رواية واكتشفت اني لقيطه كامله

9 - 3 - 2014, 08:02 PM

في الكافتيريا كان سامي وريان جالسين .. يزيد غايب وعماد وصالح في محاضرتهم ودانا في المحاضره كمان ..
ريان: قولي وش هي مخططاتك للاجازه ..؟!
سامي: امممم اولا بأقعد بالبيت وثانيا بأقعد في البيت وثالثا بأقعد جوا البيت ورابعا بأقعد داخل البيت واخر مكان هو بأقعد بوسط البيت .. يعني اجازة اسبوعين تقريبا تقول وين بأروح ..؟! تبيني اروح ازور اهلي مثلكم .. مافي احد ازوره ..
ريان: ههههههههه مسجين .. طيب وعمك ليه ما تزوره ..؟!
سامي: ما اعرف وينه ..
ريان: هههههههه ..
اسند سامي دقنه على ايده وقال بهدوء: سمعت آخر خبر ..
ريان: ايش ..؟!
سامي: بنت عمي ميته ..
ريان بتفاجئ: شنو .. من جد ..
سامي: ايه .. سمعت ابوي يتكلم مع عمي ويقول كيف بنتك .. بعدين قال ماتت .. بعدين قال ضاعت .. بعدين قال قول الصراحه هي ماتت ولا ضاعت .. وبعد فتره طويله قال ابوي بطريقه انه متفاجئ وقال انت تقصد ان زوجـ ... وما كملت الباقي لأن الغوريلا والجحش مرادوه شكني وانا اتنصت ..
ريان: طيب ما سألت ابوك ..؟!
سامي: لا .. ولا ابي اسأله ..
ريان: طيب وش اللي خلاك تتوقع انها ميته ..؟!
سامي: من حجي ابوي ..
ريان: طيب هو قال ماتت وقال ضاعت .. يعني يمكن تكون ضاعت ما ماتت ..
سامي: ريان لا تفتح لي باب التفاؤل وبعدين انصدم ..
ريان: شوف قلبي حاسس انها ما ماتت .. يمكن ضاعت .. انت لا تختار طريج التشاؤم .. ياخي تفائل في حياتك ..
سامي: اخاف من الصدمه ..
ريان: جبان .. دوم جبان من اللي ياي .. اسمع انت ما راح تخسر شي لو سألت عنها .. يعني لو طلعت ضاعت فهذا شي حلو لأنك اكيد بتشوفها .. واذا طلعت ماتت ما راح تحزن لأنك ما تعرفها اصلا .. صح ولا لا ..؟!
سامي: آه ما ادري .. بس اقولك شي وما تضحك ..
ريان: قول ..
سامي: احس اني اعرف بنت عمي من زمان مع اني ما شفتها .. يعني احس اني شفتها وسولفت معها .. اقصد اني احس بأحاسيس غريبه وانها تعرفني كمان .. يعني اقصد انها مجرد احاسيس واشياء احس فيها فاهمني ..؟!
ريان: فاهمك .. والمفروض من ذي الاحاسيس تتأكد انها حيه وما ماتت ..
سامي: اخاف ..
ريان: من شنو تخاف ..؟!
سامي: اخاف ان ذي الاحاسيس تكون من الشيطان عشان يصدمني في النهايه ..
ريان: اووووف .. سامي انت غبي .. كل ما انفتح باب تسكره بتشاؤمك .. اسمع ..
سامي: ها ..
ريان: شسم عمك ..؟!
سامي: ما ادري .. سألت ابوي وضحك علي ..
ريان: من حقه يضحك .. في احد في العالم ما يعرف ايش اسم عمه .. المشكله ما عندك غير هالعم ..
سامي: يوووه خلاص لا تتفلسف ..
ريان: طيب ليه ما حاولت تعرف اسمه .. اقصد طالع في اوراق ابوك .. اكيد اسم عمك مكتوب ..
سامي: ياخي ذا سلطان محمد الراهي .. مستحيل تدخل الجناح حتى .. تبين افتش في اوراقه .. ياخي طييييير ..
ريان: سامي مو انت تحب المغامره ..؟!
سامي: ايه احبها بس ضد الراهي لا ..
ريان: اوووف منك .. طيب حاول تدور عن احد اسم ابوه محمد الراهي .. اذا لقيت فهذا بيكون عمك ..
سامي: ادور فين ..؟! في قطر كلها .. لا اكيد انت مينون ..
ريان: المشكله يقول ابي بنت عمي وابي اشوفها وهو مو راضي يتحرك .. سوداني انت ..؟!
سامي: لا مو سوداني ..
ريان: إلا سوداني لأن السودانين كسولين لآخر حد ..
سامي: اوووف ..
ريان: اوووفين ..
سامي: في ويهك ..
ريان: خلك جذي غبي .. يمكن تكون بنت عمك ضايعه وفي مشكله ومحتاجه مساعده وانت يالس هنا .. واحتمال بعدين تموت بسببك ..
سامي: ها ..
ريان: لا تقول ها .. هذا اللي بيصير اكيد ..
سامي: طيب وينها ..؟!
ريان: وانا شدراني .. بنت عمي ولا بنت عمك .. روح دورلها انت ..
سامي: كيف ادورلها ..؟!
ريان: مالي شغل انا .. كنت بساعدك بس انت شخص كسول وخواف ومتشائم وعشان جذي ما راح اتدخل ..
سامي: ريان بليز لا تكون نذل ..
ريان: ..............................
سامي: خلاص ريان انا ما راح اكون كسول ولا خواف ولا متشائم ..
ريان: من جد ..؟!
سامي: ايه من جد ..
ريان: طيب اسمع .. اول شي لازم تعرف اسم عمك بأي طريجه .. واذا كان صعب فأعرف اسم بنت عمك .. مع ان اسمها يمكن ما يفيدنا ..
سامي: ليش ..؟!
ريان: بما انها ضاعت فهذا يعني انه يمكن احد لقاها .. فأذا لقاها فإما بيوديها لدار الايتام او يربيها .. وهي لمن ضاعت كانت صغيره واكيد ما تعرف اسمها .. فأكيد اللي لقاها سماها اسم ثاني فعشان جذي اقول يمكن اسمها ما يفيدنا ..
سامي: وانت شدراك انها ضاعت وهي صغيره ..؟!
ريان: لأنه مستحيل وحده تضيع وهي كبيره .. واذا ضاعت وهي كبيره فبتكون فاهمه وبتروح عند اي مركز شرطه وتبلغ عن نفسها يا ذكي ..
سامي: ايه صح ..
ريان: فعشان جذي لازم نعرف اسم ابوها وبعدين نــ......
سامي: لحضه عندي سؤال ..
ريان: ايش ..؟!
سامي: اذا كانت صغيره وضاعت ولقاها واحد وسماها بأسم عنده فهذا يعني ان اسمها ماله فايده .. طيب اسم ابوها كمان ماله فايده صح ..؟!
سكت ريان بعدين قال: صح .. كيف راحت ذي عن بالي .. اذا الشخص اللي لقاها ما عرف اسمها فهذا يعني انه ما يعرف اسم ابوها كمان ..
سامي: بسم الله علي اعرف افكر ..
ريان: اول مره تييب شي مفيد ..
سامي: طيب اذا كان اسم ابوها واسمها مالهم فايده فكيف بنلقاها ..؟!
ريان: اممم خلني افكر ........... لقيتها .. انت عندك صوره لها وهي صغيره ..؟!
سامي: ما ادري .. ليش ..؟! الصوره بتكون لطفله واكيد ما نقدر نعرفها وهي كبيره ..
ريان: لابد انه يكون فيه شبه ولو بسيط .. فبندور واذا لقينا بنت تشبهها نسألها جم سؤال ويمكن نقدر نطلع شي يفيدنا .. بس المهم انت تعرف جم عمر بنت عمك ..؟!
سامي: اللي اعرفه انها اصغر مني بسنتين ..
ريان: هذا يعني ان عمرها ١٩ سنه .. يعني تكون اولى جامعه ..
سامي: طيب يمكن تكون رسبت وهي في ثالث ثانوي ..
ريان: يمكن .. المهم اللحين انك تييب صوره لها بأي طريجه خلاص ..
سامي: اوكي .. بشوف ..
ريان: وانشالله بعدين نفكر في الباجي ..
طالع سامي ورى ريان بعدين قال: ريان ..
ريان: نعم ..
سامي: بقولك شي ..
ريان: وشو ..؟!
سامي: هذا الشي عن اروى ..
ريان: لا بلييز لا تقول شي عنها ..
سامي: بس الموضوع جدي ..
ريان: والله .. طيب وشهو ..؟!
سامي: قبل فتره طلبت انها تقابلني في مطعم .. توقعتها مقابله مثل اي مقابله مع اي بنت بس كانت المقابله غير .. البنت تحبني ..
ريان: ما يبت شي يديد .. كل البنات يقولون لك انهم يحبونك ..
سامي: البنت هذي غير .. البنت لمن كانت تقابلني قبل كانت تدعي انها تحبني .. هي بنفسها اعترفت وقالت انها ما كانت تبغى انها تحبني لأنها تعرف اني لعاب .. تعرف ليش نقلت الترم اللي راح ..؟!
ريان: لا ..
سامي: عشانها تبي تبعد عني لمن حست نفسها بتميل لي ..
ريان: معقوله ..؟! يمكن تضحك عليك ..
سامي: تبجي .. كانت تبجي .. البنت صاجه .. هي بنفسها قالت اني حاولت ابعد بس ما قدرت .. كانت تصيح جدامي وكانت تشهق وتقول بس مو بإيدي اني احبك .. البنت ما كانت تجذب ..
ريان: طيب انت شسويت ..؟!
سامي: قلتلها تبعد عني ..
ريان: معقوله .. مو من عادتك تبعد احد ..
سامي: اذا شفت ان البنت اللي جدامي حبتني ابعدها عني لأني مستحيل احب احد .. فاهم ..؟!
ريان: طيب هي شقالت ..؟!
سامي: رفضت وقالت غصب عني احبك ومو قادره ابعد عنك .. حاولت فيها بس في النهايه قامت من عندي وهي تبجي ..
ريان: تتوقع انها بتسمع الكلام ..؟!
سامي: آآه ما ادري ..
فسكتوا فتره بعدين قال سامي: ريان .. بسألك سؤال يخص بنت عمي ..
ريان: اسأل ..
سامي: افرض اننا بعد كل هالتعب والبحث اكتشفنا انها ميته .. وش بنستفيد ..؟!
عصب ريان وقال: افرض اني اخذت راسك وصكيته في الجدار .. وش بيصير ..؟!
سامي: هههه ما كان قصدي يا ريان ما كان قصدي ..
ريان: غبي ..
وقام فقال سامي: وين وين ..؟!
ريان: الحمام .. تبي تيي وياي ..؟!
سامي: لا شكرا ما ابي ..
ريان: احسن عشان ما تقول افرض ان الحمامات كلها مشغوله وش بتستفيد ..؟!
وراح .. ضحك سامي عليه بعدين فتح جواله يدقق فيه شويه لين يجي ريان ..

================================================== ==================

وقف وائل سيارته قدام الجامعه ونزل واتصل بفارس ..
وائل: فارس وينك ..؟!
فارس: انت ييت ..
وائل: انا جدام باب الجامعه ..
فارس: طيب انتضرني .. اللحين بيي ..
وائل: طيب بسرعه ..
قفل وائل وانتضر فارس .. وبعد فتره جاء ..
فارس: ها تأخرت ..؟!
وائل: يعني .. ياللا ندخل ..
فارس: مستعيل مرره ..
وائل: بلا هذره زايده .. خلنا ندخل ..
فارس: طيب ياللا ..
فدخلوا داخل ولفوا عشان يدورون لآرثر وبعد فتره ..
وائل: اخاف يكون غايب ..
فارس: لا مو غايب .. انا الصباح شفته ..
وائل: حلو .. طيب انت قلي شكله عشان اقدر ادور عليه معاك ..
فارس: واحد شعره اشقر وعينه خضرا وبس ..
وائل: من جد ..؟!
فارس: ايه ..
وائل بهدوء: ليش اسيل كانت تمشي معاه ..؟!
هز فارس كتفه وقال: ما ادري ..
سكت وائل فتره وهو يفكر ..
فارس: هذا هو ..
لف وائل بسرعه على ناحية آرثر اللي كان جالس مع شلته ..
وائل: هذا هو ..؟!
فارس: ايوه ..
فراح وائل عنده وقال: آرثر ..
طالع آرثر فيه وقال: نعم ..
وائل: ابيك شوي ..
استغرب آرثر وقام معاه وبعدوا شوي عن باقي الشله ..
آرثر: اي خدمه ..؟!
وائل: شتعرف عن اسيل ..؟!
آرثر بتفاجئ: اسيل ..؟! انت تعرف اسيل ..؟!
وائل: ايه .. واللي ينبي هو اخوها ..
لف آرثر على فارس وتذكره لمن خرج مع ابوه وراحوا لمستشفى الطب النفسي ..
وائل: اللحين ممكن اعرف وش نوع العلاقه بينك وبينها ..؟!
آرثر: اولا ابي اسأل سؤال .. مين اللي دخل اسيل لمستشفى الميانين ..؟!
تفاجئوا وائل وفارس وقال وائل: وانت شدراك عنها ..؟!
آرثر: لا ترد على سؤالي بسؤال آخر ..
وائل: مو من حقك توجه لي الاسئله .. ياوبني وقول شنوع علاقتك بأسيل ..؟!
آرثر: مين انت عشان تسألني ..؟!
فارس: هذا ولد عمها ..
آرثر: ولد عمها ..؟!
وائل: ايه ولد عمها .. ممكن تياوب على سؤالي ..؟!
سكت آرثر فتره بعدين قال: بعد خمس اسابيع كنت راح ايي واخطبها ..
انصدموا من كلامه وقال وائل: انت .. انت شقاعد تقول ..؟!
آرثر: اللي سمعته ..
مسكه وائل من بلوزته وقال بعصبيه: انت مستوعب اللي قاعد تقوله ..؟! انت واحد حقير .. كيف تفكر انت ..؟! نفسي افهم شلون تجرأت وسويتها ..؟! ياوب يالجلب ..
آرثر: انا ماني فاهم ايش سبب عصبيتك .. بس حبيت ابين لك اني احبها وهي تحبني ..
وائل بصراخ: جــــــــــــذاب .. انت واحد جذاب .. هي ما تحبك .. ما تحبك يالجذاب ..
فارس: وائل اهدأ شفيك ..؟!
وائل: قول الصج ولا تجذب ..
بعد آرثر ايد وائل وقال: لو سمحت انا ما ارضى احد يتهمني بالجذب .. روح اسألها اذا كنت مو مصدقني ..
هز وائل راسه بعدم تصديق وقال: مستحيل .. انت اكيد تجذب علينا .. مستحيل ..
فتذكر وائل كلام اسيل ..
:::::::::::::::::::::::::::::::::::::::::::::::::: ::::::
اسيل: لا تقــــــــــــول حيــــــــــــاتي .. انت اكيد بتسوي سوات آرثر .. اذا كنت مثل آرثر فأنا اكرهــــــــــــك .. تعرف شنو يعني اكرهــــــــــــك .. اكرهــــــــــــك كثر ما اكره آرثر ..
:::::::::::::::::::::::::::::::::::::::::::::::::: ::::::
وائل في نفسه: "هو يحبها وكان بيخطبها .. وهي تقول انها تكره وانفعلت وعصبت لمن سمعت اسمه .. معقوله تكون من جد تحبه وفي احد سحرها عشان تكره .. لا مستحيل .. مستحيل اسيل تحب احد .. مستحيل ومحال" ..
طالع في آرثر وقال: في احد يحبك ..؟! اقصد في بنت ثانيه تحبك غير .. غير "وبالصعوبه" اسيل ..؟!
سكت آرثر بعدين قال: ليش تسأل ..؟! لا تقول اترك اسيل وروح للبنت الثانيه لأني مستحيل اسويها ..
عض وائل على شفته وقال: مستحيل تسويها وتحب غيرها ..؟!
آرثر: ايه ..
وائل: بس انا ما قصدت بسؤالي هذا الشي .. انا اقصد شي ثاني .. فياوبني وقول في بنت ثانيه تحبك ..؟!
آرثر: في بنت بس انا انهيت كل شي بيننا .. بنت خالي اليزا ..
فارس بدهشه: اليزا ..؟! مو هي اللي كسرت ايد اسيل ..؟!
طالع آرثر فيه وقال: ايوه بس انت شدراك ..؟!
فارس: عرفت من اسيل ..
وائل: اليزا كسرت ايد اسيل ..؟!
فارس: ايوه ..
وائل: وش هو السبب ..؟!
فارس: ما قالتلي ..
وائل: عيل ماكو غير اليزا .. اكيد هي ..
فارس: لا ما اتوقع ..
آرثر: شتقصدون ..؟!
فارس: اختي مسحوره يا اخ آرثر ..
آرثر بصدمه: ايــــــــــــش ..؟!
وائل بحقد: مثل ما سمعت واكيد انسحرت بسببك .. روح عند اليزا واسألها وين حطت السحر ..
آرثر: بس اليزا مسافره لها اكثر من اسبوع ..
وائل: واسيل مسحوره لها اسبوع .. اسأل بنت خالك عن مجان السحر .. لأن السحر ما ينفك إلا اذا عرفنا وين مجانه ..
آرثر: مستحيل .. اليزا ..؟!
وائل: ايه اليزا ماكو غيرها .. كله بسبتك .. لو ما قربت من اسيل جان ما صار اللي صار .. مو بعيده انك تكون انت اللي سحرتها ..
آرثر: ما احب احد يتهمني يا استاذ وائل .. انا احب اسيل ومستحيل اسوي جذي ..
وائل بصراخ: لا تقــــــــــــول احبهــــــــــــا .. اكيد ضحكت عليها .. اسيل ماهي غشيمه عشان تحبك انــــــــــــت ..
آرثر: قول اللي تبي تقوله .. انا ما راح اهتم .. باااي ..
وراح وخرج برى الجامعه ..
وائل: جلب .. جلب .. جلب ..
فارس: وائل انت شفيك معصب عالريال ..؟!
وائل: مافي شي ..
فارس: امبلا في شي ..
وائل: لأنه السبب في اللي صار لأسيل ..
فارس: بس هو ماله شغل .. بنت خاله هي السبب ..
وائل: انا تأخرت عن اسيل .. باي ..
فارس: باااي ..
فركب وائل سيارته وراح للفندق وهو يحس بشي انطعن فيه من كلام آرثر .. معقوله يحب اسيل ..

اما عن آرثر كان في سيارته متجه لبيته وماسك جواله يتصل على اليزا ..
وقف السياره قدام البيت وقال: ليش ما ترد ..؟!
اتصل مره ثانيه ودخل للقصر فشاف قدامه امه نازله من الدرج ..
الام: ايش اللي رجعك بدري يا حبيبي ..؟!
طالع آرثر فيها بنضرات حاده وهو ساكت ..
الام: شفيك تطالع فيني جذي ..؟! آه تبي تعرف ليش ما رحت اليوم الجامعه .. اخوك اللي ببطني اذاني وما قدرت اروح للشغل ..
آرثر: يمه كله منك .. ليش اخرتي خطبتي عن اسيل ..؟!
الام: ها ..؟!
آرثر: لو خطبتها جان حطيت حد لإليزا ولتصرفاتها .. لو خطبتها جان اليزا استسلمت للواقع وبعدت عن اسيل ولا تسحرها .. بنت اخوج يا يمه سحرت البنت ..
الام بصدمه: لا اليزا ما تسويها ..
دق آرثر على اليزا للمره الثالثه وهو يقول: الا تسويها ونص .. اللي يخليها تكسر ايد البنت يخليها تسحرها و ........................ اخيرا رديتي يالجلبه ..
اليزا: عزيزي تحدث بالتركي حتى افهمك ..
آرثر بعصبيه: اريد ان افهم لماذا قمتي بسحر البنت .. جاوبي لماذا ..؟!
اليزا بصدمه: ماذا .. انا اسحر اسيل يا آرثر .. هل هذا معقول انك تشك بي ..؟!
آرثر: مالذي ادراك اني اقصد اسيل من كلمة بنت ..؟!
اليزا بإرتباك: ها .. لقد .. لقد توقعت انها اسيل ..
آرثر بعصبيه: اليزا جاوبــــــــــــي وقولــــــــــــي الحقيقــــــــــــه ..
اليزا بعصبيه: انني اقول الحقيقه يا آرثر .. انا لم اقم بسحر اسيل ومستعده ان اذهب للكنيسه واحلف على كتابي المقدس ..
آرثر: لا تحلفي لي بأشياء قذره ومحرمه ..
اليزا: ان ديننا ليس بشي قذر يا آرثر ..
آرثر: بلا قذر ولا تجادليني بهذا ..
اليزا: اتعلم بأنه لو عرف القسيس بما قلته ستعاقب يا آرثر ..
آرثر: اليزا هذا ليس موضوعنا ..
اليزا: لم اسحرها يا آرثر .. ورب من اوجدني انني لم اقم بسحرها ..
آرثر: اذن لما ارتبكتي عندما قلت كيف عرفتي ان الفتاه هي اسيل ..
اليزا: لا شأن لك .. انا مشغولة الآن .. باي باي ..
وقفلت .. قفل آرثر وقال: في شي جذب في كلامها .. الحقيــــــــــــره ..
لف وطالع في امه بعدين طلع فوق لغرفته ..
الام: ياربي .. من يوم طلعت اسيل وطلعت المشاكل من وراها .. ودي اعرف وش المميز فيها ..
نزلت وجلست تطالع في التلفزيون ..

9 - 3 - 2014, 08:03 PM

كانت ريما تتسوق في المول .. لها اكثر من اسبوعين ما راحت وناقصها اشياء كثيره ..
كانت تتسوق وهي تفكر بأشياء كثيره ومن هذه الاشياء هو موضوع اسيل واللي صار لها ..
دخلت مطعم وجلست تاكل وهي تقول: اسيل وينها اللحين طيب ..؟! آخر شي اتذكره انها دخلت المستشفى ..
سكتت فتره بعدين قالت: يحسبوها مينونه .. احسن ..
حركت الملعقه في الصحن وهي تتذكر شي حصل يوم الاحد اللي فات .. حصل هذا الشي وهي في المستشفى ..
:::::::::::::::::::::::::::::::::::::::::::::::::: ::::::
كانت ريما منسدحه على سريرها وهي حاسه بصداع خفيف يسيطر على راسها ..
رفعت راسها لمن شافت الباب انفتح ودخل شخصين للغرفه ..
ريما في نفسها: "اشاكلهم ماهم عربيين" ..
...........: هااااللو .. كون ايدن ..<< معناته صباح الخير <<
.........٢: اهلا آنسه ريما .. انا اسمي مايكل وهذي اسمها اليزا ..
ريما: طيب وبعدين شتبون ..؟!
مايكل: ان الآنسه اليزا هي من تريدك .. تريدك في موضوع يخص من تحبين .. اي يخص آرثر ..
تفاجأت ريما وقالت: آ آر آرثر ..
اليزا: ايفيت .. << اجل <<
مايكل: نحن نعرف انك تحبين آرثر .. وتحبينه جدا .. ونعرف انك اكتشفتي ان اختك اسيل تحبه ايضا وهو يحبها .. ونحن هنا لنساعدك ..
ريما: ماني فاهمه ..
مايكل: انا واليزا اصدقاء لآرثر ونعرف طبائعه جدا .. نعرف انه اذا احب احدا فأنه يخلص فيه حبه .. لكن اذا تغير هذا الشخص فأن آرثر يضطر الى تركه .. وهذا يعني انه بأستطاعتك ان تردي آرثر اليك ..
ريما بدهشه: من جد ..
مايكل: اجل ..
ريما: كيف ..؟!
مايكل: بالسحر يا آنسه ..
انصدمــــــــــــت ريما وقالت: الســـ ـــســ ـحـــر ..
اليزا: ايفيت ..
ريما: مو معقول ..
مايكل: من يحب يجب ان يفعل اي شي من اجل حبيبه .. انه مثل مشهور عندنا .. ان قمتي بسحر اسيل وجعلها تكره وتطلب ابتعاده عنها فسيؤثر هذا فيه .. لأن آرثر لا يحب شخصا لا يحبه .. وبالتأكيد سيتخلى عنها ويبحث عن شخص آخر .. ان الكره في ملعبك فلا تفرطي بها يا آنسه ريما ..
سكتت ريما فتره وهي تفكر فقال مايكل: لم انتي متردده .. الم تقولي انك تحبين آرثر .. ان لم تفعلي شي من اجله فهذا يعني انك كاذبه في اقوالك ..
ريما: لا مو جذابه ..
مايكل: اذن ستفعلين هذا وتسحرينها اليس كذالك ..
ريما: بس بس هذي اختي ..
مايكل: انا لم اقل اسحريها طول عمرها .. بل حتى تتزوجي بآرثر ومن ثم ابعدي السحر .. ولا تقولي هذي اختي .. لو كانت اختك لتركت آرثر من اجل ان تسعدك .. انها ليست اختك ..
سكتت فتره بعدين قالت: اوكي ..
مايكل: رائع .. والآن ارتحت لأن صديقي سيأخذ فتاه تعمل اي شي من اجله ..
ريما: ........................
مايكل: والآن الى اللقاء ..
اليزا: كلي كلي ..<< وداعا <<
وخرجوا ..
:::::::::::::::::::::::::::::::::::::::::::::::::: ::::::
ريما: وها انا سحرتها .. بس الاخ آرثر ما زال متمسك فيها لآخر درجه ..
وسكتت تتذكر كلامه لمن قال انه يحبها وراضي فيها حتى لو كانت مينونه ..
ريما: كلامهم كله خطأ .. آرثر مستحيل يكون لي .. مستحيل .. هو يحب اسيلوه ومتعلق فيها لآخر درجه .. ابي افهم اسيلوه وش سوت له .. ابي افهم ..
قامت وشالت اغراضها وراحت للبيت .. وصلت ودخلت داخل فشافت ام ماجد توها تخرج هي والام من المجلس ..
ام فيصل: ايلسي شوي ليش مستعيله ..؟!
ام ماجد: والله ودي بس تأخرت عن البيت .. اكيد بألقى حرب بين غيدا ومحسن مثل دايم ..
ام فيصل: ههههه سلميلي عليهم ..
ام ماجد: اوكي من عيوني .. مع السلامه ..
ام فيصل: مع السلامه ..
جت بتلف ام ماجد بس تذكرت شي وقالت: ايه صح نسيت .. غيدا قالتلي اسألي عن اسيل ليش غايبه لها مده ..
ام فيصل: ها .. آآه راحت عند عمها ..
ام ماجد: وليش .. الوقت مو مناسب لأنها تزور عمها ..
ام فيصل: هههههه شنسوي .. البنت الصغيره والمدلله ..
ام ماجد: هههه اوكي سلميلي عليها ..
ام فيصل: ان شالله ..
لفت ام ماجد وشافت ريما فقالت: اهلين ريما كيفج ..؟!
ريما: الحمد لله ..
ام ماجد: يقولون انج تعبانه وانا اشوفج ماشالله تمام ..
ريما: يكبرون السالفه اكبر من حجمها ..
ام ماجد: فعلا .. ياللا مع السلامه ..
ريما: باي ..
خرجت ام ماجد وراحت للبيت ..
الام: ريما .. انتي كنتي برى ..؟!
ريما: ايوه ..
استغربت الام بقوه وقالت: مو قبل جم ساعه كنتي فوق وكانت حالتج مبهذله مره وتبجين ..؟! مسرع طلعتي للسوق ..؟!
شالت ريما الاكياس وطلعت فوق وهي تقول: احنا في زمن السرعه يا ماما ..
طالعت الام فيها بإستغراب .. وقفت ريما في نص الدرج ولفت على امها ..
ريما: ماما ..
الام: هلا حبيبتي ..
ريما: وين اسيل ..؟! وايش آخر اخبارها ..؟!
الام: يوووه لازم تذكريني فيها ..
رفعت ريما حواجبها وهي تقول في نفسها: "ابي افهم ليش امي تكرهها .. اللي اعرفه انه مافي ام تكره بنتها .. بديت احس انه فيه شي .. وشي جايد وايد" ..
الام: سمعت انها هربت من المستشفى ..
ريما بصدمه: وشــــــــــــو ..؟!
الام: هربت .. ابي افهم وحده مينونه كيف تقدر تفكر وتهرب .. كيف ..؟!
ريما: هربت ..؟! مستحيل تهرب من حالها .. اكيد هو هربها ..
الام بإستغراب: انتي شتقولين ..؟!
طلعت ريما لغرفتها ورمت الاكياس فوق السرير وجلست على كرسي التسريحه ..
ريما بحزن: اكيد آرثر هربها .. آرثر مستحيل يحب غيرها .. انا مستحيل اخليه يحبني .. يعني خلاص آرثر مو لي .. لا ما اصدق .. انا احبه .. ما اقدر اصدق انه ما يكون لي .. ليش جذي .. اول مره احب .. والله هذي هي اول مره احب فليش ما اتوفق في حبي له ..؟! ليش ..؟!
سمعت صوت داخلها يقول: لانك عاصيه .. مستحيل تتوفقين في حياتج وانتي ساحره البنت .. مستحيل ..
هزت ريما راسها بقوه وفتحت الدرج تاخذ لها حبوب تهدي الصداع اللي بدأ يجي لراسها ..

================================================== ==================

في العصر .. كان سامي في غرفته يفتش فيها ويدور على اي البوم صور لبنت عمه .. دور ودور ومالقى شي ..
جلس عالسرير وقال: آاآه مالقيت شي .. انا متأكد انه كان عندي البوم صوري وانا صغير وكان فيه جم صوره لبنت عمي .. ابي افهم وين طس ..؟!
لف بعيونه في الغرفه عشان يدور مجان ما دور فيه ..
طالع فوق دولاب الملابس وقال: هذا المجان ما دورت فيه .. بس اكيد مافي شي لأني ما اتذكر اني طلعت فوق الدولاب ابدا .. يعني ماكو لزمه اني اتعب نفسي وادور ..
ولف ع الكنبه وقال: ما دورت تحتها لأنه مافي احد يحط شي تحتها .. يعني ماكو لزمه اتعب نفسي وادور ..
انسدح عالسرير وقال: يمكن الوالد المحترم اخذها ..
اخذ جواله وارسل رساله كتب فيها ..
(( دورت في غرفتي ومالقيت ولا شي ابدا .. شسوي .. )) ..
ارسلها لريان وبعد ربع ساعه ارسله ريان ..
(( دور في غرفة ابوك او اسأل ريندا اكيد تعرف شي )) ..
جلس سامي وقال: هذا من صجه ..؟! قال ادور في غرفة ابوي قال .. مع نفسك .. بسأل ريندا احسن ..
قام ونزل تحت يدور على ريندا .. وقف في نص الصاله الآماميه وتنهد ..
سامي: البيت كبير وايد وتعب ادور فيه كله ..
سكت وبعدين نادى بأعلى ماعنده: رينـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــدااا اااااااااااااااااااااااااااااااااااااااااااااااااا اااا ..
جلس عالكنبه يرتاح وياخذله نفس ..
خرجت ريندا من الجناح الشرقي للقصر وقالت: نعم ..
طالع سامي فيها وقال: وبكل برود تقولين نعم ..
ريندا: لم .. هل تريدني ان اصرخ بأعلى صوتي واقول نعــــــــــــم ..؟!
سامي: يعني تعرفين اني صرخت بأعلى صوتي .. المفروض تييبين لي ماي وياج ..
ريندا: آسفه .. في المره القادمه انشالله ..
سامي: ما علينا هذا مو موضوعنا .. كنت ابي اسألج عن شي ..
ريندا: ماهو ..؟!
سامي: تعرفين وين البوم صوري وانا صغير ..؟!
ريندا: وماذا تريد منها .. هل تريد استعادة ذكريات الطفوله ..؟!
سامي: لا ابدا .. هذا اللي كان ناقص اني اتذكر نفسي وانا صغير ..
ريندا: اذا ماذا تريد من الالبوم ..؟!
سامي: ابي اشوف صور بنت عمي ..
ريندا: لما هل تريد خطبتها يا سيد سامي ..؟! ههههههه ..
سامي: يوووه منج ياريندا .. خليني اخلص كلامي ..
ريندا: اكمل اكمل ..
سامي: لا تقاطعيني بتوقعاتج السخيفه ..
ريندا: حسنا هيا اكمل ..
سامي: ابي صور لبنت عمي عشان اقدر اعرف شكلها عدل ..
ريندا: الم اقل لك من قبل انك تريد خطبتها ..
سامي بنرفزه: رينــــــــــــددددا ..
ريندا: ههههههه آسفه ..
سامي: لا تقاطعيني ..
ريندا: حسنا حسنا ..
سامي: ابي احفظ شكلها واعطي رفيجي ريان نسخه من الصوره ..
ريندا: اها .. رفيقك هو من يريد خطبتها .. يالي من غبيه ..
سامي: ريندا انتي وحده مو معقوله .. سكتي بلييييييييز ..
ريندا: حسنا سأسكت ..
سامي: ان قاطعتيني ماراح اكمل ..
ريندا: حسنا لن اقاطعك ..
سامي: اووووف المهم نبي نحفظ شكلها عشان ندور عليها .. انتي تعرفين ان بنت عمي ضاعت ..؟!
ريندا: لا لا اعلم ..
سامي: بنت عمي ضاعت وانا وريان بندور عنها .. انا ما اعرف شكلها وعشان جذي نبي صوره لها عشان نقدر نعرفها وبعدين ..
وسكت فقالت ريندا: وماذا بعد ..؟!
سامي: ما ادري .. نلقاها وبس ..
ريندا: آها ..
سامي: المهم وين البوم الصور ..؟!
ريندا: وما ادراني ..
سامي: ما تعرفين ..؟! اللحين متعبتني اشرح واشرح وفي الاخير ما تعرفين ..
ريندا: لم يجبرك احد على الشرح ..
سامي: صج صج انج نذله ..
ريندا: لم لا تسأل والدك .. لابد انه يعلم مكانها ..
سامي بضيق: مابي ..
ريندا: انت حر .. سأعود الى عملي .. هل تريد شي مني ..؟!
سامي: لا ..
ريندا: حسنا ..
ورجعت لشغلها .. جلس سامي يفكر بعدين طالع فوق جهة جناح ابوه ..
سامي: اتهور وادخل افتش ولا لا ..
مراد: انصحك انك ما تدخل ..
لف سامي ورى وعصب لمن شافه وقال بعصبيه: وانت شدخلك ..؟! لا تتلقف مره ثانيه .. خلك بعيد عني احسن لك يا مرادوه ..
مراد: شفيك عصبت .. انا قدمت لك نصيحه يا سامي ..
سامي: لو سمحت قول سيد سامي .. انت مجرد مدير منزل وانا من اصحاب هذا المنزل ..
طالع مراد فيه وكتم عصبيته وقال ببرود: ايه صح نسيت ..
سامي: انتبه لا تنسى مره ثانيه عشان لا اوصل هذا الشي لرئيس هذا البيت خلاص ..؟!
مراد ببرود: يصير خير ..
سامي: واضح واضح ..
مراد: شنو اللي واضح ..
سامي: واضح انك معصب وتتصنع البرود ..
تفاجأ مراد وقال: لا انت غلطان يا استاذ ..
سامي: No No مو غلطان ..
ولف سامي وطلع فوق وهو يحس بفرح ان رفع ضغط مراد ..
سامي: بس ما احس اني رفعت ضغطه مره .. احسه عصب شوي وانا ابغاه يعصب بقوووه ..
وقف عند باب جناحه وبعدين لف نضره على جناح ابوه وطالع فيه فتره ..
لف ورى يطالع في الصاله وما شاف مراد .. تردد بعدين تقدم عند الباب ووقف قدامه .. لف مره ثانيه عالصاله وما شاف احد ..
تردد بقوه وحس بخوف .. ومع هذا فتح الباب ودخل وقفل الباب وراه بسرعه ..
سامي: ااووه احس نفسي سويت انجاز ..
طالع في ساعته وقال: باجي ساعتين ويرجع من شغله .. يعني يمديني ادور عن اسم عمي ..
مشي في الصاله واتجه لغرفة النوم فقال: لا ما اضن .. اكيد الاوراق تكون في مكتبه ..
لف على المكتب وفتح الباب ودخل .. طالع في الغرفه وكان فيه مكتب كبير ودولاب مليان اوراق وطاوله صغيره ..
سامي: يمكن تكون في الدولاب ويمكن في المكتب .. بدور في المكتب اول ..
جلس عالكرسي وفتح اول درج وطلع كم ملف وقعد يقلب فيه ..
سامي: اووووف كلام كلام كلام .. اكره القرقره الزايده ..
قلب في الاوراق وكانت اكثرها صفقات واملاك واراضي وشركات في قطر وفي خارج آسيا واشياء كثيره ..
دخل الاوراق في الدرج وفتح الدرج اللي تحته وكان نفس نوعية الاوراق ..
فتح الدرج الثالث وبعدين الرابع وبعدين فتح الدرج الخامس وكان فيه ملف ازرق ..
فتحه وكانت اول ورقه هي شهادة ميلاد ابوه ..
سامي: حلو .. واخيرا شفت اوراق خاصه ..
فتح الورقه اللي بعدها وكانت صوره لبطاقته الشخصيه ورخصه سياقة سياره واشياء ثانيه ..
فتح الاوراق لين وصل لصوره قديمه لكرت العائله الخاصه في سامي وابوه ..
لف الورقه وفتح اللي بعدها وكانت اوراق قديمه مرره .. وكل الاوراق اللي بعدها كانت اوراق قديمه ..
وسط هذي الاوراق كان فيه عقد زواج .. ماكان عقد زواج ابو سامي .. كان عقد زواج عمه ..
اول ما شاف سامي الورقه انبسط وطالع فيها .. جت عينه على اسم الزوجه ..
سامي: اسمها سميـ.......
حس قلبه بيطير من مكانه لمن سمع صوت يقول: لهدرجه وصلت وقاحتك يا سامي ..؟! ما توقعت ..
رفع راسه وشاف ابوه واقف عند باب المكتب ويطالع فيه ..
اول مره يحس سامي برعب ماله مثيل ابدا .. ومن شدة الرعب ماحرك شي من مكانه وعيونه على ابوه ..
جاء الاب واخذ الملف من ايد سامي وقلب فيه وباين عليه انه معصب لآخر حد بس ماسك نفسه ..
رفع الاب راسه وطالع في سامي وقال: انت عمرك ما تجرأت انك تدخل جناحي .. شلون هالمره تدخله وتفتش في اوراقي الخاصه ..؟!
رمى الملف بقوه عالمكتب وقال بحده: اكثر من عشر سنوات وانا خارج قطر وعمرك ما دخلت لجناحي ابدا .. ولمن انا ييت وقررت استقر هنا دخلت للجناح .. ابي افهم ايش المقصود من ذا الشي ..؟! تتحداني مثلا ..
طالع سامي فيه وهو يتمنى ينتهي هذا الامر بسرعه .. جسمه كله يرتجف من داخل من الخوف ..
مشي الاب واخذ له سيجاره من فوق الطاوله وولعها واخذ له كم نفس منها بعدين لف على سامي ..
الاب: ما ياوبت على سؤالي .. انت شتقصد من ذي الحركه ..؟! انك تتحداني لمن تدخل مجان انا مانعك من دخوله ..؟! او انك تبي تثبت لي انك صاير كبير وتقدر تسوي اي شي بدون استئذان ..؟! ياوب ..
لف سامي وجهه وهو مو داري وش يقول او كيف يجاوب ..
الاب بعصبيه: طالع فيني ولا تلف ويهك ..
انفجع سامي ولف وجهه عليه برعب وسكت .. نادرا ابوه يعصب واذا عصب يصير اكبر شيطان عالارض ..
حط الاب يده عالمكتب وقال: ريان ..
طالع سامي فيه بصدمه ..
الاب: ريان هو اللي قالك ادخل غرفة ابوك صح ..؟!
هز سامي راسه بلا من شدة الصدمه ..
الاب بحده: لا تجذب ياسامي ..
طالع سامي في ابوه وهو مو مصدق .. ابوه شدراه بالامر .. كيف عرف .. ابدا مو مصدق ..
الاب: يمدحون دراسة الجامعه في الخارج .. شرايك اسفرك برا تكمل دراستك .. عالأقل تبعد عن شلتك ذي وتعرف شلون تسمع كلام ابوك وتحترمه .. توني ادري اني فعلا مقصر بتربيتك يا سامي ..
سكت سامي ومارد عليه .. لأنه لو رد راح تزداد المشكله اكبر من كذا ..
رفع الاب ايده من فوق المكتب وطالع في سامي وقال: حتندم كثير لأنك دخلت هذا المجان .. حتندم كثير وايد يا سامي ..
وخرج من الغرفه .. حط سامي ايده على وجهه وقال: انت شسويت يا سامي شسويت ..؟! ليه ليــــــــــــه يا سامي ..؟!
سند راسه على ايده وقال: غبي غبي .. ليه جذي .. ليه جذي يا سامي ..؟! ياربي شسوات ..؟! شسوي اللحين ..؟!
قام من المكتب وراح لغرفته بسرعه وقفل الباب وراه ..
وقف عند الباب يطالع في السرير بإستغراب .. جاء عند السرير واخذ جواله وكان مفتوح على رسالة ريان ..
رمى الجوال وجلس عالسرير ودخل في دوامة تفكير ..

9 - 3 - 2014, 08:11 PM

يوم الاربعاء مر عادي عالابطال ..
اسيل" على نفس حالتها ووائل دايم عندها ويحاول يسوي اي شي عشان تخرج من حالتها بس مافي فايده ..
سامي" ما راح للجامعه ابد ولا رد على اي اتصال ولا قابل ابوه ابدا ..
ريما" باقي لها شوي من الحبوب اللي تاخذها وهي إلى الآن ماهي داريه ايش نوع هذي الحبوب ودايما تفكر في اسيل ..
دانا" في هذا اليوم ما راحت الشغل وتفكر انها تفصل منه عشان ترتاح ..
آرثر" ماراح للجامعه ويحاول يطلع اللي سحر اسيل بس مو قادر ..
ابو فيصل" انجن جنونه وهو يدور على اسيل بس من دون فايده ..
والباقي نفس حالتهم والوضع عادي ..

..:': يوم الاربعاء في العصر :':..
كان طارق في السياره مع اخته سهام راجعين للدوحه بعد ما اخذها عشان يوديها لصاحبتها ..
كانت تسولف وتسولف ومتحمسه بالسواليف وهو ساكت ونادرا يرد عليها بشوي رد ..
صحيح انها حست بالطفش بس في مخها ستين الف سالفه ولازم تقولها له ..
سهام: وعشان جذي قالت انها راح تأدب الفصل ومافي اختبارات تحسين مستوى ابدا ..
طارق: .............................
سهام: اصلا هي حيوانه ولازم هي اللي تتأدب مو احنا .. تخيل انها تغيب كثير ولمن تاخذنا تاخذنا اكثر من حصه وحده .. تضغطنا بالدروس واحنا مانقدر نستوعب كل هذي المعلومات دفعه واحده .. رحنا اشتكينا للمرشده فحطت الغلط فينا وتقول لو انكم تذاكرون اول بأول جان قدرتم تستوعبون بس انتم مهملين و و و وهاك سب وشتم فينا .. اقسم بالله نتمنى اننا ما رحنالها ..
طارق: ...............................
سهام: فاتفقنا نروح للمديره .. تخيل شقالت ..؟! تقول انتم اصلا مايهمكم إلا اصطياد اخطاء المعلمات .. وتقول حتى لو ان المعلمات ما عندهم خطأ تطلعون فيهم ستين خطأ .. خلاص يا طارق احنا انينينا .. اووووف منهم .. كل هذا كوم ولمن غبت الاحد كوم ثاني .. سألتنى ابلة الغياب وقالت ليش غبتي يا سهاموه .. تخيل حتى الابلات يقولون سهاموه .. الله يعينني على هذي الحياه .. المهم قالتلي ليش غبتي فقلت كنت تعبانه .. قالتلي انتي اصلا تعرفين تتعبين .. رفعت ضغطي بذي الكلمه .. ليه انا مو بشر عشان اتعب .. رديت عليها وقلت وانا رافعه حاجبي ايه كنت تعبانه عندج شي .. تنرفزت الابله وقالت جدامي عالاداره .. ولمن شافتني المديره قالت ما كفاج تنفيق كلام عالمعلمات فصرتي ترفعي صوتج عليهم بعد .. وهاك تعهد وتعهد ورى تعهد .. صرت حتى لو احط مناكير يكتبوني تعهد .. حاقدين علي وبقوه ..
طارق: ....................................
سهام: قلت لأمي كل شي فخاصمتني وقالت سهاموه يالجلبه عيب عليج جذي .. احترمي معلماتج لأنهم بحسبت امج .. يخسون يكون بحسبت امي .. هذا اللي كان ناقص .. ما يكفيني ام وحده تقول سهاموه ييون المعلمات بعد .. لا لا يا حبيبي شكرا .. ام وحده تقول سهاموه وحده احسن من ستين ام وستين سهاموه .. المشكله اللحين هي في وكيلة المدرسه .. مره كنت انا وصاحباتـ.......
طارق بصراخ: بــــــــــــــــــــــــس .. قر قر قر .. هنديه انتي ولا شلون .. من يوم دخلتي وانتي فاتحه سلك سوالف .. والله ولا العجايز يسولفون قد ما تسولفين .. ما تعرفين تسكتين .. سالفه ورى سالفه وسالفه ورى سالفه ..
سهام: شفيك عصبت علي انت بعد ..؟!
طارق: مو قادر اركز في الطريج من هذرتج .. الناس يسولفون بس مو مثلج .. الحمد لله اني ادرس بعيد عنج عشان اقدر اذاكر واركز في دراستي ..
سهام: يعني ما اهمك انا ومشاكلي في المدرسه ..؟!
طارق: لو انج بنت مثاليه جان محد قدر يكلمج .. تستاهلين هذا كله من دجتج ومشاغبتج في اسياب المدرسه والحصص ..
سهام: اللحين بعد كل هذا اللي انا قلته ما حنيت علي او حزنت لحالي .. هذا وانا اختك الوحيده يا طارق ..
طارق: بليييز .. باجي ربع ساعه ونوصل .. تقدري تسكتي فيها ..؟!
سهام: اوكي بسكت .. هذا يزاتي اني اونسك في الطريج .. صج ناس ما تستاهل ..
طنشها طارق ومشيوا وبعد ربع ساعه وقف وقال: سهام ..
سهام: نعم ..
طارق: وين بيت رفيجتج ..؟!
سهام: طارق ..؟! شذا السؤال ..؟! اعطيتك العنوان مرتين قبل ..
طارق: الاول كان في جاكيتي وضاع والثاني كتبته في موبايلي واتمسح .. لا تضيعين وقتي وقوليلي وين بيت رفيجتج ..
سهام: آآه منك يا طارق .. امش امش خلني اقولك العنوان ..
فقالتله العنوان وبعد فتره وقف طارق قدام القصر وقال: وصلنا ..
طالعت سهام في القصر وقالت: ان شالله يتحطم هالقصر فوق اصحابه يا رب .. بس اكيد لمن تكون شهد مو مويوده ..
طارق: حرام تدعين على صاحب القصر .. هذا بدل ما تحسين بطيبته انه ترك بنت تشتغل عنده وهي ماكملت دراستها ..
سهام: طيبه ..؟! هههههههه بليز يا طارق لا تضحكني ..
طارق: يمكن يكون عصبي بس له فضل اكيد ..
سهام: هههههههههه اقول انا بنزل قبل لا تنفقع مرارتي من الضحك .. وطبعا بعد العشا تعال خذني عشان يمديك توديني بيتنا ..
طارق: يصير خير .. انزلي بس اخرتيني ..
سهام: بايو يا اخوي ..
ونزلت وراحت عند الباب ودقت الجرس وبعد فتره فتحت وحده ..
الخدامه: نأم ..
سهام: نئامه ترفسج .. ابي ادخل عند شهد ..
الخدامه: استنى شوي ..
سهام: ما راح استنى .. ابي ادخل .. وخري عن طريجي ..
ودخلت .. فلما شافها طارق دخلت حرك السياره وراح ..
سهام: شــــــــــــهــــــــــــد ..
الخدامه: لا تصرخ عشان بابا راشد مافي يزعل ..
سهام: خليه يزعل انا شدخلني .. المهم وين شهد ..؟!
الخدامه: شهد في غرفه حقها ..
سهام: وين غرفتها ..؟!
الخدامه: اول حاجه انت استأذنت من بابا راشد انك تدخل بيت حقه ..
سهام: هيه هيه انا بنت مو ولد عشان تحاجيني اني ولد .. وكمان مين هذا راشد اللي يمنعني انا سهام بنت علي العالي .. ما ولد اللي يمنعني عن شي انا ابيه او شي اتمناه .. وكمان انا ما ييت عشان اشوفه .. انا ييت عشان رفيجتي شهد مو رويشدان ذا .. ولمن اقولج وين غرفة شهد لا تسوين يعنني اعرف اتكلم واتفلسف .. المفروض تقولين وين الغرفه وانتي حاطه لسانج في حلقج ..
الخدامه: بس بس انت قرقر واجد .. ما يعرف يسكت .. اووووف ..
سهام: نعم نعم ..؟! عشنا وشفنا .. شغالات ويتأففون .. اقول احترمي نفسج قبل لا اديج دروس في الاحترام ..
شهد: سهام ..
لفت سهام وشافت شهد واقفه عند باب واحد من المداخل ..
سهام: شهــــــــــــــــــــــــد ..
وراحت لها وحضضضضضضضضضضضضضضضنتها بقووووووووووووووووووووووووووووه من قلب ..
اما شهد فبكت وهي تقول: وحشتيني وايد وايد يا سهام ..
سهام: وانتي اكثر حياتي ..
وبعد فتره من وحشتيني واشتقلتك واشياء معروفه جدا راحوا لغرفة شهد وجلسوا فيها ..
سهام: احسن الله عزاج يا شهد ..
شهد: مشكوره ..
سهام: اسمعي شهد عادي لا تزعلي .. احمدي ربج انه اعطاج اخوان وماخلاج وحدج .. اعرف وحده اهلها كلهم ماتوا وبقيت وحدها .. هذا قضاء وقدر ولازم ما نعترض عليه ..
شهد: اعرف اعرف .. بس امي ماتت بدري .. ماتت واحنا بأمس الحاجه لها ..
سهام: شهد ما يصير جذي تعترضي على قضاء الله .. حالتج وايد احلى من ناس كثير .. اصبري لأنه اكيد بيكون فيه فرج في النهايه ..
شهد: انشالله ..
سهام: طيب امس زرتي اخوانج وشفتي شنو اللي ناقصهم ..؟!
نزلت دموع شهد وبكت ..
سهام بإستغراب: شهد شفيج ..؟! اخوانج فيهم شي ..؟!
هزت كتفها بمادري وهي تبكي ..
سهام: كيف ما ادري ..؟!
شهد: راشد .. راشد قال ممنوع تزورين اهلج ..
سهام بعصبيه: شنــــــــــــــــــــــــو ..؟!
شهد: يقول امج ماتت فمافي روحه هناك ..
قامت سهام وقالت: هذا زودها وايد وايد ولازم اربيه ..
شهد: وش بتسوين ..؟!
سهام: انا اللحين اراويج شنو بسوي ..
شهد بسرعه: سهام لا تكفين ..
سهام: معليش هذا لازم يتأدب ..
شهد وهي تبكي: راح يخاصمني انا ويضربني انا .. بليز سهام لا تسوين شي عشاني ..
جلست سهام بقهر وقال: الجلــــــــــــب ..
شهد: .............................
سهام: طيب كلمي ابوه وقولي له يخليج تزورينهم واكيد بيوافق ..
شهد: راح يوافق بس راشد ماراح يرحمني لأني عصيت اوامره ..
سهام بصراخ قهر: جلــــــــــــــــــــــــــــــــــــــــــــــــ ب آآآآآآآآه ..
شهد: سهام خفضي صوتج ..
سهام: قاهرني قاهرني ..
شهد: بحاول فيه مره ثانيه و ........
دق جوال شهد في هذا الوقت .. اخذت الجوال وشافت رقم غريب ..
شهد: رقم غريب ..
سهام: طيب مين ..؟!
شهد: اقولج رقم غريب وتقولين مين .. صج انج غبيه ..
سهام: يوووه يا شهد ردي ولا تدققين ..
شهد: اخاف ..
سهام: جبانه ..
اخذت الجوال من شهد وردت وقال: نعم خير ..
شهد: بسم الله في احد يرد جذي ..
المتصل: الو .. انتي مين ..؟!
سهام: انت اللي اتصلت فممكن تقول مين ..
المتصل: ابغى شهد ..
سهام: ما راح اعطيك شهد إلا لمن تقول مين انت ..
المتصل: انا شادي ..
سهام: ها .. اخوها ..؟!
شادي: ايه .. ممكن شهد ..
سهام: ايه اكيد ..
اعطتها وقالت: خذي اخوج شادي ..
اخذت شهد الجوال وقامت وقالت: الو هلا حبيبي شادي كيفك وكيف اخوانك .. كيفكم كلكم ..؟!
شادي: مو بخير ..
شهد بدهشه: وليش ..؟! شصار لكم ..؟! شادي شصار ..؟!
شادي: ليه ما ييتي عندنا امس .. كنا ننتضرج عشان نقولج ان صاحب البيت يقول اطلعوا من البيت ..
جلست شهد من الصدمه وقالت: شنو ..؟!
شادي: يقول انا خليتكم تسكنون في البيت عشان امكم بس اللحين انا آسف ما اقدر اخليكم وانا عندي ولد بيتزوج وبحطه في البيت .. قالنا يوم الاحد ابغى البيت فاضي ..
شهد: مو معقوله ..
شادي: حاول عيسى فيه بس ما رضي .. دور لنا عيسى بيت ثاني بس ما لقى .. كلها اسعارها غاليه مرره .. شهد وين نروح ..
رمت شهد الجوال وبكت عالمخده من شده هالمشكله .. استغربت سهام واخذت الجوال ..
سهام: شادي ايش السالفه ..؟!
شادي: <<<< حكالها السالفه <<< ..
سكتت سهام بعدين قالت: خلاص قفل انت وبعدين شهد بتتصل عليكم ..
شادي: طيب ..
قفلت سهام الجوال وقعدت تهدي شهد وتواسيها وبعد عشر دقايق ..
سهام: صدقيني كل هذا اجر عند الله يا شهد ..
شهد: اطيح انا في المشاكل عادي اقدر اتحمل بس اخواني ما اقدر يا سهام ما اقدر ..
سهام: كل مشكله لها حل يا شهد صدقيني .. لابد يكون فيه حل ..
هزت شهد راسها وهي تقول: إلا مشكلتي .. إلا مشكلتي يا سهام مالها حل ..
وبكت فحضنتها سهام وهي تفكر في مشكلتها ..
فتذكرت شي وقالت: شهد .. فيه حل وايد يريحني ويريحج ..
بعدت شهد عنها وقالت: حل ..؟! شنو هو ..؟!
سهام: انا شفت فلم رائع وقدرت اطلع لج حل منه ..
شهد: وش هالحل ..؟!
سهام: اسمعي .. مو صح راشد قالج مافي روحه للبيت ..
شهد: ايه ..
سهام: اسمعي قولي له عندي اغراض كثيره نسيتها هناك وقول للجندي ييبها لي .. فراح يقولج لا روحي انتي .. حاولي ترفضين فأكيد راح يصر انج تروحين .. المهم بعدين تروحين عندهم ..
شهد: بس .. ما يبتي اي حل لمشكلة البيت ..
سهام: انتي ما انتضرتيني لين اخلص كلامي ..
شهد: طيب كملي ..
سهام: المهم بعدين تروحين البيت وتلمين اغراض اخوانج كلهم وحاولي تقللين عدد الجنط ..
شهد: وبعدين ..؟!
سهام: استأجري تاكسي واركبي فيه انتي واخوانج ..
شهد: وين اوديهم ..؟!
سهام: مو انتي عندج مشكلة البيت .. طيب ودي اخوانج لبيت ثاني بدل ذا اللي اخذ البيت منكم ..
شهد: يقول شادي ان الاجارات مرره غاليه ..
سهام: مو لازم تدفعين ..
سكتت شهد تطالع فيها بعدين قالت: معليش يا سهام ماراح اقبل منج ولا شي ..
سهام: ومين قال اني بعطيج ..؟!
شهد بإستغراب: عيل شنو ..؟!
سهام: سكنيهم في بيت من دون ما تدفعي شي ..
شهد: قصدج اني اسرق بيت ..؟! سوري انا مو سراقه ..
سهام: حتى انا مو سراقه عشان اقولج اسرقي ..
شهد: عيل شنو .. لا تيننيني يا سهام بليييز ..
سهام: سكنيهم هنا .. اقصد في قصر رويشدان ..
شهد بصدمه: شنــــــــــــــــــــــــو ..؟؟؟!!
سهام: وش اللي شنو ..؟! انا ما قلت شي غلط .. اخوانج صغار ويحتاجون عنايه وخاصة اختج شادن وفي نفس الوقت ما تقدري تركين الشغل .. اجمعي الاثنين في واحد .. اشتغلي وانتبهيلهم في نفس المجان ..
شهد: انتي مينونه ولا شنو .. هذا راشد ومستحيل يوافق يا سهام ..
سهام: ومين قالج تستأذنين ..؟!
شهد: ايش ..؟!
سهام: اذا استأذنتي اكيد ما بيوافق .. ييبيهم من دون لا يدري ..
شهد: سهام انتي شفيه مخج ضارب .. سهام اكيد انتي مينونه ..
سهام: القصر وايد عود .. ودايما اصحاب القصور ما يلفون قصرهم كله .. يعني مثلا بسألج سؤال .. هذا الجناح خاص بالخدم قد دخله راشد ..؟!
شهد: ابدا ..
سهام: عيل ما يدري شنو اللي داخله ومستحيل يدخله اصلا .. لو يبتي اخوانج هنا ماراح يدري ابدا والخدم انتي قلتيلي انهم يحبونج واكيد بيسترون عليج يا شهد ..
شهد: سهام كلامج مو معقول ..
سهام: معقول ونص .. جناح الخدم فيه باب خلفي يودي عالحوش وبعده للشارع .. تقدري تستأجرين سياره اجره توصل اخوانج يوميا للمدرسه .. صدقيني ما بيدري ولا راح يدري ..
شهد: بس يا سهام ..
سهام: لا تقولي بس .. انتي في مشكله وايد كبيره .. لو يبتيهم هنا راح ترتاحين ومستحيل راشد يكتشف .. واذا حصل واكتشف المصيبه بتكون اهون من ان اخوانج يتشردون في الشارع .. لو رفضتي هذا الحل اكيد اخوانج راح يتشردوا بسبتج يا شهد .. فكري زين ..
سكتت شهد وهي تطالع في سهام ..
سهام: لا تترددي يا شهد وثقي فيني ..
شهد: سهام السالفه صعبه ..
سهام: بس مو اصعب من ذي المشكله صح ..؟!
شهد: .........................
سهام: ياوبيني صح ..؟!
شهد: صح ..
سهام: حلو .. هذي هي شهد اللي اعرفها ..
شهد: مشكوره كثير يا سهام مشكوره ..
سهام: خلاص احرجتيني ..
شهد: هههههههههه ..
وبعد سوالف كثيره وبعد مرور الوقت جت الساعه ثمانيه واتصل طارق على سهام وقالها انا انتضرك ..
سلمت سهام على شهد وودعتها وطلعت معها للصاله عشان توصلها لباب القصر بس راشد كان موجود في الصاله من اول ..
قام راشد وطالع في سهام باستغراب وقال: منو ذي ..؟!
شهد بإرتباك: ا ا هذ هذي ....
سهام: انا سهام يا اخ راشد ..
راشد: انا ما عندي غير اخت وحده فلا تقولين يا اخ فاهمه ..؟! شهد مين ذي ..؟!
شهد: هذي ر رفيجتي سهام ..
راشد: رفيجتج ..؟!
سهام: ايه رفيجتها عندك مانع ..
راشد بعصبيه: جــــــــــــب ولا كلمه .. انا حاجيت شهد ما حاجيتج ..
سهام: تخسى تقولي جب .. ما عاش من يقول لبنت العالي جب .. فاهم ..؟!
شهد: سهام بس ..
راشد: نعم نعم نعم ..
سهام: نعامه نعامه نعامه ترفسك لين يلصق بطنك بظهرك يا رويشدان .. صج انك انسان عمري ما شفت مثله بحياتي .. ان شالله يصبك حادث وتدخل المصحه النفسيه بسببه وبعدها دغري عالقبر يا رب ..
فتح راشد عيونه من العصبيه وقال: لسانج ذا يبيله قص يا بنت العالي .. اطلعي برى بيتي قبل لا اتهور واضربج .. اطلعي بسرعه ..
شهد: خلاص اطلعي يا سهام .. اقسم بالله انج راح تندمي ..
سهام: اسمع .. انا طالعه بس مو عشانك انت طلبت .. لا يا حبيبي عشان رفيجتي شهد اوكي ..
راشد: اقول طلعي برى ولا عاد اشوفج في هالبيت ..
سهام: اوكي انا حأطلع بس قلبي راح يتبرد لمن ييوا ناس ويسكنوا وانت ما تدري ..
راشد: انتي ما تفهمين .. اقولج طلعي برى ..
مسكت اعصابها وقالت ببرود: اوكي بأطلع .. باي يا اخ رويشدان ..
وخرجت وهي تضحك .. تنرفز راشد مره وطاح تهزيء في شهد وتهديد وتحذير و و و .... .... ... الخ ..

================================================== ==================

في صباح يوم الخميس .. الساعه تسعه ونصف صحي فارس من النوم واخذ له دش وجهز نفسه عشان يروح اليوم لأسيل ..
وقف قدام المرايه يطالع في نفسه نضره اخيره بعدين خرج من الغرفه وشاف البيت هادي وشكلهم نايمين .. نزل من الدرج فدق جواله ..
فارس: هلا وائل ..
وائل: كيفك ..؟!
فارس: تمام .. وينك انت ..؟!
وائل وهو يتثائب: توني صاحي من النوم وقلت بأتصل عليك عشان اصحيك ..
فارس: توك صاحي ..؟! مو كأنك امس قلت لي تعال من الساعه تسعه تماما .. وش اللي نومك لين تسعه ونص ..؟!
وائل: لأني نمت امس متأخر ..
فارس: طيب كيف اسيل ..؟!
وائل: لا بأس ..
فارس: يعني مو بخير ..
وائل: لا مو لهدرجه ..
فارس: خلاص انا ياي اللحين عندها ..
وائل: اوكي سي يو ..
فارس: باي ..
قفل فارس الجوال ونزل من الدرج فسمع ابوه يناديه ..
لف وشاف ابوه واقف اعلى الدرج ..
فارس: هلا يبه ..
الاب: وين رايح في هالوقت ..؟!
فارس: بروح عند رفيجي اذاكر ..
الاب: آخر واحد توقعته يجذب علي هو انت يا فارس ..
فارس بحذر: شتقصد ..؟!
الاب: انت تعرف اني ما انام الليل ولا ارتاح من كثر ما ادور على اسيل وفي النهايه تكون انت .. تكون انت يا فارس مخبيها ومتعبني ادور عليها .. ما توقعتك جذي يا فارس ..
طالع فارس فيه بعدين قال: ........................................... ..

لهنا خلص البارت الخامس والحمد لله .. المهم ان شالله اقابلكم في البارت السادس الجزء الاول .. واللحين ممكن تجاوبون على هالاسئله ..
+ ريما .. بدا اللحين ادمانها عالمخدرات من جد .. وكمان كانت هي اللي سحرت اسيل من بعد تحريض اليزا .. هل راح تفك السحر بنفسها او احد يجبرها ..؟!
++ مصعب جيران اسيل مجننهم مرره .. تتوقعون انا جبته كذا او عندي سبب ..؟!
+++ شفتم اللي صار لدانا من نايف .. تتوقعون بعد هذا راح تشتغل ولا بتبطل ..؟!
++++ عرفت وصايف طريق لبنت الحرمه اللي سببت لها ماضي موحش .. وتقول انها راح تصارح اسيل باللي سوته بأمها .. ايش تتوقعون ..؟!
+++++ سامي بدأ خطوة البحث عن بنت عمه .. وفي بداية البحث كشفه ابوه ووعده انه راح يخليه يكمل دراسته برى .. وش تتوقعون ..؟!
++++++ شهد وسهام .. هل بالفعل شهد راح تسويها وتجيب اخوانها يعيشون عندها .. واذا جابتهم هل راح يكشفهم راشد اللي ما يخفى عليه شي ..؟!
+++++++ الاب عرف ان اسيل عند فارس .. وش بيصير ..؟!
اعرف اني كثرت الاسئله بس مافي مشكله .. ابيكم تتعبوا وانتم تقرون .. ههههه اشوفكم في الجزء الاول ..
مع تحيات اختكم / صـ‎رخـ‎ة الـ‏‎مـ‎شـ‎تـاقـ‎ه .......
|$[ نهاية البآرت ]$|

9 - 3 - 2014, 08:31 PM

|$[ البآرت السادس الجزء الاول ]$|

ما توقع فارس انه ابوه راح يكشفه ويكتشف ان اسيل عنده ..
خلاص ما دام ابوه عرف وقال اللي عنده فحتى فارس راح يقول اللي عنده ..
فارس: ايه اسيل عندي وانا مخبيها ..
الاب: وتعترف ..
فارس: ايه اعترف لأني ماساويت شي غلط .. كل اللي ساويته هو مصلحه لأسيل يا يبه .. كلكم اتهمتوها بالينون وهي مو مينونه .. اتهمتوها من دون لا تتأكدون .. اسيل مو مينونه يا يبه .. اسيل مسحوره ..
الاب بتفاجئ: شنـــــــــــــــــــــــو ..؟!
فارس: اللي سمعته يبه .. وقربنا من اللي سحرها .. واللحين تخاصمني لأني ما قلتلك .. من حقي ما اقولك لأنك ماراح تصدقني وراح تخاصمني وتتهمني اني ما اخاف على مصلحتها .. اسيل لو يلست في مستشفى الميانين راح تنين بجد وفي ذاك الوقت ما ينفع كلمة ياليت .. ابوي انا آسف بس صدقني انا ما ساويت جذي إلا عشان اختي .. وسوري لأني خوفتك عليها بزياده ..
طالع الاب في فارس فتره طويله بعدين قال: طيب وينها اللحين ..؟!
فارس: راح اقولك وينها لأني متأكد انك ما راح ترجعها لمستشفى الميانين مره ثانيه .. هي في فندق ******* ..
الاب: طيب انتظر دقيقه بروح معاك ..
فارس: طيب ..
راح الاب غرفته وبدل ملابسه ونزل وركب مع فارس واتجهوا للفندق ..
بعد مرور ثلث ساعه وصلوا للفندق .. نزلوا وراحوا لغرفة ١١٢ ..
دق فارس الباب وبعد فتره جاء وائل من وراه وقال بتفاجئ: عمي ..؟!!!!!!!!!!
لفوا ورى وقال فارس: يبت ابوي عشان يشوف اسيل ..
طالع وائل في الاب فتره بعدين قال: هلا عمي كيفك ..؟!!
الاب: صح النوم .. يعني انت كمان مع فارس ..
سكت وائل وطلع المفتاح من جيبه وفتح الباب ودخلوا .. كانت الصاله فاضيه وهذا يعني انها ما زالت نايمه ..
فارس: بروح اصحيها ..
دخل فارس غرفة اسيل وشافها توها صاحيه من النوم ..
فارس: صح النوم ..
رفعت اسيل راسها تطالع فيه فأبتسمت وقالت: فارس .. انت ييت ..؟!
فارس: ايه .. ياللا قومي كل هذا نوم ..
اسيل: لاني نمت امبارح متأخر .. كنت حاسه بضيجه ومو قادره انام ..
فارس: ان شالله تصيرين بخير ..
قامت من فوق السرير وغسلت وجهها في الحمام اللي في الغرفه ..
طلعت فقال فارس: اليوم وين تبين تفطرين ..؟!
طالعت اسيل فيه وقالت بهدوء: اي مجان ..
فارس: بس زمان كنتي تتحمسين وتطلبين ستين مجان ..
اسيل: هذا زمان ..
خرجت فتنهد فارس وخرج وراها ..
راحت اسيل لجهة الكنب وانصدمت لمن شافت ابوها ..
قام الاب وقال بلهفه: اسيل ..
رجعت اسيل خطوه لورى وقالت: مستحيل ..
الاب بإستغراب: اسيل شفيج ..؟!
اسيل بصراخ: انت شتبــــــــــــــي .. ليــــــــــــــه ياي ..؟!
الاب: اسيل اهدأي انا كنت اضـ......
اسيل: لا تبرر ولا تتحجى .. انت مو اب .. تعرف شنو مو اب ..؟!
فارس: اسيل ابي كان يـ.....
اسيل: فارس ما ابي اشوفه .. ليه يبته .. ما ابي ما ابــــــــــــــي .. قوله يطلع بـــــــــرى .. يطلع ..
الاب: اسيل حبيبتي لـ.....
اسيل بصراخ: لا تقــــــــــــــول حبيبتي .. انا مو بنتــــــــــــــك .. ليه تجذب علي وتقول انك ابوي .. انت مو ابــــــــــــــوي .. انت جــــــــــــــذاب .. ما ابيــــــــــــــك ما ابيــــــــــــــك ..
انصدم الاب من كلامها وقال: اسيل انتي شتقصدين ..؟!
اسيل: لا تقــــــــــــــول اسيل .. انا مو بنتــــــــــــــك .. اكرهــــــــــــــك يالجــــــــــــــذاب ..
انصــــــــــــــدم الاب اكثر وكأنه تأكد من شي كان يدور في باله وقال: انتي شدراج ..؟!
لف فارس ووائل بسرعه يطالعون في الاب ..
طالعت اسيل في الاب وقالت: شتقصد ..؟! شتقصد بكلمه شدراج ..؟!
الاب: ها .. لا ولا شي ..
اسيل: امبــــــــــلا في شي .. انت تقصد اني مو بنتك صح ..؟!
انصدموا وقال الاب: لا حبيبتي ما كنت اقصد جذي ..
نزلت دموعها وقالت: ما احبك .. اكرهك ..
الاب: اسيل حبيبتي انا .........
اسيل بانفعال وهستيريا: لا تحاجينــــــــــــــي .. انت تقول اني مو بنتك .. هذا يعني انك تخدعني وتجذب علي .. اكرهــــــــــــــك يالجــــــــــــــذاب .. اكرهــــــــــــــك ولا ابيك ابدا .. اكرهــــــــــــــكم كلكم .. كلكــــــــــــــم ..
الاب: اسيل انتي غلطانه .. انـ.....
حطت ايدها على اذنها وقالت بصراخ: بــــــــــــــس .. ما ابي اسمع شي بــــــــــــــس اسكت اسكــــــــــــــت ..
جاء فارس عندها وقال: اسيل خلاص اهدأي ..
اسيل وهي تبكي: فارس قوله يطلع .. ما ابي اشوفه .. ما ابيــــــــــــــه .. فارس خله يطلع يطلــــــــــــــع ..
فارس: طيب ان شالله بس انتي اهدأي ..
طالع الاب في اسيل فتره بعدين خرج برى الجناح فخرج وراه وائل ..
فارس: ليه جذي يا اسيل ..؟! هذا ابوج ..
اسيل وهي تهز راسها: لا مو ابوي مو ابوي مو ابــــــــــــــوي ..
وراحت لغرفتها وقفلت الباب وراها .. جلس فارس عالكنبه وحط راسه على ايده يفكر ..

.................................................. ......

خرج وائل ورى الاب وقال: عمي ..
لف الاب عليه وهو ساكت ..
وائل: عمي لازم تعذر اسيل .. هي مسحوره وما تقدر تصيطر على نفسها وما تعرف وش تقول ..
هز الاب راسه وقال: ليتني ما دخلتها المستشفى ..
وائل: خلاص لا تضايق نفسك يا عمي .. قدر الله وما شاء فعل .. المهم اللحين نلقى اللي سحرها عشان نقدر نفك السحر ..
الاب: انا رايح .. اذا فارس بيرجع البيت رجعه انت لأن السياره معاي ..
وائل: ان شالله عمي ..
الاب: انتبهوا لأسيل عدل ..
وائل: في عيوننا ..
الاب: تسلمون ..
لف الاب وراح .. فتنهد وائل ..
...........: اها .. اسيل مسحوره ..
لف وائل وبغى ينجلط لمن شاف مصعب واقف ..
مصعب: وهذا ابوها وانت ولد عمها والولد اللي اسمه فارس هو اخوها .. بديت احزن عليها .. خلاص ما راح آخذ حقي منها .. بس انت اللي بآخذ حقي منك ..
مسك وائل اعصابه لآخر درجه عشان لا يتهور ويضرب ابو ابو ام جابته ..
دخل للجناح بسرعه وقفل الباب وراه بقوه ..
رفع فارس راسه وقال: وائل شفيك ..؟!
وائل بعصبيه: ما فينـــــــــــي شـــــــــــي ..
انفجع فارس من عصبيته وقال في نفسه اسكت احسن لي ..
جلس وائل عالكنبه يهديء من نفسه وبعدين قال بهدوء: اسيل وينها ..؟!
فارس: دخلت الغرفه وقفلت على نفسها الباب .. كيف ابوي ..؟!
وائل: تمام ويقول انتبهوا لأسيل عدل ..
فارس: احسها بتعرف ..
وائل: تعرف شنو ..؟!
انتبه فارس لكلامه وقال: لا ولا شي ..
طالع وائل فيه فتره بعدين قال: حتى انت تعرف ..
لف فارس عليه وقال: شتقصد ..؟!
وائل: لا تخاف ولا تتفاجئ .. انا كمان ادري ان اسيل مو اختك ..
انصــــــــــــــدم فارس وهو يطالع في وائل وقال: تعرف ..؟!
وائل: ايه .. من قبل اكثر من عشر سنوات ..
سكت فارس وهو حده متفاجئ من كلام وائل ..
فارس: بلييز يا وائل لا يوصل هذا الكلام لاحد ..
وائل: لو كنت بأعلم احد جان علمت من زمان ..
ابتسم فارس بعدين قال: طيب تتوقع انها عرفت ..
وائل: انا لو مجانها جان شكيت لمن قال ابوك شدراج ..
فارس: طيب هي انفعلت وقالت انا مو بنتك ..
وائل: هذا الحجي يقوله كل واحد في حالتها .. بس المشكله اللي انا خايف منها هي لمن سألته وقالت انت شكنت تقصد انت تقصد اني مو بنتك صح ..؟! ابي اعرف ذا الحجي كان عادي مثل اللي قبله او كان لا ..
فارس: لازم ابين لها ان كلامها خطأ .. بس ما اتوقع انها بتسمع لي اللحين ..
وائل: فعلا .. فارس وش اخبار آرثر ..؟!
فارس: ما لقيته ..
وائل: وين راح ..؟!
فارس: ما ادري .. يمكن يتفاهم مع اليزا ..
وائل: يمكن ..

================================================== ==================

في العصر كانت دانا جالسه في غرفتها تفكر بشغلها ..
دانا: خلاص يا دانا اتركي شغلج .. عادل شاف له شغل وفيه راتب يمشي العائله .. شغلي صار ماله فايده .. اتركه احسن عشان افتك من نايف .. انا مستحيل اروح هناك بعد اللي صار .. مستحيل ..
انسدحت عالسرير وقالت: لازم اليوم اروح عشان اقدم استقالتي واخذ مكافأة نهاية خدمه ..
سمعت نغمة جوالها يدق فقالت: ونغمة نوكيا الممله هذي لازم اغيرها ..
مدت ايدها واخذت الجوال وشافت انه ريان .. استغربت وردت ..
ريان: هلا عادل ..
دانا: هلا ..
ريان: اقول عادل ..
دانا: ها ..
ريان: سامي اتصل عليك ..؟!
دانا: لا .. ليش ..؟!
ريان: ادق عليه وما يرد ابدا ..
دانا: ليه ..؟!
ريان: ما ادري ليش .. حتى الاربعاء غايب وهو مو من عادته يغيب إلا لسبب ..
دانا: طيب روحله البيت ..
ريان: مستحيل ..
دانا: ليش ..؟!
ريان: ابوه من النوع اللي ما يحب احد يزور ولده ..
دانا: اها ..
ريان: خلاص يا عادل اذا دق سامي عليك قولي ..
دانا: طيب ..
ريان: مع السلامه ..
دانا: مع السلامه ..
قفلت الجوال وقالت: سامي شفيه ..؟! كلامه يوم الاثنين احس في شي .. آآآه يا دانا .. وانتي شدخلج عشان تتلقفين ..؟!

.................................................. ......

اما عن عادل كان في غرفته يفكر وبعد ايام واسابيع من التفكير قرر ..
خرج من غرفته وراح للصاله يدور عن دانا بس ما شافها .. راح لغرفتها ولمن جاء بيدق الباب وقف لأنه سمعها تكلم بالجوال ..
دانا: ايوه هلا صلاح ..
صلاح: اهلين ..
دانا: صلاح انا اتصلت عشان اقولك اني بترك الشغل ..
صلاح بصدمه: شنــــــــــــــو ..؟!!!! لا يكون عشان نايفوه ..
دانا: لا مو عشانه .. بس اخوي عادل لقى شغل واحنا مو بحاجة شغل ثاني .. وكمان عشان افتك من قلق ان اخوي يكشفني ..
صلاح: والله ما ادري ايش اقول بس هذا افضل لج ..
دانا: بس راح ايي اليوم عشان اقدم استقالتي واخذ مستحقاتي وبس ..
صلاح: طيب انا راح انتضرج ..
دانا: مشكور .. وحبيت اقول انك شخص نبيل يا صلاح ومشكور وايد على كل شي سويته لي ..
صلاح: والله ما سويت إلا الواجب يا دانا ..
دانا: اوكي خلاص باي ..
صلاح: مع السلامه ..
صــــــــــــــدمـــــــــــــــــــــــــــــــــ ـــــــــــــــــــــــــــــــــــــه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟! ..
عادل: مو معقول ابدا .. مو معقوله ..
طالع في الباب وهو يحس بشي جدا قاسي .. دق الباب وسمع دانا تقول مين ..
عادل: انا ..
ترددت دانا بعدين قالت في نفسها: "يمكن يبي يقول انه غير رايه وراح يتعالج طبيعي" ..
دانا: ادخل ..
فتح عادل الباب ودخل ..
دانا: نعم ..
عادل: دانا ..
دانا: نعم ..
طالع فيها ومشي بالكرسي المتحرك لين وصل لجهت الدولاب ومعطيها ظهره ..
عادل: اليوم المغرب وين بتروحين ..؟!
دانا بإرتباك: ها .. لرفيجتي رهف ..
عادل بنبرة حزن: ما توقعتج جذي يادانا .. تخونين ثقتي فيج يا تؤامي .. اقولج لا تروحين الشغل وتقولين طيب وبعدين تروحين من وراي .. هذا يزاتي اني وثقت فيج .. ما توقعتج ابدا جذي ..
تفاجأت دانا وانصدمت بعدين بكت وقالت: آسفه ..
هز راسه بأسف وقال: كلمة آسفه ما راح تسوي شي .. طحتي من عيني يا اختي الوحيده .. انا آسف على هذي الكلمه بس انا مستحيل اسامحج ..
طالعت فيه بتفاجئ وقالت: عادل والله آسفه .. انا كنت .......
لف الكرسي المتحرك على جهة الباب ومشي لين وصل للباب وهو مازال معطيها ظهره ..
عادل: خساره يا دانا .. كنت ياي اقولج اني قررت اتعالج طبيعي عشانج .. بس طلعتي ما تستحقين ..
فبكت اكثر وقالت: عادل بليز افهمني ..
حرك الكرسي وراح لغرفته .. هزت دانا راسها وقالت: مستحيل ..
قامت وراحت غرفته ودقت الباب: عادل افتح الباب .. عادل انا ما قصدت جذي .. عادل انا آسفه بس سامحني الله يخليج .. عادل افتح الباب ..
بس ماسمعت رد فأنهارت وجلست وظهرها عالباب وقالت: آسفه والله آسفه ..
خرجت امها من الغرفه وهي تقول: بسم الله شهالصراخ ..؟!
انفجعت لمن شافت دانا وشكلها كذا ..
الام: دانا شفيج تبجين ..؟!
قامت وحضنت امها وهي تبكي وتقول: والله آسفه .. عادل مو راضي يسامحني مو راضي ..
الام: طيب ايش فيه وايش هي السالفه ..؟!
بكت دانا وماردت عليها .. فجلست امها عالكنبه وحضنتها اكثر عشان تهدئ من حالة دانا ..
دانا بكت وبكت وشهقت وهي تردد انا آسفه لين نامت في حضن امها .. قامت امها وجابت لحاف ولحفتها ..
الام: نفسي اعرف ايش اللي يخليج تبجين كل هالبجي ..
لفت تطالع في غرفة عادل بعدين قامت ودقت الباب ودخلت .. وكان عادل جالس عالكرسي ووجهه عالشباك ..
الام: عادل ..
عادل: اذا الموضوع يخص دانا فأنا ما ابي اسمعه ..
الام: هذي اختك ياعادل .. اذا انت ما سامحتها منو لها غيرك ..
عادل: يمه بليز ..
الام: حرام عليك اختك قطعت نفسها من البجي عشانك وانت مو راضي تسامحها ..
عادل: يمه بليز طلعي برى ..
استغربت الام من رد عادل وتأكدت ان الموضوع كبير ..
الام: باطلع بس دانا احاسيسها رقيقه وتتأثر من ادنى شي .. لا تكون سبب في تعاسة اختك يا عادل ..
عادل: .............................. ..
خرجت الام وبعدين راحت عند دانا وشافتها تبكي وهي نايمه ..
جلست جنبها وقرت عليها قرآن عشان تهدئ منها ..

================================================== ==================

9 - 3 - 2014, 08:34 PM

وصل آرثر لأرض تركيا .. لوطنه اللي ولد فيه .. بس هو مو جاي يشوف وطنه .. جاي يعرف مين سحر البنت اللي كانت كل اوطانه وحياته ..
ركب سيارة اجره واتجه لقصر خاله .. وبعد نص ساعه وصل للقصر اللي كان قمه في الفخامه والعراقه ..
نزل ودخل لساحة القصر ووصل للبوابه واول ما شافه واحد من الحرس جاء عنده جري ..
الحارس: اهلا .. اهلا بالسيد آرثر .. اهلا بك .. تفضل الي الداخل ياسيدي ..
طنشه آرثر ودخل داخل وصرخ بأعلى صوته: اليــــــــــــــــــــــــــــزاااااا ..
الحارس: هل تريدني ان استدعي الآنسه اليزا ..؟!
آرثر: اليــــــــــــــــــــــــــــــــــــــــــزاا ..
نزلت اليزا من الدرج الفخم وهي لابسه ملابس فاصخه جدا .. اول ما شافته نزلت بسرعه وتعلقت برقبته وقالت: عزيزي آرثر لقد اشتقت اليك ..
بعدها آرثر عنه بقوه وقال: وانا لم اشتق اليك قط ..
ابتسمت وقالت: احقا يا حبيبي ..
آرثر: اليزا جئت لأسئلك سؤال ..
مسكته من ايده وسحبته وهي تقول: اجلس اولا حتى استمع لما تقوله ..
تنهد وراح معاها وجلس عالكنبه وهي جلست ملاصق له ..
مسكت ايده ولعبت باصابعه وقالت: ماذا تريد ياحبيبي ..؟!
سكت شوي بعدين قال: اين مكان السحر يا اليزا ..؟!
اليزا: اي سحر يا آرثر ..؟!
آرثر: انك تفهمين قصدي تماما ..
حطت اصبعها على فمها تتذكر بعدين قالت: آآه لقد تذكرت .. اتصلت يوم الثلاثاء كي تسألني ان كنت انا من سحرت اسيل .. لكني ياحبيبي لم اسحر اسيل .. صحيح اني كنت اكرهها ولكني الآن لا اضمر لها اي كره .. اعتبرها فتاة عاديه فكيف تريدني ان اسحرها يا حبيبي ..
طالع آرثر فيها وقال: اليزا ارجوك اخبريني اين وضعتي السحر ..؟!
طالعت فيه ببرائه وميلت نفسها عليه اكثر وقالت بهدوء: صدقني حبيبي اني لم افعل لها شيئا ..
آرثر: اذا لم تفعلي انتي اذن من قام بسحرها ..؟!
اليزا: لا اعلم .. ربما كان هناك شخص يكرهها فقام بسحرها ..
سكت آرثر بخيبه .. كان يتمنى انها تكون اليزا عشان يقدر يطلع السحر وترجع اسيل زي ما كانت ..
حس بصداع ومسك راسه فقالت اليزا: حبيبي ما الذي جرى لك ..؟!
آرثر: لا عليك .. انه ارهاق السفر ..
اليزا: اذن يجب عليك ان ترتاح قليلا ..
آرثر: حسنا ..
قامت اليزا وقومت آرثر معاها وطلعوا فوق ودخلته لغرفتها ..
انسدح آرثر عالسرير فقالت اليزا: هل تريد ان احضر لك شيئا يا حبيبي ..؟!
آرثر: كلا .. شكرا ..
جلست عنده وقالت: لا تشكرني يا حبيبي ..
قربت منه وقالت بهمس: لا تشكرني لأنه من واجبي ان افعل هذا لحبيبي ..
طالع آرثر فيها وقال: سأخبرك شيئا ..
ابتسمت وقالت: قل ما تريد قوله حبيبي ..
آرثر: اني احب اسيل ..
تكلمت وقالت بهمس: وانا احبك .. اني مغرمه جدا بك .. انا ابنة خالك .. لا احد يحبك اكثر مني ..
ابعد ايدها عنه وقال: وانا لا احبك ابدا ..
اليزا: لا توجد هناك فتاة في الدنيا مثيرة اكثر مني .. انا احبك واعشقك واذوب في انفاسك وانت بالتأكيد تحبني وتذوب في انفاسي ولن تتركني ابدا ..
آرثر: اليزا ابتعدي عني ..
قربت اكثر وقالت: كيف تريدني ان ابتعد وانت لا تستطيع مقاومة جاذبيتي يا حبيبي ..
ابعدها عنه وقال بحده: اليزا ان اقتربتي مني مرة اخرى ستندمين .. انك فتاة وقحه ولن احبك ابدا حتى لو كنتي آخر فتاة على وجه الارض .. احب اسيل .. اتعلمين ماذا اعني .. لن احب اي احد غيرها ابدا ..
وقفت اليزا وقالت بعصبيه: سحقا لأسيل هذه .. لن استطيع ان انسيك اياها مهما فعلت .. اريد ان اعرف ما الفرق بيني وبينها حتى تحبها اكثر مني ..؟!
جلس آرثر وقال: الفرق هو انها فتاة محترمه وانتي لا .. الفرق انها مسلمة وانتي لا .. الفرق انها طيبه وتخلص في الحب وانتي تعاشرين ستين رجلا في الشهر ..
اليزا: اني لا اسمح لك ان تتهمني بهذا الاتهام ..
آرثر: هل ادركتي ماهو الفرق بينك وبينها ..؟!
اليزا بصراخ: لكنها مجنونــــــــــــــه .. ماذا تريد بفتاة مجنونــــــــــــه ..؟!
آرثر: لا شأن لكي .. لن اتركها حتى لو طلبت مني هذا .. ولن اتركها حتى لو ماتت .. سأقتل نفسي حتى ابقى معها ..
اليزا بعصبيه: الاخ آرثر سيقلد روميو وسيبقى مع جولييت في القبر ..
آرثر: لا شأن لك يا اليزا .. اهتمي بشؤونك وانسيني بتاتا لأني لن انضر اليك ابدا ..
اليزا بعصبيه: تبا لك يا آرثر وتبا لأسيل تلك .. اكرهكم جميعا .. لقد سرقت اسيل مني شي من املاكي ..
آرثر بسخريه: آها لقد اعترفتي .. انك لا تحبيني بل تردينني لأنك تعتبريني شيئا خاصا بك ولا تريدين الأفراط به ..
اليزا: اجل .. انك ملكي ولن اسمح لها بأخذك .. وهناك شيئا سأخبرك به .. انا اعرف من سحر اسيل ولن اخبرك ابدا يا روميو ..
انصدم آرثر وقال: انتي ..؟! لقد توقعت هذا من البدايه ..
اليزا: توقع كما يحلو لك لأني لن اخبرك بتاتا ..
قام آرثر ومسك شعرها الاشقر بقوه وقال بحده: من قام بسحرها يا اليزا ..؟!
اليزا: آآه انه مؤلم .. اترك شعري يا آرثر .. لن اخبرك مهما فعلت آآآه ..
آرثر: ان لم تخبريني من سحرها سأقتلع شعرك من جذوره يا اليزا ..
فتحت اليزا عيونها من الصدمه وقالت: مــــــــــــــاذا ..؟؟؟!!!
شد شعرها اقوى وقال: كما سمعتي .. سأفعلها واقتلع شعرك ان عاندتيني ..
عضت اليزا على شفتها من الالم وقال: آآآآه صدقني انه مؤلم يا آرثر ..
شد شعرها بقوه اكثر وقال: اذن جاوبيني قبل ان اقتلعه .. واحد .. اثنان .. ثلاثه ..
اليزا: لن اخبرك ابدا ..
شد شعرها وهو يقول: اربعه .. خمسه ..
اليزا: آآآآآآآآآه يا ايها الملعون ..
آرثر: سته .. سبعه .. ثمانيه ..
اليزا: لن اخبرك فلا تحاول ..
شد بأقوى ما عنده وهو يقول: تسعه ..
اليزا بألم: آآآآآآآآآآآآآآآآه حسنا سأخبرك يا ايها المتوحش آآآه ..
آرثر: اذن تكلمي ..
اليزا: اترك شعري اولا لأنه مؤلم ..
آرثر: لن اتركه فتكلمي قبل ان اقول عشره واقتلعه ..
اليزا بسرعه: حسنا حسنا .. آآآه انها ريما ..
آرثر: من ريما هذي ..؟!
اليزا: اخت اسيل .. هي من قامت بسحرها ..
آرثر بصدمه: معقوله ..؟!!!!!!!!
اليزا: والآن اترك شعري يا آرثر ..
فترك شعرها وهو مازال تحت تأثير الصدمه ..
فحركت اليزا شعرها وهي تقول: آآه شعري .. كدت ان تفقدني صوابي من اجل فتاة قذره كأسيل ..
فعدلت شعرها وقالت: ولكنك لن تستطيع ان تخرج من هنا لأني ساجعل ابي يبقيك هنا رغما عنك .. لن يدعك تسافر ابدا .. سترى يا آرثر ..
وخرجت من الغرفه بعصبيه ..
جلس آرثر عالسرير وقال: ريما .. مو معقوله في اخت تسحر اختها .. لا انا مو قادر اصدق هذا الحجي ابدا ..
جلس آرثر فتره وهو حاط راسه على ايده يفكر ويستوعب الامر ..
بعد نص ساعه قام وخرج من الغرفه .. نزل من الدرج فشاف خاله واقف واليزا قدامه تتكلم معاه ..
آرثر: اهلا خالي ..
الخال: اهلا بأبن اختي .. كيف حالك وحال امك ..؟!
آرثر: بخير ..
الخال: عزيزي آرثر ان ابنتي تريدك ان تبقى هنا ..
آرثر: وانا لا اريد ان ابقى ..
الخال: ولم ..؟!
آرثر: لدي الكثير من الاعمال سأنجزها في قطر .. ولدي اختبارات سوف استعد لها ..
الخال: هكذا اذن .. حسنا تستطيع الذهاب فمستقبلك اهم ..
اليزا: والدي ماهذا الكلام ..؟!
الخال: لا تكونين انانية يا ابنتي .. لديه اعمال ..
آرثر: ولدي فتاة في مأزق وسأساعدها حتى اتزوجها ..
استغرب الخال وقالت اليزا: كلا كلا ..
الخال: ماذا تقصد بكلامك يا آرثر ..؟!
آرثر: اقصد اني لن اتزوج اليزا فأنا واياها لا نتفق في كثيرا من الامور .. آسف يا خالي ولكنها رغبتي ..
سكت الخال وقال: حسنا كما تريد .. انها حياتك ويحق لك ان تختار شريكتك التي تناسبك ..
اليزا: ابــــــــــــــي ..؟!
الخال: ستجدين شخص يحبك بتأكيد يا ابنتي ..
اليزا: ولكني اريد آرثر ولا اريـ......
آرثر: الى اللقاء يا خالي ..
وخرج من القصر واتجه للمطار وترك وراه وحده ميته قهر بس مع الايام اكيد راح تنسى ..

================================================== ==================

الساعه سبعه المغرب .. كانت ريما جالسه في غرفتها تذاكر لأختبارها اللي يوم السبت ..
كانت تذاكر وفي نفس الوقت تفكر في امر شاغل بالها ..
دخلت ايدها تحت المخده وطلعت كيس الحبوب اللي بقي منها اربع حبوب بس ..
ريما: احس نفسي مدمنه بذي الحبوب .. واحسها مو حبوب عاديه .. لو كانت حبوب عاديه جان اخذت منها حبه في سبعه ايام عالاقل مو سبعه حبات في يوم .. قلبي مو مطمئن لهذي الحبوب ابدا ..
رجعت الحبوب مكانها واخذت كتابها ونزلت الصاله تذاكر ..
شافت امها وابوها جالسين وفارس معاهم ويذاكر ..
ريما: السلام عليكم ..
الكل: وعليكم السلام ..
جلست ريما وفتحت كتابها وقالت: سانيتــــــــــــــا ..
الام: وش تبين في الخدامه ..؟!
ريما: ابيها تييب لي الببسي اللي في الثلاجه .. سانيتــــــــــــــا وصمــــــــــــــخ ..
سانيتا: نأم ماما ..
ريما: روحي ييبي الببسي اللي في الثلاجه بسرعه ..
سانيتا: حاضر ماما ..
وراحت فقالت ريما: اموت واعرف مين سماها سانيتا ..؟!
الام: هذا هو اسمها في شهادة الميلاد ..
فارس: ليش مو عاجبج الاسم يا ريما ..؟!
ريما: لا مو عاجبني .. احسه اسم سفره ..
فارس: ههههههههههههههه ايه تذكرت اللي في الاعلانات اللي يقولون سانيتا سفره مطويه اربع طيات هههههه ..
ريما: اييييه عليك نور هههه ..
طالع الاب فيهم وابتسم وقال في نفسه: "لو ان اسيل هنا جان اليلسه كانت ولا احلى منها" ..
جت الخدامه واعطتها البيبسي فأخذته ريما وكملت مذاكرتها ..
كان الجو هادي .. اللي يذاكر واللي يقرا جريده واللي يقلب في التلفزيون ..
الام: غريبه يا ابو فيصل ..
الاب: وش اللي غريبه ..؟!
الام: عادتك في هالوقت تدور على اسيل ..
الاب: لا ماراح ادور عليها لأني لقيتها ..
طالعوا ريما والام فيه فجأه ..
الام: شتقصد ..؟!
الاب: اقصد اني لقيت اسيل ..
الام: وين لقيتها واذا لقيتها فوينها ما اشوفها ..؟! ولا رجعتها مستشفى الميانين ..؟!
الاب: اسيل مو مينونه يا احلام .. ترستي راسي بالكلام لين دخلتها هالمستشفى وهي مو مينونه .. اسيل مسحوره ..
لفت ريما على ابوها بسرعه وهي تحس دقات قلبها سريعه من الخوف ..
الام بتفاجأ: مسحوره ..؟! ومين اللي بيسحرها ياحضي ..؟!
الاب: ما ادري ..
فارس: انا شاك في واحد وان شالله يكون هو ..
طالعت ريما في اخوها وقالت بتردد: في مين ..؟!
فارس: واحد في الجامعه .. لا تشغلوا بالكم في الموضوع وان شالله ينتهي بسرعه ..
الاب: ان شالله ..
سكتوا وريما تطالع فيهم ودقات قلبها مازالت تدق بسرعه وبقوه من الخوف .. وتحس جسمها كله يرتجف من الخوف والرعب ..
الاب: ريما شفيج ..؟!
لفت بسرعه على ابوها وقالت: لا مافي .. مافي شي ..
استغرب الاب وقالت: متأكده ..؟!
هزت راسها بأيه وهي تحس بخوف .. وفارس كان يطالع فيها بإستغراب ..
فخافت من نضراته واخذت كتابها وطلعت فوق لغرفتها وقفلت الباب وراها ..
راحت وشغلت المكيف لأنها كانت حاسه بحر وكتمه .. وبعدين جلست عالسرير ..
ريما: اول مره ادري ان اللي يسوي غلط يخاف الى هذي الدرجه .. ياربي ساعدني ..
اخذت الحبوب من تحت المخده بس ترددت وقالت: نوعية هالحبوب تخوفني ..
اخذت جوالها واتصلت بياسر على طول ..
بعد فتره رد وقال: ياهلا والله بحياتي ..
ريما: اهلين بياسر .. اسمع انا بسألك سؤال وابيك تياوبني ..
ياسر: اسألي يا حياتي ..
ريما: الحبوب اللي انت يبتها ايش اسمها ..؟!
ياسر: ليه تسألين ..؟!
ريما: لاني احس نفسي ادمنت عليها وصرت اخذ منها بكثره .. ايش اسم هالحبوب ..
ياسر: والله ما ادري هي من اي نوع بس اللي اعرفه ان اسمها مخدرات ..
سكتت بعدين قالت: ياسر عن الغشمره اللي مو بمحلها ..
ياسر: بس انا عمري ما تغشمرت ..
ريما: ماني فاهمه ..
ياسر: انا افهمج ياروح ياسر .. انا طلبت اكثر من مره اني اقابلج بس انتي ترفضين .. غرقتج في الكلام الحلو بس ماكو فايده ومازلتي عنيده .. يت فكره في بالي وقلت بأدمنج مخدرات عشان بعدين تنصاعين لأوامري وتصيرين بنت حبوبه ومطيعه .. لأنه بعد ما تدمني ماراح تستحملين الادمان وتطلبين مني حبوب .. فأكيد ماراح اعطيج إلا لمن تسمعين لكلامي يا حبيبتي ..
هزت راسها بلا وهي مو مستوعبه ..
ريما بعدم تصديق: انت جذاب .. انت تتغشمر صح ..؟!
ياسر: والله يا قلبي ما اتغشمر ..
انصدمت منه ومن كل كلمه قالتها وصرخت: جلــــــــــــــــــــــــــــب .. انت حقيــــــــــــــر انت منحــــــــــــــط .. انت واحد سافل واناني وجلــــــــــــــب .. انا مو قادره اصدق انك اكبر منافق وجذاب على هالارض ..
ياسر: لا يا حياتي لا تتهميني بالجذب وانتي بعد جذابه .. تكلميني عشان تشغلين وقتج وتلهفين الفلوس مثل كل البنات ..
فبكت وقالت: انت احقر مخلوق على ويه الارض .. انت دمرتني يالجلب .. انت دمرت حياتي كلها .. جلــــــــــــــب .. انا ما اذيتك فليش تأذيني .. حمــــــــــــــار حمــــــــــــــار وحقيــــــــــــــر ..
بكت اكثر وهي مو قادره تصدق اللي صار وقالت: ياسر بليز قول انك تمزح ..
ياسر: اممم اوكي من عيوني انا امزح .. بس المفروض ما تصدقيني لمن اقول امزح صح .. لأنج حاسه بنفسج وحاسه ان صداعج مو عادي وحاسه انج مدمنه .. عيل انتي مدمنه مخدرات يا حبيبتي ..
ريما بصراخ: واطــــــــــــــي واطــــــــــــــي واطــــــــــــــي ..
جت بتتكلم وتسب اكثر بس ما قدرت من كثر البكاء فقفلت الجوال في وجهه ورمت نفسها عالسرير وبكت من قلب ..
بكت لأنها دمرت حياتها بنفسها .. كانت تحسب نفسها ذكيه وانها تقدر تضحك عليه بس هو كان اذكى منها وقدر يوقع فيها ..
ندمت .. بس الندم جاء متأخر مررره وكلمة ياليت ما تنفع ابدا ..

================================================== ==================

في صباح الجمعه .. كان الكل .. الكل من طلاب الجامعات يذاكرون بجد لأختباراتهم اللي بتبدأ بكره ..
عند شخص من هالطلاب وهو راشد ..
كان جالس في الصاله وماسك كتابه بيد والرموت بيد الثانيه ..
شويه يذاكر وشويات يطالع في التلفزيون ..
رفع نضره لمن شاف شهد واقفه قدامه ..
حط كتابه على جنب وعدل جلسته وكأنه لقى شي يشغل فيه وقته ..
راشد: نعم شتبين ..؟!
شهد: ابيك ترسل واحد من حرسك لبيتنا عشان ييب باجي اغراضي .. انت قلت انك راح تخليني هنا للأبد وانا ناقصني اغراض كثيره وابيك ترسل حارس ييبها ..
راشد: وليش .. حراسي خدامين عندك ..؟!
شهد: الله يخليك ياسيد راشد لأني ما ابي اروح ..
راشد: ومين قال اصلا انج بتروحين ..؟!
شهد براحه: وآآآه حلو ..
رفع حاجبه بعدين قال: وليش ما تبين تروحين ..؟!
شهد وهي تصطنع الارتباك: لأنه .. لأنه .. لأنه ...
راشد: ولأنه ولأنه .. إلى متى بتبقين على هالنغمه .. لأنه ايش ..؟!
نزلت راسها وقالت: ما ابي اشوف اخواني واتضايق اكثر ..
بعدين رفعت راسها وابتسمت وقالت: اللي اعرفه انك وايد طيب واكيد ما راح تخليني اشوفهم واتضايق صح ..؟!
راشد: ومنو قالج اني طيب ..؟! عالعموم نادي لي واحد من السواقين يوديج السوق تشترين اغراض لأني ما راح اخليج تروحين البيت ولا راح اودي واحد من سواقيني ..
طالعت شهد فيه بصدمه ..
راشد: شفيج تطالعيني جذي ..؟! انا فعلا ماراح اودي واحد من السواقين لأنهم مو تحت امرتج عشان تتأمرين .. ولا راح اخليج تروحين عشان لا تشوفين حبيب القلب عيسى ..
انصدمــــــــــــــت شهد منه وقالت: عيسى ..؟!!!
راشد: ايه عيسى .. لا تحسبيني غشيم ولا ادري عنكم .. هاهاي لا ياحبيبتي انتي غلطانه .. بسرعه جهزي نفسج عشان تروحين مع السواق قبل لا ابطل ..
هزت راسها وقالت: طيب .. بس انت ترى ظلمتني لأني عمري ما شفت عيسى غير مرتين من قبل سنتين .. انا ما احبه ولا فكرت اني احب عشان اطالع فيه .. الوحده اللي في حالتي المفروض ما تحب .. المفروض تفكر بس كيف تلقى لقمه تاكلها ..
لفت وراحت وراشد يطالع فيها لين راحت ..
راشد: اخسس والله .. حتى الخدم يعرفون يتحجون مثل الاوادم ..
راحت شهد لغرفتها ومسكت نفسها لا تبكي من كلامه .. المفروض تكون قويه ودمعتها ما تنزل لأي كائن كان ..
جهزت نفسها وهي تقول: سهلت علي يا راشد ..
خرجت وراحت للسواق اسمه سعود .. راحت له لأنه هو السواق الوحيد القطري ..
شهد: اهلا ..
سعود: اهلين شهد ..
شهد: تقدر توديني للسوق .. هذي اوامر راشد ..
سعود: غريبه السيد راشد خلاج تروحين .. آسف بس اللي اعرفه انه متشدد كثير عليج وما يخليج تسوين اي شي ..
شهد: فعلا .. ما ادري من وين نزلت عليه هذي الطيبه ..
سعود: طيب اركبي ..
فركبت وحرك السياره وقال: وين تبيني اوديج ..؟!
شهد: اي سوق ..
سعود: طيب ..
بعد فتره ترددت وقالت: لو سمحت ..
سعود: نعم ..
شهد: تقدر تسوي لي خدمه من دون علم راشد ..
سكت بعدين قال: اعرف ايش هالخدمه .. تبين تزورين اخوانج اللي راشد منعج تزورينهم ..
شهد: تقريبا ..
سعود: كيف يعني تقريبا ..؟!
شهد: الخدمه اصعب من جذي .. تقدر تساعدني ..
سعود: صدقيني يا شهد اذا كنت اقدر والله ما اقصر ابدا خصوصا انتي يا شهد ..
شهد: ابيك توديني هناك عشان .. اسمع اخواني وحدهم هناك وكلهم صغار .. اكبر وحده عمرها ١٥ سنه في ثالث .. وامي زي ما تعرف انها ماتت .. تخيل كيف حياتهم لوحدهم .. وفوق هذا صاحب البيت يبي بيته ويبيهم يخرجون بعد باجر ..
سعود: معقوله ..؟!
شهد: من دوني راح يتشردوا اكيد وراشد مستحيل يفهم .. فأنا فكرت بفكره جنونيه عشان مصلحة اخواني .. فكرت اييبهم القصر ..
سعود: بس السيد راشد مستحيل يوافق ..
شهد: اعرف .. وعشان جذي ابي اييبهم من دون لايدري ويسكنون في غرفتي ومستحيل راشد راح يعرف عنهم ..
سعود: صراحتا انتي فاجأتيني يا شهد ..
شهد: ابيك تروح بيتنا وآخذ اخواني وتوصلني القصر وبس .. صدقني ما راح اقول انك لك يد .. تقدر تقدم لي هالخدمه ..؟!
سكت فتره طويله بعدين قال: لو احد غيرج طلب جان رفضت .. خلاص من عيوني ..
ابتسمت وقالت: مشكور ..
ابتسم وغير الطريق لجهة بيت شهد .. وبعد فتره وصل عند الحاره ووقف لأن المكان ضيق والسياره ما تقدر تدخل ..
سعود: انا انتضرج ..
شهد: بأيي بسرعه ..
نزلت وراحت بسرعه للبيت .. دقت الجرس ففتح وسيم ..
وسيم: شهــــــــــــــــــــــــــــد ..
وحضنته بقوه وهي تقول: كيفك حبيبي ..؟!
وسيم وهو يبكي: مو بخير .. شهد ليش ما ييتي عندنا ..؟! امي راحت فليش تبين تروحين زي ما راحت ..؟!
شهد: خلاص يا حبيبي والله ما اخليكم ولا اترككم .. وين اخوانك ..؟!
وسيم: داخل ..
دخلت شهد وقالت: اثيــــــــــــــر .. شــــــــــــــادي وينكــــــــــــــم ..؟!
خرجت اثير من الغرفه وجت جري تحضن شهد وقالت: شهد انتي رجعتي .. توقعتج ما راح تيين ..
شهد: كيفج يا اثير ..؟!
اثير: الحمد لله بخير ..
شهد: طول عمرج بتظلين مثل ما انتي ما تبين تضايقين احد .. وين شادي ..؟!
اثير: راح السوبر ماركت يشتري خبز ..
شهد: طيب بسرعه لموا اغراضكم اللي تحتاجونها وحطوها في جنط بسرعه ..
وسيم: ليش ..؟!
اثير: لقيتي لنا بيت ..؟!
شهد: لموا وانتم ساكتين ..
اثير: طيب اغراضنا من امس ملمومه .. قال ابو عبدالله انكم لازم تطلعون الاحد فلمينا اغراضنا ..
وسيم: كنا بنروح عند عيسى لين يلقى لنا حل ..
شهد بحنان: يا حبايبي .. ايه صح وين شدونه ..؟!
اثير: توها نامت ..
دخل شادي البيت واول ما شاف شهد حضنها وقال: شهد وينج من اول ..؟!
شهد وهي تبكي: خلاص ما يصير جذي تبجوني ..
شادي: بتقعدين عندنا ..؟!
شهد: اسمعوا .. انا بسوي شي بس لازم تكونون مؤدبين ..
شادي: بنكون مؤدبين بس ايش هالشي ..؟!
شهد: بييبكم تعيشون عندي في قصر راشد من دون لا يدري ..
شادي بفرح: قصر .. واااااو حلو ..
وسيم: ايه ايه نبغى ..
اثير: بس شهد اخاف يكشفج ويخاصمج ..
شهد: احسن من انكم تعيشون عيشه صعبه .. ام عيسى اعرفها طيبه بس وايد فقيره ومستحيل تتحمل اربع اطفال .. واللحين ياللا بسرعه جهزوا نفسكم عشان نروح .. بسرعه ..
شادي: حاضر ..
وراحوا يجهزون نفسهم وراحت هي لشادن تبدل ملابسها وتجهزها وبعد ربع ساعه كان كل شي جاهز وتمام ..
شهد: كل واحد يشيل جنطته وامشوا وراي ..
فشالت شادن وشنطتها وخرجوا برى البيت ومشيوا لين وصلوا للسياره .. ركب شادي قدام والباقين ورى ..
شهد: خلاص ..
سعود: ما شالله هذول اخوانج ..؟!
شادي: لا اولاد عمها .. سؤال غبي ..
شهد: شادي مو من بدايتها ..
شادي: آسف بس سؤاله كان وايد غبي ..
سعود: ههههه طيب شهد تبيني اوديج السوق ..؟!
شهد: ايه ..
سعود: اوكي ..
حرك السياره ووداها السوق .. نزلت واشترت اغراض لها ولأخوانها وبعدين ركبت السياره واتجهوا للقصر ..
بعد فتره وقف سعود السياره ورى القصر فقالت شهد: انتضرني شوي .. بدخل اخواني وبأيي ..
سعود: طيب بس انتبهي لا احد يشوفج ..
شهد: ان شالله .. ياللا اثير وسيم انزلوا .. شادي انزل انت بعد بس بهدوء ..
شادي: اقول شهد .. انا ما اصدق اني بأقعد بقصر وايــــــــــــــد كبير ..
شهد: شادي انزل بسرعه ..
شادي: طيب ..
نزلتهم ونزلت الاغراض ودخلت من بوابة الخدم ودخلتهم لغرفتها ..
شادي: واااااو غرفتج وايد عوده وحلوه ..
نطط وسيم عالسرير وقال: سريرج كأنه نقيزه .. حلو ..
شادي: من جد ..
ركب مع وسيم وقال: الله من جد كأنه نطيطه ..
وسيم: لا نقيزه ..
شادي: اسمها نطيطه ..
شهد: بس انت وياه .. انا قلت اقعدوا هادين .. لو شافكم راشد يا ويلكم ..
شادي: ما يخوف راشد ..
وكمل لعب فقالت شهد لأثير: اسمعي لازم تنتبهي لهم وخوفيهم براشد .. قولي انه شرير وسبيه قدامهم قد ما تقدرين عشان يرتعبون .. انا ما راح اتأخر خلاص ..
اثير: طيب ..
شهد: شــــــــــــــادي وسيــــــــــــــم تبون ترجعون للبيت القديم ..؟!
شادي: اكيد لا ..
وسيم: ما نبغى ..
شهد: عيل تأدبوا عشان لا ارجعكم ..
شادي: لا لا لا ..
وجلس بأدب هو ووسيم .. حطت شهد اختها شادن عالسرير وغطتها باللحاف ..
شهد: اختكم نايمه فلا تزعوجها عشان لا تصحى وتبجي اوكي ..؟!
وسيم: احنا مؤدبين وما نسويها ..
شهد: ايه واضح .. انا رايحه واذا اشتكت اثير منكم راح اوديكم عند عيسى ..
شادي: لا ما نبغى ..
شهد: عيل اسمع كلام اثير ..
شادي: بس هي عصبيه وتضربنا ..
وسيم: ايوه تضربنا ..
شهد: احسن تستاهلون .. هذا لأنكم مشاغبين .. ياللا كل واحد فيكم يطلع كتبه ويذاكر لأنكم بتروحون المدرسه ..
شادي: اوووف ما راح نتركها ..
شهد: لا يا بعدي .. ماراح تتركونها ..
وسيم: ايه حلو لأني احب المدرسه ..
شهد: باي حبايبي ..
وخرجت وقالت: وووه ما بغيت اخرج .. ياكثر هرجهم ما يخلص ..
راحت عند السواق واخذت الاغراض اللي اشترتها ودخلت من الباب العمومي بشكل عادي وكأنها توها جايه ..
شافها راشد وقال: شهــــــــــــــدوه ..
جت شهد عنده وقالت: نعم ..
راشد: ايش اشتريتي ..؟!
شهد: بعض الملابس والاشياء الخاصه ..
راشد: وبجم الاغراض ..؟!
شهد: بميه وسته وستين بس ..
راشد: خلاص اقلبي ويهج ..
شهد: طيب ..
راحت وودت الاغراض لغرفتها واعطت اخوانها كم كلمه وتحذير وبعدين طلعت تكمل شغلها ..

9 - 3 - 2014, 08:35 PM

كتابها قدامها مقفل وهي جالسه تطالع في الفراغ ..
قالت في نفسها: "غابت في الايام العاديه بس مستحيل تغيب في ايام الاختبارات .. اكيد بتيي بنت سميه .. ابي اعرف اذا امها مازالت حيه او ماتت .. اذا حيه فأنا بوريها واذا ميته بوري بنتها .. آآه تفكيره كله فيها .. بس اهم شي اني عرفت طريج لها .. للي قتلت امي" ..
حطت راسها على ايدها وهي تتذكر كيف امها ماتت ..

:::::::::::::::::::::::::::::::::::::::::::::::::: ::::::
تخبت وصايف ورى عمود الطاوله بخوف وهي تشوف المهاوشه الشديده بين امها وسميه ..
امها: اقسم بالله يا سميه انج راح تندمي قد شعر راسج ..
سميه باستهزاء: يمــــــــــــــه ارعبتيني ..
امها: هذا يزاتي اني وثقت فيج وحطيت بنتي امانه عندج .. انتي صج وحده منافقه .. جدامي تكونين الحرمه الطيبه ومن وراي تصيرين الفرعونه المخيفه ..
هزت سميه كتفها وقالت: شسوي طيب ..؟!
امها بعصبيه: شتسوين ها ..؟! انا عارفه ليش تضربين بنتي .. تحطين حرت زوجك فيها .. اذا مره محتره فروحي عنده ولا تستقوي على بنتي ..
تنرفزت سميه وقالت بعصبيه: جــــــــــــــب .. انتي تنجبين ولا تتحجين .. مالج شغل فيني وفي حياتي .. انطمــــــــــــــي ولا تتحجــــــــــــــي ..
امها: حطي عصبيتج في ريلك مو فيني انا .. صج انج انتي وزوجك عائله عمري ماشفت مثل وقاحتها وحقارتها بحياتي ..
سميه بعصبيه: جـــــــــــب جــــــــــــــب .. لا تسبي ريلي يالجلبه .. لا تتدخلي في شئوننا يالحماره .. خليج في امورج الخاصه وشوفي ريلك اللي مات وهو في السجن .. زوجة خريج سجون ..
عصبت ام وصايف وضربت سميه كف قوي بمعنى الكلمه ..
ام وصايف: حقيــــــــــــــــــــــــــــره ..
طالعت سميه فيها بصدمه وقالت: انتي .. انتي تتجرأين وتصفقيني .. انتي تصفقيني كف ..؟!
ام وصايف: هذا الكف يستحقج ويستحق الناس اللي من نوعيتج .. معقوله انتي ام ..؟! مافــــــــــــــي ام بالدنيــــــــــــــا ترمــــــــــــــي ضناهــــــــــــــا ..
حطت سميه ايدها على اذنها وصرخت بهستريا: سكتــــــــــــــي سكتــــــــــــــي .. مالــــــــــــــج دخل .. سكتــــــــــــــي احسن لج ..
ام وصايف: ماني ساكته .. لازم تعرفي انج وحده واطيه وحتدخلي النار بتصرفاتج ذي المتوحشه .. ما عمري شفت ام مثلج .. ابي افهم وش سوت بنتج هالطفله عشان تقطيها بالشارع .. مافي قلبج رحمه ابدا .. انتي وزوجك ناس عمري ماشفــ....
اخذت سميه الكاسه من فوق الدولاب وضربتها بقوه على رقبة ام وصايف عشان تسكت ..
انكسرت الكاسه وجرحت رقبة ام وصايف جرح عميق وقاتل ..
طاحت الام على ركبتها وهي ماسكه رقبتها ومو قادره تتكلم ..
انصدمت وصايف من المنظر وجت عند امها جري وهي تبكي ..
وصايف: ماما ماما شفيج ..؟!
والام مازالت ماسكه رقبتها وتتألم ..
وصايف وهي تبكي: ماما لا تموتين .. ماما قومي انا بنتج .. ماما ..
طلع الدم من فم امها وهمست كلام في اذن وصايف وبعدين بدت تصارع الموت .. وماتت ..
وصايف: مامــــــــــــــــــــــــــــا ..
طالعت سميه فيهم وطالعت في الكاسه اللي بإيدها ومليانه دم ..
سميه: تستاهل ..
وكملت بهستريا وصراخ: انا قلت لها سكتــــــــــي بس هي ماسكتت .. حذرتهــــــــــــــا اكثر من مره بس ماسمعت .. ماسمعت كلامي .. تستاهل .. تستاهل .. احسن بتلحق بزوجها .. وانتــــــــــــــي .. وانتي كمان لازم تموتين .. لازم تموتين .. العائله كلها لازم تموت .. كلكــــــــــــــم تموتـــــــــــون ..
انفجعت وصايف وخرجت جري برى البيت وهي تبكي بصوت مرتفع .. وصلت للبيت حقهم وحاولت تفتح الباب بس ما قدرت .. لفت ورى تشوف بيت سميه برعب ..
لفت وراحت بيت الجيران ورفعت رجلها عشان تلحق الجرس ودقته وهي كل شوي تطالع ورى برعب ..
مسحت دموعها ودقت الجرس بس محد رد لأنهم مسافرين ..
لفت ورى تطالع وانفجعت لمن شافت سميه خارجه من البيت وهي شايله امها وحطتها بنص الشارع ..
وبعد شوي جت سياره مسرعه وصدمت امها وهربت ..
فتحت عيونها تطالع في هذا المنظر المتوحش .. هي طفله ومناظر زي كذا تنحفر في الذاكره ..
صرخت سميه: ام وصــــــــــــــايــــــــــــــــــــــــــــف ..
خرجوا الجيران كلهم وراحوا لجهة سميه اللي كانت تبكي على الجثه ..
ارتبجفت شفاة وصايف وجلست عالارض وهي تطالع فيهم ..
مسحت دموعها بكفها وبدت تشهق وتحس بدوخه وجنون من اللي يصير قدامها ..
نزلت دموعها اللي كانت كأنها دم من هذا المنظر .. امها تنطعن قدام عيونها .. وتندعس كمان والقاتل يبكي عليها ..
هزت راسها بقوه وصرخت بأعلى صوتها: مــــــــــــــــــــــــــــامـــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــا ....
:::::::::::::::::::::::::::::::::::::::::::::::::: ::::::

حطت وصايف ايدها على راسها بقوه وهي تهز راسها بعنف ..
هزت راسها اقوي وهي تقول: لا .. لا .. لا .. لااااااااااااااااااااااااااااااااااااااااااااااااا ااااااااااااااااااااااااااااااااا ..
اخذت كتابها وطلعت بسرعه لغرفتها بس ماقدرت وانهارت في نص الدرج تبكي ..
وصايف: اكرهج .. اكرهج .. اكرهج .. اكرهج .. اكرهــــــــــــــــــــــــــــــــــــــــــج ..
رفعت راسها وهي حاسه بأختناق .. فطلعت لغرفتها بسرعه واخذت لها اكسجين عشان الكتمه تروح ..
قعدت عالسرير فتره وبدأت تهدئ من نفسها لين هدأت تقريبا ..
سمعت صوت جوالها يدق فأخذته ولمن شافت الرقم قفلت في وجهه ..
حطت راسها على ايدها وهي تفكر في صاحب الرقم ..
لفت تطالع في الجوال لمن سمعت صوت رساله ..
اخذته وفتحت الرساله اللي كانت من ذاك الرقم وكان مكتوب فيها ..
(( حبيبتي وصايف ردي علي .. صدقيني انا تغيرت ونادم عاللي صار .. ردي الله يخليج ))
رمت الجوال وهي تهز راسها بلا وتقول: ماراح ارد عليك .. ماراح ارد عليك ابدا .. ابدا ..

================================================== ==================

في الليل والساعه تسعه كانت ريما في غرفتها وعلى نفس حالتها ..
بكت .. وندمت .. وسبت نفسها .. كرهت كل شي .. ضربت نفسها .. لامت روحها .. كل شي في بالها قالته لنفسها ..
من امس وهي على هالحاله .. من امس الساعه سبعه المغرب لين الساعه تسعه .. يعني ٢٦ ساعه وهي تلوم نفسها وتبكي ..
خلاص هي قررت انها تترك المخدرات .. قاعده تقول في نفسها انه اكيد بيجيني صداع بس بأتحمله عشان لا اضيع نفسي ..
دايما تطالع اللي في المسلسلات الناس اللي يدمنون مخدرات يودونهم لمستشفى علاج الادمان ..
هي تشوف لمن يدخلون المستشفى يبعدون عنهم المخدرات ويخلون الشخص يتعذب حتى يتخلص منها ..
هي تقول بقرارة نفسها انها راح تبعد نفسها عن المخدرات وتتعذب بس المهم تتخلص من هذا الادمان ..
قامت واستحمت ولبست ملابس وجهزت نفسها عشان تروح الصيدليه وتشتري لها مهدئات ..
نزلت الصاله وشافت فارس توه داخل من برى ..
ريما: فارس ..؟!
فارس: اهلا ريما ..
ريما: وين كنت ..؟!
فارس: كنت عند اسيل احاول انها تذاكر عشان الاختبار ..
حست بشي بداخلها لمن سمعت اسمها ..
ريما: طيب كيفها ..؟!
فارس: الحمد لله تمام .. بس اليوم ساكته ولا هي راضيه تنطق بكلمه ..
ريما: ليش ..؟!
فارس: مدري ..
بعدين طلع فارس فوق وخرجت ريما من البيت واتجهت لسيارتها ..
ركبت السياره وانفجعت لمن انفتح باب المقعده اللي جنبها وركب واحد ..
تحولت الفجعه إلى صدمه وقالت: آرثر ..؟!!!!!!
آرثر: حركي السياره .. ابي احاجيج بعيد عن هنا ..
هزت راسها وحركت السياره ومشيت بعيد عن البيت وهي تفكر بالكلام اللي يبغى يقوله آرثر ..
وقفت جنب الرصيف وقالت: نعم ..
آرثر: انت اخت اسيل صح ..؟!
ريما: ايوه ..
آرثر: متأكده انج اختها ..؟!
ريما: ايه متأكده ..
آرثر: عيل ليش سحرتيها ..؟!
انصدمت ريما منه وجاء في بالها ان اليزا ومايكل هم اللي قالوله ..
آرثر: ليه ما تياوبين ..؟! اسيل اختج ياريما .. ابي اعرف ليش تسحرينها ..؟! ايش السبب اللي خلاج تسحرينها ..؟! مافي اخت تسحر اختها ياريما ..
طالعت ريما فيه ونزلت دموعها .. ايش تقوله .. تقوله انت السبب .. سحرتها عشان تتركها وتحبني .. ماهي عارفه شلون بترد عليه ..
شافها آرثر وهي تبكي فكان يحسبها ندمانه فقال: ريما ..
ريما: .......................
آرثر: اسمعي .. لو طحتي في مشكله ماراح تلقين غير اختج تسمعج .. الاخوه شعور حلو فحرام اللي سويتيه في اختج .. انا اعرف اسيل واذا كانت غلطت عليج فأكيد هي ما تقصد .. المفروض تقابلينها وتعلمينها بغلطها واكيد راح تتركه .. اسيل وايد طيبه ياريما .. بسألج سؤال .. لو انتي في مشكله كبيره وطلبتي من اسيل تساعدج وش بيكون ردها ..؟!
سكتت بعدين قالت: بتوافق ..
آرثر: شفتي كيف ..؟! لو انج وايهتيها جان عدلت غلطها صح ..؟!
طالعت فيه والدموع مغرقه عيونها فهزت راسها بإيه ..
آرثر: هذي اختج وانتي غلطي كثير بحقها .. ترضين انها ترسب سنه عشانها غلطت غلط تافه .. صحيح ما اعرف ايش هو الموضوع بس هو تافه .. لا تخلين الموضوع التافه يفرق بينج وبين اختج ..
هزت راسها وهي تقاوم انها ما تبكي ..
ابتسم وقال: في النهايه هي اختج الصغيره .. اضربيها عاقبيها بس لا تسحريها ..
هزت راسها وقال لنفسها: "والله انه يحبها .. ريما انسي .. انسي انج تحبينه .. انتي في مشكلة هالمخدرات والله العالم كيف تطلعين منها .. وين غرورج ياريما .. المفروض ما تطالعين في واحد ما يطالع فيج .. وين تكبرج .. المفروض انه محد يستاهلج ابدا .. ابدا" ..
آرثر: يعني خلاص بتنسين ان اختج غلطت ..؟!
مسحت دموعها وقوة نفسها وقالت: ايه ..
آرثر: عيل اختج تحتاجك .. تحتاج انج تفكين عنها السحر عشان تقدر تذاكر .. عشان تقدر تنجح ..
ريما: آرثر ..
آرثر: نعم ..
ريما: مشكور ..
ابتسم وقال: مو لازم تشكريني ..
طالعت فيه وتذكرت كلام اسيل ..
:::::::::::::::::::::::::::::::::::::::::::::::::: ::::::
وقفلت الجوال فطالعت فيها ريما وقالت: منو كنتي تكلمين .. شفتج متحمسه في المكالمه ..؟!
اسيل: احسه طيب ..
ريما بإستغراب: مين ..؟!
لفت عليها اسيل وقالت: بقولج و ما تقولي لأحد ..
ريما: اوكي ..
اسيل بإبتسامه: هذا واحد في الجامعه .. ياء عندي وصارحني بحبه لي ..
ريما بحذر: انتبهي انج تثقين فيه .. يمكن يستغلج لغرض ثاني ..
فهزت اسيل راسها بالنفي: لا لا .. انا ماني مدمغه لهذي الدرجه .. اقدر اعرف الانسان الصاج من نضرة عيونه ومن طريجة كلامه واسلوبه ..
ريما: يعني تحسي انه يحبج ..
اسيل: انا ما احس .. انا متأكده من هذا .. هو صارحني وبكل صدق وقال انه قابل بنات كثير ولعب على بنات كثير بس عمره ما حب غيري وما راح يحب غيري .. وكمان قال انه لو اني رفضته يمكن يصير فيه شي .. الشاب يا ريما يهبل من كل النواحي .. شكله وعيونه وشعره وابتسامته وضحكته وكلامه وكل شي فيه .. صحيح اني كنت اشوفه في الجامعه بس كنت اشوفه كلمحه بس .. اما في الكلاس شفته وشفت قد إيش عيونه تعكس صفاء قلبه .. صحيح كان المجان كله ظلام بس قدرت اشوف ملامح وجهـ ...
فقاطعتها ريما بضجر: خلاص خلاص .. اكلتي الولد بقشوره من كثر ما تمدحينه ..
اسيل بأبتسامه: مره طيب ..
ريما: خلاص عرفنا ..
ولفت تطالع في الفلم .. وبحركه مفاجئه لفت على اسيل وقالت: من فين ياب رقمج ..؟!
فهزت اسيل كتفها وقالت: ما ادري ..
ريما: كيف ما تدرين .. يعني انتي اعطيتيه رقمج ..
اسيل: لا .. هو يابه بنفسه ولمن سألته كيف .. قالي اللي يحب لازم يعرف كل شي عن حبيبته .. وما جادلته في هذا الامر ..
ريما: ياااهوو والله محد قدج .. طلع واحد يموت فيج ..
فتنهدت وكملت: الله يسعدكم ان شاء الله ..
اسيل: ان شاء الله وعقبالج ..
:::::::::::::::::::::::::::::::::::::::::::::::::: ::::::

ريما: آرثر ..
آرثر: نعم ..
ريما بالصعوبه: اسيل تحبك وايد .. ابيك تسعدها قد ما تقدر ..
آرثر بإبتسامه: اكيد ..
طالعت فيه .. هي قررت انها ما تكون انانيه وتتركه لأختها ..
آرثر: انا رايح واتمنى انج تشيلين السحر اللحين عشان يمديها تذاكر ..
ولف عشان ينزل فقالت ريما: آرثر ..
آرثر: نعم ..
ريما: انا ما فكرت اني اسحرها بس اصدقائك مايكل واليزا هم اللي دخلوا الفكره براسي ..
طالع آرثر فيها بتفاجئ وبعدين ضرب قزاز السياره بقوه بإيده ..
آرثر بعصبيه: اليزا .. مستحيل توقفين شرج ..
سكت فتره بعدين نزل من السياره وراح ..
حطت راسها عالدركسون وبكت .. بكاء يسمى وداع لأحد تحبه .. حتنساه وترجع ريما المغروره والمتكبره ..
بعد نص ساعه هدت نفسها وحركت السياره واتجهت عشان تفك السحر عن اختها ..

================================================== ==================

في جناح اسيل .. كان وائل يرتب الاكل فوق طاولة الطعام واسيل جالسه في الصاله وماسكه كتابها وسرحانه ..
وائل: اسيل ياللا .. ما تبي تتعشي ..؟!
طالعت فيه بعدين قامت وجلست عالطاوله وبدت تاكل بهدوء ..
بدأ هو ياكل ويطالع فيها فقال: ها كيف المذاكره ..؟!
اسيل: ..............................
وائل: ان شالله تنجحين ..
اسيل: ..............................
وائل: قريت خبر في الجريده .. تعرفين ليش المصاريه خفيفي دم .. يقول طبيب نفسي انه عشانهم ياكلون الكشري ..
اسيل: ..............................
وائل: صراحتا انا ماصدقت بس يقولون انه من جد دراسات اثبت هذا ..
اسيل: .............................
وائل: اسيل تكلمي .. قولي شي ..
اسيل ساكته ولا ردت عليه وهي تطالع في الصحن حقها وتحسه يتحرك من مكانه ..
غمضت عيونها وفتحتها وتحس الدنيا تدور فيها ..
فجــــــــــــــأه حست بمغص شديــــــــــــــــــــــــــــد ببطنها وجلست عالارض ومسكته بقووووووووه ..
قام وائل بخوف وقال: اسيل شفيج ..؟!
مسكت بطنها وهي تحس بألم قوي وصرخت: آآآآآآآآآآآآآه بطنــــــــــــــي ..
جلس عندها وقال: اسيل شفيه بطنج ..؟!
هزت راسها وهي تقول: آآآآه يوجعني آآآآآآآآآآآه ..
وائل: طيب تبيني اوديج المستشفى ..؟!
اسيل بصراخ: لاااااااا ما ابــــــــــــــي .. آآآآآآآآه ..
وائل: طيب اهدئي وانا راح اييب لج شي تشربينه ..
مسكت فمها وراحت جري للحمام وبدأت تستفرغ دم وبألم ..
طالع وائل ناحية الحمام وهو مو داري ايش يسوي ..
بعد فتره طلعت وهي تحس بدوخه وجلست عالكنبه ..
جاء وائل عندها وقال: اسيل انتي بخير ..؟!
هزت راسها بإيه وانسدحت عالكنبه ..
وائل: ماتبغين تاكلين ..؟!
اسيل بتعب: مابي ..
وائل: خلاص براحتج ..
قام وراح اكل شوي وبعدين لم الاكل ورفع الاغراض وبعدين جاء عند اسيل وشافها نايمه ..
راح لغرفتها واخذ لحاف السرير وغطاها بأسيل .. وهو يغطيها لامست ايده ايدها ..
انفجع ومسكت ايدها وشافها حاره .. حط ايده على راسها وكانت الحراره مرتفعه مرره ..
وائل: البنت مصخنه ..
اسيل: مابي .. مابي ..
طالع فيها فشافها نايمه والعرق يتصبب من وجهها ويسمعها تون وتآهي ..
وائل: حرارتها مو طبيعيه ..
راح للمطبخ واخذ طاسة مويه ومنشفه .. جلس عندها ومسح وجهها بالمنشفه المبلله بمويه بارده شوي ..
بلل المنشفه ومسح ايدها ورقبتها وبداية صدرها عشان تخف الحراره ..
قاس حرارتها ومازالت نفسها .. طالع فيها وهو يحس ان وناتها زادت وكأنها بدت تتشنج ..
خاف عليها فلبس جزمته واخذ مفتاحه وبعدين شالها ونزلها عنده في السياره وراح لمستشفى خاص ..

...:":.. في المستشفى ..:":...
دخلوها الطوارئ وجلس وائل في الانتظار ينتضرها ..
تردد انه يتصل بفارس او عمه بس بطل لأنه ما يبغى يخوفهم وخصوصا ان فارس وراه اختبار ..
بعد فتره طلع الدكتور وسأله وائل عن حالة اسيل ..
الدكتور: ارتفاع في درجة الحراره فأعطيناها خافض وان شالله تصير بخير ..
وائل: طيب ماراح تطلعونها ..؟!
الدكتور: معليش بنخليها عندنا لين الصبح عشان نطمئن عليها لأن الصخونه عندها شديده ..
وائل: بس هي طالبه وباجر عليها امتحان ..
الدكتور: والله ما ادري ايش اقولك بس خطر نطلعها اللحين من دون رعايه ..
وائل: طيب انا راح اطلعها واييب لها ممرضه تنتبه لها ..
الدكتور: اذا كان جذي فمافي مشكله ..
خلص وائل الاجراءات واخذ اسيل ورجع للفندق .. حطاها عالسرير وجلست الممرضه عندها عشان تنتبه لها ..
وقف وائل عند باب الغرفه يطالع فيها ويقول في نفسه: "شفيها ..؟! صحيح احنا داخلين فصل الشتاء بس الجو باجي حار .. اخاف يكون هذا من تأثير السحر .. وين آرثر ذا وين طس ..؟! باجر لازم اشوفه واتفاهم معاه .. هه قال يحبها قال .. لو يحبها بجد جان صلح اي شي عشانها .. شخص جــــــــــــــذاب" ..
وضرب بإيده بقوه عالباب من العصبيه ..
وائل: غبي .. شخص غبي .. ما ادري اسيل ايش شايفه فيه عشان تحبه .. انسان مليق لآخر درجه .. بس مستحيل تكون اسيل تحبه .. مستحيل ..
طالع في اسيل وبعدها خرج وجلس في الصاله عشان لو صار شي يكون موجود ..

==================================================

9 - 3 - 2014, 08:40 PM

صباح يوم السبت .. صحيت دانا وجهزت نفسها وكان تفكيرها كله في عادل ..
هي تعترف انها غلطت بس المشكله ان عادل مو راضي يسمع لها وهذا الشي معور قلبها لأنها تكره تشوف احد زعلان منها حتى لو كان عدو لها ..
اخذت شنطتها وطلعت فشافت امها وعادل على طاولة الفطور ..
فجلست وهي تقول: صباح الخير ..
ترك عادل اكله وراح لغرفته .. طالعت دانا فيه وحست بغصه عورت قلبها بقوه ..
الام: دانا ايش اللي بينج وبين عادل ..؟!
نزلت دموع دانا كالعاده وبعدها اخذت شنطتها وراحت عند غرفة عادل ..
دانا بصوت باكي: عادل انا رايحه للاختبار .. ادعيلي يا عادل زي دايم خلاص ..؟!
استنت تسمع رده بس ما سمعت شي فخرجت وهي تبكي وركبت السياره وراحت للجامعه ..
طالعت الام في طاولة الاكل وقالت: الله يهديهم هالاولاد .. متخاصمين ولا واحد راضي يقولي ليش .. واحد ساكت والثانيه تبكي ..
قامت ترفع باقي الفطور وترتب البيت ..
اما عن دانا فوصلت للجامعه وراحت عند الشله فشافتهم كلهم موجودين ما عدا سامي ..
دانا: السلام عليكم ..
الكل: وعليكم السلام ..
يزيد: ها .. كيف النفسيه يا عادل ..؟!
عماد: اكيد زفت ..
فجلست وقالت: عاديه ..
ريان: عاديه ..؟! شكلك ما استوعبت انها اختبارات نهائيه ..
صالح: واخيرا احد قال عاديه مثلي ..
يزيد: ما عليكم شرهه .. دوافير الشله ..
عماد: يا شباب .. سامي تأخر وايد والاختبار بيبدأ بعد ثلث ساعه ..
........: ان شالله مايي ابدا ..
لفوا وشافوا نفس الشله الملقوفه ..
ريان: يالله صباح خير .. نعم شتبون مع صباح زفت ..؟!
غيدا: ما ابي شي ..
خلود: ضنيت فينا ضن سوء يا رين ..
عقد ريان حواجبه وقال: رين ..؟! وين الالف .. لهدرجه يوعانه ..؟!
خلود: لا مو يوعان .. بس بكيفي احذف اي حرف ابيه ومحد يقدر يمنعني ..
ريان: اوكي براحتج ..
خلود: لو سمحت قول براحتك مو براحتج ..
ريان: بكيفي اقول اي كلمه ابيها ومحد يقدر يمنعني ..
وحرك حواجبه بطريقه منرفزه ..
يزيد وعماد: ههههههههههههههههههههههههه ..
عصبت خلود بس مسكت نفسها وتصنعت البرود وهي تقول: ها ها ها بطني تقطع من الضحك ..
ريان: عماد يزيد لا تضحكون .. اخاف عليها من تقطع البطن هههه ..
غيدا: شفيك انت .. عبالك انك خفيف دم ..؟!
خلود: خلوه ياخذ راحته ..
ريان: يالبى خلود .. هذول هم الاوادم اللي يحسون ..
خلود بعصبيه: لو سمحت اسمي خالد ..
ريان: اوكي ولا تزعلي يا حياتي .. خالد خالد .. ها رضيتي ياخلود ..؟!
عصبت خلود وسحبت تهاني وراحت ..
ريان: ههههههههههههههههههه ..
غيدا: اضحك كما يحلو لك يا حبيبي لأنه ما يهمنا .. المهم سامي ليش تأخر ..؟!
يزيد: يقول ما يبي يختبر ..
غيدا بدهشه: من جد ..؟!
غدير: ما اصدقكم ..
عماد: احنا اصحابه وندري اكثر منكم ..
غيدا: وليش ما يبي يختبر ..؟!
ريان: ليش هذا الاهتمام بسامي ..؟!
طالعت غيدا فيه وقالت: اهتمام ..؟! لا انت غلطان يا استاذ .. انا اسأل لأني ابي اعرف وينه .. واذا عرفت وينه اطفشه من حياته .. عرفت ليش ..؟!
ريان: شكرا عالتوضيح ..
غدير: خلاص سامي مو هنا .. خلينا نمشي ..
غيدا: اول شي ابيهم يجاوبوني .. سامي وينه ..؟!
عماد: تعبان ويمكن يغيب ..
غدير: لا يا شيخ .. احلف عشان اصدق ..
صالح: لو سمحتم انتم تشغلونا فممكن تبعدون عشان نراجع ..
غيدا: نراجع ..؟! هههههههههههههه ..
غدير: هههههههه ايش الدفرنه ذي ..؟!
طالعت دانا فيهم .. صج انهم ناس فاضيين ومستحيل يروحون عشان تقدر تذاكر آخر درس لأنها ما ذاكرته ..
قامت واخذت كتابها عشان تذاكر في مكان ثاني .. فلفت وراحت ..
شافتها غدير وقالت: هيه هيه ياللي يسمونك عادل ..
انفجعت دانا ورجع لها الخوف مره ثانيه ..
ريان بحده: نعم يا استاذه غدير .. تبي شي ..؟!
غدير: اتوقع اني ما حاجيتك ..
ريان: عــــــــــــــادل يبي يراجع .. اذا في شي مهم قوليه لي انا ..
طالعت غدير فيه بنضرات ورجع ريان نفس النضرات لها ..
ريان: خلاص يا عادل روح ..
لفت دانا على ريان تطالع فيه فتره وبعدها راحت عنهم ..
غدير: اشوفك تدافع عنها .. ممكن اعرف ليش ..؟!
ريان بعصبيه: ممكن اعرف ليش ما تسكتي وتاكلي تبن ..؟!
ابتسمت غدير وقالت: يصير خير ..
ريان: فعلا يصير خير ..
فراحت غدير هي وغيدا ..
ريان: غبيه ..
صالح: شسالفه ..؟!
يزيد: انت شكلك تعرف شي يا ريان صح ..؟!
عماد: كلامك معاها يدل انك تعرف كل حاجه .. ايش السالفه ياريان ..؟!
طالع ريان فيهم فتره بعدين قال: يا شباب الساعه ثمانيه إلا خمس ..
طالعوا فيه فتره فقال صالح بسرعه: الاختبــــــــــــــار ..
فاخذوا كتبهم وكل واحد فيهم قعد يذاكر بصوت اعلى من الثاني وسرعه اكبر من الباقي ..

.................................................. ......

اما عن وصايف فكانت واقفه عند باب المبنى وتطالع في الساحه تدور على اسيل ..
وصايف: وينها .. وينها ..؟!
لفت بعيونها عالساحه كلها وقالت: مستحيل تكون غايبه .. مستحيل لأنه محد يغيب ايام الاختبارات ..
بعد فتره دخلت للمبنى وراحت عند كلاس اسيل ودخلته ..
راحت عند واحد من الطلاب وقالت: لو سمحت ..
طالع الطالب فيها وقال: نعم ..
وصايف: اسيل يات اليوم ..؟!
الولد: وانا شاللي يدريني ..؟!
وصايف: اقصد شفتها ولا لا ..؟!
الولد: بصراحه ما شفتها واذا شفتها ماراح اقولج اني شفتها وراح اقول ما شفتها ..
وصايف: تستهبل انت وويهك ..؟!
الولد: لا ما استهبل .. هذي طبيعتي وهذا مزاجي واسوي اللي ابي اسويه يا آنسه ..
وصايف: صج ناس سخيفين ..
الولد: انا سخيف ..؟! افا ما توقعتها منج .. عالعموم انتي مو اول وحده تقوليلي سخيف .. مافي مشكله ..
اعطته نضرة استحقار وخرجت من الفصل .. مشيت في الممر وهي حدها معصبه وفي نفس الوقت مستغربه ..
مستغربه من نفسها .. كانت اول نادرا تتكلم واللحين صارت تتكلم بكثره وصارت اعصابها ثايره ومو بارده ..
طنشت كل هذا وراحت لكلاسها وهي تقول في نفسها يمكن ان اسيل متأخره وراح تدور عنها بعد الاختبار ..

================================================== ==================

كان انس واقف ومتكي عند باب الكلاس ينتضر طارق وفهد يرجعون من الحمام ..
كان سرحان ويفكر بأمور شتى وكثيره جدا واهم هذي الامور هي اخـ.... ..
د.راكان: انــــــــــــــــــــــــــــس ..
لف انس بفجعه عليه ولمن شافه كشر بوجهه ..
د.راكان: من زمان اناديك بس شكلك كنت سرحان ..
لف انس وجهه عنه عالجهه الثانيه ..
د.راكان: مبروك .. سمعت ان اختك الاء انخطبت .. ما كنت اتوقع ان ذيج المرجوجه بتنخطب .. اتذكرها لمن كنت ايي ازور ايمان جانت تخرب علينا ..
طالع انس فيه وقال بحده: شتبي ..؟!
د.راكان: انا عمري ٢6 سنه .. يعني الفرق بيني وبينك خمس سنوات .. يعني لمن تحاجيني لازم اسلوبك يكون فيه احترام ..
انس: انت آخر واحد اعدل اسلوبي وياه .. لأنك كنت سبب في موت اقرب اخواتي لي ..
د.راكان: الموت بيد الله يا انس .. وهذا الشي قدر ومكتوب وكانت حتموت حتى لو كانت في البيت ..
طالع انس فيه وقال: بس فيه فرق .. لو ساعدتها وآذيت نفسك عشان تنقضها بيكون فيه تأثير داخلنا وداخلك .. بس انك تكون واقف وهي تغرق وتطلب المساعده وانت ما تحركت فهذا يعني انك انسان اناني وجشع وعمرك ما حبيتها من قلب .. انا ما اعترض على قضاء الله بس انت انسان اقل ما يقال عنك انك حقير .. آسف عالكلمه بس انت تستحقها ..
لف وراح وراكان يطالع فيه لين اختفى من قدامه ..
هز راسه وراح لناحية مكتب المدير عشان عنده شغله هناك ..
دخل المكتب فشاف سامي وابوه موجودين هناك ..
د.راكان: شكلك مشغول ..
المدير: ايه .. بس ترى الاوراق في الملف الاخضر اللي في الدولاب هذا ..
راح الدكتور راكان وفتح الدولاب وطلع الملف وقعد يدور الاوراق وهو يطالع في سامي بإستغراب .. لأن سامي كان جالس وباين انه في شي مضايقه ويطالع الارض بسرحان ..
لف راكان يطالع في الاب اللي كان جالس جلسة البطرنه والرزه واضحه عليه ويتكلم مع المدير بطريقه حضاريه لآخر درجه ..
راكان في نفسه: "شسالفه ..؟!" ..
اخذ راكان الاوراق وسمع المدير يقول: صحيح انك متأخر بس اوكي خلاص انا موافق ..
الاب: جذا تمام ..
طلع راكان من المكتب ووقف وهو يسأل نفسه عن السالفه ..
لف على جهة المكتب وشاف سامي خرج منه وقفل الباب واتكئ على الجدار اللي جنب الباب ..
د.راكان: سامي شفيك خرجت ..؟!
سامي بهدوء: يبغون يتكلمون كلام خاص ..
د.راكان: طيب روح عالكلاس لأن اختبارك اكيد بدأ ..
طالع سامي فيه بعدين طالع في الجدار اللي قدامه ومارد ..
د.راكان: سامي شفيك ..؟! ابوك مستحيل يي هنا إلا اذا كان السبب جايد .. سامي هذي اول مره اشوفك متضايق جذي .. شسالفه ..؟!
سامي بهدوء: مافي شي .. لا تشغل بالك ..
طالع فيه الدكتور راكان وعرف انه مستحيل يعلمه عن السالفه ..
فلف وراح يكمل شغله ..

.................................................. ......

عند باب الجامعه نزل الاب من السياره ودخل الجامعه ..
اتصل بوائل وقال: اسمع وائل ..
وائل: هلا عمي ..
الاب: اسيل اللحين بخير ..؟!
وائل: الصخونه خفت شوي وقالت انها تقدر تختبر بس انا اضن انه صعب عليها تختبر لأنها بالصعوبه تقدر توقف بسبب الحراره الداخليه ..
الاب: خلاص انا بدخل عند المدير واعرض عليه حالة اسيل عشان يختبرها في مجان لحالها وان شالله يوافق .. انت اللحين ييبها خلاص ..؟!
وائل: اوكي ..
الاب: بسرعه .. ياللا مع السلامه ..
وائل: باي ..
قفل الاب واتجه لغرفة المدير .. اليوم الصباح جاء عنده وائل وخبره عن حالة اسيل واعطاه اوراق المستشفى ..
كان بيروح الاب عندها ويوديها الجامعه بنفسه بس خاف تكون على نفس حالتها وتطرده وتنهار اكثر ويفوتها الاختبار وعشان كذا طلب من وائل انه يجيبها ..
وصل الاب لغرفة المدير وطالع في سامي باستغراب فقال: في احد عند المدير ..؟!
طالع سامي فيه وقال: ايه ..
فتنهد الاب وقال: مو وقته ..
انفتح الباب وطلع ابو سامي وقال لولده: انتهى كل شي ياولد الراهي .. ادخل عالمدير خله يكمل الاجراءات ..
هز سامي راسه .. فراح ابوه .. وابو اسيل مازالت كلمة الراهي تتردد في اذنه ..
انصــــــــــــــــــــــــــــدم لمن تذكر هذا اللقب وطالع في ابو سامي وهو يروح ..
سامي: يا عم ..
انتبه له الاب وقال: نعم ..
سامي: اذا كنت مستعيل فتقدر تدخل قبلي ..
فطالع الاب فيه فتره وقال: ايش اسم ابوك ..؟!
استغرب سامي من سؤاله وقال: اسمه سلطان محمد الراهي ..
سكت الاب فتره طويله بعدين قال: ما توقعت ان الاقدار بتخليني اقابل عمها ..
طالع سامي فيه بإستغراب ..
حس الاب بعصبيه بداخله وهو يتذكر كل شي صار قبل ١7 سنه ..
طنش كل هذا ودخل يكلم المدير ..
.........
عند بوابة الجامعه وقف وائل سيارته وقال: وصلنا ..
رفعت اسيل نظرها وطالعت في الجامعه فتره بعدين قالت بتعب: شكلهم بدأوا الامتحان ..
وائل: ولا يهمج راح تختبرين ..
نزل وراح لجهتها وفتح باب السياره وساعدها عالنزول وجسمها مازال حار من الصخونه ..
مشيت وهي متكيه ايدها على وائل وعند باب الجامعه .. كانوا بيدخلون بس خرج في نفس الوقت ابو سامي وصك فيهم بدون لا يدري ..
بغت اسيل تطيح بس وائل مسكها وقال بعصبيه: انت اعمى ..
فوقف وائل كلامه لأنه طلع رجال كبير وهو عباله انه طالب ..
وقف ابو سامي وهو يطالع بوائل نظرة استعلاء ووائل تنرفز من نظراته ..
فلف ابو سامي نظره على اسيل بس .. بس عقد حواجبه وهو يطالع فيها ..
ابو سامي: مين ذي ..؟!
وائل: بنت عمي .. ليش تسأل ..؟!
ابو سامي: متأكد انها بنت عمك ..؟!
وائل: ايه متأكد ..
ابو سامي: يعني ما لقيتوها ضايعه وربيتوها ..؟!
انصــــــــــــــدم وائل من كلامه واسيل عاقده حواجبها وهي تطالع فيه وتطالع في وائل ..
اسيل: وائل شيقصد ..؟!
وائل: انت غلطان .. انا متأكد انها بنت عمي ..
طالع ابو سامي فيه فتره وبعدين طالع بأسيل ومد يده يشيل شعرها عن رقبتها وانتبه للجرح القديم اللي برقبتها ..
مسك وائل ايد ابو سامي وبعدها بهدوء وقال: شتبي بالضبط ..؟!
ابتسم ابو سامي وبعدين لبس نضارته ولف وركب سيارته وراح ..
طالعت اسيل فيه ولفت على وائل وقالت: وائل ايش يبغى وشيقصد بكلامه ..؟!
وائل: يمكن بنته ضايعه وشبه عليج ..
سكتت اسيل وهي مو مقتنعه ودخلت معاه واتجهوا لغرفة المدير ..
وصلوا لغرفة المدير .. واول ما شافت اسيل سامي عصبت ولف وجهها ..
عدل سامي وقفته بتفاجئ وقال: اسيل ..؟!
طالع وائل فيه وبإسيل بإستغراب ..
سامي: سلامات ..
اسيل: ........................
سامي: شكلج زعلانه مني .. آسف يا اسيل ..
استغربت اسيل .. ما توقعت انه يتاسف ..
خرج المدير من الغرفه ولمن شاف اسيل قال: هذي اسيل ..؟!
وائل: ايوه ..
المدير: سلامات .. باين عليج تعبانه وايد ..
اسيل: الله يسلمك ..
المدير: تعالي وياي ..
فتركت اسيل وائل: خلاص اقدر امشي ..
وائل: متأكده انج ما تحتايين مساعده ..؟!
اسيل: ايه .. شكرا ..
مشت بهدوء وتعب مع المدير وراحت لغرفه وجلست وبعد شوي جاء دكتور عشان يشرف على اختبارها ..
اما الاب فراح ووائل انتضرها في السياره لين تخلص من اختبارها ..

================================================== ==================

الساعه ١١ كان فارس واقف مع شلته ويطالع في الساحه ..
ماهر: شرايك يا فارس ..؟!
فارس: ها ..؟!
ماهر: وش اللي ها ..؟!
سامر: ترى فارس من زمان وهو مو معانا ..
منصور: تدور على مين يافارس ..؟!
سامر: حتى انا لاحظت انك تطالع في الساحه وكأنك تدور احد ..
منصور: لا يكون اللي بالي بالك ..؟!
فارس: صج انك سخيف .. لا انا ادور على آرثر ..
ماهر: آرثر ..؟! مين آرثر ..؟!
سامر: احس اني سمعت اسمه بس ما اتذكره ..
فارس: التركي اللي الصف الرابع ..
منصور: وليش تدور عليه ..؟!
فارس: بيني وبينه موضوع خاص ..
منصور: وش هو هذا الموضوع ..؟!
فارس: اقولك خااااااص ماتفهم ..؟!
منصور: طيب قولي عشان اتفاهم معاه .. انا في نفس عمره وعقلياتنا كبيره وتفهم بعض ..
ماهر: كأنه يقصد ان عقلياتنا صغيره ..
سامر: واذا كانت عقليتك كبيره فليش رسبت ثلاث سنوات ..؟!
ماهر: كانت بتكون هذي آخر سنه لك لو ما رسبت ..
منصور: الكسل هو السبب يا حبايبي .. دخلت المدرسه لأن الكل يدخلها وعمري ما حبيتها ولا مره ..
فارس: اتركوا هذرتكم ذي ودوروا معي عن آرثر ..
سامر: شكل السالفه مهمه ..
ماهر: بس احنا ما نعرفه عشان ندوره ..
فارس: ببساطه هو الاجنبي الوحيد في الجامعه .. اذا لقيتوه قولولي ..
منصور: والله شكلك تبيه وبقوه ..
فارس: ايه الموضوع ضروري وايـ....
وقف وقال: خلاص خلاص لقيته ..
تركهم وراح لآرثر اللي كان توه طالع من الجامعه ..
فارس: آرثر ..
وقف آرثر ولف عليه وقال: اهلين فارس ..
فارس: كيفك ..؟!
آرثر: تمام .. كيف الاختبار معاك ..؟!
فارس: حلو .. المهم لا يكون نسيت موضوعنا ..
آرثر: لا ما نسيته .. امس السحر انفك ..
فارس بدهشه: بجــــــــــــــد ..؟؟؟!!!!
آرثر: ايه ..
فارس: بس وائل ما كلمني ولا قالي شي ..
آرثر: يمكن ما انتبه .. كيف اسيل ..؟!
فارس: والله ما ادري عنها .. صحيت وييت انا واختي هنا بسرعه ..
آرثر: سلملي عليها ..
فارس: ان شالله .. مع السلامه ..
آرثر: مع السلامه ..
راح آرثر فلف فارس وشاف ريما توها خارجه من الباب فراح لها ..
فارس: ها كيف الاختبار ..؟!
ريما: الحمد لله تمام ..
فارس: شفيج .. احس انج تعبانه ..
ريما: مصدعه شوي من الاختبار ..
فارس: سلامات ..
ريما: الله يسلمك .. ياللا انا برجع البيت ..
فارس: خلاص بييب اغراضي وبأيي ..
فراحت ريما للسياره وركبتها ..
ريما: آآآه ياراسي .. لازم تتحملي ياريما .. لازم تتحملي ..
شغلت السياره وهي تقاوم الصداع قد ما تقدر ..
ركب فارس السياره وراحوا للبيت ..
فارس: نسيت اقولج ..
ريما: وشو ..؟!
فارس: امس فيصل كلمني ويسلم عليج ..
ريما: ما سأل عن اسيل ..
فارس: إلا سألني وقال ها اسيل شفيت ولا مازالت تعبانه ..
ريما: ايش قلت له ..؟!
فارس: عرفت انه يستهزئ فما رديت عليه ..
ريما: متى بيرجع ..؟!
فارس: ما ادري عنه .. مره يقول بعد اسبوعين ومره بعد اسبوع ومره يقول لمن اخلص شغلي .. فيصل محد يقدر ياخذه منه اي شي ..
ريما: فارس ..
فارس: نعم ..
ريما: اسيل اختبرت اليوم ولا لا ..؟!
فارس: والله ما ادري عنها .. امس ابوي قال انه بيي الجامعه ويتكلم مع المدير ..
ريما: طيب وش صار ..؟!
فارس: ما ادري .. نسأل ابوي لمن يرجع من شغله ..
ريما: طيب ..
وصلوا البيت وبدلوا ملابسهم وكل واحد منهم راح لغرفته يرتاح وينام ..

.................................................. ......

في نفس الوقت هذا كانت وصايف تلف المدرسه لف تدور على اسيل ..
بعد مده طويله من البحث تعبت وجلست عالكرسي ترتاح ..
سيف: كنتي تدوري اسيل صح ..؟!
رفعت راسها وشافته واقف فقالت: ما لقيتها ..
سيف: سألت عنها الكلاس وقالوا ما حضرت الاختبار ..
انصدمت وصايف وقالت: ما حضرت ..؟؟!! معقوله حتى ايام الاختبارات بتغيب ..؟!
سيف: خليني اكمل كلامي ..
طالعت فيه باستغراب وقالت: طيب كمل ..
سيف: سألت الدكتور عنها فقال انها يت اختبرت لوحدها وراحت لأنها كانت وايد تعبانه ..
وصايف: عساها بمرض الموت يارب ..
جلس سيف وقال: ليش تدعي عليها ..؟!
وصايف: لا تتدخل ..
طالع فيها سيف فتره وهو مستغرب .. اول مره بحياته يشوف بنت شخصتها زي كذا ..
قامت وقالت: بسألك سؤال ..
سيف: اسألي ..
وصايف: انت ليه تساعدني ..؟!
طالع فيها بعدين قال: مدري ..
لفت تطالع فيه وقالت: شنو ..؟! ما تدري ..؟!
سيف: من صج انا ما ادري .. يمكن لأنج وحده غريبه شوي وابغى اتعرف عليج اكثر يمكن ..
اخذت شنطتها وقالت: بااي ..
خرجت وركبت سيارتها الهمر السوداء وراحت للبيت ..

9 - 3 - 2014, 08:46 PM

في المغرب كانت دانا جالسه في الصاله تذاكر وكل شوي تلف تشوف غرفة اخوها وتلقاها مقفله ومحد طلع ..
قفلت كتابها بعد ماراجعته للمره الثانيه .. طالعت في ساعتها وقالت: باجي ساعه ..
قامت وراحت لغرفتها وجهزت ملابسها عشان بتروح الشغل وتتركه نهائيا وتاخذ راتبها ..
جلست عالسرير وهي تفكر وقالت: ليش سامي غايب ..؟! مستحيل الواحد يغيب ايام الامتحانات إلا ويكون عنده سبب قوي جدا .. طيب ليش غاب ..؟! وليش موبايله مغلق ..؟! نفسي اعرف ليش ..؟! سامي هذا انسان جدا غريب .. مره احس انه صايع لآخر درجه .. ومره احس ان الدنيا عنده وناسه وبس .. ومره احس انه اغبى مخلوق عالارض .. ومره احس ان هموم الدنيا كلها عنده ..
سكتت فتره طويله بعدين قالت: دانا .. ما تحسين نفسج مهتمه فيه بزياده وكل شوي تفكرين فيه ..؟!
انسدحت عالسرير وقالت: هذا شي طبيعي لأنه واحد من الشله ..
سكتت بعدين قالت: طيب انتي مهتمه فيه اكثر من باجي الشله ليش ..؟!
طالعت في السقف وهي تفكر بعدين قامت وخرجت الصاله وشافت غرفة اخوها مازالت مقفله ..
تنهدت بإنكسار ورجعت للغرفه ولبست ملابسها وبعدين انسدحت تفكر بكل شي بحياتها ..
بعد نص ساعه خرجت وركبت سيارتها واتجهت لمكان الشغل ..
وقفت السياره وهي حاسه بخوف لأن المكان اللي وقفت فيه السياره كان مظلم ..
دخلت ودورت بعيونها على صلاح بس ما شافته ..
طاحت عيونها في عيون نايف وشافته يبتسم ..
لفت عيونها بسرعه ودخلت لمكتب المدير مشاري ..
مشاري: اهلين عادل ..
دانا: هلا ..
مشاري: ليش الغياب اللي صار يكثر ..؟!
دانا: عندي ضروف ..
مشاري: آها .. طيب شكنت تبغى ..؟!
دانا: ابغى اترك الشغل ..
مشاري بتفاجئ: وشو ..؟!!! طيب ليش تتركه ..؟!
دانا: عندي ضروف خاصه ..
مشاري: اوكي براحتك بس الافضل انك ما تتركه لأنها شغله وايد حلوه وراتبها وايد زين ..
دانا: كان بودي بس ما اقدر ..
مشاري: خلاص بكيفك ..
خرج مشاري اوراقها يطالع فيها ويحسب بالآله الحاسبه لين طلع الراتب المستحق لها ..
راح صرفه وبعدين اعطاها اياه ..
مشاري: خساره انك تروح .. شغلك كان وايد زين .. اذا كنت تبي ترجع تشتغل مره ثانيه فالمجان مفتوح لك ..
دانا: مشكور ..
مشاري: خلاص روح يا ابني وانتبه على نفسك ..
دانا: ان شالله .. مع السلامه ..
مشاري: مع السلامه ..
خرجت دانا من المكتب واتجهت لسيارتها وهي ماسكه الفلوس تعدها ..
وقفت عند السياره وقالت: المبلغ وايد حلو ..
دخلت الفلوس في جيبها وفتحت باب السياره ..
انفجعت لمن احد سحب ايدها وقفل باب السياره ..
لفت ورى وشافته نايف مثل ما توقعت ..

.................................................. ......

اما عن عادل فكان في غرفته جالس ويفكر في دانا .. رن جواله وكان صاحبه طلال فرد ..
عادل: هلا طلال ..
طلال: اهلا فيك .. كيفك وشخبارك ..؟!
عادل: الحمد لله تمام ..
طلال: اقول عادل ..
عادل: نعم ..
طلال: صحيح اللي سمعته ..؟!
عادل: ليش وش سمعت ..؟!
طلال: علي ..
عادل: وشفيه ..؟!
طلال: يقول انك علمته منو اللي صدمك ..
سكت عادل بعدين قال: يعني ..
طلال: يعني وشو ..؟!
عادل: هو اكتشف بنفسه ..
طلال: يعني هو راشد الشعلان ..
عادل: وانت شدراك ..؟!
طلال: علي عرف اسمه وقالنا ..
عادل: اوووف من علي .. اخاف ينوي على شي ..
طلال: هو نوى وخلص ..
عادل: شتقصد ..؟!
طلال: قبل شوي قال والله لأربي راشد وخرج وباين انه ناوي حاجه جايده .. وحمد طلع معاه ..
عادل بصدمه: انت متأكد ..؟!
طلال: ايه متأكد وعشان جذي اتصلت عليك عشان اتأكد منك يمكن ما يكون راشد هو اللي صدمك ..
عادل: باي يا طلال ..
وقفل الجوال واتصل على علي بس محد يرد واتصل على حمد وكمان محد يرد ..
عادل: يا ربي وش ناويين ذولا عليه ..؟!

.................................................. ......

اما علي كان في سيارته وقال: شكل الخبر وصل لعادل وعشان جذي يتصل علينا ..
حمد: فعلا .. بس يا علي ..
علي: نعم ..
حمد: انت شناوي عليه بالضبط ..؟!
علي: لمن نوصل اقولك ..
حمد: علي لا يكون شي جايد ..
علي: لا .. بس بآخذ بهذا المثل اللي يقول الجزاء من جنس العمل ..
حمد: شتقصد ..؟!
علي: لمن نوصل راح تفهم ..
حمد: قلبي مو مطمئن منك ابدا ..
علي: هههههههههه ليه ..؟!
حمد: ما ادري بس احس انك ناوي على شي جايد مثل عاداتك ..
علي: افا شكلي طايح من عينك ..
حمد: من زمان ..
وقف علي السياره وقال: وصلنا ..

انتهى الجزء الاول من البآرت السادس .. الاسئله كلها تبدأ بوش توقعاتكم فأتمنى انكم تفكروا بالاجابات ومو لازم تحلونها ..
>> وش توقعاتكم عن ريما بعد ما عرفت انها مدمنه ..؟!
>> وش توقعاتكم عن شهــد بعــد ما جابت اخوانهــا ..؟!
>> وش توقعاتكم عن اللي يصير لسامـــي بالضبــط ..؟!
>> وش توقعاتكم عن اللي بيصير بين دانـا ونايــف ..؟!
>> وش توقعاتكم عن اللي بيسويـــه علــي لراشـــد ..؟!
>> وش توقعاتكم عن اسيل بشكل عام في هالجــزء ..؟!
صراحتا الجزء كان حلو وان شالله الاجزاء القادمه تكون احلى واحلى بس احتاج تعاون وتشجيع منكم ..
انتضروني في الجزء الثاني من البآرت السادس ..

محبتكم •°• ـصرررخة لـ‏‎أـمشتاقهـ •°•

|$[ نهاية الجزء ]$|

9 - 3 - 2014, 08:49 PM

|$[ البآرت السادس الجزء الثاني ]$|

طالع نايف في دانا بإبتسامة خبث وقال: القمر وين بيروح بدري ..؟!
طالعت فيه بخوف وفجعه وقالت: نـ نعم ..
نايف: سمعت انج بتتركين الشغل .. ليش ..؟!
سحبت ايدها منه بالصعوبه وقالت: ما ابي اشتغل ..
نايف: بس انا ابيج .. انا ابيييييج ..
خافت اكثر وقالت: انا رايحه البيت ..
قرب منها اكثر وهي رجعت لين لصق ظهرها بالسياره وهو صار جسمه قدامها بالضبط وتكى بإيده عالسياره وهي في الوسط ..
نايف: بتروحي البيت .. بس الوقت باجي بدري ..
خافت وبقوه وهو قريب لهدرجه وقالت: ابـ ابعد ..
قرب اكثر لين صارت انفاسه على انفاسها وقال: ابي اتروق ..
مــــــــــــاتت من الرعب والخوف وشفتها بدت ترتجف ودموعها على وشك النزول ..
نايف: لا تبجين حياتي .. شكلج خايفه ان احد يشوفنا .. خلاص لا تخافي لأني ما راح اسوي شي هنا .. في شقه جدا روووعه وتليق بهذي الاشياء .. شرايج نروح لها ..؟!
مسكت مراية السياره بسرعه لأنها كانت راح تدوخ من شدة الرعب .. الخوف اللي هي فيه يخليها تدوخ بس هي ما تبغى عشان لا يستغل هالفرصه ..
وعشان كذا مسكت نفسها ولازم تقوي نفسها عشان لا تضيع ..
نايف: سلامات .. باين عليج دايخه وتعبانه .. حاولي تمسكي نفسج لين اعدل لج مزاجك وتكوني تمام ..
خافت الى اقصى حد وهو قرب لها اكثر وهي تحس الدنيا تدور فيها اكثر من قبل ..
جمعت قوتها اللي بقيت وتفلت في وجهه ..
بعد وجهه عنها وهو متفاجئ من حركتها لأنه ما توقعها جريئه ابدا ..
نايف: عندك جرأه كبيره يا اخت عادل ..
مسحت دموعها بخوف وبإيد ترتجف وقالت: ابعد .. ابعد قبل .. قبل لا اصارخ ..
بسرعه حط ايده على فمها وقال: اقص لسانج لو صرختي .. مفهــــــــــــــــوم ..؟؟!!!
هزت راسها بإيه .. فبعد ايده وقال: جذي هم البنات ولا بلاش ..
وبسرعه مدت ايدها ودفته بأقوى ما عندها وراحت جري على مكان الشغل ..
طاح نايف عالارض وهو متفاجئ من حركتها القويه .. ما كان يتوقع ابدا انها تسوي كذا ..
قام بسرعه يلحقها قبل لا تفضحه في الشغل .. اصلا دانا مستحيل تسويها وتكشف نفسها انها بنت وتتعاقب .. بس نايف من بعد حركتها يتوقع منها اي شي ..

جريت دانا بسرعه وبخوف وهي بنفسها مو داريه كيف جتها القوه هذي ودفته ..
يمكن كانت تبغى تدافع عن نفسها بس عمرها بحياتها ماقد تفلت في وجه احد ولا دفت احد ..
حتى البنات ما كانت تتجرأ انها تجادلهم او تدافع عن نفسها بالكلام .. وشلون الاولاد اللي عمرها ما حطت عينها في عينهم ..
جريت وهي مو داريه وين تروح .. المهم عندها انها تبعد عنه وبس ..
ابعدت وابعدت وفجأه صقعت في ولد توه نزل من سيارته .. ومن قوة الصدمه طاح الولد عالارض ..
خافت دانا وقالت: آسفه ..
مسك الولد ظهره وقال: آآآه بلى في شكلك .. دايناصور مو انسان ..
رفع راسه عليها وقال: شنو ..؟! آسفه ..؟! انت ولد ولا بنت ..؟!
ارتبكت من غبائها وقالت: أ أ انا بنت ..
الولد: وليه لابسه ملابس اولاد ..؟!
دانا بارتباك: كنت في .. كنت في حفله تنكريه ..
قام الولد ونفض بنطلونه وقال: حفلة وشو ..؟!
دانا: تـ تـ ــنكريه ..
الولد: هههههههههههه حفله تنكريه في قطر هههههههههههههههههههه ..
ضحك بقوه لدرجة انه مو قادر يوقف واستند عالسياره وهو يضحك ..
دانا في نفسها: "شفيه ذا يضحك ..؟!" ..
الولد: ههههههه اقين اقين حفلة وشو ..؟!
دانا: قلت حفله تنكريه ..
الولد: هههههههههههههههههههه الله يقطع ابليسج .. والله تعرفين تنكتين هههههه ..
دانا: انا صاجه ما انكت ..
ضحك الولد اكثر وهي تنرفزت من ضحكه المتواصل وخصوصا باين انه اصغر منها ..
الولد: ههههههه بليز سكتي ولا تضحكيني اكثر ههههههههه ..
دانا: بس انا ما قلت شي يضحك ..
ضحك الولد وقال: هههههههههه بالله عليج في شي اسمه حفله تنكريه في الخليج ..؟! شكلج متأثره بالافلام الغربيه ..
فارتبكت دانا وقالت: رفيجتي امها امريكيه وتصلح هالحفلات ..
الولد: هههههههه طيب شسم امها ..؟!
دانا: ها .. اسمها .....
فتذكرت لمن كانت تمشي مع الشله وشافت دكتوره اجنبيه وسألت عنها ..
دانا: ايه .. اسمها جاسيكا ..
الولد: هههههههههههههههههههههههههههههههههههههههههههههههههه ههههههههههههههههههههههههههه ..
فتنرفزت دانا وبقوه منه .. على كل كلمه تقولها يضحك منها .. هي تبي تفهم شي واحد .. هذا الآدمي ما يتعب من الضحك ..؟!
الولد: هههههه شقلتي اسمها ..؟!
دانا: اسمها جاسيكا ..
فضحك وقالت بعصبيه: انت شفيك كل شوي تضحك ..؟! شايف قدامك نكته ولا شنو ..؟!
الولد: ههههههههههههههه جاسيكا يا عيون الماما اسم اوروبي مو امريكي ههههههه ..
دانا: وانت شدراك ..؟!
الولد: اربع وعشرين ساعه وانا مسافر برى واعرف يا .. شسمج ..؟!
طالعت دانا فيه وقالت: ليش تسأل عن اسمي ..؟!
الولد: عادي عشان اعرف اناديج ..
دانا: بس انت ما قلت اي شي عنك وانا ما اقدر اقول اسمي لواحد ما اعرفه ..
الولد: اوكي مافي مشكله نتعرف .. انا اسمي إياد وسنه ثاني ثانوي وانتي ايش ..؟!
ارتبكت بعدين قالت: دانا وسنه ثالث جامعه ..
طلع اصابعه يعد وقال: ثاني بعدين ثالث بعدين اولى جامعه وبعدين ثاني وبعدها ثالث .. يعني بيني وبينج خمس سنوات ..
دانا: ايه ..
إياد: هههههههههههههههههههههههههههههههههههههههههههههههه ..
دانا: شفيك تضحك بعد ..؟!
إياد: هههههههههههه ما ادري بس كنت اتوقعج في الثانوي مو بالجامعه ..
دانا: بس هذا الشي ما يضحك ..
دخل ايده في جيبه وطلع فلوس وراح لآلة المشروبات الغازيه وهو يقول: بكيفي .. اضحك في اي وقت ابغاه ..
دانا: صج انك سخيف ..
اخذ الكود رد وقال: صح نسيت اسأل ليه كنتي تجرين ..؟!
فتذكرت دانا كل شي ولفت ورى بسرعه وبخوف .. بس اطمئنت لمن ما لقيت احد ..
إياد: أها كان في احد يطاردج صح ..؟!
دانا: ها ..؟!
إياد: هههههههههههه اكيد هالشخص من حفلتج التنكريه صح ..؟!
عصبت دانا من اسلوبه المنرفز وقالت: ايه ..
إياد: هههههههههه طيب وش تلعبون ..؟! طيره ولا مويه ثلج هههههههههههههههههههههه ..
طالعت دانا فيه بقهر وقالت: إيـــــــاد ..
إياد: هههه ها ..؟!
دانا: انت ليه اسلوبك جذي ..؟!
إياد: شفيه اسلوبي ..؟! اسلوبي جدا روعه .. حتى ابوي يستمتع لمن اسولف وياه ..
دانا: لأنه ابوك .. طيب اخوانك ايش رايهم في اسلوبك ..؟!
مد ايده قدام عشان يفتح الكود رد وشرب منه وقال: ما عندي اخوان ..
دانا: طيب اصحابك ..؟!
إياد: كلهم مثلي .. تبين تقابلينهم ..؟!
دانا بسرعه: لا لا لا لا شكرا ..
إياد: هههههههههه عفوا ..
دانا: انا بروح .. باااي ..
إياد: لحضه لحضه ..
دانا: نعم ..
إياد: نسيتي حاجه ..
دانا: ايش ..؟!
إياد: ما اعتذرتي لي عن الصدمه العنيفه اللي كسرت ظهري ..
دانا: قلت آسفه اول ..
إياد: ههههههه ايه صح تذكرت ..
دانا: شي حلو ..
لفت بتروح ..
إياد: دانا ..
لفت دانا وقالت: شتبي بعد ..؟!
طلع فلوس من جيبه وقال: خذي ..
انصدمت منه وحست بالعبره تخنقها وقالت: انا مو محتايه .. انت انسان غبي ..
إياد: ههههههههههههههههههههههههههههههههههههههه ..
مسكت دموعها بقوه وهي تشوفه يضحك عليها بذي الدرجه .. نزلت راسها وهي تحس نفسها في هاللحضه انها حقيره ..
إياد: هههههههههههه غبيه .. هذي مو فلوسي .. هذي فلوسج ..
رفعت راسها بتفاجئ ودخلت ايدها في جيبها وما لقيت اي شي ..
دانا بدهشه: كـ كـ كيـ كـ كيف ..؟!
إياد: سرقتها وانتي ما تدري ..
دانا: متى ..؟!
إياد: ما راح اقولج ..
دانا: بس .. بس .. بس انا مو مصدقه ..
إياد: هذي حركه تعلمتها في سويسرا .. جدا رائعه لآخر درجه .. اذا اللي جدامي ما حبيته اسرق اغراضه وهو ما يدري ..
دانا: انت اصلا ما قربت مني فكيف سرقتها ..؟!
إياد: هههههههه إلا .. قربت منج اربع مرات .. اول مره لمن صقعتيني .. ثاني مره لمن جيت بفك الكود رد لأني مديت ايدي قريب منك .. وثالث مره لمن لفيتي قبل عشان تروحين .. ورابع مره لمن لفيتي اللحين ..
طالعت بدهشه وهي تقول: بس ولا مره من هذي المرات تقدر تآخذ فلوسي بسرعه ومن دون لا احس ..
إياد: ههههههه اقولج في طريجه سريه تعلمتها بسويسرا ..
قعدت فتره تطالع فيه بإستغراب وبعدين اخذت الفلوس ..
إياد: ما اخذت شي منها لأني حبيتج .. لو كرهتج جان ما اعطيتج شي ..
لف وركب سيارته الرياضيه الصفرا اللي من آخر نوع وموديل نزل ..
طالعت فيه لمن راح وابتسمت غصب عنها .. تحس انه كان بودها انه ما يروح ..
لفت ومشيت بهدوء وهي رايحه لسيارتها وكل شوي تلف ورى ويمين عشان لا يشوفها نايف ..
وصلت لسيارتها واول ما ركبتها شغلتها واسرعت بقوه ..
لف نايف وطالع في السياره وهي رايحه فقال: الخبيثه ..
مشيت دانا وهي تفكر في الولد وقالت: اول مره بحياتي اتكلم مع ولد بالراحه .. يا انه عشانه اصغر مني او انه عنده اسلوب غير في شد الناس له ..
وقفت عند الاشاره وقالت: اهم شي اني اتخلصت من نايف ..
ابتسمت وقالت: حلو انه قابلت هذا الولد عشان يغير مزاجي وانسى سالفة نايف واللي صار ..
ولعت الاشاره فراحت للبيت وهي حدها فرحانه لأنه هذي هي اول مره تدافع عن نفسها وتدف ولد وتتفل في وجهه ..
وهذي اول مره تاخذ راحتها في الكلام مع ولد ..
وهذي اول مره يصير لها شي مخيف ولا ترجع البيت وهي تبكي ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

نزل حمد من السياره وقال بتساؤل: هذا بيته ..؟!
قفل علي باب السياره وقال: ايه ..
حمد: ما كنت اتوقع انه غني ..
علي: هذولا هم البطرانين ما يهتمون بالمراكز اللي اقل منهم .. الناس كلهم عندهم حثالى ولا يسوون شي ..
حمد: طيب وش حتسوي ..؟!
علي: شفت السياره الرماديه هذيج ..؟!
طالع حمد وقال: ايه .. وش فيها ..؟!
علي: هذي هي سيارة راشد .. انا راح اخرب عليه فرامل السياره عشان يصدم ويجيه نفس اللي ياء لعادل .. الجزاء من جنس العمل ياحمد ..
حمد: اخاف انه يموت ..
علي: لا اطمئن .. هذا قطو بسبعة ارواح ومستحيل يموت بسهوله ..
حمد: وانت شدراك انه ماراح يموت ..؟!
علي: عرفت من نفسي ..
حمد: علي خلاص مو لازم ..
علي: مالي شغل لازم ياخذ جزائه ..
حمد: الله فوق وهو راح يجازيه ..
علي: ما ابي ..
حمد: والله خايف يصير شي جايد ..
علي: ماراح يصير شي جايد اطمئن ..
مشي علي عند سور القصر وقال: السواقين مويودين ..
جاء حمد عنده وقال: عيل نأجلها وقت ثاني ..
علي: لا .. انا مصر اللحين ..
حمد: وكيف بتخش والسواقين فيه ..؟!
علي: بأتصرف ..
حمد: شلون ..؟!
علي: اكيد في بوابه خلفيه او جانبيه .. بأدخل من جهتها .. انت انتضرني هنا اوكي ..
حمد: ان شالله ..
مشي علي ولف حول القصر ولقى باب جانبي .. فتحته ولقاه مفتوح ..
دخل الساحه الكبيره ومشي بين الاشجار عشان محد يشوفه ..
قرب من سيارة راشد ووقف يطالع حواليه عشان يطمئن ..
لمن ما شاف احد قرب لين وصل عند السياره ..
علي: حلو .. وصلت بسهوله ..
فتح السياره وبدأ يخرب المكابح ..
شخص: انــــــــــــــــت شتســــــــــــــــوي هنــــــــــــــــي ..؟!
انفجع علي ولف ورى وشاف راشد واقف وباين انه مصدوم ومعصب في نفس الوقت ..
راشد: انا اسألك شنـــــــــــــو تساوي يالجلــــــــــــــــب ..؟!
علي: لو سمحت احترم الفاضك ..
عصب راشد ومسكه من بلوزته وقال بعصبيه: شكنـــــــــت تسوي بسيــــــــــــــــارتي ..؟! منــــــــــــــــو اللي ارسلك يالجلب ..
بعد علي يد راشد بقوه وهو يقول: لو سمحت لا تغلط عشان لا ارفع ايدي عليك ..
انصدم راشد منه .. حرامي ويرد كمان ..
جاء السواق الفلبيني رومان ..
رومان: بابا اش فيه ..؟! هذا رجال اش يسوي هنا ..؟!
لف راشد عليه وقال بعصبيه: هذا حــــــــــــــــرامي يالاغبياء .. شلون ما شفتوه وهو يدخل ..
لف على علي وقال: شكنت تبي بسيارتي ..؟!
علي: كنت ابي اخرب المكابح يا استاذ راشد ..
فتح راشد عيونه بصدمه وقال: شنــــــــــــــــو ..؟؟!!!!!
طالع رومان في علي وقال: انت كنت تبغى تخرب سياره حق بابا راشد ..؟! هذا جريمه واجد كبير .. انا في يقول للبوليس عشان يروح انت السجن ..
طالع علي في راشد وقال: راشد هو اللي لازم يروح السجن .. ولا نسيت سالفة الحادث اللي كان بيقتل رفيجي عادل ..
انصــــــــــــــــدم راشد وقال: انت رفيج هذاك الولد ..؟!
علي: ايه .. وعشان جذي ابي يصير لك مثل اللي صار لعادل .. لازم تذوق معنى الحوادث على اصولها ..
ابتسم راشد باستهزاء وقال: آها .. يعني انت ياي من طرفه ..؟!
علي بحقد: ولك عين تبتسم كمان .. اقسم بالله انه محد بيربيك غيري يا راشد ..
جاء السواق الفلبيني رومان وقالت: انا اتصل على بوليس وهو يقول يجي بعد شويه ..
طنشه راشد وقال لعلي: كأني سمعت تهديد .. حط في بالك ان الشخص اللي يفكر يحط عينه في عيني ابيده .. شلون لو هدد .. اكيد حانسيه اسمه واصله وفصله ..
علي: ما عاش واحد مثلك ينسيني اسمي ياولد الشعلان ..
طالع راشد فيه وقال: اوكي انت انمسكت اللحين بتهمة الشروع في القتل العمد وراح تنسجن .. واكيد في السجن حتنسى روحك يا بابا ..

عند باب الخدم كان شادي ووسيم يطالعون من الباب ..
شادي: والله راشد يخوف مثل ما قالت شهد ..
وسيم: يمكن يخوف للكبار بس الصغار لا ..
شادي: ايه صح يمكن ..
وسيم: شادي خلاص بنرجع للغرفه قبل لا تشوفنا شهد وتخاصمنا ..
شادي: استنى .. ابي اشوف الشرطه حقيقه .. خلنا ننتضرهم لمن ييون ونشوفهم بعدين ندخل ..
وسيم: طيب ..
اثير: وسيــــــــــم شــــــــــادي ..
لفوا ورى بسرعه من الخوف ..
شادي: هذا انتي يا اثير ..؟!
اثير بصوت منخفض: ادخل انت وياه الغرفه .. بسرعه ..
شادي: لا .. ابغى اشوف سيارة الشرطه بعدين ادخل ..
وسيم: حتى انا ..
اثير: شادوه يالجلب اسمع الكلام قبل لا اصفقك وأأدبك ..
شادي: لا تحاولين .. ما راح اتحرك إلا لمن اشوف سيارة الشرطه ..
وسيم: حتى انا ..
اثير: ياربي ياربي .. اقسم بالله لو ما تحركتم راح اقول لشهد ..
شادي: لا لا تقولينها عشان ماتزعل منا ..
اثير: عيل امشوا ادخلوا الغرفه ..
شادي: ما ابي .. بشوف سيارة الشرطه على الحقيقه ..
وسيم: حتى انا ..
اثير: اقسم بالله انك حيوان .. حتى وسيم الهادي علمته على العناد .. اذا تبي تسوي شي لا تاخذه معاك عشان لا يتعلم الشيطنه ..
شادي: وسيم خلاص روح انا بقعد لحالي ..
وسيم: لا ما ابي .. ابقعد معاك ..
شادي: شفتي كيف .. هو اللي يي وراي مو انا ..
اثير: وسيم حبيبي تعال معي .. اذا قعدت هنا يمكن يشوفك راشد الشرير ويضربك ..
شادي: ما عليك ياوسيم انا بدافع عنك ..
وسيم: عادي شادي بيدافع عني ..
اثير بعصبيه: شــــــــــــــــادي .. محد علمه على العناد وقلة الادب إلا انت وتقول هو اللي يي وراي .. اقسم بالله ان كل هذا راح ينقال لشهد وتشوف ..
شادي: اثير لا تقوليلها .. والله بأسكت واكون مؤدب والله العظيم ..
اثير: لا تحلف ياشادي وانت جذاب ..
شادي: والله العظيم اني مو جذاب ..
اثير: لا تحلــــــــــــــــف .. انت الحلف عندك زي شرب الماي ..
شادي: ههههههههههه تقول شرب الماي ههههه ..
وسيم: هههههههههههههههه ..
شادي: هههههه طيب مالحه ولا عذبه هههههه ..
اثير بعصبيه: جــــــــــــــــب ..
شادي: ههههههههههه جب ولا ضب هههههههههه ..
وسيم: هههههههههههه غبيه اثير هههههه ..
عصبت اثير وقالت: صج انك جليل ادب ..
شادي: ههههههههه جليل ادب ولا كثير نحو هههههههه ..
فتنرفزت وقالت: شادي انطم قبل لا تندم يا حمار ..
شادي: هههههههههه شكرا بس احنا اخوان يا حبيبتي ههههههآااآي يعني انتي حماره هههههه ..
وسيم: هههههههههههههههه ..
فعصبت ومن شدة القهر بغت تبكي من تصرفاته المزعجه ..
اثير: حمار حمار .. والله لأوريك شغلك يا حمار ..
فعدل شادي نفسه وقال بحماس: شغل ..؟! وشو هالشغل يمكن يعجبني ويكون راتبه زين وافتك من البطاله اللي كاسره ظهري و ......
اثير بصراخ: بـــــــــــــــــــــــــــس ..
شادي: ههههههههههه اقسم بالله نرفزتها وشوي وتصيح هههههه ..
لف بسرعه عالباب يطالع لأنه سمع صوت سيارة الشرطه ..
شادي: وسيم وسيم السياره يت ..
طالع وسيم وقال: الله زي اللي في افلام الكرتون ..
شادي: بس هذي حقيقيه ..
وسيم: ايه صح ما تتكسر بسرعه ..
شادي: ايه وكمان سريعه مرره ..
وسيم: مرره حلوه .. ابي اركبها ..
شادي: حتى انا ودي اركبها .. اسمع لمن تكبر صير صايع عشان تركبها ..
وسيم: طيب ..
فتحت اثير عيونها من الصدمه وقالت: شنــــــــــــــــو ..؟! شادي يا حمار يا جلب ..
شادي: انا ما قلت شي غلط .. اذا كان يبغى يركبها لازم يصير شرير وداشر ..
اثير: في طريجه ثانيه واسمها انه يطلع عسكري ويركبها ..
شادي: اممم مدري ..
ولف يطالع في السياره وشاف علي يركب السياره وراشد معصب ويخاصم ..
وسيم: يخوف ..
شادي: مين ..؟!
وسيم: راشد ..
شادي: هو يخوف على الاشرار ..
وسيم: عيل ما بطلع شرير وبطلع عسكري ..
شادي: ييييعع .. العسكري مو حلو ..
وسيم: ليش ..؟!
شادي: لأنهم اذا زودوا حرف ميم ياكلونه ..
وسيم: مافهمت ..
شادي: عسكري نضيف عليها حرف ميم وتصير عسكريم وبعدين يلحسونك كل الصغار والكبار ..
وسيم: بس اسمها اسكريم مو عسكريم ..
شادي: اسكريم هذا قديم اللحين طلع عسكريم ياغبي ..
وسيم: آه عشان جذي ..
واثير كانت طول الوقت تطالع فيهم فقالت: شادي .. من اليوم ورايح لازم تبعد عن وسيم .. الولد بريء وقاعد تعلمه عالدشره ..
حرك شادي حواجبه وقال: انا علمته عالمشاغبه مو الدشره .. اذا بعلمه ع اللي يسويه الداشر بالضبط لازم اعلمه عن الكلمات الوصخه اللي يقولها الداشر وعن معانيها والمقصود منها .. تبيني اعلمه عالدشره ..؟!
انصدمت اثير من شادي وقالت: ياجليل الحياء من وين لك تعرف هالاشياء ..؟!
شادي: اعرف وبس .. تبيني أأكد لج ..؟!
اثير: والله لأعلم شهد ..
شادي: لا لا لاتعلمينها ..
وسيم: شادي .. الداشر ايش يقول ..؟!
اثير بعصبيه: وسيم بس .. والله اذا تكلمت بذا الموضوع مره ثانيه ياويلك ..
وسيم: ليش ..؟!
اثير: لأنه عيـ........
فتحت عيونها بصدمه وهي تطالع راشد جاي لعند الباب ..
اثير بسرعه: امشوا امشوا راشد ياء ..
لفوا ورى وشافوه جاي فهربوا بسرعه لغرفة شهد ..
فتح راشد الباب وطالع في المكان باستغراب ..
راشد: انا متأكد اني سمعت صوت .. وصوت واحد يخاصم .. مستحيل اكون غلطان ..
هز كتفه وبعدين قفل الباب وبعدها راح ودخل القصر وجلس في الصاله وهو حده متنرفز من علي ..
جت روان وقال: راشد .. ايش اللي صار ..؟!
طالع راشد فيها وقال: واحد حرامي كان بيخرب سيارتي ..
روان: ليش ..؟!
راشد: مدري ..
روان: هذا كله من مشاكلك اللي ما توقفها ..
راشد: اللي قاهرني هو انه اعترف جدامي انه كان يبي يخرب سيارتي ولم يت الشرطه انكر وقال غلطت في السياره وكنت احسبها سيارة رفيجي وكنت بسوي مقلب فيه .. جذبته وقلت انه اعترف فقال كنت ابي ارفع ضغطك وبس .. صج انه نرفزني بس انا وراه .. والله لأعلمه منو هو راشد الشعلان نار وبركان ..
تنهدت روان وقالت: راح تبقى مثل ما انت .. عصبي ومزاجي ومشكلجي .. مستحيل تتغير ..
مارد عليها وفكره كله في علي وبس ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

كانت اسيل جالسه عالكنبه وتطالع الارض بأنكسار ..
لفت على وائل وقالت: طيب مين سحرني ..؟!
وائل: اسيل خلاص لا تضايقي نفسج ..
اسيل: شلون ما تبيني اضايق نفسي ..؟! لهدرجه الناس يكرهوني ..؟! انا شسويت لهم ..؟!
وائل: مافي انسان محد يكرهه .. حتى انا عندي ناس كثير يكرهوني .. فشي عادي ان احد يكرهج ..
اسيل: يكرهني بس مو لدرجة انه يسحرني .. اتحدى احد في العالم ينسحر بسبب كره ..
وائل: خلاص انسي السالفه ..
اسيل: ماراح اقدر انساها .. هذا الشي مستحيل يتنسي ..
طالع وائل فيها بعدين قال: ايه صح اسيل مين ذاك الريال اللي كان عند باب غرفة المدير ..
اعتفس وجهها وقالت: هذا واحد غبي ..
وائل: بس كان باين من شكله ان مؤدب وفوق هذا اعتذر لج ..
اسيل: مؤدب ها ..؟! ايه هين ..
وائل: هو مو مؤدب ..؟!
اسيل: غير السالفه ..
فطالع فيها وائل بإستغراب بعدين سكت .. فتذكر آرثر ..
وائل: اسيل بسألج سؤال ..
اسيل: ايش ..؟!
وائل: مين آرثر ..؟!
فتغير وجه اسيل وتذكرته هو وسهى فعصبت وقالت: هذا انسان غبي ولا تسألني عنه مره ثانيه ..
حس وائل بفرحه بسيطه من كلامها .. وكأنها فرحه الراحه ..
بعد فتره قالت اسيل: وائل ..
وائل: نعم ..
اسيل: بقولك اشياء عمري ما قلتها لأحد ..
وائل: شنهي ..؟!
سكتت فتره بعدين قالت: وائل انت لمن تعيش حياتك وش تحس ..؟!
استغرب من سؤالها وقال: عادي ما احس بشي ..
اسيل: انا مو عادي .. انا من يوم وانا طفله واحس انه في شي ناقصني .. شي عند العالم كله وماهو عندي .. احس ان هذا الشي جدا مهم بحياتي بس ماهو عندي .. حتى لمن كنت في الابتدائيه كنت احس بفراغ .. صاحباتي لمن يسولفون عن بيتهم وامهم واخوانهم كانوا يستمتعون وانا لمن اسولف عن بيتنا احس اني غبيه واني جذابه ..
طالعت في وائل وقالت: ابي افهم سبب شعوري هذا .. ابي اعرف ليش هذا الشعور يلاحقني من طفولتي .. ابي اعرف شنو هالشي اللي يحسسني بالنقص في حياتي .. وائل بليز ابيك تساعدني ..
طالع وائل فيها بنظره اقل ما يقال عنها انها نظرة شفقه او حزن لحالها او نظرة رحمه ..
اسيل: وائل ليش ما تتحجى .. انا ابيك تياوبني .. انا شنو اللي ناقصني عن باجي الناس ..؟! شسبب هذي الاحاسيس اللي تلاحقني ..؟!
وائل: لا تهتمي .. اكيد هذي من الشيطان عشان ينكد حياة الانسان ..
هزت راسها بلا وقالت: مستحيل .. وائل انت مو فاهمني .. هذي ماهي وسوسه .. هذي حقيقه .. حتى بعض الاحيان احس انه مالي وجود في الحياه وبعض الاحيان احس نفسي حقيره ..
وائل: اسيل شهالكلام ..؟!
اسيل: هذا الكلام حابسته في نفسي من سنين .. هذي اول مره احكي واحد عن هذي الاشياء ..
قامت ومشيت شوي وقالت: هذي الاحاسيس كوم .. والبيت كوم ثاني ..
لفت عليه وقالت: فيصل .. اخوي فيصل .. عمري بحياتي ما حسيت انه اخوي .. مو عشانه قاسي لا .. هو صحيح قاسي وعصبي بس نضرته لي مو نضرة اخ لأخته .. يناضرني وكأني اكلت حلاله او تطفلت عليه .. وريما مره تسولف معاي وتصير تمام ومرات تعصب وتتكبر علي وتآمر وبس ..
جلست عالكنبه المقابله لكنبة وائل وهي تقول: فارس هو الوحيد اللي احس انه يحبني وحنون علي وطيب .. وانا احبه بس ..
طالعت في وائل وقالت: لا تقول اني مينونه بس فارس ما احس اني احبه لأنه اخوي .. انا احبه لأنه طيب ودايما يفهمني .. هو اخوي بس ما احس بالاخوه ابدا وما اعرف ليش ..
وائل: اسيل صدقيني كل هذي وساوس ..
اسيل: وائل بليز لا تقول وساوس .. هذي مو وساوس ابدا .. هذي حقيقه ..
طالع وائل فيها وفي نضراتها اللي تدل على الثقه .. فسكت لأنه مو عارف وش يقول ..
اسيل: يمكن تقدر تغير قراري في شي .. بس ما تقدر تغير شعوري في اي شي ..
سكتت بعدين قالت: باجر برجع للبيت ..
وائل: ايه اكيد ..
طالعت فيه بسرحان بعدين قالت: ابي اعتذر لأبوي لأني طردته ..
وائل: ابوج عاذرج لأنه عارف حالتج ..
اسيل: احب ابوي .. صحيح امي عصبيه بس احبها .. اقولك شي وما تندهش ..؟!
وائل: قولي ..
اسيل: انا احبهم لأنهم ربوني ولأن ابوي دايما يلبي رغباتي بس .. بس انا ما احبهم لأنهم ابوي وامي .. ابوي عطوف علي بس عمري ما حسيت بحنان الاب لبنته .. لا تقول اني مريضه نفسيا بس هذا هو الصج .. حتى لمن اناديهم اناديهم بدون اي شعور تجاههم ..
وائل: اسيل ما يصير جذي ..
فنزلت دموعها وبكت وقالت: غصب عني .. هذي الاحاسيس تلاحقني ومو قادره اتخلص منها .. هذولا اهلي بس ما احس انهم اهلي وما ادري ليش .. واحيانا تيني فكره ينونه واقول يمكن ما اكون بنتهم .. ابي اعرف ليش احس نفسي اني مالي معنى في هالدنيا .. احس نفسي سسرراب وما ادري ليش ..
وبدأت تبكي من قلب .. حزن وائل عليها وعلى حالها ..
وائل: اسيل قومي اغسلي ويهج وصلي عشان تهدأي ..
اسيل: انا ماني موسوسه يا وائل .. ليش انت مصر اني موسوسه .. توقعتك بتييب لي حل بس طلعت فيني اخطاء واغلاط ..
وائل: طيب بذمتج كلامج يدخل العقل ..؟!
قامت وطالعت فيه وقالت: قول .. قول اني مينونه وارتاح ..
وائل: اسيل والله مو قصدي جذي ..
بكت وقالت: بكيفك ..
ودخلت غرفتها وقفلت الباب وراها .. تنهد وائل وجلس يفكر ..
وائل: ما توقعت انها بتحس بأشياء زي جذي .. مصيرها تعرف بس متى ..؟!
قام ودق الباب بس ما سمع إلا صوت بكائها .. فتح الباب وشافها منسدحه عالسرير وتبكي ..
جلس وائل عالسرير وقال: سوري يا اسيل عاللي قلته .. بس صدقني اني ما قصدت هذا الشي .. كل الناس يحسون بأشياء كثيره .. بس نص هالاحاسيس تكون غلط .. انتي لا تفكري بهذي الاشياء لأنها بتخلي حياتج تعيسه ..
مازالت اسيل تبكي ولا طالعت فيه ..
وائل: انا احس بأحاسيس كثيره بس عمري ما اهتميت فيها لأنها ميرد احاسيس .. اسيل بسألج سؤال ..
فسكتت اسيل وطالعت فيه ..
وائل: ابوج عبدالرحمن .. بسألج هو ابوج ولا لا ..؟!
اسيل: ابوي ..
وائل: متأكده ..؟!
هزت راسها بإيه ..
وائل: شفتي كيف ان الاحاسيس جذابه .. لا تهتمي لها لأنها تناقض الواقع يا اسيل ..
اسيل: بس ....
وائل: لا تقولي بس .. طنشي هالشعور وصدقيني ما عاد راح ييج بعدين ..
فمسحت دموعها وعدلت جلستها وقالت: بيرب وبأشوف .. بس انا متأكده انه ماراح يروح ابدا ..
وائل: يربي وشوفي ..
اسيل: طيب ..
وائل: هذي هي اسيل القمر مو اللي قبل شوي جانت كأنها بزره وتبجي ..
فابتسمت وقالت: وائل ابي اتعشى برى ..
وائل: هههههههههههه مسرع نسيتي ..
اسيل: ما نسيت بس اتناسى .. واللحين لا تغير الموضوع .. ابي اتعشى في كودو ..
وائل: من عيوني ..
اسيل: لا مو من عيونك .. من فلوسك لأني ماراح ادفع شي ..
وائل: ههههههه طيب ..
قامت اسيل ووقفت قدام المرايه تطالع في نفسها فشافت كاميرا ..
اسيل: كاميرا ..؟!
وائل: ايه .. اشتريتها لج اول .. قلت يمكن يتعدل مزاجك بس ماكو فايده ..
ابتسمت وفتحت كرتون الكاميرا وشغلتها .. لفت على وائل بسرعه وصورته ..
وائل: لا لا ..
وحط ايده قدامه ..
اسيل: خلاص صورتك وانتهى الامر .. وكمان ليش ما تبيني اصورك ..؟!
وائل: المفروض اتكشخ واتجهز وبعدين تصوريني مو فجأه زي جذي ..
اسيل: هههه يقولون الصور الفجأه تطلع الواحد على حقيقته ..
وائل: مين اللي يقولون ..؟!
اسيل: ما ادري .. هم الناس ..
ولفت تطالع في شكلها بعدين اعطت وائل الكاميرا وقالت: صورني ..
وائل: لا ما يصير اصورج وانتي كاشخه بعدين الصوره ما تطلع على حقيقتها ..
اسيل: هههههههه اقول بلا فلسفه وصورني ..
وائل: هههه اوكي ..
فصورها اكثر من صوره بعدين نزلوا السياره وراح للمطعم وتعشوا ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

9 - 3 - 2014, 08:50 PM

.. في صباح الاحد .. عند شلة غيدا ..
غيدا: ابدا هذا شي مو معقول ..
غدير: معاج حق ..
غيدا: السيد سامي يغيب ايام الامتحانات ليش ..؟!
تهاني: يمكن عنده ضروف ..
غيدا: لا تقولين ضروف .. محد يضيع سنه من عمره عشان ضروف ..
خلود: يمكن يي يختبر ويروح ومحد يدري عنه ..
غيدا: مستحححححيييل .. تعرفوا شنو يعني مستحييييل ..؟!
غدير: وانتي شدراج عن الريال ..؟!
غيدا: مدري ..
خلود: على طاري سامي .. بسألج سؤال وياوبيني بصراحه وان رفضتي بأرفس ببطنج ..
غيدا: شهالسؤال المهم ..؟!
خلود: سامي ..
غيدا: شفيه ..؟!
خلود: انا اللي بسألج شفيه ..
غيدا: ماني فاهمه ..
خلود: تتذكري اللي صار في الكافتيريا .. لمن سكتي سامي بكلامج .. ابي افهم شمعنى كلامج ..؟!
غدير: ايه صح .. شهالشي اللي ماسكته عليه ..؟!
غيدا: تكلمي عن نفسج يا آنسه غدير .. شهالشي اللي ماسكته على عادل ..؟!
تهاني: اثنينكم ماسك شي .. قولوه ..
خلود: انا ماراح اترك ولا وحده منكم تتحرك إلا لمن تتكلمون .. وانا زي ما انتم تعرفون اذا قلت شي يمشي ..
غيدا: اوكي بأقولكم بشرط غدير هي اللي تبدأ ..
غدير: سألوج انتي اول فياوبي انتي ..
غيدا: مستحيل اياوب اذا ما ياوبتي قبلي ..
غدير: سوري .. انتي الاول ..
خلود: شفيكم تتعازمون .. وحده فيكم تياوب وخلصونا ..
غيدا: مستحييل اياوب قبل غدير ..
غدير: وانا مستحيل اياوب قبلج ..
خلود: وبعديييـــــن ..؟!
تهاني: خلاص كالعاده اذا عندنا اختلاف في الشله نستعمل القرعه ..
خلود: صح ..
طلعت نص ريال قطري من جيبها ورمته لفوق .. طاح على ايدها وسكرته باليد الثانيه ..
غيدا: نقش ..
غدير: كتابه ..
فتحت خلود ايدها وقالت: اللي طلع هو كتابه ..
غيدا: ههههههههآآي ابدأي ياماما ..
غدير: عمى في شكلكم ..
تهاني: ياللا قولي شسالفة عادل ..؟!
غدير: امممم ام عادل هي بنت عم ام بنت ييراننا ..
تهاني: والله السالفه صعبه ..
غدير: المهم بنت ييراننا انخطبت قبل سنه تقريبا .. وبعد الخطوبه بشهرين ياء الزواج وعزمت كل اللي يقربولها من ضمنهم ام عادل واولادها .. والزواج كان مختلط .. يعني كانوا ريال مع حريم .. المهم عرفتني بنت ييراننا اخت العروس على ام عادل وبعدين قالتلي بوريك ولدها لأنه خقققه فقلت اوكي وعرفتني على عادل وسولفت معاه انا وهو وبنت ييراننا ..
خلود: اذا تعرفتي عليه فليش ما عرفج اللحين ..؟!
غدير: ايه صح اول ما شفته قبل فتره عرفته بس ما تكلمت معاه .. بس استغربت لمن كان يطالعني عادي ولا كأنه يعرفني .. وبعدين عرفت السبب ..
تهاني: شنهو ..؟!
غدير: في يوم الزواج ياء اتصال لعادل فقال لنا انا بروح .. فراح وقالتلي بنت ييراننا تعرفين مين اتصل ..؟! فقلت لا .. فقالتلي هذي اخته التؤام .. استغربت وقلت عنده تؤام فقالتلي ايه ويحبها وايد وما يرضى عليها وهي بعد تحبه واسمها دانا ..
غيدا: وبعدين ..؟!
غدير: لمن شفت ان عادل ما سلم علي ولا يعرفني فأتصلت ببنت ييراننا وسألتها عن عادل .. تعرفون شنو قالتلي ..؟!
تهاني: شنو ..؟!
غدير: قالتلي ان عادل صار له حادث وانشل ..
تهاني وغيدا بصدمه: شنــــــــــــــو ..؟؟!!!
خلود: ههههههه بنت ييرانكم ذي جذابه .. لو انشل جان ماهو مويود اللحين ويدرس ..
ابتسمت غدير وقالت: ما قد شفتم افلام ومسلسلات تحكي عن بنت تتنكر بشكل ولد ..
تهاني: إلا فيه ..
غدير: عادل يحب اخته دانا .. ودانا تحب اخوها مرره .. تتوقعون لو شافته مشلول راح تسكت ولا تسويله شي ..
غيدا: إلا لازم تسوي له شي وتضحي بنفسها بعد ..
غدير: البنت فكرت وشافت ان انسب شي تسويه هو انها تأمن مستقبل اخوها لين يشفى ..
خلود: لحضه .. كأني فهمت ..
غدير: فعلا .. هي تؤام اخوها وتشبه .. وش اللي يمنعها انها تتنكر بشكله وتدرس بأسمه ..؟!
انصدموا وقالت غيدا: عادل هو دانا ..؟!
تهاني بصدمه: اكيد تتغشمري ..
خلود: اخسس البنت جريئه وبقوه ..
غيدا: شي ما يدخل المخ ..
تهاني: وعشان جذي جانت خايفه وانتي تحاجينها ..
غدير: وشكل الاستاذ ريان عارف بالامر ..
خلود: ايه لأنه يدافع عنها بقوه ..
غيدا: شرايكم انشر الخبر ..؟!
غدير: لا مو اللحين .. اول شي لازم كل شلتها يعرفوا بالامر وبعدين ننشر الخبر ..
تهاني: والله حماس ..
خلود: ياء دورج يا غيدا ..
غيدا بإستغراب: دوري في ايش ..؟!
خلود: قولي الشي اللي عارفته عن سامي .. الشي اللي خلى ويه سامي ينقلب ميه وثمانين درجه ..
غيدا: اها تذكرت .. طيب ..
تهاني: اولا انتي كيف عرفتي ..؟!
غيدا: لا تسألوني كيف عرفت .. انا عرفت وبس ..
غدير: طيب قول شهالشي ..؟!
غيدا: اوكي .. بس بليز لا تقولون لأحد ..
خلود: من عيوني ..
غيدا: كيف تبوني ابدأ ..؟!
غدير: يووه يا غيدا .. بتذلينا انتي ..؟! ابدأي من اي مجان ..
غيدا: ههههههه شكلكم على اعصابكم ..
تهاني: يا بايخه ..
غيدا: هههه طيب .. آآه هذا الشي متعلق بماضي سامي وراح يستمر لين يموت .. شي جدا جدا سيء بس يستاهل ..
خلود: وبعدين ..؟!
غيدا: بس ..
غدير: شنو اللي بس ..؟!
غيدا: خلاص خلصت ..
تهاني: تستهبلين انتي وويهج ..؟!
غيدا: هذا اللي اقدر اقوله .. الباجي سر ..
خلود: غيــــــــــــــدا بلا حركات عبيطه .. بتقولين يعني بتقولين ..
غيدا: مو بكيفكم .. احب احتفظ بالباجي لنفسي .. انتم ادعوا ان سامي ينرفزني عشان اقول شهالشي ..
غدير: اقسم بالله لأخنقج لو ما تحجيتي .. انا تحجيت بكل شي وانتي لازم تتحجي بكل شي ..
غيدا: للمره الثانيه اقولكم مو بكيفكم .. ما راح اتحجى إلا لمن تحج البقره على قرونها ..
خلود: يعني ايش ..؟!
غيدا: يعني لا تحاولون ..
تهاني: هذي تسمى خيانه يا غيدا ..
غيدا: انا قلت بتحجى بعد غدير بس ما قلت اللحين .. يعني اتحجى بعد اسبوع او شهر او سنه على حسب ..
خلود: سامجه ..
اخذت كتبها وراحت ..
غيدا: عصبت ..
تهاني: من حقها ..
غدير: وانا بعد بعصب ..
اخذت كتبها وراحت ..
اخذت غيدا كتبها وقالت: هههه امشي امشي الاختبار بدأ ..
فتنهدت تهاني واخذت كتبها وراحت مع غيدا ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

خرجت وصايف من القاعه بعد ما انتهت من اختبارها ..
مشيت في السيب وهي منزله راسها تفكر ..
وصايف في نفسها: "وهذا هو اليوم الثاني من الاختبارات وما يات .. هذا يعني انها ماراح تيي .. مستحيل .. بعد ما لقيتها تطير مني .. ما ابي منها شي .. ابي اعرف وين سميه .. واذا سميه ماتت انا بتصرف ببنتها .. المهم اني اتخلص من هذا الكابوس اللي يلاحقني .. و ..........
وصايف: آآآآآآه ..
مسكت كتفها ولفت عالبنت اللي صقعتها وقالت بعصبيه: ما تشوفين يا الـ.......
وقفت كلامها فجأه وهي تطالع في البنت .. هي نفسها .. هي البنت اللي تدور عليها .. هي بنت سميه ..
اسيل: سوري ما انتبهت ..
وصايف بتفاجئ: مو مو معقوله ..
استغربت اسيل منها فلفت عشان تكمل طريقها ..
وصايف بسرعه: لحضه انتضري ..
لفت عليها وقالت: نعم ..
طالعت وصايف فيها فتره وقالت: انتي بنت سميه ..؟!
اسيل بإستغراب: سميه ..؟! امي اسمها احلام مو سميه .. بس ليش تسألين ..؟!
استغربت وصايف وقالت: مستحيل .. انتي تشبهي سميه واكيد بنتها ..
اسيل في نفسها: "شفيهم الناس يشبهون علي كثير .. هذي مو اول مره" ..
اسيل: انتي غلطانه ..
وصايف بإستنكار: انا مو غلطانه .. انا متأكده واايد .. لحضه ..
فتحت شنطتها وطلعت جوالها وفتحت صوره لسميه وقالت: مو هذي صورة امج ..؟!
اخذت اسيل الجوال تطالع في الصوره ..
اول ما شافت الصوره تذكرت كلامها امس مع وائل .. ما تدري ليش تذكرت هذا الكلام ..
طالعت في الصوره فتره وهي تحس باحاسيس ما قدرت تفسرها .. وماتدري ليش ..
وصايف: ها .. مو هذي هي امج ..؟!
رفعت اسيل راسها تطالع في وصايف وقالت: مين ذي ..؟!
وصايف: هذي امج ..
طالعت في الصوره فتره طويله بعدين اعطت وصايف الجوال وقالت: انتي غلطانه .. امي مو ذي ..
وصايف بإصرار: إلا امج .. شوفي كيف الشبه الكبير بينج وبينها .. هي امج ..
اسيل: خلق من الشبه اربعين ..
لفت وراحت ووصايف واقفه وهي مصدمه .. هي متأكده ان ذي بنتها ..
وصايف: والله انها بنتها .. مستحيل اكون غلطانه مستحيل ..
لفت وصايف ورى وما شافت اسيل ..

اما اسيل فكانت تمشي وهي تفكر في كلام وصايف ..
جلست عالكرسي وهي تقول: امي ..؟!
نزلت راسها تطالع في الارض وهي تحس نفسها مهمومه ..

"إلا امج .. شوفي الشبه الكبير بينج وبينها"
اسيل: كل شي حولي غريب .. حياتي كلها الغاز ..

"يعني مالقيتوها ضايعه وربيتوها ..؟!"
اسندت راسها لإيدها وقالت: ناس اول مره اشوفهم ومع هذا يقولون كلام غريب .. كلامهم يشككني بنفسي ..

"انتي شدراج ..؟!"
اسيل: حتى ابوي كلامه غريب .. لمن صرخت في ويهه قال انتي شدراج .. شيقصد ..؟! ايش هالشي اللي مخبيه عني ويحسبني عرفته ..؟!
............: اسيل ..
رفعت راسها عشان تطالع في اللي ناداها .. تضايقت وعصبت لمن شافت انه آرثر ..
قامت واخذت شنطتها وطالعت فيه ..
اسيل: اتوقع ان اللي بيننا انتهى ..
لفت بس آرثر مسك ايدها وقال: اسيل لحضه ..
لفت عليه وطالعت فيه بإحتقار وسحبت ايدها بقوه وقالت: فج ايدي والكلام بيننا منتهي ..
ولفت فمسك ايدها مره ثانيه ولفها على جهته وقال: بس انا ابي اكلمج ..
سحبت ايدها وهي تقول: جم مره بقولك فج ايدي .. وجم مره بقولك اللي بيننا انتهى .. انت ما تفهم ..؟!
آرثر: بالنسبه لج انتهى بس بالنسبه لي لا ..
اسيل: انتهى .. كل شي انتهى .. ابعد عني واتركني .. يكفي مره وحده .. مابي انطعن مره ثانيه ..
ولفت رايحه برى وهي تجاهد دمعتها لا تنزل ..
خرجت برى الجامعه ووقفت تنتضر وائل وهي ماسكه نفسها .. خلاص آرثر صار ماضي ولازم تنساه ..
دق جوالها .. طالعت وشافته انه آرثر .. قفلت في وجهه ومسحت رقمه بقهر وكره ..
دق اكثر من مره بس حطته عالسايلنت عشان تفتك ..
وقف آرثر وراها وقال: واخيرا لقيتج ..
لفت وهي مفجوعه على ورى وشافت آرثر واقف وإيده في جيب بنطلونه الاسود ..
اسيل بعصبيه: شتبــــــــــــــي شتبــــــــــــــي ..؟! ابعــــــــــــــد عني ما ابــــــــــــــي اشوفك ..
آرثر: بس انا ابي اشوفج وابي اكلمج ..
طالعت فيه وقالت بهدوء: حرام عليك .. شتبي مني اكثر ..؟! انت شكلك تبي تجذب علي مره ثانيه صح ..؟! انا غبيه .. انا غبيه وايد لأني ما استمعت لنصيحه ريما .. هي بنفسها قالتلي انتبهي لا يكون يجذب عليج .. وانا بكل سذاجه قلت لا .. انا واثقه منه ومستحيل يسويها ..
لفت واعطته ظهرها وقالت بصوت فيه رجفة البكاء: اعترف اني غبيه واعترف اني خبله .. خلاص عرفت غلطتي فأبعد عني وخلني اعيش حياتي .. خساره على حب ضيعته ودسته بريلك .. خلاص ابعد عني واعتبرني وحده من الساذجات اللي لعبت عليهم وانساني يا آرثر .. انساني لأني بأعتبرك عقبه بطريجي وبأنساك ..
طالع آرثر فيها وهو حاس بالذنب لأنه ما علمها من البدايه .. اللحين لو قالها الحقيقه راح تعتبره مبرر وكذب ..
قدم عندها ووقف وراها وهو يقول بألم: آسف .. انا آسف يا اسيل .. سامحيني لأني بجد احبج وراح اظل احبج لين يفرقنا القدر ..
عضت شفتها تمنع نفسها من البكاء .. مسكت ايده وبعدتها عنها بهدوء ومشيت قدام ولفت عليه ..
اسيل: مستحيل اسامحك .. مستحيل ..
وبعدها لفت وراحت بعيد عنه وبعيد عن الجامعه نفسها .. ضايقه فيها الحياه وودها تفتك ..
مشيت على رصيف الشارع وهي سرحانه تفكر ..
جلست على احد الكراسي اللي تكون عالرصيف بعض الاحيان ..
حست جوالها يهز بس ماردت لأنها متأكده انه آرثر ..
حطت وجهها على ايدها وهي تقول: بس بس .. كافــــــــــــــي .. كرهت نفسي والله كرهتها .. كل شي حولي غريب .. حتى اهلي غرباء عني .. كل الناس انذال ومالهم امان .. كل شي حولي يكرهني .. اهلي والجامعه وحتى آرثر .. كافــــــــــــــي كافــــــــــــــي ابي افتك .. طفشت من كل شي .. ابي افهم ليش كل هذا يصير لي ليــــــــــــــش ..؟!
وبكت بصمت .. اسئله كثير تدور في بالها بس مو قادره تلقى لها جواب .. اشياء كثيره مجهوله في حياتها بس مو داريه ايش هي ..

ماأصعب أن تبكي بلا..." دموع"
.وما أصعـــــب..أن تذهب بلا " رجوع "..
وماصعب أن تشعر .."" بالضيق"
.وكأن المكان من حولك ..." يضــــــيق "..
مااصعب ان تتكــلم بلا .."صـــــوت" ..
ان تحيــى كى تنتــظر .."المــــــوت"....
مااصعب ان تشــــعر .. بـ"الســـــــأم""...
فتــرى كل من حــــولك .."'عــــــدم" ...
ويسودك احســـــــاس .."النـــــــدم"'....
على إثــم لا "تعرفـ؟ــه .... وذنب لم "تقترفــــه ....
ما اصعب ان تشـــــعر ..بـ"الحــزن العميـق "....
وكأنه كامـنٌ فى داخــلك .."ألـــم عريــــق "....
تستـــكمل وحــدك الطــريــق......
بلا .. "هـــــدفٍ... بلا شــريكٍ...
بلا رفيــقٍ"" ..
وتصيــر انــت و الحزن و النـدم .... فريــق "" .....
و تـــجد وجـــهك بين الدمــــوع .... غريـق ""....
و يتحــول الأمــل البــاقى الى .... بريـق "".....
مااصعب ان تعـــيش داخــل نفـــسك .."وحيــــــــد" .....
بلا صديــــقِ... بلا رفيـــــقِ... بلا حبيـــبِ .....
تشـــــعر ان الفــــرح "بعـــــيد".....
تعانى من جــــرح...لا يطــيب "
جـــرح عمـيق".. جـــرح عنـيد" .....
جـــرح لا يـــداويــه طبيـــــب"....
مااصعب ان تــرى النـــور .."ظـــــــــلام" ....
مااصعب ان تـــرى السعادة .."اوهـــــــــام" ....
وانت وحيــد .."حـــيران "....
من .... لاحب يستمر .... ولا آهات تدوم ....
ومهما يطول الزمن .... لاحب يستمر .... ولا آهات تدوم ....

.................................................. ......

عند وائل كان موقف سيارته قدام الجامعه وهو كل شوي يدق على اسيل بس محد يرد ..
وائل: ليه ما ترد ليه ..؟!
دق للمره الالف وهو يطالع في بوابة الجامعه ويشوف الطلاب والطالبات وهم يخرجون ..
فأنتبه لفارس وهو خارج مع ريما فدق بوري السياره .. لف فارس ولمن شاف سيارة وائل جاء عندها ..
تكأ فارس عالشباك وقال: هلا وائل كيفك ..؟!
وائل: تمام كيف اختبارك ..؟!
فارس: لا بأس ..
وائل: فارس وين اسيل ..؟!
فارس بإستغراب: مو المفروض تكون معاك عشان تاخذ اغراضها من الفندق وتييبها عندنا ..؟!
وائل: إلا بس انتضرتها وما طلعت .. اتصلت عليها بس ما ترد ..
فارس: ليش ..؟!
وائل: مدري ..
طالع فارس فيه بعدين طالع في الجامعه وهو يقول: طيب وينها ..؟!
وائل: يعني ما يت عندك ..؟!
فارس: ماشفتها اليوم ابـ.... لحضه لحضه هذي رفيجتها سارا .. بروح اسألها واييك ..
راح فارس ووائل يطالع فيه .. اخذ وائل جواله واتصل على اسيل بس محد رد .. فلف يطالع في فارس وهو يتكلم مع سارا .. بعد شوي جاء ..
وائل: ها ..؟!
فارس: ما تدري .. تقول اسيل يت الاختبار متأخر وخرجت قبلنا وما امدانا نحاجيها ..
وائل: طيب وين راحت ..؟!
فارس: مدري ..
فدق جوال وائل .. طالع في الشاشه وقال: هذي اسيل ..
فارس: حلو ..
رد وقال: اسيل وينج ..؟!
اسيل: تعال عند مكتبة الـ****** ..
وائل: وش وداج لهناك ..؟!
اسيل: انا انتظرك ..
وائل: اوكي ياي ..
قفل الجوال وقال فارس: وينها ..؟!
وائل: تقول عند مكتبة الـ****** ..
فارس: يمكن كانت تبغى تشتري شي ..
وائل: يمكن .. ياللا انا رايح ..
بعد فارس عن الشباك وقال: سلملي عليها ..
وائل: يوصل ..
حرك السياره ومشى ع طول للمكتبه .. وقف السياره لمن شاف اسيل واقفه ومتكأه على جدار المكتبه ..
وائل: اسيـــــــــــل ..
طالعت اسيل فيه .. جت عنده وركبت السياره ..
لف وائل عليها وقال: ليش انتي هنا ..؟!
غمضت اسيل عيونها فتره وكأنها تهدي من نفسها بعدين ابتسمت وقالت: كنت ابي اتمشي شوي ..
فابتسم وحرك السياره واتجه للفندق ..
وائل: كيف الاختبار ..؟!
اسيل: عادي ..
وائل: عادي ..؟! عيل اكيد ما حليتي ..
اسيل: لا مين قال .. انا حليت وحليت بس حل عالماشي ..
وائل: ههههههههههه المهم انج في النهايه ما حليتي ..
اسيل: والله حليت ..
وائل: طيب خلاص حليتي لا تبجين ..
طالعت فيه بعدين قالت: غبي ..
وائل: ههههههه ..
بعد فتره وقف عند الفندق ونزلوا من السياره ..
وائل: خذي مفتاح الغرفه .. اطلعي فوق وجهزي اغراضج وانا عندي شغله بأخلصها وبأيي ..
اسيل: طيب ..
اخذت المفتاح وطلعت فوق وراحت للغرفه .. طلعت المفتاح ودخلته في الباب عشان تفتح ..
خرج مصعب من غرفته وطالع فيها فتره بعدين قال: اسيل ..؟!
انفجعت اسيل ولفت عليه .. هذا شدراه عن اسمي ..
اسيل: ها ..
مصعب بإستغراب: مو يقولون انج مسحوره ..؟!
طالعت اسيل فيه وقالت: مالك دخل ..
مصعب: مالي دخل .. اقول احترمي نفسج لا ابلغ ادارة الفندق عليج ..
اسيل بإستهزاء: تبلغهم شنو بتقول ..؟!
مصعب: بقول ان الغرفه اللي ينبي مستأجرها واحد ويالس فيها هو وبنت عمه .. يعني يالس مع وحده ماهي محرم له .. ها تبيني ابلغ ولا تحترمين نفسج ..؟!
استغربت اسيل وبقوه .. هذا يعرف كل شي عنهم ..
اسيل: وائل مستأجر غرفه ثانيه ومايي إلا في النهار يا المعفن ..
طير مصعب عيونه وقال: ايــــــــــــــش .. انا معفــــــــــــن ..؟!
اسيل: ايه ..
فتحت الباب وقفلته وراها بعصبيه ..
اسيل: اوووووف .. ملييييق ..
راحت غرفة النوم وطلعت الشنطه الصغيره وحطت فيها الاغراض .. نص الاغراض اشتراها وائل والنص الثاني جابها فارس لها من غرفتها ..
حول ربع ساعه قعدت ترتب وبعدها وقفت قدام المرايه تطالع في شكلها ..
مسكت شعرها وقالت: طول .. لازم اقصه .. بس شنو اقصه ..؟!
قعدت تطالع في شكلها بالمرايه وهي تتخيل انواع القصات على شكلها ..
اسيل: اوووف ..
دخل وائل وقال: ها خلصتي ..؟!
اسيل: ايييه ..
وائل: شفيج .. باين انج معصبه ..
اسيل: لا مو معصبه .. وائل ابي اقص شعري بس محتاره شنو اقصه ..
وائل: لا حلو .. لا تقصيه ..
اسيل: الشرهه علي اني اسأل ولد .. لأن الاولد وببساطه ما عندهم غير كلمة الطويل حلو وحرام تقصيه اووف ..
وائل: ههههههههههههه ..
اسيل: ايه اضحك واستانس على اساس انك سامع نكته ..
وائل: هههه مو قصدي ههههه ..
اسيل: يضحك ويقول مو قصدي ..
مسك وائل نفسه وقال: اوكي اسمعي ..
اسيل: ها ..
دخل وائل يده في جيبه وطلع ظرف وقال: خذي .. هذي صورج طلعتها من الكاميرا ..
اخذت اسيل الظرف وهي مستانسه .. فتحته وكان فيه اكثر من عشرين صوره صورتها امس وهم في السياره ومره في المطعم ومره في الحديقه وعند البحر واماكن كثيره ..
وقفت عند صوره لها .. اعجبتها الصوره وبقوه .. كانت واقفه ومدخله ايدها في شعرها من عند اذنها ورافعته فوق .. وما كان باين غير من وجهها لين كتفها ..
اسيل: رووووعه ..
طالع وائل وقال: فعلا ..
فأنتبه في الصوره للجرح اللي في رقبتها من تحت اذنها تقريبا .. لف على اسيل يطالع فيها وتذكر ذاك الرجال ..
في يوم السبت لمن صكوا بواحد طالع من الجامعه .. تذكر اسئلته وتذكر حركته لمن بعد الشعر عن رقبتها ..
وائل في نفسه: "معقوله يكون يعرفها ..؟؟؟!!!!!!! لا ما اضن لأنه لو عرفها جان اخذها .. بس كل شي يدل انه يعرفها" ..
قلبت اسيل الصور كلها بعدين حطت ذيك الصوره اول وحده وقعدت تطالع فيها مره ثانيه ..
وائل: ياللا يا اسيل بنروح ..
اسيل: اوكي اوكي ..
حطت الصور على حافة الكمدينه وراحت تلم الاغراض .. وراح وائل عند الشباك وفتحه عشان يسكر الشبك اللي برى .. اول ما فتحه دخلت موجة هوا مو طبيعيه فقفله بسرعه وقال: واااه الهوا مرا قوي ..
اسيل: ايه صح .. احنا تونا داخلين فصل الشتا ..
فقفل وائل الستاير واخذ الشنطه وقال: ياللا ..
شالت اسيل شنطة الجامعه واخذت الصور ودخلتها وقالت: خلصت ..
وائل: متأكده مافي شي ناقص ..؟!
اسيل: ايه ..
وائل: طيب ياللا ..
طلعوا برى الغرفه وقفل وائل الباب وراه بالمفتاح ..
مصعب: شكلكم خفتم من تهديدي فهجيتوا من الغرفه ..
لفوا ورى ومثل ما توقعوا .. الاستاذ مصعب موجود ..
وائل: سؤال يحيرني وابي جواب .. انت وين تنام ووين تاكل ووين تيلس ..؟! اكيد عند الباب ..
مصعب: تتطنز انت وويهك ..
وائل: احمد ربي اننا بنطلع ونفتك من ذي الخشه ..
مصعب: هههههههههه تصيرون انتم رقم ٥٩ اللي اطلعهم من هذي الغرفه ..
طيروا عيونهم فيه من شدة الصدمه ..
اسيل: ٥٥٥٥٥٩٩٩٩٩ !!!!!!!!!!!!!!
وائل: اعوذ بالله من الشيطان .. ساحر مو بشر ..
مصعب: اقول هيه احترم نفسك وتقلع انت وياها على بيوتكم ..
وائل بعصبيه: انت اللي يبغالك تحترم نفسك قبل لا ادوس ببطنك ..
مصعب: هيه هيه اصحى .. انت مستوعب انك قاعد تهدد مصعب ولد ابوه ..؟!
وائل وهو يقلده: ايه مستوعب اني قاعد اهدد مصعب ولد ابوه ..
عصب مصعب وطرطع من العصبيه وقال: اصلا انت عقلك زي عقول البزران .. رح ادرسلك دوره في الروضه عشان تعقل وتعرف كيف تحترم الييران ..
اسيل: علم نفسك .. حاشر نفسك في خصوصيات الييران ..
مصعب: لو سمحتي .. انا ما ارضى تحاجيني بهالطريجه .. انا ما احشر نفسي .. انا عندي طيبه زايده واحب اساعد ييراني واشوف مشاكلهم واحلها ..
اسيل: لا يا شيخ .. احلف ..
وائل: والمساعده تكون بالتنصت والمراقبه والتدخل في الخصوصيات ..؟!
مصعب: اكيد .. لو ما ساويت جذي فكيف راح اعرف مشاكلكم .. اعرف انكم تستحون تقولون مشاكلكم فعشان جذي اطريت اني اساعدكم ..
اسيل ووائل على راسهم علامة استفهـ؟ـام كبيره من تفكيره ..
مصعب: وطول الايام هذي اكتشفت انك اسمك وائل واهلك برى الدوحه وانك ياي هنا عشان تساعد بنت عمك .. اهلك ما يدرون وش تسوي وانك اكبر اولادهم وعندك سياره لونها احمر .. شخص هادي تقريبا بس تكره احد ينرفزك وبطران وعندك فلوس زايده وكمان تكره تلبس كاب وما تطيق اللون الاصفر .. واعرف انك من النوع اللي يكره القيود يعني متحرر وحتى شغلك حر وتحب تتمشى كثير .. هذا اللي اعرفه عنك ..
وائل بصدمه: انا قلت انك ساحر ..
مصعب: اما اسيل فاعرف ان اسمها اسيل وابوها اسمه عبدالرحمن واخوها اسمه فارس .. البنت كانت مسحوره عشان جذي يبتوها هنا وتحب تشوف اخوها بكثره ومره ياء ابوها فطردته هذي العاقه .. المهم انها كانت مسحوره بس السحر انفك فتعبت وراحت المستشفى .. اسيل كانت تحب واحد اسمه آرثر بس كرهته واكيد هو اللي سحرها .. وكمان هي بنت تكره تلبس الملابس اللي فيها جاكيتات يعني بلايزها ياتكون تشيرت او كاروهات او اي شي ثاني .. وهي طالبه سنه اولى جامعه في جامعة الـ****** .. هي من النوع اللي يتنرفز بسرعه وتعصب بسرعه .. واشياء كثيره بس ما اتذكرها ..
عصب وائل منه وقال: صج انك انسان جليل ادب .. تعالي يا اسيل ..
مسك ايدها وسحبها للمصعد .. دخلوا وهي ساكته ..
اسيل: وائل ..
وائل: نعم ..
اسيل: مين سحرني ..؟!
وائل: قلتلج قبل جذا اني ما ادري ..
اسيل: آرثر سحرني صح ..؟!
وائل: ما ادري ..
اسيل: إلا اكيد هو ..
وائل: ما اضن انه هو ..
اسيل: وليه ..؟!
وائل: لأني قد تحجيت معاه وهو انسان وايد طيب ..
اسيل: ممثل ..
وائل بإستغراب: ايش ..؟!
اسيل: آرثر اكبر ممثل فلا تصدقه ..
طالع وائل فيها فتره بعدين قال: اسيل انسي آرثر ..
طالعت اسيل فيه فقال: اقصد .. اقصد انتي بس تشغلين بالج فيه ويمكن هذا الشي يلهيج عن اختباراتج والمذاكره .. يعني انسيه ما دامج تشوفين انه سيء .. يعني خلاص لا تفكرين فيه ولا تطلعين له اي مبرر لأي عمل يسويه .. خلاص لا تشغلي بالج بأي شي .. ادعيله انه يوفقه مع وحده ثانيه دام انه بينكم مشاكل وانتي عاد اللي يوفقج مع واحد ثاني يحبج ويموت فيج اكثر منه .. يعني اقصد خلاص اقطعي العلاقه عشان ترتاحي ..
طالعت فيه فتره فقال: فاهمتني ..؟!
هزت راسها وطلعت من المصعد وراحت للسياره .. ركب ووصلها للبيت ..
دخلت وكان الاب في شغله وفارس وريما نايمين والام تكلم ابوها ..
جت عند امها وسلمت على راسها بس الام ما اهتمت وكملت سواليف ..
تنهدت اسيل وطلعت الدرج فشافت قدامها ابوها توه طالع من غرفته ..
طالعت فيه باحراج وهي تتذكر اللي سوته فيه ..
انتبه لها ابوها وقال: اهليين اسيل ..
ابتسمت وجت سلمت على راسه وقالت باحراج: يبه انا اسفه .. والله مو قصدي ابدا اني ارفع صوتي عليك و .. و اطردك .. صدقني مو قصدي وانا اسفه واااايد ..
ابتسم ومسح على شعرها بحنان وقال: ما عليج .. انا عاذرج وعارف انه مو بايدج ..
طالعت فيه فتره طويله بعدين قالت: الله لا يحرمني منك .. بجد انت افضل ابو في الدنيا وانا مبسوطه وااايد لاني بنتك ..
ابتسم بألم وهو يطالع فيها وفي ابتسامتها ..
بعدها نزل من الدرج بهدوء ..
طالعت فيه لين نزل وبعدها راحت لغرفتها ونامت ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

المواضيع المتشابهه لموضوع: رواية واكتشفت اني لقيطه كامله لموضوع: رواية واكتشفت اني لقيطه كامله
الموضوع	كاتب الموضوع	المنتدى	مشاركات	آخر مشاركة
رواية طلبتك لا تحاكيني كامله	سجات التهاويل	همس للقصص وحكايات وروايات	331	8 - 6 - 2018 01:05 PM
رواية الا ليت القدر كامله	نَقاء أنامِل	همس للقصص وحكايات وروايات	71	7 - 9 - 2014 02:20 AM
رواية رغد وبدر كامله	سجات التهاويل	همس للقصص وحكايات وروايات	133	7 - 9 - 2014 02:14 AM
رواية شغب بنوته كامله	نَبض♡~	همس للقصص وحكايات وروايات	16	16 - 2 - 2014 05:50 PM
رواية ارادة رجل كامله	ادمنت تعذيبك	همس للقصص وحكايات وروايات	35	22 - 4 - 2012 01:48 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية واكتشفت اني لقيطه كامله

همس للقصص وحكايات وروايات