ويقولوا إن الزين بس للصبايا
حكي الجياكر صدق ماخوذ خيره
عندي حبيب فيه كل المزايا
فوق الشهامه اشهد انه دميره
له ضحكة تسوى سواة وسوايا
ورزة عقال ماهي لحد غيــــره
وغمازيتين هناك صوب الشفايا
ونظرات عين يالخلايق خطيرة
ودي اشوفه كل لحظه معايا
عيني بصيرة وبس اليد قصيرة
صرت المحه في عين كل الزوايا
واموت لاجا ذكره باي سيرة
اترك عشانه كل عمري ورايا
وابني له بوسط الحشا الف ديرة
سبحان من خلى الحسن فيه اية
قلبي هواه ومدري وش هو مصيره
من يوم شفته الوصل صار غاية
ورسمت في لحظه اماني كثيرة
واطنني تناسيت كل البلايا
وعيوبه صارت في عيوني صغيرة
كحيان ومنتف قليل العطايا
مير اشعر بظله كني اميـــــــــرة
يرمي سهام العشق احسن رماية
وينيشن قليبي وينثر عبيــــــــــره
كم مرة يحلف مالي سوايا
ولاجا يناديني ينادي سميـــــرة
لكن احبه يا بلاه وبلايا
وابقى اتحمل سلبيات كثيــــــرة
لاني وهبته الروح واجمل الهدايا
حبي مع اخلاص على شوية غيـــــره
وصرت اعذره واهيم به في عمايا
واقول يرجع لي ويعقل مسيـــــــره
جنن قلوب الناس واحلى صبايا...
وعذب لي قليبي وملعون خيره ...!!
|
عضويتي
مين يقول الزين يس للصبايا 
العرض العادي
