سجل دخولك للمنتدى ببيت شعر يعجبك - الصفحة 377

19 - 1 - 2018, 03:18 PM

قال الايام عدله .. قلت الايام عـوج
قال في حال .. قلت بكل حالاتها ..!!

دام باب الدخول بجنب باب الخـروج
وين مبدأ العداله .. وين لذاتهـا ..؟؟

19 - 1 - 2018, 04:52 PM

لا حشى ما اندم دقيقة دام انا في حبي وفيت
يعتبرة حبي خطاية يعتبرة انسان مات

19 - 1 - 2018, 07:47 PM

لي ايام مدري وين دارك ولا ادري ليه
وانا خابر اني باب شفك ومزلاجه

19 - 1 - 2018, 11:43 PM

تـزعـل وتـرجـع وتلقـاني عـلـى خـبرك
وانـا انكـسر لـك واجـيك ادور لجـبـري

20 - 1 - 2018, 12:07 AM

مآطاح في قلب آلغلآ غير الأوجآع
ومآ شآلت كفوف آلندم/غير ضيقه

آثر آلغلآ لا زآد عن حدّه .. أنبآع
مثل آلدفى لآزاد .. يصبح حريقه

20 - 1 - 2018, 12:14 AM

الحب سجن وبعد الاحباب الاعدام
وقلوبنا السجان مدري مساجين

20 - 1 - 2018, 12:27 AM

صحيح اللي يقول الطفل لا يقرب يديه سلاح
مهو من نيّته لكن غشيم وطلقته بالعين

أجل قلبي فتحته له ، يبيني اسلّمه المفتاح
عشان ان طقّت براسه قفله وأختفى بعدين

وأنا ما عاد في صدري مكان ٍ ما لحقه جراح
ولا ربي فرقني عن بقـيّة خلقه بقلبين

20 - 1 - 2018, 02:12 AM

ياليتني لا اشتقت اقدر القاك
ياليتني لامن بغيتك لقيتك
ياللي طبعت بداخل القلب ذكراك
يفز قلب(ن) من صميمه هويتك
اخذت خمس سنين كله برجواك
من دم قلبي بالقصايد رجيتك
اسهر واعاني وارتجي واتمناك
واصافح كفوف الشقى لا بغيتك
ياما نصحت النفس تقنع بسلواك
طالت سنيني بالهوى ماسليتك
يا مالك(ن) كل الحلا في مزاياك
ملكت قلبي في يمينك فديتك
خذني على ماقيل شمعة بدنياك
ابحترق لك واضوي اركان بيتك
بشيل عنك الهم وادور رضاك
لاعاش هم(ن) عانقك في مبيتك
لاتقول تنساني وانا مااقدر انساك
يفنا شبابي والعمر مانسيتك
،،،،،،،،،،،،،،

20 - 1 - 2018, 06:34 AM

لا يــا بــعــد كــلــي حــيــاتــي تســاويك
اقــطــع وريــدي وإن نـــبض حب ثـــاني

ثـــــلات فـيــنــي كــلــهــا تــرتـبــط فـــيك
أعشــقك.. أحبـــك.. والـهــوى صــار عنواني

وإن كــان مــا تـــدري أنــا أقــول وأطريــك
حـــبك مـلــكـنــي في ضـــميري ووجــداني

20 - 1 - 2018, 07:58 PM

عزاه ياقلب فقد شخص يغليه
ما مرته يوم من الهم خالي
وعزاه يا قلب تلاشت امانيه
دايم طموحه ماتعدى الخيالي
ماني مصدق حبنا فراق تاليه
دنيا تفرق بين غالي وغالي
جفت غصون الحب من بين اياديه
غصب علي ودمعتي راس مالي
احن للماضي واراجع لياليه
اجمل ليالي العمر ذيك الليالي
حبه سكن في داخلي مقدر امحيه
له ذكريات راسخه وسط بالي
تذرف دموع العين لامر طاريه
حتى لذيذ النوم لا ما هنالي
كلي اسى والقلب مافيه يكفيه
ووقتي اللي عقبه ما صفالي
كل الصفات الطيبه شفتها فيه
مثل القمر لا فر ياوجد حالي
رحل بلا عوده عسى الله يهنيه
ليته بعد فرقاي يدري بحالي

المواضيع المتشابهه لموضوع: سجل دخولك للمنتدى ببيت شعر يعجبك لموضوع: سجل دخولك للمنتدى ببيت شعر يعجبك
الموضوع	كاتب الموضوع	المنتدى	مشاركات	آخر مشاركة
عندما يعجبك قلم عضو في طرحه وفكره	سجات التهاويل	همس للنقاش والحوار الجاد	3	6 - 2 - 2015 11:02 PM
بجاهك دعيتك يا الهي ولي طلب	جروح الم	همس الشعر والقوافي	6	13 - 9 - 2014 05:24 PM
يانجم السماء كم دعيتك	ملك الود	همس الشعر والقوافي	4	11 - 7 - 2014 04:51 PM
سجل حضورك بزي رجالي يعجبك	اخفي غلاك	همس عالم ادم ازياء الرجل عالم الرجل العصري	13	5 - 2 - 2013 07:28 AM
سجل نورك با كاركتير يعجبك	امر تدلل #	همس للاخبار الفنية العربية والعالمية وصور المشاهير	6	13 - 8 - 2012 08:16 PM

الذين يشاهدون محتوى الموضوع الآن : 21 ( الأعضاء 0 والزوار 21)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع