتاركه الغداء وهلي بدون اكل

سجى خاب امها ضنته جائي يتطمن عليها او يقولها ان اهلها تحت ..
من غير لاتناظره قالت بخشونه : ماني بنازله وانا قلتلك اهلك زباله عندي ولا

قاطعها تركي ببرود : اقول لايكثر حكيك وانزلي اختك ربى تحت ..

سجى بانفعال : جد ربى ..

لما جئت بتمشي مرت من عنده مد ايده للباب منعها تمر وقال بقسوه وعيونه تحتقرها ..: ربى اختك الللي خنتيها واخذتي منها زوجها ..
يالله ياسجى عليك اسلوب قذر .. كيف لك عين تنظريها وتحكي معها او حتى تمثلي انك مبسوطه وانتي السبب بترك النذل عمر لاختك ربى ..

سجى جرحها حكيه وهذا اللي كانت تحسه اول مافكرتتحكي مع ربى لكن اختها واشتاقت لها ..
ضميرها يانبها.. قال بصوت مرتجف : مالك دخل انا وهي نتصرف ..
ومثل مانت لك وجه تناظر بمتعب وانت تذل اخته انا لي وجه اجلس معها ..

تركي : اوووه الفرق كبير بيننا ..انا مو ح

قاطعته سجى وهي تمر من تحت ايده عند الباب بخفه : آآآآآآآآآآآآآآآآآآآف

مشت بتنزل لتحت تهرب منه مشاعرها متناقضه اتجاهه
احيانا تحس انها تحبه وتغليه وياثر فيها..
وكثير تكرهه ..
لفت عليه تناظره شافته واقف مكانه ..

.قالت : متى يجي اليوم اللي ارتاح فيه منك ومن اهلك..؟

ركضت بسرعه لتحت خايفه من الحكي اللي قالته ..

تركي عصب من .. .. حركاتها.. خوافه ماقالتها الا باخر الدرج : جد بزر ..

ناظر بغرفة سجى حوسه مرره ..الملابس على الارض والمكياج وجزم كثيره ..
عقد حواجبه وهو يناظر .. كسرت خاطره يبغى لها غرفه ..

الفلوس اللي ياخذها من ام سجى كل شهر مقابل سكوته ..هو ساكت على سجى علشان شي كذا له راتب شهري ضعف راتبه .. ياخذه رد كرامته ..

اغراه السرير المبهذل ورمى نفسه عليه ..

دق جواله بيده..

رد بدون نفس : آلو ..هلا بو الهش

متعب حاس ان تركي متغير عليه من تزوج سجى : هلا بالقروي وينك ماعاد تبين..

تركي بطفش : من اختك السبب

متعب : هع هع هع اوعدنا يارب ..المهم ترى خيمتكم اجهزت

تركي عقد حواجبه : اي خيمه ..؟

متعب : هذا ياطويل العمر .. عمك اللي هو ابوي ماصدق ان دلوعته سجى بعدت عن امها وعمل لها خيمه تناسبها .

تركي : لا ياخوي ماقدر عندي دوام و

متعب : يارجاااال خذ اجازه وتعال الجو ياخذ القل ويرد الروح وبعدين انت مع وجهك من متى ماتقدر تترك الدوام وماتطلع للبر

تركي توهق متعب حافظه اكثر من نفسه : لا انا ماخرطلب الاجازه لربيع ابغى اطلع مع الاهل للبر

متعب ماحب يضغط عليه اكثر : اكيه براحتك وهذ انا اللي كنت معتمد عليك تقنع سجوو لكن انت يبغالك من يقنعك هع هع هع ..

تركي : والله ماودي اردك لكن انت عارف ..

متعب : لا براحتك يله مع السلا مه ..

تركي حس ان متعب اخذ على خاطره منه ..: اوعدك بو الهش لاقدرت ..

متعب بمرح :لا مايحتاج تتعب نفسك .. يله انا مشغول تامر على شي ..

تركي بهدوء : لا سلامتك مع السلامه ..

سكر من متعب وهو حاس بتانيب الضمير ..
تغطى بالبطانيه ونام ..

.....&..........

سجى ضمت ربى من قلب ..: مشتاقتلك مررررررررررره ..

ربى استغربت من رده فعلها وهي اللي من كم يوم شافتها : هههههه وانتي اكثر ..

ام تركي بدون نفس : اجلسوا ارتاحوا ..

سجى احتقرتها : ماعليك منها تعالي للمجلس ..

اخذتها للمجلس على راحتهم ..: وين وعود ..؟ !

ربى :المغروره ..ماحكيت معها ..طلعت مع ماما لام جميل ..

سجى : حرام عليك وعود حبوبه مو مثل ماتوقعنا هي بس شويه واثقه من نفسها وشخصيتها قويه ..

ربى بلامبالاه : من متى تمدحيها ..؟

سجى ابتسمت وهي تناظر ربى من فوق لتحت : بالمره حليانه .. الاشقر عليك جنااااااان..

ربى : هههههه اضحكي علي وغيري الموضوع .. حتى انتي متغيره مره - سكتت شوي تناظرها من فوق لتحت - متغيره نحفانه وبشرتك تعبانه ..لكن امم عيونك كذا في شي ..

سجى حمرت خدودها خافت ان اختها حست بمشاعرها لتركي وعذابه لها : عيوني ايش فيها ..؟

ربى : امم .. حمراء ومورمه – بحنان – كنتي تبكي ..؟

سجى ارتبكت من اكتشاف ربى الخطير ..: ايوه مقهووووره ياربى مقهوره ..

ربى بحنان : من ايش ..؟

سجى غرقه عيونها وقالت بقهر : ضربني ..

ربى فتحت عيونها : آآآآآآآآآآآآآآآآآآآيش ..ضربك ..

سجى هزت راسهاونزلت دموعها : ايوه والله ضربني يالم ياربى

ربى عصبت : وليه ساكته احكي لبابا لمتعب او لماما والله تلعن خيره

سجى بخوف : ماما .. لااا ماما ماينفع ..

ربى : ليه .؟

سجى تضيع الموضوع : بس كذا .. المهم انتي كيفك ..؟

ربى تضايقت على اختها : مافي شي جديد ..

**********************
عشاق من احفاد الشيطان ... روايه رومنسيه ... خياليه
**************************

4 - 2 - 2012, 03:36 AM

الفصل الرابع والعشرين

الجزء الاول

هواجس دخلت لغرفه الطعام متوتره..

وهي تحس بالعيون اللي تناظرها من الطاوله ..

ماناظرت فهد ولا شافته تخاف تطيح على وجهها اذا ناظرته بعد هذي الغيبه ..: السلام عليكم ..

فهد ناظرها وهي تدخل بحجابها الليموني مع الابيض وملابسها المتغيره عن قبل .
.نفس جسمها نفس ملامحها ..
البشره الناعمه اللي يعشقها نفسها ..
حاول يبعد عيونه عنها لاينتبه يزيد وهو الذكي اللي مايفوته شي
ماقدر ضل مركز عليها يبغى يحفظها ..فتره ويتركها ..
ابتسم بارتباك ..وهو يرد السلام:وعليكم السلام ..

جلست بالكرسي الوحيد على الطاوله بعيد عنهم .. وبوماهر كان قبالها ..

هواجس بابتسامه ماليه لوجه : تفضلوا ..

يزيد باستهزاء : برد الغداء كان مانزلتي ...

فهد استغرب من معامله يزيد لهواجس .. ناظر يزيد وبسرعه رجع ناظر هواجس ..

بو ماهر: يله ياجماعه تفضلوا ..

هواجس جاءت عيونها بعيون فهد وابتسمت من قلب له وبعيونها واضح الشوق

فهد ابتسم لها بهدوء ورجع يناظر اكله .. بتفضحهم عيونهم

طنشت بو ماهر ويزيد وقالت بهدوء وصوت مبسوط : كويس انك عندنا يا - ارتبكت وش تناديه كيف تحاكيه قدامهم – يا استاذ فهد .. ابستغل وجودك تصمم لي فساتين ..

يزيد احتقر هواجس ..و رد عن فهد: لا فهد ماهو فاضي لك ..جائي لي انا

فهد بثقه : لا الفستان جاهز انا عندي تشكيله فساتين جديده اذا تحبي زورينا بالمشغل باقرب وقت واختاري ..

هواجس تناظر بعيونه وحست خدودها حمرت ..نزلت عيونها وقلبها يدق بسرعه ...

بو ماهر : ايوه روحي ياهواجس فهد ذوقه راقي وخذي معك نور تختار فستان لها هديه مني ..

هواجس ناظرت يزيد بعيون قويه : من نور..؟
ماتوقع نور ماهي بمتحمسه للملكه من الاساس انا اختار لها مايحتاج اخذها معي

يزيد داري ان نور مغصوبه عليه : قبل لانسى هواجس.. حكيت مع ابوك وقالي اقدر اطلع مع نور بفتره الخطوبه مثل ماحب ..

فهد ..حس هواجس الخجوله متغيره ..وصارت قويه ومايهمها شي حتى بو ماهر ماهي بمهتمه لوجوده ..

هواجس ماردت على يزيد لان نظرات فهد اللي فيها عتاب سكتتها ..
هي فاهمه نظرته عارفته مثل نفسها .. اسبوعين بس معه وقدرت تفهمه مثل نفسها ..
وياما جلست مع ناس شهور . ماقدرت تعرف وش فيهم..؟
(( لا يافهد بليز لاتناظرني كذا ..؟
انا مو كذا مو بهالحقاره ..ولا الجراه هذي انت اكثر واحد فاهمني ..
لكن مابيدي شي .. ماقدر ارجع مثل قبل ..
انا يوم عن يوم انكسر من جوا .. بسبب شايب متزوجني يمتع نفسه ويدفن شبابي ..
اناني يضن ان الفلوس هي سعادتي انا بنت الفقر ..
صحيح انها تشبع عندي رغبات واشياء كنت محرومه منها .. لكن ماعطتني حضن دافي ولا نظرات حنونه مثل نظراتك لي ..))

حست بريقها جف ودموعها تتجمع بعيونها .. فجاءه تفجرت مشاعر الانكسار بالاشهر اللي فاتت .. تجمعت لماحست بوجود الغالي اللي تهلوس فيه ..

رفعت الكاس الكرستالي المعبئ بالكولا وهي ترتجف .. شربت منه شوي تبلل ريقها ..

كان فهد يناظرها ونفسه ترفع راسها عن صحنها علشان يكحل عيونه فيها..
حس بقلبه يرجف مع رجفت ايدها بالكاس .. ماهي بقويه مثل ماتبين ..

بو ماهر سال فهد : الا ياولدي من يمسك شغلك هنا ..

فهد لف على بوماهر وابتسم بدون نفس ..لانه بعد ماكان يعتبر بو ماهر الحنون مثل ابوه صار يكرهه وعدو له
: القسم الرجالي ثامر واحد درس معي بايطاليا ورجع لرياض ماحصل شغل عرض علي يمسك شغلي ..وزوجته ماسكه القسم النسائي ..

بو ماهر : واللي بجده ..

يزيد : اما الفرع اللي بجده ماسكه صاحبي لوي واخته ساره ..
والمشكله عندي بفرعي اللي هنا ..بالشرقيه ..القسم الرجالي بيد هتان اما النسائي ماعندي حد يمسكه لي وهذ ا المشكله ..

يزيد وهي ياكل : يعني هاللحين مافيه قسم نسائي ..؟

فهد : اكيد فيه .. وحده شامي ماكنت حاب اعينها لكن ماباليد حيله ..

هواجس رفعت راسها : انا مستعده امسكه او اشرف عليه ..

يزيد وفهد وبو ماهر : كيف ...؟

هواجس ناظرت ببوماهر : ايوه انا اطفش وماعندي شي يشغلني .. ونور اللي تسليني بتتزوج .. وانا مستعده امسك الاداره ..

بوماهر ناظر بفهد ينتظر رده ولما شافه يناظر بهواجس مستغرب قال : لاتخاف يافهد انا ماعندي مانع دامه مثغل نثائي .. وبعدين انت مثهور وهذا ثي طيب ..
والاهم من هذا كله برتاح من حنه هواجث ..

يزيد (( غبي تتافف من حنه هواجس .. وفي غيرك يتمنى بس لحضه بقربها ))

فهد : ماتوقع انك تعرفي للازياء او لهذي الشغلات .. انتي ماصار لك شي بالذوق الراقي ..علشان تحكمي على شغل السوق م

قاطعه فهد : لااا بالعكس هواجس انسب وحده لهالشغل .. لانها بتكون بحفلات راقيه كثيره بتعرف الجديد ...

هواجس ابتسمت لفهد : حلو يعني ضمنت لي شغل ..بكره اذا اخترت الفستان تفاهمت معك هاللحين انا استاذن تامروا على شي ..

فهد ناظر بعيونها اللي فجاءه متلت بالحزن : لا سلامتك ..

بوماهر: لاتنسي الحلى والشاهي ..

يزيد : ولاتنسي الشيز كيك بالتوت .. فهد تراه يعشق التوت هالخكري هههههه

فهد : ههههههه

هواجس طلعت بسرعه وهي تمسك دموعها : جهزي الحلى والشاهي ولاتنسي التوت ..

وركضت بسرعه لفوق ماطلعت بالاصنصيل استخدمت الدرج ...
اول مادخلت غرفتها الفخمه اللي صارت سجنها بكت من قلب ...

رمت المخدات على الارض مقهوره : ليييه ياربي انا كذا ..؟
ليه حظي كذا .. يارب اموت وارتاح ...
حسبي الله عليك يايبه حسبي الله عليك ..
الله لايحللك ولايبيجك دنيا واخره ..

• ليه ياهواجس قلبك اسود كذا .. وين طيبتك وضحكتك الرنانه ..
تضني فهد بينبسط اذا عرف بحالك او ناظر شكللك كذا ...

**********************
عشاق من احفاد الشيطان ... روايه رومنسيه ... خياليه
**************************

سجى اخذت من ربى وعد تزورها مره ثانيه حست ان الدم رجع بعروقها لما شافت ربى اختها ..

ربى : والللللللله وعد خلااااص باقرب فرصه بكون عندك ..

سجى : تكفين ربى الله يعافيك لاتنسيني ..

ربى ابتسمت من قلب : والله بزورك .. كل اسبوع انا عندك .. لكن هاللحين اتركيني اطلع ..

سجى باست اختها بقوه : اوكيه اشوفك على خير باي ..

ربى : باي

سكرت سجى الباب ولفت على البيت الصغير .. ناظرت بالساعه 2 بالليل ..
اهل تركي طلعوا بعد فتره من وصول ربى ..
ماتدري تركي فيه او طلع .. واغلب الضن انه لحقهم ...
(( اريح منه ومن وجهه ..))

ناظرت بالبيت كيف قذر من بزارينهم وهي اللي بتنظف .. والمجلى ممتلي بالمواعين
: والله ماحرك شي اللي وصخه ينضفه .. جد ناس ماعندها دم ..

فصخت كعبها وطلعت الدرج بتعب ترفع فستانها الاسود اللي تبغاه شي واحد بس .. السرير ..

دخلت لغرفتها ورمت الجزم على الارض بقوه .. سجبت الروب من الشماعه وشغلت النور .. انصدمت بشكل تركي نايم على سريرها ..

ضنته مو فيه طلع .. اثاريه ماخذ راحته بغرفتها ..

وقفت متوهقه وش اللي تعمله تصحيه او تتركه يكمل نومته ..(( حرام بكره عنده دوام .. وشكله غرقان بالنوم ..))

تركي حس بازعاج لف وغطى نفسه يبعد النور المزعج مرتاح بالنومه ..

سجى لما شافت حركته طفت الانوار وقبل لاتطلع وقفها صوت تركي : انتي وش مجيبك هنا ..؟

سجى شغلت لانوار : انت اللي وش مجيبك غرفتي ..؟

تركي ناظر بالغرفه .. وبالثوب اللي نايم فيه ..: ايوه صح راحت علي نومه ..
كم الساعه ..؟

سجى (( يقهرررررررررررررر ولا كانه عمل شي .. ومتى مايحب يحكي يحكي .. ومتى مايحب يسكت يسكت ..))
: الساعه 2 ..

تركي : يالليل كل هذا نوم

صرقع رقبته واصابعه وهو يتمدد : جهزي لي شي اكله ..

سجى ناظرته : ياربي فيني النوم اعمل لنفسك .. والا دق على وحده من اللي مايعرفوا الا يوصخوا البيت وينقلعوا ..

تركي ناظرها فتره .. ماهو برايق لصراخ وهواش .. وبالاخير تبكي وتعور قلبه ..

وقف وطلع من الغرفه .. لكنه قال وهو يمر من عندها : مشكوره مابغى منك شي ..

سجى سكرت الباب بقوه اول ماطلع .. وجلست على لسرير اللي كان نايم فيه ..(( آآآه كان هنا بمكاني هذا ..
آآآآآآآآآآآآآآآه لو اني داريه من زمان عزمت ربى ..))

لفت ترقص مبسوطه اليوم جئيت ربى رفعت من معنوياتها كثير ...
: شوف الواوه بوس الواوه .. واوه واواه آح ..

رمت نفسها على السرير مبتسمه وتعبانه تبغى تنام ..

عدلت جلستها و رفعت الغطاء وشمته : آآآآآآآه يازين ريحته ..

فتح تركي الباب بسرعه وشافها وسمع اخر حكي ..

سجى رمت الغطاء بسرعه ووكانها حراميه صادوها متلبسه ..وحست خدودها حاره ومحمره ..
ماقدرت تناظر تركي اللي من شكله تغسل بعد النوم ..

تركي ناظرها مصدوم ضن انه يتوهم .. حس بمشاعر غريبه من حركتها هذي ..
قال ببرود وجفاء : جوالي نسيته هنا ..

سجى سحبت الجوال بسرعه من تحت المخده واعطته اياه .. وهي ساكته ..
منحرجه من الموقف اللي صار لها اكيد هاللحين نفخ ريشه وصدق نفسه ...

تركي اخذ الجوال وطلع ساكت .. نزل لتحت مبتسم ..
كذا حس انه رايق ومبسوط ..
ناظر بالبيت الوصخ والمزبله من بعد عيال اخواته ..(( ياربي سجى تستاهل اللي اعمله معها والا لا ..
لو اني ماشفتها بعيوني بالحفله ..
ومع عمر كان كذبت اي شي عنها ..
هذي بيبي برياءه .. وعفويه ..
يارب ريحني من العذاب هذا ..))

دخل للمطبخ دور له شي ياكله ماحصل .. : يالله نشبه والله جوعان والمطاعم ماتوصل هاللحين ..
ومافيه شي ينوكل ..

اخذ له قطعه كيكه من الثلاجه مايدري من وين جاءت ..لكنه ذاق مثلها ببيت متعب يعني ربى هي اللي ملت الثلاجه من الاغراض هذي ..
(( يووه ياسجى كنتي اميره عند اهلك .. اكيد انك دلوعتهم واخر العنقود وماذقتي الجوع بيوم .. ))

شغل له التلفزيون يتفرج على شي بدل الطفش ..

حياته تغيرت بس تزوجها ..
من البيت لدوام ومن الدوام للبيت ..
علشان مايعطيها تلعب بذيلها ..
هذا اللي يوهم نفسه فيه والا الحققه ..
صار يحب البيت وله طعم بوجود المشاغبه فيه ..

........**............

سجى على جلستها تلعن نفسها ليه حكت بصوت عالي وعملت هالحركه ..

ناظرت بالبطانيه وتذكرت ان تركي كان من دقيق متغطي فيها ..

حست بتانيب الضمير هو جوعان وماكل شي من الغداء .. لا وهي مطنشته ..
(( مسكين تركي .. ما ضغط علي اعمله اكل ..
اكيد متوهق هاللحين ))

ماقدرت تدوس على قلبه وتتركه ..
نزلت لتحت وشافته بناظر التلفزيون بممل وياكل من الكيكه .. وقفت بترجع .. كيفه لو هو ماهتم فيه ..

لكن تركي لف عليها يناظرها ..

سجى احتقرته ودخلت للمطبخ ..

تركي (( ايش فيها هذي ..؟ ))
رجع يكمل الفلم طفشان وعنده فضول يعرف وش عندها بالمطبخ ..

بعد ربع ساعه ..وقف بهدو ء لعند المطبخ ..

ناظر سجى بفستانها الاسود المتوسطته شريطه فوشيه عريضه .. قصير لنص الفخذ ..
تقطع بصل و مشروم ..

شعرها على وجهها بنعومه مع قصتها الغريبه الجذابه ..

حس ان قلبه نبضه تخربط .. فيها النوم وتغالبه علشان تعمله شي ياكله ..
كسرت خاطره ومال قلبه لها اكثر ..
: نانه .. ايش تعملي ..؟

سجى طاحت السكينه من ايدها ولفت عليه خايفه : يامامي .. ارعبتني

تركي (( دخيل الدلع انا ..)) قال ببرود على قد مايقدر : ارعبتك يابنت المامي .. والا انتي اللي مادري وش عندك بالمطبخ هالوقت ..

سجى ببراءه : مو لي لك مو انت جوعان ..

تركي بدون نفس : لااا مابغى منك شي

سجى غضت شفايفها : آآف مو انت حكيت لي فوق جوعان .. ياااربي لما سلقت المكرونه وبديت اقطع البصل تقلي ماتبغى ..

تركي قلدها بالدلع والطريقه الطفوليه : ياااربي لما تعبت حالي تقلي ماتبغى ..

سجى ناظرته مقهوره : انا مو كذا احكي .. ناظر نفسك كيف تحكي بعدها تتريق على غيرك

تركي (( هههههههههه البزر انقهرت .. اوكيه اذا ماهبلت فيك ...))
ردد حكيها وهو يمد الكلام اكثر دلع وببرود : انا مو كذا احكي .. ناظر نفسك كيف تحكي بعدها تتريق على غيرك

سجى انقهرت من قلب .. وتخصرت : لااا مو كذا انا حكي ..

تركي تخصر مثلها :لاااا مو كذا انا احكي ..

سجى غرقه عيونها ومدت بوزها : سخيف ..

تركي ببرود اعصاب : سخيف ..

سجى : لاااا مصدق حالك ..- تقلد صوته الخشن .. لكن طلع ناعم لان صوتها هادي – اقول بو الهش انتم بالبر والا وين .. ياللليل طالعين لثمامه بدوني ..

تركي ماقدر يستحمل شكلها وهي تقلده يموت من الضحك : هههههههههههههه .. هههههههههههه

سجى ابتسمت مع ضحكه .. عيونه تتجعد اذا ضحك وغميزته تبرز .. شكله يجذب اكثر ..

تركي : والله رهيبه لكن ماتعرفي تقلدي ابدااااااااا

سجى بغرور مصطنع : لا اعرف دايم اسمعك تحكي كذا ..

تركي سكت يتاملها (( خساره ياسجى .. لو ان الظروف اللي جمعتنا غير ...))

سجى ارتبكت من تاملاته .. ولفت تكمل شغلها و تصرف الموضوع ..

حست بتنفسه قريب منها وانه وراءها بالضبط .. قلبها دق بسرعه وصدرها طلع ونزل من الانفعال تركي وراها بالضبط ..

تركي بهدوء : وش ناويه تطبخي لي ..

بلعت ريقها من كلمة لي حستها حلوه على لسانه ومنه هو بالذات .. كانت تبغى تقول له اطبخ لك اللي تامر عليه انت بس تتدلل ..
قالت بصوت ضايع من الحياء : فيتوشيني ..

تركي : اوووه فيتوشيني .. وهذي من وين تعرفي تعمليها ..؟

سجى قدمت لقدام ولزقت بالطاوله تبعد عنه : من ايطاليا .. اذكر اني ناظرت طباخ وهو يعملها .. وربى جائبت معها الكتاب اللي اشتريناه منه ..

حكت كلام كثير ماتدري وش هو بالضبط .. المهم تحكي تبعد توترها ..

تركي رجع شعرها ورى اذنها بنعومه وهو يهمس لها : وهذا الطباخ مزيون .. تعرفيه .. كيف علاقتك كانت فيه ..؟

سجى وقفت ايدها عن التقطيع وكرهت نفسها .. ضنت بضحكه من تركي خلاص لكن هو ماياخذ الموضيع ببراءه ..

جرحها بكرامتها للمره الالف..
وطعنها بشرفها للمره المليون ..

تجمعت الدموع بعيونها وقالت بصوت مرتجف : ابعد عني ..

تركي ابتسم بالم .. مايقدر يثق فيها .. او يسمع حكيها ببراءه ..
ضيع لحضه حلوه من ايده ..
ناظر بايدها الماسكه بالسكين وترتجف .. جرحها .. خدر احساسها بالحياه من حكيه ..
: قلتلك يا نانه .. انا وانتي مستحيل نجتمع ..

بعد عنها وترك المطبخ كله .. رجع تلفزيون لكن ببال ثاني وهم اكبر ..

سجى تركت السكينه من ايدها وركضت لفوق .. دموعها مغطيه على وجهها ماقدرت تناظر بتركي لانه قتل المشاعر الحلوه اللي بداخلها ...

**********************
عشاق من احفاد الشيطان ... روايه رومنسيه ... خياليه
**************************

4 - 2 - 2012, 03:40 AM

**********************
عشاق من احفاد الشيطان ... روايه رومنسيه ... خياليه
**************************

اليوم الثاني ..

فيصل (( ماصدق ..
لمستشفى المجانين هذولاء اهلها كيف يفكروا ..؟ ..
يالله مو لهذي الدرجه ..
كل منها ام رياض السوسه اختي الجازي هذي كيف تفكر .؟
لااا وام جراح امي هي السبب .. بتحرمني من القمر ..))
صرخ داخل سيارته : انا لازم اتصرف ..
لكن اتاكد من الخبر قبل ...
واقنع امي تخطبها لي .. وبعدها يصير خير ..
المشكله امي وش يقنعها وهي شافتها بالعزاء ... آآآآآآآآآآآآآآآآف ..

**********************
عشاق من احفاد الشيطان ... روايه رومنسيه ... خياليه
**************************

وعود مانامت من امس تحس بصداع فضيع يكسر راسها ..
الم يشد كل اعصابها ..

طفت التلفزيون ودخلت للمطبخ عملت لها كوب كبير من القهوه الساده الثقيله .. يمكن ترتاح ..

طلعت تتمشى بالحديقه لكن غيرت رايها وجلست بنفس الطاوله اللي جلسوا فيها رياض وكاترين امس ..

الجو صباح وشتاء كانت دفيانه بالملابس الثقيله الرماديه .. داخل البيت لكن لما طلعت بردت .. كسلت تدخل تبدل او تدفى ..

تكورت على نفسها وفتحت شعرها يدفيها ..

اخذتها الافكار اللي حرمتها من النوم ..
واهمها ..
تاكدت ان حياتها مع رياض مستحيل تكتمل ..
ايام قليله معه ماتنعد وتحس جبال الارض على صدرها ..
تغار من كاترين تسمع سواليفهم وضحكهم وتسكت ..
ماتعودت تكون ضعيفه او سكته هو يذلها بهذي الطريقه ..وهو قالها بوجهها تزوجتك اذلك ..

وقف رياض خيله قريب من عندها .. وسحره شكلها الجذاب ..
قال بغرور وصوت متعالي : عهد مادري وعد ..وش عندك هنا على هالصباح ..؟

وعود رفعت راسها وانتبهت برياض وهو على ظهر خيل اسود لونه اسووود مثل لون شعرها الليلي ..
شكله فارس بن فارس ..
مافكرت بهالاشياء اللي فكرت فيه شي واحد .. حتى اسمها مايعرفه ...
كملت شرب لقهوه الساخنه وهي ساكته ماردت عليه ..

رياض تنرفز منها ماقد شاف مثل غرورها : انتي هيييه احكي معك ..

وعود ببرود : سمعتك وماعندي رد .. لان اسمي وعود .. واو .. عين .. واو .. دال .. وعود .. اذا ماتعرف تنطقها يعني ..

رياض ناظرها بغرور وهو على خيله ..
بنطلون كحلي ضيق .. جزمه بوت طويله سوداء ..
جاكيت ثقيل احمر مع قبعه خيل سوداء ..
شكله من الخياله والفرسان ..
: مايهمني وش اسمك ..؟ المهم هذا انفك انزله للارض ..

وعود رجعت ظهرها وسندته للكرسي ..
راسها يالمها صداع يقطع جسمها ماهي بفاضيه له ..: آوووه بتتعب كثير

رياض ابتسم بثقه وهو مقهور منها .. ثقتها الزايده بنفسها تحسسه بالنقص .. ماقد حس انه ناقص كذا ..

وعود لفت عليه وتذكرت نور وملكتها ..: صحيح قبل لانسى - ترددت شوي لكن كملت - ابغى انزل لشرقيه اليوم

رياض : والمناسبه ...؟

وعود تكره تطلب منه شي : نور بنت خالي ملكت وخطوبتها بكره ..

رياض باستهزاء : اووه خطوبتها ... لا ... مافيه نزله لشرقيه ..
مايستاهل تتركي هنا علشان خطوبه .. و اكيد يابالسطح او الحوش او الخيام ..

وعود انقهرت منه ووقفت رايق على الصباح يتسبب... عارفه انه بيمنعها وماحكت معه الا علشان خاطر نور .. : اوكيه مولازم انزل لشرقيه .. - مشت لداخل وقفت شوي ناظرته باحتقار وكملت - على فكره نور زوجها يزيد الخلد اذا تعرفه .. وماتوقع انه بيعمل ملكته بالسطح او الحوش .. محنا من العصور المتخلفه مثل ماتضن حضرتك ..

رياض (( لا في تطور انقهرت وردت .. هذي قطعه الثلج اللي ماتحس .. لكن انا اللي بخليك تصرخي وتذوبي .. شوف كيف بتباني خوافه من الخيل ..)): وين داخله ..؟ ماتبغي تركبي خيل ..

وعود تذكرت جده لما ركبوا خيل مع اهلها وانبسطت معهم .. قالت بثقه : اكيد ابغى ..

رياض (( هذي ايش حتى الخيل تبغى تركبه لكن بادبك انا ..))
نزل من خيله الاسود العنيد وابتسم بخبث ..(( الجامح خيلي العنيد ... من يقدر يروضه .. اكيد بيرميك بالارض ههههههه)): انتبهي تراه عنيد ..

وعود رفعت نفسها لفوق الخيل بعد مامسكت بالسرج ..: لا انا انفاهم معه ..

اول ماستقرت وعود بالخيل .. رجع الخيل على ورى و رفع رجلينه اللي قدام على فوق ..تمسكت فيه وعود اكثر وهي تذكر الخيل اللي بجده علمها صاحبه او السايس كيف تروضه بسهوله ..

ضل يحاول الخيل ينزلها من على ظهره وهي متمسكه فيه ..وتمسح هعليه تهديه وتحسه عنيد مثل رياض.. لكن اذا قدرت عليه بتكسر عين رياض وانفه ..

رياض توقع انها تطيح على الارض باي لحضه الجامح كان معصب ويبغى ينزلها من ظهره .. ماصرخت ولا بكت مثل كاترين اللي تخاف الخيول ..
هذي قويه ماتهاب الخيل العنيد ..
(( ياليته يطيحك على ظهرك وارتاح منك ..وتنكسر شوتك ))

لحضات الا الجامح يمشي بهدوء ووعود على ظهره بثقه ..ابتسمت بانتصار لرياض : ها ايش رايك .. تفاهمت معه صح ..

رياض ناظرها بانبهار قوتها جذابه .. شخصيه واثقه قويه بدون ماتكون متسلطه ..

ركضت بالخيل لبعيد وشعرها الاسود بلون الليل يتحرك معها ..
ساحره بجمالها .. يحسها فتنه على الارض .. كل ما زادت قوه زاد هو عناد وانجذب لعندها اكثر ..
كره الدلع والمياعه اللي بكاترين .. حب الانوثه والثقه اللي بداخل وعود ..
جزء منه تكمله قوتها ..

اشر لها توقف ..

وعود كانت مبسوطه على ظهر الخيل والاهم من هذا كله ادبت المغرور رياض ..
كانت بتعاند وتطنش تاشيراته .. لكن البرد دخل بعظامها ..
ونزلت من عند الخيل ميته برد ...تصك اسنانها ببعض : الجامح والجامح قلت هذا بيرميني ويرفس فيني ..

رياض مسكها من ايدها معصب وسحبها لداخل البيت

استغربت من عصبيته كل هذا علشان خيل .. : ايدي ..

رياض ناظرها من فوق لتحت : اقسم بالله انك بنت ابوك ياوعود ...(( محد بيهبل بي غيرك .. حمار يعقوب اللي تركك .. ))

وعود ما فهمت عليه يسبها يمدحها لكن مشت معه لداخل بيتهم وغرفتها بالتحديد ..

.. ممنوع ×× مشفررررر ×× رقااااااابه ...
...."محذوووف " ..." مشفر " ... " رقابه " .......

**********************
عشاق من احفاد الشيطان ... روايه رومنسيه ... خياليه
**************************

احمد بصوت مبحوح وماهدى من البكي ..ايوه .... بكى اذا ما بكى نجلاء من يبكي ..: ومن دفنها ..؟

لمى : اخوانها ..

احمد هز راسه وهو سااكت ..

لمى متعلق فيه وسانده نفسها عليه ماصدقت ان عمها بعيش ..ابتسمت له من قلب : الله لايحرمني منك ..؟

احمد : ياليتني كنت مكانها .. ليه ليه عملت كذا .. ليه تموت وانا اللي اعيش علشانها ..

لمى تنهدت : عموا خلاااص لاتضايق نفسك ..

احمد بضيقه : متى بطلع من هذي المقبره ...

ناظرت لمى بالمستشفى وهي طفشت منها اكثر منه : اليوم ودكتور مشعل يقول من هاللحين تقدر تطلع ...

احمد بحقد : دكتور مشعل .. انا له هذا الدكتور مشعل والله مراح ارتاح ولا يغمض لي جفن الا لما انزل راسها بالارض ..واناظره وهو يتبهدل بالسجن ..

لمى: ليه الدكتور كان متعاون وحب

قاطعها احمد : لمى انتبهي من هذا المشعل وياويلك اذا قربتي منه

نزل من سريره وحقد الارض كله بقلبه على مشعل (( انا اللي برجع لك كرامتك يانجلاء .. انا اعرف كيف اتركك ترتاحي بقبرك وادفنه بجنبك قريب ان شاء الله ...
واذا بعيش بعيش علشان انتقم لي ولك منه .. لكن قبل لازم اوصل لاخوانك باي طريقه .انا اللي بعلمك يامشعل الزفت كيف تكون شياطين الانس .))

× ايش براسك يا احمد ..؟
× كيف تاثير موت نجلاء عليك بعد مانزلت اول دموع بحياتك من بعد المراهقه ..؟
×ياترى بتقدر تعيش وتكمل للحضه اللي تذل فيها مشعل ..؟

**********************
عشاق من احفاد الشيطان ... روايه رومنسيه ... خياليه
**************************

المواضيع المتشابهه لموضوع: عشاق من احفاد الشيطان لموضوع: عشاق من احفاد الشيطان
الموضوع	كاتب الموضوع	المنتدى	مشاركات	آخر مشاركة
مسلسل ميراث الريح كامل بدون فواصل قصة احفاد ابليس كاملة	حنين الأشواق	همس للافلام والمسلسلات	1	28 - 11 - 2021 04:08 AM
عشاق الليل‎	سجات التهاويل	نفحات اسلاميه	4	25 - 1 - 2015 06:35 PM
وحلمنا ننا عشاق	كابتن محمد المصرى	همس عذب الكلام والخواطر المنقوله	7	17 - 10 - 2014 10:32 AM
كلنا عشاق	سجات التهاويل	همس الشعر والقوافي	7	6 - 10 - 2014 11:22 AM
كلنا عشاق و لكن	الصافي	همس عذب الكلام والخواطر المنقوله	18	5 - 7 - 2013 04:01 PM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عشاق من احفاد الشيطان

همس للقصص وحكايات وروايات