خلوه يلهى صاحبي في حياته
يفرح ويمرح لين ياخذ مشاهيه باكر تدوربه الرحى من عصاته وتبين الأيام صحة هقاويه واليا جفوه الي تسوي سواته لابد يذكر من يعزه ويغليه
تموت الآه في قلب الحزين وماحكى سره ونار البعد مابين الضلوع العوج اجاجه تحمل صد احبابه ونار الشوق في صدره كتم سرالغرام ولاحكى عن حاجته حاجه قضى صبرالصبوروما قضى من هجرهم صبره قوي عزوم ياقلب يبي من صبره افراجه
اقول وين الناس ياسيد الناس
وش ذا الجفا ماعاد تسأل علينا ماتدري ان القلب ياشوق حساس وان البطا يثر على العاشقينا ترا الهوى والحب مافيه مقياس نشرب ومن كاس الوصل ماروينا
ترى غيابك خدر القلب تخديــر
ومنّك عيوني قد تزايد سهرهــا
عطني على ما قلت للوضع تبرير
عطني فداك الروح و أيضا نظرها
عن غيبتك عطني مع العلم تفسير
زايد شكوكي فيك حالي دمرهــا
احذر تسمّع يا عنا القلب للغيــر
بالك هل النمات تمشي بثرهـــا
ترى حبيبك ما حصل منه تقصير
مير الظروف القاسيات تخبرهـا
بعطيك عن حالي مع الوصف تقرير
اعرف عليك الحال زايد قهرهـا
عذبتني يا صاح بكثر المشـاوير
يا نور عينى كان يضعف بصرها
ترى غيابك خدر القلب تخديـر
وغصون حبك لا تقطع ثمرهـا
المعذرة ماني على البعد مجبور لكن غيابي لا بغيته بكيفي وان غبت عن دنيا المشاريه معذور بعض المعاتب فيه جرح وكليفي واعيش دنيا البعد لاهي ومسرور وعن زحمة العذال جوي نظيفي في غربتي مبعد عن الظلم والجور وحيد لكن غربتي ماتخيفي
انا
التعديل الأخير تم بواسطة طاري الشوق ; 9 - 8 - 2016 الساعة 12:30 PM
عضويتي
العرض العادي
