تدري وش اكبر جرح منك اخذته كلمه احبك قلتها وانت كذاب

27 - 9 - 2012, 12:05 PM

أصعب شعور انك تضيع شواطيك
اللي بنيت احلامها في كفوفك
والأصعب ان اللي يغادر موانيك
غالي ولا فكر بقاسي ظروفك
وأصعب شعور انسان يقفي مخليك
رغم انتظارك مااااا. يقدر وقوفك
والأصعب انك دووووم تخلص لغاليك
تشوفه بعينك وهو مايشوفك
وأصعب شعور اللي هديته معانيك
يمر شعرك.. ويتجاهل حروفك
والأصعب ان اللي عذابه مشقيك
ماشاف نار(ن) تشتعل وسط جوفك
وأصعب شعور انك تنام ويصحيك
حلم(ن) تسبب كل ليله بخوفك
والأصعب انك وين مارحت ياتيك
هم (ن) اذا زارك يحرم يطوفك
وأصعب شعور انك تدفى حواليك
من نارك اللي ماتدفـي كفوفك

27 - 9 - 2012, 12:07 PM

ياعل عيني للعمى يوم اراعيك
..............وياعلني ابكي ودمعي همايل
آخر قرار اليوم بأعلن تجافيـك
..............اعلنت انا الفرقى والاابغى بدايل
ذقت العنا يومي مع الوقت مغليك
..............ولاشفت انا القهر والهوايل
والله حسايف ضاع وقتي اناديك
..............والله خساره مسكنك وسط حايل
رح وعسى الدنيا تذلك وتشقيك
..............ليت الدهر يمك على طول مايل
ليت الليالي القاســـيه ماتخليك
..............ليتك ذليل النفس وللهم شايل
خلك مع اللي في حياتــه مصافيك
..............خلك معه وتشوف شح الجزايل
ماابي من الايام ذكرى بطاريك
..............مـدامني قـررت حرق الرسايل
ماابي ورب الكـون شي يطريك
..............ولاارجي ابد منك برد الجمايل
في ماضي الايام تشكي واسليك
..............واليوم لاوالله انسى الفعايل
تكفيني اللوعه وهي بعد تكفيك
..............ارحل وخل هموم قلبك دلايل
بس القهر وشلون قلبي وثق فيك
..............واكبر قهر وشلون تسكــن بحايل

27 - 9 - 2012, 12:09 PM

يابنت انا في مبسمك حيـل مفتـون
وفي ضحكتك سـر الهـوا يابنيـه

ورموش عينـك لاتلاقـن بالهـون
ياضيعتـي مابيـن رمـش وخويـه

والشعر لامنه كسـا ذيـك المتـون
مايشبهـك ياكـود بنـت العبـيـه

لامن مشيتي غصب عنهـم يفـزون
وشلون لو شافـوا جمالـك شويـه

في ذمتي لاتصير نكبـات وطعـون
هذا صويب العشـق وهـذا ضحيـه

ويامن تقول الزين في الشام مضمون
الزيـن كلـه وسـط نجـد العذيـه

ويابنت مهما صار ومهمـا يقولـون
الزين في عيونـك يحسـم القضيـه

يسعد صباح الكحل ورموش العيـون
ويسعد مسـاء خدينـك النرجسيـه

ماشفتنا زيـك رومنسـي ومزيـون
يابـاقـة ورود الـغـرام النـديـه

لاشفتكـم دقـات قلبـي يـزيـدون
ياكيـف لويـدك تـلامـس يـديـه

ليت المشاعـر ياغرامـي يمونـون
واحكيلك اسـرار(م) بقلبـي خفيـه

يامعشر العشـاق تكفـون تكفـون
نبغـي حلول(م)للقلـوب الشقـيـه

والله يزينهـا علـى اللـي يحبـون
وكل(م)يعيش احـلام عمـره هنيـه

كتبتنـا ماصـار للنـاس يـقـرون
قصة عشق بيـن بـدوي وبدويـه

27 - 9 - 2012, 12:10 PM

تباطيت الأمل .. والياس فيني من بطاه .. عروق ..
تشِتتْ كل .. ( نقطة نور ) .. تسري في شراييني

نزحت أبكي على أطلال الوصال .. وحلمي المسروق ..
وبكتني ذكريات القرب .. والضحكات وسنيني

رجعت بجعبتي هم ودموع .. ولوعة ٍ .. وحروق ..
وحظ ٍ منكسر .. من كثر ماقد طاح ف إيديني

شبيه الشمس .. دام إنّ الزمن ياغايتي .. ملحوق ..
أبصبر .. والعزا طيف ٍ .. مقرّه في وسط عيني

يمين الله .. ما زاحم مكانك بالحشا .. مخلوق ..
لحالك .. مستبيح القلب .. تذبحني وتحييني

تسلطـنـتْ بحنايا الروح .. وشرّعت الخضـوع طروق ..
رغم طول المسافة .. كـنـّك بجنبي .. تباريني

وفيتْ لحبك الطاهر .. ولاّ خالفت فيه حقوق ..
كأني في ( يراعك ) .. حرف .. تكتبني وتمحيني

تطـمّـن يانظر عيني .. معك .. لين الزمان يروق ..
مسير العشق .. يجتاح الفراق وغصب .. يدنِـيني

أنا لكْ .. رغم كل آهات بعدي .. والعنا والعوق ..
ومدامك داخل ضلوع الغلا - من جد - تكفيني

27 - 9 - 2012, 12:12 PM

ياسيده جرح المظاليم قــتــال
رغــم الغــلا فــي جــرح قلبــي سعيــتي...

بهــبال جيــتك وأنثـر الشوق بهــبال
وأنتــي لجــل عــين الغــلا وش عطيــتي...

يعنــي خطــأي إني تلـحفت باآمـــال
ولاخطـأي إنك بقــلبي ربيــتـــي...

اتبــع سرابك ليــن مــي الوهـــم زال
أملتي عروق الظماء ولا رويتي...

لا ياالأمــاني حلــم الأشواق رحــــال
مادري وش إلي ضيعك وانعميتي ...

للحـلـم حال وللمقــادير أحـــوال
ليــتك من بيوت الأمــل مابنيــتي...

الصدق يبكي ليه ودمــع الوفاء ســأل
وتبكي أمانيــنا كثر ماطـــريــتــي...

حــتى الفرح من قصتــي جر مـــوال
عزالله إنك باالحنــاء جنيـــتــي..

ياسيده ماجيت لجــل اشكي الحـــال
مابيك ولابي خوتك لو رجـــيــتي...

عرفت زول الكــذب من بيــن الأزوال
دون الخيانه ادري إنك وشيــتي...

بلاش أعيد السالفه و أظرب أمثــال
باالأخره موعدك مهما حيــيــتي...

تبقالي الشيمه ويبقالي اجلال
حتى لو إنك باالرذيله مشــيتي...

خيـال جيتك وابتعد عــنك خيــال
مــاني عــلى كيفك متى ماوفيــتـــي...

بــيتي شمــوخي والكرامه للأبطــال
والعــز مــرسومٍ عــلى جدار بيــتي...

إيــه إحــذري يابنت لاضاق رجــال
وإلى إنتــي أنثــى لازعـلتي بكــيــتي...

27 - 9 - 2012, 12:14 PM

ترى حنا بشر مابيدنا حيله على الأقدار
انا مابي من الأقدار سوى انها فيك تجمعني

تفارقنا برمشة عين وتبقى للقلوب اسرار
وتبقى طيوفك اللي كل ليله ماتفارقني

ترى اضحك مع العالم وانا من داخلي منهار
انا توني صغيرٍ لكن الهم كبرني

الا ليت الصبر ينباع مادام ان المفارق صار
على طول الجفا منك عسى ربي يصبرني

رسَايلك القديمه مسجله في حافظه تذكار
مع اني مانسيتك بس مراسيلك تذكرني

اكييد احتاجلك مثل الأراضي لحاجة الأمطار
تراك معاهداً قلبي نسيت انك معاهدني

احبك كثر مالك داخلي حب وغلا ومقدار
واذا ماكنت صادق جعل ربي لايوفقني

اكيد ان البشر مابيدها حيله على الأقدار
انا مابي من الدنيا سوى انها فيك تجمعني

ترى حنا بشر مابيدنا حيله على الأقدار
انا مابي من الأقدار سوى انها فيك تجمعني

28 - 9 - 2012, 11:00 PM

[ عذراً فديتك ] .. ما بقى لـ العذر فود !
.................... [ميّت عليك ] .. و عزّتي ؟ / ما رحمتني
كُفَّي يدينك .. عن .. [ مظاليلك السود ] !
.................... ما اقسى من الدمعه .. سوى حمل متني !
[ هدّتني .. الفرقى ] .. و تطلبني الزود ..؟
.................... وشلون ابعطي ؟ .. عالـم ٍ/ مآ عطتنـي !
مدري متى / ارتاح من .. [ كثرة الجود ] ؟
.................... حتى ظلوعي .. بـ العطى ؟ / ما مْنعتني !
حظي ؟ .. مقفَّي .. والخطاوي ؟ .. بها قيود
.................... دربك ؟ .. طويل .. وحاجتي ؟ .. متعبتني !
حلمي ؟ .. سحابه ! .. [ ساقها هبّة النود ]
.................... هتّانها ؟ .. يمطر ثرا .. [ اللـي نستني ] !
[ انسان ] .. وأعشق .. واتدّله مع الخود !
.................... لكن ! .. [ بقايآ / حضرتك ] .. حارمتني !
فيني حزن .. [ دقة عبادي ] .. على العود !
.................... يزورني .. كلْ ما جروحك ؟ .. [ كوتني ] !
لقيت .. [ آهات / الوله ] .. ما لها حدود !
.................... ليه اتمادى ؟ .. بـ اعترف .. [ اخدعتني ]
هزّت .. [ رياح / إفراقنا ] .. كل عنقود !
.................... وطاحت دموعي .. بسَّ ! .. [ ما طيحتني ]
صح اني .. [ احتاج الوصَل ] .. منّك يعود !
.................... لكن ! .. طعونك / يـ الغلا .. [ علمتني ] !
.................... لكن ! .. طعونك / يـ الغلا .. [ علمتني ] !
.................... لكن ! .. طعونك / يـ الغلا .. [ علمتني ] !
.................... لكن ! .. طعونك / يـ الغلا .. [ علمتني ] !

28 - 9 - 2012, 11:03 PM

لبى هوى الطايف ونسماته***لامن ذكرته زادت احزاني

فيه اذكرالماضي وضحكاته****واتذكر الجلسه مع اخواني

وابوي يسرد لي حكاياته****وامي تدفيني بالاحضاني

الطايف احلى بكل ميزاته***متقدم (ن)في كل ميداني

عليـه قلبي جـر وناتـه****يوحون صوتي كل جيراني

لبى الهوى الغربي ونفحاته***مثل العبير بوسط بستاني

28 - 9 - 2012, 11:05 PM

يكلمني عن جروحه ،، و أنا من سـبّـته مجروح
يسولف لي عن ( أحبابه ) !! ،، و أسولف عنه لحاله

أحس في دمعة عيونه ، و تطلع من بكاه الروح
و إذا يفرح مع غيري ،، ( بكى قلبي .. و هنـّى له ) !!

ياليت آنا معاه اللي ركبنا في سفينة نوح
محد يقدر يفرّقنا .. لا عمـّي ،، و لا خاله

رسمته في قلم ناشف على قطعة خشب من لوح
و تهيـّأ لي يحاكيني ، و يبيني أرسم ظلاله

تحرّك طيفه الدايم ، و لَـعـَب في حسبتي بـجموح
( يحب الخيل ) ، و أشعاري عشانه صاروا خيـّاله

و صار بعيني الأجمل ، مع إنه شويّ هو مملوح
و لا غيره ملا عيني ، و قلبي بس يصفى له

ذبحني قلبي الساكت ،، متى قلبي عليه يبوح ؟؟
أحبه .. و مادرى إني أحبه , و أعشق وصاله

كتمت / و هذا من طبعي ، و تمنيت الغلا مفضوح
بأبيّن له ، و لا أقدر !! مع إني جالس قباله

أخاف إنه بعد مده يطير ،، و من إيديني يروح !!
هو نعمة من فضل ربي ، و يقولوا : النعمه زوّاله !

لي قلبٍ من كثر حبه ،، على فراش التعب ( مطروح )
لا هو ميت و لا عايش .. و والله إن مات أشوى له !!

و حبي ( من طرف واحد ) ، غلا صادق ، بدون مزوح
و إذا هو طاح قدامي : نزل له قلبي و شاله

شكى لي ، و كنت له ( أسمع ) / و قلبي دووووم له مفتوح
يطمّني عن ( أخباره ) ، و شنهي آخر أعماله

و إذا شفته خطا بحقي . . بدون أعذار هو مسموح
في نيـّاته .. و لا يدري .. و طيبة قلبه همّاله !

في جياته يروح الهم .. و يبدّل دمعتي بـ فروح
تمنيت البشر مثله ،، و كل من حولي أمثاله

من الله حبّه بقلبي ،، حشى مالي ترى مصلوح
عسى يكبر ويذكرني .. و يسمّي بـ ( اسمي ) عياله

28 - 9 - 2012, 11:07 PM

الله اكبر كيف يجرحن العيون
كيف مايبرى صويب العين ابد
احسب ان الرمش لاسلهم حنون
اثر رمش العين ما ياوي لاحد
يوم روح لي نظر عينه بهون
فز له قلبي وصفق وارتعد
لفني مثل السحايب والمزون
في عيوني برق وبقلبي رعد
نقض جروحي وجدد بي طعون
قلت : يكفي قالت:عيونه بعد
وانعطف هاك الشعر فوق المتون
وانثنى عوده وقفى وابتعد
اشغلتني نظرة العين الفتون
حيرتني يالتوعد والوعد
هي تمون العين والا ما تمون
لى خذت قلبي وقفت ياسعد

المواضيع المتشابهه لموضوع: تدري وش اكبر جرح منك اخذته كلمه احبك قلتها وانت كذاب لموضوع: تدري وش اكبر جرح منك اخذته كلمه احبك قلتها وانت كذاب
الموضوع	كاتب الموضوع	المنتدى	مشاركات	آخر مشاركة
احبك ايه احبك اوتدري انا كذاب	صمتي شموخ	همس الشعر والقوافي	4	11 - 3 - 2019 05:31 AM
مادام احبك قلتها وانت كذاب	همس الشوق	همس الشعر والقوافي	2	25 - 4 - 2017 04:05 PM
احبك كلمه قلتها وان كانها تكفيك	ياقلبي اكتفيت	همس الشعر والقوافي	4	17 - 6 - 2015 03:14 PM
اول كلمه قلتها اول ماصحيت من النوم	تكفون نسوني غلاها	همس للالعاب و التسالي	6	21 - 10 - 2014 06:56 PM
احبك وانت زعلان واحبك وانت راضي	اخفي غلاك	همس عالم ادم ازياء الرجل عالم الرجل العصري	10	10 - 1 - 2012 04:59 PM

الذين يشاهدون محتوى الموضوع الآن : 4 ( الأعضاء 0 والزوار 4)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

تدري وش اكبر جرح منك اخذته كلمه احبك قلتها وانت كذاب

همس لمدونات الاعضاء