رواية دخيلك خلني جنبك تراني جد احتاجك

29 - 12 - 2024, 08:33 AM

جنى وهي تروح عنهم:احمد ربك اللي سلمت عليك بعد .. وراحت ومشعل يضحك علييها ..

راحت جنى عند الجوهرة ووقفت جنبها وهي تعدل لثمتها:اووف يااختي اخوك ذا غثاااااا
الجوهرة:ههههههه مو اكثر من اخوك فوازوووه
جنى:هههههههههههههههه
وبهالوقت جو سعود وفواز ووقفوا عند جنى والجوهره ...
فواز يتريق على جنى:امووت انا على العيووون الذباااااااحه
سعود:عبررنا ياحلووو .. وجنى خاشه جوها معاهم وتطالعهم بدلع وتصد ...
جى سيف وكملت الشله....
سيف بوله مصطنع:ارحمييييييييييييييييييييييييييييينا بالله ...
عطتهم جنى نظره وصدت للجوهرة ...
فواز:ااااااااااخ يالعيووون اللي تصيب وماتسمي ...
سعود:الررقم ياحلووو ...
جنى بأسلوب مصطنع:لا لو سمحت انا بنت ناس ومتربيه .. اتركني بحالي ...
ماقدر الجوهره الا تضحك على الموقف اللي قدامها ... التفت فواز على سعود وسيف:تلاحظون اني عطيتكم وجه ..؟يتغزلون بأختي عيني عينك ... يلا انت وياه ظفوا وجييهكم ... ورمى على الجوهره نظره كرهتها بنفسها وانطلق مع الشباااب ....

مر جهاد ووقف قدام البنات ...:هااه محد بيركب معي ... ؟
منى:الا الا انااااا ..

عهوود:لااااااااا انا ...

خلوود:لالا انا ابي ...
جهاد:والله ماعلي منكم بأركب اختي اولى منكم .. ورقص حواجبه لهم ....
خلوود:تشووووووووووف ياجهااد وربي ماأعدييها ...
>>طبعا بما ان مكان الدبابات كان مغلق يعني مافيه الا الشباب والبنات مامعهم ناس غرب الصبايا ماخذين راحتهم بس طبعآ ماشالوا اللثم هع

راحت جنى لعند مشعل وسيف وهي مقبله عليهم مشعل قام يصرخ هو وسيف ويصفقون:حبا حبااا باللي جااااااا باللي جاا ... وسيف يصفر ... قالت جنى:وه كل ذا لي .. استحييييييييت ...
مشعل:ميين اللي يستحي ..؟ لايكون انتي ...
ضربته جنى على خفيف:اقوول وخر بس بأركب ....
مشعل:خلي اخوك يركبك ...
سيف:تعااالي يابعد اخواتي الست كلهم يابعد نهى وخلود وعهوود ومها و ..
جنى:بس بس فهمت يلا بأركب ..
سيف:قليلة ادب اتغزل بها وتقول بس بس ... وركب :يلا اركبي ...
ركبت جنى ورااااه .. وانطلق..طبعا سييف كان مسرررع وجنى خايفه شوي لانها عارفته متهووور عشان كذا كانت متمسكه بتيشرته الاسود بقوة ودافنه راسها بظهره ...
سيف:اررفقي على التيشيرت تراه جديييد ..
جنى:خفف شوووي طيب
سيف:طييب .. وزااااد السرعه ومعاها زاد صراخ جنى ....

لما وقفوا جنى وسيف كانوا الكل مجتمعين مع بعض ...
منى تكلم سيف:مجنوون انت .. وش هالسواقه علييك ..
سيف:والله سواقتي عاديه بس بنت اختك اللي خوافه ...
عبدالعزيز بدقه:صرااحه توني اعرف ان جنى خوافه كذااا ..
جنى ناظرته وبثقه بينت من حاجبها المرفوع:تسابق ..؟
الهدووووء كان سيد المووقف ... مشعل ونهى يطالعون بعض بإستغراب ... هنادي كانت خايفه لان اخوها عنيد وجنى اعند ... مها ماتدري وش صار بجنى ... الكل استغرب موقف جنى ..
عبدالعزيز بنفس الثقه وبنفس رفعة الحاجب:ليش لا .. اسااابق ...

قامت جنى وقام عبدالعزيز وركبوا الدبابات ... وسعود هو الحكم ...:ريدي .. استدي .. قووووو

انطلقوا اثنيناتهم ... الشي اللي استغربه سيف ان جنى كانت تمشي بسرعه اقوى من سرعته هو قبل شوي ... اضطر عبدالعزيز يزيد سرعته لحد ماصار جنبها .. جنى ولانها ماتبي تكون جنبه بمثل هالموقف زادت سرعتها اكثر واكثر .. وبالتالي .. فااازت هي بالسباااااق ...

سيف ويقلد صوت جنى:خفف السرعه طيب ياااااي يممممه وينك .. هذاااك تمشين اسرع مني ...
مها:يوووووه ووجع خوفتينا عليييك ...
منى وهي توجه كلامها لسيف وجنى ومشعل:انتوا بايعيين اعماركم يالمهبل اكيييد ..
جنى وهي ماكلفت نفسها تطالع عبدالعزيز:عشان كل واحد يعرف قدره ولايتجرأ يتحداني ..
انتبهت جنى لماهر وكيف يطالع مها بس سوت نفسها ماأنتبهت لشي :سعوود ودي اركب معك ...

سعود حب يطفرها شووي : طيب انا ماودي اركب معك ..
جنى ببرود كتفت ايدينها:بالطقاق ..
ثامر:هااه خوخه تجييين ..؟
خلود:ايييه يلا ...
مشعل:اقول شباب كل واحد يركب اخته معه ونسوي سباق ونشوف من هم اكوس توأم سيامي ..
منى:ههههههههه ضيعت انت ...
عبدالله:والله فكره ... يلا جوجو ...
ركبت الجوهره مع عبدالله . وخلود وثامر ... وجنى وسعود .. ومها وسيف ... ونهى وفواز ... وعهود ومنى ... وجهاد وعهود ... وعبدالعزيز وهنادي اللي تبرعت لها دانه لانها ماتحب الدبابات وتخاف منها ..

وانطلقوا كانوا سعود وسيف وفواز جنب بعض ... وانواع الصراخ والهبااال ... واللي سبق ثامر ...

ماهر:سيييييييييف ابشررك المنتخب فاااااز ...
سيف:بالله يااشيييييييييييخ ...
ماهر:والله توه محمد اخوي مرسل لي ...
جنى وهي تشهق:ايه والله اليوم مباراة المنتخب مع الامارات ....
مها:يلا الحمدلله انهم فازووووا ...
جنى:لاحبيبتي انا ماتمشي معي كذاااا ...
مها:اجل ..؟
جنى:بعدين ...
وقعدوا شوي ... وبعدها توزعوا بالسيارااات ... كانوا البنات كلهم بسيارة ثامر ومعاهم فواز وسعود ...
جنى:ثمووري تكفى طلبت نبي اعلام ...
فواز:ايه صح وافتح المسجل نبي نعلم الناس اننا سعوديين ..
ثامر:ههههه لاياشييخ انت وياها ...
نهى:اييه ثامر واللي يسلمك ...
ثامر:لا اذا وصلتوا للشاليه سووا اللي تبونه .. اما معي بالسياره نوووويه.....

وصلووا للشاليه وسووا البنات اللي براسهم .. طلعوا الاعلام من البلكوون .. وشغلووو المسجل وهاتك ياارقص على انغام راشد ... وياسلام عليكم يالسعوديه هع ...

29 - 12 - 2024, 08:33 AM

الساعة2 الليل ,, كانوا البنات مجتمعين كلهم ,, وسوالف وضحك وهبال ... لكن هي مو معاهم .. معاهم جسد بلا روح .. تفكيرها بوادي ثاني ,,

خلود:منى وش فيكـ ..؟

منى وكأنها صحت من سرحانها:هااه لالا ولاشي ,,

دانه:بنات وش رايكم بكرا نسير الموول ..؟

مها:اييه والله هذا وقته ابييييه ..

جنى:حتى انا ..

هنادي:خلاص بكرا ان شالله ...

نهى:عهوود انا بالحيييييييييييل عطشانه ...!!

عهوود:قومي اشربي مويه ..

نهى:رجلي تعورني من بعد الدبابات اليووم ..

عهود:اهاااااااااا ... يعني رايك اقووم اجيب لك انااا مثلآ ..؟

نهى:مثلآ يعني ...

عهوود:تخيلي عاااااااااد !!!

نهى:عهيييييييييد قومي بس ولايكثر هرجك

عهود:واللي يقول لك لا ..

مها:اقول عهيد جيبي لي معك بعد ..

عهود:ايه بس اشوفني قايمه اركض ادور احد اجيب له .. تلايطي انتي وياها ..

جنى:هييييييييه انتي اصغر القوم خادمهم ...

هنادي:اييه صح .. وانا جيبي لي بيبسي وفصفص ..

عهوود:معصي اجيب لمنى وخلود ودانه وانتوا لاااااااااااااااااااااا

وفعلآ قامت عهود وجابت لنى ودانه وخلود بيبسي وقعدت... خلوود:فدييييييت الذووق انا ياناااس .

عهود تطالع البنات بنظرات خبيثه وتضحك...جنى وهي توقف:منة الله ولا منة خلقه .. انا بأروح اجيب لي ..

هنادي:خذيني معك....

وراحوا هنادي وجنى للمطبخ .. سمعوا صوت غريب بالمطبخ مايعرفون صاحبه ,,

هنادي:جنوووه من اللي داخل ..؟

جنى:وش دراني اناااا ...

هنادي:طيب امشي نلبس شي عشان ندخل ...

جنى:يــلـــــا

وتلثموا البنات ودخلوا للمطبخ ... جنى:اوووف هذا ماهر ,, ولد عمة مها ..

هنادي: اها .. هذا اللي .. ههههههههههههههههههههههههههههههههههه>>ضحكت بصوت عالي بعد ماكانوا يتهامسون لبعض ..

جنى:بس ووجع

ماهر:مهـــا ..؟

جنى:لــــــــا ,, جنـــى ...

ماهر:هلا جنى كيفك ...؟

جنى وهي تفتح الثلاجه:بخيييييييييييييير الحمدلله بعدني مامت ..

هنادي:ههههههههههههههههههه

ماهر:طيب يلا انا استأذن ...

هنادي:بلا ررجعه ..

ماهر سمعها بس مارد عليها بس كان نفسه يعرف من هذي اللي مع جنى ويدفعها ثمن كلمتها .. وطلع ,,

خلود:منى وش فييييييك ترا السالفه مو صعبه لهالدرجه ,, انتي حابته ..؟

منى:خلووووود اقول لك ماأعررررفه ماعمري شفته .. ياشييخه اسمه ماعرفته الا اليوم ..

خلود:والله اللي انا اسمعه من عيال عمي انه طيوب بالحيل ..

منى:طيب هو عمر ثلاثين .. ليش توه يقرر يتزوج ..؟

خلود:الظاهر انه هو ماله خآطر بالزواج ..

منى بخوف:اجل ليش خاطبني اللحين ..؟

خلود:هههه وش فيك ,, الظاهر امه واخواته ضاغطين عليه ,,

منى:لاحبيبتي اجل انا مااأبيه ..

خلود:منى !! بلا هبل عاد ... هم ماغصبوه عليك انتي بالذات .. هم اجبروه على الزواج كمبدأ ..

منى:والله ماادري ياخلووود أحسني ضااايعه ..

خلود:حبيبتي استخيري وماراح يكون الا اللي كاتبه الله لك ...

بجهه ثانيه عند المسبح تحديدا ... هنادي:ههههههههههههههههههه والله ياجنى كل ماذكرت السالفه وكيف كلمتي البنت امووت من الضحك ..

جنى:اجل حبيبتي اخليه ياخذ راحته .. الا معصصصصي .. نجوم السما اقرب له ..

هنادي:ههههههههههه انتي وش جاك قمتي تقطين خيط وخيط ..

جنى:مدري ودي انام بس مافيني نوم ...,

هنادي:وليه ودك تنامين اجل ..؟

جنى:وش يقعدني يعني ...

هنادي:ههههههههههه يعني لازم يصير عندك شي عشان تقعديين .. وين حماسك لجيتك لدبي مع اهلك كلهم

جنى:اسكتي يااختي حماسي لهالسفره كله ضااااااااااااااع ,,,

هنادي وهي رافعه حاجب علامة استغراب:ليه ..؟

جنى:اول شي منال ابوها رجع بقراره وراحوا للشرقيه مع خوالها ...

هنادي:وثاني واهم شي .......

جنى:...............

هنادي:اااااااااااااه ياجنى محد مرتاح ....

جنى:هذي الدنيا ...

هنادي:وانتي الصادقه ....

ومرت لحظات صمت بينهم .. كل وحده تفكر بمصيرها ... ماصحى هنادي من غفلتها الا صوت جنى :يلا ترا اذن ..

هنادي بإبتسامه:يــلا ...

الساعه 12 الظهر ,,

جوال دانه يرن .. بس ماردت عليه ولا حتى حطته صامت ..
ورجع يرن مره ثانيه . وثالثه .

جنى بصرااخ:داااااااااااااااااااانه قفلي جوالك لااقوم اكسره ..

دانه:zzzzzzzzzzzzzzz

جنى:اووووووووووف دااااااانوووووووووووووه قومي قفليييه نبي نناااام

دانه:...............>>لامجيب ..

وصلت حدها جنى وقامت وقفلته ورجعت نامت ... توها بتنام انفتح الباب ...

ام فارس:بنااات يلا قوموا صلوا تراه اذن ..

جنى وشووي وتصييح:حرااااااااام عليكم يانااس حسوا فيناا نبي ننام ..

ام فارس:ههههه طيب قومي صلي وارجعي نامي ...

جنى:ان شالله ...

طلعت ام فارس .. ورجعت جنى تبي تنام ... بس خلـــآص طار النوم ... صحت واوووول شي سوته اخذت كاس المويه وكبته كله على دانه ..

دانه بصراخ وخوف:ووووووووووووووووووووووووووووووووووووووووووووو ووجعه

جنى:عشان المره الثانيه تقفلين جهازك قبل ماتنخمدييييين ..

دانه:اووووووف تلايطي بس ...

طلعت جنى من عندها وتسبحت ولبست فستان صيفي ناعم وضربت شعرها ضربتين بالاستشوار ولمته وطلعت والاخلاق قافله وقعدت بالصاله ...

تنحنح عبدالعزيز عند الباااب .. وطلع سعود ولقاه بوجه ... عبدالعزيز:سعود قلهم يعطوننا القهوة ..

دخل سعود راسه من الباب لجنى:جنى عزووز يبي القهوة ...

جنى: وش اسوي له يعني .....؟ اللي يبي شي يدخل ياخذه .. وقامت ....

سعوود انحرج من تصرفها:معليش عزوز انا بروح اجيبها ...

عبدالعزيز:لا لا خلك بس انت شف لي الصاله فيها احد ..؟

سعود:لا ..

عبدالعزيز:خلاص اجل انا اللي بأدخل ... ودخل عبدالعزيز وهو يحس انه بدا يجيه شعور جديد تجاه جنى .. شعور حقد .. ملامه عتب .. بس ماوصل لمرحلة الكره .. لييه ياربي .. ابي اكرهها !!!!!!!!!!!!!!!

طلع سعود ولقى مشعل بغرفتهم ..... وحكى له كل شي صار .

29 - 12 - 2024, 08:34 AM

مشعل وهو متحمس:إييييييه وبعدييين ...؟!

سعود
:وبس .. قآلت(وهو يقلدها):اللي يبي شي يجي ياخذه .. وقامت ...

مشعل:ماعليك منها تلقاها معصبه من شي وطلع منها هالكلام بدون قصد ,,

سعود:يمكن ........ بس يااخي قهرررتني !!

مشعل:احلى مسووي رجووله يعني انت ووجهك ..!

سعود:أقووول ماأردى من البنت الا خالها ... وانحااش ..

مشعل وهو يصارخ ويتوعد فيه:طيييب يالثووور انا اورييييك

دخلت الغرفه وانسدحت على السرير وحطت السماعات بأذنها .. غمضت عيونها .. تتمنى ان اللي صار كله حلم .. ياااااالله انا وشلوون سويت كذاااا ... ماحست بنفسها الا وهي غااطه >>يعني نايمه خخخ

دخلت مها ودفت البااب بكل قووتها:جنــــــــــــــــــــــــــــــى يلا يلا صحصحي

جنى:......................لامجيب ..

مها بصرااخ:يوووووووووووه جنـــــــــــــى قووومي يامااااال السهاااااااااااد موب وقتك مرره ترا ...

جنى:...................

مها:لالا من جد انتي حالتك صعبه .. قربت منها وصارت تهزها شوي شوي : جنى .. جنــى ..

جنـى:...................

مها بخوف وصارت تهزها اقووى:جنى . جنــى .. وصررخت:جنــــــــــــــــى قووومي تكفين ..

جنى بهلع:وشووو وش فييييك ..؟

مها:اووووووف احسبك متي ..

جنى:موووت يشييلـ ....... عدووك قولي امين ... وش تبيين انتي الواحد مايقدر ينام ....

مها:قومي بس من متى وانتي نايمه الساعه اللحين2وملاك والبنات بيوصلون الساعه4

جنى:وانتي وش دراك ..؟

مها:ملووكتي دقت علي لبى قلبها .. ليتك طالعه عليها ..

جنى:جعلك العرس اللي يظفك انتي وياها بليلة وحده قوولي امين.. طسسسسسسسي عني ابي انوووم

مها:والبنات ..؟

جنى:اذا وصلوا يصحوني ..

مها:كيفك ..

وطلعت .. وبعد عشر دقايق دخلت هيا أخت مها وعبدالله الصغير ودلع ومجود وعزوز اخوها وقعدوا يلعبوون ..

جنى:اطلعوووووووووووووا برااااااا

هيا:جنوو ليه تصارخييين ..؟

جنى:لاني ابي اناام وانتوا مزعجييييييييييييييين .. يلا براااااااااااااااااااااااااا

عبدالله:لا مووب طالعين .. ومد لها لسانه ..

جنى:يالييييييييييييييييييييييييييييييييييييييييل وانت وش جابك ياقائد العصابه ... وحطت يدها فوق راسها وكأنها تذكرت شي : متى جيتوا ..؟

عبدالله:قبل شووووي ..

جنى رجعت انسدحت..حاولت تنام ماقدرت .. قامت وتوضت وصلت لانه اذن العصر .. عدلت شعرها وفستانها وطلعت ...

جنى:ســــــــــــــــلام ..

الجميع:وعليييكم السلام ..

ام عبدالله:الله يسلمك ..

جنى بنص عين:مسوويه دقه يعني ... المهم وش يسمونه ذا .. الحمدلله ع السلامه ..

ام عبدالله:لا الله يجزااك خير ..

قامت جنى عند خالتها:يرضيييييييك ياأم عابد .. يرضييك بنت اختك الصغيره .. آخر العنقود سكر معقوود مايخلونها تنام .. فأي حكم ذا يانااس ..

أم عبدالله بعصبيه مصطنعه:هيييييييييييئ .. وانتم وراكم ماتخلون اخر العنقود سكر معقود تناام ...؟

هنادي بخوف مصطنع:تكفييييييييين ياخاله سامحينا اخر مره والله ..

ام عبدالله وخاشه جوها مع هالتمثيليه:اييه خلكم كذا ...

مها:أقوول يالجنيه وش صار على السوق ..؟ ماراح نرووح ..؟

جنى:جنيييه جابتها امك ... بعدين مادري عنكم انااااا ... وش قالوا لك سواقي عند الباب ينتظرني اكلمه بس هههه ..

دانه:لا خلونا نأجل الطلع لين الليل .. يكونون البنات كلهم هنا ..

نهى:ايه والله احسن ..

بعد المغرب وصلوا البنات كلهم ...

ملاك بعد ماحكت لهاجنى عن اللي صار:وبعدين .؟

جنى:وشوو بعدين .؟ بس هذا كل اللي صار ..

ملاك:انتي اللحين تحبينه والا لا .......؟

جنى:ماادري ياملاك ......... ماأدري .. بس اشوفه احن له .. وتخنقني العبره كل ماتذكرت اللي سواه فيني .. بس بعد كرامتي ماتهون علي ...

قاطعهم دخول هنادي:يلا ريا وسكينه ماراح تجون معانا ..؟

ملاك:الا ياوجه العنزز .. هذانا جايين ...

وطلعوا البنات عند الباركينق .. وجنى ماتدري من راح يوديهم .. وصل لهم عبدالعزيز :يلا ..؟

دانه:ايه ..يلا ..

عبدالعزيز:بس لحظه ... ولف على البنات ورفع اصبعه لجنى:اذا هذي بترووح انا ماني موديها ...

صدمه .. ذهوووول .. مفاجأه ... عبدالعزيز وجنى يصير هذا اخرة حالهم ...!!

جنى ببرود استفزه:لا تكفى انا ودي ومنية حياتي اركب معك .. اصلا لو داريه انك انت اللي بتودينا مانزلت نفسي لمستواك وجيت اكلمك ...

عبدالعزيز:أووكي ياأموره .. زين انك اختصرتي السالفه علي .. يلا بنات ..؟

وهو يمشي استوقفه صوتها:لحـــــــــــظه ....!!

التفت الكل على مصدر الصوت ... نهى:اللي يذل اختي ويهينها ... مالي روحه معه ... وراحت عنهم ..

ملاك:واذا جنى ماراح تروح .. انا بعد مابي هالروحه ... يلا هيا ...

وشوي شوي اختفوا كل البنات من قدام عيونه ... طالعته دانه بنظرات كلها الم:ليييييييه ياعبدالعزييز ليييييييييييييييييييييييه .. وراحت هي الثانيه ...

دخلوا الغرفه كلهم مالقوها .. وسمعوا صوت المويه بالحمام الله يعزكم وعرفوا انها هي .. طلعت وهي مافي وجهها اي ملامح ..:ههههههههههههههه بسسم الله وش رجعكم انتوا ..

نهى بإبتسامه:اللي رجعك ..

ملاك وهي تطلع جوالها:اقوول والله ياحبي لأخوي ابقول له يودينا ..

خلود:لالا ملاك فشله توكم واصلين تلقينه تعبان ..

مها:خلاص انا بأتصل على مشعل واقوله ..

طبعا مها كلمت خالها مشعل وقالت له كل اللي صار... مشعل:والله مادري وش فيهم هالايام كله هواش بهواش ..

مها(بلاك ماتدري وش بينهم):المهم مشيعل هاه بتودينا ...؟

مشعل واللي رفع عيونه عشان يشوف من اللي دخل وطبعا كان عبدالعزيز .. تعمد يرفع صوته:الا بس بسأل الشباب اذا يبون يجون والا لا ..

مها بفررحه:اييه يلا ..

مشعل بنبرة صوت عاااليه:شبااااب أبودي البنات للسوق تجون معي ...؟

فواز واللي رمى اليد حقت البلاستيشن:ايه والله مليينا نبي نطلع ..

ماهر:ايه نبي نرووووووووح

مشعل:خلاص .. يلا اطلعوا احنا عند الباب ..

مها:كلكم ...؟

مشعل:اصبري .. ثامر .. سعود .. عبييييد .. سيفووه..عزوز .. جايين معانا ..؟

طبعا كلهم جاوبوا بإيه ... ماعدا عبدالعزيز:لا والله انا ماراح اقدر .. تعبان شوي ..

مشعل:ماتشوف شر .. ورجع يكلم مها:كلنا جايين بس عبدالعزيز ماراح يجي ...

مها:والا بعد له عين يجي ... هالشييييين

مشعل ضحك ضحكة لفتت انتباه كل اللي بالمجلس_وهذا طبعه اذا بغى ينرفز احد من تحت لتحت_:هههههههههههههههههههههههههههههه الله يرجك ياشيخه ..

مها:وياك .. يلا بس بروح اقول للبنات ..

مشعل طيب لحظه لاتطلعون اللحين .. نبي نروح نكشخ ..

مها:مااااا أقوول الا الله يخلف عليك ياأمي ساره .. يلا طيب لاتتأخرون ...

مشعل:اووكي .. باااي ..

وقاموا الشباب يلبسون .. تاركين عبدالعزيز وسط ذهووله .. وشلووون وانا اللي كنت ناوي احرجها وبالاخير هي تحرجني وتاخذ الكل مني .. يالله انشالله يجي جهاد اللحين ...

دخل جهاد:سلام عليكم دار قومٍ مؤمنييين ..

الجد:ياماال اللي مانيب قايله ...

جهاد وهو يجلس جنب عبدالعزيز:اح كل ذا عشاني سلمت .. الله يصلحك بس يبه ..

تركه الجد وجلس يسولف مع ولد ياسر وابو فارس ...

جهاد وهو يكلم عبدالعزيز:اجل فارس وينه..؟

عبدالعزيز:راح للشرقيه اليوم ...

جهاد وهو معقد حواجبه:ليه ..؟

عبدالعزيز:راح يجيب خالتي ..

جهاد:اهااااا .. والشباب وينهم ..؟

عبدالعزيز:بيطلعون مع البنات للسوق ..

جهاد:يووه عاد انا اكره طلعة السووق ..طيب وانت ماراح تروح.؟

عبدالعزيز:لاتعبان شووي ..

جهاد:لاماتشووف شر ..

عبدالعزيز:الشر مايجيك ..

سيف عطى مها رنه .. وطلعوا البنات وجنى بعد محاولات عنيييفه .. طلعت وشافت البنات يركبوون ..:لحظه انت وياها وياه ..

فواز:خيير يالبرنسيسه ..؟ وش فيه بعد ..؟

جنى:جهاد وينه ..؟

مشعل:وجع مو مالين العين احنا ..؟

جنى:لاحبيبي مالينها بس جوجو حاااااااااقه تانيه ..

ثامر:تحبين اتصل عليه اشوف لك وينه طال عمرك ..؟

جنى وتسوي نفسها تفكر:والله ماهيب شينه ..

سيييف وهو مطلع راسه من الشباك:جنوووووووه اقول اركبي ولا يكثر انتي وخالك هالعله ..

جنى:هييييييييييييييه العله خشتك بعدين تراه خالك مثل ماهو خالي ...

وطلعت جوالها واتصلت عليه ...

جهاد:هلااااااااااا والله .. هلااااا وغلااااااا بالحبيييبه ...

ابو ياسر وياسر وابو فارس وعبدالعزيز طاارت عيونهم ... خييييييير يغازل عيني عينك ...

جهاد اعجبه شكلهم وحب يلعب بأعصابهم شووي:ويينك ياقلبي من زمان عنك ..؟

جنى:اقوول جهاد لايكثر وش رايك تجي معانا السوق ...؟

جهاد:لاحبيبتي مقدر ... اعذريني ..

جنى:يووووووووووه ياسخفك .. ليه طيب ..؟

جهاد:تعرفيني ماأحب هالنوع من الطلعات ..

جنى:لا تكفى علشاااني ... خااااااااااالي

جهاد ابتسم:ابشري ياعيون خالك....عبدالعزيز مازال مصدوم .. توه يقول انه يكره هالنوع من الطلعات .. وهي بكلمتين قدرت تقنعه !!!!!اما الجد وياسر وابو فارس ارتاحوا شوووي ....

قام جهاد:تاامرون على شي ..؟

ابو ياسر:على وييين ..؟

جهاد:بأرووح مع الشباب للسوق ..

ياسر:نعم ..؟ شباب وسوووق .؟ ماتركب والله ..

جهاد:هههههههه اجل نتركهم لحالهم .. عييييب ..

ياسر:هههههههه هامك العيب بقووة .. اقول انقلع بس ..

جهاد:كأني انطردت .. يلا بس سلام ..

الكل:فمان الله ...

بالطريـــــــــــــــق ,,,,

كانوا جنى وسيف طوول الوقت هواش ....

سيف:ههههههههههههه لالا بالله جنى تذكرين ذاك اليوم ...

جنى:اييه اذكر .. بس انت تذكر كيف مت من الخووف من جدي ..

مشعل:اووووووووووووف رااسي بينفجر والله .. خلااااااااص اسكتوا ... هذا عيب اللي يركب سيف وجنى بسياره وحده .. كأني مركب دلع وعزوووز ...

دانه بهمس:بس جنى .. حرام عليك ...

البنات كلهم التفتوا على دانه... نهى ومن دووون مقدماات:خيييييييير وش تحسين به ..؟

اما مشعل ماأهتم بالسالفه وركز بطريقه ...

بالسياره الثانيه ....

منى:اجل وين ولد عمتكم ذا ... وراه ماجى ...؟

ثامر:يقول تعبان ...

خلوود:بالله تعبااان . ياربي مايشوف شر ..

فواز:ههههههههههه وراكم قالبين عليه ...

منى:لانه قلييل ادب ومايستحي على وجهه .. ياخي قسسم كرهته ..

ثامر عقد حواجبه:ليه وش سوى ...

خلود:يعني انكم ماتدروون .؟...!

فواز:والله ماندري ..

منى:سخييييييييييييييييييف لاخر حد اجل فيه واحد عاقل يقول لبنت عمه اذا هذي بتروح ماني موديكم ..!!

فواز التفت عليهم بقوة:من اللي قال لمين ..؟

وطبعا منى ماصدقت لقت احد تطلع حرتها فيه .. قالت كل شي ...

29 - 12 - 2024, 08:35 AM

ياويلــــي .. ياويل حــالي ...!!
هذا اللي .. عديته غـــــالي ..,,
تركنـــي .. والقلب مجرووح ..
وهو اللي داايم في باالي ...

فواز :نعــــــــم !!! خييير ان شالله .. وهذا بأي حق يكلم اختي كذاااااااا
منى هزت كتوفها:ماأدري عنه ...
ثامر:بس اكيد جنى سوت له شي .. والا ماراح يسوي لها كذا والسلام ...
منى:ثاامر .. بسك عاد .. لاتدااافع عنه .. الشي هذا صار قدامنا وجنى ماسوت له شي ...
خلود:بس عاد لاتكبرون السالفه .. احنا طالعين نستانس مو ننكد على ارواحنا ...
وسكت الجميييع ولا فاتتهم نظرة الوعيد اللي بعيون فواز ...

بالمجمع ...

نزلوا البنات وتوزعوا ع التالي ..:
نهى والجوهرة ومنى
خلود ومنى ودانه ونوال
ملاك ومها وعهود وهيا وسارة
رهام وريم وروان

اما جنى كانت مع جهاد ... والشباب كلهم مع بعض ....

جنى وجهاد يضحكون ويسولفون ولاكأن جنى صاير لها شي .. انتبهت لنظرات اخوانها ثامر وفواز لها .. بس طنشت .. بعدين تفرقوا وراحت جنى مع البنات .. وجهاد مع الشباب ...

عند البنات ... ملاك:صرااحه ياهنادي .. اخووك من جد ماله دااعي ..
هنادي:............
عهود:صاادقه .. طلع باااااااااااااااااايخ ..
هنادي:..............
مها:بس لو اعرف هو ليش سوى كذاااا ...
ملاك:ماله عذرررر...بس هو انسان مريض ....
هنادي:بس عااااااااد ... ماتدرون وش وضعه عشان تتكلمون عليه كذاااا .. وقامت من عندهم ..
مها:يووه ملاك لايكون زعلت !!!!
ملاك:اذا بتزعل من الحق .. بكيفها ..
جنى:هاااااااااااااي قااايز ...
ملاك:هايااااات ..
جنى:وش فيكم كذاااا مكتمييييييييين
عهود:هنادي..زعلت ...
جنى:ليييييييييييه ؟
مها:مااشوف السالفه مستاهله .......(وحكت لها اللي صار)..........

قامت جنى لعند هنادي .. وقعدت عندها ...
جنى:اممممم .. حلووووة دبي ...
هنادي:صح ...
جنى:طيب وش رايك نقوم نتمشى ...
هنادي:مالي مزاج ..
جنى بضيق:هنادي حبيبتي .. انا داريه انو صعب عليك تسمعين اخوك ينهان قدامك وانتي ساكته...بس البنات ماكان قصدهم شي بهالكلام ... صدقييييييني .. بعدين اذا انتي عارفه اخوك وواثقه منه..لاتتأثرين بكلام اي احد ثاني ..
هنادي:وانتي ... ماكنتي واثقه بأخووي ..؟
جنى ودموعها بعيوونها:بالعكس ... كنت واثقه فيه .. وبقوووة بعد .. بس هو ماكان قدها ..
هنادي:جنى .. لاتطلعيني من طوووري ...! انا قلت لك سالفة البتووول ...
جنى:وانا طلعت له هذاك اليوم .. وسمعته يكلمها ..
فتحت هنادي عيونها بذهووووول:.........
جنى:للحين يكلمها .. تخيلي ....
هنادي:جنى انــ....
جنى بمرح:خلاص عاد لانقلبها نكد ... اخوك بيبقى ولد عمي وعلى راسي .. بس حركته هذي لاتحاولين تقنعيني انساها .. ويلا عاد قومي ...
وقاموا وراحوا عند البنات ...

بالشاليــــه ....

ياسر:الا وراك ياعبدالعزيز مارحت معهم ووسعت صدرك ...؟
عبدالعزيز:تعبااان والله ياأبو عبدالله ...
ياسر لا ماتشوووف شر ..
ابو ياسر:ماشالله عليه خايف على روحه .. مو مثل فواز الخبل يطلع لو انه على فراش الموت ..
أبو فارس:هههههههه شباب ياأبو ياسر خلهم ينبسطوون ..
ابو ياسر:الله يوفقهم ويستر عليهم ..
رن جوال ابو فارس.... وبعد المكالمه :عبدالعزيز .. قوم شوف اخوك جاب خالتك وبناتها .. اطلع افتح لهم الباب ..
عبدالعزيز:ابشر يبه ... وقام وفتح الباب .. وضاق خلقه اول ماشاف البتول .. بعدين حس ان الموقف هذا كله بصالحه .. بعد ماسلم عل خالته .. اتصل على هنادي..
هنادي:هلا عزووز ..
عبدالعزيز:هلا هنادي .. أقول متى بترجعون ..؟
هنادي: مادري والله .. اللي اشوفه اننا مبسوطين .. وشكلنا مطوولين ..
عبدالعزيز:لامطولين ولا شي .. اطلعي انتي ودانه انا بمركم ...
هنادي:لييش ..؟
عبدالعزيز:خالتي وصلت قبل شوي ....
هنادي بإستخفاف:والمطلووب .. نروح نستقبلها بالمطار مثلا ..؟
عبدالعزيز:لا .. هي اللحين بالشاليه .. وفشله تتركون البنات لحالهم ...
هنادي:نــــــــــــــــــــعم ... وش جابهم عندناااا !!
عبدالعزيز:خير ان شالله .. جابهم اللي جابك انتي .. وغيررك ..
هنادي:غيييري هم اهل المكان ... فاااهم ...!!!
عبدالعزيز:المهم يلا لاتطولينها وهي قصيره .. انا جاي ..
هنادي:لا .. انا ماني جايه ...
عبدالعزيز:ليه ..؟
هنادي:انت قول لي ليش اجي ..؟
عبدالعزيز:هناديوووه لاتهبلين بي ... تتركين البنات لحالهم ..!!
هنادي:لااااااااااااااااا .. لاتحاول تقنعني انك خايف على مشاعرهم ...
عبدالعزيز:هناااااااااادي ...
هنادي:انت لو تحسب حساب المشاعر .. كان ماسويت اللي سويته اليوم .. لا وبميين بجنى ...
عبدالعزيز:.............
هنادي:من الاخر عزوز .. انا ماني جايه .. شوف دانه اذا تبي تجي .. يلا باي ..
قامت هنادي وهي تمشي مع مها وملاك وعقلها مو معاها .. وشلون جنى بتستحمل خالتها العله وبناتها ...
(نوقف عند ام البتول شوي ... هي اخت ام فارس الوحيده .. عندها ولد اسمه طلال يدرس بثالث سنه بالجامعه تخصصه لغه انجليزيه .. طيوب وحبوووب وراعي فله .. عكس امه واخته .. عنده اختين .. البتول .. ثالث ثانوي .. عاديه .. مغرورة .. وتحس ان كل شي ملكها ومال اي احد حق انه حتى يطالع فيه .. وخصوصآ عبدالعزيز..دلال..اختهم الصغيره .. ثاني متوسط ،،امهم نفس طبيعة البتول تقريبا ..)
مها وهي تمد يدها لهنادي:هاه هنادي شميه .. وش رايك فيه ..؟
هنادي:هاه .. ايه حلووو ..
وبهاللحظه وصلت لهم جنى ... سحبتها هنادي وطلعت تمشي هي وياها ..
هنادي:جنى .... خالتي ... خالتي بالشاليه عندنا ...
جنى:ايييييييييش !!!
هنادي:............
جنى:البتــ ... البتول .. في الشاليه اللحييين !!!!!!!!!
هزت هنادي راسها بإيه ...
جنى بإبتسامه قهرت الدموع:الله يحييهم ....
ورجعت للبنات ... وهي راجعه قابلوها فواز وجهاد....
فواز:انتي وش مسوي لك عبدالعزيز ..؟
جهاد:بعدين ليه ماقلتي لناااااا ..
فواز:وانتي مسويه له شي قبل ..؟
جهاد:تستااهلين اللي جاك وزووود ... عشان المره الثانيه تتكلمين ..
فواز:ومتـ ..... قاطعتهم ضحكة جنى:هههههههههههههه وش فيكم بسسم الله عليكم ...
فواز:شف بالله ..!! انا شووي واتقطع من القهر وهي ولاكأنها منهاانه ..
جهاد يستهبل:خلنا نررجع ان ماسدحته مااصير جهاد ..
جنى وهي تضرب على كتوفهم:لا والله ورااي رجااااااااال .. وراحت وهي تضحك ...

رجعوا البنات للشاليه .. وكانوا الحريم قاعدين برا .. جنى راحت على طووول للغرفه ... وتسبحت وعدلت شكلها وقعدت تفكر .. وش جابهم اللحيييييين ...!! وليه عبدالعزيز مارضى يطلع معانا ..!! معقوله يكون عنده خبر من قبل ...!! يووه وانا وش دخلني فيهم ..كيفهم .. وطلعت ...

29 - 12 - 2024, 08:35 AM

انا ماني مثل غيري اجي مع دقة الاصبع ...
انا مهرة بلا فارس عجز من هو يروضها ...

طلعت جنى من الغرفه لبرا الشاليه يعني المكان اللي كانوا قاعدين فيه الحريم والبنات ... دخلت عليهم وهي راسمه احلى ابتسامه على وجهها البريئ ...

ملاك وهي تصفر:ياأرض احفظي ماعليكٍ ..
مها وعهود وهم يصفقون:ياأسووود يالون المسك والعنبر ... >>لأنها كانت لابسه فستنان اسود ...
جنى وهي تخبي وجهها بين ايدينها:يوه خلاص استحيت ...
هنادي:هههههه امووووووووووووووت انا ع اللي يستحون ...
جنى:خلاص عاد عطيتكم وجه ... ومشت عند البتول وامها وسلمت عليهم ...
البتول بهمس لأمها:شفتي يمه .. شفتي هذي هي جنوووووه ..
ام طلال:هذي هي ...!!
البتول بقهر:اييه حسبي الله عليها ..
ام طلال:انا بأفهم ليه تكرهينها كذا ...!!
البتول:بتقنعيني انك تحبينها ..!!
ام طلال:لا بس انا ماأكرهها هي بعينها .. انا شايله على اهلها كلهم مو مثلك ....!!!
انحرجت البتول وسكتت ....
عند البنات ... ملاك تهمس لـ هنادي: يووه وش فيها بنت خالتكم ذي كذا مبوووزة ...!!
هنادي:ياشييخه لاتجيبين لي سيرتها لاأتوطا في بطن بطنها ..
دانه:من هي ...؟
هنادي:الشييينه من غيرها ....
دانه بتكشيره:يووه تكفوون اسكتوا ..
ملاك:ههههه اذا انتوا يابنات خالتها ماتحملتوها وش بنسوي احنا ....!!
هنادي:اوووووف بس الله يعييين ..
ام سيف:هااه بنات عساكم انبسطتوا بالسوق ..؟
ملاك وهي تخفف نطقها للراء:اييه والله ياخاله مرررررررره مررررره انبسطنا .. بس حسافه ماراح نقدر نعيدها ..
ام سيف:لييه ان شالله ..؟
ملاك:تدريين بعد ام طلال جت ولازم نقعد هنا عند البنات ..
هنادي:عييييييييب نتركهم لحالهم ...
ام سيف:هههههه مافيها شي خذوهم معكم ....
جنى:حتـــــى لو أخذناهم .. ماراح تنعاد وناستنا اليوووم ...
ملـاك:هههههههههههههههههههههاااااااي جبتيها ...
جنى:اعجبك انا افا علييك ههههه
مها:قوموا بنات داخل مليت هنا ...
ملاك وهي تتكي على المخده اللي جنبها:والله انا مااااااااااالي خلق اقووم .. روحوا انتوا ...
جنى:كيفك ...
ملاك:هييه لحظه لحظه ماصدقتوا خبر يالعبيييييد ..
جنى:ههههههه طيب يلا قومي ..
ملاك:لالا استهبل والله ماني قايمه ..
رمت جنى المخده عليها وطلعت ... وقاموا الحريم ومابقى غير البتول وملاك و منى وخلود ...

البتول:شخبارك يا ........>>وهي رافع ايدها لجهة ملاك ..
ملاك طالعتها ولفت وجهها عنها ولاكأنها تكلمها ...
منى بحرج:هذي ملاك ...
البتول:ايه صح .. شخبارك ملاك ..؟
ملاك:زينه ..
البتول:وانتوا بنات كيفكم ..؟
خلود:الحمدلله ماشي حالنا ...
ملاك:الا انتي كيييفك وكيف العلاج بالامارات ان شالله مريح ....
منى واللي ماقدرت تمسك نفسها انفجررت من الضحك ....
اما البتول قامت وراحت عند امها ....
منى بعد ماحكت للبنات وش سوت ملاك مع البتول ....
هنادي:هههههههههههههههههههههههههههههههههههههههههههه ههههههههههه
دانه:ههههههههههههههههههه تستااهل وربي ..
مها:هههههههههههههههههه قهر ليتني شفت وجهها ..
هيا:حقها وماجاها ...
جواهر:ههههههههههههههههههههه يووه ياناااس ثقيلة دم من جد ...
ملاك:شوويه ثقيلة دم .... اوف بس الله يعيننا عليها ...
.................................................. ..........................

عند الشباب ...,,

فواز يطالع عبدالعزيز بنظرات كلها حقد .. يحس نفسه هو اللي انهان .. كيف لا وهو اهان جنــى اخته اللي كل من شافهم يظنهم توأم ... طول عمره يعودها على عزة النفس وقوة الشخصيه .. وبالاخير تنهااان ..

طلال:اقوول شبااااب .. ودي العب كووورة .. من زمان عنها ...
ماهر:جبتها والله ... يلا قوموا شباب ...
عبدالعزيز:لالا انا ماني لاعب ...
فواز:ولاأنا ..
جهاد:وانا بعد ...
مشعل يطالعهم:قلعتكم .. وطلعوا ....
جهاد بدقه ويكلم مشعل: اقوووول مشيعل .. الظاهر اني عطيتك فوق حجمك وصرت تحسب نفسك تموون ...!!
فواز وهو يطالع عبدالعزيز:يووه والله ياجهاد ماكنت ادري غصب علي ...
جهاد:هشش بس ولا يكثر .. هالمرره بأعديها عشان خاطرهم ...
فواز:من هم ..؟
جهاد:بلا تناااحه .. انت عارفهم منهم ... ورفع راسه لعبدالعزيز:والا يحتاج اقوول ...؟
فواز مسوي نفسه مرتبك: لالا خلاص مو محتاج ..
جهاد:حسسك عييييييييينك اسمعك مكررها مره ثانيه .... ماراح اقول وش بأسوي .. بأخليك تشوف بعينك ..
فواز وهو ينزل راسه بأسلوب غبي:ان شالله ..
جهااد: ههههههههههههههههههه ضابط الدور يالثور ..
فواز:هههههه اعجبك ...
وقاموا عند الشباب ...
اما عبدالعزيز بينه وبين نفسه تجدد له شعور ثاني لجنى .. مايدري وش هو ...!!!
.................................................. ....................................

صباح اليوم الثاني ...,,
هيا فوق راس جنى ..:جنى يلا قوووومي ..
جنى:.......................
هيا:اوووووووووووووف .. جنى يلا عاد قوومي تكفيييين ...
جنى:هااه هيااا وش تبيين ..؟
هيا:قومي ابيك تزينين شعري ...
جنى:كم الساعه اللحين ..؟
هيا:10 ...
جنى:هيووووووون حرااام عليك مقومتني من عشر عشان شعرك ... ورجعت غطت وجهها ..
هيا:جنى وش اسوووي ماجاني النوووووم عاد .. ومشتهيه اكشخ ..
جنى وهي كاتمه ضحكتها على هبال بنت عمها:واذا انتي ماجاك النوم مايجيني انا بعد ...؟
هيا:خلاص مو لازم .. ولفت بتطلع ..
جنى:هيووون خلاص تعالي ...
هيا:لا .. ماأرجع الا لما تعتذريين ..
جنى:قلعتك ...
هيا:هههههههههه استهبل يلا قوومي عاد ..
قامت جنى .. وتسبحت ونشفت شعرها بالاستشوار ولمته كله على فوق ... واستشورت شعر هيا .. وطلعوا للصاله اللي كانت فاضيه ...

هيا:جنى قوومي نطلع للمسبح ...
جنى:صااحيه انتي .. نطلع بذا الشمس ..
هيا وهي توقف:اييه عادي ..
جنى:رووحي انتي .. والله انا مابعد شبعت من الدنيا ولا ودي اموت بعز شبابي ..
هيا:ههههههههههه الله مووت مره وحده .. وطلعت .. وشافت واحد يسبح .. ظنته خالد ولد عمها .. لالا خالد مو كذا شكله .. اممممممم ياربي من يكون ... طلع طلال من المسبح ... هيا:ياااي جسمه جنااان .. يااالله من يكووون ... دققت بملامحه زين وهو ينشف شعره .. وماحست على نفسها الى لما رفع عيونه لها .. ورجعت ركض لداخل ...
هيا:جنى جنى جنــــــــــــــــــــــــى ..
جنى:هااه هاااااااااه ووجع وش ذا الصراخ من على الصبح ...
هيا:شفت واحد بالمسبح ....!!
جنى تسوي نفسها منفعله:يااااااااااااااااالله ..
هيا:شفتي !!
جنى:هيااا .. واذا يعني شفتي واحد بالمسبح ...!!
هيا:بس ماأعرررفه ..
جنى:وبعدين ..؟
هيا:اقوووووووولك ماأعرفه ...!
جنى:يممممممممه .. يمكن يصير حرامي ..
هيا بعيون حالمه:تخيلي .. يصير حرامي وتنادون الشرطه بعدين اجي انا بالوقت الضايع واقول لا مو حرامي .. بعدين تتبرون مني وننسجن انا وياه بعدي نهرب من السجن ونتزوج ....
جنى ضربت هيا على راسها:يالخبله ..!! قومي نشوف الحرامي....
هيا بحماس:يلا يلا ....
وهم طالعين قابلهم سعود:على وييييييين ..؟
جنى:سعوود سعوود .. فيه حرامي بالمسبح ..
سعود:وش يسوي ..؟
هيا:يسبح ..
سعود:هههههههههههههههههههههههههه ماكذب جهاد يوم قال انكم ناقصات عقل ودين .. حرامي ويسبح وش ذا الحرامي الواثق ...
جنى:اجل من هوو ..
سعود:هذا طلال الله يفشلكم .. اقول ارجعوا ناموا ابرك لكم ... راحوا البنات ودخلوا للمطبخ .. وهم يضحكون على خيالهم الخصب ... سمعوا صوت طق عند باب المطبخ ...
هيا:هلا عبدالعزيز ..
عبدالعزيز:هلا بك .. هيا نبي الفطور ...
هيا:جنى جيبي الصينيه من هناك ..
جنى متعمده ترفع صوتها:يووووووووووووووووووووه كم مره قلنا اللي يبي شي يدخل يجيبه هو ..
وهي رايحه بتطلع استوقفتها صرخته:جنــــــــــــــــــــى .. جيبيه انتي ..
جنى بضحكة استخفاف:هه ماجابه الا انا .. لا ولمين .. لك انت ... ان يور دريييييييييييييييييييييييم ...
راحت هيا بتحل الموقف ورجعت وهي شايله الفطور:خلاص عبدالعزيز خذه ..
عبدالعزيز كتف ايدينه:مااا أخذه الا منها هي ... هذا اللي ناقص بتمشي كلمتها علي ...
جنى:اييه امشيها عليك وعلى عشره من اشكاالك .. انت اصلا من تكووون معطي نفسك شي وانت ولا شي .. وفطوور عمرينكم ماأفطرتوا .. واذا بتنتظرني لما اجيبها ترا بتطول ... وطلعت ...

هيا:معليش عبدالعزيز سامها ترا ......
عبدالعزيز:بس ياهيا .. انا تعب منها ومن تصرفاتها ... اذا هي ماودها نرجع مثل قبل تقول لي ولا تهينني كذا .. انا مهما كان رجاااال وكرامتي فوق قلبي ...!!

هيا:...........................

نزل عبدالعزيز لمستوى الصينيه وشالها:هه والله ومشيتي كلمتك علي ياجنى ... وراااح ...

هيا ماتدري ليه تأثرت بهالموقف .. وراحت بتخانق جنى .. بس شافت البنات صاحيين وخلتها لوقت ثاني ...

29 - 12 - 2024, 08:36 AM

دخلت هيا عند البنات .. وجلست ساكته على غير عادتها ...

ملاك:هيووون وش فيك ..؟
هيا:لاولاشي ..
ملاك:هيوووون لايكون نسيتي من انا ,,.؟
هيا:اسألي بنت عمنا الغاليه ..
ملاك: من تقصدين ..؟
هيا:جنى ... جنى اللي عرفت اليوم اني طول عمري كنت منخدعه فيها .. كنت اشوفها بنت العم الحنونه اللي قلبها يوسع للكون كله .. واليوم بس اكتشفت .. ان ماعندها قلب من اساسه ....!!
ملاك:هياااا .. وش فيك انتي .. وبعدين وش مناسبة هالكلام اللحين ..؟
هيا:ملااك !! يعني انتي عاجبك سوايها بعدالعزيز ..؟
ملاك:هههههه قولي كذا من الاول .. الظاهر انه لعب بمخك انتي بعد ...
هيا:ملاك مثل ماجنى بنت عمي عبدالعزيز بعد ولد عمي ,, واحنا كلنا عارفين انه غلط..بس هو تحسف .. نسى .. كلنا نسينا الا جنى .. مانست .. وليومك هذا قاعده تدفعه الثمن .. خلاص كفايه عليه لحد كذا وربي حراام ..
ملاك:اذا تفكيرك كذا اسمحي لي .. مااقدر اخذ واعطي معك .. وقامت بتطلع ..:وعلى فكره..اذا انتي ضعيفه وهاينه نفسك عندك .. فجنــى عمرها ماتهون عند نفسها .. وطلعـــــــــت ,,

في الجهه الثانيه .. عند الشباب ,,

فواز:اقول ياسر ..
عبدالله:اصغر عيالك هو .. قله ياخال ..
فواز:اوووووووووف ياخي ياشين اللي يحتكوون .. انت وش دخلك انا اكلمه هو انت وش يدخلك ..
ياسر وهو يضربه على ظهره:لاتراك زودتها عاد ..
فواز:افااا يااخال ماهقيتها من وانا ابو نايف ..
عبدالله:توه يصير خال هااه ..
مشعل:ياخي ياااحبك للشر انت .. اسكت خل الامور تمشي ..
جهاد:اييييييه والله .. شرييييييييير ..
عبدالله:يعني طاحت براسي اللحين ..
فواز:تستاهل ياشريييييييير ..
عبدالله وهو واقف:اقول سقها انت وياه ...
جهاد ومشعل:على وين ..؟
عبدالله:اعوووذ بالله ياللقافه .. وش دخلكم ..!!
جهاد:هيييه احترم نفسك عمامك احنا ..
عبدالله:طيب .. مع السلامه ياعمـــــي .. وطلع ..
ياسر:هههههههههه
مشعل يتريق على اخوه:هـ هـ هـ تضحك انت ووجهك ..
جهاد:ايه مستانس على ولده ..
مشعل:مالت عليه وعلى ولده ...
فواز:ايه والله ..
جهاد:انت وش دخل أهلــــــــك اللحين .. انا أسب اخوي وولده كيفي .. انت لآ احترم خالك ..
ابوياسر:بس خلاااااااااااص ازعجتوووووونا ..
مشعل:افااا ياأبو مشعل ..
ياسر طارت عيونه:هييييييه خير ابو مشعل ...
مشعل ببرائه:يووه وشوو مو هو ابوي ..
ياسر:ابوي قبل مايصير ابوك ..
جهاد:ايه صح مشيعل ابوي قبل لايصير ابوك ..
ياسر:ههههههه جانا الثاني ..
فواز وهو يصب له قهوة:خلاااااااااااص حبايبي ابوكم كلكم لاتتهاوشووون عشان اوديكم للبقاله ..
ثامر وفارس:هههههههههههههههههه
فواز:انتم معانا بالجوو .. زييييييييين والله حسبتكم نايمين ..
ثامر:انت وش يعرفك بالثقل .. ازحط بس ..
فارس:اييه والله يحسبنا مثله ..
فواز:وش فيني حبيبي وش اشكي منه ..
فارس:ابد .. بس مخك لك عليه .. وخفيف .. وخبل .. ومخروش و ..
فواز:بس ووجع .. كل ذا فيني ..
فارس:خلني اكمل طيب .. و ...
فواز:بس بس راسي صدع .. هذا وانت ماكملت ..
جهاد واللي له ساعه يغمز لفواز بس ماأنتبه له .. واخيرا انتبه له انه يغمز له بجهة عبدالعزيز ...
فواز لف على طووول وشافه سرحان ... رجع راسه لخاله .. وطنشـــــــــه ...
جهاد يكلم عزوز:فنجال ياأبوو ؟!
عبدالعزيز:لالا تسلم ..
فارس:ايه عزوز دريت ان خالي ماجد بيجي اليوم ..؟
عبدالعزيز:لا من قال لك ..؟
فارس:هو اتصل علي
ويبينا نروح له المطار ...
عبدالعزيز:طيب ..

عند البنات ...
مها:هههههههه والله خالك ذا فله ..
دانه:ايييييييه فديته ,, تدرون انه بيوصل اليوم ..؟
منى شرقت بالعصير اللي تشربه ..
خلود:يوصل ..؟ وين ..؟
دانه بإستغراب:وين يعني ..؟ هنا .. عندنا ..
منى:خـ .... خالك ماجد ..؟
دانه:ايه .. خالي ماجد .. ليه ..؟
منى طالعت خلود بنظرات خوف .. خلود:هههههههه لابس مستغربين محد جاب لنا طاري ..
دانه:اهاااااا

بالمطبخ ...

جنى:ايييييييييييييه اذكرها ياشيينها ..
ملاك:هههه بس كانت تحب هيا .. ماأدري وش لاقيه فيها ..
جنى:هيووونه فديتها تنحب على طووول ..
ملاك والابتاسمه راحت عنها:...........
جنى:وش فيييييييك ياهوووه ..
ملاك:لا لا .. ولاشي ..
جنى:طيب اليوم وين بنروح ...؟
ملاك وكل تفكيرها بالاجواء المتوتره بين البنات ..:مادري .. اشوف اليوم ماله داعي نطلع ..
جنى:ليييييييييه ..
ملاك:نريــح شوي ... بعدين الايام قدامنا ان شالله .. يمدينا نطلع على رواق ..
جنى:صـح ..
ملاك:يلا طيب .. قومي نطلع ..
وقاموا وراحوا عند الحريم بالصاله ...
جنى:يامساااااااء العشق والشووق والذوووق ...
ملاك:مسااااااااكم ايمان ورضى الرحمن ...
ام ثامر:وش عندهم الاخوات راضين علينا ..؟!
ملاك وهي تجلس جنب زوجة عمها ام ثامر:احنا دايم الدووم راضيين عنك ياحلوووو ..
ام سيف:دايم الدووم ..! كثري منها ذي ..
ملاك وهي حاطه يدها على راسها علامة انها تفكر:يعني مو دايم دايم .. بس شوي ..
ام عبدالله:هههههههه قولي جمله مفيده ..
ملاك:خلاص عاد لاتدققون ..
ام سيف وام عبدالله :ههههههههههههه
جنى:يمه اليوم ماراح تروحون لشي ..؟
ام ثامر:لا فيه مباراة والعيال يبونها ..
ملاك:احسن ..
ام ثامر:لييه .؟ غريبه ماودكم بالطلعه ..؟
ملاك:لاوالله اليوم مالي خلق ..
جنى:قوومي بس انا بروح للبنات ..
ملاك:روحي احد ماسكك ..
جنى:وانتي .؟
ملاك:انا بقعد عند خالتي حبيبتي ..
ام ثامر:يالطييييييف
ملاك:لهالدرجه اخوف ...
ام ياسر:لاوالله ماشالله عليييك مثل البلسم ..
ملاك انحرجت خصوصآ انها ماتمون على ام ياسر:تسلمين ياخاله ..
جنى:ههههههههههه اموت يالحياا .. يلا سلام ..
دخلت جنى عند البنات:هااااااااااااااااااااااااااااااااااااااااي ..
خلود:وجع تراك بنت خلي فيه نعومه شوووي !!
جنى:كيييييييفي .. ودخلت .. طبعا مافتتها نظرة هيا لها .. وماأمداها تقعد الا وهيا قايمه وطالعه ..
جنى_بينها وبين نفسها_:ياترى وش فيها هيا ...؟