كفايه صار لك شهرين غايب

#1 23 - 5 - 2013, 11:13 PM

السلام عليكم ورحمة الله وبركاته

كفايه صار لك شهرين غايب عني يالغالي
كفايه يا اعز الناس ترا والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
ابتحمل عنا فرقاك وحالي يرثي لحالي
مع اني والله لين اليوم مدري ليش بس تهجر
ابعرف شالسبب ارجوك وش اللي بس يجرالي
انا شسويت يا ربي عشان تثور وتتفجر
انا والله ما استاهل ابد كل اللي يجرالي
اقل ما فيها بس قللي سبب خلاك تتغير
ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمه بالمسج الله يا غربالي
واقول بخاطري معقوله حاسس فيني ويشعر
وارد اقول لأ يمكن تذكرني وهو سالي
لاني توني مطرش مسج طرش مسج يشكر
وارد اقول لأ ادري يبيني وحاسس بحالي
وارد اقول لا ما اظن على باله انا اخطر
الين اني انا اتاكدت قلبه بالفعل خالي
ولا غيري انا بقلبه يحبني موت ويقدر
لاني مره مالمرات طرت فكره علا بالي
نويت ازعل بدون اسباب واشوفه لو بيتاثر
ابعرف قدري بقلبه بيهمه وضعي الحالي
او انه راح يطنشني ولا ياسال ويستفسر
وفعلا دق ما جاوبت حرقلي والله جوالي
ثلاث الاف مره دق وانا مطنش ولا معبر
كتبلي بالمسج اطلع انا عند بابك الحالي
قسم بالله ما تطلع لاخربها انا واحدر
ومشكلتي اعرفه زين يسويها ولا يبالي
نزلت وخاطره مكسور يقول شفيك متغير
وقلتله بس ابتاكد اذا قدري معك عالي
ضحكلي وقالي اتاكدت ودمعه بلل المحجر
وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر
بعدها عشت احلى ايام في قربه هنيالي
وصلنا لمرحله ما نفترق عن بعضنا واكثر
بعدها فجاه خلاني ولا يسال عن احوالي
وانا في خاطري ادري محال فيوم يتغير
ادق له ما يجاوبني بديت اشك في حالي
اخاف انه حصل له شي اخافه بس متكدر
لعب في قلبي الوسواس خياله ما تهيالي
حوالي الف مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر
الين اني عرفت شلون اخلي خلي الغالي
يكلمني وجت فكره بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيره علي الغالي اتغير
سالته قلتله وش فيك ما من شر يالغالي
وش اللي صار بالدنيا علامك ليش متبعثر
اونك يعني ما تدري بدونك صرت انا لحالي
ولا لي خلق اي انسان كثر ما فيك انا افكر
وجاوبني وقال ارجوك ابي هالدنيا تصفالي
انا مليت من وضعي واشوف الكل متغير
انا ضاقت بي الدنيا وابي ابقى انا لحالي
خلاص اتركني لا تسال وانا برجع عقب اشهر
وقلتله مو علي تكذب اعرفك تضعف قبالي
تكلم قول شالموضوع بدا قلبي يدق اكثر
سكت لحظه وقال ارجوك ابعد عني يالغالي
وخلني اذكرك بالخير وانته مثلي اتذكر
ولا اتطرش مسج واحد ولا اتدق لي ابد تالي
واذا لي خاطرن عندك لا تتكلم ابد سكر
وقلتله والله ما اسكر الين تقول وتصفالي
وقالي والله ما اتكلم ولو تبكي دمع احمر
ولكن شوف ربعك وانته تعرف بس وش جالي
خلاص افهمها عالطاير ولاتحرجني بعد اكثر
وسكر والدمع فيني على الخدين همالي
قسم بالله ما ادري علامه قلبه اتحجر
فوادي انهار وانا حملي يهد جبال وجبالي
في لحظه صارت الدنيا في عيني هالكبر واصغر
حسافه ما توقعته يصدق فيني عذالي
حسافه ما هقيته يوم يصد عني ويتغير
بعدها صارلي ما صار وربي يعلم بحالي
فوادي باقي بس شوي واحسه من الجسم يظهر
بديت اعرق ومدري ليش وخابت كل امالي
انا اتوقعت كل الناس ولا توقعت هو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول اغيابه وزادت فيني اعلالي
مرض قلبي تعب فكري واحسه جسمي متخدر
وقلت خلني اطرشله مسج واشكيله احوالي
وطرشت المسج وشوي دق لي ودون ما افكر
هلا والله يا اغلى الناس هلا والله بالغالي
الو طارق ما قلتلك لا تذكرني او اذكر
ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر
قسم بالله لين اليوم وحالي يرثي لحالي
قسم بالله الين اليوم ولا ادري ليش اهو اتغير
قسم بالله ما غظت عيوني ولا هدى بالي
قسم بالله ما مر يوم الا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفالي
اقول الشوق بيرده على فرقاي ما يقدر
الين اليوم وضحكاته وبسماته على بالي
الين اليوم ما ارقد كثر ما فيه انا افكر
ابعرف شالسبب ارجوك وش اللي بس يجرالي
انا شسويت ياربي عشان تثور وتتفجر
انا والله ما استاهل ابد كل اللي يجرالي
اقل ما فيها بس قلي سبب خلاك تتغير
ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر
انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر
سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر
ولكن حكم احساسك وجاوب يا اغلى كل غالي
بذمة والديك يهون تنساني ولا تذكر
يهون انك تخليني ولا تسال ولا تبالي
يهون انك تنام الليل وتتركني انا اسهر
كفايه صار لك شهرين غايب عني يالغالي
كفايه يا اعز الناس ترا والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
يارب تعجبكم

الموضوع الأصلي : كفايه صار لك شهرين غايب || الكاتب : عديمة الاحساس || المصدر : شبكة همس الشوق

24 - 5 - 2013, 12:32 AM

روووووووووووووووووووووعة كلمآت في قمة الذوق والروعة وكلمآتها معبرة وحزينة

يعطيك الف عافية ع الخاطرة

24 - 5 - 2013, 02:38 AM

وجودك الارووع

ربي لايحرمني من وجودك

24 - 5 - 2013, 09:57 AM

يعجز لسآني عن آلتعبير عن تلك آلحروف المتألقه
سطور في قمة آلروعه وآلجمال
لقد آبدعتي في نسج تلك ألأسطر
آشكرك على آلتألق
تسلم آنآملك آلذهبيه

24 - 5 - 2013, 05:40 PM

عطرتي صفحتي

يالغلا ااااااااااا

24 - 5 - 2013, 05:47 PM

اتيت لاقف بين سطوركِ
اتيت لامتع عيني بعذب البوح وجميل الكلام
اتيت وقد شدني النور المنبعث من هنا
لكي مني اجمل باقات الجوري
انثرها بين يديك

24 - 5 - 2013, 06:56 PM

اسعدني مررورك

الله لايحرمني من الطله

24 - 5 - 2013, 07:39 PM

يعافيك ربي على هالطرح الرائع والجميل
سلمت اناملك ع الموضوع الاكثرمن روعه
بانتظارجديدك القادم ..
تحيه معطره برياحين الياسمين

25 - 5 - 2013, 02:57 AM

تسسسسسسسسلم على مرورك

المواضيع المتشابهه لموضوع: كفايه صار لك شهرين غايب لموضوع: كفايه صار لك شهرين غايب
الموضوع	كاتب الموضوع	المنتدى	مشاركات	آخر مشاركة
ازعل علي شهرين وارضى علي يومين	همسة الشوق	همس عذب الكلام والخواطر المنقوله	6	8 - 7 - 2019 04:02 PM
كفايه صار لك شهرين غايب عني ي الغالي	سجات التهاويل	همس الشعر و الشيلات الصوتيه	4	15 - 5 - 2013 05:59 PM
كفايه خوف	نَبض♡~	تطوير الذات والبرمجه اللغويه العصبيه	5	11 - 3 - 2013 09:54 AM
كفاية صار لك شهرين غايب عني يالغالي	صمتي شموخ	همس الشعر والقوافي	4	25 - 8 - 2011 03:03 AM
كفايه صار لك شهرين غايب عني يالغالي	صمتي شموخ	همس الشعر والقوافي	2	15 - 3 - 2011 05:11 PM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع