يعني عطيك الثقه وتردها با لوي الذراع

#1 25 - 4 - 2012, 08:17 PM

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل ..

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحـــــــــيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..
يـــــــــــذلف الله لايرده.. والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل..

الموضوع الأصلي : يعني عطيك الثقه وتردها با لوي الذراع || الكاتب : برستيج || المصدر : شبكة همس الشوق

25 - 4 - 2012, 09:06 PM

رايع سلمت يداك ع الموضوع

25 - 4 - 2012, 09:47 PM

يسلمك ربي نورتي

25 - 4 - 2012, 11:03 PM

أقف هنا لك إحتراماً وتقديراً على هذا ـآلذوق والإبداع
كلمـــآت جميلة منسوجه ومتذوقه ـبصفوة نفسك
يشرفني أن أكون ممن زرعـ أحرفهـ هاهنا أمام ذآئقتك
فأنثرهاـإعجـــآباَ وتقديراَ لماإختاره قلمك
فسلمت وسلم بنانك ..
مررت من هنا فزرعت أحرفي ..
ماننحرم من جديدك
ـأطوـآق ـآلياسمين أهديهآ لجمــــآل ذآئقتك ..

25 - 4 - 2012, 11:12 PM

اسعدني مرورك المعطر الجميل
تسلم كفوفك على المرور الحلو ما قصرتي يا الغلا

26 - 4 - 2012, 12:51 AM

سُطورْ رآئعةْ تُشبهِ المآسَ فيْ برْيقِهآ
كلمآت فيْ منتهى الرّقة والسّحرْ !
وًَُكاليآسميِنْ تأخذنآ إلى عآلمٍ آخر
مليء بآلأحآسيسِ الوَردِيةَ ~
تقبلٍِ/يً مروري المعطَرةْ من عَبيرِ مآنثرت ~

26 - 4 - 2012, 12:53 AM

تسلم كفوفك على المرور الاكثر من رائع عساك عالقوة نورتي يا الغلا

30 - 4 - 2012, 09:35 PM

كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..
دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
مومي

المواضيع المتشابهه لموضوع: يعني عطيك الثقه وتردها با لوي الذراع لموضوع: يعني عطيك الثقه وتردها با لوي الذراع
الموضوع	كاتب الموضوع	المنتدى	مشاركات	آخر مشاركة
السر في حقن اللقاح على الذراع	حنين الأشواق	همس للطب والصحه	4	22 - 6 - 2021 05:56 PM
عطني غلا و عطيك عشق ومحبه	همسه الشوق	همس الشعر والقوافي	6	25 - 4 - 2021 09:35 AM
تدري وش يعني افتقادي يعني بقايا انسان مات	العاشق الولهان	همس لمدونات الاعضاء	4	24 - 1 - 2021 02:57 AM
تذكرني وس عطيك كل شيء	نظرة عين	همس المواضيع العامة	6	15 - 11 - 2014 07:34 PM
صور امريكية مبتورة الذراع تفوز بلقب ملكة جمال	علياء	همس للاخبار الفنية العربية والعالمية وصور المشاهير	6	11 - 8 - 2014 05:16 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع