ديوان و نبذه عن الشاعر مطلق النومسي - الصفحة 6

24 - 3 - 2022, 12:51 PM

سلمت الأيادي ..
ويعطيك العافية لجمَال الآنتقاء
لروحك جنائن الورد

8 - 4 - 2022, 12:53 AM

هند
وجُودكـ فَرحَة
أدَامَكَـ اللهُ نَعيمًا وَارِفًا فَوق المَكَانِ وَسَاكِنِيهـ يَمتَد
وَطَافتْ حَولَكـ أطيَار السَّعد
وسَقَاكَـ الله الخَيرَ حَتَّى تَرتَوي وَتَبلُغَ أعَالِي المَجْد
شُكرًا لكـ

8 - 4 - 2022, 07:14 AM

قصيدة سيد التفاحتين - مطلق النومسي

يارب صبرني//على هالليلتين
ولطف بعبدا خاضعا//لك هامته

ماني بناقص هم//همي// من سنين
اطيح من موجه//على //دوامته

واليوم//زودها//المفارق// حبتين
وبانت تحت //عين//الشقا//علامته

سافر حبيبي //ليه//مدري//ليه وين
سافر وفرحبي//النفوس//الشامته

وتفجر الصمت //بعيوني// دمعتين
والدمع //منطوق//العيون الصامته

ورسمت دمعة//لوحة//الخد//الحسين
واكسبتها//تعظيم// من عظامته

ورسمتها واصبحت//سيد//الراسمين
يادار//هولندا//ويارسامته

اعجاز من دافع//فراق//اطهر جبين
عساه يرجع//وافرح//بسلامته

الفاتن//الغض//الغنوج//المستلين
سيدي //وروحي//بالهوى خدامته

مجرم ولكن //غير//كل المجرمين
وجريمته //تسند//على وسامته

تزعم بقلبي//عريب//المنسبين
واكبر //دليل// انه خذا زعامته

يوم الخليج //تارخه// رزنامتين
انا//تواريخي// على رزنامته

لبي عيونه//تحت//قوس الحاجبين
ولبي ثغر//جمره//ولبي شامته

ولبي // تغناجه// ولبي الضحكتين
اللي يكسرهن على ابتسامته

علمني ان //الصبر// للمظلوم زين
وعلمته ان //الظلم// من ظلامته

وعلمني ابعدعن//عيون// الطامعين
وعلمته //اعقالي// يحشم عمامته

وعلمني //استنشق// اريج الياسمين
وعلمته //الغصن// وطرف حمامته

وعلمني اكتب مع//فراقه//جملتين
طلب من//البحرين//يا منامته

من شجرة//التفاح// ابي تفاحتين
ومن راعي //التفاح// ابي سلامته

8 - 4 - 2022, 07:16 AM

قصيدة يالله - مطلق النومسي

يالله يامن كلنا له مطيعين
ياجازي انفوس العباد ابعملها

رحماك ياربي وحنا ظعيفين
نطردهواء نفسٍ على الذنب ولها

قلوبنا زينه ودرب الخطاء شين
وعيوننا دمع الخطايا كحلها

جينا نبي رحمتك ياحافظ الدين
جيناك ندفن روسنا من خجلها

لنا ثلاث اسنين اواربع اسنين
نرجح على داراً تطاول محلها

يالله ابغيثً يظرب القاع شهرين
على الديار اللي تشرف بهلها

تقريب من حايل شمال الشريفين
دارً تظم ابطيبها من نزلها

يعلها الوسمي من الحين للحين
والنفس عن ضيق الهواجيس دلها

المي ناقع تحت سرب الكراوين
اما الارانب لعبها في دحلها

تلقاء الزبيدي مثل روس الصعانين
لا الارض قابلته ولاهو قبلها

تقطف زبيديه ومن بعد يومين
في نفس مقطفها تعين بدلها

والعشب فوق الارض تقريب مترين
متخالطٍ نوارها مع نفلها

ياوجد حالي يالرجال الحشيمين
اللي قليله في المخاوى زللها

نمشي على سلم الرجال القديمين
من مرته عوجا رفيقه عدلها

ميعادنا بكره على وارد الفين
جيوب شاصٍ مانحرك دبلها

عيونهن تشبه عيون الشياهين
كن الرياح الذاريات تحملها

واول مايطري مع زنين الشكامين
زنه خليات النحل من نحلها

واليا انتهى المشوار بين الضحاوين
والنفس تدفع في رضاها زعلها

طاح الحطب والنار دخانها زين
اليا تمكن بالعيون ايغسلها

وقرب لها الرسلان ابو ختم قوسين
في يد شغموم الرجال وبطلها

وتشنكر اولاد السنه بالكراعين
شعيره الفلاح ماقد اكلها

اليا سكر هب الهوا جاك صوتين
يبرن كبدٍ مرمسات عللها

والارض مد الشوف مثل البساتين
والبل تعطف فوقها في مهلها

اللقح والفطر من الشعبه ايمين
ويسارها الخلفات بالروض تلها

وابكار عام العام بين الجهامين
ترعى تحت حشمه وهيبه اهلها

يبرالهن راعي تبعهن من اسنين
اموالفات لصيحته لانتلها

واليا بغا درهامهن المليعين
حول عن اوروك الرحول وعقلها

واليا ضوان اليل بحساب ليلين
ونفوسنا وسع الفياض وسهلها

ثم استوى الفنجال بين الصلاتين
وقامت سواليف القصيد بعملها

هذي مناة القلب والروح والعين
قدام روحي لاتوافي اجلها

اخير من قولت حكم صن خمسين
وهذا مشكلها والاخر دبلها

قال ابشر ابميه وتردف سراوين
وان قالها الله غير نلقا حللها

جمع ورق بلوت زاتين زاتين
وقل للموزع رح دامه شخلها

وعطني هنا ياموزع الزات ثنتين
وشلها اذا تقدر عما عين شلها

لجه وصجه تقل جمعت مساكين
اكبار سن وزود الله جهلها

8 - 4 - 2022, 07:16 AM

قصيدة يالله - مطلق النومسي

يالله يامن كلنا له مطيعين
ياجازي انفوس العباد ابعملها

رحماك ياربي وحنا ظعيفين
نطردهواء نفسٍ على الذنب ولها

قلوبنا زينه ودرب الخطاء شين
وعيوننا دمع الخطايا كحلها

جينا نبي رحمتك ياحافظ الدين
جيناك ندفن روسنا من خجلها

لنا ثلاث اسنين اواربع اسنين
نرجح على داراً تطاول محلها

يالله ابغيثً يظرب القاع شهرين
على الديار اللي تشرف بهلها

تقريب من حايل شمال الشريفين
دارً تظم ابطيبها من نزلها

يعلها الوسمي من الحين للحين
والنفس عن ضيق الهواجيس دلها

المي ناقع تحت سرب الكراوين
اما الارانب لعبها في دحلها

تلقاء الزبيدي مثل روس الصعانين
لا الارض قابلته ولاهو قبلها

تقطف زبيديه ومن بعد يومين
في نفس مقطفها تعين بدلها

والعشب فوق الارض تقريب مترين
متخالطٍ نوارها مع نفلها

ياوجد حالي يالرجال الحشيمين
اللي قليله في المخاوى زللها

نمشي على سلم الرجال القديمين
من مرته عوجا رفيقه عدلها

ميعادنا بكره على وارد الفين
جيوب شاصٍ مانحرك دبلها

عيونهن تشبه عيون الشياهين
كن الرياح الذاريات تحملها

واول مايطري مع زنين الشكامين
زنه خليات النحل من نحلها

واليا انتهى المشوار بين الضحاوين
والنفس تدفع في رضاها زعلها

طاح الحطب والنار دخانها زين
اليا تمكن بالعيون ايغسلها

وقرب لها الرسلان ابو ختم قوسين
في يد شغموم الرجال وبطلها

وتشنكر اولاد السنه بالكراعين
شعيره الفلاح ماقد اكلها

اليا سكر هب الهوا جاك صوتين
يبرن كبدٍ مرمسات عللها

والارض مد الشوف مثل البساتين
والبل تعطف فوقها في مهلها

اللقح والفطر من الشعبه ايمين
ويسارها الخلفات بالروض تلها

وابكار عام العام بين الجهامين
ترعى تحت حشمه وهيبه اهلها

يبرالهن راعي تبعهن من اسنين
اموالفات لصيحته لانتلها

واليا بغا درهامهن المليعين
حول عن اوروك الرحول وعقلها

واليا ضوان اليل بحساب ليلين
ونفوسنا وسع الفياض وسهلها

ثم استوى الفنجال بين الصلاتين
وقامت سواليف القصيد بعملها

هذي مناة القلب والروح والعين
قدام روحي لاتوافي اجلها

اخير من قولت حكم صن خمسين
وهذا مشكلها والاخر دبلها

قال ابشر ابميه وتردف سراوين
وان قالها الله غير نلقا حللها

جمع ورق بلوت زاتين زاتين
وقل للموزع رح دامه شخلها

وعطني هنا ياموزع الزات ثنتين
وشلها اذا تقدر عما عين شلها

لجه وصجه تقل جمعت مساكين
اكبار سن وزود الله جهلها

8 - 4 - 2022, 07:17 AM

قصيدة الغمازتين - مطلق النومسي

اللى عليه الغنج ...طبّق راحتيه
والغنج خصلة .. تحتوي خصايله

دايم مفضّح بي .. وأنا ما قول ليه ؟
فضيحته .. ستر الهموم الجايله

صغير .. ومدلّع .. ومزيون .. ونبيه
أخذت لي عامين .. وانا احايله

جيته .. رجل عاقل .. معه خافق .. سفيه
ما لوّثه .. دم الحياة الزايله

أنا فدا الغمّازتين .. بوجنتيه
وا ذبح قلبي .. وا كبر غلايله

والموت .. لا سولف وعضّض .. شفّتيه
أيقنت بحظوظ .. العباد .. المايله

هذا وهو .. ملقوف .. وعناده كريه
ليا ركب راسه .. وقام يشايله

ليا زعل .. حتى إتصالي .. ما يبيه
وليا رضى .. يزعل على .. موبايله

وإن شافني زعلان .. والخوف يحديه
تشبّع الجوال .. من رسايله

بزرِِ .. قسم وجه الدلع .. عشرة وجيه
وتعددت على الدلع فضايله

مدلّعه .. جدّه .. برغبة والديه
تدليع جد .. وتختلف وسايله

وأنا الضحية .. والبزر .. ماله شبيه
عنده لرفع الضغط .. قدرة هايله

لا شافني مقبل .. يسلهم ناظريه
سلهام خبث .. ونيّته متحايله

لأنه يعرف إني .. بسلهامه .. أتيه
توهة دليل .. وتاه عن دلايله

وإن قلت له بشويش .. شبّ الله عليه
قام يتكسّر .. وأسبلت جدايله

وسمعته يتمتم .. ويشّر لي .. بإيديه
والله لا أطلّع لك ..نجوم القايله

دلوع ما همّه .. وانا مجبور فيه
ومسامحه .. مهما تكن .. عمايله

دامه يعرف إني .. على أية حال أبيه
وشلون ألومه .. وأتّقي حبايله

حفيت سباريت القدم .. منه وإليه
ما غير أقابل بيتهم .. واخايله

وانا عشان أجيه .. لاحبّيت أجيه
صاحبت منشانه .. جميع العايلة

8 - 4 - 2022, 07:18 AM

قصيدة ياقلب - مطلق النومسي

ياقلب" اعرفك غير عن كل القلوب
تسمع بلذات الهوى ..ما ذقتها
______
تقدر تواجه بس يغريك الهروب
والنيه ارهقتك بعد ما ارهقتها
______
واليوم عيدك عاد ياشيخ الذنوب
وبشر عروق(ن) بالذنوب احرقتها
______
اليوم هذا بصوب والدنيا بصوب
حرك لي امالي وانا حققتها
______
طار السحاب وغرد البنت الهبوب
وساقت نسايمها علي وسقتها
______
جت وألهمتني صدقت الوقت الكذوب
وصدقتها..طيب..غصب.. صدقتها
______
لبيه ياهمس العصافير الطروق
لا تهجر الشجره بعد ما أورقتها
_____
وانا بغني قال من اهل الجنوب
واستاسع الدنيا بعد ما ضقتها
_____
لعيون من بعيونها نفسي تتوب
عن كل عذرا بالخطى علقتها
_____
وش لي بعد مياسة القد النصوب
الي بفزات العيون اقلقتها
_____
ليا عكس بي خدها لون الغروب
وساحت عناقيد العنب وارقتها
_____
وثار الترف.. والغنج كونها شعوب
ياقوم عيني ليا بحلقتها
_____
فيها النعومه عيب يا حلو العيوب
عيوب شاقتني غلا واشتقتها
_____
يادوب تتحمل هوى الغربي.. يادوب
وشلون تتحمل قساوة وقتها..؟؟

8 - 4 - 2022, 07:18 AM

قصيدة الصبر غلّق - مطلق النومسي

الصبر غلّق .. وين ابا ألقي صبر .. وين
خلاص .. دام النفس .. ضايع جهدها

وأنا يا (...) لي مع الصبر .. شهرين
واليوم .. حتى خوّتي له .. جحدها

شفني .. ضحية فتنة الفين وإثنين
اللى لجت بين العروق .. وجسدها

فتنة هل الدنيا .. وفتنة هل الدين
ولو غير ربي رب .. كلِِ عبدها

أستغفر الله .. عن كلام الشياطين
لكن ترى اللى حاصل .. أمرّ .. وأدهى

كرهت نفسي .. صدق .. من حظي الشين
ومن كثر ما تخلف معاي .. ب وعدها

ومن كثر ما قالت لي .. إصبر وبعدين
كرهت أنا .. بعدين واللى بعدها

يا وسع .. بال البنت .. عن وسع بالين
بالين .. أوسع من مساحة بلدها

تجمعني .. شوين .. وتفرّقني .. شوين
واصبّح ب يدها .. وأمسّي ب يدها

خلتني أتصرّف .. تصرّف .. مجانين
وخلتني .. أبلش بالنجوم .. وعددها

هذا وأنا .. قاسم لها العرق .. قسمين
وسامح لها .. تسبح ب دمّه .. وحدها

وإن حبّت تغيّر .. لها القلب .. قلبين
وإن ما كفاها .. قلت يا قلب .. زدها

ب إسمين أدلّعها .. وألبّي للإسمين
واقول تبشر .. بالسعد .. يا سعدها

قلبت رضاها .. جميع الموازين
وخليتها .. تنسى .. ليالى نكدها

وسنّيت للرحمة عليها .. قوانين
وحسبتها نعمة .. وقلت احمدها

في حين .. أنا كنّى أبوها .. وفي حين
أصير يا (...) .. كأني .. ولدها

وكان الجزا .. كلمة .. تحت ظلم قوسين
دوّر .. ومن دوّر ل حاجة وجدها

ملعون .. أبو كلمة صبر .. والصبر وين
وملعون أبو بعدين .. واللى بعدها

بعدين ؟؟؟ .. يا اخي لامتى تقول .. بعدين
إرحم قبل نفسي .. تفارق .. جسدها

8 - 4 - 2022, 07:19 AM

قصيدة يا اخر غلا - مطلق النومسي

يا اخر غلا .. وين الغلا الأولي وين
..................أحس بك موجة فتور .. وهداوة

ما كنت هادي .. كنت نار وبراكين
.................. وكنت ل غلاي أشد وأكثر .. صفاوة

كنت تحضني لا تضايقت .. من شِين
.................. وكنت تّقبل .. ضيقتي .. بالحفاوة

وش غيّرك .. يا بعد عينيّ .. هالعين
......... ......... وأنت تعرفني زين ... ليش الجفاوة ؟

وأنت تعرفني زين .. وأنا أعرفك زين ؟؟
.................. ليش تّغابا .. وأنت ما بك غباوة

أدري ب خطاي .. ولا يبي منك تبيين
.................. بس الظروف .. من الخطأ .. أكثر قساوة

وشلون تقسى .. وأنت ساسك .. من اللين
.................. وأنت الخليط .. إمنالندى والنداوة

شفني وصلتك .. جرح .. بحساب جرحين
.................. داوه .., عساني ما خلا منك .... داوه

و ارجع مثل .. ما كنت .. يا شجرة التين
.................. وأعط الغصون اليابسات .. الطراوة

أبيك .. تلعب لعبتك .. بالشرايين
.................. لعبة عبث .. فيها تصنّع عداوة

أبي العيارة منك .. وحدة وثنتين
.................. وأبي كلمات الدلع والشقاوة

اللي ترددهن .. على كل يومين
......... ......... يوم أتراهى بك .. ولا بك رهاوة

ال ليش .. وبكيفي .. ومقدر .. وبعدين
.................. مرّات .. لكن منك فيهنحلاوة

ال ( ليش ) .. لامني سألتك سؤالين
.................. ولا كان عندك للإجابة .. فضاوة

و ( كيفي ) .. ليا ردّيت .. ليشك ب ليشين
.................. تقولها زعلان .. تبغي الرضاوة

و( مقدر ) .. ليا من قلت لك .. يوم الاثنين
.................. يومِِ مسمّى .. يجمع أهل السماوة

و( بعدين ).. لا من ذبت بين .. الشفاتين
.................. ولعانتك .. تدفع خجلك .. ب جراوة

هذي كلماتك من الحين .. للحين
.................. وهذا دلعك .. اللي يزيدك .. حلاوة

ارجع فديتك .. مثل ما كنت .. هالحين
.................. والله تعبت .. من الجفا .. والقساوة

8 - 4 - 2022, 07:20 AM

قصيدة يا فاتني يسعد مساك - مطلق النومسي

يا فاتني يسعد مساك .. وتو ما حلوّ الكلام
إحلو .. والليل وعيونك .. زوّدن حلاوته

تعال أسولف لك .. وأفرّش وجنتك ريش النعام
وأمسح على راسك وأجيب من الحكي طراوته

وأترك عيونك .. في عيوني .. تطوي الرمش وتنام
والرمش ياخذ من عيونك .. لا إنطوى صحاوته

سولف .. وخل النور يلغي بك تضاريس الظلام
وإستشرب بروحك .. حياة عروقي المتماوته

وإلا بلاش ؟ إسكت ؟ وأنا أحكي بك حكايات الغرام
وإلا شرايك نفترض ؟ دام النسب متفاوته

لو نفترض إن البحر .. يلثمك .. من تحت اللثام
أكيد ريقك .. يشترط على البحر نقاوته

ولو نفترض إن القمر .. صلا على خدك وصام
أكيد يعقد من صفا خدك أمل صفاوته

ولو نفترض إن الظبا .. بعيونك أخبره .. الحمام
أكيد نار الغيره .. تزوّد حطب عداوته

ولو نفترض إن الهوى قايم .. وشرطانك قيام
أكيد يعلن بين شرطان الذهب .. هداوته

ولو نفترض ان الجبل .. صدرك بمتنيه إستقام
أكيد يرضى بإنخفاضه عن فشل علاوته

ولو نفترض إن الوطا القاسي .. حضن رجلك وهام
أكيد يلقى في ترف رجلك .. وهم قساوته

ولو نفترض إن الفضا .. صدفة لقى منك إهتمام
أكيد يشعر بالرهاوة .. والأصل رهاوته

لو نفترض إنك طفل .. ليش أفترض ؟ والله حرام
إلا طفل مسرف دلاله .. وأسرف بشقاوته

طفلٍ شقي .. حط الحضارة والبداوة بإلتزام
وأعطى الحضاره بعد ثاني .. من قيم بداوته

هذا أنت يا فاتن مساي .. وصدق حلّيت الكلام
ولولا غزل عيني لعينك .. ما أشعر بحلاوته

المواضيع المتشابهه لموضوع: ديوان و نبذه عن الشاعر مطلق النومسي لموضوع: ديوان و نبذه عن الشاعر مطلق النومسي
الموضوع	كاتب الموضوع	المنتدى	مشاركات	آخر مشاركة
ديوان و نبذه عن عبدالرحمن العشماوي	حنين الأشواق	همس دواوين الشعراء	137	15 - 1 - 2025 04:36 PM
نبذه عن الشاعر الكبير ناصر القحطاني	نجمة الليل	همس دواوين الشعراء	5	15 - 1 - 2025 04:27 PM
ديوان الشاعر حمد البريدي	نجمة الليل	همس دواوين الشعراء	15	15 - 1 - 2025 04:25 PM
ديوان و نبذه عن الشاعر سعد علوش	همس الشوق	همس دواوين الشعراء	16	27 - 9 - 2021 01:31 AM
ديوان و نبذه عن حياة الشاعر على محمد القحطاني	همس الشوق	همس دواوين الشعراء	33	27 - 9 - 2021 01:31 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع