28 - 8 - 2013, 09:09 PM
|
| |
يقولون ويش اشد من دمعة الرجال وانا اقول
 
..
ذكرتك وانا ماني على االضيق وسعة بال
وكتبتك قصيدة عشق معنى وقافيه
يقولون ويش اشد من دمعة الرجال
وانا اقول فرقا من تحبه على نيه
يبي يطيح دمع وينهمر شعر واسترسال
وتعيش العمر في غيبته تنطر الجيه
وانا لي سنه وشوي وانا على الحال
اعد القصيد العذب واسوق رجليه
مأمل وحال الحول الاول والاخر حال
ولا باقي الا ذكرياته وطاريه
ياقصن الغرام اللي سقاه القصيد ومال
مامرك سحاب الوصل في يوم عصريه
ولا ذكرك طيبي معك والليال هزال
ولا علموك بغيبتك وش جرا فيه
ولا حركك شعرن بكالك حرك على الاطلال
وانا خابرن دمعك على راحة ايديه
قسيت وقسة الايام وتغيرت الاحوال
وانا كني اللي واطين جمرتن حيه
وقف دونك الوقت الشقي والقدر والفال
واحس انك بعد الهجر ناوي على نيه
وانا ما اعتبرها كبوتن من يد خيال
ولا اقول بان ظروف بعدك طبيعيه
لكن طالبك لاتعتذر عذر ماينقال
ترا العذر ينفع بالصدور الشماليه
وترا الشمس ماتحجب عن الارض بغربال
ولا زلت عندي بالصفوف الاماميه
راقت لي:*~
الموضوع الأصلي :
يقولون ويش اشد من دمعة الرجال وانا اقول || الكاتب :
عبث || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري
