ديوان ويمنعنبذه عن الشاعر مطلق النومسي

#1 23 - 3 - 2022, 07:43 PM

ديوان ويمنعنبذه عن الشاعر مطلق النومسي

ديوان ويمنعنبذه عن الشاعر مطلق النومسي

السلام عليكم ورحمة اللهيمنع

بحثت كثيرآ عن معلومات عن هذا الشاعر الرائع
وللكن للاسف لم اجد غير القليل الذي لايفيه حقهيمنع

عندما نتحدث عن الشعراء / النجوم فلا بد لأي منصف أن يذكر إسم [ مطلق النومسي ] وإلا فارق الإنصاف .
وعندما نتحدث عن الشعر ( الجزل ) فلا بد أن يكون مطلق النومسي من الأسماء التي تهتم بهذا الجانب في القصيدة النبطية ..
شاعر يجمع الديوان والميدان معا , أبدع في كلا الحالتين , وهذه من أهم النقاط التي تحسب له ك شاعر رفض إلا أن يدخليمنع
للنجومية من قلب الجمهور لا من قلب الصحافة والإعلام .يمنع

الشاعر / مطلق النومسييمنع

شاعر كويتييمنع
وهو احد الشعراء الذين برزوا في السنوات الاخيره بالساحه الشعريه
يتمتع بجماهيريه وحضور عبر العديد من الامسيات الشعريه
واول امسيه شارك بها امسيات مهرجان النعيرهيمنع
حيث كانت اول امسيه رسميه لشاعر مطلق
شارك كعضو لجنة تحكيم في احد المسابقات الشعريه

هذه المعلومات جمعتها لكم

الموضوع الأصلي :‎ ديوان ويمنعنبذه عن الشاعر مطلق النومسي || الكاتب : || المصدر : شبكة همس الشوق

23 - 3 - 2022, 07:44 PM

قصيدة الله يرضالي عليك - مطلق النومسي

الله يرضالي عليك ......ويرحم الله والديك
خسارتي ......من ظنك الظالم دبل خسارتك

لاصار ظنك في تزايد شيء هيك وشيء هيك
لابد... تفقد حكمك الخالد على.." أمارتك "

يا.." أمير ".. يانجل الأمير... وأول احفاد المليك
تراك دايم " بالصداره " والتزم صدارتك

والله يعلم ....وأنت تعلم .....وأعلم اني مشتريك
وأعلم..... بأن النفس من دون الملا مختارتك

فليش تظلمني.... وأنا يافاتني..... منك وليك؟؟
وانا الذي.... مايوم " فكر" يعمد لأثارتك

أدرى عليك وأرتجيك اي والله اني ارتجيك
وأخاف من نارك واعيش بأمن تحت أنارتك

خل الثقه من بيننا تبدي... علي وتبتديك
وأنا اول ذنوبك واذا حبيت .... انا كفارتك

يالله تعال ...هيا.. بلاش... من الدلع الله عليك
لاقمت يادلوع تشرف بي .....على عيارتك

وانسى الزعل واضحك معي وامسك يدي وامسك يديك
واطلق حجاجك وابتسم وارفع طرف... نظارتك

واغمز بعينك.. واشر لعيني على روس... اصبعيك
واقولك..." شاطر " ..وتعجبني بعد شطارتك..!!

فالله يرحم والدي.... والله يرحم والديك ..!!
اشطب على خسارتي... واشطب على خسارتك

23 - 3 - 2022, 07:45 PM

قصيدة هيفا وهيفاء - مطلق النومسي

دايم احس اسمك يداعب لساني

هيفا وبعض احيان اناديك هيفاء

ومع كل مره ينخلق به معاني

واحس بإن حروفنا كلها هاء

يا أول طموحاتي بأخر أزماني

ياشيء يجمعني معه عدة أشياء

أنا بليتك والزمان إبتلاني

وان قال وقتي لاء ماقلتلك لاء

لانك كذا اقرب من اقرب اخواني

وأبعد من التصديق من كذب الانباء

جيتك قصيد ولحن شوق واغاني

مثل الخطاء لكن يصحح له أخطاء

جيتك أمل واحد وكل اماني

وانتي تعالي سر معدوم الافشاء

يارغبتي ياوحشتي يا اماني

استاء جدا كل مابعدتي أستاء

عيني بكت قربك وقلبي بكاني

تظماك عيني وبطرف عينك الماء

يسعد مسا البحرين لو كنت اعاني

من بعد قربه ليش ياعلم الاحياء

محسود يادلمون وانا اناني

وانت وانا خصمين لكن احباء

واتركني استمتع بكلمه انساني

أن قلت ياهيفا ولا قلت هيفاء

23 - 3 - 2022, 08:23 PM

قصيدة غلاي مسافره - مطلق النومسي

باقي .. ثلاثة أيام .. ويحين الرحيل
يومين .. والثالث .. غلاي .. مسافرة

بنت النبيل .. أبن النبيل .. ابن النبيل
مزعلة .. ظبي الفياض القافرة

ما كنها ألا معركة .. بيضا نثيل
تحمل شموخ .. ربوعي .. الجعافره

قرب سفرها .. والسفر .. ماهو أصيل
هافي نسب .. وأصل ألديانة .. كافرة

يعني .. سهر .. وهموم .. وجروح .. ووعيل
أربع .. على ضيق النفس .. متظافرة

يارب صبرني ... وأنا صبري .. قليل
زود على قل .. الحظوظ الوافرة

ماكان .. لأسباب السفر .. أية بديل
إلا السفر نفسه .. بنفس نافرة

لكن ماهو .. معناة ما قلته .. قبيل
أقبل بذنب .. ما قبلني .. غافره

هي مذنبة .. طبعا .. وأنا ذنبي ثقيل
ذنب .. جرح قلبي .. بروؤس أظافره

يا ماأقصر أنفاسي .. ومشواري طويل
والوصل .. ما حذى الزمن .. حوافره

وشلون أبا أسلا ..؟ كيف أبا أرقد ربع ليل
دام السهر ..والنوم دوم .. معافره

لو للسهر .. ضابط .. وسجان .. وكفيل
كفلت روحي .. عن سجن مخافره

لكنها .. قسمة .. وأنا حظي بخيل
وش يظهر السنفور ... من سنافره ؟

مالى سوى .. اسامح .. وأعدل .. كل ميل
وأقنع .. ولو بعض الفرص .. متوافره

من شان ... خاطرها .. يصير المستحيل
اللى تعاملها .. معاي .. مشافره

اللى تربع لي .. خطوط المستطيل
دون التقيد .. بالحكم .. والصافرة

العذر .. معها .. والسفر .. أمر جليل
جاها .. من كرام الوجيه السافرة

لكن وش عذري ?? وأنا دمعي .. يسيل
لا جيت .. شارعها .. وقيل .. مسافرة

23 - 3 - 2022, 08:23 PM

قصيدة يامسعد مساي - مطلق النومسي

الله يسعد لي .. مسا .. اللى من مساه .. أسعد مساي
والله يقدرني .. على دينه .. ولو ماهوب دين

اللى رجع يجمع غلاه .. ويقسمه على غلاي
في ضرب قلبي بألف قلب .. وألف روح .. وألف عين

حسبة بدائية .. قبل يدخل . بحسبة مبتداي
من أجل تحقيق التناسب .. بين كلتا الحسبتين

به حرص عاجبني .. وبه طفرة هوى .. تشبه هواي
هنا يبين ولو خفا .. وهناك يخفى لو يبين

كله من أسباب الحيا .. والخوف .. يبدي ألف راي
ولا يكذب بالأمان .. إلا قلوب الخايفين

يمشى ورا خوفه .. وهو يحسب خطا قلبه وراي
إلين حس بلذة الأمن .. ونعيم الامنين

أمن ..وسلام .. وصدق ..يجمع مبتغاه بمبتغاي
والحب نعمة .. ما تحيط إلا قلوب الصادقين

منوة.. ونعمة حمدها واجب .. وأنا برفع يداي
وأدعي ..وأكرر .. في سجودي .. حمد رب العالمين

ظفرت .. باللى كنت أفكر به ..وأنا بأول صباي
هذا وأنا توي ..ولكن يووووه يا طول السنين

أتعبت قلبي .. وإنبرت حالى .. وأنا أجدد رجاي
عندي قناعة .. تبتعد بي عن حياة اليائسين

واليوم عن صاحب سمو القلب يتحدث حشاي
أهلا حللت .. وطئتك .. سهله .. وقربك ياسمين

يا صفوة أعيان الجزيره .. يا مصنف .. هاي هاي
يامن قريت إسمه .. وقدامه قريت الكلمتين

أنا الذي .. لو كان ما أملك .. في يدي إلا عصاي
عزيز نفس .. ومحتويني باس .. لا يمكن يلين

حبيت أبين لك حدود أرضك ..لأجل تعرف سماي
وليا عرفت .. أمطرت لك .. من كل منشي غيمتين

بشرى .. تفاهمنا .. تكلل في رضاك وفي رضاي
وبشرى لقانا .. .. في تجدد كل ليله .. ساعتين

كذا إنتهينا .. وإتفقنا .. وأنت يا مسعد مساي
تعال ؟؟؟؟؟ لعن أبو حيك .. ترى مافات شين

23 - 3 - 2022, 08:24 PM

قصيدة كيف السبيل - مطلق النومسي

يا سيدي يا عبدي الحر الأصيل
صمتك يرتبني حكي لعلني

أقدر أفصل لك من الحكي الطويل
فلا تقاطعني رجاءا خلني

ودي أفضفض ما بقلبي لو قليل
وأجيك عقدة مبهمة وتحلني

الوقت لو حاول يخليني ذليل
أموت جوع ولا الزمان يذلني

مزامل همي وصار أقرب زميل
والهم من سن المهد محتلني

صحيح همي شي شبه المستحيل
وصحيح يضميني عبث ويعلني

لكن قناعاتي ورا الصبر الجميل
تحلف على ربط الحزن ويفلني

يا سيدي ما فات خله حلم ليل
وعن ما يذكرني همومي شلني

بعدك كذا علة وأنا مبطي عليل
والناس وظروف الزمان تعلني

قربك سبيلي دامني عابر سبيل
تعال وإجمعني سحاب وهلني

تعال لبس راسي التاج الجليل
وعلى معاليق الضماير ولني

تعال شرق بي قبل راسي يميل
تعال يا بحر الغروب وبلني

أيوه تعال أقرب هنيا حيل حيل
سلال بعدك يا مليكي سلني

وإذا لقيت إن ( الغلا ) دمه ثقيل ؟
زر (غب) تزدد (حب) قبل تملني

وإن كان جيتك ضايق ودمعي يسيل
خذني على صدرك شوي وسلني

بعدك عذاب ولا يبي طبعا دليل
وإن كان تطلبني دلايل خلني

أستشهد بشطر من الشعر الأصيل
كيف السبيل إلى وصالك دلني؟

23 - 3 - 2022, 08:24 PM

قصيدة نوره - مطلق النومسي

إيه يادنيا .. وهذي عادتك دوّارة
والغلا تحت الضلوع العوج .. كمّل دوره

في حكاية .. تستشف الكذب منها .. تاره
وتاره .. ألقى الصدق فيها .. رايته منشووره

قصّةِِ بأحداثها .. وفصولها جبّاره
وأستمع ياوقت فحوى قصتي مع نوره

بنت .. يثملها القصيد .. وتنتشي لأخباره
روحها .. شاعر فريد .. وقلبها جمهوره

كانت تغيّر بأساميها .. وهي محتاره
كيف تختار إسم .. يلبسهالقصيد شعوره ؟

نوف ؟؟ .. وإلا شوق ؟؟ .. وإلا ريم ؟؟.. وإلا ساره ؟؟
المهم إن الأسامي .. دايما مشهوره

كانت بعيني غريبِِ ما يحب .. دياره
وكنت متاكد بان البنت ذي .. مخطوره

لأانها .. طفقة .. عنيدة .. شامته .. عيّاره
مايعه .. ترفه ..غنوج .. مدلّعه .. مطيوره

لين طالتها علوم العالم الثرثاره
وصارت أشهر من علم .. بعلومها المذكووره

وإبتديت .. أحس في كرهي لها وأختاره
واتجاهل .. كل عرقِِ بالغلا له ثوورة

كنت كاره طبعها .. إي والله إني كاره
بس مدري ليه نفسي .. يمّها مأمووره

لين جات الليلة المسفوره النوّّاره
او بقول أحلا كذا .. النوّارة المسفووره

يوم مرتني تمايل مع بنات الحاره
وأشرت لي من بعيد إشارةِِ مخبوره

وإتفقنا نلتقي .. في ساحل البحّارة
والوعد يوم القمر يظهر علينا نوره

وإلتقينا .. وإلتقى فينا الهوى .. وأسراره
خل عنك الطبع يقعد .. وإنتبة للصوره

قمت اسبح بإسم ربي .. وأحتمي باذكاره
وابتدي بالبسمله .. قبل ابتدي بالسوره

المهم .. إنا جلسنا .. وارخت النظارة
فوق ذيك الطاولة في جانب المقصوره

والرسبشن .. خلفنا .. والباب كان يساره
ومن يمين الباب الايسر كانت النافوره

وقهوة الاتراك .. كانت بيننا فوّارة
وكان سكّرها يحاول .. يستغل الفوره

وإبتدى هرج العتب .. يقدح علينا ناره
وكنت مغرورِِ شوي .. وهي بعد مغروره

حول ساعه .. وإنتهى الموعد وفل إستاره
بعد ما اعلنا الصداقة بيننا مغموره

كان هذا الإتفاق ... وإعتمدت إحضاره
يعني إنك يالعلاقة بيننا محضوره

والغريب .. إن افترقنا .. فرقةِِ غدّاره
ليه ؟؟ مدري ..بس حسيت إنها معذوره

وكنت امثّل قصة العاشق .. واجيد ادواره
وكانت تمثّل علي العشق دوره دوره

وإستمرينا نكابر ... والجروح تشاره
والغلا يكبر ... ونفس المنتحي مكبوره

لين جتني .. بنت أبوها .. للغلا منهاره
وجيتت انا .. والعين من ضيم الدهر مقهوره

ذي نتايج دورتك .. يا حضرة الدّوّاره
والغلا لا زال ثابت في حنايا نوره

23 - 3 - 2022, 08:25 PM

قصيدة الصحيح - مطلق النومسي

خل الصحيح وخل عنك ايضاحه
حتى لو انك كنتله متشفق

لن الصحيح ب هالزمن مرجاحه
ترميك رمية قاتلة .. وتخفق

ف كانك تبي نفسك تجي مرتاحة
وكانك تبي ربعك معك تترفق

اسكت ويعطونك قشر تفاحة
وليا سكت أكثر تصير موفق

الخير من حولك تهب رياحه
وليا بغيت الخير لك يدفق

لجيت عند اللي يسود الساحة
نافق وحرف بالكلام ولفق

ونفذ ما يطلب منك واجلس راحة
ولا تناقش لا يقال مطفق

خلك مثل جمهور شاطئ الراحة
اللي ليامن قيل صفق ..صفق

23 - 3 - 2022, 08:26 PM

قصيدة الغيب - مطلق النومسي

الغيب عند الذي من فوق كرسيه
سبحانه اللي خلق وأبدع بتكويني

اللي أمرني بتوحيد الأولوهية
الهي اللي يموتني ويحييني

أخضع له الراس .. وأبكي .. وأرفع يديه
يالله برحمتك يوم العرض تحويني

عبدك ضعيف .. وعظيمات معاصيه
ما غير رحمتك يا رحمان تنجيني

أدعوك بالسر .. وأدعوك بعلانية
يمكن يأمن (ولي صالح) وتهديني

ابليس مغوي .. ونفسي جات مغوية
ودنياي يا خالق دنياي تغريني

كم شلت فوق النعش .. جثة ومطوية
ودفنتها والتراب يلطخ يديني

وكبرت وأول سؤال مر طاريه
متى عليه يصلون المصليني

وليا طلع صبح غد .. ومالت الفية
يعرض لي ابليس وأيامي تمنيني

حالة ضياع وقلق ... وأشياء مخفية
وترميني الناس .. مدري ليش ترميني

مع أن دايم خطا نفسي حواليه
والناس مالي وراها شي يعنيني

أجنح مع السلم .. والعالم عدائية
والله حسيبي على قوم تعاديني

ماهو مكفيهم أني صرت مارية
للهم والضيق ..واللي بيني وبيني

بيه بلا .. والبلا .. ما أعرف وش بيه
ولا لقيت الدواء .. والبحث مضنيني

واللي نفع به دواه .. وعلتي زيه
ماهو بشرط الدواء نفسه يداويني

لن العلل ترتبط بأسرار نفسية
نفسي .. وأنا أدرا بها .. والله يعافيني

تغفى عيوني ... وجنبي فوق جنبية
من كثر ما اعتدت ألمها .. ما تصحيني

مرت ثلاثين .. وجروحي كما هيه
وأنا نفذ كل صبري .. يا ثلاثيني

مجنون يا وقت .. وأفكاري جنونية
أحسبك تبرا جنوني وأنت تبريني

وأن زاد بريك .. لي الله ثم من ليه
ألا أنت يا صوت راشد يوم تاتيني

ترمي عن الصدر .. وأتنفس .. بحرية
يا من وجودك على الدنيا مكفيني

اخوي ... وحزام جنبي .. ناري الحية
جناحي اللي يعوضني .. جناحيني

عندي من الوقت وظروفه حساسية
وأشري بخاتم ذهب .. خاتم بلاتيني

ما طحت يا ابو فهد والنية النية
لكن ليا طحت مثلك مايخليني

عساك تبطي .. يا أبو كف نداوية
وأنا عساني قبل لا أرثيك ترثيني

فان مت قبلك فهذي أكبر امنية
وأن عشت بعدك تبي تكثر سكاكيني

كلمة على خاطري .. من وقت مكمية
سريتها والغلا يمك مسريني

مار أطلب الله يخفف عني شويه
الهم يا بو فهد ولع شراييني

يارب عطني رضاك .. وروح مرضية
وخذني على باب بيتك باخر سنيني

على صدى صوت (ماهر) وقت فجرية
أرتاح مع صوت (ماهر) لو يبكيني

وليا ركعت .. وتغشى البرد رجليه
أمهلني أسجد لوجهك باكية عيني

23 - 3 - 2022, 08:26 PM

قصيدة السنيوره - مطلق النومسي

يالكتاب اللى حفظته .. قبل لا أقرا سطوره
كيف تجهلني سطوره .. والكتاب .. كتابي

كل كلمة فيه .. بعروقي تجدد دوره
وكل حرف فيه .. يجمع دمعتي بأهدابي

يعني الدم وكرياته .. بحالة فورة
تحتضن جمر الدموع .. وتحترق بأعصابي

بين دمعة (ضحكتي) في نفسي المسروره
وبين ضحكة (دمعتي) يوم البكا .. قفى بي

مدري أحزن .؟؟ من جهل شعري .. وزود قصوره
وإلا أنا افرح .. من وفا شعرك .. وزود إعجابي

حال .. خلاني .. أشك .. بقاعدة مشهورة
التجاذب .. طابع السلبي مع الإيجابي

لا يبه .. ماهو صحيح .. وكذب .. صوت وصورة
شوف عيني .. شفتهم .. أصحاب .. مثل أصحابي

يومك .. أسرفتي .. بتدليل الشعر .. وبحوره
ويوم انا .. اسرفت بمواعيدي .. وطول غيابي

سامحيني .. يالجموح .. الحرة .. المستورة
وإقطعي .. راس الحسود إبن الحسود .. الهابي

وإقربي لي .. والشعر له .. ليلة مخموره
تثمل عروق الحروف .. ودمها يصحى بي

ليلة .. فيها العنب .. تحمر .. شهب جذوره
لين يروى .. من سواد الما .. ويبقى نابي

بس .. أنا .. وأنتي .. ونسناس الهوى .. وطيوره
وإختصاراتك .. لموضوع الحكي .. وإسهابي

إلتفات .. وهمستين .. ونظرة مخدوره
وإندفاع .. وضمتين .. وفرفشة متصابي

جو حالم .. وأمنيات .. ونية منشوره
بين طيات الغلا .. المستذكي المتغابي

وإلعبي من فوق جرحي .. وأنتي الدكتوره
عالجيه .. بضمتك .. لا زاد بي .. وأغمى بي

لين تصحيني .. بلابل شجرة البندورة
لا إلتوى بي .. ظلها .. للشرق .. ثم صلا بي

يا غلاي .. اللى يبشر عن قيام الثوره
مثل ما ثار .. الإمام محمد الوهابي

الغلا جاير .. ولا أحد سالم .. من جوره
خص لا منه .. تولى .. خافق العزابي

وأنتي .. أدرا .. بالغلا .. يا حضرة السنيورة
والدليل إن الكتاب اللى معاك .. كتابي

المواضيع المتشابهه لموضوع: ديوان ويمنعنبذه عن الشاعر مطلق النومسي لموضوع: ديوان ويمنعنبذه عن الشاعر مطلق النومسي
الموضوع	كاتب الموضوع	المنتدى	مشاركات	آخر مشاركة
نبذه عن الشاعر الكبير ناصر القحطاني	نجمة الليل	همس دواوين الشعراء	4	24 - 8 - 2023 07:17 AM
ديوان الشاعر حمد البريدي	نجمة الليل	همس دواوين الشعراء	14	11 - 7 - 2023 01:05 AM
ديوان و نبذه عن عبدالرحمن العشماوي	حنين الأشواق	همس دواوين الشعراء	136	2 - 6 - 2022 01:09 AM
ديوان و نبذه عن الشاعر سعد علوش	همس الشوق	همس دواوين الشعراء	16	27 - 9 - 2021 01:31 AM
ديوان و نبذه عن حياة الشاعر على محمد القحطاني	همس الشوق	همس دواوين الشعراء	33	27 - 9 - 2021 01:31 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

ديوان ويمنعنبذه عن الشاعر مطلق النومسي

همس دواوين الشعراء