عشاق من احفاد الشيطان

4 - 2 - 2012, 11:09 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

من يقول ان الحق كذبه ..
من يقول ان لعدل مفقود ..

من يقول ان القلب ماينسى من حبه ..
ويزحف لجل يرجع حق مغليه ..

من يقول ان حنا مو ببلاد الخير .. والعدل والنور ..

من يقول ان الواسطه حل وان العدل غايب ...

.
.
.

ضم المحامي بحماس وهو مافي بلسانه غير الحمد لله الحمد لله ..

خلاااااص الحق بان ...
وبهت البطال ..

بهالشهر الكريم بانت الحقيقه ..

وانسجن مشعل وابوه ..

سجد سجود شكر لرب العالمين .. وهو يبكي نجلاء اللي ضاعت منه ..

ررفع من السجود ولسانه يكبر للحق : الله اكبر..

اليوم انتصاره على اعدى الانسانسه غيررر عن اي نصر ..

مايصح الا الصحيح ..

كان مفروض من زمان اتبع هالخطوه ..

صحيح من شهور يركض ويطالب ..

لكن صدق من قال "ماضاع حق وراه مطالب .."

دق على لمى بمصر بسرعه يبشرها ...

واي بشاره هذي اللي لو نجلاء عايشه ان بكت منها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

اليوم اللي بعدوا ..
بشهر الخير والبركه ..

روان على السرير تتحرك ببراءه الاطفال ..

شموخ عيونها عليها ..: مااااما رونو.. اجلسي لاتطيحي ..

روان كانت تحبي وتحاول تنزل من السرير ..

جلستها شموخ على السرير واعطتها لعبه تنشغل فيها : العبي لاتنزلي ..

روان ناظرت شموخ ببراءه : مااااما ..

شموخ : لااااا اجلسي ..

شموخ تدري ان روان تفهم عليها ولو حاولوا ايش يقولوا انها معاقه وكلام كثير مراح تصدق ..
هذي الملاك البرياءه ذكيه مو غبيه ..
صارت كبيره وتحبي .. وبانت الاعاقه بوجهها كثير .. بس تحبه وتشوفها اجمل وجه ..

لبستها البينك لونها .. فستان قصير وشراب مع جزمه ناعمه .. وشبتت فيونكه صغيره مره على جنب بشعر روان الناعم ..
عطرتها وكشختها وجلستها .. علشان تقدر تلبس هي ..

هي لبست فستان حمل بنفسجي غامق مره لفوق ركبتها ..
مرت شهور على حملها وبطنها لحد هاللحين صغير بس بروز .. من رشاقتها مايبان بطنها ..

لبست جاكيت اسود ثقيل علشان البرد ..
ماحطت اي مكياج بوجهها ..
رفعت شعرها بفيونكتين بسيطين على جنبين من كثافه شعرها الكستنائي ماينفع واحد ..

غرقت عيونها وهي ترتب شعرها تذكرت حكي فيصل لم قصته ..
ليه انا بلحق اشوفه اذا طول ولا لا ..

فزت بمكانها من قوه فتحت الباب وصرخت سامي : ماخلصتي ..ههههههههه ليه خفتي ..

شموخ : من جد ماعندك سالفه كذا تدخل خوفتني وخوفت البنت .. انا حامل والا نسيت ..

سامي : ههههه لااا مانسيت – رفع روان وبوس فيها بقوه – وحشتني عموووو ..

شموخ ابتسم وهي تتخيل ان ريان هو اللي رافع روان ويبوسها بمثل حنان سامي .. : مره ثانيه دق الباب لي خصوصيتي ..

سامي : اوكي ياخصوصيه ما خلصتي بنتاخر ..

شموخ : لااا خلصت..

سامي استغرب : وجهك اصفر حطي شي فيه ..

شموخ ابتسم : اول شي انا بالعده .. ثاني شي انا ارمله .. ثالث شي حنا برمضان ..

سامي : رابع شي تااخرنا على اهل ندوش يله ..

شموخ اخذت عبايتها وطلعت معه بعد ماطفت الانوار: سام وش احساسك وانت رايحه لببيت اهل خطيبتك ..

سامي تنهد : مو بيت اهلها هذا بيت خالها هي مطروده من بيتهم .. وبعدين اي احساس بيجي لي وانا بالي مع ريان اليوم مرافعته بدايه طريق براءته ان شاء الله ..

شموخ حطت ايدها على قلبها ..اليوم .. اليوم ريان بيكون بموقف لايحسد عليه ..
يايكرم او يهان ..

ارتبكت واخذت روان من سامي ضمتها بقوه تدور فيها ريحته .. بيطلع والا لا ..
وش بتكون رده فعله اذا طلع وشافها ..
رجعت لتحت رحمته من جديد .. وزياده مع ضيف من فيصل ..
صحيح ان بو فيصل فاتح ذراعه لحفيده وله مصروف من هاللحين وضمانات ومكان بحلال ابوه فيصل ..
..بس مو لها مو فاتح اذرعه لها .. هي مربيه لهم .. وكرامتها ماتسمح لها تكون كذا عند انسان مارحم ولده بيرحم حفيده وامه..

سامي كان همه ثقيل قطعه منه تتعذب فاقد اخوه ..
فاقد صوته وتعبيست وجهه ..
هذا او رمضان يمر عليه بدون ريان وباقي اهله نجلاء وابوه ..

.
.
.

هواجس ونور مشغولات بالزينه ..

الميك اب .. بانواعه مرمي على التسريحه وهم متحمسات ..

اهل سامي بيجوا اليوم .. واللي يعرفوه عن شموخ انها جميله ..
وهم شافوا بعيونهم اناقتها وجرائتها باللبس ومافيه حد احسن من حد..

مابالغوا بلبسهم .. بس تانقوا بشكل ملفت ..

هواجس كله ساتر علشان ماتبان حروقها .. لبست هاينك بني وعليه بلوزه ورديه خفيفه تنلف باناقه ..وبنطلون مرتب ..

اما نور .. تنوره لفوق ركبتها مكسره بترتيب ..كسرات كبيره وقليله ..بلون الابيض ..
وبلوزه رسميه بالوان مختلطه بين السماوي والازرق والبحري والذهبي ..برسومه انيقه ..

ندى جالسه على السرير تناظر بحماسهم ومالها خلق شي ..

ام نواف : يمه ندى البسي اهل زوجك انتي مو اهل زوجهم هم ..

ندى تنهدت : مو لازم ..

هواجس : قومي الله يفضحك ..

ندى بطفش : يعني كانهم اول مره يشوفوا خشتي .. دارين من انا ..

ام نواف مسحت ظهرها : ماعليك ازمه وتعدي ابووك مصيره بيرضى ..

ندى غرقه عيونها : فال مايبغى يشوف وجهي وغاضب علي ..

ام نواف بحسره : محروق قلبه واعذريه باذن الله بيرضى عليك ..

نور : بس مانصحك توريه خلقتك لانه مايثق فيك بعد ماخنتيه ..

هواجس عصبت : نوير ياحلوك ساكته ..

ملاك فتحت الباب متحمسه : وصلوا الحرمتين .. عندهم بزر مرره صعنونه ..

هواجس : دخلوا ..

ملاك : لاااا بس شفت سيارتهم ..

نور وندى وهواجس ركضوا لنافذه ..

ندى : زووجي ابعدوا ..

ناظروا بالشارع ..
سامي رافع بنت صغيره ويضحك للحامل اللي بعبايتها ..
وهي تبغى تاخذ منه البنت الصغيره وهو مو راضي ..والصغيره متمسكه بسامي وتضحك له ..

هواجس : يهبل زوجك أحلى منك ..

ندى ضربتها وهي تحس بالغيره : هووواجس

نور ببلاهه : من هذي بنته ..؟!

هواجس : يالبقره اي بنته .. هو بكر ..

ندى:اما بكر هههههه – اختفت ابتسامتها و سكتت شوي تذكر الفيديو .. تعوذت من الشيطان ولفت وجههاا تبعد الشيطان عنها - هي بنت اخوه ..

حست بالضيقه فجاءه وعيونها غرقه سكرت الستاره وبعدت ترفع الملابس علشان ماتبين لهم ضيقتها : ياووويلي مالبست ..

نور عصبت : هاللحين حسيتي يله بسرعه البسي مو حلوه ينتظروا تحت ..

ام نواف: انا بنزل استقبلهم مع امكم بسرعه عجلوا لاتفضحونا مابقى على الاذن الا ربع ساعه ..

هواجس : خذيني معك خالتي هذولاء مطلولات ..

نزلوا لتحت ..

ندى تنهدت بضيقه ..مخنوقه ..

نور : وش فيك ..؟!

ندى ارتبكت وقالت ببرود : عندي احساس مراح اطيق هالشموخ ياشين غرورها

نور: معك حق تذكريها وووع ..

ندى : لااا واللي قاهرني تفتش عند سامي ..

نوربصدمه : من جدك ..؟!لا بالله راحت عليك يانديه ..

ندى : هيه لاتزديها علي .. اتركيني بحالي .. الا وش رايك تنقلعي لتحت على مابدل ..

نور : ندووش ..ضفي وجهك ...

اندق جوال ندى ..

ركضت له نور : سامي سامي ..

ندى : لااا مو سامي ... سامي عنده مرافعه مع اخوه

نور ناظرت الشاشه : وعود ... – ناظرت ندى بخبث - اي يالخايسه كيف عرفتي انه مو سامي .. ومن الحب ماقتل ..

ندى : هههه بايخه مايبغالها ذكاء مو نغمته ... – سحبت الجوال وردت – هلا وعيده وانتي بالك معنا

وعود : ههههه والله قلبي وبالي وش عملتوا وش قالوا لما شافوك .. امه كيف حكت معه ..

ندى : مانزلت مابعد البس حتى خذي نوير تعطيك التقرير لاتاخريني ...

نور : الوووو حرم رياض ..

وعود: ههههه هلا فيك حرم يزيد وش الاخبار عندكم ..؟!

نور: لهالحين مستقره ..بس في عواصف بالجو ..

ندى : هههه تكفين .. لفي بس لفي ببدل ..

وعود : التقرير بسرعه..
شموخ كيف حالها بطنها كبر والا لسه ..

.

.

.

اما بالدور الارضي داخل مجلس الحريم ..

ام هواجس : يالله انك تحيهم ..

ام ريان : الله يحيك ..

ام نواف : والله من زمان اقول لندى كلميهم يجوا عطيني رقمهم من سامي .. وهي موراضيه تقول مو فاضين ..

شموخ بهدوء : لااا من زمان متشوقين نتعرف عليكم .. بسم الله مشاء الله وعود عسل الله يحفظها .. ماقصرت معي بايام – سكتت شوي – وأنا بالرياض قلت لماما لاتخافي امها وخواتها مثلها ..

ام حمد " الجده " : ايوه وعود تربيتي .. انا اللي مربيتها هي وندى ..

روان كانت خايفه مره وحاضنه شموخ بقوه .. ماتعودت تطلع ابدا او تقابل ناس .. ونظراتهم لها تضايقها بتبكيها ..
همست لها شموخ : رنوو ماما تعوري بطني ..

روان ناظرت فيها خايفه : مااامااا
ورجعت حضنت شموخ بقوه ..

ام حمد : هذي بنتك بسم الله عليها وراها دافنه عمرها في صدرك ..

شموخ ارتبكت وانحرجت .. هي صدق روان بنتها والا بنت ريان ..
ليه هي حاسه في فرق بينها وبين ريان ..
بلعت ريقها بصعوبه .. وحست بلسانها ثقيل ..
تدور على الرد لا مو بنتي بنت ريان ..
بس جسمها ماساعدها .. وش هالاحساس الغريب اللي جاء لها..
حلو وشين ..

كل هذي الافكار تجمعت بثواني قالت بارتجاف خفيف : لاااا مثل بنتي بنت ريان ولد عمي ..

ام حمد : اهاا يعني بنت زوجك ... ياحليها والله متعلقه فيك شكلك حنونه عليها ..والا تغار من اخوها اللي ببطنك ..

زوجك ..
اخوها اللي ببنطك ..
وش هالكلمات البسيطه اللي تقولها العجوز لشموخ وتكسر فيها اشياء كثيره ..
تاملها وتبني لها احلام وهميه ..

مسحت على شعر روان وماقدرت ترد لانها بتبكي ..
اول مره تحس دمعتها قريبه لعيونها لهدرجه ..
مثل ماكانت قريبه لخدها ونزلت بزواجها من فيصل ..

ام ريان ارتبكت لشكل شموخ وهي تعرف باللي بقلبها : لاااا يام حمد ريان ولدي مو زوجها زوجها متوفي الله يرحمه ..

ام حمد : متوفي يووه الله يرحمه .. هاللحين وشلون هو ولدك وهي بنتك وتتقول ولد عمها ..

ام ريان : يام حمد مثل الاخوان متربين مع بعض ..

ام حمد : بس ماهو باخوها حتى لو تربوا سوا ..

ام هواجس قالت باحراج من اسئله ام حمد الثقيله عليهم ..: ياحليها والله وش اسمها الصغيرونه وليه ماتناظرنا الشاطره

شموخ : أسمها روان ..

هواجس ابتسمت لشموخ وهي مرتاحه لها ماهي بمغروره مثل ماتوقعت حتى لبسها عادي .. : روان بنت ريان .. يعني تقارب اسما مختارينه ..

شموخ : لااا مو كذا – ناظرت بامها – الا ماما وش معنى اختاروا روان صحيح ..

ام ريان : من سام اختياره حلف ريان مايسميها الا سام ..

ام حمد : اعووذ بالله وش ذا سام ..

ام نواف : يمه سامي يدلعونه سام ..

ام حمد : ياااويلي بزر تدلعونه ..

هواجس نفسها تاخذ ام حمد من ملفعها وتجرها لبره كل مره ماتسمع بس اليوم سمعها قوي ...
: لالاااا مو بزر مثل ندى ندلعها ندووش ..

ام حمد ماعجبها عوجت فمها : حسره على حضنها بنت ولدي

ام هواجس تغير الموضوع : ماعلينا يام ريان .. قولي وشلون ربيتي توم وانتي موضفه مشاء الله ..

ام ريان: هههه معاناه وكنت اربي بعد توم ثانين شموخ واختها مروج ..

جلست بجنب شموخ عن سواليف الحريم .. : قالت لي وعود عنك وتشوقت اجلس معك ..

شموخ ابتسمت بتودد وهي متضايقه من روان وثقلها الخفيف عليها : من ذوقها والله وعود انا بعد حبيتها ..

دخلوا نور وندى بهدوء ...
كانت ندى مستحيه اول مره تحس بهالاحساس .. وش رد ام سامي وشموخ عليها ..
وسلمت عليهم ..بنعومه بعيده عنها ..

ام ريان حرجتها لما باستها بخدها بحب : بسم الله مشاء الله قمر ..

ندى حمرت خدودها وقالت بتودد : تسلمي ..

شموخ بصعوبه سلمت على ندى لان روان متعلقه فيها .. : كيفك ندى كيف صحتك ..؟!

ندى ابتسمت وهي فاهيه من عيون شموخ الرماديه وملامحها الدقيقه ..راااحت عليها اذا سامي يناظرها كذا ..
: كويسه وانتي كيفك ..

شموخ : الحمد لله ..- بعدت وجه روان عنها – رنووو حبيبي ناظري هذي زوجه عمو سااام ..

روان مارضت تلف ولاتتحرك ..

جلست ندى بجنب نور لازقه فيها همست : الله يخسها وش هالحلى ضعت فيها ..

نور: مشاء الله تهبل كانها البدر ..

شموخ تضايقت فكرتهم يحشوا فيها وروان .. ضمتها لها بتملك مايهمها من يحكي عنها ..
ابتسمت لندى : مشاء الله ندى تشبهي سجى مرره ..

ام ريان بحماس : وانا اقول من تشبهي بنت عمك سجى ..

ندى ابتسمت (( لاحقتني هالسجى بكل مكان ..))

شموخ دقت على سامي ..اللي بالمجلس ..

رد عليها وهو يضحك مبسوط مع بو نواف ونواف وخالهم سعيد : الو هلا ياحلوه ..

شموخ بهمس : هلاااا سام كتمتني روان متعلقه فيني تعالى خذها وجلس مع خطيبتك شوي ..

سامي : اوكي بجي اخذها بس ندى مابغى اشوفها مابغى افطر ..خليني صايم ..

شموخ : هههه اوكي تعال خذها بس ..

سكرت والتفت على هواجس : وانتي شكلك متزوجه

هواجس ابتسمت : مطلقه ..

شموخ انحرجت : اهاا .. واللي بجنب ندى البنوته ..

هواجس : نور اختي متزوجه ..

شموخ : جد ياحليلها مو باين ..

هواجس : ماصار لها سنه ..

وسواليف بينهم لحد ماذن .. وسامي طنش شموخ ماخذ منها روان مفتشل بين الرجال ..

بعد الفطور اندمجوا بالسواليف وصار الجو مالوف اكثر ..

سامي دق على ندى ماردت جوالها كان فوق .. دق على شموخ : الو ياحلوه ..

شموخ عصبت عليه : خير ..

سامي : ههههه والله فشله عند الرجال ..

شموخ : اوكي عذرتك وش تبي ..؟!

سامي : عطيني ندوشتي بحاكيها ..

كانو البنات او الحريم الصغار بجهه والكبار بجهه ثانيه ..

شموخ : لحضه – ابتسمت لندى – ندى ..

ندى كانت عارفه انه سامي ومعصبه منه يحاكي شموخ وصوت ضحكه واضح ولايحاكيها هي : نعم ..

شموخ مدت الجوال : سام يبغى يحاكيك ..

ندى اخذت الجوال علشان ماتحرج شموخ وسامي وماتحرج نفسها قبل : الو ..

سامي : افاا ندوشي وش هالالو ..بدون نفس وين حبيبي وعيوني ..

ندى بعدت عنهم : ليه ماكللمتني انا بجوالي تق على شموخ ..

سامي : كاني احس بغيره هنا ..تغاري علي ..

ندى : لاتغير الموضوع ..

سامي : ههههههههه دقيت على جوالك مارديتي ..

ندى فتشت جيوبها : اووه نسيته فوق سورري سام ..

سامي : سااام شكل اللي عندك عودوك ههههههه .. ياقلبي اطلعي انا بالحوش انتظرك .. اخذت تصريح من ابوك وخالك ..بسرعه ..

ندى : اوكي ثواني ..

رجعت الجوال لشموخ : تفضلي عن اذنكم ..

طلعت بسرعه بعد ماعدلت شكلها بالمرايه .. لابسه برمودا ثقيل مع بلوزه وجاكيت سبور ..

قلبها دق الباب بسرعه وهي تشوف سامي واقف عند شجر الحديقه الصغيره ..
مقهوره منه .. بكل شي ..
كلمه هواجس البرياءه لما تتريقه وقالت بكر .. وهي عارفه ان مليون بنت قبلها بحياته ..
علاقته مع شموخ الاخويه اللي ماتستوعبها ومو عاجبتها ..

التفت سامي وشافها واقفه تناظره : من متى انتي هنا ..؟!

ندى نزلت بسرعه من الدرجات متوتره .. شكله بالثوب والشماغ غريب وحلو ..
: لااا توني طالعه.. كيفك ..؟!

سامي تنهد وهو يجلس على الدرج ويجلسها بجنبه : لما شفتك صرت بخير ..

ندى ناظرت قدام وغرقه عيونها ..
ليه كان عنده علاقات .. ليه ..
ليه تحس بالشريط يمر قدامها ومايفارقها ..

سامي مسك ايدها البارده ولف وجهها لعنده : صغيرونتي ليه زعلانه ..؟!

ندى بغصه : سامي تحبني ..لما تحط راسك بالمخده تفكر فيني ...

سامي ابتسم بحنان : اموت فيك ..

ندى بضيقه : اجل ليه احس ان فيك شي احسك بعيد .. انت ندمت انك خطبتني ..

سامي ارتبك وبعد عيونه عن عيونها لشعرها : لااا وش هالحكي انا اقدر اتخلى عن هالشعر الاسود .. انت صرتي جزء مني وماتصور حياتي بدونك ..

ندى تنهدت بضيقه ماريحها حكيه : ناظرني ناظر عيوني ليه تتهرب ..

سامي حاول يكابروناظر بعيونها مبتسم .. لما حس بحبها له بعيونها بغيرتها عليه ..
اختفت ابتسامته وحس بالالم وانانيته .. ليه مايقدر يقول لها ..
ليه مايصارحها .. وهو متاكد من عقمه 90 %

سحب ايده وبعد عيونه وقف مرتبك : يله حبيبي انا تاخرت على ريان - باس خدها – تامري على شي ..

ندى تاكدت ان فيه وراه شي يخبيه وشي كبير بعد ..كل ماحاول يقول لها يرتبك ويسكت وش اللي وراه ..
ليكون متوهق بعلاقته مع وحده من اياهم ..
غمضت عيونها بقوه ..
وتعوذت من الشيطان هو حلف لها بالمصحف مايخونها لو بايش .. بس هي شافت ..

سامي حاس فيها بس قال بمرح : ادعي لنا ياندى ترى محتاج لدعائك ..

ندى ابتسمت ببرود وهي توقف : اوكي ..

سامي ضمها وكانه بيفقدها ..: بيبي لاتزعلي مني ولا تضايقي
.. بيجي يوم واشرح لك كل شي ..

ندى : يعني فيه شي ..

بعدها وهز راسه : ايوه وصدقني بتعرفيه قريب .. يله حبيبي مافي بوسه وباي ..

ندى لفت وجهها : لاااا .. وهالحيين تقولي ايش فيه .. احلفك بالله سام تقولي .. اذا تحبني جد تحكي ..

سامي حس باللحضه اللي كان خايف منها جاائت ..
قال بجديه وهو يلف وجهها لعنده : اسمعي بقولك اللي فيني وبعدها انتي لك حريه الاختيار تجلسي معي والا كل واحد بحاله ..

ندى حطت ايدها على قلبه بخوف ..وش المصيبه اللي بيقولها : ليه نفترق .. وش هالحكي ..

سامي ضغط على ذقنها : اسمعيني للاخر .. انا .. انااا ..
– اخذ نفس طويل وهو يغمض عيون .. فتحها وكانت تلمع بالم .. –
انا لما كنت صغير .. كان عندنا خدامه ..
- حس بالعبره تخنقه والضيقه تجي له ..مو وقتها ابدا –وانا كنت لعبه بايدها قتلت كل البراءه اللي فيني استقلتني الحقيره .. اكرررها

ندى كتمت شهقتها : يعني

سامي هز راسه : ايوه – بعد عيونه عن ندى – امي وابوي ماعملوا معها شي بس سفروها وانا ..
المهم انا كنت ضحيه

ندى تعاطفت معه ولما مدت ايدها و جئت بتمسح عليه تصبره .. بعد عنها سامي ..وهو يكتم رجفته وانفعاله ..
: لاتقربي اسمعي للاخر .. انا عقيم مافيني عيااااااال ..

ندى قالت ببلاهه : عقيم .. وش يدريك ..؟!

سامي : المستشفى بسوريا والسعوديه والدكتور النفسي كان متوقع ..

ندى عقدت ملامحها : دكتور نفسي

سامي اخذ هواء يملي رئته المكتومه : ايوه

ندى : ليه ماقلتلي ليه كذبت علي .. ؟! – عصبت - اهااا وانا اقول وش معجبه فيني ومتزوجنني .. وليه مناظرني بعد اللي مروا عليه ..
كذااب وحقير .. لاتضن بت فقر تلعب علي ..وم

سامي قاطعها : لاتفسري على كيفك انا حبيتك واخترتك .. واذا ماكنت تزوجتك مراح اتزوج غيرك ..

ندى : ايووه اللعب على بالشويتين هذولاء اللي قلتهم لمليون قبلي ..

سامي : ندى.. ليه معصبه كذا .. مخ

ندى : اطلع من هنا .. ابعد عن وجهي ..

سامي ابتسم وريقه جف : اوكي اهم شي راحتك .. بعطيك فتره تفكري واذا قررتي حاكيني ..

طلع بسرعه بدون ما يودعها وهو يقاوم الضيقه اللي بتجيه .. اول مادخل السياره وسكر الباب جئته الحاله وهو توقع انه خلص منهاا ...

.. ندى ماتبغاه يطلع.. ولا تبغاه يجلس .. مصدومه فيه ..

دخلت لداخل معهم طوال الوقت سرحانه ..وش القرار الانسب

**********************
عشاق من احفاد الشيطان ... روايه رومنسيه حزينه .. ... وخياليه
**************************

4 - 2 - 2012, 11:10 PM

لو جمعت عطفي وشوقي ولهفي ودقة خفوقي
يطلع الناتج أحبك..أحبك ماكذبت وربي فوقي

ايدها البارده ماسكه بايد وعود وربى ..وتضغط عليهم بقوه ..
ماهي مصدقه اللي يحصل .. هاللحين اهل تركي تحت خواته كلهم وامه ..
واخونه كلهم وخواله واعمامه من القصيم جائيين يخطبوها مثل اي بنت غاليه ومعززه مكرمه ..
عطاها كلمه وفاء فيها ..

ربى : هههههه اللي يناظرها يقول اول مره تعرفه ..

وعود : تقريبا ههههههه ..

سجى : اوووه ماني بناقصتك ..

ربى : يله تعالوا ننزل مو حلوه نتاخر اكثر ..هههههه .. قويه هاللحين انا مخطوبه بيقولوا ماتزوجت هالمخطوبه هههههه ..

وعود : لو انا منك ماطلعت لهم شكلهم نحس ..

سجى تنهدت : نحس وجه فقر بعد ..

ربى : يعني بترجعي تسكني معهم ..

سجى بثقه : لاااا ماما بتعطيني فله مثل فله متعب وبتعملي حفله ملكه ماحصلت ...بكسر عين كل وحده ضحكت علي ..

ربى : واااوو مقهوره

وعود : تحسيها تحكي من قلب ..

اهل تركي كانوا جالسين ومعصبين مو عاجبهم بس علشان خاطر تركي .. وعارفين انه بدونها كائيب ...
ماجاء من الحريم الا ام تركي وهاجر وسوسن وخالتهم دره بس ..
اما ارجال كل قصيمي يعز على تركي حضر ..

كانت ام رياض نافخه ريشها لابعد حد واثقه من بنتها ومقهوره منهم بعد ماحكت لها سجى ايش عملوا فيها ..

ام رياض : ومثل مانتم عارفين بنتي لها شروطها ..

هاجر : ايوه تفضلي ..

ام رياض : لها بيت لوحدها مستقل حكالي تركي انه مايقدر فانا بعطيهم هديه ..مو مشكله وشرط عليه محد يشاركهم فيه .. اخذته بمكان يليق بمستوانا ..

ام تركي تحتقر ام رياض .. : ايوه قال لنا تركي ..

خ.دره : بس ترى مهرنا مالها الا مئه الف ..

ام رياض ابتسمت بتكبر وهي تشفي غليلها منهم : لاتشيلي هم اعطيت تركي المبلغ يبيض الوجه علشان ماينقال اندفع لحفيدة الرالي مئه بس ..

خ.دره : يعني ماكانها جائتنا اول مره بولاريال ..

ام رياض : كان تواضع مننا وشكلنا غلطنا باختياركم .. بس هذا انتم رجعتوا وبشروطنا ..

دخلوا روابي وسجى وعود ..

وعود اول مره تشوفهم كانوا عاديين واشكالهم طيبه .. سلمت عليهم بتودد عكس سجى اللي جلست بدون سلام وربى اللي من طرف ايدها سلمت ..

ام رياض : تعرفوهم اتوقع بناتي ... و هذي وعود زوجه ولدي رياض ..
وعود هذولاء اهل تركي ..

وعود ابتسمت مقهوره على بنت عمها واشكالهم ماتبيين تصرفاتهم : هلا

سجى مايهمها الا تركي وتنتظر تسمع انهم ملكوا فيهم من جديد ..
قلبها يرقص من الفرح ..

.
.
.

تركي كان يضحك على ابسط كلمه يسمعها .. مبسوط لابعد حد ..
يحمد ربه ان محد اعترض على رجعتهم بالعكس رحبوا بالفكره .. الا رياض اللي مايعجبه تركي ابد ..

اما ابو رياض كان مبسوط بالجماعه الكثيره وتمنى ان اخوه حمد يكون موجود بس مو مشكله ..

ملك فيهم الشيخ من جديد واندفع لها مهر .. مئه من تعب تركي والباقي من امها ..

يحترم ام رياض كثير لانها تناظره رجال وتعامله مثل تركي ..

واكثر واحد استلطفه زوج ربى راكان باين انه محترم بعكس عمر اللي قبل ..

متعب هو اللي كان طائر من الفرحه .. رضى روابي عنه وتصديقها ..
ورجوع تركي لسجى ..
من فرحته اخذ السيف ورقص ..وقرروا يكون زواجه هو وروابي .. مع تركي وسجى بليله وحده ..
وش احلى من هالاحساس هو وصديق عمره يعيشوا نفس المشاعر وبنفس الليله ..

تركي : اقول ياعمي ..

عم تركي الكبير : هلااا ..

تركي : ابغى اجلس معها ..

عم تركي : ههههه كانك ماتعرفها ..

تركي عدل شماغه : لااازم

عم تركي : ههههههه يابو رياض ..

بو رياض : يالبيه ..

عم تركي :لاهنت تركي يبغى يجلس مع زوجته ..

بو رياض : حق .. يامتعب ..

متعب : ابشررر كم معرس مره ثانيه عندنا هع هع هع هع ..

اخذ متعب تركي للمجلس نفسه الله جلسوا فيه بيوم ملكتهم ..سجى كانت جالسه فيه بكامل اناقتها .. وعلى اعصابها ..
تعرف ان تركي يحب الشعر القصير .. قصه شعرها باناقه وصبغته باللون الاشقر الغزالي كله ..
زاد من بياض بشرتها ..
وعملت لها المصففه مكياج ناعم ماعدا الروج الناري الصارخ ..

دخل تركي ودقات قلبه تسبق والتوتر مغطيه .. سكر الباب وهو ياخذ نفس طويل قدامه مشوار كثير من العتاب والتبريرات ..

سجى كانت واقفه اول ماشافته حست بقلبها وصل بلعومها .. بلعت ريقها بصعوبه وابتسمت بتوتر ..

قرب تركي وهو يسلم : السلااام عليكم ..

سجى بحضوره يضيع صوتها وتضيع علومها : احم احم - قالت بهمس - وعليكم السلام

تركي سلم عليها وباس جنبينها البارد : اسف ياروحي وحقك علي ..

سجى بدون مقدمات ..نزلت دموعها وبكت .. اول ماحست بحنانه ..
وبالامان انه معها وبتكون له ..
بكت من الحزن والا الفرحه والا اللهفه ..

تركي ابتسم بالم مشتاق لها .. وضمها بهدوء : لااا ليه البكي .. يعني ضروري هالدموع..

سجى بكت اكثر وشهقت وهي تشد خط ازارير ثوبه بايدها الثنين ..

تركي اول مره يحس بدموعها راحه له ولها ..تركها تبكي بصدره على راحتها وهو يهمس لها : وربي أحبك ... ياقلبي اشتقت لك .. باذن الله مانفترق مره ثانيه حبيبتي ..

سجى تبغى تبكي لحد ماتجف دموعها .. هذي اخر دموع عتاب وزعل تنزلها لتركي ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

مرت ايام رمضان خفيفه على اللكل ..

بصبرها وروعه ليلها وجوها ...

كان الجو مطر ..
مطر قوي مرره ...
عواصف ورعد ..
ماليه السماء ..

صوت الماذن المختلفه بصلاه القيام ..
لاخر ايام رمضان ..
يعطى المكان خشوع وتزيده العواصف رهبه ..

الجو روحاني .. والناس يابالمساجد او ببيوتها من تقلبات الجو .. القويه ..
الحزن مالي المكان بسبب فقدان رمضان بالايام الجائيه ..

بيفقدوا التراويح والقيام ..
والجوع والصبر ..
وانتظار اذان المغرب بشوق ..

بيقفدوا اللمه الاسريه على السفره وقت الفطوره والسحور ..

كان البيت فاضي وبارد .. مانزلوا تحت اللكل دخل لغرفته يدور الدفاء ..

اللي يتقرب من الله بالعشر الاواخر ..
واللي ينام شوي قبل السحور ..

نور كانت تتابع مسلسلات رمضان اللي ماتخلص ..

امها تتعبد بغرفتها ..

ندى وهواجس وملاك ناموا بعد التعب والتنظيف من عزيمه امس وفطور اليوم ..

ابوها مع زوج عمتها بالمجلس ..

كانت مندمجه مع المسلسل بس سمعت صوت بطنها .. مافطرت كويس ..

حست بالكسل تنزل ومافيه خدامه .. لكن الجوع حركها ..

اخذت بالطو ثقيل تلبسه بالبيت دائما ولبست شبشبها الدافي ..
وتحركت من نعيم الدفائيه ..

صحيح البيت فيه تدفاءه بس ..البرد اليوم شديد .. عندها احساس انها ليله القدر ..

نزلت لتحت بسرعه علشان ماتبرد .. واخذت لها سندويتشات من الفطور مع فيمتو ..اللي ماتحلى سفرة رمضان بدونه ..

سمعت صوت دقت الباب ولان الجرس اخترب من الرعد ..اخذت سندويشه تاكلها وهي تركض لنافذه الكبيره اللي بالصاله .. تتاكد اذا في حد يدق الباب ..

شافت ثوب وشماغ من الباب الشبه زجاجي اللي يعطي هيئه مو الشكل بالضبط ..

توقعت انه ابوها .. مضيع المفتاح مثل العاده والكراج من الكهرباء معطل ..

فتحت الباب وهي تحس ببروده دخلت لعضامها والمطر القوي جاء رذاذ منه على وجهها من قوه الهواء ..

الشرقيه موت برد مو بالعاده ..

مسكين ابوها كبير وعظامه بتعوره اكيد ميت من البرد هاللحين .. اكلت الشندويشه الصغيره كلها مره وحده وركضت للباب .. فتحته بدون ماتسال من ..وماتوقعت انه هو ..

.
.
.

يزيد كان خايفه من جئيته بعد هالغيبه .. لكن اللي مطمنه ان دمه سليم وان صحته فوق الممتازه ..

حاول يدق الجرس بدون فائده التفت لفهد اللي داخل السياره وصرخ وهو نتفض من البرد والمطر عليه : شكلوا فاضي ..

فهد فاتح النافذه ويناظر بانوار النوافذ اللي فووق : لاااا فيه حد الانوار مشغله ..

يزيد كان يرتجف من شدق البرد مع المويه اللي غرته ..

دق الباب اخر امل .. وفتحت له هي ..

اخررررر شي تخيله وتوقعه .. ان هي اللي تفتح له ..

ضلوا يناظروا لبعض ثواني طويل مصدومين ..

بعدها تحرك يزيد لداخل البيت وضمها بقوه من دون مقدمات : وحشتيني ..

حست نور بقشعريره تملي جسمها من الدفاء اللي حسته فجاءه بعد البرد ..
صرخت بداخلها " يزيد رجع " وهي تسمع صوت يزيد وتحس بانفاسه ..

يزيد ضحك واشر لفهد خلاص .. سكر الباب وهو يناظر بنور اللي واقفه مثل الصنم ماتحركت ..

باسها بشوق : وحشتيني مرررره .. مررررره .. – رفع راسه فوق وناظر بقطرات المطر القويه – ياااااااارب لك الحمد والشكر ..

نور صدقت انه يزيد هو هو .. بس سمنان وحليان كثير وكانه رجع لقبل زواجهم ..
حست بدموعها تتجمد مو راضيه تنزل وبرفض لجيتها ..
قالت بعصبيه : نعم خير اطلع بره ..

يزيد كان متوقع اكثر من كذا : نور حبيبتي انا اسف كنت معذور ..

نور : لااا ياشيخ معذوور اضحك على غيري .. ليه تعبت نفسك ورجعت .. كان جلست هناك وانبسطت اكثر ..

يزيد : نوررر برد دخليني لجوا وافهمك..

نور بعناد وهي ترتجف من وجود يزيد قبل البرد : لاااااااااا انسى .. طلقني ..

يزيد فتح عيونها بصدمه توقع تقولها بس لما سمعها ماعجبته ..
مسك ايدها : تعالي معي نتفاهم جوا كذا بتمرضي ..

نور سحبت ايدها والعناد راكبها .. يغيب ويرجع يضحك : لاااااااا طلقني واطلع من حياتي ..

يزيد ناظرها بتامل مشتاق لها ولحبه لها .. مشتاق لحكيه معها .. لضحكتها البسيطه .. وخبثها البرياء ..
شى عندها وبسرعه رفعها من الارض ..

صرخت باستنكار : يزيد ..

يزيد : كانت امنيتي ارفع حبيبتي بالمطر وادور فيها .. واصرخ بكل اللي بقلبي ..

نور : هيه يزيد محنا بفلم ومس... ههههههههههههه ..

ضحكت على صرخت يزيد وهو يدور فيها : احبك .. احبك ...

ام هواجس بعد مانزلت خايفه من الصراخ .. ابتسمت براحه وهي تناظر يزيد ونور ..طلعت لفوق مرتاحه ..رجع يزيد مثل احساس بنتها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

4 - 2 - 2012, 11:10 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

بنفس هذا الوقت واللحضات ..

سكرت شموخ القران بعد ماخلصت من جزء اليوم ونهايه الختمه الثانيه لها برمضان هذا ..

ام ريان كانت تتابع مع قناه المجد ختمتها وعلشان التجويد بعد ..

شموخ : من جد مشكورين قناه المجد ..وجزاهم الله خير تحست قراءتنا كثير

ام ريان هزت راسها تبغى تركز مع القران ..

اخذت شموخ روان وحطتها على سريرها نائمه من الزهق سامي مو فيع يلعب معها ولا هي عطتها وجه ..

ناظرت بروان ومشتاقه لريان .. فراغ كبيره تحسه بحياتها ..
كانت غبيه كثير ..
لما دعت عليه بالسجن وهددته تسجنه ..
نزلت الخشب المرتفع لسرير .. الانوار الرايقه مشغله لها والعابها تتحرك مع موسيقى هاديه ..
قالت بهمس وهي تقرب من وجه روان وعيونها مغرقه : رونوو .. وين بابا .. كانه تاخر قولي له مشتاقين لك ..
البيت بدونك ظلام .. لك وحشه يانوره ..

ماردت عليها روان الا بتاوهات صغيره وحركه خفيفه ..: تعرفين من بابا والا ..اكيد تعرفيه لانك تنادي عمو سام بابا ..

ابتسمت وباستها بخدها ..: الله يحفظك ماما ..

عدلت وقفتها وسكرت السرير حست بتقلصات ببطنها .. مسكته بالم .. وقفتها كانت غلط ..
:آآآه .. يا ماما ..

ضغطت على ظهرها يمكن يخف الالم .. جلست لى الكرسي تريح ..

اندق الباب ..: تفضل..

ام رياان : بتنومي ماتسحرتي ..

شموخ ابتسمت : لاااا مو نايمه ..بس احط رنووو بسريرها ..

ام ريان جلست بجنب شموخ : يمه شموخ وش فيك .؟!

شموخ بنفس ابتسامتها : مافي شي

ام ريان : علي يابينك

شموخ تنهدت : يالله بينك من وين مطلعتها ماما

ام ريان : لاتغيري الموضوع وش حكايتك .؟!

شموخ : مادري احس من الحمل تجيني كائبه ..

ام ريان بسرعه بديهه: لااا من امس لما رجعتي من بيت اهل ندى وانتي مو عاجبتني ابدا وطول اليوم متضايقه ..

شموخ امها كاشفه ومافي مجال للكذب .. ابتسمت : اوكي بقول وامري لله .. امم .. – اختفت ابتسامتها بالتدريج وعيونها غرقه – امس ماحسيت ندى تحبني .. وتضايقت من حشها هي ونور فيني وبروان ..

ام ريان استغرب: شموووخ انتي واثقه من نفسك ليه تقولي كذا ..

شموخ : لاا مو على ثقه .. حسيت بعيونها تقول انتي ارمله ومابغاك تقربي من زوجي معها حق ليه اجلس بالبيت وسامي فيه ..

ام ريان بجديه وعصبيه : تاكل تبن هي وغيرها انتي بنتي وعياالي خوانك ومحد يفتح فمه ..

شموخ ماتبغى تكره امها بندى قالت بسرعه : لاااا مو خواني ماما ليه تعذبينا كذا .. انا وريان موو اخوان .. مافي اخت تحس لاخوها باللي احسه .. مافي اخ يعامل اخته كذا ياماما ليه تعملي حالك مو شايفه ..

ام ريان بعناد : انا شايفه بس انتم تربيتوا مثل الاخوان ..

شموخ : مثل الاخوان لكن مو اخوان انا مو اختهم ..انا بنتك بس مو اختهم ..

ام ريان تنهدت : انا مابغاك تبعدي عني انتي بنتي ..

شموخ : وانتي ماما – ضمت امها وسندت راسها على صدرها – ولا اعرف ام غيرك ولو ماما عائشه ماحضنتها ولانديتها بماما لانك انتي ماما وبس ..

ام ريان مسحت على راسها وهي تحس بالضيقه هي وزوجها غلطوا ولحد هاللحين مكمله الغلط .. ريان وشموخ عارفين انهم مو اخوان ومشاعر مثل اي ولد عم متربي مع بنت عمه .. ليه تكذب علشان تجمعهم .. هي تحطم قلبين بانانيتها ..

شموخ غرقه عيونها وهي على صدر امها : انا احب سامي مثل اخوي بس ريان لااا .. – بلعت ريقها – مابغى اخسر سامي .. والسبب غيرة ندى .. انا ماعندي الا انتم مابغى افترق عنكم ..

ام ريان ضمتها بحنان وهي تمسح على شعرها : وماعاش من يفرقك ولاتخافي انتي ماتعرفي معزتك عند هالتوم .. انتي الوحيده اللي بقيت لهم ..

شموخ رفعت راسها وناظرت بامها تجاعيدها كثرت وتعبها باين .. : وانتي معي ..

ام ريان ابتسمت : بس هذا اللي مضايقك ..

شموخ : لاااا فيه مابغى اطلع لاي مكان وازور حد ..

ام ريان شهقت : ليه لاتخلي عقدتك انك ارمله تمنعك تزوري حد ..

شموخ : ولافكرت اصلااا .. بس روان تخاف من اي احد وماحب حد يناظرها اقل من باقي البزارين ..

ام ريان ابتسمت شموخ فيها حنان تفجر فجاءه ..
سبحان الله من كان يصدق ان هذي نفسها شموخ ..
: لااا لازم تختلط بالناس مو حل نحبسها ..

فتح الباب بقوه مثل العاده بدون استاذان ..: سااام وصل ..

ام ريان بطفش : الباب ..

سامي دقه وهو مفتوح : وش هالاجواء الرومنسيه .. بليالي رمضان ..

شموخ ابتسمت له : حياك ..

سامي: بودي بس جايب لكم سحور ماحصل من الصيني واكلاته ..

شموخ : ياسلام عاد رونه تحبه ..

سامي : صحيها الدبه دائم تنوم ..

ام ريان : لالاااا حرام اتركها ترتاح ..

سامي : اوكي يله شموووخه الاكل حار وطازه ... فرررش

ابتسمت له وهي من جد ماتبغى تفقده وبتحاول كل الطرق تكسب ندى لها علشان ماتبعده عنهم ..

ام ريان بالم : كيف اخوك ..

سامي : لااا ممتاز معه مرافق بالسجن جدواي شايب وشكله خويك يمه ..هههههههه

شموخ : هههههههههه ..

ام ريان : لااا خويي من ليبيا غيره هههههههههههه

**********************
عشاق من احفاد الشيطان ... روايه رومنسيه حزينه .. ... وخياليه
**************************

انتي صمتك عسل . . شلون لاذاب صوتك
اشغبته المسامع واحتوته المشاعر..
بس تكفى لاتذبحني ويكثر سكوتك ..

سجى كانت مع تركي تتسحر بالمطعم ..

بيعيشوا الخطوبه يوم بيوم مثل اي اثنين طبيعين ..

كان السكوت مالي الجو بينهم .. بس يناظروا بعض ..

كل ماجاء بيحكي واحد منهم ناظر بعيون الثاني وسكت ..

لمتى مايدروا واخر هالتامل والسكوت .. محد يدري متى ..؟

احلام تنبني بهالسكوت ..

وامال تنولد ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

أنفه احمر ومتربع على السرير متغطي بالبطانيه حتى شعره مغطيه فيه .... متدفي بكم قطعه لبسته نور اجباري ..وهي معصبه ..ماقد شافها بمثل هالعصبيه وكانها وحده ثانيه ..

ناظر بغرفتها باللون السماوي والاخضر اللوانها تزيد البرد بس الدفايه قباله وريحتها بالبطانيه تدفيه اكثر ..

كان مبتسم وعيونه تتحرك مع حركة نور ..اللي طلعت من الحمام بالروب وتمشط شعرها بعصبيه ..
كان ياخذ نفس من شامبو ريحه الورد اللي طلعت من الحمام ..

طول الحمام حاولت تهدي من عصبيتها وتروق اعصابيها .. المهم ان يزيد موجود ليه معصبه ..
لانها مقهوره منه .. يغيب ويرجع يبغاها تعطيه وجه ..خلصت كل دموعها بالحمام علشان ماتبكي قدامه ..

طلعت وهي تحس بنظراته يلاحقها .. تنرفزت اكثر و طنشته .. مشطت شعرها و لفت عليه معصبه : خير تناظر ..

يزيد ابتسم لها وهو يسحب منديل من اللي قدامه بجنب الدفايه اللي على السرير : مشتاق لك .. – مسح انفه الاحمر - وش هالعصبيه اللي انتي فيها ..؟! روقي ..

نور تقلده باستهزاء : روقي .. على ايش اروق ياحسره .. زوجي بجنبي اربع وعشرين ساعه .. والا انا مو غاثه اهلي ومزيده عليهم الحمل ..

يزيد : تعالي يابنت الحلال ولا تصيري كذا .. اللي تبغيه بيصير ..

نور : اللي ابغاه انت تعرف وش اللي ابغ كح كح ..كح كح ..

كحه بقوه دخل صدرها هواء بارد ..

يزيد : نور تدفي .. بتمرضي كذا ياقلبي ..

نور قاهرها بروده : لف وجهك ببدل ..

ابتسم لها بخبث : تحلمين ..

نور : يزيد مو ناقصتك انا... لف وخلصنا بردت ..

يزيد بجديه :نور انا مو وحده من صديقاتك او بنات عمتك لف ببدل انا زوجك ومشتاق لك

نور تتريق : جد انت زوجي محد قالي ..

يزيد عصب منها :نور خلاااص بتسمعيني والا كيف ..؟!

نور لما عصب منها غرقه عيونها : لاااااا مراح اسمع كيفي .. انت تغيب براحتك وانا بعصب براحتي ..

حلقها كان يعورها من الالم .. مزكومه .. وبعد لانها تكتم دموعها .. وغصتها ..

يزيد متدفي ومايبغى يتحرك ونور معنده ..اذا قرب او حكى معها بتصرخ وترفض ..: اوكي اذا هديتي عطيني خبر ..

نور : مرااح أهدى كي..
حطت ايدها على حلقها وفمها يالمها تبغى تبكي وتسكت ..
تالمت خلااااص تبغى تبكي

يزيد نزل من السرير لعندها : طلعيها نور ابكي .. ليه معذبه نفسك كذا ..

نور بكت وكانها ماصدقت : لانك من اول ماتزوجنا مااهمك رافضني وماتبغاني .. اذا انت مو مقتنع فيني ليه اخذتني ..

يزيد بجديه جلس نور المرتجفه : نورر انا مابغاك الله يسامحك ماتعرفي وش ذقت علشان اكون استاهلك ..

نور هزت راسها بالنفي : لااا تضحك علي انت عارف اني احب....ك

يزيد باس ايدها وخدها : ياقلبي وانا ماناظر غيرك .. ها .. ناظري وين كنت – رفع ايده وراها مكان الابر – ماكنت اللعب .. ولا مسافر شغل مثل ماقلت لك .. كان معي فقر دم حاد وتعالجت منه..

نور فتحت فمها وهي تناظر ايده وتبكي ..
احساسها ماخاب .. يزيد مايبيعها يزيد شاريها ..

تحسست ايده وهي تبكي : كنت عارفه من اول يوم .. اللي فيك مو طبيعي .. ليه ماقلتلي ليه تعالجت لوحدك ..

يزيد ابتسم لها : علشان ماشوف هالنظره هذي بعيونك انا كويس والله لاتخافي علي ..

نور : يعن

قطعها فتحت الباب القويه وضحك هواجس وندى ..: لسحورر يادموزيل ن

يزيد بعد عيونه بسرعه عنهم خواته .. اخت نور والله مايعتبرهم الا اخواته ..

سكروا الباب بسرعه واصواتهم واضحه : متى رجع ..؟
ليه محد عطانا خبر ..؟؟
يالفشله ..الخ ..

نور قامت وجلسته : انت مزكوم ارتاح هاللحين ..وبجيب لك السحور هنا ..

يزيد حك راسه : ضروري بكره نصوم ..

نور : يزيد ..

يزيد تغطى : هههههه امزح معك ..وانتي مزكومه ارتاحي ..

نور : ببدل واتسحر وارتاح .. بليز يزيد طلبتك ارتاح علشان خاطري ..

يزيد تافف : هذا اللي ماكنت ابغاه – بالسوري - "يانن عنيا من جوا ".. يالله كاني مو شايفك من سبع سنوات ..

نور : شايف كيف ..؟!

**********************
عشاق من احفاد الشيطان ... روايه رومنسيه حزينه .. ... وخياليه
**************************

اقابلكم على خيرة الله ....

بالبارت الاخي ر ... من روايتي

4 - 2 - 2012, 11:11 PM

الفص & الاخير & ل

.

.

(( قليلا من الرجال من يعشق ..
ولكن عندما يعشق الرجل ..
يكون للعشق معناه ..))

"هل رايتم اقوى من رجل عاشق .."

.. في اول ايام .. العيد..

الله اكبر الله اكبر ... الله اكبر كبيرا ...

كانت تكبيرات العيد ماليه الجو ...

والشوارع فيها فرحه .. البيوت تسكنها البسمه ..

ثياب جديده ..
صله رحم ..

كل شي غير بهذا اليوم ..

لانه باختصار يوم العيد ..

كان الحماس عند شموخ غير .. لبست فستانها الاسود الرايق من الصباح ..
وتركت شعرها براحته على كتفها ..

امها طلعت للمسجد تصلي العيد ..

تمنت تروح معها بس ماتقدر تعب عليها .. وروان مالها حد غيرها ..

صحت روان من نومها علشان تجهزها لبيت جدها ..

روان كانت معصبه ومتضايقه .. اخذتها شموخ اجباري للحمام : يله سطوووره ببح ..

روان رافضه نهايا تدخل ..

اخذت شموخ نفس طويل وهي تضغط على بطنها بالم : انا اوريك عنيده مثل ابوك ههههههه ..

شموخ تحس بدقات قلبها اليوم سريعه وماتدري ليه ..؟! وش هالاحساس ماتعرف مصدره ..

.
.
.
.

دخل للبيت يجر رجله جر ..

ماتوقع ان اهله سكنوا بالبيت اللي اعطاه لشموخ بيع وشراء من دون ماتدري ..
ضمان لها ولمستقبلها .. وكانه حاس ان ولا ريال بيكون له ..

اليوم العيد ..
عيد الفطر..
.. اخيرا طلع من السجن .. اخيرا جاء له الفرج بعد العذاب ...

دور على امه اي احد ..

مشى وناظر غرفه مفتوحه .. وقف لثواني ..

كانت شموخ تلبس روان .. وتضحك معها ..

ناظرها والكون من حوله جمد وكل شي وقف ..
بس فيه هيا .. هي وبس ..

بلع ريقه الجاف بصعوبه
كانت هي .. حلف بداخله..
.. والله هي ..
.. ضامه روان وهي تلعبها وتلبسها .. كانت روان ميته من الضحك وهي بحضنها ..

حس بغصه بحلقه .. غصه تخنقه ..وهو يسمع صوتها : مامااا يله البسي .. شويه شويه بس ..

روان ترفع ايدها وهي تضحك وتناديها بماما ..

ماتوقع ان شموخ بتضم بنته وترفعها ..تلبسها وتناديها بماما ..

صفقت روان بحماس بعد مالبست وصفقت شموخ معها : شاطره الحلوه رنوووو ..

روان اشرت على ريان بحماس : بابا... بابا..

التفت شموخ مبتسمه واسنانها البيضاء بارزه .. : سام اليوم العيد

حست بقلبها تزيد دقاته اكثر وهي تمشي لعنده وتبوس راسه : كل عام وانت بخير..

ريان حس بالم يرتخي بجسمه وهي قريبه منه تبتسم .. حتى لو فكرته سام .. بس عيدت فيه .. قبل اي حد ..

كان جامد ماتحرك .. ماشافت منه اي حركه ..
ناظرت بثوبه المبهدل وكيف الكشره ماله وجهه .. ونحفان .. وعيونه تحتها اسود ..
ارتبكت وهي تتعوذ من الشيطان تتخيل ريان وش هالغباء هذا سامي .. بس النظره نظرته ..
بلعت ريقها تغطى افكارها المجنونه.. ريان بدري على محاكمته

قالت وهي تبعد بسرعه وتتمسك بروان اكثر غباءها يصور لها اشياء مو بالواقع ..
قالت بارتباك : سامي ليه واقف بدل بسرعه وتحمم هذا شكل حد معيد ..ويله علشان تلحق تاخذ ندوش للغداء .. اخترت لك مطعم خطيررر ..قل ايش ..؟! خلاااص بقولك .. فرايديز ...

ريان واقف مكانه وهو يصرخ بداخله من الضيقه .. حامل .. حامل ..
حامل ..
ياريان حامل ..
في بطنها ولد او بنت فيصل ..

مايدري وش تحكي بس عيونه تشملها ..
مشتاق لها .. مشتاق لطلتها ..
لصوتها ودلعها ..لعيونها ..

ناظر عيونها وآآآه من عيونها ..

شموخ لما ناظر عيونها تاكدت انه هو ..
هو ريان وماتكذبه ..
جف حلقها وثقل لسانها وكانه تبنج ..
ريان
ولو بايش راهنوها هو اللي قدامها .. معقوله ماتعرفه ..
نزلت روان للارض ..
وين تهرب وين تروح فيه ..؟!

ريان ضل يناظرها وماقدر يحكي .. وش يقولها ..؟!
انا كنت مسجون ..
انا نصاب ..
وضحكت علي منى ..

ناظر للحركه برجله وصوت روان : بابا ..

رفع روان بايد وحده من ملابسها وهو يقول بصوته الفخم البطياء :.. كيفك شموخ ..؟!..

رفعته لروان بايد وحده تعرفها طريقته هو يرفع البزارين بايد وحده ..
وسواله عن حالها بصوته المميز عن سامي وضح لها كل شي ..

تردد صوته بذهنها " كيفك شموخ ؟! " ودورت له اجابه ماحصلت ..
يسال عن اخبارها وكانه مايعرف وش حصل معها ..
بعد كل هالغيبه ببرود يسال عن اخبارها وحالها .. طول وقته بارد اناني يكرها .. ومصيبتها تحبه وتعلق فيه امالها ..
قالت وهي ترفع الملابس بانشغال وماتناظره : كويسه ..

ريان رجله مارضيت تتحرك لايدخل ولايطلع .. وعيونه عليها.. زعلانه على فيصل والا لا ..
نسته والا لسه ببالها ومفتقدته ..

انتبه بايدها الدافيه الصغيره تلمس ذقنه المقزز ببراءه : بابا ..

ابتسم لبنته وبعد خصل قذلتها الطويله عن عيونها ..
طولت روان كثير وسمنت شوي .. ناظر بلبسها وريحتها .. شموخ .. الللون البينك لونها .. وريحه الفراوله ريحتها ..
ابتسم : شموخ ..

شموخ قلبها دق بسرعه ومن زمان ماحست بحراره مثل كذا .. ((احترمي اللي ببطنك ياشموخ والميت اللي ماجفت تربته ..صيررري طبيعيه ..))
هو ريان هو ..
: نعم ..

ريان بضيقه وبحه : تعبتك معي عارف انك تعبانه من الحمل ..
– سكت شوي ينتظرها تناظره ماناظرته وارتبكت زياده –
استحملتي روان كثير .. ازمه وعدت ..

شموخ توترت وارتبكت قالت بسرعه علشان تكون طبيعيه : لااا عادي مثل بن.. ..أااقص ..أأأأ..قصد .. مث.. م.. مثل اختي ..

ريان ناظرها بالم وبرقه عيونه بنظره غريبه قال بهدوء : باي شهر انتي ..؟!

شموخ جلست بالكرسي رجلها ماهي بشايلتها ..
وش هالاسلوب السخيف اللي يستخدمه ..
يعذبها قاصد ..
تناظر كل شي حولها الا هو ..
غرقه عيونهاوارتجف صوتها : مادري ماحسبت ..

ريان نسى روان اللي بيده وهو وين .. وضلت عيونه مركزه عليها ..
اشتاق لرجفتها ..لمكابرتها اللي ماتقدر تخفيها عليه هو بالذات ..
رفع حاجبه : ماحسبتي ..اهاااا .. – بارتباك - تهقين تولدي متى ..؟

شموخ بلعت ريقها وهي شاده كل اعصابها برقبتها وتقاوم ماتلتفت له ...
على قد ماقدرت يطلع صوتها بارد : مادري ومايفرق ..

ريان ابتسم بضيقه : يمكن عندك بس عندي يفرق ..

شموخ التفتت له مستغربه ..
وش هالاصرار انه يعرف متى تولد ..
حاولت تلف راسها عنه بعد ماتشابكت نظراتهم ..
ماقادرت تلف وجهها عنه ..يجذبها .. ومشتاقه له ..
تعبت بدونه وهي محرومه ماتناظره هالفتره الطويله
قالت بصعوبه : ليه انت طلعت ..؟!

ريان تنهد وهو يجلس على كرسي التسريحه بمسافه شبه كبيره بينه وبين كرسيها .. : تقريبا ايوه ..

روان اشرت بحماس لريان وهي تلف وجهه لشموخ يناظرها : بااابااا .. ماااااماااا ..ماما

شموخ ابتسمت لروان اللي تاشر عليها وقلبها غاص بصدرها من كلمه ماما لها قدام ريان ..
قالت بصوت شبه باكي : بعد شهرين بكون ولدت وبالاربعين ..

ريان ابتسم براحه : يعني تطلعي من العده .. الله يريحك .. – نزل روان – روحي لماما بابا ..

ناظرته مصدومه و بقايا كلماته باذنها..
العده ..
الله يريحك ..
روحي لماما بابا ..

ريان ضغط جبينه وهو يحاول يركز النظر لانه حس بدوخه طبيعيه لتركه السجاير فجاءه ..
غمض عيوونه لثواني يسترخي ويجمع قوته .. اخذ نفس طويل بعد ماعد للعشره بداخله ..

شموخ شغلت نفسها عن ريان بروان ..
كانت حاسه انه يقاوم تعب .. اكيد كان مسجون الشهور اللي فاتت يبغى يرتاح ..

اندفع الدم لجسمها بقوه ودفعه وحده .. وكان عروقها بتتفجر .. لما سمعت صوته يهمس بضعف وهو يضغط على راسه بيده الثنتين ..:.. شم ....وخ .. بي...ن ..ك

يالله مشتاقه لهالصوت والنبره ..
قالت بسرعه و بخوف عليه بس بمكانها ..: نعم ..

ريان رفع راسه وعيونه حمرت من الالم : جوعاااان وعطشااان ..

شموخ نزلت روان وهي تترجم بمخها .. نزلتها لتحت تجهز له شي ياكله ..ماردت عليه من خوفها عليه ..
مشت بسرعه بتطلع من الغرفه مع ان حركتها ثقيله من الحمل ..
وقفتها ايده الدافيه اللي مسكت ايدها البارده ..

التفتت له بسرعه وهي تحس بالدموع تتجمع بعيونه وقريبه تنزا ..

ريان ابتسم لها : ابغى بندول وسجاير ..

شموخ بين ايوه ولااا .. تجيب له سجاير والا لا..
ماحبت تناقشه لانها تبغى تهرب من قدامه هاللحين ..
هز ت راسها ..

ريان يتدلع عليها .. يطلب منها اللي يبغى ..
وهي مستغربه اكره ماعند ريان يطلب منها شي .. بس هاللحين جالس يتدلع وكانه طفل ..

ريان سكت وضل يناظر بعيونها ...
اشتاق للونها الصافي .. اللي يغرق ببحره ..
انتبه على ارتباكها وشفايفها اللي ترتجف بدايت بكيها ...
والدموع اللي مغرقه عيونها ..
لااااا ياشموخ لاتبكي ..
لااااا داخل على اللي ثم عليك ماتبكي قدامي هاللحين .. اللي فيني مكفيني ..

شموخ تحاول تتماسك .. اكثر ..
بس ايده الدافيه ماسكه ايدها وحاضنها بحنان ..
مشتاقه لهالايد اللي ياما جرحتها وطبطبت جرحها بسرعه ..
حركت ايدها علشان يحس ريان ويتركها بس هو ماكان مع ايدها كان يناظرها بلهفه ..
ارتجف شفايفه بتبكي بس تماسكت اكثر ..
قالت تنبهه : ايدي ..

بس قالت الكلمه نزلت دموعها. .. وطلعت شهقاتها اللي كتمتها ..
ليه نطقت .. ليه نفجرت ..

ريان ترك ايدها ووقف مرتبك ..
لف عنها اعطاها ظهره وهو يناظر بروان المنشغله باللعبه اللي بيدها وتحكي مع نفسها ..

لاااا لاتقرب منها ياريان ...
لااا تمسح دمعها ..
اذااا قربت بتضيع علوم ..
هي حامل .. احترم اللي بطنها ..
وتذكر وعدك بالسجن ..

ناظرت بظهره وارتباكه .. يضرب اصابع ايده ببعض ..
يفتح القلاب ويسكره ..

تمسح دموعها اللي تنزل بغزاره ..
ضيقه كاتمتها كثير .. من وهي باسبانيا ..
من يوم مابعدت عنه ..
خلاااص تبغى تفجرها وترتاح ..
تبغى ترمي همها عليه ..

ريان التفت عليها بعصبيه
وهو يمرر اصابعه المرتجفه بشعره الطولان لاخر رقبته ..
قال بشبه صراخ : خلاااص اسكتي .. شموووخ اسكتي ..

شموخ من عصبيته بكت اكثر وبقهر ..

ريان رجع لورى خطوتين وهو يتمنى يرجع لسجن ..
قوي .. صاررم ..قاسي ..
بس قدامها .. مايقدرر ..
يضيع كل شي قدام هالانسانه ..
هي نقطه ضعفه ..
وعشقه الابدي ..
صرخ بقوه وعصبيه : بتسكتين والا كيف ..؟!

شموخ هزت راسها لااا ..
مو قادره تحكي تبغى تبكي وبس ..
كيف تفوت عليها الفرصه وماتحكي لريان عن معاناتها م فيصل بدموعها ..

شموخ ناظرته مستغربه وحاولت تجمع شتات نفسها بس مو قادره قالت بصوت مرتجف : رياااان انا
ماقدرت تكمل لانها رجعت تبكي ..

ريان ضغط على راسه : اطلعي بره .. شموووخ ابعدي هاللحين

شموخ شهقت اكثر.... : ليه كذا دايم تطردني ليه تكرهني ..؟؟!

تركت روان اللي بيدها من صرخت شموخ وخافت ..

ركضت لعند شموخ وضمتها برجلها وهي تبكي : ماما ..

راحت لعند ريان معصبه وضربته برجله مقهوره لانه باختصار زعل شموخ ..

ريان رفع روان وسكتها : خلااااص بابا .. هي بتبكي شوي وتسكت ..

شموخ ناظرته معصبه يقصد انها دلوعته تبكي على اي شي ..

تركت الغرفه وطلعت..

دخلت غرفتها وقفلت الباب ..

جلست على السريير تبكي ..

رجعت من جديد لنفس النقطه ..
مع ريان ..

ريان حاول يسكت روان ..
علشان يرتاح ..
راسه يالمه ..وبعد روان تصرخ عند راسه ..

فتحت الباب بقوه امه : سامي الله يهديك تاركها تبكي ..

ريان حط روان على الارض وفتح ذراعه : يمه بعدي .. وحشتيني ..

ام ريان : ريان ..؟!!!

بعد فتره ... بعد عن امه اللي دموعها غرقته .. : يمه خلالااص انا قدامك ..

ام ريان تمسح عليه بحنان : البيت بدونك مايسواا ..

ريان ابتسم لامه وهو اول مره يحس بحنانها : ماعليك يمه مالي طلعه من هنا ..

ام ريان : يمه وش حصل معك .. كيف كنت عايش هناك م

ريان : يمه خلاااص انا عندك ..

ام ريان : ت

وقبل لاتنطق امه .. رفع روان.. ورماها بحضن امه : تفهمي معها ..انا بروح لبنتي الاصليه ..هههههه..

ام ريان ابتسمت له : طيب وبطريقك قلها تتجهز علشان نعيد ببيت جدك ..

ريان عقد حواجبه : وين تطلع .. مو هي بالعده ..

ام ريان بلامبالاه : ايوه بس عادي تطلع ..

ريان : من قالك .. لحد ماتولد تطلع ...يمه لاتبتدعي على كيفك ..؟!

ام ريان : اجل تجلس وتحبس نفسه ..

ريان رفع حاجبه مستغرب : من جدك يمه .. حبك لشموخ بيكفرك ..

ام ريان بارتباك : مو كفر في فتوى تحلل لمعتده تطلع ..

ريان بعصبيه خفيفه يعرف حركات امه اذا تبغى تعمل شي : يمه استغفر الله لمين هالفتوى ..

ام ريان : هاا .. لشيخ مصري ...

ريان : استغفر الله يمه استغفري وحرام عليك ... ذنب شموخ برقبتك ..

ام ريان سكتت ماعندها رد ..وهي تردد بداخلها (( رجع وبدى يتحكم ..ياحليله سام .. ))

ريان : روحي بس روحي عيدي .. وحرام عليك شموخ ..

ام ريان طنشته مو عاجبها الحكي .. بس هذا ريان ماتتوهق معه ..

.
.
.
.

اخذ نفس طويل ودق الباب ..

شموخ صرخت: ماااماا مابغى اشوف حد ..

ريان ابتسم هذي شموخ .. وهذا وضعها حتى لو هي حامل ..
فتح الباب وناظرها وهي مقطعه نفسها بالبكي ..

وقفت شموخ والتفتت كانت بتصرخ .. بس اسكتت وهي تشوف ريان ..
: نعم .. خير ...

ريان .. قدم لعنده بخطوه وحده واسعه ..
ودفها بقوه لصدره ..
ضمها بقوه وهو يقول بين اسنانه : ياغبيه ماقدر ..على دموعك .. ماتفهمي انتي .. انتي .. انتي – همس – كلي ..

شموخ هنا جد بدت مناحه مانتهت ..صارت مثل البزر الفاقد حنان امه ..
وهي جد كذا ..
ريان ابوها .. وامها .. واخوها .. وحبيبها .. وحياتها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

4 - 2 - 2012, 11:12 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

هواجس مع ملاك جالسين بالحديقه ويناظروا الغيوم ..

ملاك : ياشين العيد بدون نور ..

هواجس : ههههه نور مو فاضيه لنا مع اهل زوجها ..

ملاك : حتى نواف مو حلو العيد بدونه ..

هواجس تنهدت : وانتي صادقه مو حلو العيد بدون بنات عمتي ..

ملاك : ياليت جماعتنا بالرياض عندهم .. مو هنا ..

هواجس التفتت : الا انتي ليه مارحتي معهم لبيت عمامي ..

ملاك : ووووع من زينهم عاد ..حتى ابوي مايزورهم ..

هواجس : ليه في حد يبي ابوي لانه اذاهم قبل مايبونه ..

ملاك : طيب وامي ليه تعيد لعندهم

هواجس اخذت نفس : لانهم اهل زوجها ..

ملاك :الحمدلله ان اهل زوجي وعود وندى ..

هواجس تنرفزت : ملوووك لاتعتمدي انك تتزوجي نواف ..

ملاك بغرور : ليه ان شاء الله .. نواف قالي بيخطبني اذا كبرت ..

هواجس لفت وجهها بتافف : صدق بزر

ملاك : ومالك الا هالبزر ترى ..

اندق الجرس ..

هواجس : غريبه شكل امي رجعت ..

ملاك ركضت لعند الباب: يمه يمه ..

هواجس دخلت للبيت علشان امها ماتعصب جالسين بالحديقه بالبرد ..

دخلت وراها ملاك تركض وجهها متغير : هوجد هوجد ..

هواجس : خير ..

ملاك غيرت ملامحها مو عاجبها : في وحده عجوز مسويه نفسها كشخه وانها بنت .. تبغاك بره وتق

قبل ماتكمل ملاك حكيها كانت المراء عند الباب الداخلي تبتسم : هااي ..

هواجس فتحت عيونها : ام فهد ..؟!

ام فهد : ممكن ادخل ..

هواجس ارتبكت وش مجيبها ذي : هلا حياك تفضلي ..

دخلتها لمقلط الحريم وهي تبتسم بارتباك لانها سمعت صوت فهد مع ابوها بالحوش..

مانتبهت وش تحكي ام فهد بس هزت راسها ..

ملاك ضربتها بخفيف : تقولك كل عام وانتي بخير ردي عليها ..

هواجس انحرجت : وانتي بخير .. ملاك جيبي عصير –همست لها – دقي على امي بسرررررعه ..تجي ..

ملاك هزت راسها وركضت لبره ..عند ابوها ..

هواجس : حياك الله ..

ام فهد ابتسمت بصدق : الله يحيك .. مادريت ان السعوديه شتاء الا لما نزلت من المطار ..

هواجس : اهاا ..

ام فهد : الله يهديه فهد ..ماحكالي شي ..

هواجس ارتبكت اكثر من طاري اسمه ..واكتفت بابتسامه بسيطه ..

ام فهد : بسم الله عليك ياهواجس حلويتي اكثر ..

هواجس قلبها وصل بلعومها عارفه انها مقدمات لشي .. قالت بنفسها (( احلفي حلويت ..))

.
.

ملاك دخلت عند ابوها بسرعه ومانتبهت لفهد اللي جالس : يبه يبه في مراءه عند هواجس وتقول تبغى الطواارى بسرعه ..دق على امي وقلها تجي هاللحين ..

بو هواجس ضحك مع فهد على ملاك : هههههه خلاص بدق عليها ..

فهد بخبث : قولي لامك جاين خطاب لهواجس ..

التفت ملاك وتوها تنتبه فيه ..: ان شاء الله بقولها ..

رجعت لداخل ..عند هواجس بسرعه ..
همست باذنها بصوت عالي : في واحد حلو مع ابوي بالمجلس يقول جاي لك خطاب ..

هواجس تمنت تحفر قبر وتحط فيه ملاك بهاللحضه ..
قالت بين اسنانها : زين ضفي وجهك ..
عن اذنك ام – استحت تقول فهد قالت - .. خالتي شوي ..

طلعت وسحبت ملاك معها .. وهي متوعدتها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

اما الجو بالرياض غير..

كان العيد باوجه ..

والرقص والاحتفال ..

وبالذات ان المناسبه مناسبتين ..

حفله زواج سجى وتركي ... ومتعب وروابي باول ايام العيد ..

سجى كانت بفستانها الابيض .. مغطى من الصدر .. والباقي شفاف بطنها وظهرها .. والقطع اللي تحت من الفستان ناعم وطويل مررره ذيل ..

كانت ماسكه ورد .. وردي رايق مرره ..

مكياجها وردي ..
ورافعه شعرها شنيون بدون اي خصله تنزل ..مع تاج كرستالي فخم ...

كانت ماسكه بايد تركي وتدبك معه والمصورات حولهم يصورون ..

كانت مبسوط مره والفرحه واضحه من عيونها ...

تركي يناظرها وعيونه تبرق بحب واعجاب .. كانوا لبعض مو لحد ثاني حولهم ..

همس لها تركي : دنيتي انتي ...

.
.
.

الحب ممكن يحيي قلوب ماتت وينهي قلوب عااشت

ندى جالسه باللثمه مع وعود اختها وربى ..

سرحانه مو معهم ماتدري وش القرار اللي ممكن تعمله ..

تضل مع سامي والحب اللي هم عايشين ..
والا تدور على الامومه والحضن اللي تفرغ فيه فطرتها ..

نفسها تسال حد .. تستشير ..
بس ماتبغى لانها اذا فكرت ترجع له تبغى العيب مو منه منها هي علشان ماتهتز رجولته قدام حد ...

لكن احاسيس الامومه تداعب احلامها من صغرها ..

مادق عليها بعد هذاك اليوم مايبغى يتذلل لها ..
بس ارسلها امس وهم بالقطار توصل بالسلامه ..
فتحت جواله وناظرت بالمسج للمره السابعه ..
من هذاك اليوم مارسل الا هذي ..

(( توصلي بالسلامه حبيبتي ..
الشرقيه بدونك شينه ..
وحياتي بدونك ماتسوى ..
اي قرار بتقرريه انا معك فيه .. بس لاتنسي ..
حياتي بدونك ماتسوى .. ))

وش هالجحيم اللي هي عايشه فيه ..

يا كلمه ماما من طفلها ..
او كلمه حبيبتي من اللي تعشقه ..

ابتسمت بالم لحركه سجى لتركي ..وهي تاكله الفراوله ..

ربى : غريبه سجى جرياءه مو بطبعها ..

وعود : ههههه .. يمكن لانه كان زوجها وكل هالاحتفالات شكليات ..

مادخلت مع نقاشات وعود وربى ..
ضلت ساكته ..
مالها خلق تحكي ..

دق جوالها مسج ..
عارفه من مين بدون لاتناظر ..

ضغطت على جواله بقوه تقاوم ماتناظره ..
او تفتح المسج ..
لكن ماتقدر .. باصابع مرتجفه فتحتها ..

(( مساء الخير ..
حبيبت اخبرك ريان طلع اليوم ..
ولله الحمد بانت برائته ..
وقدروا يرجعوا زوجته لهنا ..تاخذ جزاها ..

مادري يهمك والا مايهمك ..
بس حبيت اخبرك ان هذا شي فرحني ..
وحبيتك تشاركي فرحتي ..))

4 - 2 - 2012, 11:13 PM

بلعت ريقها .. وحست بالم بحلقها ..
لانها كاتمه دموعها ..

هي ما تبغى غير فرحته وسعادته ..

ناظرت بخلفية شاشه جوالها وهي تكتم دموعها اكثر ..
شكل سامي وهو لابس الصعيدي بمصر

نبهتها ايد وعود : ندووش تعالي نطلع .. انكتمت من البرقع ..

ندى ماتبغى تنفرد بوعود.. قالت بصعوبه : لااا هنا وناسه ..

وعود : ندوووووش بلا سخافه قومي ابغى اوريك جناحي ..

ندى ماحبت ترد وعود مره ثانيه هزت راسها ومشيت مع اختها ..

وعود حالفه تعرف ايش فيها ندى .. مو على طبيعتها من بعد زياره اهل زوجها لها بمصر ..

خافت ام شموخ قالت لها كلمه وزعلتها ..

فتحت باب جناحها وهي تركي البرقع من وجهها : ياشين الحركه ذي ..

ندى ببرود : اي حركه ..؟!

وعود : اذا اهل زوجك مختلط اربع وعشرين ساعه الحمدلله وشكر بوين جالسين مادري ..

ندى ابتسمت لوعود وبالها سرح بعيد .. والغيره مشيت بدمها ..
اكيد هاللحين سامي جالس مع شموخ ويحتفلوا بالعيد ..

قالت بانفعال : الملعونه وجهها يكفي بعد ماتتغطى ابد ..

وعود استغربت : من ..؟!

ندى: هااا .. ولا شي ..

وعود : ندوووش وش فيك مو على بعضك ..

ندى تصرف الموضوع وهي ترفع تحفه من الزجاج : ياي جنان هذي - رعت بصرها للجناح كله – مشاء الله يجنن جناحك .. عقبال البيت ..

وعود سحبت منها التحفه ومسكت بايدها تجلسها : تسلمي ..

ندى غمضت عيونها واخذت نفس هاللحين جد بتحكي لوعود .. لان وعود مراح تتركها ..

وعود بحنان وهي جالسه قبالها : ندوووش وش فيك ايش اللي مضايقك ..؟!

ندى تحاول تكون طبيعيه مع ان عيونها غرقه : ولاشي عادي ..

وعود : ندى انا وعيد واعرفك .. ماتصير حالتك كذا الا لشي مضايقك ..

ندى بنفس الصوت : مافي شي ..

وعود : شموخ ضايقت قالت لك شي ..

ندى هزت راسها بلا ماهي قادره ترد ...

وعود بحنان اكثر : ندوووش قلبي يعورني عليك احكي لي لاتكتمي بصدرك ..

ندى اخذت نفس طويل وشفايفها ترتجف ..: س .. ا م ..ي ..

وعود : سامي ايش فيه ضايقك زعلك .. ندى طبيعي بين الزوجين تصير خلافات انتي مو نونو اعلمك ..

ندى : لااا بس انا احبه ..

دفنت وجهها بمخده الكنبه الصغيره وبكت ..

وعود ضحكت عليها .. توقعتها اكبر من كذا ..: ههه ههه الله يرجك حتى بهالسواليف مرجوجه .. م

ندى قاطعتها وراسها بالمخده قالت بصوت مخنوق : ماتفهميني انا اموووت فيه .. – رفعت راسها وجهها احمر ودموعها ماليته ..- انا مابغى اعيش مع غيره ..

وعود استغربت وابتسمت : اوكي حد ماسكك اعشقيه ولو تاكليه ماحد له عند شي ..

ندى نزلت راسها وضلت تبكي بدون رد ..وش تقولها ابغى اكون ام وابغى اكون مع حبيبي ..

متشتته ضايعه ..

وعود : اهاا فهمت انتي تحبيه بزيده عنه حبتين ..

ندى كتت ماردت ..
مراح تفهمها وعود الا اذا حكت لها ..

بعد فتره هدت ندى .. لان دموعها مراح تغير شي ..

وعود : ها ارتحتي ..

ندى بهمس : اسالك ممكن ..

وعود ابتسمت لها ..: اكيد ..

ندى رفعت صوره رياض اللي على الطاوله بجنب الكنبه ..
واعطتها وعود ..: ناظريه

وعود استغربت منها : ايش فيه ..شبعانه منه ...

ندى برجاء: بليز وعود ناظريه كويس ..دققي بملامحه عيونه انفه ..فمه .. ذقنه .. كل شي فيه ..

وعود ناظرت برياض بتدقيق وغصب عنها ابتسمت .. تحبه وتحب ملامحه ..

ندى بضعف : ناظريه تتخيلي تصبحي بوجه حد غيره .. تتخيلي رجال ثاني بحياتي.. يصرخ عليك ويزعلك .. بعدين بحنيه يعتذر منك او يحاول يضحكك ..

وعود ابتسمت من قلبها .. وهي تدقق فيه وتسمع حكي ندى الغريب : لاااا .. اكيد لااا .. هذا رياض .. بس وش س

ندى قاطعتها : وانا ماتخيل يكون غير سامي بحياتي .. علشان كذا ..مابغى اعيش بدونه ..

وعود : ياحبيبتي مو من اول مشكله تتخلى عني .. صحيح رياض يقول ان سمعته كانت مو حلوه .. بس ماعليك كثير عندهم حركات بس يتزوجوا يتركوا حركاتهم ..

ندى ابتسمت لوعود : مراح استعجل بفكر ..

وعود : تفكري بايش ياحضي ه

قاطعها صوت رياض من بعيد : وعوووده .. وعودتي حياتي ...تعالي بسرعه ساعديني ..

وعود بسرعه راحت لرياض علشان مايدخل وندى فيه ..

ندى تتحرش فيها : اركضي بسرعه لايطير ..

وعود : هههههه بايخه ..

فتحت لرياض الباب : ندوش هنا ..

رياض كان رافع كيس صغير وكيكه بكرتونتها ..: كل عام وانتي بخير

وعود ابتسمت : وانت بخير .. ليه متعب نفسك تحت مليان كيك ..

رياض : افاا مافيه شي من واجبك .. يله اجهزي نعيد بره ..

ندى ابتسمت على وعود ورياض .. وارسلت لسامي (( الحمدلله على سلامته حبيبي.. تقر عيونكم فيه ..
اليوم خطوبه بنت عمي عقبال زواجنا ..

كل عام وانت بخير ..
قل لامي شيخه .. ولصغيرونه ..))

ارسلت له .. ثواني ودق الجوال ..

ردت بهدوء : آلو ..

سامي بصوت هادي مره وهو مو قادر يفسر الموجود بالمسج هي واقفت ترجع والا لا ..

والا هي تلعب عليه وباعصابه ..: كل عام وانتي بخير ..

ندى ابتسمت اشتاقت لصوته : وانت بخير ..كيفك ؟!

سامي بتشاؤم : كويس وش بيصير لي يعني ..

وعود اخذت عبايتها : ندووش اذا بتطلعي اقفلي الباب الخدامات مابغاهم يدخلوا واذا ماعليك امر حبيبتي دخلي الكيكه لثلاثه ولاتفتحي الهديه بلا لقافه ..

ندى : هههههههه .. لاتخافي مرح افتحها ..

قفلت ندى على نفسها الباب وردت على سامي : هلا وش كنا نحكي ..

سامي : بالله تو تذكرتي اني بالسماعه ..

سكر السماعه معصب تلعب فيه ..

ندى ناظرت جوالها يسكر عليها السماعه .. دقت عليه بسرعه معصبه ..
: الو .. انت قدها ..

سامي بجديه : ندى مو بزر عندك تلعبي فيني.. وش هالرساله وش قصدك بزواجنا .. اذا تمزحي ترى مر مو حلوه ..

ندى : انا مامزح .. وقررت – بهدوء قريب للهمس – ماتخيل اعيش بدونك ..

سامي ابتسم بعدها ضحك : هههههههههههههه ...

ندى زعلت : انا ماقلت شي يضحك ..

سامي : لااااااا ياقلبي ماضحك عليك .. بس ماني مستوعب .. ندى من جدك تبغيني بعد كل اللي سمعتيه ..

ندى تنهدت: ايوه ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

ام هواجس تبتسم بحب : والله حا نتشرف بنسكم .. ولدك معروف وماعليه حكي .. بس تعرفين نسال .. وابوها .. وهالسواليف ..

ام فهد : حقكم .. وترى فهد شاريها ..

هواجس ..
كانت مخنوقه بالجلسه ..
وتحس مالها حق تحكي او ترفع راسها ..

مطلقه ومحروقه ..
وتتشرط ..

مفروض تبوس ايدها وجه وظهر انها انخطبت ..

وبالذات منه هو ... هو فهد ..

مو هو اللي كان معها بيوم الحادث لازم توافق عليه ..

ناظرت ام فهد وهي تقول بحنان : بحطها بعيوني .. باخذها عندي لايطاليا لان شغل فهد هناك ..وكانها عندك يام هواجس ..

قامت من مكانها بضيق وطلعت لغرفتها بسرعه ..

قفلت الباب ورمت نفسها بالسرير ..

مايحق لها تعيش مثل اي بنت ..

هي محروقه .. يعني مشوهه ..

حتى لما حبت تفرح مثل اي البنات وتنخطب رسمي ..
فرحتها ناقصه ..

عمرها 25 وكانها بالثلاثين ..

فقدته شبابها .. وحياتها ..

فجاءه سكتت ..

ليه النظره التشاؤميه ..

بتعيش مع فهد بايطاليا وين مالتقوا وحبوا بعض ...
اول مابدت خيانتهم هناك وانتهت بسوريا ..

ناظرت الحروق اللي بيدها

هو عارف حجمها وشكلها وماخطب الا مستعد لها..

.
.
.

كان تفكيره بداخل الفيلا الصغيره ..

عند الانسانه اللي جوا ..

مبسوطه انه خطبها .. والا متضايقه ...

**********************
عشاق من احفاد الشيطان ... روايه رومنسيه حزينه .. ... وخياليه
**************************

4 - 2 - 2012, 11:13 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

.

.

.

.

السبت ..

الاثنين ..

الجمعه ..

ايام طويله .. عدت ..

.

.

.

شوال ..

ذي الحجه ..

ربيع اول ...

غيرها من الشهور اللي مرت بسرعه البرق ..

.
.
.

مابين سعاده وتوتر بسيط ..
يقتله الحب ..

.

.

بعد سنوات طويله ..

الشمس مشرقه باشعتها الذهبيه على اراضي مملكتنا الحبيبه ..
.
.
.

سامي بالكنبه يتمدد ..ويناظر باب الغرفه امس طردته ندى منها ..

: آآآآآآآآف ..

تافف وهو يرمي البطانيه ويعدل جلسته ..

ماهي بحاله معها ابدا ..كل يوم عامله لها حركه من حركاتها وكانها بزر ..

وتطلعه الغلطان وهي الصح ..

يحمد ربه ماسكن مع اهله ببيتهم كان فضحته ..

اندق جرس الباب .. ناظر ساعته ..
2 الظهر من بيجي هالوقت ..

تكاسل يتحرك ويفتحه .. : من القرف الغثيث اللي جائي هالوقت ..

فتح مكشر ..شاف بوجهه اهله ..
قال بكسل : لو ادري طريت مليون ..

ريان وهو رافع بنته: ليه حاش فينا ..

سامي اخذ منه البنت : ياهلا بلميس مافي بوسه لعموااا ..

لميس رمشت بعيونها العسليه وهي تضحك : هههههههه

دخلت شموخ وهي ماسكه روان .. اشرت على المفارش بالصاله ..
: اووه سام مطرود ..ههههههههه

ريان ضحك مع شموخ : الظاهر .. ههههههه

سامي اخلاقه مقفله : هاها هاي .. وين امي ..؟!

ريان جلس بالكنبه .. : بالسياره مع التوم ..

سامي ابتسم : صح وينهم المفاعيص ..ههههههه

شموخ تاففت وهي تجلس روان بجنب ريان : زعلانين حضراتهم مشتهين ينزلوا الرياض لاهل ابوهم ..

سامي بجديه : حقهم .. عماتهم وجدتهم مشتاقين لهم ..

شموخ شهقت : وانا .. ماقدر اعيش بدون هيثم وهشام ..

ام ريان وهي تاخذ نفسها
وماسكه بالتوم من كل جهه : عاجبك كذا شموخ مايبغونك ..

شموخ ناظرت بريان ورفعت حاجبها ..: رد ..

ريان ابتسم : لااا رجال هم وماعندهم هالحركات ..

روان كانت هاديه مررره وماتحب تحكي
دايم بجنب ابوها ..او شموخ ..

سامي يرفع غطاءه والمخده : يله يالحضانه اللعبوا بالبيت على راحتكم عمتكم ندى تحب التنظيف ..

شموخ ابتسمت ورفعت حاجبها لريان .. مثل العاده ندى وسامي متازم عندهم الوضع ..

يتقاتلون وباخر اليوم سمن وعسل ..
لان باختصار ماعندهم عيال تشغلهم ..

سامي دخل للمر بعيد عنهم .. ودق الباب : افتحي اهلي هنا ..

ندى فتحت الباب وهي لابسه ومتجهزه : عارفه عطوني خبر ..

سامي: لاااا ياشيخه وليه ماحكيتي ..

ندى تاففت ..: ماكلمك ايش فيك نسيت ..؟!

سامي تنهد وناظرها بطرف عيونه : ندى والله مقفله عندي .. طفشت من حركاتك ..

ندى ابتسمت بدلع : جد طفشت مني ..

سامي : ايووووووووه وبنفجر ..

ندى بدلع : اهوون عليك ..

ناظرها سامي بطرف عيونه : ندى اكرهك اذا استقليتي حبي لك ..

ندى قربت منه بدلال : يعني تحبني ..

سامي غمض عيونه .. تعشق تعذبه .. وتذله ..
عارفه نقطه ضعفه
وانها متفضله عليه ومتحملته ..
قال بحه : ندى ابعدي عني .. طفشت من حركاتك ..

ندى عورها قلبها عليه ..
بس كذا تطلع عندها
تحط حركاتها فيه ..
تطفش ..
ماعندها شي تعمله ..الا هو
: اوكي بطلع عند أهلك .. بس صوت اخوك بره ..

سامي : ندى اخوي مراح ياكلك ..

ندى بجديه : عند موقفي ..ساموو .. لو سمحت خذه بعيد والا مو طالعه ..

سامي عصب : ندى لاااازم تعقديها

ندى : هااا انت اللي تصرخ شايف كيف ..؟!

سامي اخذ نفس طويل : اوكي بتروش واطلع مع ريان للمجلس ..

ندى : اوك بطلع لك ملابس على ماتتروش ..

سامي باس جبهتها من قلب وغمض عيونه .. : اوكي حبيبتي ..

ندى حست انها حقيره بمعاملتها له .. ابتسمت ..

دخل للحمام يتروش .. وتركها ..
(( كل اللي عملته في بنات خلق الله ..
يطلع علي .. من البزر هذي ..))

ندى جهزت ملابسه وانتظرته يطلع..
سمعت صوت البزارين يلعبون ..

مقهوره ..مررره مقهوووره ..

تبغى طفل مرت سنين وهي تقاوم ..

اختها وعود .. الله اعطاها ولدين ..مثل القمر ..

ونور..عندها بنوته تاخذ العقل .. ..

وهواجس .. ولد وبنت بايطاليا ..

الا هي .. ماعندها حد يونسها .. واخوه عنده بنتين ولدين ..

الا هي وش معنا ..

تحاول ما تحمل سامي الذنب بس ماتقدر ..

تكره حياتها اذا شافت البزارين وماتطيق ترفعهم ..
ولا تلاطفهم صارت تكره البزارين وتقسى عليهم ..

مع ان سامي يحاول يحتويها ويكون حنون معها لانه يحس بالذنب ..

طلع من الحمام وهو يجفف شعره بالمنشفه ..
ناظر الثوب اللي مطلعته ..واول ماشافها ابتسم : ليه الثوب تعرفي ماطيق الثياب ..

ندى حست بالنرفزه ..
ليه متنرفزه ماتدري ..
يمكن من صوت البزارين اللي بره ..
: اللبس ثوب والا بدله ..كيفك .. انا ابغى اطلع وارتاح ..

سامي اختفت ابتسامته .. واخذ الثوب لبسه بسرعه وطلع ..

ناظر بامه وشموخ و البزارين ..: افاااا وين ريان ..؟!

شموخ : نسيت ريان بيطلع لشغل ..

سامي رفع صوته بطفش وهو يرمي جسمه بالكنبه : ندى تعالي ماافيه حد ..

ندى طلعت من الغرفه وتاففت لما صدمت بلميس اللي تلعب عند الممر : اف حبيبتي روحي لامك ..

ام ريان صرخت : ياعيااال اجلسوا بلا ازعاج .. ندى كيفك ..؟!

ندى بهدوء: الحمدلله كويسه كيفك يمه ..؟!

ام ريان : مرتاحه ..

شموخ بتودد : ازعجناك ندى ..

ندى بدون نفس : لاااا عادي ..

سامي هز راسه بطفش .. مافي منها فائده ..
: كويس جئيتوا تتغدوا .. وجبتوا الكتاكيت معكم ..

فتح ذراعاته ..: يله شباب لحضن عموااا .. هيه هيثوم هيشوم تعالوا ..

ركضوا له هيثم وهشام وهم مبسوطين ..

رفعهم سامي ولعبهم ..

كانت ندى تحكي مع ام ريان وماتطيق شموخ .. وبالذات انها ماتغطي عن سامي لهاللحين ..

سامي : هااا من اي مطعم تبون ياحلوين ..

ام رياض : انا بدون ملح ولابهارات ..

ندى : ماعليه يمه اطبخ لك شي حنا بس من المطعم ..

شموخ : لااا لاتعبي حالك ماما مطعمها دال الطريق .. انا باخذ مع ندى
..

ندى ابتسامه صفراء : انا من كنتاكي ..انتي ماتحبيه ..

شموخ بتردد : اهاااا .. معك حق بس البزارين وجبه اطفال .. سام خذ لي معك اللي تبغاه ..

سامي : انا اا مالي نفس مثقل بالعشاء بس بطلب لك من برجر كنج .. وش رايك ..

شموخ : اوكي ..

سامي طلع للحوش يطلب بدون ازعاج ..

اما ندى ارتاحت لانه مو فيه تتضايق اذا لعب البزارين ..

ام ريان : بشري وعود طلع زوجها من المستشفى .. امك تقول .. معه الزايده ..

ندى : هههههه من زمان ..

التفتت لنافذه وناظرت بسامي وهو يحكي ..

كان ماسك لميس ويلعبها .. فجاءه حطها بالارض وتغير وجهه لضيقه ..
ضيقه تكتمه .. وتعرفها كويس ..

كان يمسح على شعر لميس وايده ترتجف ..

حست بالغصه .. هو بعد يتالم ..

هو المه اثنين مو واحد ..

هو المتضرر قبل اللكل ..

هو اللي يتقلب كل ليله ويحاول يكابر اللي يحسه ..

حست بانانيتها .. كبيره ..

بس ماتقدر تلومه قبل اللكل .. احيانا تندم انها وافقت لانها تعذبه اكثر ..

شموخ ناظرت النافذه ..ورجعت ناظرت ندى ..

احيانا .. تشك ان ندى تحب سامي من تصرفاتها ..
لكن هالحين تناظر العكس ..

ندى تحب سامي وتموت فيه اذا غاب تسرح معه .. لكن وهو موجود ماتناظره ومتنرفزه منه طوال الوقت ...

اكيد لانها ماتجيب عيال تحس بالذنب
لكن تصرفاتها تدل العكس ..

(( ياليت وعود اللي تزوجته مو انتي ..
سام مايستاهل اللي يحصل له ..))

ام ريان التفتت لشموخ : شموخ ارفعي لميس بيقتلها هشام ..

شموخ انتبهت : اوكي ..

ندى : يمه .. مافي اخبار عن ام روان ..

ام ريان غمزت لندى لان روان تفهم : لااالهالحين مسافره ..

ندى : اهاااا شكلها مطوله ..

سامي دخل وهو مبتسم يكابر ..: ثواي ويكون الغداء واصل .. يله انا طالع لدوام .. اقسم بالله يمه شمو خ اذا طلعتوا قبل مارجع ..ابزعل ..

شموخ سكتت لان ندى ماتطيق حكيها مع سامي ..

ام ريان : هههههههه لا لاتخاف بنجلس ..

ندى لحقت سامي .. وهي تدور طريقه تعتذر فيها ..

سامي وهي يطلع له بدله : ندى ليه تركتيهم ..

ندى ارتبكت : ها .. ولاشي .. بس بتتاخر ..

سامي وهو يكمل لبسه عند الدولاب : مثل كل يوم ليه ..؟!

ندى بتردد : اممم .. سام ..انا .. انا ..

سامي هز راسه : ايوه ..بتطلع ..

ندى : انا ابغى روان ..

سامي ناظرها مو فاهم : اوكي خذيها ..

ندى بتردد اكبر وهي تناظر ايدها : لااا أقصد ابغاه ابغاه ..
يعني امم ابغاها على طول ..

سامي التفت عليها ..ورفع حاجبه اليمين بعصبيه وهو يكتم اعصابه : يعني كيف على طول ..

ندى ارتبكت وخافت من نظرته .. بعدت عيونها عنه : ايوه ابغاها تكون عندنا شموخ عندها عيالها من فيصل وبنتها .. وروان امها بالسجن .. انا اقول نااخ

قاطعها سامي بصوت شبه يصرخ : ندى طفح الكيل خلاااااااص .. انتي لاتطاقين ..

ندى عصبت : انا ماقلت شي .. بس اقتراح ..

سامي قرب منها
ووجهه يزيد قسوه وكانه انساس ثاني : دامك كذا ليه جالسه لهالحين ..
- اشر على راسها بسبابته – افهمي انا مافيني عيال ماااقدر .. وانا خيرتك يابنت ابوك وانتي اخترتي ..
وهاللحين ابغى ارجع للبيت وماشوف خشتك روحي لبيت اهلك اذا كان موعاجبك الوضع لهالحين ..

طلع وسكر الباب بقوه ..

ندى قفزت مع صوت تسكيرت الباب ..

.
.
.

وهذا وضع ندى مع سامي ..

وحال الحياه كذا ..

.
.
.

لحقته بسرعه ..

سااام سااام ..

سامي طنشها وطلع للحوش ..

وقفته وهي تمسك ايده : والله اسفه سام سامحني .. قسم بالله ماقصد .. والله ماعيدها ..

سامي ناظرها .. وناظر بامه وشموخ اللي واقفين عند الباب مستغربين وخايفين وش هالصراخ ..
: وبعدين ترجعي لحركاتك ..

ندى حست بالرعب لان سامي اول مره يهددها .. : حبيبي اقسم بالله اسفه – بكت – غصب عني والله ماقصد ..

سامي اخذ نفس : اوك حبيبي خلاااص لاتبكي عارف ..

ندى ضلت عيونها بعيونه وهي تصغر اكثر قدام حنانه ..

ابتسم وخربط لها شعرها : ندوش خلاااص ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

4 - 2 - 2012, 11:14 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

القصر المظلم ..

مليان حياه ..

االقصر الخالي .. صار مليان ..

اربع عوايل تسكنه غير ام رياض وزوجها ...

لمت كل عيالها حولها ..

بنات وشباب .. كلهم حولها مع عيالهم ..

.
.
.

سجى جالسه بجنب روابي وتهمس باذنها ..

وروابي تهز راسها بانصياع .. وهي مبتسمه ..

وعود : خير انتي معها .. وش تحكون فيه ..؟!

سجى : مالكم دخل .. اكمل لك روابي ..

ربى : ياااشيخه سجى بسرعه اخلصي ..

روابي : لحضه سوسو .. والله حنا عندنا بكره سفره سوا يعني بيننا عشره انتم وش تبون ..

وعود : ربى ماعليك منهم يخططون على رجالهم ..

ربى وهي تسند ايدها على ظهرها .. بشهورها الاولى : وانتي صادقه هذولاء بلاء مايجتمعوا الا لمصيبه ..

سمعوا صراخ ام رياض من بعيد ..: انتي معها ميري .. ورفوعه ... ارفعوا العيال .. انا شاريه راحتي .. ومالي خلق مبزره ..

روابي : آآف امي مقفله ..

سجى : والله انا عيالي عند ابوهم .. ماني غاثه احد ..

وعود : كلها بنيه وتقولي عيال ..

سجى : هاااه انتبهي لايسمعك تركان تراه يبغى يغثني بغير رنيم ..

ربى : انا استغرب كيف ساكت لك لهاللحين ..

روابي بانفعال:: انتبهي لاتعطيه متعب وجه سطر لي ثلاثه ويبغى زياده ..

ضحكوا عليها ... متاذيه ..

دقت جوال سجى .. ردت : الو هلا حبيبي ..

تركي مستعجل : هلا نانه اسمعي جهزوا للبر حنا طالعين قنص ..

سجى شهقت : والسفر بكره ..

تركي : المره الجائيه حبيبتي .. خذي رنيم وارسلي الشنطه ..

سجى ناظرت بوعود وربى الشمتانات ..: اوك حبيبي ترجعوا بالسلامه ..

سكرت والتفتت لروابي : سمعتي صح ..؟!

روابي : حركات متعب ترى هذا هو بكره نسافر واذا قنص ينسى حاله

وعود بطريقه استفزازيه : هههههه فديت رياض الله يحفظه لي قول وفعل ..

ربى بنفس الطريقه : وانتي صادقه الله رزقنا برجال مايطيقوا البر .

سجى وروابي : هاها هاها ها ..

وعود وروابي : ههههههههههههههههههههههه ..

في اجمل من اللمه ..

في احلى من قصور لامه عوايل ..

في افضل من حياه كل احبابك حولك فيها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

نهايه " عش من احفاد الشيطان اق "

.

.

.

ها قد لامست اناملي المقص لتقطع اخر خيوط روايتي ..

التي قد يكون خيالي اخذني للبعيد ..بها ..

لابعد من الواقع بكثير .. وصور وحوش بعيدي عن الانسانيه ..
صورة بشاعه الواقع .. بمبالغه ولكني أأكد انه يوجد امثالهم بالمجتمع ..

وهذا ماخرج معي من افكار.. هذا ماسطرته بين يديكم وماخرج من مخيلتي ..

..

لاجد كلام منمق اكتب به ..نهايتي ..

ولا خاتمه تعبر عن ما شعر ..

فساكتب لكم مابقلبي .. والتمس منكم العذر ..

لتقصيري وتفريطي ..

فانا اعتذر عن كل دمعه .. انزلتها من عيونكم ..

او عن صرخت اطلقتموها غضبا من شده احزان احداث روايتي ..

ولكنكم لاتعلمون من انتم ..

فانتم اصدقائي الخفين .. الذين احتواء مشاعري
احزاني
افراحي

عن طريق ابطالي ..

نذهب جميعا ويبقى ماكتبناه ..لبعضنا وتناقشنا به ..

فاعتذر لمن تعديت عليه بكلام جارح كنت قاصده او لم اقصد ..

.
.
.

الصبر ثم الصبر ثم الصبر

سلاح لكل وحده تقرا [عشاق من احفاد الشيطان]

قرائتها باحدى المنتديات (( منتديات شموخ على ماظن )) واعجبتني كثيرت ..

وشعرت بصدقها ... فلقد تاخرت كثيرا ..بهذه الروايه ..
لظروف لايعلمها الا الله ..

ففضلكم على راسي بانتظاركم لي وصبركم علي..
وتحملي ..

.
.
.

واخر كلمتي لمنتداي الغالي ..

منتديات " كيف " من كل قلبي ..

اداره واعضاء ومشرفين ومراقبين .. وقراءه ..
مانسى فضل الله ثم فضلكم على " المرواني " " المبتعد " " حفيدة جدتي "

عضو عضو .. اشكركم ..
قراء خلف الكواليس اشكركم ..

الجميع بجد شكرااا ..

شكرا لكل من كتب حرف بروايتي او سوال عن موعد جزاء .. او نقلها للمنتدى اللذي يحبه ..

شكرا لكل من انتقدني لشده حبه لي وحرصه على تطوير نفسي ..

شكرا لكل من كتب ملاحضه بسيطه في الخفاء او باللعلن ..

بجد شكرا لقلوبكم البيضاء اللي تحملتني وتحملت ظروفي ..

.
.
.

القاكم على خير باذن الله في روايتي الثالثه (( ورود في مزبله القدر ))
..

بمنتدى كيف احجوز لي مكان ..
متكحله بدم خاينها *_^

4 - 2 - 2012, 11:16 PM

انتهت الروااايه و الحمد لله
قراااائه ممتعه باذن الله :)

28 - 2 - 2012, 07:07 AM

موضوع رائع
لك\ي مني اجمل التحية
الف شكر على موضوعك
يعطيك الف عافية على طرحك
كن\ي بخير
كنت هنا
تقبل\ي مروري
الحب ياسمين

المواضيع المتشابهه لموضوع: عشاق من احفاد الشيطان لموضوع: عشاق من احفاد الشيطان
الموضوع	كاتب الموضوع	المنتدى	مشاركات	آخر مشاركة
مسلسل ميراث الريح كامل بدون فواصل قصة احفاد ابليس كاملة	حنين الأشواق	همس للافلام والمسلسلات	1	28 - 11 - 2021 04:08 AM
عشاق الليل‎	سجات التهاويل	نفحات اسلاميه	4	25 - 1 - 2015 06:35 PM
وحلمنا ننا عشاق	كابتن محمد المصرى	همس عذب الكلام والخواطر المنقوله	7	17 - 10 - 2014 10:32 AM
كلنا عشاق	سجات التهاويل	همس الشعر والقوافي	7	6 - 10 - 2014 11:22 AM
كلنا عشاق و لكن	الصافي	همس عذب الكلام والخواطر المنقوله	18	5 - 7 - 2013 04:01 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عشاق من احفاد الشيطان

همس للقصص وحكايات وروايات