روايه ما فادني زينه كامله

26 - 11 - 2024, 05:22 PM

مــــــــــن بــــــــــكرى

هاذا اللي فرحانه فيه هذا اللي وقفتي بوجهي عشانه استانسي الحين هاذا هو فضل الخدامه عليك

ندى / يمه بس الله يخليك ماني ناقصه

ام حمد / عشان تعرفين ان كلامي صح ولا عمرك قد تعارضيني بشئ هاذا اختيارك ومثل وجهك

ندى / يكفي يكفي وش تبوني اسوي يعني اروح اذبحه كل مايجي واحد يرمي اللوم علي تعبت والله تعبت آآآهـ آآآهي

قربت ملاك لمها وضمتها وجلست تهديها هي تحس بشعورها لما تنطعنين من أقرب قريب لك اللي حبيتيه وحاربتي الكل عشانه وبالأخير يخونك بس مااحد يقدر شعورها أو احساسها

مسكتها ورقت وياها للغرفه اللي صارو يتشاركون فيها بالنوم والبكاء

........................

الــــــــــفـــــــــــجــــــــــــر

شفتي كيف حظوظنا صديقات وحظوظنا كلها شينه

ملاك / ههههههههههه والله انك صاقه

وطي صوتك لا يقوم سعود

ملاك / آآآآآسفه .....تصدقين على اللي سواه حمد فيني اللي اني ماكرهته

وكل ماشوفه في شئ داخلي يحركني له ماقدر اصبر عنه اعد الساعات على شوفته

آآآآآهـ بس تعبت وانا امثل دور البارده المتمرده دور الانسانه اللي تكرهه

انا قاعده العب على نفسي لا يمكن اني اكرهه او مشاعري تكون بارده من ناحيته

تعبت والله تعبت آ آ آ آهــ آ آ آهـــــــي

حتى انا ماتوقعت ان طلال يخوني ولا حتى طرى على بالي كنا نحب بعض من يومنا صغار وحبنا كبر معنا لحد ماتوجناه بالزواج

وقفت بوجه امي عشان اتزوجه وصارت مشاكل بالبيت وبنا وبين خوالي بسببه بس كل شئ هدمه يوم خاني مع شغاله آ آ آ ه مليت البكى مليت

ملاك / يمكن ان الشغاله تكذب طيب

لا ماتكذب وش يجبرها انها تكذب سواءً قالت هو او غيره نفس النتيجه

وحتى يوم قلتله سفرها عصب علي وهاوشني وسافر وحنا متزاعلين ولا فكر يراضيني حتى

ملاك / شكل صداقتنا نحس ماادري من اللي نحس الثاني

هههههههههههههه مكتوب مكتوب آ آ آ آهــ آ آ هي آ آ هي

ملاك / ليه تبكين انتي الحين هماك مليتي البكاء

أبكى على رداة حظوظنا اللي رمتنا على رجال ماقدرونا

ملاك / صادقه آ آ آهــ آ آ آهي

وقضوا الليل بطوله وهو بين ضحك يخالطه بكاء وكانهم مجانين

ويندبون حظهم السئ مع ازواجهم

..................

خير خير وقف وش تبي انت ....؟؟

انت مطلوب بقسم الشرطه

شــــــــرطــــــــــــه خير وش سويت انا بعدين انا كنت مسافر وش ابسوي وانا مسافر....؟؟

بالقسم بتعرف ولا تسألنا عن شئ .....؟؟

سحبوه معهم من المطار وركبوه لسياره

.......................

داخل القسم

جيت يالنسيب

طلال /حــــــمــــــــد خير وش السالفه ساحبيني من المطار كني حرامي

حمد / ليتك حرامي اهون والله ......وسدد لكمه على وجه طلال وتبعه لكمات لحد مافكوهم من بعض ووجه ظلال ينزف دم من خشمه وفمه

طلال وهو يمسح الدم من خشمه / خــــــــيـــــــــر انت انهبلت وش سويت

حمد / انطم يالكلب لأكمل عليك .....فكونـــــــــــــــي فكونـــــــــي عليه خلوني اربيه واعلمه من يخون ومع من يخون

طلال بخوف / وشش اخون ومااخون وش ذا الخرابيط اللي تقولها انت ؟؟

حمد / لاتسوي نفسك برئ انت عارف وش اتكلم عنه عن الشغااااااااااااله

طلال بصدمه /شغااااااااااااله

حمد / ايه شغاله ....واستغل فرصة انهم منشغلين عنه وفاكينه وهجم مره ثانيه على طلال وطاح فيه ضرب

الضابط / فكوهم وشيلوا حمد وطلعوه برى لين نكمل التحقيق معه

26 - 11 - 2024, 05:22 PM

فــــي مــــــــــكــــــــــانــ آخـــــــــــر و فـــــــي وقـــــتــــ آخـــــــــــر

رااااااااااحـــــــــــتـــــــ رااااااااااحـــــــــــتـــــــ

ذبحتـــــــــــــهــــــــــا ذبحتـــــــــــــهــــــــــا

مبارك وش فيك وش صاير ومن اللي ذبحتها

مبارك / خلود ذبحتـــــــــــــهــــــــــا مااااااااااتت ياليتني مت وهي حيت

ذبحتها وذبحت ولدي تقولي لاتسرع لاتترك الدركسون

لكني حمار ماافهم ماافهم موتها بيديني

تمزح انت ؟؟؟ترى هاذا شئ ماينمزح فيه

مبارك / اي مزح انتي اي مزح راحت مني خلاص راحت وصار يبكي بصوت عالي يقطع القلب يقطعه صوت شهاقه

مبارك مبارك رد علي رد مبارك وانقطع الخط

بسرعه دقت على جوال حمد بس مايرد والخوف زاد بقلبها اضعاف

رد بعد اتصالها الخامس / صدق اللي قاله مبارك ......صدق خلود مـــمــمــــاتتـــ

ماجاها رد إلا صوت بكى حمد من التلفون .................

26 - 11 - 2024, 05:23 PM

رد بعد اتصالها الخامس / صدق اللي قاله مبارك ......صدق خلود مـــمــمــــاتتـــ

ماجاها رد إلا صوت بكى حمد من التلفون ...................

حمد رد حـــــــــــــمــــــــــد صدق ولا لا صدق ولا لا

انفتح الباب بقوه ولفت له ملاك بخوف

خـــــــــــــــلـــــــــــــــود ماتت ماتت آ آ آهــ آ آ آهي

تاكدت ملاك من كلام مبارك بعد ماشافت حال ندى ......راحت لمها وحضنتها وقعدو يبكون مع بعضهم وكل وحده تبي من يواسيها

جاء آخر ايام العزاء وكل اللي بالبيت حالهم مايسر من كبيرهم لصغيرهم وخصوصاً أبو حمد كان موت خلود الضربه اللي ماقدر يتحملها

وهذا هو بغرفته والممرضه حوله تعطيه العلاج عقب ماطاح عليهم وودوه للمستشفى

قاعد يمسح دموع طاهره على خده بصمت ابو حمد القوي الصلب اللي المجالس تهابه موت بنته كسره صارت الدمعه ماتفارق خده الطاهر

ومبارك المختفي من عقب مادفنوها ولا احد شافه ولا حضر الا اول يوم بعزاها وهو يغالب دموعه والندم واللوم والحزن ياكله اكل انهار مره وحده ماكان يرجي شئ من الدنيا

الا رضاها واولاد منها وفيهم شبهها وبستهتاره ذبح حبيبته وذبح ولده اللي تمناه طول عمره ولا شافه ماتحمل كل هذا ولا تحمل شوفة ابو حمد بهالشكل ولا تحمل جو العزاء ولا حقيقة موتها

فضل الهروب كابسط حل يريحه ويريح اي احد يلومه

.....................

انتظر هنا ابناديها واجي خذ راحتك

تسلم ماتقصر ياحمد

دخل وناداها ورجع للمجلس /ادخلي يالله

ليه وش فيه وش صاير بعد ؟؟؟

حمد / يابنت الحلال مافيه شئ ادخلي وبتعرفين

دخلت بخوف وقلبها ينبأها ان فيه شئ / أنــــــــــــــــتـــــــ ؟؟؟؟ ولك عين تجين بعد كل اللي سويته انقلع برى بــــــــــــــرى

ندى انتظري شوي خليني افهمك السالفه

ندى / مابينا كلام انقلع برى انقلع مادري وشلون حمد دخلك يالحقير

قرب لها بيمسكها ويهديها بس هي ابعدتها عنها بعنف وقرف / لا تحط يدك النجسه علي انقلع اقولك ماتفهم ...؟؟

هديت كل شئ حلو كان بينا بنزواتك وشهواتك .....ليه لـــــــــيــــــــــه ؟؟؟؟

وانفجرت بالبكاء وشهاق بكاء عتب ولوم وخيبة امل ومن بين دموعها تتكلم

انا قصرت عليك بشئ أنا منعتك من شئ .....تكلللللللللم ليه ساكت

كل اللي تبيه انفذه لك ومن دون ماتطلب ولا تتكلم

وبالأخير تخوني مع شغاله شغاله لو انك متزوج كان اهون علي ولا انك تخوني بالحرام

طاحت على ركبها وحطت يدينها على وجهها وقعدت تبكي بصوت عالي ودامي / وش سويت انا ياربي ......ابتلائك صعب علي صعب آ آ آهــ آ آآآآهي

كل شئ اجتمع عليها بوقت واحد خيانت رجلها لها الشئ اللي ماتوقعته ابد ولا جاء بيوم على بالها

وموت اختها اللي بعز شبابها وابوها اللي المرض والحزن اقعده على السرير

ماتحمل يشوفها بالمنظر هذا هاذي حبيبته وزوجته وبنت عمه وام ولده

ماتحمل يكون هو السبب بحالها هذا وانكسارهها وضعفها

قعد على الأرض عندها وحضنها وهي ماقاومته او ابدت اي رد فعل بالعكس زاد بكاها وارتفع صوته

مثل مانسوي دايماً لما نلقى الحضن الحنون الي نحب

تتوقعين بيوم يمكن اني اخونك لو فيه موتي ماخنتك

وحريم الدنيا بعيني مايسون ظفرك وانا ماني حيوان يوم شهوتي تزينلي الحرام

لو انك اشر الحريم واشينهم ماخنتك ولا تزوجت عليك

انتي كل شئ بالدنيا عندي وكانك هنتي علي ففوقي رب ماينام ولا اقدر اعصيه

رفعت راسها من حضنه والدموع ماليه عينها وسايله على خدودها والعبره خانقتها

وتسأله بعيونها هل كلامك صدق ولا كذب بعد مالمست نبرة الصدق اللي بصوته

صدق والله العظيم اني ماقد لمستها ولا طرت على بالي بيوم

وبالمستشفى سوو لي تحليل الحمض النووي وطلعت كذابه واعترفت انه راعي البقاله وسوو له تحليل طلع هو

ولا وشلون طلعوني الشرطه ؟؟؟ كاني الحين ميت عقب مارجموني

بسم الله عليك .....ورجعت لحضنه ورجعت تبكي بس هالمره دموع فرح وشكر لله انه ماخيب ظنها برجلها ورجعه لها

لا تتركني مره ثانيه والله اني كرهت الدنيا وكرهت نفسي

ضمها له بقوه عشان يحسسها بقربه لها / لو فيني الموت مابترك

26 - 11 - 2024, 05:23 PM

ملاك خلال هالفترة اللي جلستها ببيت أبو حمد رجعت تدرس مره ثانيه عشان تعوض اللي فاتها ولا اهتمت

من حمد او حمقه عليها طنشته وكانه يكلم الجدران

..........................

سعود اللي كان محجوز اجباري بسبب الشغل والتطورات العسكريه اللي بالبلد

ماكان له اي اتصال باهله ولا درى عن موت اخته ماحضر الا ثالث يوم للعزى

دخل وشاف شكل البيت والناس داخله طالعه واجواء العزاء بكل مكان وانقبض قلبه توقعه ابوه او امه دخل مثل المجنون للمجلس وجال بنظره

يدور ابوه مثل الطفل الضايع عن اهله ويدورهم من بين الناس لما ماشافه

تأكد ان ابوه هو اللي مات / وين ابوي وينه ؟؟؟

جاء حمد وحضته بيهديه وبيفهمه السالفه

سعود / فك اقولك فك وين ابوي دفنته وانا ماودعته يالـــــخســــيــــس دفنته وانا ماشفته فـــــــــكــــ فكنيـــــــ أقولك

حمد مافك سعود ظل حاضنه / عظم الله اجرك في خلود

سعود سكنت حركته وبدت عيونه تذرف مااهتم بالرجال ولا اهتم باحد كانت صورة خلود بابتسامتها ومرحها قدامه تناديه

سعود / تكذب علي ولا صدق

حمد زاد من حضنته لأخوه حتى حسو بضلوع بعض يأكد لاخوه كلامه

سعود / يعني راحت من دون مااشوفها ؟؟

حمد بكى مع اخوه وطلع هو وياه برى المجلس يهديه ويوقف دموعه اللي مارضت توقف

سعود / ماودعتها ياحمد ماودعتها راحت من دون مااشوفها الله يقلع الشغل وسنينه اللي منعتني عنها

ورجع لحضن اخوه مثل الطفل اللي يدور الأمان ونسى زعله على اخوه نسى اللي سواه فيه اللي هم فيه اكبر من زعل وكره هو محتاجه محتاجه حيل افقده بالأشهر اللي راحت وكان بيسامحه لارجع وطلب منه السماح بس موت خلود كان السبب بتصالحهم مع بعض

على قوة شخصية سعود الا انه بالمواقف هاذي مثل الطفل يحتاج الحضن اللي يهديه ويحتويه

ولا يخجل ان دموعه تسيل لو عند اكبر راس من الرجال

...........................

فــــي مـــــكـــــــــان آخــــــــر مــــن البيتــــــ وبعد مده باعتقاد البعض انها كافيه لنسيان

يبه ارحم نفسك حزنك عليها ماراح يرجعها

أبو حمد / هاذي بنتي واغلاهم على قلبي راحت وهي ماتهنت بشبابها راحت بغمضة عين

يبه الله يخليك كفايه حزن والم والله مليت منهم البيت تغير ماعاد هو البيت كله حزن بحزن صار اظلم

أبو حمد / آآآآآآآآآآآهـ الله يصبرنا بس ويمسح دمعته اللي ماجفت من وفاتها

يبه اللي تسويه اعتراض على قضاء الله وقدره .....لو كانت خلود عايشه كان مارضت بحالك ولا اللي قاعد تسويه بنفسك

أبو حمد / لو ...؟؟ وياليت لو ان لو تفيد

يبه ماتوقعتك ضعيف لهدرجه انا بنت وماشفت من الحياة اللي شفته ماتو اغلى اثنين على قلبي

وهم راس مالي بالدنيا وكل حياتي ولا بعد شبعت منهم ولا لهم بديل ماتو ميته شينه بس مع ذلك

ماسويت بنفسي اللي سويته انت يوم ماتت خلود مع ان لك بنات غيرها

وانت مفروض اللي يستمدون منك عيالك القوة والصبر بس انت صرت اضعفهم استسلمت على طول ولا حاولت النسيان او انك تصبر نفسك

قافل عليك بالغرفه وتمسح دموعك بضعف ولا صرت تروح الشغل ولا تجلس معهم وكن موتها نهاية الدنيا عندك زوجه وعيال محتاجينك

وين ابوحمد اللي يهز نفوس الرجال هيبه وخوف منه وين ابو حمد اللي ينشد بقوته الظهر وينخى وينه ماعاد له وجود مات مع موت بنته

صح يبه كلامي ولا لا .....مسكت يده بحنيه ....صح يبه كلامي ؟؟؟

هز راسه ابو حمد يوافقها على كلامها وقرب راسها وحبه

استغفر الله يبه محشوم انت اللي تنحب مو تحب ....وقامت وحبة راسه

وكان كلامها هو اللي طلع أبو حمد من حزنه وقنوطه واستسلامه

26 - 11 - 2024, 05:24 PM

فـــــــي وقـــــتــــ آخـــــــــــر

طق طق طق

ادخــــــــل الباب مفتوح

مـــــــــلاكـ وش عندك زايرتني اليوم

ممكن شوي ابغى اكلمك

حمد / بعدين اذا خلص البرنامج

ملاك تجلس على الكنب بجمب حمد بغرفته اللي رجعلها لما انحاس البيت عقب وفات خلود

ومسكت يده بهدوء وتوتر / ابغاك بموضوع ضروري مايحتمل التأخير

حمد وهو لاف وجهه لتلفزيون ولا لقالها بال / يالله قولي اسمعك

جت ولفت وجهه بيدها بنعومه وقابلته بعيونها / تدري ان بكرى ذكرى زواجنا الثاني والناس بالعاده بهاليوم يتذكرون يوم زواجهم ويتعاهدون على حياة جديده وسعيده

حمد يقاطعها بملل / والمطلوب بعد ذا المقدمه الطويله

ملاك بحزن من طريقته معها اللي ماتغيرت / لا تستعجل علي أنا .....أنا مليت حياتي معك وصبري ملني وماعاد فيني قدره اني اكمل حياتي معاك ......

يالله استحملت الاشهر اللي فاتو عشان وضع البيت كان مقلوب ولا قدرت اطلع منه وهو بهالوضع ماني قليلة اصل بس يوم رجع كل شئ مثل ماكان ماعاد عندي سبب عشان اجلس

انا كنت جالسه بس عشان الأثار اللي بوجهي تروح وموت خلود الله يرحمها حاس اللي كنت بسويه ماكنت ابي اهلي يشوفني بهالشكل عارفه انهم ماراح يسكتونلك

وانا ماارضى احد يمسك بشئ وشلون لو تكون متاذئ بسببي ....لإ.....لإني احبك ...قالتها ودموعها تسبق كلماتها

مافيه حرمه تتحمل ان كرامتها تنداس الا اذا كانت تحب من داسها بس ملييييييييت

سويت كل شئ اقدر عليه عشان اخليك تميل لي بس فشلت ولا عاد عندي نفس عشان اكمل معك

انا عارفه انك تكرهني وعارفه ليه تزوجتني وانك تحتقرني لان مافيه مقارنه من بينا

وان اللي سويته بيتكرر مرتين وثلاث وعشر مدامك تصدق اي كلام ينقال عني

حمد / بس هاذي كانت غلطه

والغلطه بتتكرر مره وثنتين وانت تسمع كلام الناس وتصدقه من دون ماتتأكد

حمد / لو قلتيلي الصدق كانـــــ...........

قاطعته ملاك / حمد انت اصلاً ماعطيتني فرصه عشان اتكلم أو ادافع عن نفسي جيت وهجمت علي ولا التفت لصراخي وتوسلاتي

حتى لو قلتلك بعدين الصدق مابتصدقني لانك مصدق شوق ولا فكرت يمكن انها تكذب علي لأنك تحبها ولا يمكن تكذبها

نفس الشئ لو احد قالي كلام عنك ماراح اصدقه لاني احبك ولا اشوف زلاتك

حمد / وذا الكلام كله .....تبيني اتركك؟؟؟

ملاك اخذت نفس وتنهدت بألم / مابي اكرهك .....ابي احتفظ ولو بشئ بسيط من حبي لك بقلبي ماابغى تمحي حبك بشي فعولك

عشان كذا ابيك تطـــــــ.....تطلقني ....وسالت دموعها على خدها صعبه الكلمه تنقال من فم الحرمه حتى لو كانت كارهه لرجلها

وشلون وهي تحبه وتموت فيه صعبه بالحـــــــــــيـــــــل طلب الطلاق معناه هدم عش وحياة واسره هدم حب توه ماشاف النور

حمد تضايق واستانس بنفس الوقت استانس لانه بيفتك من ملاك اللي ابوه رافض يطلقها وبيتفضى لشوق اللي توها ترضى عليه عقب الكف اللي اعطاها اياه

ومتضايق لانه بيخسر ملاك الزوجه المطيعه او الخادمه المطيعه

حمد وماهان عليه كبريائه وغلبه غروره واخذته العزه بالاثم / الحين من الصبح احبك واحبك وبالأخير طلقني على بالك انك اذا قلتي احبك بتمسك فيك

وابديك على شوق ....وش ذا اختبار لي تشوفين كاني ابيك واحبك ولالا.....؟؟؟ احلمي بس على قدك مفهوم

واعرفي انك بطلاقك مني انتي الخسرانه والحمدلله جت منك وانا الكسبان

انتي طــــــــــالـــــــــــــق ........ولا تحرك لي رمش بطلاقك و طلع وخلاها

بصدمتها ماتوقعت انه بيتمسك فيها بس ماتوقعت انه بيطلقها بهالسهوله هاذي بدون مايعارض

وكانه كان ينتظرها تطلبه منه هانت عليه عشرة سنتين كانت تتمنى فيه رضاه منوه

ماتنكر انه كان بداخلها امنيه انه يعارض ويتمسك فيها أو يعاند ويخليها على ذمته أو اي شئ ثاني

المهم تبقى مربوطه به لو كان كارها وكاره قربها وبيعذبها وبيذلها

نزلت دمعه يتيمه على خدها .....دمعة الم ...دمعة قلب مطعون ينزف .....دمعة حب ضايع مالقاله مرسى ....

دمعة غدر دمعه جفاء ....دمعة محب صده محبوبه ....قعدت تبكي بنفس مكانها وبهدوء هي عارفه عمر البكاء بصوت ما يرجع غايب ولا يفيد لحد ماشبعت من البكاء ونامت بنفس مكانها

..................

الصـــــــــبــــــــــاح

فتحت عيونها ببطء وراسها يألمها من بكاء البارح

وش جابني هنا .....تذكرت كل اللي صار امس وانها الحين هي مطلقه وجالسه بغرفته قامت بسرعه عشان تطلع

مـــــــــاشــــــــــــاء الله السهره صباحي أجل اليوم ...؟؟

تراضيتو انتي وحمد ...؟؟

ابتسمت ملاك بوجه ندى اللي ماتدري بانها تطلقت / تقدرين تقولين كذا ههههههههههه

ندى / الله يتمم عليكم الوجه منور اليوم

هههههههههه صدق ؟؟؟

ندى / يالله انزلي توهم حاطين الفطور انا مفطرتكم اليوم

الله من متى الكرم الحاتمي والسناعه

ندى / حرااااااااااااام عليك والله اني سنعه بس يوم كانت فيه الشغاله ماكان لي خلق اسوي شئ الله يقلعها من سيره الله ياخذها

ههههههههه حاقده من قوه تذكرين يوم نقعد نبكي لين الصبح وكل وحده تندب حظها

ندى / ههههههههه لاتذكريني قلت السالفه لطلال وليتني ماقلتله كل فجر يقعد يتطنز علي ويقول عيدي اللقطه لي كرهني بنفسي

الله لا يعيدها من ايام ولا يوريها لغالي

ندى / اتكسرت رجليني من الوقفه يالله خلينا ننزل تحت نفطر

لالالا معليش عندي شغل مااقدر اخليه

ندى / بكيفك عضوه الكونجرس بس تراه فطور مايتفوت

خلاااااااااااص امري لله ذليتيني من اللي تحت؟؟ وكملو كلامهم وهم ينزلون لتحت

ندى / كلنا ساره وابوي وامي وخلــــ.... الله يرحمها لين الحين ماغابت عن بالي

الله يرحمها كلنا ماراحت عن بالنا تدرين كم مره اخذ الجوال وابي ادق عليها ماني مصدقه اللي صار

حتى مبارك ماعاد هو مبارك صار انسان ميت يتحرك شغله لو مامسكه فيصل كان ضاع تعب سنينه

حتى انا وريم ماله خلق يكلمنا ولا يمزح معنا للآن يلوم نفسه ويتمنى لو مات معهم

ندى / كلن بدى يسلى اللى هو يقول ابوي انه كلمه وقاله كل شئ قضاء وقدر

يقول انه قعد يصيح مثل البزر ويقول لا انا السبب

الله يعينه ويصبره ومع الزمن بينسى

خليه بالأول يطلع من البيت ويرجع لأهله قاعد بالبيت على ذكراها وين ينسى معه وهي تتراواله بالبيت

ندى / ولد اخوك مهب صاحي ليه يعذب نفسه كذا ...؟؟

اللي يحب صعب ينسى وشلون لو كان هو السبب بموت اللي يحب

وصلو لمكان الفطور السلام عليكم صبحكم الله بالنور والسرور

هلا ببنيتي وينك امس رقيتي ولا عاد شفناك

لفت ندى لها بابتسانه خبث / مهب فاضيه لكم عندها الأزين وش تبي منكم

أم حمد / من ذا اللي ازين منا ؟؟؟

ندى / ههههههه حمد من غيره

أم حمد / تصالحتو يمه ؟؟

ملاك ابتسمت بالم وهي تمثل الفرحه

وحاولت طول الوقت انها تستانس وتنبسط وتنسى تبي تكون جلستها الاخيرة معهم مافيها لاكدر ولا زعل

اجتمعو العصر كل الأخوان والبيت كان ازعاج ووناسه حمدت ربها ان البسمه والضحكه رجعت للبيت

قاعده تناظر الوجيه اللي حولها وترسما بقلبها بتودع البيت اللي لمها ووقف معها وقت محنتها

تناظرهم وهي مبتسمه ابتسامة مودع خانتها الدمعه ونزلت على خدها خلاص بتفقد هالناس الطيبه اللي حولها

بترجع يتيمه مثل اول من دون ام ولا اب بعد مالقت حظن الام والاب بتفقدهم من جديد

حرمتني ياحمد من حظن امي وابوي بعد ماحرمتني من حظنك

26 - 11 - 2024, 05:25 PM

بــــــــــــعـــــــــد الـــــــعــــــــشــــــــاء

تسلم يدينك ملوكه رووووووووووووووعه العشاء

بالعافيه حبيبتي

واله من جد يهبل طبخك..... اشوى انك جيتي ببيت جدي عشان نلقى احد يطبخ طبخه حلو مو ساره ذا اللي ماتعرف تسوي شاهي بتروح لثالث ثانوي وهي ماتعرف تسوي شئ

ساره / وليه اسوي وفيه طباخه وشغالات ليه اتعب عمري؟؟؟

ملاك / حلو لو انتي طبختي هاذا بيتك مو بيت الشغاله والطباخه حلو الواحد يرتاح فتره وتطبخ الطباخه بداله بس مو على طول الخط

ساره / يصير خير لا جيت اتزوج اتعلم اطبخ

ملاك / ههههههههههه البنت من الحين تطري الزواج بعدين وش بتسوين بتخطبين لنفسك هههههه

حمدت ربها ملاك بسرها انها بتطلع من البيت وكلهم راضين عليها ولا احد شال بخاطره عليها

وكان هالعشاء هو اللوداعيه لهم منها

ترن ترن ترن

آلو هلا مبارك

ايه ايه جاهزه دقايق بس

طلعت فوق ونادت الشغالات ونزلو شناطها ونزلت بعدهم وهي لابسه عبايتها

كلهم لفو لشناط وملاك اللي نازله

أم حمد / بترجعين اليوم للبيت ؟؟ ماقالي حمد شئ

ملاك ابتسمت ابتسامة حزن / لا انا ابرجع اليوم مع مبارك

أم حمد / هو اللي بيوصلك للبيت

ملاك / لا انا ابرجع معه لبيت اهلي ......خلاص انا تطلقت من حمد ...

كل اللي بالمجلس ارتفعت اصواتهم بالأستنكار / طلقك متى ووين وحنا وينا عنكم

ملاك وهي ترسم ابتسامه بالغصب على وجهها / امس بالليل يوم رقيت

ندى لامت نفسها على غبائها وكلامها مع ملاك وناظرت ملاك بنظره اعتذار

فهمت ملاك عليها وابتسمت بوجهها وهزت راسها دليل قبول اعتذارها

أنا كنت ابطلع من زمان بس ماقدرت اخليكم بعد موت خلود الله يرحمها ... بس الحين الحمدلله رجعتو مثل اول وازين

كلهم سكتو ماعندهم كلام يقولونه هم عارفين وش سوى ولدهم بها وعاذرينه لو طلبت منه الطلاق وكثر خيرها انها ماضرته بشئ

يالله مع السلامه اشوفكم على خير ....واشوفك ياساره وانتي عروس وتطبخين لرجلك ههههههههههه....

كان ضحكها ممزوج ببكاها صعبه لحظة الوداع ناس تحبهم وتغليهم صعب انك تفارقهم وشئ غصباً عنك وهم مالهم ذنب

قامو يسلمون عليها وانتقلت من حضن لحضن ودموعهم تخالط بعض لحظات الوداع الخيره

بتطلعين ولا انتي مسلمه علي

لفت ملاك لأبو حمد هو الشخص اللي بتفقده اكثرهم هو الرجل اللي عوضها عن حنان ابوها اخوها عبدالله مع حنيته وحبه لها الا انها مالقت حنان الأبو عنده

راحت له وارتمت بحضنه وقعدت تبكي فراقه وحرمانها من حضنه

سامحني يبه بس ماقدرت اصبر والله ماقدرت

أبو حمد / مسموحه يابنتي مسموحه الله يلوم اللي يلومك

قامت من حضنه وحبت يده وراسه وحبت يد ام حمد وراسها وطلعت من البيت اللي شهد آخر ايامها معهم

الحين كل ذا الشناط والصياح ليه هو مسويلك شئ

لا.... بس ماقدرت اصبر مااقدر استمر مع رجال متزوج علي افهمني يامبارك عاد

مبارك تنهد / يعني بتطلبين منه الطلاق

انا تطلقت منه خلاص

وقف السياره مبارك فجأه وجت ملاك على قدام من قوة توقيفته / نــــــــعــــــــم تطلقتي متى وليه ماقلتيلي ....؟

بسم الله ...مبارك بغيت تموتنا

مبارك طنش حكيها / متى تطلقتي .....ومن شاورتي ...ولا طقت براسك تطلقين تطلقتي ماوراك احد انتي ولا مات ابوك صرتي حرة نفسك ؟؟؟

لا تصارخ علي ....امس بالليل طلقني

مبارك / لاوالله وليه توك تتكلمين وليه جالسه ببيتهم للحين .....؟؟

مبارك تكفى ماني برايقه لك اللي صار صار وخلاص هذاني بسيارتك لا تزودني اللي فيني مكفيني وادخلت بنوبة بكاء شديده

كانت ماسكه نفسها ببيت أبو حمد بس خلاص ماعاد تقدر تصبر زياده وكلام مبارك زادها واستسلمت لدموعها

رحمها مبارك بس ولو مفروض ماتسوي شئ كبير مثل هذا بدون ماتشاور احد وليه عقب ماتطلقت امس جالسه عندهم يوم كامل

بس قلبه ماطاعه يقسى على عمته وقف سيارته على جمب / ملاك آسف والله اني عصبت عليك بس صدمتيني باللي سويتيه

وبدون ماتشاورين احد اكيد عماني بيزعلون منك وبيعصبون خلاص تعالي اسكني عندي بالبيت

أنا مالي شغل باحد حياتي وانا حره فيها كفايه انهم تحكمو بحياتي لين ماقالو بس بعد بيتحكمون فيني بعد زواجي ماحد له حكم علي انا حرة نفسي ورجعت تبكي وهي تحط يدينها على وجهها

حن قلب مبارك وحس انه زودها قرب لها وحضنها وقعد يواسيها

طق طق طق

فزع مبارك من ذا اللي يطق دريشه السياره

بعد عن ملاك وفتح الدريشه لقى الشرطي قدامه / نعم ياخوي اي خدمه ....؟؟

الشرطي / ليه موقف السياره بالشكل هاذا ؟؟

كان عندي مكالمه ولا حبيت اكلم وانا اسوق فيها شئ ذي ....؟؟

الشرطي بنظرات شك / لامافيها شئ بس فك التظليله ممنوع تظلل الزجاج الأمامي

نزل مبارك يفك مع الشرطي التظليله الاماميه ويعطيه بطاقته

الشرطي / انت متزوج ....؟؟

مبارك تذكر خلود واكتسى وجهه حزن والم على فراقها / ايه نعم

الشرطي / البيت استر لكم بدل الشورارع ترى التظليله خفيفه وكنتو باينين من وراها بس حبيت انبهك مب كل الناس تفكيرهم واحد

لو اني مااعرف اهلك وانكم اجواد وماتطلع الزله منكم ولا مسكك غيري كان الحين سين وجيم

مبارك انحرج من الشرطي ماعرف وين يودي وجهه منه / ان شاءالله بس خبرك معرس جديد

الشرطي / ههههههههه ماعليك مرينا باللي مريت فيه يالله مع السلامه نشوفك على خير وسلمني على عمك عبدالله

يوصل بإذن الله

ركب السياره واول ماسكر الباب انفجر ضحك ولا قدر يسوق

ملاك / بسم الله وش فيك انت ...؟؟

مبارك ماقدر يرد عليها من كثر الضحك

بعد ماهدى بشوي

تدرين ان التظليله خفيفه والشرطي شافني وانا حاضنك ويحسبني زوجك ويقولي البيت استر لكم

ههههههههههههه وانا ماشي معه قلتله توي معرس قاللي مرينا باللي مريت فيه مايدري انك عمتي وان حرمتي ممــــــ آآآآهـ الله يرحمها

وسكت وسرقته الذكرى لأيامه مع خلود وفرحهم بحملها ووشلون هو بغباءه واستهتاره ضيعهم مسك الدركسون بقوة وشوي ويتفتت تحت يده

...........................

بــــــــــــعــــــــــد شـــــــــهـــــــــــر

ندى قوليلها اقنعيها ترجع ....والله حياتي انحاست من دونها صرت كني عزوبي من دونها

ملابسي عند اهلي واكلي من المطاعم

ندى بعصبيه / الحين تبي ترجعها تقول ملابسي واكلي بترجع خدامه انت ولا ملاك ....

وش تبيني اقولها حمد مالقى احد يطبخله ويغسل ملابسه بالله عليك هذا حكي ؟؟

حمد / أووووووووه قوليلها اي شئ أنا ماعدت استحمل بُعدها افهميها عاد وصك السماعه بوجهها

استغربت ندى من عصبيته وسكتت ولا قالت لملا

26 - 11 - 2024, 05:27 PM

بــــــــــــعــــــــــد شـــــــــهـــــــــــر

آلـــــــــــو

..........

آلــــــــــــــو فيه احد على الخط

ملاك انا حمد

حــــــــــــمـــــــــــــــد

وشلونك ملاك ؟؟؟

ملاك قلبها بيطلع من بين ضلوعها فرحه بسماع صوته وشوق له وحب للحين باقي ماانمحى

رغم الطعون ...رغم الصدود ....رغم الجفاء ...

حمد وهو يسمع تنفسها المضطرب / ملاك انتي معي ....؟؟؟؟.....مــــــــــلاكـــ انا محتاجك

ملاك انا ....انا ....ملاك ترجعيلي ...ملاك خليني ارجعك ..انا اقدر ارجعك من زمان ومن درون رضاك بس خايف ماترجعين للبيت او تسوين شئ ثاني مــــــــــــلااااااك

ملاك وبدت تبكي ...شوقها وحبها له اكبر من طاقتها / نــــــعـــــــم

ملاك أنا خلاص طلقت شوق ماعادت على ذمتي ....ابرجعك موافقه انتي ولالا ارجووووووووك وافقي...؟؟

ملاك بفرحه [طلقها عشاني طلقها عشاني ....يبغى يرجعني حمد ترجاني حمد محتاجني ماقدر على فراقي .....يعني يجبني يحبني ]

وانرسمت ابتسامه على وجهها / صدق حمد طلقت شوق عشاني وتبي ترجعني ....؟؟

اكيد بطلقها خانتني تبيني اخليها على ذمتي

ملاك بااستغراب / خانتك ...؟؟!!

ماقالتلك ندى بنت الكلب ذا الــــــــــــــ....مسكوها الهيئه مع واحد ولها سنين وهي معه ذا الـــــــــ....

وانا المغفل اللي صدقتها وحبيتها ووثقت فيها أنا استاهل ماسمعت كلام ابوي يوم حذرني منها عادنته وتزوجتها باللحيله استمر حمد بكلامه وسبه لشوق ونسى مشاعر اللي يكلمها

ملاك تحطمت آمالها اللي بنتها من دقايق تحطمت فرحتها [دق بس مو عشاني عشانها يحبها للآن يحبها رغم خيانتها اللي ماتغتفر ....

دق لأنه محتاج احد يسمعه محتاج احد عنده ويوقف معه اكيد ان اهله كلهم يلومونه الحين ...صدمته بشوق خلته يلجأ لي انا يلجا لوحده يكرها لوحده اهانها وذلها

اكيد جرحه كاااااااااااااايد ولا ماتنزل وترجاني وترجى ملاك اللي يستحقرها ]

ملاك / حمد انت جرحتني وجرحتني وسامحتك ورديت جرحتني من دون ماتراعي ان لي مشاعر واحساس

لكني ماعدت ملاك اللي تغفر وتسامح لا ...انا اخذت منك الكثير والكثير أخذت منك شده وقسوه وعناد وقلب اسود مايسامح ولا يغفر لأحد

عرفت منك وشلون اصد واكره عمرك مااجتجتني الا مره وحده احتجتني وسيله عشان تحقق غايه وبالأخير خسرت كل شئ الوسيله والغايه

ملاك / حمد

حمد / هلا

ملاك / لا عاد تدق ماعاد فيني قلب يستحمل فعايلك بحفظ الله وامانته وسكرت السماعه

ودموعها تغسل خدها بصمت كعادته

وداع جروح ياجارح وداع مابعده جراح
وداع الحب ضيعته وشوق يشتغل فيني

ابي اعرف وش اخطائي وش اللي اجبرك تجتاح
وتتمادى في تجريحي وبالقسوة تجازيني

تجرعني العذاب ألوان وكفي لعيني صار مراح
رويت الكف من عيني وكف جاء يهديني

اجر الصوت بااعماقي اداري والدمع فضاح
واذا قالو علامك قلت شئ وطاح في عيني

ترد اليوم تبغاني بعدما اللي في راسك طاح
ترى ماني على كيفك بتاخذني وتوديني

صحيح اني احبك واكذب كانني مرتاح
ابي قربك وابي بعدك لو الاثنين تشقيني

أكابر واطلب فراقك ودمعي من عيوني ساح
وتدري بي انا مااقوى وهذي متعتك فيني

ويوم اتذكر جراحك كرهتك والغدر ذباح
ماعاد اطيق لو صوتك وداع وخاطرك فيني

26 - 11 - 2024, 05:28 PM

بــــــــــعــــــــــد ســــــــــنــــــــــه

والله انتي وحمد حاسبيني لعبه عندكم هو يرسلني وانتي ترديني وعلى ذا الحاله ماترحموني وتقولن هاذي حامل تعبانه

خلاص ياندى قفلي على الموضوع عشان ماتتعبين وترتاحين ....كان ماعندك موضوع غير خليني أقوم اسوي العشاء لمبارك اصرفلي

ندى/ ملاك ارحمي حاله كل يومين وهوناط عندي يبيني اكلمك

ندى خلاص انتي ارحميني مااقدر ارجعله مااقدر ...... بتظل ذكرى اللي سواه حاجز بيني وبينه مااقدر اتخطاه ولا اقدر اهده

ندى/ ملاك حمد يحبك ويبغيك شوفي له سنه حتى مافكر يتزوج لأنه يستناك ترجعين له

حمد عمره ماحبني ولا راح يحبني هو بس تعود على الحياة معي وعارفني وعارف أطباعي واخلاقي

وخايف يتزوج وحده وتصير مثل شوق فأنا اضمن الأحتمالات بالنسبه له

ندى/ الواحد اذا حب يضحي .....ملاك ارجعي عشانك انتي عشان حبك له وبالحب بتقدرين تغيرين كل شئ

ملاك بحزن نفس كلامي اول ماتزوجته لكني كنت غلطانه الشكل هو الأساس عند حمد

كان دايم يقارني بزينه وزين شوق ويتطنز علي بس مافادني زينه ماطالني غير شين فعوله

ندى/ يعني انتي الحين خلاص ماعدتي تحبينه ...حبه بقلبك مات ....خلاص نسيتيه ؟؟؟

ابتسمت ملاك ابتسامت حزن لندى ولا ردت عليها اللي بقلبها تجاه حمد من حب لا يمكن توصفه كلمات أو توحيه أوراق

حب مامحته القسوه والكره والصد ....

قالو نسيته قلت مابالزمن خير

بيني وبينه المسافه بعيده

قالو نسيته ؟؟ قلت حبي اساطير

وشلون ابنسى خافقي صار بيده

قالو تحبه ؟؟ قلت يدري به الطير

مل القلم من كثر ماكتبت قصيده

قالو شكيته ؟؟ قلت ماشكيه للغير

والمبتلي كثر الحكي مايفيده

قالو تكلم قلت اسراره فبير

يانا خلوني على مااريده

قالو تصبر قلت هاذي مقادير

نصبر على عوج السنين العنيده ....................

فـــــــي مــــكـــانـــ ووقـــــــتـــــــ آخــــــــــر

خطبتها

نــــــــــعــــــــــــم وش تقول انت مانت صاحي

اللي صار عاد خطبتها وانتهى الموضوع

انت بعقلك يومنك تخطبها تظن اهلها بيوافقون عقب اللي صار

مافكرت بالي بيصير مافكرت فيها هي وبردت فعلها لو تدري انك خاطبها

الظاهر صار لعقلك شئ ؟؟؟

اوووووووه لاتزعجيني مادري كيف خطبتها والله ماوعيت للي سويته الا يوم ركبت السياره

ان شاءالله ماتوافق عليك انهبلت والله انهبلت

26 - 11 - 2024, 05:28 PM

* الـــــــــجـــــــزء الأخـــــــــــيـــــــــر *

-وافـــــــــــقــــــــــــتــــــــ تقوله صادق انت ؟؟

والله ليه اكذب ؟؟ انصدمت ماتوقعتها توافق

-انت تسرعت اصلاً خطبتك لها من الأساس خطأ

عارف اني غلطان بس قلت بترفض عشان كذا ماشلت هم لكن لما وصلتني موافقتها

عرفت مدى غلطتي وحجمها .....تتوقعين غاصبينها ؟؟

-مااعتقد .....ابوي ماعنده شئ بالغصب اكيد الموافقه عن قناعه من ساره بس ليه وافقت عليك وانت كنت رجل اختها هاذا اللي ماقدرت افهمه

معنها مدلعه ولا ينرد لها طلب وراسمه احلام لزوج المستقبل انت مستبعد منها بسبب فارق العمر اللي بينكم وتجربتك السابقه مع غيرها

الحين وش السوات تورطت مااقدر اكنسل ولا اقدر اتمم الزواج هاذا

-انت غلطت تحمل نتيجة غلطك

كلميها ملاك قوليلها مبارك مايقدر يتزوج وحده بعد خلود قوليلها انه تسرع قوليلها تراها بتتعذب معي قزليلها اي شئ بس المهم انها ترفض والرفض يجي منها ولا مني مابي اصير ناكر للجميل

-انت انهبلت يازيني رايحه للبنت اقولها ارفضي ولد اخوي لأنه بيعذبك ويبهذلك وخطبته لك كانت هبال منه ولعب لو تقطعني ماقلت لها

لا تسكرينها بوجهي .....المشكله انهم لهم فضل علي ماحاسبوني يوم ماتت بنتهم معني كنت انا السبب بموتها

ماطردوني ولا كرهوني بالعكس وقفو بجمبي وطلعوني من حزني وكني ولدهم

مااقدر الحين ارفض يوم وافقو علي آآآآآآهـ وش السواة الحين ؟؟

-ماادري لا تسألني ....مادري وش اللي ضربك على راسك وخلاك تخطبها قضو الحريم ؟؟؟

تشبها ياملاك تشبها نسخه منها كنها هي .....نفس الوجه والجسم والضحكه والشطانه ..ابتسم وهو يتخيلها

كأنهم توام ...شفتها تلعب ويا فارس بالحوش ماقدرت ارفع عيني من عليها نسيت كل شئ مراجلي وشيمي ولا صديت عنها ولا تنحنحت

كل شئ ضاع بشوفتها بغيت اناديها واقولها خلود بس فارس كان اسرع مني ونادها بساره انحفر اسمها بعقلي

واول ماشفت خالي بو حمد خطبتها من دون تفكير وماوعيت للي سويته ولا فكرت فيه الا بالسياره وكان الوقت فايت على اني اتراجع

رحمت ملاك ولد اخوها مبارك وسكتت عنه فعلاً كانت ساره نسخه من خلود في كل شئ بس ساره اهدى شوي من خلود

وحزنت لحال ساره قبل ماتجي على اللي بتشوفه من مبارك [ان شاءالله تقدر تغيره وتخليه يميل لها ]

..........................

بــــــــــــــعــــــــــــد أربــــعـــــــة أشــــــــــهــــــــــر

تم الزواج بعد شهرين من الخطبه بالعطله الصيفيه

-مبارك يحب هذا الحلى ؟؟

أووووووووه يموووووووت عليه ودايم اسويه له

-اممممممم طيب تعلمينياه ؟؟

ههههههههه وش عندها ساره بجلالة قدرها تتعلم الطباخ

-لا تضحكين علي ...وابتسمت بإحراج ....بتعلم عشان اسويه لمبارك

الله الله تطوراااااااااااات سارونه

-هههههههه خلاااااااااص ملاك

وشو هو اللي خلاص ؟؟

التفتو كلهم على مبارك

ملاك / بسم الله من متى وانت هنا ؟؟

مبارك / بسم الله على عمرك توي جاي ولقطت آخر كلمه

ملاك / هههههههه لا بس حرمك المصون تبي تتعلم وشلون اسوي الحلى عشان تذوقك اياه من يدها اكيد له طعم غير بيصير ...صح ؟؟

التفت مبارك على ساره اللي منزله راسها بحيا منه / تسلم والله هاذي المره السنعه ......واكتفى برده هاذا وطلع من المطبخ

استغربت ملاك من رد مبارك البارد .....كانت اذا جت للبيت على حياة خلود مايخلي فرصه الا يتغزل فيها ولا يسوي حركه من حركاته اللي تحرج خلود وملاك

ولا يهتم بوجود احد عندهم ....لكنها تشوف مبارك ثاني انسان بارد بتعامله مع ساره يمدح ملاك ويحضنها ويبوسها بس ساره لا ......وكانه فيه خطوط حمرى بينهم مايقدر يتعداها

بس لازم تكلمه شكل البنت تميل له وتبيه ولا كان ماوافقت عليه وبتتعلم وش اللي يحب من الأكل وهي عمرها ماطبخت ...بس يمكني ظالمته يمكنه تغير وصار يستحي يسوي شئ قدامي

وانا الغبيه لاصقه فيهم 24 ساعه وناسيه ان مالهم شهرين من تزوجو ابفضيلهم الجو واروح اسوي جوله ببيوت خواتي

وعزمت امرها وسوت اتصالاتها وخبرت خواتها انها بتنام عندهم وتستغل العطله

26 - 11 - 2024, 05:29 PM

بــــــــــــــعــــــــــــد أربــــعـــــــة أشــــــــــهــــــــــر

تم الزواج بعد شهرين من الخطبه بالعطله الصيفيه

-مبارك يحب هذا الحلى ؟؟

أووووووووه يموووووووت عليه ودايم اسويه له

-اممممممم طيب تعلمينياه ؟؟

ههههههههه وش عندها ساره بجلالة قدرها تتعلم الطباخ

-لا تضحكين علي ...وابتسمت بإحراج ....بتعلم عشان اسويه لمبارك

الله الله تطوراااااااااااات سارونه

-هههههههه خلاااااااااص ملاك

وشو هو اللي خلاص ؟؟

التفتو كلهم على مبارك

ملاك / بسم الله من متى وانت هنا ؟؟

مبارك / بسم الله على عمرك توي جاي ولقطت آخر كلمه

ملاك / هههههههه لا بس حرمك المصون تبي تتعلم وشلون اسوي الحلى عشان تذوقك اياه من يدها اكيد له طعم غير بيصير ...صح ؟؟

التفت مبارك على ساره اللي منزله راسها بحيا منه / تسلم والله هاذي المره السنعه ......واكتفى برده هاذا وطلع من المطبخ

استغربت ملاك من رد مبارك البارد .....كانت اذا جت للبيت على حياة خلود مايخلي فرصه الا يتغزل فيها ولا يسوي حركه من حركاته اللي تحرج خلود وملاك

ولا يهتم بوجود احد عندهم ....لكنها تشوف مبارك ثاني انسان بارد بتعامله مع ساره يمدح ملاك ويحضنها ويبوسها بس ساره لا ......وكانه فيه خطوط حمرى بينهم مايقدر يتعداها

بس لازم تكلمه شكل البنت تميل له وتبيه ولا كان ماوافقت عليه وبتتعلم وش اللي يحب من الأكل وهي عمرها ماطبخت ...بس يمكني ظالمته يمكنه تغير وصار يستحي يسوي شئ قدامي

وانا الغبيه لاصقه فيهم 24 ساعه وناسيه ان مالهم شهرين من تزوجو ابفضيلهم الجو واروح اسوي جوله ببيوت خواتي

وعزمت امرها وسوت اتصالاتها وخبرت خواتها انها بتنام عندهم وتستغل العطله

....................

لا والله ومن قالها تطلع من البيت من دون ماتقولي

هي قالت بتفضيلنا الجو شوي ماتوقعتك تزعل

مبارك بعصبيه وعلا صوته / ومن قالها ابيها تفضيلنا الجو وليه تفضيه اصلاً لكن دواها عندي

سكتت ساره لما شافته معصب ولا يتحاكا وتذكرت كلام خلود عنه اذا عصب مايبي احد يرد عليه وفضلت السكوت

وانسحبت من الصاله بهدوء

.....................

-من قالك تتطلعين من البيت بدون ماتقوليلي

مبارك لا تصارخ فجرت اذني الله يهديك بس....توك معرس انت وقلت افضيلكم الجو عشان تاخذون راحتكم شوي

-وليه تفضينه انا مستحمل البيت عشانك فيه تقومين تتطلعين

مبارك وش ذا الكلام ؟؟

-بلا مبارك بلا هم مااقدر اتصور ان لي زوجه غير خلود حاولت أأقلم نفسي

على فكره ان زوجتي ساره ماقدرت ....أحس اني اخون خلود الله يرحمها بعد ماذبحتها ومع مين ؟؟؟ مع اختها

مااقدر مااقدر

مــــــبــــــــارك انت عارف وش قاعد تقول ؟؟

انت كذا تلعب بساره ومشاعرها ....كان هاذي فكرتك ليه خطبتها من الأساس

ليه تتزوجها وتعذبها معك وانت مو قد الزواج ... حسافه يامبارك حسافه وين العقل والمرجله اللي عندك

وش ذنب المسيكينه ....؟؟

انا ابرجع للبيت بس مو عشانك لا لأنك ماتستاهل ابرجع عشان ساره حرام اخليها مع واحد مثلك ...وسكرت السماعه بوجهه

وذكرى حمد واللي سواه فيها تمر قدام عيونها ورأفت لحال ساره وانها اكيد بتمر بالي مرت فيه هي الصد والبرود والجفاء

شعور صعب صعب خصوصاً لاكنت تحب وشكل ساره تميل لمبارك ../ الله يعينك ويصبرك على مابلاك