14 - 4 - 2025, 01:09 PM
|
#31 |
رد: ديوان الشاعرة الراسية
ابشر بها لعنبو منهو عصى شورك
ابشر بها لعنبو منهو عصى شورك ابر بشورٍ على فرقاك يغريني
الساعه المباركه يوم انطفى نورك
لوحت تبغى الفراق وقلت من عيني
اشرب من البعد لن تفيّض بحورك
يكفيك ما جاك وما جاني يكفيني
لا تحسب ان الغلا بيزيد من جورك
ياجايرٍ الهوى ماهوب معنيني
وش انت يالي عصنك ابرك مهورك
وش موقعك في حياتي بن مغليني
خل السوالف وعطني صافي شعورك
في مهرةٍ طاحتك والناس ممسيني
خلت لك السرج وراحت وانت ف كسورك
تدعي المجبر ولا حولك مداويني
ادوارنا ادبرت والقابله دورك
يجيبك الليل الاغبر وانت توحيني
افطن لهرجي ترا مانيب مسحورك
جحر دعسته ودابه التوى فيني
في ليلةٍ ما تشوف عيوننا جحورك
والشاهد الله ليالينا تبريني
الحر له كفخه من باقي طيورك
يكفخ بعرض السما كفخة معيفيني
ذي زبدة الهرج مليتك من غرورك
ولوك بدمي بقطع كل شراييني | | |
 | |
15 - 4 - 2025, 04:56 AM
|
#32 |
رد: ديوان الشاعرة الراسية
يمه على الظن فوق ولا تحاتيني
يمه على الظن فوق ولا تحاتيني
بموت ما تنحني لاكبر بشر هامه
ابيك لا جيت ببكي حيل ضميني
وخليني ابكي على صدرك وهندامه
يمه ذبحني الحزن محد يواسيني
امي بطعنة ظهر واقوم منضامه
والطعنه الي تغلغل في شراييني
ما تذبح الا على قول البدو هلامه
صوتك اليا مت يا يماه يحييني
قولة هلو من شفاهك تركز القامه
لبا معاليق قلبك يا مناديني
لبيه لبيه يا قلبي وصاممه
اذا سمعتي قصيدي فيك حييني
واكبر شياطين شعري يعلن اسلامه
واذا زعلتي عليه لا تحاكيني
والله لا ابوس القدم واصر خدامه
يمه فديتك بقربك بس داويني
داوي يتيم تخلو عنه اعمامه
يفدونك فروخ قلبي مع محبيني
ويفداك عمري وما اقبل من ايامه
ويفداك دمع على خدي يصحيني
ويفداك قلبي وما حوله من عظامه
يمه فديتك اليا من جيت حبيني
وانا من الراس بنزل لا خمص اقدامه
| | |
| |
15 - 4 - 2025, 05:02 AM
|
#33 |
رد: ديوان الشاعرة الراسية
ضاقت الدنيا الوسيعه في عيوني
ضاقت الدنيا الوسيعه في عيوني
واصبحت عندي مثل مثقال ذره
ياصباح الدمع الاسود ياشجوني
بالقدر آمنت في خيره وشره
اشهدان ها.. صدق ماخابت ظنوني
شفت في وقت الضحى كل المجره
واعدوني واعدوني واعدوني
جعل مايبقى لهم ف الارض جره
جعل قوم جاو من دونه ودوني
ماتشوف عيونهم لحظة مسره
هيضوني لعنبوهم هيضوني
بالقصيد اللي غدا فالكبد حره
كل ماواعدت ربع خالفوني
مابقى فالخرج من حلفي مبره
وين ما وجهت يامكثر طعوني
كنها جيش تمركز في مقره
آه يا(بخوت) صوبه ماخذوني
وين يام ووين قحطانن ومره
وين فزعة ربعي اللي مانسوني
وينها بقولها الفين مره
ضاقت فياض الوسيعه وابهتوني
واصبحت عندي مثل مثقال ذره
ياصباح الدمع الاسود ياعيوني
بالقدر آمنت في خيره وشره | | |
| |
15 - 4 - 2025, 06:06 AM
|
#34 |
رد: ديوان الشاعرة الراسية
علومني العشق عيب وظليت وحدي
علومني العشق عيب وظليت وحدي
علموني عشق الأمطار في النصف الهزيل
جيتهم والصدر ضايق وليلي سو مدي
كني اللي يطلب القرش من كف البخيل
جيتهم وسهيل غاية وزعلان الجدي
وانتثر سمن السواليف وأنشق الصميل
يا جماعه لا تحسبون قلبي بيعدي
والله ان يبطي خفوفقي وهو ماله دخيل
جرهدي ياهل الكيف قلبي جرهدي
حالف مايفك سبقه ولا يشفي غليل
يوم جارت سود الأيام جيتك يا بعدي
كني اللي ذل نفسه ولا عز الذليل
جيت كني ضحى العيد باصير الهدي
جيت لك أبغي أقيل ولا جاد المقيل
هو صحيح ان الليالي لها وجه ندي
مير مانبدي جبينك إذا شفت العليل
شاعري إلي متى المزن هطال بردي
شاعري وش يروي الغصن غير السلسبيل
ضاقت الدنيا بوجهي وانا صرت الفدي
لا ذبحني طول ليلي ولا طال الطويل
شاعري والظن الأخر اعرف انه ردي
رح فمان الدرب الأغبر ودور لك بديل
| | |
| |
15 - 4 - 2025, 06:12 AM
|
#35 |
رد: ديوان الشاعرة الراسية
واضح انك طيب وخاطرك طايب
واضح انك طيب وخاطرك طايب
وواضح انك شخص ماهزيت ريشه
الهوى ياسيدي مابه غصايب
والعمر ياسيدي مره نعيشه
كل شيٍ في زمنا له ضرايب
وذي ضريبة قلبي اللي ساق جيشه
شوف صفتهم على بابك كتايب
كل قلبٍ صارت ضلوعه هشيشه
والمشاعر سقتها سوق الركايب
يعلم الله مابها شيٍ غشيشه
وانت خابرني ولالي بالطلايب
جبت لك قلبٍ وعود وسط خيشه
والجفول اللي لها شقر الذوايب
لو عصاها قلبها بيعيف طيشه
استتبته من هواك وجاك تايب
وانقطع سبقه ولا علق خريشه
واعتلا فالجو من فوق السحايب
تاركٍ دسه وسبقه في عريشه
مابقى الا ريشه وسط الهبايب
وصوت دابٍ فالخلا يسمع وشيشه | | |
| ديوان الشاعرة الراسية |
الذين يشاهدون محتوى الموضوع الآن : 1 ( الأعضاء 0 والزوار 1) | | | 
الأعضاء الذين قاموا بتقييم هذا الموضوع : 0
| لم يقوم أحد بتقييم هذا الموضوع | 
تعليمات المشاركة
| لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
كود HTML معطلة
| | |   الساعة الآن 06:41 AM
| | | | |
عضويتي
العرض العادي
