الف وبا اصل الغلا
القلب منها ماسلا
والحااذامنها خلا
تبقى حروف واهية
ترا على ورا وفي
خلاص منها مكتفي
ليه المشاعر تختفي
بين السطورالساهية
قلب قسى وقلب نسى
وقلب نسى انه قسى
مابين ياليت وعسى
سر الحياة القاسية
هذي معاني مبهمة
ان كان تبعى تفهمه
فتش بداخل معجمة
تلقى المعاني وافية
ذي صفحتي فيها بحور
بس ابحثي بين السطور
لك تتضح كل اللأمور
اللي خفت يالاهية
بس انت في طبعك خجول
او يمكن بطبعك جفول
وان كان تسمع للعذول
تبقى المسائل خافية
ماللأمل عندك بصيص
للمعرفة مانت حريص
صار الغلا عندك رخيص
للقرب مانتي هاوية
لاتعتذر مالك عذر
خلاص ماعندي صبر
تبغى انتظر طول العمر؟!ا
اعذار ماهي كافية
واليوم قررت الرحيل
بدور لدربك بديل
ماللهوى عندك دليل
للبعد صرتي ناوية
وداع ياقلب الخطا
وداع ياجرح سطا
في داخل حدود العطا
تموت روحي وافية
انا
عضويتي
العرض العادي
