عز الله ان حبي لك أكبر نقيصه كامله

#1 17 - 10 - 2024, 02:28 AM

المقدمه

اذا كان العشق بوابة لامتهان الذات
اذا كان العشق رحلة عذاب ماتنتهي
اذا كان العشق قدم تدوس على الورد
اذا كان العشق مجرد وسيلة للانتقام
اذا كان العشق كذبة اخترعناها بعقولنا
اذا كان العشق هو سخرية القدر منا
اذا كان العشق ذبابة مزعجه تدور حولنا
اذا كن العشق الكاس الي امتلت بدموعنا
اذا كان العشق اللعبة الي انلعبت علينا
اذا كان العشق مثل نبات الصبار باشواكه
اذا كان العشق بطعم المر والعلقم

وقتها يكون اكبر نقيصه!!!

ناطق العبيدي معجب بهذا

الموضوع الأصلي :‎ عز الله ان حبي لك أكبر نقيصه كامله || الكاتب : || المصدر : شبكة همس الشوق

17 - 10 - 2024, 02:31 AM

الفصــ 1ــل

"تصادم...حياة في الجحيم...وخطط"

بين ربوع ايطاليا...وفـ قرية ساحرة الجمال...ومميزة من نوعهاا...ولهاا مناخ اكثر من رائع في معظم ايام السنة...
على حدود ميلانو...تقع هالقرية..وهي معروفة بطبيعتهاا الخلابة...حتى انهاا تنتج مياه نقية بنفس اسم القرية...
يتكلمون اهلهاا اللغة الفرنسية لكسر تعصب الايطاليين للغتهم الأم...ويندر انك تلاقي احد يستخدم الايطالية في ذيك القرية...

تأكدت من لبسهاا للمرة الرابعه...اليوم عندها موعد مهم...مو اي موعد..نقدر نقول موعد العمر..
اخيرا..وافقت مدام " لولا" انهاا تشوف تصاميمهاا...وتشوف اذا تناسب زباينهاا او لاا ...واذا اعجبتهاا راح تعرضهاا بالبوتيك حقهاا..وهذي فرصه رائعه لأن مدام لولا مو بسهولة توافق على اي مصمم...خصوصا ان البوتيك حقهاا معروف بتميزه ومايدخله غير الناس الشباع البطرانين...

"مارية"
العمر27سنة

مست تنورتهاا المقلمة البيج بخطوط رفيعه سودا ومزينه بكلفه دانتيل من أخرهاا ...وسكرت ازارير الجاكيت الاسود المخملي بحذر...
طالعت بشعرهاا الاشقر...وترددت وش تسوي فيه؟؟..وبالأخير قررت انهاا تخليه سايح مثل ماهو...والحمدالله انهاا لفت اطرافه امس بالمكر...
زينت عيونهاا بشوية ماسكرا شفافه...وحطت روج وردي باهت...وشالت شنطتهاا الصغيرة واخذت ملفهاا..وابتسمت مشجعه لنفسهاا في المراية...
قعدت تمثل شوي على روحهاا وهي تبتسم لنفسها ابتسامة واسعه
: بونجور مدام.."
تنهدت وهي تغمض عيونهاا وتشوف نفسهاا مصممة كبيرة تمشي على خشبة العرض وتحيي الناس اللي متلهفه عشان تشتري لو قطعه صغيرة من تصاميمهاا...
وبعد ماخصلت احلام اليقظه...قررت تطلع من غرفتهاا الصغيرة.... بعد ماخذت قبعتها المخملية السوداء اللي فيها شريطة معقودة على شكل فيونكة...
...فتحت باب الغرفة بحذر...وقفلته بسرعه...
اليوم دورهاا تسوي الفطور...واهي صراحه ماتبي اي روائح تلزق فيهاا...والمصيبة ان صاحبة البيت شديدة بقوانينها...ومن قوانينها ان الشغل يتوزع على كل المستأجرين..و" مارية" وحده من المستأجرين...
مشت على اطراف اصابعها..وهي تمر من قدام غرف النوم...وقامت تدعي بحرارة ان ماحد يشوفهاا وهي تتسلل بهالشكل المهين...
وصلت اخيرا للدرج..فأخذت نفس عميق...بس سمعت صوت باب ينفتح من وراها ...جمدت عن الحركة..لدرجة انهاا وقفت تنفسهاا...بس بالأخير كرامتها خلتهاا تلتفت عشان تشوف الشخص اللي واقف وراها...واللي مانطق حرف..
وابتسمت براحة وهي تشوف " كلاريسا" بنت صاحبة المنزل...."كلاريسا" طالعتهاا ببراءة الطفولة اللي شايلتها بقلبهاا اللي عمره ثلاث سنوات..وكانت ماسكه الباب وهي فاتحه فمهاا وبيدها الثانية شايله دبها البني...
راحت لهاا..."مارية" وشالتهاا وباستهاا بنعومة على خدهاا...ورجعت نزلت الدرج وهي ماسكتها وطبعا كانت تنزل بحذر عشان صوت كعبهاا العالي...
وصلت للدور الاول...وحمدت ربهاا انها ما شافت اي احد جالس...زين يمديها تطلع وترجع قبل ما يصحون بأذن الله...
جلست "كلاريسا" على كرسي مخصص لهاا...وسوت لهاا كورن فليكس بسرعه...وباستهاا على خدهاا ووعدتها تجيب لهاا حلاوة...
طلعت من البيت...وزادت من سرعة خطواتهاا وهي تطالع لــ شبابيك البيت...شافت زوج صاحبة البيت" ايمانيول"
وحست بخوف وهي تشوف نظراته القذرة لهاا...وهو يدخن ببطء...ويبتسم لهاا..واسنانه القذرة الصفراء..تقززهاا وتحسسها بغثيان...
صدت عنه...ودخلت مع اول لفة تشوفهاا عشان تختصر الطريق...

طالع بواجهة المحل..واعجبته الشغلات الصغيرة اللي يعرضونهاا...كانوا عارضين اشياء فنية شكلهاا مرة مميز وغريب...واكثر شيء عجبه تماثيل السيراميك الصغيرة اللي قدامه...راح تعجب اخته "نورس"كثير...خصوصا انها مهووسة بجمع هالاشياء...

" سعود"
العمر33سنة

رجع شعره الطويل شوي ورى بعيد عن وجهه...وقرر يدخل المحل...اول مادخل المحل...تعالى صوت الأجراس الصغيرة فوق الباب..
وطلعت له صاحبة المحل من بين المرايا بشكل مفاجىء...كانت صاحبة المحل حرمه عجوز...مليانه مرة... ونظراتها حنونة..
ابتسم لهاا سعود بأدب..وهو يمشي بين الأغراض الكثيرة اللي موضوعة بشكل عشوائي..
كانت اغراض مختلفه ومجمعه بأي شكل...يعني اشياء مالها علاقة ببعض..لكن اشكالهاا غريبة...وواضح ان صاحبة المحل تجمع اغراضها من بلدان مختلفة..
مسك تمثال على شكل عروسه كبير حجمهاا..يمكن توصل تقريبا بحجم الكف...يعني عادة هالعرايس تكون مرة صغنونة.. وقام يقلبه بين كفوفه...كان شكله مرة غريب...الشعر الأسود الغجري..طريقة رسمة العين...استغرب..دايم هالعرايس تكون شقر وعيونهاا ملونة...فقرر يسولف مع صاحبة المحل شوي ويسألهاا عنه...بس قبل لا يتكلم..تكلمت هي وقالت بصوتهاا المرتعش شوي وبالفرنسية
: هالقطعه فريدة مرة..ومن حسن حظك انك شفتهاا..لأني اليوم بس قررت ابيعهاا..مع اني لي فترة مشتريتهاا من الصين.."
سأل سعود بـ اهتمام
: وش سر اهميتها؟؟"
ردت وهي تقرب منه وتمسك القطعه بحذر
: يقولون تجلب الحظ الحسن...لذا ماكنت احب اني ابيعهاا..بعدين جمالهاا يخليني ارجع واعيد النظر فيهاا كثير...لذا كنت مخليتهاا زينة في بيتي...."
سعود وهو يبتسم باستخفاف
: اهاا..بكم بتبيعينهاا علي؟؟"
ورجع اخذ منهاا العروسة وهو عارف انها راح ترفع السعر مرة
قالت العجوز بلا مبالاة مبلغ كبير مرة بالنسبة لسعر هالقطع...وصدت عنه...
ما خالفهاا سعود..لأنه متعود يدفع في بلده بدون مايكاسر...ومع انه عارف انهاا قاعده تضحك عليه من جواتهاا..اعطاهاا المبلغ..وشال العروسة...بس قبل لا تعطيهاا اياه...اخذتهاا ولفتهاا باهتمام وبحذر...كنهاا انسانة حقيقة وحطتها داخل علبة انيقة واعطتها له...اخذها وجواته ضحكة على خبالة هالعجوز وعلى نفسه بعد...

آآآآآآآآآآآآآآآآآآآآآآآآآآآآآه
صرخت وهي تشوف كلب كبير يركض جهتهاا..نست كل مظاهر الركاده والثقل اللي تمشي فيهاا من اليوم....حتى نست ان كشختهاا راح تخترب لو تجرأت وركضت...ومع هذا سلامتهاا كان الشي الوحيد اللي فكرت فيه بذيك اللحظة...ركضت بدون توقف وهي تناظر وراهاا...والكلب الكبير الضخم يلاحقهااا وشكله مبسوط ويحسبهاا لعبة!!!كان شكله مقزز ولسانه طالع بره وسعابيله!!..وععععععع..هذا اللي فكرت فيه مارية وهي تدور النجاه منه بأي طريقة...
تعدت الناس وهي حاطه يدهاا على قبعتهاا..وماسكه ملفهاا بقوة...وطبعا كانت تصقع فيهم...ويطالعون فيهاا بنظرات قاسية...بس تعتذر على طول بصوتهاا الفحمان!!
:I'm sorry...sorry mam...sorry sir..."
هذا اللي كانت تردده...ومن فجعتهاا نست انهاا بايطاليا..ونست ان هالقرية يتكلمون فرنسي...يعني هم اللحين يعتبرونهاا قمة الوقاحه!!
بس ماكان عندهاا وقت تترجم لهم كلامهاا...واكيد طبعا الطليان يفهمون كلمة sorry!!
شافت رجال طويل وعريض قاعد ينزل درجات محل...ويوقف بالشارع يطالع بالسماا برواقة...التفتت وراها وهي خلاص بتموت من كثر ماهي فحمانه..حلقهاا جاف..وفمهاا مفتوح...ودقات قلبهاا تتصاعد بسرعه جنونية...لدرجه انه شوي ويوقف...
ماقدرت تمسك نفسهاا او توقف خطواتهاا وصرخت بأعلى صوتهاا
:آآآآآآآآآآآآآآآآآآه...."
عشان يبعد...بس الرجال اكتفى انه لف ببرود عشان يشوف مصدر الصوت...وفتح عيونه مفجوع وهو يشوف البنت اللي مدرعمه جهته....قبل لا يفكر وش يسوي؟؟..بلحظات بس...بثواني بس..برمشة عين..مثل مايقولون..كان التصادم...
طاااااااااااااااااااااااااااااااااااااااااخ

تحرك سعود بشوية الم...وهو يطالع التمثال اللي شراه....واللي دفع فيه مبلغ كبير...كان قطع على الأرض...الراس لوحده...والجسم لوحده...واليدين لوحدهاا...
طالع بسرعه بالغبية اللي صدمته..وصرخ فيهاا بعصبية
:توا.."
توا= انتي
وهو يأشر بصباعه على وجهها مقهوور..ويرتجف...البنت ماردت عليه...كانت ماسكه رجلهاا بقوة...وشكلهاا تألمهاا..وصرخت بشكل هستيري لمن شافت كلب كبير جاي جهتهم...وغطت وجهها...
وقف سعود وهو منقهر من هالغبية هي وكلبهاا المجنون...وقام ينفض الغبار اللي علق بالجاكيت حقه ...وانحنى يجمع القطع حقت التمثال اللي شراه...بس جاته ضحكة ممزوجة بشوية قهر وهو ماسك التمثال...
:ههههههههههه.."
رماه بقوة ووطا عليه لين ماكسره اكثر...وش يآخذ منه ووش يخلي؟؟؟..الظاهر ان حظ "نورس" منحوس!!
قبل لا يوصل لهم الكلب على طول...جاا رجال شكله امريكي ومسكه بقوة...وقام يهديه ويقوله كلمات تدليل بسيطه...
كان واضح انه صاحبه ...تكلم معه سعود بمجموعة كلمات...وعرف منه ان البنت هاذي هي اللي شوشته لأنه متعود يلحق اللي يركضون بعيد عنه...
هز سعود راسه بتفهم...ورجع يطالع في البنت اللي كانت جالسه على الأرض وتصيح وهي حاطه يدينها على وجهها...كان واضح انهاا خجلانه ومستحية ومتألمه...حز بخاطره انه صرخ فيهاا....
حط ايده على كتفهاا بيعتذر لهاا...بس صرخت بوجهه بسرعه اول مالمسهاا...ما قال شيء رغم انه استغرب من رد فعلهاا...شاف اوراق قليلة تطايرت من ملفهاا الانيق...
ابتسم وهو يمسك الورقة...كان مرسوم فيهاا فستان عروس..والفستان هذا غريب وعصري..والجليتر اللي فيه مخلي الرسمه شيء ثاني...
سحبت منه الورقة بسرعه..وقالت باعتذار
:sorry..."
ونست من جديد انهاا بايطاليا مو بأي مكان ثاني...^_*
طالع سعود بوجهها الاحمر وشعرهاا الاشقر اللي التصق فيهاا شوي...وقفت بصعوبة ...وساعدهاا رغم اعتراضهاا...
حك شعره بتوتر غصبن عليه قدام نظرات هالبنت الحلوة.... واعطاها الاوراق بعد ماحطهاا له بالملف...ووقف يطالعهاا...لين البنت بدت تتكلم بصوت ناعم مبحوح
:thanks"
= شكرا
ورسمت ابتسامة حلوة على فمهاا الوردي...هز سعود راسه لهاا وكأنه يقول لهاا حصل خير...
وقفوا مكانهم يطالعون لبعض...كل واحد فيهم مستغرب سبب وقوفه وينتظر الثاني يتحرك من قدامه لأن الطريق ضيق...وهم مسووين زحمه لأنفسهم وللناس...
حاولت تتحرك شوي لمن عرفت ان شكلهاا غلط قدامه....
وبعد عشان تبعد عن طريق الناس بس آلمتهاا رجلهاا مرة...ومسكت فيه بقوة لا شعوريا لأنها كانت راح تطيح...
انتبهت انهاا قريبة حيل منه...تسارعت دقات قلبهاا وهي تطالع برقبته وترفع عيونهاا بتردد لوجهه..
"سعود" في ذيك اللحظة...كان مسحور بـ "مارية"....مو بسبب جمالها لااا...جمالهاا عادي..فيهاا سحر غريب...سحر مميز من نوع ثاني..يمكن نعومتهاا؟؟!! ..رقتهاا؟؟!!..حساسيتها؟؟!! صوتها المبحوح الغريب المضحك!! غمازاتها الحلوين؟؟...ما يدري...بس عرف انه يبي يتعرف على هالبنت...
قال وهو يساعدها: you have 2 go to hospital.."
قالت "مارية" وهي تحاول تصحى من السحر اللي صابهاا
:may be..."
may be= يمكن...
ورجعت فتحت عيونهاا وغمضتهاا بقوة..وش قاعده تقول اهي؟؟..
لاحظ "سعود" سرحانهاا وقال بنعومة وهو عارف تأثير صوته زين على البنات
:the hospital؟؟
قالت وهي تغمض عيونها وبتوتر
: no...no...nono...OOO"
وفتحت عيونهاا وخبطت جبينهاا وهي تفكر بموعد مدام "لولا"...
قالت وهي شوي وتصيح
: مدام "لولا"..."
سعود بعدم فهم
: so؟؟"
قالت وهي تحط يدينهاا على عيونهاا بتوتر لدرجه انهاا تكلمت عربي ولا انتبهت
: راح...آآآآه...راااح...آآآآآآآآآآآآآآآآآآآآآآه..راح علييي...."
وقامت تصيح من جديد...والدموع تسيح على وجهها الاسمراني...حاول "سعود" انه يفهم سبب بكائهاا بس ماقدر...كانت تاشر باتجاهات مختلفه وتصيح...وعيونهاا حمرت..ووجهها حمر
...وصارت مزعجه بالنسبة ل"سعود"..اللي كان مستغرب من انهاا عربية وه اللي توقع انها ايطالية..بس ما تهمه سواء كانت عربية او غيرهاا..هذي وحده قلق..خلني ابعد عنهاا واروح...
قال "سعود" وهو يطالع بساعته بعجالة
: معليش....I've 2 go..bye"
راقبته "مارية" وهو يروح من قدامهاا بسرعه وكأنهاا حشرة مزعجه قابلته...وزاد صياااحهاا اكثر وعلااا...وحست بقههر من ايش ما تدري؟؟
: آآآآآآآآآآآآآآآآآآآآآآآآآآآآآآآآآآآآآآآه..."
مر رجال من جنبهاا...ووقف يطالعهاا وهي تصيح...فنااولهاا منديل وراح بطريقه
..طالعت فيه مشكورة...ومسحت دموعهاا وشالت ملفهااا وقامت تجر رجلهاا اللي تألمهاا عشان توصل لبيت "لولا"...

في الصحراء

وبين التلال الذهبية...
والجبال الشامخه اللي شوي و تلامس السحاب
...بين الذياب والسباع الشرسة...
...في صفاء الجو...
...وبعده عن التلوث...
...في البساطة بكل اشكالهاا.
..بالبعد عن مظاهر الحظارة كلهاا....
لمن الشمس تتعانق بنعومة مع الجبال وتشكل اجمل لوحة برية...
لمن نشم روائح الاعشاب العطرية بعد رشة مطر خفيفة من فترااات لفتراااات...

ابتسمت بطيب لاخوانهاا اللي كانوا يلعبون قريب منهاا.... كانت منهمكة بالعجن...عشان تسد جوع هالنااس..اللي اهي تعتبر نفسهاا مسؤولة عنهم...اساسا كل فرد في عايلتهاا يعتبر نفسه مسؤول عن الباقيين...حتى الأطفال الرضع مافيهم اي انانية.. طبعا باستثناء مرت ابوهاا..

"مضاوي"
العمر 17سنة

مسحت جبينهاا بتعب...وهي ترجع تركز بالعجين اللي بيدهاا... ياما تساءلت جواتهاا اذا مكتوب لهاا تعيش حياة مختلفه عن امهاا ومرت ابوهاا...
تعيش مثل ماتسمع بالقصص من مرت ابوهاا اللي كانت عايشه بالمدينه( اي مدينه...) ..كانت تعلمهم عن اشياء لا يمكن يتصورونهاا حتى لو بالخيال...
اشياء يعتقدون ان مرت ابوهم تبالغ لمن تقولهم عنهـــا....
ياما حاولت في رجلهااا انهم ينقلون لكن جوابه دايم وابد...الرفض...
بالنسبة لــ "مضاوي" تموت بعيشة الصحراء...ولااا تبي تروح لمكان ثاني...مثل مرت ابوهاا...بس عندهاا شوية فضول...ودهاا تشوف ذاك المكان...اللي يسمونه مدينه...ودهاا تشوف الناس كيف هم فيه؟؟..يشبهونهم او لاا؟؟؟..تفكيرهم مثلهم او لاااء؟؟؟...لبسهم مثلهم او لاا؟؟...
قامت تحط العجين على الصاج بعد مافردته باصابعهاا ...وتقلبه بسرعه...وتحطه على جنب..بصحن كبير...كانت تشتغل بمهارة وبسرعه فضيعه..متعودة على هالشيء من كان عمرها عشر سنين...يعني لها سبع سنين وهي تسوي كذا...
جات يمهاا مرت ابوهاا وقالت بصوت عالي مثلهم كلهم..وطبعا كل العيلة اصواتهاا مرتفعه
: خلااص..كاافي اللي سويتيه...دسي باقي العجين..كود نحتاجه باكر..."
قالت مضاوي وهي تحس بقرصة جوع اليمة
: ان شاء الله خالتي...بسس..."
ردت مرت ابوهاا بشراسة وهي تشيل الصحن يمهاا هي وعيالهاا
: وشووو؟؟؟.."
مضاوي وهي تطالع بامهاا المريضة والمتمدده داخل بيت الشعر
: امي....ابي لهاا شوي.."
مرت ابوهاا ببرود وهي تقطع قطعه صغيرة مرررة من الفطير
: خووذي...يله..تحركي من قبالي... ماابي اشوف وجهك هنيا..."
قامت مضاوي وهي تدعي على مرت ابوهاا الظالمه
...وطفت النار اللي كانت شابتهاا...وخلت الصاج مكانه...
ماهي قادره ترفع صوتهاا عليهاا
...لأن ابوهاا مرة يوم درى انهاا تهاوشت مع مرته
...ضرربهاا بقوة...وخلاهاا تنام بحوض الددسن...وهي تجربه ماتبي تعيدها...
راحت لأمهاا اللي كان واضح انهاا تعباانه خصوصا انهاا توهاا مولده وجايبه بنت زي القمر..
: يممه...قومي كلي لك لقيمه تسد جوعك..."
امهاا فتحت عيونهاا الواسعه ببطء
: ماابي...انا عطشاانه يا بنيتي....عطشاانه.."
راحت "مضاوي" لقربة الموية اللي كانت داستهاا عن مرت ابوهاا الشرانية
...وودتهاا لمهاا..
شربت امهاا بلهفة وكان واضح انهاا فعلا عطشانه..
قالت "مضاوي" وهي تحك ذقنهاا من تحت البرقع
: بسوي لك شوية تميرة مع مضير..."
مضير= اللبن المجفف...
هزت امهاا راسهاا وهي ترجع تمدد جنب بنتهاا الصغيرة اللي مالها ثلاث ايام
...قامت "مضاوي" وراحت للأغراض اللي حاطينهاا ورى بيت الشعر وبالليل يدخلونهاا..
.كانوا بس يجيبون من المدينه الطحين والتمر والقهوة والرز...
طلعت التمر وهي تفكر بحظ امهاا المقرود
...وتطالع بمرت ابوهاا واخوانهاا الصغار اللي تجمعوا حول امهم...
صح انهاا ماتكره اخوانهاا وتموت عليهم
...بس مرت ابوها..هي اللي تبي تكرههم في عيالهاا عشان تبين لرجلهاا انهاا هي الصح...وانهاا مظلومه ومسيكينة..
مسكينة يا ميمتي..فكرت "مضاوي" بحسرة من جديد بحظ امهاا
...ربي كتب على امهاا انهاا ماتجيب الا البنات...
والولد الوحيد اللي جابته مريض
..والعيال الباقيين اللي جابتهم ماتوا كلهم من ثاني يوم بولداتهم...وبعضهم اسقطتهم بالثامن والسابع..
تبللت عيون مضاوي بالدموع...
وهي تطالع بأخوهاا المتخلف عقليا...
....ماكانوا فاهمين وش علته...
..اهي تحبه وتموت فيه..
بس ابوهااا يكرهه وامهاا تكرهه رغم طيبتهاا..
.كلهم يكرهونك يا "عبدالله" الا اناا...ايه..هي تحبه حيل
...حتى انهاا هي اللي سمته يوم كلهم تركوه وراحوا بعد ماشافوه
..بعد ولادة امهاا على طول ...
تنهدت للمرة المليون وهي ترجع تركز بشغلهاا والشمس متسلطة عليهاا وتحرقهاا بقوة...والحر بمثل هالوقت ماله مثيل...خصوصا ان الشمس تنتصف السماء..وتبث اشعتهاا الخطرة...بس سبحان الله ربي حاميهم..

في عاصمة المملكة
في أحلى مدينة بالوجود
في الرياض

في قصر فسيح....لناس اغنياء جدا...
قصر خرافي...كله خدم وحشم وعالم...
..تعيش عايلة سعود...

ركزت بالخاطرة اللي كاتبتهاا..وحاولت تصححها..شالت كلمات وحطت كلمات ثانية ..ورجعت صححت اخطائها الأملائيه والنحوية....
وبعد ما تأكدت انهاا خلاص خلت من الأخطاء اللي كل مرة تغلطهاا ويحذرهاا محرر المجلة منهاا..
ارسلتهاا بالفاكس...

"نورس"
العمر 18 سنة

قرتهاا من جديد بفخر وبصوت عالي وهي تتأمل الكلمات اللي تتراقص قدام عيونهاا....
واللي انكتبت من قلب عطوف محب..يختلف عن معظم القلوب اللي تعيش بيناا هالايام..ومن قلب يتمنى يحب وينحب بكل صدق...

قضيت العمر عن روحي ابحث حثيث الخطى ليس لي مضجع
تائها في صـحارى الــــــهم اظمأ فمن ســــراب الى سراب اخدع
ليـــــل الخطوب قد بــــدات دائما وظـــــلام المحن للفجر يمــــــنع
وأمسى الربـــيع خجلا بلا زهـــر فقــــد طـــال شتاء الهـــــم ويقبع
ميتـــا اعيش وما حان الأجـــــــل صريع الفؤاد وعن حـــــبي امنـع
وحـــيدا والناس حولــــي كثــــــر ودنياي ضـــــاقت والدنيا اوســـع
آه من حـــــزن لا يمل صحـــبتي فقد مل الصـــــبر ومني يــــهرع

دقت على صديقتهاا وبنت خالتهاا الحبيبة لقلبهاا مرة " ديمه"...وهي مبسوطة بنفسهاا..يا كثر رسايل المعجبين والمعجبات اللي توصلهاا عن طريق المجله...كل يوم تثبت انهاا مميزة بمجال الخواطر..وهالشيء يطربهاا ويحسسهاا بتميز ماله مثيل...ويذكرهاا بأحب الناس لقلبهاا" سعود" اخوهاا بعد عمرهاا...اللي اهو فنان بعد...يعني بس ثنين في العايله حساسين ورقيقن وفنانين هم "نورس" و"سعود"...
: الوووو..."
"نورس" بفرح وبرقة: الو.."
"ديمه" بهدوء: هلابك "نورس" حبيبتي..وش اخبارك يالقاطعه؟؟"
"نورس" بلهجة اعتذار حارة: اعذرريني يا كل الغلاا...بسس..كنت مشغولة هالأيام...يوووووه يا "ديمه"...لو تقرين الرسايل اللي توصلني..واااااااااو..كلهاا روعه واحاسيس.وش اقرا لك وش اخلي لك؟؟..."
"ديمه" بسعاده صادقه: من جد؟؟..اخيرا بدت الرسايل توصل لك...تذكرين من متى تنتظرينهاا ؟؟"
"نورس" وهي تتذكر ايام الاحباطات لمن كانت تنرمي الرسايل بوجهها وترجع لهاا من جديد...وترفض المجله تعرض لهاا اي خاطرة....وبعدين تذكرت لمن دقوا عليهاا فجأة ورحبوا بهالشيء...فكان احلى حدث في حيااتهاا...تذكرت بعد يوم كانت تتنظر كلمة اطراء وحيده...بس ماكان فيه احد يفكر يرسلهاا او يعجب بافكارهاا...حتى لمن نشرت في النت...كانت نفس النتيجه...بس هااالحين...لاااء...كل شيء اختلف....صارت اشهر من نار على علم
"ديمه": ياهووووووووووه..وينك؟؟"
ردت "نورس" وهي ترجع من افكارهاا: هلااا عيوني...اناا هناا.."
"ديمه" بنعومة تقلد صوت نورس: اناا هناا.."
ضحكت "نورس" بخجل: دييييمه...ههههههه..يله انا لازم اقفل...بس حبيت اقووولك...اني نشرت خاطرة جديدة بعنوان صحراء السراب...اقرريها يا قلبي.."
"ديمه" بتأكيد: ولوو..اكيد اول ماتنزل المجله بروح اقراها...يله حبيبتي...باي"
"نورس": باي.."

تنهدت براحه..وهي تضغط تم الأرسال...عرفت انهاا راح تصيب الهدف كالعاده...الشيء هذا صار عندهاا مرة سهل...صارت تجيده مثل اي هواية الانسان يجيدهاا...فيه ناس تحب ترسم.... فيه ناس تحب تطبخ...فيه ناس تحب تحش...فيه ناس تحب تكتب...بس هي لااا...اهي تحب انهاا تستدرج الرجال للفخ اللي اهي تحطه بارادتهاا...الفخ اللي مايطلعون منه ابد..

"هيفاء"
العمر20 سنة

رمت جوالهاا بلا مبالاة على السرير..وهي تقوم تروح لمرايتهاا....وقفت عند المراية وتمت تطالع بوجهها....
مررت اصابعهاا النحيفه على ذقنهاا...وازعجتها الحبة الصغيرة اللي طالعه هناك...راحت خذت كريم للحساسية من فوق التسريحة...وحطت منه شوي عليهاا...وقامت تدلكه بنعومة...وبعد ماخصلت من هالمهمة الصعبة...^_^
مسكت المشط وقامت تمشط شعرهاا الكيرلي...المتشابك بصعوبة...كان كثير وبني غامق...وملفوف لفات عريضة وكثيرة...
ماكانت تشتكي منه ابدا..كان يعجبهاا مثل ماهو..تحبه بهالشكل....ولا تتخيل شكلهاا بالشعر الناعم...اهي من الحريم اللي راضيات بكل مافيهن...راضية بجسمهاا الخيالي...راضية بوجهها الجميل...راضية بشعرهاا الصعب التعامل...
قدرت تفك عقده بصعوبة...ورفعته كله ذيل حصان....وفتحت الدولاب تشوف لهاا لبس انيق...وراهاا طلعة للنادي عشان تقابل صديقاتهاا...
طبعا هيفاء عندهاا الطلعات كل يوم وبدون حسيب او رقيب...ولا احد يمنعهاا من خرجاتهاا...واهي لو امهاا حبت تقهرهاا بس تمنعهاا من الطلعه...البنت ينجن يجنونها وتقعد تدور في القصر وتزن عليهم لين يرضون ويوافقون على خرجتها...

انتهى الفصـ1ـل
سعود ومارية تقابلوا....
لكن هل راح تحصل بينهم صدف ثانية؟؟؟...
مضاوي وحياتهاا مع مرت ابوهاا والجحيم الصحراوي
هل راح تكتب لهاا النجاه منه؟؟...
نورس وخواطرهاا الرقيقة
هل راح تشتهر اكثر من كذا؟؟..وهل راح تستمر الأمور بالسهولة ذي؟؟..
هيفاء وخططها اللي مالهاا نهاية
هل راح يجي يوم وتطيح بشر اعمالهاا؟؟

17 - 10 - 2024, 02:33 AM

الفصــ2ــل

" صدمة اليمه...لقاء قدري...استاذ معجب!!"

"...يا أهل هالبيت باشكي بنتكم
...تعبت روحي والله بصدهاا...
اقسمت قلبي اهي لقسمتين...
نصف عندي...
ونصف باقي عندهاا...
يا اهل هالبيت شوفوا حالتي...
صار لي من العام ناطر وعدهاا
...البشر تسهر كم ليلة وتناام
...وانا كل عمري سهر من بعدهاا....
ارضعتني الحب واسقتني الغرام
...واسقت احساسي انا من شهدهاا.
..وفطمت قلبي وهو توه صغير.
..كن قلوب الناس لعبه بايدهاا..
"

في غرفة نومهاا...

تمايلت "هيفاء" على انغام الأغنية اللي جاتهاا اهداء من معذب من المعذبين اللي تتلاعب فيهم...
كانت تفرحهااا دموعهم...تحس بسعاادة من نوع ثاني...لمن تحطم هالقلوب...نشوة غريبة..فرحه شريرة...حاجه اهي معترفه انهاا غير طبيعية...
كانت تنتقم من كل البشر...وكأنهاا قاعده تنتقم منه...مع انه اهو رحل وانتهى....ومات وشبع موت...لكن هالشيء ماخلاها تغفر له...خلااهاا تدوره وسط هالرجال..واول ماتلقاه تخطط وترسم اشد الخطط فتك..وتنفذ كل شيء بحذافيره....وراح نعرف بالفصول الجايه بالتفصيل كيف "هيفاء" قدرت توقع اغلب الرجال بشباكهاا....
سمعت طق على الباب..قالت بأعلى صوت:ادخل..."
انفتح الباب بهدوء...وشافت وجه امهاا يطل عليهاا..ابتسمت لأمهاا بحب...كل شيء في الدنياا الا امهاا...لهاا غلا غير البشر...
ابتسمت "هناء" بنعومة وهي تراقب وجه بنتهاا المبتسم: وش عندك؟؟..رافعه الصوت على الأخير..."
وجلست على طرف السرير الفخم اللي مفارشه كانت باللون الأحمر ومطرزه بالذهبي....وهو لون هيفاء المفضل...
"هيفاء" وهي تبتسم بسعاده: مبسوطة مرة...بس...وهذاني بقصر الصوت علشانك..."وقصرت الصوت على طول...
"هناء" بحنان الأم: ان شاء الله دووم حبيبتي...وش سر هالسعاده؟؟.."
"هيفاء" وهي تغمض عيونهاا: مدري...احس أني مرتااحه...بدون اي سبب..."
"هناء" وهي تبعد شعرهاا الناعم الاسود اللي فيه خصلة حمراء ناعمه..عن وجهها: طيب..اممم...بتروحين معي عرس بنت عمك؟؟"
"هيفاء" وهي تبتسم بخبث: طبعا..يا ست الحبايب..اكيد راح اروح...."
وغمضت عيونهاا وهي تتذكر الخطه اللي رسمتها...هالمره على زوج بنت عمهاا...
طبعا بنت عمهاا لا تستغربون...اللي ياما اشمتت فيهاا....لازم تذوقهاا من النار اللي ذاقتهاا من سنتين...
"هناء" بقلق: بسس..مدري..يا حبذا لو انك تجلسين في البيت...تعرفين المشاكل اللي صارت بينك وبينهم من سنتين..لسه صداهاا موجود..."
"هيفاء" وهي تكذب: يا بعد عمري يا ست الحبايب يا اغلى البشر..انت عارفه اني انسى على طول...ولا اشيل شيء بقلبي...صدقيني اني مشفقه عليهاا..لا اكثر ولا اقل...عااد مسكينه طقت الثلاثين وتوهاا تعرس.."
ابتسمت "هناء" بتوتر وهي تقوم من على السرير...اهي ادرى الناس بحقد بنتهاا على قرايبها: خلاص...بتنزلين السوق..ولااا عندك شي تلبسينه؟؟.."
"هيفاء" وهي تمد بوزهاا بتفكير: لالالا بنزل...لازم اشتري حاجه مناسبة للزواج...كل ملابسي قديمه.."
"هناء" وهي تهز راسها باقتناع: قبل لا تروحين السوق مريني وخذي الكريدت كارد.."
هزت "هيفاء" راسها لأمهاا...ورافقتهاا للباب...واول ماطلعت امهاا قفلت الباب وارتكت عليه بفرح...وغمضت عيونهاا بطرب..راح اذوقك من نفس الناار اللي ذوقتيني اياهاا.....والله لخليك تبكين بدل الدموع دم...

الصحراء

في وقت العصر...والشمس مقااربة على وقت المغيب...والجو رائع...ومنظر الوان الغروب سحر رائع...تمازج اللون البرتقالي والأحمر والاصفر مع شوية سماوي...ولا اجمل من لوحة لأفضل رسام...لوحة الطبيعه خطتها فـ مالهاا اي مثيل....

كانت "مضاوي" تمشي مع اختهاا" فضة" والابل من جميع الاشكال والالوان تمشي قدامهم وجنبهم...
مجاهيم ووضح ومغاتير....وحوير وبكار...ومنظرهم غاية في الروعه...وهي تمشي بتهادي راجعه لمكاانهاا..
منظر يخلينا نتأمل بخلقتهاا بدون ملل او كلل....وكل مرة نكتشف فيهاا اعجاز مختلف عن الآخر...
" افلا ينظرون إلى الإبل كيف خلقت؟؟"
صدق الله العظيم...
وكان بنفس الوقت..فيه اربع جيوب جايه من بعيد...وواضح انهم كانوا مخيمين حول المنطقة....
مضاوي وهي تأشر على الجيوب وهو منظر متعودين عليه: ما ودك في يوم تركبين فيهن؟؟"
فضة وهي تضحك: هههههه....يا وخيتي خلي احلامك على قدك.."
مضاوي وهي تمط شفتهاا: وش بلاها احلامي؟؟....ماتشوفين هالناس اللي يجون يمناا ويخيمون كلهم يركبون فيهن..."
فضة وهي تطالع بأختها وتوقف: يا مضاوي يا قليبي....خلك عااقل وبلاش هالكلام....ترى عمرناا ماراح نتحرك من هنيا..."
مضاوي بضيق: من حقي احلم...!!"
وكملت وهي تتنهد: بدل هالحياة اللي نعيشهاا....ماصارت يا فضة...اهي منثبرة بمكانهاا طول الوقت...واناا نكرف مثل الحمير..."
ماردت عليهاا فضة لأنهاا عارفه ان الكلام بهالموضوع لا يأخر ولا يقدم...وعاارفه ان مرت ابوهاا ماراح تشتغل بيوم...مادام ابوهاا ما يأمرها ولا يقولهاا حرف واحد....
مرت الجيوب من قدامهم...فطالعت " مضاوي" بفضول في اصحابهاا....كانوا عوائل فيهم حريم ورجال....واطفال..
الحريم كانوا كاشفات عن وجيههم...تأملت مضاوي اشكالهم وحست انهم كائنات غريبة عنهم...من وين لهم هالبياض؟؟؟...والخدود الحمر؟؟؟...واناا ليش مانكون مثلهم؟؟..فكرت مضاوي وهي تطالع بيدينهاا..
وتسمعت بفضول للاصوات الطالعه الغريبة من الجيوب...وكانت ما تميز اصوات الموسيقى...وتعتبرهااا شيء عجيب...
قالت يوم بعدت الجيوب لفضة: سمعتيه؟؟؟...يا زين ذاك الصوت...شيـ(ن) عجيب..."
فضه وهي تتجاهل هالموضوع: مالناا والصوت....خلي الصوت بحاله!!"
مضاوي تضايقت من سلبية خواتها...ليش ما يفكرون مثلهاا؟؟؟...يعني معقولة اهي مختلفه عنهم؟؟؟..طيب كلهم عاشوا نفس الحياه...ومن نفس الأم...ومن نفس الأب...وعاشوا جنب بعض...ولاا تخلوا عن بعض...مع هذا هي الوحيده اللي تفكر باهل المدن وتبي تصير مثلهم...!!
وصلوا اخيرا لبيت الشعر....بس لاحظوا وهم مقبلين عليه...ددسن..واقف عند شق الرجال...
طالعت فضة بـ مضاوي: اكيد ضيوف..بس وش جابهم هالوقت؟؟؟...كنه متأخر...؟؟..."
مضاوي باستغراب: ضيوف؟؟؟....ما اتوقع يا وخيتي...يمكن قرايب الحيه؟؟..اهم اللي يجون بهالوقت...لأن ديرتهم بعيده..."
فضه بزعل: عييب....عيب هالكلاام...استحي ذي ام اخوانا...والله يحيهم كانوا هم ولا ماكانوا..."
مضاوي وهي تهز راسها: نسيت...غصبن علي اقول كذي...الموهيم...امشي نعجل...اخااف ابوي يطلع بعقااله وهو يشوفناا نمشي على راحتناا كن ماوراناا شغل!!"
وراحوا بسرعه يم شق الحريم...واول ما دخلوا لقوا مفاجأة غريبة مرة!!

القرية الايطالية
في شوارع صغيرة يتمشون فيهاا العشاق وهم متعانقين...وناسين هموم العالم كلهاا..واهم مافي الدنيا بذيك اللحظات سعادتهم وبس...

كان سعود يمشي وهو لابس معطف اسود ومدخل يدينه بجيوبه...كان ضايق خلقه مرة...خصوصا انه يمشي بهالمنطقه اللي كلها عرسان بشهر عسلهم....او حبايب سوه..عالم رايقه عايشة تحب وتنحب....
اما هو آخر واحد مفروض يكون بهالمكان....له فترة وهو وحيد....من تركته آخر بنت تعرف عليهاا وهو يعيش حياة مملة فضيعه...
يدق عليهااا وتطنشه...ويرسلهاا ايميلات...ولا ترد عليه..ويجي لبيتهاا يدق عليهاا ومع هذا تتمادى وما تفتح له الباب...
يستااهل...ولاااا شلي خلاه يعترف لهاا ان ماعنده نية زواج....اهو الطير الحر...اللي عاش طول عمره طليق...ماتحده اي حدود..ولا يفكر بأي انثى ممكن تعيق طريقة في هالدنيااا...
اي انثى يشوف انهاا بدت تلمح له عن حكاية الزواج...يركنهاا على جنب بكل بسااطه...كأنهاا غرض صغير تافه مل من استخدامه....
او يتعذر باعذار كثيرة..منهاا انه لسه قاعد يبني حيااته...او انه محتاج فرصه عشان يقنع اهله...
ونادرا ما يجري ورى وحده....بس هذي الاخيرة من كثر الملل...اضطر يلاحقهاا ومع هذا طنشته بكل بساطه وكأنه قطعة فستان قديمه..
اخذ نفس عميق....لوو بس يلاقي البنت اللي صدم فيهاا ذاك اليوم!..غمض عيونه يتذكر ملامحهاا الشفافه الغريبة...النمش الناعم على خشمهاا...الشعر الاشقر البرونزي...والبشرة السمراء الناعمه...وعيونهاا الملونة العجيبة...
لهجتهاا العربية الناعمه المبحوحة الغريبة!
ما كانت ابدا جميله...عيونهاا عادية...وخشمهاا مو حلو... وشفايفهاا عريضة شوي...يعني بالنسبة لاي شخص ثاني جدا عادية...مختصر الوصف لهاا...كلمة جمال غريب...يخلي اي رسام يفكر فيهاا...ايه واناا رسااام عشان كذا هي شاغله تفكيري...
فكر شوي وهو يزفر بضيق ويفتح عيونه...هل فعلا لاني رسام قاعد افكر فيهاا؟؟؟...ولااا علشان شيء ثااني؟؟؟...
حك شعره بتفكير...وكشر لمن تذكر دموعهاا الغزيرة...لالالا...الفكه من هالاشكال غنيمة!!

كانت "مارية" تمشي ببطء وهي ماسكه كرتون بيتزاا كبير بيدهاا..وعصير برتقال...لهاا فترة ماذاقت الأكل...والسبب ببساطه نفسهاا مسدودة...بس قررت اليوم تغصب نفسهاا بالقوة...موب كيفهاا...لازم تحافظ على صحتهاا عشان دراستهاا وكل مخططاتها...
سمعت صوت ضحكة ناعمه..فالتفتت واهي تمشي....
وابتسمت بحسرة وهي تشوف وحده تضحك مع واحد....شكلهم عرسان!!...كانت الفرحه مرسومة على وجهها الناعم....وهو بعد كان شكله سعيد فيهاا...
سكتواا للحظات...وغرقوا بنظرات بين بعضهم...نظرات لهاا الف معنى ومعنى...حست مارية بشعور غريب في قلبهاا...وهي تشوف تماسك يدينهم....ومعااني الحب اللي في كل همسة ولمسه طالعه بينهم...
طن صوت عالي براسها...حبي..حبي...حبي...تنهدت بصوت مسموع: ومن وين لي وقت احب؟؟؟..."
وما امداهاا قالت هالكلمه الا وهي خابطه بواحد...صرخت بروعه وهي تنتبه لعلبة البيتزا اللي من حسن حظهاا انهاا ماانفتحت لمن طاحت على الأرض...
رفعت عيونهاا بسرعه تبي تعتذر..في نفس الوقت اللي اهو كان فاتح فمه عشان يتكلم عليهاا....فتحت فمهاا هي بعد مو مصدقه...اكيد حلم!!
قالت بصعوبة وهي تتنحنح: انت!!"
لهاا يومين وهي تفكر فيه صبح وليل...وتفكر شلون صرفهاا وراح لمن صاحت...ما توقعت ابدا انهاا راح تشوفه....على الاقل مو بالسرعه هذي!!
سعود ظل يطالع فيهاا مو مصدق: انتي؟؟"
بلعت مارية ريقهاا بتوتر وبعد لحظات طويلة ضحكت ضحكة قصير جافه: ههه...الظاهر...مكتوب علي اصدم فيك..كل مرة!!"
ابتسم سعود على كلمتهاا وهو يطالع فيهاا من فوق لتحت بتأمل: يمكن!!.."
حست بدقات قلبهاا تتسارع...وقلبهاا كله كأنه بيطلع من مكانه ويوصل لحلقهاا....واحترت بقوووة..والارتباك زاد عندهاا بسبب نظرات هالشخص اللي واقف قدامهاا بدون حركة...
جات بتنزل علشان تشيل علبة البيتزا بنفس الوقت اللي اهو نزل فيه علشان يشيل لهاا العلبة...خبطت راسهاا براسه...وصرخت متألمه عن جد هالمرة...وعيونهاا بسرعه امتلت بالدموع...
اماا سعود غصبن عليه ضحك بقوة: ههههههههههههههههه...الظاهر انك صادقه.."
ابتسمت بحلاوة رغم ان راسهاا يألمهاا وهي قاعده تلمسه: ههه.."
وشالت علبة البيتزاا ومسكت عصير البرتقال زين بيدهاا..وطالت وقفتهم بدون اي حكي...باستنثاء حكي العيون الغريبة..
انتبه سعود لعيونها الامعه...كان واضح انهاا مليانه دموع...معقول انهااا تصيح بهالسرعه؟؟...هذي ثاني مرة ومع هذاا اهي على وشك الانفجار...لازم اروح بسرعه...اكرره ماعلي اسمع صياح بنت!!
في نفس الوقت...مارية كانت تحااول انهاا ماتصيح...بس الم راسهاا قوي مرة...فقررت تمشي بعيد عنه...ماله داعي يشوفهاا تصيح...اهي بتهج منه قبل هو لا يهج...
: آآآه...لازم اروح....هالحين.."
قالتهاا اخيرا وهي تبتسم بتوتر...
رد سعود بعد لحظات وهو متنح
: ايـــه اكيد..."
وبعد ما استوعب كلامهاا قال بسرعه
: اوووه...مع السلامه.."
هزت راسهاا له
: Bye..."
طالعت بظهره العريض وهو يروح...وابتسمت برومانسية وحالمية وهي تضم علبة البيتزا الحاره لصدرهاا!!
...وش هالصدف!!...لو انك يا ماما عايشه كان فكرتي ان هذا قدري..!!
بينماا سعود كان يمشي ويرجع يطالع فيهاا وهي لسه واقفة تتابعه....روح اتعرف عليهاا يا سعود...ليش جالس؟؟؟..هذي هي الفرصة جات مرة ثانية لك...لا تتركهاا تروح...يمكن عمرك ما راح تقابلهاا مرة ثانية...!!
بس اهي صياحه...واناا اكره ماعلي اقعد مع بنت تبكي على اي شيء...تبكي لفرح..تبكي لحزن...تبكي لالم...وهذي واضح انهاا من هالنوع...انا احب البنت المرحه اللي نادرا ماتبكي...!!
سمع صوت جواته....
سعود...تتذكر حكاية الالهام؟؟؟...تتذكر نصيحه صاحب المعرض...دور عن الالهام.. ؟؟؟..دور عن الالهام...صرخ فيهاا سعود بدون وعي...اناا لقيت الالهام ومع هذا تركته بكل بسااطة...
بعد ماوصل لنص المسافه وبعد كثييييييير...وقف ورجع التفت...وقرر انه يرجع وهو يحس باحاسيس غرريبة....كثيرة قاعده تمتزج بدمه وقلبه ومشاعره....الالهام...ايه هي الالهام...لأنهاا كل الرقة والنعومة بهالدنياا...
قرر انه يركض عشان ماتبعد كثير عن مكانهم اللي كانوا واقفين فيه...مكانهم؟؟؟..الظاهر يا سعود انك طحت وماحد سمى عليك...!!

في القصر

....في الحديقة الواسعه....

الساعه9:00م

كانت جالسه عند المسبح اللي على شكل بحيرة صغيرة...تحوطهاا الزهور والاوراق الخضراء من مختلف الانواع.....واشجار صغيرة وشجيرات منوعة...كان المكان روووعه...ومريح نفسياا...ومع الانوار اللي تحوط المكان...وكأنهاا فراشات ليلة مضيئة...فالمكان ملهم بقوة...

...الذكريات الحزينه..
اهجر نفسي والذكريات..انطوي عند زاوية صغيرة لأجد ذاتي ابكي...
مضى زمن...احلم بحياة لم استطع الحصول عليها...حزينه والدمع يملأ جفوني...
ينفجر البركان...اصرخ لماذا انا؟؟...وعندما اشعر بالوحده يتقلص حزني ويذوب الخوف بداخلي....اسير مسافات وانظر للارض..ويداي جامدتان...لا استطيع تذكر عيد الميلاد..وحديث الصديقات...
اجهل من اكون عندما انظر في المرآة...لن يعرفوا عم ابحث؟؟...ذهب للبعيد تركني بمفردي والألم يفقدني الاحساس بالحياه...

انهت تصحيح خاطرتهاا الرقيقة اللي كتبتهاا بسرعه وهي في الجامعه هذا الصباح...قررت انهاا ترسلهاا للمجله بكرة...بس اول شيء لازم ترد على المعجبين الكثيرين اللي توصلهاا رسايل منهم كل اسبوع..
مع ان عدد الرسايل بدا يقل بشكل ملحوظ...وهالشيء في بعض الاحيان يحبطهاا...لكن مع هذاا...فهي مؤمنه ان لا يأس مع الحياه...عشان كذا ماراح تيأس ابدا...حتى لو وصلت لهاا رسالة وحده اسبوعيا..
بس اللي هي مستغربة منه مرة...بعض الرسايل في بينهاا شبه كبير..وكأنهاا من نفس القارىء...بس الاسماء اللي توصل لهاا مختلفه...معقول يكون معجب مجنون..؟؟!!
ابتسمت برومانسية وخجل...يمكن مستحي يرسل لي كل اسبوع رساله عشان كذاا..يحاول انه يرسل مجموعة رسايل باسماء كثيرة!!
"لازم اعرف حكايتك يا استاذ معجب" قالتهاا نورس وهي توقف عشان ترجع تدخل القصر...خصوصا ان الهواء بدا يبرد مرة...

الصحراء

ضمت فضه بقوة وهي تصييييييييييح بحرارة بين خوااتهاا....الموضوع اكبر من انهاا تتحمله...اهي ماتبي هالشيء...مااتبيه...ليش يا يبه؟؟؟...ليييييييييييييش؟؟؟..

مضاوي والصدمه اللي لقتهاا...
وش تتوقعون تكون؟؟؟..
ومسلسل لقاء الصدف بين مارية و سعود...
راح يستمر؟؟؟...وقبل لا يستمر هل راح تقبل مارية تعرف سعود عليهاا؟؟؟وتقبل تكون الالهام بحياته؟؟؟
..وقبل هذا كله ..هل راح تكون لسه موجوده بنفس المكان لمن يوصل؟؟؟..
ونورس وحكاية المعجب المجنون....
هل نورس صادقه باحاسيسهاا؟؟؟..وهالمعجب وش يبي من ورى كل هالرسايل؟؟؟...وتتوقعون راح تصير حكاية غريبة بينهاا وبينه؟؟؟
واخيرا...هيفاء...بطلتناا الغريبة والشريرة شوي...هل راح تخرب عرس بنت عمهاا؟؟؟...معقولة بتقدر على شيء قد كذاا؟؟؟...وقبل كل هالحكي؟؟...وش السبب اللي يخلي هيفاء بهالشر؟؟؟...وش اللي صار قبل سنتين ولسه يألمهاا خصوصا ان ناس كثير تشمتت فيهاا؟؟؟..ومين هو اللي مات ومع هذا قاعده تنتقم من الشباب عشان تفرغ حزنهاا وقهرها؟؟؟...
كل هالأجوبة واكثر....راح نلقاهاا بالاجزاء الجاية في قصتناا كلناا...قصة الحب والطبقية والفروقات الاجتماعية الغريبة...
قصة القسوة والجفا وصحاري الجحيم واالالم...
" عز الله ان حبي لك اكبر نقيصه"

17 - 10 - 2024, 02:34 AM

الفصــ3ــل
"الآم نساء....وخيبات رجال!!"

الصحراء
في نص الليل....والهواء البارد يلف المكان..وكل شيء ساكن في مكانه..مافيه اي حركة...كل البشر نامين في هالمنطقة...حتى الناس اللي مخيمه قريب..
وعلى راس جبل....كانت هي لوحدهاا....طلعت بدون ما حد يدري عنهاا...وتسللت لهالمكان...دوم تحب تجلس فيه....

تسللت دمعه من بين رموشها الكثيفة..وذاب كحلهاا بسرعه على وجهها....بس ما اهتمت انهاا تمسحه او حتى تمسح دموعهاا...
كانت تبكي بصمت...ما تعودت حد يشوف دمعهاا غير خواتهاا...عمر ابوهاا ما شاف لهاا دمعه...وعمر امهاا ماشافت لهاا دمعه...
بعد ما تعبت من الصياح بحجر خواتهاا...قررت انهاا تختلي بنفسهاا...ما تبي اهلهاا يشوفون دموعهاا...اللي نزلت علشان رجال...خلهم على ظنهم القديم....انهاا مضاوي القوية اللي مايهزهاا ريح...ولا يأثر فيهاا شيء.
دايم يظنون انهااا مختلفه...يحسدونهاا على قوتهاا الظاهرة وبرود اعصااابها...لكن خلاص يا يبه...تمااديت...تمااديت كثير....طعنتني وقلت معليش...لكن انك تزيد طعونك وتفنن بجرحي هذا اللي ما اقدر اتحمله...ياربي وش اسوي بعمري؟؟...اذبح نفسي؟؟ ...بسس...ما اقدر...اخااف على عبدالله يضيع من بعدي...
اول ما تذكرت عبدالله..حطت يدهاا على فمهاا وزادت من صيااحهاا...الا عبدالله...وش بيسوي لا بعدت عنه؟؟؟..راح يهملونه؟؟..وما راح يطعمونه؟؟...يمكن يذبحونه...يا ويلي عليك يا عبيد....راح تضيع من بعد اختك!!
غمضت عيونهاا بألــم وخلت الهواء النقي البعيد عن التلوث ينساب بحرية..على وجهها الجميل...ويحرك بعض خصلات شعرهاا اللي طلعت من تحت الشيلة حقتهاا...
مسكت حصى صغيرة..ورمتهاا بقوة...سمعت صوتهاا وهي تطيح وتتدحرج...حست ان ابوهاا عاملهاا مثل هالحصى...رماهاا بدون رحمه...
رجعت تتساءل بقوة
ليش يا يبه؟؟؟..لييييييش؟؟؟ ليش رميتني لرجال بالسبعين من عمره؟؟؟..ليش رميتني لواحد اكبر عياله اكبر منك يا يبه؟؟؟....
تذكرت يوم دخلت عليهم...وانصدمت بوجود حريم اخو خالتهاا" شعاع"...من زمان مازاروهم...يمكن من عشر سنين...
ضمت نفسهاا بقوة وكأنهاا تحمي نفسهاا من مجهول...وهي تتذكر " ابو علي"... لمن كان يراقبهاا وهي صغيرة..كانت تكرههه...وما زالت تكرهه...ولا تحب تشوف وجهه...ولا تتخيل نفسهاا مرته...
معقول يبه ترميني علشاان مجموعة نياق؟....لها الدرجه اناا رخيصه يبه...
تنفست بصعوبة وهي تغمض عيونهاا...تتذكر وجه "ابو علي" القذر...بلحيته الحمراء الطويلة....ووجهه المتجعد....وحواجبه الكثيفة الحمر...وابتسامته المقززة...
خلاص يا "مضاوي"...انت بتصيرين زوجته...ما عاد تقدرين تهربين من قدرك وحظك ونصيبك.....هذا نصيبك يا مضاوي لازم ترضين فيه....والحياه كلهاا قسمة ونصيب..
سمعت صوت خطوات وسط افكارهاا خلاهاا تلتفت بسرعه..شافت اختهاا وهي تجي مقبلة لهاا...مسحت دموعهاا بسرعه...وابتسمت بوجه " هيلة"
كانت هيلة شايله بيدهاا تمر بلبن وشوية فطير...جلست عند مضاوي وحطته بينهم...
هيلة وهي تنتفس بصعوبة: اعوذ بالله مدري وش صايبني؟؟..ياله اتحرك وازحر( نفس معنى اتحرك) من مكاني.."
مضاوي وهي تشوف جسم اختهاا الرويان: من المتن..."
هيلة وهي تكش بيدهاا على وجه مضاوي:يا هب.. اذكري الله...لا تحسديني على النعمة ..."
مضاوي واللي كان ودهاا تزيد وتسمن مثل اختهاا: تف تف..مشاء الله عليك......"
هيلة: ايه هذا الكلام الصحيح..."
سكتوا شوي وقاموا ياكلون من التمر..رغم ان مضاوي كانت تغصب نفسهاا...لأنهاا جوعانه ولا ذاقت العيشه بالليل...
مضاوي بتردد: هيلوه.."
هيلة وهي تآكل: هممم.."
مضاوي وهي تفكر: شلون حياتي بتصير مع ابو علي وحريمه وعياله؟؟"
هيلة بعد تفكير: قولي جعله يموت قبل يعرس عليك..."
مضاوي غصبن عليهاا ضحكت: ههههههههههه...آآآمين...مانيب كارهه والله..."
هيلة وهي تآخذ لهاا شوية فطير وتعطيه اختهاا: اكلي اكلي...لا تفكرين بهالجواز...وربي بيحلهاا...من عنده..."
مضاوي بحسرة: وشلون اخلي العيشة تدخل جوفي...واناا افكر بهالنحاسة.."
هيلة وهي تطالع بوجه اختهاا الساحر: ميمتي تقول انه كان حاط عينه عليك من سنين...من يومك صغيرة...وانه خطبك وانت ام سبع...ورجع خطبك وانت تسع...ثمن خطبك على عشر...بس ابوي كان يتعذر له..لكن هالحين ماعاد فيه اي عذر لجلستك معانا..."
مضاوي وهي مصدومة: يعني هالحين اثاري ابوي معطيه كلمته من سنين؟؟.."
وحطت يدينهاا فوق راسهاا وقامت تصيح من جديد...يعني خلاص اذا كان عندهاا امل صغير انه غير كلامه...فهالامل راح من بعد كلام هيلة...
هيلة بجدية: مضاوي....وش هوله هالصياح؟؟؟..اللي يشوفك يقول ميت لك ورع...اكبري ترا مانتيب ورع...والله ان " فطين" اعقل منك..."
فطين هو كلبهم السلوقي ^_^
بس مضاوي ما سكتت...هيلة وفضه هم الوحيدات اللي تقدر تصيح قدامهم...اهي عارفة ان الايام الجايه راح تكتم على انفاسهاا صدق...
تركت هيلة الاكل اللي بيدهاا وهي تشوف وجه اختهاا ممتلي دموع القهر والمرارة...وراحت ضمتهاا بقوة تبي تخفف عليهاا النيران اللي مشتعله بجوفهاا...

في ايطاليا

في شوارع الرومانسية والحب والليالي الغير شكل!!

وصل سعود اخيرا للمكان اللي كان واقف فيه مع البنت....
تطلع يمينه وشماله..ماكان لهاا اي اثر...كان الارض انشقت وابلعتهاا...!!!
دار حول نفسه يدور طيفهاا الاشقر وضحكتهاا المبحوحة...بس للاسف كانت النتيجه وحده...
حس باحاسيس مختلفه من خيبة الامل...والالم اللي استغربه...كان يحس باشياء صغيرة مؤلمه بقلبه....هذا اعجاب؟؟...هز راسه مستنكر على نفسه حركات المراهقين هاذي...كم عمرك يا سعود؟؟؟...33 سنة...ومع هذا قاعد تطامر بالشارع علشان بنت هلفوتة قابلتهاا واعجبتك...
اللي خلقهاا خلق الف غيرهاا...وخلق الف احلى منهاا...والف ارق منهاا..
صرخ فيه صوت صغير...بس هاذي غير...سأل نفسه بحرارة...ليش غير؟؟...
ماسمعت ضحكتها الناعمه..ابتسامتها البريئة...عيونهاا الامعه...هذي هي الانثى...فزمن قلوا فيه الاناث....عشان كذا هي غير يا سعود...
ضرب يدينه ببعض بقهر....وش يفيد هالحكي كله؟؟...
آآآآآآآآآآآآآآه صدق اني غبي...قالهاا وهو مقهور من هبالته...لو انثبرت عندهاا...بس كان لازم اصرفهاا بكل برود...بس هي اللي صرفته...
حتى لووو...لو اني بس طلبت رقمهاا...لو وصلتهاا للبيت مثل اي رجل محترم...لكن ما اقول الا آآآآآآآآآآآآآآه مالت على وجهي....
حط يدينه داخل جيوبه وراح يمشي راجع لشقته...بس ماكان فاقد الامل انه يشوفهاا وهو بطريق الرجعه..
حس بقطرات مطر صغيرة تطيح على خشمه المرتفع....رفع عيونه السود للسما ...وكشر..مطر؟؟...اففف....
رفع ياقة الكوت اللي لابسه...وركض بخطوات كبيرة يقطع الطريق قبل لا يزيد المطر...لكن المطر زاد بثواني وصار قوي مرة...
وصل اخيرا للعماره اللي ساكن فيهاا...دخل بسرعه بعد ما رفع يده يسلم على البواب...اللي هز راسه له باحترام....
راح للمصعد الخاص فيه....وطلع المفتاح من جيبه...واول مادخل المصعد...طالع نفسه بالمراية العريضة اللي داخله...
ومشط شعره باصابعه....وفصخ الكوت المبلول من المطر الغزير...وصل المصعد للدور اللي ساكن فيه...وكانت شقته بالدور الاخير...
خلى المفتاح بالمصعد...ودخل لشقته وابتسم وهو يشم ريحة الازانيا الحاارة الطازجة اللي توها طالعه من الفرن...
يمكن هذا الشيء الوحيد اللي بيهون عليه فقدان ذيك البنت للمرة الثانية...
طلعت خدامته الفليبينية اللي جايه معه من الرياض من المطبخ...واللي امه ارسلتهاا معه من استقر هناا....
قالت ايمي بعربيتها المكسره اللي تحب تستخدمها: تبي ئشا؟؟"
سعود وهو يعطيها معطفه المبلول:yesss..."
وراح دخل غرفة نومه...وتمدد على سريره الابيض العريض بدون مايفصخ حتى جزمته وانتم بكرامه...
غمض عيونه شوي...وشاف وجهها...فتح عيونه وهو منقهر من غباءه...وضرب جبينه شوي عشان يبعدهاا عنه...
قام بسرعه...وراح لغرفه مخليهاا محترف له...وقف عند اللوحه القماشية البيضاء المشدودة على الحامل...
مسك اللون الأصفر وامزجه مع شوية ابيض ولون غريب كأنه نحاسي وبني فاتح... وخربش خربشات صغيرة...كان يبي يرسم شعرهاا الجميل الانسيابي...شعرهاا اللي مثل سنابل القمح في احلى المواسم...
دخلت عليه ايمي: الئشا جاهز..."
مارد عليها...وهي تعودت على وضعه هذا خصوصا لمن يكون واقف عند لوحة من لوحاته...
وحست بسعاده وهي تشوفه يرسم...اهي تعتبره مثل ولدهاا من كان صغير وهي تشوفه يكبر قدامهاا...وله فترة مارسم...فاليوم يعتبر عيد بالنسبة لهاا...
تركته وراحت المطبخ...حطت عشاه في صحن بالمايكرويف..لأنهاا عرفت انه ماراح يآكله خلال الساعات الجاايه...اهو يحب يرسم ويرسم لمدة ساعات لين يهده التعب...
وسعود هالحين مشغول برسم ام الشعر الذهبي...يبي يوثق صورتهاا براسه مايبي ينساهاا...لأنه يعتبرهاا الهاام...والفنان مفروض يستغل الالهام الموجود بحياته...او المتواجد للحظات بحياته...مثلهاا...هي بنت الصوت المبحوح!!

كانت واقفه قبال البيت اللي اهي ساكنه فيه...كانت تمشي وفي عيونهاا نظرة غريبة ...تحس باشياء غريبة بقلبهاا...اكيد اعجاب ايه...اعجاب...كله بسبة هذاك الرجال...كان وسيم..مو بس وسيم...غريب...عجيب..فنان..خطير...ماتدري بايش توصفه؟؟؟..
صدق اني مخفه والله!!...فيه وحده تعجب بواحد ماشافته غير مرتين ومدة ثواني او دقيقة ....اكيد هذي المشااعر بسبب الغربة لا اكثر او اقل...
رجعت تتذكر..صوته البارد...عيونه الواسعه الحاده...حواجبه العريضة المستقيمه...خشمه المرتفع واللي كأن فيه كسر طفيف بالنص...سمرته الحلوة...الشعر الخفيف اللي على ذقنه ...
دارت حول نفسهاا بحالمية...يا رب ارزقني بزوج يكون مثله...مو بس مثله...يكون اهو نفسه...يحق لي اتشرط..دام الموضوع كله حلم...قالتهاا بسعاده لنفسهاا...يا حلو الاحلااام يا "مارية" حاكت نفسهاا من جديد...وبصوت عالي...
عضت شفتهاا بخجل لمن شافت واحد من الجيران يطالعهاا وكأنهاا مجنونة...وهي تدور وتكلم نفسهاا...ابتسمت بنعومة للرجال الكبير بالسن...وراقبته وهو يهز راسه ويروح لبيته...هزت راسهاا تضحك على عمرهاا...وركضت لبيت "ادلينا" بخطوات راقصه سعيده...
طقت الباب ثلاث طقات اول ماوصلت عنده...وانتظرت شوي...كانت مبتسمة بس لمن انفتح الباب كشرت بقرف...بوجه" ايمانويل" اللي كان يعلج السيجارة القذرة بفمه...
كان واقف بوجهها...ما تحرك ولا اي مسافة عشان يسمح لهاا بالمرور...كانت نظراته تجول على جسمهاا بحرية...
حست باشمئزاز كبير يملا كيانهاا...وصرخت بوجهه عشان يبعد عنهاا...وفعلاا بعد عن طريقهاا اول ماسمعهاا تنادي مرته....بس تكرم ورسم ابتسامة متهكمة على وجهه...
دخلت البيت...وهي تحس انهاا استهلكت مقدار السعاده المخصص لهاا كل يوم...اول ماتدخل هالبيت تحس بالكآبة...لو اهي اغنى شوي بس...كان قدرت تسكن بشقة لوحدهاا...لكنهاا للاسف مو اغنى...اهي على قد حالهاا عشان كذا مضطرة تحمل هالبشر المقززين اللي اهي ساكنه معهم...
سلمت على الشباب والبنات الجالسين بالصالة بعضهم يذاكر...وبعضهم يقرا مجلات..
...وطلعت الدرج لغرفتهاا...
ابتسمت لـ " كلاريسا" اللي كانت تلعب بالالعاب التركيب عند باب غرفتهاا...ووجهها مليان شوكولاته...وملابسهاا حقت النوم قذرة...بسبب الأكل...
دخلت غرفتهاا الصغيرة مرة...وقفلت الباب...وارجعت تبتسم من جديد بحرية...بدون ماتضايقهاا نظرات" ادلينا" وزوجهاا...
هزت كتوفهاا وهي تحس بطاقة غير طبيعية...وراحت للمراية حقتهاا...طالعت بشعرهاا الناعم القليل..وبوجهها اللي دايم اعتبرته عادي او اقل من عادي..
ياما قالت لهاا جدتهاا انهاا جميلة...بسبب براءتهاا اللي تطفو على وجهها...بسبب انوثتهاا اللي كانت سبب تهكم قريباتها منهاا..بسبب حبهاا للحياة ونعومتهاا بالتعامل مع اي موقف....بسبب غمازاتهاا الحلوين...
مسكت المشط وجلست قدام التسريحه...وقامت تمشط شعرهاا وهي تحلم بالرجال الغريب...وبصوت الرجال الغريب...وبنظرات الرجال الغريب...!!
ونست النوم ذيك الليلة وطعم النوم...!!

...في اليوم الثاني...
...في العصر تقريبا....

في مملكة المرأة
وفي محل فساتين جاهزة...لمصممين عالميين...

كانت "هيفاء" واقفة تدور حول نفسهاا قدام المرايات اللي بالمحل...وهي لابسه فستان من تصميم روبرتو كفالي ب25الف ريال....لونه احمر وناعم جدا وبسيط...صدره فيه شك ناعم...وهو من تحت طبقات..
قالت وهي ترفع ذيل الفستان الحريري بغرور وترجع ترميه باهمال:
وش رايك نورس؟؟"
نورس وهي مشغولة تقرا رسالة على جوالها
: روعه..."
سحبت هيفاء منها الجوال ورمته على الأرض وصرخت فيهاا بتوتر
: طااالعيني لمن احاكيك.."
انفجعت واستغربت نورس من سر اهتمام هيفاء بالزواج لهالدرجه....حتى انهاا من اليوم تصرخ على الموظفات عشان يطلعون لهاا الفساتين الخاصه بــالــVIP...
نورس وهي تلمس خشمهاا بنعومة:
...جدا ناعم.."
هيفاء وهي ترجع تأمل الفستان
: بس كيف طالع علي؟؟؟...شلون مخلي جسمي..؟؟"
نورس وهي تبتسم برقة
: هيفاء انت اكثر الناس معرفة بجسمك...لو تلبسين خيشة بتطلع عليك فتنة...مشاء الله جسمك مافيه اي عيوب...وهذا ضابط عليك مرة.."
ارتاحت هيفاء لكلام اختهاا مرة...وعضت على شفتهاا بخبث وهي تعيد كل خطوة حتسويهاا من اول ما تدخل الفرح لين ماتطلع منه...
وبعد ما عادت كل الخطوات...رجعت تلمس قماش فستانهاا الحريري...وهزت راسهاا وهي متأكده انهاا بتجيب الهدف المطلوب وببساطة...
دخلت غرفة القياس من جديد...وفصخت فستانهاا بحذر...ولبست ملابسهاا اللي اول..وهي بنطلون جينز ضيق...وبدي ناعم حريري لونه بيج...
طلعت من غرفة القياس واعطته للموظفة...وراحت تشوف الفستان اللي اختارته " نورس" لنفسهاا....
ابتسمت وهي تشوف نورس واقفة عند اللون المفضل عندها دائما وابدا الـPink...نورس التفتت اول ماسمعت صوت كعب هيفاء...
ورفعت لهاا الفستان: وش رايك؟؟.."
هيفاء وهي تقلد صوت نورس الناعم
: روووعه!!..."
نورس بضيق
: هيفااااااااء...لا تطنزين علي!!"
هيفاء وهي تمسك الفستان وتقلبه بايدهاا
: ابي اعرف وش سر هالوردي معك؟؟..اوكي لون بناتي وحلوو...بس مو بكل وقت...جربي تغيرين..انت مشاء الله بيضااا..ويناسبك اي لون..."
نورس وهي تضم الفستان لصدرهاا وتحس ببرودة القماش
: لااااء...اناا امووت بالوردي...كله انوثة..وبعدين واذا كنت بيضا مو معناته اني البس كل الالوان..."
هيفاء وفيهاا ضحكة
: ههه...طيب يا انوثة...جربي الفستان...وبدور فاطمه عشان تشتري لناا كوفي..."
طلعت من المحل ووقفت تدور بعيونهاا شغالتهم اللي دايم يجيبونهاا معهم للسوق تقدرون تقولون مثل الديكور الاساسي...
شافتهاا فاطمه الحبشية وتركت الشغالات اللي كانت تسولف معاهم وجات بسرعه لـ هيفاء...
اعطتهاا هيفاء فلوس وطلبت منهاا تشتري لهم كوفي...ووقفت تنتظرهاا على باب المحل...وهي مطلعه الجوال من شنطتهاا عشان تتصل على السواق يقرب من البوابة..
سمعت صوت ضحك...لكن هالضحكات اختفت فجأة...فرفعت راسهاا بتلقائية...وابتسمت بخبث واضح وهي تشوف بنات عمهاا يطالعون ببعض...
اجل العروس هنا!!...قالتهاا هيفاء بانتصار...
ابتسموا بوجهها بنات عمهاا بعد ماسمعوا جملتهاا بتوتر شديد..
قالت وحده فيهم: هلاابك هيفاء...وش هالمفاجأة الحلوة؟؟"
هيفاء ردت بنفاق واضح
: وااااو والله مو بس حلوة لكم..حتى لي اناا...الصدق الفرحه صارت فرحتين.."
تكلمت الثانية بتردد
: مشاء الله...شكلك بتحظريــ.....ن العرس؟؟..هه..."
هيفاء وهي تبتسم بحلاوة
: ولووو...عرس بنت عمي...اللي انتظرناه سنين وسنين...وسنين...وسنين...لابد احظره...."
وركزت على كلمة السنين اللي اعادت تكرارهاا كذا مرة ورى بعض...
لاحظت ان وجيههم سودت من شماتتها الواضحه وضوح الشمس من عمر عروسهم....
كملت هيفاء وكأنهاا ما تدري وش قالت قبل شوي: وووين عروستناا؟؟؟...لالالا...لازم اشوفهااا قبل العرس..."
اسكتوا يطالعون بعض...فكملت هيفاء بخبث
: لا تقولين مخبينهاا علشان نور العروس!!...ههههههه...."
قالت وحده فيهم
: العروس ميب هنا....اهي بصالون التجميل...عشان تستعد ليوم العمــ...ر"
هزت هيفاء كتوفهاا بحسرة مصطنعه
: اممم....يا حسااافه كان بودي اشوفهاا...المهم...سلمولي عليهااا...ترى لهااا من الوحشه الكثييييييير..."
البنات بصوت واحد: يوصـــ..ل ان شاء...الله.."
هيفاء وهي ترفع يدها بنعومة: اوكي...باي.."
واعطتهم قفاهاا واخذت الكوفي من فاطمه اللي كانت واقفة وراها بصمت...ورجعت تشوف نورس...اللي كانت واقفه على اعصابهاا بغرفة الملابس...
دخلت هيفاء عليهاا ولقتهاا متوهقة بالفستان ما تدري شلون تسكر السحاب اللي على جنب...
ساعدتهاا هيفاء وبعد تقرير الاكسسوارات المناسبة....طلعوا الثنتين من المحل...لبسوا عباياتهم قبال البوابة...
واول ما ركبوا السيارة الفخمة...تكلمت هيفاء بشماته
: مادريتي شفت بنات عمناا...هههه...مخبين عروسهم خايفين عليهاا من العين..."
نورس بضيق
: هيفاء بلييز...لا تتشمتين بالبشر...وبعدين وش فيهاا بنت عمنا...تراها حلوة.."
هيفاء وهي ترفع حواجبها مصدومة من ذوق اختهاا
: ذيك حلووووة؟؟؟..وععععع...ما اقول غير مالت عليك.."
نورس بحساسية وهي شوي وتصيح
: مووو...كل البشر....كاملين مثلك يا هيفاء...فيه ناس كثير جمالـ...هم متواضع..."
هيفاء وهي تربت على كتف اختهاا وفيهاا ضحكة
: اناا عارفه ان محد مثلي...بس لا تصيحين الله يخليك...اشربي اشربي قهوتك.."
سفهتهاا نورس اللي تجمعت الدموع بعيونهاا...ما تحب الشمااته وتكره اللي تسويه اختهاا بالبشر لكن مابيدهاا اي حيلة...

في الصحراء
وبين الاغنام الكثيرة اللي يمتكلهاا" بنيان"

كانت جالسه تحلب الغنم...وبنتهااا" مضاوي" جالسه عندهااا ساكته...كانت عارفه نفسية بنتهاا بسبب صدمة الزواج اللي جات بدون اي مقدمات...وكانت معزمة تكلم زوجهاا وتقنعه....مع شكهاا بقدراتهاا...لكنهاا بتحاول تضرب على الاوتار الحساسة..وان شاء الله يفيد معه...
اهي ماتمانع ان بناتها يآخذون رجال كبار بالسن...لأن هذي ميب مشكله بنظرهاا...لكن ابو علي...انسان جشع مافيه اي صفه ممكن تنبلع...مافيه لا كرم ولا شجاعه ولا نخوة...مافيه غير البخل والجبن....واذا راحت بنتهاا عنده...
فبتعرف انهاا موب آخذ لهاا حقهاا من حريمه....وبنتهاا صحيح قوية لكن قدام العدد المهول اللي راح تواجهه وهي لوحدهاا فاكيد بتفشل بأخذ شوي من حقوقهاا...
ياما قالت لمضاوي تسفه مرت ابوهاا ولا تراددها....لأنهاا عارفه ان شعاع اذا حطتهاا براسهاا بتقدر توديهاا بمصيبة...
وهذا هي المصيبة...اختارت مضاوي من بين بناتهاا عشان تزوجهاا لاخوهاا اللي اهو اخس منهاا مية مرة...
اختارت اجمل بنااتهاا واصغرهن واذكاهن واقواهن عشان تزوجهااا لاخوها اللي مافيه ذرة خير..او رجولة...
طالعت ببنتهاا اللي تلاعب الجفار الصغيرة....مضاوي لسه صغيرة...والجانب الطفوولي فيهاا كبير...والحنان اللي فيهاا يشيل العالم كله ويعيشه بسلام...
حسبي الله عليك ياا" بنيان"...قالتهاا ام عبدالله بمرارة...
وهي تحاول ان عبرتهاا ماتنزل...بس غصب عليهاا نزلت عبرتهاا...وانتبهت لهاا مضاوي فقامت بسرعه وهي شايلة جفرة صغيرة بايديها...من مكاانهاا وابعدت عن امهاا عشان ماتزيد جروحهاا والآمهاا...
امس سافروا اهل ابو علي....ووبيرجع لهم لوحده بعد يومين عشان يملك عليهااا ويآخذهاا وياه....
راقبت حريمه وعياله الكثيرين وهم يركبون الددسن اللي جا به...وهم يتزاحمون بالحوض...وحتى موب كافيهم...!!
دعت من كل قلبهااا انهم مايرجعون ابد لهناا...لكنهاا كانت عارفه ان دعوتهاا ذي ماراح تتحقق...لأن ابو علي على قول خواتهاا هو نصيبهاا..
تذكرت شكل ابو علي وهو يناظرهاا بعد ماخلص الغدا وطلع يغسل يدينه...
ويمسح وجهه القذر بظاهر يده....تمنت لو تقدر تقطع وجهه وتذبحه وتدفنه ولا احد يدري عنه....
تذكرت حريمه وهم يعاينونها كأنهاا بضاعه معروضة للبيع...ويسألون "شعاع" عن نحفهاا اللي موب عاجبهم...وعن سكوتهاا ونظراتهاا الحاده لهم...وهي تطالع بيديهم المتجعده اللي مليانه ذهب...وفضه...لكن هالشيء ما يهمهاا...عمر هالاشياء ماهمتهاا...وعمرهاا مافكرت فيهاا...يمكن هم يحبون هالاشياء عشان كذا وافقوا يخطبون لـ" ابو علي"!!...ولااا مافيه مره تخطب لرجلهاا الا اذا كانت تبي الفكه منه!!
دخلت شقهم...وجلست على الأرض جنب فضة اللي كانت تزيت شعرهااا الطويل...من لية الغنم( شحم الغنم)....
قالت فضة وهي تشوف مضاوي تجلس قبالهاا: زيتي شعرك..."
هزت مضاوي راسهاا رافضه: لااا...حاطه حناا...."
فضة وهي تمشط شعرهاا وتشوف سكوت اختهاا اللي موب طبيعي: مضيوي...وش بلاك؟؟.."
ما ردت مضاوي...على اختهاا...وتركت الجفرة اللي بيدهاا تروح...ومسكت المراية الصغيرة المكسورة...وحاولت تشوف عيونهاا الواسعه...ومسكت المكحلة وقامت تكحلهم...لا ابو علي ولا عشرة من امثاله يخلونهاا تنسى كحلهاا....اللي متعودة تحطه باليوم اكثر من مرة...
سمعت صوت صرخات عبدالله اخوهاا الغالي...وهي تتردد بسرعه والم...وكأنه خايف من شيء!!
تركت المكلحه بسرعه والمرايه حقتهاا على الارض باهمال...
وراحت جري طالعه من بيت الشعر تبي تعرف وش صار له؟؟؟....

في القرية الايطالية
وفي الصباح الباكر
في المخبز
ورائحه الخبز الشهية باشكاله وانواعه المختلفه منتشرة بالمكان..

كانت " مارية" قاعده تنتظر دورهاا وهي شايلة بعض اغراض البقاله اللي اشترتهاا قبل شوي...
اليوم الدور عليهاا...اهي اللي راح تروح وتشتري اغراض البيت...الحمدالله طلعت بدري قبل الزحمه...مع انها لقت زحاام خفيف بسبب كثرة السيااح....
كانت قاعده تعلك وتنفخ بالونات من العلك...وهي تبتسم كل شوي لـ" كلاريسا" اللي طلعت وياااهااا....
كانت تشوف بـ" كلاريسا" نفسهااا...طفولتهااا...اهمال اهلهاا لهاا....هي نفسها" كلاريسا" مع اب مشغول بملاحقه الحريم...وام مشغولة بمراقبة ابوهاا...
ما تذكر بيوم انهم انتبهوا لوجودهاا..او التفتوا لهاا...كان جل اهتمامهم انهم يبعدونهاا عن حياتهم...ولو كاانت عندهم المااده الكافيه كان مليون بالمية حطوهاا بمدرسة داخلية..
حست بيد كلاريسا تشدهاا...انتهت انهاا واقفة بمكانها...وشافت ان كل اللي قبلوهاا تحركوا...فمشت بسرعه...واخذت الخبز اللي جات علشاانه...
طلعت من المخبز...وهي ماسكه الأغراض بأيد وايد " كلاريسا" بأيدها الثانية...كان اللي يشوفهم يقول هذي ام وبنتهاا...بسبب حذر مارية الشديد عليهاا...وابتسامتهاا والتفاتاهاا الرقيقة لهاا...
ووقفت شوي بالشارع...وقامت تسوي ملابس كلاريسا المهملة وتحااول تنسقهاا شوي....قبل لا تروح عشان تكمل باقي المقاضي..

في نفس الوقت...كان بطلنا " سعود" يركض بسرعه...على الجانب الثااني من الشارع. .يحس بنشاط مو طبيعي اليوم..
يبي يفرغه بأي شيء...ومافيه مثل الرياضة لتفريغ الطاقات الكامنة....وخاصة رياضة الركض والجري بالهواء الطلق...فيهاا تجديد ممتاز للدورة الدموية...وبعد عن الكآبة اللي ممكن تصيبك بسبب رتابة الحياه...
خلص لوحه للبنت اللي صوتهاا مبحوح...
لوحة جميلة جدا...صحيح ان لسه تنقصهاا بعض اللمسات النهائية...اللي تميز رسمه عن رسم الباقيين...
تنقصهاا التداخلات العجيبة في خلفية اللوحة....والبريق المميز اللي لسه ما اضافه لعيونهاا...اكتفى انهاا رسمهاا ببساطة...بس لازم يضيف لهاا شوية سحر...عشان تطلع اللوحة تحفه فنية مالهاا مثيل...
كانت اللوحه عبارة عن بنت تمشي وسط حقل قمح....وهي لابسه فستان ابيض واسع طويل...والشمس تشرق من وراء الحقول وتعطي اضاءة عجيبه...
من زمان ماخلص لوحه بالسرعه الفضيعه هذي...كان جالس عليهااا فوق العشر ساعات متواصلة...واكواب القهوة متراكمة جنب علب الالوان...وبعض الخبز الاسمر القاسي متناثر هناا وهناك....
حتى ايمي من كثر فرحتهاا كانت تراقبه وهي مسحورة...واهو ماكان يمانع تواجدهاا فوق راسه وهي تطالع برائعته اللي لسه ما اكتملت...
ايمي مربيته من كان صغير...ولو يتخلى عن اشياء كثيرة بحياته هي بالذات مايتخلى عنهاا...
ايام ماكانت امه تندب حظهاا وتبكي...كانت ايمي تضمه لصدرهاا وتنومه عندهااا...اهي اللي علمته كل شيء...علمته كيف يآكل؟؟..كيف يلبس؟؟...كيف يتكلم؟؟؟...
لا يمكن ينكر فضلهاا عليه...ويشكر امه انهاا ارسلتهاا له...
وقف بتعب...بنهااية الشارع..ومسح جبينه...وشرب من الموية المثلجة اللي معه...شاف الاشارة وهي خضراء...وبعض السيارات تنطلق تمشي بسرعه....
دارت عيونه بين النااس بشكل طبيعي...
ولمح شيء خلاه يغمض عيونه بسرعه ويرجع يفتحهاا...شاف شعر اشقر قمحي..قدام عيونه...بالشارع الثااني...
طالع فيهاا...اهي نفسهاا...ايـــه ملهمته....اهي اللي محتاجهاا عشان يكمل لوحته...صاحبة اللوحه...!!
رفع يدينه يأشر لهاا بس ما كانت تطالع فيهاا...كانت تكلم بنت صغيرة معاهاا...وكان واضح انهاا مو منتبه لأي شيء ثاني...
طالع بالسيارات وهو مغتااض...كان يبي يقطع الخط...بس مافيه اي مجال يقطعه مع السرعة المجنونة لبعض السائقين...
طالع بالاشارة...يا ربي ليش علقت على اللون الأخضر؟؟؟..افففف...
رفع صوته: هااااااااااااااااااااااااااي....هنااااا...."
لاحظ ان ناس كثير تلفتت وهي تسمع صوته القوي ...وطالعوا فيه باستهجان...الشارع مو ملك ابوه عشان يصرخ فيه بهالطريقة....!!!
بس هو ما اهتم بهالشكليات...بالطقاق بالناس وبالشاارع..المهم هي تلتفت له....
ضرب جبينه بقهرر...وقام يدعي على مخترع الاشارات وساعة الاشارات....وسنين المرور وتنظيم الطرق...وهو يشوفهاا ما تسمع اي اثر لصوته وهذا باين على حركااتها اللي ماتغيرت..وهذا بسبب السيارات المزعجه اللي تقطع الطريق...
قرر انه يقطع ولا همه بالسيارات...بسس..اول ما حط رجله عشان يقطع الشاارع...سمع صوت صفارة شرطي المرور..
التفتت ببطء...وشافه وهو يأشر له انه ما يمر....فزاد قهرره على هالحظ اللي مو موافقه ابد..
التفتت من جديد يبي يملي عينه منهاا ويدعي رب العاالمين انهاا ماتروح لين تقفل الاشارة ...
بس لمن التفت لقااهاا بكل بساطة راحت واختفت....طالع زي المجنون بالشاارع اللي كانت واقفه فيه...لالالا...مو معقول انهاا اختفت بهالسرعه؟؟..استحااله اساسا..اكيد دخلت واحد من هالمحلات...
قطع الشارع وهو مو مهتم لا بصفارة الشرطي ولا بواري السيارات اللي ارتفعت اصواتهاا وهو يقطع الخط بجنون...
حتى ان كذا سيارة جات تصدمه بس ربي ستر عليه
دخل المحلات اللي بالشارع واحد ورى الثاني...بس للاسف اختفت...ما عاد بقى لهاا اي اثر...
حس باحباط فضيع....وهو يضرب قزاز آخر محل دخله وسأل عنهاا فيه...يعني معقول الفرص تجي وتروح مني بهالسهولة...
ثلاث مرات شفتهاا هالاسبوع...ثلاث مرات...وضاعت مني كل هالفرص بسهوولة....آآآآآآآآآآآآآآآآآآآه يا حظي!!!

في الريـــاض
في القصر الخرافي لعايلة سعود
في الغرفة الحمراء
وطبعا الغرف مسمية بالوانهاا بسبب كثرتهاا...فيميزونها بهالطريقة...

قفلت باب غرفتهاا بحذر....وبعد ما تأكدت انه انقفل زين....راحت ببطء وقلبهاا ينبض بشدة...للدولاب اللي بركن الغرفة...من زمان ماراحت له....لهاا فترة طويلة...قلبهاا يعورهاا ما تحب تشوفه...بس هي اشتاقت له كثيير...كثييير...
جلست على ركبهاا...وفتحت الدرج بتردد....بعد مادخلت مفاتيحهاا الذهبية داخله...بلعت ريقهاا كذا مرة وهي تشوف صندوق الموسيقى البني حقهاا قدام عيونهاا..
فتحت الصندوق...فتصااعد صوت الموسيقى الكلاسيكية...وبدوا التماثيل الصغيرة الموجوده داخله بالرقص بشكل دائري....
تجمعت الدموع بعيون" هيفاء" الواسعه الجميلة....وهي تشوف التماثيل اللي على شكل عرسان وعرايس تتراقص قدام عيونهاا بتناغم...
تركت الصندوق يشتغل على جنب..وطلعت الأوراق والصور الموجوده بالدرج...وعلبة العطر الفرنسية....والحلاوة البلجيكية اللذيذة...المحببه عنده...
وآخر شيء...تي شيرت...ابيض..مقاس L..مرسوم عليه صورة نخيل وشاطىء..
تأملت التي شيرت وحست بغصة قوية بحلقهاا ...
ضمت التي شيرت وهي ترتجف بقوة....مو قاادرة تستوعب غياابه...له سنتين غايب...بس مع هذا ما زالت تنتظر قدومه...وتنتظر اسفه...وتنتظر شوفته...
صحيح انه كان قاسي..بس مافيه اي مقاارنه بين نار قربه وناار بعده!!
نار بعده الحارقة...اللي احرقت كل مافيهاا...اللي احرقت ايامهاا الحلوة وسنينها الحلوة...اللي احرقت" هيفاء" القديمه وبدلتهاا بوحده نجسه شريرة..قااسية جاحده...
قالت بصوت متقطع خافت وهي تكلم التي شيرت: اشتقت لك كثيييييييييييييير....اهىء اهىء...حرااام عليك....ليش رحت؟؟...ليييش؟؟...قتلتني ويااك....قتلتني.."
رجعت تبكي بحرارة وهي اللي كانت تحااول تماسك...وطالعت بعلبة العطر الغالية على قلبهاا..عطر مصمم لهاا خصيصا اهي...اهو اللي كان طالبه لهاا...
رشت منه على معصمهاا...وشمته وهي تحااول تمااسك....كان العطر بريحة الورد واريج الازهار المختلفه...كان يقول لهاا انه يشبه لهاا...بس اهو.. كذاااااااب....كذااااااااااااااااااب...خاااين....بس ليته مامات...اناا راضية انه يخووني...ويعذبني ويخليني شماااته بين البشر....بس ما ارضى انه يروح ويرحل بكل هالبساااطة...
طالعت بأغراضه اللي تناثرت من الدرج المزدحم بالذكرياات....وزادت حدة صيااحهاا ودموعهاا اللي انكبتت فترة طويلة!!
وهي تشوف صوره اللي متناثرة حولهاا...وابتسامته المرسومة براحه على وجهه...تذكرت صوته الجميل...وهو يغني لهاا...ويدق لهاا عود...
تذكرت ليالهم الحلوة سوا....تذكرت اشياء كثيرة تجمعهم....نست في ذيك اللحظة الاشياء السيئة اللي سواهاا فيهاا...نست كل شيء سيء...وتذكرت احلى واحلى الليالي ويااه...يامام حطت راسهااا على كتفه ولعبت بشعره....ياما شالهاا ودار فيهاا بالحديقة...حتى لمن كانت تتعب من المشي...كان يشيلهاا على ظهره ويمشي بهاا...
ليش خرب كل شيء؟؟...ليش راح لذيك الحفله؟؟؟...ليييش يا " خالد" حطمت كل شيء بيني وبينك؟؟...وما اكتفيت بكذا...مت!!....ببساطه مت!!

في الريـــاض
في مبنى انيق جدا
مجلة " اضواء"

طالع بالأوراق اللي قدامه...وهز راسه بغضب وهو يطالع برئيس التحرير اللي كان جالس وهو ينتفض قبااله...مو معقول الشيء اللي قاعد يقراه...اكيد انه بكابوس...ومو اي كابوس...اسوأ كابوس ممكن يعيش فيه اي واحد يشوف اللي بناه بسنين قاعد ينهد قبال عيونه...
: وش ذييي؟؟.."
صرخ" شجاع" في هالكلمه وهو يطالع بأرقام الديون الخيالية اللي عليهم....معظم الصحفيين ما استملوا شيكات رواتبهم...وبعضهم رافعين دعاوى يطالبون بحقوقهم كااملة...وارقام المبيعات جدا منخفض....وقاعد ينزل الرقم اكثر واكثر كل شهر....
شلون صارت هالأمور كلهاا؟؟..اهو بس سافر سنة...وترك المجله وهي على افضل حال..شلون فجأة لمن يرجع يلقى الدنيا سايبه والاوضاع مقلوبة..
لازم اهو يتصرف...ايــــه...لازم يتصرف ويجدد الادارة كامله...ويرجع سمعة المجله مثل اول....وجديد..
سمع ثرثرة رئيس التحرير...وهو يبرر اخطاءه...بس مالقى لهاا اي بال..وهو يطالع بالخاطرة اللي مكتوبة قدامه...كانت خاطرة غبية جدا من وجهة نظرة المكتبرة والرافضة لأي شيء جديد...

"عاشقة واهية"
بحبك ملأت فراغ وجودي
وبدفء حنانك الودود
اذبت حرماني
واينعت انوثتي بعد صدودي
على نسائم همسك وعطره
وعلى غيث من رقيق الوعود
وفي ظل غزلك وسحره
ترعرعت فرحة صباي..وهل نجم سعودي
*******
والآن صار حبك هاجسا يؤرقني
حين عيي قلبي عن الجواب
صارت هماستك تهددني
بالتحول والانقلاب
وصار غزلك يذرني
بلومك والعتاب
حين يأتي يوم وتسألني
اين انا من الحب والاحباب
*******
وتسألني عن حبي وتنتظر جوابي
وامام خوفي وحيرتي وارتيابي
قلت اذهب بعيدا دون ايابي!!
*******
لست كما تظنني قاسية...
ولكني ماعرفت لشعوري ماهية
فلا تعتبرني انسانة عادية
ولكن اعتبرني عاشقة واهية!!
بقلم" النورس"
اول شيء لازم يبدا فيه....هالصفحه الغبية في آخر المجله.....اللي تضم اتفه خواطر قراهاا في حياته كلهاا...لازم يلغيهاا من الوجود...مثل هالخواطر البشعه مصيرهاا الزبالة..مو مجلة محترمه مثل مجلته...واكيد اهي بداية سبب الخساير اللي لحقت فمجلتهم من كل جهة...

"مضاوي" و"عبدالله"...والله اعلم وش صار له!!
"هيفاء" ودموعهاا وجزء من ماضية القاسي!!
"نورس" واحلامهاا اللي راح تتحطم قريب...وقريب مرة...على يد " شجاع" و"شجاع" بس هو القادر على تحطيم ارق مخلوقة بالوجود...
وأخيرا...سعود وتحطمه بسبب ضياع الفرصة الثالثة ويمكن الأخيرة....

17 - 10 - 2024, 02:35 AM

الفصــ4ــل

" افراح الحزن"

مرت الأيام والليالي على ابطالناا بهدوء رتيب....كل واحد فيهم ينتظر مصير شيء معين....هيفاء تترقب بصمت زواج بنت عمهاا اللي خططت فيه اسوأ التخطيطات ...ومضاوي تنتظر بخوف رجعة ابو علي ومعاه 20 من مزايين البل اللي ابوهاا طلبهاا كمهر لهاا...بعد اقناع من امهاا اللي كانت عارفة شلون تبعد ابو علي عن طريق بنتهاا وبدهاء...وبدون ما تحسس رجلهاا ان هالطلب راح يبعده.. البخيل للابد..وهذا اللي كانت تدعيه هي وبناتهاا...

اما..بالنسبة لبطلنا سعود...استسلم لقدره وترك شغلة الالهام على جنب...لكنه كمل اللوحة عشان يستفيد منهاا بمعرض الشباب اللي راح يقام بعد فترة...ومارية...كانت مشغولة بخياطة بعض التصاميم عشان تسلمهاا لبوتيك" لولا"...ولكن سعود ظل في بالهاا...يروح ويرجع ويلمع بفكرهاا خصوصا اذا شافت اي رجال يشبهه...

نجي لنورسنا الناعمه الرقيقة...نورس استغربت ان آخر عدد من المجلة ماعرض لهاا الخاطرة اللي ارسلتهاا...وكمان استغربت من شيء ثاني صاار..ان فيه رساله وصلتهاا من معجب...وكانت تمدح آخر خاطرة نزلتهاا في آخر عدد!!!!! وهالشيء خلااهاا تبدا تفك خيوط لغز رسايل المعجبين...لكن قبل كذا كان لازم تروح للمجله وتشوف وش الساالفه بنفسهاا!!
شجاع...كان يحاول ينقذ مجلتهم اللي سمعتهاا وصلت لحضيض بسبب الرشاوي اللي كان يتقبلهاا رئيس التحرير...
وبدا بتجديد شامل لاقسام المجله...ووجه دعوة لبعض كبار الكتاب...مع ارقام شيكات للتفاوض....
لكنه على صعيد المشاعر يحس بكره فضيع للنورس الغبية اللي كانت تكتب الخواطر التافهه خصوصا لمن عرف شلون نشرتهاا بالمجله وكيف قدرت تضحك على رئيس التحرير الغبي....!!!

في قاعة من افخم قاعات الزواج اللي بالرياض..
المقصــــــــــــــــــــورة
كانت افراح آل....آل ....على آخرها...
والالعاااب النااارية ماليا السمااء...
خصوصا ان الليلة زواج ثنين من اغلى عيالهم
والعايلتين متداخلة النسل....يعني عم اخذ خالة..خال اخذ عمه...وهكذا..
طبعا....الطق والمغنى واصل لآخر الدنيا...
والفخامه والترف في كل ركن من اركان المكان

في قسم الرجال...
كانوا اخوان العروسة...والعريس واقفين والفرحه مرسومة على وجيههم..
ويتبادلون المزح واصوات ضحكهم تتعالى بالمكان...وفيه بعض الناس تحمد ربهاا وهي تطالعهم...^_^وداخل انفسهم يقولون مسكين ماصدق تزوج!!!
كان واحد من اخوان العروسة واسمه" نواف" مو مصدق ان اخته الكبيرة اخيرا وافقت على ولد عمته الغالي..." هيثم"
من سنين وسنين وهو يخطبهاا ومن سنين وهي تصده بدون ما تشاور نفسهاا....وفي آخر خطبة كانوا متأكدين ان الموضوع نفسه راح يتكرر..
لكن الصدمه اسكتتهم...حتى انهم اليوم وهم بعز فرحتهم مو مستوعبين ان اختهم وافقت اخيرا على الرجال اللي صدق شاريهاا ولا فكر يتزوج غيرها...
حتى ان نواف يدعي ربه ان الزواج يتم على خير....ولا يدري ليش قلبه مقبوض...يمكن بسبب هالموافقة المفاجأة...وهو ادرى الناس بأخته ويتمنى ما تفشلهم وترفض العرس فجأة...عااد وقتهاا ماحد يقدر يغصبهاا خصوصا ان كبار العايلة حلفاءهاا....
وبعدين هالفرحه طعمها غير عن كل الفرحات....هالفرحه جات بعد حزن عميق....حزن تخللهم سنتين طووويلة اطول من اي حزن ثاني...هالفرحه جات بعد موت اخوه اللي الآن يحاولون يطلعون منه...ويستوعبون ملابساته المفجعه....
صدق انه في حياته ماكان غالي بالنسبة للثانين.....لكنه كان بالنسبة لـ"نواف" اخو غير كل الأخوان...كان يقدره ويفتخر فيه....حتى وهم يعرفون كل المصايب اللي للاسف كان يسويهاا....كان يحب يلبس مثله....ويحب يقلده....رغم فارق السن الكبير اللي بينهم...
تنهد بحزن وهو يحاول يبعد صورة خالد عن راسه...وصورة جثته المتشوهه.....ورجع يمزح مع العريس اللي كان لابس مشلح سكري انيق...

ههه...يحسبون ان زواجهم بيرفكت!!
قالتهاا بتريقة وهي تمر بعيونهاا على كل الورود الطبيعية اللي جابوها من هولندا...وتكدست بشكل مرتب في اماكن متفرقة من القاعة الضخمة....
كانت توزع ابتسامات مدروسة للناس اللي تشوفهم بكل لحظة...وهم مهم مصدقين ان اخيرا هيفاء طلعت من قوقعة الحزن على خالد....ورضت انهاا تحظر الزواج اللي ماتوقعوا ابدا انهاا ممكن تحظره...خصوصا وهم يعرفون مقدار العداوة اللي كانت بين خالد واهله...وكانوا يعرفون ان هيفاء كانت ويا صف خالد وكانت ضد كل شخص في العايله يقولهاا الصدق..او يحاول ينصحهاا...
قالت وهي تبتسم لنورس: احس بمشاعر غريبة وانا اطالع فيهم...."
نورس ردت وهي تمسك يد اختها: هيفاااء...ليش حظرررررتي؟؟...كلناا عارفين ان الوضع صعب عليك..."
هيفاء لمعت عيونهاا بقوة: صععب؟؟.."
قالتهاا بصوت مبحوح ومجروح...
الوضع مو بس صعب...الوضع مؤلم مميت...جاارح قاتل..اهي تبي تألم كل شخص آلمهاا...وتبي تقهر كل شخص يقهرهاا...اهي المهاا تعدى المجرات وتجااوز الحدود البعيدة...
المهاا تجاوز الآف السنين الضوئية....وانغرس في اعماق اعماق قلبهاا...
اهي عارفه ان اللي تسويه غلط....اهي عارفه ان خالد مات وانتهى...لكنهاا مو راضية تصدق...تبي تنتقم منه...وتنتقم له في نفس الوقت...
فيهاا طاقة حزن فضيعه تبي تفرغهاا بالأشخاص اللي حولهاا....الأشخاص اللي قالوا عنهاا كلام كثير مؤلم في الماضي...
وبنت عمهاا...اللي هي اخت" خالد" للاسف اكثر شخص آلمهاا...اساسا اهي سبب موت خالد....اهي اللي بحقدهاا حاولت تبعده عن هيفاء...ما درت انهاا ابعدته عن العالم كله....
حست بيد نورس تمسكهاا بنعومة...فطالعت بأختهاا وهزت راسهاا بلامبالاة يعني انا كويسة.. وقامت من كرسيهاا....
قالت لنورس وامهاا: بروح الحمام...عن اذنكم.."
طالعوهاا بتوتر...خاافوا منهاا...وخاافوا عليهاا...اهم عارفين هيفاء اكثر من اي شخص ثاني....وجلست هناء ان مابنتهاا ماتسوي مصيبة...او على الأقل ماحد يشوفهاا...

راحت هيفاء بسرعه...ووصلت عند بوابة الخروج...لاحظت ان خوات العروس مشغولات جوه...شكل بنت عمهاا وصلت...
دقت على رقم...وهي تلبس عبايتهاا بسرعه وتحاول انها ماتثير الشكوك في الناس اللي يطالعونهاا...
سمعت صوت ناعم
: هلااا والله بالقمر.."
هذا كان واحد من اخوياهاا...
قالت وهي تبتسم بخبث
: هلااا حياااتي....هاا....مستعد للي قلت لك؟؟"
رد عليهاا بلهفة
: طبعاا عمري....ولوو...دام الشغلة فيهاا رضا قلبي...فأنا مستعد..."
تنهدت هيفاء وهي تضحك
: كذااااب...ههههه...والله عشاان الفلوس اللي وصلت لك...مااعليناا حلال عليك...شوفني بطلع وبحاول اخذ لك الرقم...."
خويهاا بلهفة للشر
: يله عجلي...نبي نضرب ضربتناا بدري..واعرفي ان العيار اللي مايصيب يدوش!!..."
هيفاء بشراسه
: لااااء....ابيه يصيب ويذبح!!...مفهوم؟؟.."
رد بصوت متردد
: ان شااا...ء الله..."
هيفاء وهي تهز راسهاا
: ...يله باااي.."
قالتهاا وهي تلف الشيلة على راسهاا...شافت وحده من بنات عمهاا تطالعهاا..وقربت منهاا بنت عمهاا..
: هيفاااء...وين بترووووحين؟؟"
ردت هيفاء ببساطة
: ولاا شيء حبيبتي...بس نسيت غرض بالسيارة...وابي اجيبه..."
وكملت وهي تكذب ببراعه وتتمسكن
: حبوبي...متعوودة احطهاا بالسيارة...عشان اذا احتجتهاا..."
وضحكت داخلهاا شلون قالت هالكذبة الغبييييييييه...
هزت بنت عمهاا راسهاا بأسى واضح على وجهها الطيب
:يا حياتي..حبوب الصدااع؟؟.....اوكيه..لا تأخرين...عشان الزفة... مع انك لو تخليني ارسل واحد من هالبزران"
ردت هيفاء وهي تهز راسهاا
: لا يا شيخه...السواق اهبل..ما يدري وين ربي حاطه...اروح اجيبهاا وارجع...انت بس قولي للبواب يدخلني..."
وطلعت بسرعه من الباب....واول ماطلعت..تلفتت يمين...وشماال..شافت عيال عمهاا والمعرس..واقفين في جهة بعيدة شوي...
عضت شفتهاا...يعني لازم تضرب مشواار...قفلت جوالهاا...وراحت تمشي...ليماا قربت منهم...ووقفت كأنها بتدق من جوالهاا...

ههههههههههههههههه
ضحك نواف على هبالة ولد عمته.....وكمل:
ياااخي فششلتنااا...اعقققل...اللي يشوفك يقول اول واحد يعرس!!"
" هيثم" بحرارة
: مبسوووووووووط. يا نواف...مبسووووط...يا شيخ عمرك ماراح تفهم اللي احس فيه...انتظر لين تتزوج وتشوف اذا مسكتك تريقة...وتعليقات...."
نواف وهو يتريق وعيونه تقز البنت اللي واقفة بعيد عنهم شوي
: مخلي الفهم لك يااا حسااااس...بعدين مين قالك اني بعرس؟؟..الله لا يقوله...."
سكت نواف شوي..والتفت لاخوه الصغير وبعد عن هيثم والباقيين وقاله
: تعرف البنت اللي واقفة هنااك؟؟؟..."
ابتسم اخوه الصغير وقال بأعلى صوت
: الحلوووة؟؟؟.."
طق نواف اخوه على كتفه
: اقصر صوتك...فضحتنااا..."
قال اخوه وهو يحك كتفه
: ايييييييي....ايه اعرفهاا...هذي هيفاء..بنت عمي عبدالعزيز..."
سرح نواف وهو يسمع اسم هيفاء......يااااااااه من متى ماشاف هيفاء....هيفاء مرت خالد...وش الطااري؟؟..وغريبة انهاا حاظرة....
طالع بتوترهاا وهي تلفتت وكأنهاا تدور على احد...وقرر يروح يشوف وش تبي؟؟..خصوصا انه يشوف انظار الرجال وهم يقزونهاا...
وصل عندهاا وتنحنح....
التفتت بسرعه وكأنهاا مفزوعه...
قال نواف باعتذار:
آسف اذا افجعتك...وش تدورين يا هيفاء؟؟؟.."
هيفاء استغربت انه عررفهاا...وتساءلت اذا لسه يذكر شكلهاا...اكيد ان غطاها خفيف...حست بدقات قلبهاا تتسارع...
قالت بنعومة
هلااا....نواف...كيفك؟؟.."
رد نواف بخجل غريب عليه...بس لأنه ما سألهاا وهي سألته
: بخير...وانتي؟؟.."
هزت راسهاا يعني واناا بعد وسكتت....
نواف رجع يتكلم
: وش تدورين؟؟"
هيفاء وهي تبتسم براحه وهو يشوف اسنانهاا الحلوة من تحت الغطا الشفاف
: الصرااحه جوالي طفاا...واناا...انااا...ادور عن السواق..."
نواف تلفت حوله
: ما اعرف سواقكم...بس وش سيارتكم؟؟؟.."
اسكتت هيفاء تفكر بجواب وقالت بكذب خبيث
: هه...لا تحرجني يا نوااف!!...ما افهم بانواع السيارات...بس لونهاا اسود.."
نواف قال جواته مالت عليكم يالبنات فالحين تبون آخر موديل وانتم ماتعرفون اسمه...طلع جواله واعطاها اياه...
ووقف قدامهاا...لاحظ انهاا ما تكلمت...فنسى انه حاط قفل...اخذ الجوال من يدهاا من جديد...فتلامست ايدينهم...جزعت هيفاء...وسحبت يدهاا بسرعه..وبعدت عن نواف بتلقائية...ما عمر اي رجال لمسهاا...الا خالد...خالد وبس...
بلعت ريقهاا وهي تشوف وجه نواف يتوتر...وعطاها الجوال وابعد عنهاا...سوت بحث سريع للارقام....وابتسمت براحه وهي تشوف الرقم...وحفظته بسرعه...ودقت على سواقهاا عشان يجي قريب...عشان ماتطلع كذابة...

طالعهاا نواف لمن اعطت الجوال لواحد من الصغار....من اليوم ماشال عينه عنهاا...جميله...وهو اللي يذكرهااا زين...اهو اللي انصدم بخبر خطوبتهاا لخالد...اهو اللي كان ينتظر لحظة تخرجه من الكلية الحربية...عشان يتقدم لعمه عبدالعزيز....لكن الصدمه هزته....اخوه ومو اي اخو اغلى اخوانه على قلبه...وهيفاء...الحبيبة المستحيله ....تزوجوا...وش كان يقدر يقول؟؟..كان اناني وحسدهم كثير...وكانت نيران بقلبه مجنونة تشتعل لمن يشوفهاا تبتسم لخالد...او اي حركه حميمة طبيعية تسويهااا له...آآآآآآآآه ياا الزمن...هذا هو خالد ماات...لكن حتى بموته كان لسه مآخذ هيفاء منه..!!
والدليل انه لماا فكر يخطبهاا قبل فترة كل الناس عارضوه وقالوا له ان هيفاء صارت اشلاء بعد وفاة رجلهاا...وانهاا ماراح تكون ابد معه جسم وروح....
شاف الولد وهو يمد يده للجوال...وحس انه بعالم ثاني...
اخذ الجوال...وقام يطالع فيه...ويحس فيه شيء تغير...وكانت ريحة هيفاء مالية جواله الملبس بالقطيفه.....
حس بيد ثقيلة على كتفه....فانتبه لهيثم...اللي كان يطالعه...وكأنه عارف وش يفكر...
هيثم ببساطة: هذي هيفاء بنت عمي عبدالعزيز...صح؟؟"
بلع نواف ريقه: وشووو؟؟...ايـــه...مشاء الله كيف عررفتها؟؟"
هيثم بكل برود: اعررفهااا زين..من زود الغطاا..اللي اهي حاطته؟؟.."
نواف استغرب برودة لهجة هيثم...وحس برغبة في الدفاع عن هيفاء...مسكينة كلن جااي ضدهاا..حتى خواته يكرهون سيرتهاا...
نواف بتوتر: مااعليناا منهاا....ما قالوا لك متى بتدخل على العروس...؟؟؟"
هيثم وجواله يدق ومو راضي يسكت: لاااء....ياربي هالرقم ذبحني...خلني برد عليه...وارجع لك...وانت دق على خواتك واسأل.."
هز نواف راسه...ودق على خواته...وهو يسولف ويمزح معاهم...سمع صوت صرخة من هيثم...والتفت بسرعه....لاحظ ان المعازيم كلهم يطالعون جهة هيثم...اللي كان شاد على الجوال بقوة...ووجهه سود...استغرب نواف من التغير اللي صار فجأة عليه...
وراح يمه بسرعه....بس هيثم ما اعطاه مجال...ركض قبل لا يوصله وركب سيارته ورااح....
وقف نواف مفجوع يراقب سيارة هيثم اللي راحت...وش يسوي ذااا؟؟؟

في الصحراء
والليل يغطي المكان
والأجواء مخيفه نوعا ما للناس اللي ماتعودت على الصحراء
لأن الظلام دامس...ويهيء للناس اشياء كثيرة
بس الجو كان رووعه....خصوصا انه نزل شوية مطر من سااعات...
فطلعت ريحة الأرض والاعشاب البرية القليلة

كانت جالسه هي وخواتهاا.....واصوات ضحكهم وسواليفهم مالية الجوو...وعبدالله نايم بحظنهاا....من زمان ماحسوا بهالراحه....ابوهم رايح يبيع بعض من غنمه..وهذا تعتبر احلى فترة عندهم...لأن مافيه احد يضايقهم ويزن فوق روسهم....واذا على " شعاع" فهم معطينهاا الخصران اللي بيقطع مصرانها
قالت مضاوي وهي تضم عبدالله اقوى لصدره وهو متضايق
: اذا تجوزت ان شاااء الله...بآخذ معي عبيد...."
هيلة وهي تشرب شاهي
:من صدقك؟؟؟.. ابوي بيعيي.."
فضة وهي تآكل فطير وتغمسه بلبن
: لاااا....موو معيي...اهو يبي الفكه مناا واحد ورى الثااني.."
مضاوي وهي تبتسم بوجيههم ووجهها منور
: ومن قال انه بيفتك مني؟؟...بجيبه هنيا وبنسكن يمكم..."
فضة تتريق
: ههههههههه...ايه مرررة بيطيعك ابو علي..."
مضاوي بغرور
: يا شيخه....ابو علي مو بس بيطيعني...الااا بحركه كأنه خويتم في اصباعي الصغير.."
واشرت لهم على اصباعها الصغير وهي جاده بكلامهاا
هيلة وهي مقهورة من غرور اختهاا
اسكتي اسكتي بسس....لا تسمعك شعاعوه الحين وتبلشناا..."
سكتت مضاوي وهي تطالع حولهاا...صح اذا سمعتهاا شعاع بتسود عيشتهااا صح...وموو بعيد تقول لبوهاا عن الحكي ذا...يااااويلي وش بيسوي ابوها اذا درى انهاا تكلم عن الزواج بالشكل ذااا؟؟؟*_*
ابتسمت فضة فجأة
: يااااااااااااااه...مين يصدق ان مضيوي تجوز قبلناا؟؟؟..."
وكملت
: اذكر يومنك صغير....كان حمدان يشيلك ويرفعك...كنك بنته...ويطير بك في السمااا...ويدور بك...كنت احسدك..."
هيلة وهي تغمض عيونهاا بقوة عشان ماتبكي
: ومن زين جوازة مضيوي..؟؟؟...كل اللي صار لناا بسبب حمدان...و...و"
ولا قدرت تنطق الأسم....وبلعت ريقهاا بتوتر
مضاوي وهي تصب شاهي لخواتها
: اذكرن الله..وانسن هالسيرة...واذا على الجواز...نصيبك يجيك لو انك في آخر هالأرض..."
هيلة والعبرة خانقتهاا
: من بيتجوزناا وعيال عمنا هجوا عنا واتركوناااا؟؟؟....تكلمي....كلن يظن ان العيبة فيناا...مضااوي انت صغير...ما تعرفين النيران اللي بصدورناا..."
فضة وهي تحاول انهاا تكون متماسكه لأنها الكبيرة
هيلوووه...خلاص عااد...من باعنا بعنااه لو كان غالي...."
هيلة بحرقة وغيرة من مضاوي
: ليش ابوووي يجوز مضاوي قبلنااا؟؟؟....اناا احق...واكبر.."
حست مضاوي بنيران تغلي بصدرهااا....
وقالت ببرود
: اذا بتحسديني على ابو علي....فعز الله انك ماتعرفين الحق..!!"
هيلة وهي تنفخ بوجه مضاوي بعصبية
: من يومني صغير...وكل شيء لمضااوي...حتى شعاع اول ماتجوزهاا ابوي...كانت تحبك..تذكرين يا فضة يومهاا تخبي العيشة لمضاوي..وتطردناا.."
فضة بصعوبة
: خلاص يا هيلة....هذااك اول....بس الحين....تبدلت الاحوااال..."
مضاوي حست بغيرة خواتهااا منهاا....وتجمعت الدموع بعيونهاا....بس ما بكت...اناا ماراح ابكي...وليش ابكي؟؟؟...والله اني قايله ان ابو علي خيرة....
وطالعت بعبدالله وكلمته جوات نفسهاا
: شفت شلون اناا وياك؟؟؟..كلن ضدناا...محد وياناا..."
اذا هيلة اللي مضاوي تبديهاا على نفسهاا طلعت تغاار منهاا وتحسدهاا على شيء تاافه ماله اي قيمه بذكرى مضااوي...
تحسدهاا على محبة العقرب شعاع....محد فااهم ان شعاع ماكانت تحبهاا...كانت تمثل قدام ابوهاا...لأن ابوهم كان يغلي مضااوي على الباقييات...ويحبهاا زود عنهم...
طلعت شعاع من بيت الشعر
وصرخت عليهم بأعلى صوت ودعت
: ناامن جعل التربان تنام عليكن...اصواتكن تصحي الورعاان..."
ردت مضاوي بحرة
: وانت معاناا...آآآمين..."
ردن البنات بصوت واحد ورى مضاوي
: آآآآآآآآآآآآآآآآمين..."
شعاع وهي تحط يدهاا على خصرهاا وتهز
: اييييييييييييه الحين طلعت حسوسكن...ويوم ابوكن فيه...ما تقدرن علي...ما كون شعاع اذا ماخليته يربيكن من جديد...."
مضاوي بغضب وكره دفين
: خليه يربيك اول..."
شعاع وهي تخبط صدرهاا
: الله يا مضيوي...وووين ذاك كله امس وقبله؟؟؟.."
مضاوي ببرود
: ترى موو بس انتي اللي تمسكينين...حتى اناا صرنا نتمسكن..."
سكت شعاع وهي طالع فيهم مقهووورة...وكانت تبي تكلم زود...بس سمعت صوت واحد من اطفالهاا يصيح...
قالت بأعلى صوتهاا وهي ترفع يدينهاا لسماا وكنها مظلومة
: حسبي الله عليكن....حسيبن كافي..."
تنهدت فضة وهي تشوف شعاع ترجع تدخل بيت الشعر...ووقفت
: اناا بنام....لا تاخرن بالسهر...."
هيلة بعد وقفت
: واناا بروح معك...."
مضاوي ما ردت على خوااتهاا..وجلست مكانهاا تراقب خطواتهم بصمت وهم يروحون لبيت الشعر..
ضمت عبدالله بقوة وهي تزيد النيران اللي قداامهاا...وتغطيه بالبطانية حقتهاا لأن ماعنده وحده....
سمعت صوت ذيب يخترق الأجواء من حولهاا...بس كانت متعودة على مثل هالأصوات...وما تأثر فيهاا لأن اولا... قلبهاا قوي بالأيمان...وثانيا....عيشة الصحارى زادتها قوة...مشطت شعر عبدالله باصابعهاا...كانت تطالع الجروح اللي على وجهه من اثار العقال حق ابوهاا....ضربه قبل كم يوم وبدون سبب واضح..كان عبدالله يلعب مع الصغاار...وطيح واحد بدون مايدري...وشافه ابوهاا...فمسكه وضربه ضربه...وجلده بكل قسوووة...وخلاه بالشمس حاافي....ومضاوي تتوسل ابوهاا وترجااه يخليهاا تدخله...بس ابوهاا عيى ولا لان قلبه وهو يسمع صياح ام عبدالله....وهي تدعي ان ولدهاا يموت ولا يغربلونه بهالطريقة...
مضاوي بحسرة
: شلووون يدعون عليك بالموت وانت ولدي؟؟؟..ما يعرفون غلاة الضناا؟؟.."
وضمته بقوة وهي تحاول انها ماتصيح اذا تزوجت ابو علي راح تآخذ عبدالله...ماراح تتركه ابد...وهي متأكده ان ابو علي ماراح يعيي عليهاا...

ايطاليا

قريةCourmayeur
في الصباح الحلو.....مع زخات المطر الخفيفة النقية...
ومع رائحة القهوة الأمريكية المحببه عندها...

كانت" مارية" تشتغل بحماس....في بوتيك مدام" لولا" وهي ترتب قطع الفستان الأحمر الساحر اللي يصلح لمرافقات العروس...على المليكان( عرايس العرض)...
وطبعا كانت تشتغل في واجهة المحل...وحاسه بحماس حلو...خصوصا وهي تشوف اعجاب المارة بالقطع اللي ركبتهاا...كانت تشوف تعابير وجههم...وحست ان هذي بداية الالف ميل للوصول لحلمهاا....
بداية حلمهاا...وهي عارفة ان حلمهاا كبير...واكبر من انهاا تتخيله...لكن وش العيب في الاحلام...غير انهاا احلام؟؟....
خلونا نترك "مارية" تشتغل شوي على قطعها...وتعالوا ندردش عنهاا...." مارية" بنت سعودية من ام اسبانية لها اصل مغربي....
التقى ابوهاا المتوسط الحال بأمهاا في " ماربية" في اسبانيا...وانهبل بجمالهاا اللي يمزج بين الغرب والشرق في أحلى صوره....
اعجبته كثير....وكان يبي يكون معهاا علاقة ويروح...لكنهاا كانت قوية...ورفضت كل محاولات استمالته...
كان ابوهاا اساسا مرافق لأحد الشخصيات الهامه...ومثل مانعرف المرافقين وضعهم المادي جدا عادي....صحيح انهم يعيشون برفاهية في السفرات...لكن وضعهم المادي في البنوك جدا عادي....
قرر انه يستشير الرجال اللي يشتغل عنده وهو الخبير بعلاقات الحريم...فقاله هالخبير بكل بساطة...تزوجهاا...ايه نعم...تزوجهاا...عيش معهاا فترة وبعدهاا طلقهاا...وكل واحد فيكم يرجع لديرته....!!!

اخيرا وقع اتفاق مع راعي معرض الفنانين الشباب في ميلانو...بعد ماوراه اللوحة اللي رسمهاا مؤخرا...وهي اللوحة اللي تتوسطهاا مارية بكل حلاوة...
اعجب الفنان الكبير بالسن باللوحة ومدح سعود كثير...وطلب منه يرسم اكبر عدد من اللوحات اللي فيهاا مثل هالأحساس الحلوو اللي ينبض في الوان اللوحة الذهبية....
وافق سعود على الموضوع ببساطة وبدون نقاش....حاليا ماعنده اي موضوع يشغله غير هالبنت...وصراحه له فترة ماشاف وحده تلفت نظره بنفس الطريقة....
كان يمشي وهو يطالع حوله بملل...مشتاق للسعودية كثير...له فترة ماراح لهاا...يبي يجلس مع امه وخواته....يبي يسولف مع ابوه عن شركات العيلة....
يبي يحس ببرد الرياض الجاف والقارس.....يبي يمشي بزحمة شوارعهاا...ويقابل اصحابه ويحظن عيال عمه الصغار ويلعب معهم....
الصراحه طفش من هالغربة....كم له وهو في ايطاليا؟؟؟..سنين وسنين....وحقق حلمه؟؟؟..لااااء...شكل حلمه عمره ماراح يتحقق...
" مشكله الفنان ماتنعرف قيمته الا اذا مات"
قالهاا بسخرية وهو يحك شعره الناعم..
وكمل وهو مقهور
: يله وقتهاا بيكون في زوجة وعيال يستفيدون من موتي"
مر بمحل يبيع القهوة بأشكالها وانواعها المختلفه....والروائح الشهية منتشرة بالجهة هذي من الشااارع...
دخل المحل اللي كان مزحوم...وقعد ينتظر دوره ويتسلى بقراية المنيو اللي على الجدران..
شاف اطفال صغار قدامه....يتهواشون على الدور....ضحك على شقاوتهم وحلاوة روحهم وبراءتهم الواضحه من تصرفاتهم العفوية...
ابتسم الطفل الأشقر لمن ابوه شاله...وبانت له غمازات حلوين وواضحين بخدوده....غمض سعود عيونه ثواني وهو يبتسم للطفل....سبحان الله يشبهااا كثير...كأني اشوفه فيهاا...اللي ضحك انه لمن علم صديقه عن هالبنت...صديقه صفق وهو مبسووط...يقوله والله وعرفت تختار وتحب يا سعوود...
صدق ان خويه مخرف...شلون يحب؟؟؟...يحب وحده مالمحهاا غير كذا مرة...هذاا موب حب..الحب عشرة ومواقف....عمر الحب مايتكون بهالطريقة.....الحب بعد الزواج...في معظم الأحيان...وهذا اللي شافه بأصحابه...معظمهم كانوا كارهين الزواج وطاريه... وهالحين مرابطين ببيوتهم اربع وعشرين ساعه....

طاحت منهاا الدبابيس الصغيرة اللي كانت تشتغل فيهاا على الفستان...كانت مو مصدقة نفسهاا...لزقت وجهها بالشباك...هذا هوو...نفسه ايه...الرجال ابو شعر اسود..الحلووو...آآآآآآآآآآآآآه...تنهدت مارية وهي تغمض عيونهاا وتفتحهاا من جديد...
طقت على القزاز بعجز وهي تكور يدينهاا...وتطالعه ينتظر دوره في المقهى القريب مررة...واللي قدام المحل ومايفصل بينهم غير مسافة قصيرة تسمح بمرور سيارة وبس....تحس بخدر بجمسهاا مو قادرة تتحرك وتروح للباب وتطلع منه وتركض له...وتقوله" اخيرا شفتك"
سمعت صوت العامله من وراهاا وهي مستغربة وقوف مارية كذا....التفتت لهاا مارية...وسألتهاا بحالمية: كيف شكلي؟؟.."
ولمن تذكرت كالعاده انهاا بايطاليا مو بمكان ثاني...طالعت بقزاز لواجهة اللي واقفة وراهاا...ورتبت شعرهاا الناعم القليل المبعثر...
مشطته باصابعهاا...وطلعت منديل ومسحت وجهها المعرق...وابتسمت براحه وهي تقفل الأزارير العلوية للقميص الحريري الأبيض اللي لابسته...عشان يترتب شكلهاا...وشدت تنورتهاا القصيرة الفوشيا...
وحاولت تتحرك عشان تنزل...بس حست بشعور غريب ثاني...وماقدرت تحرك رجوولهاا اللي كأنهاا انصبت في قالب اسمنت...
طالعت فيه وهو أخيرا...يآخذ كوب القهوة بأناقة...ويسلم العاملة الفلوس وهو يبتسم ....كان مذهل...بقميصه السماوي...وبنطلونه الرماادي الحلو...والجاكيت اللي شكله مفصل خصيصا لجسمه باللون الأسود الفخم....
تعلقت عيونهاا فيه تحاول تشبع عيونهاا من هالجمال...من هالسحر...من هالكاريزما..من هالجاذبية اللي نادرا ماتشوفهاا...
وغمضت عيونهاا بقوة وهي تشوفه يقرب من المحل اللي اهي فيه...اكيد تحلم...اكيد تحلم...اكيييييييييييييييد حلم!!

كان نازل من المبنى الأنيق اللي يحاول ينقذ سمعته...اليوم متعب....والموظفين مو قادرين يتأقلمون مع سرعته....صدق تعودوا على الكسل....
" لو اجيب عماله صينية اوفر"
قالهاا بتريقة وهو يشوف سيارته الفخمة واقفه على بعد مسافة قليلة منه...حس بوجود شخص وراه...
فالتفتت ببطء...وشااف!!!

17 - 10 - 2024, 02:36 AM

الفصل الخامس
( وبدأت الحكاية!!)

شفناا في الفصول اللي فاتت شلون تصادف سعود مع مارية...وشفناا بعد كيف حاولت هيفاا تنتقم من بنت عمهاا وعرفناا قصتهاا كامله...وتوضح لناا بعد ان نورس...كانت تلاقي الدعم من اهلهاا مو من معجبين حقيقين...وان رئيس التحرير الجديد...قرر انه يشيل الزاوية اللي تكتب فيهاا....
على مستوى آخر من القصه....عرفناا مضاوي وشفناا كيف حياتهاا ويا اهلهاا في البر....وشفناا بعد ان ابو علي اللي يصير اخو مرت ابوهاا كان يبيهاا...يبي يتزوجهاا...وان ابوهااا طلب منه مهر خيالي...

بنبدا الفصول الفعليه لحكايتناا.... بعد ما اخذنا نبذة عن شكل الأحداث وطبيعة الحياه والأبطاال...
ومن هالبداية راح نعرف وش صار بالضبط في الأحداث اللي ما اكملتهاا بالفصل السابق...

بعد شهرين...

"سعود"

طالعت بالبنت اللي جالسه جنبي...كانت الحسرة تآكلني...احس بنيران تصاعد بصدري واناا اشوفهاا على بعد مسافه قليلة مني...
شلون تهورت وتزوجتهااا؟؟....شلون نسيت اهلي وسمعتهم ووزنهم بالبلد؟؟...وش راح الناس يقولون عنهم؟؟..صح اني ابيهم يندمون على اللي سووه...لكن مو لهالدرجه...ابيهم يحسوون فيني...يحسوون بمشاعري...لكن مو بهالطريقة..دووم انا كذا شخص متسرع ما احسب اي حساب لأي شخص في الدنيااا....
مسكت علبة الموية الشفافة وشربت منهاا شوي ليتهاا تطفي شوي من الأحاسيس للي تعصف فيني...الأحاسيس اللي محتاجه لمستهاا...
لمستهاا هي مو احد غيرهاا...لمست الحبيبة....لمست الغالية...لمست عيوني ونور قلبي " مارية"
بلعت ريقي واناا اشوف هالمخلوقة اللي مفترض تكون زوجتي متربعه بكل وقاحه على مقعد السيارة...كان جسمهاا متثني وهي حاطه يدهاا على ذقنهاا وتأمل الطريق...وعععع...هذا اللي حسيت فيه بهالحظة...خصوصا لمن شفت يدينهاا السمرر اللي فيهاا حنا...
ركزت على الطريق عشان ما ارتكب فيهاا جريمه هي واخوهاا اللي منسدح وراي...اخوهاا المعاق جسديا وذهنيا...الصرااحه كان قلبي يعورني عليه...لكن ماتوقعت انه بيعطوني اثنين بسعر واحد...
اناا طلبت بنتهم بس..ما طلبت هالولد...لكن يله....هي كلهاا فترة ونااوي اطلقهاا...بس بعد ما يندمون اهلي ويعرفون ان الله حق!!!!
دورت CDلمحمد عبده...هو الوحيد اللي بيهدي اعصابي...هو الوحيد اللي يقدر يسيطر على هالمشاعر المؤلمه...صوته مثل السحر...يمتلكني كلي...لقيته اخيرا..ابو نورة...احبه حيل.. ياااه مالقيت غير هالأغنية...هالأغنية اللي تمثلني كلي من فوقي لتحتي..وتذكر قصتي وياهااا بكل اختصار...
دخلت السي دي...وحاولت اني اتمااسك..خصوصا ان معي مره بالسيارة لوو مامعي احد كان صحت وصحت بدون ما اندم...بس لااا ما باقي غير اني اصيح وهالبدوية معي...عشان تخليني قصة بين العرب...
وش يهمني فيهاا؟؟..خلهاا تقول قصتي للناس...اساسا مين اللي بيسمعهاا..ماحد سامعهاا غير ابوهاا وحريمه...بسس...لالالا..لازم ما اتهور اخاف تعلم خواتي...اناا ناوي اني ما اخليهااا تختلط مع اي احد...
بس لنفرض انهاا اختلطت...ما ابيهاا تمسك علي اي كلمة او تصرف سخيف راح يصدر مني...

ليت ربي ماكتب لحظة وداع...لا فراق ولا دموع ولا ضياع...
وليت كل الناس خلن مع خليل...وكل ماقيل النهاية بين الاحباب الرحيل
قلت احبه حييييييييييييييييل...

اييييييييه والله ليت كل الناس خلن مع خليل...وينك عني هالحين؟؟؟...
وكيف حياتك مع زوجك؟؟..معقولة مبسوطة وياه...تحسين بنفس الأحاسيس اللي كانت بيناا...يعجبك مثل ماكنت اعجبك...ولااا..لسه تحبيني والود والمشاعر كلهاا محفوظة بقلبك لي...ولا وهبتيهاا له؟؟؟...

كل ما ادفن خيالك يا عنيد...تمطر الدمعه وينبت من جديد
شفت وش سوه بي حبك يا بخيييييييييييل...

آآآآآآآآآآآآآآآآآه...ضربت الطاره حقت السيارة بانفعال....هالمقطع بالذات كانت تعشقه" مارية" كان يعجبهاا الوصف الغريب فيه...غمضت عيوني بقوة...احاول اتمااسك...وما اتهور وافضح نفسي عند هالمره...هالغريبة...هالمخلوقة...
طالعت فيهاا من جديد وانااا حاس بحقد عليهاا...ليش وافقت علي؟؟...ليش ماردتني؟؟؟...
سعود وش فيك متنااقض؟؟؟...انت اللي كنت تبيهاا توافق عليك...
انت اللي رحت تدور لبوهاا على مزايين البل عشان تآخذ البنت...انت اللي حفيت عندهم عشان يوافقون عليك ويعطونك بنتهم...سعود وش فيك تنسى التفاااصيل وتذكر النهايات بس؟؟؟...
اصحى يا سعود...انت هالحين زوج هالمره رضيت ولا انرضيت...

لو نويت اعاتبك القى الكلام....يعتذرلي منك ويلوم الملام...
والقى حتى كلمه احبك قلييييييييييييييييل

زدت سرعه السيارة واناا احس بقلبي بيطير من مكانه ويروح لهااا...
تعديت قطيع من الغنم ..سمعت حركه جنبي...
فالتفت بحده وشفت المخلوق اللي مفروض يكون زوجتي...تلفت وتطااالع فيه...شكلهااا متحسره على مفاارق هالحيوانات....
رجعت ركزت من جديد بالطريق...واناا احس بشعور من الأشمئزاز يزيد بداخلي...شكلهاا مقرف هالانسانه...بثوبهاا الأحمر...وسروالهاا الطويل المطرز...وبرقعهاا اللي كله قروش...وجلستهاا واكيد ان صوتهاا بعد مقرف مثلهاا...صح...
هي اللي بتخلي روس اهلي بالتراب...خصوصا لمن تحظر اجتماعات العايلة الأرستقراطية...هه...مووو قادر اتخيل شكل عماتي وبناتهم وخالاتي وهم يطالعون فيهاا من فوق لتحت....صح بيتشمتون بقوووة بأهلي...
عشان يعرفون ان " مارية" كانت راح تكون الزوجة المثالية لي...الزوجة اللي بتشرفهم عند الناس...كانت باختصار...راح ترفع روسهم فوق...لكنهم اغبيااااء...آآآآآآآآآآآآه...
رجعت امسك الطارة بقوة احاول افرغ فيهاا هالمشاعر المكبوتة داخلي....

" مضـــاوي"

كنت احاول اغير من قعدتي كل شويه....ما كنت مرتااحه ابد...واناا اشوف هالرجال اللي جنبي...ينوح كل شووي ويتأوه..مابقى الا يحط اللطمة ويصيح...مثل الحريم..
الصدق مانيب متعووده على مثل هالاشكااال...
صدق ان رجال المدن مثل الحريم...ما بينهم اي فرق الا هالشوارب واللحية...
طالعت بيدياتي...كنت حاطه حنة حمرا...الله يهدي ميمتي...
قلتلهاا ماله لزمه...
اهل المدن ذولي مايعرفون زينتناا...بس عيت...
ارتحت واناا اشوف وجهها منور...
وواضح على وجهها الرااحه اللي كانت مفارقتهاا سنين طوال...
مدري على وش مرتااحه؟؟...مرتااحه اني صرت مرت واحد من هالرجاجيل اللي مايعرفون حتى كيف يتكلمون كلمتين على بعض.....
مثل رياجليناا....
تمقلت فيه بدون ما ينتبه...انااا ماصدقت افتكيت من ابو علي وعياله رجعت بـ،،،يوووك...ياااويلي ويلاااه اثاااريني نسيت اسأل ابوي عن اسمه..!!!
وش اقوله هالحين؟؟...اقوله يالاجودي تراااني ما اعرف لك اسم!!....
طيب ذا رجلي يعني اقلهاا الله يهديك يا يبه كان قلت لي اسمه...
صديت عنه بسرعه يوم لاحظت انه التفت لي....
قلبي يرقع بقوة بصدري...احسه بيطير من بين ضلووعي..
بلعت ريقي...حلقي جاااف..ما شربت شي من الصباااح...ولا نزلت اللقمة ببطني...انااا اللي عييت ان آكل واذوق العيشة...
كااان خوفي على عبيد مهبل بي...
بس زين ان هالرجال طلع فيه خيرة...
ورضاا اني آخذ وخيي....بعد قليبي عبدالله...
تلفت اشوفه...وارتحت واناا اشوفه يمسح عيووونه بيدياته ويمد بوزه...
كان الجوو بريد...وتمنيت لو معيي بطانيه اغطيه فيهااا...
رجعت اتربع على هالمقعده العجيبة...الصرااحه انهاا مريحه...شين غريب...موب مثل مقعدات الددسن حق ابوي...
كبيرة وريحتهااا زينه....تقل فيهن طيب...تلمستهااا بلقااافة....واعجبني هالقمااش اللي فوقهن...
رجعت اطالع حولي...واشوف لكم ذاك الشيء الغريب...شين معلق...مدري وشووو؟؟...معلق فوق مراية صغيرة شكلهاا غريب...لونه احمر...ومدري وش اوصفه لكم....اعجبني حيل...ومديت يدي ببطء...ابي اتلمسه...
بس اول ما مديت يدي...زعقت واناا مفجوعة يوم حسيت بيده....يمممه..
يده كانت كبيرة وبيضا ماهيب مثل يديات ابوي...
وبعدين كانت بااااردة...عكس يدياااتي...
قال لي وهو يطالع فيني من فوق لتحت..كني مانيب عااجبته...
: لا تلمسين شيء.."
سحبت يدي منه بقوة...وحطيتهن بحجري...
وبلعت ريقي...
هاااووو وش بلاه يتكلم معي كذاا؟؟؟..كني سارقتن له حلال؟؟؟...
حسيت برجفه واناا احاول اني ما افضح عمري...لاحظت انه عود يطالع الدرب..
كان بالحيل مزيووون...اشهد اني عمري ما شفت له مثيل...
كنه امير...كنه صقر...او حصان عربي اصيل....
سبحان الله...هذاا اللي قدرت اقوله واناا ارجع اطالع بلقاافة بالمكان اللي قداامي...
كاان فيه...صووت عجيب...صووت تسمعه ما تمله...
مدري وين اللي يطلعونه؟؟؟...مااا فيه احد غيرنااا....تلفت حولي...يمكن يكونون ورى؟؟...بس ماشفت شي...عودت اسمع الصوت واحااول اني افهم الكلمات الزينه اللي يقولونهاا...
يااااااااااااااااوه
ابك ذي وش تقووول؟؟...ماني فااهمه حرف من اللي تقوله...وراه تمجغ( تدلع) تقل ماالهاا والي؟؟؟..الله لا يفضحناا....ذي مالهاا ابو يلمهاا ويربيهاا...
يومهاا تكلم مع رجليي؟؟...هذلي حريم المدن...الله لا يبلاناا مافيهن حياا...
يوووووك... اسمعوا....اسمعوووا وش تقول؟؟؟....تكلم عن العشق بدون حياا... الصحيح اني متجووزه واحد ماهوب صاحي...
ولا وش هوله ما يوقفهاا عند حدهاا؟؟؟!!مير يمكن عاجبه اللي يصير؟؟؟
حطت يدي على ذقني واناا اطالع فيه...اناا لربيك يا ولد الحظر...واربي عشر مثلك...بس اصبر عليي...
عودت اتلمس الركن اللي قبااالي...كان فيه زي الفتيحه الصغيرة...
يطلع منهاا هوااء وش زينه بااردن حيييل....
ايـــه شلووون يصير؟؟..ما اخبر ان بددسنااا مثله.....
ايـــه ابوووي قال لي ان لرجلك حلال وش كثره....
يمكن ذي من درااهم حلاله...!!

" سعود"

مدري وش صار لي يوم رفعت صوتي عليهاا...ما كان مفروض اعاملهاا بهالطريقة...بس اهي الله يهديهااا قامت تلقف...
ولمست شيء غاالي على قلبي....هذا القلب هدية شوق القلب " مارية" هي اللي اهديتني اياااه حتى انهاا هي اللي خاطته بنفسهاا وحااطه جواته صووورتهاا...
انتبهت للمخلوق اللي مفروض يكون زوجتي...هذا هي تلمس المكيف وكأنهاا شايفه لهاا عفريت...
ولااا المصيبة تدخل اصابعهاا جواته...وترجع تفحصه....
حاولت اني ما اضحك ولا اعصب بنفس الوقت..
ومسكت ايدهاا للمرة الثانية وابعدتهاا...وكأني اعامل لي طفل صغير...
لاحظت انهاا سحبت يدهااا بسرعه...
اول مافهمت وش قصدهاا بهالاسلوب...بس يوم لاحظت كيف انكمشت...
ولصقت في الباب....
حسيت باشمئزاز...لا يكون تحسبنني...
ووووووووووععع هذا اللي ناقص بعد!!
رجعت اركز بالطريقة واناا ادور لي على سيجاره...اناا ما ادخن...ابــدا لكن مراات اضطر اني ادخن...خصوصا اذا مثل هالاشكال تركب سيارتي...لقيت سيجارة مدعوسة داخل ثوبي...فطلعتها ورميتهاا بفمي...ووولعتهاا..
وصلت للطريق السريع....وحسيت براحه...
يله كلهاا ساعه ونوصل للرياااض...وبشوف اهلي وش بيسوون؟؟..
قلت للمخلوق اللي جنبي
: امم...اسمك؟؟.."
لاحظت انهاا طالعتني من فوق لتحت...ولا اهتميت...
مع اني احتريت شوي مابقى الا هالاشكال تناظرني كذا!!!
ردت بعد لحظات وكأنها ما كانت فاهمه السؤال
: مضــــاوي..."
صح ان نبرة صوتهاا بدوية بحته...وصوتهاا مرتفع حيل....
لكنه كان رفيع بطريقة غريبة....يعني لو توطي صوتهااا بيطلع جدا ممتع...للاستمااع...
سألتني شيء وما انتبهت وش اسألت؟؟..فرجعت قلت لهاا
: وش سؤالك؟؟..عيديهPlz.."
لاحظت انهاا رمشت بعيونهاا بسرعه...وكأنهاا مافهمت وش اقول...
بغيت اضرب جبيني بقوة...بس تماسكت...وش فيك تنسى يا سعود...اترك الأتيكيت على جنب...وكلمهاا باختصار...
قالت وهي تهز راسهاا وكأنهاا تكلم واحد خبل
: ترااني مافهم وش تقوول؟؟..تكلم معي زييين...انت وشهو اسمك؟؟؟"
حكيت رقبتي بقوة وابتسمت
: سعود طال عمرك..."
حسيت ان رقبتهاا ارتفعت..وكأن كلمة طال عمرك كان لهاا مفعول سحري عليهاا...هذي هي المرأة دايم المدح يغيرهاا مهما كانت.... بدوية!!
غيرت جو الكآبة اللي مسيطر على الجيب...وخليت المخلوقه العجيبة تتفحص السيارة مثل ماتبي...حطيت اغاني اجنبية...
وزدت سرعه السيارة...ابي اشوف الأنكسار بوجه امي وهيفاء اللي دمروني بكل بساطة وقالوا ليش؟؟..لمصلحتك يا سعود..
بكره بتعرف اننا سوينا الشيء الصح...اناا بعد بقولهم اني تزوجت لمصلحتي وبكره راح تفهمون ليش سويت اناا فيكم كذاا؟؟؟...
شفت اللوحة الزرقاء اللي على الطريق...
ومكتوب فوقهاا باختصار..الرياض 40 كيلو...
ربطت حزام الأمان واناا اشوف نقطة التفتيش من بعيد...ورجعت اطالع بالشيء اللي مفترض يكون زوجتي..وحسيت بكره فضيع لهاا...جلستهاا بشعه...وهي جالسه بكبرهاا فوق مقعد السيارة...
" مَضاوي...ياليت لو تنزلين رجولك..."
طالعت فيني وبعيونهاا بريق غريب...وبكل بساطة سفهتني!!

" مضاوي"

اسمي عجيب بلسانه...كنه اسم عجم...موب اسمي اناا...شكله ما يعرف ينطقه...اصحح له...ولااا عيييب..؟؟...لااا موب عيب...هذا اسمي...اسمي مُضاوي...موب مَضاوي...
قلت واناا اسنع من قعدتي
: اسمي مُضاوي..."
طالعني ببرود وابتسم وعود يطالع بالطريق...حسيت بخنقة وشيء يكتم على صدري...ودي اتكلم مرة ثانية...بسس سكت مضطرة...شفت رجال واقفين على جنب...ويوقفون السيارات اللي قدامناا...ومدري وش يآخذون منهم؟؟؟...
قال لي سعود بعصبية وبصوت مرتفع
: عدلي جلستك...عدليهااا بلاش فضااايح.."
عدلت قعدتي رغم اني ما عرفت وش الفضااايح اللي يقصد...؟؟!!...وش فيهاا قعدتي؟؟..كنت باسأله...بس شفت انه وقف يم الرجال اللي كان لابس له ملابس ذكرتني بحقين الأمن اللي كانوا يمروناا عليناا كل فترة ويتقهوون عند ابوي ويتعشون عندناا...
قال الرجال كلمتين لسعود ما سمعتهم....شفت سعود يمد يده...لعندي...جزعت وكنت راح اصرخ...وش يبي ذاا؟؟؟..اناا اشهد انه موب صااحي!!..
بس مسكت نفسي..وقلت يا بنت يا مضااوي موب كذاا تصرف المره العاقلة...والحمدالله ماسوى لي شيء...بس خذاله اوراق من مكان غريب عندي بالركن...ما كنت منتبه له...
شفته يعطي الرجال هالأوراق...ورجعت اناا انبش بالدرج...ابي اشوف وش فيه؟؟؟...شفت فيه علبة قزاز غريبة...وشفت اوراقن كثيرة...ثمن...شفت..
شفت فيه فرد( مسدس)!!!حطيت ايدي على صدري...اناا ماخاف من الفرد...بس ياااخوفي هالخبل...يكووون قاتل له احد...
لااا طالعت فيه مو مصدقة...لالالالا...ذاا موب وجه انه يقتل احد
...شكله حبيب وش زينه..وضعيف وولد حلال!!
شفته الرجال الثاني..وهو يرجع الاوراق لـ سعود رجلي...رجعهم سعود...ويوم قرب مني...شميت ريحه غريبة منه...كانت ريحة اول مرة اشمهاا...
غمضت عيوني غصبن علي...وش هالطيب؟؟؟...شكله عود...
من الغاالي حق الملوك والامراء...ماهوب اللي ابوي يشريه لشعاع!!
كملناا الدرب....ولاحظت ان هالسيارة ...
تمشي بسرررعه موب مثل ددسناا الله يرحم ايامه....شفت السيارات بدت تكثر حولناا....والصدق اشكالن زينه...كبار وصغااار...وشفت بعد واحد مثل ددسنا بالزبط...مابينهمم فررق كنهم اخواان!!
وصلناا لمكاان غرريب....وبديت اشوف اشياء عجيبه....طالعت بسعود بلقااافة ابيه يقولي وش هالشيء اللي قاعدتن اشوفه؟؟؟...بس والله الرجال موب يمي...مدري وش حاط بفمه...الرريحه مالييه الجوو...
شفته يطلع شيء من مخباته...شيء غريب...هالكبر...كبر يد عبيد...ويحطه جنب سموعه( اذانيه) ثمن بدا الرجال يسولف...علي..!!
لالالالا ذا مايسولف معي...يااااويلي شكل الرجال عقله موب برااسه...
وش هولة يتكلم مع نفسه؟؟؟...طيب هذااني مقعية(جالسه) عنده تقل جني...ليش ما يسولف معي بدال ماهوو يسولف لحااله...
قسم بالله ان اهل المدن يشيبون بالواحد وهو بعز شبابه!!
سفهت هالمجنون...وقمت اطالع بها الخلق اللي اشوفهم حولي...كل شيء كان غريب في عيني...الناس تختلف عناا...والمبااني حقتهم على كثر ما حكالي ابوي واناا صغيرة...بس ابد موب مثل اللي شفت....بيوتهم شوي وتوصل السما!!....يا زين الوسع...ان شاالله بيت هالخبل اللي جنبي يكون كبر هالبيوت الزينه...اناا الصدق احب الوسع...!!

"سعود"

كنت اسوق على مهلي...واحاول اني ابطأ من السرعه اكثر من البطء اللي قاعده تمشي فيه السيارة...
كنت على كثر ماني متشوق لشوفة اهلي ورد فعلهم...على كثر ماني خاايف من اللي سويته....ما اذكر ان الخوف دخل قلبي من قبل...بس هاالحين احس انه بدا يسكنه ويدور لها اماكن داخله...
طالعت بمضاوي واللي كانت ملصقه وجهها بالشباك...وقاعده تطالع واناا متأكد انهاا فاتحة فمهاا من اللي تشوفه...
كنت اشوف نظرات الناس المستغربة وهم يطالعون للجيب الأنيق اللي راكبته هالحرمه المغبره!!ويرجعون يطالعون فيني...وبعضهم يأشرون...خصوصا الأطفال اللي كانوا مستغربين شكلهاا واللي اناا متأكد انه مخرعهم...خصوصا مع هالبرقع اللي كله قروش من العصر الحجري!!
تنفست بعمق...واناا آخذ آخر لفة توصلني للقصر...واحاول اتخيل كل ردات الفعل اللي ممكن تصير من اهلي....ممكن يطردوني من البيت...ممكن امي تجيهاا جلطة...او سكته قلبيه لا قدر الله....ممكن في احسن الأحوال...يطردون المره ويخلوني عندهم...ويمكن...ويمكن...ويمكن...!!
ماابي افكر كثير عشان راسي ما يصدع...لأنه خلقه مصدع...سمعت حركه بالمقعد اللي ورى...فطالعت بالمرايه...شفت عبدالله المعااق...يحك عيونه وشعره المغبر...حسيت بقرف واناا اطالع بوجهه...وهزيت راسي بقوة عشان اشيل صورته عن عيوني...
انت وش سويت بعمرك يا سعود؟؟؟....دخلت مع بوابات القصر الكبيرة....بعد ماشافني السكيروتي اللي بره...وفتح لي البوابة اللي بالنص...
سمعت شهقة مضاوي المرتفعه وهي تطالعني وترجع تطالع في المكان من حولهاا...وتصفق خدودهاا من الانبهاار...
دخلت بين المجسمات الكبيرة للطيور الجارحة والأسود...ووقفت الجيب بخفة واناا اتنهد واقفل المفتاح واحظر نفسي لأكبر المصايب اللي جبتهاا على راسي...قبل راس اهلي...!!

"هيفاء"

كنت جالسه بغرفتي...ازين مكيااجي...وامشط شعري اللي كنت ملفلفته على فوق بطريقة حلوة...
عندي حفل بعد شوي...ولازم اكون على آخر اناقة...خصوصا ان هذا مو اي حفل...هذا حفل رجعة رند من شهر العسل...اهي راجعه من اسبوعين...بس اهم كانوا يحظرون لحفل كبيير عشان يشمل كل النااس اللي ماحظروا بالعرس...
طبعاا لا تعتقدون اني استسلمت...صح ان خططي...فشلت...فشل ذريع عمره ماصار ولا استوى بحياتي...
صحيح اني كنت ابيه يطلقهاا...لكن للاسف طلع هيثم شهم وبزيااادة...استغرب تصرفه الغير منطقي...رغم اني حبكت الحكااية...وقدرت احيك خيوط مضبوطة على قصة حبهاا المزيفة...شلون ماصدق خويي رغم انه وصف له رند من فوقهاا لتحتهاا وقال له كلام جدا قذر...
ما اقدر اوصف لكم فرحتي...لجزء بسيط نجح من الخطة...وهو الشوشرة اللي صارت بالعرس لمن اختفى هيثم...ورااح!!
الكل صار يتكلم وينغز بالحكي عمتي وبنااتهاا وبنات عمي بعد كانت وجيههم سوود...خصوصااا ان رند والله اعلم درت وقلبت لهم الدنياا منااحه...
عندي احساس انهم يدرون اني اناا اللي ورى هالمعمه كلهاا...بس اناا مو مهتمة...لأني اعرف انهم مايقدرون يأذوني ابد...خصوصا ان ماعندي شيء اخسره بعد خالد...اهم خسروني خالد...لكن اناا راح اخسر كل وحده فيهم اغلى ماعندهاا لو كلفني هالشيء عمري كله...لو كلفني حيااتي ووقتي وجهدي وفلووسي...
اناا عارفه انكم تظنون اني حقوودة...لاااا يا بشر... انتم ماتعرفون رند هذي شلون طعنتني....شلون قتلتني وقتلت اخوهاا بكل غباء...!!ليتكم تعرفون الحكااية عشان تعذروني...رغم اني مو محتاجه احد يعذرني لأني مقتنعه باللي اسويه!!
غمضت عيوني بقوة....ماابي اصيح...اناا اليوم حطيت خطة ماحصل لهاا مثيل...اناا قررت ولأول مرة...اني راح آخذ هيثم ...واخليه لي اناا...واناا وبس...خلاص دامني ماقدرت ابعده عن رند بهالطريقة....فراح الجأ للخطة الثانية....راح اغري هيثم...واخليه يحبني...وفوق هذا كله يمكن اخليه يتقدم لي...
بس راح يكون شيء صعب جدا اني اغري هيثم...لأن هيثم للاسف عاارف الاعبي زييييييين...خصوصا انه مررة اكتشف اني اناا السبب في بعد اخوه عن مرته...وهذاا بعد واحد من اللي لعبت فيهم...يمكن والله اعلم احكي لكم عنه...بس هالحين..ادعوولي ان كل شيء يضبط...
رحت لغرفة الملابس الكبيرة حقتي...واللي كانت دوالايبهاا باللون الأحمر المفضل عندي..دائما وابدا...
يقولون ان من صفات محبين اللون الأحمر الشراسة خصوصا لمن يتعلق الشيء بحقوقهم...واناا من اليوم بعتبر هيثم..حقي اناا وبس!!
طلعت لي فستان من الحرير الأورنج والأحمر المتداخل بقوة وبطريقة غريبة...وفيه لمعه بسيطة باللون الذهبي...والثاني فستان ذهبي ساده...وهذا اللون...اللي احبه بعد الأحمر...يمكن لأنه بكل بساطة لون ملفت للنظر...
لبست الفستان الذهبي...ودرت حول نفسي في المرايه اتمل جسمي اللي مافيه اي عيب...تصدقون مررة قريت في مجله ان مافيه حرمه راضيه بجسمهاا...وينهم عني هالدراسة؟؟؟..هذا جسمي ولاا افضل عارضة ازياء...
حسيت ان الذهبي رغم حلاته...بس ماكان مثير علي...واناا ابي اغري عريس...ومووو اي عريس...عريس متيم بعروسه...
مسكت الفستان الثاني...وحسيت بالقماش الباارد على جسمي وارتجفت..واناا البسه..كان بدون اكتااف...ضيق على الصدر...بفتحه كبيرة مرة...ومن تحت الصدر وااسع لحد الركب...طلع علي ولا احلى...لبست معه صندل ذهبي انيق عاالي بكريستالات حلووة...
وطلعت من غرفتي ورجعت للتسريحه ورشيت عطر على شعري وجسمي وفستااني...وبعد مالبست ساعتي الذهبية....اخذت شنطتي الصغيرة الذهبية...وطلعت عشان بناادي وحده من الشغالات...عشان تكوي عبايتي قبل لا البسهاا...
نااديت ونااديت بس استغربت انا محد يرد علي...رحت للدرج اللي بنص الدور الثاني...ونزلته ببطء...واناا مستغربة وين البشر...حسيت البيت فاااضي مافيه اي احد...وشفت باب القصر الرئيسي مفتوح على وسعه...ولاحظت ان فيه زحمه هناك والخدم مجتمعين وياا بعض...
وصلت لعندهمم واول ماشافوني بعدوا عن طريقي بسرعه...طالعت واناا قلبي يعورني..توقعت ان فيه احد صار له شيء...هالمشهد ذكرني بموت خاالد...خصوصا لمن كانوا محتارين شلون يقولون لي؟؟؟..
غمضت عيوني واناا اشوف اخوي سعود ومعه....معــه...معــــــــــــه......!!

" نورس"

كنت جالسه في بلكونة غرفتي...واناا ماسكه كتاب شعر...لأمير الحلم سعود بن عبدالله...شاعري المفضل...واميري المفضل بعد...
كنت اقراا بلهفة...واحاول اتمعن بالألفاظ الشعرية الراقية...والدرر اللي تصدر عنه......
تمنيت لو ربي يعطيني شووي من هالألهاام....اناا احب الشعر..واحب الخواطر...بس بعد تجربتي مع شجاع...حرمت اني اكتب اي خاطرة من جديد...
خفت انه ينقال نفس الحكي عن خواطري من اشخاص ثانيين...." شجاع" ما علمتكم عنه؟؟؟..صح؟؟؟...هذاا شخص جدا همجي...بدون اي اسلوب حظاري...
من الرجال اللي عندهم المرأة هي البيت والمنزل وعباية الراس...يعني المرأة اللي تلبس عباية على الكتف او ما تحط غطى مثل حالاتي اناا وهيفاء وتروح مع السواق لوحدهاا هي امرأة سيئة بجمييع المقاييس...
لمن رحت اقابله في مبنى" اضواء" قبل شهرين...كانت السعاده تسكن كل خطوة مني...كنت امشي واناا حاسه بخوف بس برضه حاسه بثقة وسعاده اني راح اوريه رسايل المعجبين اللي يتهلفون على خواطري الراقية
... لكن..للاسف الشديد كانت كذبة...محبوكة من ثلاث اشخاص مهمين بحيااتي...ديمه بنت خالتي...وسعود اخوي...وهيفااء الحماارة...
الصرااحه لمن انكر انوا توصلهم اي رساله على المجله...اناا كنت راح انجلط...
صرخت بوجهه انوو كذااب...ايه انا عارفه اني غلطت بس غصب علي طلعت الكلمه..
يعني مو معقول دايم تجيني رسايل تمتدحني بحرارة وبالأخير اكتشف انهاا تشجيع من الأهل...
وليت اهلي اكتفوا بكذا...الا زادوا الطين بله...لمن رشت هيفاء رئيس التحرير هي وامي عشان يخصص لي صفحه او زاوية مثل مايسمونهاا بالمجله..
الأخ شجاع كان سعيد وهو يعلمني بتمشت واضح انوا اهلي للاسف رشو الرئيس الساابق وماحيقدرون يرشونه اهوو...
ولييييييييييته اكتفى بكذا...تنهدت واناا اتذكر اسلوبه لمن طلب لي السكيروتي وطردني بدون اي رحمة...
انا من طاحت عيني بعينه...عرفت اي صنف هو...صنف رجل الكهف...اللي المرأة عندهم لهاا مقامهاا الوااطي...
اوكيه...صحيح اني تعبت كثير...خصوصا اني جدا حساااسه...ولكني هاالحين بدت اساامحهم...بس موو مرة..كنت ابيهم يعرفون ان هالشيء غلط واني رغم حساسيتي قووية...
وقفت عند هالحد من افكاري بشجاع اللي لي شهرين واناا افكر فيه...ولااا تعبت من التفكير بامثاله من هاضمين حقوق المرأة!!
سمعت اصوات صراخ وصوت هيفاء وسعود...وماما وبابا...وهذا الأخير غريبة انوا يرفع صوته...عااده ما نحس بوجوده...كمان سمعت صوت بكاء طفل...انقبض قلبي بقوة..وطاح الكتاب من ايدي...قمت بسرعه وربطت الروب اللي لابسته...وسويت نظارات القراءه اللي فوق عيوني... وقربت من حافة البلكونة....ومن بين الزحاام الشديد للخدم وماشبههم تحت...واللي تجمهروا حوول...حول....حووول سعود ومعه...وش ذاا اللي معه؟؟؟...
شلت النظارات من فوق عيوني واناا احس اني بطيح عليهم من فوق...وقررت اروح واعاين الحدث بنفسي*_*

" مارية "

لمست شعره الأسود المبلل ببطء..ناظرت ملامحه الجميلة الملونة....بحكم الأعراق الأجنبية اللي بجهة امه...
مع هذا كان....وسيم وفوق ماهو وسيم حبيب...وفوق هذا كله يحبني...لكن مو قادرة احس بسعاده...
من تزوجت وانا تايهة...
ندمت اني تزوجته...وماا ندمت...حبيت قهر سعود ومرارته بيوم عرسي...لكن ماحبيت اني رميت بعمري عشان اقهره مع ان هذا مو اسلوبي..لكن...
صدمتي بسعود كبيرة....صدمتي فيه زلزتني...ما ادري ليش سوه كذا...؟؟...ليش حب اني اعرف هالاشياء من الناس...من اخته اللي ذلتني ذل....ولعبت باعصابي...وكرهتني بعمري...خصوصا انها استخدمت الفاظ يا سااااتر...ما حد يستخدمها في الوقت الحالي على حسب علمي... وفوق هذا كله استخدمت وسائل لابتزازي بجميع الاشكال والالوان...ياربي ماتوقعت انه في حريم يغارون على اخوانهم بهالشكل!!
تنهدت...دائما اقول ان حظي شين...لكن حبي لسعود والطريقة اللي تقابلناا فيه...نستني الحظ الشين واشكاله وفوق هذا اسعدتني وطيرتني بسابع سما وفوق هذا كله آآآآآآآآآآآآآآآه....تخيلت وتخيلت واناا وياه اشياء لمن اتذكرهاا هالحين احس بقلبي ينزف بقوة....واحس انه يفقد الاحساس اللي يحببه بالحياة....
شفت زوجي يتحرك على السرير...خفت يشوفني سرحاانه بافكاري ويبدا التحقيق اليومي معي...قمت من على السرير ورحت على طول الحمام...
وانا بالحمام غسلت وجهي كذاا مرة قدام المرايه...تذكرت جملة كان يقولهاا لي سعود اذا شافني واناا صايحه من النوم، كان يقولي وكأنchinese grl....لأن عيوني تنتفخ فيصير شكلي فعلا مثل التشاينيز...حست بدموعي تحرقني عن هالحد...لالالا ماا ابي ابكي..كاافي لي فترة كل ماقمت من النوم واناا اصيح...حاولت اتماسك لكن بالأخير دخلت تحت الشاور بعد مافتحته اقوى شيء وقمت اشاهق بقوة واحااول اني انسى انسى...انساااك يا سعود...

17 - 10 - 2024, 02:38 AM

الفصـــ6ـــل

" المريخ....واهل المريخ"

تعالوا نوصف لكم المكان قبل ما نعرف وش كل شخص من المجتمعين يفكر ؟؟؟... مضاوي و عبدالله واقفين يم سعود....والخدم مجتمعين حولهم بس بعيد شوي...
يعني فيه مسافة فاصلة...
هناء و عبدالعزيز اللي هم اهل سعود واقفين بعيد شوي...
موو فاهمين وش الساالفه...ويحاولون يدخلون بين هالنااس عشان يعرفون ويفهمون وش سبب هالشوشرة؟؟؟...
هيفاء ناازلة من الدرج الخاارجي...
وعيونهاا شوي وتطلع بره...و نورس نازلة الدرج الدااخلي بتشوف وش القصه...
خصوصا بعد ماشافت مضاوي وانفجعت...

"مضاوي"

كنت اناظر العرب المجتمعه من حولي...الصدق اشكالن ماقد شفت لهاا مثيل في البر...حريمن ورجال بسم الله عليي عيونهم صغار ومشققه...وقصاااااااار....
كبر عبيد اخووي...وبعدين سافراتن وفاتشات وجيهن شعورهن على الرجاجيل....
ما ظنتي يصيرن خوات سعود...
ما فيه اي تشاابه...الصدق عرب ماشفت لهاا مثيــــل...
شفت سعود ومدري وش بلااه؟؟..ماا عجبني شكله..كنه معصب...
وكان يمسح جبينه كل شووية....ويناظرني انااا وعبيد ويعود يكمل كلاامه...
عبيد اخوي مدري وش بلاه؟؟؟..قام يصيح عليناا...
ومسك بثوبي وشيلتي..فضيييحه كانت شيلتي بتطيح من على رويسي...وتبان جداايلي ووجهي قدام الخلق....
سمعت صوت حرمه وكنهاا منخلعه( مفجوعه-متروعه) وهي تقول
: سعوووود...وش ذااا يا سعوود؟؟...."
قطييييييعه...وش ذا المجغ؟؟...هاااو...بلاهااا تكلم كذا؟؟...وليش ماتكلم زي الخلق؟؟؟...يؤيؤيؤ...وش مسوووية بشعرهااا الخبلة ذي؟؟...
كانت قاصته الله لا يبلااانا كله....مووو مخليه فيه الا شووية...يا دافع البلا...ماا اقول غيييييير يااداافع البلا....
حطت الحرمه يدهاا على صدرهاا وقامت تخبطه وعيوونهاا شوية وتطلع من محاجرهااا...
وتطالعني كني موب عاجبتهاا....وتعاايني مثل سعود يوم شافني اوول....
سعود كان واقفن قريبن مني...قااال وهو يشر( يأشر) علي...
: ذي مرتي يمه...مضاوي..."
الحرمه حطت يدهاا على راسهاا وكنهاا سمعت مصيبة...
: ووووش؟؟؟.....لالالالا....سعووود...قووول انك تمزح معيي..."
وجودت بيد الرجاال اللي كان حااط شيء على عيونه مدري وشوو بالزبط(بالضبط) وكان يطالعني مثل اللي مجودته...
الظااهر انه ابو سعود...لأنه نفس القبلة...ونفس الدم...

" سعود"

الجو كان جدا متوتر...وحسيت بشرارت كثيرة بالجوو...
والكلمه اللي قلتهاا سببت صمت فضيييع...
صمت تحس انه شوي ويفجر اذانك من كثر مااهو مرتفع...
صمت له وجود ثقيل وكئيب...
حسيت حتى الهووا ثبت وماعااد يتحرك
...الصراحه شيء يكتم على النفس اكثر مااهو مكتوم...
لاحظت ان ابوي يطالعني ببرود...من فوق لتحت...
وكنه مستحقر اللي سويته...
ويرجع يطالع مضاوي وهو يرفع حاجبه بسخرية...
وما فهمت معنى نظرته بالمرة...
قال لي وهو يرفع صوته الجهوري
: وش قلت.... يا سعوووود؟؟؟"
كرهت اسلوبه اللي يعاملني بهالطريقة...
حسيت اني بزر موب بالثلاثينات من عمري...
اعرف ابوي اذا بغى يحسسني اني موب قدهاا...
يكلمني بهالطرريقة...
ليته مررة بحيااته ينسى انه شيخ....
ويكلمناا على اننا عياااله موب موظفين او عبيد عنده.....
رديت بتوتر وانا اشد الكائن الصحراوي جهتي عشان ماتروح بعيد
: معي مرتي يبه...مرتي...
بنت اجوودية من آصل العرب...لا هي خضيرية ولا غيره...."
رد ابوي باستحقار
: يعني كسر كلاام والسلاام...يا سعود"
قلت ادافع عن نفسي
: يبه هذا خيااري وارجوكم مرة بس..احترموا هالخياار..تراااني مووو بزر...اناا رجال وش كبري....عمري33سنـــ"
قااطعني ابوي ببرود بغة يجلطني فيه
: والله انك بتظل بزر...
مبسوط تذكر عمرك كل شووي...
لكن للأسف ناااسي ان تصرفااتك تصرفااات مرااهق....
روح شوووف عياال عمك...
رووح شوف عيااال خالتك....
لا تفااخر بعمرك وانت ما تعرف الصح من الغلط..."
تركت مضاوي واناا اشوف وجه امي معرق..وحسيت انهاا شوي وتتهاوى بس كانت ماسكه يد ابوي بأقوى ماعندهااا بس نظراتهاا الزايغه لمضاوي خوفتني...كنهاا تشوف بمضاوي وحش...او شيء مخيف...او شييء ماا عرفت افسره...
طردت الخدم من قدام وجهي واناا اصرخ فيهم لأنهم بدوا يتكملون بين بعضهم..
:Goooo.......يله.."
ابوي وهو يرفع خشمه
: وليش تطردهم...خلهم يعرفون سواياك اللي تخجل وتشيب بالوااحد...
مدري متى تكبر يا سعود؟؟.."
بلعت ريقي واناا اترك مضاوي واخوهاا المزعج اللي يصيح بأعلى صوت
: يبه...رجااء احترمني...رجاااء..."
وكملت واناا ارفع حواجبي
: خلااص...الزوااج وتم...نبي زواارة...
عشان كل الناس تعرف ان مضاوي هي مرتي على سنة الله ورسوله...
او اذا تبون سووا عرس..."
امي وهي ترتعش وبصوت ضعيف
: فشلتنييي يا سعود..فشلتنييييي..."
وكملت:
وش اقوول للناااس؟؟؟...يا فشلتي والله..."
ما رديت عليهاا ورجعت اطالع بعيون تعباانه احس هالنقاااش البسيط استنزفني...
رجعت اطاالع بالمخلوق البدوي المتأصل اللي اسمه" مضاوي" لقيتهاا تتفرج على شكل الأشجاار ومشغوولة...
وشفت هيفاء اختي واقفة فوق على السلالم..
كان واضح عليهاا الأنفعااال...وعرفت ان هيفاء راااحت وطي...
وواضح ان ردة فعلهاا بتكون اقوى من رد فعل ابوي وامي...
نزلت هيفاء بهدوء درجة ورى درجة...
صحيح انهاا اختي...لكني اعررف زين وش ممكن تسوي...
خصوصا اذا كان الموضوع يتعلق بمقامهاا عند النااس...والبرستيج حقهاا...
هيفاء وهي تحاول تماسك وتكتف يدينهاا قباالي
: وش الساالفه يا سعوود ؟؟؟؟؟؟.."
هيفاء هي الساعد الأيمن لبوي...ونفس طبااعه وطريقة كلامه وقسوته...
قطبت حواجبي
: وش متوقعه بعد؟؟..
اللي بتحرجك يا هيفاء...اللي بتخليك تعرفين تلزمين حدودك...
وما تتدخلين بكل كبيرة وصغيرة"
هيفاء وهي تطالع بمضاوي باحتقار يقطر من عيونهاا
هه...ذي..."
واشرت بيدينهاا...
سمعتهاا مضاوي والتفتت وطالعت بهيفاء وكان واضح عليهاا الفجعه...حتى اني مسكت نفسي بقوة عشان ما اضحك رغم ان الموقف ما يتناسب..
كان واضح ان مضاوي مفجوعه من ملابس هيفاء..
حتى انهاا صفقت خدهاا كذا مررة...
قالت مضاوي بأعلى صوت
: تستري ياا وخيتي...تستررري.."
سفهتهاا اختي العزيزة...وكملت
: لا تخليهاا تدخل فيني...
وبعدين...وش بعد ذا اللي معاهاا؟؟؟...
لا يكون آخذ وحده جاهزة بعد؟؟؟..معهاا ولدهاا وكل شيء...."
وكملت بسخرية تقطر من لسانهاا اللي زي السم
: وليته ولد كاامل...!!"
عصبت على هيفاء...وحااولت اني امسك ايدي...لأن عمري مارفعت يدي عليهاا...ولااا ابي ارفعهاا...
بينماا ردت عليهاا مضاوي بطيبة واضحه
: لالالا...ذاا وخيي...موب وليدي...عبيد..عبدالله..."
وقالت مضاوي لـعبدالله
: رووح سلم يا عبيد..."
تقدم عبدالله وكرهت اناا الموقف...وكان يبتسم ابتسامه بشعه...
ويمد يده بخجل....
طاالعت هيفاء فيه...وصررخت لمن قرب منهاا...كان واضح انهاا جزعاانه...
الولد لمن صرخت رااح جري لأخته وضمهاا وكان يبتسم...
ويخبي وجهه بملابس مضاوي...
مضاوي حسيت ان الموقف ماا عجبهاا خصوصا ان نظراتها احتدت لهيفاء...
قال ابوي وهو يوقف النقااش اللي صاير
: سعود....تجمع ملابسك وتطلع هالبيت بدون رجعه..."
امي وهي ترتجف وتجي يمي
: لالالالا يا عبدالعزيز....الله يخليك لا تقووول.."
ابوي وهو يرتجف من العصبية
: هنااء رجااء لا تدخلييين....تدليعك وتربيتك له خرربته..."
امي وهي تضمني بقوة واناا جامد مكااني
: لا تطلعه يا عبدالعزيز..."
والتفتت علي بتوسل
: طلقهااا يا سعود...طلقهاا هالحين...
ولااا من شاف ولااا من درى...بكل بساااطه..دااري عناا الفضيحه الله يعاافيك..."
قلت لأمي ببرود
: مضااوي زوجتي لآخر العمر...
ماراح اطلقهاا لو تنطبق السماا على الأرض...
واذاا على البيت يبه...انت نااسي...ان الملحق بكاامله لي؟؟...
وانت نااسي ان هالقصر كله...مكتووب بسمي اناا.."
ابوي بعصبية
: وش قصدك؟؟..يعني بتكسر كلمتي...
ولااا نااوي تطردناا"
رديت على ابوي بأدب
: لاا يا يبه...ماعاش من يطردك...لكن وين ارووح؟؟..
والنااس وش تقوول عناا؟؟؟"
رجعت امي تضمني بقوة
: سعود...يا سعوووود...دخيلك...يا ولدي...لا تفشلنااا.."
قلت لأمي بعصبية وبترريقة وانا اطالع بالمخلوق البدوي المتأصل اللي يطالعناا...
: يمه وش فيهاا مضااوي...
شوفيهاا...بنت اصيلة صاحبة اصل عرريق..من قبيله معروووفة...
ابوهاا عنده حلاااال..."
طاالع فيني الكائن البري العجيب وشكلهاا ما انتبهت للسخرية اللي بصوتي...
وواضح انهاا انبسطت....
حتى واضح يوم رفعت راسهاا بطريقة خلتني ودي لو اجي واخنقهاا قبل اهلي...
بس لاااا تحمل يا سعووود..تحمل اهلك..ترى هاانت...
بعدت عني امي...وقالت وهي تهز راسهاا بعصبية وترتجف:
لااا انت ولدي...ولااا اناا امك..
لو ما طلقتهاا هاالحين يا سعوود..هاالحين..."
رديت واناا اطالع ساعتي
: اناا بروح غرفتي....هاالحين..عن اذنكم تعباان...
يله مضااوي.."
لحقتني مضااوي وهي تمسك اخوهاا وتجي وراي...
وتركت كل اهلي...وحتى نورس اللي كانت واقفه عند الباب...
سفهتهاا ودخلت بدون اي كلمه...

" نورس"

[IMG]http://images.scripps***.com/HGTV/2004/04/15/meeks_gardenwalk_e.jpg[/IMG]

طالعت واناا مفجوعه بسعود اللي كان مااشي ومعه وحده...
ماا اعرف من وين جاابهاا؟؟؟..بنت مرررة مرررررررة شكلهااا ووععع...
لابسه ياامامي...
بررقع قدييييييييم وفيه قرووش كباار وجنيهاات....
مررة يخوووف...
وكاان معهاا طفل صغير...
شكله يا حراام...شكله معااق..وهالشيء وااضح من وجهه ويده القصييرة...
بس لبسه قدييييييييم...ثوبه اصفر...ولابس تحته...
مدري وشوو..يعني الصرااحه وععععع......وشعره وسسسخ مررررة...
وريحته مررة شينه...كأنهاا ريحة حطب ونيرااان....
يعني الصرااحه...اووووووه مااابي الوع كبدوكم بالوصف..
.اعتقد الصوورة وصلت كامله لكم...
سفهني سعود وما قال شيء لي...وكان واضح انه شوي وينفجر...
اناا ما اهتميت فيه هو والأشياء اللي تمشي معه..
رحت ركض لماما اللي كان واضح انهاا تعبانه مرة وهي جالسه على الدرج...وماسكه هيفاء يدهاا وشكل هيفاء دماار خصوصا عيونهاا اللي ملياانه دمووع...
من زمااااااان مابكت هيفاء على حسب علمي...
استغربت هالشيء...
قلت بتوتر
: وش القصه؟؟؟...وش فيه سعود؟؟..وميين..هاللي معه؟؟؟.."
رد ابوي بعصبية وهو ينتفض وحاط مشلحه الشفاف على يدينه
: مين اللي معه يعني؟؟..القررف اللي معه مرته...مرررته.."
مرتـه
مرتــــــــــه
مرتــــــــــــــــــــــــــه
كانت قوية...حسيت اني بدوخ...طحت جاالسه على الدرج...
اكيد يمزحون عليي...الا صح وش تسوي مع سعود؟؟؟..
وليش دخلت معه جوه؟؟؟...
والولد وش يكون لا يكون ولده؟؟؟...
صرخت بهستيريا
: والولد؟؟؟...لا يكون ولده..."
ردت امي بسرعه
: لااااء...هذا اخوو...اخوهااا..."
ونطقت آخر هاء بقرف واشمئزاز....
قلت بخوف
: وش بنسوي؟؟..وش بنقوول لجماعتناا؟؟؟...وشووو؟؟"
ردت هيفاء بقلق
: وش نقوول؟؟؟...لازم نسوي شيء...مااينفع نوقف ساكتين كذاا..."
ابوي وهو يوقف
: وش نسوووي؟؟...هذا سعود رافض يطلقهاا...
ولوو اخذنااه بالعنااد ماراح نجيب نتيجه...."
قلت بتهور
: خلااص نزوجه مارية..."
صرخ ابوي فيني بعصبية
: البنت متزووجه...وش نسوووي؟؟؟..نطلقهاا من رجلهاا؟؟؟.."
قلت باسف
: ماكنت داارية..."
وكملت بخوف
: لووو...يصير...ان..."
وبلعت ريقي بتوتر وكملت
: لوو لا قدر الله...النااس عرفت ماراح يكون لي وجه اقابلهم...وش اقول للبنات اللي يجون يزوروني هناا؟؟؟...وماما وش راح تسوين مع ضيوفك؟؟؟...اوووه...والله فششلة...ياااربييييييي..."
هيفاء بتهور
: لازم ندااري الفضيحه....بأي طريقة..اناا لاازم اطلع حل..."
والتفتت على ابوي بشراسه
يبه...نقدر نآخذهاا ونردهاا لبيت اهلهاا بدون سعود ما يدري...
اكيد نقدر على شيء...اوو اناا نرشي اهلهاا او.."
قلت بعصبية
: موو كل النااس تجي بالفلووس!"
ماما بخوف
: لالالالا...حراام عليكم...وش ذنب البنت نرميهاا بهالطريقة؟؟...مسكيينه...لالالا...لازم نلاااقي حل ثااني...عشاان ربي ما يعااقبناا..."
وسكتناا بعد جمله ماما...
ذنب البنت انهاا وافقت على سعود..
ذنب البنت انهاا تهورن وجاات ويا سعود...
ذنب البنت بكل بسااطة مو برقبتناا برقبة سعووود...
بس ما افصحت عن افكااري...خصوصا واناا اشوف النقااش يوقف عند هالنقطة...واشوف ابوي يرد على جواله ويروح بعيد عناا...
اماا ماما قامت من مكاانهاا...بمساعده هيفاء وقاالت
: اناا بروح اغير ملابسي عشان اجيي ويااك يا هيفاء...يمكن تكوون آخر مررة اشوف فيهاا جماعتناا العزيزة..."
رديت اناا بخووف
: لا تتركووني لوحدي معاهااا...ترااني اخااف..."
هيفاء ببرود: اقفلي على نفسك باب الغرفة...ترى اخوهاا يفجع.."
ردت ماما بعصبية
: هيفاااء..قولي يا رب لا تبلاناا...موب اخوهاا يفجع.."
سكتت هيفاء عشان ماتعصب عليهاا ماما ودخلت هي وياهاا البيت...
اماا اناا وقفت بمكااني اراقب انوار القصر وهي تفتح وحده ورى الثانية بحركة متنااسقه...
وبدت الأنوار تنتشر بالمكان داخل الحدايق الكبيرة....
نزلت من الدرج..ومشيت شوي واناا اشد روبي الحرير على جسمي..
وطاالعت فووق على بلكونة اخوي سعود.......
زوجته...زوجته....انتقاامك قووي يا سعود...والله انه قووي...
تذكرت قبل فترة...
لمن جاناا سعود....واحناا كلناا متجمعين بغرفة المعيشة....
وبابا كان معناا ونادرا مايكون وياناا...
كانت الفرحه واضحه على وجهه....
عيونه تشع بنور غريب...ووجهه منور...
وطالع اكثر وساامه من هالحين مية مرة...

سعود وهو يجلس معناا
: يمه..ابي اعررس..."
لاحظت ان ماما رفعت راسهاا بنعومة
: هذي السااعه المبااركة...مين تبي؟؟؟..عندك ديمه بنت خالتك..و..بنـ"
قاطعهاا سعود بأدب
: يممه قلت ابي اعرس...بس مااقلت ابي ديمه.."
هيفاء باستغراب
:وش فيهاا ديمه؟؟؟...فيهاا حلا موب غيرهاا.."
قلت اناا بحمااس
: وااااو انت و ديمه بتكونون احلى طقم.."
ضحك سعود على كلمتي
:هههههه... شايفتنااا ابريق شاهي وفنااجيل...لاااا يا عمري..."
وكمل وهو يجلس جنب امي ويبوس راسهاا
: يمه اناا اخترتهاا وخلصت.."
رفع راسه بابا اللي كان يقرأ جريدته
: وشوو؟؟؟...اجل ليش جااي وتعباان ومعلمناا؟؟؟..."
سعود بأدب
: الله يهديك يبه....مين اللي بيخطبهااا لي غيرك انت والوالده!!"
بابا بعصبية
: طيب..وش تصير؟؟؟..شلون عرفتهاا؟؟؟..بنت مين يا... ولدي؟؟"
وضااف اخر كلمه بسخرية...وهذا حال بابا مع سعود..
سعود وهو يحك شعره بتوتر
: اهي بنت آل....، نااس طيبين على قد حاالهم....لكــ"
بابا لاحظت ان ايده تجمدت على الجريدة....
وحسيت انه توتر مرررة...واستغربت ان هذا الشيء...
اناا اعرف ان هالعايلة خضيرية...
بس موو نهااية العاالم...
هيفاء عيونهاا برزت قدام
: وشووو؟؟؟...على قد حااالهم؟؟؟..سعود انت نسيت احنااا مين؟؟"
سعود وهو متضاايق
: عاادي..هذاا خالد بن....
تزوج بنت عااايلة عااديه وفقيرررة وماا صاار شيء...
هذي مرته ماافيه احلى منهاا بعين الكل.."
ردت هيفاء باعتراض
: بسس شوف الكل شاره عليه...
حتى امه وهي تعززمنا تقول....
والله اني مفتشلة ارسل لكم كرت عشان تقرون هالناس....
اللي مدروا من وين طلعوا؟؟؟..."
ماما بتأييد لكلام هيفاء
: بعدين انت يا سعود..الكل ينتظر عرسك من سنين...
وبالأخير...تروح تزوج وحده من آل..."
سعود وهو يوقف
: ليتني مااقلت لكم....
سبحاان الله انتم عاايلة غرريبة ظننت انك بتنبسطوون لأني بعرس...
ومع هذاا..."
وقف بابا بعد وقال بنبرة ما تحتمل النقااش
: سعود...مااله دااعي للفضاايح...بعدين شلون تعررفت على هالبنت اساسا؟؟؟..
لووو هي محترمه ما كان جيت وانت تقولناا عنهاا؟؟؟.."
سعود بعصبية
: والله انهاا محترررمة وبريئة...ووووو..."
تدخلت انااا بخجل
: سعود..احناا ماقلناا شيء...نبي لك الأفضل وبسس.."
سعود وهو يغمض عيونه ويضغط عليهاا...
عشان ما يرفع صوته على ماما وبابا..
وهي حركه متعودة منه اذا عصب
...عشان يتحكم بعصبيته...
: اناا طاالع....مع السلااامه.."
ورحل سعود لكن الزوبعه بقى اثرهاا...
وبدت تخطيطات هيفاء وماما...
وتدخل بابا بالموضوع...
ولااحظت انه صاار اشد منهم...
واناا حاولت اني ابقى على الحيااد...
خصوصا اني شفت لهاا صور بمرسم سعود...
والبنت حليوة وما ناقصهاا شيء...وشكلهاا تعرف الذووق...
اناا ما تابعت معهم الخطط...
لكن اللي اناا استغربته ان هيفاء بعد كم يوم جاات لسعود تبشره انهم واافقوا
...وان ماعندهم اي اعترااض...
كاان هذا آخر شيء اذكره من الساالفه كلهاا لأني اكرر...
ماكنت مهتمة مرة بالموضوع...
بس شكل هذي كانت مجرد كذبة...
عشان تضرب هيفاء ضربتهاا وتخلي البنت اللي اسمهاا مارية تروح بدون رجعه...
على العموم ماحد يدري وش قاالت هيفاء بالضبط للبنت وخلتهاا تنسى سعود...وزي ماا اكتشفت قبل شوي...
البنت ماكتفت بكذا تزوجت...
عشان تطعن سعود وتقهره...و سعود مسكين ماله شغل بالموضوع كله...
الله يعنيااا على انتقااامك يا سعود يا اخوي...

مضاوي بالصاله وياا سعود...
بيطلعوون المصعد...
لأن غرفة نوم سعود بالدور الثالث...
ومضاوي تتأمل الأثاث اللي حولهاا بانبهاار وخصوصا الكنب والتحف...
وانتم تصوروا كيف العالم بيكون غريب من حولهاا؟؟..
ماافيه شيء تعرف اسمه...
ولااا تعرف الغرض من اي شيء...
القصر هذا بالنسبة لهاا مثل المريخ بالنسبة لناا...
كل شيء مبهر...
سواء لبس او اثاث او نااس...
العالم كله والبشر من حولهااا غرباء اشكالهم "عجيبه"
وواقفه تطالع وعيوونهاا شوي تبرز من محااجرهاا...
و سعود موب يمهاا ينتظر المصعد يفتح له...

" مضاوي "

لحقت سعود واناا الصدق متعجبه من الكلام اللي صار قداامي قبل شوية...
يعني هالحين...
سعوود ما قالهم انه يبي يعرس...
ولا قالهم انه يبي يتجوزني!!
هااو...اجل وشلووون جمع المهر؟؟؟...
انقهررت بالحيل منه...
اهوو ما دخل برااسي..
مااش مووو مثل الرجااجيل اللي عرفتهم قبل...
فيه ضعف حتى انه البنت اللي ميب لابسه شيء تستر فيه جسمهاا رفعت صوتهاا عليه...
ولووو لو هو من الرجاجيل اللي اخبر..
كاان رمى عليهاا شماغه وقالهاا تستر وما تكلمه الا وهي ساترة ومحتشمه...
لأن حشمتهاا من حشيمته...
بس ماا اقول الا مااالت عليكم يا رجاجيل المدن...
بسس بيني وبينكم...ضااق صدرري عليه وعلى حااالي...
يعني هاالحين انااا لزووم اكون المره السنعه...
اللي تسنع جوزهاا وتخليه فاارس مااله مثيل...
وهالشيء يبي له صبر...ويبي له بالن طووويل...
اطووول من ليل الصحااري اللي كانت عاايشة فيهاا...
الله يعنيك يا مضيوي...خذيتي لك مره...موب رجال ينشد به الظهر!!
شفت الحريم الللي اول...وهن يدخلن الداار...
طالعووني...ومشن وخلني ورقن اللي مدري وش اسمه؟؟؟
...الموووهيم...
التفت على شين غررررريب...
مشاااااء الله...وشش ذاا الزيييييييييين؟؟؟
...شهقت واناا اشوف اشيائن عجيبه قبااالي ووراي...
وكل مكاان حولي...اغراضن زووينه...مدري وش غرضهاا؟؟...
اعجبتني بالحييل...وقمت اتااملهن...يا سبحاان الله...
مدري لمعاات مثل النجووم بالليل
(( تطالع بمجموعة تحف كريستااالية لمااعه على شكل نااس وحيوانات مختلفة...))
قمت اتلمسهن...بس بعد ما تاكدت ان سعود موب يمي...ومسكتهاا يااا مشاااء الله...وضغطت عليهااا...قوووية حييل...ايه ذاا الزين...طيب...وش يسووي هالغرض؟؟....قلبتهن بين يدياااتي...ويوم طفشت منهاا رميتهااا على الأرض ومشيت ورى سعود و عبيد...
سمعت صوت كسر...والتفتناا كلناا...ولاحظت ان الشيء اللي كان معي قبل شوي انكسر....وحسااافتن علييه...كان زين!!
بحلقت بسعود....اللي كان يبي يكفخني بس ماسكن يده...حط يده على كتفي وسحبني بقوووة....بعدت يده بقوة...يااكرهي له...بيسوووي فيهاا مرجله علي...
: اقوووول...اترركني..."
سعود وهو ينهرني
: اشش...يله ادخلي هناا....ماابي صوتك يرتفع فااهمه؟؟؟"
قلت واناا انفض يدي مكان لمسته اللي احرقتني
: وشووو؟؟؟..ماااتبيه يرتفع...هااا؟؟؟...اقول قووول..
هالكلاام للي اول منثبراات...ترى افلح"
شفت عرق ينبض بجبينه...مسكني ودفني بقوة جوات شيء...
ومدري وش قاام يضغط....
الشيء ذاا انقفل واناا حسيت بقلبي بينقز من مكاانه...
مسكت يد عبدالله بخووف...
وشوو ذاا؟؟...كنت اشوف الأرض واناا نبعد عنهاا...
فقمت اصاارخ وانااا منخلعه بجد...يبي يذذبحني هالخبل...
: يااااااااااااااااااااااااااااااااااااااووووو....
يااااويلي....بيذذبحني..ياا اهل الداااااار...."
سعود التفت علي...وحط ايده وضغط على فمي...
واناا احاول اعض يده....واخيرا قدرت عضيت يده بقوة...
شااال يده بسررعه مني...وشكله تعووور...
: احسسسن..."
قمت اخبط الجدراان ذي اللي من حوولي...
عبدالله كاان يطاالعني ويضحك...
وقهررني...اخته بتموت وبتنذبح...ويضحك..حساابك بعديين يا عبيد...
كلهاا لحظاات بس...شوي يوم فتح لناا الشيء ذاا من جديد...
ركضت بره بسررعه..
كأني لقيت الفررج....للضيق اللي كان كاتمني...جاا وراي سعود وعبيد...
مسكني سعود مع رقبتي بقوووة....ياااااكررهيي له ذاا الرخمه...
يستررجل عليي...والله لوريك يا سعيداااان....آآآآآآآآآآآآآآه...
كنت ابي اصررخ بس ماا قدر لأنه حط يده على فمي ودخلني من باب كبير وش زينه....يااحلووو اغراضهم....
كل شيء عندهم وسيييع وكبير...

في غرفة النوم حقت سعود....غرفة جدا فخمة...كبيرة مكونة من ثلاث اجنحة...وفيهاا غرفة ملابس وجاكوزي وساوناا....وحمام ملكي من الدرجه الأولى....
لون الأثاث مشمشي وذهبي غامق.....والسرير كبير بأربع اعمدة....تغطيه ستاير فخمة من الدانتيل...
والغرفة عموما مشمسة لأن كلهاا شبابيك طويلة من اول الجدار لآخره...وعليهاا ستاير شيفون خفيفة...
اول جناح هو اللي ينام فيه يعني الجناح الرئيسي...وثاني جناح عبارة عن مرسم مصغر جدا بدل المرسم الخارجي....وفيه مكتب خشبي فخخم....وثالث جناح غرفة جلوس صغيرة بشاشات عرض بلازما كبيرة مرة....

" سعود "

طفح الكيل من اول كم سااعه...شلون بتحمل هالبنت...ما راح اقدر اتحكم بنفسي...اناا عمري ما طقيت احد ولا عمري عاملت بنت بخشونة...ومع هذا حطيت حرتي بهالصحراوية....
قااهرتني فيهاا طفااقة لقااافة وفوق ذا كله توقعت اني تزوجت وحده ضعيفة...
الا طلعت جني مصوور...
مدري شلون بفتك من شرهاا الفترة اللي جايه....
طالعتهااا واناا احس بالدم يتصاااعد بجسمي ويفور ويغلي....
كانت هي واخوهاا يتفحصون كل شيء...يتفحصون الستااير...الشبابيك...السرير..كل شيء..
"صدق نااس ما شافت خير!!!"قررت اني اكلم احد من الخدم عشان يجيبون عامل يركب حديد على الشبابيك...اخاف تطيح هالهبلة منهاا....
قررت ادخل آخذ شاور وانسى مضاوي وعشر مثل مضاوي ولو مؤقتاا...
مع اني اشك ان هالشاور بيريحني...
قلت بعد ما اخذت نفس عميق
: مااابي ارجع والقااكم قالبين الدنياا...."
ناظرتني مضااوي ببرود وصدت اقسم بالله اشك انهاا فهمت وش اناا قلت...حسيت اني اغلي...بس تركتهاا...
...فتحت الموية عشان اعبي حوض البانيو الكبير.... سمعت صوت ضحك عبدالله...
طلعت اطل عليهم اشوف وش هم مسووين..
لقيت عبدالله يتقلب على السرير حقييي مبسوط...
حسيت بغثياان...شلون رااح اقدر انوم على ذا السرير...
لازم اخلي الخدم يغيرون المفااارش...
افففف...لوو بس اقدر ادخل سرير ثااني لمضاوي...يعني حراام تنووم على الأرض...
ولااا اقوووول...وش هولة التعب يا سعود؟؟..تراهاا متعودة على الشقى من صغر سنهاا....
يعني نوم الأرض ما يضرهاا...وبعدين يقولون نوم الأرض زين!!
رجعت للحوض اللي عبيته...وبعد ما فصخت ملابسي...تمددت فيه برااحة...وغمضت عيوني ابي انسسى...انسااك يا مضاوي...وانساكم يا هلي...والأهم...انساك انــــــتي...حبيبتي..."مارية"
تذكرتهاا...برزت لي وسط الضباب....ناعمه...رقيقة...تميزهاا طفولتهاا...
كانت تعجبني مشيتهاا اللي فيهاا من الطفولة شيء كثيييير...
كانت دائما تحرك رجولهاا بطريقة راقصة وتنط لمن توقف جنبي...تقول عشان توصل طولي!!
كانت تكره المطر...وتتخبى منه...تحت جاكيتي...ونروح لمقهى...
ونشرب القهوة الحاارة وعيوناا ذايبة ببعض...ما ننطق...نحب سكوت بعضناا..
احب اتأمل ابتسامتهاا الشقية...عيونهاا الصغار اللمااعه...
خشمهاا العادي اللي عليه حباات نمش كثيرة...
فتحت عيوني عن هالنقطة.. موو قادر اتذكرهاا اكثر...
غسلت وجهي بالموية الحارة اللي بالبانيو كذا مرة...
قلبي قااعد يدق بسرعه...دقاته تطاااير من مكاانهاا...احس اني بمووت...
احس بكتمة...
صرخت بصوت مكتوم وانا اضرب الموية بقبضتي: لييييييييييش؟؟؟...ليش يا يبه؟؟؟...لييييييييييييييييييييش يمه...هيفاء...نورس ؟؟؟...ليييييييييش؟؟؟"
ضربت جبيني بقوة...ماا قدرت احميك مارية من هالذياب اللي حولي...ماا قدرت... ..اجروحك...وقطعوك...وتسلوا باهنتك..وانتي كنت واقفة هنااك....بلا حول ولا قوة...ليش كنتي طيبة؟؟...ليش انتي طيبة؟؟؟....

اللي هويته طيب تايه الراي
تروح به كلمة وكلمة تجيبه
يبكي الى من جابو الناس طرياي
ومن الغلا دمعات عيني قريبة
وما يلتفت للعين لي صار وياي
كني غريب عنه ماني حبيبه
في حيرتي خايف على عمري الجاي
وش ينتظر عمري وش اللي يصيبه
ليته يعرف انه غدى نور دنياي
يمكن يشتت حيرتي واهتني به
واعرف على درب الهوى موقع اخطاي
وارتاح من هم الليالي العجيبه
اللي معاها في الهوى طال مسراي
ومنها جروحي في ضميري عطيبه
"عبدالله الرشود"

رجعت بذاكرتي لوراء...لذاك اليوم...اليـــوم الأول لعلااقتي بمارية...
كلكم عاارفين كيف ربي قدر لقانا...
كانت الصدف ورا الصدف تجمعناا بطريقة غريبة...
وكأن فيه شيء يشدناا لبعض....رغم اختلاف مستوانا الأجتمااعي...
واختلاف اشياء كثيرة بيناا...بس المضحك اننا تقاابلناا مو مرة ولا مرتين..تقابلناا...
ثلاث مرات تقريبا قبل لا تصير بينا اي علاقة..
قبل لا تجمعنا اطهر علاقة بالوجود...
"الحـــب"
اذكر كنت رايح اشتري قهوة...
وكاان فيه محل ازياء على الشارع قبال المقهى....
ما شفتهاا ولا انتهبت انهاا واقفة تشتغل على واجهة العرض...
بس اناا متعود اشتري لخوااتي اللي يعجبني...وهم تعودوا اني ما اجي الا وبأيدي شيء لهـــم...
خصوصا هيفاء...تعودت اشتري لهاا ملابس..او شنط...او اكسسوارات...
لدرجة اني صرت اعرف وش اختار لهاا بالضبط...
وقفت قدام الواجهة...وفي البداية ما انتبهت غير لسيقان قدامي...وارتفعت عيوني تدريجي... بفضول....
التنورة القصيرة الفوشي..القميص الحريري الأبيض
...وبعدين....
وجهها...
ما اعرف كم من الوقت قعدت اطاالعهاا مو مصدق...
اهي...وجهها حمر وتلبكت...وباان ان نظراتي لهاا احرجتهاا....واحس انهااا ذابت قداامي مثل شمعه صغيرة....
حتى انهاا نزلت من المرتفع اللي واقفة عليه واختفت من قدامي...
انهبلت اناا واستوعبت شلون موقفي كان بايخ؟؟؟...
ركضت داخل المحل...وتهااوشت مع العاملات اللي منعوني ادخل علشان كوب القهوة اللي معي...
صرخت بأعلى صوتي: وينـــــك؟؟؟...لااا تروحين (الله يخليك).."
استغربت من نفسي...اناا سعود بن عبدالعزيز آل.....اللي البنات يجون عند رجولي اركض ورى بنت واقولهاا الله يخليك....
استحقرت نفسي...خصوصا انهاا ماطلعت لي...فطلعت من المحل...
واناا حالف اني حتى لوو قابلتهاا مرة ثانية ماراح اكلمهاا...
كان موقف مهين لكرامتي من جميع المقاييس...اناا سعود مو اي شاب...
اناا سعود موو من الشباب اللي يركض ورى البنات مثل المهبول..
انا سعود اللي....البنات هم يجوني برضااهم
لكن هذي غير....فيهاا شيء مميز....شيء لا يمكن اوصفه...
يخليك تركض وراهاا ولا تمل
فيهاا جاذبية الأطفال الصغاار اللي يعجبوناا مهم كان شكلهم...
وبعدين حتى افكاارهاا كانت بريئة وطااهرة...
كنت اعتبرهاا مثل الوردة...صعب...صعب جدا...اني آذيهاا..لأنهاا رقـــيقة..
تصااعدت انفااسي...وحسيت اني توترت بمجرد ما بديت اذكرهاا...
وبمجرد ما بديت اتغلغل بالذاكرة وادور وجهها والقاه هو الوحيد المسيطر علي وعلى تفكيري...
حسيت اني موو قدر اكمل حكي حتى مع روحي...تتعبني يا ناس...ذكراهاا تتعبني...ليتني انســـاها....

" هيفاء "

كنت جالسه في السيارة المضللة وكاشفه وجهي....
اناا اساسا ماا اغطي الا اذا كنت حااطه مكياج كثير...
وقتهاا يصير الغطاا فرض من ماما عليي...
لكن في الأوقات العاادية يكون وجهي وحتى شعري باينين...
طالعت بأظافري الطويلة اللي حاطه عليهم مانكير عنابي غامق بلمعه ذهبية غريبة....
كنت افكر بــهيثم....هذا شلون اخليه يترك مرته؟؟...لازم احط استراتجيات قووية...وطويلة المدى...مش خطط سريعه...
وكنت افكر بعد بمضاوي...شلون ارسلهاا للبر اللي جايه منه بدون رجعه؟؟...لازم ذي بعد...افنشهاا واخليهاا تحرم ترجع للمدن كلهاا...يعني يبيلهاا خطط قوية...خطط ربااعية...اناا وماما و نورس و ديمه...بنقدر عليهاا كلناا...
وافكر برند شلون اخليهاا تندم على خططها القديمه؟؟؟...وتكره نفسهااا......
وافكر بسعود...وشلون اخلي هالخبل يآخذ ديمه بنت خالتي؟؟...
واستغربت لمن طرى على بالي فجأة نواف...
وش يبي ذا؟؟؟....نفضت راسي وكأن فيه حشرة مزعجه تدور حوله...
ماما بهدوء: وش فيك؟؟؟.."
رديت عليهاا بتوتر واناا اهز رجلي
: غريبة...طرى على باالي نواف ولد عمي عبدالرحمن...
مدري وش جاابه على بالي..."
سكتت ماما ولاحظت انهاا زمت شفايفهاا ببساطة...
وبعد لحظات سألت بنبرة هادية
: لووو تقدم لك..."
اشرت لهااا بتوسل
: ماما واللي يخليك..هالموضوع انتهى من زماان...زوااج بعد خالد مااالي..."
قالت ماما بعصبية
: خليني اكمل حكيي..."
قلت عشان ماتزعل مني
: وشوو؟؟؟...كملي حكيك مين اللي حاطه عينك عليه؟؟.."
ضربتني ماما على كتفي
: انت و سعود مثل بعض....كان يقول مالي عرس بعد مارية...أخاف تسوين مثله وتجيبين واحد من الشارع وتزوجينه...."
وقفت كلامهاا شوي وهي تشوفني ابتسم وكملت
اناا بسألك..مجرد سؤال...لو تقدم لك نواف...توافقين ولا لااء؟؟؟"
سكت...وزميت شفايفي المليانه افكر...لوو تقدم لي نواف بوافق؟؟..اكيد لاااء....رغم انه يشبه خالد...ورغم انه...
غمضت عيوني وقلت بعد ثواني وانا افتحهم وبتهور ماله مثيل
: لاااء....يمكن اوفق على هيثم لو خطبني....بس نواف لااء..وش ابي باهل عمي عبدالرحمن؟؟؟...انت نااسية انهم ياما آذوا المرحوم..."
لاحظت ان امي طلعت عيونهاا وطالعتني...
: وشووو؟؟؟"
قلت بتمااسك
: ماما واللي يعافيك...لا تدخلين بمخططاتي.."
ردت ماما بذهول
: هيفااء...هيثم بالذات ماراح يتزوجك...يا بنتي...الرجال يحب مرته..."
رديت بقلة صبر
: رااح اخليه ينسااهاا...
اناا الجمال والشباب...وهي ولا شيء...
بيني وبينهاا فوق العشر سنين..يعني اكيد اناا اللي بجذبه...موب رنـــد..."
وقلت اسمهاا بكره شديد....واناا اتذكر صديقتهااا الحقيرة...صديقتهاا اللي.....اللي....اللي....ماا اقدر...ماا اقدر اكمل الكلمة...
سكتت ماما...وحسيت انهاا تنتفض...شكلهاا خايفه اني انكشف...مراات احزن على ماما...لأنهاا تعرف كل شيء اسويه...بس ماا تقدر لا تعلم بابا..ولا تقدر توقفني عند حدي...رغم اني احبهاا...بس انا لازم اكمل مخططي...
هيثم لازم اتزوجه...مدري متى هالشيء توثق في راسي...لكني فعلا ابي اتزوجه...اكيد راح اعجبه..اكيد مافيهاا كلام...
وصلناا عند قصر عمي عبدالرحمن بحي الورود....ودخلت السيارة حقتناا من بين البوابات...لاحظت اعداد السيارات الكبيرة اللي تجمعت بالمواقف الداخليه في الحدايق...لقى السواق له موقف بصعوبة...واناا ماعجبني الموقف اللي اختاره...وكنت رااح اتكلم عليه....بس شفت نواف...فجأة..فكرت شوي..ثم...ابتسمت بخبث...وفتحت الشباك...!!

" نواف "

كنت ابي اروح لسيارتي عشان آخذ غرض....
مشاء الله اليوم العالم كلهاا مجتمعه عندناا....
عشان احتفالناا بمناسبة عودة احب اثنين لقلب الكل....
رنــد حبيبتي واختي الغالية...و هيثم ولد عمتي اللي له غلا غير عندي...
اول ما قربت من سيارتي البورش....
لمحت سيارة اعرفهاا زين....طالعت فيهاا لثواني...
وتفشلت لمن حسيت اني زودتهاا رجعت اركز عيوني على باب سيارتي...
احس اني فجاة موو عارف افتح هالباب...طالعت اتـأكد ان المفاتيح هي مفاتيحي موب مفاتيح احد ثاني...
احس وقف شعر جسمي...واناا اسمع صوت مميز...لقلبي!!
بلعت ريقي والتفت بعد ما حطيت على وجهي قناع الا مبالاة والبرود...
كانت هيفاء تنادني باسمي...اول مرة احس انا اسمي حلووو....
ومميز...وغيـــــر!!
قربت من سيارتهم
: هلاااء..."
قلتهاا واناا منزل راسي شوي...
وعيوني تأمل ملامحهاا الفاتنة من تحت غطاهاا....
هيفاء وهي تبتسم لي
: نواف...كيفك؟؟؟.."
رديت عليهاا ببرود>>>>هذي طريقتي عشان ما افضح نفسي ومشااعري..: بخير...وش اخباارك؟؟.."
وانتبهت ان امهاا موجودة فاضفت بسرعه
: اخبارك عمتي؟؟.."
ردت هناء بنعومتهاا اللي تعودناا عليهاا
: اناا بخير نوااف...شعلومك؟؟؟..."
رديت عليهاا واناا اهز راسي...
: بخير الحمدالله..."
وطالعت بساعتي كأني مشغول...
حسيت ان هيفاء تطالعني من فوق لتحت...احس انهاا فاهمة وش افكر فيه...احس كأن عيونهاا اشعة اكس اللي تكشف كل شيء...
او جهاز الكذب...اللي عاارف اني احاول اتهرب منهاا..
هيفاء بنعومة زايدة:
الصرااحه نواف...اناا مستحيه منك..لكن مضطرة اطلبك...
ودي لو تخلي احد من خدمكم يبعد سيارة من هالسيارات المرتزة قبااالنااا....
يعني ماا ودي امشي قداام الرجال بالحديقة عشان اوصل المدخل..."
وكملت ببساطة وهي تأشر على جسمهاا
: لبسي ماا يسااعد.."
حسيت بموية تنكب على وجهي....فكرت شوي وانا اطالع بالسيارات...
كلهاا لشباب العايله...وش اقول لهم؟؟؟....استحيت ارد لهاا طلب...
ترى بس شهامه مني موب شيء ثااني...لا يرووح بالكم بعيد...
قلت واناا ابعد
: خلااص..اناا ببعد سيارتي...وانتم ادخلوا مكااني..."
وقبل لا ابعد سمعت هيفاء تناديني
: نوااف..."
التفت بسرعه عليهااا وبتهور
: سمي...."
ردت بنعومة قتلتني بالصميم
: مشكووور يا ولد عمي..."
ورجعت قفلت الشباابك...حسيت بقلبي يرف فوق...رجعت لسيارتي وركبتهاا واناا حااس اني بفضح عمري قدام هالبنت..لازم اخطبهاا...لاااازم...

في ايطاليا...
في نفس قرية احبابنا...
كانت جالسه في بيتهاا...على البياانو اللي هو رفيقهاا من تزوجت منــه...
حالهااا يحكي ويقول ويتمنى

اصارع الوجدان في بحر الأشواق
في غبـــــــة تايه تمزق شراعــــي
تلعب بي الأمـــــواج والدمع دفاق
مابين موجــــة نزلة وارتفاعـــــي
باسباب من حبه نبت وسط الأعماق
غرس الشجر مابين روض ومراعي
يا ماكتبت اسمه على بيض الأوراق
وفي خافقي مكتوب اسمه رباعي
اللي يسلي خاطري كلـــما ضاق
خل على حــــالي شفوق يراعي
لا حل ذكره دمعة الشوق تنساق
تكتب قصيدة في حسين الطباعي
ويا كثر ماحولي من الناس عشاق
لكن لغيره مــــــات كل اندفاعي
يا زين قلبي من عنى البعد مشتاق
الحق علــي ولا تسبب ضياعي

" عبدالله الرشود "

" مارية "

مشت اصابعي بتوتر على لوحة البيانو...كنت اسمع للأصوات الصدرة منه...واحس بشيء يكتم على نفسي اكثر واكثر...
عشت معه كل ذكرى حلوة...وفوق الذكرى...كل لحظة مميزة...فوق هذا كله...في كل شيء اشتركناا....غنينا سوا...رقصناا سوا...لعبنا سوا...اكلناا سوا...
رحنا لأشغالناا سوا...
مافيه شيء قادر يزيحه من راسي...احس ان خياله متجذر فيني...يلعب فيني...وفوقهاا...يعذبني...يتعبني...ويتلذذ بهالشيء...
كل شيء يذكرني فيه....كل شيء..كل الأماكن...
ياربي هوون علي مشااعري....ياربي سااعدني اتجاوز هالمحن بسلاام...ياربي اقنعني بزوجي...وحببني فيه....
زوجي اللي ماقصر علي بشيء....زوجي اللي اعرف انه يحبني اكثر من سعود...اللي اعرف انه يشوفني شمسه اللي تضوي حياته...وقمره اللي ينور دربه...
اناا اعرف زين مقاامي عند سعود وعند زوجي" تركي" فيه فرق بينهم فضيع...
بس الحب ما يفرق بين ذا وذا...
مايفرق بين زين وشين....ما يفرق بين اللي يعاملني بصدق..
واللي كان يكذب علي...واللي مع هذا اتمنى رجعته...ابيه يرجع...
واناا مستعده اترك الكل وارجع له....اناا شلون قسيت عليه...يمكنه اكتشف انه يحبني...يمكن هيفاء تكذب...حسيت بقلبي يعورني...
هيفاء..احقر حقيرة على وجه الأرض...سافله...
هي وابوهاا وامهاا..عائلة وحوش...مافيهم اي رحمة...
صدق هذي دنيا القوي...فيهاا البقاء للأقوى...
تذكرت تصرفات سعود...اهو جزء من هالعايلة...رغم روعته...الا انه شبيههم...نسخه منهم...فيه حركااتهم وافكاارهم وكل شيء...فيه حتى طريقة حكيهم...والنظرات اللي يوزعونهاا على الناس اللي يعتقدون انهم اقل منهم مرتبة...
تنهدت وحاولت انسى سعود....وخصوصا اني اشوف تركي..توه راجع من بره...كان ماسك باقة ورد كبيرة...لونهاا ابيض...وعلبة مدورة لونهاا ابيض بعد...يعرف انه اللون المفضل عندي بدون منازع...لأنه مرة سألني...فقلت له مثل هاللون مافيه احب على قلبي....المصيبة انو...فوق هذا كله موب مااالي عيني...
ابتسمت له بنعومة واناا اوقف وازين فستاني الموف
: اهلين.."
وخذيت منه باقة الورد اول ماوقف قباالي
: الله...وش هوله التعب؟؟؟.."
رد علي وهو يبتسم
: تعب؟؟؟!!....اذا ماا ااتعب عشان عروسي...اتعب عشاان مين..."
وحط ايدينه على كتوفي..بعدت عيوني عن عيونه...ما احب انه يكشفني...الصرااحه تركي خبير عيون.... يعرف كل شيء الأنسان يفكر فيه من عيونه...
تركي بعتب
: ليش تصدين عني؟؟...مارية ليمتى هذا الصدود؟؟؟.."
طالعته بتعجب
: وشووو؟؟؟.."
وخفت انه يكون مكتشف او شااك بشيء...فكملت بكذب وانا ابتسم
: ما يحق لي اخجل!!..."
وكملت بنبرة طفولية
: ترااني لسه عرووس!!...أذا تذكر!!"
تركي قال وهو يشيل يدينه من على كتوفي ويتراجع كذا خطوة ويتأملني
: فيك شيء موب عااجبني....!!.."
وقام يحك شعره شوي ثم كمل
: مارية...مية مرة سألتك مغصوبة علي؟؟؟...وبرجع اعيد عليك نفس السؤال..."
حاولت اقاطعه...بس سفهني وكمل..
: خليني اكمل كلاامي...ممكن؟؟"
خفت من نبرته اللي اول مرة اسمعهاا...وهزيت راسي له
: ايــــــــه كمل..."
وقف تركي قبال شباك وقال بتوتر
: مدري...اذا حطيت عيوني بعيونك...تتهربين مني...احسك تخفين عني شيء...
يمكن مغصوبة علي...يمكن لسه ما استوعبتي وش الزواج؟؟..يمكن..."
وغمض عيونه وخذا نفس عميق وكمل
: يمكن تحبين غيري!!"
فتحت فمي وطاحت باقة الورد مني...!!

" نورس "

نورس تعااالي هنااا....
يماااااااااااااامي ميتة خوووف...ما راح اروح له...ماراح اروح لسعود..ياااويلي يبي يخليني عند الـmonster...حقه..ماا اقدر...جريت لباااب غرفتي وقفلته بالمفتااح...الأمان...ثم الأمان...ما حد ناافعني اذا مت بعز شبابي بسكتة قلبية...ممكن تسببهاا لي ذيك البدووية...
مسكت جواالي...واتصلت بسرعه على هيفاء....ياربي قااعد يدق ولا ترد...و سعود صوته يعلى اكثر...ياربي فششلة...اناا ما احب اسفه سعود...الا سعود عااد...يؤيؤيؤ....موو قادرة...قلبي يفرفر من مكاانه....الله يهديك يا هيفاء انت وماما يعني كان لازم تروحون هنااك...والله اني ضعيفه عشان كذا الكل معطيني اشكل...
ما ردت هيفاء...رجعت ادق مرة ثانية...ثم قررت ادق على ماميييي...
اول دقة...
ثاني دقة...
ثالث دقة...
: الووو..."
قلتهاا بسرعه واناا فيني صيحه....
ماما وهي ترفع صوتهاا عشان الطق
: نوورس!!..وش فيك؟؟؟..."
رديت بسرعه واناا اقصر صوتي عشان لو وقف سعود عند الباب
: ماما الحقيني....ترااني ميتة خوووف..."
ماما بقلق
: نوورس...عيوووني...وش صااير اقلقتني...قلبي يوجعني.."
قلت بقلة حيلة
: خاايفه من مرت سعووود...ماما مرررة موو قادرة اشوفهاا....سعود يبيني اجلس يمهاا....اناا مااابي...الله يخليك الحقيني...."
سكووووت على الخط الثاني...
: مامااا...مااامااااا....اوووه...ماماااااااا..."
ماما بصوت حازم
: لوو ما قفلتي الخط هالحين...راح اجي واكسر الباب انا عليك...روحي ردي على اخووك...و
بعدين تعاالي يا ركيكة( تتريق علي!!!*_* )...تراهااا ما تآكل ولا تعض..آدمية مثلهاا مثلك...روحي بسرعه عيب تسفهين أخوك..."
قفلت ماما الخط بوجهي...واصبحت امام الأمر الواقع...
عليك يا نورس ان تثقي بقدرتك على معالجة المشااكل...سأذهب...وليكن الله في عوني!!....
اقنعت نفسي بهالحكي...وطلعت من الغرفة واناا مغمضة عيوني...!!

انتـــــــــــــــــــهــــــــــــى الجزء....

17 - 10 - 2024, 02:40 AM

الفصــ7ـــل

" ترانيم حزينه "

"هيفاء"

طالعت في نفسي بالمراية اللي بالمدخل...كنت اتأكد من ان زينتي تمام التمام...
كان شعري مثل ماهووو وعلى طبيعته ما حاولت اروضه مرة!! بس مثل ما قلت فوق رافعته بطريقة انيقة...
زدت كحل عيوني...وحطيت شوية جلوس احمر بلمعه ذهبية....
وابتسمت وغمزت لنفسي بالمراية...
خلصت اللمسه الأخير...اللي هي عطري المفضل جادور...
وبعد ما تأكدت ان ريحتي راح تبقى بالمكان فترة طويلة وهو لغرض بنفسي...
قررت اني ادور على فريستي بكل سهولة...بس اول لازم ادخل واسلم على العروس المصون...
دخلت للصالة الواسعه...

وهناك لقيت كل بنات العايلة جالسين حول رند...ويضحكون ويسولفون وهي خدودهاا حمر...تسوي فيهاا خجل!!...
هه اناا اعرف هالأشكااال ما عندهاا من الخجل ذرة بس تحب تمثل عليناا وتقنعناا...
سلمت على حريم اعمامي...وعمااتي وبااقي المقربين....وشفت ماما تطالعني من فوق لتحت وفي عيونهاا لمعه قوية...حسيت بقلبي يعورني...بس لااااء ماراح اضعف...
رحت يم البنات...وسلمت عليهم...ولاحظت انهم تباادلوا نظرات اعرف مغزاهاا زين...يظنون اني خسرت الحرب...ما دروا اني خسرت معركة بس!!..لكن الحرب لسه مستمرة وما تحددت نتايجهاا!
والطعنة اللي ما تذبحني تقويني!!....واناا قررت العب على مستوى اكبر بكثير...من المستويات القديمه...لأني اكتشفت ان الطرق التقليدية ما تجيب اي نتائج...
سلمت على رند بقوة...وبستهاا على خدهاا وكأني جد مبسوطة لهاا...ابتسمت لهااا بخبث واناا اقول
: ما بغيتوا ترجعون لنااا؟؟؟..كل هذا شهر عسسل!!"
رند وهي تطالعني بتوتر
: اه...ايه...عقباالك هيفااء..."
رمشت بعيوني...ما توقعتهاا بتقولي كذا...يتهيأ لي...ولا البنت بجد منكسرة؟؟..
قلت بلا مبالاة
: اناا؟؟؟...هههههه...اكيد طبعاا...زواجي بأذن الله بيكون جدا قريب..."
وكملت واناا امسك كاسة عصير قدمتهاا لي وحده من البناات
: وانتي اول المعاازيم يا رند...لأن العريس جاا بفضلك.."
وسعت عيون رند الحلوة
:بفضلي؟؟..."
قلت وانا اكذب بجرأة
: ايــه..يعني عن طريق زواجك...الصرااحه تشجعت اني اتزوج واعيش حيااتي..."
قلت وحده من بنات عماتي اللي انا متأكده انهم يكرهوني مرة
: صدق هيفاء؟؟؟...يا ربي ودي اشوفك وانتي عروس...بتطلعين كأنك حورية...مشاء الله عااد انتي عليك جمال باهر..."
سألتني وحده بلهفة
: وطيب مكياااجك؟؟؟...مين اللي بيسويه لك؟؟..وفستــاانك؟؟..."
قلت واناا اطالع بأظافري الطويلة وابتسم لرند
: مكيااجي؟؟...ههه...اللي مثل ما يحتاج تحط مكيااج...وحتى فستاني بيكون سمبل..لأن جسمي ما يحتاج شيء يخفيه..."
سكتوا الكل بعد كلمتي...وكأنهم تندموا انهم سألوني...اماا اناا فوزعت ابتسامات واسعه...ورجعت اسأل رند بفضول
: عاااد...قولي لناا كيف هيثم؟؟؟.."
وغمزت لهاا بوقااحه
رند بخجل وتلعثم
: هيثم؟؟..ماا عليه.."
وكملت بخجل وخدودهاا حمرر
: حبيب...مرة...الله يخليه لي..."
حسيت اني بولع..الله يخليه لك؟؟...بنشوف يا رند...بنشوووف...
انتفضت من القهر...وبس بكل براعه قدرت اخفي مشاعري...
واتظاهر بالفرح والسعاده...رغم اني احس بنيران تلتهم ضلوعي..
.شكلك مبسوطة يا رند؟؟؟..هااا؟؟...واناا...انااا...
جاوبووني...ليش سااكتين؟؟؟..تكلمواا...ترااني احق منهاا...
حسيت بضيقة خلتني اوقف لا شعوريا...واستأذنت بصوت متماسك
: بناات عن اذنكم...بطلع شوي...اشم هوا"
واخذت شنطتي الصغيرة الذهبية...وطلعت من القصر للحدايق اللي حوله...

تسندت على الجدار بس بعد مابعدت بكثير عن مدخل صالات الحريم...
كتمت عبرااتي بقوة...
ما راح اصيح...ما راح اصيح....بسس...غصب علي مقهووووورة...
لا يمكن اهي تعيش سعيده...واناا اعيش تعيسه؟؟...لا يمكن....اللي مثلي مفروض يعيش سعيد...واللي مثل رند..انسان وضيع هو اللي يعيش تعيس...
حاولت ابعد هالأفكار عن راسي...
فمشيت بخطوات مترنحه...احاول اشم هواء...واحاول اتمالك اعصابي عشان انفذ الخطة صح...الخطه لازم تتنفذ...لاااازم...
لالالالا...لا تخاذل...ماراح اترااجع...لسه عندي كثييييير...لسه عندي اصفي رند واصفي مرت سعود...وووو....ناس كثيير...لا يمكن اتخااذل...الأنسان الذكي هو اللي يقدر يتعايش مع المه...
ويخلي هالجرح اللي فيه يقويه ويحفزه...بدل ما يضعفه ويهزه...
طالعت بالقزاز العاكس اللي اناا قاعده امشي جنبه...وش ناقصني عشان اعيش مثل هالخلق؟؟؟...
حسيت بصوت في راسي يصرخ عاالي: نااقصك تكونين انسان!!
غطيت وجهي بقوة...انا انسان...انساااان...انسااااااااااااااان...
رجع الصوت يصرخ فيني بجنون
من بعد خالد وانتي فقد كل اتصاال بانسانيتك...نسيتي او تنااسيتي ان الموت مووو بيد احد...نسيتي انه بيد رب العاالمين...صحيح ان رند تدخلت...لكن حتى لو ماراح ذاك اليوم...كاان راح يموت على اية حاال...
جلست بتضااعف على البلاط...احس جسمي يألمني...وعيوني تعورني...ودموعي قااعده تسيل على وجهي بحرارة....
كله بسببك يا رند...كله بسببك...انت سبب كل اللي اناا فيه...
حسيت بالآلام فضيعه...تقبض على جسمي...حسيت بصدري شوي وينفجر...وقفت بتعب...لازم اطلع من هالمكاان...ماابي اي خطه...ابي اهرررب...احس بضييق....
من متى ماا دخلت هالمكاان؟؟؟...من سنين...
سمعت صوت ضحكة خاالد..ايه هذا خالد...رفعت رااسي بسرعه ادوور الصوت...مشيت بخطوات سريعه وصوت كعبي يطلع صدى مرتفع...
دخلت بين الأشجاار الكثيرة...والنباتات اللي من كل شكل ولون....شفت ظهر واحد...
خاالد؟؟؟...طالعت موو مصدقة...
ياما دعيت ربي...اني بس اشوفه للمرة الأخيرة...اني بس المسه...انيي....
...وقفت بمكااني احس بمشااعر غريبة...
بلعت ريقي موو مصدقة...يمكن هذي روحه؟؟؟..اناا وش قااعده اهذري به..اكيد قااعده اوسوس...
مسحت دموعي المقرفة اللي على وجهي...وظليت مكااني اراقبه بلهفة...ما ابي اقرب منه...مابي اكتشف انه مجرد حلم!!...اخااف اصحى من النوم...بس اناا مو ناايمه....
حسيت بصدااع...وتمنيت اجري واضمه...موو قادرة اسيطر على نفسي...كااافي....تنهدت غصب علي...وحطيت ايدي فوق فمي بقوة...ماا ابيه يسمعني...مااا ابيه يسمعني...
التفتت...التفت يا نااااس...دقات قلبي...يااويلي...احسهاا ماليه المكاان...رااح انفضح...بيسمعهاا...
كانت بسس...نص التفااته...لكني اكتشفت...اني لسه عاايشة بوهم كبير!!
ترااجعت بخيبة....هذا مو خالد...موو خالد...موووو خالد....هذاا نوااف
...نواااااف....
رحت اركض بسرعه...ابي اهرب منهم...ابي اهرب من بيتهم...ابي اهرب من هالصدى اللي يلاحقني...
ابي اهرب من كل شيء...من كل شيء...
حسيت بشيء قااسي....وكنت رااح اطيح على الأرض....
بس مسكني بأيده...

"نورس"

تحركت بقلق....الصرااحه خاايفه....قلبي يعورني...يا ماااامي...ياربي لسه السهرة بأولهاا...يعني مارااح يرجعون الا بعد كم سااعه...لازم اتماالك نفسي...
مشيت بتردد لغرفة سعود...واناا اسمع صوته يزداد بقوة....اخيرا وصلت لباب الغرفة..فتحت الباب بشويش...
طالعت بالغرفة حقت النوم...ماالقيت فيه احد...اجل معنااتهم بغرفة الجلوس...مشيت واناا حاسه اني بموت من الفجعه...
وصلت اخيرا لغرفة الجلوس...
ودقيت الباب دقتين...اول ما دقيته...شفت سعود...
وكاان لابس روب حمام كحلي...اول ماشافني...عرفت قد ايش سعود تعبان..فدق قلبي بقوة...وحسيت اني كنت قاسية لمن تخبيت بغرفتي لوحدي...
كاان مفروض اخذ سعود معي!!
قال سعود وهو يبتسم
: ماابغيتي تجين؟؟"
رديت بتوتر
: معليش...كنت مشغولة شوي...وش فيك؟؟"
قال وهو يبتسم
:ابيك تجلسين مع مضاوي...اناا بنوم...الصرااحه تعبااان..وخاايف اتركهاا لوحدهاا...اخاف تسبب لناا مصيبه...."
قلت واناا ابلع ريقي
: ليش مضااوي ماتبي تناام؟؟"
سعود وهو يفتح لي باب الغرفة بأكمله
: مااظن.."
طالعت جوه...وشفت مضااوي بمنظر مضحك...كانت قااعده تفحص كل شبر بالغرفة...وكلهاا فضول غريب...وشكل الليل بيكون بالنسبة لهاا طويل...وعبدالله اخوهاا واقف عند الشباك يتفرج..وينط...ويسوي حركاات شقااوة وقلق...
التفتت مضاوي على الباب..وشافتني اناا و سعود...
اناا حسيت بخوف واناا اطالعهاا...عيونهاا تفجعني...
بالكحل اللي حولهاا...شكلهاا ماتعرف كحل ديور؟؟؟..
الصرااحه نوعية ممتازة ولا تسيح!!
قال لي سعود بصوت واطي
: تراهاا ماتعض!!"
قلت بخجل
: عاارفة!!...بسس!!...اممم...خلاص...
انت روح نوم...وانااا بجلس معهاا هناا..."
وكملت بتردد
: اووو اقدر....آ...آخذ..هاا غرفتــ...ي!!"
قال سعود وهو يحك شعره بكسل
: لالالا...ماله دااعي...اجلسوا هناا...يله روحي..."
وقبل لا يمر من جنبي قاال
: ايه نورس...ياليت تطلعون بطانيات وفرش لمـ..."
سكت شوي وقال بارتباك
:مضاوي...ما تحب نومة السرير...ابي فرااش لهاا ولعبدالله..."
رديت باستغراب
: انش...ان شاء الله..."
وخليته يمر من جنبي..ودخلت الغرفة وسكرت الباب وراي...
حاولت اجر اطراف الروب حق النوم القطني اللي لابسته ويوصل لنص السااق بخجل...
لأن مضااوي ما كان باين منهاا شيء غير يدينهاا وعيونهاا وجدايلهاا الطويلة...
حسيت برعب...يعني والله موو دلع...لكن مدري..كان صدق شكلهاا عجيب...ومخيف...يعني احس كأنهاا...مدرري...مدري اذا بتفهمون مشاعري او لااا...ماااراح اكثر حكي واسولف عن مشااعري...انتم اعتقد انكم فهمتوا شخصيتي زززين...
قالت مضاوي لي اول ماجلست
: وش هاللبس الزززين؟؟..."
طالعتهاا مستغربة
: زين؟؟؟...اه...قصدك...عاجبك؟؟.."
وحسيت بضشوية رااحه...اقلهاا ما تعض على قول سعود...بعدين زين اني عجبتهاا...اوووه...قصدي لبسي عجبهاا...
المهم...انهاا سفهتني وما ردت على سؤالي...صدق غريبة...
طالعت بأخوهاا المريض بعطف...حسيت بقلبي يتلوى علشاانه...مسكين...
حسيته فعلا محتاج رعاااية...حتى لوو تزوجت ديمه من سعود...
بنخليهاا تخلي مضاوي على ذمته...
عشان نرعى هالمسكين ونكسب اجر فيه...
لازم احااول اعرضه على جمعيات المعااقين...
اقلهاا بيلاقي انداد له ونظراء...والله يا نااس مقطع قلبي...
صح ان اخته مخيفه...لكن هوو ابد موو مخيف...
قلت لمضااوي واناا اوقف بحماااس
: وش رايك اخلي الشغالات يحممون عبدالله...؟"
وكملت وانا ابتسم له يوم التفت علي
: عبدالله اسمك صح؟؟؟..."
هز لي راسه بقوة..فابتسمت له...
قالت مضاوي بأعلى صوت
:وشهووو؟؟؟... ما فهمت كلامك..."
قلت لهاا بسرعه
: قصرري صوتك..."
ردت مضاوي بحده
: وش فيه صوووتي؟؟؟..."
احترت شلون افهمهاا...اووه...موو كلناا عرب؟؟؟..ياربي منهاا...خلووني بس ارجع لساالفة عبدالله اخااف انجلط من هالحرمه...
قلت واناا افكر بطريقة اشرح لهاا...
: يعني نغسله...نغسل جسمه...وشعره..الشغالاات..."
قالت مضاوي ببرود
: ابك...الدنيااا برررد!!..."
قلت واناا ارمش بقوة...شلون تفهم ذييي؟؟؟...اففف...
: لاااء...فيه سخانات.."
وشرحت لهاا
: الموووية عندناا هناا حاارة مرة...تعاالي شوفيهااا بنفسك.."
هزت راسهاا مضاوي ميب مقتنعه...
: لالالالا...ماله لزووم...خلي عبيد...كلهاا شوية وبناام..."
مديت بوزي بقهر...والله لآخذه اذا نمتي واروشه غصب عليك...
كتمت افكااري وقمت اطالعهاا وانااا سرحاانه..
ومدري ليش جااني فضول الا اشوف وجه مضااوي..مع اني متأكده انهاا بتكون بشعه جدا...ومن المحتمل تكون معااقة مثل اخوهاا...بس كذاا..حسيت اني ماراح اقدر اتواصل واجلس معهاا الا وانااا شايفه وجهها...
خصوصا اني بديت ارتاح لهااا شوي...يعني شوي...موو كثير...رغم انهاا طويلة لساااانه...وما زلت اعتبرهاا كائن متصحر غريب!!
: مضااوي..."
رفعت مضااوي عيونهاا لي وهي ماسكه الريموت حق التلفزيون..تقلبه بيدينهاا بدون فهم...ورمته بقوة...وبملل...
: وشهووو؟؟.."
قلت بتردد
: ابيي...ابيي...اممم...آآآه..."
طالعتني بطريقة
: اخلصي بسرعه...وش تبين؟؟؟.."
قلت بتوتر وبخجل فضيع
: ابي اشوف وجهك...!!"
وقفت مضااوي وكأن جاهاا مس...قالت وهي تلفت
: وش هوووله؟؟؟..."
وقفت معهاا واناا ميتة خوف...حتى اني رحت ورى الكنبة تلقائيا
: بسس...يعني...انتي مرت اخووي..."
قالت بتفكير وهي تحط يدهاا على ذقنهاا
: يعني هالحين انت اخت سعوود!!"
قلت بفرح
: ايـــه..."
ما ردت علي وجلست ومسكت التيلفون اللي على الطاولة وقامت تقلبه بين يدينهاا باهماال...قلت واناا ارجع اجلس بهدوء
: ماراح اشوف وجهك..."
ردت ببرود
:هالحين يجي سعووود...ويشوفني واناا فاتشه..."
فتحت فمي...وقلت باستغراب
: واذا؟؟؟.."
قالت بعصبية وصوت مرتفع
: وش اللي واذا؟؟؟...انا اشهد انك منتب صااحيه...
تبينه يقول ان الحيا منفصخ مني؟؟؟..."
حكيت شعري...ليش احسهاا تتكلم الغااز؟؟؟...طيب...
يعني...شلووووون؟؟؟....لالالالا...اكيد اني فااهمتهاا غلط....
بلعت ريقي وقلت بشك
: يعني هاالحين...سعوود..ما راح يشوف وجهك ابد..."
قالت مضاوي وهي ترمي التيلفون بملل وتآخذ الفازه اللي جنبه
:ايه...المره السنعه هي اللي ما تخلي رجلهاا يشوف وجهها...لكن الماارد...تفتش عن وجهها طول الوقت...وتخلي الرجال يشوفهااا...
وكملت وهي مبسوطة وترفع راسهاا
: اناا ميمتي...ماا شالت البرقع عن وجهها قباال ابوووي...ابد....
ومررة...يوم اني صغيير....ما كنت افهم...كنت ورعه...
رحت اسألهاا...ليش ما تصير مثل شعااع؟؟؟....
وتقوم ميمتي وتكفخني بذااك الكف اللي خلاني اشوف نجوم القايلة...
وقاالت لي المره العااقل تستحي من رجلهاا...موو مثل شعااع...واصحك يا مضااوي..بيوم تفشتين قباال رجلك..."
رفعت حواجبي بذهول...حقائق جديدة..واستغربت من اللي تقوله...
معقول هالنااس عايشه بالسعودية...
معقوله عيب ان المره تكشف وجهها قدام زوجهااا؟؟؟
...اجل عند مين تكشفه؟؟؟..ومعقوله ام مضاوي تكون بهالقسوة وتصفق بنتهاا كف بس لسؤال بسيط؟؟؟؟...
يا الله احسهاا والله مسكينه...مدري ليش حسيت قلبي يعورني عليهاا...لازم تعيش مبسوطة بيناا...بسس...
برستيجي يحكم علي اني انكد عليهاا عشان ترجع لأهلهاا...
ياربي مدرري..مدرري...بفكر بعدين بكل هالأشياء...بس هالحين ابي اشوف وجهها...والفضول فيني لا يحتمل
:مضااوي..طيب اخووي سعود وناام...
اكشفي برقعك شوي بسس..وتغطي بسرعه والله ماا اعلم سعود..."
طاالعت مضااوي فيني بشك....ويوم تأكدت اني بريئة وقااصده كل كلمة قلتهاا..تلفتت حولهاا بحذر...وفتشت برقعهاا بهدوء...وبحذر..
فتحت فمي مذهولة....وهزيت راسي موو مصدقة...!!

"هيفاء"

حسيت بأنفاسي تتسارع....وعيوني تتعلق بعيونه...عيون اللي اناا مخططه عليه...لالالالالا ليش يشوفني بهالشكل؟؟؟...مو معقول خطتي تخرب...
مو معقول؟؟؟...
حاولت ابعد عنه...بس كان ماسكني بقوة مع ذرعااني...
لاحظت ان عيونه تطالع بوجهي وفيهم نظرة غريبة..
: هيفاء...وش فيك؟؟"
يعرفني؟؟...بس لي فترة طويله ما شفته!!...
صح اللي مثل ماتنسى...اللي مثل شكلهاا يبقى على طول بالذهن...
قلت وانا ابلع ريقي بخوف
: هيثم؟؟.."
وكملت بعد ما استوعبت الوضع
: اتركني الله يخليك..."
ما تركني....واناا خفت...خفت يشك فيني
..او يعرف السبب اللي له اناا جايه...
قال وهو يبتسم بجفاء
: وش تسوين هناا؟؟...وبعدين وش هوله دموع التمااسيح ذي؟؟"
انصدمت من اسلوبه...واناا اللي كنت بفسر نظرته اعجاب فيني...
اثرهاا كانت كره على كره...
معقول الى الآن يذكر وش سويت بين اخوه ومرته؟؟..بس هذا شيء قديم؟؟...هذاك كاان اول انتقاام...وتطلقوا والحمدالله...وخلااص كل واحد فيهم يعيش حيااته هالحين...
معقول يكون كلام ماما صح؟؟...
قلت لا شعوريا وبحقد وانا اصرخ فيه
: انت وش تسوي هناا؟؟؟..."
فكرت للحظات...اكيد...اكيد...معقوله ياربي؟؟؟..معقولة يكون الحظ اليوم صااحبي؟؟..
كملت وانا ابتسم بلؤم
: تنتظر المدام....صح؟؟..."
كان واضح انه ينتظرهاا...الترقب اللي بعيونه...
شكله المتفاجىء وما كأنه توقع ان فيه احد بيكون هناا...ابتسامته اللي كانت على وجهه اول ما صدمت فيه...
طالعني بنظرة شيطانيه...نظرة لو النظرات تقتل كان خلتني صريعه على طول...
بس انا هيفاء...والنظرات ذي ما تأثر فيني...
قال بصوت فولاذي
: واذا؟؟.."
قلت وانا احرك كتوفي ونسيت كل الدموع اللي كانت على دموعي ومنظري الفوضوي
: اسأل نفسك..."
حسيت بيدينه تزيد ضغطهاا وشوي وتقطع لحمي...
فحاولت ادفه بقوة عني...بس كاان لسه...ماسكني بأقوى ماعنده...وقاام يضغط علي بقوة...فصرخت غصب علي...
هيثم بعصبية
: ماحد رااح يسمعك...الرجال ويتعشون...والحريم مكاانهم بعيد..."
قلت بجنون
: رند هالحين تجي...وبتسمعني"
ما اهتم بكلمتي..وكمل وهو يقربني اكثر
: قسم بالله يا هيفاء...لو ما شلتي اذاك عني...
وعن رند ما يصير لك طيب..كاافي المره الأولى...."
اتسعت عيوني بذهول...يعني شكله اكتشف اني اناا اللي مرسله الغبي الأهبل له...
يعني كشف لعبتي....
مدري شلون انتبهت...او يمكن سمعت...او سموهاا اذا تحبون حاسه سادسة....ان رند قريبة...اعتقد اني سمعت خطوات كعبهاا...
فابتسمت لهيثم من قلبي بشر فضيع...لاحظت انه استغرب ابتسامتي....حتى انه هز راسه متعجب مني...وكان بيتكلم...
بس قبل لا يتكلم صرخت واناا ابكي
: حرااام علييييييييك يا هيثم......
اترركني....عيييييييييب...والله مو حلوة بحق اهلناا..."
وكملت واناا ابكي والدموع تنساال من عيوني بجد..دموع التمااسيح...
: هيثم اناا بنت خاالك...اناا من عرضك...
شلوووون تطعن عرضك يا هيثم؟؟؟..."
وقلت وانا اشاهق و هيثم مو مصدق فاتح عيونه
:رند مسكينه...عروووس...لااا..تسوي فيهاا كذا..."
كان هيثم بيرد علي...بيقول لي شيء...
بس نظرة وحده من وجهه للي واقفة وراي...
خلته يسكت...انصدم...
وكانت الصدمه واضحه على فمه المفتوح...وعيونه اللي شوي تبرز من مكانهاا...
والعرق اللي تجمع على جبينه...
سمعت صوت بكاء متقطع...رماني هيثم بقوة...وقام يركض...قمت اناا من مكااني...ورحت وراه بسرعه...
شفته واقف قدام رند....اللي كانت مصدومه وضامه نفسهاا بقوة...
طالعتني وحطت يدهاا على فمهاا...
قلت لرند وانا اتظاهر بالخجل
: اناا آسفه....يا رند...اهىىىىىء....
ما كان ودي تكتشفين الحقيقة..."
وكملت وانا اطالع بهيثم
: حقيقة هيثم...."
رند وجهها كان مسود...وكانت ترتجف و هيثم ماسكهاا مع يدينهاا...
كانت تطاالعني وترجع تطاالعه..
قالت وهي تشوف وجهي اللي كله دموع
: هيثم؟؟؟!!.."
وطالعته مو مصدقة..حسيت انهااا بدت تتهاوى...وشكلهاا راح تموت...او بيصير لهاا شيء...ركضت بعيد عنهم...
واناا ما افكر بأي شيء الا اني لازم اهرب هالحين...
سمعت جوالي يدق كذا مرة...بس ما اهتميت..رجعت الصااله...وقلت لماما اللي وقفت مفجوعه هي والحريم لمن شافوني
: ماما يله بنمشي..."
ماما بدون تفكير
: ليش؟؟؟..هيفااء فيك شيء؟؟؟..."
قلت بضعف واناا ابكي واطالع بالحريم
: ماا اقدر...ماا اقدر اقوووول...الله يخليك...لا تحرجيني....
ماماا امشيييي.."
وطلعت من الصااله واناا اركض..ودورت على عبايتي بسرعه...وبعد مالبستهاا كانت ماما وراي ووراهاا وحده من عماتي...يطالعوني مستغربين...
طلعناا من الباب الأماامي...واول ما شفت سواقناا جالس اشرت له بسرعه...ورحناا لسيارتنا اللي والحمدالله ماكان واقف وراها اي سيارة...
يعني نقدر نطلع بسهولة...
كنت اتنفس بصعوبة...وانا اتخيلهم يكتشفون لعبتني...ويقفلون علينا بوابة القصر...بس لاااء...انا هيفاء...اناا قوية...انا اقدر اهزمهم كلهم...
لا تقولون اني نذله..هذي خدعه والحرب كلهاا خدع؟؟...ولااا؟؟؟...
اول ما طلعناا من بوابات القصر....لقيت نفسي اضحك واضحك بدون تفكير....مسكين هيثم...مسكييييييييين...هههههههههههههههههه...يا حراام...رااحت على عريس الغفله...ههههههه....
ماما بتردد
: يعني...صااار؟؟"
جاوبتهاا وانا اشيل غطاي عن وجهي
: صاااار...ولو تدرين شلون صاار...صدقيني بتفتخرين ببنتك..."
اخت منديل وقمت امسح وجهي...وازين مكيااجي...
قلت لماما واناا ااشر للسواق يوقف عند ستار بكس
: ابي اكيف...لازم احتفل...هذي منااسبة لا مثيل لهاا.."
ماما وهي ترتعش
: هيفاء...وش صاار لك؟؟؟...ليش جيتنيا تصيحين؟؟..
وش فيه وجهك ولبسك؟؟..ما كنتي طبيعية.."
رديت عليهاا وانا ااشر للسواق عشان يوقف
: ماصاار شيء...الموضوع ومافيه يا ماما يا عيوني....انيي..."
ووقفت شوي استجمع انفااسي...
: اني قدرت اهين هيثم...وقدرت اضرب رند الضربة القاتله...وقدرت افوز بالمعركه...وهالشيء عندي...يسااوي كنوز العالم كلهاا.."
سكت ماما...وحسيت بجسمهاا يرتجف...وتفاجأت لمن حطت يدينهاا على وجهها وقامت تصيح بقوة...
قلت للسواق السوداني
: احمد...تحررك بسرعه...ارجع للبيت..."
ومسكت يد ماما....بس بعدتني عن يدهاا بقوة...وقامت تضربني وهي تصيح بقوة...
: ليييييييييييييه انت قاسية؟؟؟....ليييييييييييييه؟؟..."
ورجعت تبكي من جديد...حسيت بقهر...حتى ماما مو راضية تفهمني...محد راضي يفهمني...خلااص...اناا وش يهمني بالناااس...اناا بعيش حياتي مثل ماابي...ابي اجرح وازعل واضايق اللي ابي..ومحد...محد يقدر يدوس لي على طرف...!!
لأني هيفاء....مو اي بنت!!

"سعود"

تحركت على سريري بملل...واناا اسمع صوت التلفزيون المرتفع للأخير..
مالي خلق اقوم من النوم...احس اني ابي انوم للأبد...
مابي اقابل الواقع...ومين هو الواقع؟؟...
مضاوي هي الواقع وفراق مارية الواقع الأمر!!
قمت من على السرير وانا احاول اتلمس دربي....مشيت بخطوات بطيئة ثقيلة لغرفة الجلوس...

واول ما فتحت الباب...فتحت عيوني مصدوم...لكن الصدمه ذي تلاشت وحل مكانهاا ضحكه علت وعلت...
على كثر الضيقة اللي فيني....احس انهاا راحت...وحل مكاانهاا شعور غريب...كانت مضاوي جالسه ومغطية عيونهاا بشيلتهاا...وماسكه عبدالله جنبهاا...
ويردون على المذيع اللي بالتلفزيون...
ههههههههههههههههههههههه...لااااء موقف فضييع...
قلت بتريقة واناا ابتسم
: مضااوي...ليش متغطية؟؟.."
رفعت عيونهاا لي وقالت وهي مفجوعه
: ابك انت ما تستحي يومك تقول اسمي قدام الرجال..."
وسعت ابتسامتي...وهزيت كتوفي بالا مبالاة...
وسألتهاا
: شلون فتحتي التلفزيون؟؟"
طالعتني وكأنهاا موب فاهمه وش اقول
وردت وهي تفكر
: وووش؟؟؟...التلفـــ...التلفز....ووون؟؟...ابك والله مدري وش تقوول؟؟"
حطيت ايدي على راسي وانا ابتسم اوسع ابتسامه...
وكنت بقولهاا الصدق..
وان هذا تلفزيون وان الرجاال ذا لا يسمعناا ولا يشوفناا ...
لكن وفجأة وبخبث طرت على باالي فجأة جهنمية
قلت: مضااوي...يااويلك ويا سواد ليلك...
لو اشوفك تكشفين عيونك عن هالرجاال؟؟؟.."
وكملت بعد مافكرت
: قووومي...يله قووومي...بعد جالسه قبااله...صدق حريم مايستحون"
مضااوي اللي انفجعت من كلمتي...قاامت بسرعه وهي تسحب عبدالله معهاا وتجي يمي...
خليتهم يدخلون غرفة النوم...
ولقيت نفسي ابتسم للمذيع بخبث وااشر له وكأني اقوله مشكووور...
قلت وانا اوقف قدام المراية وامشط شعري...
: شوفي يا مضااوي..."
التفتت علي...وطالعتني وهي تحط يدينهاا على بعض قدام صدرهاا
كملت كلامي
: ماابيك تجلسين بس بالغرفة...اطلعي...تمشي...روحي وانزلي وسوي اللي تبين.."
وكملت وانا ابتسم لهاا
: ترى البيت بيت رجلك.."
قالت مضاوي وهي تفكر
: ايييييييييييه...ان شاااء الله..."
وسفهتني وجلست على طرف السرير...وقامت تلمس قمااشه...
حسيت بغثيان...وش هالصبح؟؟...
وطالعت بعبدالله اللي بعد كان ناوي يلعب فوق السرير...
: عبدالله..."
التفت عبيد علي...
قلت لمضااوي
: اناا بآخذ عبدالله معيي..."
مضاوي باستغراب وبفجعه
: اقووول اترك وخيي...خلك بعيد عنه...لا تقربه.."
قلت لهاا وانا اشد على صوتي
: اقصري صوتك...و عبدالله مآخذه...مآخذه معي..."
سكت وكأنهاا ما توقعت اني ارفع صوتي عليهاا...لا اله الا الله...
حرريم مايجون غير بالعين الحمرااء
بس قبل لا يجي عبدالله عندي مسكته اخته مع كتوفه بقوة
: وين؟؟؟...قلي وين؟؟...ابترد له ابوووي؟؟..."
عرفت نقطة ضعفك يا مضااوي...ابوك..هه..
رديت عليهااا ببرود
: تعرفين بعدين..."
ومسكت عبدالله من يده وطلعت من الغرفة....
رحت للخدم...وطلبت منهم يلبسونه ويغسلونه
...ويوكلونه...
مسكين عااد هوو ماله شغل لا بأخته ولا بمشاكل العايلة...
رجعت لغرفتي...واول ما دخلت...سمعت صوت صيااح...استغربت وش سبة هالصياح؟؟؟...كانت مضاوي حاطه يدينهاا على وجهها وتبكي
هاالحين كل هالمسرحية عشاني خذيت اخوهاا؟؟؟...ابتسمت بسخرية...وسفهتهاا ورحت للحمام...ابي آخذ لي شااور...والبس ثوبي واطلع من هالخنقة...

"مضاوي"

حااسه اني بموووت....سعود الله لا يساامحه...
نااوي يآخذ وخيي لبوي...نااوي يحرمني منه...بيذبحني حسبي الله عليه...
تستااهلين ماجاك يا مضاوي...الرجل ماله يوم متجوزك...
ورفعتي حسك عليه...وطولتي لساانك...
والرجال ما يحب المره الوذية( المؤذيه لغير الناطقين بالبدوية^_^ )...ولا يحب طويلة اللسان اللي حسه يوصل لآخر الدنيااا...
يااااااااااااااااااااااااااااويلي ويلااااااه.....
ابك انااا وش سويت بعمري؟؟؟...كنت اضحك على شعااااع وعلى طولة لساانه؟؟...وصرت اخس منهاا....
لالالالالا...لااازم استسمح من سعووود....عشان ما يآخذ وخيي ويوديه لبوي...كاان والله ثم والله اموووت...اناا ماالي عيشة بعد عبيد...هذا مثل ولدي...هذا ولدي...اناا اللي ربيته...وسميته...ووكلته من سواة يدياااتي...
لمست الشيء اللي انا متربعه عليه...كانت قمااشه نااعمه وزينه..ولونهاا وش زينه...ماهوب اصفر...بس على صفيير...
اييييييييييه...ذاا اللي نام عليه سعوود الباارحه...اناا وعبيد نمناا على الأرض...بس والله ياااهي نوومه تضييق الصدر...
ماهيب مثل نومتناا اول....كنت ارتااح يوم احط راسي على الأرض...صوت الريح...ونبااح" فطين"...وهبوب الهواء...قطعه مني...احس اني ما اقدر...اعيش هنيااا...العاالم موب مثلنااا...وسلومهم ميب مثلناا...وحتى اشكاالهم مير الله لا يبلاناا...عاالم عجيبة!!
لازم اقوول لسعود اني ابرجع مع اخوي...واللي ما يبي اخوي...مايبيني...ايه خلك قوية يا مضاوي تراك قدهاا...ايه نستي ولا تنااسيتي انت ميين؟؟...
انتي مضاوي بنت بنيان آل.....انتي سمية الغاالية...جدتك...لو درت انك تخاافين من رجاال...كان ذبحتك وشربت من دمك...
لازم اتكلمين وهاالحين مع سعود...
شفته يطلع من المكاان عااد اللي دخله مدري وش اسمه...الغرفة..ايه الغرفة...
قال اول ماشفني
: ما قلت لك ما ابيك تجلسين بس هناا..اطلعي من الغرفة..."
قلت بحدة
: مانيب متحركه من قباالك...لين ترد اخووي...والله ان ما جبت عبيد هاالحين...اني لافرغ السكتون برااسك..."
اييييييييييه..كذا يا مضااوي...خلك قوووية....انت بدوية مو من بناات المدن...

" سعود"

جاتني ضحكة غصب عليي...قالت وشو؟؟؟..
تفرغ السكتون ف راسي؟؟...هههههههههههه...صدق انهاا خبلة..
.يااهي خبلة يا تستخف بدمهاا...من وين لهاا سكتون؟؟؟....
لازم اشد عليهاا...ايه اللي مثل مضااوي يبي لهاا عين حمراء...
اللي مثل مضاوي متعوده على القسوة وانعدام الرحمه...
واناا بما اني بس متزوجها كم شهر...
لازم اعرف اسيطر عليهاا هالكم شهر الجايين...
قلت لهاا واناا اشمر عن يديني..
: اقصري صوتك...واطلعي بره.."
وكملت وانا اقرب
: لا تخليني اتوطى ببطنك..."
مضاوي وهي مفجوعه
: هاااا؟؟؟....توطى ببطني؟؟....تحسب مااا ورااي اهل يفكووني منك؟؟
؟...هاااا؟؟؟..
ترى والله ان عبيد...يقدر يفقشك بالحصااه...
ويخليك ما تفاارق الأرض...
اقصر الشر يا سعوود...وجيب وليدي...وبنمشي..."
قلت بسخرية
: نمشي؟؟..وين؟؟؟.."
مضاوي بعصبية
: موووب انت...اناا ووخيي....نبي نرجع عند ابوي..نبي نرجع لبيتناا...."
وكملت بسخرية
:ابوووي...اللي مااعرف يختاار رجااال...لبنيته..."
حسيت بقلبي يولع....اناا رجال غصب عليك...
وغصب على عشر مثلك يا مضااوي يا الــ...
مووب انتي اللي تقولين لي هالحكي...
لقيت نفسي اقرب منهاا...ولااا شعوريا...
صفقتهاا ذاك الكف...اللي مفروض يخليهاا تطيح على الأرض....
انصدمت يوم ظلت واقفه مكاانهاا وعيونهاا يتطاير منهاا شرر...البنت ما تزحزت من مكاانها...حسيت ان يدي تآكلني...وان ودي اضربهاا واضربهاا لين ما اقول بس...بس لاااء...هي غلطة..اناا يدي ما تمتد على بنت...
بس اناا اعرف اقهرك يا مضاوي....
انت سبب كل اللي اناا فيه...انت واهلي...راح اقهركم وانتقم منكم...
....ما راح ارحمكم...
زحفتهاا عن طريقي بقوة...بس مسكت بيدي بأقوى ماعندهاا...دفيتهاا عن يدي...وطلعت من الغرفة...

"نورس"

كنت واقفة برى غرفة سعود...وحاطه اذني..على الباب..وانصدمت لمن انفتح الباب...وشفت سعود واقف قدامي...
طالعني سعود من فوق لتحت...
وبعدني من طريقة ومر..من جنبي...
حسيت بندم...بس ماطال هالندم...واناا اطل بشوف وش صاار لمضااوي ؟؟
..لقيتهاا على الأرض...وكاان شكلهاا بحاله مأساوية...
حسيت بفرح وسعاده غريبة...غريبة علي اناا نورس...
اللي معروف ان كلي طيبة وحنان...
بس من ناحية مضاوي احس باحاسيس شتة ما اقدر افسرهاا...
رحت ركض لغرفة هيفوفة...لالالالا...لازم هيفاء تكون اول العارفين بهالخبر السعيد...
لازم تدري عن كل شيء يصير...لأنهاا اهي اللي بتخطط...واحناا بس عليناا التنفيذ...
وصلت لغرفة اختي...وفتحتهاا على طول...والحمدالله كانت هيفاء ماسكه التيلفون تسولف....
جلست قبالهاا وفعيوني نظرة وحده مبسوطة حيييييييييل...
نظرة شوووي لئيمة
هيفاء وهي تكلم اللي معهاا على الخط
: لحظة بس...مدري وش عند الآنسه نورس؟؟؟"
والتفتت علي
: وش عندك؟؟.."
قلت بنعومة
: عندي...خبر بفلوووووووووووس...
خبر بيخليك تعرفين ان عندك اخت سنعه مو أي كلااام.."
هيفاء وهي ترفع حواجبهاا وتقلد صوتي
: والله؟؟؟...وش الخبر؟؟..وعن مين؟؟؟.."
قلت لهاا بفرح
: الخبر عن مرت اخوناا...المصون.."
قالت هيفاء بنعومة
: تسمعين يا حلوة...الخبر يخصك.."
وفتحت السبيكر
: خلي ديمه بعد تسمعه معناا..."
قلت بفرح
: ديمممه؟؟...علمتيهااا.."
هيفاء وهي تنط من الفرح
: ايه..بس لسه ماردت علي...هاا وش قلتي يا ديمه؟؟؟"
ديمه ببرود
: والله الصرااحه لأنكم كاسرين خاطري بشاارك بالموضوع...
ولااا طول عمري مرتزة قبال سعود عمره ما شافني...
صدق يحرررررررررررر..اخوكم ماعنده نظر...
احد عنده ديمه...ولا يناظرهاا؟؟.."
قلت انا لهاا بحب
: والله يا ديمه...اذا عرفتي تخططين عليه...صدقيني بتجيبين راسه..
بعدين انتي لو تشوفين مرته...
شييييييييييينه...مافيه أي مقاارنه بينكم.."
طالعتني هيفاء ورفعت حاجبها مستغربة من كذبتي...بس ماعلقت..
قلت وانا اجلس على السرير وآخذ حبة برنجلز واتربع جنب التيلفون اللي بيني وبين هيفاء...
: يا طويلاات العمر...كنت مارة من جنب غرفة عرساننا...
ومدري ليش جااني فضول ابي اعرف وش يتكلمون فيه...اول شيء اصواتهم كانت واطيه...ثم قااموا يصااارخون ويتهاوشون..."
وكملت بتردد
: والظااهر ان سعود صافقهاا...لأن هيئتهاا وجلستهاا على الأرض بعد ماطلع...
تدلل على انها ماد ايده عليهاا.."
هيفاء وهي مستغربة
: تقولين الصدق؟؟؟...ما ظنتي..اساسا سعود مايضرب خير شر.."
ديمه بفرح ولؤم
: داامه طلعته عن طوره...بكون اناا من اهديه...خلاص اسمعوني هالحين.."
وتنحنحت شوي وكملت
: اناا كلهاا يومين واجي ازوركم...وبعدهااا نخطط تمام...ونلعب لعبتناا...
واسمعووني...لا يحس سعود ان فيكم بلا...
خلوا تصرفاتكم طبيعية..."
سكتت شوي ثمن كملت
: وانتي يا نورس...كثري من جلستك عندهاا...وابدي اقنعيهاا ان الحياه هناا بششعه...
يعني كررهيههااا بالشيء اللي تشوفه...
لا تخلينهاا تحس انهاا طاحت على كنز..."
قلت بحماس
: من عيووني..اهم شيء يتزوجك يا ديمه..اهم شيء.."
هيفاء
: اجل...يله باااي...انت خططي...وانا بنخطط ونشوف وش يطلع معاناا؟؟؟..."
قلت بحمااس
: يله لا تنسين تعلمينا وش تفكرين فيه؟؟"
ديمه بنفس اسلوبهاا البارد
: يصير خير...باااي..."
وقفلت الخط...التفتت علي هيفاء بسرعه...وقالت بشراسه
: ليش كذبتي على ديمه وقلتي لهاا ان مضاوي بشعه؟؟؟
..هماك قايله لي ان مافيه من جمالهاا ثنتين.."
رديت ادافع عن كذبتي
: يا حبيبتي...يا هيفاء...لازم نخلي ديمه تشوف حالهاا...علشان ما تحس بفرق...
نبيهاا تكون على طبيعتهاا...لأنك انتي تعرفين ديمه اذا تكلفت...
وايه اكيد بتكلف اذا درت ان مضاوي جمييييييييييييييييييييله.."
هيفاء بحماس
: اوصفيهاا لي من جديد...ماا اصدق...ان تحت ذاك البرقع الجمال اللي تقولينه..."
قلت بصراحه وانا اتمدد على السرير
: والله يا هيفااء... يا فيهاا جمال..ما اقول غير....مشاء الله لا اله الله...
يا شيخه عمري ماشفت نص الزين اللي عندهاا..
.لا باسكال مشعلاني ولا هيفاء وهبي...
كاافي اساسا عيونهاا...وش عيونهاا يا هيفاء؟؟؟..نص وجهها...كباار...مسحوبة...ورموشهاا الكثيرة...اللي راسمه عينهاا...هيفاء مشاء الله رموشهاا...
طوااااااااال...وتصوري حتى من اسفل كثيرة مو بس من فوق...
وبعدين مشاء الله لون عيونهاا...وش لون عيونهاا...
شفتي السواااد...السوااد...هالسواد البااهر...جايك ببقعة بيااض...
ياربييييييييييي...خليني بس سااكته..."
هيفاء بقهر
: هالحين هالبدوية القرووية...ام البراان...اللي طول عمرهاا بالشمس والصحراء والهواء...
تقولين فيهااا حسن وجمال ما نشاف بأحد...واناا وانتي...
طول وقتنا في باريس نعاالج هالبشرة...ونسوي حمامات اشكال والوان...
ومع هذا..على قولتك ولا شيء عندهااااا..."
قلت وانا اوقف
: والله يا عمري هذي الصرااحه مو مصدقة روحي شوفيهاا...صدقيني...بتنصدمين........وابشرك بعد...ان كلهاا فترة وراح يبان حتى بيااضهاا...لأن سمارهاا ذا واضح انه سماار شمس...ترى ذا جمال رباااني..."
زمت هيفاء شفايفهاا وقالت بعد لحظة
: لاااء...ماابي اشوفهااا...كاافي انك حارتني اروح انحر اناا بعد...
وبعدين ان شاء الله انهاا ما تبيض...بخليهاا تطلع الحدايق طول اليوم..."
وكملت بعد لحظة بقهر
:اهم شيء...ان سعود ما يدري..
وش تحت هالبرقع...تعرفين اخوناا فناااان...
يعني من انصاار الجمال...فما له داعي نهيض الأحاسيس الفنية عنده.."
قلت واناا اروح للباب حق غرفتهاا
: على العموم..ارتااحي يا انسه...
واحتفلي بانتصاارك...ما امداك تنبسطين...بانتصاارك على رند.."
هيفاء بنعومة
: مين قاال؟؟...كاافي بكاءهاا وصدمتهاا بحبيب القلب...
احس انه موسيقى مميزة.."
وتمددت على السرير وغمضت عيونهاا...
طلعت من الغرفة...واناا افكر...معقولة اللي يصير في هالبيت صح؟؟..
كل عيلتنا انتقاام بانتقاام...
ابوي انتقم وامي انتقمت و سعود انتقم و هيفاء انتقمت واناا قريب بلحق بباقي الركب وانتقم بعد..."
رحت لغرفتي...واول ما دخلتهاا...سمعت جوالي يدق...رحت ادوره...بس وقف رنين...ولمن لقيته بالأخير...
فتحت الmissed calls..بسرعه...يمكن احد مهم...قطبت حواجبي مستغربة...
مجلة اضواء؟؟...وش يبووووووووووون؟؟؟...

في قصر العم عبدالرحمن...
كانت الأمور موو قد كذا...والأوضاع في اسوأ حاال..
يومين من بعد مصيبة هيفاء اللي حلت عليهم
و رند قافلة على نفسها الباب
لا تطلع ولا تتكلم ولا حتى تأكل...
كل ما تتذكر اللي صاار تقعد تصيح...ما تصدق ان هيثم يتحرش بهيفاء
صح انهاا كانت تكره هيفاء...بس حراام على هيثم يعاملهاا بهالطريقة
كل ما تذكر لبسهاا وحوستهاا وهي توسله وتصيح
ترتعب وتفكر لو ماجات في ذيك اللحظة كان وش صاار
تفكر لو درى نواف اخوهاا بالموضوع وش بيسوي لهيثم
بيذبحه...مليون بالميه بيذبحه...

" نواف"

على طاولة الغداء...كنت جالس العب بصحني...
ماحد راضي يعلمني وش صاار ذاك اليوم...ماحد راضي يتكلم...ابوي بصف رند...سواء بحق او باطل...
تصوروا انها قاعده تطلب الطلاق....طيب قوليلنا ليش؟؟...
رافضة انهاا تكلم...رافضه انهاا تصرح...
وخواتي الثانيات نفس الشيء...
ياربي مو معقول...لازم فيه احد يعرف الحكاية الكامله...
لو بس الاقي هيثم...
المصيبه ان هالرجال اختفى وكأن الأرض بلعته...
يعني اكيد مسوي شيء غلط...شيء غلط...واكيد حجم هالغلط كبيير...اكبر مما انا او غيري من اللي ما يعرفون يتصورون...
الشيء الوحيد اللي انا مستغربة...
هي كلمة اختي" ندى" قالتهاا بس بعدين امي سكتتها قبل لا انتبه وش الحكاية..
" الله يآخذ هيفاء"
وش دخل هيفاء؟؟؟...مو قادر اتخيل انها بتحشر نفسهاا بين اثنين متزوجين؟؟...
وطيب...ليش متأكدين ان هيفاء هي سبب المصيبة ذي؟؟..
الصراحه مشكلة خواتي انهم يغارون من هيفاء غيرة فضيعه...
لذا اي شيء يصير فهم يحطونه على هيفاء...
يجمعون واحد وواحد ويطلع ثلاث مع هذا ما يهتمون...
ما يدرون ان هيفاء ما تدري عنهم...ما يدرون ان اللي مثل هيفاء...تعيش ببرج عاجي...تتمتع بكل ماربي عطاهاا...من غير ما تلتفت للناس...
وهذا اللي قاتلني..
اللي قاتلني انهاا تعيش بدون ما تشوف احد غير نفسهاا...
ما تدري عن قلب متعذب ومتوله...مرات لا شعوريا احمد ربي ان خالد ماات..
استغفر الله العظيم...غصب علي والله..احبهااا...احبهاا يا بشر...
ليت احد يفهم هاللي يجول بصدري...
تنهدت لا شعوريا...وضربت صدري بقوة...
ابوي باستغراب
: نوااف...وراك يا ولدي؟؟"
طالعت فأبوي
: لاا ابد...بس متضايق علشان رند.."
ابوي وهو يآكل
: رند يا ولدي عمرها 30 سنة...يعني بنت عاقلة...
انا معهاا باللي اهي تسويه...صدقني هذا افضل...
حتى ما نخسر بعضنا.."
سكتت امي...وخواتي الصغار واخوي بعد الصغير...
قلت بصراحه
: يبه لو تطلقت راح نخسر بعضناا.."
ابوي باعتراض
: لو استمرت معه وهي رافضته...راح تقوم قيامتنا ويمكن نتقاطع...
واناا مابي اكره هيثم...لأني دوم اعزه...
ولااا ابي اقاطع اختي...
ولا ابي بنتي تعيش متغربلة...."
ما اقتنعت بوجهة نظر ابوي...بنت توها متزوجة...وبكل سهولة بيخلونهاا تطلق من رجلهاا...والمصيبه بدون حتى مايعرفون السبب...
هذا والله دلع البنات...انا لازم اقوم اكلمهاا...قمت من على الطاولة...واستأذنت منهم...اني ابي اروح آخذ لي غفوة...
طلعت للدور الثاني...واول ما وصلت عند غرفة رند...ترددت...خفت اغلط عليهاا او اضايقهاا...
بس بالأخير قررت اني ادخل ويصير اللي يصير...

في ايطاليا...
بلد العشق والطبيعه الخلابة
بلد يهيض مشاعر الأنسان
ويثير احاسيسه لأبعد حد
كانت جالسه لوحدهاا في مقهى تعودت تلتقي فيه بسعود...
مقهى احتظن احلى مشاعرهم
احتظن اروع لقاءاتهم
احتظن ضحكاتهم وغزلهم البريء وكل شيء طاهر بينهم...
احتظن احلى عناق بين اليدين
احتظن الأشعار اللي كانت تحفظهاا عشان تقولهاا لسعود
ياااااه صعبه الذكرى
قاتله....جاارحه...قوية...مثل الرمح المسموم...
تتعبك...تنهيك...تقتلك باختصار..

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره

"مارية"

جعدت الورقة اللي بيدي...
كانت ورقة كتب فيهاا تركي رسالة غزلية لي...ورقة ماحركت فيني شعرة...ورقة مثل قلتهاا...ورقة كرهتهاا اكثر ما احبهاا...
ليييييش ما يفهم؟؟؟...ليش ما يفهم اني ما احبه؟؟؟...ليش لازم اجاوبه واصرخ فيه واقوله ما احبك؟؟؟...
يقولون الرجل يفهمها وهي طايرة...لكن تركي غبييييي...
تنهدت وانا اتذكر رد فعلي اول ماشفت الرسالة
كان مرسلهاا لي عن طريق البريد...
في المحل اللي اعرض فيه ملابسي...انصدمت لمن شفتهاا...ومدري حسيت بمشاعر غريبة...مشاعر متفاجأة ومبسوطة...وشيء ما اقدر اوصفه...
بس حسيت كأني كنت عطشانه وانرويت...
احساس رائع تمينت انه يدوم...لكنه انتهى بسرعه...
لأني...ضنيت ان سعود ذكرني...ضنيت انه رااجع قريب...
ضنيت انه يعتذر لي بهالرسالة..انا بس شفتهاا حتى ما دريت هي مرسلة لي من وين؟؟؟...لكن لهفتي الغبية احبطتني...
لدرجه اني ماقريت العنوان!!
اول ما فتحتهاا عرفت للأسف ان هذا تركي....
سعود الحلم الجميل...وتركي الواقع المريررر...
آآآآآآآآآآآآه...سااعدوني يا بشر...ما احبه...ما اقدر احبه...احزن عليه...
اناا ندمانه اني تزوجته...اهي غلطة وليتني اقدر اصلحهاا...
مراات اضغط على نفسي...واقول...هذا زوجك ما ناقصه شيء...تمسكي فيه...
لكن
في معظم الوقت....المشاعر تهبل بي...وتحرقني وتألمني...
ما اقدر اشوفه بدون ما اتخيل سعود...
حتى يوم يلمسني...احسبه سعود...معقول لهالدرجه احبـــه؟؟؟...
فيه حب بهالطريقة...مين يقول ان الحب شعور جميل؟؟؟...
الحب اسوأ شعور ممكن تحسه...الحب قاتل...
الحب حرب مستمرة مالهاا نهاية...حرب تستهلك فيهاا كل قدراتك...
كل مشاعرك...كل طاقاتك....
ليتك يا سعود ترجع...لييييييييييييت....لالالالا....واذا رجع؟؟؟..وش بيلااقي؟؟؟..بيلاقيني بقايا مشاعر...بقايا انثى..بقايا..مجرد بقايا....
لالالالا...يارب ما يرجع...هيفاء كانت تقووول...انه بيعرس قريب...يعني يمكنه اعرس هالحين....يمكنه تزوج...وحده من مستواه...تنااسبه...مثله...شبيهة به...
غمضت عيوني بحسرة...وانا امسك كوب القهوة المفضلة عنده...وانا ماسكه كوبه اساسا...ما اشرب غير فيه...آخذه وياي بكل مكاان...
تذكرت...جنوني لمن ركضت وراه اول مرة...اول ما طلع من البوتيك زعلان وضايق...لو بس مالحقته...كان كل شيء صاار رائع بحياتي...
لكني بهبالتي وشاعريتي ورمانسيتي...لحقته...
وناديته رغم اني ما اعرف اسمه...
" لو سمحت؟؟؟"
حطيت يديني على وجهي مابي اتذكر...مااابي...بس ذاك اليوم كان قريب...قريب حيل...آآآآآآآآآآآآآآه يا ربي سااعدني...ماني قد هالحب...والله مو قده...

" لوسمحت"
التفت سعود بسرعه...وابتسم اول ما شافهاا...البنت اللي عاجبته...
" هلاا..."
تلبكت مارية...وحست انها قاعده تذوب..مثل قطعة ثلج تحت اشعة الشمس
: اهليين..معليش على قبل شوووي..."
سعود وهو يبتسم احلى ابتسامة
: وين اختفيتي؟؟؟...ضنيت اني ضايقتك؟؟..."
ردت مارية بطفولة
: لالالالا....بالعكس.."
وقالت باستعجال كالعاده
: تقدر تدخل.."
سعود اللي عرف انه قدام بنت البراءة تشع منهاا...
اشعاعات قوية مثل اشعة الشمس...
ومو اي شمس شمس الرياض الحبيبه...
ابتسم وهز راسه
: لاااء...مانيب دااخل..."
وطالع بسااعته
: عندي موعد..."
وكان يكذب...بس يبي ينقذ كرامته اللي انهدرت قبل شوي...
ما يبي يبين نفسه ملهوف عليهاا...يحس بقلبه ينط بقوة...
وده يزيح شعرهاا عن وجهها...
ويلمس وجهها البريء....!!!
قطبت مارية حواجبهاا بأسى
: ماا راح تدخل؟؟؟..."
ومدت بوزهاا وشكلهاا فعلا ضايقة
قال بنعومة
: لا تزعلين.."
دافعت عن نفسهاا
: مو زعلاانه...بسس..."
وكملت الدفااع
: يعني..مووو حلوة مانضيفك!!..."
سعود بخبث
: تضيفيني؟؟؟...هه...لا ما يحتاج.."
وكمل وهو يقرب منهاا
: شوفتك احلى ضياافة..."
وسكت...وسكتت...ماكانت قادرة تطاالع فيه...
عيونهاا تعلقت...بجزمته السوداء الأنيقة...ريحته شدتهاا له بقوة...
ما تبي تصحى من هالحلم...هذا اللي كانت تفكر فيه...
قداامهاا يكلمهاا...يضحك لهاا..ما يصرخ عليهاا...
يعني معقوله كل دعاء تدعيه يستجااب لهاا؟؟؟...
اكيد ربي يحبني...هذا اللي فكرت فيه مارية ببراءة...
وبدت الدموع تتجمع بصفحة عيونهاا...كانت تبكي فرح...تبكي ليش ما تدري؟؟؟..اهي طبيعتهاا انسانه رومانسية حساااسة..من النوع اللي يقرا روايات عبير واحلام طول الوقت...تحب تعيش الأحاسيس والحلم لآخر لحظة...
حياتهاا القاسية جبلتهاا على الرقة...عكس كل النااس اللي ينجبلون على القسوة في ظل الحياه اللي ترعرت فيهااا....

قمت من مكااني بسرعه...دسيت مبلغ صغير من الفلوس تحت الصحن...وشلت كوبي ويااي...وطلعت من المقهى...كانت الدموع مالية عيوني...
قمت امشى بسرعه...وبسرعه...ابي بس اهرب من المااضي...بس ذاا مو مااضي...هذا حاظر ومستقبل وكل شيء...كل شيء يا ناااس...
افهموووني يا عالم...اناا احب سعود والله احبه....احبه...

مثل ماحنا شايفين....الحياه ماشية على وتيرة مختلفه في حياة ابطالناا...نااس مآخذهم مد وجزر...ونااس تحقق انتصار ورى انتصاار ولا يشبعهم..
.ونااس مسااكين يتألمون ويصيحون ولاا حد يسمعهم...
ونااس هم اللي يهموناا...ناس انوخذوا لدنيا جديدة...لدنيا غريبة عليهم...دنيا ما يدرون شلون يتكيفون فيهاا...
الحياه رجعت تشد على مضاوي من جديد...وسعود كرهه يزيد لهاا بدون اي سبب...مارية بقلب سعود حية...والعكس صحيح....
نواف وحبه لهيفاء....وشلون رااح يتصرف لو عرف ان هيثم تحرش بهيفاء مثل ما كل العايلة تظن؟؟؟...
ورند معقول تتهور وتقوله؟؟؟....
ونورس...وش تبي فيهاا مجله اضواء؟؟؟...ومعقولة نورسنا تكون لئيمه وتروح تخرب على مضااوي علشان خاطر ديمه؟؟؟...
وديمه وش بيكون موقعهاا من الأعراب في الأجزاء الجاايه؟؟...

17 - 10 - 2024, 02:42 AM

الفصــ8ـــل

"غربة الروح"

"سعود"

ركبت سيارتي وانا انتفض..كانت ايدي محمرة...وحاس بحرارة قوية فيهاا...انا مو مصدق...اني ضربت مضاوي بهالقوة...ضربتهاا من كل قلبي..وكأني اقولهاا ليش تزوجتيني؟؟...ليش وافقتي علي؟؟؟...
دخلت المفتاح..وفريته...ومشيت من بين السيارات اللي موقفة...كنت ابي اطلع...ابي اشم هواء...ابي ارتاح من هالمشاعر الفضيعه اللي مشتعله فيني...
ودي افرغ كل هالأحاسيس...بمضاوي...ودي اطقهاا...واكسرهاا...ودي اشرب من دمهاا...مدري ليش؟؟..
يمكن بسبب لبسهاا...بسبب هيئتهاا...بسبب اسلوبها الغبي بالكلام...يمكن حتى بسبب لهجتهاا اللي ما اعتدت اسمعهاا...
طلعت على الشارع الرئيسي....دخلت سيدي منوعات...هدية من اغلى غالية في الدنيا...مارية...جعلهاا ما تشوف ايام مثل اللي اشوفهاا حاليا...
تصاعد صوت المهندس..بأروع ما فيه...بكل مشاعره الجميله اللي يحملهاا بين طيات هالصوت...
يحكي قصة غرام مختصره ناعمه....ياما غنتها لي مارية...رغم ان صوتها عادي...الا اني كنت احب اسمعه...يخليك غصب تصغي وتبتسم في وجهها...
بين ايديا واحس انك بعيييييد....ذوب باحظاني مثل قطعة جليد...
علم العشاق كيف الحب يكون؟؟؟....بلا حواجز... احلى طعم الحب اكيد...
زيد ناري...خلي بجروحي ملح...خلنا نسهر ليلنا حتى الصبح...
لا تفكر حبنا غلطة ولا صح..وش ماا يعدي العمر...حبنا يظل جديد...
حسيت بالعبرة تخنقني...ياااه يا سعود...عمرك بكيت على بنت قبل؟؟؟...لااا...بس مارية بكتني...مارية كسرت قلبي...كان مفروض ما تصدق حكي اهلي...وتروح تهور وتزوج اول واحد يطق بابهاا...شلون الحب يكون كذا؟؟؟...وين الحب الصامد الصبور؟؟؟...وين قيس وليلى...وعبلة وعنترة عشان يشهدون ضدهاا؟؟؟..وين روميو وجولييت؟؟؟...عشان يدينونها على تهورها وتسرعهاا.....آآآآآآآآآآآآآآه يا صبر!!..وينك يا صبر؟؟؟..رحلت مع الحبيبة...وخليتني مثلهاا...متهور...
اروح واخطب وحده عمري ما شفتهاا...وحده مافيها اي شيء زين...اي شيء ممكن يصبرني...عليهاا...
كل هذا عشان انتقم لجل قلبي...كل هذا عشان اعلم هلي..ان مارية كانت هي اللي بترفع روسهم...مو بنت القبايل والحمولة!!
اقترب مني...ترى الدنيا فرص...خذ من شوقي...اذا شوقك نقص...
خلي احجيلك مواويل وقصص...ش مايعدي العمر حبنا يظل جديد...
زيد ناري خلي بجروحي ملح...خلينا نسهر ليلنا حد الصبح...
لا تفكر حبنا غلطة ولا صح..شمايعدي العمر حبنا يظل جديد....
زدت سرعة السيارة...اسابق الريح فيهاا...كنت فاتح الشبابيك...والهواء يلعب بشعري...ويخفف علي شوي من الحرارة اللي منبعثة فيني...
شفت القلب اللي اهدتني اياه مارية...يتحرك بقوة...وكأنه على وشك يطير...نزعته بقوة...وطالعت فيه وانا احس بقهر فضيع...
وقفت عند الأشارة....وفتحت القلب القماشي برقة...كنت خايف يتقطع او يصير فيه شيء...هذا قلبي...
طلعت صورتهاا....صورة الغلا كله...صورة سراج القلب...صورة كل مافيني من مشاعر واحاسيس حلوة ومتدفقة....صورتهاا واهي هيمانه فيني...عيونهاا ذايبة فيني...وشعرهاا يغطي جبينهاا...و....

: لالالالالا...سعوووووووود"
سعود بنعومة يقلد صوتهاا وهو ماسك الكاميرا الصغيرة: وشوو؟؟؟"
ردت مارية وهي شوي وتصيح: لا تصووورني...ترى شكلي مرة شين بالصوور...الله يخليك...بتكرهني والله.."
سعود وهو يطالع فيهاا بحب مجنون: انت شكلك شين؟؟؟...مجنونة انتي؟؟؟...انت اجمل مخلوقة بهالوجود...اكرهك؟؟؟...لا تبلين علي!!"
قرب منهاا بسرعه....
وحط ايده على اكتافهاا: شلون يا مجنونة تقولين عن نفسك شينة؟؟..شلون تقولين اكرهك؟؟؟.."
مارية وهي تبتسم بخجل وخدودهاا تتورد...ودقات قلبهاا تتسارع بشكل غريب...بس اعتادت عليه مع...سعود
: سعوود...بعد عني...النااس تطالعنا!!..وبعدين ايه...اذا صرت شينه..بتكرهني..."
بعد سعود عنهاا شوي...ورفع ذقنهاا بيده
: بصورك يا قمر....هذي اولا...ثانيا...صدقيني يا حبيبتي...انك اجمل ما خلق ربي...ماابي اسمع تقولين شيء زي كذا...
ثالثا...عمري ماراح اكرهك...حتى بعد ما تجيبين اطفال...ويزيد وزنك...وتصورين سمينه...ووجهك كله حبوب...بتظلين بقلبي اجمل جميلة..."
مارية وهي تحاول تتهرب من هالصورة الاجبارية...
: طيب...اوكي..انا جميله...بس مو لااازم تصووورني..ولا تفاول علي...ان شاء الله دوم بحتفظ بجسمي..."
سعود وهو يحك شعره: يعني اذا صرت شين بتكرهيني؟؟؟.."
قالت مارية وهي تضرب جبينه باصباعها بخفة شديدة
: لو تصير اصلع...لو تصير لك كرش...لو بتصير اللي تصير...مارية دوم بتحبك...لأنها ما حبت هذا كله...اهي حبت هذا وبس..."
واشرت على قلبه...وابتسمت له بهياام...
نسى سعود نفسه وهو غارق بعيونها الملونة...واهي نست نفسهاا واهي ذايبة بعيونه...سعود امل حياتهاا...يوم فقدت الأمل بكل شيء...اهو اللي انتشلهاا...ودافع عنهاا...وحبهاا...مثل ماهي بدون اي رتوش...
معقول فيه حب بهالدنيا كذا؟؟؟...
كليك
( ضوء فلاش)
صرخت مارية بزعل وهي تطق سعود على راسه
: يعني سويتهاا يا حماااااار..."
سعود وهو يضحك ويراقبهاا وهي تبرطم وتكتف يدينهاا مثل طفل صغير
: ايه سويتهاا....عندك اعتراض..؟؟؟"
مارية بتأكيد
: طبعا عندي اعتراضات..."
سعود بنذالة
: روحي اشتكيني في المحكمة..."
وتركهاا ورااح...لت ثواني تطالع بظهره..ولمن استوعبت انه بجد راايح...
ركضت ورااه...وتعلقت بذراعه..مثل مراهقة صغيرة...مع مغنيهاا المفضل..!!

سمعت اصوات بواري السيارات اللي وراي...حركت السيارة بسرعه...وقعدت اتلفت حولي...ادور مكان الاقي فيه الراحه...ابي ارتاح...بس موو قاادر....مدري وش اسوي عشان ارتااح...وش اسوووي؟؟؟..
اذبح هيفاء؟؟؟...اذبح مضاوي؟؟...اقهر امي وابوي؟؟؟...
بس عمرهاا ما راح ترجع...خلاص...حصل شرخ كبير بعلاقتنا...عمرنا ماراح نرجع مثل اول....
آآآآآآآآآآآآآآآآآآخ يا زمن...يا غداار...دوم تعطيني اللي ابي...بس وقف عطاءك بالوقت الغلط!!!...
اييييييييييييييه الوقت الغلط....وصلت عندي كوفي شوب صغير...ركنت السيارة...ونزلت بعد مارجعت صورة مارية في القلب وعلقته...
دخلت الكوفي شوب...وطلبت لي كوب قهوة كبير...وجلست على كرسي...وغمضت عيوني....الوقت تقريبا على العصر...
سمعت صوت اعرفه زين:
هلااا والله...هلا بالمعرس اللي نساناا.."
فتحت عيوني وكشرت ف وجه سطام...صديقي العزيز....وهوو اللي دلني على اهل مضااوي....وهو اللي علمني شلون ممكن انتقم من اهلي...
جلس قبااالي...وطالع فيني بنظرة جدية...يعني ما خلصناا؟؟؟...
قلت وانا ابتسم بوجهه واخذ كوب القهوة اللي جاني:
عاايش بهالدنياا...لا نسيتك ولا غيره...بعدين كلهاا كم يوم اللي غبتهاا عنك..."
سطام وهو يطلب كوب قهوة لنفسه ويعدل جلسته
: هااا....كيف العروووس؟؟؟"
طالعت بسطام باستحقار...
انا عاارف وش يفكر فيه؟؟؟...يمكن تستغربون ان سطام يسألني هالسؤال؟؟؟...بس هوو عاارف زين ظروف زوااجي...واهو اللي ساعدني بالوصول لأهل مضاوي...
وساعدني بعد بالمهر...واتفق معهم...اساسا اهو نااوي يتزوج وحده من خواات مضااوي...لكن متى؟؟؟...الله اعلم..ما استبعد يكون متزوجها هالحين...
واهو مشاء الله عليه كل بعد فترة خاطب له وحده من هالبناات اللي اهلهم يبعونهم ومطلقهاا...
وبدون اي حسيب او رقيب...لأنه هو ولي امر نفسه...واهو مليونير...ومحد يقدر يتحكم فيه...
قلت ببرود
: اسأل اللي يدري عنهاا؟؟"
سطام وهو يرفع حاجبه ويضحك ضحكة قوية
: معقووووووول؟؟؟...ما تدري عنهاا...على مين يا سعود..."
كشرت بوجهه...وشربت شوي من قهوتي قبل ما اكمل بجدية
: انت عاارف ظروف زوااجي...رجااءا بلا استهبال..."
سطام وهو يطلع باكت سجاير من جيبه...
: يعني بتفهمني...انك نفذت الخطة بحذافيرهاا..."
وكمل وهو يبتسم بتسلية
: اكيد البنية تخبلت؟؟...."
قلت وانا اتذكر مضاوي بالمصعد واشفق عليها وعلى حاالهاا
: ههههههههه...تخبلت؟؟؟...الا تخبلت ونص يا سطام..لو شفتهاا امس كان مت ضحك....."
وكملت بتقزز بعد ما نسيت المنظر.... المضحك...وتذكرت شكل مضاوي المقرف...........
: قلي بالأمانه....شلون تزوج مثل هالناااس؟؟؟...عااد انت موب وحده او ثنتين...
متزووج فوق الخمس..."
سطام وهو يرمي السيجارة بين شفايفه...ويولعهاا
: الحمدالله يا سعود...وش فيهم هالنااس؟؟؟..ناس بسطااء...بكل بسااطة...اخذهاا..واول ما دخل البيت...ارميها على الخدم..اقولهم ينظفوهاا ويزينوهاا...وتطلع ولا اجمل جميلة....عااد ترى فيهم جماال ما تشوفه عيونك بأي مكاان...لا يغرك المنظر الخارجي..
من فوق البرقع والدراعه...
شوفهاا بعد ما تلبس ذاك الفستان الإيطالي...وتترك شعرهاا يتطاير حولهاا...
وتشم روائح العطور الفرنسية تنبعث منهاا...."
وكمل ببرود:ترى هالنااس بسرعه تتطوور....بشكل انت نفسك ما تخيله..."
سرحت بكلامه شوي...الفستان الإيطالي...والشعر المفلول..و مضاوي؟؟...هههههههه استحااله..اعتقد ان مضااوي حتى ما عندهاا نية تفصخ برقعهاا...
قطبت حواجبي فجأة...صحيح...شلون ما خليتهاا تشيله...؟؟؟..رجعت ارتحت بمقعدي اكثر...وابتسمت بخبث...خلوهاا كذا ازين...وايش ابي فيهاا اذا تزينت؟؟؟...اذا تزينت بتخرب كل خطتي...واناا مابي هالخطة تخرب....لأني بكل بساطة راح اطلقهااا بس بعد ما تصير حكاايتي على كل لساان...
سطام بخبث: وشووو؟؟؟..دخلت فكرة الفستان براسك؟؟؟"
قلت ببرود:
لا يا حبيبي...مخلي الفساتين والبدوياات لك..اناا ماراح اغير خطتي..."
ووقفت بسرعه...وقلت وانا احط بقشيش للجرسون
: عااد تعال زوورني...واذا نوويت تزوج اخت مضــ.."
سكت شوي...يوم تذكرت كلمة مضااوي...لا تنطق اسمي قدام الغريب؟؟؟!!
هه...عجب عجااب والله..
ابتسم سطام اللي فهمني
: اذا نوويت اتزووج اخت المدام..."
وغمز لي
: بجي لك..."
حصسيت بالشفقه على اخت مضاوي اللي رااح تآخذ سطاام...بس ما قلت شيء...ومشيت بسرعه وطلعت من المقهى ورجعت لسياارتي...
ليش احس بالشفقه على اخت مضااوي؟؟؟..المفروض احس بالشفقه على مضااوي نفسهاا مو على احد غيرهاا...لأن حظهاا بيكون اردى من حظ اختهاا...على الأقل سطاام...يغير الوحده قبل لا يردهاا لأهلهاا...يعيشها بالنعيم لمدة قصيرة ثمن يرميهاا...لكن انا؟؟؟...اي مجرم اناا؟؟؟...انا اللي رااح اعيش مضااوي بحياة مثل الجحيم...
تنهدت بضيق...غصب علي...والله غصب علي...آسف يا مضاوي...انا آسف...بس انتي لازم تحملين نتيجة غلطتك...!!

" مضاوي"

: عبييييييييييييييييييييييييد!!"
هاااو...موو مصدقة...عبييد صار حظرري...وش صاار له؟؟؟...هاااو...وش هو لابسه؟؟؟....كله من سبايب سعوود...ايه سعوود...هو سباايب البلا كلهاا....
قرربت منه بخوووف...احس ان وخيي موو مثل اوول...وش ززينه اوول...بالثووب...و ال...ال.....ال....
وش بلاك تخربطين يا مضااوي؟؟؟..هاااو...لا تصيرين كذووب...الصدق...ان عبيد كذا ازين من اوول بكثييير...حتى ان وجهه بااان...موووب مثل اووول...
بلعت ريقي...وابتسم له ولمست وجهه وشعره....يااازين ذي الرريحه....ايه...خلك كذا يا عبييد...بس عااد مو تغيير مرررة وحده علي....ترااني ما استحمل..
: يااخوفي...بكره مااا ميزك بين هالخلق..."
عبيد قام ينااقز قبااالي....ثمن بعد عني لأني كنت مجودته( ماسكته بقوة) وبطفش...
ضايقتني حرركته..ماكاان عبيد اول يطيق فرقاااي...وهاالحين...صااار موو مهتمن فيني...طوول وقته مع الحظر...مير ما يطيق شوفتي...
خنقتني عبره...ومشيت بكسل..ورااه...ورى عبيد وخيي...اغلى مااعندي...غمضت عيوني للحظة وحده...وحده بس!!....

: وشووووووووووو؟؟؟...."
حطت مضاوي يدينها فوق راسهاا مو مصدقة اللي تسمعه...خلاااص ما عااد فيه زوااج...ماعااد فيه ابو علي...ماعااد فيه طباين ( حريم ابو علي...ضراتها)وحرة وخوف وزعل وضيقة صدر...
راحت يم فضة اللي بشررتهاا بالخبر...
: فضيض....منوو اللي قالك؟؟؟...خبريني..."
فضة وهي تحاول تنفس...لأنهاا قطعت...مسافه طويله وهي تمشي بسرعه بتعلم مضاوي بأسعد خبر بالنسبة لهم كلهم....بتعلم مضااوي بالأمير اللي بيخلصهاا من هالهم وهالعذاب والقيض اللي عايشين فيه...
: يا وخيتي...اصبري علي..."
جلستهاا مضاوي...وعطتهاا قربة المووية...وعضت على شفتهاا بتشوق وهي تشوف فضة تشرب الموووية وتآخذ نفسهاا...
: سحبت مضاوي منهاا القربة
: هااا...بسررعه....قووولي.."
فضة وهي تعدل برقعهاا
: والله هذا حكي ابووي...تووه دااخل لميمتي وقاايلهاا...."
مضاوي وهي مو مصدقة
: طيب شلووون؟؟؟...ومتى؟؟؟...وليش؟؟؟"
فضة وهي تضحك
: ههههههه...طيب اركدي اوول...فضحتينااا...الطول طول نخلة والعقل عقل صخلة........."
مضاوي براحه ولا همهاا بتهزيء اختهاا
: يحق لي....انبسط وارتااح...واستانس....يعني هاالحين ماا فيه جواازة....ماافيه ابو عليي...هذي هي الرااحه...هذي هي الجنة...ماافيه جوااازة...."
فضة وهي تآخذ حبة تمر وتآكلهاا
: ...انتي من وين تجيبين الحكي؟؟؟...اناا ما قلت لك ماافيه جواازة...قلت لك مانتيب متجووزة ابو علي...بس بتجووزين غيره.."
مضاوي برعب وهي توقف
: وشوووو؟؟؟...ما قلتي لي كذا قبل شوووية.."
فضة وهي توقف بعد...وبحمااس
: ما شفتيه يا مضاااوي....امير من اهل المدن....جاااي ومعه شيووخ...يبخطبك...عشاان كذاا ابووي هوون من ابو علي ...."
حطت مضاوي يدينهاا فوق قلبهاا
: وش قااعده تخربطين يا فضيض؟؟؟"
فضه وهي مستغربى رد فعل اختها
: وش بلاااك؟؟؟..."
بلعت ريقهاا مضاوي..وبرقت عيونهاا الجميله بالدمووع...يعني هذا انت يا يبه تبيع وتشتري فيني...ما كأني حرة بنت احرار!!

شفت البنت المااصخه....اللي خلتني افتش وجهي البارحه...الصدق ان لبسهااا ماهوب عااجبني...شلوون ما تستحي وهي تمشى قداام الخلق بهالشكل؟؟؟...يا ويلي ويلاااه من بنااات المدن...ابك الحيا نسنه((نسوه))!!
: يا وخيتي وراااك ما تستررين؟؟؟.... ترى والله عييييييب....المره زينتهااا حيااهااا..."
وش بلااها تنااظرني...كني مانب داخلتن مزااجهاا...
وقاالت بصووت يدبل الكبد...
: طيب...هذا لبسي....ماا اقدر اغيره...تبيني اصير مثلك؟؟"
قلت لهاا واناا احط يدي على خصري
: وش بلاااه لبسي؟؟؟...الستر هوو زينة المره...والمره من غير ستر وغطاا...ما تسوى ترااب..."
سكتت البنت وما ردت على حكيي....وراحت يم عبيد...اللي كان ينااظرهاا...حسبي الله عليه فشلنيي...وش بلاااه يتبوسم لهاا؟؟؟...هاا...قبل شوووية هااج مني...آآآآه يا قليل الحياا...حسااابك بعدين يا عبييد...
شفت البنية تلمس شعر عبيد...وتقوله حكي ما سمعته....صوتهاا واطي...مدري شلون يسمعون بعضهم؟؟؟...انااا ما نيب قاادرة اسمع حكيهاا...واناا واقفة يمهاا...
تركت عبيد....وقربت مني مرة....
قلت واناا ابي الحق عبيد: وخر عني الدررب..."
قالت البنية وهي تحط يدهاا على خصرهاا
: ماابي..امشي بووريك شي..."
ومدت يدهاا يمي...بعدت يدهاا عني...ورحت ورى عبيد بدون ماا ارد عليهااا...ايه عررفت وش تبي فيني؟؟؟...تبيني اصيير مثل عبييد...حظررية...اكييد...عشااني مرت اخووهم...يبون يغيرووني...اخووهم...الله يآخذه....قولوا آمين...
انا مضااوي بنت بنيان...آل...
حرة بنت احرار....انكفخ...ويضحك علي...رجال...حظري...رخمه...ما يقدر يعقل خوااته واهله...البلااا انه حاط حرته فيني....بس اناا قلتهاا كلمه ما تنثني...ماا اكون مضااوي اذا ما ربيتك يا سعوود انت وكل اهل هاالبيت...
نزلت مع اللي مدرري وش اسمه...الاحق عبييد..اللي يركض بكل صووب...كنه عاارف كل شبر من هالمكاان..
داارت عيووني...فووق....وتحت...كل شي..غرريب...نسيت عبيد..وقمت المس الاغراض اللي قباالي...
عيوني تفحص كل شبر بهالمكاان....ليش متااكده اني بتررك سعوود قرريب....واني قريب بعد...برد لهلي من جديد...والغرريب يا عرب...
انيي حااسه ان عبيد ما رااح يرجع معي....لمست المراية الكبييييييييييييرة اللي قباالي...طوول عمرري...مااعرف غير ذيك القطيعه حقتناا كلناا...حقت شعااع اكبر شووي...من مرايتنااا....مراية جدتي...الله يرحمهااا...هي عطتني اغرااضهاا لأنهاا عاارفة زين اني بحفظهاا وما رااح تضييع وهي بيديني...
دخلت يدي لمخباتي( لجيبي)...وطلعت المكحلة منهااا...وقمت اكحل عيوووني...مثل ما تعوودت بايااام مضت....
رجعت المكحلة واناا اسمع صووت من ورااي....صووت رجاال...خلاني افزع واتلفت بسررعه....وفيه شيء طااح يمي يوم التفت...

"نورس"

سمعت اصوات تتعاالى....
صوت صرااخ...وصيحه...وصوت جاامد قوي...وصوت حاجه انكسرت او قاعده تتكسر...
صوت مضااوي...
وصوت باابااا...
ركضت بسرعه واناا اللي كنت عند باب غرفتي...اول ما وصلت عند الدرج...شفت بااباا...لالالالا...كاان ماسك مضااوي بقوة مع يدهااا وقااعد يسحبهااا لبره....
بره البيت...
نزلت الدرج بسرعه....
وطحت بسبب عجلتي...خصوصا اني كنت لابسه كعب عاالي مرة...آلمتني رجلي...بس مع هذا...قدرت اوقف على رجلي وارووح للباب المفتووح بكاامله...
كنت حاطه ايدي على ساقي...وعيوني فيهاا دموع...وشعري تبعثر بسبب طيحتي...كنت كاارثة تمشي على رجوول...بس المظهرر موو مهم بهالحااله...
والسعاادة اللي كانت بقلبي بسبب اتصال المجله اختفت بالكاامل...
وحل مكاانهاا شعور فضيع على مضااوي...
اللي تحااول تبعد ايد باباا عن جسمهاا...وتحااول انهاا تحرر منه...
صرخت بتوسل: بااباااا...الله يخليك...لااااء..."
طالعني بابا بشراسة: ادخلي جووه...وماالك شغل..."
هزيت رااسي واناا اشوف واحد من مراافقين بااباا...يجي جنب الجيب اللي بيركبون فيه مضااوي وشكله نااوي يسووق...لااااا بيآخذونهاا...بيقطونهاا في البر!!
: باااابااا....لااااااااااء...حرااام عليييييييييك..."
حطيت يديني على راسي بضعف...كنت احس بشعور فضيع...يآكل قلبي...وش هالمنظر الفضيع؟؟؟...سمعت صوت صيااح من ورااي...التفت...
كان عبدالله...اخوهااا...جريت له....وضميته بقوة...
بس اهوو بعدني....ورااح لمضااوي...
مسكهاا بقوة...وقام يحااول يضرب بابا...
بس باباا بعده بأيده...وتهااوى جسم عبدالله الضعيف على الأرض...
حطيت يديني على وجهي...وقمت اصييح....اناا وحووش...وحوووش...والله مووو بشرررر...
وقمت ادعي ربي تصير معجززة...تصير معجززة....اي معجزة...
حتى لو امووت في هاللحظة فهذي معجزة...
يجي سعوود...تجي ماما....تجي هيفااء...اي احد...يقدر على بابااا...بس اناا ما اقدر عليييييه...
وكأن ربي استجاب دعوتي بذيك اللحظة...لأن سيارة سعود دخلت مع بوابات القصر بنفس الووقت...اللي مضااوي قاعده تصييح..وتحااول تستر نفسهاا وخصوصا ان برقعهاا شوي ويطيح...
اناا رغم اني كنت مشفقه عليهاا وخايفه ان باباا يأذيهاا...بس بعد كنت خاايفه من شيء ثااني...كنت خاايفه برقع مضاوي يطيح...ويباان وجهها الخراافي...ويشوفه سعود...وبعدين...
بعدين وشو يا نورس؟؟...كل الخطه اللي رسمتيها مع ديمه ترووح...كل شيء فكرتي فيه ينتهي...
مفروض انك ما تدعين ان سعود يجي....مفروض تنبسطين لأن ابوك عرف يتصرف...
ضميت نفسي بقوة...وش هالأفكاار؟؟؟..يااويلي...اناا صااايرة غيير...غيييييييييييييييييييييييييييييير....يا ربي استر!!
طلع سعود من سياارته بسرعه...ورااح يم مرافق باباا...وبعده بقوة عن الجيب...وقف بااباا ف وجهه....وكان ماسك مضااوي مع ملابسهاا...وكانت مضااوي تحااول تبعده بس مع هذا ما نزلت منهاا دمعه وحده....وش كثر قوية هالأنسانه....؟؟؟..لا يمكن اشوف وحده مثلهاا...صحيح ان مالهاا الا يومين تقريبا..لكن فعلا انا مستغربة من اللي شفته خلال هاليومين...
ترك بابا مضاوي...اللي طااح برقعهاا عن وجههاا...لاحظت ان بابا طالع فيهاا مستغرب وكأنه ما توقع انه يشوف هالوجه تحت هالبرقع القديم...
انا تحركت بسرعه رغم ان رجلي تألمني...والحمدالله ان سعود ما انتبه لهاا...كان يطالع بااباا بقهرر....وشفايفه ترتجف
: يبه؟؟؟...شلووون تسووي كذاا؟؟؟..."
وكمل بقهر
: أاتمنكم على مرتي...على مرت ولدكم...وتسوون فيهاا كذا؟؟"
بابا بعصبية....وهو يطالع سعود...لكنه كان يأشر بيده لي...واناا فهمت الأشااارة زين...كان يبيني اغطي مضاوي قبل لا يدور سعود حول الجيب...لأنه مليون بالميه رااح يجي ويمسكهاا...لأنهاا كانت بحالة فضيعه حالة صدمه...
:قلناالك مرتك ما نبيهاا تعيش ويااناا...مع هذا انت اللي اصرريت...وداامك اصرريت شوف وش بيصير لهاا لو تغيب عنهاا ثانية وحده...ثانيه وحده يا سعوود...يعني اقصر الشررر...وطلقهااا..."
اعطيتهاا برقعهاا وعيوني تتأمل جمالهاا الغريب...واللي ما عمري شفت مثله...لبست برقعهاا بيد مرتجفه...ووقفت وسوت شيلتهاا وثوبهاا...وكانت تطاالع بسعود...وتضم اخوهاا بقوة...
كان بابا وسعود في حاله فضيعه...كل واحد فيهم يطالع الثااني وكأنه مو مصدق...اللي قااعد يصير...
نظرات سعوود لووم غريب...وهو يهز راسه وكأنه مو متخيل اوو مصدق اللي يشوفه.....
نظرات بابا...كانت نظراات توعد وتهديد...واضحه حتى للأعمىز...
كان بااباا طول سعود بالضبط...حتى انه نفس الجسم ونفس الهيئة...الفرق الوحيد...هو ان الزمن رسم خطوطه على وجه بابا...وخط راسه بالشيب والصلع...بينماا سعود لسه الزمن ما قرب منه...رغم انه خلال الشهرين اللي فاتوا كبر كثييييييييييير عن اول...
قال بابا فجأة وهو يطالع بمضااوي
: على العمووم...هذاا درس لك...اذا بتحمل ذنب هالمخلووقة برقبتك..فأنت حرر...لكن اعرف اني مطلعهاا مطلعهاا من هالقصر.."
ورااح هوو ومراافقه...للجهة الثانية من القصر...بلعت ريقي اناا بخووف وانا اشوف النظراات اللي بين سعوود ومضااوي...
وش هالشرارات اللي بينهم؟؟؟..شكل الأمور بينهم من اسوأ لسيء؟؟؟...فكرت بشر رغم عني...مضاوي بدوية متعصبة..يعني لا يمكن تعدي هالموقف على خير..وسعود عصبي جدا...شلون ممكن يفسر لهاا اللي صاار؟؟؟..
بعدت يديني عن مضاوي ومشيت بتهادي..لأن رجولي تعوورني...بس كنت راسمه ابتسامه حلوة على شفايفي...لازم اعلم هيفاء على هالموقف...صح اني كنت اصيح اول...لكن هاالحين...وانا افكر...ودي اروح ابوس راس باباا...مضاوي الحره لا يمكن ترضى انهاا تستمر مع سعود بعد هالموقف!!
اول ماطلعت الثلاث درجاات...اللي قبال المدخل...سمعت صوت سعود اللي نادااني
: نوورس..!!"
التفت عليه بسرعه
: سم.."
قرب مني سعوود ووقف تقريبا جنب مضاوي اللي كانت تطالعه وتطالعني بحقد فضيع......
: روحي ناادي امي و هيفااء...وتعاالواا للغرفة الخضرااء...بدون اي تأخير...فيه موضوع مهم لازم تعرفوونه..."
استغربت...من كلام سعود...وجااني فضول فضيع...هزيت راسي له ببساطة...ورحت طلعت الدرج...ودخلت البيت ملهووفة ابي اعرف هالخبر..اكيد طلاق مضااوي...ايه...اكيد سعوود قلبه طيب...ماراح يتحمل انه يتخليهاا تنهان بكل لحظة يترك فيهاا البيت...والله انك رجال يا سعوود..هذا هو التصرف الصح...انك تحكم عقلك...عقلك يقول لا تظلم بنت النااس ويااك...ردهاا لغنمهاا ونيااقهاا...وخلهاا تعيش في برهاا...وانت...انت تزووج ديمه...ديمه هي اللي تصلح لك....
طلعت عن طريق المصعد...ورحت اول شيء لغرفة هيفااء...كانت قااعده على النت..وحاطه سماعات على اذانيهاا
: هيفاااء..."
رفعت عيونهاا لي...كانت عيونهاا مدمعه...استغربت هالشيء...كان ودي اروح اضمهاا واخفف عليهااا...بس هالحين مو وقته...هالحين وقت سعود والخبر الروووعه..
: بسرررعه انزلي تحت....خبر راائعه بيعلنه سعود عليناا.."
وقفت هيفاء بسرعه وشالت السماعات
: وشوو؟؟؟..وش الخبر؟؟؟"
حكيت لهيفاء كل شيء بسرعه...فتحت هيفااء فمهاا مو مصدقة...
: يعني معقووول بكل هالبساااطة....والله ان سعوود ماعنده ساالفه...الله يزيد هالأحساسيس دااخله..عشاان ما يظلم وحده ثاانية معه.."
قلت لهاا واناا مستعجلة
: لااازم اروح اناادي ماماا...روحي انزلي تحت...يله..."
تركت هيفاء...ورحت لغرفة ماما..

دقيت الباب كذا مرة...ثم فتحته بحذر...طالعت في مدخل الجنااح...كانت ريحة عطر ماما المفضل شانيل نمبر 5 منتشرة بالجنااح...
دخلت ببطء..
: مامااااا!!"
سمعت صوتهاا...كانت تسولف بالجواال...وقفت مكااني للحظة..واناا مو مصدقة اللي اسمعه...كانت تقول حكي لا يمكن يدخل العقل...وش دخلهاا بمضااوي؟؟؟...لالالالا...استحااله ماما تكون كذا...اهي بالذاات...لا يمكن....
ماماا وش قاااعده تقووولييين؟؟؟...استحااله...لااااء...لا يمكن...اكيد فيه ان بالموضوع...صرخت واناا مو مصدقة وواقفة قبالهاا
: ماما!!!..وش هالكلام؟؟؟"
فززعت ماما اللي واضح انهاا ما سمعت صوتي اول لمن نااديتهاا....تعلقت عيوني فيهاا....
: ماما؟؟؟...وش هالحكي؟؟؟.."
واختنقت بدمووعي وطحت قداامهاا مو مصدقة...قرربت مني..وحطت ايدهاا على كتفي بتتكلم...بتشرح...بتقول...
بس صرخت فيهاا وانا ابعد عنهاا
: ماابي ادري...ماابي افهم...ماابي اسمع..."
ولمن وصلت عند الباب...بلعت ريقي...
وقلت وانا اطالع بماماا مو مصدقة
: سعود على العموم يبيناا...في..الخضراء!!"
وطلعت وتركتهاا....

"هيفاء"

بعد مااطلعت من عندي نوورس..
حسيت ان الموضوع فيه شيء غلط...اناا اعرف ان سعود متقلب...ومحد يقدر يتكهن بتصرفااته....بس بعد اعرف انه لا يمكن بكل بساااطة.....يطلق هالبنت اللي تعنى وجاابهاا من تحت الأرض...
صحيح ان حركة بابا كانت غلط...ومو أي غلط...
لكــــــــن..
غيرت روب النوم اللي كنت لابسته الأزرق....ولبست بنطلون ابيض...وتوب اورانج نااعم....
رفعت شعري كله فوق راسي على شكل كعكه....ورسمت حواجبي...وحطيت جلووس....ورشة عطر خفيفة....
رجعت لسريري....جلست عليه لثوااني...وابتسمت لشاشة الابتوب...وانا اتأمل صورة خالد...عيوني تعاانق عيونه الجميلة...
كان واقف عند البحر...لابس بنطلون ابيض طاابقه من تحت...وشعره متبعثر حول وجهه ونظراته معطيته اجمل منظر....
قلت وانا ارسل بوسه بالهواء
: راجعة لك...انتظرني.."
وقفلت الشاشة بحذر...وكأني خايفه عليه يتأذى....
دخلت اغراضه اللي كنت مطلعتهاا...ورجعتهاا اماكنهاا بحذر...
ولبست الشبشب الاورنج حقي...
وطلعت من الغرفة...
شفت نوورس...تمشي وهي منزلة راسهاا...وكان شكلهاا موو طبيعي...
تعدتني بسرعه...حتى ان كتفهاا ضرب بكتفي...وآلمتني وآلمت نفسهاا...
: هااااااااااي.."
صرخت فيهاا...بس مع هذا ما قاالت شيء..راحت لغرفتهاا وسمعت صوت المفتااح...وبعدين سمعت صوت بكااءهاا المتقطع...
يعني مارااح تنزل؟؟؟...اكيد ماما تكلمت عليهاا...
مدري غريبة...ليش ماما بتكلم عليهاا؟؟؟..احس اني صرت ماا افهم اهل القصر هذاا....
كل وااحد فيناا غير الثااني...كلن عاايش بدنيااه...
كلناا معذبين...وكل واحد متعذب بشكل مؤلم...
ماما متعذبة من بعد باباا...من تجااهله لهاا...من اسلوبه معاهاا...
وبابا ربي معذبه بملاحقة امواال العايلة ومحااولة الحفاظ عليهاا وعلى مركز العيلة الاجتمااعي...
ومطاردة بناات العايله اللي يبغون يتزوجون من خارج العاايلة...
ومطاردة شباب العاايله اللي يتمردون بوظايفهم او باي شيء ثااني...
سعود بعد متعذب...طول عمره وهو متعذب...
متعذب بالمهنة اللي اختارهاا...متعذب بالزوجة اللي بغاها له...
متعذب من بابا اللي دوم يناظر له بنظرة موو حلوووة ولا يعتمد عليه ابد
ويفضل عيال اعمااامي عليه...
آآآآه
حسيت بألم غريب بصدري....بكتمه غريبة...غمضت عيوني...وحااولت اني آخذ نفس عميق...وبعد ما عديت للثلاثة...رحت للمصعد بس قبل لا اقفله...دخلت ماما معي...
ماما باستغراب
: هيفاء وش فيك؟؟"
رديت بتعب
: مدرري...احس كأن قلبي بينفجر...ومانيب قاادرة اتنفس.."
ماما بخوف
: روحي المستشفى..."
رديت عليهاا بابتسامة باهته
: موو تعباانه...لكن مررهقة شووي...عندنا اختبارات هالأيام ومهلكتني.."
سكتنا بس ظلت ماما تطاالعني...ما كانت مقتنعه بكلااامي...واناا حسيت بخوف من قلقهاا...
لأني تعوودت على هالألم اللي صااير يزيد علي من كم شهر...
حتى اني قبل فترة بالجامعه...اغمى علي...بدون سبب...كنت اتهااوش مع وحده...
وفجأة...طحت عليهم على الأرض...
بس مااعلمت احد...ماا احب اني اكون ضعيفه...لازم دووم اكوون قووية...حتى لو اني اموووت من جوواااي واتقطع...
وينك يا خاالد عني؟؟؟...خنقتني العبرة...بس غمضت عيووني...وصلنا الدور الأول...وطلعناا من المصعد...ورحناا لغرفة المعيشه اللي متعودين نجتمع فيهاا دووم...
اول ماادخلت...طااحت عيووني على سعوود اللي كان متمدد على الكنبة...ومغمض عيونه بارهاااق...قلبي عووورني على اخووي حبيبي والله...
صح اني تدخلت بحياااته كثير...لكن والله لأني احبه...واعرف ان اللي مثل ماارية...خطفات رجاال...ماهمهم غير الفلووس وبس....والمنصب اللي احنا فيه...
سمع حركتناا داخل الغررفة...وفتح عيوونه بتعب...واول ما طاحت عيونه بعيووني...جلس زين...جلست قداامه...وماما جلست جنبه...وحطت يدهاا على راسه...
قال وهو يحط راسه على كتفهاا
:متى ناااويين تسوون الزوااج؟؟؟"
حسيت كأن عقرب لدغتني...
: نععععم؟؟؟...سعود ما كفااك اللي سوااه بابا فيهاا..."
ماما باستغراب
: وش صااار؟؟؟"
سعود بحزم وهو يوقف
: هيفااء....اناا ابي كل النااس تعرف ان مضااوي مرتي...وبعدين اساسا اللي صاار اليوم..مارااح يتكرر لأني رااح آخذ مضااوي معي لايطاليا...
بعد ثلاث اسابيع...يعني حددوا الزواج اليوم او بكره...وخلصووني..."
وقفت اناا بعصبية...وماما بعد وقفت...وكلناا قمنا نتباادل النظراات بحذر...
ماما وهي ترجع خصلات شعرهاا الناعم ورى اذنهاا
: خلاااص...الزوااج علي...بس انت متى تبيه؟؟؟...وطبعا اكيد بنخليه عاائلي..."
سعود ببرود
: عااائلي؟؟؟..لا يمه...مضااوي بتعرس مثلهاا مثل أي بنت بعايلتناا...ابي احسن عررس...واحسن مطرباات....واحسن مطرربين...وفرق شعبية...وبنطلب لهاا الفستان من بره...وحتى خبير التجميل رااح نجيبه من بره..."
قلت باعتراض
:...يا سعووود..لا تفضحناا...حراام عليك...وش يدري مضااوي عن هالبذخ كله...بتحتفل بزوااجك مااقلناا شيء..لكن عاائلي ويكفي...ولا لااازم كل اهل الريااض يدرون.."
سعود وهو يرجع شعره ورى
: اجل شلون بنتقم منك يا هيفاااء....برستيجك رااح يرووح فيهااا لمن يدرون صديقااتك...بناات آل وآل...ان مرت اخووك وحده عمرهاا ماا عرفت الحظاارة.."
ماما بتوتر
: يا سعوود...مضااوي رااح تعترض...مضااوي ما تعودت على هذا كله...شلون بتنزف؟؟؟..اساسا شلون بتلبس فستاانهاا...وبعدين شلون بتآخذهاا ايطاليا...اناا حاسه انهاا ماراح تتأقلم مع الريااض...شلون بتأقلم مع...اوروبا؟؟"
سعود وهو يطاالع فيني انا وماما وبكل بساطة هز كتوفة ومر من بينااا
:اناا اللي مسؤول عنهاا....ولا تخاافون مضااوي ماالها أي كلمه بعد كلمتي..."
حطت ايدي على قلبي...وحسيت بالألم اللي اول يزيد...بس ما اهتميت فيه..كثر ما اهتميت اني ابلغ ديمه عن هالزواج اللي لازم نوقفه باسرع وقت ممكن...
لأن سعود قاال الزوااج خلال ثلاث اسابيع...يعني ما عاد بقى وقت قدامي انا ونورس وديمه
لاازم نلحق ونخرب كل شيء...قبل لا تصير فضيحتنا بجلاجل...
طالعتني ماما بقلق وهي تشوف وجهي بداا يسوود بسبب الألم اللي يزيد دااخلي...لكنهاا ماقالت لي شيء لأني ماعطيتهاا مجاال...وطلعت من الغرفة وخليتهاا لوحدهاا....رحت ادور لي على مخبأ ائن فيه واتألم من غير محد يدري عني...

"نواف"

كنت واقف تحت الماء البااارد....اتناافض مقهوور....احس اني في هاللحظة...ممكن اذبح...ممكن اسفك دماااء....ممكن اسووي اللي لا يمكن احد يتخيله....
هيثم...و هيفاء؟؟؟....شلوووووون؟؟؟....ومتى؟؟؟...وكيييييييف؟؟ ؟...
شلون هيثم و هيفاااء يجتمعوون سوه؟؟؟...طول عمرهم يكرهوون بعض...طول عمرهم ضد بعض....طوول عمرهم...طوول عمرهم...
غمضت عيوني بقوة...مارااح تنزل عبرتي على هالحقيررة....حقييييييرة....و رند المسكينه...وصدمتهاا بهيثم....اقلهاا موقفي اناا اهوون....اناا احب هيفااء...لكن اهي ماا تدري بمشااعري...بعكس رند اللي هيثم يدري بكل حبهاا اللي تحمله له....يدري انهاا ما تشوف في الدنياا احد غيره...ويدري انهاا يوم كاانت ترفضه السنين اللي فاتت....بسبب ثقتهاا انهاا لا يمكن تسعده...
رند تحب هيثم بصورة مجنونة....هيثم بكل بسااطة هو شمس حيااتهاا....ومن كثر مااهو شمس حيااتهاا....حجب عنهاا حقيقة هيفاااء...
حتى لمن شاافت هيفااء باحظاان هيثم...تووقعت ان هيفاء مسكينه...وتوقعت ان هيثم يتحرش بهيفااء...لكن اناا اعرف هيثم..واعرف انه لا يمكن يسوي هالشيء...
فمعناة التفسير الوحيد المتبقي هو....
هــــــــــو...
هــــــــــــــــــــــو...
ضربت الجدار بقبضتي بقوة...ورجعت ضربته من جديد...وجديد...ليماا حسيت بالدم يصب من بين اصاابعي...
هيفاء تحب هيثم....و هيثم يحب هيفااء...والله اعلم هالشيء من متى؟؟؟..
بس اتوقع ان له زمن طويل...لكن يمكن...ما كانوا قاادرين يجااهرون فيه...
جبنااااااااااااااااااااااااااااااااااااااااااء
صرخت بغصب....وبدون ما اهتم بأي شيء.....بأي شيء...
يعني صدق هيفااء عقربة...مثل ما كلهم قاالوا.....هيفاء العقرب...اللي شكله غير مؤذي....لكن هو السم...والأذى كله...
آآآآآآآآآآآآآخ....لتني اقدر اكرهك...لييييييييتني...
حتى بهاللحظة...مشااعري جهتهاا كبيييرة...ما زلت احبهااا...ماازلت ابيهااا....ابيهااا تكون لي اناا....اناا وبسس....
لازم اذبح هيثم....لااازم اخليه يررحل...
هيفااء لي اناا....وبتظل لي انااا...وبسس...
طلعت من الحمام بعد ما خذيت منشفه...نشفت جسمي...ولفيتهاا على خصري...ورحت لجواالي....اخذته باصابع مرتجفه...واتصلت على هيثم....
طول الجوال...ما كان احد يرد علي...حقيييييييييييييير....
رميت الجوال بغضب على السرير...حسااابي معك يا هيثم بيكوون عسير..والله لطلعك من تحت الأرض...ولا رااح اخلييك...
لبست ملابسي بسرعه...واحد من اصحابي عنده استلام....بآخذ مكاانه...ازين لي من الجلووس هناا...مثل الأسد المحبووس...
ماابي احد يشووف الضعف بوجهي...ابيهم دووم يكونون متأكدين..ان نواف قوي...وبيظلل قوي طول عمره....ومووو مرة مثل هيفااء تهزه...
طلعت من الغرفة...واناا ماسك كتااب مذكرات حرب اكتوبر...عندي دورة مهمة ومفروض اكون حافظ هالكتااب....بآخذه معي...مع اني متأكد اني ماراح احفظه...
شفت رند بوجهي...كانت تطالعني وعيونهاا ملياانه دمووع...
قالت بصوت مرتعش: لااا تذبح هيثم...ترااه ما يستااهل..."
وكملت بضعف: انغر بالجمال الل يكان قداامــ.."
حطيت ايدي بقوة وبدون اي لبااقة على فم رند...وش تقوولين يا رند؟؟؟...لا تذبحيني اكثر...لا تزيدين طعوني...انا اعرف ان هيفاء تغري حتى القديس...اناا عاارف هالشيء زين...لكن ماابي اسمعه...مااابي افهمه...ولااا ابيه يتكرر..
قلت لهاا بجمود بعد ما بعدت يدي: اناا طالع..و هيثم...رااح يرسلك ورقة طلاقك قرريب.."
رند وهي ترتعش:
طلاااقـــ....ي!!"
قلت بعصبية
: لسه تبينه؟؟؟..."
رند بضعف كبير
: لااا...."
وبعدت عن طرريقي...
رااقبتهاا وهي ترحل...وهزيت رااسي....ونزلت الدرج...وطلعت من القصر...
اول ما ركبت سياارتي....اخذت نفس عميق..مووو قاادر اتحكم بمشااعري...مشااعري...
مشــــــــــــــــااعري....
اللي استبااحهاا خالد...وكملت عليهاا هيفااء...وبالأخير هيثم قضى عليهاا....

هههههههههههههههههههههه
هههههههههههههههههههههههههههههه
نواااااف اناا اطووول مـــــنك..
شوووووف...هههههههههههههههه"
كاانت هذي هيفاء...الصغيرة...اللي عمرهاا سبع سنوات...اللي البراءة تشع منهااا...
بشعرهاا الكثير المبعثر....وعيونهاا الحلوة البريئة...وشفايفهاا الملياانه...
كان خاالد شايلهاا وحاطهاا فوق اكتاافه...وكانت تحب تغاايض نواف وتقهره...
نواف الصغير بعد...المرااهق الخجول...اللي كان يحب هيفااء بجنون...حتى وهي بهالعمر الصغير..
كان دووم يداافع عنهاا...ودووم يلعب ويااهاا...ويحطهاا على كتوفه مثل ماا اهي تحب...
هيفاء وهي تحط يدينهاا الصغار على خصرهاا وتغايض نواف بحواجبهاا وتصرخ على خالد اللي حركهاا فجأة وكانت بتطيح
: خااااااااااااااالد!!....انتبه...اخااف اصير قصييرة!!"
وكملت ببراءة فضيعه
: ثمن نوااف بيضحك عليي..."
خالد بصوته الاجش
: يضحك عليك؟؟...ما عاش من يضحك عليك..."
وهمس بكلمات بأذنهاا...
فرفعت راسهاا لنواف وهي تضحك لحركاات خالد اللي يغايض فيهاا نواف مثل الأطفاال
: هههههههههههههههههه...الحين اناا عندي سر مع خاالد..وبعد اذا كبرت....رااح اصير اطوول منك...
صح يا خاالد؟؟"
خالد بتأكيد:
اكيييييييد....بتصيرين...طوووويله..مثل ناطحات السحاب..."
هيفاء بغباء
: مثل ناطحات السحااب...واطوول بعد...ومارااح تقدر تضحك علي يا نوااف.."
نواف وهو يحط يدينه على كتوفه
: حتى لو صرتي ناطحة سحااب...بكوون اناا اطوول منك...وبطقك بعد.."
هيفاء وهي تبرطم وشوي وتصييح
: خاالد؟؟...بيطقني اذا صرت ناطحه سحاب؟؟"
خالد وهو يضحك
: هههههههه...مارااح يقدر يوصل لك اصلاا.."
هزهاا خالد وهي فوق اكتاافه فجاات اتطيح...وتعلقت بخوف عليه...بينماا اهو كان مبسووط...
على حركااتهاا البريئة...
نزلهاا بالأخير على الأرض...وطلع سيجارة من جيبه...و نوااف واقف يطالعه....يحسب ان نواف بريء...
ويحسب انه ماايعرف وش اللي بيدينه...
لكن نواف كان عاارف وش اخوه مااسك...كانت سيجاارة الموت...بكل اختصاار...
خالد وهو يشعل السيجارة ويرميها بفمه
: نوااف خذ هيفاا...ورووح.."
صرخت هيفاء باعتراض
: اسمي هيفااء....وبعدين ابي اكوون معك..."
بس خالد تجاهلهاا ورااح...ومسكهاا نواف بالقوة وشالهاا...
كانت على وشك تصيح...بس اول ما رفعهاا نواف فوق اكتاافه...رجعت تضحك من جديد وهي تلمس اوراق الاشجار اللي قدرت توصل لهاا...

حركت سيارتي واناا ابعد هالذكرى عن رااسي....
ذكرى خاالد...الله يرحمك يا خاالد...غمضت عيوني لثوااني بس...
ولكن....

بعد ثلاث ايام

" سعود"

طالعت بمضاوي اللي كانت جالسه لوحدهاا بالحديقة....
جنب النخيل...وقدام البحيرة...
كانت تطالع بالطيور الكبيرة المنوعه اللي مالية البحيرة...طيور اللق لق..
ما شفت بعيونهاا اي استغرااب...مسرع ما تعلمت...
وبطلت تستغرب كثير..يمكن لسه تستغرب...لكن ماعادت تبين...
من ذاك اليوم....واناا مو قااادر احكي او اتكلم معهاا...احس بخجل كل ماا اذكر موقف ابوي معهاا...
يا الله...شلون ابوي يتجرأ ويسوي كذا؟؟؟...
شلون يتجرأ ويمسكهاا بذيك الطريقة المهينة...ما كأنهاا بشر...كأنهاا حثاله تمشي على رجوول...
احس اني فقدت رجولتي...رجولتي الضاايعه...اللي قااعد ادوورهاا...احاول اكون رجاال...لأني تعبت من نظراات ابوي لي..ونظراته لعيال اخوانه اللي كلهاا اعجاب...
حتى خالد الله يرحمه...كانوا داايم يعااملونه على انه موب رجاال....
والنتيجه...
مخدراات...ضيااع كامل...
يمكن اناا اقوى من خاالد لذا ما عمري فكرت الجأ لا للمخدرات...ولااا للمسكرات بانواعهااا...
لكني مااعدت احتمل...
مااعدت...
لاحظت وجودي...فالتفتت علي..كانت عيونهاا تلمع...فيه بريق غريب بعيونهاا...طالت النظرات بيناا...وضليناا ننتأمل بعض لفترة..
وبعدهاا ازااحت عيونهاا ببطء عني...
قالت بصوت عاادي: وش تسمونه؟؟..."
قلت وانا اقرب منهاا: نسميهاا اللق لق.."
ردت ببرود: عجيبه!!"
ابتسمت لكلمتهاا...كل شيء عندهاا عجيب...او غريب...
اللي مثل مضااوي لو تجلس معهاا عشر ساعات ما تمل...لأنهاا مثل الطفل اللي قااعد يتعلم...
بس مشاء الله عليهاا ذكية...تحفظ بسرعه مهوولة...
قلت وانا استخف دمي: غيرتي برقعك؟؟"
طالعتني ببرود ثم رجعت صدت: ايه...ماعدت عروس...عشان البسه اكثر..."
وكملت ببساطة: بعطيه لبنيتي....ان ربي عطااني عمر..."
بلعت ريقي....بنتهاا؟؟؟...هه...طبعا ما راح تكون هالبنت مني...
: ليش؟؟؟..هو لأمك؟؟"
سفهتني....فعصبت...هذي مثل ابوي...
تعتقد اني موو رجال..وتعتقد اني ما اقدر عليهاا...
قلت اعيد السؤال بصوت اعلى: هو لأمك؟؟؟"
قالت ببرود وهي تبعد عني: اضنك فهيم..."
قهرتني...يوم اعطتني قفاهاا وروحت...
قمت حطيت ايدي بقوة على كتفهاا وفريتهاا لوجهي..
جزعت مني...وباان هالشيء على عيونهاا اللي رمشت بقوة كذا مرة...
يا الله...عيونهاا جميلة...سبحاان الله...
حسيت بتوتر..مدري وش سببه...
قلت بعصبية: انا رجلك..ما تعطيني قفااك وانا احاكيك.."
ردت ببرود
: رجليي؟؟...هه....متأكد انك رجاال؟؟"
فتحت فمي...مصعووق من كلمتهاا...وش قصدهااا؟؟؟..
ضغطت أقوى على اكتاافهاا...لدرجة اني حسيت انهاا ممكن تتهشم..
مع هذا مااطلع منهاا اي صوت...
قلت بشموخ
: عندك شك؟؟..ولااا....تبيني اثبت لك؟؟؟..."
قالت وهي تطالعني بدون ما ترف بعيونهاا
: ايه..عندي شك...ايه اثبت لي..."
وكملت بكل بسااطة وهي تمشي من قداامي..
بعد ما تركتهاا بعد كلمتهاا الجريئة..
: الرجاال يا سعوود...هو اللي ما يرضى ان مرته تنهاان قباااله....
وتمرغ بالترااب وهو تااركهاا وراايح...
الرجااال يا سعوود...اهله يحترموونه...ويحطوون لكلمته الف قيمه وقيمه...ويثمنون كلامهم قبااله...
مووو حتى الحريم يرفعن اصواتهن عليه..."
وقفت شوي...وطالعتني من فوق لتحت وهي مكتفه يدينها قبالهاا
: الرجاال...يا سعود...هو اللي سمعته...موو انت..."
مسكتهاا بقوووة...كنت نااوي اصفقهاا...كنت نااوي اقتلهاا...قااعده تذلني...
تذذذذذلني....
قالت وهي تصرخ بوجهي
: لا تحااول تسترجل عليييييييي....روووح خذ حقييي....عزز نفسك يا سعوود...عززهاا.."
صفقتهاا كف بقوة....ومسكتهاا مع كتوفهاا
: اناا عااز نفسي...يا مضااوي...ولا اسمح لووحده مثلك...حقيرررة...عمرهاا ماطلعت من خيمتهاا...
تكلم علي....فاااهمه؟؟"
ما ردت علي....هزيتهاا اقوى...
: فاااهمه؟؟..."
رفعت راسهااا لي...
وردت بأقوى ما عندهاا
: ثمن كلااامك يا سعوود...ثمنه...مووب اناا الحقيرة...
انا البدوية...اللي ما طلعت خيمتهاا...ايه...لكني اسوااك...واسوى اهلك كلهم...من عااليهم لواطيهم...
واذا فيك رجااله..خذ حقك من ابوووك..."
ودفتني عنهاا بقوة...ورااحت....للقصر..
ركضت وراهااا بسررعه واول ماا دخلناا مع البااب...
سمعت اصواات حريم وضحك...
مسكت مضااوي بقوة مع يدهاا وهي كاانت نااوية تطلع الدرج وسحبتهاا لغرفة الحريم الجانبية
اول ماادخلت...عم السكوت الغرفة...
وحل مكان الضحكات المرتفعه والسوااليف التافهة...
صمت رهيب...
قلت وانا اشوف بنت عمي الكبيرة
: هلا والله....ببنت العم....ووين الغيباات؟؟؟..."
ودخلت مضااوي قداامي...
ورحت سلمت عليهاا....
بنت عمي الكبيرة الثرثارة رقم واحد بالعاايلة..
ما تجي الا وعندهاا سالفه او مصيبة كبيرة...تحب تنشر الاخبار بنفسهاا....
يعني وجودهاا جاا بوقت منااسب
لاحظت نظرات بنت عمي...
ترتفع لأمي...ولخوااتي اللي وجيهم سودت...ثم ترجع لي..
قالت وهي تطالع بمضااوي
: لا غيباات ولا غيره...تووني راجعه من لندن..."
قلت لهاا وانا اجلس على طرف الكنبة وامسك مضااوي واجلسهاا غصب جنبي
:مشاء الله خشمك يجنن.."
قالت وهي منحرجة
: ههه...سعوووود...لا تفضحني..."
سكت...وطاالعت بمضااوي ثم ابتسمت لهيفاء ونورس ولامي العزيزة
: مااعرفتك يا بنت العم...بمرتي..."
فتحت فمهااا موو مصدقة...
قالت باستغرااب
: وش هالمززحه يا سعوود..."
قالت مضااوي بصوت واضح انه متقزز منا كلناا
: هالكلام ماافيه مززح ولعب..."
بلعت بنت عمي ريقهاا..ورجعت طاالعت فأمي
: هناااء؟؟؟..وش الحكااية؟؟"
امي هزت كتوفهاا بهدوء
: هذي....مرت ولدي...مضااوي..."
رجعت بنت عمي تطالع بمضاوي من فوق لتحت...
ووقفت وهي تحط شيلتهاا على راسهاا
: على العموم..اناا من اليوم واناا جالسه...لازم اروح اشوف عياالي."
وكملت بضحكة غرريبة
: هه...الف مبرووك يا سعوود...متى الفرح ان شاء الله؟؟؟"
رديت ببساطة وانا اطالع فيهااا وفيني ضحكة شماته على حاالهاا المسكينه...
: قرريب مرة...بعد اسبوعين...عااد لا تنسين تخبررين بااقي العوائل...
اناا برسلكم...كروت الزوااج قرريب..."
بنت عمي وهي تطالع بنورس وهيفاء وفمها ابتسامة شمااته
: اجل...اشوفكم بالعرس يا حلواات..."
وطلعت....هيفاء اول ما طلعت بنت عمي...طالعت فيناا...اناا ومضااوي وهي مقهوورة...
ورااحت...
نوورس...كانت تنتفض بمقعدهاا...وتطالع فيني وبعيونهاا دمووع...
وبالأخير وقفت...وقاالت وهي ترتجف
: انت....انت....انت يا سعوود..."
وسكتت...وما قدرت تكمل حكيهاا وطلعت بره الغرفة...
امي ظلت جاالسه تطالع فيني...ثم ترجع تطالع بمضاوي بنظرات حزينه...
طالعت بمضااوي اللي كانت تطالع بأمي بحده...وترجع تأمل الغرفة باستغراب...
وانا اللي ظنيتهاا اكتفت من الأستغراب...

"مضاوي"

مدري وش اقوول...من اللي في قلبي...قلبي يئن ويتألم....ويصرخ...ولا احد يسمعه...انا البدووية...اللي كلي شمووخ وعزة...اناا اللي افتخرر ببداوتي...ونسبي...
صرت شين ينعااب منه....صرت شين...محد يبي يشووفه...صرت شين العرب تنقررف منه...
وش ذنبي يووم اني مااعرف حكيهم؟؟؟...وش ذنبي يووم اني مااعرف علومهم؟؟؟...
وش ذنبي...يووم انوخذ من ارضي....وبيتي...وحلااالي...وانررمي مثل الكلاااب ...بشقن...صغييرر..يسموونه غررفه...
محبووسة بين جدراان...مثل ما يسمونهاا...عاارفين وش هوو الجداار؟؟؟...هو شين يفصلك عن كل شي...شين يبعدك عن كل شي..
ابي ارجع البر...ابي اعوود لهلي...ابي اطلع الضلع واقعد فوووقه مثل اوول....اناا ابي ارووح وامشي واسرري وارعى...من الفجر للعصر... محدن يسال علي...
ابي اطبخ...واعجن....واخبز...ابي اذووق الفطيير...ابي اذووق التمر...
ابي اذووق المضير....
ابي قهووة ابوووي....
ابي اسمع حمصة البن....ابي اسمع صوت "فطين"
ابي ميمتي تحوي( تجدل_تظفر ) لي شعري...وتزيته وتحنيه....
ما عدت ابي هالحظااارة....وش هالحظااارة؟؟؟...
على ايش يشوفون نفسهم هالحظر؟؟؟...على ايش؟؟؟...على رجالتهم الضاايعه المنهووبة...ولااا على حريمهم الفاصخات الحياا...
ابووي....الله يسااامحك.....يا يبه....الله يسااامحك...قتلت بنيتك....لووو اني مع ابو علي...ارحم علي من هالسعوود...
هالسعوود...اللي اناا لاازم اربيه...اللي اناا لااازم اعلمه وش تعني كلمة رجاال؟؟؟...وش تعني كلمة الرجااال؟؟؟....
وشلون يثمن كلااامه؟؟؟...موو يقط الحكي بدوون ما يهتم باي حد...
حتى عبيد اخووي...وخيي...بعد قلبي والله....خذوووه عني....صرت ما اشووفه....لي ثلاث ايام...ما شميت ريحته...ماا خميته وخذيته بحظني...ما لمست شعره...ولا تاكدت اذا هو بخير او لاااء؟؟؟
قلبيييي...قليبي يا عررب....يعووورني...يعووورني..
وينك يا فضة؟؟؟....وينك يا هيلة؟؟؟....وينك يا يمه؟؟؟....
شفت سعوود وهو يقوم من عندي....ويطلع من "الغرفة".....طاالعت بامه...بعمتي...كاانت تطاالع بالارض...وكنهاا مستحية مني....
الصدق اني احب هالمره...احس انهااا تحبني...موو مثل بنيااتهاا....اللي ما يطاالعن فيني....ولا يكلمني...ولا حتى يلمسني...ويتقرفن مني...
نهضت من مكااني....وطلعت من هاالغررفة....ورحت...ابي انوووم.....بس من وين النوووم يجيني؟؟؟....النووم مجاافيني...من تمرغت بالترااب ذاك اليووم....
النوم مجاافيني من اربعة اياام....

وهذا احناا عاايشين مع ابطال عز الله ان حبي لك اكبر نقيصه...
نشوف تصاارع مضااوي مع نفسهاا....غربة الروح اللي قااعده تعيشهااا....حززنهاا على سعود قبل لا تحززن على نفسهااا...
نشوف سعود...وتصارعه مع رجولته المهدوورة...ومحااولته بيجاد هالرجولة...من خلال قوته على مضااوي...اللي يشوف فيهاا اللي موو بنفسه..
نشوف هيفااء...والاعرااض الغرريبة اللي تعااني منهاا....وش ممكن يكون معهاا؟؟؟....وش رااح يسوي نوااف معهاا؟؟؟...ونواف اساسا وش صاار له؟؟؟...
نشوف بعد...نوورس...والصدمه اللي عرفتهاا عن امهاا....وبنعرف وش ساالفه المجله معهاا؟؟...
وعلى العموم...الاحدااث رااح تطير فيناا...وما رااح تستمر بالهدوء هذا..
لأن حفل الزوااج قررب..وروحة مضاوي لإيطاليا قرربت....

وهذا البأرت انتهى ..

17 - 10 - 2024, 02:44 AM

الفــــ9ــــصل

" وتمضي الايام... "

" نورس"

: الووو...الأخت نورس الســ..."
نورس بنعومتها المعتادة: ايه نعم...مين معي؟؟"
: معك سعد عبدالله من مجلة " اضواء""
نورس باستغراب: مجلة اضواء؟؟؟...ليش فيه اي مشكله تتعلق بكتاباتي السابقة عندكم؟؟؟؟؟"
: لااء ابدا...ولكن رئيس التحرير...حب يجدد العقد معك...
بسبب الطلب الشديد عليك...من بعض قرائك السابقين.."
سكتت نورس للحظاات...قلبهاا يدق ومو مصدقة اللي تسمعه...هي بحلم او علم؟؟؟..معقوولة " شجاع الـ.." صاحب مجلة اضواء يطلبهاا من جديد....
بس لحظة...لحظة...يا نورس...
نسيتي ان شجاع هذا هو اللي اهانك باسلوب غير حظاري بالمره؟؟..
ولا اكتفى بكذا...آلمك بشكل فوق العادة...
لمن حسسك انك لا شيء...
شلون يرجع يطلب منك الرجعه له...ولا مرسل موظف من موظفينه..
نورس بتهكم : والله؟؟؟...طيب ليش ما دق علي بنفسه؟؟"
:هااا؟؟؟... اممم..اهو اناااا..وكلني اناا...
وطلب مني اني اشوف شروطك..كلهاا...وان شاء الله بتنفذ.."
نورس بتريقة: اوكيه...يا اخ سعد...اول شروطي...ان الاستاذ شجاع هو اللي يدق علي ويرجع يطلبني للشغل....ثاني شروطي...وثالثهاا..رااح اقولهاا له شخصيا...اوكيه؟؟"
سعد بارتباك: طبعا...ان شاء الله.."
وقفل الخط...

تذكرت مكالمة المجله...وطالعت بعجز فالجوال...ماادق...ولا شكله رااح يدق...وانا محتااجه ارجع اشتغل بالمجله...اناا متعبه من التفكير في كل شيء...
متعبة من ماما واللي سمعته...متعبه من التفكير بمضااوي وشلون بتخلص منهاا...متعبه من هيفااء اللي شكلهاا متغير...
وصاايرة تسرح كثير...ومدري وش تخطط له..متعبه من اتصالات ديمه المتكررة المزعجه على جوالي...عشان تعرف وش جد من اموور؟؟؟...
انا تعباانه يا نااس...والله تعباانه...
رميت جوالي بقرف على السرير...وطلعت للبلكونة حقتي..
تنشقت الهواء وكان لي سنين ما تنشقته....فعلا احس بحاجه كابسه على نفسي....مدري وش فيني؟؟؟...رجع لي الشعور القديم...
الشعور اللي جااني فجأة...الشعور بوجود ثغرة في حيااتي...
هو فعلا فيه ثغرة بذاكرتي..لكن مدري وش سببها ولمن اسال ماما تتهرب من الموضوع...
وحتى هيفاء...وحتى سعود..كلهم يتهربون...وكأن فيه مصيبة كبير بماضيي...ماراح افكر فيهاا....
لأني اتعب وانا افكر ولا اوصل لنتيجه...
غمضت عيوني بتعب...بارهااق...بالم...ورجعت فتحتهم من جديد بعد ماسمعت صوت....
شفت عبدالله...عبيد مثل ما نسميه كلنا...الطفل المنغولي المعاق...كان يطارد الفراشات...الصغيرة...
وحسيت بشعور غريب بقلبي...تصدقوني لو قلت لكم اني احبه؟؟؟..تصدقوني لو قلت لكم...اني ما اتخيل هالبيت من دونه...صح له كم يوم....في بيتناا...تقريبا اسبوع...مع هذا..وجوده مهم...مهم..مهم...حتى بابا ما يكلمه...ولا احد يهاوشه...حتى هيفاء اللي كانت تخاف منه..صاارت تبتسم اذا شافته...
اكيد اذا راح سعود ايطاليا بيخليه عندنا...يله..تكفير ذنوب...بأذن الله....
سمعت صوت جواالي يدق..ورحت بسررعه...وانا متأمله انه يكون اتصاال من المجله....
لكن لااا...كانت هذي وحده من صديقااتي..." عبير"...
جااني احبااط بس قررت اني ارد عليهاا...
لأني لي فترة مااشفتهاا....وهي توهاا راجعه من شهر العسل....
: الوووووو...."
عبير بفرح مو طبيعي: هلاا بالغلا كله.....وش اخبارك يالغلاا؟؟؟...وحشتينيييي يالقاطعه...ولا تدقين او تسألين...حشا لو شحدناكم المكاالمه...ماسويتوا كذا.."
: هي هي هي...شوي عليييييييييي.."
عبير تقاطعني بجنون: وشووووو؟؟؟..عشتوا وكبرتوا والله...نورس الــ تقول هي هي....لالالالالا...مووو مصدقة.."
ضحكت غصب علي على اسلوب عبير: يا عبير ذبحتيني...اكيد انك مهبلة بررجلك..مليونين بالميه.."
عبير بخجل والصوت تغير180 درجة: حراام عليك...والله اني مؤدبه معه بقوووة....استحي اقوله اي شيء...واستحي اسوي اي شيء قدامه..."
وكملت بهبالة: هع هع...هذا واناا جريئة صرت كذا....اجل انتي وش بيصير لك يا نوورس...الظااهر بتذوبين....مثل قطعة جليد..."
سكت...ولا رديت على عبير..تظن اني ما عشت الحب قبل...ما تدري اني عرفته من زمان....لكني قتلته بسرعه بقلبي...

: نورس؟؟...وش تسوين هنا لوحدك؟؟؟"
التفتت نورس على خالد...كانت ابتسامتها تشع بوجهها الطفولي...كانت ذيك الليلة هي ليلة عيد ميلادهاا....وسواها لها خالد احتفال كبير خرافي....وكأنه يعمق الأحاسيس اللي بداخلهاا بدون ما يدري...
ردت بخجل فضيع وهي تحس ان دمها ناار يسري بين شرايينها ويحرقهاا
: اناا..."
وطالعت بالسما بعجز....وكملت اول ما شافت القمر بفرح وكأنه انقذهاا
: اتأمل القمر..."
ضحك خالد بقوة...ورجع شعره ورى...وطالع بالقمر ورجع طالع في نورس....بفستانهاا الابيض القصير...وشعرها الطويل البني الغزير...ووجهها الطفولي..وعيونهاا البنية الغريبة لونهاا...
: هههههههههههههه...يعني باختصار تطاالعين بنفسك؟؟؟.."
وكمل وهو يحط يدينه على كتوفهاا: يا شين الغروووور..."
حست انهاا بتهوي بذيك اللحظة...خاالد قريب منهاا لهالدرجة...شكله يحبهاا...يحبهاا اكيد...يمكن الحين بيعترف لهاا بمشااعره.....يمكن...
وقامت تدعي وتبتهل لرب العالمين....من اعماق قلبهاا انه يعترف لهاا بحبه الكبير اللي بقلبه...
لكن خالد دمرهاا...وخلاهاا نورس حزين....لأنه قاالهاا وهو يبعد شوي عنهاا ويوقف قدامهاا
: عندي لك هدية ثانية لعيد ميلادك...."
نورس بارتباك
: خاالد...اتعبت نفسسك...كثيـ....ر....ما احتااج لهذا كله...يعني...حققت احلاامي باختصاار...واهديتني احلى ليلة بالعمر.."
ابتسم خالد وهو يطالعهاا من فوق لتحت...وما كانت عارفه تقرا نظراته.....
وقال وهو يكتف يدينه..
: استعدي للهدية..."
نورس بصوت خافت
: مستعدة..."
وما درت انهاا كانت مستعدة لطعنة الرمح في عمق قلبهااا....
لأنه اول ما قالهااا بكل بساااطة وبكل فررح الدنيا اللي فيه: اناا خطبت هيفااء يا نورس...هيفااء صاارت لي...وبجيي بسكن عندكم مثل ماكلكم تبون.."
طالعته نورس مو مصدقة...اختفى نور وجهها...قرب منهاا خالد وهو مستغرب رد فعلهاا...نورس انتي بخير؟؟؟....نورس وشفيك.؟؟؟...صرخ بهالكلمتين....لكنهاا ما ردت عليه...واكتفت بتسكير عيونهاا بقوة....ونزلت راسهاا بعيد عنه...

رجعت امسك الجوال بقوة...وانا ابعد ذكرى الماضي عن راسي....واركز على الحااظر وبس...كاافي بؤس الحااظر ما يحتاج استرجع بؤس الماااضي بعد...!!
عبير وهي تختم كلامهاا الكثيير:
المهم يا حلوووة...انا اليوم عندي لمة بناات...وابيك تجيني...واذا تقدرين جيبي هيفااء بعد معك..."
قلت وانا متحمسه للطلعه من البيت: بأذن الله بجيك...احس اني مكتومة من جلسه البيت والحبسه بالحدايق..."
عبير بنوع من الحسد..رغم ان ما ينقصها شيء: هه...هذا وانتم قصر وش كبره...وحدائق تجنن...تقول محبووسة...اجل وش تقولين على بيتناا اللي كله الفين.."
قاطعتهاا عشان ما اكرهها: عبير عيوووني....بروح اتجهزز...يله بااي"
وقفلت الخط...وانا اهز رااسي....يا شين طمع الناااس....مااعلي منهم...كل صديقااتي للاسف يحسدوني...رغم انهم بنات تجار...لكن فعلا طمع الانسان ماله حدود..
رحت دخلت الحمام...وخذيت شاور سريع....وطلعت منه وجلست قدام التسريحة....بعد ما كتبت مسج لهيفاء اعلمها عن الحفلة...

" هيفاء"

آآآآآآآآآآآآآآآآآآآآآآآآآي
كنت بالحمام من ساعة الله يكرمكم....افرغ كل شيء دخل معدتي من امس....كنت اتلوى واتالم على ارضية الحمام...وادعي ربي ان محد يسمع صوتي...
يا ربي....استغفر الله العظيم...وش هالالام؟؟؟..شيء فضيع يقطع جسمي تقطيع....احس باشيااء غرريبة....
اخيراا...فرغت كل شيء بمعدتي...اووووه...
قمت بعد ما تركيت على يديني...ووقفت قدام المغسله...غسلت وجهي بقوة كذا مرة...وسمعت صوت جوالي...مسج....جايني...
غسلت اسنااني وفرشتهم....ولميت شعري كله بشباصه فوق راسي...وتسحبت بره... ولقطت جوالي بسرعه...وتمددت على السرير...وتلحفت بمفرش السرير الثقيل....وتغطيت زين فيه...
فتحت المسج...وشفت نورس مرسلة لي...انهاا بترووح..لصديقتهاا عبير....لأن عندهم حفله..
ترددت اروح او لاااء....وقررت بالأخير اني ماا اروح...ورديت على نورس...وقلت لهاا...اني مرهقة شوي...وماافيني البس واكشخ..واسولف واضحك...
لقيت صورة خالد قدامي...انا حاطتهاا جنب السرير....كان شايلني على كتوفه بباريس هالصورة....وكانت الضحكة مالية وجيهناا..
قلت بعجز: ووينك عني يا خاالد؟؟...هيفتك قااعدة تمووت...ولا حد دااري عنهاا.."
ومسكت صورته وضميتهاا بقوة...وكأني ادور خالد من خلالهاا....ودخلت بنوبة بكااء قوية...وانا اغرق بالذكرى...

: ووش تطالع فيه؟؟...فضحتناا...."
خالد بهيام وهو حاط ايديه على ذقنه
: اطاالع بحبيبتي فيهاا شيء؟؟؟...اطاالع بأجمل وجه بآل... كلهم..."
هيفاء بغرور: بس فيهم؟؟؟.."
خالد وهو يتنهد: موو بس فيهم....في البشر كلهم...انت ملكة جمال الكون....حبيبتي...ملكة جمال الكون...هذا اكبر فخر لي.."
حمرت خدودهاا بقوة...واذانيهاا بعد..وحتى رقبتهاا...دائما خالد يحب يحرجهاا..خصوصا اذا كانوا في مكان عاام....حراام عليه اللي يسويه...
هيفاء وخالد يزودها حبتين بنظراته: انا قاايمه..."
خالد باعتراض: ليييييييش؟؟؟؟..حراام عليك تروحين...نااسية اني ياله الاقي وقت عشان اشوفك...وطااق مشواار من السعودية لهناا...وسبع ساعات طياارة علشان عيونك...وبالأخير...تهرربين مني.."
هيفاء وفيها ضحكة: يااويلي منك...اكلتني...هدي اعصااابك شووي...برووح اجيب لي عصيير..
خاالد وهو يوقف: لالالا..معقووول؟؟...وش هالاهانة؟؟..."
هيفاء وهي تقطب حواجبها بغباء
: اهاانه؟؟...ليش؟؟"
خالد وهو يجلس هيفاء بالقوة
: انا الرجاال....اناا ولي امرك...اناا اللي اروح واجيب لك..."
كان حاط يدينه على كتوفهاا...وجهه قريب منهاا مرة...
ماايفصل بينهم الا فااصل...
حست بانفااسه الحارة تضرب خدودهاا...وتسارعت دقات قلبهاا بجنون...
وزاد خجلهاا ووصل حده...
قالت بهمس: خاالد..."
رد بلا مبالاة: عيووونه..."
هيفاء بتوسل: الناااس.."
خالد بهمس: وش فيهم؟؟؟.."
كشرت هيفاء بضعف...لا تحررجني....قالتهاا من بين اسناانها...
خالد بلؤم: مااسمعت...يا عيونه"
ردت بضعف: واللي يخليك لي..ابعد عني شووي..."
اخيرا...بعد خاالد عنهاا...وقال وهو يروح:
لو بكيفي كان ما تركتك ابد...بس علشان هالدعوة...مضطر احترم نفسي...
وابعد عنك..."
طالعت فيه وعيونهاا تلمع...
....يااااااااه وش كثر احبه؟؟؟...والله الحب عذاااب...عذاااااااااب...صح ان خالد يباادلهاا المشااعر...لكن بأوقاات كثير ما تلاقيه قريب منهاا...متى تتزوجه ويجتمعون بمكاان واحد...عشان ما تخليه يطلع ابد...ابد...ابد من بيته!!!

سمعت صوت صيااح...كان عبدالله اخو مضااوي....تجاهلت الصوت في البدااية...لكنه زااد مرة...اضطريت اني اتحرك...واروح اشوف وش عنده؟؟...
قمت ببطء...والألم يقطع جوفي تقطيع....ووصلت للباب بمعجزة...
فتحته ببطء....وطاالعت بوجه عبدالله اللي كان يصيح....قطع قلبي...اكثر من قلبي اللي متقطع خلقه...
: وووش فيك؟؟....ليش تصييح؟؟"
كنت بهااوشه...لكن مااقدرت اني اصير نذله ويااه....فيه نااس ما تستااهل نعااملهاا بلؤم...وعبدالله منهم....يمكن لأنه طفل بكل بسااطة...
قلت بضعف له: عبوودي...قل لي وش فيك؟؟؟"
مد لي يده...فصرخت وانا مفجووعه...كاانت معدومة بشكل فضيع....وشكل كلب الحراسه حقناا....عضه!!!
مسكته بسرعه....وركضت بالاسياااب....واناا اجااهد المشي.مجااهد...
فتحت الباب على الشغالاات
: بسرررعه....جيبوا علبه الاسعافااات..."
ورحت للتيلفون اللي بالسيب قريب من غرفتهم وعبدالله معي يمشي ويصيح
: الوووو.."
يا ربي...ليش هاالحين ذا ما يرد؟؟؟....يووم نبي الدكتوور ما يرد...لكن يوم مانحتااجه اهو يجيناا كل شوووي...
رد بالأخير الدكتوور وببرود: الوووو.."
قلت وانا آخذ نفس عميق: كيفك يا دكتوور؟؟.."
لازم نحاافظ على الشكلياات لو حتى فيهاا مووت
رد الدكتور اول ماعرف صوتي: الأخت هيفاء؟؟...هيفاء الــ....كيفكم؟؟؟...وش اخبااركم؟؟؟...ان شااء الله الواالد بخير؟؟؟..."
قلت بضعف وصوتي يبين الالم اللي يقتلني...
: لااااء....فيه عندناا طفل جرريح...كلب الحرااسه حقناا قطع ايده...بشكل مرررة مخييف...وقااعد ينززف بقوووة...اسمع صوته..."
اجتمعوا الشغالات حول عبدالله....وكل وحده تحااول تسوي شيء...بينماا انا اعطيت الدكتور وحده من الشغالات لاني مو قادرة اسمع تعليمااته اللي قاعد يقولهاا فوق رااسي...وقفت على الجدار...وضليت اتاابع عبدالله بعيووني...واناا حاطه ايدي فوق قلبي...
صوتي انا والشغالات اللي كان مرتفع مرة...خلا بيبان الغرف تنفتح باب ورى الثااني....شفت سعوود يطلع...اول ماشاف الدم يغطي ايد عبدالله...كاان واضح انه مصدوم ومو مستوعب وش اللي يصير..
جاا عندي وهزني بقوة
: وش سويتي فيه؟؟..."
طالعته بقوة وصرخت فيه
: وش قصدك؟؟...انا بأذيه؟؟...اناا لا يمكن اذي طفل..."
قاال وهو يبعد الشغالات
: لازم آخذه الاسعااف..."
رديت وانا ارتعش وامسك ايده بضعف
: لاااء...دقــ....يت...على..الدكتووور.."
وصرخت بألم....خلى الكل يطاالعني مفجووع....
طلعت نوورس من غرفتهاا..
وصرخت وهي تشوفني طاايحه بين يدين سعوود....
وشفت مضااوي من بعيد....
وهي تمشي بهدوء جهتناا...طالعت فيني...وشفت بعيونهاا شفقه ويمكن خوف..بس اول ماشافت اخوهاا فقدت كل هدوءهاا...
مسكت اخوهاا...وقاامت ترتجف وهي مفجووعه من الدم اللي تشوفه...
طلعت ماما بعد من غرفتهاا وكملت المسرحية....
والفوضى اللي تصير...
اناا قدرت اتمااسك...وبعدت سعود عني...ورحت لغرفتي...وقفلت الباب على نفسي...وطحت عنده...

....في مكان ثاني بعيد....
.....عن السعودية بكاملهاا...
كاانت اهي ما زالت تبكي على الأطلال....
ما زالت تعااصر حبهاا الراحل..
وماا زاالت تتجاهل زوجهاا الموجود....

" مارية"

طالعت بالفستان العرايسي الأبيض...
اللي انهيته قبل يومين...كان في قمة الروعه...فستان اميرة بحق وحقيقي...
اسطووري بفخاامته....ورااقي بكرستالاته المميزة....وخياالي بقصته الغريبة...
كنت في الاساس...
مخليته فستان زواجي...لكنه للأسف..صاار فستان زواج اي امرأة سعيدة حظ.....اي امرأة تحب ان زوجهاا يشوفهاا حورية مالهاا اي مثيل...
كان ضيق حتى الوركين..وبعدين يبدا يتسع بشكل حلووو...وطوويل من وره..من فوق قصة الصدر تفننت فيهاا من قلب...كلهاا كرستالات غاالية جمعتهاا من امااكن كثيرة زرتهاا مع تركي في شهر العسل....
وفيه دانتيل ذهبي...يبين بآخر الفستان...معطيه شكل فخم...وشكل اسطوري بقوة....طبعا هذا الفستان..ما عرضناه في البوتيك...
لأن مدام " لولا" بكل بسااطة..قاالت ان هذا للـvip....موو لأي زبون عاادي..رغم اني اشوف ان كل زبائنهاا يندرجون تحت هذي الفئة...ولكن هي ادرى...انا استلم اربعين بالمية من سعر الفستاان وهذا يكفيني...
سمعت صوت اجراس الباب...فالتفت...شفت تركي...كشرت لا شعوريا بوجهه...
دوم اول ما اسمع اجراس الباب...التفت وانا مبتسمه...اتوقع انه سعود..ايه سعود...ليش لاااء؟؟؟...يمكن قلبه بيوم ينغزه ويذكره فيني...صحيح انهاا شهرين لكن والله كأنها سنتين...مو فترة قصيرة....كل يوم يمر ببعده سنة في الجحيم...
اعتقد انه انتبه لرد فعلي...وهالشيء باان بتقطيبة حواجبه...
قلت وانا احاول اكون زوجة كويسة: كيفك؟؟"
تركي وهو يطالع الفستان اللي قدامي
: بخير...خلصت دراسه وجيت اشوفك..."
وكمل بانبهار: راائع هالفستاان...شكلي بشتريه لزواج اختي...ودهاا بيشيء غريب وجديد...المصيبه اني ما اعرف ذوقهاا..."
قلت لا شعوريا وبقسوة:بس هذا... ما يصلح لكم..."
وسكت...وهو سكت...طاالعني بعتااب...
وقال بعد ثواني: يصلح لاختي...وما يصلح لي لأني رجال...على العموم....خلي تصاميمك للناس اللي تصلح لك.."
ولف وتركني...
عوورني قلبي..وحست بسخاافة كلمتي...لكني ما تحركت من مكااني حتى وانا اشوفه يرحل ويبعد عناا....

" هناء"

الحمدالله ان ايد عبدالله مارااحت فيهاا...الله يهديه بس....
دخل ايده دااخل فم الكلب...واي كلب...كلب حراسه مجنون..جايبينه من المجر...
انا على اني احب الحيوانات واموت عليهاا...لا يمكن اقرب منهاا...الا ابعد عنهاا ميل موو اقصر من كذاا......
قطعت قلبي مضااوي...كانت العبره خانقتهاا..مع هذا ما بكت...وش كثر قوية هالبنت...آآآخ يا مضاووي...ليتني كنت مثلك...بس انا من يومي واناا ضعيفه....ولا عمري...كنت قوية...
وانبهرت بكل شيء من حوولي بسرعه...اغرتني الحظاارة بكل تفاصيلهاا انا واختي...حتى انا نسينا اهلناا...وسبحان الله اهلي تبعونا وصرنا كلناا زي بعض...ولا يشوفني ما يصدق اني كنت اعيش بالبر...مثلي مثل مضاوي..
وحتى لهجتي تغيرت...وجاات لي فترة احتقر البدوو ولا كأني بنتهم...
حتى اسمي غيرته...حتى اسمي غيرته...
من غزوة ل هناء...الله يا زمن...
بس لمن تزوج سعود مضاوي...وعلى كثر ما بكيت وانهرت...وخفت على سمعتي...
في شيء بنفسي...قاام وتحرك...وما حبيت ان احد يهنيها من بناتي او يخطط عليهاا...وتمنيت لو سعود...آآآخ منك يا سعود...لو سعود يحترمهاا اقل شيء...لأن الحب من القلب...
وماا ينجبر قلبن على قلب....
انا هالحين في حيرة كبيرة...وانا جاالسه في الصااله وقدامي مضااوي...ونوورس مااسكه عبدالله وتسولف على راسه بنعومة...
ودي اغير مضااوي...واخليهاا بنت ثانية...بنت ينحسب لهاا الف حسااب...بنت كلهاا نعومة وشقاوة وحلاوة...
انا متأكده انها جميله...وهذا وااضح من عيونهاا الواسعه الكحيلة...آآآخ يا ربي...شلون اقنعهاا تشيل البرقع؟؟؟...
جاا سعود وجلس جنبي...وابتسم لعبدالله بحناان...وجاات هيفاء اخيرا...وكان واضح انهاا متغيرة...وجلست جنبي من الجهة الثاانية...
هيفاء وهي تبتسم لعبدالله
: شفت يا سعود...ياما قلت لك ان هالكلب بيسبب لنا مصيبه..."
سعود وهو يحك شعره: بس انه مفيد.."
نورس بعصبية: ياربي يا سعوود..اي مفيد...ياما تركوناا خدم بسبته..."
كانت نورس متزينه ورافعه شعرهاا ولابسه فستان تفااحي فيهاا لون احمر..وطالع قمر 14...بنتي حبيبتي...الله لا يحرمني منهاا...يا انا اخااف عليهاا خوف موو طبيعي...خصوصا لمن اتذكر انهاا بماضيهاا ...اغتــ...
مارااح اكمل الكلمه...لني ما اقدر انطقهاا كاملة...كاافي الم الذكرى...
قاطعت افكااري سماعنا كلناا صوت كعب عاالي...التفتناا للباب...
شفت ديمه بنت اختي...كاانت كااشخه على الأخير ومضبطة نفسهاا...
شفت ابتسامة لئيمه على وجه نورس...و هيفااء..وعرفت الخطة...
وعوورني قلبي على مضااوي اللي قامت تطالع بديمه من فوق لتحت....
رااح اتدخل هالمره...وياناا يا بنااتي...وبنشووف....وقررت اني اختلي بمضااوي...

" سعود"

ابتسمت بوجه ديمه بنت خاالتي...كاان شكلهاا اليوم مختلف عن العااده...او يتهيأ لي؟؟؟..ماا ادري حسيت فيهاا شيء متغير...وسألتهاا...
: ديمووه...هوو فيك شيء متغير؟؟؟...ولا يتهيا لي؟؟؟"
سألت ديمه بفضول وهي تطالعني بنظرات غريبة: متغيره للأحسن قصدك؟؟؟..."
هزيت راسي لهاا...وما اعرف ليش التفت اشوف مضااوي...لقيتهاا مكتفه يدينه وتطالع فيناا بعين غير راضية...بس طنشتهاا...
ديمه وهي تبتسم بحلاوة: اناا دوووم اتغير للأحلى...بس انت ربي عااميك..."
استغربت من كلمتهاا...وشفت هيفاء ونورس يطالعون بديمه...اهم بعد مستغربين من جرأتهاا...لكني ما علقت دووم اعتبر ديمه اخت صغيرة لي...يمكن عشان كذا تموون علي؟؟؟...
شفت عبدالله يوقف...ويروح لديمه...اللي كان واضح انهاا مفجووعه وهي تطاالع بمضااوي وبعبدالله...كاان يبي يوريهاا الجرح اللي بايده...بس اول مااقرب منهاا صرخت...بقووة...ووقفت فوق الكنبه بحركة هستيرية...ووضح الخوف عليهاا...حاااولت نورس وهيفاء يهدونهاا...واناا عصبت فوقفت وشلت عبدالله غصب عنه وطلعت الحووش...
لحقتني مضااوي بسرعه...جلست على العشب...وقعدت الاعبه...اناا دقيت على مدارس النهضة اليوم...ابيهم يقبلونه...لأنه حراام يجلس عندنا كذا...لازم يتعلم ويتحسن...ووافقوا على انهم يشوفونه...
مضاوي بعصبية وبصوت جاامد: عبيد تعاال هنياا..."
عبدالله سفهاا ولا كأنهاا تناادي....
قلت وانا ارفعه بالمقلوب رغم اني خاايف ااذيه...
: روحي جوه...واجلسي مع الحرريم..."
قاالت ببرود وهي تطالعني: مالك شغل فيني..."
عصبت...اللهم طولك يااا روووووووووح...
: مضااوي اقصري الشر..."
قالت وهي تسفهني: عبيييد تعال هنيا..."
تركت عبدالله باهماال لأني كنت نااوي عليهاا...بس صرخته رجعتني للواقع...
طاالعت بعبدالله اللي كان واضح انهم متألم...جلست على ركبي..وقعدت اعتذر له غصب علي...ورغم انه موو فاهمني...بس ماا قدرت الا اني اعتذر له...يمكن بسبب شيء بقلبي...يمكن لأني قااعد اسيء لأخته طول الوقت...
قلت لمضااوي وانا اشوفهاا تقرب بتشوف عبدالله...وتجلس على الأرض
: بنسوي حفل زوااج...تعررفين وش يعني؟؟؟.."
قالت بقهر: لاااء...مو تجوزناا...وخلاص؟؟"
رديت بصبر: ايه صح....بس احناا الحظر يختلف الوضع عندناا شوي...يا آنسه مضاوي.."
صرخت فيني: وشوووووو؟؟..عاانسه؟؟؟"
قلت بعصبية: ايه عاانسه...عندك ماانع..."
سكتت...وكانت تنتفض...
كملت كلاامي بسرعه قبل تحرك: المهم...يااويلك ويا سوااد ليلك...لو تشيلين برقعك..فااهمه؟؟..ترى ما بيصير لك طيب...ابيك تنززفين بثوبك اللي جيتي فيه؟؟.."
ردت مضااوي بصوت مقهور: وش يعني؟؟؟..تنززفين؟؟؟...وش تعني؟؟"
قلت بعصبية: يعني النااس لا بغت تشوفك...تشوفك..خلك ببرقعك وبثوبك الاحمر...فااهمه؟؟؟"
وقفت مضااوي وقالت باستغراب: غرريبة...والله يا سعوود....يعني..موو فااهمه ليش توصيني على هالشيء؟؟؟..."
قااطعتهاا وانا ابتسم ابتسامة اعرف تأثيرهاا على البناات: لأني ابي الكل...يحسدني على مضاوي بنت بنيان آل.....ابيهم يشوفون المره المستورة...اللي ماالهاا مثيل في الحظر..."
طالعتني بعدم اقتنااع...وما توقعت انهاا بهالذكااء...مصييبه ذي... الله يستر ماا تسمع كلااام خوااتي...وتغير مثل ما رااح يسوون معهاا...
تاابعتهاا وهي ترجع تدخل البيت...تمنيت اقرى وش ف داخل ذاك الرااس..

" مضاوي"

ان كاان عرفت شيء اليوم...وهو اني عررفت شلون اقهر سعود واحره؟؟؟...
خلك مستوورة...والبسي برقعك وثوبك الاحمر؟؟؟..وش قصدك يا سعوود...
الاكيد ان قصده مووب زين...اناا لااازم اصير فطين..وافهم هالتلميح اللي يقولونه؟؟؟...
كلاام اهل المدن كله تلااميح...ابد...ما يقولون الحكي الوااضح الصرريح...
والاكيد...ان هذي عاادة الجبنااء...الضعااف...ميب عاادة الشيووخ والفرساان...اللي يقولون الكلام اللي بقلوبهم...
قعدت عند البناات...وترربعت فوق الشين اللي مسمينه كنب..او كنبه...مدري وش علته؟؟؟..
لاحظت المره اللي صرخت يوم شافت عبيد...تطاالعني...وكني مانيب عااجبتهاا...
قلت لهاا واناا آخذ الفنجاال من المره اللي يسمونهاا شغاله
:وش بلااك؟؟"
طالعتني ببرود...ثمن صدت عني...ووقفت...ووقفت معهاا نورس...
نورس واهي تلبس عباايتهااا..الله يستر على المسلمين...العباااه يبيلهاا عباه تغطيهاا
: يله يا حلووين...مع السلاامه.."
عمتي ام سعوود وهي توقف معااهم
: انتبهي على نفسك....ولا تتأخرون...بااي"
استغربت من هالكلمه الاخيره...باااي؟؟...وش باايه؟؟؟...مااعليناا منهم ومن حكيهم...تقل عجم...
طالعت ب هيفااء...يا ربيه هالبنت...ميب عااجبتني...احسهاا بغييييييييييض...وقلبهاا كله حقد...تذكرني بشعاعوه...
طالعت فيني...واستغربت يوم ابتسمت...تبوسمت لي؟؟..معقووول...
طنشتهاا وقمت اشرب القهووة...وووووووووووع...وش ذااا؟؟؟..لا باارك الله فمن سوااهااا...
قمت على حيلي...ونااديت اللي يسمونهاا شغاالة...
: تعاالي هنيا..."
جااتني مدرعمه...يا رب لك الحمد..مدري وشلون يطاالعون بهالاشكاال؟؟؟..
قاالت : نئم ماما..."
: وش؟؟؟...وش قااعده تهذرررين به؟؟؟.."
سكتت ولا ردت علي...قمت قلت لهاا واناا اعطيهاا الفنجاال
: مين سوه القهوة؟؟؟"
ردت علي بغباء
: تبي سوي قهوووة؟؟؟..."
قلت لهاا واناا مبسووطة
: اييييييييييه...ابي...وووين تطبخوونها؟؟؟...ووين؟؟؟؟"
ردت علي بخووف
: لالالا...مااايصير ماما...مرررة ماايصير..."
سمعت صوت عمتي من وراي
: وش فيه يا مضااوي؟؟؟..."
التفت عليهاا
: ابي اسوي قهوووة...ذي ميب قهووة...ذي مووية مطبووخة.."
قالت عمتي وهي تحط يدهاا على كتفي
: طيب اوول تعاالي..عندي لك كلامن كثييييييييير...يا مضيوووي...."
..................................

" نورس"

الجلسه عند عبير مااتنمل...كلهاا سوالف وحكي وحش بخلق الله...والصرااحه كانت عبير قمر 14....سبحاان الله السعااده جملتهاا بشكل كبير....
ديمه جنبي مااكانت مبسوووطة...كانت لسه ترتجف لمن تتذكر عبدالله...وقهرتني بتصرفااتهاا...لدرجة اني ترددت...وفكرت هل فعلا ديمه تصلح لسعوود؟؟؟..اذا هذا تفكيرهاا فعلى الدنيا السلااام....
بس مايهم ديمه بتصلح له اكثر من مضاوي مية مرة...واكثر طبعا من مارية....
استوقفتني صور عبير بالزواج..وهي تورينا ايااهاا..تعلقت عيووني بصوورة...وضليت فااتحه فمي فترة....
صرخناا اناا و ديمه بوقت وااحد بوجه عبير
: ولد خالتك هو شجاع الــ....؟؟؟"
معقوووول...شجاع المغرور...اللي يتكلم عن الاحتشاام...متصووور مع بنت خاالته بيوم زواجهاا...والله دنياا...دنيا يا شجااع....!!!

بعد يومين بآخر الليل....

" سعود"

لي يومين ماادخلت البيت...يومين مشغووول من راسي لرجوولي...
كاانت اليومين اللي فاتوا مرهق...سويت اتصالات...مع المقصوورة...والحمدالله طلعت معجزة...اني قدرت اسوي الحجز واخلص...بكره لازم اروح وادفع العربون والبااقي يوم الزواج...
ما خليت احد الا وعزمته...عزمت الناس الكباار...والشخصيات المهمه...والاصحااب والابعااد والاعداء حتى...مااخليت احد الا ونااديته...
حتى بعض اصحاابي بالكويت والاماراات....عزمتهم وحجزت تذااكرهم عشان ما يتحججون بشيء....
دخلت الغررفة...وتوقعت اسمع صوت التلفزيون كالعاادة...او صوت عبدالله على الأقل...
بس انصدمت وانا اشوف الغرفة كلهاا فاضية...دوورت بكل مكاان على مضااوي ما لقيتهاا...حتى ملابسهااا ميب فيه..
خفت...لا يكون هربت؟؟؟...لالالالا...مارااح تسويهاا...وين بتهرب؟؟؟...طيب وين بترووح؟؟؟...
جيت اطلع من الغرفة...لقيت امي واقفة ورااي مبااشرة...
قلت بتردد: يمه...مضـ.."
اول ماشافتني مضااوي...التفتت وهربت بسرعه..استغربت حركتها الغير منطقية...وركضت وراهاا شفت...شفت...شفت...
غمضت عيوني وفتحتهاا كذا مرة...موو مصدقة...الشيء اللي شفته...شفت وحده شعرهاا طويل مرة دخلت قبل امي وقفلت الباااب...كاان شعرهاا يجنن...اسوود وطوويل...وغجري وشكله غرريب...يمكن يوصل لحد ركبتهاا...
قلت لامي وانا احاول اخفي ارتباكي
: يمه....ما شفتي وين مضااوي؟؟؟...غريبة موو بغرفتي...وو...مدري وين رااحت؟؟؟"
قالت امي ببراءة: مضااوي...انا حطيتهاا بغرفة عند خوواتك..."
رديت باستغراب: وشووو؟؟؟...وليش؟؟...مضاوي مرتي..."
امي بصوت نااعم مهزوز: يا سعوود عييب...مو كذا الاصوول والقوااعد والتقاااليد...لازم تصبر ليووم الزوااج...اماانه لا تعلم احد...انهاا تنوم معك...."
قلت وانا اطالع بالباب حق غرفة امي
:طيب...اممم..."
وغمضت عيوني شوي...موو قاادر اجمع جمله وحده على بعضهاا...ابتسمت شوي برااحه...
وسالت امي بلؤم: مين اللي جوه؟؟؟..."
ردت امي وهي تقطب حواجبهاا
: خل اللي جوه بحاالهاا انت لك شغل بمرتك وبسس....يله رووح نااام...ترى الزوااج ما بقى عليه شيء...رووح لأن بكره ورااك مشاااوير كثيرة..."

" هناء"

يا ربيييييييييييييييييه...ذبحتني مضااوي...هبلت فيني...عجزت اقنعهاا...كل يوم وانا وياهاا بنقاشات من الصبح لآخر الليل....عجزت فيهاا هالبنت...مدري شلون بقدر عليهااا...
على الأقل...علمتهاا اسمااء اشيااء كثيرة...ومعجزة انهاا تقصر صوتهاا طلعت مثل ما سميتهاا معجزة......
يا ربييي...صدق موو داارية شلون اسيطر عليهاا؟؟؟...ولاااني داارية شلون اقنعهاا اني ابي مصلحتهاا؟؟؟....
طالعت فيهاا...كانت جالسه على التلفزيون...يا ربي مشاء الله عليهاا...جماااااااااااااال....صااارخ فضيع...وشعرهاا يهبل بس لوو تقصره شوووي...ولوو تغير هالملابس الشينه...ولااا توريني كل الالوان اللي معاهاا....
طلبت فستان زواجهاا من ايطاليا من بوتيك متعودة اتعاامل معه...بوتيك مررة راقي...واعطيتهم مقاسات مضااوي...واللي عرفت على طول صاحبة البوتيك انهاا مو لبنااتي واثنت على جسم مضااوي...اللي على حسب كلامهاا مثير...
اهي فعلا جسمها مثير..مشاء الله عليهاا عليهاا طول..وقاامه...وبيااض...بدا يبين تدريجي...بس قررت اني اروح اسوي لهاا تقشير...بس انتم علمووووني...شلوون اقنعهااا تسويه؟؟...آآآآآآآآآآآخ اناا تعبت...واهي تعبت لانهاا مو محتمله الحبس بالغررفة...
واناا قاصده احبسهاا عشان سعود والبناات ما يخربون التقدم اللي اناا قاعده اسويه....يا ربي هون علي هالمهمه الصعييييييييبة...

بعد اسبوعين...

"هيفاء"

لالالالالالالالالالالا
اناا مووو مصدقة....اختفت مضااوي نهاائياا...طوول وقتهاا بغرفة ماماا...موو قادرين نشوفهاا انااا و نوورس...ياربيييييييييييه وش ماما تسوووي؟؟؟...حتى نوورس ميتة خووف...و ديمه...يا قلبي عليهااا....والله سعود مووو داااري عنهاا ولا عن اللي جاابوهاا...
سعود قالب لناا البيت...لو تشوفون كرااتين الووورد اللي وصلت من هولاندا...ولا علب الشوكولااته اللي مووصين عليهاا من امريكا وسويسرا...ولا تشوفون الفستاان الخراافي اللي وصلناا اليوم من ايطااليا...فستان زوااج فضيع...لا يمكن ابدا...ان مضااوي تلبسه مع هذاا ماما طلبته و سعوود دفع بدون أي نقاااش...
اناا مقهووورة...ماااتوقعت نووصل لهالوضع...هاالحين لااازم ارووح اشتري فستااان...لأن ماافيه وقت اصمم وااحد...و نوورس لسه عندهاا امل بآخر لحظة...ان مضااوي تترك سعود...او حتى تمووت...
يا فشلتنااا....ياربي...موو متخيله العررس...شلون بنزف وحده مثل مضااوي على النااس...شلون اذا سألونا عن ابوهاا؟؟؟...عن اهلهااا؟؟؟...ياربييه...اناا ما اقدر على هذا كله..اناا ماراااح احظر العرس...مارااح احظره...اخااف يصيرر فيني شيء....اخااف امووت من القهر...ومن نظراات الشمااته اللي رااح اشوفهاا مرسومه على وجيه هالخلق..
تحركت مثل الفهد دااخل السيب اللي قبال غرفة ماما....لازم اليوم اشوف ماما وش قااعده تسووي...مع مضااوي...وش اللي يصير في الغررفة اللي جوه...
وجاات وقفت جنبي نوورس...اللي رافعه شعرهاا فوق راسهاا ولابسه ترينق...وكأنهاا ناوي تقتل لهاا احد...وشوي وجاا عبيد...ووقف جنبنا...ابتسمت له...تسجل بمدرسة النهضة....طالع يجنن باليونيفورم حقهم....يا حبيله يا نااااس....
رحت ابوسه...والعب معه...وهو متضااايق يبعدني عنه...
انفتح الباب...ولمن شافتنا ماما واقفين كلناا...حطت يدهاا على خصرهاا
: خيييييييييييير؟؟؟...وش عندكم؟؟؟.."
قلت اناا وانا اترك عبدالله: نبي نشووف مضااوي....
واحشتناا...
لهاا فترة مختفيه عناا..."
نورس وهي ترد خصلات شعرهاا ورى....
: ماماا وش اللي قااعد يصير؟؟؟...بدل ماتووقفين معناا ومع بنت اختك...صرتي ضدنااا كلناا..."
ماما بهدوء: لأني مع الصح...وش ماكاان...الحمدالله ان سعوود ترك ماارية...وتزوج وحده قبيلية..."
قلت انا باعتراض: مامااا...وش اللي صاار لك؟؟"
ردت نورس بانفعاال: لأن ماما كانت مثل مضااوي بالضبط...عشان كذا تداافع عنهاا...."
طاالعت بنورس موو مصدقة...ورجعت طالعت بماما...اللي هزت راسهاا تأيد كلام نورس
: ايه نعم...انا بدوية....وافتخر ببداوتي...واذا تبون تبرون مني...تبروا مني.."
سكت...ولا قدرت احكي...حسيت باختنااق...يكبس على صدري...ونفس الآلام اللي احسهاا من فترة تزيد...بس مااوضحت لحد...
كنت برووح...بس كلمة الغالية وقفتناا...
: ادخلوا...شوفوا مرت اخوكم.."

بس الى هنا البآرت