ديوان ويمنعنبذه عن الشاعر مطلق النومسي

23 - 3 - 2022, 08:27 PM

قصيدة حاجات صارت - مطلق النومسي

حاجات صارت كنت ما ظنها تصير....

و دار الزمان و بان غيبه و صارت ...

صارت كذا فجأة بدون أي تحذير...

لكن هي الدنيا كذا لأستدارت...

تلغي معايير و تثبت معايير...

وهذي بقا منها و هذي توارت...

يا نايم اصحى ما ورى نومتك خير...

الناس في تالي زمنك استزارت...

تحاسدو على كبر لقمة الطير...

و الحسد باير و ان دخل نفس بارت...

الله يسامح من كتم عني البير...

و أنا الضما خور عظامي و خارت...

لميت بايديني فروخ العصافير...

و كبرت ويوم استوفت الريش طارت..!!

23 - 3 - 2022, 08:27 PM

قصيدة يارب أمن بالبلاد -مطلق النومسي

قصيدة سياسية من العيار الثقيل لشاعرنا العذب
مطلق النومسي ...

يارب أمن بالبلاد .. وسكن قلوب العباد
واجعل نفوس أهل الخليج .. بحصن ذكرك محصنه

أنت الأمل .. وأنا الرجاء .. وأنت الهدف والأعتقاد
وأنت الذي بأمرك تصير المستحيلة ممكنه

سبحانك اللهم يا مفني فصايل قوم عاد
ياللي بأصابعك الجليلة تستدير الأزمنه

ندعوك بكفوف التضرع والورع والانقياد
وقلوبنا باجابة الدعوة باذنك مؤمنه

احفظ لنا عبدالله ال سعود ذخر للبلاد
اللي غدى صدره لشعبه ووطنه .. مستوطنه

تحبهم .. ويبادلون الحب .. حب بازدياد
وليا اطمئنت حالتك .. أحوالهم مطمئنه

ياسيدي عبدالله اسمح لي شوي على انفراد
على انفراد بحيث تسمعني جميع الامكنه

أنا مواطن من بلد يبني لك قصور الوداد
شعبه وحكامه تقدم لك عذر وتثمنه

عذرا جلالة سيدي .. عن جهل ما خط المداد
شلت يدين أهل اليدين الغادرات المعفنه

ياسيدي شعب الكويت يناصرك حتى النفاد
وعن وجهك وعرضك .. نبي نقطع جميع الألسنه

والشجرة اللي غصنها فرع مع غرة جماد
لا تامن ان غصونها تلقح على دور السنة

عرض عليها الفاس واحصدها يا ابو متعب حصاد
واللي ما تذعنه الشريعة .. حد سيفك يذعنه

تطور الأحداث ما يقبل مزيد من الحياد
شف دولة الأعجام في كره العرب متسرطنه

وأحمد نجاد يفكر أنا نجبن ان شال الزناد
ابشر بنا ناخذ زناده من يده ونجبنه

عن شارب البحرين يقصر شاربك يا احمد نجاد
دونه ثنى درع الجزيرة .. وأعلن اللي تعلنه

ما قدمك ألا أهل الشجاعة .. والشهادة والجهاد
تصبح على كبدك يا علج الفرس علة مزمنه

ابشر بنا يا بن خليفة كان قرص الشر جاد
واللي تحجن نلوي رقبته بقرنة محجنه

ان كانها بالفعل حنا اهل المسامة والشداد
وان كانها بالملعنه .. نعرف طريق الملعنه

أهل الخليج أرواحها سورك وقادتها عتاد
طمن هل البحرين راع الحق ربي يضمنه

شعب نحب الموت دون الحق .. والكلمة وكاد

واللي براسه حب لهالحين يقرب نطحنه

أخذوا تسامحنا وسيلة للتبجح والعناد
وحنا نطبق ديننا .. والغدر ربي يلعنه

واليوم ما فيها مجامل .. واندبي يا شهرزاد
بكرة تجيك الروس دون أمتانها .. ومحسنه

نلعب على المكشوف .. ما تحتاج قمة وانعقاد
شبر من بلادي يموت المعتدي ما يسكنه

وراء قيادتنا نسير .. وحبهم يملا الفؤاد
حب حقيقي ماهو بحب مزيف معدنه

حمد ..وعبدالله وقابوس وخليفة والمراد
يكمل بأبو ناصر وأبو مشعل شعار الهيمنة

23 - 3 - 2022, 08:28 PM

قصيدة سيرة عقابان - مطلق النومسي

أقام الشيخ عبدالكريم بن عقاب العواجي حفل
بمناسبة شفاء خادم الحرمين الشريفين الملك عبدالله بن عبدالعزيزال سعود اطال الله في عمره
بعد الوعكة الصحية التي المت به
في محافظة تيماءحيث اجتمع شيوخ وكبار وابناء قبيلة ولد سليمان
وكان من ضمن فقرات الحفل تكريم لشاعر المبدع دائما

مطلق النومسي

وشارك ابناء عمومته والشعب السعودي الفرحة بسلامة
خادم الحرمين الشريفين وليس بمستغرب على شاعرنا هذا الشعور
الأخوي الكريم و وحدة الصف بين مواطني الخليج العربي.

طواريق القصيداللي تغنى بيني حين وحين
نحولها قصايد والقصايد من يغنيها

يغنيها الشعور اللي يبين فوق موق العين
وانا عيني تسريني غلا قدام اسريها

سريت من الكويت ودرت وجهي يم تيما لين
تنطحت الشمال وحركت نفسي طواريها

يقولون العرب علم الحيا والغانيمين يبين
وانا ربعي تبين والحيا يشبه يمانيها

ياضلع غنيم علم برد لايشكي عذذاب وبين
مادامه في حجا تيناء وتيماء تحت اهاليها

واهاليها ربوعي عز هالدولة وعز الدين
وانا بسم الشيوخ احيي ربوعي واحييها

بسم عبدالكريم عقاب شيخ معرب الجدين
وجدانه نفاخر بين خلق الله باساميها

واليا قيل العواجي قيل والله كفو والنعمين
رجال يعرف التاريخ حاضرها وماضيها

سلالة فخر وايل قبل تطلع بيوت الطين
عقاب الخيل وعقابان سيرة نفتخر فيها

ياكم ارقاب راحت من طغانا مالها تثمين
يوم العفن ينقز جرة المهره ويهبيها

تواريخ وبطولات وفخر يستاهل التدوين
ثلاث مية سنة او زود والاجيال ترويها

وهالحينه بحمد الله نزلنا تحت حكم الدين
وبايعنا معزي لين ثبتنا مباديها

وابن مقرن معانا بالنسب والدم والتكوين
وحنا قوم نفخر كل ماقالوا بني خيها

وهذ الليل جامعنا فرح سلامة الركنين
عيال سعود حكام البلد وحماة اراضيها

سلامة راس عبدالله عسى راسه يدوم سنين
وسلامة عضدة الايمن بدم القلب نشريها

على التلفاز يمشي لاعدمته مشية التمرين
وحنا نرفع كفوف الدعاء والشكر ماليها

عسى ربي يحفظه للعرب قولي معي امين
وعسى نفس تمنى طيحته مولاي يرميها

من نيويورك شف شعبك بتياء بالخبر فرحين
وروحك ياجلالة سيدي بالروح نفديها

بسم عبدالكريم عقاب قلناها بنطق زين
ضنا سليمان عند الشيخ ياربي تحييها

23 - 3 - 2022, 08:29 PM

قصيدة طرف نفنوفها - مطلق النومسي

لمثل هذا اليوم يا ناصر يحدن السيوف
وحنا رجال بالمواقف ما تغيب سيوفها

وأنا ليا من جيت بين الناس شاعر ومعروف
الحمدلله ما طلبت من العرب معروفها

وإليا بغيت اغيب ما احط العذر فوق الظروف
أغيب من كيفي وكيف الناس حسب ظروفها

وإن شفت ملزوم الوقوف وشفت ممنوع الوقوف
أقول نفسي ما تحدد لوحتين وقوفها

ما أعرف حد إلا السما والأرض مليانه زروف
والبحر سطحه فوق الأرض وتحت الأرض وجوفها

وإن شفت بحر الأرض تسبح في سكان الكفوف
اسبح سما ما بين حبات المطر وقنوفها

اعشق بلوغ المستحيل اللي بالأخطار امحفوف
وإن خافت عيوني لها قلب يبدد خوفها

طيري يا عيني في عيون الشمس وإن جاها كسوف
شدي عيون النار كان الشمس طال اكسوفها

والنار لاصارت رماد ونامت عيون الضعوف
ترفعي عن نومة نذال العرب وضعوفها

ياطيبها واقفى على عزه وتبديله ...
خير من وقفه يدربها الرجا ويعوفها

وانا واللي يقدرني على راسي من فوقه الكتوف
والناس ماتدرك رضاها لو معك مصروفها

وانا معي شعر وفكر واهداف وابعاد وشفوف
وقلب رضي ماعذرب الدنيا وسب صدوفها

ولا اقول مثل الناس ابحط النقط فوق الحروف
اقول ابخلق لي نقط بين النقط وحروفها

شاعر يهيضني صدى الصاله وتصفيق الكفوف
واحرص على تجميل مرسل دعوتي بظروفها

على الهواء يا ناصر كريدي ولك عين وتشوف
هذي جماهيري وشفني وإن حضرت تشوفها

اجملك وانا ابن ابوي ولاعلى الغيبه حسوف
واجمل شيوخ البلد واهل البلد وضيوفها

واللي مايحمي كلمته عده زهوف وابن زهوف
انا حشا ماني من ختوش العرب وزهوفها

الى هنا واستأذنك واستأذن كبار الضيوف
بغير الموضوع وارد الكتب برفوفها

برسل انفاسي سلام جلال لعيون الهنوف
واللي تزخرف من حروف اسمي طرف نفنوفها

كأني اناظرها ورى الشاشه ومتعبها الوقوف
وان صفق الجمهوور حطت حيلها بكفوفها

فديت وشاة موقد نار غيرتها وهي خلقه عيوف
وادناة كلمة معجبة تحرق جوفها

فديت غيرتها وغلقتها وخافقها العطوف
وفديتها من اظفر اصبعها لحد كتوفها

دايم تحب تشوفني على مقدمة الصفوف
حتى ولو كانت بعيدة والفراق يلوفها

فراق تعبنا ولا اظن التعب فيه مخلوف
انا ضحية شهرتي وهي بلشت بظروفها

لكن وعد لاساعد الله وانقلت بعض الظروف
اني لاجي ومن دونها الموت الحمر واشوفها

23 - 3 - 2022, 08:30 PM

قصيدة الليلة .. الليلة - مطلق النومسي

القصيدة ألقاها شاعرها النجم / مطلق النومسي ..
أثناء زواج شقيقه قبل عامين .. في حظور الشيخ (صاح بن الأمعط العواجي) رحمه الله ..

موجهه للشيخ (طلال بن صالح الأمعط العواجي) ..

الليلة الليلة .. سمانا صحو مافيها غيوم
الليلة الليلة .. على الزوار هيل وزعفران

الليلة الليلة .. تهب النود وتطيح السموم
الليلة الليلة .. فرح وأعياد وملاقاء أخوان

يامرحبا ترحيب وافي ، بالخصوص وبالعموم
يشبه لروض(ن) مرتوي قاعه ونبته (قحويان)

حي الله كرام اللحاء .. حي الله عيال القروم
حي الله اللي بعدهم خوف ، ومقاربهم امان

حي الله الأمجاد والوقفات .. وكبار السلوم
حي الله أحفاد الرجال اللي يروون السنان

حي الله اللي قسمهم دايم من كبار القسوم
حي الله اللي ماتغير مع تغيار الزمان

حي الله دروعي إذا دقت سويعات اللزوم
ماني بحاجة (كوندليزا رايس أو كوفي أنان)

حضوركم خلاني أرقى للسحايب والنجوم
كني (مليك الروم) وأمسك في يدي (الصولجان)

عيوننا فرش وغطاء .. وقلوبنا بالحب (توم)
وكل (الركاد) يكررون المرحبا .. ألف وثمان

يامرحبا بشيوخنا .. وبكل من جانا معزوم
واللي حضرنا بالذكر ،، ياعل راسه مايهان

ياعل ما منا قصور .. وياعل جمعتكم تدوم
يامشرفين الحفل ذربين المبادي واليمان

وإذا سمحتوا لي .. أنا في خاطري حمضة علوم
ودي أعلمكم علومي يوم جينا ،، هالمكان

علوم حول (أسبوع) يا (أسبوعين) يا (عشرين يوم)
بس الوكاد أنه حدث عندي مثل (شيك الضمان)

( لبسني الشيخ العواجي بشت عز ومحشوم )
(بشت ماهو مثل البشوت وله معي حشمه وشان)

ماهو بشت أهل المناصب والدراهم والختوم
لا والله .. ألا بشت ( شيخة سيف وسلال وعنان )

( طلال بن صالح ) وريث العز عداي الرجوم
جده ( حجيوي ) درع جنب أبوه وأبوه (الحصان)

تسلم يابو (ملبس) ولا يسلم رديين العزوم
لا يابعد من يكره العلياء ويرجع للطمان

بشتك تشرفني وأشرفها .. وأنا متني دحوم
وأنا بن (ثاري) يابن الامعط .. لا بخيل ولا جبان

من روس قوم تصير فوق عداك وأعداء أبوك قوم
عيال (نومس درع جنبك) لا عبس وجه الزمان

أي والله أنٌا مانغيب .. وحاظرين باللزوم
طبعاً لنا من دور جدانك .. ولا فيها أمتنان

هذا الذي حبيت أقوله .. يالقروم أبناء القروم
(والله يحييكم على الكيف المهيل والسمان)

23 - 3 - 2022, 08:30 PM

قصيدة ما هو عشان يقال مطلق - مطلق النومسي

قصيده للشاعرمطلق النومسي دعم ومؤازره لأخيه الشاعر خلف المشعان

ما هو عشان يقال مطلق قال من عرض القصيد
ولا هو عشان الفشخرة والجعجعة وماورا
ولا هو عشان اشوف ضحكة زيد وخية عبيد
ولا هو عشان ادخل بلعبة بيع والا مشترا
الا عشان الدم والنخوات والعهد السديد
ادروبها واللي درا يعلم اللي مادرا
ابوي رباني على الفزعة وانا توي وليد
يقول ابن عمك ذراك وصر لبن عمك ذرا
واليوم يالويلان خلونا نتكاتف من جديد
لو ان جرح قلوبنا توه جديد ومابرا
لعيون ابو موسى نبي نضرب بكف من حديد
وحنا بضرب القوم معنا عرف طيب وخبرا
نبي نزلزل شاطئ الراحة وداره من بعيد
ونخلي العالم ورا ورا ورا ورا ورا
حنا هل البيرق وبيت الحرب والصيت المجيد
اقولها والعين تنظر فوق والصوت جهرا
قوموا عسا يفداكم الرعديد ابو عقل بليد
هذي مداحم روس ماهي بس لجنة وشعرا
يوم انها بمصادم الفرسان ما عشنا عبيد
عشنا ملوك وفرق ما بين الثريا والثرا
والحين بس رسالة الجوال والمبلغ زهيد
ليا التزم كل عنزي والدم بعروقه جرا
وانا ادري ان عيال وايل ذخر لليوم الشديد
ابشر بعزك يا خلف مشعان وعيونك ترا
شوف عنزه لجلك لها شهرين عيت لاتهيد
وتقول حنا معك بين النصر والموت اخشرا
فلا تضايق لا عدمتك واشعل الساحة قصيد
اترك لنا التصويت والجوال ما يمسك سرا
وانا خويك محزمك درعك عضيدك يالعضيد
ما غيب عنك وتدري ان مطلق خلي من المرا
ذي لحيتي لعيون نوت وشاربي موسه بعيد
واللحيه اللي ما تعزا اشنابها

23 - 3 - 2022, 08:31 PM

قصيدة فديتك ياوطن - مطلق النومسي

فديتك يا وطن وأصل القلوب الوافية تفداك
و لا به شي فوقك حي ما قام وتفدالك

أحبك وأعشقك وأحضن حصى ترابك تحت رمضاك
ولا أشكي من لهبك ألا بعد ما عانق ظلالك

تنفسنا هواك وكل من ينبض وفا يهواك
و كحلنا العيون من الغبار اللي على جالك

و أنا الطفل اليتيم اللي ربى فوقك وقلبه جاك
مثل طير يدور له غصن والغصن متهالك

يخاف من الظلام و من وحوش الليل و الشباك
ولا غيرك ملاذ من الظلام الموحش الحالك

على صدر الحنون اللي خذاها الموت مع بلواك
رضعتك عشق لين عروق قلبي جت تثنى لك

و كبرت وصرت رجال وكبر عشقك معي بادراك
على كل البقاع ألا البقاع اللي على بالك

و أنا واحد من رجالك ويموت ولا يمس حماك
و لا هو بس أنا لا والل الا كل ابو رجالك

من رجال القبايل والعوايل كلهم لرضاك
يبيعون العمر ببلاش قبل تطلع ريالك

ولا من دحو رجال عنزة للحرب ضد عداك
تراها دحة من دون نهامك و يا مالك

توحدنا قبل لا النفط ينبع ويتغير ماك
ووحدتنا سبب بعد الله لتثبيت منزالك

ترى اللي صار بأرض الرافدين وموجة الارباك
عبر ودروس للي شال همك بعد ما شالك

و أنا ماني محامي عن حقوق مسلم البراك
ولكن بندق الجهال لا ترمي وتغتالك

تعبنا يا وطن من حالة التأزيم والانهاك
نبات الليل نبكي والصباح يأمل عيالك

صباح العيد أو عيد الصباح أو ذاك ولا ذاك
تعبرر عنك يا سيدي صباح وتشرح أحوالك

عسى عمرك طويل وجعل للفردوس من رباك
يا اخو جابر وولد أحمد وعرق الطيب من خالك

سلالة طيب والله يطيب حظك و مسعاك
بعد ستين شهر من الحكم والحكم يزهالك

غرقنا فيك حب.. وغرقتنا بالكرم يمناك
وحنا محزمك يا سيدي جعل العد فالك

ثلاث أعياد نرسمها على شط الخليج .. أفلاك
و نرسم صورتك لنك أساسا عيد بلحالك

يقوله شاعر يمشي لأجل داره على الأشواك
ولا وقف يدور ما وراء البياع والمالك

عسى ربي يحفظك يا كويت و بالأمن يرعاك
بعيدك عيدي و العيد يحلا له و يحلا لك.

23 - 3 - 2022, 08:33 PM

قصيدة مشاعل - مطلق النومسي

مشاعل .. كل ما هب النسيم ومال غصن الموز

تهجيت السحاب وقلت يا رب السحاب وهل

وانا والله ما ادري عن مشاعل كل ضربة بوز
توريني غلا وألا توريني عذاب وكل

مصيبة لو مشاعل كل ما طاحت حبوب اللوز
تفكر من فتات قشورها نقدر نسوي ظل

وحنا في شهر تموز ماأدراك ما تموز
دقيقة من ضحى واحد من أيامه تعلك عل

وأنا ما عاد فيني لو كبر حتى مجخ الكوز
وأنا أصلا ما وصلتك من هناك ألا وصدري فل

يحدثني بليس يقول عن تالي علومك جوز
وانا تالي علومي كلها توب وتوض وصل

ترى يا ابليس لو صدت مشاعل كل ما ابدت عوز
تراها ما تصدد من سعة دايم تصدد قل

وانا ماني من اللي ينبهر في لمعة الفيروز
أعرف انه حجر واللي خلقه عز وجلاله جل

واعرف ان العويقيلة تبي تاصل ورا المركوز
ماهو من عين غيب ولاهو بلغز ويبيله حل

ثلاث كروت دعوة للسهر في ليلة النيروز
وانا عيني هدبها مل منها والسهر ما مل

ماهو كافي طويت سنين ماحققت فيها فوز
وانا لا قلت كيف الوضع قالوا لي تبي تنحل

والى هالحين ما انحلت وجوز الهند هند الجوز
على اية بند ابلقى حلها دام اصلها منحل

يا كبر التانكي لكن يا صغر اللي والبزبوز
وحنا اللي شرينا التانكي .. لكن شربنا طل

تعزيني مشاعل كل ما أضفت صدرها المعزوز
ولا ادور عزاها الا بعد قولة يا عمي ول

يا عمي ول من عين الحياة ووضعك المهزوز
على وضعك كذا تقضى حياتك ما بقى لك خل

ولكن روق واتركها ... واذا صارت عجاج وطوز
بسيطة .. قل كذا بيديك لين ان العجاج يزل

ولا تسأل من اللي دز وألا من هو المدزوز
وحاول ما تفكر حيل واضحك يا خفيف الظل

تراي أعرف واحد فكر شويه وطق فيوز
رجع فكر بعد تدري اشحصل ؟؟؟؟!!! لفت يده وانشل

23 - 3 - 2022, 08:36 PM

قصيدة مسيت بالخير يوم الخير مسى بك - مطلق النومسي

مسيت بالخير يوم الخير مسى بك
ياللى عليك المسا بالصبح يجمعني

هذي حقيقة كشفها الوقت بأسبابك
يامن على وصلك الأقدار تدفعني

أبطيت في جيك وأسرفت ب غيابك
وعلقتني بين تاصلني وتقطعني

أعوام متناحره وأعوام تتشابك
والحظ يقطع كلامي قبل يسمعني

لين إعترف بالخطا يوم الهوى جابك
وقبلت عذره قبل بالعذر يقنعني

مانيب فاضي ياكود ل هوسة أهدابك
دعني فديتك أحلل هوسته دعني

طابت ليالي هدبك ب ريق عنابك
قدام لا أجوع له مفروض يشبعني

يا عين جدي عسى ما صابني صابك
قول إيه لو كذب منك الكذب ينفعني

راضي وأحبك وأشيل الحب لأحبابك
وأنت إخذني فوق قاع العشق وإزرعني

يمكن تماديت لكن راجع حسابك
وتشووف كيف أنت تنزل بي وترفعني

أواه يوم أسمع الونة ورا بابك
أحس فيها هنيا حيل توجعني

حالة لها وقت تذبحني وتحيا بك
وأنا ولا أدري من المقصود والمعني

بس أنت تدري وش اللى سبب إعجابك
وتدري وش اللى عن التلميح يمنعني

كان السبب يوم أشوف الوصل ب غيابك
يوم إن خيالك يفرقني ويجمعني

23 - 3 - 2022, 08:37 PM

قصيدة حملت نفسي بالخطأ-مطلق النومسي

حملت نفسي بالخطأ وانا الخطأ عني... بعيد
ووسعت صدري يوم صدرك ضاق من كبر زعله!

ولينت لك باسي..وباسي تعرفه دايم شديد
كله لجل نكسب رضا المخطي وراعي الأوله

واستسلمت لأرضاك عذبات المعاني والقصيد
والعين خجلى منك ياراعي الفعول المخجله

واذا فرضنا ان الخطى من بيننا ماله رصيد
تعال انا وياك نستنتج فروض المشكله

من وصل الحر الابي لأخر متاهات العبيد؟
من غير اسلوب المراجل عن اصول المرجله؟

من شب ناره في انشغال الناس في خضر الجريد؟
من حرك الشوك ورمى به فوق صدر السنبله؟

من جر موال الفرح على تقاسيم الفريد؟
من والف السكين والمرود بوسط المكحله؟

من بعثر اوراق الزمن ..من دهور العصر الجديد؟
من ناقض ردود الأجابه عن غموض الاسئله؟

من مختصر هالأسئله ارجوك حاول لاتزيد!
قلت اللي عندي وانت :"هرجك لو يجرحني.. قله

تدري:ترى لو تسكت افضل؟..والسبب شي وحيد
أول كلامك مهزله ..وأخركلامك مهزله

مدام انا شايل همومك لاتزيد...ولاتعيد
اعجب : تحل المشكله وانته اساس المشكله

المواضيع المتشابهه لموضوع: ديوان ويمنعنبذه عن الشاعر مطلق النومسي لموضوع: ديوان ويمنعنبذه عن الشاعر مطلق النومسي
الموضوع	كاتب الموضوع	المنتدى	مشاركات	آخر مشاركة
نبذه عن الشاعر الكبير ناصر القحطاني	نجمة الليل	همس دواوين الشعراء	4	24 - 8 - 2023 07:17 AM
ديوان الشاعر حمد البريدي	نجمة الليل	همس دواوين الشعراء	14	11 - 7 - 2023 01:05 AM
ديوان و نبذه عن عبدالرحمن العشماوي	حنين الأشواق	همس دواوين الشعراء	136	2 - 6 - 2022 01:09 AM
ديوان و نبذه عن الشاعر سعد علوش	همس الشوق	همس دواوين الشعراء	16	27 - 9 - 2021 01:31 AM
ديوان و نبذه عن حياة الشاعر على محمد القحطاني	همس الشوق	همس دواوين الشعراء	33	27 - 9 - 2021 01:31 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

ديوان ويمنعنبذه عن الشاعر مطلق النومسي

همس دواوين الشعراء