رواية واكتشفت اني لقيطه كامله

10 - 3 - 2014, 01:27 AM

في المستشفى ..
كانت وصايف واقفه قدام الممرضه تكلمها واسيل تطالع فيها ومو فاهمه شي من كلامهم لأنهم يتكلمون انجليزي ..
كانت مستنده عالجدار فطالعت قدام بتفكير .. وش بيصير اللحين .. اللحين راح تعرف الشي اللي تبغاه ذي اللي اسمها وصايف ..
تهندت بألم .. ما تدري ليه تحس بضيقه والم في صدرها وخاصتا اذا شافت وصايف وهذا السبب اللي خلاها توافق تجي معاها وما تعارض ..
جت وصايف عندها وقالت: تعالي .. راح يكشف عليك دكتور وبعدها راح تعرفين كل شي واذا في راسج اسئله راح تعرفين اجابتها بعد ما يكشف عليج الدكتور ..
طالعت اسيل فيها فتره .. فمشيت معاها عشان تعرف ايش هالشي اللي بيصير ..
وقفوا قدام غرفه وقالت وصايف: انا اتفقت معاه على كل شي .. ادخلي ..
دخلت اسيل وشافت دكتور جالس ويطالع في الاوراق اللي قدامه ..
رفع راسه وقال: اهلا .. تفضلي ..
جلست اسيل وقالت: شكرا ..
قفل الملف اللي قدامه وقال: انتي اسيل الرملي ..
اسيل: ايوه ..
الدكتور: اعطيني بطاقتج الاحوال عشان اتأكد ..
اسيل: ها .. بس انا ما يبتها ..
سكت شوي بعدين قال: اوكي مافي مشكله .. انتي مستعده للكشف الكامل اللحين ..؟!
استغربت اسيل .. ايش تبغى البنت من الكشف الكامل .. حست بتردد وخوف ..
بغت تقول ما ابغى بس بطلت .. خلاص مابقي إلا الكشف .. راح تكشف وتشوف ايش نهاية هالامر ..
اسيل: ايه جاهزه ..
الدكتور: امشي معاي لغرفة الكشف ..
اسيل: طيب ..
خرج الدكتور واسيل تطالع فيه فتره بعدين خرجت وراه ..
طالعت فيهم وصايف لمن خرجوا وراحوا ..
جلست على الكراسي تنتظرهم وهي تاكل اظافرها من التوتر ..
طالعت في ساعتها وشافت الثواني تمر وكأنها ساعات ..
شالت اظافرها من فمها وقالت: لو طلعت بنت سميه وش حسوي ..؟!
سكتت تفكر .. هي كانت تبغى تنتقم بس المشكله ما تعرف كيف ..
تفكيرها كله مشوش .. اصلا هي ماهي وصايف القديمه .. كانت اول جامده ونادرا تتكلم ودمعتها ما تنزل ..
بس من يوم رجعت للدوحه وللبيت تغيرت تمام .. صارت دايم متوتره وصارت كل ما تذكرت الماضي تبكي وووو ….….…. الخ ..
هزت راسها تبعد هالتفكير .. اللحين هي تبغى تعرف ان كانت البنت هي بنت سميه او لا ..
طالعت في ساعتها وشافت انه مر خمس دقايق ..
وصايف: اووووف تأخروا ..
رجعت تاكل اظافرها وهي تقول: اصبري يا وصايف .. ما يمديهم يخلصون بسرعه ..
مــــــــــرت عشـــــــــــــــر دقايق ..
وبعدها مرت ربــــــــــــــــع ساعه ..
قامت وقالت: المفروض يخلصون ..
مشيت لين وصلت للغرفه ومدت ايدها عشان تدق بس طلعت اسيل والدكتور قبل لا تدق ..
طالعت فيهم وبعدها قالت: خلصت ..؟!
الدكتور: ايوه ..
وصايف: ها .. شصار ..؟!
طالع الدكتور فيها وقال: مرونا باجر عشان تلقوا النتائج ..
وصايف: شنــــــــــــــــو ..؟! انا ابيها اللحين ..
الدكتور: ما يمدي ..
وراح ..
اسيل: اللحين ممكن تفهميني ايش السالفه ..؟!
سكتت وصايف شوي مقهوره لان النتائج ما طلعت اليوم بعدين قالت: باجر تعرفين ..
اسيل بإنفعال: انا مب لعبه عندج .. انا ما اعرفج ومع هذا اخذتيني بسيارتج فسكت ووديتيني المستشفى وسكت .. دخلتيني عند دكتور يكشف علي وسكت .. بس اللحين لاااا .. ابي اعرف منو انتي وايش تبين مني وايش مصلحتج .. ماني متحركه من هني لين تفسرين لي كل شي يصير ..
وصايف: قلت انج بنت سميه بس انتي مب مصدقتني .. واخذتج عشان اكشف لج كل شي .. باجر لمن تطلع النتيجه راح تفهمي كل شي ..
بكت اسيل غصب عنها وهي تقول بهدوء: انتم بتيننوني بكلامكم .. احسكم تنفون وجودي بالحياة .. انا اسيل وابوي عبدالرحمن وامي احلام .. شتبون فيني وليش تجذبوني بحجيي ..؟! تركوني لحالي ولا تتدخلون فيني ..
وصايف: طبيعي ما راح تفهمي شي وتحسي نفسج مينونه .. باجر راح تفهمي .. تعالي اوصلج لبيتج ..
لفت وراحت واسيل تطالع فيها ..
مسحت دموعها وراحت ورى وصايف ..
ركبت السياره واتجهت للبيت ..
وقفت وصايف قدام البيت وقالت: تبين باجر اييج نروح نشوف الكشوفات ولا اشوفها لوحدي وبعدين اقولج ..
طالعت اسيل فيها فتره بعدين نزلت من السياره ودخلت البيت من دون لا تقول شي ..
دخلت غرفتها ورمت نفسها ع السرير تبكي ..
بعد فتره سمعت صوت رساله لجوالها .. فتحتها وكانت من وصايف ..
(( بروح باجر الساعه خمسه .. اذا تبيني امرج فأتصلي علي )) ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في صباح يوم الاحد الساعه ١٢ وفي المطار ..
وصلت الطائره اللي في كندا وعلى ظهرها فيصل ..
نزل من الطياره ووقف يطالع في المكان .. قد ايش اشتاق لقطر وجوها ..
خلص الاجراءات ولمن جاء بيطلع شاف فارس واقف ينتظره ..
ابتسم وجاء عنده: هلا فارس ..
لف فارس عليه وقال: فيصــــــــــــــــل ..
وسلم عليه بحراره وبعد حول نص ساعه .. اخذ فيصل سيارته اللي كانت في المطار وركب فيها هو وفارس واتجهوا للبيت ..
فيصل: كيفك وكيف امي وابوي ..؟!
فارس: كلهم تمام .. امي وابوي مو مويودين ..
فيصل: ليه وينهم ..؟!
فارس: يدي تعبان وراحوا يطمئنون عليه ..
فيصل: يعني باجي انت وريما واسيل في البيت بس ..؟!
فارس: ايوه .. اتصل ابوي وقال يمكن يي باجر ..
فيصل: آها .. طيب كيف ريما ..؟!
فارس: يعني ..
فيصل: شتقصد بيعني ..؟!
فارس: انت شوفها واحكم ..
سكت فيصل يفكر بعدين قال: طيب شخبار اسيل ..؟!
فارس: بخير ..
فيصل: ماني مصدقك لأن هذي ما يي من وراها الخير ..
عصب فارس وقال: لو سمحت يا فيصل ..
وقف فيصل السياره وقال: البنت لاحسه مخك .. انزل انزل ..
نزلوا ودخلوا البيت .. اول ما شافوه قاموا ..
جت ريما وقالت بهدوء: كيفك يا فيصل ..؟!
طالع فيصل فيها وفي وجهها وقال في نفسه: "مهمله نفسها واللي يشوفها يقول مدمنه" ..
فيصل: ريما شفيج متغيره ..؟!
ريما: سلامتك ماكو شي ..
فيصل: متأكده ..؟!
ريما: ايه ..
لف يطالع في اسيل اللي كانت واقفه ..
فتح عيونه بصدمه وقال: وين شعرج ..؟!
فارس: قصته .. ابوي اذن لها ..
فيصل بعصبيه: وانتي كل شوي تقصين شعرج يا آنسه اسيلوه ..
فارس: فيصل اهدأ .. ماله داعي انك تعصب ..
فيصل: اووووف انا طالع .. لمن يجهز الغدا نادوني ..
وطلع فوق غرفته .. طالعت اسيل فيه لمن طلع بعدين جلست ..
جلس فارس جنبها وقال: اسيل ما عليك من كلامه .. هو اصلا يعصب اذا احد قص شعره يعني .......
قاطعته وهي تقول بهدوء: خلاص .. انا اصلا ما اهتميت لأنها مب اول مره ولا آخر مره يخاصمني .. حلو انه خاصمني وبس .. كنت اتوقع انه يضربني ..
طالع فارس فيها وقت طويل بعدين قال: اسيل شفيج .. اليوم مب طبيعيه ابدا ..
نزلت دموعها وقالت بصوت مرتجف: امي اسمها احلام صح ..؟!
استغرب وقال: ايوه ..
اسيل: طيب ليه يقولون ان اسمها سميه ..؟!
انصــــــــــــــــدم فارس وقال: منو قالج ..؟! وصايف صح ..؟! امتى قابلتيها وكيف ..؟! ذي المينونه لا تصدقين كلامها يا اسيل ..
طالعت فيه وقالت: تعرفها ..؟!
سكت شوي بعدين قال: ايه اعرفها .. بيني وبينها مشكله كبيره .. انتي اول شي قوليلي متى قابلتيها وايش قالتلج ..؟!
اسيل: امس الليل وانتم نايمين .. اتصلت علي ونزلت لها الحوش ..
فارس: وبعدين شقالت ..؟!
اسيل: قالت كلام كثير وتقول اني بنت سميه وقالت ابي اصحيج من الغفله اللي انتي فيها .. وكل ما اسألها شسالفه تقول اللحين راح تفهمين كل شي ..
فارس: اسيل لا عاد تطلعي معاها ولا تسمعي لكلامها .. انا متهاوش معها وهي هددتني انها حتفرقني عن اخواني .. اكيد هذي وحده من الاعيبها القذره ..
طالعت فيه فقال: شكلج مو مصدقتني .. اللحين طالعي في ريما .. شايفه كيف تغيرت .. اكيد وصايفوه لعبت عليها بشي انا مو عارف شنهو .. واللحين ياء دورج انتي تلعب عليج .. لا تصدقينها ولا تكلمينها ابدا .. هي تحاول تشككي بنفسج وبأهلج ..
لفت اسيل تطالع في ريما اللي كانت جالسه ومشغوله باللاب اللي ما تفارقه هذي الايام ابدا ..
فارس: طنشيها وطنشي كل حجيهها .. انسيه تماما ولا تخليه يأثر فيج ..
اسيل: طيب ..
ابتسم براحه ..
اسيل: فارس ..
فارس: نعم ..
اسيل: الساعه خمسه ..
فارس: شفيها ..؟!
اسيل: وصايف تقول بأييج الساعه خمسه اليوم ..
فارس: لا تطلعين لها ولا عاد تردين على مكالماتها ..
اسيل: يعني بتروح للمستشفى وحدها ..؟!
فارس بدهشه: اي مستشفى .. لا تقولين انها ......
وسكت وهو يتذكر تهديدها انها راح تكشف ان اسيل مالها تؤام ..
فارس: اسيل لا تروحي معها لأي مجان فاهمه .. مهما صار لا تروحي معها المستشفى ..
اسيل: بس .. بس انا .. انا امس رحت معها المستشفى ..
انصدم فارس وقال: ليــــــــــــــــش ..؟! منو قالج تروحين معها ..؟!
اسيل: .......................
طالع فيها وقال: طيب شصار هناك ..؟!
اسيل: رحت عند دكتور عشان يكشف علي وما ادري ايش السبب .. ويقول تعالوا باجر عشان تشوفون النتيجه ..
فارس بقهر: الحقييررره .. المهم طنشيها ولا تروحين .. انا بتفاهم معاها .. بس انتي قوليلي اي مستشفى رحتم ..
اسيل: مستشفى الـ***** التخصصي ..
هز راسه وقال: اعطيني رقمها ..
طلعت جوالها واعطته الرقم ..
لفوا كلهم جهة ريما لمن سمعوا صوت جوالها يدق ..
طالعت ريما في المتصل وشافت انه ياسر ..
قامت وطلعت فوق لغرفتها .. قفلت الباب وراها وردت ..
ريما: الو ..
ياسر: هلا بروحي .. كيفج ..؟!
ريما: تمام ..
ياسر: شفيه صوتج تعبان ..؟!
ريما بدلع: لا حبيبي ماكو شي .. اكيد تتوهم ..
ياسر: متأكده ..؟!
ريما: اكيد ..
ياسر: طيب ريمو ..
ريما: يا عيون ريمو ..
ياسر: مشتاق اشوفج ..
ريما: "هذا اللي كنت خايفه منه" ..
ريما: متى ..؟!
ياسر: الوقت اللي يعجبج ..
ريما: اممم هذا الاسبوع ما يمديني ..
ياسر: طيب شرايج الاحد الياي ..؟!
ريما: بس هذا يوم دوامات الجامعه ..
ياسر: عادي ماكو مشكله ..
ريما: ايام الدراسه ما اقدر اخرج ..
ياسر"يالجذابه": وليش ..؟!
ريما: اهلي يمنعوني ..
ياسر: بس انا ابي اشوفج الاحد ..
ريما في نفسها: "باين عليه مصر .. شذا الحظ .. يارب اقدر اقنعه بهدوء" ..
ريما: والله ما اقدر يا حبيبي ..
ياسر: دايم ترفضين .. هذي المره انا ابي اشوفج وما ابيج ترفضين حياتي ..
ريما: طيب شرايك الاثنين احسن ..؟!
ياسر: لا .. انصحج توافقين يا قلبي ..
ريما في نفسها: "بدأ يهدد .. يارب استر" ..
ريما: خلاص بحاول ..
ياسر: اوكي .. اللحين مابي اطول عليج .. باااي روحي ..
ريما: باااي حبيبي ..
قفلت الجوال ورمته عالسرير بقوه ..
ريما: الجلب الجلب .. عارف اني من دون هالسم اللي يعطيني اياه ما اعيش ..
جلست ع كرسي التسريحه وقالت: انا الغبيه اللي مسويه فيها اني اضحك عليه .. انقلب السحر عالساحر .. لازم اتصرف قبل يوم الاحد .. لو ما تصرفت راح اضطر اقابل الاشكال القذره هذي .. يارب ساعدني ..
خرجت من غرفتها واول ما شافتها اسيل قامت وقالت: ريما ..
ريما: نعم ..
اسيل: سمعتي شقال فارس ..؟!
ريما: شقال ..؟!
اسيل: يقول ان فيصل يبغى الغدا من البيت مو من برى ..
شهقت ريما وقالت: بس محد يعرف يسوي غدا .. انا ما اعرف شي وانتي يا دوبج تصلحين نواشف للريوق بس ..
اسيل: قلت لفارس فقال ان فيصل راح يعصب اذا شاف الاكل من برى ..
ريما: طيب شسوات ..؟!
اسيل: مدري .. باجي على موعد الغدا ساعتين ..
جلست ريما عالكنبه وهي ساكته بعدين ابتسمت وقالت: لقيتها ..
اسيل بحماس: وشو ..؟!
ريما: صحيح بتكون فشيله بس احنا ييران .. بنطلب من ام مايد انها تسلفنا شغالتها ..
اسيل: من عند غيداؤؤه .. بتتشمت فينا ..
ريما: ما علينا منها .. انا برتب المطبخ وانتي روحي ناديها ..
اسيل بإستنكار: انــــــــــــــــا ..؟!!
ريما: لا انا .. انتي الصغيره .. روحي بسرعه لأنه ماكو وقت ..
اسيل: اووووف .. ريما واللي يعافيج روحي انتي ..
ريما: بلا هذره زايده .. روحي وخلصينا ..
اسيل: عمى .. ان شالله ما اقابلها ..
ريما: اسيل وين فارس ..؟!
اسيل: طلع وقال نص ساعه وبأرجع ..
ريما: طيب انتي تحركي ..
اسيل: اووووف طيب بروح ..
خرجت من البيت وراحت لبيت ام مايد ودقت الباب .. بعد فتره انفتح الباب ..
اسيل: اول مره ادري ان عندكم طفل صغير .. لا يكون غلطانه في البيت ..
غاده: احترمي نفسج .. انا مو صغيره ..
اسيل بإستغراب: صغيره ..؟! ليه انت بنت ..؟!
غاده: ايه بنت .. ليش وش شايفه جدامج ..؟! ولد مثلا ..؟!
اسيل: اللحين تأكدت ان هذا بيت غيداؤؤه .. اسمعي روحي نادي امج ..
غاده: شتبين فيها ..؟!
اسيل: يلعن ام اللقافه .. ناديها وانتي ساكته ..
غاده: احترمي الفاضج عشان اناديها ..
اسيل: عشتو .. صغار ولسانهم هذا طوله .. ضفي ويهج ونادي امج وبلا مهايطه لأني مب رايقه لج ..
غاده: انتي انسانه مو محترمه وانا بعلمج الاحترام ..
وطــــــــــــــــآإخ .. قفلت الباب بوجهها واسيل مدهوشه ..
طفله وتسوي كذا ؟؟؟؟؟؟؟؟
عصبت ودقت الجرس اكثر من مره .. بعدين سمعت صوت البنت مع صوت وحده ثانيه .. وبعدين انفتح الباب وطلعت الام ..
ارتاحت اسيل وقالت: هلا خالتي كيفج ..؟!
ام مايد: الحمد لله كيفج انتي ..؟!
اسيل: تمام .. اقول خاله اذا ما عندج كلافه ممكن طلب ..
ام مايد: اطلبي حبيبتي ..
اسيل: صراحتا احنا منحرجين منكم بس ممكن شغالتكم نستلفها ساعتين بس ..
ام مايد: ههههههه حلوه نستلفها .. ليش تبونها ..؟!
اسيل بإحراج: لأن اخوي رجع من السفر وهو ملزم انه ياكل من طبخ البيت .. واحنا عاد ما نعرف نطبخ غدا .. حدنا ريوق بسيط وبس ..
ام مايد: ليه رجع فيصل ..؟!
اسيل: ايه .. المفروض يرجع امس بس حصل ضروف وتأخرت طيارته ..
ام مايد: طيب يا حبيبتي ما اقدر اعطيكم شغالتي لأني احتاجها ..
انصدمت اسيل .. ما توقعت انها بترفض ..
اسيل: اوكي مشكوره ..
ام مايد: لا تنسين تمريني بعد ساعه ونص عشان اعطيكم غدا ..
اسيل: ها ..؟!
ام مايد: اللي سمعتي حبيبتي ..
اسيل بإحراج: مشكوره بس مانبي نتعبج يا خالتي و ......
ام مايد: لا لا لا عادي حبيبتي .. واللحين روحي للبيت لأن وقفتج في الشمس مب زينه لج ..
اسيل: مشكوره يا خاله .. مع السلامه ..
ام مايد: مع السلامه ..
راحت اسيل للبيت وفي نص الطريق دق جوالها ..
طلعته من جيبها وتفاجأت لمن شافت انه آرثر .. من يوم ما كلمت امه ما اتصلت عليه ولا هو اتصل عليها ..
دخلت الحوش ووقفت في ظل وردت ..
اسيل: الو ..
آرثر: الو .. هلا ..
اسيل: هلا ..
آرثر: اسيل ..؟!
اسيل: ايوه ..
آرثر: متأكده ..؟!
اسيل: طبعا ..
آرثر: ماني مصدق ..
اسيل: وليه ..؟!
آرثر: مو من عادتج تردين بهدوء ..
اسيل: شتبي ..؟!
آرثر: كيفج ..؟!
اسيل: تمام ..
آرثر: اسيل ..
اسيل: نعم ..
آرثر: الليله اللي راحت طلعتي من دون ما تقوليلي ان كنتي سامحتيني او لا ..
اسيل: طيب وبعدين ..؟!
آرثر: ابي اعرف انتي مسامحتني ولا لا ..؟!
اسيل: مسامحتك ..
آرثر بصدمه: وشو ..؟!
اسيل: اللي سمعته ..
آرثر: انتي .. انتي متأكده ..؟!
اسيل: ايه .. فكرت كثير لين وصلت لهذا القرار ..
آرثر بفرحه: بجد بجد يا اسيل فاجأتيني .. الى الآن انا مو مستوعب اللي قلتيه ابدا .. متأكده انج اسيل ولا انا اتخيل ..؟!
اسيل: ايه انا اسيل .. آسفه على كل اللي صار يا آرثر ..
آرثر: لا لا تعتذرين .. انسي كل اللي صار ولا كأنه شي حصل ابدا ..
اسيل بإبتسامه: طيب ..
آرثر: بن سيني سيفريم .. << انا احبك << ..
اسيل: شذا ..؟!
آرثر: احبج وايد يا اسيل ..
اسيل باحراج: اكلمج بعدين ..
آرثر: ليه ..؟!
اسيل: ابغى اتغدا ..
آرثر: اوكي خذي راحتج ..
اسيل: باااي ..
آرثر: باااي حبي ..
قفلت الجوال وقعدت فتره تطالع فيه .. حست براحه بعد ما انتهى كل شي ..
لفت ودخلت داخل وقالت لريما عن الكلام اللي قالته ام مايد ..
انبسطت ريما وقالت: ياللا حلو .. يت منها مو منا ..

10 - 3 - 2014, 01:28 AM

في العصر الساعه خمسه ..
كانت في غرفتها واقفه بحيره ..
تحس راسها بينفجر من كثر التفكير ..
فتحت دولابها وهي متأكده انه كان هنا .. بس المشكله ما لقت ..
دورت ودورت ولا لقيت ..
رمت نفسها على سريرها بقوه وقالت: وينك يا ذا الضرف ..؟! امي حلفت علي انها لو رجعت من عند الييران وانا ما لقيته راح تنسيني حليبها اللي شربته ..
تربعت وقالت: المشكله اقولها اني نسيت طعمه بس قالت لي ..
كملت بصوت امها: سهامووه وويعوه .. احترمي نفسج .. اوووف ..
انسدحت مره ثانيه وقالت: انا متأكده اني حطيته في الدرج بس ما لقيته .. امي حترجع الساعه سته .. الساعه جم اللحين ..؟!
دخلت ايدها تحت مخدتها عشان تطلع جوالها وتشوف كم الساعه ..
سهام: شذا ..؟!
سحبت شي من تحت المخده وبعدها: هههههههههههههههههههههههههههههههههههههههههههههههههه ههه .. الضرف تحت مخدتج يالفاغره هههههههههه ..
اخذته ونزلت تحت وحطته عالطاوله وهي تقول: وين طارق ..؟!
خرجت الحوش فشافته واقف ويطالع في الارض بسرحان ..
جت من وراه وصرخت: بــــــــــــــــــــــــــــــــــــــــــــــــو وه ..
لف عليها بهدوء وقال: سخيفه ..
سهام: ما انفجعت ..؟! صج انك غريب ..
طارق: واللحين وش تبين وخلصيني ..
سهام: في منو كنت سرحان ..؟!
جلس طارق عالكراسي اللي تحت الشجره الكبيره وقال: مالج شغل ..
جلست سهام وقالت: طارق بسألك سؤال ..
طارق: وشو ..؟!
سهام بحماس: كيف هم البنات في جامعتكم ..؟!
طارق: وانتي سوالفج كلها عن الجامعه ..؟!
سهام: ما عليك مني وياوب .. كيف هي اشكالهم ..؟!
طارق: فيه حلوات وفي عاديات ..
سهام: ما اعجبتك وحده عشان تخطبها ..؟!
طارق: انا رايح ادرس ولا رايح اخطب ..؟!
سهام: ياوب يا طارق ..
طارق: لا ..
سهام: جم عدد اصحابك ..؟!
طارق: اثنين ..
سهام بصدمه: بــــــــــــــــس ..؟!
طارق: ايه بس .. عندج اعتراض ..؟!
سهام: لا ابدا ..
طارق: وين امي ..؟!
سهام: راحت تزور ام عبد الله ..
طارق: لقيتي الظرف ..؟!
سهام: ايه ..
طارق: واخيرا ..
سهام: كان تحت مخدتي وانا مدري ..
طارق: لأنج غبيه ..
سهام: شكرا .. للمعلوميه اخو الغبيه يكون غبي ..
طارق: ما ودج تقلبين عن ويهي ..؟!
سهام: لا .. ابي استمتع فيك قبل لا تسافر الخميس ..
طارق: ماني لعبه عشان تستمتعين فيني ..
سهام: هههههه .. طيب طارق ..
طارق: خير وشتبين بعد ..؟!
سهام: شاسم رفيجك اللي تسكن معاه ..؟!
طارق: انس ..
سهام: الله اسمه حلو ..
طارق: مبروك ..
سهام: ما عندكم ييران ..؟!
طارق: إلا .. نعرف ام ميار ..
سهام: ام ميار .. بنتها سنه جم ..؟!
طارق: ثالث ثانوي ..
سهام: حلو .. ما فكرت تخطبها ..؟!
طارق: سهام شفيج عالخطبه ..؟!
سهام: ابيج تتزوج بسرعه عشان نسوي زواج واعزم كل رفيجاتي واقول هذا اخوي الكبير .. حتى نوره المغروره بعزمها واوريها ان زواج اخوي احسن وافخم من زواج اخوها اللي بهذلتنا فيه ..
طارق: عقول بنات ..
سهام: من جد يا طارق ما تحب احد ..؟!
طارق: لا ..
سهام: طيب اللحين لمن تروح الجامعه حب وحده بسرعه عشان يمدينا نجهز للزواج ..
طارق: ما ودج تسكتين .. تراج صجيتيني ..
سهام: ايييه صح نسيت .. عندنا لميا بنت عمي .. لمن تيي امي قولها ابي بنت عمي وبعدين نخطبها باجر ويوم الثلاثاء الملجه .. ويوم الاربعاء اجازه تقضي فيها اغراضها واحنا نشتري الكروت ونوزعها ويوم الخميس الــــــــــــــــزوااج .. هههههههه واااو حماس بتتزوج قبل الدراسه بيوم ..
طارق: سهــــــــــــــــاموه بليييز سكتي لأن راسي انفجر .. صج انج مينونه .. متى تتزوجي وتفكيني ..
سهام بسرعه: ياليييييت عشان اسمع كلمة سهومتي كل يوووم ..
انتبهت لنفسها وقالت بإحراج: يوه زلة لسان سوري ..
هز راسه وقال: مينونه ..
سهام: انتم يننتوني .. على الطالعه والنازله قلتم سهامووه .. سهاموه تعالي سهاموه روحي .. سهاموه سكتي سهاموه تكلمي .. سهاموه ييبي سهاموه رجعي .. مضطهديني بشكل لا يطاق اوووف ..
طارق: يا شيخه انتي بالاول لمي لسانج وبعدين يصير خير ..
سهام: حرام عليكم لساني جدا عادي بس انتم مدري شفيكم ..
طارق: جم اليوم في التاريخ ..؟!
سهام: ههههههه الناس يقولون جم تاريخ اليوم ههههه ..
طارق: خلصيني وقولي جم ..
سهام: امممم اتوقع ١٠ / ٣ .. ليه تسأل ..؟!
سكت طارق فتره يحسب في باله بعدين وضحت الضيقه على ملامح وجهه ..
سهام: طارق شفيك ..؟!
طارق: ولا شي ..
فسكتت ولا تكلمت ..
بعد شوي قالت: ما نزل مطر .. احنا في الشتاء والمفروض ينزل يوميا ومعاه ثلج وما يوقف ..
طارق: حسبالج اننا في روما ..؟!
سهام: واااو يا ليت احنا في روما بلاد العشاق والرومنسيه ..
طارق: صج انج فاضيه ..
سهام: لا مو فاضيه .. مليانه ووزني ٤٧ هههههههههههه .. بايخه صح ..؟!
طارق: ههههههههههههههههه غبيه ..
الام من عند باب الحوش: سهــــــــــــــــاموه وينــــــــــــــــج ..؟!
حطت ايدها على خدها وقالت: وتستمر المعاناه مع سهاموه ..
جت الام وقالت: هلا حبيبي طارق انت هني ..؟!
طارق: ايه .. بغيت اطلع بس بطلت ..
ضربته سهام بدفاشه على ظهره وهي تقول: ياخي ليييه .. اطلع وخذني وياك ..
الام: سهاموه وويع .. بشويش على اخوج ..
سهام بإستهبال: ياااي سوري ما كنت ادري اني عورتك ..
طارق: ههههههههههههههههههه ..
جلست الام على الكرسي وقالت: لقيتي الضرف ..؟!
سهام: ايوه .. دقيقه بس ..
دخلت تجيبه وبعد نص دقيقه خرجت ..
سهام: خذي ..
اخذته الام وهي تقول: وه ما بغى يطلع ..
جلست سهام بحماس وقالت: واخيرا بتقرينه ..
فتحته وهي تقول: اركدي بس ..
سهام: حاضر ..
طلعت الاوراق اللي فيه وقعدت تقلب فيها وهي تقول: طارق ..
طارق: نعم ..
الام: عمك الصغير اللي مات قبل كم سنه ..
طارق: شفيه ..؟!
الام: كان متزوج ..
طارق: اعرف .. وتزوج وحده مو من مستوانا واصر يدي انه يطلقها بس رفض وعشان جذي تبرى منه ..
وكمل في نفسه: " عقول ما ادري شلون تفكر" ..
سهام وهي تصفق: شاطر شاطر اخوي طارق ..
الام: بس اللي انت ما تعرفه واللي انصدمت منه انا انه كان عنده عيال ..
تفاجئ طارق وقال: من جد ..؟؟؟؟؟!!
سهام بصدمه: من امتى واحنا ما ندري ..؟! يعني عندي عيال عم غير لميا ..؟!
الام: شوف ذي الورقه ..
اخذ طارق الورقه وقراها وقال: شهادة وفاة عمي قبل سنتين ..
الام: طيب شوف ذي الورقه ..
اخذها وقراها وقال بصدمه: زوجته بعد توفيت ..
الام: ايه .. قبل حول شهر او اكثر ..
طارق: طيب والاولاد وينهم ..؟!
الام: في الاوراق اللي عندي تقول ان لها ثلاث بنات ..
سهام: وااااو عندي بنات عم .. مين هم وجم عمرهم وفين يعيشون ..؟! لأني حدددي متحمسه ..
الام: بليز سهاموه سكتي لا اتوطى ببطنج ..
سهام: اوووف طيب ما عندي صبر ..
الام: تبين تدخلين داخل ..؟!
سهام: لا لا لا ..
الام: عيل سكتي ..
سهام: حاضر ..
طارق: ثلاث بنات ..
الام: ايوه .. ثلاث بنات وولدين .. اكبر وحده عمرها حول ١٨ سنه تقريبا ..
سهام بحماس: واااااااااو قدي ..
الام بحده: سهــــــــــــــــامووه ..
سهام بأدب: حاضر ..
طارق: صغار ..
الام: انا صراحتا انصدمت لمن قريت الاوراق هذي .. فكرت كثير بعد ما قريت وحسيت بالذنب لأنهم صغار وعايشين مع امهم واحنا مو دارين عنهم ولا فكرنا نسأل ..
طارق: لمن مات عمي محد قالنا ان عنده اولاد ..
الام: وعشان جذي انا ما سألت لأني توقعت ان زوجته كملت حياتها مع اهلها .. بس الاوراق هنا تثبت ان زوجة عمك ما عندها عائله اصلا لأنها كانت يتيمه .. واللحين بعد ما ماتت شلون يعيشون اولاد عمك لحالهم .. اكبر ولد عمره ١٢ يعني كيف بيصرفون على نفسهم ..
طارق: المهم اللحين كيف احوالهم الماديه ..؟!
الام: سيئه .. يدك قطع ورثه عن عمك عمر لأنه عصى امره ..
سهام: مسجين عمي .. كان وايد طيب وتزوج وحده يتيمه ..
الام: لا مو مسجين .. المفروض ما يعصي اهله عشان وحده يتيمه ..
طارق: امي كملي كلامج ..
الام: سهاموه لا تقاطعيني مره ثانيه ..
سهام بتأفف: حاضر ..
طلعت الام ورقه وقالت: كل اللي اعرفه هو انهم يعيشون بالدوحه وذي الورقه فيها عنوان البيت اللي مستأجرينه ..
اخذ طارق الورقه وقال: وبيتهم ايجار كمان ..
الام: كنت انتظرك تيي عشان اقولك السالفه وتييبهم يعيشون عندنا .. هم فقرا واطفال والله العالم بحالهم .. ولي امرهم المفروض يكون ابوك .. بس ابوك مات الله يرحمه وعشان جذي صارت عمتك ام لميا هي الواصي عليهم بس هي كبيره في السن وقالت انها راح تترك الامر بايدك يا طارق ..
هز طارق راسه بعدين قال: طيب ايش اسمائهم ..؟!
سهام: اكيد اسمائهم بتكون حلوه لأنهم ابناء عم سهام ..
الام: ادخلي ..
سهام: لا لا توبه بسكت ..
الام: ما عندي شي اسمه توبه .. انا حذرتج اكثر من مره .. ادخلي ..
سهام: طيب بنطم وما تسمعون ولا صوت ولا حس .. وبكتم نفسي واخليكم الهواء انتم تتنفسون فيه لوحدكم ..
الام: لا ..
طارق: هههههههههههه خلاص يا امي سامحيها ..
الام: اوكي آخر مره ..
سهام بقهر: ايه كلمه من طارق تنهي الموضوع وانا اللي لي ساعه اترجاج ما تهتمي ابدا وكأني طوفه ..
الام: شايف كيف لسانها طويل .. ادخلي ..
سهام بسرعه: لا لا كنت اتغشمر ..
الام: هي سكتي ولا صوت ..
سهام: حاضر ومن عيوني يا احلى ام ..
الام: اقول مناك بس ..
طارق: امي وين الورقه اللي فيها اسمائهم .. اسمهم شي ضروري ..
الام: ايه اعرف .. بس المشكله مافي ورقه تبين ايش اسمائهم ..
سهام: ليــــــــــــــــش ..؟؟؟؟؟!!
الام: سهــــــــــــــــامووه ..
طارق: امي ما يصير لازم اعرف اسمائهم لانها مهمه ..
الام: ما عليك .. انت ارجع الدوحه وروح لهذا العنوان واكيد بتلقاهم فيه لأنهم مستحيل يطلعون منه ..
قامت سهام وقالت: متى بترجع يا طارق اذا لقيتهم ..؟!
طارق: مع اول خميس وجمعه ..
سهام بحماس: يسس حماس .. بروح اقول لشهد ان عندنا اولاد عم ..
وراحت بحماس ..
الام: اووووف طفشتني ذي البنت بشهد ..
طارق: ليش ..؟!
الام: كل شي يصير لازم تقول لشهد اول وحده مع انهم لهم ثلاث سنوات متفارقين ..
طارق: ههههههه تقصدين البنت اللي كل شوي راجتني انها تشوفها ..
الام: اييه ..
طارق: مسجينه ذي الشهد .. تقول سهام انها شايله مسؤولية اهلها كلهم لأنها الكبيره ..
الام: الله يعينها ان شالله ..
قامت وقالت: الاوراق خلها عندك ولا تضيعها .. بدخل انزل عباتي وبرتاح ..
طارق: ان شالله ..
دخلت الام وطارق فاتح الاوراق يقرا فيها ..
يحس بمسؤوليه كبيره انه والي على عائله كامله ..
قام واخذ الاوراق معاه ودخل البيت ..
مر في الصاله وشاف سهام متكيه عالكنبه وتكلم بحماس ..
ابتسم وطلع لغرفته ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

على وقت المغرب .. خرجت من غرفتها ودخلت المطبخ عند امها ..
دانا: يمه شتسوين ..؟!
تركت الام اللي في ايدها وقالت: دانا ابي افهم شي واحد ..
دانا: وشو ..؟!
الام: طول عمرج تقولين ماما .. شاللي غيرج وخلاج تقولين يمه ..؟!
دانا: ههههههه كبرت ..
فتحت الثلاجه وطلعت قارورة بيبسي ..
الام: افتحها لج ..؟!
دانا: لا لا اعرف ..
فتحتها وشربت شوي منها دفعه وحده ..
الام: غريبه .. العلبه تفتحينا والقاروره كنت انا افتحها لج .. بس اللحيـ.....
شهقت فجأه وقالت: دانــــــــــــــــا لا تشربي بيبسي ..
دانا: ليه ..؟!
اخذت الام القاروره وهي تقول: مو الدكتور منعج ..
دانا: اووووف عمى في شكله ..
دخلت الام القاروره في الثلاجه وطلعت حليب نادك وهي تقول: اشربي من هذا .. اخوج اشتراه لج ..
دانا: يععع ..
الام: دانا عيب عليج .. هذي نعمه ..
دانا: آسفه بس ما بغاه ..
الام: هذا مفيد افضل من الغازيات ..
دانا: بس طعمه مو حلو ..
الام: اللي فيه مصلحتج ما تحبيه ..
دانا: هههههههه ..
رجعته للثلاجه ورجعت تكمل شغلها ..
دانا: شتسوين ..؟!
الام: اجهز للعشا ..
دانا: بساعدج ..
الام: صح النوم بعد ما قربت اخلص تقولين بساعدج ..
دانا: طيب متى بتسوينه ..؟!
الام: ببدأ اطبخ عالساعه ثمانيه ..
دانا: عيل الساعه ثمانيه بكون في المطبخ ..
غسلت الام يدها بعد ما خلصت تقطيع الدجاج وبعدين بدأت تحط عليه البهارات والملح ..
خرجت دانا من المطبخ وجلست في الصاله ..
طالعت في ساعتها وقالت: اليوم يرجع الساعه ست ونص .. يعني بعد شوي ..
قامت ودخلت غرفتها عشان تاخذ جوالها تشغل نفسها فيه ..
اخذته من على الكمدينه واستغربت انه طافي من الشحن ..
دانا: يوووه نسيت اشحنه .. له يومين طافي ..
راحت للصاله وشبكته في الشاحن اللي فوق التلفزيون وشغلته ..
انتظرته لمن اشتغل وبعدين جلست عالكنبه تطالع في التلفزيون ..
كانوا يعرضون برنامج سامج بس اضطرت تطالع فيه لأنها فاضيه ..
شوي سمعت صوت رساله .. جت وفتحته فشافت مس كول من رقم غريب ..
دانا: مين هذا الرقم اللي اتصل علي ..؟!
سكتت شوي بعدين قالت: راح اتصل واشوف ..
دخل عادل وقال: السلام عليكم ..
رجعت الجوال مكانه وقالت بإبتسامه: وعليكم السلام .. كيفك ..؟!
جلس على الكنبه وقال: هلكآآآن ..
جلست ع الكنبه اللي قدامه وقالت: الله يعينك ..
عادل: وين امي ..؟!
دانا: في المطبخ .. شوي وتطلع ..
عادل: طيب كيف صحتج ..؟!
دانا: الحمد لله بخير ..
عادل: متأكده ..؟!
دانا: ايه ..
عادل: امس اشتريت لج كرتون حليب نادك وغصب عنج تشربيه ..
دانا: لا لا شكرا ..
عادل: انا ما آخذ رايج .. راح تشربيه غصب .. كل يوم ثلاث مرات ..
دانا: لا عادل واللي يعافيك ما احبه ..
عادل: انتي ما ذقتيه عشان تحكمي ..
دانا: مو لازم اذوقه .. وكمان هو حق بزارين وانا مو بزره ..
عادل: العصير مو مكتوب عليه للاطفال فقط ..
دانا: مو لازم يكتبون لأنه معروف ..
عادل: حتشربيه ..
دانا: عادل سكر عالسالفه ..
عادل: من عيوني حسكر بس حطي في بالج انج حتشربيه ..
دانا: كيف الشغل معاك ..؟!
عادل: تمام .. دنو ..
دانا: نعم ..
عادل: بعد باجر هو اول يوم لي ..
دانا: اول يوم في ايش ..؟!
عادل بإبتسامه: في العلاج الطبيعي ..
طالعت فيه فتره بهدوء تستوعب اللي قاله وقالت بهدوء مع فرحه: من جد ..؟!
هز راسه بإيه وهو مازال مبتسم ..
ابتسمت وضحكت وهي تقول: ههه اكيد تمزح ..؟!
عادل: لا ما امزح ..
طالعت فيه وهي مو مصدقه بعدين قامت وحضنته وهي تقول: حلو حلو .. واخيرا ..
عادل بإبتسامه: خنقتيني ..
بعدت عنه وهي تقول: متى رحت المستشفى ومتى كلمتهم وكيف وليش ما قلت لي وفي اي مستشفى رحت ..؟! متى سويت كل هذا ..؟!
عادل: امس .. واليوم مريتهم واعطوني جدول مواعيد ودفتر فيه رياضات لازم اسويها و ....
دانا: قوم قوم نبدأ اليوم وانا بسوي معاج ..
عادل: ههههههههههه دانا اهدأي شفيج ..؟! هم اعطوني اوقات محدده ..
دانا: يمـــــــــــــــــــــــــــــه ..
خرجت الام من المطبخ وهي تمسح يدها بالمشفه وقالت: شفيه ..؟!
جت عندها وهي حدها فرحانه وقالت: يمه عادل بيتعالج .. اخيرا بيصير يمشي يا يمه ..
ابتسمت الام وقالت: واخيرا وافقت يا ولدي .. كنت انتضر هذا الخبر من زمان ..
عادل بإبتسامه: الله يخليج لي يا يمه ..
اخذت دانا جوالها وهي تقول: بقول لرهف ..
عادل بسرعه: لا ..
دانا: ليش ..؟!
عادل بضيقه: مالها دخل فيني عشان تعرف ..
دانا: بس .....
عادل: لا تقولين بس ولا شي .. انا بدخل ارتاح واذا جهز العشا نادوني ..
دخل داخل ..
الام: انا لله وانا اليه راجعون ..
لفت وراح غرفتها ..
ودانا واقفه مكانها فقالت: كلامه معناه انه ما يبغى رهف تعرف لانه خايف تتعلق بأمل بعدين تطيح ..
ابتسمت وهي تقول: يعني يحبها .. يسسس ..
جلست عالكنبه تطالع في البرنامج وهي تتخيل عادل يرجع يمشي مره ثانيه ..
رفعت راسها تطالع في الجوال وتذكرت الرقم ..
قامت واخذته عشان تتصل وتشوف حكاية ذا الرقم الغريب ..

.................................................. ......

.. في بريطانيا .. داخل القصر الكبير ..
جالس سامي قدام شاشة البلازما يطالع بفلم ممل ..
لف يطالع في جواله فقال: اوووف ليه ما يتصل ..؟!
اخذه مره ثانيه واتصل بس مغلق ..
جاء عنده واحد من الخدم اللي يتكلم عربي وقال: سيد سامي ..
سامي: ها ..
الخادم: السيد مراد سيأتي بعد قليل من المطار ..
سامي بصدمه: ايــــــــــــــــش ..؟! شيبي ذا لاحقني لين هني ..؟!
الخادم: لديه عمل هنا ولكنه سيمر اولا عليك كي يطمئن ..
سامي: ما ابيه يطمئن ابدا .. اذا ياء اطرده لأنه مو ناقص اشوف خشته ..
الخادم: سيدي .. انها اوامر السيد الكبير ..
سامي: اووووف .. ازعجتوني بالسيد الكبير ..
لف الخادم بيروح بس قال سامي: اسمع ..
الخادم: نعم ..
سامي: قلهم ييبون لي قلاس ماي ..
الخادم: حاضر ..
وراح ..
سامي: اوووف .. جيمس بوند ذا لازم يلحقني في كل مجان .. ياكرهي له ..
قلب في القنوات ووقف على قناة فيها فلم كمان ..
سامي: يمكن يكون هذا حماس احسن من اللي قبل شوي ..
لف يطالع في الجوال بس محد اتصل ..
جت عنده وحده من الخدم وقدمت له كوب المويه ..
طالع سامي فيها وقال: ما كنت ادري ان فيه خادمات موزز .. ياللا خلوني اشغل نفسي واشبكها ..
اخذ الكوب وقال: Hallo ..
ابتسمت وقالت: Hi ..
فكر كيف يسألها عن اسمها فقال: What the name you ..؟!
ابتسمت على طريقته المكسره في الاسئله وقالت: my name is Diva .. <<اسمي ديفا<< ..
سامي: woow the name is HELO ..
ديفا بإستغراب: what‎'s HELO ..؟!
سامي: هلو يعني اسمج حلو بالعربيه ..
طالعت فيه بإستغراب وهي مو فاهمه ايش يقول ..
سامي: شذي الورطه .. حلو بالانجليزي شكله ما يعني هلو .. عيل ايش يعني ..؟! فكر يا سامي .. شكلي ماراح القاها .. خلاص خلني اكمل تشبيك ..
ابتسم وقال: I love you ..
تفاجأت بعدين ابتسمت وقالت: me too ..
سامي: اكيد بتحبيني لأني حلو ..
ديفا: ؟؟؟؟؟؟؟
سامي: يوووه لازم اتكلم معها انجليزي .. طيب اللحين ابغى اسألها جم عمرها .. ايش اقول ..؟!
فكر فكر بعدين قال: what you OMREK ..؟!
استغربت ورددت في استغراب: OMREK ..؟! What about you say ..؟! << عن ماذا تتحدث ‏‏<‏‏< ‏..
سامي: لا غلط .. اسمي مو ساي .. حطي ميم قبل الياء .. يصير اسمي سامي ..
ديفا: ؟؟؟؟؟؟؟؟؟؟
سامي: شكلها ما فهمت .. اللحين كيف بشبك وحده انجليزيه ..؟!
سكت شوي وقال: اللحين اللي انا متفاجئ منه هو كيف نجحت في الانجليزي ..؟! شي غريب وتساؤل او مره اسأله لنفسي ..
طالع في ديفا اللي واقفه تطالع فيه ..
سامي: وانا شعلي بعمرها .. باين انها صغيره .. ببدأ اشبكها وما علي بجم عمرها ..
عدل نفسه وقال بإبتسامه: your is my heart ..
ديفا بإبتسامه: Thanks ..
سامي: شذا الرد .. اللحين اقولج انتي قلبي تقوليلي شكرا .. جامليني عالاقل وقولي وانت حياتي او اي شي ..
ديفا: what about you say ..؟! << عن ماذا تتحدث << ..
سامي بعصبيه: يووووه .. اسمي سامي مو ساي ..
انفجعت منه وهزت راسها بإيه وهي ماهي فاهمه ..
سامي: عمى في شكلج خليتيني اعصب .. واللحين تقلعي عن ويهي ..
ديفا: What ..؟!
سامي: وات في عينج .. اقولج انقلعي .. يعني كيف يا ربي .. ايه يعني Go .. Go ..
هزت راسها وراحت ..
سامي: اووف .. اللحين ليش يا سامي تتفلسف وتعصب نفسك عالفاضي ..؟! صج اني غبي ..
دق جواله فطالع فيه وقال: منو ذا السخيف اللي يتصل اللحين ..؟!
فز من مكانه لمن شاف انه عادل ..
سامي: واخيرا .. واخيرا فتح موبايله واتصل ..
رد وقال: هلا بعادل كيفك وشخبارك ..؟! وحشتوووني يالدببه .. ليش موبايلك مغلق ياخي ..؟! من امس وانا اتصل عليك ..؟!
استغربت دانا .. مين هذا الشخص .. تحس صوته مو غريب بس ما عرفته ..
سامي: الو عادل انت معاي .. ياخي رد ابي اسولف معك وآخذ ارقام الشله الباجين .. آآآه شكلك ما عرفتني .. انا سـ.....
سحب مراد الجوال وقال: حبيبي سامي ليش جذي .. مو ابوك حذرك انك ما تدق على اصحابك ..

انتهى الجــــــــ١ــــــــزء من البــــــــ٧ــــــــآرت ..
آرائكم عن الجزء بكل ما فيه ..
-عن وصايف ..؟!
-عن سامي ..؟!
-عن طارق ..؟!
-عن اسيل ..؟!
-عن بسام ..؟!
-عن دانا ..؟!
عــــــــــــــــن الجــــــــــــــــزء بشكــــــــــــــــل عــــــــــــــــام ..
لكـــــــــــم حريــــــــة التوقعــــــــــــــــات ,,

اختـــــــ ﮖ ـــــــــم// صرخه المشتاقــــــــــــــــه ..

|$[ نهاية الجزء ]$|

10 - 3 - 2014, 01:29 AM

|$[ البآرت السابع الجزء الثاني ]$|

سامي: الو عادل انت معاي .. ياخي رد ابي اسولف معك وآخذ ارقام الشله الباجين .. آآآه شكلك ما عرفتني .. انا سـ.....
سحب مراد الجوال وقال: حبيبي سامي ليش جذي .. مو ابوك حذرك انك ما تدق على اصحابك ..
لف سامي وعصب لمن شاف انه مراد ..
سامي بعصبيه: نعم خير شتبي ..؟! هات موبايلي وتقلع عن ويهي ..
قفل مراد الجوال في وجه دانا وقال: ابوك منعك انك تكلم اصحابك .. وحذرك انه لو عرف انك كلمتهم يا ويلك ..
ابتسم بخبث وكمل: تبيني اعلمه ولا لا ..؟!
عصب سامي بس ضبط نفسه وقال: اسلوب التهديد هذا ما احبه ..
مراد: عيل شنو تحب ..؟!
سامي: هات موبايلي وروح شوف شغلك اللي ابوي امرك تسويه ..
مراد: اكيد بشوف شغلي وما احتاج انك تذكرني ..
دق الجوال فطالع مراد في الشاشه وقال: منو عادل ..؟! رفيجك صح ..؟!
سامي: مالك شغل ..
قفل مراد الجوال وقال: من فين يبت الرقم ..؟!
سكت سامي ومارد عليه ..
مراد: عيل سوري راح اضطر اني آخذ الموبايل واعطيك بدل عنه عشان رفيجك ذا ما تقدر تتصل فيه مره ثانيه ..
ابتسم سامي بإستهزاء وهو يقول في نفسه: "حتى لو غيرت الموبايل عندي رقمه يا غبي" ..
بس في نفس الوقت عصب .. مين هذا عشان يفرض رايه عليه ويتحكم في تصرفاته ..
سامي: الموبايل موبايلي وانا سيدك وتاج راسك فلا تنفخ ريشك يا مرادوه فاهم ..؟!
عصب مراد بس ما بين الامر وقال: اوكي .. راح اتصل بأبوك هو يتفاهم معاك ..
طلع جواله وسامي انقهر وبغى يمنعه بس بيضحك عليه مراد ..
دق مراد وهو يطالع في سامي بإستهزاء ..
مراد: الو ..
ابعد شوي عشان يكلم ..
سامي بقهر: الجلب الحقير ..
بعد شوي جاء مراد واعطى سامي الجوال يكلم ..
اخذ سامي الجوال وقال: الو ..
الاب: سامي ..
سامي: نعم ..
الاب: صحيح الحجي اللي سمعته ..؟!
سامي: ...........................
الاب: ليه ما ترد ..؟! ولا لسانك ما يطول إلا على مراد والخدم وبس .. ابي اعرف من منو اخذت رقم رفيجك ..؟!
سامي: قبل لا اسافر كنت كاتب الرقم في ايدي ..
الاب: متأكد ..؟!
سامي: ايوه ..
الاب: اسمع .. مراد اللحين بيشتري لك موبايل غير اللي معاه .. تاخذه بدل اللي قبل شوي .. ولعلمك ترا اي رساله او مكالمه راح توصل لي عبر موبايلي .. حبيت اعطيك خبر عشان تنتبه .. اوكي ..؟!
سامي: طيب ..
الاب: كيف صحتك اللحين ..؟!
سامي: تمام ..
الاب: ياك الدكتور امس ..؟!
سامي: ايوه ..
الاب: ترى هذي ثاني مره تتعب واييب لك دكتور من برى .. انتبه على نفسك اكثر من البرد .. خلك داخل القصر ولا تطلع إلا لشي ضروري والبس لبس ثقيل اوكي ..؟!
سامي: طيب ..
الاب: ابعد شوي عن مراد عشان بكلمك بموضوع ..؟!
بعد سامي عن مراد وقال: نعم ..
الاب: صحيح اللي سمعته انك طولت لسانك على مراد ..؟!
سامي: ما طولت لساني بس هو نرفزني ..
الاب: سامي .. لو لسانك يطول على مراد مره ثانيه راح اقصه ..
سامي بصدمه: بس هـ....
الاب: لحضه انا ما كملت كلامي .. انا علمتك عالاحترام .. هذا اكبر منك ولازم تحترمه .. هو يشتغل عندي وانا لي الحق اني اعايره مو انت ..
عض على شفته بقهر وقال: يعني لو تدخل في خصوصياتي اسكت له ..؟!
الاب: مراد ما يتدخل في خصوصيات احد ..
سامي: إلا تدخل ومسوي فيها انه ولي امـ.....
الاب بحده: ســــــــــــــــامي ..
فسكت سامي وهو حده مقهور ..
الاب: خلني اسمع انك طولت لسانك عالخدم شوف وش حيصير .. اعطني مراد ..
راح سامي واعطى مراد الجوال .. وبعدها طلع غرفته ..
قفل باب الغرفه وهو يقول: مرادوه الحقير .. اكيد قايل لأبوي كلام ما صار .. اوووف اثنينهم اغبياء ..
جلس عالسرير وهو يفكر .. ما هو عاق إذا قال لأبوه غبي لانه يستحق ..
غمض عيونه بقوه يمنع الدموع تنزل وقال: سامي ايش تبغى بقطر .. خلك هنا عشان تقدر تعيش ..
فتح عيونه وقال: وتقدر تتزوج .. هنا محد راح يعـ...
سكت وما كمل .. ما عنده شجاعه حتى يتكلم مع نفسه ..
غمض عيونه مره ثانيه وقال: عندي رقم عادل ويمديني اتصل عليه من اي جوال ثاني ولا احد راح يدري عني .. بس انا ما عاد ابغى .. ما ابغى اي شي يربطني بقطر .. هنا احسن من كل النواحي واولها الناس ..
سكت شوي وبعدها جلس وقال: اخاف اضعف واتصل عليه ..
قام وطلع الشنطه وقعد يدور الدفتر .. لقاه وفتح الصفحه الاخيره وقطع الجزء اللي فيه الرقم ..
طالع في الرقم فتره طويله وتردد .. هو مقتنع برايه بس ما يبغى يقطع العلاقه نهائيا ..
اذا رمى الورقه ما راح يمديه يسمع صوت اي واحد من اصحابه ..
جاء عند الشباك و .. وطير الورقه في الهوا ..
طالع في الورقه وهي تبعد تماما .. حس بندم بس قال: احسن .. ما ابي احد موليه ..
قفل الشباك ورجع لسريره ..

......................................

اما دانا فطالعت في الرقم وقالت: ليه يقفل في ويهي مرتين ..؟! شكله لعاب ..
دخلت عالمكالمات المستلمه ومسحت الرقم وهي تقول: انا مب ناقصه ارقام دوليه وناس لعابه ..
رجعت الجوال عالشاحن ودخلت غرفتها ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

ام فيصل رجعت مع ابو فيصل يوم الاثنين بعد ما اطمئنت على حالة ابوها وصار بخير ..
جهزوا اغراضهم عشان يسافرون يوم الثلاثاء في الصباح ويرجعون يوم الجمعه في الصباح ..
اما غيدا فضغطت عليها امها انها تروح معهم فأضطرت انها تجهز اغراضها عشان يروحون ..
في صباح الثلاثاء كانوا يرتبون اغراضهم في السيارات ..
بياخذون ثلاث سيارات ..
سيارة فيصل يحطون فيها اغراض العائلتين ..
سيارة ابو فيصل لعائلته وسيارة غيدا لعائلتها ..
كانوا جدا مشغولين ومقروشين ومعتفسين وهم يرتبون الاغراض ..
نزلت اسيل من الدرج وهي شايله شنطه صغيره فيها اغراضها ومندمجه في الجوال ..
فارس: اسيل امي تقول وين جنطتج ..
رفعت اسيل راسها وقالت: فارس تعال ابيك ..
استغرب وجاء عندها وقال: ها شتبين ..؟!
اعطته جوالها وهي تأشر عالشاشه وتقول: هذا رقم مين ..؟!
استغرب وقال: وانا شدراني عنج ..؟!
اسيل: تذكر ذاك اليوم حق الغاز سألتني اذا كان في رقم اتصل عليج وموبايلج مغلق ومن ذا الحجي ..
فتذكر فارس انه رقم لبنى ..
فارس: هذا .. هذا رقم وحده .. ذاك اليوم كنت ابي اطمئن عليج بس ما عندي رصيد فاتصلت من موبايلها ..
اسيل: ومين هذي الوحده ..؟!
فارس: ها .. اسمها لبنى ..
اسيل بصرخة فرحه: وااااااو لبنــــــــــــــــى اللي تحبهــــــــــــــــا ..
حط ايده على فمها وهو يقول: اشش فضحتيني .. وكمان مين قال اني احبها ..؟!
اسيل: انا .. لا تجذب يا اخوي لأني مب غبيه .. دايم تسأل عنها بطريجه غير مباشره .. ههههههه حتى لبنى صارت دايم تسلم علي لأني اختك ..
فارس: من جد ..؟! قولي والله ..
اسيل: والله ..
غمزت وهي تقول: اشوفك انبسطت ..
فارس: ها .. لا لا انتي غلطانه .. السالفه هي سالفة صداقه او......
اسيل: لا لا ما تقدر تجذب علي .. واخيرا اخوي اعترف انه يحب وحده .. والله لأتشمت في لماروه لين اطفش وامل هههههههه ..
فارس: اسيل بليز لا احد يدري لأنه.....
اسيل: ههههههه يصير خير .. متى بتخطبها ..؟!
فارس: وين بدري .. لمن اتخرج ..
اسيل: عز الله طارت البنت من ايدك ..
فارس: شتقصدين ..؟!
اسيل: اقصد انها بنت حلوه وصغيره واكيد بييونها الخطاب كثير وانت يالس هنا ..
فارس: اسيل لا تخوفيني ..
اسيل: هذا الصج ..
الام: فــــــــــــــــارس اسيــــــــــــــــل تحــــــــــــــــركوا بسسسسرررعه ..
اسيل: طيب .. بااي فارس ..
وخرجت برى ووقفت عند سيارة فيصل تطالع فيه هو ومحسن وهم يرتبون الاغراض في السياره ..
اسيل: احم احم ..
لف محسن وقال: هلا اسيل ..
اسيل: اهلين .. هذي جنطتي ..
اخذها فقالت: محسن ..
محسن: هلا ..
اسيل: غيدا بتيي معانا ..؟!
محسن: ههههههه ايه ..
اسيل بقهر: عمــــــــــــــــى ليه ..؟!
ضحك وبعدين لف يحط الشنطه ..
ام مايد: اهلين اسيل ..
اسيل: اهلين خالتي كيفج ..؟!
ام مايد: تمام .. ها كيف الغدا اللي يبته ..؟!
اسيل: روعه .. بس بليز لا تدري امي لأنها حتستلمنا تهزيء ..
ام مايد: هههههههه طيب طيب ..
خرجت ام فيصل ومعها اغراض وقالت: اهلين بأم مايد ..
ام مايد: اهلين ..
ام فيصل: ها خلصتم كل شي ..؟!
ام مايد: كل شي صار في السياره وما باجي إلا نتحرك ..
ام فيصل: حلو .. وحتى انا خلصت ..
ام مايد: طيب بروح اقول لغيدا تشغل السياره وندخل الاولاد فيها ..
ام فيصل: اقول ام مايد شرايج تركبين معي عشان نسولف في الطريج ..؟!
ام مايد: لا ما يصير سيارتكم بتكون زحمه ..
ام فيصل: اسمعي .. فيصل بيروح مع محسن بسيارة الاغراض .. وسيارة ابو فيصل نركب فيها انا وانتي وريما وفارس .. واسيل تركب بدل عنج مع غيدا ..
اسيل بشهقه: لأأأأأأأأأأأأأأ ..
ام فيصل: اسيل عيب .. انتي الصغيره وانتي بتركبين .. سيارة غيدا بيكون فيها انتي ومازن وغاده وغيدا .. يعني تكفيكم بالراحه ..
ام مايد: وليه ما تبين يا اسيل ..؟!
اسيل بإحراج: لا بس احب اركب مع ابوي ..
ام فيصل: ما يمدي لأن سيارتنا بتكون فيها خمس اشخاص .. وغيدا سيارتها فيها ثلاثه وانتي الرابعه ..
ام مايد: اذا ما كنتي تبغين عادي اركب انا مع غيدا ..
اسيل بسرعه: لا لا ما قصدي ابدا ..
ام فيصل: لا اذا ما كنتي تبغي فأركبي مع فيصل ومحسن يركب مع اخته ..
اسيل: لا لا انا موافقه .. شي اهون من شي ..
ولفت بقهر .. تكره غيدا ولا تبي تركب معاها ابدا .. بس الضروف ..
اسيل: قالوا ايش حدك عالمر قلت اللي امر منه ..
شافت غيدا واقفه عند باب سيارتها وتنتظر اخوانها يخرجون ..
جت عندها وشاف غيدا تلعب بميدالية السياره وهي تغني: حبيـــــــــت لا تسألوني ليش .. يمكن عقل او طيش .. والحاله هي حاله .. سويــــــــــت في نفسي القصه .. وما فادت القرصه .....
اسيل: كح كح كح شذا الغبار المتراكم هنا ..؟! كح انا عندي ربو وما استحمل ..
طالعت غيدا فيها بنظرات احتقار وقالت: نعم استاذه اسيلوه .. شتبين يايه عندي ..؟!
اسيل: هيه احترمي نفسج ولمي نضراتج يا غيداؤؤه ..
غيدا: لو سمحتي انا اسمي حمممود مو غيدا ..
مازن: حمود خلصنا ..
لفت غيدا وقالت: طيب رح ناد امي ..
مازن: ماني سواق ابوج ..
وركب السياره .. واسيل تطالع فيهم بدهشه .. العائله كلهم لسانهم طويل ..
غيدا بعصبيه: مــــــــــــــــازن غــــــــــــــــاده واحد منكم ينادي امي بسرعه ..
غاده: عندج ريول .. روحي بنفسج ..
غيدا: والله اذا محد منكم قام ياويلكم .. اقسم بالله اني راح اوريكم شغلكم واندمكم ..
مازن: مع نفسج ..
اسيل: هههههههههههههههههههه انا قلت قبل جذي انه ما عندج شخصيه ..
عصبت غيدا من كلامها وطالعت فيها بنظرات تخوف لأنها عصبت من قلبها ..
انفجعت اسيل من نظراتها ولاحظت مازن يقول لغاده تروح تنادي امهم ..
اسيل بإستهزاء: يوومه خوفتيني ..
نزلت غاده وراحت ..
غيدا: نصيحه لج يا اسيل انج تبعدي عني عشان لا اييب اجلك هني .. انا ماسكه اعصابي قد ما اقدر عشان لا امد ايدي على بزززره مثلـــــــــــك ..
تنرفزت اسيل من كلمة بزره وقالت: ما البزر إلا انتي واشكالج ..
اشرت غيدا اصبعها بتهديد في وجه اسيل وهي تقول بضبط اعصاب: اسيلوه .. لمي لسانج ولا تحاولي تنرفزيني عشان ما اتهور واضربج .. انا لو حأتهور حأعور .. فحشمي نفسج ولسانج اطيب لج ..
جت بتتكلم اسيل بس سبقتها ام مايد وهي تقول: غيدا شفيج ..؟!
نزلت غيدا اصبعها وقالت: مافي شي يا امي ..
الام: طيب ياللا ابو فيصل بيحرك اللحين .. اركبي انتي واسيل بسرعه ..
غيدا: شتقصدين بأنا واسيل ..؟!
الام: انا تبادلت مع اسيل وبروح مع ام فيصل .. ياللا اركبوا بسرعه وامشي بشويش يا غيدا وانتبهي للطريج ..
راحت وغيدا واقفه مصدومه .. لفت على اسيل وقالت: انتي بتروحي معايا ..؟!
اسيل من طرف خشمها: ما ودي بس شسوي ..؟!
لفت بتركب بس ما لقت مكان فاضي غير قدام جنب غيدا .. فتأففت وركبت ولفت وجهها ناحية الشباك ..
غيدا: اووووف ..
ركبت وقالت بصوت عالي: اربطوا الاحزمه ..
مازن: من امتى حمود يهتم بحزام الامان .. لحضه لحضه بطلع موبايلي وبأتصل على مدرس التاريخ ويحطها درس لنا عنوانه "حمود يطلب من اخوته ربط الاحزمه لأول مره في حياته" ..
غاده: هههههههههه حماس .. يعني لمن اوصل ثاني اعدادي ادرس عن اختي ..
مازن: واكيد بتاخذين عشره على عشره ..
غاده: هههههههههههه ..
غيدا: ها ها ها سامجيييييين .. اربطوا الاحزمه من دون هرج غبي .. الكــــــــــــــــلام موجــــــــــــــــه للكل ..
عرفت اسيل انها تقصدها بس طنشت ..
غاده: مازن كيف يربطون الحزام ..؟!
مازن: مدري ما قد يربت اربطه ..
غيدا بعصبيه: في احد ما يعرف يربط الحزام يا غبيه انتي وياه .. حتى المينون يعرف يربطه ..
مازن: انتي قلتيها .. المينون .. الحمد لله انا مب مينون ..
غاده: ولا انا ..
غيدا: مازن غاده .. والله اذا ما سكتوا عن الاستهبال لأراويكم .. واللحين اربطوا الحزام وبلا حجي ماله داعي ..
مازن: حمود حمود تحركوا ..
طالعت غيدا قدام فشافتهم حركوا السياره ..
غيدا بقهر: تبن ..
حركت السياره ومشيت وراهم .. طول الطريق والوضع هادي .. اسيل تطالع من الشباك ومازن يدقدق في جواله وغاده تلعب بالايباد حقها ..
غيدا: مازن ..
مازن: نعم ..
غيدا: عند ريلك جنطه سودا صغيره .. ييبها ..
مازن: طيب ..
اخذ الشنطه واعطاها وكمل دق في جواله ..
غيدا: اسيل حبيبتي ..
استغربت اسيل وطالعت فيها وقالت: نعم ..
غيدا: ودي اشغل اغنيه .. شنوع الاغنيه اللي تحبينها ..؟!
رفعت اسيل حاجبها وقالت: خير .. شذا الادب اللي هل فجأه ..؟!
غيدا: لا بجد شتبغين ..؟!
اسيل: واضح ان وراج شي ..
غيدا: هيا قولي شتبغين اغنيه ..؟!
اسيل بلا مبالاه: اي شي ..
غيدا: عندي اشرطه كثيره ومحتاره .. طيب ايش الاغنيه اللي ما تحبينها عشان اتجنب آخذها ..؟!
اسيل في نفسها: "هذي ايش اللي تبغى توصله" ..
اسيل: اي اغنيه ما عدا اغاني اليسا لأني اكرها ..
غيدا: طيب شرايج اشغل اغنيه لشيرين ..؟!
ما كلمتها اسيل فقالت غيدا: بكيفج ..
دخلت السيدي في المسجل وشغلته ..

" واقف حبيبي للخجل ع حفت البسمه ..
كل ما اجى يحكي غزل بيضيع الكلمه ..
وبيستحي .. بعرف حبيبي بيستحي ..
وبأعز لحضات الهوى كل شي عباله بينمحي ..
وبيستحي .. بعرف حبيبي بيستحي ..
ياريت لو بت في القمر دا يحكي على عتمه "

طالعت اسيل في غيدا وقالت: كنت حاسه ان سؤالج واهتمامج وراه شي ..
غيدا: ههههههههه ..
اسيل: بلا عبط وقفلي المسجل ..
غيدا وهي تغني: وبأحس لما بيرتبك بيغير الموضوع .. بيغرق بموجة ضحك جوات بحر دموع ..
اسيل: غيدا قفلي قبل لأتصرف انا .. اكره هالغبيه اليسا ..
غيدا: اسمي حمــــــــــــــــود يا ماما ..
طفت اسيل المسجل وطلعت السيدي ..
غيدا: شسويتي يالحيوانه ..؟!
اسيل: انتضري باجي ما خلصت ..
فتحت الشباك ورمت السيدي وقالت: جذي خلصت ..
عصبت غيدا وقالت: يا الجلبه .. صج انج حقيره وما تربيتي .. الشريط مب حقج ..
اسيل: انا قلت لج طفيه بس مطنشه .. تستاهلي ..
غيدا: طيب يا اسيلوه .. والله لأندمج ..
اسيل: هددي من اللحين لين باجر ماراح اهتم ..
مازن: اخس يا القويه .. اتحداج توقفي في ويهها .. ترى اختي ضربها ضرب عيال ..
اسيل: محد كلمك ..
مازن: طيب انا عارف انه محد كلمني ما يبتي شي يديد ..
اسيل: عائله غثيثه افف ..
غيدا: الله واكبر يا العائله المثاليه حقتج ..
اسيل: سخيفه ..
ولفت وجهها عالشباك ..
دخلت غيدا سيدي في المسجل وشغلت على اغنيه رايقه ..
مازن: حمود شغلي اغنيه في بالي ..
غيدا: وشهي ..؟!
مازن: اعلن انسحابي ..
غيدا: مين يغنيها ..؟!
مازن: محمد عبده ..!!!
غيدا: طيب دقيقه ادور عليها .. اهو اغناني محمد عبده حقت السنه اللي راحت ..
دخلت وقعدت تدور عالاغنيه ..
اسيل: ههههههههههههههههههههههههههههههههههه ..
غيدا: سلامات .. ليه الضحك ..؟!
مازن: هههههههههههه تضحك على غبائج ..
طنشتهم غيدا وهي تدور ع الاغنيه واسيل ميته ضحك ..
مازن: ههههه خلاص وقفي .. الاغنيه مو هني ..
غيدا: شتقصد ..؟!
مازن: ههههههههه مو محمد اللي يغنيها .. هذا مايد المهندس هههه ..
سكتت تطالع فيه بعدين عصبت وقالت: طيب ليه تجذب ..؟!
مازن: تفاجأت من سؤالج عن المغني لأن هذي الاغنيه مشهوره فقلت بأستهبل وعبالي انج كمان تستهبلين .. ههههه بس صراحتا انتي هبله من صج .. يبغالي اكتب هالنكته في الجرايد عشان اوسع صدور الناس هههههههههه ..
غيدا: سخيف وايد ..
اسيل: هههههههههه صج انج مخفه .. ما توقعت انه في ناس بالغباء ذا هههههههه ..
غيدا: اسيلوه سكتي لا اقطج من الدريشه اللحين ..
اسيل: يربي يا حبيبتي تمدين ايدج وحتشوفين وش بسوي ..
غيدا: كأنج تهددين ..؟!
اسيل: ايه اهدد مثل ما انتي تهددي ..
قطت غاده وهي تقول بحماس: هيه هيه شباب شباب اسمعوا ذا المقطع ..
لفوا يطالعون فيها بحده فقالت باستغراب: شفيكم ..؟!
مازن: خليج في حالج لأن دخلتج غلط ..
غاده: اغبياء ..
ورجعت تدقدق في الايباد ..
لفت اسيل عالشباك وهي تقول: افف متى نصل .. باختنق هني ..
غيدا: اذا الوضع مو عاجبج انزلي لأني حتى انا بأختنق وانتي هني ..
اسيل: غبيه ..
غيدا: اسمعي .. ما دامج في سيارتي فلمي لسانج عشان ما ييج شي ما تحبينه ..
اسيل: ذليتينا بذي الخرده ..
غيدا: والله ما الخرده إلا انتي وخشتج اللي كأنها خشت ديك ..
لفت اسيل عليها وقالت: ما الديك إلا انتي .. صج انج وحده غبيه وسخيفه ..
غيدا: لفي لفي عالدريشه لأني مو طايقه اشوف ويهج ..
اسيل: عاد انا اللي بقطع نفسي عشان اشوفج ..
غيدا: اقول لفي ولا يكثر ..
اسيل بعصبيه: غيداؤؤه اقسم بالله لو ما انطميتي راح اراويج شغلج ..
غيدا: شوفي شوفي كيف ريولي ترتجف من الخوف .. اقول طيري وفكيني ..
مازن: حمود خلاص .. انتبهي للطريج .. سواقتج غريبه .. كل شوي تلفي شوي يمين وشوي يسار .. والله اخاف تصدمين ويضيع شبابي ..
غيدا: الله يا ذا الشباب اللي خايف عليه ..
دق جوال غيدا فردت وقالت: هلا يمه ..
الام: غيدا شفيج تسوقين جذي .. تعبانه ولا شي ..؟!
غيدا: لا مو تعبانه ..
الام: عيل ليش سواقتج مو متوازنه ..؟!
غيدا: في شوية مشاكل في السياره والسبه اسيل .. كل شوي تخاصم هذا وتمد ايدها على هذا ومسويه قلق ..
فتحت اسيل عيونها من الصدمه وقالت: يالجذابه ..!!!!
الام: معقوله ..؟!
غيدا: ايه وكل شوي تربكني في السواقه ..
اسيل: عن الجذب يا حماره ..
ومدت ايدها عشان تسحب الجوال .. بس غيدا بعدت عنها وزلقت ايدها عن الدركسون ولفت فيهم السياره ..
اسيل: غيــــــــــــــــــــــــــــــــدا انتبهــــــــــــــــي ..
رمت غيدا الجوال بسرعه ومسكت الدركسون وفحطت تفحيطه قويه عشان تثبت السياره ..
واسيل صرخت من الخوف لأنها تكره السرعه والتفحيط في السيارات ..
عدلت غيدا السياره ومشيت تمام ..
مازن: واااااااااااااااو حمــــــــــــــــاس .. عيديها مره ثانيه بلييييز ..
اسيل بسرعه: لااااا ..
غيدا: هههههههههههههه جبانه ..
اخذت الجوال وقالت: هلا يمه ..
الام بخوف: غيدا شصار وليه جذي وووووو << واسئله طويله عريضه <<
بعد فتره طويله جدا كانت شبه هاديه دخلوا حدود الخور وراحوا لمزرعة عبد الغني ..
المزرعه كانت كبيره مره ومفتوحه عالبحر وفيها بيت متوسط تقريبا بس حلو ..
فيه حول ١٢ غرفه و٤ حمامات ومطبخين .. وكان مقسوم إلى قسمين ..
فحددوا ان قسم للرجال وقسم للحريم ..
الرجال كانوا ابو وائل وابو فيصل وابو رولا وفيصل ووائل وفارس ومحسن ومازن ..
اما الحريم كانوا ام وائل وام فيصل وام مايد وام رولا وريما وغيدا واسيل ولمار ورولا ولمى وغاده ولارا ..
وصلوا ودخلوا داخل المزرعه فكان بإنتظارهم ام وائل ..
سلموا وبدأوا يعرفون بعض على بعض وبعدين قالت ام وائل ..
ام وائل: في قسم الحريم ست غرف واحنا قسمناها .. غرفه لي انا وام رولا .. والغرفه الثانيه لأم فيصل وام مايد .. والغرفه الثالثه لغيدا وريما ..
اسيل: حلو فكه ..
غيدا: من ويهج ..
ام وائل: والرابعه كنت بخليها لأسيل ولمار بس لمار تقول انها تبغى تكون مع رفيجتها رولا .. والخامسه لاسيل ولمى .. والاخيره للبزارين ..
لارا: مــــــــــــــــامــــــــــــــــا ..
ام وائل: هههههه نسيت .. الغرفه الاخيره للارا وغاده ..
اخذت غيدا شنطتها وقالت: بروح اريح في الغرفه ولا احد يجعزني .. حتى لو ياء الغدا لأحد يقومني .. انا بقوم براحتي ..
اخذت شنطتها وراحت الغرفه ..
اسيل وهي تطالع في لمار: افتكينا من الاولى وعقبال الثانيه ..
رولا: هذي هي اسيل اللي تكلميني عنها ..؟!
لمار: ايوه ..
رولا: يوووه قد ايش هي غثيثه ..
رفعت اسيل حواجبها وقالت: ما الغثيث إلا انتي ورفيجتج .. انا بروح ارتاح كمان ..
لمار: افتكينا من الغثيثه الاولى وعقبال الثانيه ..
اسيل: غبيه ..
اخذت شنطتها وراحت الغرفه ترتاح هي كمان لأنها حدها تعبانه من السفر ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

10 - 3 - 2014, 01:31 AM

على آذان العصر كان في غرفته يبدل ملابسه ..
بعد ما خلص نزل تحت وقابل في وجهه اخته الغثيثه ..
الاخت: على وين .. معقوله تطوعت وصرت تروح للصلاة من بدري .. سبحان الله ..
عصب وقال: اقسم بالله لو صلحتي هالحركه مره ثانيه ياويلج .. انا اخوج الكبير واروح في اي مجان وفي اي وقت ابغاه ولا يحق لج تسأليني .. فاهمــــــــــــــــه ..؟!
هزت راسها بخوف وقالت: طيب ..
ابتسم .. من عادتها تعاند وتهرب .. بس اللحين ما تقدر لأنه واقف قدامها ..
خرج من البيت وركب سيارته واتجه للمطعم اللي بيقابل فيه صاحبه ..
وصل ودخل فشافه ينتظره ..
جلس وقال: شكلك ياي من بدري ..
ابتسم صاحبه وقال: لا توي ييت .. ها كيف الاخبار ..؟!
فابتسم ابتسامه واسعه وقال: عال العال .. امس كلمتها وواضح انها تتهرب بس هددتها بطريجه غير مباشره وقالت خلاص بفكر ..
ضحك وهو يقول: والله منت بهين يا ياسر ..
ياسر: اكيد .. انا حلفت اني اييب راسها وخلاص باجي لي شوي واييب راسها ..
خالد: طيب انت حددت لها الموعد والاستراحه وكل شي ..
ياسر: لا .. قلت لها ابي اشوفج يوم الاحد الياي وبس .. يوم السبت بقول اني راح آخذها بنفسي .. لأنها مستحيل توافق لو قلت لها اني ابيج تيين لأستراحه مختلطه ..
خالد: وليش مستحيل .. تقدر تهددها ..
ياسر: انا اعرف ريما اكثر منك .. هي مو من النوع اللي يضيع نفسه بتهديد .. راح تختار انها ما تاخذ مخدرات ..
خالد: اها ..
ياسر: قلتم لفيصل عن الموعد ..؟!
خالد: امس انا كلمته ويقول ان الموعد حلو ..
ياسر: يعني راح يي ..؟!
خالد: اكيد ..
ياسر: طيب قلت له ايش الاستراحه ..؟!
خالد: ايه قلت له انها استراحة الـ***** فقال لي ليش غيرتم الاستراحه ..
ياسر: لازم نغيرها لأن صاحب الاستراحه اللي مستأجرينها اول بدأ يشك ..
خالد: ايه قلت له فقال سبحان الله عندكم ذكاء ..
ياسر: هههههههه ليه عباله اننا اغبياء ..؟!
خالد: مدري عنه ..
ياسر: طيب انت مين بتييب من خوياتك ..؟!
خالد: هههههههه بييب سحر ..
ياسر: طيب ليه تضحك ..؟!
خالد: هههههه تخيل لمن قلت لها انبسطت وبغت تنط من الفرحه بس مسكت نفسها بسرعه وقالت مدري بأفكر ..
ياسر: هههههههههههههههههههههه البنت شكلها كانت تنتظر من اول ..
خالد: هههههههه يمكن ..
ياسر: اقول خالد ..
خالد: نعم ..
ياسر: منت ملاحظ شي ..؟!
خالد: شي زي ايش ..؟!
ياسر: اسأل نفسك ..
خالد: لا مو ملاحظ ..
ياسر: انت اللي عزمتني عالمطعم وما شفتك قدمت شي ..
خالد: هههههههههه نسيت ..
ياسر: لا يا شيخ ..
طلب لهم شي ياكلونه وبعدين بدأوا يسولفون في اشياء ثانيه ..

في الطاوله اللي جنبهم بالضبط .. كان فيه اثنين ويتكلمون ..
رفع واحد منهم جواله وقال: الو .. هلا حضرة الرائد ................ خلاص قدرنا نعرف الموعد والمجان والاستراحه ................. ايوه ................ طيب خلاص ننسحب ولا ننتظرهم لين يقومون ..؟! ................. طيب حاضر ................. مع السلامه ..
قفل وقال: يقول انتظروا عشان يمكن نعرف معلومات اكثر ..
الثاني: اوكي ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

.. في احدى مطاعم الدوحه الفاخره ..
خرج هو وامه لهالمطعم من شدة فرحته ..
اسيل وعلاقته صارت تمام معاها وامه وعدته انها تخطبها له في اقرب فرصه .. فطبيعي انه ينبسط ..
آرثر: طيب يمه متى بتروحين ..؟!
الام: قلت لك في اقرب فرصه شفيك مطيور ..
آرثر: طيب شرايج الجمعه لمن ترجع من السفر ..؟!
الام: لا لا بيكونون تعبانين وما يصير ..
آرثر: طيب السبت ..؟!
الام: لا انا اقول يوم الخميس احسن ..
آرثر: لا يمه بعيد ..
الام: لا هذا احسن وقت .. انت كلمها السبت عشان يمديها تجهز نفسها ..
آرثر: طيب شرايج اكلمها اللحين ..؟!
الام: آرثــــــــــــــــر ..
آرثر: اوكي اوكي سوري ..
الام: خلاص غير السالفه ..
آرثر بإبتسامه: يمه ..
الام: هلا ..
آرثر: في اي شهر انتي ..؟!
الام: في السادس ..
آرثر: جم باجي لج وتولدين ..؟!
الام: ثلاث اشهر ..
آرثر: لا كثير ..
الام: هههههههه ..
آرثر: طيب يمه مين في بطنج .. ولد ولا بنت ..؟!
الام: شتتوقع ..؟!
آرثر: مدري ..
الام: طيب انت شتبغى ..؟!
آرثر: كله حلو .. بس ودي بولد اكثر ..
الام بإبتسامه: هو ولد ..
آرثر: من جــــــــــــــــد ..؟!
الام: ايوه ..
آرثر بفرحه: حلــــــــــــــــو .. طيب ايش بتسمينه ..؟!
الام: ما فكرت .. انت ايش تبغى ..؟!
آرثر: يعني انا اسميه ..؟!
الام: ايوه .. ابوج كلمته في هذا الموضوع وقال اللي يعجبكم وانا ما فكرت بس اللي تبغاه انت بسميه ..
آرثر: طيب بسميه اسم عربي ..
الام: براحتك ..
آرثر: اممم ابي رائد ..
الام: اوكي طيب ..
آرثر: طيب متى بتولدين ..؟!
الام: ههههههه قلتلك بعد ثلاثه شهور ..
آرثر: طيب اولدي بسرعه .. ابغى اشوفه .. هذا بيكون اول اخ لي ..
الام: شرايك اولد اللحين ..؟!
آرثر: لا مو اللحين .. انتضري لين اوصلج المستشفى ..
الام: ههههههههه آرثر انت تبي الولد يموت ..؟!
آرثر: لا .. بس ابي اشوفه بسرعه ..
الام: طيب اذا تبي تشوفه انتظر ..
آرثر: طيب .. اقول يمه ..
الام: نعم ..
آرثر: شدلع رائد ..؟!
الام: مدري .. انت اللي طلعت الاسم وانت اللي لازم تدور له دلع ..
آرثر: طيب شرايج برورو ..؟!
الام: ههههههه احسه زورو مو رورو ..
آرثر: طيب شرايج برئودي ..؟!
الام: هذا حلو ..
آرثر: طيب ايش ادلعه .. اقول رئودي او رئود ..؟!
الام: اللي يعجبك ..
آرثر: طيب .. لمن يضحك ويكون تمام اناديه رئودي ولمن يعصبني بسميه رئود ..
الام: هههههههه ..
آرثر: لا بسميه كل الاسمين في كل الاحوال لأنه مستحيل يعصبني ..
الام: شدراك انه مستحيل يعصبك ..؟!
آرثر: لأنه حتى لو عصبني انا مستحيل ازعل منه ابدا .. يمه ..
الام: نعم ..
آرثر: ايش اشتري له هديه ..؟!
الام: هههههه بدري ..
آرثر: انا بشتري غرفه نومه ..
الام: بس هو بينام معي ..
آرثر: ليش ..؟! طيب ليش ما ينام معي ..؟!
الام: لا ما يصير لأني انا بهتم فيه وانا بدخله الحمام وانا اللي بنومه .. المفروض يقعد معي لين يصير عمره سنه ..
آرثر: طيب عادي .. بشتري غرفته ولمن يصير عمره سنه بينام فيها ..
الام: مو حلو تشتريها بدري لأنها راح تنعدم بالغبار و.........
آرثر: بستأجر وحده تنظفها يوميا ..
الام: خلاص مخطط ..
آرثر: ايوه .. بروح الاثنين اشتريها ..
الام: شمعنى الاثنين ..؟!
آرثر: عشان بآخذ اسيل تختار معي .. بقولها السبت عشان تفضي نفسها يوم الاثنين ..
الام: هههههه الله يهديك بس ..
آرثر: اقول يمه ..
الام: نعم ..
آرثر: لا تشتري اي شي .. انا مقرر اني اشتري له كل شي ليين يتزوج .. بشتري ملابس والعاب واوديه الملاهي .. وانا بدخله للمدرسه وانا بعطيه مصروفه يوميا وانا بشتري اغراض الدراسه .. وانا بدخله الاعدادي واشتري له سياره وجوال وكل اللي يبغاه وفي الثانوي انا بساعده في دخوله للقسم اللي يبغاه وبعدين انا بدخله الجامعه حتى لو كانت جامعه خاصه .. ولمن يتزوج انا اللي بدفع المهر وانا باحجز القاعه واتكفل بكل شي .. بسوي كل هذا وما ابي احد يتدخل برائد غيري ..
الام: هههه مستحيل تقدر .. لأنك مصيرك تحتاج للفلوس وتاخذ من عندنا ..
آرثر: بآخذ قرض من البنك او استلف من اصحابي بس المهم ما تدفعون شي لرائد معاي ..
ابتسمت وقالت: الله يخليكم لبعض ..
قام آرثر وقال: ياللا بنروح اللحين نتمشى .. ما تعبتي من الجلسه في المطعم ..؟!
الام: إلا والله تعبت ..
فقامت وراحت معاه .. مشاها لين تعبت وبعدين رجعوا للبيت . .
قبل لا يطلع لغرفته قال: يمه ..
الام وهي تجلس عالكنبه: هلا ..
آرثر: شرايج نروح نخطبها الثلاثاء ..؟!
الام: شرايك اخطبها لمن تخلص ٢٢ سنه يكون احسن ..؟!
آرثر: لا لا مشكوره ..
طلع لغرفته وشغل مسجله على وحده من اغاني جستن بيبر وبدل ملابسه وبعدين جلس عالسرير وطلع دفتره وكتب فيه ..

"" ينصب الكلام شهد بين شفتيك ويذوب الشهد رحيقاً . . .
ليروي ظمأ روحي المشتاقه إليك . . .
فنتعانق عناق الروح للجسد ... والنبض للقلب ... والنور للعين ..
فما أحب هذا إلي وما أروعه من شعور يمتزج الرحيق بالرحيق . . .
وتنصهر الروح بالروح . . . ويرتبط القلب بالقلب . . برباط أبدي يدوم
بدوام الحياة

ها أنا حبيبتي أقترب منك ... فأقتربي مني فاتحه لي
ذراعيك وأغمريني بنظراتك وحنان صدرك . . وأنظري في عيني ولا تتركينني حتى
تقرأي مجلدات الحب داخلها وترى صورتك فيها .. وأستمع لنبض قلبي

أقتربي .... فأنا بدون حبك جسد بلا روح ""

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في مزرعة ابو وائل .. كان فارس واقف قدام البحر يطالع في الغروب وهو يفكر ..
مر حول يومين وإلى الآن ما تلقى اتصال من وصايف ..
يوم الاحد راح المستشفى واخذ الفحوصات وحط رقمه وقال اذا جت بنت عشان الفحوصات فأعطوها هذا الرقم ..
واليوم اللحين الثلاثاء ومحد دق ..
تنهد وقال: اخاف تتصل على اسيل ..
جت لمار عنده وهي تبتسم وقالت: كيفك فارس ..؟!
لف فارس عليها وقال: تمام ..
لمار: ايش تسوي هنا ..؟!
فارس: افكر ..
لمار: اكيد تفكر فيني صح ..؟!
طالع فارس فيها بإستنكار وقال: انتي ..؟! لا كنت افكر في شي ثاني ..
لمار: طيب في مين ..؟!
........: يفكر في لبنى ..
لفت لمار وشافت اسيل فقالت بإستغراب: مين لبنى ..؟!
اسيل بإبتسامه: وحده سنه اولى في كلاسي .. بنت قمه في الروعه والنعومه .. عليها بياض روعه وشعرها اسود يينن .. ملامحها ملامح براءه .. كلها على بعضها ملكة جمال .. امممم هي احلى منج بكثير ..
طالعت فيها لمار وقالت برتباك: ومين تكون لبنى هذه ..؟! وليش فارس يفكر فيها ..؟!
اسيل بخبث: فارس يحبها يا لمار ..
انصــــــــــــــــــــــــدمــــــــــــــــت لمار وقالت بسرعه: جــــــــــــــــذابه ..
اسيل: لا مو جذابه .. ليه عبالج انه يحبج انتي ..؟! اقول طالعي في شكلج بالمرايه واحكمي على نفسج .. ويهج مو ويه حب ومستحيل احد يحبج ..
فارس: اسيل خلاص ..
اسيل: لا مو خلاص .. خل ذي الآدميه تعرف قدر نفسها ..
لمار والدموع في عيونها: جذابه .. فارس ما يحبها .. انتي تجذبين ..
اسيل: لا يا حبيبي ما اجذب .. شيبي فيج عشان يحبج .. مدلعه ولسانج طويل ولزقه ومايعه وصوتج عالي ودوم تتمشكلين .. عكس لبنى تمام .. كل النعومه والاناقه فيها ..
لمار بصراخ: جذابــــــــــــــــه .. فارس مستحيل يحب اللي ما تتسمى هذه .. انتي تبين تقهريني وبس .. بس بالحقيقه انتي جــــــــــــــــذابه وجذابــــــــــــــــه وايد ..
اسيل: لا يا حبيبتي انا مو جذابه .. اذا انتي مو مصدقتني راح اتصل عليها اللحين عشان بس تسمعي صوتها وتعرفين الفرق بينج وبينها ..
فارس: بليز يا اسيل خلاص ..
لفت لمار عليه وقالت بترجى: فارس كلام اسيل صج ولا جذب ..؟! انت تحب هذي البنت ولا لا ..؟! فارس ياوبني ..
فسكت فارس ومو داري وش يقول ..
لمار: ليه ما ترد ..؟! رد وياوبني ..
فارس: لمار حبيبتي انتي لا تزعلين لأنه ........
لمار: بس خلاص ..
لفت وراحت جري وهي تبكي ..
لف فارس على اسيل وقال: انتي شسويتي ..؟!
اسيل: احسن تستاهل ذي وحده غبيه ومدلعه وانا حدي مو طايقتها ولا طايقه اشوفها ..
فارس: بس غلط اللي ساويتي ..
اسيل: اعرف انه غلط ..
فارس: بروح احاول اراضيها ..
وراح .. طالعت اسيل فيه وبعدين لفت تطالع في البحر فتره وهي سرحانه ..
جت غيدا من وراها وقالت: شفيها الانسه اسيل واقفه جدام البحر .. لا يكون عندها هموم وتبي تقطها في البحر ..؟!
طالعت فيها اسيل بقرف وقالت: واخيرا صحيتي من نومج .. تصدقيني اني فرحت لمن طولتي بنومج .. قاعده اقول لنفسي ان امنيتي تحققت ونومة اهل الكهف صابتج ..
غيدا: بسم الله علي .. عساه في اللي يكرهوني ..
اسيل: عيل كل الناس بينامون .. ببساطه الكل يكرهج ..
غيدا: لا يا حبيبتي انتي غلطانه .. رفيجاتي يحبوني واهلي يحبوني واقاربي يحبوني وخويتي تحبني وهذولا اهم ناس والباجي طز فيهم ..
اسيل باحتقار: وعندج خويه بعد ..؟!
غيدا: طبعا عندي .. ليه كنتي تحسبيني من التكه القديمه وما عندي خويه ..؟!
اسيل بقرف وتقزز: الله يقرفج انتي وياها ..
غيدا: لعلمج خويتي احلى وانعم وارق منج وايد .. واسمها بيشو .. ولو سمحتي لا تغلطي عليها لأني لو سمعتج تغلطين ولو بكلمه وحده حتشوفي جدامج وحش مو انا ..
اسيل: يمه خوفتيني ..
غيدا: استهزئي على راحتج بس المهم ما تجربين تغلطين ..
اسيل: طيب وينها ذي البيشو ما عمري شفتها ..؟!
غيدا: لأنها مو هني .. في الجامعه القديمه اللي كنت فيها ..
اسيل: طيب هي خويتج المفروض تلحقج وما تتركج ..
غيدا: ابوها قالها كملي الترم الاول وفي الثاني انا بأنقلج ..
اسيل: يعععع يعني حتيي جامعتنا ..؟! لا تكون سنه اولى ..؟!
غيدا: لا الحمد لله لأني ما اتشرف انها تكون في نفس صفج .. هي ثاني ..
اسيل: واااه ريحتيني يا شيخه ..
غيدا: لا بالله .. احلفي ..
اسيل: ما يحتاي لأني ماني جذابه ..
غيدا: تصدقين اني قاعده اسأل نفسي سؤال .. انا وش اللي موقفني مع خروف مثلج ..؟! اففف ..
وراحت .. طالعت اسيل فيها بعصبيه بس ضبطت نفسها .. هي اللحين مبسوطه انها بكت لمار وما تبي تخرب فرحتها ..
راحت بإتجاه البيت وهي داخل صادفت وائل وهو خارج ..
وائل: اهلين ..
اسيل: هلا .. غريبه داخل هنا .. شكنت تبي ..؟!
وائل: ههههه ليه يعني حرام ..؟!
اسيل باحراج: هههه لا مو قصدي جذي .. بس مستغربه ..
وائل: اوكي دخلت اسألهم اذا كانوا يبون عشاء من برى او نشوي هنا ..
اسيل بحماس: اكيد قالوا نشوي ..
وائل: ههههه لا .. قالوا باجر نشوي احسن ..
اسيل بقهر: اوووف منهم .. اغبياء ..
وائل: اقول اسيل ..
اسيل: نعم ..
وائل: مشغوله ..؟!
اسيل: لا ..
وائل بإرتباك: ط طيب ابيج بموضوع ..
اسيل بحماس: اكيد الموضوع حق السياره ..
وائل بإستغراب: السياره ..؟!!!!!!!
اسيل: ايوه .. تتذكر لمن وصلتني ذاك اليوم للجامعه .. كنت بتقول شي بس بطلت وقلت بعدين بقولج ..
وائل بإبتسامه: ما تنسين ..
اسيل: قول هو نفسه الموضوع صح ..؟!
هز راسه وقال: ايوه ..
اسيل: طيب ايش هو ..؟!
تردد وقال: ما يصلح هنا عند الباب ..
اسيل: طيب امش للبحر ..
سكت وهو يحس نفسه متردد ..
لف ورى لمن سمع صوت ابوه يناديه ..
وائل بسرعه: ابوي ينادينه .. اقولج بعدين ..
وراح .. استغربت وقالت: كأنه ما صدق احد يناديه عشان يتهرب ..
هزت كتفها ودخلت فشافتهم جالسين ويسولفون ..
كانوا لارا وغاده يتبادلون مقاطع في الايباد ومتحمسين .. ما شالله عليهم بسرعه تصادقوا ..
وكانت لمى تقلب في التلفزيون .. وريما كالعاده بجوالها اللي صار ظلها ..
طالعت اسيل فيهم بطفش .. بنات عمها وتكرهم .. اختها ومنشغله عنها .. يعني مافي احد تسولف معاه ..
اسيل: آآآه متى نرجع للدوحه .. اول مره اشتاق للجامعه بقوه ..
راحت لجهة غرفتها فمرت من جنب غرفة لمار وسمعتها تبكي ..
قربت اسيل وسمعت رولا تقول: خلاص اهدأي وطنشي .. اكيد اسيلوه تجذب ..
لمار وهي تبكي: لا مو جذابه .. كان واضح ان فارس يحب وحده ثانيه .. ليــــــــه يساوي فيني جذي .. اكرهها ذي اللبنى اكرهها .. ابي اشوفها عشان اقطعها ..
رولا: طيب هدي اللحين .. ما يصير تبجين وكأنج طفله ..
لمار: مابي اهدي مابي ..
مشيت اسيل لغرفتها وقالت: احسها مسجينه .. فعلا قسيت عليها وبقوه ..
دخلت غرفتها ومسكت جوالها تكلم صاحباتها ..

10 - 3 - 2014, 01:33 AM

في الليل وعلى طاولة العشاء ..
كانت العائله تاكل بهدوء وكل واحد يفكر وسرحان بتفكيره ..
كانت دانا تلعب بالملعقه بالاكل بعدين قالت: عادل ..
عادل: نعم ..
رفعت راسها وقالت: متى ينتهي علاجك الطبيعي ..؟!
عادل: ههههههه باجي بدري ..
هزت راسها بعدين قالت: يمه ..
الام: هلا حبيبتي ..
دانا: شخبار آمال ..؟!
الام: الحمد لله بخير ومبسوطه ..
عادل: مين آمال ..؟!
دانا: البنت اللي حضرنا زواجها آخر مره ..
عادل: آها ..
قامت دانا وقالت: شبعت ..
عادل: على وين ..؟!
دانا: بروح غرفتي ..
عادل: لا ياحبيبتي كملي اكلج ..
دانا: قلت شبعت ..
عادل: ناسيه ان عندج فقر دم ..؟!
دانا: اوووف .. بس انا شبعت ..
عادل: ما عندي شي اسمه شبعت .. كلي لين يخلص صحنج ..
دانا: يمه الله يخليج قوليله اني شبعت ..
الام: يا حبيبتي لازم تاكلين ما يصير جذي ..
تأففت وجلست تاكل لين خلصت صحنها فقامت وقالت: اللحين شبعت ..
عادل: هههههههههههه اوكي خلاص شبعتي ..
راحت غسلت وجهها واكلت حبوبها الفيتامين بعدين دخلت غرفتها ..
طلعت لها بجامه عشان تبدل وتنام لأنها حاسه بتعب وتبغى ترتاح ..
دق جوالها فأخذته وكان ريان ..
دانا: شيبغى ريان ..؟!
سكتت فتره بعدين ردت: الو ..
ريان: اهلين عادل كيفك ..؟!
دانا: الحمد لله بخير ..
ريان: سلامات .. سمعت ان عندك فقر دم ..
دانا: الله يسلمك ..
ريان: انتبه لنفسك عدل ..
دانا: طيب ..
ريان: اقول عادل ..
دانا: نعم ..
ريان: سامي اتصل عليك ..؟!
دانا: لا ..
ريان: متأكد ..؟!
دانا: ايوه ..
ريان: طيب مافي رقم غريب اتصل عليك ..؟!
دانا: لا ما اتذكر ..
ريان: طيب ارقام دوليه .. يعني ما اتصل عليك رقم دولي ..؟!
دانا بإستغراب: رقم دولي ..؟! شقصدك ..؟!
سكت ريان شوي بعدين قال: سامي ..
دانا: شفيه ..؟!
ريان: سامي سافر بريطانيا ..
دانا بصدمه: شنــــــــــــــــو ..؟!
ريان: اللي سمعته ..
دانا: شلون سافر بريطانيا ..؟!
سكتت شوي تستوعب بعدين ابتسمت وقالت: طيب عادي .. شكله بيقضي اجازته هناك ..
ريان بهدوء: لا .. راح يكمل دراسته هناك ..
انصدمت دانا وقالت: ليه .. ليه يسافر هناك ..؟! ليه ما يكمل دراسته هنا ..؟! وش اللي مو عاجبه هنا عشان يسافر ..؟!
ريان: عادل شفيك انفعلت ..؟!
انتبهت دانا على نفسها وقالت بهدوء: اسف ..
ريان: صراحتا مو بإيده .. ابوه يبغى مصلحته وسفره برى يكمل جامعته ..
دانا: يعني ما بيرجع ..؟!
ريان: مدري .. بس انت اذا دق عليك رقم دولي خبرني خلاص ..؟!
دانا: طيب ..
ريان: يلا اشوفك على خير ..
دانا: مع السلامه ..
ريان: مع السلامه ..
قفلت دانا الجوال وهي تفكر ..
دانا: ليه يسافر ..؟! هو كان يحب الشله مرره فكيف يوافق انه يسافر ويتركها ..؟!
سكتت شوي بعدين قالت: وانا شكو ..؟! بس هو واحد من الشله ولازم اهتم ..
ضحكت وقالت: اخسس يا دانا صايره تهتمي بذي الشله اللي كنتي كارهتها من قلبج ..
تنهدت وطالعت في الجوال ونزلت على رقم سامي واتصلت ..
دانا: مثل ما توقعت .. مغلق ..
رمت الجوال وقامت بتخرج بس وقفت وطالعت في الجوال فتره تفكر ..
دانا: رقم دولي ..؟!
جت عند الجوال وفتحت المكالمات المستلمه فقالت: نسيت اني مسحته .. يعني معقوله يكون هذا سامي ..؟!
فتذكرت كلامه وقالت: قال عادل .. يعني هذا سامي .. بس ليه ما اتصل مره ثانيه ..؟!
راحت عالرسايل وفتحت المس كول وحفضت الرقم ..
راحت للاسماء واتصلت ..
دانا: ان شالله مو مغلق ..
جتها رنه دوليه وبعدين .. وبعدين رن الجوال ..
دانا: حلو انه مو مغلق ..
بعد فتره سمعت واحد يقول: الو ..
خافت شوي وقالت في نفسها: "هذا مو صوت سامي .. لا يكون غلطت" ..
دانا: الو ..
الشخص: نعم .. منو معاي ..؟!
دانا: ............................
طوط طوط طوط .. انقفل الخط بوجهها ..
طالعت دانا في الجوال وقالت: شفيج سكتي يا دانا ..؟! لهدرجه انتي خايفه ..؟!
تنهدت بعدين قالت: اعطي الرقم لريان ولا لا ..؟!
رمت جوالها وقالت: لا .. اكيد هذا رقم غلطان .. مستحيل سامي يتصل علي .. هو رفيج ريان المقرب وراح يتصل عليه اول مو انا ..
خرجت من الغرفه ..
شافت عادل جالس يطالع في التلفزيون ..
جت وجلست تطالع وهي سرحانه ..
طالع عادل فيها وقال: دانا ..
دانا: همم ..
عادل: بقولج شي .. كنت بقوله من اول بس الظروف ما خلتني ..
طالعت فيه وقالت: ايش ..؟!
عادل: تعرفين رفيجك في الجامعه اللي اسمه ريان ..؟!
دانا: شفيه ..؟!
عادل: تراه يعرف ..
دانا: يعرف ايش ..؟!
عادل: انج بنت ..
طالعت دانا فيه بصدمه وكأنه مويه ثلج انكبت عليها ...
دانا: شـ شـ شـنـو ..!!!
عادل: لمن زارج ذاك اليوم في المستشفى وشافني .. لحقت فيه عشان اتأكد واشوف ان كان شك فينا .. فقال انه يعرف انج بنت وقال انه راح يساعدج وما راح يخلي احد يدري .. صراحتا حبيته وحسيته طيب وارتحت له ..
طالعت دانا في الارض وهي مازالت مصدومه ..
اللحين اللي كانت تكلمه قبل شوي يعرف انها بنت ..
يعني يكلمها على اساس انها بنت وهي ما تدري ..
عضت على شفتها وهي مو مصدقه ابدا .. مستحيل ..
عادل: دانا هذا شي عادي شفيج .. بالعكس حلو انه في واحد راح يوقف معج ويساعدج ..
طالعت دانا في عادل وقالت: اللحين انا بأي وجه بقابله وهو عارف اني بنت وقاعده اجذب عليهم .. صعبه ..
قامت ودخلت غرفتها وهي الى الآن ماهي قادره تستوعب ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في صباح يوم الاربعا .. وفي بيت من زمان ما جبنا عنه ..
جبنا عنه مرتين وبس ..
بيت لبنى ..
هي زي ما تعرفون فلسطينيه وعايشه مع ابوها وزوجته ..
لها ثلاث اخوان ..
الكبير مساعد عمره ٢٦ سنه ..
وبعدين بشاير تخرجت السنه اللي فاتت من الجامعه وتشتغل في قسم محاسبات بأحدى البنوك ..
ولبنى واخيرا بدر اصغر واحد في الصف الثاني ثانوي ..
كانت لبنى في غرفتها جالسه عاللاب تكلم صاحبتها امل عالفيس بوك ..
صحيح عندها لاب وجوال بس طبعا كل اسبوع تجي مرت ابوها وتفتش جهاز اللاب والجوال ..
اعتادت لبنى على هذا الشي فما صارت تهتم ..
طاااااخ طااااااااخ طااااااااااخ ..
طالعت في الباب وقالت: اففف ما بيعرفوا يدقوا بهدوء ..
فتحت الباب وكان اخوها بدر ..
طالع فيها بلا مبالاه وقالت: تحتايين لدعوه خاصه عالريوق ..؟! انزلي ..
لف وراح .. لفت وقفلت جهازها وهي تقول: خالتي كل شوي تغير موعد الفطور ..
نزلت فشافتهم كلهم جالسين يفطرون ما عدا مساعد لأنه في شغله ..
لبنى: السلام عليكم ..
الام بعصبيه: صح النوم يا استاذه لبنى .. انتي عارفه ان هذا موعد ريوق والمفروض تكونين مويوده ..
جلست لبنى وقالت: امبارح كان الساعه تسع وقبلو عشر .. فما كنت ادري متى بنفطر اليوم .. المفروض يا خالتي انو المواعيد تكون دقيقيه ..
بشاير: هيه انتي .. على شنو شايفه نفسج وتحاجين امي جذي .. احترمي نفسج واعرفي قدرج ..
سافهتها لبنى وما ردت ..
الاب: لبنى ..
لبنى: نعم ..
الاب: اعتذري لعمتج ..
لبنى بطفش: انا آسفه يا خالتي ..
الام: تخلخلت عظامج ان شاء الله ..
لبنى في نفسها: "عظامك انتي قبلي" ..
بدر: يمه ..
الام: نعم ..
بدر: ابي فلوس ..
الام: جم ..؟!
بدر ببرود: ميه ..
الام: خذ من ابوك ..
الاب: شتبي بالميه ..؟!
بشاير: اكيد عشان يشتري اغراض للمدرسه ..
بدر: طبعا لا .. اغراض المدرسه انتم تشترونها .. الميه هذه ابغاها انا ..
الاب: يصير خير بعدين ..
بدر: انا ابيها اليووووم ..
الام: اعطه يا بو مساعد ..
الاب: طيب بعد الريوق ..
لبنى: بابا .. متى اروح السوق واشتري اغراض الجامعه ..؟!
الاب: باجر ..
الام: لا .. اتوقع ان جنطتج يديده وما يحتاي تشترين ..
لبنى: بس انا بدي شنطه جديده وبدي اقلام ودفاتر .. ما طلبت اشي كتير ..
بدر ببرود: صح .. ما طلبت كثير .. مقتصده بالمصروف ..
الام: بدر خلك برى الموضوع ..
بدر: براحتكم ..
لبنى: مصاريفي كلياتها على بعضها ما تتعدى الميه ..
بشاير: بس هذا اسمه اسراف .. عندج جنط حلوه ومع هذا تبين اكثر .. واقلامج ماهي خربانه عشان تشترين اقلام يديده ..
الام: فعلا .. بلا هذره زايده واحمدي ربج على النعمه اللي انتي فيها .. غيرج مو لاقي لقمه ياكلها ..
لبنى: الحمد لله ما قلت شي .. بس فعلا انا بدي شنطه جديده واقلام ودفاتر ..
بشاير: اقول كلي وانتي ساكته ..
لبنى: بابا متى بنزل السوق ..؟!
الاب: خلاص مادام عمتج قالت لا يعني لا ..
لبنى: بــــــــابــــــــا ..
الاب: خلاص انتهى الموضوع ..
بدر: يبه وانا .. لا تقول مافي ..
الام: لا انت باجر ان شالله نعطيك فلوس وتشتري اغراض المدرسه ..
طالعت لبنى فيهم فقالت: وانا بأروح معك يا بدر ..
بدر ببرود: اوكي خليج جاهزه من الساعه ٣ ..
الام بعصبيه: بدر انا قلت لا ما تفهم ..
بدر: اوكي هدي .. ماراح اخذها ..
بشاير: انت انسان ترفع الضغط مع انك بزر ..
طالع فيها بدر واكتفى بابتسامة استفزازيه ..
لبنى: خالتي .. انا بروح بكره مع بدر ..
قامت وطلعت فوق ..
الام بصراخ: مانتي رايحه فاهمه ..؟!
اكل بدر وهو يقول: والله انكم عائله غريبه .. وش بينقص منكم لو ذي البنت اشترت ..؟!
بشاير: والله ما الغريب غيرك انت ..
الام: لا مستحيل .. لمن تتأدب وتعرف تحترم اللي جدامها ساعتها يصير خير ..
بدر: صراحتا انا اشوفها محترمه اكثر مني ومع هذا .......
الام: بــــــــــــــــدر خلك برى الموضوع ..
بدر ببرود: براحتكم .. انتم الخسرانين ..
قام وقال: يبه .. ابي الفلوس ..
الاب: وانت مستعيل على ايش ..؟!
بدر: بروح اللحين ومحتاي للميه ..
الاب: طيب ..
طلع ميه واعطاها لبدر ..
اخذها بدر وقال: اعطوني خبر من اللحين .. باجر بتروح معي لبنى ولا انا لوحدي ..؟!
طالع الاب في الام وقال: ها تروح ولا لا ..؟!
بدر في نفسه: "هههههه من جد خاتم في اصباع امي" ..
الام: لا مو لازم ..
الاب: يا حبيبتي ما راح نخسر شي .. خليها تشتري عشان مو كل شوي تطلب وتجعزنا ..
الام: طيب بس بميه وما تزيد عليها ..
لف الاب على بدر وقال: خلاص حتروح معاك ..
لف بدر وطلع برى البيت ..
بشاير: هيه مو كأنكم نسيتوني .. انا بعد ابي اغراض ..
الام: ابوج بيعطيج وانتي عاد عندج سياره تشترين لنفسج ..
بشاير: لعلمكم ابي فلوس ما تنقص عن الالف ..
الاب بصدمه: أأأيــــــــــــــــش ..؟؟!!!
الام: بسم الله شفيك مصدوم ..؟! البنت على ويه زواج ولازم تتكشخ وتكون على آخر اناقه ..
الاب: اوكي طيب ..
ابتسمت بشاير وكملت اكلها ..
اما لبنى فدخلت غرفتها وقالت: حلو انو خالتي المتسلطه ما منعتني ..
جلست عالسرير وقالت: صحيح بدر يرفعلي ضغطي كتير بس بعض الاحيان يعجبني لأنو يوقف في صف اللي في مزاجه ومو دايما مع امو ..
انسدحت عالسرير وطالعت في السقف وتخيلت شكل امها ..
ابتسمت وقالت: ماما .. بشاير يقولو انها على وج زواج .. طيب اذا تزوجت بأكون انا على وج زواج .. متى حأتزوج عشان اطلب من زوجي ياخذني لعندك بفلسطين مشان اشوفك ..
غمضت عينها وقالت: ان شالله اتزوج هاد الترم لأني مشتاقتلك كتير ماما .. إلي ست سنين ما شوفتك ..
وغاصت في تخيالاتها وبعد ربع ساعه بالضبط نامت ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

10 - 3 - 2014, 01:34 AM

تمسكت في حافة الدولاب بسرعه لأنها كانت حتطيح ..
غمضت عيونها بقوه تحاول تقاوم المرض بس صعب جدا ..
جت الخدامه عندها بسرعه وقالت بخوف: شهد انت تعبان صح ..؟!
هزت شهد راسها وهي مازالت تعبانه وقالت بضعف: لا .. لا انا بـ بخير ..
وفتحت عيونها وشافت الدنيا قدامها تدور وتدور ..
حست بدوخه وبغت تطيح بس مسكتها الخدامه وجلستها بهدوء الارض ..
الخدامه بعصبيه: انت يكذب يا شهد .. انت تعبان كثير .. جسم انت كله حار وحراره عاليه .. روح ارتاحي وانا بسوي غدا ..
هزت شهد راسها وقالت بتعب: لا .. حيقطعني راشد اذا ما طبخت الغدا انا بنفسي ..
الخدامه: ما في مشكل .. انا اطبخ ونقول انه انت سواه ..
شهد: لا لا حيعرف ..
قامت بهدوء وتعب .. ثواني بس ودارت فيها الدنيا وطاحت على الارض ..
تجمعوا الخدم الباقين عندها ..
الخدامه: شهد انت لازم يرتاح .. مافي شغل لأن انت تعبان ..
الخدامه٢: ايوه يا حبيبتي .. دنتي تعبانه كتير وما يصحش انك تشتغلي ..
الخدامه٣: جيبوا دكتور لها ..
الخدامه٢: ما راح يوافق حضرة البيه .. تعالي ادخلك لأوضتك عشان ترتاحي ..
هزت شهد راسها وهي على وشك البكاء: مابي .. راشد ماراح يرحمني لو عرف اني تعبانه .. راح يتعبني اكثر ..
الخدامه٢: ما تشيلي هم .. ما حأنقولوش اي حاقه ..
الخدامه: ايوا ..
طالعت فيهم وهي ماهي قادره تشوفهم زين لأنهم مشوشين في نظرها ..
شهد: امانه لا يوصله خبر ..
الخدامه٣: لا ما يوصل ..
مسكوها وساعدوها على المشي لين وصلوا الغرفه ..
دخلوا وطبعا الاولاد كانوا موجودين بس كان عادي لأن الخدم كلهم يعرفون ..
اثير بخوف: شهد شفيها ..؟!
الخدامه٢: بخير ما تخافيش ..
حطوها عالسرير وقالت: انتبهوا عليها .. راح نجهز الغدا وبعد كدا راح اجيب بعض الادويه اللي ممكن تفيدها .. واللحين تعالي معاي عشان اعطيه ميه ومنشفه يمكن تخفض الحراره ..
اثير: طيب ..
خرجوا الخدم وخرجت اثير وراهم ..
قاموا شادي ووسيم عندها بخوف ..
شادي: شهوده انتي بخير ..
وسيم وهو يبكي: شهد لا تموتي ..
ضربه شادي بكوعه وقال: اقول اسكت .. فال الله ولا فالك ..
وسيم: اااي يا حمار يوجع ..
شادي: احسن عشان بعدين تقول كلام عدل مو خرابيط مثل ويهك ..
ابتسمت شهد وغمضت عيونها وجسمها كله تحسه مكسر ويآلمها من كل مكان ..
شادي: شهد انتي بخير ..؟!
هزت راسها بهدوء ..
وسيم: طيب قومي .. اذا قعدتي جذي فهذا يعني انج مو بخير ..
شادي: وسييييييم انت ما تفهم ..
شهد بضعف: خلاص اهدؤا الله يخليكم ..
شادي: حاضر .. خلك ساكت يا وسيم ..
فسكتوا وشادن الصغيره كانت جالسه وفي يدها لعبتها تطالع فيهم ومو فاهمه شي ..

................................................

.. بعد ساعتين ..
في الصاله كان راشد كالعاده جالس يطالع في التلفزيون وينتظر الغدا ..
روان: اووووف تأخروا .. انا يوعانه ..
راشد بصراخ: شهــــــــــــــــدوه وويع .. وين الغدا ..؟!
خرجت الخدامه وقالت: الغدا جاهز ..
قامت روان وراحت بسرعه لغرفة الطعام لأنها حدها جوعانه ..
قام راشد ودخل غرفة الطعام وجلس على كرسيه ياكل ..
الخدامه: تبغى شي ثاني ..؟!
راشد: وين شهدوه ..؟!
الخدامه: شهد في مشغوله واجد ..
راشد بعصبيه: واذا كانت مشغوله المفروض تترك شغلها وتيي تسألني اذا كنت ابي شي مو انتي ..
الخدامه بخوف: حادر ..
راشد: تقلعي عن ويهي ..
الخدامه: حادر ..
وخرجت .. مد راشد ايده عالاكل بياكل بس وقف فتره يطالع في الاكل بنظرات شك ..
روان: راشد شفيك ..؟!
راشد: هذا مو طبخ شهد .. انا اعرف طبخ شهد زين .. هي تتحسس من الثوم والسلطه هذي عليها ثوم .. وكمان السنه اللي راحت صلحت رز في قدر ضغط فانفجر الضغط عليها لأنها ما كانت تعرفله وبغت تموت بس وحده من الخدامات ساعدتها ومن يومها وهي ما تستعمل هذا القدر ..
فأشر عالرز وقال: هذا الرز صلحوه بقدر الضغط ..
فأشر عالشوك والسكاكين وقال: دايما تحط ذا النوع في العشاء مو الغدا .. وطعم الاكل مو نفس طعم الاكل اللي تسويه شهد .. بأختصار شهد مو هي اللي صلحت الغدا ..
روان: شتقصد ..؟!
راشد: شهــــــــــــــــــــــــــــــــدوووه وويعــــــــــــــــوه ...... شهــــــــــــــــد يالجلبــــــــــــــــه ما تسمعيــــــــــــــــن ..
جت وحده من الخدم وقالت: نأم ..
راشد بعصبيه: انا ناديت شهد ما ناديتج ..
الخدامه: شهد مشغول واجد ..
راشد: ناديها وانتي ساكته ..
الخدامه بارتباك واضح: بس هي فوق في السطح .. تنظف من المطر والتراب .. يعني مرره مشغول ..
راشد بنص عين: وين شهد ..؟! لا تجذبي وياوبي ..
الخدامه: شهد .. شهد فوق .. شهد فوق ينضف ..
راشد: شهد تعبانه صح ..؟!
الخدامه بسرعه: لا لا لا لا ..
ابتسم راشد وقال: كنت حاس من اول انها تعبانه وتخفي عني تعبها ..
قام وقال: وديني لغرفتها ..
انصــــــــــــــــدموا روان والخدامه ..
روان: راشد ايلس كل الله يهداك بعدين يصير خير ..
راشد: روان كلي وانتي ساكته ..
روان: بس يا راشد ..
راشد: انا ماراح اكل الا من طبخ شهد .. وراح اخليها تطبخ لي غدا اللحين ..
خرج من الغرفه قبل لا تقول روان شي ..
روان: لا مصيبه ..
قامت وخرجت وقفت قدامه وهي تقول: راشد واللي يسلمك مو لازم تروح .. البنت تعبانه فخلها شوي ترتاح ..
الخدامه: ايوه هي تعبان واجد ..
طالع فيهم راشد بنص عين وقال: انتم ليه ما تبوني اروح غرفتها ..؟!
انصدمت روان وقالت: لا احنا نقصد اننا ندافع عنها ..
راشد بحده: انا رايح وابعدي عني ياروان رجاءا ..
طالعت روان فيه وعرفت انه مستحيل يتراجع ..
طالع في الخدامه وقال: وانتي بسرعه تحركي ووريني غرفة شهد ..
الخدامه: حادر ..
مشيت ومشي هو وراها لين دخلت جناح الخدم ومشيت لين وصلت غرفة شهد ..
الخدامه بصوت شوي مرتفع: سير راشد هذا هو غرفة شهد ..
مشي راشد وفتح الباب ..
طالع في الغرفه .. اول شي شافه هو شهد اللي كانت منسدحه عالسرير ..
اول ما شافته شهد جلست وقالت بتفاجئ وبصوت ضعيف: السيد راشد ..
طالع راشد فيها وقال بإستهزاء: تعبانه .. هههه ما اصدق .. بس صراحتا حلو ..
طالعت فيه وقلبها يدق .. خوف منه وخوف على اخوانها المختبئين تحت السرير والدولاب ..
رفع راشد حواجبه وهو يطالع فيها .. وجهها ذبلان وعيونها حمرا وتحت العيون اسود .. باين عليها انها تعبانه بس تقاوم بقوه ..
راشد: خدامه وتتعب ..؟! هذه ثالث مره تتعبين من يوم ييتي تشتغلين هنا .. كل الخدامات اللي عندي محد تعب إلا انتي ..
نزلت راسها وقالت: آسفه ..
راشد: لو تتأسفين من اللحين لين باجر راح اشغلج يعني بشغلج ..
شهد في نفسها: "يا رب .. يا رب بس هذه المره .. يارب يرحمني ويخليني ارتاح .. يارب" ..
طالع راشد في الغرفه وطاحت عيونه على دفتر عالطاوله الصغيره ..
جاء عند الدفتر واخذه بإستغراب ..
اول ما شافته شهد انصدمت ..
راشد: شادي عمر العالي .. مو كأن هذا اسم اخوج ..؟!
شهد بخوف: ها .. ايه ..
حرك الدفتر وهو يقول: وش ياب دفتر اخوج هني ..؟!
نزلت راسها وهي مو داريه كيف ترد .. تعبانه وهذا زاد التعب عليها ..
سحبت روان الدفتر وقالت: واااااو هذا دفتر اخوج ..؟!
رفعت شهد راسها وقالت: ايوه ..
روان: رشودي اعطني دفتر من دفاترك عشان احتفظ فيه وكل ما اشتاقلك اطالع فيه مثل شهد ..
راشد: روان شاللي يابج هني ..؟!
روان: تغديت لين شبعت وبعدين ييت ..
رمى راشد الدفتر عالطاوله بإهمال وقال لشهد: ذكرياتج تكون داخل الدرج مو فوق الطاوله ..
طالعت شهد في روان بإبتسامه بعدين لفت على راشد وقالت: طيب ..
تحت السرير كانت اثير ماسكه شادن وجنبها شادي ..
لفت عليه وقالت بهمس: كنت بتفضحنا ..
شادي: ما امداني ارفع اغراضي ..
اثير: اشش ..
اما وسيم كان في الدولاب وميت خوف لأنه وحده ..
طالع راشد في شهد وقال: اسمعي ..
شهد بتعب واضح: نعم ...
راشد: ربع ساعه بس .. ربع ساعه والقى الغدا جاهز ..
فتحت شهد عيونها بصدمه وقالت بترجي وضعف: واللي يسلمك اعفيني .. والله مو قادره اوقف على ريولي من التعب ..
راشد: هذا مو شغلي ..
شهد: اوعدك اسوي اللي تبيه بس اليوم ريحني .. واللي يعافيك ريحني لو نص يوم بس ..
روان: رشودي خلاص خلها ترتاح شوي لأنـ....
راشد بحده: روان لا تتدخلي ..
طالع شادي فيه وهو ماسك نفسه بقوه .. شوي ويقوم يلعن سابع جده ..
ما يقدر يتحمل يشوف اخته تنذل كذا ..
راشد: اسمعي .. انا اذا قلت شي يتنفذ .. وفي شغله ثانيه ابيج تسوينها ..
كتمت عبرتها وهي تقول بصوت مخنوق: ايش ..؟!
راشد بعصبيه: شهدوه احسن لج لا تبجين .. والله لو بجيتي راح تنضربين فاهمــــــــــــــــه ..؟!
هزت راسها بمعنى فاهمه ..
راشد: اليوم ياء على بالي اني اغير اثاث غرفتي .. بروح اختار الديكور وانتي شيلي الاثاث ورتبي ملابسي في شنط وكتبي وعطوراتي وساعاتي والتحف والمناشف وكل شي .. كل شي في غرفتي لازم يترتب ويخرج منها .. حتى الدولاب والتلفزيون والسرير وكل كل شي .. يعني اللحين جهزي الغدا وبعدها على طول رتبي الغرفه فاهمه ..
اثير في نفسها: "راشد .. عمري ما شفت انسان مثله .. معقوله يا شهد انتي كنتي صابره عليه عشاننا" ..
شادي من بين اسنانه: الحققييير ..
لفت عليه وشافته قد ايش معصب ..
اثير بهمس: شادي انتبه لا تتهور حبيبي وتطلع .. انت جذي بتعقد الامور اكثر .. شهد اللي فيها كافيها ..
شادي بعصبيه وبصوت منخفض: هذا الدب مالقى احد يوقفه عند حده .. انا ما اقدر اتحمل اشوفه يعذب اختي وهي تعبانه .. ابي اضربه واتفل في ويهه ذا ..
فكت اثير شادن ومسكت شادي وهي تقول: لا انتبه .. اياني واياك تطلع .. شهد راح تتعذب اكثر يا شادي ..
عض شادي على شفته وقال بقهر: طيب .. بس اوعدك ان هذا الامر ما راح يعدي ..
ارتاح اثير ولفت على شادن عشان تمسكها بس انصدمت لمن شافتها تحبي لبرى السرير ..
بسرعه مدت ايدها وسحبتها في آخر لحضه ..
شادن بصرخه طفوليه: آآآه ..
رفعت شهد راسها بسرعه ودقات قلبها زادت لمن سمعت صرخة شادن ..
عقد راشد حواجبه وقال: صوت طفل طالع من هذه الغرفه ..
قامت شهد ووقفت بصعوبه وبألم وهي تقول: خلاص بقوم اصلح لك الغدا ..
صلحت كذا عشان تنسيه الصرخه ..
بس راشد قال: لحضه .. اول شي ابي اعرف من فين طلعت هذه الصرخه ..
لف بعيونه في ارجاء الغرفه وبعدين وقف نظره للسرير ..
طالع في السرير فتره طويله وشهد قلبها يدق طبول ..
قدم راشد بإتجاه السرير وهو شاك بشي ..
في ذي اللحضه تأكدت شهد ان كل شي راح يبان ..
تمنت عالاقل انها تكون بخير عشان تقدر تدافع ..
بس هي اللحين منهارة القوى واذا صار في اخوانها شي ما راح تقدر تدافع ابدا ..
فجأه ضحكت روان ضحكه عاليه ومفاجئه ..
لفوا كلهم يطالعون فيها بإستغراب ..
راشد: شفيج ..؟!
ضحكت وهي تقول: صوت طفل ههههه ..
راشد بإستغراب: روان شفيج ..؟!
طلعت روان جوالها وقالت وهي تضحك: هههه شرايك يا راشد بهذا المقلب البسيط .. ههههه انا شغلت الصوت وابي اشوف ردت فعلك ..
عقد راشد حواجبه وقال: انتي ..؟؟؟!!
روان: هههههه ايه ..
لف راشد يطالع في السرير فتره ..
طالعت شهد في روان .. ودها تعطيها حياتها شكر للي سوته ..
قرب راشد من السرير وقال: بس على ما اتوقع اني سمعت صوت من هنا ..
روان: لا يا رشودي كنت غلطان ..
مسكت شهد راسها بسرعه وحست الدنيا تدور وتلف من قدامها ..
كان ذاك الوقت راشد قريب منها مرره لأنه واقف قدام السرير ..
حاولت تتماسك بس الدنيا ظلمت من قدامها وداخت ..
داخت وجسمها بدا يطيح ..
كانت بتطيح على راشد .. بس هو ما كلف نفسه يمد ايده ويساعدها ..
اللي سواه هو انه بعد عن طريقها عشان تطيح عالارض ..
راشد بقرف: هذا وقته تطيح علينا ..
لا تستغربوا هذا الشي .. راشد قلبه مستحيل يحن على اي احد ابدا ..
جت الخدامه جري عند شهد وهي تقول: شهد شهد اصحى .. شهد قوم انت بخير ..
بس شهد اغمى عليها من التعب والمرض ..
راشد: اسمعي .. ييبوا لها دكتور يشوفلها ماني ناقص تموت علي .. واول ما تصحى قولولها تصلح لي الغدا .. انا بنتظرها لين الساعه خمس العصر .. اذا يت الساعه خمسه وهي ما سوت شي قولولها تلم اغراضها لأنها بتكون مفصوله .. فاهمه ..
الخدامه: حادر ..
خرج راشد من الغرفه وراح لغرفته ..
جت روان عند شهد وهزتها وهي تقول: شهد .. شهد حبيبتي اصحي ..
لفت عالخدامه وقالت: بسرعه نادي الدكتور ..
الخدامه: حادر ..
وراحت جري .. خرج شادي وجاء عند شهد وقال: شهوده اصحي .. اللحين بيي الدكتور ..
ربع ساعه وجاء الدكتور ..
ساعه وبعدها صحيت شهد ..
وبعد ساعتين قامت تصلح الغدا مع انها في قمت المرض ..
تحملت لأن اخوانها اهم من صحتها ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

.. الساعه سته .. في المزرعه ..
طبعا ابو وائل عنده يخت تابع للمزرعه ..
اليوم ركبوا فيه ومعاهم ادوات الشوي عشان يشوون فوقه ويتعشون ..
اليخت كان جدا كبير وفخم وجدا حلو ..
في الجهه اليسرى كان ابو وائل وابو فيصل وابو رولا والاولاد يشوون مع الامهات .. وباقي البنات كانوا في الجهه اليمنى ..
لمى حاطه السماعات في اذنها وتتسمع لاغنيه وهي تطالع في البحر وريما جالسه داخل اليخت تتابع مسلسلها المفضل ..
لمار ورولا يسولفون ولارا وغاده يلعبون بالجهاز حقهم وغيدا تكلم صاحبتها غدير ..
كانت اسيل متكيه على سور اليخت وتطالع في البحر ..
كانت الوقت على الغروب وكان الجو قمه في الروعه وبااااااارد جدا ..
تنهدت وقالت: احس نفسي قاعده انتظر شي بس ما ادري ايش هو ..
فارس: وش تنتظرين ..؟!
لفت بتفاجئ على فارس اللي اتكئ جنبها فقالت: فجعتني ..
فارس: هههه سوري .. بس ما ياوبتي على سؤالي وش تنتظرين ..؟!
لفت تطالع في البحر وهزت كتفها وهي تقول: مدري .. طول حياتي وانا احس بشي بيصير .. بعض الطلاب مثلا ينتظرون حفلت تخرجهم .. انا مثلهم انتظر شي بس ما اعرفه ..
لف فارس يطالع فيها وهي تطالع في الغروب ..
فارس في نفسه: "لازم تعرف كل شي .. بس ما اقدر اتكلم واقولها .. بس المفروض انها تعرف بسرعه قبل لا تعرف من غيرنا .. ابي افهم ليش ابوي ما يقولها" ..
اسيل: فارس ..
فارس: نعم ..
اسيل: ايش صار مع وصايف ..؟!
فارس: انسي الامر ..
اسيل: طيب ..
فارس: ما اتصلت عليج ..؟!
اسيل: لا ..
فارس: اذا اتصلت لا تردين ..
اسيل: طيب ..
فارس: هههه شفيج اليوم مطيعه .؟!
اسيل: ههههههه مدري .. اقول فارس ..
فارس: نعم ..
اسيل: اقولك شي وما تزعل ..
فارس: قولي ..
اسيل: لا تقول لأحد ..
فارس: طيب ..
اسيل: تعرف يارنا ..؟!
فارس: ابو مايد ..
اسيل: لا .. يارنا الغني ..
فارس: آها عرفته .. شفيه ..؟!
اسيل: ذاك اليوم تكلمت معاه ..
فارس بدهشه: بس ابوي محذرنا اننا نقرب منه ..
اسيل: اعرف .. بس تراه وايد طيب ..
فارس: شدراج ..؟!
اسيل: باين من ويهه وطريجته في الحجي .. وكمان انا حسيت انه مو شري ..
فارس: طيب شقلتم ..؟!
اسيل: فارس هو ايش اسمه ..؟!
فارس: اتوقع اسمه سلمان ..
اسيل: سلمان .. فارس تخيل انه يعرف اسمي ..
فارس: غريبه .. كيف يعرف واحنا ماقد احتكينا فيه ..؟!
اسيل: يقول شفتج اول وسألت عن اسمج .. ويقول لأنج تشبهين بنتي اللي المفروض تكون في نفس عمرج ..
فارس: عنده بنت ..؟!
اسيل: ايوه بس ماتت وهي عمرها سنتين .. ويقول ان زوجته كمان ماتت ..
فارس: حرام ..
اسيل: وكمان يقول انهم ماتوا بسببه ..
فارس: كيف ..؟!
اسيل: ما امداني اسأله لأن ريما سحبتني من عنده وقعدت تقولي غلط اللي سويتيه ومن هذا الحجي ..
فارس: فعلا كلام ريما صح .. اسيل بلييز لا عاد تكلمينه مره ثانيه ..
اسيل: طيب ليش ..؟!
فارس: مادام ابوي منعنا فلازم نسمع كلامه لأنه يعرف مصلحتنا ..
اسيل: بس نفسي اعرف كيف ماتت زوجته وبنته ..
فارس: اسيل عشاني ابعدي عنه ..
طالعت فيه فتره طويله بعدين لفت تطالع في البحر وقالت بهدوء: طيب ..
ابتسم وقال: حلو ..
اسيل: غربت ..
فارس: ايش ..؟!
اسيل: اقول غربت .. الشمس غربت ..
فارس: صح .. والجو كل شوي يزداد بروده ..
اسيل: يا رب ما ينزل مطر ..
لف فارس يطالع فيها بإستغراب وقال: غريبه .. مو دايما تقولين يا رب ينزل مطر .. وش اللي غيرج ..؟!
اسيل: يا غبي لو نزل مطر فماراح نقدر نشوي .. فهمت ..؟!
طالع فيها بعدين: هههههههههه هذا اللي يهمج .. بطنج هههههههههههه ..
اسيل: لا لا لا تحسب اني اهتم ببطني .. كل السالفه اني مشتاقه لشي مشوي .. من زمان عنه ..
فارس: صح ..
اسيل: اقول فارس ..
فارس: نعم ..
اسيل: انت تعرف تسبح ..؟!
فارس: اكيد ..
اسيل: حظك .. نفسي اتعلم السباحه ..
فارس: مافي مشكله .. لمن نرجع الدوحه قولي لأبوي يدخلج دورة تعلم سباحه ..
اسيل: اوكي ..
فارس: راح تستمتعي وانتي تتعلمي ..
اسيل: حلو ..
طالع فارس في البحر فقالت اسيل: نسيت اقولك ..
فارس: وشو ..؟!
اسيل: شرايك اتصل بلبنى اسولف معها ..
فارس: ها ..
اسيل: بسألك سؤال .. وش علاقة لبنى بـ"ها" ..؟! كل ما اقول اسمها تقولي ها ..
لف فارس يطالع في البحر وهو يقول: غبيه ..
اسيل: ههههههههههه اقول فارس .. اقولك وش اللي ذكرني بلبنى .. امس اتصلت بندى وقالت انها سمعت ان لبنى انخطبت لولد عمها ..
لف فارس بسرعه وهو يقول: ايــــــــــــــــش ..؟؟؟؟؟!
اسيل: هههههههههههههههههههههههههههههههههههههههههههههههههه .. كنت اتغشمر وياك ..
فارس بقهر: غبيه ..
اسيل: لا بجد فارس اسمع .. انت لازم تتكلم معاها وتقولها انك تبغاها عشان اذا ياها خطاب ترفضهم عشانك .. فهمت ..؟! اذا ما قلت لها فراح توافق على اول خطيب ..
فارس: صعب ..
اسيل: يا عيني .. لا يكون اخوي يستحي ..؟!
فارس: بروح عند ابوي ابرك لي ..
اسيل: ههههههه روح بس تذكر اني بفاتحك بالموضوع مره ثانيه ههههههه ..
لف فارس وراح من دون لا يرد ..
رولا: هيه اسيل ..
لفت اسيل تطالع فيها وقالت: نعم ..
رولا: كيف حالج ..؟!
اسيل: اخلصي وقولي شوراج ..؟!
رولا: هههههههههههههههههههههههههههههههههههههههههه ..
رفعت اسيل حواجبها تطالع فيها بإشمئزاز وقالت: خير تضحكين ..؟!
رولا: صحيح اللي سمعته من لمار ..؟!
لفت اسيل تطالع في لمار بعدين لفت على رولا وقالت: وايش اللي سمعتيه ..؟!
رولا بإبتسامه: سمعت انج مو بنت عم لمار الحقيقيه ..
اسيل: ومين قال هذا ..؟!
لمار: انا ..
اسيل: طيب انا عارفه ..
لمار بصدمه: شنــــــــــــــــو ..؟!
اسيل: ايوه .. ابوج اخو ابوي من الرضاع بس اذا كنتي تقصدين هذا ..
ابتسمت لمار وقالت: بس انا ما اقصد هذا ..
اسيل: عيل شنو تقصدين يا آنسه لمار ..؟!
قربت لمار منها وقالت: مدري بس سمعت شي عنج وما ادري اذا كان صح ولا خطأ .. اسألي ابوج ..
اسيل: وايش هالشي اللي سمعتيه عني ..؟!
رولا: ههههههههههههههههههههه ..
ضحكت رولا ولمار تطالع في اسيل بإبتسامه ..
حست اسيل بارتباك منهم .. واضح ان الشي اللي يقصدونه قوي ..
اسيل: اتوقع اني سألتج يا لمار ..
لمار: اعرف ..
اسيل: طيب ليه ما تياوبين ..؟!
لمار: وانتي ليه مستعيله على نكد حياتج ..؟!
اسيل بعصبيه مفاجئه: قولي اللي عندج وخلصيني ..
لمار: Oh my God .. شفيج عصبتي فجأه ..؟!
رولا: هههههههههه البنت على اعصابها .. قوليلها يا لمار ..
لمار: اوكي من عيوني ..
طالعت في اسيل بإبتسامه وقالت: انتي تعرفي انج وحده غريبه ..؟!
اسيل بإستغراب: شتقصدين ..؟!
وائل: يا جماعه ..
لفوا كلهم على وائل اللي توه جاء وقال: حبيت اسأل جم وحده تبي مشوي ..؟!
لمى: انا ..
لارا وغاده: واحنا ..
طالع في اسيل وقال: انتي اكيد تبغين صح ..؟!
اسيل: ها .. ايه ..
رولا: حتى انا يا وائل ..
وائل: وانتي يا غيدا .. امج تقول انج ما تحبين المشوي ..
شالت غيدا الجوال عن اذنها وقالت: لا ما احبه ..
ورجعت تكلم ..
طالع في لمار وقال: وانتي ليه ما تتكلمين ..؟!
لمار: ما ابي ..
وائل: غريبه مع انج تحبينه ..
لمار: انا حره ..
وائل: اوكي براحتج ..
لف عشان يروح للاهل بس انتبه بأسيل تطالع الارض بسرحان ..
وائل: اسيل شفيج ..؟!
طالعت فيه بعدين قالت: ما فيني شي ..
لفت وراحت عند السور تطالع في البحر ..
طالع وائل فيهم وفي لمار وقال: مين ضايقها ..؟!
لمار: ليش تطالع فيني ..؟!
وائل: لأنه ماكو احد غيرج يتناجر معاها ..
لمار: ما كلمتها ولا قربت منها ..
قطت لمى معهم بالسالفه وهي حاطه السماعات على اذنها وقالت: يمكن تذكرت آرثر واشتاقت تشوفه ..
لف الكل لجهتها يطالعون فيها ..
لمى: شفيكم تطالعوني جذي ..؟! حسيت نفسي اكتشفت الذره ..
وائل: شتقصدين بكلامج ..؟!
طالعت لمى في اسيل وقالت: اسألوها ..
اسيل بعصبيه: سخيفه ..
ودخلت داخل السفينه وجلست ع السرير ..
انسدحت وقالت: اللحين انتي ليه معصبه ..؟! واذا عرفوا عادي ..
هزت راسها وقالت: لا مو عادي .. فيصل حيخاصمني وامي حتسمعني كلام يسم البدن واكيد ابوي بياخذ موقف مني لأنه ما واجهتهم بالصج ..
غطت وجهها بالمخده وغمضت عيونها ..
اسيل: كنت حاسه ان لمى ما راح تسكت ..
دق باب الغرفه وقال وائل: اسيل ممكن ادخل ..
رفعت راسها وتعدلت جالسه ومسكت جوالها وقالت: ادخل ..
دخل وائل وقال: شفيج ..؟!
اسيل: مافيني شي بس كنت نازله اكلم رفيجتي شوي ..
وائل: اسيل انا اسأل شفيج ..؟! لمن ييت كنتي ساكته وبعدها صرختي في ويه لمى ونزلتي .. اكيد فيج شي ..
اسيل: كنت متضايقه من شي وخلاص صرت تمام ..
وائل: مين ضايقج ..؟!
اسيل: خلاص يا وائل انتهى الامر فلا تذكرني ..
وائل: اوكي براحتج ..
سكتوا فتره واسيل تلعب بالجوال وتقلبه في ايدها ووائل يطالع فيها ..
وائل: اسيل ..
اسيل: نعم ..
وائل: كيفج مع الجامعه ..؟!
اسيل: تمام ..
وائل: طيب و .. وآرثر ..
طالعت اسيل فيه بتفاجئ وقالت: آرثر ..؟!
وائل: ايه ..
اسيل: شفيه ..؟!
وائل: كيفه ..؟!
اسيل: تمام ..
وائل: انتي تشوفينه ..؟!
اسيل: ايوه يوميا لأنه معاي في نفس الجامعه ..
وائل: طيب تتكلمين معاه كثير ..؟!
اسيل: لا مو مره ..
وائل بإرتباك: طيب .. طيب تحبينه ..؟!
طالعت اسيل فيه وقالت: انت ليه تسألني ..؟!
وائل بتوتر: بنت عمي وابي اطمئن عليج .. بس ياوبيني انتي تحبينه ..؟!
سكتت اسيل وهو يطالع فيها ويتمنى يسمع كلمة لا ..
اسيل: لا ..
وائل بتفاجئ: بجــــــــــــــــد ..؟!
اسيل: انا ما احبه .. انا اموت فيه ..
فتــــــــــــــــرة هدوء .. هي ساكته وهو يطالع فيها بعدم تصديق ..
ردد وهو مو مستوعب: انتي تموتين فيه ..
هزت راسها .. اللحين استوعب وصدق ..
مستحيل .. No way ..
طالع فيها وهو يحس بأن كتلة ثلج انكبت فوقه ..
تحب آرثر ..؟؟؟!! اكيد تمزح ..
شلون تحب واحد ثاني وهو يموت فيها ..؟؟!
من يوم وهو صغير ما يشوف احد قدامه غيرها ..
لااااااا الى الآآآآن مو قادر يصدق .. اكـيـيـيـد يحلم ..
بس StoOop .. اللي قدامه حقيقه مو حلم ..
.. اكبـــر صدمهـ فيـ حياتهـ هيـ هذهـ الصدمهـ ..
طالعت فيه فلاحضته يطالع فيها بدهشه ..
اسيل بسرعه: لا وائل لا تضن انه مسيحي لا سمح الله .. تراه مسلم وعايش هنا من يوم وعمره تسع سنوات ..
سكتت فتره بعدين قالت: اعرف انك ولد عمي واكيد تخاف علي .. بس بغيت اقولك انه مو لعاب وكمان قالي انه بيخطبني الاسبوع الياي ولا اللي بعده عشان ابوه يكون موجود ..
صدمــــــــــــــــه ثانــــــــــــــــيه على صدمته الاولــــــــــــــــى ..
لف وجهه عنها .. يعني فعلا هي تحب ..
يعني مستحيل تفكر فيه ..
يعني حتتزوج بواحد ثاني ..
استغربت اسيل منه وقالت: وائل شفيك ..؟! انت مو مصدقني صح ..؟!
قامت ووقفت قدامه وقالت: وائل والله العظيم انه مو سيء .. هو يعاملني بكل حب وانا كمان .. انت ليش متضايق ..؟!
غمض عيونه وهو يقول في نفسه: "كــــــــــــافي يا اسيل انتي ليش تزيدين قهري" ..
اسيل: وائل ..
سكت فتره طويله بعدين قال: نعم ..
اسيل: ليه متضايق ..؟!
وائل: ...........................
اسيل: وائل إلا انت ما ابيك تتضايق .. انت ساعدتني كثير ووقفت ينبي كثير وصرت لي زي الاخ الاكبر بطيبتك واهتمامك ..
فتح عيونه بصدمه ..
اخ ..؟! اللحين انا احبج وانتي تقولين اخ ..
صعقتني كلمتج يا اسيل ..
كملت اسيل كلامها وهي تقول: من وشو متضايق ..؟! متضايق لأني ماعلمتك شنو اللي ضايقني ..؟!
هز راسه بلا وهو يطالع فيها ..
اسيل: عيل انت متضايق من آرثر .. وائل انت ليه تكره ..؟!
انصــــــــــــــــدم وائل من سؤالها وقال: اكرهه ..؟؟؟!!!!!
هزت راسها بإيه ..
وائل: منو قال ..؟!
اسيل: انا حسيت .. تتذكر في الفندق وفي المصعد بالذات .. قلت لي ذاك الوقت انسي آرثر .. قلت لي كلام كثير وكله معناه انك تبي تبعدني عن آرثر .. ليش تكرهه ..؟! انت شايف عليه شي ..؟!
طالع فيها فتره بعدين قال: لا ..
اسيل: عيل شمعنى كلامك اللي قبل ..؟!
وائل: بعدين ..
وخرج من الغرفه واسيل تطالع فيه ..
اسيل: ويهه قلب ستين لون لمن قلت له عن آرثر .. اكيد بينه وبين آرثر شي ..
قعدت فتره طويله وهي واقفه في مكانها بعدين طلعت لسطح القارب ..
كان الوقت ليل والجو بارد وريحة الشوي طالعه ..
طالعت فلقيت غاده ولارا يتطاردون ولمى جالسه على جوالها وحاطه السماعات في اذنها وطايره في عالم آخر ..
اما غيدا وريما ولمار ورولا ماكانو موجودين ..
اسيل: اكيد راحوا عند الاباء والامهات ..
جلست على كرسي وهي تراقب لارا وغاده وهم يتطاردون ..
لارا: اتحــــــــــــــــددداك ..
غاده: والله اقدر ..
لارا: طيب انا اتحداك ..
غاده: جم تعطيني ..؟!
لارا: اللي تبغينه ..
غاده: متأكده اللي ابغاه ..؟!
لارا: ايوه ..
اسيل بإستغراب: يتحدون على ايش ..؟!
غاده: اوكي ..
لارا: ههههههه ياللا راويني ..
غاده: اعرف انج تضحكين لأنج متوقعه اني اتراجع .. بس اطمئني لأن غاده ما تتراجع ..
لارا: ههههه طيب نشوف .. وعلى ريل وحده لا تنسي ..
غاده: لا ما حأنسى ..
راحت غاده عند سور القارب ولارا واسيل يطالعون فيها ..
اسيل بخوف: وش بتسوين ..؟!
لارا: طالعي ..
مسكت غاده السور وطلعت فوقه ..
اسيل بصراخ: غــــــــــــــــاده يا مينــــــــــــــــونه ..
لارا: فجي ايدج واوقفي على ريل وحده ..
غاده: اوكي انتظري ..
فكت ايدها واعتدلت واقفه ..
لارا: باجي ريلج ..
اسيل: غاده انزلي بلا عبط ..
غاده: بنزل بس اول شي انفذ التحدي ..
اسيل: شالغباء هذا ..؟! انــــــــــــــــزلي ..
رفعت غاده رجلها وقالت: شرايج يا لارا ..؟!
طالعت لارا فيها بدهشه وقالت: متهوره .. ما توقعت انج تسوينها ..
غاده: انا بنت منصور واذا احد تحدانـ........... آآآآآآآآه ..
تزحلقت رجلها فجأه و طاحت في البحر ..
اسيل بصراخ: غــــــــــــــــــــــــــــــــاااااااده ..
وبدون شعور نطت وراها عشان تساعدها ..

انتهى البآرت ..

<>اعرف انه قصير بس ان شالله الجاي يكون طويل <>
<> وش توقعاتـكــــــم للجزء الثالث من هذا البـــآرت <>
<> تركت لكم حرية التوقع فاتمنى ما تخيبون ضنـي <>
<> اختكــــــــــــم/ صرخــــــــة المشتاقــــــــــــــــه <>

|$[ نهاية الجزء ]$|

10 - 3 - 2014, 01:35 AM

|$[ البآرت السابع الجزء الثالث ]$|

غاده: انا بنت منصور واذا احد تحدانـ........... آآآآآآآآه ..
تزحلقت رجلها فجأه و طاحت في البحر ..
اسيل بصراخ: غــــــــــــــــــــــــــــــــاااااااده ..
وبدون شعور نطت وراها عشان تساعدها ..
وقفت لارا مصنمه في مكانها وهي مو مستوعبه ..
سمعت لمى صوت فطالعت قدام وشالت السماعات بس شافت الوضع عادي ..
لمى: لارا مين صرخ قبل شوي ..؟!
لفت لارا عليها وانصدمت لمى لمن شافت دموعها ووجهها الاحمر ..
لمى بخوف: لارا شفيج ..؟!
اشرت بأصبعها عالبحر وشهقت بعدين بكت وهي تقول: غاده طاحت في الماي ..
قامت لمى بسرعه وهي تقول: شنــــــــــــــو ..؟!
جلست لارا وهي تشاهق وتبكي ..
راحت لمى عند السور ويا دوب شافت غاده واسيل لأن الوقت ليل ..
لمى بصدمه: مستحيل ..

حاولت اسيل انها توصل لغاده بس ما قدرت .. والسبب هو انها ما تعرف السباحه ابدا ..
حست انها ورطت نفسها وزادت الطين بله ..
لفت ورى وشافت ان سفينتهم قريبه منهم شوي .. يعني على بعد سبعه امتار ..
اسيل: اخاف تبعد السفينه وانا ما سويت شي .. غــــــــــــــــــــــــــــاده ..
كانت غاده ذاك الوقت تحاول توازن نفسها لين قدرت وبعدها سبحت شوي لين وصلت لأسيل ..
اسيل: انتي بخير ..؟!
غاده بهدوء: ليه نطيتي وراي ..؟!
اسيل: عشان اساعدج ..
غاده بعصبيه: انا اعرف اسبح وما احب احد يساعدني ابدا يا بقره ..
طالعت اسيل فيها فتره بعدين قالت: كنت اتوقع كلمة شكرا ..
غاده بعصبيه: استريحي لأنج ما حتسمعيها ..
لفت اسيل وجهها ناحية السفينه عشان تروح لها مع انها متأكده انها ما راح توصلها ..
غاده: آآآآآآآآآآآآآآآآآآآآآآآآآآآآآآآآآآآآآآآآآآآآآه‎ه‎ه ..
انفجعت اسيل ولفت عليها وهي تقول: شفييييج ..؟!
غاده بألم: آآآه ريلي ريلي آآآآآآه ..
انصدمت وخافت وهي تقول: لا يكون سمكه ..
غاده بألم: آآه لا مو سمكه آآآه ..
ترددت اسيل فتره بعدين اخذت نفس قوي وغطست في المويه وفتحت عينها تطالع ..
كان الوقت ليل بس القمر كان بدر فلاحظت شي مربوط على رجلها وعرفت انه يأما مرجان او اسفنج ..
جت عند رجلها ومسكت هذا الشي عشان تفكه وانصدمت لمن تحرك ..
طالعت فيه وفتحت عيونها على اكبرها ..
ما كان مرجان ولا اسفنج ..
كان اخطبوط ..
غاده: آآآآه اسيل بسرعه ..
وبدت تبكي من الخوف والفجعه ..
ضغطت اسيل على نفسها ومسكت رجل الاخطبوط تبعده بس الصدمه اللي شلت حركتها هي ان الاخطبوط لف رجله الثانيه على ايدها ..
كانت بتصرخ بس تذكرت في اخر لحضه انها تحت البحر ..
حست بأختناق وبدت تسحب ايدها وهي خايفه ..
سمعت كثير عن الاخطبوط وانه اذا هجم عالانسان مستحيل يطلع حي بسبب السائل اللي يفرزه ..
اسيل بنفسها وخوف: "يارب يارب يقعد هادي .. وينكم محد ياء يساعدنا .. يا رب يعدي هذا اليوم على خير .. يارب ينتهي كل هذا بسرعه ويي باجر" ..
حاولت قد ما تقدر انها تبعده عنها لأنها خلاااااااص راح نفسها وبدت تختنق ..
خافت غاده وهي تقول: شفيها تأخرت اسيل ..؟! لا يكون صار شي .. لا يا رب .. آآآآآآآآآآآآآه ..
رفعت اسيل راسها بصدمه وهي تشوف الاخطبوط حط رجله الثالثه على رجل غاده ويسحب ..
انصدمت اكثر وهي تشوف رجله الرابعه جايه لناحيتها ..
سحبت ايدها بقوه عشان تقدر تدافع وتساعد ..
حركت نفسها وصكت رجل الاخطبوط بوجهها بحركه مفاجئه وطلع كل الهوا اللي بقى في فمها ..
تشحرجت وحاولت تاخذ نفس واستنشقت المويه وحمر وجهها بقوه ..
صارعت لمدة نص دقيقه وبعدها ما عاد حست باللي حواليها ..

.................................................. ..............

في نفس هذا الوقت وفي مدينة ليفربول البريطانيه ..
كان سامي في احد مراكز التسوق ..
يمشي ومعاه حارس شخصي عشان يشيل الاغراض ..
سامي: اووووف اوووف ..
طالع فيه الحارس باستغراب .. من يوم ما خرج من البيت وهو يتأفف ..
وقف سامي يطالع في شنط المدرسه وغيرها من الشنط ..
اشر على وحده وقال: خذها ..
فهم الحارس عليه فراح للبائع واشتراها ..
مشيوا فتره بعدين وقف سامي وقال: الباجي باجر ..
استغرب الحارس منه وقال: What ..؟!
سامي بعصبيه: وات بعينك يا رب .. اقولك مااااالي نفس اشتري اغراض الجامعه من اللحين لاحقين ع الهم وعالاشكال اللي مثلك كمان ..
سكت الحارس وما قال شي لأنه مو فاهم شي ..
اخذ سامي نفس وبعدين قال بهدوء: شفيك متنرفز يا سامي خلاص اهدأ .. انت دايما تشتري اغراض الجامعه بروقان وتكون مبسوط .. خلاص خلك مبسوط وش فرقت ان كنت بدرس هنا ولا في قطر ..؟!
سكت شوي بعدين قال بألم: إلا فيه فرق ..
الحارس: Sir Sami ..
سامي بحده: خييير ..
خاف الحارس وسكت .. كان بيقوله خلنا نخلص بس بطل ..
وقف سامي فتره طويله بعدين مشي فمشى الحارس وراه ..
قعد يمشي من دون لا يلتفت للمحلات اويطالع فيها ..
يمشي وهو يردد داخله: "انسى انسى انساهم انسى ......" ..
طــــــــــــــــــــــــــــآااخ ..
صقع في رجال بقوه ..
سامي: سوري ..
طالع فيه الرجال بعدين قال: Be careful next time ..<< كن حذرا في المرة القادمه << ..
سامي بتأفف: اووف يا كثر الاجانب هنا وكلهم انجليزيين ..
لف الرجال يطالع فيه بعدين قال: اذا كنت ما تفهم الانجليزي فخذ لك مترجم ..
طالع سامي فيه بدهشه .. عربي ..؟!
ما كان يتوقع انه عربي ..
كان ابيض وعمره تقريبا في اوائل الاربعينات وشعره ناعم وحلو ..
وفوق كل هذا كانت عيونه رصاصيه وهذا اللي خلاه يضن انه اجنبي ..
لحضــــــــــــــــــــــــــــه ......!!!!!!!
عقد سامي حواجبه .. عيون رصاصيه ..
هو متأكد انه قد شاف مثل هذه العيون تماما بس ما يتذكر فين ..
طالع في الرجال اللي كان يكلم بالجوال .. طالع في عيونه بالضبط ..
نفس العين تماما ونفس درجة اللون .. ونفس رسمة العين كمان .. بس ما يتذكر فمين شاف هالعيون ..
تلخبط مخه واختلط تفكيره وتشوش عقله .. مو قادر يتذكر فين ..
سامي: "انا متأكد اني ما قد شفت ذا الريال بس متأكد اني قد شفت ذي العيون" ..
عصر مخه بس ما قدر ..
سامي: "اسأله ولا لا ..؟! واذا سألته وش بقول .. اقول انا قد شفت مثل عيونك بس ما اتذكر فين .. شكلي يطلع بااااايخ" ..
قفل الرجال جواله وهو يقول: ودي افهم متى بيركد ذا ..
دق مره ثانيه وسامي يطالع فيه .. صوته كمان يذكره بأحد ثاني ..
سكت شوي بعدين ميل فمه بقرف بعد ما عرف انه يشبه صوت ابوه ..
لف سامي على الحارس الشخصي وقال: انت تعبت من شيل الاغراض ولا لا ..؟!
الحارس بإستغراب: What ..؟!
سامي: اوووف ولا شي تعال ..
مشي سامي فمشي الحارس وراه وايده حتنكسر من الاغراض ..
وقف سامي بطريقه مفاجئه وهو يقول: اسيل ..!!!!!!
لف يطالع ورى وهو يقول: ذيج العيون نفس عيون اسيل .. معناته انه ابوها ..
ابتسم وقال: والله البنت يات لين عندك .. بشبكها يعني بشبكها ..
وراح عند ذاك الرجال وقال: اهلين ..
طالع فيه وهو يكلم بجواله وقال: المهم تييون بسرعه ............ انا ما اعيد كلامي مرتين ............ لكم عشر دقايق بس فاهم ..
وقفل الجوال وقال: نعم ..
سامي: شخبارك ..؟!
الرجال ببرود: شتبي ..؟!
سامي: سوري عالصكه اللي قبل شوي لأنه ما كان قصدي ..
الرجال: يصير خير ..
سامي: انت ما تعرفني .. انا سامي صديق لبنتك اسيل .. فينها اللحين ما اشوفها ..؟!
عقد الرجال حواجبه وقال: بنتي ..؟! انا ما عندي بنات ..
استغرب سامي وقال: إلا اسيل ..
الرجال بحده: قلت ما عندي بنات ..
خاف سامي من صوته الحاد اللي ذكره بأبوه وقال: ليه انت مو عبد الرحمن الرملي ..؟! انا متأكد انه انت لأن عيونك نسخه اصليه من عيون اسيل ..
مشي الرجال وطنشه .. عصب سامي وقال: اوووف مثل بنته غبي ..
استغرب وقال: يقول ما عندي بنات .. ليش قال جذي ..؟!
سكت فتره طويله يفكر بعدين قال بإبتسامه: استنتجت السبب .. هو كان يقصد انه ما عنده بنات للزواج .. آها كان يحسبني ياي اخطب .. يا حليله ذا الاب .. لمن ارجع قطر باقول لأسيل اني شفت ابوج ..
سكت شوي وتضايق وقال: لمن ارجع قطر هه ..
لف على الحارس وقال: خلاص يكفيني الجنطه والجزمه ما ابي اشتري اكثر ..
الحارس: What ..؟!
سامي بعصبيه: اوووف وانت ما عندك غير هذه الكلمه تقولها ..
الحارس: I can't understand your language.. ‏<< انا لا استطيع فهم لغتك << ..
سامي: حلو غيرت جملتك عالأقل ..
واتجه لخارج المركز والحارس وراه .. ركب السياره وركب الحارس قدام جنب السواق وحركوا السياره ..
لف وجهه يطالع في الشوارع بعدين لف عالسايق وقال: اسمع ..
السايق: سم طال عمرك ..
سامي: من اليوم ورايح انا باركب السياره لحالي وبروح لمشاويري الحالي ..
السايق: بس السيد الكبير رافض ..
عصب سامي وقال: متى امداه يقولكم جذي اوووف .. اسمع انا مالي دخل فيه فاهم .. انا امرتك ولازم تسمع الكلام ..
السايق: ما اقدر اعارض اوامر السيد سلطان الراهي يا سيدي ..
سامي بعصبيه: تبن ..
ولف يطالع في الشباك وقال في نفسه: "والله لأيننكم وانشب لكم في حلوجكم لين تييني سياره لحالي" ..
وصلوا القصر .. نزل سامي ودخل داخل وطلع لغرفته ..
قفل باب غرفته ونزل جاكيته والقبعه والقفازات وهو يقول: افف شذا البرد .. احب الامطار والثلج بس اكره البس ملابس ثقيله ..
رمى نص ملابسه عالسرير وما بقي غير بنطلونه وبلوزته وبعدها انسدح ع السرير ويطالع ف السقف ..
سامي: يوم السبت ببدأ اروح لجامعة ليفربول هذه .. يقولون حلوه ومشهوره بس ببساطه انا ما ابيها ..
سكت شوي بعدين قال: هذا مستقبلك على قولت ابوك .. خلاص انسى كل شي وعيش حياة ثانيه غير عن حياتك القديمه ..
جلس وقال: فعلا .. بتعرف على اصحاب يدد ودكاتره يدد وبنات يدد .. بعيش محيط يديد عن وطني قطر ..
سكت فتره بعدين قال بإنكسار وضعف: انا ما رحت بعيد لأن بريطانيا وطني ..
قام وراح للبلكونه ياخذ له نفس عشان ينسى ..

.................................................. ......

جت ام مايد عند بنتها غاده واعطتها كوب ليمون وهي تقول بخوف: خذي اشربي هذا ..
غاده: خلاص ماما انا بخير ..
محسن: هههههه ماما .. شذا الدلع اللي مو لايق ..؟!
الام بعصبيه: محسن اسكت عن اختك ..
محسن: هههه طيب طيب ..
الام بحنان: ليه يا حبيبتي سويتي جذي ..؟!
غاده: لارا تحدتني وانا مو من عادتي اني ما اقبل التحدي ..
محسن: كفــــــــــو .. طالع على اخوج اللي هو انا ..
الام: محســــــــــــــن ..
محسن: ههههه طيب بسكت ..
الام: غاده هذه المره يت سليمه .. لولا الله ثم فيصل ووائل جان يمكن صار شي ثاني ..
غاده: ........................... ..
الام: تهور من اليوم ورايح ما ابغاه فاهمه ..؟! فكري عدل قبل لا تسوين اي شي .. وحكاية التحديات وقبولها ما ابي اسمعها .. احد تحداج تحدي خطير ما توافقين وتسوين فيها سوبرمان مفهوم ..؟!
محسن: اخسس يا امي تعرفين سوبرمان .. محد قدج ..
غاده: يمه وين اسيل ..؟!
تنهدت الام وقالت: مسجينه .. طيحتي نفسج في مشكله وهي اللي تضررت مو انتي ..
سكتت غاده فتره بعدين قالت: احبها .. كنت اكرهها بس اللحين احبها ..
محسن: اخس في تطورات في مشاعر اختي الداخليه .. استمري يا حياتي استمري ..
الام: محسن اطلع فوق ..
محسن: هههههه اوكي باااي ..
وطلع فوق فقالت غاده: طيب كيف هي اللحين ..؟!
الام: مدري .. فاقده الوعي وما صحيت منه وكمان ايدها اليسرى تأذت كثير من ذا الاخطبوط ..
طالعت غاده في رجلها وشافت آثار بسيطه فقالت: ما تأذت ريلي كثير ..
الام: لأنج ما كنتي تقاومين مثل اسيل اللي كانت تحاول تساعدج .. الله اعلم وش بيصير لج لو ما نطت وراج ..
غاده: بأطلع اشوفها ..
الام: لا حبيبتي .. اقعدي هنا ارتاحي لأنج تعبانه ..
سكتت غاده بعدين انسدحت عالسرير ترتاح لأنها تحس بإرهاق ..

فوق سطح اليخت .. كانوا كلهم مجتمعين حول اسيل وابوها ..
كانت منسدحه وابوها يضغط على صدرها عشان تطلع المويه اللي شربتها وتقدر تتنفس ..
طالعت غيدا فيهم شوي بعدين بعدت وهي تقول بصوت منخفض: وانا شعلي فيها عشان اهتم ..
وجلست عالكرسي ودقت على غدير تسولف معاها ..
لمار تطالع في اسيل وهي حاسه انها مبسوطه بدرجه مو طبيعيه .. وتدعي في نفسها ان اسيل تموت وتريحها ..
رولا بهمس: لمار لا تبتسمين ..
لمار: ليش ..؟!
رولا: يمكن وائل يهزئج زي كل مره تتشمتين فيها على اسيل ..
لمار بقهر: اوووف منه ومنها ..
رولا: ههههه اهدائي شفيج عصبتي ..؟!
لمار: ولا شي .. بس يصير خير .. باجر هو آخر يوم وانا حأتصرف تصرف يريحني تماما ..
رولا: شنهو ..؟!
لمار: بعدين اقولج ..
رولا: اوكي ..
ابو فيصل: فيصل ..
فيصل: نعم ..
ابو فيصل: حركت اليخت لجهة الشاطئ ..؟!
فيصل: ايوه ..
ابو فيصل: طيب اسرع فيه اخاف اختك صار فيها شي ..
فيصل بقهر: طيب ..
راح وهو يقول: ابوي متعمد يقول اختك في كل شي ..
طالع وائل فيهم بعدين بعد شوي وجلس عالكرسي وقال: ان شالله ما يصير فيها شي ..
تكى بإيده على رجله وطالع في الارض وهو يقول: لو تقول اللي تقوله او تحب اللي تحبه .. انا راح اظل احبها واساعدها في كل شي ..
فتح ايده يطالع فيها وهي مليانه آثار من ضرب الاخطبوط ..
جلست امه جنبه وقالت: وائل ايش اللي مضايقك ..؟!
طالع وائل فيها وابتسم وهو يقول: ولا شي .. بس متضايق عشان اسيل تعبانه ..
الام: يا حياتي عليها ذي البنت .. المهم اللحين انت تأذيت من السمكه اللي ضاربتها ..؟!
وائل: ههه لا .. وكمان هذا اخطبوط مو سمكه ..
الام: ماكو فرق ..
وائل: إلا .. الاخطبوط من شعبة الرخويات والسمكه من شعبة الاسماك ..
الام: ما عليك من ذي الفلسفه بس المهم قولي اذا في شي يعورك ..
وائل: يمه صدقيني ماكو شي يعورني ..
الام: أكيد ..؟؟!!
وائل: اكيد ..

اما ابو فيصل فما زال يحاول يساعد اسيل قد ما يقدر ..
هذه آمــــــــــــــآآآآنه في رقبته ولازم يحافظ عليها ..
وقبل لا تكون آمآنه فهي بنته اللي مو من لحمه ودمه ..
هو رباها وعاش معاها عالحلوه والمره ..
هو اللي انقذها من الموت وهي في عمر سنتين خلف جدران السوق ..
عض على شفته وهو يتذكر شاللي صار قبل ١٧ سنه او اكثر ..
كانت تبكي وتشهق واللحاف الوري ملفوف عليها ويخنقها ..
كانت تكسر الخاطر مرره .. طفله ما تعرف شي بحياتها ..
بس كانت تبكي وهي تقول ماما وكأنها تستنجد بأمها ..
تستنجد باللي كان يرميها .. تتمسك فيها .. تتمسك بأمها اللي ولدتها ..
بس كانت طفله وما كانت تدري انها تتمسك بحجر اصلي ومستحيل يحس ..
لين اللحين وهو يتذكر نضرات امها القاسيه ..
لين اللحين وهو يتذكر مدى شناعة امها وجدتها وهم يرموها ..
لين اللحين وهو يتذكر كلمات ابوها الساخره المتشمته ..
مستحيل يكونوا هذول اهلها مستحييييييل ..
قطع تفكيره اسيل اللي بدت تحرك عيونها وكأنها بتصحى ..
ابو فيصل: اسيل .. اسيــــــــــــــل ..
تحس بثقل كبير في نفسها وآلام قويه بإيدها .. تحس بتعب وضعف في جسمها كله ..
حاولت تفتح عيونها بس ما قدرت .. صدااااع رهيب يمنعها ..
تذكرت الاخطبوط والبحر والمويه وكل شي ..
تذكرت كل اللي صار واستغربت انها ما ماتت .. كانت تحسب ان نهايتها بتكون غرق ..
سمعت صوت ابوها يناديها .. فتحت عيونها بصعوبه وهي تشوف سراب اشكال لأن اشكالهم مب واضحه ..
اسيل بضعف: ابـ ــ ـو ي ..
ارتاح الاب وبقوه وهو يقول: اسيل انتي بخير ..؟!
هزت راسها وهي تقول: لا ..
انصدموا من ردها بس قال فارس: اللحين بنييب لج طبيب وتصيرين بخير ..
محسن: هههه الحمد لله عالسلامه يا اسيل .. وربي اني خفت عليج .. لو غيدا طاحت جان ما خفت عليها ..
اسيل بإبتسامه باهته: الله يسلمك ..
ابو وائل: ما تشوفين شر حبيبتي ..
فاكتفت بابتسامه ..
ام رولا: تبي شي نييبه لج ..؟!
هزت راسها بلا ..
مازن: اخسس يا قويه .. طلعتي بطله وساعدتي اختي .. بس بيني وبينج كنت اتمنى انج ما ساعدتيها عشان افتك منها ..
ام مايد: مــــــــــــــازن ..
مازن: اووه آسف مامي .. ما كنت ادري انج هني ..
ام مايد: اشوفك تعيد مثل هذا الحجي يا ويلك .. خلك مؤدب ولا تطلع على اخوك ..
محسن ببراءه: وليه وش فيني انا ..؟! لا يكون ماني بقدوه حسنه ..؟!
ام مايد: اكيد ..
محسن: احح قويه ..
جاء فيصل وقال: قربنا ..
ابو فيصل: حلو ..
طالعت اسيل في فيصل فشافته يطالع فيها بلا مبالاه ..
حست بالعبره تخنقها .. كانت تتمنى منه اي شي ولو كلمة سلامات ..
قامت وساعدها ابوها وجلست عالكرسي ..
كانت ريما طول هذا الوقت تطالع في ابوها .. كانت تشوف قد ايش هو خايف على اسيل ومهتم فيها بزياده ..
ريما في نفسها: "لمن كنت تعبانه ما كان مهتم لهذه الدرجه .. حتى ان امي هي اللي خرجتني من المستشفى مو هو .. مين اسيل هذه عشان يهتم فيها هذا الكثر" ..
جاء وائل عند اسيل وقال: الحمد لله عالسلامه يا اسوله ..
اسيل بإبتسامه: الله يسلمك ..
طالع فيها فتره بعدين لف وراح ..
اسيل في نفسها: "والله فيه شي .. لازم اسأل باجر واعرف السبب .. والله ما اخليه إلا لمن اعرف" ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في صباح يوم الخميس وفي بيت وصايف ..
جالسه على طاولة الفطور وتطالع في الورقه بسرحان ..
هذا هو اليوم الخامس وما اخذت اي قرار ..
راحت المستشفى وما لقيت الكشوفات وعرفت انها مع فارس ..
طالعت في رقمه اللي تركه مع الدكتور .. من ذاك اليوم وهي متلخبطه ..
فارس بالذات ما تبي تتصل عليه .. ما تبي تكلمه .. ما تبي تتفاهم معاه ..
لأنها ما تقدر عليه ابدا .. بارد ويصر على رايه ويحسسها انها غلطانه ..
وفي نفس الوقت ما تبغى تشوفه عشان ما تتهور وتآذيه ..
هو ساعدها اول وتحس انها مدينه له وعشان كذا ما تبي تشوفه ابدا ..
فكرت انها تتصل بأسيل بس ما تقدر .. كل ما بغت تتصل تتذكر تهديد فارس ..

" للمره الاخيره اقول اسيل اختي وياويلج تآذيها " ..

هو تهديد عادي بس شكل فارس ذاك الوقت يخوف وكان جاد ..
طالعت في الورقه ..
من متى يا وصايف تخافين ..؟!
من متى صرتي تكرهي تآذي احد ساعدج ..؟!
من متى وانتي تترددي في قراراتج ..؟!
من متى صرتي تهتمي باللي حولج ..؟!
حطت راسها عالطاوله وهي تقول بهدوء: تغيرتي كثير يا وصايف .. من يوم دخلتي هذه الجامعه وانتي تبدأي تتغيري .. برودج بدا يروح وبديتي تعصبي كثير .. دمعتج اللي ما تنزل صارت تنزل على اتفه الاسباب .. صايره غير .. غيييير مره يا وصايف .. مره غير ..
رفعت راسها وطالعت في الاكل .. نفسيتها تدهورت بشكل كبير ..
اكل ما تاكل .. نوم ما تنام .. ضحك ما تضحك ..
ابتسمت بإستهزاء .. من يوم ما ماتت امها وهي ما تضحك ..
سميه قتلت كل شي بحياتها ..
قتلت الضحك ..
الفرح ..
الاحساس ..
الصداقه ..
المشاعر ..
الحب ..
الابتسامه ..
الاحلام ..
وولدت الكره ..
الحقد ..
القهر ..
الكئآبه ..
الانطوائيه ..
البرود ..
العدوانيه ..
اللا مبالاه ..
الانتقام ..
كل شي حلو قتلته وحولته لشيء قاتل ..
بكت .. ايه بكت .. لو امها عايشه وش بيكون حالها ..
بيكون لها اخوان يلعبوا معاها ويستهبلوا معاها ..
بيكون لها اصدقاء وجوالها ما راح يوقف اتصالات منهم ..
بيكون بحياتها واحد تحبه ويحبها وبينهم مواقف حلوه ..
بيكون لها احلام وامنيات واهداف تسعى لها بحياتها ..
بيكون لها ذكريات حلوه ومبكيه ومواقف كثيره ما تنساها ..
بيكون لها معنــــــــــــــــــــــى بهذه الحياة ..
سميه قلبتها .. قلبت حياتها .. قلبت حياتها من طفولتها وحولته لأنتقام ..
بكت وبكت وتشهق وهي تبكي ..
تبغى امها .. تبغى دنيتها .. تبغى حياتها .. تبغى روحها ومحتاجتلها ..
مسحت دموعها وهي تشهق وتطالع في الطاوله ..
فــــــــــــــآآرغه ..
لو عندها اخوان وعائله كان بتكون هالطاوله مليانه .. تاكل معاهم وتضحك معاهم ..
تتهاوش معاهم عالتلفزيون ..
تستهبل معاهم في السياره ..
تبكي معاهم اذا احد صار له شي ..
تضحك معاهم اذا واحد منهم طاح ..
بس ما في اهل ولا عائله ..
بتاكل لوحدها ..
بتطالع في التلفزيون لوحدها ..
بتركب السياره وحدها ..
بتبكي لوحدها وكل شي بتسويه لوحدها ..
رجعت دموعها تنزل ورجعت تبكي ..
وحيــــــــــــــــــــــــــــده والسبب هو سميــــــــــــــه ..
دق جوالها في هاللحظه .. طالعت في الجوال وكان رقم غريب ..
ماقدرت تعرف ايش هالرقم بسبب الدموع اللي في عيونها ..
حاولت تعدل صوتها بعدين ردت وقعدت ساكته ..
..........: الو .. وصايف ..؟!
دخل هذا الصوت كالصاعقه في اذنها ..
كل شي داخلها انقلب .. صدرها صار نار من الكره والحقد ..
هذا هو السبب الثاني .. هذا الشيطان الثاني ..
..........: وصايف انتي معاي ..؟!
وصايف بصراخ مع بكى: شتبــــــــــــــي ..؟! شتبــــــــــــــي انت بعد ..؟! ابعد عني واتركني .. انت تخليت عني وانا طفله .. شتبــــــــــــــي مني اللحين ..؟! خلااااااص انساني يا حمــــــــــــــار انساني .. انا اكرهك واكرهك واكرهك كمان .. اكرهــــــــــــــك ..
..........: وصايف حبيبتي ما اتحمل اسمع صوتج جذي والله ما اتحمل .. حبيبتي انا نادم ع اللـ......
وصايف بصراخ: بــــــــــــــس كافــــــــــــــي كافــــــــــــــي مابي اسمع شي مابــــــــــــــي ..
قفلت الجوال في وجهه وانهارت تبكي .. حياتها دمــــــــــــــآاااار وما تقدر تتحمل اكثر ..
طالعت في الورقه .. خلاص راح تتصل بفارس بس مو اللحين ..
حالتها سيئه و ما تقدر ..
قامت وطلعت غرفتها ..
وكالعاده فطورها زي ما هو وما اكلت شي منه ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

10 - 3 - 2014, 01:36 AM

في الظهر .. كانوا يتغدون ..
سهام بحزن: من جد يا طارق بتسافر اليوم ..؟!
طارق: ايوه ..
الام: الله يحفظك يا رب ..
سهام بترجي: واللي يخليك يا طارق اترك دراستك هناك وتعال كمل عندنا ..
طارق بإبتسامه: باجي سنه ونص .. اخلصها وايي ..
سهام: طارق بلييز كمل هنا ..
الام: سهاموه سكتي خلاص .. هذا مستقبل اخوج ..
سهام: والمستقبل هذا ما يصير يكون هنا ..؟!
الام: لا ما يصير .. كلي وانتي ساكته ..
طالعت سهام في امها بعدين طالعت في طارق فتره .. بعدين نزلت راسها لصحنها وتكتم العبره اللي جتها ..
طالع طارق فيها بحزن بعدين ابتسم وقال: سهومه حياتي شفيج ..؟! ياللا انبسطي دلعتج ..
رفعت راسها وقال بسرعه: خلااص عادي انا مستعده اسمع سهاموه كل يوم بس اقعد عندنا .. اوكي لا تدلعني واقعد سبني وخاصمني بس المهم اقعد .. موافق ..؟!
كسرت خاطره بقوه وقال: سهام حياتي والله ما اقدر .. الجامعات هنا مليانه وكمان سيئه .. صعب اترك جامعتي بعد ما تعودت عليها وعلى كل شي فيها ..
قامت وقالت بعصبيه مع بكى: خلاص رووووح لجامعتك اللي هي اهم منا .. روووح ما ابيك ..
وطلعت جري لغرفتها .. حزن طارق .. هو كمان ما يبي يتركهم بس غصب عنه ..
الام: يا ربي من ذي البنت .. لازم تصلح هذا الفلم مرتين كل سنه ..
طارق: شبعت ..
الام: مسرع شبعت ..
طارق: خلاص امي شبعت ..
الام: طيب متى موعد طيارتك ..؟!
طارق: الساعه ثلاث ..
الام: يعني بعد ساعه وربع ..
قام وقال: بنزل جنطتي ..
وطلع فوق نزل شنطته وركبها في سيارة امه لأن سيارته في الدوحه وسيارته اللي كانت هنا صارت لسهام ..
طالع بساعته وشاف انه بقي ساعه على موعد الطياره ..
طلع فوق ودق الباب على سهام .. مسحت سهام دموعها وجلست على مكتبها ومسكت قلم ودفتر ..
سهام: ادخل ..
دخل طارق واستغرب .. توقعها تبكي ..
طارق: هااااي سهومتي كيفج ..؟!
سهام بلا مبالاه: تمام ..
طارق: شقاعده تسوين ..؟!
سهام: حسيت انه ناقصني اشياء ما اشتريتها فقعدت اكتبها ..
طارق: اها .. طيب انا بسافر ..
سهام: اوكي سافر محد ماسكك ..
طارق: ما راح تودعيني ..؟!
سهام ببرود: ماكو فرق .. بترجع بعد جم شهر ..
طارق: وافرضي اني ما رجعت ..؟!
ارتجفت ايدها وشهقت وقامت بسرعه لحضن طارق وبكت ..
سهام وهي تبكي: لا تقول هذا الحجي يا طارق لا تقوله ..
حضنها طارق وحط راسه على راسها وهو يقول بهدوء: لا تبجين يا سهام انتي كبيره .. انا حأرجع ان شالله .. واذا ما رجعت فسامحيني وحلليني على اي شي سويته لج ..
ارتجف صوتها وهي تقول: وربي كنت حاسه .. كنت حاسه ان وراك شي .. طارق لا تخوفني وقولي شاللي يصير معاك ..؟! واللي يسلمك ..
ابتسم بهدوء وقال: والله ما صار معاي شي .. لا تكونين شكاكه يا سهام ..
سهام: اذا ما صار معاك شي فهذا يعني انه بيصير شي صح ..؟! ياوبني يا طارق ..
طارق: ............................
شدها لحضنه اكثر وهو ساكت وفي باله شكل يحاول ينساه بس ما يقدر ..
قاتل .. ايه قاتل ..
بكت سهام اكثر لمن ما سمعت رده وهي تقول: طارق لا تسافر واللي يسلمك لا تسافر .. احبك وما ابي افقدك فلا تسافر .. احـــ ـــ ـبـــ ـ ـــك ..
طارق بهمس: وانا كمان .. بس لازم اسافر لدراستي ..
فبكت وما قالت شي .. عارفه ان طارق لو قرر شي محد يقدر يغيره ..
بعد حول عشر دقايق بعدها طارق عنه ومسح دموعها وهو يقول بإبتسامه: ياللا مابي اروح وانتي مكشره .. ابتسمي يا احلى سوسو ..
ابتسمت ابتسامه باهته وهي تقول برجفه: ابـ ـتـ ــ ــسـ ــمـت ..
هز راسه بلا وهو يقول: مو هذه الابتسامه اللي ابغاها .. ياللا ابتسمي قبل لا اعصب واقول سهاموه ..
بكت اكثر .. بتفتقده وتفتقد مزحه وكلامه ..
طارق: لا لا .. انا ما ابيج تبجين .. والله ترى بروح وانا زعلان .. يرضيج هذا ..
هزت راسها بلا وابتسمت وهي تقول: ما يرضيني وكاني ابتسمت ..
طارق بإبتسامه: شطوره .. ياللا بااي ..
سهام: بتروح ..؟!
طارق: ايه .. باجي ٣٥ دقيقه على موعد الطياره ..
سهام: بدري ..
طارق: لا مو بدري .. باجي مسافة الطريج والاجراءات واشياء ثانيه ..
سهام بهمس: مع السلامه ..
طارق: مع السلامه ..
طلع من عندها ونزل عند امه وودعها بس هي اصرت انها توصله للمطار ..
وصلته وبعدين ودعها عند المطار وركب الطياره وسافر ..
طول وقته في الطياره وهو يفكر في اهله ..
ما طول في التفكير لأنه تذكر اولاد عمه عمر وطلع الاوراق يطالع فيها ..
بعد فتره طويله هبطت الطياره على مطار الدوحه ..
ركب سيارته وراح لشقتهم .. وقف السياره وراح للاستقبال عشان ياخذ مفتاح الشقه لأن الشقه بأسمه وعشان كذا جاء بدري قبل انس ..
الاستقبال: تفضل السويت ..
طارق: مشكور ..
الاستقبال: لو سمحت ..
طارق: نعم ..
الاستقبال: حبيت اقولك شي ..
طارق: ايش ..؟!
الاستقبال: لازم تدفع ايجار الايام اللي تركت الشقه فيها ..
طارق بإستغراب: من متى لازم ندفع ..؟! اتوقع ان هنا في نظام توقيف .. يعني اذا طلعت من الشقه اقدم طلب عدم دفع الايجار للايام اللي طلعتها .. انا قدمت الطلب فممكن اعرف ليش ادفع ..؟!
الاستقبال: تغير النظام ولازم تدفع .. السيد سالم مالك العماره غير النظام ..
طارق بعصبيه: وليه يغير من راسه ..؟! المفروض يقول من اول مو اللحين .. لمن قدمت الطلب انتم وافقتم يعني انا مالي خص ..
الاستقبال: آسف .. بس النظام اليديد ياء وانت مسافر وقال السيد سالم ان النظام ينطبق على المسافرين كمان ..
طارق بصراخ: هـــــذا اسمه ظلــــــــــــــم واستبــــــــــــــداد .. المفروض اللي تم الموافقه على طلبهم ما ينفرض عليهم إلا اذا قدموا طلب مره ثانيه ..
الاستقبال: انا مالي شغل .. السيد سالم امر هذا ..
طارق: وينه سالم هذا عشان اتفاهم معاه ..؟! وين يسكن ..؟!
الاستقبال: مو مويود هذه الايام لأنه سافر لأوروبا ..
طارق بقهر: الملعون ..
اخذ شنطته وطلع لشقته .. دخل وصقع الباب بقوه ..
رمى شنطته عالطاوله ورمى نفسه عالكنبه ..
طارق: خلوه يرجع وانا اتفاهم معاه .. صاير سليط بتصرفاته هذا الشهر ..
قام ودخل غرفته ..
اخذ له دش وبعدين اخذ له نومه يريح نفسه من السفر ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

واقف يطالع في غرفته ويتأكد اذا كان نسي شي ..
فتح باب الغرفه وخرج من الجناح ووقف اعلى الدرج وقال بصراخ: رااامــــــــــــــــــــــــــــا ..
جت الشغاله وقالت: نأم بسام ..
بسام: جهزتي نفسج ..؟!
راما: يس ..
بسام: طيب نادي احد يي يشيل جنطي ..
راما: حادر ..
رجع بسام لغرفته فشاف جواله يدق ..
ابتسم ورد: هلا وليد ..
وليد: اهليين .. لا لا نفسيتك اليوم تمام مو زي الايام اللي راحت ..
بسام: ههههههه سوري بس انت كنت تدق في وقت غلط ..
وليد: ما علينا المهم كيفك اليوم ..؟!
بسام: الحمد لله ..
وليد: طيب امس ..؟!
بسام: وليد عن الاستهبال ..
وليد: هههههههه سوري سوري ..
بسام: طيب انت كيفك وكيف بريطانيا معاك ..؟!
وليد: عـــــــــــآااديه وممله تقريبا ..
بسام: ياللا باجي سنه ونص وتفتك ..
وليد: متى تمر بسرعه ..
بسام: شرايك اديك ساعة الزمن عشان تمر الايام بسرعه ..؟!
وليد: يا لييييت ..
بسام: ههههههههههههههه ..
وليد: كل ما شفت افلام الخيال العلمي احس بقهر .. ودي اعيش معهم ويكون عندي هالاشياء الخارقه ..
بسام: ههههههههه الله يقطع شرك ياخي ..
وليد: زي فلم شفته عن واحد معاه جهاز العوده الى الماضي في الوقت اللي يبغاه .. لو كان عندي تعرف ارجع لمتى ..؟!
بسام: ههههههه متى ..؟!
وليد: قبل لا اولد .. واخلي عند امي مشكله ما تقدر تييب عيال .. يتعذبون سنين وهم يدورون من طبيب لطبيب وبعد خمس سنوات ايي انا ..
بسام: طيب وش الفايده ..؟!
وليد: لا يا غبي .. بذي الطريجه يخافون علي ويدلعوني عشان ما يفقدوني وبجذي ابوي ما يلزم اني ادرس برى .. فهمت ..؟!
انفجر بسام ضحك عليه وعلى تفكيره ..
وليد: شفيك تضحك ..؟!
دق باب الغرفه .. فتحه بسام ودخل واحد من الخدم ..
بسام: ههههه اسمع هذه الجنط حطها في سيارتي الخضرا اوكي ..؟!
الخادم: حادر ..
وليد: بسام .. عن اي جنط تتكلم ..؟! آها هذه لسفرتك للدوحه ..
بسام: ايوه ..
وليد: اللحين يينا للسبب اللي خلاني اتصل عليك .. قبل جم يوم قلت بتسافر للدوحه عشان تدور بنت مدري دار ايتام .. المهم ابي افهم شسالفه ..
سكت بسام فتره بعدين قال: لا عشان اختي طلع عندها بنت وما ندري عنها .. لمن ماتت اختي ضاعت بنت اختي وتونا عرفنا عنها فبروح ادور عنها ..
وليد: آها .. طيب مو ابوها حي .. يمكن عايشه عنده ..
بسام بقهر" بلاك ما تدري ان ابوها هو السبب الرئيسي في ضياعها": ابوها يحسبها ماتت مع زوجته في الحادث ..
وليد: طيب انتم شدراكم انها حيه .. يمكن ماتت في الحادث ..؟! اقول بسام حبيبي شكيتك .. قول الحقيقه ..
بسام بدهشه: شنو ..؟!
وليد: ما تعرف تجذب علي انا ..
بسام: لا بجد بدور على بنت اختي ..
وليد: اعرف هذه صدقتك فيها .. بس حكاية ابوها والحادث ما دخلت مخي ..
بسام: قصه طويله بعدين احكيك عنها ..
وليد: اوكي براحتك .. طيب بنت اختك جم عمرها ..؟!
بسام: ١٩ سنه ..
وليد: اها .. اوكي بااي عندي اتصال ثاني ..
بسام: باي ..
قفل بسام جواله وخرج من غرفته ونزل تحت ..
راما: بسام .. كلو جاهز ..
بسام: حلو .. ترى بعد شوي بنروح .. جهزي نفسك ..
راما: انا جاهز .. بس بابا بسام ..
بسام: جم مره اقولك مابي اسمع بابا .. قولي بسام بس ..
راما: يوووه نسيت .. طيب بسام ..
بسام: نعم ..
راما: مافي انت يودع ماما ..؟!
طالع بسام فيها بعدين طالع لناحية جناح امه ..
لف وجهه بضيق وقال: لا ..
راما: بس هي ما يدري انو انتا يسافر ..
بسام: راما روحي شيكي عالسياره .. اذا في شي ناقص قوليلي ..
راما بتنهيده: حادر .. بس انتا مرره عنيد .. هدا ماما مو نفر تاني ..
مشي بسام وطلع للحوش وهو يقول: انا بشيك عالسياره ..
حط ايده في جيبه وراح للسياره ووقف عندها يطالع في الخادم وهو يرتب الشنط ..
طالع فيه بعدين لف ناحية القصر ورفع راسه يطالع في شباك غرفة امه ..
شافها تطالع فيه .. فلف وجهه للناحية الثانيه بضيق ..
بكت امه وهي تشوفه كذا ..
طيب هي ندمت فليش يعاملها كذا ..
كل العالم يزعلون عليها عادي بس بسام لا .. ما تقدر تتحمل تشوفه زعلان منها ..
هذا ولدها الوحيد .. هذا بسام مو اي واحد ..
رجعت جلست عالسرير وهي تبكي ..
خايفه .. خايفه يروح و ماعاد تشوفه ..
تبغى تودعه عالاقل .. تبغى تفهمه .. ما تبغاه يسافر وهو زعلان ..
هي امه .. هي امه ما يصير يقسو عليها قد كذا .. ما يدري انه كذا قاعد يطعنها ويقتلها ..
عندها الضغط .. عندها السكر .. عندها امراض كثيره ويمكن تموت في اي لحضه ..

اما هو فكان يراقب الخادم لين خلص ..
خادم: كلاص بابا ..
بسام: بسام ..
خادم: بسام .. آسف مافي يقصد يقول بابا ..
بسام: خلاص مافي مشكله .. روح ناد راما ..
خادم: حادر ..
استند بسام عالسياره ينتظر راما تجي .. بيسافر للدوحه وبياخذ هذه الشغاله معاه ..
نظر نظره اخيره جهة غرفة امه بحزن ..
ما يحبها .. هو يمووووووت فيها وهي اهم شخص بحياته ..
وده يطلع لها ويعتذر عن تصرفه بس اللي سوته مع بنت اخته يمنعه ..
جت راما وقالت: ياللا نمشي ..
بسام: طيب ياللا ..
راما بتردد: بـ بسام ..
بسام: نعم ..
راما: ما بتودع ماما ..؟! حرام ماما مرا زعلان واجد .. ماما يبكي عشان انتا تروح ويتركها .. روح قولها بااي ..
طالع بسام فيها بعدين قال: لا تتدخلين فاهمه ..؟!
راما: بس ماما يمكن يموت من الزعل ..
بسام: انتي ما تفهمين ..؟! اركبي وما ابي اسمع كلمه زياده ..
راما: حادر ..
ركبت ورى وهو ركب وحرك السياره وخرج من القصر ..
راح للدوحه بالسياره .. اقرب حجز في الطياره يوم الثلاثاء وعشان كذا راح بالسياره ..
طبعا زحمه لأن اكثر العائلات اللحين بيرجعون من اجازاتهم ..
راح للدوحه وهو مو داري كيف يدور عنها ..
هل يدور لها في دار الايتام ..؟!
او انه يبحث عنها عند ابوها ..؟!
او يلف الجامعات يسأل عنها ..؟!
اويلف البيوت ويسأل الناس ..؟!
او المستشفيات او الشرطه ..؟!
مرره مو عارف شيسوي .. جدا صعب ..
طنش التفكير وقال: اللي كاتبه الله بيصير وان شالله القاها ..
طالع في الطريق وهو حالف انه ما يرجع إلا وهي معاه ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في العصر وفي مزرعة ابو وائل ..
امس الليل جابوا دكتور لأسيل .. كل شي صار تمام بس حط مرهم على ايدها ولفه بشاش عشان الآثار تخف وتروح ..
واللحين توها صحيت من النوم .. صلت الصلوات اللي فاتتها وبعدها طلعت للصاله وشافت غاده ولارا يلعبون وريما قدام التلفزيون تتطالع بفلم معاد ..
طالعت فيها فتره .. اختها متغيره وتغيرها واضح للكل ..
جلست عندها وقال: صباح الخير ..
ريما ببرود: هلا ..
اسيل: هذا الفلم يتكلم عن ايش ..؟!
طالعت ريما في الفلم فتره بعدين قالت: هذه وحده من افلام توم كروز ..
اسيل: واااااااو اموت في ذا الممثل ..
ريما: انا اكرهه ..
اسيل: حرام عليج والله يهببببل ..
ريما: ...............................
طالعت اسيل فيها بعدين ابتسمت وقالت: الحلو في ايش سرحان ..؟!
ريما: مالج شغل ..
اسيل: بس باين انج متضايقه ..؟!
ريما بصراخ: وانتي شكو .. بعدي عني ..
انفجعوا لارا وغاده بصراخها .. قامت اسيل وطلعت برى .. اختها واضح انها متضايقه وما راح تزيد عليها ..
اخذت نفس قوي من الهوا البارد وقالت: الجو روعه ..
لفت تطالع حواليها فشافت وائل وابو رولا وفيصل عند البحر يصطادون سمك ..
بغت تروح لهم بس بطلت لأن فيصل معاهم واكيد بيحرجها ..
فلفت يمين وشافت رولا ولمار .. تذكرت كلامهم امس في اليخت اللي ما كملوه .. راحت عندهم عشان تعرف شاللي كانوا بيقولونه ..
اسيل: هااااي يا احلى بقر في ذي المزرعه ..
تنرفزوا وقالت لمار بعصبيه: بقر في عينج يا بقره ..
اسيل بإستهتار: اقول لا يكثر .. المهم ابي اعرف شاللي كنتوا بتقولونه امس ..
طالعوا فيها فتره وبعدها انفجروا يضحكون ..
اكبر علامة استفهام كانت على راسها ..
اسيل: سلامات .. ليه الضحك ..؟!
رولا: ههههههههههههه ما اقدر بطني هههههههههه خبله والله خبله هههههههههه ..
لمار: هههههههههههه مستعيله هههههههههههههههه ..
اسيل: اذا خلصتوا من الضحك نادوني ..
لمار: هههههه وقفي وقفي خلصنا ..
طالعت اسيل فيها تنتظرها تتكلم ..
لمار: تبين تعرفين ايش بغيت اقولج امس ..؟!
اسيل: ايه ..
لمار: بس بشرط ..
اسيل بتأفف: اشرطي وخلصيني ..
لمار: اوكي .. الشرط هو انج ما تنفعلين وتكوني هاااديه وراااايقه ..
اسيل: طيب ..
لمار: طيب مستعده للقنبله اللي بقولها اللحين ..؟!
اسيل بنفاذ صبر: قولي وخلصيني ..
رولا: اهدأي اهدأي ما يصير تنفعلي قبل لا تسمعي ..
ضغطت اسيل على نفسها وسكتت .. هي بنفسها ما كانت تدري وش اللي مخلي اعصابها نار ..
لمار: امممم كيف ابدأ ..؟!
رولا: ابدأي من الصفر ههههههه ..
لمار: هههههههههه حلوه ..
اسيل: ها ها ها سامجيييين ..
لمار: اوكي اسوله حياتي .. الشي هذا راح يقلب كيانج وموازينج وحياتج كلها .. مستعده تسمعينه ..؟!
عصبت اسيل وقالت: تكلمي واخلصي ..
طالعوا فيها ببرود وهي تحس دمها فاير وخايفه .. احساس غريب ما قدرت تفهمه .. حاسه نفسها بتبكي وبس ..
لمار: امممم هذا الشي حصل من زمان ..
رولا: من قديم الزمان ..
لمار: يمكن قبل ١٧ سنه ..
رولا: او ١٨ سنه ..
لمار: يعني حصل وانتي طفله ..
رولا: يعني عمرج كان سنه ..
لمار: او سنتين ..
رولا: كنتي ذاك الوقت تبجين ..
لمار: تبجين وبقوه ..
رولا: تعرفين ليش ..؟!
لمار: لأن اهلج كانوا قاسين ..
رولا: قاسين جدا ..
لمار: ببساطه هذا يعني انج ....
رولا: وحده .....
لمار: ما تسوي شي لأنج .....
اسيل بصراخ: كافــــــــــــــــــــــــــــي .. كافــــــــــــــي ..
طالعوا فيها فقالت بعصبيه وضيق: بنات تافهات .. كنت حاسه ان مافي شي غير تفاهات مثلكم .. غبيات ..
راحت وتركتهم .. حاسه بضيقه مو طبيعيه .. ما تدري ليه وقفتهم بس حست انهم .......... ما تدري وش حست بس المهم وقفتهم وبس ..
خرجت من المزرعه كلها .. متضااااايقه وتبي تشم هوا ..
مشيت على شاطئ البحر وتحس ان دموعها على وشك انها تنزل ..

في صباح الفجر .. أستيقضت جروح الأزمنه ..

لتبعث فيني أحزاني .. لأقف حائره مابين الدموع و الآآه ..

لا اعلم مكنون هذي الاحزان .. ولكن أعترف بأني ضعيفه امامها ..

أنا أؤمن بأن القدر يخفي الكثير من المواجع ولكن لا يعني انه لا يخفي الفرح أيضاً ..

ولكن تراودني أيام اريد البحث عن نفسي .. لأجدها ..

لأعلم لما اعانق اليأس ..؟ لما لا اجد للفرح شي من ذاتي ..؟

لما كل هذا ؟ .. أسأله لا اجدها ألا اذا وجدت نفسي ..

وأن لم اجدها فمن أكون ..؟

ومن أنا ؟

وقفت من المشي واخذت لها نفس عميق وطالعت في البحر فتره حول عشر دقايق وهي سرحانه في عالم افكارها ..
شوي لفت ورى فشافت نفسها بعدت كثير عن المزرعه ..
لفت ومشيت ترجع للمزرعه ..
شوي حست بأحد يحط ايده على كتفها ..
ما امداها تستوعب إلا وذاك الشخص لفها بقوه وصقع ظهرها بجدار احدى المباني اللي قدام البحر ..
اسيل: آآآآه ..
حست بألم وفتحت عيونها وانصدمت وهي تشوف قدامها ثلاث اولاد حاصرينها عالجدار ..
الاول: واخيرا لقينا وحده من طرفه ..
الثاني: شفت يا جراح .. انا قلت لك بس انت ما صدقت ..
الثالث بعصبيه: هييييه انتي ..
انفجعت اسيل وقالت: ها ..
جراح: فجعتها يا ضاري ..
الثاني: فعلا .. وكمان احنا مو متأكدين ان كانت تقرب له ولا لا ..
ضاري: رجاءا يا جراح ويزن ما ابي احد يتدخل .. وكمان انا متأكد .. ما تشوف ان عيونها مثل عيونه ..
يزن: فعلا .. اوكي اسألها ..
واسيل كانت تطالع فيهم ومو فاهمه شي ابدا .. ودها تتكلم بس اشكالهم مرعبه وتخوف ..
ضاري بحده: اسمعي ..
اسيل بخوف: ها ..
ضاري بتهديد: قوليله يبطل حركات بزران ويي عندنا .. الهروب ما راح ينفعه ..
جراح: مو عشان لقبه الراهي يشوف نفسه ويضن ان محد يوقفه ..
يزن: هو عقد معانا اتفاق والمفروض ما يخلفه ..
ضاري بعصبيه: له اربع ايام .. ان ما ياء فأنا راح اندمه واخليه يشهق بأسمي ويطلب رضاي ..
دق اصبعه براسها وقال: حطي ذا الحجي براسج ووصليه له فاهمه ..؟!
جراح: احنا حذرناه اكثر من مره بس يطنش ..
يزن: قوليله هذا هو التحذير الاخير وبعدها بيكون حكم على نفسه ..
ضاري: لا تنسي .. بعد اربع ايام .. يعني يوم الاثنين حتكون نهايته ان ما ياء ..
لفوا واختفوا فجأه زي ما ظهروا فجأه ..
واسيل ما تزال مصدومه ومتلعثمه ومو فاهمه شي ..
ابدا مو فاهمه شي ..
قعدت فتره طويله وهي متجمده مكانها تستوعب ..
مين ذولا ..؟!
وعن مين يتكلمون ..؟!
وليش يهددون ..؟!
وشمعنى يقولولها هي ..؟؟؟!!
معقوله غلطانين ..؟؟!!!
مشيت وهي تقول: ايه غلطانين ..
دخلت فكرت الغلط براسها بس قلبها يقول غير كذا ..

اما غيدا فكانت توها خلصت مكالمتها مع خويتها بشرى ..
كانت جالسه على كرسي جنب البحر .. قامت ومشيت شوي ..
غيدا: واخيرا .. باجر الصبح بنرجع لبيتنا .. الله يقطعني ويقطع الساعه اللي قلت فيها ابي اتمشى .. اففف ..
لفت حواليها وقالت: معقوله الدب القطبي اسيل ما زالت نايمه ..؟!
دخلت البيت وفتحت غرفة اسيل فقالت: قامت ..
لفت حواليها .. استغربت انو مالها اثر ..
طنشت الامر .. هذا اللي كان ناقص انها تهتم فيها ..
وهي خارجه من باب البيت صكت بفيصل صكه قويه ..
فيصل بعصبيه: عميا انتي ما تشوفي ..
غيدا بعصبيه: انت الاعمى مو انا ..
فيصل: افف ترى مانيب فاضي لبزران .. بعدي خليني ادخل ..
غيدا: اضن انه انت ساد الباب بجسمك وانت المفروض تبعد ..
تأفف ودفها بقوه ودخل ..
وقفت فتره مكانها تستوعب وقالت: مو كأنه دفني ..؟!
لفت بعصبيه جهت فيصل وقالت: هيه انت .. انت تدري انه محد بعمره قد دفني ..؟! اقسم بالله اني ما راح اعديها لك .. اول مره نفخت الدخان بويهي وثاني مره صفقتني وهذه المره دفيتني .. عبالك اني بسكت لك .. لا يا حبيبي تكون غلطان ..
عصب فيصل ولف عليها وقال بعصبيه: كلي تبن ..
غيدا: بفمك اللي كأنه فم بطه ..
فيصل بعصبيه: احترمي الفاضج ولا تحديني امد ايدي عليج ..
غيدا بعصبيه: انا محترمه نفسي من قبل لا اشوفك .. واذا على مدت الايد فأنا اللي بمد ايدي مو انت .. ما عاش من يهين بنت منصور ..
فيصل بصراخ: غيــــــــــــــدا بــــــــــــــس سكتــــــــــــــي ..
غيدا بعصبيه وصراخ: هيــــــــــــــه مو انت اللي تسكتني يا ويه العنز .. اسكت في الوقت اللي ابيه وعلى مززززاجي .. فاهــــــــــــــم ..؟!
قدم عندها ومسك فك فمها بقوه وقال بضبط اعصاب: بتنطمين ولا اكسر فك اسنانج ..؟!
آلمتها المسكه وحاولت تفك ايده بس كانت ايده اقوى منها ..
تنرفزت من حركته وخمشت وجهه باظافرها بأقوى ما عندها عشان تطلع كل حرتها ..
فيصل: آآه يالجلبه ..
مسك ايدها بإيده الثانيه وقال بعصبيه: لا توقفي بويهي يا غيدا عشان لا تندمي ..
بالصعوبه تكلمت غيدا وقالت: انت اللي لا توقف بويهي ..
ضغط على فكها اقوى وقال بإشمئزاز: بس سكتي .. اتقرف لمن اسمع صوتج .. اصلا شكلج كله على بعضه يقرف .. الله يقرفج انتي وستايلج ذا ..
قرب من وجهها وقال: كلام يوصلج ويتعداج .. اقسم بالله لو وقفتي جدامي مره ثانيه يا ويلج .. حتندمي كثير يا "وبإستهزاء" يا بنت منصور .. فاهمه ..؟!
دفها بقوه ودخل داخل ..
صقعت بالجدار بقوه .. مسكت فكها اللي كان يآلمها بشكل مو طبيعي ..
غيدا بين اسنانها: الجلب والحقييير ..
وقف فيصل قدام مراية الحمام يطالع في وجهه .. عصب لمن شاف آثار خمشاتها وبعض الدم ..
فيصل بقهر: هذه مخالب مو اظافر ..
غسل وجهه بالمويه وبعدين مسحهها بالمناديل وبقي شوية آثار ..
بجد بجد عصب وانقهر منها .. عملت له خريطه بوجهه ..

.................................................. ......

عند لمار ورولا ..
رولا: اهي رجعت ..
لفت لمار وشافت اسيل داخله فقالت: وين كانت ..؟!
رولا: الله اعلم ..
لمار: مو كأن فيسها مقلوب ..؟!
رولا: اصلا هو مقلوب من قبل لا تطلع ..
لمار: بروح لفارس ..
رولا: اللحين ..؟!
لمار: ايوه .. ابي اعرف مين تكون لبنى هذه وابي اتأكد من حجي اسيل ان كان صح او خطأ ..
رولا: اوكي روحي وانا بنتظرج ..
قامت لمار وراحت لفارس اللي كان جالس يسولف مع محسن والاباء جنبهم ..
لمار: هااااي ..
طالع محسن فيها وقال: اهلين لمار ..
فارس: اهلين ..
لمار: فارس ابغاك شوي ..
محسن: ليش فارس .. ما يصير اكون انا ..؟!
لمار: لا ما يصير ..
محسن بخيبة امل: خساره ..
قام فارس وراح وهي لحقته .. جلس على وحده من الكراسي وطالع فيها ..
فارس: نعم يا لمار شبغيتي ..؟!
لمار: كيفك يا فارس ..؟!
فارس: الحمد لله تمام ..
لمار: بدون مقدمات .. مين لبنى ..؟!
طالع فيها فتره وقال: كنت متوقع انج تسألين ..
تنهد وسكت فتره بعدين قال: لمار ..
لمار: نعم ..
فارس: انتي بنت حلوه وغنيه والف من يتمناك .. لمار انا ما انفع لج .. انا مستوى عائلتي مو مثل مستوى عائلتج ..
لمار بسرعه: عادي مافي مشكله يا فارس ..
هز راسه بلا وقال: انتي تعودتي عالدلع والسفرات لاماكن بعيده وغاليه .. اهلج يلبون كل رغباتج وحتى ان كانت مستحيله .. انا ما عندي فلوس مثل اللي عند ابوج .. والله راح تتعبي وتندمي .. مستحيل انج تتقبلين حياة بسيطه مثل حياتي .. صدقيني ما قلت جذي إلا لأني احبج .. عارف نفسي وعارفج .. مرره ما نصلح لبعض .. لمار ارجوج ما تفهمي كلامي بطريجه ثانيه .. انا ابي مصلحتج ..
نزلت دموع لمار وقالت: وش العيب اللي فيني ها ..؟!
فارس: انا وش قلت .. قلت لا تفهمي كلامي بطريجه ثانيه .. انتي ما فيج اي عيب ..
لمار: طيب مين لبنى هذه ..؟!
فارس بتنهيده: هذه وحده عرفتها .. بس يمكن ما اكون انفع لها وابعد عنها ..
مسحت دموعها وهي ساكته ..
قام ووقف قدامها وابتسم وهو يقول: لمار لا يكون زعلانه مني ..؟!
لمار: .............................. ..
ابتسم وقال: مو حلو شكلج وانتي مكشره .. ابتسمي ..
لمار: كيف ابتسم وانت تقول ما احبج ..؟!
فارس بإبتسامه: مين قال ..؟! انا احبج وخاصتا لمن تعصبي ..
فابتسمت لمار ..
فارس: بس ترى ما ننفع لبعض زي ما قلت .. دوري حوالينج .. اكيد بتلقين واحد يحبج .. اذا كان ينفع لج فحبيه .. واذا حسيتي انه راح يقصر معاج فأنسيه .. اوكي لموره ..؟!
لمار بهدوء: اوكي ..
فارس: بس هذا ما يعني انج تنسينا وما تزورينا اوكي ..؟!
ابتسمت وقالت: اوكي ..
فارس: ايوه هذه هي الابتسامه اللي كنت ابي اشوفها .. واللحين انا ابستأذن .. محسن شكله طق من الطفش وهو بين الكبار ..
لمار: اوكي باي ..
لف فارس وراح .. طالعت لمار فيه لين جلس مع محسن ..
لمار: عنده اسلوب روعه ..
جلست عالكرسي وقالت: خلاص يا لمار هو ما يبيج .. مو حلوه بحقج انج تتلزقي فيه .. اكيد بيقول عنج حقيره .. خلاص الوضع جذا تمام .. والله يوفقه .. بس مع لبنى لا .. مدري ليش كرهت هذه البنت ..

.................................................. ......

عند اسيل .. دخلت البيت وهي لا تزال تفكر باللي صار لها مع الاولاد الثلاثه ..
حاولت تنسى بس القلق مسيطر على قلبها ..
راحت للمطبخ تشرب لها شي لأن ريقها ناشف ..
دخلت وشافت وائل يحط سله فيها سمك توهم اصطادوه ..
انتبه لها وهي داخله فقال: اهلين اسيل .. صح النوم .. ان شالله تمام اليوم ..؟!
اسيل بهدوء: تمام ..
وطالعت في السله .. حس وائل انه في شي مضايقها ..
اسيل: وائل ..
وائل: هلا ..
اسيل: وش بينك وبين آرثر ..؟!
تفاجأ وائل من سؤالها المفاجئ ..
اسيل: لا تنكر يا وائل .. تصرفاتك تبين انك تعرفه وبينكم شي .. ياوب بصراحه ..
سكت فتره طويله بعدين قال: لمن كنتي تعبانه ذكرتي اسم آرثر وعشان جذي رحت انا وفارس له .. قلنا يمكن يكون له يد في سحرج .. وعشان جذي انا اعرفه .. اسألي فارس اذا كنتي مب مصدقتني ..
سكتت اسيل فتره تطالع فيه بعدين قالت: وائل مين سحرني ..؟!
وائل: والله ما اعرف .. اسألي آرثر لأنه هو اللي فج السحر ..
طالعت في الارض تفكر بعدين قالت: طيب ليه تكره آرثر ..؟!
وائل: كنت اكرهه لأني توقعت انه يكون هو اللي سحرج .. بس بعدين صار عادي عندي ..
اسيل: طيب ليه لمن امس قلت لك احب آرثر تضايقت ..؟!
سكت وائل يدورله كذبه ثالثه بعدين قال: مدري .. بس خفت عليج منه .. يعني واحد ما نعرفه واخاف يكون سيء .. بس بعدين لمن حلفتي لي انه طيب فكرت في الامر وقلت يمكن يكون طيب فعلا ..
اسيل: طيب ليه امس الليل كنت متضايق ..؟!
وائل: واحد من ربعي اخوه مات ..
اسيل بحزن: الله يرحمه ..
وائل: ها خلصت اسألتج ..؟! حسيت نفسي بتحقيق ..
اسيل بإحراج: سوري بس عشان .....
وائل: عادي عادي ماكو مشكله .. لو انا جان شكيت بالامر ..
اسيل تغير الموضوع: وش بتسوون بالسمك ..؟!
وائل: عشا ..
اسيل: وااااااو حلو ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

10 - 3 - 2014, 01:37 AM

في الليل وفي بيت راشد الشعلان ..
من امس الاربعاء وشهد تشتغل رغم تعبها ..
كل شي قاله راشد سوته .. كانت تعبانه مرره بس راشد ما رحمها وخلاها تشتغل اشغال متعبه ..
واليوم الخميس ما زالت تعبانه وراشد ما زال يعطيها اوامر ..
آخر هذه الاشغال كان انها تكنس سطح البيت وتغسله .. وطبعا السطح كبير ومقسم الى اكثر من قسم ..
الساعه ١١ الليل .. دخل راشد غرفته .. صحيح الوقت بدري عالنوم بس عشانه صحي من الفجر يملي اوامره ..
خلصت شهد شغلها وهي تحس ان جسمها مو قادر يتحمل اكثر من كذا ..
رتبت كل شي بعدين راحت لغرفتها عالساعه ١٢ وربع تقريبا ..
فتحت باب الغرفه وشافت اخوانها كلهم نايمين ..
ابتسمت بتعب وقالت: الله لا يحرمني منكم يا رب ..
راحت لسريرها .. انسدحت ونامت بسرعه من شدة التعب ..
فتح شادي البطانيه عن راسه وزحف لوسيم بهدوء وحذر ..
دقه وهو يقول بهمس: وسيم .. وسيم ياللا قوم ..
فتح وسيم بطانيته وقال: ها ..
حط شادي ايده على فمه وهو يقول: اششش لا تفضحنا ..
هز وسيم راسه بطيب ..
بعد شادي يده وقال بهمس: ياللا نطلع ..
وسيم بنفس الهمس: طيب .. بس اذا قامت شهد في الليل زي دايم عشان تطمئن علينا وما لقتنا ..؟!
شادي: نحط جنطنا وكتبنا وملابسنا تحت البطانيه على اساس انه احنا .. وبجذي ما تحس ..
وسيم بإبتسامه: انت ذكي ..
شادي بتفاخر: اعرف .. والمهم ياللا نطلع ..
وسيم: طيب ..
قاموا بهدوء .. راح شادي للدولاب وخرج منه كيس بهدوء ..
بعدها راحوا للباب ببطئ وحذر ..
فتح شادي الباب بهدوء وقال: ياللا اخرج ..
خرج وسيم وبعدها طالع شادي في شهد وقال بهدوء: راح اخذ حقج يا شهوده .. اوعدج ..
خرج وقفل الباب بهدوء زي ما فتحه ..
وسيم: شادي انا خايف ..
شادي: طيب ادخل ..
وسيم: لا بروح معاك ..
مشى شادي ومشي وسيم وراه وخرجوا من قسم الخدم وراحوا للصاله ..
شادي: اكيد غرفة الدب فوق ..
وسيم: يمكن تكون تحت ..
شادي: لا مستحيل .. ذاك المغرور مستحيل تكون غرفته تحت مع الخدم ..
وسيم: اكرهه ..
شادي: اصلا اتحدى احد يحبه ..
وسيم: محد راح يحبه لأنه شرير ..
طلع شادي الدرج وقال وكأنه يكلم اطفال: بس انا وانت ما راح نخاف من الشرير وبناخذ حق اختنا منه صح ..؟!
وسيم: ايه صح ..
طلع وسيم وراه لين وصلوا نهاية الدرج ..
لف شادي عاليمين وقال: اتوقع غرفته من ذي الجهه ..
وسيم: شدراك ..؟!
شادي: انا اقول اتوقع .. ا ت و ق ع ..
وسيم: اها .. طيب خلنا نشوف ..
مشيوا وقابلوا اكثر من باب .. بس شادي تجاهلها لين وقف قدام وحده من الابواب ..
شادي: يمكن هنا ..
وسيم: شادي انا مرره خايف ..
شادي: طيب ارجع ..
وسيم: لا بقعد معاك ..
فتح شادي الباب بهدوء وشاف سيب وبعده صاله كبيره فيها ثلاث ابواب ..
شادي: يمكن هذه هي الجناحات حقتهم ..
دخلوا وراح فتح الباب الاول وشافه حمام كبيره ..
وسيم بدهشه: يوووه اكبر من بيتنا ..
شادي بإستهزاء: عيال نعمه ..
قفله وفتح الباب الثاني وعرف على طول انها غرفة نوم ..
شادي بهمس: اسمع .. انا بدخل عشان اتأكد ان كانت غرفة الدب لأني اخاف تكون غرفة اخته ..
وسيم: طيب ..
دخل شادي ومشي بهدوء وعلى اطراف اصابعه ناحية السرير ..
قرب منه وشاف واحد نايم ..
قرب اكثر وعرف انه راشد ..
شادي في نفسه: "حلو طلع هو مو اخته" ..
خرج عند وسيم وقال: يالا بس امش بهدوء ..
وسيم: طيب ..
دخلوا بهدوء وقفلوا الباب وراهم .. حط شادي الكيس عالارض وبعدين اتجه للطاوله اللي جنب سريره ..
ابتسم وهو يشوف جوال راشد وقال بهمس: وسيم وسيم لقيت الموبايل ..
جاء وسيم عنده وقال: حلو ..
اخذه شادي وفتحه وكان بدون رمز .. دخل عالاسماء ومسحها كلها .. بعدين دخل عالرسايل ومسحها كلها .. وبعدين عالصور و .... بإختصار ما ترك شي بالجوال إلا ومسحه .. بس ما كان يدري ان الميموري مو موجود ..
وبعدين وبكل هدوء رجعه ..
شادي: وسيم ييب المقص اللي في الكيس ..
وسيم: طيب ..
راح وسيم يجيبه .. لف شادي يطالع في راشد وشافه نايم ..
طالع في الغرفه وقال في نفسه: "وين دولاب ملابسه ..؟! يمكن الباب الثالث كانت غرفة الملابس .. اوكي الملابس آخر شي" ..
جاء وسيم واعطاه المقص .. ابتسم شادي واخذه .. راح لسرير راشد وبدأ يقص شرشف السرير اللي نازل من الاطراف ..
قصه كله وصار اللي تحت السرير واضح .. راح للبطانيه وقص من اطرافها بس ..
لف على وسيم وقال: باجي شي اقصه ..؟!
وسيم: مدري .. بس الملابس ..
شادي: بعدين لأنها مو هني ..
ابتسم وهو يشوف شنطة الجامعه .. راح لها وقص شوي من عند السحاب ..
حط المقص جنبه وطلع الكتب الجامعيه .. فتح اول كتاب عالصفحه ١١٠ وقطعها وبعدين قطع الصفحات ١٢٠ و ١٣٠ و ١٤٠ و ١٥٠ والصفحتين الاخيره ..
طبق الاوراق ولف على وسيم وقال: حطها في جيبك ..
وسيم: طيب ..
صلح ذي الحركه في كل الكتب .. هو تقصد يقطع من الصفحات الاخيره عشان ما ينتبه من البدايه ..
قام من عند الشنطه بعد ما انتهى منها بعدين قال: تعال لملابسه ..
خرجوا من الغرفه وراحوا لغرفة الملابس ..
طالع وسيم وقال بإنبهار: يوووه ملابسه كثييييره مررره ..
شادي: واحنا ما راح نترك لبس سليم هههههههه ..
فعلا اخذوا كل الملابس وبدأوا يشتغلون .. بدأوا يقصونها بأشكال مضحكه ..
ما تركوا ولا لبس .. حتى ملابسه الداخليه والبجايم قصوها .. حتى شراريبه قصوها .. حتى جاكيتاته واكوات البرد واشمغته قصوها ..
وسيم: ههههههههههههههههههههههههههههههههههههههه ..
شادي: ههههههههههههههههههههه ودي اشوف ويهه وهو يشوف ملابسه جذي ههههههههه ..
وسيم: ههههه مسجين بس يستاهل ههههههههههه ..
شادي: فعلا يستاهل ويستاهل اكثر .. ياللا قوم نصلح آخر خطوتين ..
قاموا وراحوا غرفة راشد .. دخلوا وراحوا لكيسهم ..
طلع شادي علبه وقال: هذه هي الحشرات اللي قدرنا نجمعها من حوش ذا الدب ..
وسيم: وين بتحطها ..؟!
راح شادي عند درجه وفتحه وكان فيه شوية اوراق واقلام ومحفضته ومفاتيحه ..
فك العلبه اللي كان فيها: ٣ جراد و ٥ خنافس و ٩ نمل كبير ..
كبها كلها في الدرج واخذ معاه خنفسانه وبعدها قفل الدرج وهو يكتم ضحكه ..
وسيم: وش بتسوي بهذه الخنفسانه ..؟!
راشد: شوف ..
حطها عالارض واخذ جزمة راشد وقتلها .. بعدها اخذها وحطها جوت الجزمه ..
شادي بشيطنه: هع هع هاع .. يستاهل ..
وسيم: هههههههه ..
شادي: اشش لا تفضحنا ..
حط ايده على فمه وقال: طيب ..
فتح شادي الكيس وطلع آخر شي .. كانت اربع علب .. علب الوان مائيه ..
لون ازرق واخضر واحمر واصفر .. بس الالوان اللي من النوع اللي يثبت لونها وما يروح بالمويه العاديه ..
اخذ شادي لونين وقال: وسيم ييب الباجي ..
وسيم: طيب ..
راح للطاوله الصغيره اللي جنب سرير راشد وحطها فوقها ..
اخذ الفرشه وحطها في اللون الازرق وبعدين ..
وبعدين قدم وبهدوء تام حطها على حواجب السيد راشد الشعلان ..
رسم له حواجب باللون الازرق .. اخذ فرشه للون الاحمر وصلح نقطه دائريه كبيره على انفه ..
ابتسم شادي وهو بيتقطع من الفرحه ..
وسيم بهمس: ما تخاف يصحى ويشوفك ..
هز شادي راسه وقال: مو انا امس سألت روان ان كان راشد نومه ثقيل فقالت ايه صح ..؟!
وسيم: ايوه ..
شادي: عشان جذي انا مطمئن ..
وسيم: اها ..
شادي: خذ اللون الاخضر ولون اظافر ريله بسرعه .. بس كون منتبه ..
وسيم: طيب ..
راح وسيم يصلح اللي قاله شادي ..
اخذ شادي اللون الاصفر ولون من فوق عيونه لين حواجبه وبعدين كتب على جبهته بالاحمر .. " انا دب كبير " ..
ابتسم على شكله واخذ الازرق ولون دقنه وشفايفه السفليه .. واذنه ..
اخذ الاحمر ورسم على خده فيس مستحي والخد الثاني فيس تسليك ..
راح لآظافر ايده ولونها بسرعه واي كلام .. بس ايده الثانيه ما قدر ..
اخذ العلبه الصفرا وكبها على شعره اللي صار اصفر ..
راح عند وسيم وساعده لين انتهى ..
وسيم بهمس: ههههه شكله يضحك ..
اخذ شادي جوال راشد وصوره ورجعه مكانه .. بعدين اخذ الالوان وراح لباب راشد ..
وسيم: بتكتب ..
شادي: ايوه ..
اخذ الالوان وبدأ يكتب على الباب ..
" تستاهل اكثر يالدب .. وعقبال
اكثر من كيذا .. مع تحيات عيال
الحاره هاذه اللي هاوشتهم اول
وضربتاهم واحنا نرجع اللي صار
مسجييين كاك كاك كاك " ..
شادي: وبجذي نطلع احنا وتطلع شهد من السالفه وما يشك فيها ..
وسيم: انت ذكي ..
شادي: والله ودي اخرب الغرفه بالالوان بس اخاف يخلي شهد تنظف ..
وسيم: اكيد بيخليها تنظف ..
شادي: احس ما بردت جبدي فيه ..
وسيم: خلاص مره ثانيه .. شوف الساعه صارت ٣ ..
شادي: يوووه مر الوقت بسرعه ..
وسيم: ايوه لأننا طولنا في ملابسه لأنها ماااره كثيره ..
شادي: امش نخرج ..
وزي ما دخلوا بهدوء .. خرجوا بهدوء ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في صباح الجمعه .. خرجت دانا للسوق .. توها تصحى تشتري اغراض الدراسه ..
نزلت على مكتبة جرير تشتري .. وطبعا خرجت بلبس اولاد لأنها خايفه تقابل احد من نفس جامعتها ..
وقفت فتره عند الدفاتر وهي تفكر ..
امس اتصل عليها ريان بس ما ردت .. والسبب طبعا لأنها تستحي تتكلم معاه بعد ما عرفت انه عرف انها بنت ..
دانا: يا ربي ليش اتصل وايش يبغى ..؟! عندي فضول اعرف ..
قلبت في الدفاتر اللي قدامها وهي تفكر ..
وقفت فجأه وقالت: لا يكون قال لباجي الشله ..؟!
سكتت فتره طويله بعدين قالت: لا ما اتوقع .. ريان مو من هذا النوع .. لو كان عماد او سامي جان توقعت انهم يعلمون الشله ..
طالعت في الدفتر اللي قدامها وقالت: سامي .. معقوله ما راح نشوفه مره ثانيه ..؟! صحيح انه كان يحرجني كثير بس ما ابيه يروح .. احسه فرد مهم في الشله وما يصير يروح بسهوله ..
طلعت جوالها من جيبها وطالعت فيه وهي تقول: هذا الرقم امره يحيرني .. الصوت مو صوت سامي .. بس اللي كلمني اول مره قال عادل .. محد عنده رقمي ويعرف ان اسمي عادل غير الشله .. معناته سامي .. طيب اذا كان سامي فليش انقطع الخط اول مره ..؟! ومين اللي رد علي ثاني مره ..؟!
تحس نفسها متلخبطه .. فقررت انها تدق للمره الاخيره وتعرف ..
دانا: بس انتبهي يا دانا انج تخافين .. كلميه بثقه ..
ترددت بس بعدين دقت ..
بعد ثلاث رنات: الو ..
تشجعت دانا وقالت: الو السلام عليكم ..
.......: منو معاي ..؟!
دانا"افف مافي اسلوب": هذا موبايل سامي ..؟!
.......: منو معاي ..؟!
دانا بتردد: انا .. انا ..
........: انتي مين .. تحجي وخلصيني ..؟!
تفاجأت دانا .. من صوتها عرف انها بنت .. وش تسوي .. تكمل على انها عادل او انها بنت ..
تشجعت وقالت: انا وحده من خويات سامي ..
كملت في نفسها: "الله لا يقوله .. بس هذه هي الطريجه المناسبه" ..
........: شسمج ..؟!
ترددت فتره تدور اسم بعدين قالت: اروى .. اسمي اروى ..
........: اسمعي يا اروى .. سامي غير موبايله وهذا الرقم ما عاد رقمه ..
انصدمت دانا وفي نفس الوقت فرحت .. هذا يعني ان هذا الرقم له علاقه بسامي ..
.........: فلا عاد تتصلي بهذا الرقم ..
دانا: بس انا كنت بسلم عليه وبس ..
.........: طيب اسمعي .. هذه آخر مره فاهمه .. بأسمح لج تكلمينه خلاص ..
دانا: اوكي ..
وكملت في نفسها: "ولمن اكلمه اقول انا عادل بس صلحت نفسي اروى عشان يخلوني اكلمك وبجذي ما يكون فيه ولا مشكله" ..
.........: بس يا اروى ..
دانا: نعم ..
.........: انتي تعرفين احد من ربع سامي ..؟!
دانا بقرف مصطنع: اييه اعرفهم كلهم .. كلهم مليقين وثقيلين دم ..
ابتسم براحه وقال: دقايق واعطيج سامي ..
فرحت .. لا طارت من الفرح .. اللحين بتعرف اخباره وبكره بتقولها للشله ومنها بتسأله ليش تركهم وسافر ..
........
طالع مراد في الجوال بعدين خرج الحديقه وكان سامي جالس عالكرسي يطالع في النافوره بسرحان ..
بصراحه كون صداقه مع هالنافوره ..
مراد: اهلين بسامي ..
طالع سامي فيه وعصب وقال: مو انت خلصت شغلك هنا .. متى بترجع لقطر وتفكني ..
مراد: هههههه اهدأ اهدأ .. انت كل شوي معصب ..؟! ياخي خذ الدنيا بروقان ..
لف سامي وجهه عنه .. لو استمر يمكن تتلف اعصابه من دون فايده ..
مراد: خذ كلم ..
طالع سامي فيه وفي الجوال بإستغراب وقال: ايش ..؟!
مراد: كلم ..
سامي: اكلم مين ..؟!
مراد: شكلك وزعت ذا الرقم في قطر وعشان جذي متصلين عليك ويبون يسمعون صوتك ..
طالع في الجوال وهو يقول في نفسه: "محد بقطر يعرف بذا الرقم .. انا متأكد اني ما اتصلت على احد" ..
سكت شوي وفجأه تذكر عادل ..
سامي: "فعلا عادل .. بس غريبه مراد يخليني اكلمه .. اكيد عشان يعلم ابوي واتهزئ .. لا بس بجذي حتى هو بيتهزئ" ..
مراد: بتكلم ولا لا ..؟!
سامي في نفسه: "لا .. انا قررت انساهم فليش اكلمهم .. مستحيل" ..
حاول يقسي نفسه بس قلبه لان شوي وقال في نفسه: "طيب بس بودعهم واقوله يسلم لي عالشله" ..
مراد: سامي بتكلم ولا لا ..؟! ترى البنت تنتظر عالخط ..
سامي بإستغراب: بنت .. المتصل بنت ..؟!
مراد: ايوه ..
سامي: مين ..؟!
مراد بإبتسامه: خويتك اروى ..
انصدم سامي وقال بانفعال: اروى ..؟! من فين لها رقمي ..؟! وكمان شتبي فيني ..؟! مو اللي بيننا انتهى ..؟!
طالع مراد فيه وما تكلم ..
سامي: قولها سامي نايم ..
مراد: انا ما احب اجذب ..
عصب سامي وقال: اوكي قولها سامي ما يبي يكلمج ..
ودخل القصر معصب ..
رد مراد وقال: سوري يا اروى بس سامي ما يبي يكلمج ..
دانا بهدوء: طيب مع السلامه ..
قفلت الخط وطالعت في الجوال بحزن .. كان نفسها تكلمه ..
دانا بإبتسامه: بس المهم اني سمعت صوته وهو يصارخ على اللي رد علي .. افتقدت صوته وبقوه ..
سكتت فتره وهي تتذكر كلامه ..

" اروى ..؟! من فين لها رقمي ..؟! وكمان شتبي فيني ..؟! مو اللي بيننا انتهى ..؟! "

دانا: معناته ما يحبها .. حلو ..
استغربت من نفسها شوي بعدين قالت: دانا .. شنو اللي حلو ..؟! شقصدج من كلمة حلو ..؟!
سكتت فتره بعدين قالت: حلو لأنه بطل حركاته .. هذه الحركات مو كويسه وطبيعي افرح لمن يبعد عن هذا الطريج .. هذا شي طبيعي ..
اخذت لها كم دفتر بعدين صقعت في بنت بالغلط .. الصراحه هي ان البنت تقصدت تصقع في دانا ..
دانا: آسفـ .. << بغت تقول آسفه بس انتبهت في آخر لحضه ووقفت كلمتها ..
طالعت البنت فيها وقالت: بغيت تقول آسفه صح ..؟!
خافت دانا من ذي البنت اللي تحس ان ملامحها مو غريبه عنها ..
البنت: انا سألتك فياوب ..؟!
دانا: كانت غلطه من دون قصد ..
البنت: الغلطه ما تصير مرتين .. قد صقعتني في الجامعه اول وقلت آسفه .. واللحين كمان بغيت تقول آسفه .. شي غريب ..؟!
انصدمت دانا من كلامها .. متى حصل هذا الامر ومتى صقعت في ذي البنت ..
البنت: اعرف انك تسأل نفسك متى .. صقعتني ذاك الوقت وانت رايح لجهة الحمامات ..
ماقدرت دانا تتذكر فقالت: طيب آسف ..
وراحت .. طالعت فيها البنت اللي ما كانت غير اسيل وقالت: والله ذا الريال وراه شي ..
نزلت دانا من الدرج بعد ما اشترت كل اغراضها وراحت تحاسب ..
وقفت عند الكاشير تفكر .. متى صقعت في ذي البنت ..؟!
حاولت تتذكر بس ما قدرت .. حاسبت وبعدها ركبت سيارتها وراحت للبيت ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

خلونا نروح لراشد نشوف وش صلح اول ما صحي ..
دق المنبه عالساعه ١٠ ونص الصباح ..
يمكن تستغربون انه ما صحي قبل كذا .. اقصد لصلاة الفجر ..
راشد انسان مهمل لصلاته جدا .. متى ما صحي يصلي ..
المهم دق المنبه وبكل كسل مد ايده وقفله .. جلس وتثاوب بقوه ..
عشانه نايم بدري يحس انه متكسل ويبغى ينام ..
قام وفتح باب الغرفه ودخل الحمام ..
فتح المويه وبدأ يغسل ايده .. كان فاتح نص عين بس ..
شوي حس بأشياء يابسه بإيده .. فتح عيونه بالقوه وانصــــــــــدم ..
رفع ايده اليمين يطالع فيها ..
راشد بصدمه: وش .. وش .. وشذا ..؟!
كانت اظافره واطراف اصابعه ملونه .. قعد فتره طويله يستوعب ..
راشد: ايش ذا وشلون ياء ..؟!
طالع في المرايه اللي قدامه وهنا كانت الطــــــــــــــامه بالنسبه له ..
فتح عيونه على آخرها من هول الصــــــــــــــدمه العنيفــــــــــــــه ..
تحولت الصدمه الى عصبيه وقال: مين الجلب اللي ساوى جذي ..؟! والله ما راح يفلت من ايدي ..
فتح المويه على اخرها واخذ من صابون الايدي وبدأ يغسل ايده ووجهه ويفركها بقوه ..
وبعد فتره شطفها بالمويه وفتح عيونه يطالع وانصدم لمن شاف انه ما راحت إلا قليل بس والالوان خفت شوي ..
بجد بجد تنرفز وانقهر وعصب وقعد يسب ويلعن ..
راح لغرفته واخذ جواله وضغط على رقم روان .. هو حافظ الرقم وعشان كذا ما دخل عالاسماء ..
بعد فتره ردت فقال: روان تعالي الغرفه بسرعه ..
وقفل في وجهها .. راح للكومدينه حقته يطالع في شكله .. فعصب زياده ..
راشد: شهد .. اكيد ماكو غيرها في القصر حاقد علي ..
سكت فتره .. شهد من النوع الهادي والخواف ..
راشد: قناع .. كانت تتظاهر بالبراءه .. والله ما اخليج يالجلبه ..
دق باب الغرفه فقال: ادخلي ..
دخلت روان وقالت: شفيك يا راشـ ......
سكتت فتره تطالع فيه بدهشه وصدمه .. وبعدها: هههههههههههههههههههههههههههههههههههههههههههههههههه هههههههههههههههههههههههههههههه ..
راشد بعصبيه: روااااااان سكتي ..
روان: هههههههههههههههههههههههههههههههه لا مو معقول هههههههههههههههههههههههههههههههه صاير مهرج هههههههههههههههههههههههههههههههههههههههههههههههههه هههههههههههههه ..
راشد بصراخ: رواااااااااااااااااااااااااااااااااااااااااااااان ..
روان: هههههههههههههههه اوكي بسكت ههههههههههههه ..
ومسكت على بطنها .. آلمها من كثرة الضحك ..
راشد بقهر: خلصتي ..؟!
روان: هههههههههههه ايه هههههههههههههههههههههههه ..
راشد: روااااان خلصي وفكيني ..
روان: ههههههههه طيب طيب هههههههههههههههههههههههه ..
وجلست عالسرير وحاولت تهدي نفسها بعدين قالت وهي تكتم ضحكها: ها خلصت ..
راشد: ابيج تفكيني من ذي الالوان .. ماهي راضيه تروح بالصابون ..
جت روان عنده وقالت: هههههه طيب ايلس عالكرسي ..
فجلس وهي اخذت منديل وبخت فيه عطر وقالت: غمض عينك بقوه ..
غمضها وهي بدت تنظف الالوان .. كانت تفرك بقوه .. آلمه راشد بس تحمل عشان يفتك ..
روان وهي تمسح: مين سوى فيك جذي هههههه ..؟!
راشد: بعدين اقولج ..
مسحت وبقوه .. اضطرت تستخدم عطورات وكريمات وبعد حول ساعه خلصت ..
روان: خلاص خلصت ..
فتح راشد عيونه وابتسم على شكله ..
راشد: واخيرا ..
مد لها ايده اليمين وقال: وهذه كمان ..
روان: حتى في ايدك بعد ..
نظفت اصابعه واظافر وخلصت ..
قام راشد وراح للسرير وقال: اللي صلح هذا الشي حيندم وحيندم كثيـ........
وقف فتره يطالع في السرير وعيونه مفتوحه بطريقه مضحكه ..
استغربت روان وطالعت في السرير وبعدها انفجرت ضحك على الشراشف والبطانيه المقطوعه والمقصقصه ..
راشد بعصبيه: الجلــــــــــــــــــبه ..
روان: هههههههه والله انك نكته يا رشود ههههههههههههههههههه ..
راشد: ابي افهم ليش كل هذا ..؟!
روان: هههههههههه مين صلح هذا يا راشد هههه لا يكون وانت نايم هههههههههههههههه ..
لف على جهتها بيكلمها بس وقف يطالع في قفا الباب ..
قرب وقرأ: تستاهل اكثر يالدب .. وعقبال اكثر من جذي .. مع تحيات عيال الحاره هذه اللي هاوشتهم اول وضربتهم واحنا نرجع اللي صار مسجييين كاك كاك كاك ..
طرطع راشد من القهر والعصبيه وقال: كيف دخلوا للغرفه ..؟! ومين هم اصلا ..؟!
روان: هههههههههههههههههههههههههه والله ما اقول إلا مشكور يا راشد لأنك خليتني اضحك بشكل مو طبيعي هههههههههههههههههههههههههههههههههههههه ..
عض راشد على شفته من القهر والقهر والقهر ..
فتح ازارير بجامته وراح لغرفة الملابس يغير وينزل يتفاهم ..
جلست روان عالسرير لين خلصت من ضحكها .. اللي شافته اليوم مو شوي ..
سمعت صراخ راشد: رواااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااان ..
ولكم انكم تتخيلون وش صلح ..
كل الحراس اللي يحرسون في الليل فصلهم ..
كل الخدم اللي في البيت حرمهم الراتب هذا الشهر ..
كل السواقين الاربعه حرمهم من راتب ثلاث شهور ..
امر كل الخدم انهم ينظفون البيت كله بالمويه والصابون كعقاب ..
اي بزر يشوفه يسب ويهاوش فيه من القهر ..
اما هو فطلع الشنطه اللي تحت السرير .. كان فيها كم لبس .. لبس وراح للسوق يتقضى ملابس جديده ..
في غرفة شهد ..
شادي: هههههههههههههههههه شفت وش صلح هههههههههههه ..
وسيم: هههههه ايه هههههه ..
شادي: والله قهرناه هههههههههههههههههههههههه ..
طالعت اثير فيهم وقالت: اشك فيكم .. لا يكون انتم اللي صلح جذي ..
شادي: هههههههههههههههههههههههههههههههههههههههههههههههه ..
وسيم: هههههههههههههههههههههههههههههههههههههههههه ..
اثير: ضحككم هذا يدل انه انتم ..
شادي: هههههههههههه صح هههههههههههههههههه ..
وسيم: هههههههههههههههههههههههه ..
اثير بعصبيه: اغبياء انتم ولا شنو ..؟!
شادي: بكيفي .. اختي وابي آخذ حقها منه .. ولعلمج تراني ما اكتفيت بس لازم انتظر فتره ..
وسيم: صح .. كلام شادي صح ..
شادي: ولا تقولين لشهد .. لو قلتي لها راح اتهور واروح لراشد اهزئه ..
وسيم: ايوه صح ..
شادي: وخل ذاك الراشد يذوق طعم القهر شوي .. انسان مغروور ومتعجرف .. ومتسلط كمان ..
وسيم: ايه صح ..
شادي: انت شتبغى في الحياة كل شوي تأيدني ..؟!
وسيم: ولا شي ..

10 - 3 - 2014, 01:37 AM

في العصر وفي بيت وصايف ..
اخذت جوالها وجلست عالكنب ..
راح تتصل بفارس اللحين ..
ضغطت الازرار وبعدها ضغطت زر الاتصال ..
مرت ثواني كأنها دهر بعدها جاها صوته يقول: الو ..
وصايف: هلا ..
فارس: اهلين ..
وصايف: كيفك ..؟!
فارس: تمام ..
وصايف: ........................
فارس: منو وياي ..؟!
وصايف: وصايف ..
سكت شوي بعدين قال: كيفج ..؟!
وصايف: الحمد لله ..
فارس: اعرف ليش اتصلتي ..
وصايف: حلو .. طيب ابي افهم ليش اخذتها ..
فارس: ما ينفع الكلام عالتلفون ..
وصايف: اوكي نتقابل في مطعم فوشون الساعه خمسه ..
فارس: طيب .. باااي ..
وصايف: باااي ..
قفلت الجوال وطلعت فوق .. بدلت ملابسها وجهزت نفسها ..
ركبت سيارتها وعلى الساعه خمسه وصلت المطعم ..
جلست عالطاوله وبعد عشر دقايق شافت فارس جاي ..
جلس وقال: سوري عالتأخر ..
وصايف: مافي مشكله ..
فارس: تبغي تاكلي شي ..؟!
وصايف: لا ..
سكت فارس شوي فقالت وصايف: مالك حق تاخذ الاوراق ..
فارس: اختي ولي الحق ..
وصايف بعصبيه: لا مالك حق ..
فارس: اهدأي .. احنا يينا نتفاهم مو نتهاوش ..
سكتت بعدين قالت: استاذ فارس .. انا ابي الاوراق ..
فارس: مدري وين حطيتها .. وحتى لو ادري ما راح اعطيج اياها ..
وصايف: ممكن اعرف السبب ..؟!
سكت فارس فتره طويله يطالع في وصايف بعدين قال: معاج حق .. اسيل مو اختي ..
طالعت وصايف فيه فتره بعدين ابتسمت بعدم تصديق وقالت: كنت عارفه ..
فارس: بس مو متأكده .. ما ابي اعطيج الاوراق لأني ما ابي اخرب حياتها .. واللحين بعد ما تأكدتي وش بتسوين ..؟!
قبل لا ترد سبقها وقال: هي ما تعرف اننا مو اهلها .. هذا يعني انها ما تدري اي شي عن امها سميه اللي تبغينها .. يعني اسيل ما راح تفيدج بشي عشان تنتقمي من سميه .. وثاني شي اسيل وحيده من يوم وعمرها سنتين .. ما عندها اب او ام او اخ او اخت .. عايشه حياة اصعب من حياتج .. عايشه مع عائله تحسبهم اهلها .. عاجلا او آجلا راح تعرف انها لقيطه .. لقيطه لقب قاسي راح يلصق فيها وما يتركها .. وش اصعب من ان الانسان يرمونه اهله من دون اي ذنب اقترفه .. انتي اهلج ماتوا .. هي اهلها رموها .. وش تبغين منها ..؟! تبغين تنتقمين منها لأنها بنت سميه ..؟! وش بتستفيدين ..؟! انا اقولج وش تستفيدين .. حتدخلي النار لأنج بتكوني قاتله .. حتحاولي تهربي من الشرطه والخوف يلازمج .. حيلاحقج الندم وضميرج راح يتعبج كثير ويمكن توصلي لدرجة الانتحار .. ها وش استفدتي ..؟! ولا شي ابدا ..
طالع فيها شوي بعدين كمل: ماتت امج وانتي عمرج حول سبع سنين .. يعني لج حول ١٣ سنه من يوم ماتت امج .. وش صلحتي لأمج طول هالسنين ..؟! دعيتيلها ..؟! او طلبتي لها المغفره والرحمه ..؟! او تصدقتي عنها ..؟! ما سويتي هالاشياء .. سوري بس انتي واضح انج ما تحبي امج .. ما سويتي ولا شي ينفعها .. بالعكس ضريتي امج كثير .. تتوقعين لو انها عايشه بترضى بحالج ..؟! ابعدتي نفسج عن الناس وفرغتي تفكيرج في الانتقام .. امج تتعذب نفسيا في القبر وهي تشوف حالتج جذي .. مقهوره على بنتها .. ترضي لأمج يصير فيها جذي ..؟! اكيد ما ترضي ..
سكت شوي بعدين قال: فرحي امج .. خليها ترتاح .. غيري من نفسج يا وصايف .. الله قدر ان امج تموت .. لو ان الله ما قدر جان سميه ما قدرت تقتلها .. عندج اعتراض على قدر الله ..؟!
طالع فيها ينتظرها ترد بس كانت منزله راسها وما تكلمت ..
فارس: اكيد ما عندج اعتراض .. وصايف حالتج افضل من حالة ناس كثير .. شوفي مثلا افريقيا .. عندهم مجاعه عنيفه .. ومع هذا صابرين .. انتي في نعمه يا وصايف .. في بلد آمن وصحتج تمام وعندج فلوس .. قارني نفسج باللي حواليج .. قارني باسيل مثلا .. حياتج احسن منها كثير .. عندج اصل وعندج اسم تفتخري فيه .. شايفه كيف انج في نعمه ..
غمضت عيونها وحطت راسها عالطاوله تبكي بصوت مسموع .. حزن فارس عليها .. قام وجلس جنبها ومسح على ظهرها يهديها ..
فارس: خلاص يا وصايف .. احنا في مطعم والناس يطالعون فيج ..
وصايف وهي تبكي: لو سميه ما دخلت في حياتنا جان ما صار اللي صار ..
فارس: لو ما دخلت سميه جان دخل واحد غيرها وصار اللي صار .. كل اللي يصير بيد الله مو البشر .. اتعوذي من الشيطان لأنه هو اللي يوسوس لج ويخرب حياتج ..
كملت بكي وما ردت ..
سكت شوي بعدين قال: انتي عندج عم صح ..؟!
هزت راسها بايه وقالت: بس تخلى عني وتركني .. وكله عشان ابوي تزوج امي من دون ما يشاوره .. لمن اتصلت عليه وانا صغيره قال شدخلني فيج ..
فارس: ما عاد اتصل مره ثانيه يعتذر ..؟!
وصايف: .................................
فارس: يعني اتصل .. وسكوتج يعني انج طنشتي اعتذاره .. الله غفور رحيم .. هذا عمج يا وصايف .. غلط وعرف غلطته فليش ما تسامحينه ..؟! سامحيه وروحي عيشي عنده .. عند بنات عمج .. اخرجي من القوقعه اللي حابسه نفسج فيها .. في ناس كثير ماتوا اهلهم ومع هذا فهم يعيشون احسن عيشه .. فوضوا امرهم لله وعوضهم عن فقدان اهلهم بالسعاده .. فوضي امرج لله وحتشوفي الراحه من عند ربج .. هذه الدنيا .. مصير كل انسان الموت .. بس تختلف الاسباب .. وانتي مصيرج الموت .. وعاد شوفي نفسج وش عملتي لآخرتج ..؟!
رفعت راسها من الطاوله ومسحت دموعها ولفت تطالع في فارس ..
ابتسم وقال: فكري في كلامي يا وصايف ..
قامت اخذت شنطتها وطلعت من المطعم ..
دخلت السياره ورمت نفسها عالمقعده تبكي .. تبكي على كل شي ..
هي في ضياع ومو عارفه وش تسوي ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في صباح يوم جديد على ابطالنا .. يوم السبت .. وفي بيت ابو فيصل ..
صحيوا من الصباح عشان دواماتهم في الجامعه .. هذا اول يوم في الترم الثاني ..
في غرفة ريما .. جهزت نفسها بالكامل وهي تفكر ..
بكره راح تضطر تخرج مع ياسر لاحدى المطاعم ..
تحس بخوف بس شجعت نفسها .. عادي واذا خرجت وش بيصير .. ولا شي ..
شجعت نفسها بهذه الكلمات ..
اخذت شنطتها من ديور ونزلت تحت فشافتهم يفطرون ..
جلست معاهم وهي تقول: هااااي ..
وبدأت تاكل ..
الاب: الاوادم يقولون السلام عليكم مو هاااي ..
ريما: وات ايفر .. << اي شي << ..
فارس: شكلج متحمسه للدراسه ..
ريما: No ..
اسيل: بس شكلج يقول انج متحمسه ..
فيصل: خلاص كلوا وانتم ساكتين ..
فسكتوا وبدأوا ياكلون .. بعدين ركبوا السياره وراحوا للجامعه ..
دخلت ريما الجامعه واتجهت لصاحباتها ..
ريما: هااااااي صبايا ..
مرام: اهلييين ..
سلموا عليها وقالت شذى: النفسيه اليوم تمام ..
ريناد: عكس ايام الاختبارات ..
مرام: فعلا .. اللي يشوفها ايام الاختبارات ما يصدق انها هذه نفسها ..
جلست ريما وقالت: بالله عليكم مين اللي نفسيته صح ايام الامتحانات .. اوووف الله لا يعيدها من ايام ..
ريناد: ههههه وانتي الصاجه ..
شذى: غريبه ييتي اليوم .. مو من عادتج تيين اول الايام في الفصل الدراسي ..
ريما: امممم تقدري تقولي انه مززاااج ..
مرام: وين قضيتي الاجازه ..؟!
ريما: اممم رحنا لمزرعة عمي والبحر وبس .. الاجازه قصيره وما يمدينا نروح مجان ..
ريناد: يعني ولا وحده منكم سافرت غيري .. انا تميزت عنكم ..
ريما: ليه وين سافرتي ..؟!
ريناد: سافرت للكويت عشان يدتي هناك نزورها ..
ريما: اها .. طيب بنات بسألكم سؤال ..
شذى: وشو ..؟!
ريما: لو مثلا تبين تسافرين لمجان وتطولين فيه حول شهر ولوحدج .. كيف تقنعي اهلج ..؟!
شذى: شهــــــــــــــر ..؟!!
ريناد: اسمعي .. قولي ان نفسيتج تعبت وبتسافرين عند يدتج تقعدين شهر .. ومن هناك عاد تقدرين تروحين للمجان اللي تبينه ..
ريما: بس يدتي ساكنه مع خالتي سعاد ..
ريناد: طيب ام ابوج ..
ريما: ماتت من زمان ..
مرام: انتي ليش تبين تسافرين ..؟!
ريما: سوري هذا سر ..
شذى: اسرارج ذي ما وراها غير المصايب ..
ريما بضبط اعصاب: شكرا هذا من ذوقج ..
اخذت شنطتها وقالت: بروح للكافتيريا ..
راحت قبل لا يقولون شي ..
ريناد: شكلها زعلت ..
شذى: بس انا ما قلت شي يزعل ..
مرام: ترى ريما بسرعه ينقلب مودها .. لا تشيلوا هم ..

.................................................. .........

اما عن اسيل اتجهت لصاحباتها ..
اول ما شافتهم صرخت: هاااااااااااااااااااااااااااااااااااي ..
لفوا عليها وصرخت لين: وحشتينــــــــــــــي ..
وسلمت عليهم وانواع الصراخ والاشواق اللي طلعت ..
ندى: اليوم اسيل مبسووووطه ..
اسيل: والله كانت نفسيتي زفت بس شفتكم انبسطت ..
لين بثقه: مشكوره مشكوره .. كنت عارفه اني مهمه بحياتج ..
اسيل: اخسس يا الثقه .. ارحمينا بس ..
لين: اطمئني اطمئني حأرحمكم لا تشيلي هم ..
اسيل: اقول مناك بس ..
لفت على ندى وقالت: وين ليان وسارا ..؟!
لين: ليان ههههه مسجينه مصخنه ..
اسيل: ههههههههه حرااام ..
ندى: من حقها تصخن .. ما تشوفون الاجواء كيف بارده هالايام ..
اسيل: عقبال لين تصخن وتفكنا ..
لين: لاا .. احلفي بس ..
اسيل: هههههه طرطعت .. المهم سارا طيب وين ..؟!
ندى: اتصلت وقالت بغيب ..
اسيل: غباء .. ليش يغيبون ..؟!
لين: ربع الجامعه غايبين لأنه اول يوم ..
اسيل: ليه حاسبتهم ..؟!
لين: ها ها اعرف انج تتطنزين .. بس ترى ما تضحكين ..
اسيل: احد قالج تضحكين ..؟!
ندى: شفيكم اليوم تتناجرون ..؟!
اسيل: مدري .. بس والله وحشتوني ..
لين بصراخ: مطـــــــــــــــــــــــــــر ..
لفت اسيل بسرعه وهي تقول: بجد ..؟!
لين: لا امزح .. ههههههه ..
اسيل: غبيه ..
ندى: شكلج تبين مطر ها ..؟!
اسيل: تونا في بداية الشتاء .. ان شالله تنزل ثلوج بدل امطار ..
لين: ليش عبالج انج في سويسرا مثلا ..؟!
اسيل: آآآآه ودي اسافر خارج ربوع بلادي ..
ندى: هههههه عجبتني ربوع بلادي هذه ..
لين: وين ودج تسافرين ..؟!
اسيل: اممم .. ودي اروح باريس واليونان وكندا ولندن اممم وكمان المكسيك وبريطانيا واسبانيا وسويسرا و و .. وودي اشوف البيت الابيض ..
ندى: ههههههههه لا اسيل مب صاحيه اليوم ..
لين: اقول اسيل شرايج نسطو انا وياج على هالبيت الابيض ..؟!
اسيل: اممم طبعا موافقه ..
لين: حددي الزمن والوقت وانا اييب الخطه ..
اسيل: والمصاريف على ندى اوكي ..
لين: اوكي اتفقنا ..
قامت ندى وهي تقول: هههههه اقول انتي وهيه امشوا للكلاس واتركوا هالاحلام لأصحابها ..
فراحوا للكلاس ورموا شنطتهم على الطاوله ..
اسيل: بنات والله واحشتني الجامعه ..
لين: اقول .. قسم بالله طفشتينا .. كل شي واحشج .. شكلج حفضتي هالكلمه طول الاجازه وييتي تسمعيها لنا ..
اسيل: ههههههه حرام عليج بس بجد كل شي وحشني ..
لين بضجر: اوووف ردت وقالت وحشني ..
اسيل: ههههههههههههههههههههه ..
........ بإستهزاء: ههههههه السالفه مره تضحك ..
لفوا ورى وشافوا واحد ..
ندى: اهلين ناصر ..
اسيل بعصبيه: نعم شتبي بعد .. ما يكفي سماجتك اللي في النادي ..؟!
ناصر: يووه يوه شفيج شبيتي .. انا ياي ابارك لكم النجاح للترم الاول ..
اسيل: مشكور ما نبي ..
طالعت ندى في اسيل بإستغراب .. اما لين فكانت عارفه لأن ليان قالت لها ..
<< هذا ناصر اللي قابلته في النادي هي وليان اذا كنتم ناسين <<
ناصر: العفو .. بس ممكن اعرف ليش تكرهيني ..؟!
لين: من الله كرهتك .. ممكن تفارق عن ويهنا قبل لا تندم يا الاخو ..
ناصر: اللحين انتي شدخلج ..؟!
عصبت لين فقالت اسيل: رفيجتي واللي يمسني يمسها .. فاهم ..؟!
ناصر بتفكير: امممم يمكن ..
اسيل باشمئزاز: صج صج مليق ..
راح ناصر عنهم وهو يقول بلا مبالاه: مو اكثر منج ..
اسيل بقهر: ينررررررفز ..
لين: وبقوه .. بس طنشيه ..
ندى: اللحين ابي افهم شفيكم عالريال ..؟!
اسيل: واحد وقح وما احبه ..
ندى: طيب احد قال حبيه ..
اسيل: ندددددى بلييييز روقينا ..
ندى: هههههه والله واضح انج على اخر اعصابج ..
لين: هههههههه وين الفرح وواحشني .. شكلها طارت ..
سكتت اسيل فتره بعدين قالت: انا اليوم مبسوطه وما ابي شي يعكر علي .. يصطفل هالناصر ..
لين: ارحمينا ياللي تسيطر على اعصابها ..
دخل الدكتور تركي وهو يقول: السلام عليكم ..
ترتبوا الطلاب وردوا عليه: وعليكم السلام .. كيفك يا دكتور ..؟!
د.تركي: تمام .. كيفكم انتم وكيف اجازاتكم ..؟!
ردوا باصوات مختلفه: تمام .... كئيبه .... نايس ..... قصيره مرره ..... حلوه كثير واستمتعنا .......... الخ ..
د.تركي بإبتسامه: المهم انكم اخذتم راحه من الروتين الممل ..
وحده من الطالبات: كيف الاجازه معاك يا دكتور ..؟!
د.تركي: حلوه ..
واحد من الطلاب: وين سافرت ..؟!
د.تركي: ما خرجت برى قطر ..
واحد من الطلاب: فعلا محد يقدر يطلع والاجازه هالصغر ..
وحده من الطالبات: يبغالنا نصلح مظاهرات عالاجازه ونلحق بأخواننا المصريين ..
واحد من الطلاب: اوكي نبدأ يوم الجمعه بعد الظهر ..
صاحبه: اوكي صار .. مين معاي ..؟!
واحد ثاني: إنا واضمن لكم عشرين شخص معاي ..
د.تركي: بس بس .. ميانين انتم ولا شنو ..؟!
واحد من الطلاب: يا دكتور نتغشمر ..
د.تركي: اوكي تغشمروا بس مو في الامور السياسيه .. خطر لو احد سمعكم ..
وحده من الطالبات: يووه الدكتور تركي يخاف من السياسه ..
صاحبتها: لا لا ما اصدق ..
جاء بيرد الدكتور بس انفتح الباب في هذا الوقت ..
لفوا كلهم يطالعون وكانت بنت واقفه واول مره يشوفونها في الجامعه ..
اسيل: مين ذي ..؟!
ندى: مدري ..
وطالعوا فيها .. كانت كييوت بكل ما تعنيها الكلمه ..
لابسه سكيني اسود وبلوزه كت صفرا عليها رسمه كبيره لسبونج بوب ..
وملامح وجهها جدا ناعمه .. شعرها اسود قصير عاملته اثنين بطريقه عشوائيه وحاطه شرايط صفرا على شكل فيونكه وماسكه بإكتافها شنطتها سبونج بوب كمان ..
يعني كيييييييييييوت لآخر درجه ..
د.تركي: عفوا .. منو انتي ..؟!
طالعت فيه البنت وقالت: هذا كلاس الدكتور تركي ..؟! << طبعا لا يفوتكم الراء لأنها قالته بدلع .. يعني البنت دلوعه << ..
د.تركي: ايوه ..
مدت البنت بوزها شوي وهي تطالع في الكلاس بعدين لفت عالدكتور تركي وقالت: تيب انا طالبه يديده ..
طالعوا الطلاب فيها وقالت اسيل لندى ولين: ههههه شايفه كيف كلامها ..؟!
لين: دلوعه يا ربي .. كلش وحرف الطاء والراء ..
ندى: بس الدلع لايق عليها وبقوه ..
اسيل: احسها طفله ..
لين: فعلا ..
د.تركي: اهلين .. طيب عرفينا بنفسج ..
طالعت فيه بإستغراب وهي رافعه حواجبها وقالت بدهشه: ما تعرفني ..؟!
استغرب واستغرب الفصل معاه ..
د.تركي بإستغراب: لا ما عرفتج ..
هزت راسها بدهشه وقالت ببراءه: مو معقوله .. اكيد تمزح ..
طالع فيها بتدقيق بس ما عرفها وقال: لا ما امزح ..
البنت: تيب انت دكتور يديد ولا قديم ..؟!
ابتسم على كلمة قديم فقال: لا قديم ..
البنت: عيل اكيد لازم تعرفني ..
د.تركي: طيب مين انتي ..؟!
ابتسمت وهي تقول: انا ...................

وانتهى اخر جزء من بارتنا السابع ..
انتظروني في البارت الثامن باجزاءه الثلاثه اللي تحوي على مفاجئات كثيره ..
من زمان ما حطيت اسئله وهذه هي اسئله ..
:؛: وصايف .. وش بتتوقعون ردت فعلها من كلام فارس ..؟!
:؛: سامي .. مين هالشخص اللي قابله .. هل فعلا يكون عمه ..؟!
:؛: ضاري وجراح ويزن .. مين هم وشقصتهم بالضبط ..؟!
:؛: بسام .. كيف بتكون حياته في الدوحه بشكل عام ..؟!
:؛: مين هالطالبه الجديده .. وش دورها في الروايه ..؟!

:؛: صرخة المشتاقه :؛:

|$[ نهاية البارت ]$|

المواضيع المتشابهه لموضوع: رواية واكتشفت اني لقيطه كامله لموضوع: رواية واكتشفت اني لقيطه كامله
الموضوع	كاتب الموضوع	المنتدى	مشاركات	آخر مشاركة
رواية طلبتك لا تحاكيني كامله	سجات التهاويل	همس للقصص وحكايات وروايات	331	8 - 6 - 2018 01:05 PM
رواية الا ليت القدر كامله	نَقاء أنامِل	همس للقصص وحكايات وروايات	71	7 - 9 - 2014 02:20 AM
رواية رغد وبدر كامله	سجات التهاويل	همس للقصص وحكايات وروايات	133	7 - 9 - 2014 02:14 AM
رواية شغب بنوته كامله	نَبض♡~	همس للقصص وحكايات وروايات	16	16 - 2 - 2014 05:50 PM
رواية ارادة رجل كامله	ادمنت تعذيبك	همس للقصص وحكايات وروايات	35	22 - 4 - 2012 01:48 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية واكتشفت اني لقيطه كامله

همس للقصص وحكايات وروايات