رواية قلت احبك قالت حب انتقام ولا تملك قلت ليه هو الحب عندك انواع

25 - 10 - 2024, 08:59 AM

البـــــــــــــارت الــ95

غزل : ايه مو انا لبست عليها ذيك عشان يرضى.،
شهد : يمه منك الي براسك تسوينه.،
غزل : ههههههه المهم بقولك شي بس.،
شهد : وش فيك؟!.،
غزل تاخذ شنطتها من على الارض وتحطها على كتفها وتطلع مع شهد من الحمام.،
كانت خجلانه ومرتبكه : مدري ابي اجيب شي ومقدر اجيبه مع مشعل.،
شهد : غزل وش فيك؟!.،
غزل : تعالي نجلس بالكفتيريا.،
شهد مستغربه : اوك يلا.،
دخلوا الكفتيريا.،
شهد واقفه عند الطاوله : تشربين شي؟!.،
غزل تجلس وتحط شنطتها على الكرسي الي جمبها : لا بس اجلسي.،
شهد جلست : ترا بجد خوفتيني وش فيك؟!.،
غزل تشتت نظراتها ووجهها حمر :..............
شهد : غززززل.،
غزل : يعني قصدي ياربي كيف اقولك.،
شهد : قسم بالله لو ماقلتي لقوم اطيح فيك.،
غزل ابتسمت : الحين انا شاكه اني..يعني اني حامل.،
شهد طالع فيها بصدمه بعدين ابتسمت : من جد!!وااااااااو ونااااسه.،
غزل : شهد استني بس ماتوقع لأن يعني الشهر الي فات جاتني.،
شهد ماتدري عن حياة غزل ومشعل : طيب عادي.،
غزل : مدري بس مابي اقول لمشعل هو يبي ياخذني اليوم المستشفى وانا خايفه اروح أبي اجيب تحليل الحمل الي بالبيت اسويه واعرف ومدري كيف اجيبه انا مع مشعل على طول.،
شهد : انا اجيبه لك.،
غزل : انتي حامل كيف تجيبينه خالد وش بيقول؟!.،
شهد : طيب وش نسوي؟!.،
غزل : مدري احترت.،
شهد : اليوم مشعل بيوديك المستشفى؟!.،
غزل : ايه.،
شهد : طيب اسمعي قولي له أنك بتطلعين معي ومع خالد.،
غزل : وين اروح؟!.،
شهد : نروح سوق أي مكان ونشتري.،
غزل : لا مابي استحي أروح مع خالد.،
شهد : وش تستحين منه تراه اخوك وبعدين مافي حل الا كذا.،
غزل تشوف الساعه : مدري..يلا مافي وقت يدوب نلحق.،
.،

بـــــيـــــــــت ع ــبــــــد الـعــزيـــــــز وأريــــــــــــج.،
الساعه 10ونص الصباح.،
اريج صاحيه من نايف مو راضي ينام.،
عبد العزيز يشوف اريج وهي بتطلع مع نايف من الغرفه : خليك خليك.،
اريج تطالع فيه وتبتسم : ازعجك؟!.،
عبد العزيز : ماعليك.،
اريج : كمل نومك حبيبي أنا بطلع معه برا.،
وطلعت مع نايف للمطبخ تسوي له أكل.،
اما عبد العزيز الي نومه طار.،
سند ظهره على السرير.،
يفكر بأريج خايف من وجود نايف بحياتهم.،
خايف يخرب حياتهم وأريج تتأثر وتفقده لو راح.،
خايف ترجع لموضوعها زمان.،
مو عارف وش يسوي؟!.
وين يوديه وكيف يتعامل مع أريج.،
بالمطبخ.،
حطته على دولاب المطبخ وجالسه توكله كورن فليكس بالحليب.،
اريج : نونو ننام؟!.،
نايف يهز راسه بمعنى لا.،
اريج تبتسم وتنزله : طيب يلا نتفرج على التلفزيون.،
اخذته وطلعوا لصاله حطت مخدتين قدام التلفزيون وجابت شرشف وحطت mbc3 وجلسوا يتفرجون.،
.،

بــــــيــــــــــــت مــــشـــــ ع ـــــــل الــــــ غ ــــــــــزل.،
الساعه 2 ونص.،
غزل بتتطلع الدرج شافت مشعل واقف: وش فيك؟!.،
مشعل : في لمبات محروقه يبيلي اغيرها.،
غزل تفصخ عباتها وتطلع الدرج : خلي سهاردي تغيرها بعدين.،
مشعل الي جاء بيطلع شاف غزل ايش لابسه قال وصوته تغير : غزل؟!.،
غزل لفت له : هلااا.،
شافت كيف نظرته تغيرت فهمت.،
ابتسمت : مشعل والله.،
طلع كان بيمسكها.،
بس غزل جرت ودخلت الغرفه وقبل لا تقفل الباب مشعل مسكها.،
غزل : ههههههههههههه مشعل والله.،
مشعل ماسكها : والله وشو؟!.،
غزل : والله لبستها.،
مشعل : يعني كلامي ماينسمع هو والهواء عندك واحد؟!،
غزل وهو ماسكها : لا والله مشعل بس كانت عاجبتني مشعل.،
مشعل شايفها كيف خايفه منه وتداريه بضحك : نعم؟!.،
غزل : مشعل.،
مشعل : نعم؟!.،
غزل : مشعل والله كانت عاجبتني وبعدين طالعه حلوه علي مشعل.،
مشعل ابتسم من تكرارها لأسمه : نعم!.،
غزل بهبل : يافديت الابتسامه خلاص اخر مره البسها.،
مشعل : وش قلتي؟!.،
غزل : اخر مره البسها.،
مشعل : كيف لبستها؟!.انا موديك وماكنتي لابسه غيرها؟!.،
غزل : اممم كنت لابستها تحت الرسميه.،
مشعل : يعني ماهمك كلامي؟!،
غزل : اااح مشعل رجلي تعورني.،
مشعل : ياشيخه؟!.،
غزل : أي أي تعورني مشعل شووف.،
مشعل يرفع راسها له : ماعاد تلبسينها.،
غزل : اوك من عيوني.،
مشعل يبوس جبينها.،
غزل بعدت بتدخل تغير شافت نفسها بالمرايه : مشعل والله حلوه.،
مشعل بخبث : ايه صح مره حلوه.،
غزل تبتسم وتعدلها على التسريحه : شفت كيف وبعدين انا لبستها قدام بنات بس.،
مشعل يجي من وراها ويبوس كتفها الي باين.،
غزل انصدمت مره من زمان مشعل ماتجاوز بحركاته معاها.،
نظرته لها غير بوسته كل شي.،
جات بتبعد : بروح اغير.،
مشعل : وجيبي البلوزه معاك.،
غزل : ليه؟!.،
مشعل : بس جيبيها وتعرفين.،
غزل : بترميها صح؟!.،
مشعل : روحي غيري وجيبيها وتعرفين.،
غزل : يمه منك بتخليني انام فيها قلت لك خلاص مو لابستها.،
مشعل يدخل غرفة الملابس ويطلع له ملابسه : نشوف.،
غزل خلته لين يدخل الحمام وطلعت لها روب يوصل فوق الركبه بشوووي.،
لونه وردي وفيه وردات صغيره مره بالرصاصي.،
والروب فيه جيبين صغيره من تحب مره طالعه فيه نعومه.،
شالت البلوزه حطتها بشنطه من شنطها.،
وطلعت اتعطرت.،
وجلست على السرير ومعاها الاب.،
مشعل طلع من الحمام اكرمكم الله : ش تسوين؟!.،
غزل : ولا شي على الفيس.،
مشعل : انا قلت تنزل محاضره.،
غزل : ههههههه لدرجة ذي اعشق الجامعه توي جايه منها.،
مشعل ينسدح جمبها.،
غزل : امم مشمش.،
مشعل يطالع فيها : هلا.،
غزل : بطلع اليوم.،
مشعل : وين؟!.،
غزل : مع شهد بنروح السوق.،
مشعل : متى؟!.،
غزل : خالد بيودينا.،
مشعل : اوك.،
غزل : زعلت؟!.،
مشعل عقد حواجبه : ليه ازعل؟!.،
غزل تبتسم : خفت تضايق بس.،
مشعل يبعد الاب وينيمها على يده : ازعل من وشو وأنتي معاي.،
غزل : الله لا يحرمني منك.،
مشعل : ولا منك يارب.،
غزل : يلا ننام عشان شهد قالت بعد المغرب بتمرني.،
.،

ع ــــنــــــــــــد مـــــحـمـــــــــــد وهــبـــــــه.،
بالمدينه المنوره.،
بالفندق.،
محمد : هبه يلا قومي.،
هبه فتحت عيونها : هلا.،
محمد : يلا قومي المغرب اذن.،
هبه : طيب.،
محمد : يلا عشان ننزل سوا.،
هبه : لا انت انزل اسبقني وانا بلحقك.،
"هم بفندق قدام الحرم ومحمد قصده ينزلون لصلاه مع بعض".،
محمد تنهد : على راحتك.،
قامت هبه بسرعه ادخل الحمام اكرمكم الله.،
وتوضت ونزلت للحرم.،
.،

الـــــــ غ ـــــــــــــزل وشـــــــــهــــــــد.،
بــســـــوق.،
شهد : اليوم زواج لجين.،
غزل : من جد؟!.،
شهد : يب.،
غزل : يعني زواج ايام الدراسه وبلعناها بس برضوا بوسط الاسبوع خير.،
شهد : من الطيرهـ الي فيهم استغفر الله اكيد مالقوا حجز غير اليوم.،
غزل : مدري عنهم..المهم كيف بنروح الصيدليه؟!.،
شهد : لا طلعنا من هنا اقول لخالد اني ابي اغراض وننزل.،
غزل : طيب بس مابي عزومة خالد.،
شهد : ليه؟!.،
غزل : مدري خلاص والله بسياره مستحيه كيف بمطعم مع بعض وبعدين مشعل وحشني.،
شهد : اقول امشي قدامي قال مشعل وحشني.،
.،

ع ـــنـــــــد مـــحـمــــــــــد وهــبـــه.،
محمد اتصل على جوال هبه.،
:هلا.،
محمد : تعالي انزلي انا بساحة الحرم.،
هبه : يعني عادي اجيب الجوال.،
محمد : ايه مابندخل الحرم بساحة.،
هبه : طيب بس وين القاك.،
محمد : تلقيني بساحه الي قدام الفندق.،
هبه : طيب.،
قفلت منه هبه ولبست عباتها واخذت الجوال ونزلت.،
.،

بـــ مـــطـــ ع ــــــــم بــــابـــــــايــــــا.،
غ ـــــــزل .،شـــهــــد.،خ ـــالد.،
خالد كلم مشعل يجي ومشعل قله لا يبيه يجلس مع غزل على راحته.،
غزل جالسه وتطالع بطاوله الي كانت قبل جالسه عليها مع مشعل.،
وبنفسها اماكن ذكرياتي معك قليله.،
خالد : يلا وش فيكم؟!.،
شهد : طيب الحين نختار.،
رن جوال خالد واضطر يقوم ويكلم.،
غزل طالعت بشهد : تدرين صرت أتمنى ماترجع لي ذاكرتي.،
شهد بصدمه: من جدك؟!.،ليه؟!.،
غزل : مدري أحس اني عشت حياه كاملــه انخطبت حبيت مشعل تزوجت عرفت اهلي واندمجت معاهم يعني قصدي انا الحين بشعور لو بتذكر بيكون شعور ثاني فاهمتني..مدري كيف اقولك يعني مثلا الحين انا احب عبير وقبل كنت بكرها لشي او كنت متضايقه لشي يعني بيكون مدري كيف احس مو يوم يومين وتذكرت ماصار شي لا ذي حياه كامله تقريبا عشتها.،
شهد : يب فاهمتك صعب والله.،
غزل : بجد اقول لو اعيش كذا احسن.،
جاء خالد : ها طلبتوا؟!.،
غزل : لا لسى.،
خالد يجلس : عاد هذا مطعمك المفضل.،
غزل تبتسم : يب.،
.،

ع ـــنــــد مـحـمـــــــــد وهبــــه.،
بالحرم.،
محمد جالس بساحة الحرم وهبه جمبــه.،
محمد مسك يدها : هبه انا جيت هنا وجبتك ابي نفتح صفحة جديده بحياتنا ابيك تسامحيني ونبداء حياتنا من جديد.،
هبه :...................
محمد : اوعدك اتغيرواكون محمد الي تتمنينه.،
هبه :....................
محمد : أن الله عفو يحب العفو.،
هبه : محمد أنت عارف أني احبك وانت زوجي وابو ولدي وانت تدري ان حياتي من دنك ولا شي.،
محمد ابتسم : انا بدخل اصلي شكر لله وانتي بعد ادخلي صلي وزوري الحين روضه للحريم فاتحه.،
هبه تعطيه الجوال : خليه معك مقدر ادخل فيه.،
محمد : انتظرك هنا؟!.لا ترجعين الفندق؟!.،
هبه : لا لاخلصت ارجع انا وارجع.،
محمد : اوك.،
.،

بـــــــيـــــــــت ع ــبـــــد العــزيــــــز وأريــــــج.،
الي يوم طلع من غرفته شاف كيف أريج ونايف نايمين قدام التلفزيون.،
شال اريج وحطها على السرير ورجع لنايف شاله ونيمه على السرير.،
وراح لدوامه.،
أريج يوم صحيت مره زعلت اول مره لأنها اول مره ماتكون مع عبد العزيز وهو رايح لدوامه.،
قامت وسوت لهم العشاء.،
وجهزته.،
وتروشت واستشورت شعرها ولبست فستان اسود لركبتها.،
عريان.،
مررره ناعم من عند الصدر فيه تطريز بالحرير الأحمر.،
حطت ميــك اب مره خفيف وتعطرت.،
وجلست بصاله تستــنــى عبد العزيز.،
.،

بــــــــيـــــــــــت مــشــــــــ ع ـــــــل الـــ غ ــــــــــزل.،
غزل جات ومامعها مفتاح متعوده تروح وترجع مع مشعل.،
دقت الجرس وفتحت لها سهاردي.،
طلعت فوق مالقيت مشعل.،
فتحت باب غرفة النوم بشويش شافته جالس على مكتبه وحايس على الاب.،
غزل تبتسم : انا جيت.،
مشعل يبتسم لها ويوقف : ياهلااا والله.،
غزل تروح له : وش تسوي؟!.،
مشعل : جالس اخلص كم شغله.،
غزل تبتسم : تأخرت؟!.،
مشعل : ايه تأخرتي.،
غزل : ترا ماجات 3 ساعات.،
مشعل : هنت عليك!.،
غزل : لا اصلا مو متعوده اطلع من غير ماتكون معي.،
مشعل رن جواله كان خالد.،
مشعل : هذا خالد.،
غزل : اكيد بيشوف لقيتك ولا لا لأنه ماشاف سيارتك.،
مشعل : ايه موقفها وراء.،
غزل : انا بروح اغير.،
لبست لها بيجامه.،
شورت كروهات وردي بفوشي.،
والبدي وردي مرسوم عليه رسومات وقلوب بالآسود والفوشي.،
واقفه عند التسريحه تفصخ ساعتها والحلق.،
مشعل قرب منها وقف قدامها : يقولون جننتيهم تبين ترجعين؟!.،
غزل وهي واقفه قدامها ورافعه راسها له ابتسمت وبحيره.،
:مدري "رفعت كتفوها وبخجل" بس اشتقت لك.،
مشعل يبوس خدها وهمس لها بأذنها : والي يشتاق لك وانتِ معاه.،
غزل بعدت عنه وهي تبتسم وفصخت الحلق.،
تبي تغير الموضوع : وش رايك بكرا نطبع الصور؟!.،
مشعل : لا بكرا المستشفى يكفي اليوم مارحنا عشان طلعتك.،
غزل : هههههههه يمه منك مانسيت؟!.،المهم وش مشتهي تاكل؟!.،
مشعل : مابي شي.،
غزل : ليه؟!.،
مشعل : مابي اكل لوحدي.،
غزل كانت تعدل شعرها لفت له : ليه لوحدك؟!.،
مشعل : مو تعشيتي برا؟!.،
غزل : لو تعشيت برا اكلي معاك غير وبعدين انا معهم جاملتهم عشان بجي اكل معك.،
مشعل قرب منها ورفع شعرها يتأمل وجهها.،
وغزل خجلانه من نظراته تطالع فيه وترجع تبعد نظرها.،
مشعل : تتركيني بيوم؟!.،
غزل بخوف : كيف اترك وانا من غيرك ماقدر اعيش!.،
مشعل يحضنها : تأكدي ان حياتي من غيرك ماتسوا شي وان كل شي اسويه بس لأني مابي افقدك.،
غزل عقدت حواجبها : ليه تقول كذا؟!.،
مشعل يبتسم : يلا نتعشى.،
.،

25 - 10 - 2024, 09:00 AM

الــــــــبــــــــــــــــــارت الـ96

محمد وهبه
بالمدينه المنوره.،
سويس هاوس.،
محمد : الجو حلو غير عن رطوبه جده.،
هبه : ايه حتى المكان حلو رومنسي.،
محمد مسك يدها : مشتاق لك.،
هبه ابتسمت.،
محمد : تدرين؟!.،
هبه : وشو؟!.،
محمد يبتسم ويتأمل عيونها : مشتاق لحركاتك لطيبتك مشتاق لسوالفك مشتاق حتى لطريقة بالجلوس لتعابير وجهك.،
هبه ابتسمت بخجل : ..............
.،

غ ــــــــــــــــــــزال المــشــــــــــ ع ـــــــــــــل
الساعه 5 ونص المغرب.،
غزل جالسه بصاله.،
ماحست بمشعل وهو يطلع الدرج.،
:سلام.،
وارتخى يبوسها.،
غزل ابتسمت : هلا.،
باسها وارتفع.،
واقف قدامها : وش فيك؟!.،
غزل تحاول تبتسم : ولا شي.،
مشعل يجلس يطالع فيها : وشو مافيك شي وجهك كله مقلوب.،
غزل بملل وتهرب : مشعل وش فيني يعني عادي مافي شي.،
مشعل سكت عارف ان فيها شي بس ماتبي تقوله وقام ودخل غرفة النوم يبي يتروش.،
.،

بـــــــيـــــــــــــــــت ع ــــــــبـــــــد العــــزيـــــــز الأريـــــــــــــج.،
نايف منسدح على رجلها وهي تفكر بالي صار أمس.،
دخل عبد العزيز البيت.،
ابتسم.،
عرف من ريحة العطور والأنوار أن أريج مجهزه له شي.،
اريج تبتسم له : ياهلااا.،
عبد العزيز : هم الي يقومون من النوم يصيرون حلوين كذا.،
اريج ابتسمت بخجل.،
عبد العزيز : قولي نايف نايم!.،
اريج : ههههههه لا صاحي بس لا تخاف بيجلس هادي.،
عبد العزيز : مابيه يجلس بالمرااا.،
أريج : هههههههههه حبيبي كلها كم يوم ويروح لهله يلا ادخل وغير ملابسك وتعال انتظرك.،
عبد العزيز : طب تعالي معي.،
اريج : عزوز وش فيك؟!.،
عبد العزيز : ياويل حالي.،
أريج : هههههههههههههه.،
على طــــــــــاولة الــطــ ع ـــــام،
عبد العزيز جالس على راس الطاوله.،
واريج يمينه ونايف جمبها.،
اريج تذكر كيف كانت توكل نايف.،
خافت حست أن عبد العزيز تأثر بوجود نايف وصار الجو عائلي صوت طفل بالبيت أم تهتم فيه تلبسه وهم على الأكل مشغوله تأكله وجلستهم بصاله بدال ماتكون بهدوء لا صار في طفل يبكي ويلعب ويبي افلام كرتون.،
خايفه لو نايف رجع لهله لعبد العزيز يتضايق يحس بالفراغ ندمت على اليوم الي نامت فيه مع انها حاولت تعوضة بالعشاء الي سوته له وسهرتها معه بعد مانيمت نايف.،
خافت يفكر يتزوج عليها ولا تتغير معاملته معاها.،
.،

بــــــــيـــــــــــــــت مـــشــــــ ع ـــــــــل الـــ غ ـــــــزل.،
غزل بصاله مره متضايقه وكل شويا تذكر وتبكي،
سمعت جوالها شافت شهد الي تتصل.،
ارخت الصوت من جمب وصارت تبكي.،
.،
عند مشعل الي دخل يتروش وهو طالع كان بيرمي منديل بزباله اكرمكم الله.،
انتبه لشي فيها.،
طلعه.،
وطلع من الحمام اكرمكم الله.،
لبس بسرعه ملابسه.،
وطلع.،

بالــمـــســـتـــشـــفــــى.،
الـ ع ــبـــد الــ ع ـــــزيــــــــــــز.،
جالس بعيادته.،
يفكر بأريـــج خايف نفسيتها تتعب يوم محمد ياخذ ولده.،
خايف ترجع مثل قبل.،
يذكر أمس كيف حسها مبسوطه وهي جالسه معه على العشاء وكل شوي تلتفت لنايف وتوكله كأنها أمه بفرحتها بخوفها عليه.،
حتى الوقت الي الي نيمت فيه نايف وكان خاص لهم كانت كل شوي تقوم وتطمن عليه.،
خايف حياتهم تنقلب ماصدق رجعت اريج الهاديه الحبوبه خايف ترجع مثل قبل.،
ولو رجعت وش بيهديها والله العالم وش بتسوي المره الي فاتت طلبت الطلاق الحين وشو؟!.،
.،

بــــــيـــــــــــــت نـــــــــاديــــــــــــــه.،
رغد : ههههههههه ليه يعني؟!.،
نوف : تخيلي كل الي باقي شهر و20 يوم بس وقبل امس اتصل وقلت عادي تصير شهر و19 يوم وامس اتصل وقلت تصير شهر و18 يوم.،
رغد : ههههههههههههه طيب ليه تردين؟!.،
نوف : مدري عارفه يعني علاقتي معاه ماتساعد اني اقوله انا مابي اكلمك ليوم زواجنا.،
رغد استغربت : ليه يعني بالعكس كذا مراح يزعل.،
نوف : مدري عبدالله غريب يعني زي ذيك المره غايب يومين ولا اتصل وهو مسافر مدري رغد ماني قادره افهمه احس اني استحي اقوله مابي اكلمك ليوم زواجنا ابي عذر ويمكن يفهم.،
رغد : والله مدري عنكم طيب قولي له جوالي خربان ولا قولي له شريحتي انحرقت.،
نوف : كيف شريحتي انحرقت واكلمه؟!.،
رغد : اتصلي عليه من تلفون البيت من جوالي.،
نوف : اخاف يقولي اكلمك عليه.،
رغد : قولي له طيب ومره انا ارد مره ريان زي كذا.،
نوف : فكره اشوف اليوم الحين بقفل جوالي واتصل عليه على 10.،
.،

بــــــــيــــــــــــت مــــــشــــــ ع ــــــــل الــــــ غ ــــــزل
غزل كانت راخيه راسها على كنبه حست نفسها انكتمت رفعت راسها لقيت مشعل واقف عند راسها ومعه.،
جهاز الي يختبر الحمل.،
غزل ماقدرت ترفع راسها وطالع فيه.،
صارت تحاول تكتم شهقاتها.،
ماقدرت.،
مشعل جلس جمبها لفها جهتوا : غزل فمهميني وش فيك؟!.وش صاير؟!.،
غزل بين يديه تبكي ولا رفعت راسها له.،
مشعل : طيب ليه ذا؟!.،<~ قصده حق الحمل.،
غزل زادت بالبكاء.،
مشعل يضمها لصدره ويمسح على ظهرها : ياعمري وش فيك؟!.وش صاير؟!.،
غزل :...............
مشعل يبعدها عنه ويرفع بيده راسها له : وش صار؟!.،
غزل تبكي.،
مشعل يمسح دموعها وبصوت خفيف : فهميني!.،
غزل تبعد عنه وتمسسح دموعها : و..و..ولا..ِشي.،
قامت عنه ودخلت غرفة نومهم.،
وجلست على كرسي التسريحه.،
مسحت دموعها.،
خافت مشعل يفهمها غلط.،
قامت دخلت الحمام اكرمكم الله وغسلت وجهها.،
طلعت لبست بنطلون جينز سكيني وبلوزه قماشها قطن ابيض كم عريان والكم الثاني مافي.،
ومكتوب عليها كتابات بـ الاسود.،
حطت كحل وقلوس وردي.،
تعطرت.،
وخلت شعرها عادي مفتوح على الجمب وبتطلع.،
مشعل بصاله استغرب منها ومو فاهم شي ماقدر ينتظر اكثر قام بيدخل يشوفها.،
كانت بتطلع.،
اول ماشافته ماتدري انه جاي يكلمها شافت كيف وجهه كله جديه خافت يكون معصب.،
غصب عنها تجمعت بعيونها الدموع.،
مشعل دخل وهو يطالع فيها صك الباب بيده.،
غزل تحاول تتكلم : احم تشرب قهوه معي؟!.،<~ صوتها مبحوح.،
مشعل رفع حاجبه : لا ابي افهم.،
غزل نزلت دمعتها : ...............
مشعل قرب منها : ابي افهم وش صاير؟!.(رجعها على وراء وجلسها على السرير وجلس قدامها).،
وش فيك؟!.ليه جايبه اختبار الحمل؟!.،
غزل ارخت نظرها عنه : حسبت يوم..."سكتت شوي" تعبانه اني حامل.،
مشعل : وليه تبكين؟!.،
غزل : بس.."رجعت سكتت وقالت بصوت خافت" طلعت مو حامل.،
مشعل : مابيه من طفل اذا يبكيك.،
غزل :..................
مشعل : بعدين كيف بتحملين و..
غزل قاطعته : ايش الي يعني (ماقدرت تتكلم وجات بتقوم).،
مشعل : ههههههههههههههههههه "رجعها على السرير" خلاص طيب بس انا قصدي ان الشهر الي فات كانت عليك الد..
غزل تقاطعه : بس انت وش فيك؟!.خير يعني عشانك دكتور تتكلم عادي.،
مشعل : هههههههههههههه "قام وجلس جمبها وحط يده من وراء خصرها"تبين طفل؟!.،
غزل وراسها على صدره تنهدت : لا.،
مشعل : اجل ليه تبكين؟!.وزعلانه لهدرجه؟!.،
غزل : مدري انت فاكر كلامي اول واني مابي وللحين مابي بس للحظة يوم حسيت أني حامل انبسط وقلت انا مذكر شي وهو مثلي بيجي مايعرف شي بكون ام ويوم شفت بتحليل اني مو حامل مره اتضايقت وزعلت.،
مشعل : يعني للحين ماتبين اطفال بهذي الفتره؟!.،
غزل طالعت فيه وبخجل ترخي نظرها وترجع تطالع فيه : اذا مايضايقك.،
مشعل يبوس جبينها : انا مايضايقني الا الي يضايقك.،

25 - 10 - 2024, 09:01 AM

الــبــــــــــــــارت الــ 97

لا إله الا الله سبحان ربي العظيم وبحمده.،

يــــــــــــــوم جــــــــــديــــــــــــد.،
بــــــيـــــــــــت مــــشـــــ ع ــــــــل الـــ غ ـــــزل.،
الساعه 12 ونص الظهر.،
غزل نايمه وتسمع صوت جوالها.،
وقـفل جوالها ودق جوال مشعل.،
غزل وهي غاطه بنوم : مشعل جوالك.،
مشعل يشوف مين ويرد : هلا اتصلتي عليها وماردت تتصلين علي ليه!.،
شهد : مرتك.،
مشعل ابتسم : خذيها.،(يمد لغزل الجوال).،غزل خذي شهد بتكلمك.،
غزل : قولها تنقلع بنام.،
مشعل يحط الجوال على اذنها وينسدح جمبها :نعم!
شهد : نايمه!.،
غزل بدت تعصب : اففف وش تبين ترا بجد صدعت.،
شهد : يالله غزل زمان كنتي تقولين لي كذا وناسه.،
غزل بعصبيه : وش تبين؟!.،
شهد : عبير بالمستشفى شكلها بتولد.،
غزل : وانا اشلي لا ولدت رحت لها.،(ونامت على جمبها).،
مشعل الي كان منسدح جمبها اخذ الجوال.،
شهد : أيه بس حرام شكلها مره تعبانه.،
مشعل : وش فيها؟!.،
شهد : مشعل!.وين غزل؟!.،
مشعل : نامت.،
شهد : عبير بالمستشفى من الصباح تعبانه.،
مشعل : ماعرفتي وش فيها؟!،
شهد : لا يقولون بتولد بس تعبانه.،
مشعل : خلاص شوي ونجي.،
شهد : طيب سلام.،
.،

بـــيــــــــــــــــت ع ــــــــبــــــــــــد الـ ع ــــــــــزيـــــــز الأريــــــــــــــــج
عبد العزيز : طيب خليك.،
اريج وهي تلبس نايف : كيف اجلس وانا مدري عن اختي.،
عبد العزيز : طيب ونايف؟!.،
اريج : باخذه معي.،
عبد العزيز : غير يرج الناس.،
اريج : معي ان شاء الله مابيسوي شي.،
جلسته على الارض وحطت قدامه الالعاب ودخلت تلبس.،
.،

بالـمـــسـتــشـــفـــــــى.،
خالد : ياخوي وش فيك هدي!.،
سلطان : الصبر من الله.،
ابو عبد العزيز : ياولدي تطمن مافيها الا العافيه.،
سلطان : ان شاء الله.،
.،

شـهـد : ياربي حتى ولاتك غريبه.،
حصه : ههههه لا بس كل بكريه كذا تتعب شوي.،
شهد تطالع بعبير وبحصه وتمسك بطنها : الله يبشرك بالخير.،
عـبـير : اااه تستاهلين مو بس انا اتعذب.،
شهد : ههههههههههه ترا حرام سلطان محزني يحسبك جوا ميته ألم وخايف ماقدرت اروح له معهم دكاتره واقفين بغيب اقوله تراها جنيه لا تخاف.،
عبير تحط يدها على بطنها : اااه لا خليه يخاف شوي.،
شهد : هههههههه والله شكله زي اليوم بالمسلسلات واقفين عند الباب وتسمعين صريخ الام جوا.،
عبير : اجل خليني اصرخ عشان يخاف اكثر.،
شهد : هههههههه ارتاحي.،
عبير : ااااي ياربي قام يزيد الالم.،
شهد وهي تسند ظهرها على الكرسي : ماني سامعه صوت بكى طفل لا سمعت اصدق انك ولدتي.،
عبير : اشوف فيكي يوم!!.،
شهد تكمل : علي انتا عملتوا فيا.،
عبير : والله مدري مين الي عمل بمين!.،
شهد : تصدقي صح.،
حصه : هههههههههههه والله انكـم مخبولات.،
.،

بـــــــــيـــــــــــــــــــت مـــــشـــــــ ع ــــــــل الــــ غ ــــــــزل.،
غزل الي حست بمشعل وهو يقوم من جمبها ودخل الحمام "اكرمكم الله".،
عشان بيلحق على الصلاه.،
ماقدرت بعد ماراح قامت توضت وصلت.،
واتصلت على شهد وقالت لها على عبير.،
لبست بنطلون جينز فاتح.،
وبلوزه رسمي كروهات كمها كت.،
حطت كحل.،وقلوس وردي وبلشر خفيف.،
وخلت شعرها مفتوح وجابته كله على جمب.،
وطلعت جلست بصاله.،
جاء مشعل.،
سلام.،
غزل قامت : هلا عليك السلام.،
مشعل يبتسم : فقتي؟!.،
غزل : كنت مره دايخه وهي عصبتني.،
مشعل : هههه لا تبررين من يومك كذا.،
غزل : كيف عبير؟!.،
مشعل : مدري مارحت كنت بطلع من المسجد اروح عليهم بس قلت امر اشوفك.،
غزل : اشوا عشان اروح معك.،
مشعل : غزل فيك شي؟!.،
غزل بتهرب : لا.،
مشعل يطالع فيها : اكيد؟!.،
غزل : ايه.،
.،

بـــــــــــــــــالــمــسـتـــشــــفــــــى.،
خالد : ماولدت؟!.،
شهد : هههههههه لا زي الجنيه.،
خالد : لا يكون ذا من مقالبها؟!.،
شهد : هههههه لا حرام بس شوي من جد تتألم وتبكي وشوي عادي لسانها اطول منها.،
خالد : الله يقومها بسلامه.،
شهد : آآآمين يارب.،
خالد : طيب وش رايك نروح نتغداء ونريح شوي ونرجع من الصباح وحنا هنا.،
شهد : اووكي بس متى نرجع؟!.ابي اجنن عبير.،
خالد : بعد ساعتين بالكثير.،
شهد تبتسم : اوكي.،
.،

بــــــ ع ـــــــــــد المـــ غ ـــــــــرب.،
بالمســتشــفى.،
عبير تنسدح على السرير.،
نوره : بشويش يامي.،
غزل : انا قلت بدخل القى انسانه تعبانه على سرير الا لقيت وحده جالس تلف المستشفى مع زوجها.،
شهد : هههههههه اصلا يفوتك كانت بتروح البحر.،
حصه : عاد عبير قالت لك الدكتوره امشي بس مو البحر.،
عبير : عشان تكون ولاده رومنسيه.،
غزل : هههههههه الحين من جدهم يبونك تمشين؟!.،
عبير : ايه الدكتوره قالت لي انه لازم امشي.،
شهد : شوفي الطلق قوي.،
غزل : كيف ماني فاهمه!.،
شهد تأشر لها : هذا الطلق وهذا نبض الطفل.،
غزل : اهاا.،
نوره : غزل مشعل برا؟!.،
غزل تبتسم : ايه اناديه لك.،
نوره : ايه ناديه لي.،
شهد : غزل بروح معك ابي قهوه.،
غزل : يلا.،
يوم طلعوا.،
شهد : وش فيك؟!،
غزل : ولا شي.،
شهد : ياشيخه.،
غزل : ههههههه ليه يعني؟!.،
شهد : مدري فيك شي.،
غزل : لا عادي.،
شهد : وين مشعل؟!.
غزل : يمكن بمكتبه.،
شهد : طيب يلا روحي له وانا بروح الكفتيريا.،
غزل : وين معرف الطريق ترا.،
شهد : طيب يلا.،
غزل : خلاص ارسل له مسج ان خالتي تبيه ونروح نجلس.،
شهد : اوك.،
جلسوا بالكفتيريا.،
شهد : ايه قولي لي؟!.
غزل : وش اقول؟!
شهد : غبتي عشان ماتقولين لي واتصل ماتردين ويوم اكلمك تكلميني معصبه وش فيك؟!.
غزل : بسم الله.،
شهد : اعرفك قولي يلا.،
غزل تبتسم : ولا شي اليوم جاتني.،
شهد : يعني مو حامل؟!.،
غزل: اقولك جاتني كيف حامل.،
شهد : أنتِ كنتي تاخذين حبوب؟!.،
غزل : حبوب وشو؟!.،
شهد : منع حامل.،
غزل ارتبكت : اها..ايه.،
شهد : طيب وقفتيها؟!.،
غزل : لا.،
شهد : وكيف تحسبين نفسك حامل.،
غزل : ههههههههههههههه مدري.،
شهد استغربت حاسه انها مو فاهمه شي بس سكتت.،
.،

بـــــــيـــــــــــــــــت نـــــــــــاديـــــــــــــــــة.،
رن تلفون.،
وردت نوف.،
عبد الله : هلا والله.،
نوف ابتمست : هلا فيك.،
عبد الله : كيفك؟!.،
نوف : الحمدلله وأنت؟!.،
عبد الله : الحمدلله..وينك؟!.،
نوف : موجوده بالبيت.،
عبد الله : ينفع اليوم اجيك!.،
نوف انصدمت وشرقت بالعصير الي تشربه : كح كح هلا ليه؟!.
عبد الله : منها اشوفك ومنها اعطيك الجوال.،
نوف: ليه جوال؟!.،
عبد الله : عادي يعني زوج وحاب يهدي زوجته وبعدين عشان اقدر اكلمك لآني انحرج يوم اتصل على تلفون بيتكم.،
نوف : ايه بس انا الشريحه انحرقت مو الجوال.،
عبد الله : عارف.،
نوف تأشر لرغد قدامها انو بيجي ورغد تضحك ونوف ماقدرت وصارت تضحك هي ماتبي تكلمه الحين بيجي!.،
عبد الله يبتسم : وش فيك؟!.،
نوف استحت بس مو قادره كل ماتتخيل هي كيف تتهرب منه وهو بيجيها : ههههههه لا ههههههه يعني.،
عبد الله : عندك احد؟!.،
نوف جاتها فكره : أيـــه عندنا العيله كلها مجتمعه.،
عبد الله : اها وليه ماقلتي لي خلاص اجل اخليها مره ثانيه.،
نوف بتسوي انه ماقصدها بتحبك كذبتها : ليه؟!.<~ بس جات على راسها.،
عبد الله بنبره مختلفه عن الي تعودت عليها نوف : تبيني اجي؟!.،
نوف : لا يعني قصدي.،
عبد الله : ههههههه تدرين ملاحظ عليك كل مارتبكتي ولا خجلتي تقولي لا يعني قصدي بطريقه متقطعه.،
نوف مرره مبسوطه اول مره عبد الله يتكلم معاها بالرومنسيه وشبه الجراءه هذي.،
نوف : امم طيب عبد الله انا لازم اقفل الحين عشان يعني.،
عبد الله : هههههه طيب خلاص اذا قدرتي دقي علي انتظرك.،
نوف : ان شاء الله باي.،
عبد الله : انتبهي على نفسك باي.،
نوف قفلت وصرخت وقامت تنقز : وناااسه يجنن يجنن يجنن.،
رغد : ههههههههههههه هذا كله عشان بيجي.،
نوف تبوس رغد وتحضنها : مو جاي!.،
رغد : يعني هالفرحه عشان مو جاي.،
نوف تضربها : رغد.،
رغد : هههههههههه اجل وش فيك؟!.
نوف : كلمني!
رغد بتستهبل : احلفي ! قولي والله ! كلمك! كيف صوته!.،
نوف : هههههههههههه رغد لا قصدي لآول مره يكلمني زين وبذا الاسلوب خلاص.،
رغد : طب الحمدلله الله يسعدك على طول.،
نوف : أأأأأأأمين يارب انا خلاص بكمله مابي اجلس شهر.،
رغد : ههههههههههه عندك ثقل ميــه ميـــه.،
نوف استحت.،
.،

نــــــــــرجـــــــــع للمــســتـــشـــفــــى.،
شهد حاطه يدها على بطن عبير وجالسه تقراء عليها قران.،
هدى : اريج يامي روحي ارتاحي من متى وانتِ هنا.،
أريج تأكل نايف : لا عادي مافيني شي.،
عبير : روحي ارتاحي شوفي حتى نايف تعب.،
حصه: ايه حبيبتي روحي ارتاحي وتعالي.،
غزل : وبعدين كلنا معها.،
شهد : ترا مافيها شي ولاده يعني عادي.،
عبير : اقول اقري احسن.،
اريج : خلاص اجل لا خلص عبد العزيز دوامه اروح معه.،
نوره : كم باقي له؟!.،
اريج : اظن ساعه.،
شهد وهي حاطه يدها على بطن عبير : اخرج اخرج.،
عبير وهي منسدحه طالع فيها.،
الكل ضحك.،
جاتهم غزل متوضيــه .،
شـهــد تقول بطريقه تضحك وهي حاطه يدها على بطن عبير : اخررج اخررج.،
الكل : هههههههههههههههه.،
عـبـيـر : قومي انقلعي اخرج ها مردود ياشهد مردوده.،
غزل : هههههه انا بقراء عليك "وجلست على الكرسي ".،
عبير : ليه متوضيه!.،
غزل تبتسم ابتسامه عريضه : عشان لا يدخل فيا.، "ومدت لها لسانها".،
عبير : اشوف فيكم يوووم.،
الكل :ههههههههههههههههه.،
.،

ع ــــــنـــــــــد محـمــــــــد وهــبـــــــــــه.،
هبه : متى بنرجع؟!.،
محمد : طفشتي؟!.،
هبه : لا بس عبير بتولد بيكون حلو.،
محمد : احلى من هنا؟!.
هبه تبتسم : لا بس قصدي جمعات وكذا حلو وبعدين حرام أريج بتنشغل بأختها ولا بنايف.،
محمد : مالنا فيهم المهم احنا مبسوطين.،
هبه : ههههه لا حرام.،
محمد : وانا مو حرام تخليني هناك اشتاق لك؟!.،
هبه : أي بس.،
محمد يبوس خدها : اشش خلاص خليك بحمودك.،
.،

الــســــــــــا ع ـــــــــــــه 10 ونص الليل.،
غزل مع مشعل بسياره.،
غزل : يالله يعني بتجلس كذا لمتى؟!.،
مشعل : اتوقع بيعطونها ابره لطلق وتولد.،
غزل : وناااسه وتجلس تصرخ ويودونها غرفة العمليات؟!.،
مشعل : هههههههه وش دخل غرفة العمليات.،
غزل : عشان تولد.،
مشعل : يودنها كشك الولاده.،
غزل : تولد بكشك ببسطه هههههههههههههه.،
مشعل : هههههههههه مو بسطه اسمها كذا ماتروح العمليات الا الي تولد قيصري.،
غزل : اهااا الله يقومها بسلامه.،
مشعل : آآآآآآمين ياااارب.،
.،

يـــــــــــــــــــــوم جـــديــــــــــــد.،
يوم الخميس.،
الــســــاع ـــــة 9 ونص الصباح دق جوال غزل.،
خافت يزعج مشعل اخذت الجوال وقامت دخلت غرفة الملابس.،
غزل : هلا.،
شهد : نايمه؟!.،
غزل : ايه وش فيك؟َ.،
شهد : عبير ولدت.،
غزل : من جد؟!.،
شهد : ايه.،
غزل : الحمدلله على سلامتها خلاص بس ادخل الحمام وافوق واكلمك.،
شهد : اوكي باي.،
طلعت غزل من الحمام اكرمكم لقيت مشعل نايم.،
اخذت جوالها ورفعت شعرها ذيل حصان.،
وطلعت من الغرفه.،
مشتهيه تسوي نسكافيه.،
تبتسم اول مره تطلع من الغرفه بشورت قصير لدرجة ذي وبلوزه عريانه بس لأنها عارفه ان سهاردي نايمه.،
كانت سهاردي توها منظفة السيراميك ومسحته وطلعت تنام.،
بس غزل ماقدرت تتوازن ولا تمسك بشي.،
وتزحلقت.،

25 - 10 - 2024, 09:02 AM

البارت 98

بالــمـــســـتـــشــفـــــى.،
الساعه 10 ونص.،
عند عبـيــر.،
شهد تمد لعبير كاسة المويه وحبة الدواء : خذي جابتها الممرضه قبل شوي بس كنتي نايمه.،
عبير تشرب : للحين دايخه بنام.،
شهد تحط الكاسه : تراك والده يعني عادي تقومين الحين تطبخين الغداء بلا دلع.،
أريج ترتب الاغراض الـي جابتها لها بدولاب : هههه نامي وارتاحي.،
.،

بــيـــــــــــت مــــشــــ ع ـــــــل الـــ غ ـــــزل
الــســـاع ــــه 11.،
مشعل صحي من النوم مالقي غزل جمبه اتروش وطلع بيشوفها.،
استغرب انها صاحيه من بدري.،
طلع من الغرفه مامشي خطوه.،
الا شاف غزل قدامه على الأرض طايحه جري لها.،
انصدم وهو يشوف الدم.،
مشعل خاف يحركها.،
ضرب على خدها بشويش : غزل..غزل.،
مسك يدها يتحسس نبضها.،
وقام لتلفون اتصل على المستشفى وطلب سياره اسعاف تجيه بسرعه.،
ورجع اتصل على عمه وقله.،
ماجات 9 دقايق الا وصل الاسعاف.،
.،

ع ـــنــــــد مــحـمـــــــــد وهــــــبــــــــــه.،
الــســـــــــاع ـــــــــــــة 12 وربع.،
هبه : محمد يلا قووم.،
محمد ينقلب على الجهه الثانيه : بفهم وش مصحيك من بدري.،
هبه : خلينا ننزل نتغدا ونروح البحر قبل لا نمشي يلااا.،
محمد : اذا تبين نجلس نجلس انا عشانك تبين نرجع قلت اليوم.،
هبه : لا بروح اشوف عبيـر بعدين اريج حرام تخلص من نايف ولا عبير.،
محمد : طيب شوي اقوم.،
هبه : لا.،
محمد : وش مصحيك من بدري؟!.،
هبه : من يوم مابشرتني اريج وانا خلاص طار نومي.،
محمد : طيب تعالي عشان احنا بعد نبشرهم.،
هبه طالعت فيها بصدمه ووجهها حمر : ماتستحي قوم.،
.،

بالـمـــســتـــشـــفــــــــى.،
خالد : ليه غزل مهي جوا؟!.،
شهد : لا ماجات ليه؟!.،
خالد : وانا داخل شفت مشعل بس ماامداني الحقه قلت القاهم هنا.،
شهد : لا غزل كلمتني الصباح وقالتلي بكلمك بس قلت رجعت نامت.،
.،

ع ـــــنــــــــــد مــــــشــــ ع ـــــــل.،
أبو عبد العزيز : الحمدلله راسها ماتأثر.،
مشعل يشوف الأشعه ويتنهد : الحمدلله.،
ابو عبد العزيز : دكتورة وش قالت لك؟!.،
مشعل يجلس على الكرسي : الرحم مختل عن مكانه ومسبب لها نزيف.،
ابو عبد العزيز : الحمدلله الي جات على كذا.،
مشعل : الحمدلله على كل حال.،
ابو عبد العزيز : قلت لفهد؟!.،
مشعل : لا ماقلت لحد.،
ابو عبد العزيز : قول لشهد وخلها تدخل وتطمن عليها وكل احد يجي يزور عبير خلها تقوله عشان لا

يخافون.،
مشعل يقوم : ان شاء الله.،
.،

مشعل وهو طالع من عند عمه شاف خالد.،
سلم عليه.،
: وينك يارجال؟!.،
مشعل : فيه قبل شوي جيت.،
خالد : غزل ماجات معك؟!.،
مشعل : لا انا مداوم بالليل تجي ان شاء الله.،
خالد : وش فيك؟!.،
مشعل : ابد سلامتك.،
خالد : وش فيك وجهك مقلوب؟!.،
مشعل : سلامتك بس مانمت زين.،
خالد : اها.،
مشعل : يلا تامر على شي؟!.،
خالد : سلامتك.،
.،

بــــــ غ ــــــرفـــــــــــة غ ــــــــــــــزل.،
دخل مشعل عندها كانت نايمه.،
جلس جمبها على السرير.،
مسك يدها.،
بعد 4 دقايق غزل فتحت عيونها.،
فتحتها ببطئ.،
كانت تأن من الألم.،
شافت مشعل قدامها.،
مشعل يبوس جبينها : الحمدلله على سلامتك.،
غزل امتلت عيونها بدموع : ..................
مشعل : يعورك شي؟!.،
غزل نزلت دموعها .،
شاف كيف تنفسها يزيد يبين انها بتدخل بنوبة بكاء : غزل حبيبي وش فيك؟!.،
بعدت يدها عن يدوا وقالت وهي تبكي وبصوت متقطع : لـ..يــ..ه.،
مشعل يوقف ويرجعها : غزل انسدحي لا ماينفع.،
غزل تبعد يديه عنها وتمسك راسها : راســـي ااااااه رااسي.،
مشعل يطلع المنوم من جيبه.،
غزل تمسك راسها وهي على السرير وتفتح عيونها وترجع تقفلها .،
كانت تتكلم وهي تحاول تفكر وبألم : مشعل؟انت مشعل!الا صح.،
مشعل وهو يعبي الأبره انصدم يعني الذاكره رجعت لها!وش معنى كلامها!.،
مسك يدها بيحط لها المنوم بالمغذي.،
بس غزل سحبت يدها منه : ماابي بعد أنـ.،
مشعل يوم تحركت شاف.،
: غزل أنتِ تنزفين!.،
غزل تبكي وتحاول تذكر : انا.."سكتت".
وبذا الوقت مشعل حط لها المنوم بالمغذي بس بنفس المغذي مو بالابره الي بيدها.،
وبدت غزل تهداء كلامها يتقطع لين مانامت.،
.،

كان بيطلع ينادي دكتورة نساء وولاده لغزل.،
بس فاجأه عمه الي كان بيدخل الغرفه.،
ابو عبد العزيز : وش فيك؟!.،
مشعل : غزل بدت تذكر.،
ابو عبد العزيز : والله.،"ودخل الغرفه".،
شافها نايمه.،
:نامت؟!.،
مشعل وصوته متغير وبتحطيم وذهول : عطيتها منوم!.،
لف له : ليه أنت انهبلت؟!.
مشعل يتكلم ويحس انه بينخنق : كانت تعبانه وتبكي وولسى مشككـه أني مشعل قلت تنام.،
ابو عبد العزيز : وش فيك أنت عارف انها مالازم تاخذ منوم!ليه ماناديتني او ناديت الدكتور ياسر.،
مشعل مو طايق الكلام : ليه الدكتور ياسر؟!.،
ابو عبد العزيز : ليه يعني؟!.،
مشعل عارف انه عمه معصب منه ولمصلحة غزل بس هو مايبيها تذكر وماعرف وقتها وش يسوي :

وش دخل دكتور نفسي!.،
أبو عبد العزيز : عشان يتابع حالتها.،
مشعل بنرفزه : ماله داعي لا دكتور ياسر ولا بطيخ أنا معها.،
وطلع عشان ينادي دكتورة النساء والتوليد.،
.،

الـــمــ غ ـــــــرب.،
بــ ع ــيـــــــادة أبو ع ــبــــد الــ ع ـــزيز.،
فهد + خالد + أبو عبد العزيز + مشعل.،
أبو عبد العزيز : ياخوك هي يوم تذكر ماراح تذكر كل شي بسرعه.،
خالد : يعني راح اطول زي قبل.،
أبو عبد العزيز : لا قبل كانت فاقده الذاكره اما الحين رجعت لها بس تحتاج فتره على ماتذكر كل شي

ولازم تراجع مع الدكتوره ياسر.،
مشعل يقاطعه : ماله داعـ...
أبو عبد العزيز بعصبيه : مشعل الزم حدك خليناك تدخل بحياتها على كيفك بالمرتين الي قبل الحين

الدكتور حسن راح يكمل محلك ودكتور ياسر يتابع معاها.،
مشعل عصب ووقف : شلون يعني!انا دكتورها والي عارف حالتها من الأول وبعدين انا ولد عمها

وزوجها؟!.
ابو عبد العزيز : غزل مهي صفقه عشان تقول انا اولى فيها وولد عمها وزوجها بالبيت مو

بالمستشفى.،
مشعل : غزل مايعالجها ولا يتابع حالتها غيري.،
وطلع من العياده وهو معصب.،
.،
خالد : ياعمي مشعل يحبها وخايف عليها.،
ابو عبد العزيز : عارف بس بالمرتين الي قبل وش صار على غزل باسبابه وافكاره وبعدين كيف

يعالجها ويتابع معها وهو مو دكتور نفسي وولد عمها كيف بتذكر كيف بيساعدها.،
خالد : لا انا قصدي بدال الجراح الدكتور حسن.،
ابو عبد العزيز : نفس الشي راح يقابلها يتأثرون واكيد انت فاهم قصدي وبعدين انا ماجزمت وقلت

ماراح يشوفها على حسب الي يقوله الدكتور ياسر.،
خالد : عارف والله ياعم بس مابيك تزعل من مشعل.،
ابو عبد العزيز تنهد وطالع بأخوه الي يسمع كلامهم وساكت : بتفرج أن شاء الله هانت ياخوي

هانت.،

25 - 10 - 2024, 09:03 AM

البارت 99

يــــــــــوم جـــــــديـــــــــــد.،
بــــــالـمـستـشــفـى.،
شهد : يعني مقدر أشوفها؟!.،
ابو عبد العزيز : مقدر اجاوبك على حسب مايقول الدكتور ياسر.،
شهد طالع بعمها بعيون حيرانه.،
ابو عبد العزيز : ادعيلها الله يشفيها وتقوم بسلامه.،
شهد : آآآمين يارب.،
.،

بــ غ ــــرفة غ ـــــــــــزل.،
كان لها ساعه صاحية تحس بصداع براسها.،
ساعدتها الممرضه بكل الي تبيه لين نيمتها على السرير وثبتوا لها شي بسرير عشان لازم ترفع رجولها بسبب النزيف.،
كانت منسدحه ورجولها مرفوعه.،
تحس بصداع.،
تحاول تذكر في اشياء مو قادره تربطها ببعض تبي احد يساعدها احد يأكد لها تحس انها مشتته.،
تذكر الي سار امس زي الخيال او حلم تبي تربط شكل بمشعل بحياتها بس ماتذكر الا مــوقفين لهم !.،
وبس!.
انفتح الباب بشويش.،
ودخل مشعل.،
صك الباب وتقدم لها.،
غزل طالع فيه من اول مادخل مهي قادره تتكلم تحاول تذكر اكثر وتحس الصداع يزيد.،
نزلت رجولها الي رافعتها لأنها خجلت من شكلها قدامه وهي بروب المستشفى ورافعين لها رجولها الاثنين عشان النزيف.،
مشعل اول مانزلت رجولها قرب منها : لا ماصدقنا النزيف خف.،
وبيرفع لها رجلها على الشي الي حاطينه لها على السرير.،
بس غزل بعدت رجولها.،
مشعل طالع فيها يوم بعدت رجولها وابتسم : طب ارفعيها.،
غزل تجمعت بعيونها الدموع : ..............
مشعل جلس جمبها على السرير رجع شعرها على وراء ومسح على شعرها.،
غزل بتشتت وصوت مخنوق من البكى : لـيه؟!.،
مشعل : وش الي ليه؟!.
غزل : وش صار؟!.ليه؟!انـ..
مشعل وده يقولها كل شي بس خايف عليها عارف انه غلط وانها ماراح تتحمل : غـ..
غزل نزلت دموعها اخذت نفسها تغمض عيونها وترجع تفتحها تبي تركز تذكر مهي قادره : اطلع .،
مشعل انصدم وش صار لها يعني تذكرت كل شي ولا وش فيها .،
غزل تحاول تجلس وتمسح دموعها.،
مشعل وقف بسرعه وبيعدلها : لا خليكي منسدحه "جاء بيرجعها".،
قالت بعصبيه ونضراتها كلها خوف وضياع : لا تمسكني اطلع.،
مشعل كلمتها اثرت فيه "لاتمسكني"هي ملكه ! مرته ! حلاله ! له ..
غزل صدعت اكثر ونظرات مشعل تستفزها.،
مشعل الي بيطلع من الغرفه شاف الدكتور ياسر بيدخل يوم شافه رجع على ورا عشان مشعل يطلع.،
مشعل طلع وصك الباب ووقف : آمر.،
ياسر : هلا دكتور مشعل اخبارك؟!.،
مشعل : الحمدلله امر كنت تبي شي؟!.،
ياسر : ايه بدخل عند المريضه غزل.،
مشعل : ماشوف له داعي غزل الحمدلله وبدت ذاكرتها ترجع لها ومعانا بتذكر كل شي!.،
ياسر ابتسم : دكتور مشعل انا مو جراح فما اقدر احدد الم غزل الجسمي فما اقدر ادخل بمجالك اما بمجالي اتوقع اني اعرف فيه.،
مشعل : والي يقـولك أنـ..
ابو عبد العزيز يقرب منهم : سلام عليكم.،
مشعل صد عنهم وتنهد : وعليكم السلام.،
دكتور ياسر : وعليكم السلام.،
ابو عبد العزيز : دكتور مشعل ابيك شوي.،
مشعل : ان شاء الله.،
ابو عبد العزيز : تفضل.،
.،

ع ــــنــــــــــد ع ــــبــــيـــــــــــر.،
عبير: وكيفها الحين؟!.،
شهد : مدري ماشفتها بس أريج قالتلي انو معها نزيف غير رافعين لها رجولها.،
عبير : ليه؟!،
شهد : من الطيحه الرحم اختل.،
عبير : اوف الله يعينها يارب.،
شهد :آآآآآآمين يارب.،
دق الباب.،
ودخلت هبه .،
هبه : السلام عليكم.،
شهد : هلااا والله.،
عبير : ياهلااا حياك الله.،
هبه تسلم عليهم : مبروووك والحمدلله على سلامتك.،
عبير : الله يسلمك ويبارك فيك.،انتِ الي متى جيتي؟!.،
هبه : اليوم جيت بس رحنا حطينا اغراضنا وتروشت وجيت.،
شهد : الحمدلله على سلامتكم.،
هبه : الله يسلمك يارب وين الناس؟!.،
عبير : اريج شوي تجي مو الحين.،
هبه : والباقي؟!.،
شهد : عنود عارفتها مع الدراسه مو كل يوم تجي وامي بعد صلاة المغرب تجي ونفس الشي خالتي حصه وهدى.،
هبه : وغزل؟!.،
شهد تصب لها قهوه وتمد الفنجان لها : رجعت لها الذاكره.،
هبه تبتسم : من جد الحمدلله وينها الحين؟!.،
عبير : تعبانه محنا قادرين نشوفها.،
هبه : ليش؟!.وش فيها؟!.،
شهد : مدري محنا فاهمين الا ان فيها نزيف بس ليه مانشوفها وتذكرنا ولا لا مانعرف كل الي قالوه لنا ان رجعت ذاكرتها ويبيلها فتره مدري شو وبس.،
هبه : الله يقومها بسلامه يارب.،
عبير + شهد : آآآآآمين يارب.،
.،

ع ـــــنـــــــــد غ ـــــــــــــــــزل.،
الي دخلت الممرضه عندها وطلعت لها طرحتها "مسفعها".،
وقالت لها تنسدح بسريرها وتتغطى.،
عشان الدكتور بيدخل<~ ارسلها مشعل بعد نقاش مطول مع عمه وطبعاَ النتيجة ضد مشعل.،
فأرسل الممرضه حقته.،
غزل استغربت ليه قدام مشعل محد دخل وقلها شي والحين لا.،
غزل : مدري.،
ياسر تعب معاها : صار له ساعه معاها كل مايسألها عن شي ترد بمدري ولا ومعرف .،
غزل خجلانه منه ولا قادره تذكره اول مادخل حسبته يقرب لها بس مهي قادره تذكره .،
ياسر : وين سرحتي؟!.،
غزل : أنـا ماتذكرك.،
ياسر أبتسم : لأنها اول مره تشوفيني.،
غزل : اها.،
ياسر : تعرفين مين الي كان عندك قبل شوي!.،
غزل : مدري.،
ياسر تنهد : ناسيته؟!.،
غزل : لا بس احس .،
ياسر : ولد عمك.،
غزل : يعني صح ولد عمي!.،
ياسر : ايه وش فاكره وش الي ببالك؟!.،
غزل : احس في احداث مو قادره احددها ولا اذكرها بضبط في ناس اعرفهم مو قادره احددهم مدري.،
ياسر : لا تقولين مدري وأنتِ تعرفين.،
غزل طالعت فيه : كيف جيت هنا؟!.
ياسر : المفروض أنتِ الي تقولين لي.،
غزل : بس مو قادره اذكر.،
ياسر : قولي لي وش مذكره وانا اساعدك.،
غزل : انا اذكر موقفين لي مع مشعل بس اذكر واحد اكثر من الثاني.،
ياسر : ايش هيا؟!.
غزل طالعت فيه وابتسمت : مدري.،
ياسر : هههههه واضح انك ماتدرين.،
غزل : أنا ابي افهم ابي احد يساعدني ابي اذكر كل شي تعبت من تشويش الي احس فيه.،
ياسر : طب قوليلي وش تفتكرين وانا بساعدك.،
غزل : اذكر شهد ايه شهد.،
ياسر : تذكرين وش تقرب لك؟!.،
غزل تحاول تربط وتغمض عيونها وترجع تفتحها باين بوجهها الانزعاج والحيره تتكلم بتردد وتفكر : بنت..ايه بنت خالتي هي اخت مشعل ايه و..وشهد تكون...بنت خالتي وبنت عمي عبدالله.،
ياسر : طب حلو يعني مشعل ولد عمك ولد خالتك صح؟!
غزل : ايه!.،
ياسر : تذكرين شكل شهد!.،
غزل: ايه اذكرها واذكر خالد اخوي ايه.،
نزلت دموعها.،
ياسر : تبين تشوفينهم؟!.،
غزل تبكي : انا تعبت من امس انا احاول اذكر مو قادره.،
ياسر : غزل من امس لليوم وتذكرين كل ذا غير الي ماتبين تقولينه هذا شي فوق الممتاز.،
غزل صدت عنه تحس بضيقه تذكر اشياء بسيطه غير صداع ألي براسها صدت وصارت دموعها تنزل على خدها وتمسحها.،
ياسر : غزل لا تجهدين نفسك بتفكير خلاص اليوم ارتاحي ونامي وبكرا نكمل.،
غزل بسخريه وتمسح دموعها : هه وبكرا اذكر اسمين ثانيه وبس؟!
ياسر : لا إن شاء الله بتذكرين بكرا احسن من اليوم.،
غزل : ..............
ياسر يقوم : يلا تصبحين على خير.،
وطلع من عندها.،
.،

ع ـــــنـــــــد ع ــــبـــيــــــــــر.،
دخلت أريج ومعها نايف : السلام عليكم.،
الكل : وعليكم السلام.،
نايف يجري : ماما ماما.،
هبه توقف وتشيل نايف وتسلم على اريج.،
: ياقلبي وحشتني حبيبي "وتبوسه".،
عبير : هههههه لهدرجه وحشك ماجات كم يوم.،
اريج : ههههههههه "لفت لشهد" شهد خالد برا يبيك.،
شهد : اوك "وقامت تشوفه"،
اريج : متى جيتوا؟!.،
هبه : اليوم قلت بخليها لك مفاجأه.،
اريج تبتسم : الحمدلله على سلامتكم.،
هبه: الله يسلمك يارب يلا من اليوم نامي براحتك كم يوم طفشناه فيه.،
اريج : لا والله بالعكس مبسوطه معه.،
هبه : ياقلبي اصلا خلاص كل ماطفشت منه برميه عليك.،
اريج : ههههههه العين له اوسع من المكان خلاص خليه كم يوم لين ماترتاحون من السفر بعدين تعالوا خذوه.،
هبه : لا ياقلبي خلاص زودناها عليك وبعدين وحشني والله.،
اريج : اجل لو قلتي لي اجيب اغراضه معي.،
هبه: ههههههه مو قلت لك كل شوي بطفشك فيه خليها عندك.،
اريج : هههههههه اوكي.،
.،

يـــــــــــــــــوم جــــــــــديـــــــــــــــــد.،
بــيــــــت شــــــهـــــــد الـ خ ـــــــالد.،
خالد : قلتي له كل شي؟!.،
شهد : ايه هو سأل عن كل شي اصلا لو بنسى شي هو كان يسأل عن كل شي.،
خالد : الله يعين يارب.،
شهد : آآمين يارب..مشعل زعل صح؟!.،
خالد : مدري عمي طلع معه من المستشفى خاف يدخل على غزل بعد ماطلع الدكتور من عندها.،
شهد : الله يستر.،
خالد : الله يفرج عليهم والله تعذبوا بحياتهم.،
شهد : آآآآآآآمين يارب "وبنفسها" بعقلك غزل لو تذكرت بترجع!!هذا وانت ماتدري تقول تعذبوا كيف لو تدري ياخالد.،
.،

ع ـــنـــــــد ع ــــبــــيـــــــر بــالـمـــســتـــشـــفــــــــى.،
أريج : بلا دلع احمدي ربك هذا رابع يوم بالمستشفى خلاص تراها ولاده مو عمليه.،
عبير : أي بس هنا راحه.،
اريج : ترا الـ 4 ايام الي جلستيها هنا بخصمها لك من الـ 40 عند امي.،
عبير : لا والله لأنه بكيفك؟!.،
اريج تمد لها لسانها: ايه بكيفي.،
عبير : يمه شوفيها.،
حصه الي جالسه تكوفل "كافوله" بنت عبير : ماتعقلون كل وحده شكبرها ولا فيكم عقل.،
اريج : ههههههههه الا عبير وش بتسمين بنتك؟!.،ترا طولت بدون اسم.،
عبير : أي تتريقي زي شهد تقولي اكتبي على جبينها بدون اسم ولا سمينا بنفسك.،
<~ بدون اسم<~محل عبايات..سمينا بنفسك<~محل ملابس.،
اريج : ههههههههههه وهي صادقه.،
عبير : مدري كل شوي نقول اسم ماقررت.،
اريج : عفصه!.،
عبير: لا والله.،
اريج : اممم عطيات.،
عبير : اريجوووه.،
اريج تجلس جمبها على السرير ومعها كوب قهوه : هههههههه طيب طيب جاكلين.،
عبير : انتِ وش فيك؟!.،
اريج : طيب سميها سلاف.،
عبير : وع ماحبه.،
اريج : طيب رنيم.،
عبير : مو حلو.،
اريج تقوم وتحط الكوب : بدون اسم احلى.،
.،

ع ـــنـــــــــــــد غ ــــــــــــــــــــزل..
تذكرت اشياء كثيره وصارت مو قادره تنام وبس تبكي من امس.،
ضايعه تبي احد ينفيها لها ويقولها كل الي تذكرتيه غلط.،
دق الباب ودخلت دكتورة النساء والولاده.،
الدكتورة : السلام عليكم..سلامات غزل فيك شي؟!.،
غزل تمسح دموعها : لا.،
الدكتوره : فيك شي يالمك تحتاجين انادي الدكتور مشعل؟!.،
غزل الي الدكتورة بكلمتها ذي اكدت لها اشياء كثير بكيت اكثر :................
الدكتوره كانت بتطلع غزل خافت تنادي مشعل .،
غزل : لا مافيني شي.،
الدكتوره تمد لها علبة المناديل : تعبانه اجيك بوقت ثاني.،
غزل : لا عادي.،
الدكتوره : كيف النزيف خف؟!.
غزل وهي كذابه : ايه خف مره.،
الدكتوره : تمام الحمدلله "غزل كانت جالسه" بس برضوا يحتاج تنسدحين فترات طويله ولا تمشين كثير ولا تجرين لغاية مايروح النزيف.،
غزل : طيب.،
الدكتوره : بكرا ان شاء الله راح نسووي لك السونار!.،
دخلت الممرضه .،
غزل : ليه؟!.،
الدكتوره : عشان نتأكد اذا الرحم رجع لوضعه الطبيعي..اذا ممكن تنسدحي على السرير.،
غزل انسدحت على السرير قاست لها الممرضه الضغط.،
ورفعت لها رجولها الاثنين.،
وجلست بدلك لها منظقة الرحم.،
غزل تبعد يدها : مابي لا.،
الدكتوره الي كانت بتقولها على دواء وتطلع : ليه؟!.،
غزل : بس ماحب.،
الدكتوره : غزل انتِ كل ماتدخل الممرضه تلقاكي نزلتي رجلك ومو على السرير اسااسا على كذا يعدل الوضع شوي والا بنضطر لعمليه.،
غزل تنهدت : مااابي وبس.،
الدكتوره قالت للمرضه انها كل شوي تدخل وتتأكد اذا رافعه رجولها ولا لاوتساعدها اذا تبي شي.
وطلعت.،
كان مشعل برا.،
مشعل : بشري.،
الدكتوره : بكرا بسوي لها سونار ان شاء الله.،
مشعل : ان شاء الله بس هي كيفها الحين؟!.،
الدكتوره : تقول ان النزيف خف الحمدلله بس مهي راضيه لنيرس تدلك لها وكل شوي ترخي رجولها وتجلس.،
مشعل : والحل؟!.،
الدكتوره : اذا خف النزيف فالحمدلله بس برضوا انا قلت للممرضه كل شوي تدخل وتتأكد اذا منسدحه ولا لا.،
مشعل : شكرا دكتوره ماقصرتي.،
الدكتوره : العفوا.،
.،

بعد ماطلعت الممرضه من عندها قامت من على السرير وجلست على الكرسي.،
كيف بتتأكد مين الي بيأكد لها؟!.،
قامت فتحت الدولاب تشوف الملابس الي جايبينها لها مهي قادره تذكرها زين دورت فيها وتحاول تذكر.،
لين شافت تي شيرت.،
اخذته ورجعت جلست.،
رجعت تحس بصداع.،
افكار.،
ناس تمر ببالها مهي قادره تركز فيهم ولا تربطهم.،
تذكر اشياء تألمها.،
صارت تبكي.،
دق الباب وجاتها الممرضه وقالت لها ان الدكتور ياسر بيدخل.،
قالت لها تعطيها عباتها ماتبي تجلس على السرير.،
لبست عباتها ولفت المسفع "الطرحه".."الشيله".،
دخل دكتور : مساء الخير.،
غزل : مساء النور.،
الدكتور ياسر : كل ماجي القاك تبكين ويوم اروح ن عندك تبكين؟!قالوا انك دلوعه بس مو كذا.،
غزل طالعت فيه : من الي قال؟!.،
ياسر : ناس تعرفك!.،
غزل : ...........
ياسر : امس نمتي؟!.،
غزل : لا.،
ياسر : ليه؟!.،
غزل : مدري ماجاني نوم.،
ياسر : يعني اليوم اعطيك منوم يريحك.،
غزل : لا منوم لا.،
ياسر : ليه؟.،
غزل : مدري دايم يمر ببالي ان احد يغصبني عليه بس مذكر مين.،
ياسر استغرب : طيب.،
غزل : تدري أنا زمان كنت اقول لشهد نفسي اروح لدكتور نفسي ادخل عنده واتكلم واتكلم واشيب راسه واطلع بس وقتها ماكانت مشاكلي زي الحين يمكن اول لو رحت ضحك علي.،
ياسر : حتى الحين ماعندك المشكله الكبيره الناس تتمنى تنسى قولي الحمدلله.،
غزل : الحمدلله.،
ياسر حس انه ردها بالكلام طلع العطر وحطه قدامها : تدرين ذا حق مين؟!.
غزل طالعت بالعطر.،
ياسر مده لها.،
اخذته وفتحته شمت ريحته : هذا عطري الي مشعل يحبه انا مذكره اشياء كثيره بس مو قادره ارتبها.،
مشعل هو الي قالي وخلاني ادخل المستشفى .،
غمضت تذكرومسكت راسها من الصداع.،
ياسر شاف كيف بدت تبكي.،
عرف ان مشعل سبب كل مشاكلها.،
قام جاب كاسة المويه.،
وطلع حبه من جيبه..
ورجع جلس.،
مد لها كاسة المويه : غزل خذي اشربي الحبه بتريحك.،
غزل تاخذها وتحاول تغير الموضوع تبتسم : ليه ماتكتب زي الدكاتره النفسيين وشزلونق.،
ياسر : ههههه شكلك متأثره من الأفلام.،
غزل : ليه هم مو كذا.،
ياسر : الا بس مو شرط بكل وقت يكتب ولا شرط شزلونق.،
غزل فصخت صندلها اكرمكم الله ورفعت رجولها على الكنبه المنفرده الي جالسه عليها ولفت العباية عليها زين.،
حطت ذقنها على ركبها : انا دايم ضد الناس الي تقول ان الدكتور النفسي للمجانين يمكن لأني احب علم نفس ويعجبني احس الدكتور النفسي اهم شي بالحياه دايم يقولون الي يدرس طب نفسي ينجن ودايم جوابي لهم لأنه يفهم حقد الناس ومكرهم يفهم نفاقهم اذا اليم ادرس نفسيه ويفهم الناس يتعب كيف الي دارس في مجتمعات متخلفه ..
ياسر : كان جوابك هذا لمين؟!.
غزل : كان مع شهد ومع خالد.،
ياسر: كانوا معك؟!.
غزل عقدت حواجبها تذكر: مدري كانوا معي بس مدري كانوا يقولون ناس مدري ايش انا في مرحله فاكرتها زين مرره كأنها امس وفي اشياء مشوشه وفي اشياء مره مو متذكرتها.،
ياسر : وش دراك انك مو ذاكرتها يمكن ماصارت من الأصل؟!.
غزل : لا صارت.،
ياسر: وش مأكد لك؟!.
غزل : مدري.،
ياسر : طيب ايش الي تذكرينه زين؟!طفولتك؟!.
غزل الي تحس اعصابها مرتاحه والشد الي تحس فيه ارتخى : لا اذكر يوم شهد جاتني وصحتني من النوم وقالتلي مشعل مدري ايش قالت لا هيا بس جاتني وبعدين مشعل كلمني وقلي ...

مــشــ ع ـــلك.،
.,
.
ناديت وينك؟!.،
وأنت قدام عيني×.
مع كل رمشة عين.،!.
أناديك وينك].

25 - 10 - 2024, 09:04 AM

تكلمة الــبـــــــــــارت الـــ99.،

أدري أن البارت قصير.،
بس سبب في قصر البارت هو دكتور غزل النفسي.،
مارد عليا: (
ومستحيل انزل معلومات مو موثقه من دكتور.،
فكتبت الجزئيه البسيطه هذي عشان صعب مانزل بارت بالمره.،
وان شاء الله يارب خلال الاسبوع هذا يرد عليااا.،
لأنه صعب لو مارد ازمه والله.،

سكتت.،
ياسر مستغرب ماكان متوقع ان مشعل مسبب لها كل الي هي فيه : يحبك.،
غزل طالعت فيه وعيونها كلها دموع : مين؟!.،
ياسر : مشعل.،
غزل اتشتت نظراتها وقالت بسخريه : هه ماتوقع.،
ياسر : فاكره وش قالك يوم كلمك؟!.،
غزل طالعت فيه : ماني قادره اتكلم.،
ياسر : فيك تضاد غريب قلتي لي انه كان نفسك تروحين لدكتور نفسي وبنفس الوقت كل ماجي اتكلم معك اجوبتك صاده مع انك عارفه الاجوبه.،
غزل : .................
دق الباب.،
ياسر : تفضل.،
دخلت الممرضه ومعاها كاسة عصير برتقال.،
حطتها قدام غزل : تفضلي.،
غزل : مابي شكرا.،
الممرضه : الدكتور مشعل رسلها لك وقال لازم تشربينها.،
غزل بدت تبان عليها العصبيه : خذيه معك مابيه.،
حست بنظرات احد لها.،
طالعت لقيته مشعل.،
يشوفها من بعييد.،
الممرضه يوم دخلت خلت الباب فاتح بأمر مشعل وكان واقف بعيد يتأملها.،
غزل انتبهت له.،
امتلت عيونها بدموع.،
كانت بيدها بتقطع الكنبه الي جالسه عليها وتصر على اسنانها نزلت دموعها.،
واقف يتأملها ماراح.،
نظراته لها تستفزها.،
تشوفه قدامها وتسمع صوته "زوجتي".."اكسر غرورك".."ماحبك".."حبيبتي ..هه مو انتي"..
خذت الكاسه من قدامها رمتها وانكب نص العصير عليها واتكسرت الكاسه قدامها.،
صارت تصرخ ونظرها كله جهتوا : وانا اكررهك اكررهك اكررهك "وانهارت تبكي".،
ياسر قام وقف بهدء وقال للممرضه تطلع وتصك الباب.،
جلس على السرير.،
شافها كيف راخيه راسها على الكنبه وتبكي.،
بعد 3 دقايق قام واخذ علبة المناديل وقرب منها.،
مدها لها: غزل .،
رفعت راسها له اخذت المناديل وقامت وهي تحس كل جمسها مكسر.،
ومشيت للحمام "اكرمكم الله".،
دخلت فكت مسفعها وعباتها علقتها.،
سندت نفسها على المغسلة تحس الصداع يزيد عليها بشكل مهي قادره تتحمله ابدا.،
حاولت تغسل وجهها ورفعت شعرها.،
لبست عباتها ومسفعها طلعت.،
لقيت الغرفه مرتبه العصير المكبوب والزجاج المكسر وسرير الي مارتبته.،
كله ترتب.،
طلعت جلست على السرير نفسها تنسدح بس مستحيه.،
كان بيتكلم بس غزل قاطعته.،
غزل : ابي منوم ابي انام راسي يعورني بشكل مو قادره اتحمله.،
ابتسم : كنت بقولك ارتاحي الحين ارسل لك تصبحين على خير.،
غزل : ابي اطلع من هنا.،
ياسر : مو حابه نكمل سوالفنا؟!.
غزل تمسك بكفوف يدينها راسها من الألم وتعقد جبينها.،
طالعت فيه.،
: مو حابه لأن انا بمستشفى عمي ومو مرتاحـه ابي اطلع.،
ياسر : غزل ثقي تماما الي راح تقولينه لي محد راح يعرفه.،
غزل وهي تحرك مفرش السرير بهدوء : اكيد هم الي طلبوا منك تعالجني ولا من وين عرفتني وبما انهم هم الي طلبوا منك اكيد بيسألونك عن حالتي.،
ياسر الي كان بيطلع قريب من الباب رجع لها.،
كأنه عرف مشكلته مع غزل : بيسألوني عن ذاكرتك مو عن حياتك.،
غزل طالعت فيه وارخت نظرها لأنه كان مركز بعيونها :...............
ياسر : بكرا نتكلم؟!.،
غزل بصوت خفيف : اوكي.،
ياسر : تصبحين على خير.،
وطلع.،
طلع من هنا وغزل فكت عباتها ورمتها على الارض ورمت المسفع وانسدحت.،
.،

ع ـــنـــــــد مـــــشـــــ ع ـــــــــــل.،
دق باب مكتبه .،
: ادخل.،
ياسر: السلام عليكم.،
مشعل وقف : غزل فيها شي؟!.،
ياسر ابتسم : لا تطمن مافيها الا العافيه.،
مشعل :الحمدلله..تفضل.،
جلس ياسر على كراسي الي قدام المكتب.،
ومشعل جلس على مكتبه.،
مشعل يطلع سجاره ويولعها ويرمي الولاعه قدامه : كيفها الحين؟!.،
ياسر : الحمدلله طلبت منوم بس انا حاب اخليها تجلس مع نفسها شوي على ماتنام.،
مشعل بداخله مقهور كان هو المسؤل عنها وهو الي يقرر مو غيره.،
ياسر شايف مشعل كيف مو طايقه.،
: انا جايك المكتب حاب تساعدني بمعلومات تفيندي بعلاجي مع غزل.،
.،

بـــــــيـــــــــــــــــت ع ـــبــــــد الـــ ع ــــــزيـــــــــــز الأريـــــــــــــــج
عبد العزيز نايم.،
اما اريج بسرير صاحيه مو جايها نوم.،
تحس بفراغ بحياتها كانت مره مشغوله مع نايف صح الحين تصحى ترتب البيت وتجلس مع عبد العزيز شوي قبل داومه وقبل لا يروح المستشفى يوصلها بيت اهلها وقبل لا يرجع البيت يمر ياخذها وبيت اهلها اصلا مافي وقت تجلس فاضيه بخدمة عبير وبنتها ومع الضيوف الي يجون.،
بس تحس في فرق بالبيت بوجود نايف ويوم رجع لأهله.،
وبنفسها : يارب تخلي عبد العزيز يحس بالملل والفرق يارب انا اتحمل بس لا تخليه يضيق وتتعكر حياتنا يارب ارحمنا برحمتك الله يستر.،
تتأمل بوجه عبد العزيز.،
وهي خايفه من الي جاي.،
.،

الـمــــــســـــــتـــشــــــفــــــــــــى.،
ياسر بأنفعال : انا فعلاَ قدام الكل اني بساعد غزل تذكر وانها يوم تذكر ماتتأثر او يصير فيها شي يوم تلقى نفسها كانت متجوزه رسال وفجأه صار رجال ثاني بس الي الكل يضنه شي والحقيقه شي ثاني غزل مو قادره تذكر غيرك ومواقف معاك مأثره فيها مشكلة غزل الاساسيه انت مو ذاكرتها.،
مشعل اخذ البكت بياخذ لها سجاره.،
ياسر : دكتور مشعل أنا عارف انك مو حاب احد يتابع حالتها غيرك بس صدقني انا بساعدك غزل حالتها النفسيه جداَ سيئه.،
مشعل يولع السجاره : انا عارف مشكلتها خليها تذكر زي مايبي عمي وانا بتصرف معها ان شاء الله.،
ياسر مستغرب من شخصية مشعل ومن عصبيته الزايده وكيف مايبي يتكلم ولا يقول شي.،
مايبي يقول اسمها قدامه ولا يتكلم عنها كل جلسته معه عصبيه وحده بنظرات.،
.،

يـــــــــــوم جـــــــــــــديـــــــــــــــــــد.،
شهد : ماقلك وش يبي؟!.،
خالد : لا.،
شهد : يمكن وافق نشوف غزل؟!.،
خالد : ماتوقع ولا كان قالها لنا.،
شهد : يمكن موافق بس بيوصي وكذا.،
خالد : يمكن.،
شهد تطلع لها ملابس : يلا لا نـتأخر.،
.،

25 - 10 - 2024, 09:05 AM

البــــــــــارت الـــ100

يـــــــــــوم جـــــــــــــديـــــــــــــــــــد.،
شهد : ماقلك وش يبي؟!.،
خالد : لا.،
شهد : يمكن وافق نشوف غزل؟!.،
خالد : ماتوقع ولا كان قالها لنا.،
شهد : يمكن موافق بس بيوصي وكذا.،
خالد : يمكن.،
شهد تطلع لها ملابس : يلا لا نـتأخر.،
.،

الســـاع ــــــــــــة 5 العصر.،
ع ــنـــد غ ـــزل بالغرفة.،
اول ماصحيت حست بصداع دخلت وتروشت لبست بنطلون جينز وتي شيرت اسود.،
مافكرت حتى تستشور شعرها ولا تحط ميـك اب صاحيه من النوم متضايقه.،
رجعت لدولاب الي فيه ملابسها وجلست تتفرج عليها جلست على الارض وهي ماسكه ملابسها.،
سندت ضهرها على الدولاب وجلست تبكي.،
رافعه رجولها عند صدرها وماسكه البلوزه وتبكي حاسه بضياع.،
تحس الي متذكرته كذب مو حقيقه ولا صار بحياتها.،
انفتح الباب ودخل مشعل توقع انها مع المنوم الي اخذته للحين نايمه.،
دخل امس عندها وهي نايمه شاف كيف راميه عباتها ومسفعها على الارض ونايمه.،
وده يقولها كل شي ويفهمها بس مو قادر.،
والحين يبي يشوفها قبل لا تصحى.،
دخل الغرفه.،
الغرفه اول ماتدخلين سيب يجي مترين اول ماتدخلين قدامك الشباك والتلفزيون مثبت على الجدر.،
وجمب باب الغرفه باب الحمام اكرمكم الله.،
بعدين بعد السيب السرير ويمين السرير الدولاب<~ الي غزل عنده.،
ويساره كنبتين وطاوله وتلاجه صغيره.،
دخل بشويش ويحاول مايطلع صوت عشان لا تصحى جات عينه عليها وهي ساندة ضهرها على الدولاب وتبكي حست بأحد.،
طالعت شافته.،
كانت نظراتها له تذبحه.،
يمكن لو تكلمه تسبه اهون عليه عرف وتأكد انها تذكرت كل شي.،
تحس القوة الي مخليتها ترفع رجولها عند صدرها انهدت مهي قادره ربعت تحس مافيها قوه.،
وتحس بدوخه.،
صارت تبكي اكثر ورخت راسها.،
بكاها بحرقه.،
قرب منها بسرعه وجلس على الارض.،
حط يده على فخذها وهو جالس قدامها.،
تكلم بصدق وخوف عليها وقهر على حالها : غزل راح افهمك كل شي صدقيني.،
جاء بيرفع وجهها الي راخيته.،
كانت جايبه شعرها على جمب وهو مبلل ومبلل بلوزتها.،
بس غزل دفت يده ووجهها كله دموع.،
مشعل بيمسكها.،
بس غزل تدفه عنها وتبكي : سووووويت الي تبـيــــــه ياحيووووااان سويت الي تبيييييه يانذذذذذذل كسررررت الي تبييييه ارتتتتحت ارتتتتحت اكررررررررهك ياحيوووان يانذل.،
مشعل يحاول يمسكها بس هي جالسه تبعده بيديها وتدفه عنها.،
حط يده وراء ضهرها وشدها على صدره ويده الثانيه على على شعرها.،
غزل مهي قادره تبعد عنه ابدا تبكي : ياكللللب بعد "صارت تصرخ"يااانذل بعد مابي اشووفك اتررركني ماااااااااابيك ياحيووووووووووان بعدددددد..
مشعل شادها له مصدوم منها غزل عمرها مافكرت تسبه ولا عمره شافها بالانهيار هذا وخايف وش الجاي اذا هذا البدايه .،
غزل يدينها عند بطنه لأنه حاضنها ويده لافها وراء ضهرها وثانيه حول كتفها مهي قادر هالا تحرك كفوف يدينها الي عند بطنه.،
تحاول تدفه وتبكي : بـعدددددددد بعععععععدددددد انت نذذذذذذذذذل خسييس حيووووان حيووووان اكررررررهكك سويت الي تبيه انت منت رجال انت حيووووووان اااااااه حيوووووووووان .،
كان صوتها مررررره عالي كانت تصرخ ماتتكلم بشكل طبيعي.،
الممرضات بلغوا عمها.،
الي كان عنده الدكتور ياسر ويتكلمون عن غزل طلع بسرعه وراح لغرفتها.،
سمـع صوت غزل انصدم صوتها مره عالي .،
دخل الغرفه.،
كانت غزل تصرخ وباين انها تحاول تبعد مشعل.،
ومشعل حاضنها وشادها له.،
سعود انصدم يوم شافهم.،
قرب منهم : مشعل سيبها.،
حاول يقوم غزل ويبعدها عنه.،
مشعل يوم شاف عمه كذا بعد عنها.،
يدوب غزل حست بيده خفت من قوتها بعدت عنها ورجعت على وراء.،
ضغطت بكفوف يدينها على الارض بتقوم مهي قادره رجعت تحاول.،
تحاول تقوم مهي قادره كل ماضغطت على يدينها بترتفع عشان تقوم ترجع تطيح.،
مشعل كان قدامها مصدوم حط يده على ركبتها: غزل وش فيك؟!.،
غزل الي ماوقفت بكى ووجهها احمر صارت تبكي اكثر.،
سعود : مشعل خلها اطلع.،
مشعل بيمسك يدها بس غزل تدفه وتسبه .،
سعود يقوم مشعل.،
ومشعل قام معه تنهد وطلع من الغرفه.،
قبل لا يطلع لف بيشوفها.،
شافها كيف لافه وجهها عن عمها وتبكي.،
.،

بـــــــيـــــــــــــــــــت أبـــــــــــو مــحـمـــــــــــد.،
عبير : اثرك كنتي مبسوطه والله مره وناسه.،
هبه : هههههههه.،
العنود : ايه وش عليك ماغير منبطه على السرير يجيك اكلك وشربك ودواك والناس تزورك.،
عبير : ايه وتسمعين حكاوي والكل مهتم فيك وناسه والله.،
هبه : ههههههههههه ايه بس بعدين الله يعينك النوم ماتشوفينه من البكى.،
عبير : لا ان شاء الله..الا وين شهد؟!.،
العنود : قالت بتروح لغزل بعدين تجي على هنا.،
عبير : هي كيفها الحين؟!.،
هبه : مدري عمي ذي المره مره متأزم من موضوعها ويبي كل شي تحت اشرافه وبعمله مو راضي لحد يشوفها.،
عبير : الله يعين.،
الكل: آمين يارب.،
.،

بـــ غ ــــــــــرفــــــــــــــــة غ ــــــــــــــزل.،
جالسه على السرير.،
تبي تطلع من هنا.،
تبي ترجع بيتهم.،
مجروحه من الي صار لها.،
ومصدومـــه.،
رجعت لها ذاكرتها بس تحس كل الي تذكره كذب.،
حلم.،
مو حقيقه.،
خيالات من راسها.،
تمر قدامها خيالات.،
اشياء بسيطه الي ناسيتها.،
كانت الممرضه قالت لها ان الدكتور ياسر بيدخل.،
لبست عباتها ولفت طرحتها.،
دخل : السلام عليكم.،
غزل تبتسم : وعليكم السلام.،
ياسر يجلس على الكرسي : كيفك اليوم؟!.،
غزل تتنهد وتبتسم : الحمدلله.،
ياسر : كأنك اليوم احسن.،
غزل تبتسم بسخريه : كذا الدكتور النفسي مايعرف الي بنفس.،
ياسر : هههه مايعلم الغيب الدكتور النفسي ترا الطب النفسي تحاليل وتفسيرات وتجارب.،
غزل ابتسمت.،
غزل : انا اتذكرت اشياء كثيره اتذكرت كل حياتي تقريبا مواقف بسيطه اتذكرها بس مو بضبط.."سكتت شوي"كنت دايم اقول لشهد نفسي اروح لدكتور نفسي يكون لا يعرفني ولا اعرفه ادخل بس اتكلم واتكلم واشيب راسه واطلع دايم عندي فكرة ان الدكتور النفسي للعاقلين والمفروض كل انسان يروح لدكتور نفسي كان نفسي اروح.،
ياسر : وهذا هو الدكتور بنفسه.،
غزل : الحين صعب كل شي تغير انا ماحب اتكلم ولا اقول ماحب احد يعرف مشاكلي وبعدين انت جيت لأن اهلي طلبوا منك واهلي يبون يعرفون حالتي الي اعرفه ان بكل انسان تحديات وتضادات وعقد ومفاهيم وبكل انسان بداخله قوه وبداخله طاقه سلبيه او ايجابيه لكل انسان نظرته ومعتقداته كل انسان تربيته واراء اهله لو خالفها تكون دفينه فيه وقت الجد تطلع وان الحياه لها دور كبير في تشكيل شخصية كل واحد بالمشاكل والهموم الي فيها تكسرك وتجرحك المشاكل بس يأما جرحك يقويك ويخليك تتحداء او كسرك يخلي منك شخص سلبي بأغلاطه وتصرفاته وكل شي..لو كنت بوقت غير الوقت وظرف غير الضرف هذا كان بجد تفلسفت وتكلمت كثير بس الحين صعب لا انا بمكان فيه مجتمعي فيه اهلي القصه مـو أنـي بحكيك اشياء غلط اهلي يعرفونها ولا عيب ماعندي شي ينزل راسي لا وانا بنت فهد بس انا احب اكون للعالم شخصية مجهوله يشوف الظاهر شكل حلو لبس انيق ميـك اب مرح ضحك ادب اخلاق بس المكنون يكون بيني وبين نفسي محد يعرفه لأن محد له شغل فيه مو لازم يعرفون سر الشخصيه هذه كيف تكونت.،
ياسر ابتسم : ماشاء الله عليك..انا قلت لعمك اليوم انك مو بحاجه لجلسات عشان تستعيدين ذاكرتك لأنك خلاص انتِ بمرحلة استرجاع المفروض من البدايه اول مافقدتي الذاكره نراجع مع بعض بس هم كانوا خايفين عليك من الصدمه..بس الي انا شايف انك تحتاجين لفضفضه للي تذكرتيه.،
غزل : انا إن شاء الله اليوم بطلع من هنا.،
ياسر الي كان من اول لقاء معها عرف انها هي بمرحلة انها تستعيد ذاكرتها بنفسها بس غزل حالتها النفسية سيئه اخذ معلومات من شهد عن غزل ومن خالد وحاول بمشعل وماقدر توقع انه راح يكمل معاها علاج نفسي مع انها ماوصلت مراحل متقدمه ماوصلت لدرجة اكتـئاب او اكثر من كذا بس مجرد مشاكل نفسيه بسيطه لو كانت هي قوية تقدر تتجاوزها ممكن أي شخص يمر بأقوى منها.،
ياسر ابتسم : ماشاء الله تفكيرك واعي وانا متأكد أن كل مشاكلك تقدري تتجاوزينها ومع كل صعوبه راح تتحدي وأكيد أنت عارفه انه مهما حسيتي ان مشكلتك اكبر مشكله في ناس ثانيه مشاكلها اكبر ويشوفون مشكلتك بسيطه ويقولون لو عشنا مشكلتك احنا براحه مايحتاج اقولك ان خذي من كل مشكله جانب يقويك.،
وقف ومد يده لها وابتسم : اتمنى لك كل التوفيق.،
غزل مدت يدها وسلمت عليه : شكرا دكتور.،
طلع الدكتور ياسر من هنا.،
وغزل رمت نفسها على المخده وصارت تبكي.،
.،

بـــــــيـــــــــــــت أبــــــــــو مــحـمــــــــــــــد.~
سلطان : اخيراَ سميناها الحمدلله.،
عبير : هههههه.،
سلطان : ياهلا والله بأم وجد.،
عبير تبتسم .،
سلطان : تصدقين أني مشتاق لك.،
عبير : باقي 39 يوم.،
سلطان : لا ياشيخه أنتِ الأيام ماتنقص عندك.،
عبير : هههههههههههه.،
سلطان : لك يومين تقولين 39 يوم.،
عبير : مو اليوم سويتها يعني من اليوم عد 40 يوم.،
سلطان : اتوقع الانفاس أنتِ مو بنتك.،
عبير عضت شافيفها استحب منه.،
ورحمها دخلت امها ومعها العنود.،
سلطان : ابشرك ياعمه اخيرا ثبتنا الاسم.،
حصه : ههههه مبارك مع انه مو بذاك الزود.،
سلطان : افاا.،
العنود : بجد سميتوها خلاص ولا قلتوا كل ماسألنا قلتوا ماحددنا مافي ببالنا.،
عبير تمد لها لسانها : تستاهلين ماقلنا غير لماما وخالتي واريج.،
العنود : مالت عاد وش الاسم الخرافي.،
سلطان : وجد.،
العنود : ومن زرع حصد.،
عبير تشيل المخده بترميها.
والعنود تجري على برا كانت بطيح بالمفرشه.،
عبير : احسسن.،
العنود : هههههههه ماطحت يام حصد.،
عبير طالع بسلطان : سلطان ماجبتها ويتريقون علي.،
سلطان : ههههههههههههه مع الحماس وش ماجبتها والي بسرير مين؟!.،
عبير : يووه قصدي يعني ماصار للأسم دقيقه وتريقوا.،
سلطان : هههههههههههههه مو عاجبك خلاص هذا اهم شي.،
.،

مســــاع ـــــــــــد وروان.،
بـســيـــــــــارة.،
مساعد : بتروحون لخالتك أم خالد؟!.،
روان : ايه.،
مساعد : طب خلاص انا اوصلكم.،
روان : لا مساعد تعرف ماما لو معك عادي.. تستحي.،
مساعد : ايه بس كيف بتروحون وسواق خالتي مسافر؟!.،
روان : اكيد خالتي ترسل سواقها ياخذنا.،
مساعد : الحين المشوار ذا كله عشان ماوصلك.،
روان : لا حبيبي مو كذا بس عشان مابي اخلي ماما تنحرج منك ولا ابي تتفشل.،
مساعد يبتسم : تمون أم الغاليه لو فشلتنا وبعدين ان شاء الله بترضى زوجك يعرف يقنع.،
روان : هههههههه اوكي.،
مساعد : وبعدين فرصه اسلم على خالتك وخالد.،
روان الله يسستر.،
.،

ع ــــــــــنـــــــــــــد غـــــــــــزل بالمــسـتـــشـــفـــــى.،
دق الباب ودخل عمها وأبوها.،
كانت واقفه بتروح تجلس على الكنبه.،
شافتهم وهم داخلين بينهم اقل من متر.،
سعود: السلام عليكم.،
غزل وعيونها معقله بأبوها.،
امتلت عيونها بدموع.،
أقل من دقيقه.،
وراحت له،
حضنته وصارت تبكي : وحشتني يالغالي اعذرني قصرت فيك ااااه يايبا محتاجتك والله محتاجتك.،
فهد وهو حاضنها يبوس راسها : الحمدلله والشكر لله الحمدلله..الحمدلله يابينيتي الحمدلله.،
غزل تحضنه وترفع نفسها تبوس جبينه وتبكي.،
فهد يمسح دموعها ويبتسم : واخيرا وانا بوك الحمدلله.،
سعود: احم احم لنا الله.،
غزل ابتسمت وسلمت على عمها : اعذرني عمي.،
سعود: الحمدلله على سلامتك.،
غزل : الله يسلمك.،
جلس ابوها وعمها على الكنب.،
وهي جلست على السرير من غير ماتنسدح جالسه على طرف السرير.،
فهد يبتسم لها وهو يشوفها قدامه مو مصدق نفسه.،
سعود: غزل في شي يألمك؟!.،
غزل : لا الحمدلله بس بطلع.،
سعود : ههههههه لا انا كذا تأكدت انك تذكرتي على طول بطلع.،
غزل تبتسم بدون نفس : ايه عمي تكفى بطلع تعبت من المستشفى اضن الفتره الي فاتت عشت هنا.،
سعود : يصير خير ان شاء الله نشوف.،
غزل برجاء لأبوها : بابا الله يخليك.،
فهد يبتسم : بشرط تروحين معي تنورين بيتك انا مشتاق لك.،
غزل عيونها طارت : وانا وين بروح الا معك انا لي مكان غيره اصلا؟!.،
سعود وفهد طالعوا ابعضهم خافوا ان غزل تكون ماتذكرت كل شي.،
.،

بــــــيـــــــــــت أم روان.،
مساعد : والله ياخالتي لا كلافه ولا شي.،
الأم : لا ياولدي انا كلمتها ترسل السواق.،
مساعد : وانا خلفت ماموصلكم غيري وبعدين عادي كلميها تقوله يرجع.،
الأم انحرجت : اشوفها الحين.،
دخلت الأم قدامه تكلم السواق وهي بالحقيقه كانت كذبه.،
"روان من زمان ماقالت لـ مساعد انها رايحه بيت خالتها ولا مع بنات خالتها فاليوم كانت بتروح عند امها تجلس عندها وعلى اساس انها بتروح مع امها لبيت خالتها بالكذب قدام مساعد ولا خالتهم علاقتهم معاها مره سيئــه اما الحين فضطرت الأم تروح وتتصل على أم خالد وتاخذ موعد منها ويروحون لها.،
مساعد بعد مادخلت : خايفه علي اتفشل ها؟!.،:وابتسم وهو يتأملها بحب.،
روان الي وجهها صار اصفر مافيها لتجريح ودق بالكلام : مدري كيف رضت.،
مساعد يقرب منها ويبوس خدها : حبيبتي انا مساعد.،
روان الي خجلت : مساعد وش فيك؟!.،
مساعد : ههههه يافديت الي وجهه يحمر.،
جات الأم ومعها عباتها.،
ومساعد ابتسم : ياهلااا والله بتنور السياره يايمه والله.،
الأم ابتسمت بطيب : منوره باصحابها ياولدي.،
.،

أمــا شهد وخالد الي راحوا المستشفى وقابلوا الدكتور ياسر وقلهم عن غزل وأن مو من الحالات المستعصيه الي تحتاج دكتور نفسي او ممكن تدخل باكتأب او انها تحتاج مصح نفسيه كلها ضغوط نفسيه وهي تقدر تواجهها بنفسها وأن المعلومات الي اخذها منهم كان عشان يساعد غزل بروجوع ذاكرتها بلس علاج نفسي لحالة غزل.،
ووقتها طلعوا من المستشفى لأنهم توقعوا نفس الشي عمهم ماراح يرضى مادروا بتغيرات.،
وخالد ودا شهد لبيـت عمه أبو محمد عشان تجلس مع عبير والبنات.،
.،

بـــــــــالـمـســتـــشـــفـــــــــى~.
فهد : يعني؟!.،
سعود : ياسر قصده ان المفروض من اول غزل مافقدت الذاكره كان المفروض تتابع مع الدكتور ياسر مو عشان فيها حاله نفسيه لا لأنه كان راح يساعدها تذكر مع غير ماتتأزم نفسياَ وتضايق زي ماصار فيها قبل وان الحين غزل من اول مره دخل عندها كان بمرحله رجوع الذاكره فوجوده معاها ماله أي فايده.،
فهد : انا خايف عليها تنصدم مو خايف من رجوع ذاكرتها؟!.،
سعود : والله ياخوك انا مثلك كنت خايف من ذا الشي ويوم دخلت وشفت غزل تضحك وعادي قلت اشوا الحمدلله بس كلمتها الاخيره خوفتني حسيت انها ماتذكرت شي بس دكتور ياسر يقول ان غزل اصلا ماتتكلم معاه من اول مره جلس معاها كلامها معاه مبهم وهو شايف انه وجوده معاها بذي الفتره راح يكون بس عشان نطمن وحرص زايد مننا ولا هي تقدر تعديها بنفسها.،
فهد : ان شاء الله يارب.،
سعود : ربك كريم.،
.،

ع ـــنـــــــد غ ــــــــــــزل.،
جاتها الممرضه لمت لها كل اغراضها وملابسها.،
وهي جالسه على السرير.،
في بداخلها شي ينزف مجروح.،
تحس بضياع والشتات بس مهي قادره تتكلم ولا تقول شي.،
مهي عارفه كيف جابت القوه قدام ابوها وعمها وقدام الدكتور ياسر.،
مقهوره على ضعفها وبكاها قدامه.،
تبي تطلع من المستشفى والمكان الي هو فيه.،
وتجلس مع نفسها تفكر وترتب نفسها تعرف وش بتسوي؟!.
وتفهم حياتها الي تحسها مابين الحقيقه والخيال.،
بين الصدق والكذب.،
من كثر مهي مصدومه بالي صار تحسه تخاريف واحلام وتخيلات بعقلها.،
دخل ابوها : ها يابوك جاهزه؟!.،
غزل توقف كانت جالسه على السرير : ايه.،
فهد يمسك يدها ويبتسم : توكلنا على الله.،
غزل غطت وجهها.،
وطلعت من الغرفة معه.،
ركبت المصعد مع ابوها وهي فرحانه انها ماشافته.،
ارتاحت.،
كان توه جاي المستشفى جايب لها معه اغراض من البيت.،
هم مصدعين جمب بعض كان واقف قدام والمصدعه الثاني.،
يوم شاف المصعد الأول فتح راح له بيدخل الا شاف عمه وجمبه غزل بيطلعون.،
مشعل انصدم عينه على غزل.،
مشعل : هلااا عمي.،
وسلم عليه.،
فهد ترك يد غزل : هلا والله ياولدي وش اخبارك؟!.،
مشعل : الحمدلله انت طمني عنك.،
فهد : الحمدلله بألف خير مزول غزل بخير.،
مشعل يطالع بغزل : خير وين التساهيل؟!.،
فهد يطالع فيه ويبتسم : سلامتك مشتاق لغـزال الفهد وودي بجلستها.،
مشعـل وده يكلمها بس مو قادر : اهاا ربي يسهل.،
فهد : يلا فمان الله.،
مشعل نظره بين عمه وبين غزل: ياهلا.،
كان فهد متقدم غزل لأنه سلم على مشعل وبعد ماودع مشعل مشي قبل غزل تلحقه.،
مشعل بس قرب يده بيمسك كفها مالمست اصباعه كفها الا نفضتها.،
مشعل بهمس : ابي نجلس ونتكلم مع بعض.،
غزل الي واقف قدامها رجعت على وراء خطوتين تحس نفسها مو قادره توقف خايفه تطيح وتجلس بالمكان ذا اخذت نفسها ومشيت من قدامه بس بينها وبينه مسافه كبيره.،
لحقت ابوها ومشيت معه.،
يوم ركبت السياره.،
لاحظ تنسفها السريع.،
ورجفت جسمها.،
فهد : غزل وش فيك؟!.،
غزل تقاوم بكاها : و..و..لا شي.،
فهد يحط يده على كتفها : في شي يألمك يابوك؟!.،
غزل بداخلها أي جرحكم لي يابوي يألمني خليتني شبه ميته يابوي وتقول يألمك حركت راسها بمعنى لا.،
تبي تصرخ وتملا الكون بصراختها تحس راسها مليان بأفكار واحداث.،
ذكرياتها بسياره ذي مع ابوها.،
ايام المدرسه وطلعاتها مع ابوها.،
طول الطريق تحس نفسها تختنق.،
ماتبي تشوف ولا احد لا خالد ولا شهد ولا احد.،
فيها شي مكسور.،
في احد قدر ينتصر عليها.،
ومهي عارفه كيف تردها.،
حاسته انهاها.،
حقق كل الي يتمناه وهي مابيدها شي.،
وصــلــوا البيت.،

غ ـــــــــــــزالـــــــــــــــك.]~

لو قلت لك مابيك قلي أح ـبـــك]..~

25 - 10 - 2024, 09:05 AM

الــبــــــــــــارت الـــ101

تصويري.،

بـــــيـــــــــت خـــــــــالة روان.،
نزلت الأم وروان.،
ومساعد قال لروان تاخذ له طريق بيسلم على خالتها وخالد لو موجود.،
دخل المجلس واستقبله خالد.،
وسلم على خالتها.،
وتقهوى على الماشي وطلع.،
وتورطت روان بالجلسه عند خالتها^^.،
.،

بـــــــيـــــــــــــت فـــــــــهـــــــــــد.،
فهد يوقف السياره : نورتي البيت يابنت فهد.،
غزل خلاص دخلوا الفله ومافي احد نزلت المسفع (الطرحه) عن وجهها ابتسمت ابتسامه مجامله لبوها.،
نزلت من السياره تمشي مع ابوها بيدخلون البيت مهي سامعه وش يقول.،

خلاص تحس نفسها تنخنق الجو يخنقها مهي قادره تاخذ نفسها براحه.،
تذكر يوم اعترف لها بحبوا.،
حضنها من وراء.،
وكيف صرخت وبعدت عنــه وبعصبيه : انت مجنووووووون قليل أدب
كيف يبتسم : ياقلبي ليش عصبتي (ويقرب منهاا و ترجع على وراء من الخوف لغايـة ماصـار ضهرها على جدر الحوش وهو قدامهـا )
خافت منه : اااا ..اا..بـ ...ع.....د عنــ...ي
: ليش خـايفة ؟؟
كيف كانت قـادرة تتكلم من الخوف : يا ... مجـ..نـو...ن اا بـعد
حاولت تدفه بيدها بس مسك يدهـا
قرب منها وباس خدهــا
: يامتخلف
.،

اتذكرت.،
وهي متجوزه مشعل وطالعين من بيت ابوها.،
: مابتقولي وش قلت لك يوم سألتني احبك؟!.،
مشعل يبتسم ويطالع بالجدر الي عندوا اعترف لها بالحب : قلتي وانا اموت فيك.،
غزل بخجل وابتسامه : مش مش قول الصدق.،
مشعل لف لها ومسوي متعجب : ليه مو الصدق انك تموتين فيني!.،
غزل ارخت نظرها وتفتح باب السياره بتركب.،
.،

فهد : نورتي البيت يالغزال.، (التفت لها).،
كانت تمشي وراه بس مو عارفه وش يقول ولا مركزه معه حاصرتها ذكريات وجروح والآااام.،
فهد يحط يده على كتفها : وش الي مضايقك يابوك؟!.،
غزل ببتسامة حزن وتاخذ نفسها : ولا شي يالغالي.،
فهد : اطلعي غيري وتعالي المطبخ اجلسي على الكرسي زي الاميره وانا بسوي لك العشاء.،
غزل تبوس يده الي على كتفها : اعذرني يالغالي بطلع وانام تعبانه.،
فهد باس راسها : عساها نومة عافيه وراحه يابوك.،
.،

بـــــــــــيــــــــــــــــــت شـــــــــــهــــــــــد الـــ خ ـــــــالـــــــــد~
شهد : ايه طيب ليش من البدايه اخذ معلومات عن غزل؟!.،
خالد : هو قبل لا يدخل عند غزل طلب يشوفنا بس حنا يوم رحنا كيد دخل عندها مره وحده.،
شهد : يعني الحين ليه بطل؟!.،
خالد : وشو بطل هو شاي فان غزل الحين تسترجع ذاكرتها مع نفسها ماتحتاج احد يساعدها هي تدريجيا بتذكر وانو المفروض هو كان معها اول مافقدت الذاكره.،
شهد : طيب وليه ماكان معها.،
خالد يتنهد : لان مشعل كان رافض وكان ناوي هو يساعد غزل تذكر ويقولها كل شي.،
شهد : اهااا..الله يستر.،
خالد : لا ان شاء الله خير عمي قال انه كان خايف على غزل من الصدمه بس الدكتور ياسر قاله ان غزل قبل تفقد الذاكره وهي متجوزه احمد الي صار بمرحلة فقد الذاكره طلاقها من احمد وزواجها بمشعل هو صعب بس هي بنفسها تقدر تتجاوزه وخصوصا ان شخصية غزل قوية يعني لو ادخل الدكتور ياسر بيكون لخوفنا احنا عليها ولا هي ان شاء الله بتعديها من غير ماتتعرض لصدمة او شي.،
شهد : يعني لازم تجيها صدمه عشان يرضى يعالجها ويكون معها.،
خالد : لا بس لأن اصلا غزل رافضة الدكتور ياسر ومو حابه تتكلم ومثل ماقلتلك هو شايف انها تقدر ان شاء الله تتجاوز الصدمة ذي لأن الي صار بفقدانها زواجها من مشعل.،
شهد: انت مستوعب تكون متزوج احد وفجأه تكون متزوج غيره ؟!.
خالد : عارف الله يعين ويسهلها على الكل.،
شهد : امين يارب طيب هو ماقال لك هي وش تذكرت يعني متذكره كل شي؟!.،
خالد : ياسر نفسي وقلت لك يقول تدريجيا ان شاء الله بتذكر بس عمي يقول أنه فقدان الذاكره مو لكل البشر نفس الشي واصلا هذا الشي تحت علم الغيب ورحمة ربي يعني ممكن تذكر بس حياتها قبل والي فاقده الذاكره ولا تذكره وممكن تذكر المرحلتين
ولا تنسين ممكن تذكر بس مرحلة فقد وحده.،
شهد : خير دكتور ومايعرف؟!.،
خالد : شهد كل شي تحت حكمة ومشيئة الله يعني الدكاترة مايمشون على قاعده لكل مرضى في ناس كذا وناس كذا.،
.،

دخلت غرفتها.،
فتحت النور.،
كانوا الشغالات مرتبينها ومنظفينها.،
كان المكان بالنسبه لها كأنوا شريط تدخله ويشتغل بخيالها ذكريات واحداث.،
فصخت عباتها ورمتها على كرسي التسريحه.،
جلست على طرف السرير وججها مقابل باب الغرفه والدولاب.،
عيونها تدور بالغرفه.،
مشعل : انـا مـاأحبك !!!
تجلس على السريـر : كيف انت.شتقول فهمني انت صاحي .. مستحيل انت شارب شئ وكلامك والحب الصادق اللي اشوفة بعيونك وجرأتك..واتصالك!!.. وخوفك علي ...
مشعل : كلـوا تمثيـل ....
تصرخ فيه : تمثيــل ليــه ؟؟ انت انجنيـــت !!..
تذكر سخريته وسرعته بالكلام الي شتتها واذهلتها : كان كلـوا تمثيل كنت ابغى اكسر غرورك ولا انـا مااحبك مااحس تجاهك أي مشــاعـر كنت بكســر الغرور اللي بعيونك وخشمك .. كنت بيين لك اني اقدر اخليك تحبيني......
كانت دموعهـا تنــزل ومصدومة مو مصدقة لا حلم لا انا راح اصحى مو هـذا مشعل لالا مستحيل :......
مشعل لاحظ سكوتهـا ظن الخط قطـع : ألو ... ألو
غزل دموعهـا تنزل وتحاول تخفي شهقاتهــا :..................
: حبيبتي ... حبيبتي ..
تذكرت غباءها ويوم ردت عليه: نــ..عـ ...م
انهارت تبكي وجلست على الأرض تبكي وماسكه بطرف مفرش السرير.،
اااااااااااه حيوووان اكرررهك حيوووووان
تسمعها تتردد : هههه انا كنت انادي زوجتـي ...
: هههه انا كنت انادي زوجتـي ...
: هههه انا كنت انادي زوجتـي ...
: هههه انا كنت انادي زوجتـي ...
ياحقير ياحقييييرررررر اكرررهك اااااااااه ياربي

غزل : ...............
مشعل بصوت خفيف جدا وينسمع بصعوبةويربكها اكثير: تحبيني ؟؟!!
حركت راسها بالايجاب.،
بكييييت اكــثــــــــر وصارت تضرب راسها بمرتبه السرير.،
تبكي على غباءها وكيف هزت راسها قدامه كأنها بسه.،
على سذاجتها.،
وهبلها قدامه.،
كيف قدر يضحك عليها يكسر غرورها.،
كيف استسلمت له.،
وتشهق وتحاول تاخذ نفسها : انا الغبييييه انا الغبييييه اااااه يارب ارحمني ياااااااارب اااااه الله ياخذك الله ياخذك.،
كانت اسيرة ذكرياتها.،
محد كان مقدر المها.،
كانت تحس بالإهانه.،
كيف استغلها واتجوزها.،
كيف ماخلى لها أي قرار.،
وهو مسوي فيها كل ذا قبل.،
حاسه بألم بضياع بقهر بذل.،
.،

بـــــــيـــــــــــــــــت ع ـــــبـــــــد الـ ع ـــزيـــــــز الأريـــــــــــج.،
خوف عبد العزيز أن اريج تضايق بعد ماراح نايف او انها ترجع لحالتها ويفقد الاستقرار الي هو فيه خلاه يهتم فيها اكثر.،
وخوف اريج أن عبد العزيز يتعود على الجو الاسري ويفقد نايف خلاها تعتني فيه اكثر.،
أريج : هو الله يهديه غلط المفروض انتظر لين ترجع لها الذاكره وبعدين تزوجوا.،
عبد العزيز يبتسم لها وبنظرات حب : يحب وش يسوي؟!.،
اريج ابتسمت وبخجل : يعني لو كنت مكانه بتسوي كذا؟!.،
عبد العزيز يقرب منها وهم جالسين على الكنبه : ويمكن اكثر.،
اريج :هههههههه يمه منكم عايله متهوره.،
عبد العزيز : منك انتِ الي مجننتني.،
أريج : ههههه..مدري اليوم كيف بيكون مع غزل خايفه تضايق مننا ا تتحسس..،
عبد العزيز : هو عمي الله يهديه الي بيسوي سلامتها اليوم.،
اريج : المفروض طلعها صدقه.،
عبد العزيز : هي اضنها كذا لأن خالد وسلطان سمعتهم يقولون بيروحون يشترون خرفان ويذبحونها ويوزعونها وفي ذبيحة بالبيت.،
أريج : اهااا..مشعل متأثر؟!.،
عبد العزيز : انتِ عارفه مشعل مايتكلم ولا يبين بس انه من يومها وهو بالمستشفى ماطلع واخلاقه براس خ ـشمه.،
اريج : الله يفرج عليهم يارب.،
.،

بـــــــيـــــــــــــــــت فــــــــــــــهـــــــــــــد.،
غزل صحيت من نوم لقيت نفسها نايمه على الارض جمب السرير.،
قامت دخلت الحمام بتتروش.،
فتحت الدولاب شافت هدومها.،
اتذكرت يوم كانت معتمده على مشعل بكل شي وتسأله وش تلبس وانها مو عارفه.،
اخذت منشفتها ودخلت الحمام اكرمكم الله.،
طالعت الرف الي تحط عليه الجوال تخاف مشعل يتصل.،
اتذكرت قرصة مشعل لها قبل لا يسافر وكيف امرت بجسمها.،
جلست على طرف البانيو.،
تحس مافي شي مريحها لا انها تطلق منوا ولا انها تسبه ولا تجلس تبكي.،
تحس بألم منه.،
بطعنه.،
الجو تحسه مكتوم.،
ريحة كل شي حولها غريبه.،
مهي مرتاحه.،
قامت تروشت.،
وخلصت .،
نزلت تحت.،
لقيت ابوها بصاله ابتسم : ياهلاااا ياهلااا والله تو ماكتمل نهاري.،
غزل ابتسمت ودخلت الصاله وسلمت عليه.،
جلست جمبه.،
فهد : لو انك قدمتي 5 دقايق؟!.،
غزل : ليه؟!.،
فهد : مشعل كان هنا.،
غزل بنرفزه : وانا وش لي فيه؟!.،
فهد بحنان وتفهم : غزل أنتِ متذكره كل شي ولا حاسه في شي ناسيته.،
غزل بتغير السالفه : متى صحيت ماحسيت عليك؟!.،
فهد ابتسم : صحيت الصباح ورحت الشركه.،
غزل : اها.،
فهد : تجهزي اليوم الكل بعد المغرب بيتجمع هنا حتى جدتك بتجي.،
غزل خافت : ليه؟!.،
فهد : انا عازم الكل على سلامتك.،
غزل مالها نفس تشوف احد بس وش تقول وجات على اهلها تشوفهم سوا فيها اقوا واصلا لو قالت له بيعتذر الحين صعب قامت.،
فهد : خلك جالسه معي.،
غزل : بنام شوي.،
.،

بــــــــيـــــــــــت شــــــــهــــــــد الـ خ ــــــــالــــد.،
على طاولة الطــ ع ــام.،
شهد : لا بروح قبل الكل بجلس معها بموت عليها خالد والله ماصدقت تذكرت.،
خالد : طيب اوديك بس شوي.،
شهد : تدري استغربت توقعت بتتصل علي وبدورني.،
خالد : ابوي يقول أنها بس تبي تنام من جات.،
شهد تقوم عن طاولة الطعام : يلا قوم خلاص خلنا نروح.،
.،

ع ــــــــــنـــــــــــد مــــشـــــــــ ع ـــــــــــل.~
الـســـــــاع ـــــه 4ونص العصر.،
طلع من عند عمه متضايق وراح على البحر (السقالات _ السقاله).،
كل الي قاله له عمه انه مايدري اذا غزل متذكرة كل شي او لا.،
وقله موقف الي صار معهم بالمستشفى وخلاهم يستغربون<~ يوم قالت انها بتروح مع ابوها ومالها مكان ثاني.،
كل ذا ماهم مشعل.،
مشعل عارف غزل.،
مو قادر ينسى نظرتها له وهي بالغرفه.،
فقد السيطرة عليها وانه يقدر يملكها.،
خايف من المرحله الي بعد كذا.،
واقف بسقاله .،
وماسك بيدينه الحديد حقها.،
تنهد : اااااااااه وش النهاية معك يالغزل؟!.،

كل ما وصلت اخرك يطلعلي اولك
ليت مافي خاطري شوق وحروق
ماكان حسيت ان انا بس من كلك
الشوق ماهو رعشه وقبضة عروق
وماهو اللي من شينك فعينك يجملك
وماهو شعور ياخالق الروح برفوق
وماهو سحر ولا ادري والله شقول الك
انا سحابة حلم وتطير بك فوووق
وتطير ولا ودك انها تنزلك
الشوق هذا .. والا انا شوقي البوق
ماقد حصل في شوق هذي ولا تلك
تدري وش اسوي ليا اضناني الشوق؟؟
اسوي بعيوني كذا واتخيلك
واقربك واتوق واتوق واتوق
واكثرك واحلف ماعاد اقللك
واصورك في الموق وتكبر على الموق
وتطيح مع دمعي على ايدي واقبلك
هذا غلاي اللي مع الدم مدقوق
وقولا عاد تسأل عن شعوري وازعلك
محبة ماهيب من طارف السوق
لو انك توكل.. كان والله أكلك.،
جيتك حقوق ورحت ماعندي حقوق
وان قلت ما احبك ابجحد مواصلك
احبك .. الا يا بري حالي وعوق
من كثر ما احبك اخاف اني أقتلك.،

0

25 - 10 - 2024, 09:06 AM

الــــــبــــــــــــــارت الـ 102

دخلت الغرفه.،
ماودها تقابل احد تحس ماتأهلت نفسيا انها تقابلهم تبي تكون مع نفسها.،
وقفت قدام التسريحه طالع بنفسها بالمرايه وترجع اطالع بغراضها.،
فتحت الدولاب بتختار لها ملابس.،
بس حست بألم ببطنها.،
جلست على السرير وهي ماسكه بطنها بتذمـر : يعني بيجلس لمى هالنزيف.،
جلست شوي لين خف الألم..
ورجعت قامت لدولاب.،
طلعت لها بنطلون جينز كحلي سكيني.،
وبلوزه فوشي عريانه كم في وكم مافي.،
البلوزة شفافه لازم بدي تحتها.،
رمتها على السرير.،
وجلست على كرسي التسريحه.،
ألم..تعذيب..جرح.،
وفوق ذا كله محد راحمها.،
يبونها ترجع وتكون عادي ويمشون الحياه.،
.،

بــــــــــيـــــــــــــــت ســـــــــ ع ــــــــــود.،
عبير تكلم سلطان على التلفون.،
سلطان : بس اروح اسلم على عمي واتحمد له بسلامة غزل واجيك.،
عبير : ايه حسبتك بتسوي زيهم كلهم بيروحون ويخلوني.،
سلطان : انا ماصدقت انك بتكونين بروحك تقولين اخليك.،
عبير : ههههههههه وينك الحين؟!.،
سلطان : توي راجع البيت.،
عبير : بتنام؟!.،
سلطان : ايه بنام لي ساعتين امس مانمت زين.،
عبير : اوك حبيبي نوم العوافي يوم تصحى كلمني.،
سلطان : الله يعافيك اكيد ياقلبي.،
.،

بـــــــــيـــــــــــــــت فـــــــــــهــــــــــــــد~.
ع ـــنــــــــد غ ــــــــــــزل.،
استشورت شعرها.،
وحطت كحل وروج وردي.،
اتعطرت .،
وجرحت نفسها بريحة العطر.،
يمر قدام عينها كيف كان يتغزل فيها وبريحتها.،
كيف يهمس لها : يابخت العطر وهو ملامسك.،
.،

جلست على الكرسي تتأمل نفسها بالمرايه حقت التسريحه.،
رجعت شعرها على وراء.،
امتلت عيونها بدموع.،
مهي قادره تتماسك ولا تقوي نفسها.،
مهي عارفه حل ولا لاااقيه احد معها.،
نزلت دموعها.،
تحاول تقوي نفسها وتمسحها بس مهي قادره كل ماتمسح دمعه تذكر الف ذكرى وتبكي اكثر.،
دق الباب.،
غزل تاخذ نفسها وتحاول تعدل صوتها : من؟!.،
تينا : ئــزل بابا يقول انزل تحت يلا.،
غزل : طيب نازله.،
اخذت منديل ومسحت الكحل الي نزل من بكاها.،
وعدلت شكلها.،
ونزلت.،
توقعت ابوها بيجلس معها.،
ماتوقعت بتلقى عنده أحد.،
.،

شـــــــــــــــهــــــــــــد وخ ــــــــــالـــد.،
تمنت من اول مادخلت تجري عليها وتكلمها وتحضنها وتبكي وتضحك معها.،
تمنت تشكي لها وتحكيها كيف حياتها من دونها.،
بس استحت من عمها اول مادخلت.،
وكيف قال الحين اخلي الخدامه تصحيها.،
ماتدري ليه قبل عادي تقول لا انا اصحيها وتروح لها ولا يهمها احد.،
بس الحين بعد المشكله الي صارت ماتقدر تسوي كل شي مثل ماتبي.،
اول ماشافتها نازله من الدرج ماقدرت تقاوم اكثر جرت لها وحضنتها وهي تبكي.،
غزل الي انصدمت ماتوقعت تشوفها الحين.،
ماتحملت شكلها وهي تجري عليها وتبكي وكيف حاضنتها تحس انهم بيطيحون من على الدرج.،
صارت تبكي.،
شهد حاضنتها : وحشتيني غزل والله وحشتيني ايامي مرت من غيرك مالها طعم كان ودي تكونين جمبي وحشتيني.،
غزل مهي قادره ترد عليها بس دموعها تنزل وهي حاضنتها.،
ماقدرت ماتحضنها حضنتها بكل قوتها.،
لمى بعدت عنها
شهد تمسح دموعها وتبتسم وهي واقفه على درجة الـي تحت الي غزل واقفه عليها : اشتقت لك والله اشتقت لك.،
غزل طالع بعيونها كيف قدرتي ياشهد كيف نزلت دموعها اكثر وهي طالع بعيون شهد ونزلت على تحت وتركتها.،
شهد فهمتها وعرفت كل الي تبي تقوله.،
نظرات غزل لها جرحتها ماتبيها تبي تفهمها.،
بثواني الي غزل تنزل فيها الـ 6 درجات الباقيه.،
شهد تحسها ساعات تبي تنزل وتجلس معاها بس ماتبي خالد عمها.،
غزل انتبهت لخالد الي واقف لها ويبتسم.،
باين على وجهه فرحة شوفها وحبه لها.،
غزل اول مادخلت الصاله وشافته وقفت.،
خالد الي ابتسم وقرب منها : الحمدلله على السلامه ياعمر اخوك (باس راسها).،
وحضنها.،
اول مابعد عنها بيكلمها الا غزل بعدت وجلست على الكنبه.،
استغرب خالد من ردة فعلها ومافهمها عكس شهد الي فهمتها.،
شهد الي تحس الدنيا قفلت بوجهها كانت تتمنى اليوم الي ترجع فيه ذاكرة غزل بس الحين ابدا مو زي ماتوقعت.،
نزلت وهي مضايقه وجلست معهم وعينها على غزل.،
شهد جلست ساكته مهي عارفه وش تقول.،
وغزل ماتبي تطالع فيهم.،
خالد يطالع فيها : واخيراااا.،
غزل : ................
فهد : غزل فيك شي؟!.،
غزل : لا بس دايخه.،
خالد : الحمدلله سمعنا الصوت.،
غزل : ...............
خالد : يعني تغلي؟!.،
غزل طالعت فيه :..............
خالد : الله وكبر يوم ناظر عز الله اني من نظرته رحت وطي.،
غزل ابتسمت :.................
خالد قام وجلس جمبها مسك يدها : واخيراا ابتسمتي وش فيها الدلوعه؟!.
غزل سحبت يدها بهدوء : مافيني شي.،
خالد مستغرب منها ولا يدري وش فيها.،
غزل ودها تصرخ فيهم تلومهم تعاتبهم.،
مجروحه منهم.،
فهد الي جلس معهم شوي وبعدها راح هو وخالد لصلاة المغرب.،
وغزل يوم قام ابوها قامت معه عشان ماتبي تجلس مع شهد.،
طلعت غرفتها.،
وجلست على السرير.،
بمعنى الكلمه كانت تايهه.،
ضايعه.،
.،

بالــمـــســـتـــــشــــــفـــــــــــــــى/~.
عبد العزيز : خلاص اشوفك اليوم إن شاء الله.،
مشعل مستغرب : ليه خير؟!.،
عبد العزيز : ليه منت رايح سلامة غزل؟!.،
مشعل يلف و يمشي عنه : ماظن عندي شغل.،
.،

ع ــــــــــــنــــــــــد غ ــــــــــــزل.،
انفتح باب غرفتها.،
ودخلت شهد.،
وهي جالسه على السرير.،
غزل مهي قادره تقولها مابي اشوفك ولا قادره تقوى قدامها.،
شهد بجرح : قادره ماطالعيني؟!.،
غزل : .................
شهد عصبت : وش سويت عشان تعامليني كذا؟!.،
غزل :...................
شهد تقرب منها وتوقف قدامها : غزل ماتحمل منك كذا؟!.
غزل كلام شهد يذبحها.،
شهد تجلس قدامها على السرير مسكت كتوفها وتهزها وهي تبكي : أنا شهد ياغزل كيف تقوين انا شهد!.،
غزل تقوم من على السريــر وتمسـح دموعها.،
وبصوت مخنوق : ضايقتك زعلي منك وسلامي عليك الي ماجاء له نص ساعه.،
لفت لها.،
: وماهمك الي صار فيني ورضيتيه علي "طالعت فيها وبلوم" انتِ انتِ ترضين يصير فيني كذا؟ّ!
وأنتِ عارفه كل شي!.لعبتوا فيني؟!ليه ياشهد ليه رضيتي علي كذا وانا اختك ليييه رضيتي له يسوي الي يبيه ليه خليتيه يكسسرني..(انهدت قوتها جلست على الارض وسانده ضهرها على باب الغرفه) ليه ماكنتي أنتِ ذاكرتي لـ..يـ..ه..ساعد..تيه..ليــ...ه مـاقلتــ..ي لـي نواياه..الخبيـ..ث..ليــه..(صارت تبكي وتقول كلام شهد مو فاهمته).،
شهد الي من كلامها صارت تبكي راحت لها وجلست جمبها حضنتها.،
غزل كانت محتاجتها ماقدرت تزعل منها اكثـر صارت تبكي على صدرها بحرقه : اااااااااااااااه اخوك كسرني ..كسرني ياشهد اااااااه والله كسرني ااااااااه..(وتبكي).،
شهد الــي مهي قادره تقولها شي ضامتها وتبكي معها.،
.،
بـــعـــد ســـــــــاع ــــــه.،
غزل منسدحه بسريرها وشهد جالسه جمبها.،
شهد : والله كان مفهمني اني لو قلت لك شي بتتعبين وانا بعد الغيبوبه مره خفت عليك.،
غزل وبللت المخده من دموعها تمسح دموعها.،
شهد : غزل بـ..

الــــــــ غ ـــــــــــــزل.،//

رحتي بدروب مالهـ اصلا عناوين
وانتي مشاويرك من اول قصيره.،
ي طفله وحبت وراحت على وين
عقب الهناء
ذقتي الحياه المريره.،

25 - 10 - 2024, 09:08 AM

البارت الـ 103

بـــعـــد ســـــــــاع ــــــه.،
غزل منسدحه بسريرها وشهد جالسه جمبها.،
شهد : والله كان مفهمني اني لو قلت لك شي بتتعبين وانا بعد الغيبوبه مره خفت عليك.،
غزل وبللت المخده من دموعها تمسح دموعها.،
شهد : غزل بـ..
غزل تاقطعها وتبكي وبصوت كله غصه : انا احبك ومحتاجتك والله.،
شهد تميل عليها وتبوسها وتمسك يدها وبيدها الثانيه تمسح دموعها وتبتسم : والله ايامي من غيرك مالها طعم كنت اتمنى تكونين معي بزواجي وبحملي يوم اضيق ازعل اعصب كانت معي غزل بس مو زي الي الحين غزل والله كم مره حاولت احذرك بطريقه مو مباشره بس انتي كنتي معميه بمشعل.،
غزل وهي منسدحه زادت بكاء وغمضت عيونها والكلمه تترد.،
معميه بمشعل
معمية بمشعل.،
: صح انا كنت معميه فيه صح والله الله ياخذذذذه الله ياخذذه.،
شهد مضايقه من دعاها عليه بس عارفه ان غزل مو بوعيها ولا هي عارفه غزل وش كثر تحب مشعل وبنفس الوقت مو هاين عليها مشعل.،
غزل وهي منسدحه ترجع شعرها على وراء.،
تنهدت.،
ومسحت دموعها.،
سندت ضهرها على السرير .،
رفعت الشرشف عليها وماسكه المنديل تلعب فيه بعشوائيه : مو طايقه اشوف احد.،
شهد : ...............
غزل حطت يدها على بطنها وابتسمت : متحمسه اشوفه.،
شهد امتلت عيونها دموع : زعلانه مني؟!.،
غزل نزلت دموعها وحضنتها : انا مجروحه ياشهد انا مكسوره مشعل هدني كسر شي جوايا قدر عليا قدر يكسرني.،
شهد تشد عليها : والله ياغزل ماكان بيدي شي وخفت اقولك تتعبين.،
غزل ترجع تسند ظهرها تمسح دموعها الي كل مامسحت دمعه تنزل اكثر : ياليت اتعب جسديا ولا يكرسني من جوا يالييييت.،
شهد مو عارفه وش تقول لها ولا كيف تقويها.،
غزل : هه ولا احد حاس خلاص رجعت لك الذاكره يلا قابلي الكل وكوني عادي ولا احد حاس وش سواء فيني لو اني كلبه قدامهم حسوا فيها يبوني اكون عاديه وارجع غزل كييييف كيييييف ارجع وهم كسروني هم تحكموا بحياتي.،
شهد تقرب منها : والله مو عارفه شقول لك. بس والله حاسه فيك وانا كم مره حاولت المح لك بس خفت عليك.،
غزل بعصبيه وتبكي : ماقلت الذنب عليك همممم همم الي لعبوا فيني هم الي سو فيني كذا وهو الحقيررر الي استغل الفرصصصصه اكررررهه.،
بذا الوقت خالد كان توه جاي مالقيهم بصاله طلع الغرفه جاء بيدق الباب بس سمع بكاء غزل وصوتها العالي وفتح الباب.،
خالد شافها على السرير وتبكي وشهد جمبها مو عارفه وش تسوي.،
خالد دخل : بسم الله وش صاير وش فيك؟!.،
يطالع بشهد : وش فيها؟!.،
غزل تبكي بحرقه وترفع راسها له وهو واقف جمب السرير جمبها.،
: خالد اطلع ماااااابي اشوووفك اطللللللللع ياخووووي ياعزوتي ياسسسسندي اطططططططلع مااااابيك.،
خالد وهي تسبه يقاطعها بس غزل تسبه ماتبي تسمع له : بسم الله عليك غزل وش صار وش فيك؟!.،
غزل تبكي : تقووووول وش فيني وانت مسوي فيني كذاااا اطللللع مابي اشوفك اططططططلع.،
خالد جاء بيجلس بيمسكها بس غزل دفته.،
ورمت عليه علبة المناديل الي جمبها : اطللللع اطللللللللللللع .،
شهد تحضنها : غزل حبيبي.،
غزل حطت راسها على صدر شهد وصارت تبكي : تعبااااااااانه ااااااه تعبااااااانه ياشهد..دمروني.،
خالد الي شهد اشرت له براسها يطلع.،
وطلع.،
جلس بصاله الي فوق.،
وهو مستغرب على غزل تصرفها من يوم ماستقبلته تحت.،
بس الحين استغرب اكثر وش معنى كلامها؟!.،
وش سويت فيها.،
.،

بـــــــيــــــــــــــت ســــــــــ ع ــــــــــود.،
أريج : ههههههههه الي يشوفك يقول بتجيبن مين؟!.،تراه زوجك.،
عبير : ايه يوم تروحون اقوله يجي.،
اريج : طيب خلاص حنا رايحين على مايجيك.،
عبير : اوك الحين اتصل..رضعتي وجد؟!.،
اريج : ايه انا مدري كيف يوم تروحين بيتك وش بيصير فيك؟!.،
عبير: ههههههه من الحماس كلامك مو مرتب مدري كيف وش بيصير هههههه.،
اريج : ماقول غير مالت اقو لترا الي تولد عادي تقوم قومي تحركي يابطه شوفي بنتك لا عبيها تحركي مو كل شي علي انا وامي .،
عبير : خليني ادلع لا حقه يوم اروح البيت وانكرف..متى بيجيك عبد العزيز؟!.،
اريج : لا بروح مع امي عبد العزيز بيطلع من المستشفى على بيت عمي قلت له اجي مع امي .،
عبير : اهاا.،
.،

بـــــــيـــــــــــــت فـــــــــهـــــــد.،
غزل قامت وغسلت وجهها واقفه عند الدولاب طلع شي تلبسه.،
شهد : وش بتلبسين؟!.،
غزل : أي شي مافرقت يعني.،
شهد : ياليت عمي مأجلها شوي ابي اجلس معك واتكلم.،
غزل : ياستي خليني اخلص يجون يتفرجون يتلفسفون ينافقون شوي ويروحون.،
شهد : غزل والله ترا خايفين عليك بجد مو نفاق.،
طلعت بنطلون جينز سكيني كحلي.،
وبلوزه حمراء برقبه.،
البلوزه بنسيه.،(مكسره).،
شهد مو عارفه وش تقول لغزل ولا كيف تكلمها حمدت ربها انها تقريبا رضت عليها وتكلمها حاسه بألمها وبجرحها وكيف غزل الي شخصيتها قوية ومغروره بكل تصرف من تصرفاتها مشعل قدر عليها ولو اصلا مو مغروره تكون متزوجه انسان وفجأه تطلق ويكون انسان ثاني من غير أي راي حاسه فيها بس مهي قادره تواسيها ولا تساعدها بشي.،
.،
خالد : وينك يارجال لي ساعه انتظرك.،
مشعل : ماني جاي.،
خالد : ليه؟!.،
مشعل : عندي شغل.،
خالد : اخلص علي من ذا الكلام.،
مشعل : كيفها؟!.،
خالد تنهد : مهي بخير.،
مشعل خاف عليها : وش صاير؟!.،
وقال له خالد عن غزل وكيف قابلتهم وش سوت معه.،
مشعل بنفسه اذا كذا معكم معي انا وش بيصير : على الله.،
.،

ع ــــــنــــــــد غ ــــــــــــــــــــزل.،
قبل ســـاع ـــه.،
لبست وخلت شعرها مفتوح.،
حطت كحل وماسكارا.،
وروج وبلشر خفيف.،
وتعطرت.،
ونزلت.،
اول شي جات نوره.،
وبعدها الجده.،
وبعدها بيت عمانها الثانين.،
الكل حاس ان غزل مو مرتاحه ومقدر وضعها ماترد الا اذا وجهو الكلام لها.،
أريج : غزل بتأجلين الترم ذا؟!.،
غزل : لا.،
اريج : احس تعب عليك خلاص أجلي ترم.،
غزل : لا مابي اجل خلاص مابقي شي على الترم.،
العنود : ايش رايكم انا اجل؟!.،
غزل ابتسمت.،
نوره : عاد أنتِ دورينها دوره.،
هبه : هي اخر سنه خلصيها وافتكي.،
العنود : الي يشوفكم يقول بتودوني بعثه بدرس بجامعه معفنه.،
شهد : أي والله صادقه انبسطي الحين والله الجامعه قرف.،
نفس الصاله الي جالسه فيها.،
كيفك حبيبتـي ؟؟..مبروك
كيف سحبت يدهـا بقوه ..............
تضايقت من الجو.،
قامت.،
الجده : وين يابنيتي.،
غزل : بروح اشرب مويه بس.،
طلعت من عندهم.،
بتروح بس شوي ترتاح من شد الاعصاب الي هي فيه.،
هنا رمت دبلتها وهي بتدخل الغرفه معاه.،
اسف اذا زعلتك ..
تعرفين اني احبك..
دخلت المجلس وجلست.،
وبنفسها افكار واحساس بتعذيبها لآحمد وندم على اسلوبها معاه واحترام لطيبته.،
جاتها شهد وحطت يدها على كفتها.،
غزل طالعت فيها.،
شهد : حاسه فيك ياقلبي والله حاسه.،
غزل تاخذ نفسها وتحاول ماتبكي عشان الناس : شهد ماتعرفين شي عن احمد؟!.،
شهد استغربت : لا ليه؟!.،
غزل تمسك راسها مصدعه وبنبره غريبه فيها حزن وندمان : ضلمته كثير.،
شهد طالع فيها : من جدك؟!.،هو الي وصلك هنا.،
غزل تتكلم وبألم : شهد احمد راعى شعوري بكل شي كان مخليني على راحتي كانت حركاته معي تدل على حبه لي بس انا لآني احبه ومعميه بـ....."ارخت نظرها وتنهدت صارت تطالع بالسيراميك" معميه باخوك بس هو كان يحبني ومالقي مني غير الصد والسب والعصبيه وطوالة اللسان والاستحقار.،
سمعوا صوت نوره تنادي.،
غزل توقف : خلنا نروح لهم احسن.،
شهد : طيب يلا.،

بالـــصــــــــــــالــــــــــه.،
غزل : لا والله ودي اجي انام عندك يومين.،
الجده : تعالي يابنيتي انا مشتاقـه لجلستك.،
غزل : حتى جدي والله مره ودي اشوفه.،
نوره : ابوي صاير مايجلس اغلب وقته يروح مكه يعتمر ويروح لصحابه الي هناك.،
غزل : ليه؟.،
العنود : بعد خالي بندر الله يرحمه.،
غزل طالع فيهم مو قادره تتحمل اكثر .،
قالت بصوت خافت مو قادره تتكلم : الله يرحمه.،
ودموعها تملا عيونها.،
الكل : آآمين.،
اريج بتغير السالفه : غزل ماشفتي بنت عبير؟!.،
طالعت فيها باستغراب : ولدت؟!.،
اريج خافت تكون غلطت بشي بان على وجهها : ايه ولدت.،
غزل ابتسمت حست على اريج بس ماحبت تتكلم ولا تقول شي : الف مبروك الحمدلله على سلامتها معك صورتها.،
تقوم وتجلس جمبها وتفتح بالجوال : شوفي.،
غزل تبتسم : هههه مرره صغنونه.،
اريج : أيــه بس مو تشبه سلطان.،
غزل : مدري مو باين.،
العنود : اخيرا احد معي يقول مو باين عندنا لو سوا اشعه من الاشعه يقولون يشبه امو وغيرهم لا ابوه.،
غزل : هههههههه من جد.،
.،

ع ـــــــــــــــنـــــــــــد ع ــــبــــيــــــــر الســـــــلطــــــــان.،
عبير بخجل : وانا بعد.،
سلطان : وش رايك نروح للبيت؟!.،
عبير : الحين؟!.،
سلطان : ايه مشتاق لك.،
عبير ابتسمت : كلها كم يوم وارجع.،
سلطان ينيمها على صدره ويبوس راسها : البيت من دونك مايسوي شي يالغاليه.،
عبير : سلطان احبك والله.،
وهو حاط راسها على صدره مسك كف يدها وباسه : وانا مامهنيني بعيشتي غيرك.،
.،

يــــــــــــــــــــوم جـــــــــــــــــــديــــــــــــــد.،
بــــــــيـــــــــــت فــــــــــــــهـــــــــــد.،
ماراحوا اهلها غير قريب الفجر وهي على طول اخذت منوم ونامت.،
صحت الساعه 3 ونص.،
حست بأن اليوم ضهرها يعورها اكثر وبطنها كأنها الدوره.،
راحت تشوف الشنطه الي فيها اغراضها الي يوم جات من المستشفى يمكن تلقى الدواء فيها.،
دورت بس مالقيته.،
لبست فستان اسود ساده قصير على حد الركبه.،
وقصته سبعه عريان.،
(الفساتين العاديه الخفيفه حقت البيت).،
تعطرت وحطت كحل اخضر.،
وروج وردي.،
ونزلت تحت.،
مالقت ابوها.،
قالت لتينا تسوي لها قهوه.،
جلست على التلفزيون.،
سرحت بأفكارها.،
وحديث النفس وتضادات الي فيها.،
مو عارفه ترتب نفسها.،
: طب دراستي كيف بسوي فيها وانا ضايعه بترم ذا ولا ادري بجيب المعدل الي يخليني اتخصص بالشي الي ابيه حسبي الله فيه دمرني من كل شي مستقبلي حياتي وهو دكتور دارس برا على حساب عملية سواها ليا صارت مستشفيات حكومية تطلبه وانا كسسرني طيب كيف بسسوي معه كيف برجعها له كيف بقنع ابوي يطلقني اكيد ماراح يرضى يخليني اطلق اكيد بيقول هذي ثاني مره تطلقين وهو كيف اكسسره كيف اقدر اقوى قدامه كيف اردها له.،
تعبت من البكى ومن التفكير ومن الحيره.،.
رن تلفون البيت بس مافيها ترد.،
فكرت بجوالها الي ماتدري وين راح ولا ايش صار عليه.،
<~جوالها الي قديم مو الي مشعل طلعه لها.،
نفسها تكلم شهد بس ماتدري كيف ماتذكر الرقم.،
قامت بتطلع غرفتها تدوره.،
جاتها تينا بالقهوه.،
غزل صبت لها فنجان اخذته وطلعت على فوق.،
.،
كان منتظر عمه يطلع من البيت.،
دق الباب وفتحت له:.،سلام.،
تينا : وعليكم السلام.،
دخل.،
مشعل : غزل صحيت؟!،
تينا : يس في اطلع غرفة.،
مشعل

المـــــــــشـــــــ ع ــــــــــــــــل.~//..