شرح برنامج صانع الافلام وتنزيل الفلم كمقطع يوتيوب

#1 16 - 7 - 2013, 10:27 PM

شرح برنامج صانع الافلام وتنزيل الفلم كمقطع يوتيوب

السلام عليكم الله وبركاته

هذا شرح لبرنامج صانع الافلام .. لصناعة الافلام
فيه برنامجين اعرفهم لصناعه الفيديو

البرنامج الاول
اسمه ( صانع الافلام ) وغالبا يكون موجود بجهازك
ندوره من قائمه ابدأ
اذا ما كان موجود فلازم نحمله
بس ننتبه على شغله
اذا مو موجود نحمل الي اسم البرنامج مكتوب بالعربي كذا ( صانع الافلام )
اذا اسمه (movie maker)فهذا خايس ومو حلو لا تحملونه

هذي صورة البرنامج

وانا دورت لك في النت احد منزل شكل البرنامج لما تفتحينه
شوفي الشكل والخطوات

برنامج صانع الأفلام " movie maker "

برنامج صانع الأفلام موفي ميكر في الأنظمة القديمة كان ينزل مباشرة مع النظام ونجده مع قائمة البرامج ..

لكن في ويندوز 7 أصبح تنزيله اختياري مع مجموعة ويندوز لايف ..

والبعض يرغب في موفي ميكر القديم لتعوده عليه ويبحث عنه

واليوم بعون الله جلبت لكم الإصدارين لمن يرغب القديم والحديث وبإمانكم تثبيتهم الاثنين

نبدأ الإصدار الحديث صانع الأفلام 2011

اول نحمل البرنامج

ثم نجي لمجموعة ويندوز لايف نختار ثاني خيار حتى نحدد بس صانع الأفلام فقط

بعد ذلك نزيل الصح عن البرامج التي لا نريدها ونضع صح فقط على صانع الأفلام وتابع التثبيت

وهذه واجهة البرنامج جميل وسهل

انا راح اكمل شرح من هنا

من الصفحة الرئيسيه
راح نلاقي العلامة الي نضيف منها الصور او الفيديو
مجرد نضغط عليه راح ينفتح مجلد الصور او الفيديو بجهازك ونختار الي نبي
بعدها نشوف علامه الموسيقى
نضغط عليها ونختار من الجهاز
بس ننتبه لشغله
لازم تكون الموسيقى mp3
ما راح يضبط معانا غيرها

نجي للشغلات الي جنبها
راح نلاقي مكتوب ( العنوان ) و ( التسمية التوضيحيه ) و ( اسماء المشرفين )
ممكن تختلف الاسماء من جهاز ونسخه للثانيه وممكن تكون بالانجليزي
انا عندي بالعربي

المهم
طبعا العنوان والتسمية التوضيحيه هذي انك تضيفين شرائح اضافيه مع الصور الي احنا نزلناها من جهازك
العنوان تكون في اول الصور والعرض
واسماء المشرفين تضاف باخر العرض
انا ما استخدمها ولا اضغط عليها

نجي للتسمية التوضيحيه
منها تقدرين تكتبين الكلام الي نبيه على كل صورة
نضغط اول بالصورة الي نبي نكتب عليها والي راح تكون الصور على جنب
وراح تظهر الصورة مكبرة في الشاشه الي راح نكتب فيها
واذا نبي نعدل في الكلام وفي شكل ظهورة
راح نلاقي فوق مكتوب في اطار وردي ( ادوات النص ) او من التنسيق
نعدل من هنا ونختار الشكل الي نحب ان النص يظهر فيه
ونختار المدة بعد للنص

كذا انتهينا من الصفحة الرئيسية

نجي للحركات
راح نلاحظ ان فيه حركات مختصه بعرض الصورة اوالشريحه
وحركات مختصه بعرض الصورة نفسها
نختار الحركة الي نحب

نجي للتاثيرات المرئيه
هذي بعد تاثر في عرض الصورة نفسها
يعني مثلا نبي صورة تكون بالابيض والاسود وهي كانت ملونه
نختار التاثير من هنا
مثلا نبي صورة تتلون مليون لون او مثلا تبرم 180 درجه او تكون زي الارتجاف
يعني زي هالحركات
راح نلاقيها من تائيرات مرئيه

بالنسبة ل( المشروع )( العرض)(الخيارات) انا ما اعدل فيها شي
لاني اخاف اخربط

نجي الحين ل تحرير
من هنا نحدد المدة للشريحة الوحده
طبعا في مده افتراضيه من البرنامج الي هي 7 ثواني
ممكن نقللها وممكن نزيد هالمدة
براحتكم

اذا خلصنا وكل شي تمام
نعرض الفلم قبل ما نحفظه

اذا خلاص كل شي اوكي
نروح للصفحة الرثيسية
بنلاقي بنهاية الشريط ( حفظ الفلم ) نضغط فيه.. راح تفتح قائمه
نختار منها الاول ( مستحسن لهذا المشروع )
نضغط عليه وبعدها ننتظر لحد ما ينتهي تحميل فلمنا
اذا انحفظ خلاص
نضغط الاكس عشان نقفل الصفحه
راح يقول //هل تبي تحفظ الفلم..؟
نضغط نعم ..عشان ينحفظ لنا هالصفحة والصور بحيث لو حبينا بعدين نعدل بالصور او نضيف للفلم صور اونغير صورنرجع لها

وشغله ننتبه عليها
لو نحذف صور من الجهاز واحنا استخدمناها بالفلم ورجعنا نبي نعدل بالفلم راح يطلع مكان الصور المحذوفة شرائح رصاصيه او مكتوب عليها ان هالصورة مو موجوده

كذا انتهينا من برنامج ( صانع الافلام )
بقول مره ثانيه
انا شرحي لصانع الافلام الي على نسخه ويندوز 2007
وهذا الشرح الي كتبته لبرنامج صانع الافلام الحديث

..القديم انا ما اعرف له..

******************************
*****************************
******************
*****

نجي للبرنامج الثاني في صناعة الفيديو
واللي هو افضل بكثييير من برنامج صانع الافلام
طبعا البرنامج انا ما لقيت له نسخه عربي
بس رائع جدا ويناسب المبتدئين
راح انزل رابط البرنامج
لان الاستاذ بشير التونسي منزل شرحه هنا بالمنتدى
(شرح برنامج ProShow Producerلصنع الفيديو)شرح برنامج ProShow Producerلصنع الفيديو - منتدى همسات الغلا (شرح برنامج ProShow Producerلصنع الفيديو)

وبالنسبة اذا عندك مشكله في اناشيد mp3
فالاستاذ بشير بعد منزل برنامج يحول اي صوت لمقطع فيديو عاجبكم ويحول الصوت الي mp3
هذا رابط البرنامج وشرحه
(تحويل الفيديو إلى mp3)http://www.hamsatq.com/vb/t29400.html (تحويل الفيديو إلى mp3)

*******************************
**************************
*********

نجي الحين كيف نعرض الفلم الي سويناه بالمنتدى
لازم يكون عندنا حساب باليوتيوب
هذا رابط يوضح كيف تسجلين باليوتيوب
(شرح كيفيه التسجيل باليوتيوب)http://www.hamsatq.com/vb/t25789.html (شرح كيفيه التسجيل باليوتيوب)

اذا خلاص صار عندنا حساب
نروح فوق بنلاقي كلمة ( تحميل) جنب مكان البحث فوووق
نضغط فيه
راح يطلع لنا بالخط الكبير وبالرصاصي كلمة ( تحميل الفيديو) اظن انها كذا الكلمة
المهم نضغط فيها راح تفتح من جهازك علامة تبويب
نختارالفلم الي سويناه
بس ننتبه على شغله
لازم نعدل اسم الفلم قبل ما نسوي هالشغلات كلها
لان لو نضغط تحميل الفلم واحنا ما عدلنا الاسم من قبل
راح ينحفظ بنفس الاسم الي مدخلينه فيه

hgfyujfrjyمثل هالخرابيط ما تنفع
بينحفظ الفلم بهالاسم ههههههه

المهم نروح لكلمة فئة ونختار ترفيه لاني جربت غير( ترفيه )وما رضيت الاناشيد تتحمل
ما ادري عن غير الاناشيد

ننتظر لحد ما يخلص التحميل
اذا انتهى التحميل.. نضغط على رابط الفيديو من فوق وننسخه ونلصقه هنا بموضوعنا بالمنتدى
وصلى الله وبارك

اتمنى يعجبكم الموضوع

الموضوع الأصلي : شرح برنامج صانع الافلام وتنزيل الفلم كمقطع يوتيوب || الكاتب : قتـــاااله || المصدر : شبكة همس الشوق

17 - 7 - 2013, 12:37 AM

مشكورة برنامج روووعة
تسلم دياتك يالغلا ويسلم المجهود والشرح

17 - 7 - 2013, 01:08 AM

ترااانيم
ربي يسلمك ويسعد قلبك
شااكره لك مروورك العطر

23 - 7 - 2013, 02:00 AM

طرح رائع
سلمت الايادي
لروعة طرحها
ودي

23 - 7 - 2013, 09:10 AM

كل الشكـــر لك على هاالطرح الأكثــر من رااائــــع ..~
يعطيييك العااافيه لا عدمنا هالتميييز والابدااع ,,~
بأنتظااار جديدك الجذاب ..~

23 - 7 - 2013, 11:40 PM

جيهاان ..
ربي يسلمك ويسعد قلبك
شااكره لك مروورك العطر

23 - 7 - 2013, 11:41 PM

صمت الم ..
ربي يسلمك ويسعد قلبك
شااكره لك مروورك العطر

24 - 7 - 2013, 12:26 AM

يعطيك الف عافية
شكرا جزيلا

24 - 7 - 2013, 01:00 AM

اسيرة صمتي ..
ربي يسلمك ويسعد قلبك
شااكره لك مروورك العطر

26 - 8 - 2013, 11:59 PM

تسلمي يالغلا على الطرح الراائع

وربي يعطيك العااافية

دمت بعبير الجوووري

المواضيع المتشابهه لموضوع: شرح برنامج صانع الافلام وتنزيل الفلم كمقطع يوتيوب لموضوع: شرح برنامج صانع الافلام وتنزيل الفلم كمقطع يوتيوب
الموضوع	كاتب الموضوع	المنتدى	مشاركات	آخر مشاركة
حدث نسخة من برنامج تحميل وتنزيل الملفات انترنت داون لود مانيجر	همس الشوق	همس الكمبيوتر والبرامج و الأنترنت	3	26 - 8 - 2023 05:26 PM
تحميل وتنزيل حدث و سرع متصفح سريع عربي	همس الشوق	همس الكمبيوتر والبرامج و الأنترنت	11	25 - 2 - 2020 08:48 PM
الشباب المبدع صانع تواصل قبل ن يكون صانع فكار وعواطف	نسائم خير	همس المواضيع العامة	2	13 - 11 - 2015 09:47 AM
ديكورات لصالون الفلل	همسه الشوق	همس للأثاث والديكور	6	31 - 5 - 2015 12:23 AM
الفلم العربي توم وجيمي	شموخ جنوني غير	همس للأفلام والمـسـلسـلات	2	30 - 1 - 2014 11:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع