عذبة مثل صوت بو نايف قوية مثل قصيد بن فطيس للكاتبة مؤلفة rwaiii_i

29 - 8 - 2023, 03:07 AM

البارت 28

-مزن-
اقنعوا جابر وقرروا يطلعون البنات فقط
مزن : ما جبت ملابس ثقيلة
جوري : حطيت لجابر جاكيت ، خذيه اكيد بيلبس فروته
ارسلت مزن لجابر : معك جاكيت ؟
قرا رسالتها وهو قاعد مع امه وعماته : لا لابس فروتي
مزن : لا ابيه انا ما جبت ملابس ثقيله
جابر : شنطتي بسيارة عمي ، البنات ما عندهم ؟
مزن : لا
جابر : طيب خلصي وتعالي بعطيك فروتي ، لابس ثوب ثقيل
مزن : خلاص ما يحتاج
ولبست عبايتها وسحبت شنطتها وطلعوا البنات
شافته واقف بفروته عند سياره ، وناظرها من طلعت وفتح فروته وهو ينزلها ، : تعالي خذيها
مزن : لا برد البسها ، شوي وباخذها منك
جابر : بسوق وبتضايقني خذيها
حست بالبرد وتقدمت وهي تاخذها ولبستها ، وكانت طويله عليها بسبب فارق الطول ، وركبت وراه ، وحرك من ركب عزام والبنات
جابر : ها وين تبون ؟ ها يا انسه جوري وش جدولك ؟
جوري : اول شي اشتري لنا شي حار نشربه
جابر : بشتري لكم كرك تبون ؟
عزام : لا عطني شاهي جمر
وقف جابر عند احد الي يبيعون شاهي جمر ، واشترى له ولعزام واشترى للبنات كرك
جابر : وين الوجهة ؟
جوري : اقعد فرفر بالشوارع في المطر ابي اصور
جابر : صوري بالبيت ، وين تبون تروحون الحين ؟
ديم : صدق اقعد امش بالشوارع نبي نصور المطر
ما رد جابر وتوجه لاحد الحدايق ، وهو متجاهل صراخ البنات
ديما : وشذا الحديقة سامجة
جابر : خلو الفرفرة تنفعكم
ونزل ونزل معه عزام ، فرشوا جلستهم بنص الحديقة وجلسوا
عصبوا البنات ونزلوا بعصبية وهم يقعدون معهم بكل صمت
ديم : بنات قوموا ننمشي
جوري بعصبية: انا مابي منزين الحديقة
ناظرها جابر بنص عين ولف على مزن : تمشين معي ؟
هزت مزن راسها بالموافقة وقاموا الاثنين باكوابهم ، دخل معها بنفس الفروة ، وبداوا يمشون بالحديقة ويتبادلوا السوالف والضحكات ، وقاموا البنات يمشون باستثناء وعزام جوري الي قعدوا
عم الصمت بينهم والكل مشغول بجواله ، رفع نظره وهو يناظرها من نزلت جوالها وهي تتأمل الحديقة بصمت قطع صمتها وقال : كلذي العصبية عشان ما خذيتي فرة بالسيارة ؟
وسع عيونه بصدمه من لفت عليه بعصبية : وشدخلك انت ؟

"صلوا على محمد"

-قصيد-
انصدمت من كلامه وناظرته من فتح ازرار ثوبه ولف على الكابتن الي دخل : طال عمرك ما حددت وجهتك ؟
معن : بيرطانيا
الكابتن : سم طال عمرك
تنهد من راح الكابتن وقعد بالمقعد الي بجنبها
ناظرته ونطقت بهدوء عكسك الي داخلها : ماخذني عشان تسكت ؟ تكلم وقول الي عندك وخلني ارجع البيت مابي لا بريطانيا ولا جهنم
معن وهو يلف عليها : اربطي حزامك ، قدامنا ست ساعات نتفاهم فيها
قصيد بعصبية : تكلم اخلص ما عليك من حزامي
غمض عيونه ومسح على وجهه وتنهد : وش تبين تفهمين ؟ قلتلك ما لمستك برضاي ، وكنت داخل عليك وانا شارب تبن ، وقلتيها شميتي ريحة بثوبي وهذا اكبر دليل اني ما كنت بوعيي ، وانا صاحي المسك وخطبتنا اليوم الي بعده ؟ فكري فيها لا تلوميني على غلطه ما كنت بكامل وعيي لما ارتكبتها ، داري كسرتك وصدمتك بس ما كسرتك عن قصد ولا رضيتها على نفسي عشان ارضاها عليك ، جيتك من لندن متلهف ومشتاق وما توقعت اطلع من عندك وانا لامسك وحارمك ضحكتك ، انا اخاف عليك اكثر من نفسي ، انا شخصية ممكن باي اجتماع واي مؤتمر اتعرض لاي هجوم ولا اشتباك ، لكن ما خفت على نفسي كثر خوفي عليك ، لا تتوقعين من شخص يوصيك على ضحكتك ونفسك يفكر يضرك ، بتقولين انا صرخت وضربتك وطلبتك لحظتها ، بقول لك ما كنت بوعيي وكانت رغبتي اكبر من صرخاتك ، واتمنى تعذريني على الي صار ماني راضي على الي سويته ولا برضى بعمري والندم راكبني من ساسي لراسي ، وانا ما خذيتك ولا كتبت لك رسايل الا اني ندمان ولو تفكرين ان رغبتي كانت اخذ منك الي ابي، كان ما حاولت ولا جربت اكلمك ولا ارسلك ولا حتى صحبتك ، كان طلعت من عندك وحجزت طيارتي وسافرت وكاني ما سويت شي ، ولا انتي تقدرين تثبتين الي سويته ولا تقدرين تجيبيني ، لكن انا احبك وابيك وصبرت وتأملت كل ذا الوقت عشان اصحح غلطتي ، واجي البيوت من ابوابها ، ابي اصفي حساباتنا وتسامحيني على غلطتي ، ونكمل الي ما سويناه واخطبك من ابوك ، واكتب كتابي عليك
ولف عليها من انتهى كلامه ، وانتبه لدموعها وناظرها بصمت
مسحت دموعها ولفت على الشباك ، وهي تحاول توقف دموعها الي نزفت من بعد كلامه ، لفت عليه من حط ايده على ايدها وشد عليها ونطق : ما شفت دموعك غير مره ، لا تسمحين لي اشوفها مره ثانية ، انا مشتاق لك ولضحكتك وصوتك وسوالفيك وحتى قوتك باول لقاءاتنا مشتاق لها ، مشتاق لقصيد الي تطلع بدون علم اهلها ، لا تخلين دموعك تحرمني كلشي اشتقت له
بلعت ريقها ومسحت دموعها وشهقت من صدمها بحركة سريعه وقرب منها وهو يطبع قبلاته بكل شوق ولهفة ، ارتاح قلبه من قبلت بقربه ولا عارضت ، ورفع ايده لخلف عنقها وهو يبادلها القبلات بكل حب ورضا وشوق

-عزام-
صدمته جوري بردها وناظرها بصمت وسحب كوبه وهو يشرب
خزته وهي تفتح جوالها وتنشغل فيها ، رجعوا البنات
ونطقت جوري بعصبية : ابي ارجع
جابر : تونا جايين شفيك
جوري : ابي ارجع انام ، طفشت ما عجبتني الطلعة
سكت الكل وهم يناظرونها بصمت ونطق جابر : ما معك روحه لين نروح كلنا
عزام : عطني المفتاح وانا بعد ابي ارجع ، مواصل من جينا ، بوصلها معي
ناظرته جوري وخزته من ناظرها ، اعطاه جابر المفتاح
وقام وقامت معه جوري ، وركبت وراء ، ما اهتم وشغل السيارة
وحرك ، فتح الشبابيك وهو يفر بالشوارع
جوري بعصبية : شفيك انت ماخذها فرفره ابي انام
عزام بكذب وهو يناظرها : ناسي موقع الشالية عندك ؟
جوري : لا ، عند البنات
عزام بكذب : اذكر اسمه بس ناسي موقعه ، شكلنا بنطول
جوري بنرفزه : دامك عارف اسمه ابحث بقوقل لا تصعبها ، ابي انام
عزام : مطر ماني مسرع
سكتت وهي تلف على الشباك ، وصار يمشي بشويش وهو متعمد لجل تاخذ فرة بالسيارة ، وتتأمل الشوارع بالمطر
—
مزن-
قعدت مع جابر من قاموا البنات يمشون بكل طفش
جابر وهو يمسك ايدينها : ول ايدينك ثلج
مزن : عشانك ماخذ الفروة
جابر بضحكة : تبينها ؟
مزن : لا امزح ، بس برد خلينا نرجع
جابر : قومي نشتري لنا شي حار لين يجي عمي ، اتصلت عليه
قامت معه وهم يمرون على الاسر المنتجة ويدورون شي حار يدفيهم
جابر : تعالي بشتري لك ذرة معي
مشت معه واشتروا ذرة وجلسوا باحد الكراسي
جابر : بخلي زواجنا ، نهاية السنة شرايك ؟
مزن : ايه عادي ، عشان الجامعة بعد
ابتسم من تذكر تخصصها : ابي ادرس معك كل سنوات دراستك، وابيك تصيرين انجح دكتورة
ابتسمت مزن وهي تناظره بكل حب : بأذن الله ، بدرس عشانك وبتكون شهادتي شهادتك
—
عزام قررت يقطع الصمت وسرحانها ونطق : وشصار على العسكرية ، تراني ابي الترقية واحتريها بشري قبلوك ؟
جوري بهدوء : لا ، جابر رفض

-بالطيارة-
بعد عنها معن وابتسم بفرحة وكانها اعطته اشارة لقبول اعتذاره بسماحها له يقرب منها ويبوسها ، قرب منها وهو يبوس عيونها : الله يقدرني واكون عند وصيتي لك واكون سبب ضحكتك الدايمة
نطقت قصيد وهي تناظره : انت كاتب ؟
معن وهو يبادلها النظرات :تقصدين الرسايل ؟
قصيد بابتسامة : ايه
معن بضحكة : لا ، حاولت اجرب حظي ومواهبي وهذا الي طلع معي ، اعجبتك ؟ حبيتيها ؟
قصيد : ايه وحيل ، وما وافقت على طلبك باخر رساله الا لاني كان عندي فضول اعرف من صاحب ذا الرسايل ، شكيت في البداية انه انت ، لكن رهام كانت تقول مو انت
اطلق ضحكاته وشد على ايدها : رهام صحبتك صاحبة الفكرة ، وادين لها بشعور فرحتي الحين بعد شوفتك
ضحكت قصيد وهي تتأمل ضحكته وملامحه الي اشتاقت لها
انتبه لنظراتها وتنهد بابتسامه وهو يبادله التأمل
قصيد : ليه رايحين لندن خلاص تفاهمنا ؟
معن : تفاهمت معك لكن ما تفاهمت مع الي كان السبب
فهمت عليه ومسكت ايده : انساه ، والله يسامحه
معن : والله ما اسامحه ، تدهورت حالتي وصحتي وتوقفت اشغالي وتعبت نفسيا وكنت الوم نفسي على الي سويته فيك ، ما عرفت انه هو السبب الا بعد ما لمت نفسي مليون مره وكرهت نفسي ، وتبين اسامحه بكل برود ، يخسي
قصيد : كله بسببي انا الي ما عطيتك فرصه تبرر غلطتك ، خلاص معن حتى لو ما سامحته ما يستاهل تتعنى له
تنهد وناظرها : تبين نرجع السعودية ؟
قصيد : ايه ابي ارجع
معن بابتسامة : ابشري
وقام وهو يكلم الكابتن يرجع للاراضي السعودية
ورجع وهو يقعد بجنبها وهو يتأملها بكل حب وكأنه حلم ومو مصدق انها بجنبه اخيرا ، استنزف كل طاقته ووقته وصحته لاجل ذي اللحظة ، لاجل شوفتها والقعدة معها ، تنهد وهو يرسم البسمة على محياه ومسك ايدها : جيتك من لندن عشان اخطبك ، وما توفقت لكن هاذي المرة اعتبريها اني راجع من لندن وجاي اتقدم لك ، وبكلم اهلي لاجل نخطبك بكرة ، مابي يمر الوقت اكثر وانتي مو معي ، يكفيني البعد الي عشته وانتي مو معي
ابتسمت وحطت ايدها على ايده وبضحكة : عادي الرسايل بيننا ، لا تستعجل بالزواج
معن باصرار وبنفس ضحكتها: ولا تحاولين بكره يعني بكره ، الرسايل ما تكفيني
-
بعد ساعات وصلوا للمملكة لكن الهبوط مختلف عن الاقلاع
لبس كمامته وشد على ايدها ومشى بوسط المطار وهو متجاهل نظرات الموظفين الي عرفوه ، كان يسولف معها ويضحك وفرحته تشابه فرحة مبتعث رجع لمسقط راسه بعد غياب

"صلو على محمد"

-عزام-
ناظرها من المرايه بعد ردها وقال : تبين اكلمه ؟
جوري بهدوء وهي ترفع الشباك من البرد : جرب حظك
عزام : بتصملين ؟ العسكرية مهي لعب اذا بتتحملين الضغط انا مستعد اكلم جابر واكون المشرف على دورتك العسكرية
جوري بنرفزه : حسستوني بروح على الحد ، اعرف انها ضغط
عزام : وشذا النفسية ؟ اسالك انا بتصلمين كلمت جابر ، اذا بتروحين وشفتي الضغط قلتي بفصل ، اقعدي بالبيت
جوري بعصبية : لا تعال اضربني احسن ، ترا مو صغيره واعرف اختار قراراتي بنفسي
عزام : على نفسيتك ذي عرفت كيف تختارين قراراتك
جوري بنرفزه : انا نفسية ارتحت ، انشغل بجوالك ولا تكلم جابر شكرا
تنرفز من اسلوبها وعصبيتها وابعد نظراته عن المراية وزاد من سرعته وتوجه للشالية ، بعد دقايق وصل ووقف وهو ينتظرها تنزل
جوري بعصبية : اعصابك وشذا السرعة
عزام وهو متنرفز : انزلي خلصيني
ناظرته من المرايه وخزته ونزلت وهي تقفل الباب بقوة ، ودخلت وهي تتوجه لغرفتهم وفصخت وهي ترمي عبايتها وشنطتها وشغلت التكييف على البارد ونامت وهي معصبه من الكل
-
زادت عصبيته وطار نومه من اسلوبها وكلامها ، وصار يفرفر بالشوارع ، اتصل على جابر : وينك ؟
جابر : بالحديقة ليه ؟
عزام : البنات بياخذهم احد ؟
جابر : ايه عمي جايي
عزام : يالله بمرك ، ناخذ لنا فره
جابر : انت مب رايح ترقد ؟
تنهد عزام : طار النوم ، اخلص اجيك ؟
جابر : يالله يالله تعال ، عندك شي داري
قفل منه عزام وتوجه له
-
قفل من عزام ولف على جنى الي تناديهم : يالله عمي جاء
لف على مزن وقام معها من قامت : انا بروح مع عزام ، لا بغيتوا شي دقوا علي
مزن : تمام
وفصخت الفروة وهي تعطيه ، اخذها منها وهو يلبسها ولف شماغه على وجهه من البرد ، ومشى معها لحتى خرجوا من الحديقة ، ركبت معه وانتبه لعزام الي وصل وركب جنبه
فك لثمته وهو يناظر عزام : وشعنده منفس ؟
عزام وهو يقفل جواله ويحطه بحضنه : الوكاد اني برجع لحبيبنا
فهم عليه جابر ورفع الشباك : الوكاد انك تبيني امرغدك لين تشبع

-قصيد-

وصلها معن لبيتها ، ورجعت لقصيد الاولى ودخلت البيت وهي تغني وترقص بوسط صدمة اهلها ونظراتهم من حالتها
سند وهو نازل من الدرج : وشعندها ذي ؟
مشت له وهي تغني : يا عيونه اه يا عيونه تدمرني
ناظرها وشبك معها بسرعه : يا حلاته اه يا حلاته
ابتسمت من اعطاها على جوها وتخطته وهي تطلع لغرفتها من اتصل معن وهي تغني من شافت اسمه : حبيبي هو حبيبي هو نصيبي
وردت عليه من دخلت غرفتها وبفرحه : هلا
سمعها قبل تخلص اغنيتها : وش كنتي تغنين ؟
قصيد : ابد كنت اغني اغنيه لمجودي
معن : اها مجودي ، وش اغنية مجودك ؟
قصيد بضحكة : يا عيونه
معن : كلمت اهلي ، واصريت يجيون اليوم السعودية ، وبكره العصر واحنا عندكم
قصيد بخوف : لا اصبر ما علمت اهلي !
معن : علميهم
قصيد : وشلون اعلمهم ، اقولهم حبيبي بيجي يخطب ولا بعد امير ؟ متوقع بيصدقون ؟
معن بضحكة : اجل لا تعلمينهم ، بنجيكم فجأة
قصيد : تتوقع تنفع ؟
معن : ايه ، وابيك اكلمك بموضوع
قصيد : وشو ؟
معن : كلمت اهلي وقالوا يبونها خطبة والملكة والزواج بيبونها عندنا
قصيد : ما فهمت ؟
معن : يعني اذا وافقوا اهلك بكره ، باخذك معي ونسوي ملكتنا وزواجنا مره وحده لكن مو بالسعودية
قصيد بتفكير : عادي ما يخالف ، بس تخيل اهلي ما يوافقون
معن وهو يعدل جلسته : هنا بخطفك والله اسويها ، خليهم بالامر الواقع
قصيد بضحكة : بسوي نفسي ما اعرفك ، وانت بعد سو نفسك ما تعرفني
معن : وان سألني ابوك اي بنت شقول ؟ اخمن اسماءكم ؟
ضحكت بصوت عالي : ما اتوقع يسالك المهم قول انك ما تعرفني
ضحك لضحكتها وقال : بروح اخلص اشغالي ، ان خلصت اتصلت عليك
وقفل منها ، وقفلت منها وهي تتصل على رهام
رهام بخوف : وينك وين رحتي ؟
قصيد بفرحة : بيجون بيجون بيجون
رهام بتوتر : ميننن ؟؟ مين بيجي ؟
قصيد بضحكة : اهل معن ، بيجون بكره بيخطبون
فزت رهام من مكانها : كذابه ؟؟!! سويتوها وبتتزوجون صدق ؟؟
قصيد : ايه ، تعالي عندي متوتره ومعرف وش اسوي وش البس
رهام بحماس : جايه جايه تعلميني كل التفاصيل

-عزام-

طلع بكت دخان من جيبه وهو متجاهل وجود جابر بجنبه ، انصدم من البكت وعصب : تستهبل انت ؟ انت ما حلفت لامك معاد تجربه ؟
عزام بتنهيده : جبرني الزمن ، ومافيه شي افرغ طاقتي فيه
سحب جابر البكت وفتح الشباك وهو يرميه : والله يا عزام ان رجعت له ، ماني مسامحك ولا اني خويك امك موصيتني وحلفتني اني ما اخليك تشربه ، هيا جرب تاخذه ولا تشتر
قاطعه عزام من وقف عند الاشارة ولف عليه : خل اختك تسجل بالعسكرية
سكت جابر وانصدم من كلامه : وشعرفك انت ؟ قالت لك ؟
عزام وبكل صراحه : يخوي تبيني اكلم اختك من وراك ، ماني مكلمها بس انت خويي واقرب اخوياي
قاطعه جابر وهو عارف خويه : طحت ها ؟
ناظره عزام وهو كان خايف من رد فعله : والله وطحت
ضحك جابر : والله انك كلب ، وعسكريه ها ، وانا اقول من مدخل الفكرة براسها
عزام: بصير المسؤول عن دورتها ، ولا تشيل هم بس وافق انت
جابر : دامك معها ماني بخايف عليها
ابتسم عزام من كلامه وتغيرت نفسيته بسرعه
جابر وهو يفتح رسالة امه : حرك لسوبر الماركت ناوينها حطب وشّوي الليله
عزام : والله مع ذا البرد يبيلها حطب وشبّة نار
واتجهوا لسوبر ماركت وهم يسمعون فويس ام جابر
عزام : يخوي قالت فحم
جابر : الفحم مراح يشتب بسرعه
عزام : ما عليك بنمر ناخذ بنزين نشبّه بسرعه
جابر : يالله هات فحم على مسؤوليتك
وجابوا الاغراض واخذوا بنزين وحركوا للشاليه
وصلوا ودخلوا بالاكياس ، شافوا الكل مجتمع
شال الفحم ودخل المطبخ ، انتبه للي معطيته ظهره ومتلحفه بالبطانيه بعد ما نامت عند المكيف وزكمت وبصوت تعبان : خلاص يا عالم بجي الواحد ما يتهنى بكوب شاه
ولفت وهي تناظر الي واقف عند الباب ، ناظرها لدقايق وهو يتأمل خشمها الاحمر وشفايفها الي ترجف ،وحس على نفسه وبلع ريقه وهو يحط الفحم ، وطلع بسرعه
—
تقدمت وهي تساعد جابر الي لف ثوبه على خصره وسحب الحطب
جابر وهو يسال مزن : مين جاب الحطب ؟
مزن : عمك
جابر : بعدي عن الحطب بكب البنزين
قامت ورش البنزين واشتعل الحطب بسرعه، عثرت لها حطبه وكانت بتطيح وصرخت بخوف ، فز من صرختها ووسع عيونه وهو يرمي علبه البنزين ومسك ايدها وحضنها لصدره بخوف : ما تشوفيينن ؟؟؟ قلتلك ابعدي ، كنتي بتحترقين

"صلوا على محمد"

-قصيد-

وصلت رهام ونزلت وهي تطلع لغرفة قصيد ، فتحت لها قصيد وحضنوا بعض بفرحه ، بعدت عنها رهام وهي تقفل الباب وترمي عبايتها واغراضها على السرير وبحماس : بسرعه قولي لي وشصار
قصيد بضحكة : في البدايه شفته بالمعرض وكان هو كاتب الرسايل وقالي بعد انك صاحبة الفكرة
ضحكت رهام : بالله كيف الفكرة ما اعجبتك ؟
قصيد : والله تجنن ما توقعتها منك
رهام : كملي كملي
قصيد : ابد تهاوشنا بالمعرض ومن الصدمه طلعت ابكي وطلع وراي وسحبني وركبني بسيارته واخذني للمطار وركبنا طيارة وتفاهمنا بالطيارة بدون وجود احد وبدون صراخ ، واقتنعت وفهمني كلشي من البدايه وعرفت اني كنت ظالمته وانه ما كان بوعيه باللي صار ، وبس تفاهمنا وما نزلنا من الطيارة الا وهو محدد موعد الخطبة ، واتصل علي قبل شوي وقالي انه اصر على اهله يجون السعودية اليوم وبكره جايين
ابتسمت رهام : اخس اخس والله طلع مهوب هين ذا الامر طلع فيها خطف وتفاهم ، بس اعجبني ما نزلك من الطيارة الا وانتي فاهمة كلشي
قصيد : اسمعي قالي ان اهله يبون الخطبة عندنا والملكة والزواج عندهم وقلت له تم
رهام : دقيقه دقيقه شلون ؟
قصيد : يعني بكره بس خطبه وبياخذني معه وبنسوي الملكة عندهم
رهام : الملكة والزواج مره وحده ؟
قصيد : ما ادري بس قالي يبون الملكة والزواج عندهم
رهام : المهم انه بيخطبك وهذا المهم
وقامت وهي تفتح دولاب قصيد : يالله تعالي نختار لك شي سنع
قصيد : قلت بلبس الفستان الي اهديتيني اياه
رهام : لا البسي واحد يصيد جو دولة ***** عشان تجيبينهم مثل جبتي الولد
ضحكت قصيد : لا طلعي النيلي
رهام : لا البسي الاسود ذا يجنن وانتي بيضاء بيطلعك حلوة
بعد نقاشات وهواش قرروا تلبس الي اختارته رهام ، وبكل حماس نامت رهام عند قصيد
ما نامت قصيد من التوتر وهي تتقلب يمين يسار ، سحبت جوالها وهي ترسل له : نمت ؟
كان مشغول مع اهله الي وصلوا للسعودية ، وبوسط جلسته معهم انتبه على رسالتها ورد عليها : لا ، ليه ما نمتي انتي ؟
قصيد : متوتره وعاجزه انام
معن : ليلك طويل ، بخلص شغله وبدق عليك

يتبع.....

29 - 8 - 2023, 03:08 AM

البارت 29

-مزن-
خافت من صراخه وصوته ومن فكرة انها كانت ممكن تطيح بوسط الحطب ، شدت على ثوبه وهي تتنفس بسرعه ، عرف انها خافت من شدت على ثوبه ومسح على ظهرها وسحبها معه تحت انظار الكل وخوفهم من الي صار ، سحبها لغرفته وشال جلالها وهو يمسح وجهها وبهدوء : اعتذر لاني صارخت وخوفتك ، لكن انا بعد خفت تطيحين بالحطب
هدأت مزن وناظرته : لا عاد تصارخ تراك تخوف وتخوف حيل
ابتسم وهو يبوس راسها : ابشري ، اعذريني كنت خايف
بادلته الابتسامة وهزت راسها ودخلت لدورات المياة وغسلت وجهها ، وسحبت جلالها وطلعت معه
—
اهتم عزام بالحطب والنار وجلس جابر مع مزن وهو حاس بخوفها للحين ، بدأت جنى توزع اكواب الشاهي على الكل ، سحب كوب وحطه بين ايدين مزن : ايدينك بتلج من برودتها
مزن وهي تاخذ كوب له من جنى واعطته : مو بس ايديني حتى انت
ابتسم لها وكان بيرد عليها لكن قاطعه عزام من قال : انت صاحي كبيت البنزين كله ؟
جابر : كبيته بالغلط والقارورة رميتها بالنار ، بعدين تعال اشرب لك شاهي خل الحطب
مسح عزام ايدينه وتقدم وهو يقعد معهم ، بدا الكل يسولف ويضحك ويتبادلون القصص والمواقف والكل ماسك كوبه بايده
-
كانت قاعدة بجنب جابر من الجهة الثانية ، كحت وهي تضرب كتف جابر وتأشر على المنديل ، انتبه لها عزام وسحب المنديل وهو يرميه لها ، ناظرته وسرعان ما خزته وسحبت المناديل
انتبه من خزته وعقد حواجبه ، ونزل نظراته من حس على نظرات ام جابر له ، سحب كوبه وهو يشرب و يحاول يضيع من نظراتها
التفت على جابر من قال : ولد ارسلوا لك المركز ؟
عزام وهو يطلع جواله من جيبه : لا اصبر اشوف ، ايه ارسلوا
ناظروا بعض لثواني ونطق جابر : ها شكلها رجعه ؟
عزام : والله انت ضروري طالبينك
تنهد جابر ولف على اهله : انا برجع الدوام طالبيني
ناظرته مزن : الحين !؟
جابر : ايه ، عندي تدريب جنود الصباح
ام جابر : اقعد معنا والصبح نمشي كلنا
جابر : ودي ، لكن التدريب مهم وحطوني بقائمة الضباط
وقام وهو يترك كوبه ، واستاذن وهو يدخل لغرفته ، قامت وهي تلحقه دخلت الغرفة وناظرته من فصخ فروته : بروح معك
لف عليها : ليه ؟ بترجعون الصباح
مزن : دامك بتروح الحين بروح معك احسن من الصباح
ابتسم وقال : والله ما اردك ، يالله اجهزي
وطلعت وهي تلبس عبايتها وسحبت شنطتها وعدلت نقابها وطلعت ، سحب شنطتها وطلع وطلعت وراه وسلموا على الكل
وطلعوا وهم يركبون بجنب بعض وحرك جابر

-قصيد-
اتصل عليها معن وطالت مكالمتهم لحتى قفل معن وهو يصر انها تنام ، وقفلت منه ونامت بعد ما انقضى على توترها بعد الاتصال
بالعصر -
كانت متوتره وخايفه من ردة فعل اهلها الي ما علمتهم
رهام بضحكة : خلاص شفيك اهمشي ورد تعرف ورتبنا البيت وسوينا كلشي
قصيد : خايفه خايفه من ردة فعل ابوي وامي
رهام : وش دعوه لو يدرون انه امير حبوا راسك بكل فخر
انتبهت على رسالة معن وهو مصور سيارات اهله واعمامه الي حضروا وكتب : مو انا بس الي مستعد وفرحان لخطبتك
شهقت قصيد وركضت رهام بجنبها بصدمه : ول ول ذول جايين يغزون ، يا كثرهم
قصيد بخوف : خليني اعلم اهلي على الاقل ابوي عشان ما ينصدم من الرجال
رهام : لو علمتيه بيكفخك اتفقتوا تخلونهم بالامر الواقع
خافت قصيد وردت على معن : جايي تستولي على السعودية ، ما شاءالله يا كثركم
قرأ رسالته وهو بجنب ابوه وضحك وقفل جواله من ناظره ابوه
رفع نظراته للمرايه وهو يناظر سيارات عيال عمه واعمامه وهم وراه واغلبهم قدامهم ، ابتسم وهو فرحان وفرحته ما توسعه
-
كانوا قاعدين بالغرفة ثلاثتهم وفزوا من صوت البواري الي دخلت حارتهم ، ركضوا للمرايه وشهقوا من كثر السيارات وكلها من افخم شركات السيارات وباللون الاسود موحد للكل ، وقفوا عند باب ابو قصيد بوسط نظرات الجيران ، وانفتحت ابواب السيارات ونزل منها الكل باستثناء معن الي كان يضبط شماغه ، ناظر لغرفة قصيد وسحب جواله وهو يرسل لها : اول مره جيت لبيتك بقصد عقاب لك والحين جاي بيتك لجل اطلب ايدك الي كتبت التعليق وكانت من احلى اللحظات اني رديت عليك وصرتي نصيبي â‌¤ï¸ڈ
وارسل رسالته وحط جواله بجيبه ونزل وهو يمشي مع ابوه واعمامه ، كان وسطهم والكل حوله ، التفت لولد عمه وهو يساله عن شكله ، وناظر ابو قصيد الي فتح الباب وانصدم من الكل ومن اعداد الرجال والحريم ، كان سريع بديهه وسيطر على ملامحه المصدومة وحالته ونطق : الله حيهم ، اقلطوا اقلطوا
ابتسم معن ودخل وهو يسلم عليه وسلم على سند ودخل المجلس مع ابوه واعمامه ، عرف ابو قصيد انهم امراء من عرف معن وتوتر وهو يدخل ودخل معه سند
-
نزلت رهام وورد وهم يعلمون ام قصيد بكلشي وشهقت بصدمه : امير ؟!!
رهام : يا خاله الناس برا افتحي الباب
توترت ام قصيد وهي مصدومه وتقدمت وهي تفتح الباب للحريم ورحبت فيهم ، ابتسموا لها ودخلوا وهم يسلمون وتقدموا ورد ورهام وهم يسلمون ويرحبون بكل توتر
كان الوضع توتر عند الكل والكل مصدوم من حضورهم
وما كان توترهم مثل الي قاعده بغرفتها والتوتر مسيطر عليها

"صلوا على محمد"

-جوري-
انتهت ليلتهم من بعد ما خلص عزام العشاء وتوجه الكل لسريره باستثناء جوري الي كانت قاعده بجلستهم ومتلحفه بالبطانيه ومنشغله بجوالها ، كانت تسولف مع صحباتها ووقفت كتابة من سمعت صوته وهو يكلم ، التفت ليسارها وهي تدور له ، ما شافته لكن كانت تسمع صوته وهو يضحك ويقول : لا ما جيت ، جاي بكره ، يا خوفي شوقك يذبحك ، يالله سلام لا مشيت ارسلك لك ، استودعتك الله
وقفل وهو يدخل وهو يقفل باب الشالية وراه ، انتبه للي قاعده ببطانيتها ومعطيته ظهرها تنحنح وهو ينتظر اي ردة فعله منها
لكن صدمه عدم اهتمامها وهي سامعته من قبل ما يدخل
رجع تنحنح مره ثانيه ظنا منه انها ما سمعت ، لكن صدمته اكثر من قالت : خلاص دريت انك دخلت وماني قايمه ،
تدل غرفتك ادخل بدون صوت
عزام : اها الوضع كذا
جوري : لا تزعجني
وشغلت مسلسلها وبالها معه وهي تنقص بصوت جوالها لجل تراقب صوت خطواته ، وسرعان ما وسعت عيونها من جاء قدامها وقعد : دام الوضع عناد ، بخليك تقومين انتي ومانيب شايل عيوني
سحبت البطانيه وهي تحطها على وجهها وبعصبيه : بلا استهبال قوم بسرعه
عزام : قلتلك انتي الي بتقومين ، وترا شعرك طالع من وراء وشذا البطانيه الصغيره
سحبت جوري البطانيه على ظهرها ، وظهر جسمها من قدام
كتم ضحكته وهو يناظرها تحاول تخفي جسمها بالكامل لكن البطانيه صغيره ، حط ايده تحت فكه وهو يناظرها : قومي قومي ادخلي وخلي العناد عنك
جوري بعصبية : اقسم بالله ما اقوم لو تشوفني
ومددت رجلينها وتخبت داخل البطانية ومو ظاهر غير رجلينها وبجامتها من تحت البطانية ،ناظر رجلينها : على طول اصابعك ذي بيقبلونك العسكرية بدون اختبار طول
جوري : هههه ما تضحك
ما قدر يكتم ضحكته واطلقها ، وابتسم من سمع ضحكتها الي سرعان ما اخفتها ونطق : كلمت جابر ووافق وقدمت لك على العسكرية
كان متوقع ردة فعلها تكون قوية او على الاقل تظهر فرحتها لكن كل شوي تزيد صدمته اكثر وصدمته من قالت : هههه تكذب علي عشان اناقز وتشوفني بدون بطانيه مانيب قايمه لا تحاول
انصدم من تفكيرها وضحك بصوت عالي خلاها تشيل البطانيه وتصارخ : اسكت يا كلب بتصحيهم

-قصيد-
خفف توترها من قرأت رسالتها وهي ترد عليه ، لفت على رهام الي دخلت وهي توصف لها : يويلي محلاهم ، وانا اقول من وين له ذا الزين كله ، طلعت كل العايله حلوين حتى امه تهبل
قصيد بتوتر : كثير ؟؟ جو كلهم !؟ كم عددهم؟ وامي وشقالت ؟
رهام : لا تخافين خلينها بالامر الواقع وما قالت شي ورحبت بالحريم وقاعده تتكلم معاهم الحين
زفرت قصيد براحه وجلست مع رهام الي كانت توصف اشكال الحريم
—-
بمجلس الرجال
كان سند يقهويهم وهو مستغرب من جيتهم وينتظر يبداون بالموضوع ، قعد بجنب ابوه الي قال : اعز من شرف والله ان ضيافتكم شرف لي
ابو معن بابتسامة : الله يكرمك والشرف لنا الله يسلمك ويطول بعمرك
شرب ابو معن فنجانه وخلص وهو يحطه ورفع راسه ونطق : دخلنا عليك ورحبتنا بمجلسك وانت ما تدري وش علمنا وهذا طيب منك ، لكن حنا جايين اليوم نطلب ايد بنتك لولدنا معن على سنة الله ورسوله وطالبين منكم القرب والنسب وان شاء الله نلقى لطلبنا مُجيب
تلعثم ابو قصيد بصدمة وهو اخر توقعاته امير يطلب ايد بنته ، كانت توقعاته ان معن يرد له معروف بذاك اليوم ، وابدا ما جاء بباله انهم ممكن يخطبون من عنده ، مو نقص في بناته لكن ما توقع ان مكانتهم الاجتماعية وعاداتهم وتقاليدهم الي في باله ممكن تنكسر ويخطبون من خارج عايلتهم الملكية ، نزل راسه وهو ينزل فنجانه ويحاول يسيطر على صدمته الي ما كانت اقل من صدمة سند ، رفع راسه وناظر ابو معن وبابتسامة تخفي صدمته : ، يشرفنا وزود القرب منكم ، وبأذن لنا تلقون الي يسركم لكن مو من عندي من عند بنتناالي بأخذ رايها قبل اعطيكم جوابها
ابتسم معن من ردة وهو ملاحظ صدمته الي قدر يسيطر عليها
ابتسم اكثر من قال ناخذ راي بنتنا وبداخله : ياليتك تدري ان بنتك موافقه
—-
عند الحريم *
كانت ام قصيد تقهويهم وهي ماخذه راحتها معهم عكس توترها الي تحاول تخفيه
ام معن : الحقيقة احنا حاضرين اليوم نخطب لولدنا معن الي اختارها قلبه ، ويشرفنا تكون بنتكم قصيد جزء من عايلتنا
ام قصيد وهي مجهزه ردها بابتسامة : الشرف لنا والشور والجواب جواب بنتي
وعلى كلامهم دخلت قصيد بفستان اسود قطيفة وهي تاركه شعرها مفكوك على ظهرها وبمكياج جدا هادي ، ونطقت سلامها بتوتر : السلام عليكم
—-
تسريع احداث *
انتهت الخطبة بموافقة الطرفين واتفاق العايلتين على إقامة الزواج بدولتهم ، وبوقت قريب لطلب معن
ركب بجنب ابوه بعد ما ارسل لقصيد : اسف لاني حددت الملكة بدون ما اخذ رايك ، لكني مستعجل وابيك تكونين لي على احر من جمر
قرأت رسالته وردت : متى حددتها ؟
معن : بعد بكره

-جوري-
بعد ما شالت البطانية عنها ، ناظرته وهو يضحك وتأملت ضحكته وسرعان ما حست عن نفسها من سيطر على ضحكته وبادلها النظرات ، سحبت البطانية بسرعه وحطتها على نفسها وهي منحرجه من شافها ، وسحبت جوالها وكانت بتتوجه لغرفتها لكن استوقفها صوته من قال : تراني صادق ولا امزح ، كلمت جابر ووافق وسجلتك بالعسكرية وان وصلني الرد علمتك
جوري : لا ارسلت لي الرد ذاك الوقت صدقت كلامك
ومشت وهي تدخل غرفة البنات وتقدمت لفراشها وتلحفت ببطانيتها وهي تفكر فيه ، وسرعان ما طردت الافكار من بالها وغمضت عيونها ونامت
—-
مزن -
كانت تسولف وهي قاصده تكثر سوالفها عشان ما ينعس جابر ويركز بالطريق وهي خايفه من بعد ذاك الحادث
مد ايده وهو يسحب قارورة مويه وسرعان ما سحبها من صرخت مزن بخوف: انا بعطيكك ركزز بالطريق ، تبي شي قولي
وسحبت قاوروة الموية وهي تفتحها له ومدتها له ، اخذها منها وهو حاس بخوفها : شفيك اقسم بالله اني منتبه ومشغل انوار السيارة على العالي ورابط الحزام وامشي ظ©ظ
مزن : مابيك تنشغل بشي غير السواقه بس
ناظرها ورفع رجله عن دواسة البنزين بعد ما فعل وضع مثبت السرعة ، ولف عليها من صرخت بعد ما شافته جمع رجلينه على بعض وتربع ، وسحب الكيس وهو يسولف : ايوه تقولين ما تبين تشغليني؟
مزن بخوف : جابر بلا استهبال وش تسوي انت؟
جابر وهو يفتح العصير : وش مسوي ؟ ثبتت السرعة عشان ما تخافين
تنهدت وهي تناظره وبادلته السوالف وهي مرتاحه بعد ما شرح لها وضع مثبت السرعة
—
بالصباح *
قام الكل وركبوا شناطهم بالسيارات وتوزعوا
صحت وهي مروقة بدون سبب سحبت علبة النوتيلا معها وركضت من سمعت صراخها عمها وهو ينادي عليهم
عم جابر : انتن اركبن مع عزام والحقونا
ام جابر : انا بروح معهم
عم جابر : اركبي يا ام جابر ، امي ركبت معهم مافيه مكان
وركبت ام جابر مع عم جابر وركبوا البنات وجدتهم مع عزام
ركبت وراه وارسل لها قبل يحرك اشعار قبولها بالعسكرية فتحت رسالته وصرخت بفرحة ، وضحكت من صراخ البنات وجدتها
كتم ضحكته من صرختها وشغل السيارة وحرك وهو يسوي نفسه ما يعرف عن سبب صرختها او فرحتها

"صلوا على محمد"

-قصيد-

انصدمت من موعد الملكة ودقت عليه لكن ما رد
وقرأت رسالته من ارسل لها : ابوي بجنبي بعدين اكلمك
قصيد : غير موعد الملكة
معن : اتفقت مع ابوك وخلصنا كلشي ، وبتجون **** اليوم
قصيد بصدمه : بعد ؟!!
قفل جواله من تكلم ابوه وهو يسولف معه ، وتوجهوا للمطار على طول ورجعوا لدولتهم لجل يجهزون كل ما يخص ملكة معن
—
تسريع احداث *
طلعوا اهل قصيد ومعاهم رهام للمطار وركبوا الطيارة الي حجزها معن لهم واقلعت الطيارة لسماء دولة ***
كانت متوترة وتتناقش مع رهام بخصوص الملكة
رهام : دام محدد الملكة بعد بكره يعني مجهز كلشي وبعدين لا تنسين انه امير بأمر واحد كلشي جاهز ولا تخافين وفكري بالملكة من منظور ايجابي ، ما استعجل الا انه يبيك بجنبه باسرع وقت
ارتاحت قصيد من كلامها وحطت راسها على كتفها ونامت
-
بعد ساعات وصلوا وكان باستقبالهم احد موظفين معن الي طلبه ياخذهم ويوصلهم للفندق لجل ياخذون راحتهم
فتحت رسالة معن الي ارسل لها : وصلتوا ؟
قصيد : ايه
معن : ارتاحي الحين وبالصباح بتمرك العنود لجل تجهزين كلشي باختيارك
ابتسمت من رسالته وقفلت جوالها من نادها سند ، وركبت مع اهلها وتوجهوا للفندق
بالصباح -
صحت على اتصال معن سحبت جوالها بنوم : هلا
معن : العنود تحت بعدك نايمة ؟؟
قصيد : كله منك محد قالك تستعجل بالملكة
وقامت بعد ما قفلت منه ولبست وصحت رهام معها وعلمت امها ونزلوا وهم يركبون مع العنود وبداوا يدورون فستان لملكتها
العنود : عندنا مصممة وكان ممكن اخليها تصمم لك لكن الوقت ما يسمح والملكة بكره
قصيد : اخوك مستعجل مدري على وشو
ضحكت العنود : تلومينه ؟ انا متحمسه اكثر منه
ابتسمت قصيد ونزلوا وهم يفطرون وبعدها كملوا يدورون فستان
بالسيارة كانت العنود تاخذ رايي قصيد بتجهيزات الملكة حسب طلب معن ، كانت مندمجة بالاختيارات وهي تدقق بتناسق الالوان
العنود : خلاص تبين ذا اللون ؟
قصيد : ايه حلو خلاص
العنود : تمام برسل لمعن
وارسلت معن التجهيزات الي اختاراتها قصيد واعتمدها وهو يطلب موظفينه يبداون الشغل بالمكان الي اختاره بنفسه

-جابر-
وصلوا لبيتهم وناموا وبالصباح صحى وتوجه لمقر الدورة
وصحت على اصوات اهل جابر والبنات
قامت وهي تغسل وجهها وطلعت وهي تعدل شكلها وسرعان ما شهقت من دخلت جوري وهي تصارخ : انقبلتت بالعسكريية
مزن بنفس صراخها : خرشتيني يا كلبه
ركضت جوري وهي تحضنها : قبلوني قبلوني
مزن : خليني اصحصح طيب
بعدت عنها جوري : تخيلي بروح بعد شوي للمقر
مزن : مو تقولين انك رفضتي القبول ؟
جوري : رجع عزام سجلني وقبلوني واسطه
مزن وهي تغمز لها :اييهه قولي فيها واسطات
جوري : خليك بجي البس عندك
مزن : بسوي فطور جيعانه
جوري : جبنا فطور
وطلعت جوري وهي تتروش وتجهز نفسها للفحص الطبي
وبعد دقايق طلعت وهي تتجفف شعرها ودخلت على مزن : خايفة
مزن : خايفة من وش ؟
جوري : خايفة طولي ما يتناسب مع وزني
مزن : لا ما عليك بالنظر اصلا بيقبلونك وبعدين اخوك رتبته عالية وخوينا عقيد
جوري : من خوينا ؟
مزن وهي تغمز لها : امم
خزتها جوري بضحكة وفزت من اتصل جابر وردت : هلا ؟
جابر : خلصتي ؟ عزام برا اطلعي
جوري : يالله يالله طالعه
قفلت من جابر وسحبت عبايتها وهي تلبسها ونزلت وهي تسلم على امها وطلبت دعواتها وطلعت وهي تركب وراء عزام
عزام : هويتك معك ؟
جوري : ايه
ناظرها من المراية وحرك وهم يتوجهون لمقر الفحص
بعد دقايق وصلوا ونزلت وهي خايفة ، مشت وراء عزام وهي تتأمل شكله بالبدلة وطوله وعضلاته واكتافه العريضة ، بلعت ريقها وشتت انظارها وهي تسرع بخطواتها لجل تلحقه
دخلوا اثنينهم وسحبها وهو يناظرها : مقر الفحص على يمينك لا خلصتي ارسلي لي بنتظرك
جوري بتوتر : طيب
عزام وهو يناظرها: لا توترين وخليك طبيعيه بيقيسون كلشي عندك الموضوع سهل ، بيقبلونك مثل ما قبلوني انا واخوك متفائل فيك
ابتسمت وهزت راسها وتوجهت للفحص وهي متوتره من شافت اعداد المتقدمات للفحص ، وقفت معهم وهي تنتظر دورها

-قصيد-
انتهت من تجهيز نفسها وطلعوا اهلها وهم يجهزون انفسهم
سحبت الماسك وهي تحطه على وجهها وتكلم معن
معن : خلصتي اغراضك ؟
قصيد : ايه
معن : وشذا الي تحطينه على وجهك
قصيد بضحكة : ذا ماسك الفحم
معن وهو يتأمل ضحكتها : هانت كلها كم ساعة وتكونين معي
ابتسمت قصيد : متوتره واحس مستحية منك
ضحك وسرعان ما قفل من دخل ولد عمه : يالله يالعريس امش
معن بعصبية : يا كلب دق الباب مره ثانية
احمد : بتشوفها بكره ما توفر انت كل حزه مكلمها اثقل يبوي
معن وهو يسحب شماغه وبضحكة: امش امش لا طحت انت متعرف شي اسمه ثقل
-
طلعت الشمس معلنه ابتداء يوم جديد ، واعلان حياة جديدة لابطالنا الي يفرقنا على ارتباطهم بعض الساعات
صحى الكل وهم يفطرون وبعدها قاموا يجهزون اشياءهم
قصيد : بنام شوي بعدين صحوني
ونامت وصحت على صلاة العصر وهي تسلم نفسها للميكب ارتست ، كان الكل رايح جاي والي يدور اغراضه والي يلبس والي ياكل والي يتروش وكانت كل الاحداث تحت تصوير رهام الي كانت تدور بالجناح وتصور كلشي وهي مستانسة وفرحانه فرحة تشابه فرحه قصيد ، دخلت على قصيد وهي تصور : وطبعا هاذي قصيدنا وعروستنا
قصيد بضحكة : لا تصورينن اصبري بعد ما اخلص
رهام بضحكة: اجرب كاميرتي واصور كواليس ملكتك
وقعدت بجنب قصيد وبداوا يسوون له مكياجها
وبعد مرور وقت انتهى الكل من تجهيز نفسه ولبسوا عباياتهم
باستثناء قصيد الي كانت تتصور ، وضحكت من دخل سند وهي تناديه : تعااال بتصور معك
ضحك ودخل وهو يوقف بجنبها وبدات تتصور معه ، وخلصت وهي تطلع وتركب مع سند واتجه الكل لقصر الملكة
-
وصلوا لمقر القصر ونقص سند بصوت الاغاني الي كانت قصيد مشغلتها وتتصور بالسيارة : غطي وجهك يالله
قصيد : اصبر ما صورت
سند : يا بنت وصلنا انزلي ابوي ينتظرني
قصيد : كذا تطرد اختك بملكتها بدال ما تشيلني لين باب القصر
سند بضحكة : انزلي انزلي معاد الا هي
ضحكت قصيد وفتحت الباب وقبل تنزل التفت على سند الي قال : الله يتمم لك يا روح اخوك ، ومبروك لك وياحظه من صرتي نصيبه
قصيد بابتسامة : قصدك يا حظه من صرت نسيبه
ونزلت وهي تدخل مع رهام وتوجهت للغرفة المخصصة لها
رهام وهي تتأمل القصر : يجنن يجنن بصورك بكل حته
قصيد بحماس : يالله بسرعه صوري قبل يجي احد
وقاموا ثنتينهم وهم يصورون بكل مكان وبكل حته تعجبهم
رهام : يويلي شوفي المرايه ذي تجنن تعاليي
وركضت لجهتها، وشالت قصيد فستانها وهي تركض وراها ووقفت عند المراية وبضحكة : الي يشوفني مستحيل يصدق اني العروس

"صلوا على محمد"

يتبع.....

29 - 8 - 2023, 03:10 AM

البارت 30 والأخير

-جابر-
خلص تدريب ورجع للبيت ونام للعصر
وصحى وطلعوا هو ومزن لجل تشتري اغراض الجامعة
مزن : اذا جيت اشتري لاب كوت لازم تجي معي ونختار مع بعض
جابر بضحكة : بشتري معك وبعيش معك اجواء تخصصك لسنة الامتياز باذن الله
ابتسمت مزن : بأذن الله
ورجعوا للبيت بعد ما خلصوا اغراض مزن
على وصولهم وصلوا عزام وجوري
نزل جابر وهو يكلم عزام : فنجان شاهي ؟
عزام : مره ثانية ، وراي تحقيق
جابر : اي تحقيق ؟ وش ماسك انت ؟
عزام : التحقيق الي ما كملته انت ، بيوم حادثك
جابر : اجل خله وبكمله انا
وبعد سوالف حرك عزام لبيتهم
—
طلع لغرفة وشاف مزن تقيس ملابسها
لفت عليه وهي تسأله : انت مشتري البلوفر ذا ؟
جابر وهو يتأمل البلوفر عليها : ايه
مزن بضحكة : اسفه بسرقه لونه اعجبني
جابر وهو يفصخ ثوبه : كل ملابسي حلالك
ابتسمت وهي تفتح الاكياس وتجرب التيشيرتات رفعت نظرها لجابر : شف ذا حلو ؟
رفع عيونه عن جواله وهو يناظر التيشيرت الازرق الي مبرز بياضها اكثر : ايه وشكلي بسرقه
مزن بضحكة : نتشارك بلوفرات بس
قرب منها وهو يطلع شعرها من تحت التيشيرت : شاركيني كلشي يخصك مو بلوفراتك بس
بادلته النظرات وبابتسامة : اذا ما شاركتك كلشي يخصني اشارك مين ؟ انت الوحيد بحياتي الي احب اشاركه كل لحظاتي وحياتي
انرسمت ابتسامته وسحبها من خصرها ورفع ايده لخلف رقبتها وهو يقرب منها ويطبع قبلاته على شفايفها بكل هدوء ورضا
—
طلعت من المطبخ وهي تسوي شاهي لها وقعدت بالصاله
دخلت على رقمه وهي ترسل له : حطيت رقمك بالفحص لما طلبوني رقم ثاني عادي ؟
كان واصل للمركز وطلع جواله من جيبه من حس باهتزاز وقرا رسالته وهو يرفع نظره لصاحبه : ابو خالد ، رح انا بناوب عنك
صاحبه : الله يجزاك خير وعساك على قوة
ابتسم له عزام وقرا رسالتها وهو يرد عليها : عادي ، كيف كان الفحص ؟
جوري : يوتر شوي بس ان شاء الله تكون النتايج مرضيه
عزام : متى قالوك بيرسلون النتايج ؟
جوري : بكره بنفس الوقت
عزام : بأذن الله مقبوله
جوري : يارب ، فيني نوم بس ابي اقعد لتسعه صباح عشان اشوف النتيجة
عزام : عطيني معلوماتك وانا بدخل الموقع وبدق عليك لو طلعت
جوري : مراح تنام ؟
عزام : لا مستلم

-قصيد-
تصورت مع رهام ورجعوا لجناحها من كثروا الضيوف
قصيد بتوتر : احس مكياجي راح
رهام : لا ما راح اهدي شفيك توترتي
قصيد : مدري احس توترت شوفي ايدي ترجف
رهام : انا بنزل بجيب لك اكل لا تدوخين علينا وبشوف خالتي وورد وبرجع
ونزلت رهام وارسلت قصيد لمعن : الساعات تفصلنا متوتر مثلي ؟
—
معن *
كان الكل بقسم الرجال تحت الضيافة على اكمل وجه ، والكل متواجد ويتسائل عن غياب معن الي مختفي
تقدم احمد وهو يسأل عمه : عمي وين معن الشيخ وصل ؟
ابو معن :مدري وينه ، دقيت عليه ما يرد ، دق دق عليه
—
كان بطريقه من قصر اهله لقصر ملكته لكن اختلفت خطته من اتصل عليه وكيله وهو يذكره بالمؤتمر الصحفي الي نسى انه يأجله ، والي كان يضم رؤساء ونواب دول عربية ،ما قدر يأجله وهو اهم مؤتمر كان يجهز له من شهور ويوصيه عليه ابوه
غير وجهته لمقر المؤتمر ، ووصل ونزل بكامل أناقته وريحته البخور والعود الفاخر سابقته بالمؤتمر ، دخل وهو يسلم على الروساء وجلس بوسطهم وامام الكاميرات ، ما كان باله مع المذيعة الي كانت ترحب من جديد ، وباله مع ملكته وقصيد وابوه
بدون ادنى اهتمام للكاميرات طلع جواله الي يدق وكان احمد
قفل المكالمة وكان بيقفل جواله لكن قرأ اشعار قصيد من ارسلت : وينك ؟ سند يقول الشيخ وصل لكن انت مختفي
توتر معن وقفل جواله من انتبه للمكان الي هو ومن صوت الكاميرات ، كان يدعي يخلص المؤتمر بسرعه والمذيعة تستعجل باسئلتها ، لكن كان الوقت بطيء والنواب ردودهم كانت سياسيه ودقيقة وما قدر يصبر اكثر وقرب من المايك وهو يرد على سؤال المذيعة بابتسامة : انا اسف واطلب منكم تعذروني لكن اليوم ملكتي والوقت ما يسمح لي ارد على اسئلتكم السياسية ، اعتذر بشدة حبيبتي تنتظرني
وقام وهو يعطف بشته ومتجاهل الكاميرات والصحفيين وتباريك النواب الي بجنبه ، وطلع بسرعه وهو مستعجل وركب سيارته وحرك على القصر
—
ركضت رهام لجناح قصيد من انتشرت مقابلة معن
دخلت عليها وشافته تروح وتجي بالجناح : ما يرد ما يرد
رهام : شوفي شوفي
ركضت لها وهي توريها المؤتمر رفعت الصوت وهي تسمع كلامه وتتأمل ابتسامته
رهام بابتسامة : وين تلقين شخص جريء يقول حبيبتي بمؤتمر ويعترف قدام الناس انه يحب ، يا بختك فيه بس
حضنتها قصيد : ويا بختي فيك
—
وصل للقصر اخيرا ودخل بسيارته وهو يناظر عيال اعمامه واعمامه واقفين برا وينتظرونه ، نزل من سيارته بعد ما ضبط شكله وعدل بشته ومشى وهو يدخل المجلس الي كان يضم اكبر عدد من الرجال ناظرهم والقى سلامه وتقدم وهو يجلس بجنب الشيخ وبداوا بطقوس العقد بعد ما سأله الشيخ على حاله

-جوري-
ما نامت وجلست تسولف مع عزام للصباح
وهم ينتظرون رسالة الفحص مع بعض ، قامت تسوي لها فطور وهي تكلمه مكالمة ، فتحت البيضة وطاحت على الارض وصرخت من وصلها اشعار الرسايل وبصراخ : جات جات الرساله
عزام بخوف : الله يخرشك لابس سماعه
جوري بضحكة : اسفه تحمست
عزام بنفس ضحكته : يالله ادخلي وعلميني النتيجة
تنهدت جوري بخوف : يالله بسم الله
ودخلت الرسايل النصية وهي تغمض عيونها : يارب يارب
عزام بضحكة : اخلصيي لا توتريني
فتحت عيونها وابتسمت من قرات الرساله وبدون اي مقدمات صرخت : نجحت نجحح الفحصص
من صرختها قام من مكانه وهو متحمس معها وناسي انه بالمركز وتحت انظار العكسر : كفووو
صارت تدور بالمطبخ وهي فرحانه ، وفرحتها تشابه فرحة عزام
عزام بفرحه : بتصيرين بقائمة المسؤول عنهم بالدورة
جوري : ما فهمت ؟
عزام : انا المسؤول عنك بالدورة ودورتك بتكون بمكة
جوري : صدق متى؟
عزام : ما ادري لسى ما ارسلوا لنا الوقت
—-
صحت وهي تسحب جوالها وفزت وهي تركض لدورات المياة
وتروشت على السريع وطلعت وهي تجفف شعرها وتجهز لبسها
صحى من اشعة الشمس بعد ما فتحت مزن الستاير : الساعة كم ؟
مزن : لا تسألني متاخره متاخره من اول يوم اكيدد
ولفت على صوت الباب الي دق ودخلت جنى : تعرفين ترسمين ايلانير ؟
مزن : ليه ما صحيتني احسني مره متاخره
جنى : لا مره بدري ما عليك
مزن : اوف قمت مفزوعه
جنى وهي تناظر لبسها : اخس اخس وشذا الكشخه
مزن : صدق حلو ؟
جنى :ايه
ركضت مزن للي طلع من دورات المياه وهي توقف قدامه وتعطيه ظهرها : لبسني اياه
مسح على عيونه ولبسها سلسالها وتوجه وهو يفرش سجادته ويصلي الفجر ، سحبت مزن الايلانير وهي ترسم لجنى
وبعد دقايق خلصوا وطلعت جنى لغرفتها وتقدمت مزن وهي توقف بجنب جابر الي كان واقف قدام المرايه ويضبط بدلته وهي تلبس الحلق وتناظره بتأمل وهو يرش عطره ويلبس ساعته
وناظرها بتسأول : افطرتي ؟
مزن : لا
جابر : وبتروحين وانتي مو ماكله شي ؟
مزن : ما يخالف بنشتري شي على طريقنا
جابر : يالله انتظرك بالسيارة واستعجلي عشان يمدينا نشتري فطور

"صلوا على محمد"

-قصيد-
توترت من قالوا صار دورك توقعين دخلت عليها العنود بالعقد توترت قصيد واخذت القلم وهي تقرا اسمه وتتأمل توقيعه
وسمّت بالله وهي تطبع حبر توقيعها بجنبه سلمت على العنود الي قالت : مبروك ويا بخت اخوي فيك
قصيد بابتسامة : الله يبارك يروحي
وطلعت العنود وقامت وهي تحضن رهام وهي تصرخ : واخيرا واخييرا صرت لهرهام ارتبطت فييه
رهام وهي تمسح دموعها الي خانتها : الله يوفقك
بعد دقايق قالوا لها وقت زفتها توترت وهي تشيل فستانها الاسود ولبست كعبها الي نزلته من التوتر ومشت مع رهام وهم يطلعون من جناحها ومشت وهي تشد على الورد الي بايدها اشتغلت موسيقى هادية وزادت نبضات قلبها ومشت لجهة الدرج بخطوات هادية وصلت لقمة الدرج وهي تناظر المعازيم بلعت ريقها ونزلت بخطواتها وهي حاسه بنظرات الكل الي زادت توترها وصلت اخيرا لمكانها المخصص وقعدت وهي تبتسم وقامت من جات ام معن تسلم عليها وتبارك لها وتقدموا بنات اعمامه وهم يسلمون عليها وشوي شوي انتهت من السلام وقامت من قالوا صار وقت تدخلين على معن قامت وهي متحمسه وبنفس الوقت متوترة قامت لحالها وتوجهت لغرفة الي هو فيها ناظرت وراها ما لقت احد وركضت لجهة الغرفة قبل تفتح الباب شافته من جاء باب الرجال ولفت وهي تركض بفرحه لجهته اتسعت ابتسامته من شافها بكامل اناقتها وطلتها وفتح لها احضانه وحضنها من ركضت لجهته وشد على خصرها وهو يدور فيها وهي تهمس له وبدموع : اخيرا اخيرا معن اخيرا
بعدها عن حضنه وهو يناظرها : اي والله اخيرا ياروح معن وقلبه
ونزل نظراته لشفايفها المرسومة بروج احمر ومقدر يقاوم وقرب منها وهو يطبع قبلاته بشفايفها بكل حُب وتعبيرا عن فرحته
ابتعد عنها وهو يناظرها بحب : اخذتك من ابوك وصرتي من نصيبي وباخذك معي لندن الحين عندي شغله مهمه ومابيك تفارقيني دقيقة من بعد ما ارتبط اسمي باسمك
ابتسمت قصيد : ولا انا بسمح لك تفارقني
سحبها من ايدها وشد عليها وطلعوا من احد الابواب الخلفية للقصر وشاف الكل داخل المجلسة شد على ايدها وركض معها رفعت فستانها وهي تركض معه وركبوا سيارته ولف عليها : والحين تقدرين تطلعين بدون علم اهلك من صرتي حُرمي
قصيد وهي تشهق : اصبر جوالي امانه ارسل لرهام تجيبه
معن بضحكة : هذا همك الحين ؟
قصيد بضحكة : بوثق بكلشي تعرفني مشهوره
طلع جواله وهو يرسل لرهام وماهي الا دقايق ووصلت العاملة وهي تعطي قصيد جوالهاوحرك معن وهو يتوجه للمطار وعلى لندن ، كانت تصور لحظاتها معه وتصور شكله بالبشت مسكت ايده وصورت كم صورة ونزلتها بحسابها وكتبت : ابتدت احلى لحظاتي مع اميري من تعليق وانتهت قصتنا بزواج الاميرة بالامير â‌¤ï¸ڈ

-مرور زمني-
بدأت جوري بالتدريب تحت مسؤولية ومراقبة عزام الي كان يراقبها من بين المتدربات كان يراقب كل تحركاتها ونفسيتهاكانت تنام تصحى وتبدا تدريب وعلى هذا الجدول لمدة اربعة شهور تدريب ما حست فيها وبمرورها وهي تقضي مية وعشرين يوم مع عزام وفي كليوم تكتشف وتتعرف على شخصيته كانت تكلمه بين فترات الاستراحة واحيان تسهر معه وتتغيب عن التدريب برضاه
تعرفت على انحاء الحرم كله معه كانت تاخذ جواله وتصور لحظاتهم مع بعض وتصور شكلها بالبدلة وتتصل على اهلها من جواله لعدم السماح لهم باستخدام الجوالات بالدورة
تعرف على شخصيتها واسلوبها وش تحب وش ما تحب تعرف عليها اكثر من الاوقات الي قضاها معها وهو يتمنى ما تنتهي الدورة ويكون المسؤول عنها لفترة اطول وكل دعوة تدعيها وتخص انتهاء الدورة بسرعة كان يردد بداخله ( اللهم لا تُعجل بانتهاء الدورة واسألك اللهم تأخيرها) .
بعد اسابيع انتهت دورتها وهي تركض معه لخارج الحرم
شافت اهلها وركضت وهي تحضن امها وتسلم عليها بكل شوق
حضنت جابر الي ناظرها بكل فخر ودق لها التحية : تستاهلينها يالجندي اول
ابتسمت له وهي تدق له التحية ورجعت مع اهلها لبيتهم وهي تسرد لهم كل شي صار
بعد اسبوع من انتهاء دورتها تقدم لخطبتها عزام والفرحه ما توسعها تحس انه حبته اكثر وتعلقت فيه من الشهور الي قضتها معه واكتملت فرحتها من لبسها خاتمها وحددوا زواجهم مع زواج جابر ومزن الي حجزوا تذاكرهم لسويسرا بعد خطبة عزام وجوري وهم يقضون اجازاتهم مع بعض ويخططون لزواجهم بكل هداوة ويبتعدون عن اجواء الدوامات ، صار جابر بالنسبه لها حبيب وصديق وزوج كانت تعتبره كلشي بحياتها وتقوله كل حدث يصير معها وكان يعيش معها ايامها بالتخصص ويساعدها بدراستها ويقضي اكثر اوقاته معهاوكأنها عوضته عن وحدته واكتئابه الي كان يعالجه بحبس نفسه بالملحق تعلق فيها لدرجة تبرع بكليته وهو عارف كل العواقب والاضرار الي ممكن تصيبه ما غلت عليه كليته وتبرع لها لجل تعيش وتبقى معه لاخر انفاسه وعوضها عن زوجها الي ما تعرفت عليه ولا قضت معه اي لحظة تُذكر صار لها العوض بعد اهلها الي توفوا وعن اهل قريتها الي تبروا منها كل يوم بيوم يزيد ويتجدد حبهم لبعض وتعلقهم ببعض بعد كلشي صار لهم من بداية قتله لزوجها لنهاية تبرعه بكليته لها .
انتهت قصص ابطالي بخطبتهم لبعض
انتصر الحب الي كان عبارة عن بنيان من افعال وليس اقوال
انتصر بايتاء البيوت من ابوابها ، انتصر بالثقة وثم الحب وثم الخطبة ، وانتهى بالايفاء بالوعود واخُتتم بتلبيس الخواتم ، كانت بدايته خيانه ثقة اهل وانتهى بحضور الاهل لخطبة ابناءهم â‌¤ï¸ڈ
•
•

-
-
-

وَلَقَدْ آتَيْنَا دَاوُودَ وَسُلَيْمَانَ عِلْمًا وَقَالَا الْحَمْدُ لِلَّهِ الَّذِي فَضَّلَنَا عَلَى كَثِيرٍ مِنْ عِبَادِهِ الْمُؤْمِنِينَ)

-بارت فارغ-

| لن اكتب نهايات لا يقراها القارئ ولن يتخطاها الكاتب |
|سحر البدايات محى روعة النهايات |

- كُتبت وتمت بحُب-
ابيحوا ما احببتم سيُقرا بكل حُب
ظ،ظ£/ظ£/ظ،ظ¤ظ¤ظ¤
â‌¤ï¸ڈ

النهاية

المواضيع المتشابهه لموضوع: عذبة مثل صوت بو نايف قوية مثل قصيد بن فطيس للكاتبة مؤلفة rwaiii_i لموضوع: عذبة مثل صوت بو نايف قوية مثل قصيد بن فطيس للكاتبة مؤلفة rwaiii_i
الموضوع	كاتب الموضوع	المنتدى	مشاركات	آخر مشاركة
في يوم ميلادها تعرف على الوجه ال خر للفنانة سعاد عبد الله مؤلفة درامية	همسه الشوق	همس للاخبار الفنية العربية والعالمية وصور المشاهير	2	2 - 9 - 2023 09:54 PM
بالمستندات النصب على مؤلفة مسلسل يوميات زوجة مفروسة	نظرة عين	همس للاخبار الفنية العربية والعالمية وصور المشاهير	2	20 - 6 - 2015 07:13 PM
مؤلفة كابوس لغادة عبدالرازق تنتهى من كتابة حلقاته	نظرة عين	همس للاخبار الفنية العربية والعالمية وصور المشاهير	2	8 - 3 - 2015 09:13 PM
نايف هزازي ووالدته في دبي لطلب يد الفنانة بلقيس فتحي ، اجمل صور نايف وبلقيس 2012	شموخ جنوني غير	همس للاخبار الفنية العربية والعالمية وصور المشاهير	4	4 - 1 - 2013 05:55 PM
اسف حضنتك كان قصدي دفك	جبـآآر حبكـــ’’	همس الشعر والقوافي	8	3 - 9 - 2011 12:53 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عذبة مثل صوت بو نايف قوية مثل قصيد بن فطيس للكاتبة مؤلفة rwaiii_i

همس للقصص وحكايات وروايات