رواية واكتشفت اني لقيطه كامله

16 - 3 - 2014, 04:51 PM

|$[ البارت السابع عشر الجزء الاول ]$|

كانو السته واقفين جنب بعض قدام مكتب المدير ..
ابتداءا من ريان لحد تهاني ..
والمدير جالس على مكتبه والوكيل والمرشد جالسين عالكنب ويطالعوا فيهم ..
طالع المدير فيهم واحد واحد بعدها قال: اللحين انتم راضين عن شكلكم المحرج ..؟! بيبسي وآيسكريم وماي ..!! اللحين احنا وفرنا لكم الاكل عشان تتضاربوا فيه ولا عشان تحشوا فمكم فيه ..
الوكيل بعصبيه: ذي مو اول مره تصدر مشاكل من هالشلل .. يبيلهم عقاب صارم يأدبهم ..
اما المرشد فطالع في شلة غيدا وهز راسه بأسف ..
هالشله دايما ينصحهم يتركوا هالتشبه ويبطلوا مضاربات مع الاولاد بس من دون فايده ..
المدير: وين باجي الشله يا اخ ريان واخ عماد ..؟! سبحان الله حتى اساميكم حافضها عدل ..
ريان: شرف لنا والله ..
الوكيل بعصبيه: ويـــــن الشلـــــه ..؟!
انفجعوا وقال عماد بسرعه: في المحاضره ..
رفع الوكيل حاجبه وقال: هذا يعني انكم ما حضرتوا محاضرتكم صح ..؟!
طالعوا عماد وريان في بعض بورطه ..
الوكيل بعصبيه: يعني فوق المضاربه ساحبين على دروسكم كمان .. اللحين انتم يايين هنا تدرسوا ولا تتهاوشوا ..؟! انطق انت ويـــاه ..
ريان: يا استاذ احنا ما تضاربنا ابدا .. شلة الـبـنــــــات هم اللي بدأوا واسأل حتى الكافتيريا كلها ..
عماد: ايوه ايوه .. حتى إسأل الـبـنـــــــات وهم راح يعترفوا ..
طالعت خلود فيهم بعصبيه .. يتقصدون ينطقون بنات ويشددون عليها ..
لفت غيدا عليهم وقالت: عن الجذب انتم اللي بديتوا فلا تنكر يا استاذ انت وياه ..
غدير: فعلا .. اعترفوا احسن لكم ..
طالع المدير في ريان وعماد وقال: شنو السالفه بالضبط ..؟!
ريان: لا ابد بس كنت انا وعماد شوي طفشانين ..
طالع عماد بالارض وكمل: اعرف انكم بتخاصمونا بس احنا في النهايه شباب ويوسوس لنا الشيطان ..
طالع في شلة غيدا وكمل: شفنا هالـبـنــــــات المزز فقلنا خلونا نشبكم ونرقمهم ..
ريان ببراءه: انا كان قصدي شريف وقلت اني ابي اتزوج بس هم الله يهداهم قاموا علينا وقالوا اننا نستهزئ ..
كتم المدير ضحكته بعد ما فهم السالفه ..
اما المرشد فطالع في شلة غيدا وهو مبتسم وكأنه يذكرهم بكلامه لما قال لهم انكم مهما صار فأنتم راح تضلوا بنات ..
تكتف الوكيل ورفع حاجبه وقال: راحين ترقمونهم ولا تستفزونهم ..؟! انا عارف قصدكم فماله داعي اللف والدوران .. قال وسوسة شيطان قال ..
المدير: المهم منو اللي بدأ بالمضاربه ..؟!
عماد: غيدا .. طشت علينا بيبسي ومع هذا ما عصبنا ولا قمنا نتضارب ..
ريان: قلنا حرام ذولا بـنـــــــات وراح ناخذهم على قد عقلهم ..
عماد: بس خلود كتفت كمها وقالت قوموا تضاربوا ..
الوكيل: وانتم وافقتوا ها ..؟!
ريان: والله بصراحه اي شاب في مثل عمرنا إذا احد قاله قوم ضارب ما راح يقول لا .. اذا قلنا لا اذا احنا مو رياييل ..
لف المدير على شلة غيدا وقال: يعني انتم اللي بديتوا المضاربه ..؟!
خلود: هم اللي بدأوا بالاستفزاز و......
قاطعها المدير: ميــــــن اللي بدأ بالمضاربـــــه ..؟!
طالعوا ببعض فقالت غدير بهدوء: احنا ..
المدير: يعني الذنب الكبير عليكم ..
الوكيل: عيل عماد وريان راح ينخصم من درجاتهم كعقاب وانتم ينخصم الضعف ..
ريان: وليييه يا استاذ .. احنا بريئين ..
رفع المرشد حاجبه وقال: بسم الله عليك بريء يا ريان انت ورفيجك .. ابدا مالكم سوابق ..
طالعوا فيه وفضلوا انهم يسكتون ..
هز المدير راسه بلا وهو يقول: الخصم هذا صار شيء روتيني عندهم .. لازم نزيد شيء يأدبهم ..
طالعوا الوكيل والمرشد فيه فقام المدير وقال: امشوا وراي ..
تهاني بهمس: شنو ناوي عليه ذا ..؟!
خلود بقهر: السبب الرئيسي هم ذولا الاثنين .. آآخخ يقهرون ..
خرج المدير فخرجوا وراه ..
لف الوكيل وطالع في المرشد فهز المرشد كتفه بـ مآ ادري ..
اتجه المدير للكافتيريا وريان والبقيه ماشين وراه ومستغربين ..
كل اللي في الكافتيريا سكتوا لما شافوا المدير داخل ..
وصالح كان موجود وفي إيده جوال يكلم دانا اللي توها طلعت من المحاضره ومالقتهم ..
نزل الجوال عن اذنه وهو مستغرب ..
ليش جابهم المدير هنا ..؟!
صالح: يمكن يبي يسأل الطلاب عن المشكله اللي صارت ..! وسامي ويزيد وينهم ..؟!
وقف المدير ولف بنظره على الكافتيريا ..
اشر على جهة اليمين وقال: ريان وعماد اوقفوا جدام ذيج الطوفه ..
ريان وعماد بصدمه: شنـــــــــو ..؟!!!
طالع المدير فيهم بجمود وكأنه يقول نفذوا بدون اعتراض ..
عماد بهمس: هذا هو العقاب ..؟!
ريان بحزن: عماد .. فكرتك شوف وش نهايتها ..؟! طاحت هيبتي .. اخرتها اوقف جدام الطوفه ..
عماد بهمس: عادي عادي .. تذكر انه عشان دانا ..
تنهد ريان وراح هو وعماد للمكان اللي اشر له المدير ووقفوا فيه ..
لف المدير على شلة غيدا واشر عالجدار المقابل: هناك العيال والبنات هني ..
اول ما قال البنات فقعوا عماد وريان ضحك بصوت عالي وضحكوا وراهم طلاب الكافتيريا ..
ريان: هههههههههههههههههه بنات ههههههه ..
عماد: هههههههههههه آه يا بطني هههه والله انكم مسخره ههههههه ..
خلود بقهر: جـــــــــب ..
المدير بحده: صفوا عالطوفه بسرعه ..
طالعوا الشله فيه شوي بعدها وقفوا قدام الجدار ..
المدير: راح تظلوا هني كعقاب لحد ما اقرر انا متى تتحركون .. راح يكون هني طالب يراقبكم فإياني وإياكم اسمع ان واحد منكم تحرك او اسند ظهره عالطوفه ..
ريان: ليييه .. نبي نستند ..
المدير: انا شنو قلت ..؟!
طالعوا في بعض وهم حدهم مقهورين .. عقابهم قاسي ..
لف المدير على الطلاب وقال: هذا يزاء كل اللي يستفز او يهايط او يصلح مشاكل .. اتمنى ما اشوف مشاكل من ذا النوع مره ثانيه ..
بعد كلامه هذا طلع من الكافتيريا وراح لمكتبه ..
طالعوا الطلاب فيهم وبدأوا يهمسون لبعض ..
جاء صالح عندهم وهو يقول: ههههه اشكالكم تحفه .. ههههه انا ما اعرفكم ..
ريان: حتى انا بتبرى من نفسي ..
عماد: ههههههههههههه اهمم شيء ..
خلود: تضحكون ومستانسين ها ..؟! اشكالكم تفشل يا هبل ..
عماد: هههه عيل شكلج شنو نسميه ..؟!
ريان: ههههه عالاقل احنا مكبوب علينا بيبسي مو آيسكريم هههههههههههه ..
غدير: مدري على شنو يضحكون ..؟!
تهاني: مرضى الله يعافينا منهم ..
عماد+ريان: ههههههههههههههههههههههههههههههههههههههههههههههههه ..
طالعت غيدا فيهم وقالت: هيه انت وياه تراكم صجيتوني .. انكتموا ..
ريان: يوووه واخيرا تحجت زوجتي ..
عماد: ياخي تلايط انا ابي اشبكها ..
ريان ببرود: ما راح ترضى فيك .. الـبـنـــــــــات يبون واحد صالح يـ..
صالح بإستهبال: ناديتني ..؟!
عماد: برآآ يا السامج ..
ريان: هههه المهم يبون واحد صالح صاج في مشاعره مو واحد جذاب ..
عماد: بالعكس يبون الذكي والعبقري واللي عليه افكار خطييره و....
ريان: يا جمس بوند تكفى فكنا ..
عماد: ههههههههههههه ..
غيدا: ها ها ها اللحين ابي افهم انتم شنو اللي حادكم اليوم علينا ..؟! اول مره تتقصدوا تضايقونا ..
ريان: شفنا نفسنا فاضين قلنا خلونا نطقطق عليكم شوي ..
عماد: هههههههههه وقسم احلى طقطقه .. صحيح ما سألناكم .. شنو اخباركم يا بـنـــــــــات ..؟!
والكافتيريا معظمهم ساكت ويراقب ..
وكل ما نطقوا كلمة بنات الكل يضحك ..
تهاني: صج انكم مرضى .. مجانكم الاشهار يا حبيبي .. تدلون طريجه ولا ادلكم ..؟!
غدير: شكلهم ما يدلونه .. اللهم عافنا من شر خلقك ..
ريان بإبتسامه: اللهم عافنا مِن مَن يغيرون من خلقك ..
عضت خلود على شفتها وقالت: مرره ظريف .. انجب ابرك لك ولي فاهم ..؟!
ريان: لا .. تعالي فهميني ..
عصبت خلود وتقدمت خطوه بس غيدا مسكتها وقالت: لا تنسي انه فيه طالب هني يراقبنا ..
عماد: ههههه خبله .. ليش ما تطلعي ذكيه مثل رفيجتج ههههههههه ..؟!
طالع صالح في ساعته فقال ريان بهمس: شفيك ..؟!
صالح: يزيد وسامي لهم ثلث ساعه وما يوا .. مو معقول يتأخروا كل هالوقت وحتى موبايلاتهم ما يردوا عليها ..
ريان: حتى انا والله قلقان .. رح شوف شصار وتعال خبرنا ..؟!
صالح: اوكي ..
طلع من الكافتيريا وفي نفس الوقت دخلت شلة اسيل كلهم ..
طاحت عيون لين على شلة غيدا وقالت لصاحباتها: شفيهم شلة غيدا مصطفين عالطوفه ..؟!
اشرت سارا للجهه الثانيه وقالت: حتى شلة سامي مصطفين هناك ..؟!
ندى بإستغراب: لا يكون يلعبون ..؟!
لين: شلة غيدا وسامي ..!!! هههههههه اكيد تتغشمرين ..
ليان: شوفوا ديمه هناك خلوني اسألها ..
وراحت تسأل البنت اللي في نفس كلاسهم فعلمتها البنت كل شيء ..
جت ليان عندهم وقالت لوسن: هههههههه ابوج شخص صارم ..
وسن: بابي ..؟!
ليان: يب ..
ندى: شسالفه ..؟!
ليان: كانوا يتهاوشون فعاقبهم المدير جذي .. كل شله على الطوفه واقفين لحد ما يعفوا عنهم ..
لين: ههههههههههههههههههه ..
سارا: ههههههههههه عقاب غريب ..
ندى: هههه ابوج شيء عجيب يا وسن ..
وسن بإستغراب: اول مرآ يسوي جذآ .. غريبه ..
لين: بس شلة سامي مو كامله .. ناقص اربعه ..
سارا: يمكن غايبين ..
ليان: مستحيل اربعه يغيبوا صدفه إلا اذا اتفقوا من اول ..
لين: ههههههه اشكالهم تححزن ..
وسن: يستاهلوا .. اول قلت لهم لا تتضاربوا بس ما سمعوا حجيي .. يا رب بابي يخليهم ليين الليل ..
لين: ههههه هذي قويييه ..
جلسوا على وحده من الطاولات وقالت ندى: ياللا يا سارا دورج انتي ولين تييبوا لنا طلباتنا ..
لين بتأفف: تعب ..
ليان: عيل لا تييبين واحنا ما راح نييب لج ..
ندى: فعلا ..
لين: ليان بديت اشك انج اختي ..
الكل: هههههههههههههههههههههههههههههههههه ..
وعلى ضحكتهم ذي دخلت شلة راشد الشعلان للكافتيريا ..
لف راشد بعيونه وكأنه يدور على احد ..
طاحت عينه على ريان وعماد ..
جاء عندهم وقال: هيـــــــــه انت وياه .. ويــــــن رفيجكم اللي مسمي نفسه عــــــادل ..؟!
ريان في نفسه: "مسمي نفسه ..!! شيقصد" ..
عماد: شتبي فيه ..؟!
راشد: شدخلك .. انا ابيه اللحييين ..
ريان: عجبتني كلمة شدخلك .. تستهبل انت .. ذا رفيجنا ومن حقنا نعرف شتبي فيه ..
ايمن: اقول صح انتم شموقفكم هني ..؟!
اشر سليم عالجهه المقابله وقال: حتى شلة البويات واقفات هناك ..
طالع راشد فيهم وقال: هههههههه يستعرضون اشكالهم .. جد جد انكم لوح هههههه ..
ريان في نفسه: "اووف ما باجي احد ما ضحك علينا .. اهدأ اهدأ هذا كله عشان دانا المسجينه" ..
تكلم واحد من الطلاب وقال: لا هم اصلا واقفين كعقاب .. تهاوشوا فعاقبهم المدير جذي ..
راشد: ادعسس .. والمدير صار يستخدم اساليب يديده ..
ايمن بهمس لراشد: خلك منتبه لا يشتكي عليك احد وتصير نهايتك جذي ..
راشد بثقه: ومنو ذا اللي بيتجرأ يشتكي على راشد الشعلان نار وبركان ..؟! هههه محد ..
وسن: اصلا انت شرير والمفروض بابي يعاقبك زيهم ..
لف راشد حواليه وقال: كأني سمعت صوت قطوه تتحجى ..
ضحك بعض الطلاب غصب عنهم ..
وسن بعصبيه: بسسه في عيونك .. صج انك واحد خبل ..
طالع راشد فيها وقال: منو ذي ..؟! لحضه لحضه .. مو كأن اللي معاها هم شلة اسيل ..
ايمن: ايوه هم ..
راشد: ويييين اسيلوه ما صرت اشوفها ..؟!
جت لين بتتكلم بس سبقتها وسن تقول بعصبيه: لا تقول اسيلوه .. اسمها اسيل وهي رفيجتي وما ارضى عليها ابدا ابدا ..
راشد: احلفي ..
وسن: والله العظيم .. واذا ظليت تناديها جذي راح اعلم بابي المدير يعاقبك عقاب قوي ..
راشد بإستغراب: بابي المدير ..!!! هيه هيه المدير ابوج ..؟!
وسن: ايوه بابي ..
لف راشد وطالع في اصحابه وقال بدهشه: ذي بنت المدير ..
ايمن: معقوله المدير له بنت هني ..؟!
عزوز: صدمه بصراحه ..
طالع راشد في وسن وقال: اخسس طلعت بنته وحده خكريه ..
وسن: انا مو جذي فلا تسبني ترآ بابي بيضربك ..
راشد بإستهزاء: يضربني ..؟! يمه انا مرره ارتجفت .. اقول تلايطي عن ويهي يالخبله ..
وسن: انتا الخبل والعبيط ومررآ مسوي نفسك انك قوي ..
راشد بحده: بنت المدير اوكّي بس هذا ما يعني انج تسبين وترفعي صوتج على ولد الشعلان .. احترمي نفسج ترى اقسم بالله اني لا اخليج تعضي الارض من الندم ..
.........: هيه هيه يا المهايطي بطل اساليب التهديد عالبنات ..
وقف هذا الشخص قدام راشد وقال: خلاص عرفنا انك مهايطي بس اتمنى انك تهايط على اللي قدك ومن نفس جنسك ولا تفرد عضلاتك جدام البنات ..
وسن بحماس: بسسام ..
لف عليها وابتسم لها بعدين طالع في راشد ..
شد راشد قبضته بقوه وهو حدده معصب من هالانسان اللي قدامه ..
راشد: الظاهر يا بسام انك تحاول تتمشكل وياي ..
بسام بإبتسامه: شلون استنتجت هالاستنتاج المبهر ..؟!
راشد: من كثرة احتكاكك فيني ودوووم توقف بويهي .. شرايك احقق امنيتك ونتضارب ..؟!
بسام: للأسف انا مابي تكون نهايتي اوقف عالطوفه ..
راشد: لا يا حبيبي راح نتضارب برى .. انا مب غبي مثل شلة البويات وشلة سامي الراهي ..
اول ما سمع بسام اسم سامي لف وطالع في ريان وعماد ..
بسام في نفسه: "ولد الراهي هني .. اي واحد فيهم" ..
مهما كان فهو ما يحب هالعائله ابدا ..
كل ما يتذكر انهم هم سبب في ضياع اخته وبنتها يكرههم اكثر ..
لف على راشد وقال: معليش انا مو من اسلوبي اني اضارب اي شخص ..
راشد: يعني جبان ..
رفع بسام حاجبه وقال: والله يا شيخ فسرها مثل ما تبي تفسرها لأنه ما يهمني تفسيرك ..
عصب راشد وكان بيتهور ويضربه بس ايمن قاله بهمس: رشود اهدأ شفيك ..؟! ترى هالولد مو من النوع اللي يخاف منك واكيد راح يشتكي للإداره اذا تضاربت وياه .. مو انت اليوم ناوي على دانا ..؟! اترك بسام ليوم ثاني ..
هدأت اعصاب راشد وقال: راجع لك يا بسام بس اللحين لي شغله مع اللي اسمه عادل ..
بسام: وانا انتظرك ..
وسن بخوف: لا بسام لا تتضارب معاه ترى هو مررآ شرير ..
بسام: لا يا حبيبتي هو في النهايه مهايطي وبس ..
وسن: بس هو دايم يضرب كل الناس .. حتى لين قالت انه قد ضرب اسيل لييين دخلت المستشفى ..
لف بسام عليها بحركه حاده وقال بصدمه: شنو قلتي ..؟؟!!
انفجعت من نبرته وقالت بخوف: ما قلت شيء ما قلت شيء ..
لف على راشد ومسكه بقوه من بلوزته وقال بحده: انت مديت إيدك على اسيل يالجلب ..؟!
ابتسم راشد وقال: اووه يا كثر اللي يحبوها .. ايه مديت إيدي ودخلتها المستشفى .. تستاهل منو قالها توقف في ويه ولد الشعلان ..
انصدم بسام من رده وفارت اعصابه ولكمه بقوه في وجهه ..
ترنح راشد وتماسك قبل لا يطيح وهو في مرحلة الذهول ..
بسام بعصبيه: انت شلون تتجرأ ها ..؟! ياخي انت انسان مو معقول .. من شنو مصنوع بالضبط ..؟! شلون تمد إيدك عليها شلون ..؟!
شد راشد قبضته بعصبيه وهو يقول: انت اللي شلون تمد إيدك يا....
قاطعه بسام بلكمه ثانيه بوجهه وهو يقول بعصبيه: انجـــــب .. والله لأدفعك الثمن غالي يا رويشد .. صدقني انك ما راح تفلت من إيدي ..
عصب راشد وانقض بلكمه قويه تفاداها بسام بالصعوبه ..
وبعدها كان بسام راح يضرب راشد وهو حددده معصب بس واحد مسكه يقول: هيــــه بســام وقف وقـــــف ..
سحب بسام نفسه وهو يقول بعصبيه: ابعد عني يا طارق .. والله لأخليه يندم على اللي سواه فيها ..
مسكه طارق بقوه وهو يقول: اهدأ لا تكون منفعل جذي .. تحكم بأعصابك واهدأ ..
مسك ايمن ايد راشد وهو يقول: راشد يكفي .. خلنا نروح ندور عن عادل ..
سحب راشد إيده بعصبيه وهو يقول: ما راح اهدأ إلا لمن افرش بهالآدمي التراب ..
سحبه متعب وهو يقول: امش يا راشد وطنشه ..
وبالقوه قدروا اصحابه يطلعوه برى الكافتيريا ..
طالع طارق في بسام وقال: انت من جدك تتهاوش مع راشد ..؟! استخفيت ولا شنو ..؟!
اخذ نفس عمييق يهدئ من نفسه الثايره وقال: ايه استخفيت ..
طارق: الله يشفيك .. مالقيت غير راشد .. هالانسان مينون فأبعد عنه ..
بسام: مستحييل .. اقولك مد إيده عليها .. كل شوي انصدم بشيء سيء حصل لها ..
حط طارق إيده على كتف بسام وقال: خلاص اهدأ .. اللي اعرفه انك دايم تتعامل مع المشاكل بالعقل مو بالعصبيه ..
تنهد بسام وقال: استغفر الله العظيم .. بس لحد الآن قلبي محروق منه ..
طارق: تعال امش نيلس على طاوله نتحجى براحتنا ..
لف بسام على وسن وقال: معليش حبيبتي فجعتج ..
وسن: لا لا انا آسفه .. ما كان قصدي ادخلك في مشكله .. لو اني ما كلمت راشد جان ما تضاربت معاه .. آسفه ..
مد إيده ولعب بشعرها وهو يقول: يا حليلج ..
بعدها لف وراح مع طارق ..
لين: بنات .. هالبسام شعلاقته بأسيل ..؟!
ندى: فعلا .. شفتوا كيف ثار لما عرف ان راشد اذاها ..
سارا: يمكن يحبها ..
لين: ههههههه امما يحبها ..؟! من وين يعرفها اصلا ..
جلست وسن عالكرسي وقالت: امممم ..
لفوا وطالعوا فيها ..
كانت ترسم باصبعها دوائر عالطاوله وهي تقول بإحراج: اممم انا آسفه ما علمتكم ..
ليان: شنو تقصدين ..؟!
وسن: انا طلبت من بسام انه يساعد اسيل .. اممم لأنها مررآ واضح انها مو بخير بسبب امها وابوها الخبلين فعشان جذآ قلت لبسام يساعدها .. انا آسفه ..
طالعوا فيها فتره فقالت ندى: غلط اللي سويتيه .. صحيح بسام شاب كويس بس ما يصير تحطين اسيل بموقف زي جذي ان واحد غريب يساعدها .. وكمان ما يصير تعلمين بسام عن مشاكلنا الخاصه وما يصير تشغلينه جذي ..
ليان: بنات .. حتى لو علمت بسام عن اسيل مستحيل تكون ردت فعل بسام جذي .. واضح انه يعرفها من زمان ..
لين: مستحيل .. اسيل عمرها ما حكتنا عنهم ..
سارا: يبغالنا نسأل اسيل عنه ..
ندى: لا لا الافضل اننا نسأل بسام عن اسيل ..

في الجهه الثانيه عند بسام وطارق ..
كانوا جالسين على وحده من الطاولات في آخر الكافتيريا ..
طارق: ها هدأت اللحين ..؟!
بسام: ايوه .. بس مستحيل اترك راشد بحاله ..
تنهد طارق وقال: ياخي انت تصدمني .. مو من عادتك تشيل بقلبك على احد .. انسى راشد وطنشه ..
بسام: لا يمكن .. انت ما تدري شنو سوى هالسـ آآخ استغفر الله ..
طارق بإستغراب: اول مره اشوفك حاقد جذي .. ليه هو شنو سوى ..؟!
بسام: مد ايده عليها وضربها .. ياخي دخلها المستشفى ..
اندهش طارق من كلامه وقال: منو ذي ..؟!
بسام: بنت اختي ..؟!
طارق بإستغراب: اختك منو ..؟! سميه ..!!
بسام: ايوه سميه ..
طارق بإستغراب اكبر: شلون ..؟! اللي اعرفه انها ما عندها اطفال ..
بسام: حتى انا كنت احسب جذي بس قبل جم شهر اكتشفت ان عندها بنت عمرها حول ١٩ سنه ..
طارق: شلون صار جذي ..؟!
بسام بهدوء: اختي وامي رموها وهي طفله ..
انصصددم طارق من كلامه وما عرف شلون يرد ..
طالع بسام في طلاب الكافتيريا وهو يقول: قبل جم شهر امي اعترفت لي وهي ندمانه وطلبت مني اني ادورها .. حست الدوحه كلها لدرجة اني توقعتها ماتت ..
شوي ابتسم بهدوء وقال: بس بعدها عرفت انها حيه وقد قابلتها .. بس آآخخ ضيعتها من إيدي ..
طارق: ان شاء الله تلقاها ..
بسام: ان شاء الله .. اللحين قدرت اطلع رقمها بس ماهي راضيه ترد علي ..
طارق: كويس .. حاول معها اكثر من مره وان شاء الله ترد ..
بسام: شكلها ما ترد على ارقام غريبه و........
بعدها سكت فتره وكأنه تذكر شيء ..
طارق: شفيك ..؟!
طلع بسام جواله وقال: تذكرتها .. من امس وانا احاول اتذكر جمله كنت دايم اقولها لنفسي اذا تضايقت وبعدها احس براحه .. كنت ابي ارسلها لها لعلها ترتاح .. رسالتها اللي يتني امس قطعت قلبي ..
طارق: رسالتها ..؟!!!
بسام: ارسلت لها ابيها ترد علي فأرسلت لي انها قطعت علاقتها بناس كثير وتقول انساني .. فأرسلت لها نصيحه بس امس ارسلت لي تقول انها حيل متألمه ومخنوقه وانها تكره اهلها .. والله يا طارق اني تمنيت اكون عندها واحضنها واهدئ منها ..
طارق: الله يعينها ..
فتح بسام عالرسائل وارسل (( الوحيد الذي يستمر معك للنهايه هو انت .. فلا تجعله يتحمل الحزن كثيرا واسعي لسعادته )) ..
بعدها تنهد وهو يتمنى ان الكلمات ذي تساعدها ..

.................................................. ..................................

16 - 3 - 2014, 04:53 PM

كانت دانا واقفه وفي إيدها جوالها تطالع فيه ..
قبل شوي كانت تكلم صالح بس فجأه سكت وبعدها قفل الجوال ..
بس اللي عرفته انه بالكافتيريا .. اذا كل الشله هناك ..
دخلت الجوال بالشنطه واتجهت للكافتيريا وهي تحس ان قلبها مقبوض ..
فيه مشكله صايره وهي ما تدري عنها .. هذا اللي تحس فيه ..
تنهدت وقالت: ان شاء الله يكون احساسي مب بمحله ..
دخلت الكافتيريا ولفت بعيونها تدور الشله بس استغربت من وقوف شلة غيدا عالجدار ..
شافتها غدير فقال: اوووه رفيجكم عادل الولد ياء ..
طالعت دانا فيها ولحد الآن ماهي مطمئنه لهم .. خايفه انهم يفضحوها ..
عماد: اوووه البنــــــت اللي جدامي تعرف تتحجى ..
غدير بقهر: جـــــــــب ..
لفت دانا واستغربت من وقوف شلتها كمان ..
ريان: لا تكفى لا تطالع فينا .. اشكالنا محرجه ..
عماد: تعاقبنا اسوء عقاب ..
ابتسمت دانا على اشكالهم بعد ما استوعبت انهم واقفين كعقاب ..
جت عندهم وقالت: متهاوشين مع شلة غيدا ..؟!
عماد: للأسف نعم ..
ريان: امنيتي اعرف منو هالطالب اللي خلاه المدير يراقبنا ..
عماد: ريان ريان لا يفوتك ..
ريان: شنو ..؟!
اشر عماد على شلة غيدا وقال: شوف شلون يتهامسون ويطالعون في الطلاب .. ههههه يدوروا عالطالب المراقب مثلنا ..
ريان: ههههههههه ..
طالعت دانا حواليهم بعدها قالت: وين سامي ويزيد وصالح ..؟!
تلعثموا وقال عماد بتصريف: هههه يمكن يمكن بالكلاس ..
ريان: لا لا اكيد بالكلاس لأن المحاضره بدأت ..
طالعت دانا فيهم وهي مو مرتاحه لردهم المرتبك ..
لاحضوا نضرات الشك اللي بعيونها فقال عماد وهو يحاول يغير السالفه: شلون المحاضره وياج ..؟!
ريان: اكيد تمام .. ما شاء الله هي دافوره ..
دانا: وين باجي الشله ..؟!
طالعوا فيها وعرفوا انها راح تصر انها تعرف ..
بس مهما كان ما راح يقولوا لها اللحين لأنهم مو ضامنين ردة فعلها ..
جاء صالح في هالوقت وقال: ما لقيت اي اثر لسامي ويزيد عند المخزن ..
عماد وريان بسرعه: آششش ..
لفت دانا وطالعت في صالح .. انصدم صالح لما شافها وقال: انتي هني ..؟!
دانا: مخزن ..؟! شنو قصدك ..؟! وينهم ..؟!
صالح بترقيع: هههه انا اقصد ان يزيد وسامي كانوا ناويين يروحوا مخزن القديم اللي فيه بعـ...
قاطعته دانا: للأسف ما تعرف تجذب ..
مسكته من اكتافه وطالعت في عيونه وقالت بخوف: راحوا يبدلوا الاوراق بس لحد الآن ما رجعوا صح ..؟!
لف نظره يمين وشمال يتحاشى انه يطالع في عيونها لأنه مو عارف ايش يقول ..
حركته ذي اكدت لدانا ان اللي يدور في بالها صحيح ..
هذا يعني انهم راحوا فعلا ..
كلام صالح يعني انهم انمسكوا ..
كل هذا قاعد يصير بسببها ..
يمكن يتعاقبوا .. يمكن ينفصلوا .. يمكن يصير الاسوأ ..
وكل هذا بسببها هي ..
من يوم ما دخلت للجامعه وهي دووم تسبب لهم المشاكل ..
مو قادره تتحمل اكثر ..
لازم تحل مشاكلها بنفسها .. ما تبغى تورطهم اكثر ..
لفت وراحت بس ريان مسك إيدها وقال: على وين ..؟!
سحبت إيدها وهي تقول: اتركني .. لا عاد تتدخلوا فيني ابدا .. لازم اروح للمدير واتحمل المسؤوليه ..
ريان بحده: شنو هالينون ..؟! بجذي كل اللي نسويه حيخرب ..
لفوا طلاب الكافتيريا وطالعوا فيهم ..
متحمسين لأن اثنين من نفس الشله راح يتضاربون ..
دانا بصراخ: قلت هد إيدي .. لا عاد تتدخلوا فيني .. انا في جهه وانتم في جهه .. كافي المشاكل اللي صلحتها لكم ..
عماد: بطل هالعبط يا عادل .. انت رفيجنا .. عارف شنو معنى هالكلمه ..؟!
دانا: ما عاد ابي اكون جذي ..
ارتجف صوتها وكملت: كلكم طحتوا في المشاكل بسببي .. كافي لحد هني .. والله كافي ..
سحبها ريان وحطها عالجدار واعطى الطلاب ظهره عشان لا يشوفوها وقال بهمس: انتي من يدج يا دانا ..؟! شنو يعني طحنا بالمشاكل بسببج .. شوفي عماد دووم يسبب لنا المشاكل ومع هذا ما عمره قال اطلعوا منها .. بالعكس يغصبنا اننا نتعاقب معاه .. هذه هي الصداقه .. اذا مو معتبرتنا ربعج فأنتي حره ..
هزت دانا راسها وهي تقول: ايه .. انا مو معتبرتكم ربعي .. فعشان جذي بأحل مشاكلي بروحي ..
عماد: للمره الثانيه اقول بطلي عبط .. مو بكيفج متى ما تبغي تكوني من ربعنا او لا .. سامي ويزيد ان شاء الله ما صار لهم شيء واكيد حيطلعوا منها .. انتي خليج بعيد عن السالفه .. فاهمه ..؟!
خنقتها العبره وقالت: مابي .. قلت لكم ستين مره انا حأتحمل مشاكلي بنفسي .. لا تتدخلوا .. لا تتدخلوا ..
لفت نضرها بينهم وكملت: انتم مو حاسين شكثر احس بالذنب .. انتم مو فاهميني ابدا .. شلون تبوني اكون بعيده عن المشكله واشوفكم تتعاقبوا وتنضربوا وتتأذوا بسببي .. في حكاية الغاز دخل ريان المستشفى بسببي .. والمره اللي راحت دخل سامي المستشفى كمان بسببي .. ذي المره شنو بيصير .. تنطردوا ..؟! تتعاقبوا ..؟! لا انا ما ارضى .. فالله يخليكم ابعدوا عن طريجي وخلوني احل مشكلتي بنفسي .. مابيكم تتأذوا اكثر ..
طالعوا فيها فتره بعدين كلهم هزوا راسهم بلا ..
صالح: ايه احنا فاهمين شعورج .. بس لازم تفهمين شعورنا ..
عماد بإستهبال: احنا رياييل ومستحيل نترك بنيه بدون مساعده .. هذه شيمنا ..
طالعوا فيه بنظرات وكأنهم يقولوا مو وقتك ..
عماد بهمس: سوري ..
صالح: انتي معنا في نفس الشله .. تتوقعي اننا بنرضى انج تشيلي كل شيء لوحدج ..؟! طبعا لا ..
ريان: سمعيني يا دانا .. اذا رحتي واعترفتي راح نروح كلنا ونشاركج العقاب .. اذا انتي فعلا ما تبغينا نتأذى فخلينا نتصرف لوحدنا ..
عماد: حتى لو قلتي للمدير اننا مالنا دخل عشان تطلعينا منها ما راح يصدقج .. الخيار لج .. تبغي تروحي تعترفي فروحي ..
دانا بانفعال: انتم شنو دخلكم ..؟! تركوني لحالي ..
طنشوها وما ردوا عليها ..
طالعت فيهم وهي مو مستوعبه ..
ليش يصلحوا فيها كذا ..؟!
ليش ما يراعوا شعورها ..؟!
ليش يعاندوا ليييش ..؟!
طالعت في نضراتهم اللي تدل عالاصرار ..
هي عارفه انهم اذا قالوا شيء راح ينفذوه ..
طيب وش تسوي ..؟!
الاحساس بالذنب يخنقها ..
ما تقدر تقعد ساكته وتراقب ..
وفي نفس الوقت ما تقدر تعترف لأنهم راح يتورطوا ..
طيب وش تسوي ..؟!
غدير: شفيهم شلة سامي واقفين جذي ..؟! شكلكم ناسيين انه فيه واحد هني يراقب ..
طالع ريان وعماد في بعض وبسسرعه وقفوا الوقفه الصحيحه ..
صالح: هههههه فاتني اصور تعابير ويهكم ههه ..
ريان: تشمت يا حبيبي تشمت ..
عماد: لازم افكر في شيء حماس واورطك فيه .. يااااه بيصير شكلك تحفه ..
صالح: يا رب ابعدني عن شر هالمخلوق ..
ريان+عماد: ههههههههههههههههههههههههههههههه ..
طالعت دانا فيهم بعدها مشيت بهدوء متجهه لبرى الكافتيريا ..
ريان: هيـــــه عـــــادل ..
لفت عليه فطالع فيها بنضرات وكأنه يسألها وين رايحه ..
دانا بهدوء: بس بروح اشوف هم وينهم ..
ارتاح ريان وفي نفس الوقت كان حدده قلقان على اصحابه اللي لحد الآن مالهم اي اثر ..
دخل في هالوقت راشد بعربجيته المعتاده وهو حدده معصب ..
يبغى يلقى عادل بس ما لقاه ..
طالع في شلة سامي وكان راح يسألهم للمره الثانيه عن عادل بس عيونه طاحت على دانا اللي كانت شبه قريبه منه ..
ابتسم بخبث وقال: انت هني ..؟!
طالعت دانا فيه وعرفت انه يقصدها ..
حست بخوف لأن اللي قدامها عارف هي مين تكون ..
ريان بهمس: راشد شنو يبي من دانا ..؟!
عماد: الله اعلم .. بس دام انه راشد فتأكد ان الموضوع مو خير ..
تقدم راشد لحد ما وقف قدامها وصار موقعهم في نص الكافتيريا ..
راشد: يا هلا .. يا هلا بالـــولـــد عـــادل .. تو ما نورت الكافتيريا ..
عماد بهمس: مو كأنه يشدد على جملة الولد عادل ..؟!
ريان بقلق: لا يكون ....!
طالعت دانا في راشد وهي ساكته ..
طريقته في الكلام تؤكد انه يبغى يفضحها ..
ما راح تمنعه لأنها ما بتقدر ..
بتستسلم لواقعها .. هي تهورت وحولت نفسها كذا ..
اذن لازم تتحمل العواقب ..
راشد: كيف حالك وكيف الدراسه وياك ..؟! سمعت انك ماخذ الاول عالدفعه .. ما شاء الله دافوور .. مع ان اغلبية الدوافير يكونوا بــــنــــات ..
وبرضوا ما ردت عليه .. بس تطالع فيه مع انها ما تقدر تشوفه عدل ..
حاسه بدوخه فضيعه ونادرا تختفي هالدوخه ..
المرض اللي فيها تعبها كثير ..
نفسيتها بالاكل زفت ودوم تعبانه .. وفي آخر الليل تستفرغ اللي اكلته ..
لف راشد وطالع في الولد اللي جنبه وجالس عالكرسي ..
راشد: تلايط عني ..
قام الولد واخذ وجبته وراح ..
طلع راشد فوق الكرسي وجلس عالطاوله ..
حط رجل على رجل بطريقه عربجيه وقال: يا شــبــاب ويا بــنــات .. عــنــدي لــكــم خــبــر حــمــاس .. علــى كثــر الاشــاعــات والاخــبار المنتــشــره عن الطــلاب بالجــامعــه ما راح تلقــوا مثــل الخبــر اللي راح اقــولــه .. يكفــي انــي انا رااشــــد الشــعــــلاان راح اقولــه ..
كــــــل الطلاب لفوا يطالعوا فيه بحماس ..
شخصيه مثل راشد الشعلان اكيد بتكون اخباره حماسيه وفريده ..
لفت دانا وجهها وبعدها مشت شوي عشان تطلع من الكافتيريا ..
دفها ايمن من كتفها وقال: خلك هني يا عادل .. لا تهرب ..
عزوز: ههههههه خايف من الفضيحه اللي بتسمعها ..
ركزوا الطلاب نضرهم ناحية عادل وهم متأكدين ان الخبر اللي بيقوله راشد يخص هذا الولد اللي من شلة سامي ..
عماد بهمس: ريان شكله فعلا يعرفوا انها بنت .. شلون نسكتهم ..؟!
صالح: مستحيل نقدر .. هم خمس شباب وهمجيين .. حتى لو ضاربناهم فما نقدر نقفل فمهم .. بالعكس بجذي يعاندون ويعلمون ..
ريان بقهر: اصلا شلون شخص مثل راشد عرف عنها شلووون ..؟؟؟!!
عماد: يمكن شلة غيدا خبروه ..
راشد: له له له شكل الــولــد عــــادل كان حيتهرب من الفضيحه اللي انا مجهزها له هههههههههههههههههه ..
ايمن: ههههههههه الخوف يلعب دوره لعب ..
سليم: هههههههههههههه متشوق اشوف ويهه بعد ما يعرفوا كل الطلاب بحكايته هههههه ..
متعب: ههههههههه انا متأكد انه يتمنى الارض تنشق وتبلعه ههههههه ..
عزوز: موقفه صعب هههههه ..
راشد: هههههههههههه عــــادل شرايك انت تعترف افضل ..؟!
سكتت دانا ولا ردت عليه وجسمها ينتفض من الخوف ..
تحس انها بوسط ذئاب ومو قادره تمنعهم .. ابدا ..
طالع راشد في الطلاب وقال: هذا الريال اللي واقف هني اللي اسمه عــــادل للأسف وللأسف هو ....
قاطعه ريان بحده: راشــــــد ..
طالع راشد فيه وقال بإبتسامه: هلا ريان .. شبغيت ..؟!
عض ريان على شفته وقال في نفسه: "مافي فايده اذا قلت له اسكت لأنه راشد وشخصيته مو سهله .. عيل لازم اغير الموضوع بسرعه .. لازم" ..
ابتسم لما جاء في باله شيء وقال: وينك يا ريال ما ييتنا امس البيت مع اختك روان ..؟! كنت اتوقع انك راح تيي دامك سمحت لاختك انها تزور بيت واحد من اعدائك ..
راشد بعصبيه: جــــــــب .. انا ما سمحت لها عشانه بيتك .. انا سمحت لها عشان رفيجتها رشا وبس ..
ريان: اوووه تعرف اسم اختي بعد .. لا يكون انت معجب فيها وانا مدري ..؟!
ثارت اعصاب راشد وقال: تخسسى انت وياها .. هذا اللي كان ناقص .. اندفن ولا اطالع في ويه وحده انت اخوها ..
ريان: هههه طيب شفيك معصب ..؟! ما تعرف تروق ..؟! تعال عندي اعلمك اذا كنت ما تعرف ..
عصب راشد اكثر وفتح فمه بيتكلم بس قاطعه ايمن يقول: اقول رشوود انت مو ملاحظ انه خلاك تنسى موضوع عادل ..
طالع ريان فيه بقهر .. استوعب راشد وضحك وهو يقول: هههههههههه اهمم شيء .. يدافعون عن رفيجهم اللي اسمه عــــادل ..
عماد بهمس: رفيجه ذا شدخله ..؟!
غدير: ههههه ريان .. استسلموا انت واصحابك .. عادل حينكشف سره يعني حينكشف ..
تهاني: ههههههههه بجد استسلموا افضل لكم ..
لفوا الطلاب وطالعوا في شلة غيدا ..
فضولهم زاد لما عرفوا ان حتى شلة البويات عارفين ..
راشد: هههههه حتى غيدا وشلتها عارفه .. بصراحه انا مستغرب هدوئكم .. اكيد هددوكم فسكتم ..
خلود بعصبيه: يخسسون يسكتونا ..
راشد: هههههه ليش ما تتكلم زعيمتكم ..؟! بالعاده هي اكثر وحده تتكلم ..
ايمن: اووه رشود قول زعيمكم مو زعيمتكم عشان لا تجرح مشاعرهم ..
طالعت غيدا فيه ببرود وقالت: حأحفر قبرك اذا قلت زعيمكم ..
طالعت خلود فيها بإستغراب فلفت غيدا نضرها وهي تفكر ..
هالايام دووم تفكيرها يكون في شخصيتها ..
هي ليش بويه وليش لحد الان مستمره كذا ..؟!
"انتي شخصيتج ضعيفه"

هالجمله تتردد في بالها ..
ابوها قال انها ضعيفة شخصيه فحاولت تقويتها بهالتشبيه ..
ما ترضى احد يقولها كذا ..
بس فعلا هذا صدق .. الوحده ما تحول بويه إلا عشان تقول للناس انا شخصيتي قويه ..
وهذا دليييل ان اصل البويه وحده ضعيفه ..
مع كل ساعه تمر تحس غيدا انها بدأت تكره هالتشبيه ..
ما استفادت شيء منه .. بالعكس تضررت ..
اولا ضحك الاولاد عليهم .. واللي قالوه ريان وعماد خير دليل ..
ثانيا الكل ينظر بنضرة تقزز وتقرف .. والكل يبعد عنهم ..
مو عشانهم خايفين .. لا عشانهم متقرفين منهم ..
ثالثا ظهرت بمظهر انها وحده ضعيييفه جبانه تتخفى بقناع الرجوله ..
واخيرا واهم شيء انها عصت ربها وحكمت على نفسها بدخول جهنم ..
هــــزت راسهــــا بلا ..
مهما كان .. مهما كان ماهي قادره تترك هالتشبيه ..
تبغى تحس بقلب الرجل وقساوته ..
شلون تقدر تنسى بعد سمير عنها .. وبعد سامي عنها واخيرا الندبه اللي تحت عينها واللي مسحت ملامح الانوثه من وجهها ..
هي حددها محتاره ومع عارفه تستقر على قرار ..
قطع حبل افكارها صوت صافره ..
لفت فشافت بنت واقفه على كرسي وفي إيدها صافره ..
الكل وقف كلامه ولف يطالع فيها ..
البنت بإبتسامه: اوهايو مينا .. احم هاااي .. انا عارفه انا قاطعت حجيكم بس بغيت اقولكم كلمتين ..
بدل راشد رجله وحط الثانيه فوق الاولى وقال: طيب بسرعه ..
البنت: اوكي .. اممم انا قبل امس طلعت من المستشفى وابوي قرر يسوي لي حفله لأنها هذه اول مره ادخل مستشفى واطول فيه جذي .. الحفله بتكون في فندق الشيراتون .. ومادام اني بثالث فأنا ابي اعزم كل ثوالث للحفله ..
نزلت من فوق الكرسي وراحت لشلة غيدا واعطتم بطائق الدعوه وهي تقول: اتمنى انكم تيوون ..
اخذوا الشله البطايق ببرود وماردوا عليها ..
راحت لشلة راشد واعطتهم البطايق ..
اخذ راشد البطاقه وقال: اسمج عهد ..
ابتسمت عهد وقالت: ايوه .. اتمنى انك تشرف ..
راشد: راح افكر ..
مرت من جنب شلة اسيل وكانت راح تعطيهم بس تراجعت وهي تقول: اووه انتم اولى مالكم بطاقه ..
وبعدها راحت ..
وسن بضجر: والله لأمرض نفسي واقول لبابي يعمل حفله وانادي بس اولى ..
ضحكوا الشله على كلامها ..
مرت عهد على كل ثوالث بدءا من شلة سامي لحد ما وصلت للطاوله الاخيره اللي فوقها بسام وطارق ..
عهد: انت ثالث صح ..؟!
طالع بسام فيها وقال: ايوه ..
اعطته بطاقه وبعدها لفت تطالع في طارق ..
طلعت بطاقه مخصصه من بين البطائق وحطتها قدام طارق وقالت بإحراج: اممم هذي بطاقه مميزه نعطيها للضيوف المميزين .. امم وبصراحه ماكو غير هالنسخه بس يعني بتكون ....
قطعت كلامها بصدمه وهي تشوف طارق يحط البطاقه قدام بسام وياخذ بطاقته ..
استغرب بسام من حركة طارق ..
نزلت عهد راسها وقالت بهمس: مو لهدرجه .. مو لهدرجه ..
وبعدها طلعت من الكافتيريا ..
طالع بسام في نضرات طارق البارده وقال: انت شنو سويت يا طارق ..؟! حرام عليك كسرت بخاطر البنيه ..
طارق: احسن ..
هز بسام راسه بأسف وقال: واضح انها تحبك فليش تعاملها جذي ..؟! معقوله لحد الآن ما تغيرت ..؟!!
طارق: خلنا نغير الموضوع ..
تنهد بسام وطالع في البطاقه بعدها قال: في نفس الفندق اللي انا مستأجره ..
فتح طارق فمه بيتكلم بس قاطعته اصوات الطلاب اللي يطلبون من راشد انه يتكلم ويقول وش هي فضيحة عادل ..
ابتسم راشد وهو يسمع طلباتهم وقال: لهدرجه متحمسين ..؟!
تفاوتت درجات اصواتهم لكن الكل جاوب بإلايجاب ..
راشد: من عيوني ما طلبتم شيء ..
طالع في دانا اللي منزله راسها وقال بإبتسامه: الريال اللي جدامكم ماهوب بعادل ..
استغرب الكل من كلامه وبدأت التساؤلات تدور في مخهم بس ظلوا ساكتين ينتظرون التفسير من راشد ..
ريان بعصبيه: ما تعرف تنكتم ..؟!
راشد بإبتسامه: واصحابه عارفين بس مغطين عليه .. اووه شكلهم يحبونه وايد .. من حقهم يحبونه لأن الحب في هالوضع حلال ..
عض ريان على شفته وهو يطالع في راشد وبينهم مسافه كبييره ومليانه بطاولات الكافتيريا ..
ووسط دهشة الجميع انكب في وجه راشد كوب مويه بارد ..
انصدم راشد ولف عاليمين فشاف واحد واقف ويطالع فيها بنضرات شرسه ..
راشد بقهر: انت .. ذي المره الثانيه اللي تتضارب معي بسببها ..
تكلم هذا الشخص وقال بحده: رشوود انا حذرتك قبل وقلت لك ابعد عنه عشان لا اوريك نجوم الظهر ..
عماد بصدمه: هذا ....
صالح: سامي وهناك واقف يزيد .. حلو انهم يوا .. شكله ما صار شيء ..
ريان بهدوء: ما اضن .. ليش تأخروا كل هالوقت ..؟! اكيد صار شيء ..
لف سامي وطالع في دانا وقال بحده: ليش كل هالضعف ..؟! تذكر السبب الرئيسي اللي خلاك تيي هنا وتمسك فيه ..
طالعت دانا فيه بدهشه ..
فعلا .. هي جت عشان تأمن مستقبل اخوها ..
اذا انكشفت راح يضيع مستقبل اخوها وعائلتها ..
فعلا .. المفروض تدافع عن نفسها عشان اخوها ..
كلام سامي صحيح ..
شلون نسيت هالشيء وفكرت بسلبيه ..؟!
نزل راشد من فوق الطاوله ومسك سامي من بلوزته وقال: تراويني نجوم الظهر ها ..؟! اوكي وانا راح اراويك مجان قبرك وشكل كفنك ..
سامي: ابعد إيدك واتق شري في هاللحضه .. ترى انا اللحين مو بكامل تفكيري ويمكن أأذيك .. فرجاءا ابعد يا رشود ..
ضربه راشد بلكمه في خده وقال: اتق شري ..؟! المفروض هالكلام يتوجه لك مو لي ..
صقع ظهر سامي في الطاوله اللي وراه وحس بألم ..
دانا بخوف: سامي خلاص ابعد عنه ..
طالع سامي في راشد بحده فقال راشد: اذا كان مزاجك متعكر فترى انا مزاجي متعكر اكثر منك فأنصحك انك تتلايط عن ويهي عشان لا افرغ كل غضبي فيك ..
سامي بإستهزاء: والله وصار رشود يلقي نصائح .. لا فيك الخير ..
عصب راشد وكان حيضرب سامي بس قاطعه واحد يقول: راشــــــــــد ..
وقف راشد وطالع في باب الكافتيريا فشاف المرشد الطلابي واقف هناك ..
ايمن بهمس: ورطنا ..
متعب: شكله بلغ علينا مع انه قال ما ببلغ ..
تنهد راشد وقال: اكيد ياك الجبان حماد ..
المرشد: الحلو فيك انك تعترف ..
راشد: ابن اللذين .. صج جبان ..
المرشد: يعني تضربه وتجرح عينه وما تبيه يبلغ ..
راشد: يستاهل .. يحمد ربه اني ما فقعتها له ..
المرشد: انت من شنو مصنوع ..؟! المشكله ماكو سبب يخليك تسوي فيه جذي ..
راشد: إلا .. لما سألته وين رفيجكم عادل قالي شتبي فيه ..
المرشد: بس برضوا قالك انه طلع بعد ما خلصت المحاضره .. صح حجيي ولا غلط ..؟!
راشد: ايوه صح .. بس ما قاله إلا بعد ما قال شتبي فيه .. المفروض ما يسألني ايش ابي .. يجاوب بدون سؤال ..
المرشد: لا حول ولا قوة إلا بالله .. امش جدامي انت والشله الكريمه .. هالمره عقابكم حيكون قوي ..
تنهد راشد وراح هو وشلته لبرى ..
كل الطلاب صابهم الاحباط الششديييد ..
طالع يزيد في الطلاب اللي يطالعون فيهم وبعدها طالع في سامي ..
اشر سامي بإشارة انه طنشهم وبعدها شافوا اصحابهم واقفين وراحوا عندهم ..
عماد: سامي يزيد وين كنتم ..؟! تأخرتم وايد ..
ريان: اهم شيء خلصتوا بنجاح ولا لا ..؟!
لف سامي وجهه بضيق وما رد ..
ملامحه هو ويزيد واضح عليها الاضطراب والقلق ..
ريان بهدوء: انكشفتم صح ..؟!
برضوا محد رد عليه ..
طالعت دانا فيهم وهي خايفه ..
ما تبغاهم ينكشفون عشان لا يتعاقبون ..
ريان: سامي ..
سامي بهدوء: نعم ..
ريان: شنو صار ..؟!
لف سامي وطالع فيهم لفتره طويله ..

:::::::::::::::::::::::::::::::::::::::::::::::::: ::::::
نرجع لساعه ورى ونشوف شصار ..

اتجه الدكتور تركي لناحية مكتب المدير ووراه يزيد وسامي ..
يزيد بهمس: سامي هذا شلون شافك ..؟! اصلا ليش دخل قسم الاداره في هذا الوقت بالذات ..؟!
هز سامي كتفه وهو حدده متوتر ومرتعب ..
بجد هم في ورطه ما قد توقعوها ابدا وحاسين بتوتر وخوف فضيع ..
دق الدكتور الباب وفتح غرفة المدير بس استغرب لما ما شافه ..
لف وطالع في سامي ويزيد اللي يشتتون نظرهم في كل مكان ويتحاشون يطالعون في عيون الدكتور ..
خرج الدكتور من قسم الاداره واتجه لمكتبه ويزيد وسامي يمشوا وراه ..
بعد ما وصل جلس على كرسيه وقال: قفلوا الباب وراكم ..
فقفلوه وبعدها وقفوا قدام مكتبه ..
طالع فيهم وهو ضابط اعصابه بالعافيه ..
لأنه فعلا معصب منهم ولا قادر يستوعب اللي صلحوه ..
طيلة السنوات اللي راحت محد تجرأ يدخل لمكان خاص زي كذا ..
حرك نضره بينهم وقال: صحيح الشيء اللي شفته ولا كنت اتحلم ..؟! معقوله يكون صح ..؟! لا مستحيل .. لو اني ما شفتكم بعيني جان جذبت نفسي لاني فعلا مو مصدق .. لكل شيء حدوده .. وللجرأه حدودها كمان .. شلون تتجرأوا تدخلوا مجان زي جذي ..؟! ياوبوني ..
ما رد عليه لا سامي ولا يزيد ..
هم في موقف جدا صعب ولا عارفين شلون يطلعون نفسهم منه ..
د.تركي: ساكتين ها ..؟! عالأقل كويس انك عارفين خطأكم ومنحرجين .. الاخ يزيد كان في غرفة امين المخزن واكيد يلهيه والاخ سامي داخل يلعب بالاوراق .. لا خوش اصحاب يتعاونون عالخير .. الله يكثر من امثالك انت وياه ..
طالع فيهم شوي بعدين شبك اصابع إيده في بعض وقال: واللحين ممكن اعرف ليش صلحتم جذي ..؟! وبليييز ما ابغى اسمع عذر اقبح من ذنب ..
طالع سامي ويزيد فيه ولا واحد فيهم فتح فمه واعترف ..
لأنه فعلا عذرهم اسوأ من ذنبهم ..
اسوأ بكثير ..
طالع فيهم ينتظر جوابهم وفعلا زي ما توقع ما راح يعترفون ..
مد إيده وقال: سامي هات الاوراق والمفاتيح اللي بإيدك ..
تردد سامي فتره فصرخ الدكتور تركي بعصبيه: قلــــت هاتهــــا ..
مد سامي إيده واعطى كل الاوراق والمفاتيح للدكتور ..
حط الدكتور الاوراق عالطاوله وطالع في المفاتيح بتفحص ..
د.تركي: من فين لكم هالمفاتيح ..؟!
ما ردوا عليه فقال بحده: انا سألتكم فياوبوني ..
يزيد: نسخناهم ..
د.تركي: ليش ..؟! ابي اعرف ليش دخلتوا المخزن وايش هو السبب ..؟!
وبرضوا ما ردوا على سؤاله ..
حط الدكتور المفاتيح على جنب واخذ اول ورقه من الاوراق وبدأ يقراها ..
د.تركي: منو عادل هذا ..؟!
يزيد: رفيجنا ..
د.تركي: وايش كنتم تبغوا تسوا بأوراقه ..؟!
طالع فيهم ينتظر اجابتهم بس محد منهم جاوب ..
د.تركي: بصراحه ما ادري هذه المره جم اللي تسكتون وما تردون ..
ضرب بإيده عالمكتب وقال بعصبيه: ابي افهم كل شيء .. اشرحولي السبب اللي خلاكم تتجرئوا وتصلحوا اللي صلحتوه ..
ترددوا سامي يزيد كثير .. اصلا خلاص هم طاحوا ومافي أي سبيل للخروج إلا الاعتراف ..
بس صعب .. جدا صعب .. صعب يقولوا كل هذا عشان رفيجتنا اللي مسويه روحها ولد ودرست بدل اخوها ..
راح تتأذى دانا كثير وهم ما يبغوا هذا يصير ..
بس برضوا ما عندهم خيار غير الاعتراف ..
طالع فيهم الدكتور تركي وهو ساكت ينتظرهم يفتحون حلقهم ويتكلمون ..
سامي بهودء: صلحنا جذي عشان لا تنكشف حقيقة رفيجنا عادل ..
د.تركي: واخيرا تحجيتم .. شنو تقصد بحجيك لانه مو مفهوم ..؟!
سكت سامي لفتره بعدها قال: اللي يدرس هني بالجامعه ماهو عادل عبد العزيز .. هذا شخص ثاني ..
عقد الدكتور حواجبه يرتب الكلام في مخه بعدها قال: يعني انت تقصد انه فيه طالب هني اسمه عادل بس ما يدرس وواحد ثاني يدرس بدل عنه باوراق عادل ..؟!!!!
هز سامي راسه بإيه ..
انصدم الدكتور وقال بعصبيه: شلوووووون شيء زي جذي حصل هني ومحد عارف ..؟!! هالشاب اللي صلح جذي قاعد يستغفلنا ولا شنو بالضبط ها ..؟!
سامي: اهدأ يا دكتور خلنا نشرح لك السالفه ..
د.تركي: شنو تشرحون ..؟!!! اللي يصير جريمه مهما كانت اسبابها .. وين هالشخص ..؟! ييبوه لي هني بسرعه .. حتى اللي اسمه عادل لازم يي .. اللي صار لازم يتعاقبوا عليه ..
سامي: طيب دكتور الله يهداك خلني اتكلم ..
اخذ الدكتور نفس يهدئ انفعاله بعدها قال: تفضل وتحجى ..
سامي: اللي درس بدل عادل هو اخوه التؤام واسمه نفيع ..
يزيد في نفسه: "من فين مطلع هالاسم" ..
سامي: عادل صار له حادث واللحين هو مشلول ما يتحرك فراح نفيع ودرس بدل عادل من دون لا يعلم عادل ..
تكتف الدكتور وقال: وايش السبب اللي خلاه يصلح جذي ..؟!
سامي: لانه عنده امل ان اخوه يشفى ولما يرجع يلقى الشهاده جاهزه فيبدأ يشتغل شغله محترمه عشان يصرف عليهم لانهم فقارا وايد وما عندهم فلوس الا قليييل ..
يزيد: نفيع هذا ما دخل الجامعه اصلا لانه لو دخل جان هو بنفسه كمل دراسته واشتغل عشان يصرف عالبيت فلما شاف ان اخوه انشل فكر بانه ممكن حالة اخوه تطول وهو جذي ولما يشفى بعد جم سنه يكون باجي له سنتين يدرسها عشان بعدين يشتغل .. فعشان جذي درس نفيع بدل عادل عشان يقصر الوقت قد ما يقدر وعشان اذا اخوه ما شفى فيشتغل هو بنفسه تحت اسم اخوه في أي مجان ويصرف على عائلتهم ..
سامي: والله يا دكتور انهم حيييل مساجين ومحتايين للفلس الواحد ..
هز الدكتور راسه بلا وقال: مهما كانت الاسباب فاللي صلحوه اسمه جريمه ولازم ابلغ الاداره تتخذ اجراء لهالامر .. ايه صح اللحين شدخل هالسالفه في دخولكم للمخزن ..
سكتوا شوي بعدها قال يزيد: لانه واحد من كلاس نفيع عرف ان نفيع ماهو عادل فبلغ المدير وعشان جذي طلبنا من نفيع انه يروح ويدافع عن نفسه بس نفيع ما قدر لان شخصيته واييييد ضعيفه ومن اول صراخ راح يعترف ويدمر مستقبل اخوه واهله ..
سامي: فياء في بالنا اننا نييب واحد شخصيته قويه ويروح عند المدير على اساس انه عادل وينكر اتهام ذاك الريال له ويقول للمدير اني انا عادل مب واحد ثاني ..
سكتوا لفتره بعدها قال يزيد بهدوء: دخلنا للمخزن وزورنا اوراق عادل وحطينا بدل صورته صورة الولد اللي بيمثل انه عادل .. واليوم كنا راح نرجع كل شيء لحاله ..
رفع الدكتور تركي حواجبه وقال: يعني ذي مب المره الأولى اللي تدخلوا فيها المخزن ها ..؟؟!!
يزيد+سامي: ................................
د:تركي: لا ما شاء الله عليكم اوفياء لرفيجكم اللي اسمه نفيع ..
طالع فيهم وقال: عالعموم كلكم الثلاثه انت ورفيجك ونفيع ذا راح تتفاهموا وتحلوا مشكلتكم مع المدير ..
سامي: دكتور واللي يعافيك لا تبلغ .. عائلة د.. نفيع محتايين للفلوس .. راح تدمر مستقبلهم .. حط نفسك بمجانهم .. والله حالتهم صعبه ..
د.تركي: في الشغل فيه شيء اسمه العقل قبل العاطفه فاهمين .. اذا الواحد تجاوز القوانين راح يتعاقب مهما كانت اسبابه ..
يزيد في نفسه: "مشكله .. راح ينعرف ان دانا بنت اذا قابلت المدير .. لا لا راح تصير عواقب اسوأ" ..
د.تركي: روحوا نادوا رفيجكم نفيع ..
طالعوا في بعض وترددوا ومع هذا ما تحركوا من مجانهم ..
د.تركي: اتوقع سمعتم شنو قلت ..؟! لا تكون خايفين عليه وايد .. خافوا على نفسكم اكثر لان اللي سويتوه ابدا مو سهل .. سرقة المفاتيح ودخول المخزن بدون اذا وتزوير ولعب بالملفات .. عبالكم ان هذا شيء سهل ..؟! لا يا بابا اقل عقاب راح تاخذوه هو الفصل .. عارفين شنو يعني الفصل ..؟!
سكتوا شوي بعدين قال سامي: دكتور بس هالمره عشاننا طوفها ونوعدك انك ما راح تسمع أي خبر عنا ابدا .. صدقني راح نعقل ونهجد ونصير مؤدبين ولا راح نعمل مشاكل .. لا تخلي نفيع يتورط بالسالفه .. والله حالته الاجتماعي والماديه مرررره صعبه .. راح يتضرر هو واهله وامه الكبيره بالسن .. فكر فيهم شوي ..
طالع الدكتور فيه بهدوء وهو مصدق كل كلمه قالها سامي بس القانون راح يظل قانون وبصفته دكتور بهالجامعه المفروض ما يسكت ..
لم الاوراق اللي قدامه وهو يقول: النقاش مغلق فلا تجادلوني ولـ...
قطع كلامه فجأه لما طاحت عينه على صورة إياد اللي كانت بين الاوراق ..
اخذها وطالع فيها بقرب .. يشبه اسيل .. وفي نفس الوقت تذكر بنته ميّ اللي ماتت وهي طفله ..
حس نفسه وكأنه يطالع في ملامح بنته مو ملامح إياد ..
رفع راسه وطالع فيهم وقال: منو هالشاب ..؟!
سامي: هذا اللي مثل دور انه عادل ..
رجع الدكتور تركي نضره لصورة إياد وطالع فيه ..
كل ما شاف شخص يشبه بنته يحس بالحنين لها .. قبل كان معتبر اسيل مثل بنته لانها فعلا تشبه بنته ..
بس اسيل ذي اختفت واختفى عن نضره طيف بنته اللي كان يشوفها كل يوم ..
د.تركي بهدوء: هذا اخو اسيل صح ..؟!
انصدموا يزيد وسامي من كلامه .. ما يدرون كيف عرف ..؟!
يزيد في نفسه: "يمكن لانه يدرس اسيل فلاحظ الشبه .. بس مهما كان مستحيل يكون متذكر ملامحها زين من بين كل الطلاب لانها مو من النوع المشكلجي عشان يصيدها دايم في المشاكل ويحفظ شكلها" ..
سامي في نفسه: "طريجة نظره لصورة إياد غريبه .. اللي يشوفه يقول انه يطالع في صورة ابنه ويتذكر اللحضات السعيده اللي بينهم ...... هههه اعجبني تعبيري هذا" ..
هز راسه وكأنه يقول هذا مو وقتك ..
طالع الدكتور فيهم وقال: إنا سألت سؤال ..
سامي: ها .. اممم مدري اذا كان اخوها ولا لا لأني ما اعرف اسيل ..
رجع تركي نظره للصوره وقال في نفسه: "يمكن مو اخوها لان اسيل لقيطه .. بس عيونهم خاصتا مثل بعض .. يمكن يكون هو من عائلتها اللي قطوها" ..
ظل حوول نص ساعه ساكت ويفكر ..
بعدها حط الاوراق عالمكتب وطالع في يزيد وسامي ..
د.تركي: اللي ساويتوه ما راح اسكت عنه ابدا .... بس راح أأجل السالفه شوي .. باجر ابي اقابل هالولد اللي مثل انه عادل .. فاهمين ..؟!
ارتاحوا نسبيا لانه اجل السالفه شوي وعندهم امل انه يتغاضى عنها ..
سامي: اوكي باجر راح نييبه من اذنه ..
يزيد: مششكور يا دكتور .. وان شاء الله انك تنسى اللي صار ..
د.تركي ببرود: تحلمون ..
كلمته ذي قفلت كل ابواب الامل في وجههم ..
د.تركي: واللحين اطلعوا برى ولا ابي أي حس يطلع من شلتكم ..
سامي: طيب ..
وبعدها طلعوا برى المكتب ورجع الدكتور تركي يتأمل في الصوره وهو يتذكر بنته الصغيره ..
ضحكتها .. برائتها .. ابتسامتها .. وحتى بكائها ..
كل هذا محفور في عقله ومستحيل ينساها ..
:::::::::::::::::::::::::::::::::::::::::::::::::: ::::::

16 - 3 - 2014, 04:53 PM

ريان: اتمنى انه مع الوقت يقل اصراره ويراعي شعور دانا ..
يزيد: بس كلمة تحلمون ذي احبطتني كثيير ..
صالح: ياللا ان شاء الله باجر إياد يقدر يغير مزاج الدكتور تركي ..
ريان: طيب شمعنى يبغي إياد لوحده .. لو انا بمجانه جان طلبت إياد ونفيع حقكم ذا ..؟! وش هالاسم الغريب .؟!
يزيد: إسأل سامي ..
سامي: مع التوتر كنت ابي اطلع اسم قريب من عادل فطلع معاي ذا .. وكمان اكيد طلب إياد لوحده لاني طلبت منه انه لا يدخل عادل بالسالفه وجذي يعني ..
طالع عماد فيهم وقال: حياتكم تحت إيد الدكتور تركي ..
تنهد سامي وقال: ان شاء الله ما يصير شيء ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

الساعه 1 ونص الظهر وبجامعة اسيل ..
خرجت الدكتوره من الكلاس بعد ما خلصت محاضرتها ومن بعدها خرجوا الطلاب وهمهم الوحيد هو البيت وبس ..
وقفت اسيل وبدأت ترتب شنطتها والكتب ..
ابتسمت صبى وقالت: ها اسيل فكرتي ..؟!
اسيل بهدوء: ما ابغى .. شوفي وحده غيري تروح ..
صبى بإحباط: ليييش يا اسيل ..؟! انا ابغى اروح معاج ..
تنهدت اسيل بعدها ابتسمت لها وقالت: حتى انا يا حبيبتي بس لهذاك البيت مستحيل ..
صبى: لا مو بيت .. بنروح القصر الفخم ..
اسيل ببرود: بيت او قصر .. كلها في نظري مجرد قذاره ..
لفوا الشباب الثلاثه وطالعوا فيها بـ ؟
صبى: طيب بس لفه صغيره ونرجع ..
اسيل: اعذريني ..
صبى: طيب نص لفه ..
شالت اسيل شنطتها بعد مالمت كتبها وقالت: اسفه حبيبتي انا ما ابغى ..
صبى بحزن: خساره ..
عواد بإبتسامه: وليش رافضه هالرفض كله ..؟!
عايد: واضح ان السالفه فيها إنّ ..
عيد: اعترفي اعترفي ..
لفت اسيل وطالعت فيهم وقالت: ماكو شيء .. بس انا جذي ما ابي ..
عواد: العبيها على غيري يا حبيبتي .. انا ما ينلعب علي ..
عايد: شنو تقصدين لما قلتي ان ذاك القصر في نظرج هو قذر ..؟!
عيد: السؤال الاصح شنو علاقتج بصاحب المطعم ..؟!
لفت وجهها للجهه الثانيه وقالت: مافي اي علاقه بيننا ..
عواد: يا بنت جم مره اقولج لا تلعبي علي ..
عايد: اذا كنتي صاجه فليش ترفضين انج تروحين ..؟! رفضج كان قوي ..
عيد: وكأن ورى رفضج سبب ..
اسيل: جم مره اقولكم ماكو سبب .. بس انا حييل تعبانه وابي اروح البيت بسرعه وبس ..
عواد: انا متأكد مليوون بالميه انه فيه سبب .. بس انتي تقولي انه مافي .. عيل اكّدي لنا انه مافي ..
عايد: بمعنى امشي معنا لعند قصر صاحب المطعم عشان نتأكد انه صج ماكو بينكم علاقه ..
طالعت اسيل فيهم لفتره بعدها قالت: انا مب مجبوره انفذ كلامكم .. اذا ما تبون تصدقوني فهذا الشيء راجع لكم ..
عيد: عيل ما راح تيين ويانا ..؟!
عواد: فذي الحاله راح نروح احنا وصبى لهناك .. وراح نقابل رئيس المطعم ..
عايد: وراح نسأله ان كنت تعرف وحده لقيطه عمرها تسع تعش اسمها اسيل وهي نفسها اللي بجت جدامك قبل فتره ..
عيد: المهم هذا اللي احنا راح نسويه بس عشان نتأكد انه فعلا ماكو علاقه ونرتاح ..
طالعت اسيل فيهم وفي ابتسامتهم الواثقه لفتره طويله ..
بعدها قالت: صلحوا اللي تبغوه .. انا ما يهمني ..
لفت وطلعت ..
عايد بقهر: اووووف ما وافقت ..
عواد: عمى .. شلون راح نتأكد انه فيه علاقه .. مستحيل نقدر نقابل صاحب المطعم ويه لويه ..
عيد: خلاص شباب يمكن فعلا ما يكون فيه علاقه .. صبى ما عليج من هاللقيطه .. احنا بنروح معاج ..
شالت صبى شنطتها وقالت: انا ما بروح مع اغبياء .. بروح بس مع اسيل ..
وطلعت برى الكلاس وسط دهشة شلتها القديمه ..
عواد: سمعتم اللي سمعته ..؟!
عيد: انا سمعت ..
عايد: حتى انا سمعت .. رفيجتنا تخلت عنا ..
عواد: باعتنا بالكامل ..
عيد: نسيت الايام الحلوه والمره اللي كنا نعيشها ..
عايد: مسحتنا من قائمتها ..
عواد: وكله عششان ....
عيد: اسيل ..
ظلوا واقفين هالاغبياء الثلاثه مصدووومين من اللي صار ..
شوي لف عواد عليهم وقال: لا احنا ما راح نسكت .. لازم ندافع عن تماسك وترابط شلتنا الاربعه ..
عايد بحماس: فعلا .. لازم نستعيد صبى لشلتنا ..
عيد بنفس حماسهم: ونُبعد اسيل تماما ..
ضربوا ايدهم ببعض بحماس وانطلقوا عشان يلموا شمل شلتهم الموقره ..

في الخارج كانت اسيل متجهه لبوابة الجامعه ..
جت من وراها صبى وقالت: هيه هيه اسيل ..
لفت اسيل عليها وقالت: اهلييين صبى ..
مشيت صبى معاها وقالت: اسيل ما راح تغيرين راييج ..؟!
اسيل: اعذريني صدقيني ما اقدر ..
صبى: طيب بس عشاني ..
اسيل بهدوء: اسفه ..
طالعت صبى فيها بإحباط وقالت بهمس: كنت اتمنى اني اروح لقصره واشوفه .. والله ودي اشوفه ..
طالعت اسيل فيها فتره بعدها قالت: طيب روحي مع الاغبياء الثلاثه اصحابج ..
صبى: مابي .. اذا رحت ما راح يخلوني اسوي اللي ابغاه .. راح يمشوا بكيفهم ويقولوا لي تعالي ورانا .. ابغى ألف براحتي بدون لا احد يمنعني ..
طالعت في اسيل وكملت: كان نفسي اروح وياج لانج وايد طيبه .. ياليت كل الناس لقطاء وطيبين مثلج ..
ابتسمت اسيل بهدوء وفي نفس الوقت حزنت على حال صبى وبدون إدراك قالت لصبى: حاضر حبيبتي .. باجر راح اروح معاج .. شرايج ..؟!
فتحت صبى عيونها بدهشه وقالت: صـــج ..؟!!!
اسيل: ايه صج ..
حضنتها صبى وقالت: واااااي انتي واااايد طيييبه ..
طالعوا الشله الثلاثه فيها وهي تحضن اسيل وفرحانه ..
عواد: الامر تضاعف وصار اسوء ..
عايد: شكل مهمتنا مستحيله ..
عيد: واضح انها خلاص حبت هالبنت وتركتنا للابد ..
عواد بصدمه: للابد ..!!! لا يمكن اننا نرضى بهذا ابدا ..
عايد: فعلا .. فعلا ..
صبى: باااااااااااي اسسوله ..
اسيل: بااي حبيبتي ..
وكل وحده فيهم راحت في طريق ..
اسيل اتجهت لشقتها مشي لان الطريق قريب ..
طلعت جوالها وبدأت تدقدق فيه .. فشافت اشعار رساله فتذكرت انها سمعت صوت المسج وهي في وسط المحاضره ..
فتحته وطلعت من المجهول ..
وقبل لا تقرأ الرساله تذكرت شيء .. امس .. امس جتها رساله منه في الفجر ..
لحضه هي متأكده انها ارسلت له .. طيب وش ارسلت بالضبط ..
وليشش ردت عليه اصلا ..؟!!
قفلت الرساله وفتحت قسم الرسائل المرسله ..
لما فتحت الرساله اللي ارسلتا انصدمت !!!
ليش .. كيف .. شلون ارسلت هالرساله شلون ..؟!!!
حست بإحراج شديييد .. شخص ما تعرفه ارسلت له رساله تبين فيها انها ضعيفه ..
لا لحضه هو يعرفها لانه قال اسيل ..
اذا مين يكون ..؟!
مستحيل صاحباتها ومستحيل يكون ريما او فارس لانها تعرف اسلوبهم في الكتابه ..
اذا مين ..؟!
وائل عندها رقمه .. فيصل عندها رقمه .. عمها عندها رقمه ..
مين بقي ..؟!
دخلت عمارتها وهي لساتها مصدومه من نفسها انها ارسلت رساله زي كذا لواحد يعرفها ومو قادره تعرف مين هو ..
طلعت المصعد واتجهت للدور السادس وخرجت واتجهت لشقتها وهي ما تزال عيونها على شاشة جوالها ..
وفي الشقه اللي جنب شقتها طلع شاب منها ولما لف صقعت اسيل فيه فطاحت مفاتيحه وكتبه بالارض ..
رفعت راسها وهي تقول بسرعه: معليش ما كنت اقصد ..
انحنى هالشاب واخذ مفتاحه ولم كتبه وطالع فيها بهدوء وهو يقول: عادي ما صار شيء ..
فغرت اسيل شوي في وسامته بعدها حست على نفسها وقالت: فعلا انا اسفه ..
بعدها اتجهت لشقتها ودخلت وهو يراقبها بعيونه ..
ظل حول دقيقتين واقف في مكانه ويطالع في شقتها بعدها نزل من الدرج وراح لسيارته ..
هالمره تأخر ربع ساعه عن المعهد اللي يدرس فيها ..
قفل باب السياره وقال: لازم اشتري لي ساعة منبه يديده ..
شغل السياره ورفع نظره يطالع في الدور السادس شوي بعدها راح لمعهده ..

** باسل الـ****** .. عمره 22 سنه ويدرس قانون في معهد قريب من العماره اللي يسكنها .. هادي تقريبا وكلامه شوي قليل .. وفيه اشياء ثانيه حنعرفها بعدين عن هالشخصيه اللي راح تلعب دور كبير في تغير الاحداث **

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

هذا اليوم الرابع تقريبا وهي جالسه لوحدها بين اربع جدران وعلى احححر من اعصابها ..
شلون هذا يصير شلووووون ..؟!
هي عارفه ومتأكده انه يموووت فيها اذا ليش تغير كذا وتزوج عليها ..؟!
معقوله معاملتها الجافه خلته يسوي كذا ..؟!!
بس هي ما تحبه فكييف يبغاها تعامله عدل ..
لحضه لا يكون السبب لانها مو بنت ..
ابتسمت بإستهزاء وقالت: يعني فعلا سويتها وتزوجت يا ويه العنز .. اصلا مسوي انك تقهرني .. مع نفسك انت وياها .. يبغالكم بس حضيرة غنم يالغنم .. بجد اغبياء ..
حطت رجل على رجل وقالت: ما راح اضايق نفسي كلش .. هو الخسران لانه طالع في وحده ابدا ماهيب من مستواي .. انا جمال وجسم وعقل وهي ماكو فيها ولا شيء يجذب ..
طالعت حواليها بسرحان بعدها قالت بهدوء: بس مهما كان انا ريــمــا الــرمــلــي .. شلون بتكون سمعتي اذا احد عرف ان زوجي المصون تزوج علي .. مستحيل ارضى بهالوضع .. انا لازم اتطلق وارتاح واريح كمان ..
فجاء في بالها كلمات منصور عن اخوها فارس ..
قالها اذا تبغين تتطلقين فقولي لاخوك ..
بس كيف راح تقدر تواجه فارس وهو يستحقرها وكارهها تماما ..
ضغطت اصابعها في بعض وهي تقول: والله آسفه يا اخوي .. مدري ليش زعلك اثر فيني وايد .. والله اثر فيني وايد ..
طالعت في ايدها فتره بعدها قالت: بس الوضع اللي انا فيه مو راضيه عنه .. ابدا مو راضيه فيه ..
انفتح باب البيت ودخل منصور وهو شايل الشنطه الكبيره ويقول: هههههههه فعلا ..
دخلت من بعده زوجته نوف وقفلت الباب وراها ..
رفعت ريما حواجبها وقالت: عصافير الحب رجعوا اخيرا .. آآآعع اي عصافير .. انتم في جهه والعصافير بجهه .. المفروض اقول دياي الحب رجعوا ..
طالع منصور فيها بعدها قالت بإبتسامه: كيفج ريما ..؟! ان شاء الله تمام ..
طالعت فيه نوف وهي رافعه حاجبها وتقول في نفسها: "خييير يسألها عن حالها وانا لساتني في بداية شهر العسل يستهبل ولا يبي يغيضني" ..
ريما: كيف حالي ..؟!!! لا والله فيك الخيير تعرف تسأل وتستفسر عني .. كثر الله خيرك ..
منصور: معليش ما اتصلت عليج الفتره اللي راحت .....
قاطعته ريما: لا لا لاتعتذر ولا شيء .. من حقك تنبسط مع العنز اللي وراك ..
طالعت في نوف: ها عساج انبسطتي في الجم لفه اللي لفها لج منصر في قطر هههههه اللهم لا شماته ..
ابتسمت نوف وقالت: لا يا قلبي .. احنا اخذنا جم لفه في المكسيك .. مب في قطر ..
ابتسمت ريما وهي تطالع في منصور وقالت: لا خووش والله .. مو انت قايل ان شهر عسلها بيكون قصير عشان دراستك .. اشوفك سافرت لامريكا ..
نوف: هو قال قصير بس ما قال ان بيلف فيني هني بقطر ..
ريما: اللحين انتي شدخلج .. انا احاجي منصوروه مو انتي ..
فتحت نوف فمها بتتكلم بس قاطعها منصور يقول: خلاص كان سوء فهم وما يحتاج الى هالتجادل ..
طالع منصور في ريما وقال: اسمي منصور ..
ريما: اها .. شكرا عالتوضيح ..
شال منصور الشنطه وطلع فوق لغرفته هو ونوف ..
طالعت نوف في ريما وقالت: بصراحه مدري ليش انتي جذي عدوانيه .. فعلا ما ألوم منصور يوم فكر يتزوج عليج ..
ريما: بس بس سكتي واللي يعافيج .. صوتج ييب لي المغص ..
وبعدها طلعت ريما لغرفتها ونوف واقفه مكانها ..
نوف بتأفف: قالوا عنها انها مليقه بس مو لهدرجه ..
طلعت فوق ودخلت الغرفه وشافت منصور بإيده منشفه ومتجه للحمام ..
نوف: اجهز لك ملابس يا حبيبي ولا جهزت لنفسك ..؟!
منصور بإبتسامه: تسلمين .. لا لا حألبس البجامه اللي معلقه ورى الباب ..
ابتسمت له نوف وبعدها دخل ياخذ له دش ..
جلست عالسرير بقهر وقالت: ليش دراسته جذي .. كله بسبب ريموه خلته يغيب فتره طويله عن الجامعه لحد ما ياه انذار الحرمان ..
نزلت لتحت تنادي وحده من الخدامات تساعدها في ترتيب شنطتها بالدواليب ..

اما ريما فكانت جالسه في غرفتها وحاضنه مخدتها بقوووه ..
اذا يبي يتزوج هو حر .. بس لازم يطلقها بالاول .. شلون بيكون برستيجها قدام الناس ..
ماهي راضيه ومستحيل ترضى ..
لازم تحط حد لهذا الامر .. لازم ..
قامت من فوق السرير وراحت لغرفة منصور ونوف ..
فتحت الباب فشافته توه طالع من الحمام ولاف المنشفه على خصره ..
اول ما شافته بهالمنظر صرخت وهي تقول: يا غبــــــي ليـــــش ..
ولفت وجهها على طول وهو مستغرب منها ..
اتجه للباب واخذ بجامته ولبسها وهو يقول: ما تعلمتي شلون تدقي الباب قبل لا تدخلين على احد ..؟!
ريما وهي مغمضه عيونها: ابي اتحجى معاك بسسرعه ..
جلس منصور عالسرير وقال: طيب تحجي ..
لفت ريما عليه بعدها قالت: طلقني ..
منصور: على طول بدون مقدمات ..!!
ريما: انا ما عندي لف ودوران .. طلقني اليوم قبل باجر ..

طلعت نوف الدرج ووراها وحده من الشغالات ..
استغربت ان باب غرفتها مفتوح مع انها قفلته لما نزلت ..
لما قربت سمعت صوت ريما ومنصور ..
هزت راسها باسف وقالت: التصنت عيب ..
وبعدها قربت عشان تسمع ايش يدور بينهم ..
مهما كان ففضول وغيرة المرأه ما تعترف بالعيب ..
طالع منصور في ريما فتره بعدها قال بهدوء: ريما .. خلينا نتكلم بجد شوي ..
تكتفت ريما وقالت: قول واخلص ..
تنهد منصور بعدها قال بهدوء: بصراحه انتـ ........
وبعدها سكت وهو يتأملها ..
ريما: شفيك سكت يا حضي ..؟!
لف وجهه وقال بصوته العادي: طلاق ماني مطلق الا اذا طلب مني اخوج فارس .. قولي له ابي اتطلق ..
ريما بعصبيه: انت شنو بالضبط ..؟! انت عارف ان علاقتي باخوي مو كويسه فليش تطلب هالطلب .. طلقني ياخي .. اتفاقنا كان عن شهر والشهر خلص من زمااان .. طلقني ما ابيك ولا طايقه اعيش في هالحضيره ذي ..
منصور: معليش اخوج قالي لا تطلقها فاعذريني ..
طالع فيها شوي بعدها كمل: ريما اتمنى انج .........
وللمره الثانيه تردد وسكت ..
طالعت ريما فيه وهي حاسه بقهر في قلبها ..
خلاااص حددددها مخنووقه وتبي تفتك من هالعيشه وترجع مثل اول ..
خرجت واتجهت لغرفتها بسرعه لدرجة انها ما انتبهت لنوف ..
دخلت نوف للغرفه وقالت: ايش بغيت تقولها وبعدين بطلت ..؟!
منصور بهدوء: بغيت اقولها انـ....
شوي استوعب وطالع في نوف وهو رافع حاجبه ..
انحرجت وقالت: شسمه اصلا انا سمعتكم بالغلط و .. امممم يا ميري تعالي رتبي الجنطه وياي ..
دخلت ميري وبدأت ترتب الشنطه مع نوف في الجهه الخاصه بدواليب الملابس ..
انسدح منصور عالسرير عشان ينام ويرتاح ..
بس للاسف مالقى طريق للراحه بسبب التفكير اللي بيفجر مخه ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

المغرب وفي شقة طارق وانس ..
دخل طارق للشقه وقفل الباب بعده ورمى نفسه على اقرب كنبه ..
حددده تعبااان وهلكاان ..
طالع انس فيه وقال: ها حصلتم شيء ..؟!
هز طارق راسه بلا بعدها ابتسم وهو يقول: قربنا نخلص شوارع الدوحه ومع هذا ما حصلنا المجان اللي تشتغل فيه شهد ..
انس بنص عين: الدوحه كبيره يا طارق ..
طارق: ههههههه خلاص ما قربنا نخلصها .. قربنا بس من النص ..
بعدها تنهد وكمل: ياخي مافيني انكت ..
انس: ههههههههههههه اهمم شيء .. طيب ليه ما تسأل اثير بنفسك .. يمكن تعرف اكثر من شادي ووسيم ..
طارق: البنت لحد الان تنحرج مني .. سألتها اول فقالت ما اتذكر وشادي يقول ان المجان اللي تشتغل فيه شهد قصر وصاحبه غني ..
انس: طيب ما سألتهم شنو اسم صاحب القصر ..؟!
طارق: الدب المتغطرس ..
انس: ههههههه ياخي انا جاد ..
طارق: هههه مدري من يوم عرفتهم وهم يتكلموا عنه بهاللقب .. ما اتوقع ان عنده اسم ..
انس: هههههه بس تصدق .. الاسم حدده عجيييب .. مدري من فين يطلعون هالالقاب ..
طارق: خيالهم واسع ..
بعد جملة طارق هذي هدأ الجو بينهم شوي بعدها قال انس: طارق .. راح تحضر حفلة شفاء عهد ولا لا ..
طارق: ما كنت راح اروح بس بسام قالي تعال لان الحفله بالفندق اللي هو مستأجر فيه .. يقول بعرفك على ولد جيراننا واتحداك تضبط اعصابك جدامه ..
انس: شيقصد ..؟!
هز طارق كتفه بـ مآ ادري ..
وبعدها دق جواله فطلعه من جيبه ولما شاف ان اخته المتصله تنهد ورد وهو يقول: نعم يا كتلة الازعاج .. شنو تبين ..؟!
سهام: مافي السلام عليكم ..؟!
طارق: لا مافي ..
سهام: انت حر ما تبي حسنات .. المهم متى تيي .. ومتى توديني عند صديقتي الصدوقه .. ومتى ان شاء تفضي عمرك عشاني .. ومتى حاسافر معك ..؟!
طارق: فعلا كتلة ازعاج .. اسئلتج كلها لها معنى واحد فياليت لو انج اختصرتي ..
سهام: لا تضيع الموضوع وياوب ..
طارق: قلت لج لما افضى وانا لحد الان ما فضيت ..
سهام: ومتى راح تفضى يا بعدي ..؟!
طارق: مدري .. بعدين ..
سهام: مدري ليش بس احسك تضحك على عقلي وتسكتني بجم كلمه ..
طارق: ههههههههههههههههه سهام بجد صدقيني مستحيل افضى .. انا صاير يوميا الف الشوارع مع اخوها عشان القى المجان اللي تشتغل فيه .. انتظري لما القاها وبعدين اوديج عند رفيجتج .. مين اهم رفيجتج ولا اولاد عمج عمر ..؟!
سهام: طبعا اولاد عمي بس انا حيييييل متحمسسه احكي لصديقتي عنهم .. طروقي بليييز انا بصراحه متضايقه وحاسه ان رفيجتي بمشكله مع اللي ما يتسمى .. ولحد الان موبايلها مغلق وما ترد ..
تنهد طارق وقال: ان شاء الله احاول افضي نفسي ..
سهام بعصبيه: طــــــــــــــــــــآآرق انت كل مره تقول هالجمله وتسحب علي .. ابيك توعدني .. فاهم شنو يعني توعدني ..؟! لا لا ابيك تحدد لي موعد عشان احس ان انتظاري وراه فايده ..
ابتسم طارق وقال: صج انج نشبه وابتليت فيها .. خلاص بعد باجر راح ايي اخذج ..
سهام بعدم تصديق: صج يا طارق ..؟!!
طارق: ايوه صج ..
سهام بحماس: يسسس وناااسسه .. ياللا بااي وانتظرك بعد باجر ..
وبعدها قفلت الجوال في وجهه ..
طالع طارق في جواله وقال: قفلت في ويهي ..!! حتى كلمة شكرا ما قالتها ..!
انس: ههههههههههههههه ما ودي اتشمتت ..
طارق: لا يا شيخ ..
دق باب الشقه في هاللحضه بهدووووء ..
طالع انس في الباب وقال: مين المؤدب اللي يدق جذي .. شكله ما يبي يزعجنا ..
قام طارق وقال: ان شاء الله ما يكون احد من طرف صاحب العماره لاني مو رايق لهم ..
لف على انس وقال: جم باجي يوم على نهاية الشهر ..؟!
انس: اقل من اسبوع .. وشكلنا فعلا حننطرد من هني ..
طارق بقهر: سالم الاهبل ..
فتح باب الشقه فشاف قدامه وسيم يطالع فيه وعيونه مليانه دمووع ..
جلس طارق قدامه وقال: شفيك حبيبي تبجي ..؟!
شهق وسيم وقال: بأقولك بس لا تعلم اثير ..
استغرب طارق وقال: اوكي حبيبي ما راح اعلمها ..
شد وسيم ايده على بطنه وقال: بطني مررره يوجعني وابغى اروح المستشفى بس اثير تقول مو لازم تروح وتقول خذ فيفادول وتصير بخير ..
نزلت دموع وسيم وقال بصوت مرتجف وبطفوله: اخذت كثيير بس بطني ما صار بخيير .. مرره يوجعني يا طارق ..
حط طارق ايده على راس وسيم وقال: يا عمري ليش ما ييتني من اول وحتى لو اختك رفضت .. انا جم مره اقولكم اذا محتايين شيء لا تترددوا .. ياللا يا بطل روح البس جزمتك وانزل السياره عشان اوديك للمستشفى ..
وسيم: حااضر ..
وراح للبيت بسرعه عشان يصلح اللي قاله طارق ..
دخل طارق الشقه واخذ المفاتيح وقال: حاودي وسيم للمستشفى يشتكي من بطنه ..
انس: دلع اطفال .. لو ياخذ مسكن يصير بخير ..
هز طارق راسه بأسف وطلع برى ..
كمل انس تقليب في قنوات التلفزيون وطرى على باله الدكتور راكان ..
اخر مره زاره قبل امس وكانت حالته على نفس ماهي ولا فيه اي تحسنات ..
حاول يتناسى الامر واشغل نفسه بمتابعة فيلم وثائقي ..

دخل طارق المستشفى مع وسيم وراحوا لطبيب الاطفال عشان يكشف عليه ..
ووسيم طول الوقت وهو يتألم من بطنه وطارق يحاول يهديه بس مافي فايده ..
عمل له الطبيب فحوصات عاديه بعدها قال: لازم نعمل اشعه مقطعيه عشان نتأكد اكثر ..
طارق: ليش شنو فيه ..؟!
ما رد عليه الطبيب وخرج مع وسيم لبرى ..
جلس طارق في مكانه ينتظرهم يجون ..
كلها كم دقيقه بعدها دخل الطبيب مع وسيم وجلس في مكانه ..
طارق: شو صار ..؟!
الطبيب: الله يهديه الولد اكيد اكَل اكِل مكشوف وعشان جذي ياله تسمم بسيط بالمعده .. راح يقعد عندنا فتره قصير ما تتجاوز العشرين ساعه عشان نعمل له تنضيف ..
طالع طارق في وسيم وقال: انت شنو اكلت ..؟!
نزل وسيم راسه وقال بصوت منخفض: زي اصحابي .. لما خلصت المدرسه وقبل لا تيي انت ياء واحد يبيع بليله فاشترتها ..
عصب طارق بس ضبط اعصابه وقال: انا جم مره حذرتكم من انكم تشتروا شيء من برى ..؟! جم مره قلت اذا تبوا شيء قولوا لي انا ..؟!
وسيم بهمس: آسف اخر مره ..
تنهد طارق وقال للطبيب: يعني متى راح اييكم ..؟!
الطبيب: باجر في العصر ..
قام طارق وقال: طيب مع السلامه ..
وبعدها طلع .. دمعت عيون وسيم وقال: طلع وهو زعلان مني ..
ابتسم الطبيب وهدأ منه ..
مشي طارق في الاسياب وهو بصراحه متضايق ..
كم مره ينصحهم وهم بس يعاندون ..
فعلا التصرف معهم صعب ..
صقع كتفه بكتف واحد كان مار ..
لف عليه طارق وقال: انتبه في المره اليايه ..
وبعدها راح ..
طالع هالشاب في طارق بعدها قال: هو الغلطان مو انا ..
تنهد وقال: المهم اللحين شلون راح اقول لشهد ان حالة اختها سائت .. راح تتضايق ..
اخذ نفس عمييييق بعدها قال: راح اقول انها بخير وبس .. الله يعينها ويشفي اختها ان شاء الله ..
وبعدها راح وطلع برى وركب سيارته ورجع للقصر عشان لا يشك فيه راشد ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

16 - 3 - 2014, 04:58 PM

الساعه 1 بعد منتصف الليل ..
كان الجو هادي بالبيت والكل في فراشه وفي سابع نومه ..
ما عدا واحد مو قادر ينام ..
من التفكير ..! لا مو قادر ينام من الجوع ..
مع انه تعشى الساعه عشره بس هالمره يحس انه ما شبع ..
وفي نفس الوقت المطاعم تكون مقفله وما يقدر يروح يشتري له ..
تربع فوق السرير وقال: ما يصير انام وانا يوعان .. ما ارضاها على بطني ..
تأفف وقال: شكلي بروح اصحي لبنى تسوي لي اكل ..
سكت شوي بعدها قال: لا حرام مابي ازعج الطيبين ..
تنهد وقال: راح اشوف لي شيء اكله ..
اخذ جواله معاه عشان ينور لنفسه الطريق للمطبخ ..
دخل المطبخ وفتح الثلاجه وظل واقف يتأمل فيها ..
إياد: ماش .. ماكو شيء يحمس .. وحشتني ثلاجتنا ..
قفل الثلاجه وفتح الفريزر .. طالع شوي بعدها انتبه لكيس بطاطس مقطع ..
طالع في الكيس فتره بعدها قال: اصلا القلي سهل ..
اخذ البطاطس وبعدها قفل باب المطبخ وشغل اللمبات ..
تنهد وبعدها بدأ يدور المقلاه .. ولما لقاه حطاه عالنار وحط فيه زيت ..
إياد: القلي شكله سهل ..
جلس عالكرسي ينظر الزيت يصير حار عشان يقدر يحط البطاطس ..
تنهد للمره الثالثه وقال: طفش .. ملل .. شكلي بروح اصحي بدر .. لا لا حرام هو اليوم مرهق وتعبان ..
طالع في جواله لفتره وقال: ليش ما اتصلت سهى ..؟! هههه يمكن ما عرفت تحل اللغز ..
شوي تذكر اخته من ابوه فقال: يا ترى اللحين هي طفشانه مثلي ولا نايمه ..؟! يا ويلها لو كانت نايمه .. انا اخوها الصغير والمفروض تنام بعد ما انام ..
شوي ضحك وهو يقول: ههههههههههههههههههههههههه لا لا شكلك استخفيت يا إياد هههههههه ضريبة السهر هههه ..
قام من فوق الكرسي وبدأ يحط البطاطس المقطع في المقلاه وبعدين بدأ يحركه ..
دق جواله في هالوقت ..
اخذه وشاف ان الرقم غريب ..
إياد: اكيييييد سهى ..
رد وقال: واخييرا دقيتي يا سهى ..
.........: للاسف انا مو سهى حقتك ..
استغرب إياد لما سمع صوت بنت وقال: عفوا .. منو وياي ..؟!
ابتسمت وقالت: انا لينو واخذت رقمك من رفيجك بدر يا المخادع ..
إياد: اوووووه لينو المتعجرفه تتصل علي وبآخر الليل ..؟!!! ايش هالوقت المشبوه يا بنت ..؟!
ابتسمت لينو وقالت: والله ما عرفنالكم يالشباب .. اذا اتصلنا بالظهر تقولوا ايش الوقت الغلط ذا .. واذا اتصلنا العصر او المغرب تكونوا نايمين .. والمعروف انكم تسهروا كل الليل .. عيل هالوقت مو مشبوه لانه بالنسبه لكم نهار ..
إياد بإبتسامه: اخسس .. شكلج راعية شباب عيل ..
لينو بإنفعال: ابـــدا .. منو قال ..؟!
إياد: انتي ..
جت بترد عليه بالنفي بس تذكرت كلامها فقالت: لا يا الخبل .. كلامي مو دليل اني احاجي شباب .. انا طالبة ثانوي .. وطالبات الثانوي معظم سوالفهم عن مواقفهم يا مع اخوانهم او اقربائهم وعشان جذي انا عارفه هالاشياء عن الشباب ..
إياد: اها .. اقنعتيني ..
لينو: اسمع .. ممكن تقولي شنو هي العلاقه بين القضايا الموكله لابوي وبين ذاك اللي تبون تصيدونه ..؟!
إياد: هههههههههههههههههههههههههههههههههههههههههههههههههه ..
لينو: هذا اسميه اعتراف بالجذب ولا شنو ..؟!
إياد: والله فسريها بالطريجه اللي تبين تفسريها ..
لينو: امبلا انت كنت تجذب علي .. ماكو اي علاقه بين قضايا ابوي وبين عبد الخالق حقكم ..
إياد: انتي حره .. بس للمعلومه اتمنى اذا فشلتي بشيء ما تحطي الغلط في شخص غيرج ..
لينو: ها ..
ضحك إياد في نفسه .. يحاول قد ما يقدر انه يشككها في نفسها ..
لينو بحده: إيادووه عن الهبل .. واضح انك تشككني في نفسي و ....
سكتت شوي وهي تسمع عنده صوت الزيت وقالت: وين انت ..؟!
إياد: بالمطبخ ..
لينو: شنو تساوي بالمطبخ ..؟!
إياد: كنت يوعان فييت اقلي لي بطاطس ..
لينو بصدمه: تقلي لنفسك ..؟!!! انت من عائلة الراهي صح ..؟!
إياد: ايه ..
انصدمت اكثر وقالت: لا لا اكيد تستهبل .. شلون ولد عز ويقلي عالزيت .. ما اصدق ..
إياد بلا مبالاه: بكيفج ..
لينو: يعني من صج ..؟!!
إياد: ايه من صج .. وليه اجذب ..؟!
لينو: لانه ماكو واحد غني يدخل المطبخ ويطبخ ..!!
إياد: ياني سام الثاني ..
لينو: طيب افرض ان الزيت طش في ويهك وشوه شكلك ..
إياد ببرود: اعمل عمليات تنضيف وتجميل ..
لينو: صج انك خبل .. اترك عنك الزيت وخل احد غيرك يطبخ لك ..
إياد بإبتسامه: خايفه علي ..؟!
لينو بسرعه: تخسسى .. انا اخاف عليك ..!! لا لا صج ماخذ مقلب بروحك ..
إياد بتسليك: اوكي اوكي ..
لينو: لا تسلك لي .. انا صاجه ..
إياد: طيب خلاص عرفنا انج صاجه .. يقولون اللي يصر انه صاج فهو جذاب ..
لينو بضبط اعصاب: إيادووه انت شفيك بالضبط ..؟!
إياد: انتي اللي شفيج ..؟! قلت لج صدقتج بس مدري ليش شاكه .. الله يصلحج ..
لينو: اصلا إنا الخبله اللي اخذ واعطي معاك في الكلام .. بااي ..
إياد: هههههههه باي ..
قفل جواله وهو يضحك عليها وعلى طول جاء في باله الكلام اللي دار امس بينه وبين لبنى ..

:::::::::::::::::::::::::::::::::::::::::::::::::: ::::::
كانوا بالسياره توهم راجعين من المستشفى بعد ما ضمدوا جرح لبنى ..
كانوا يسولفون وبعد فتره من الصمت كانت لبنى تفكر بشيء بعدها قالت لإياد: اممم إياد بدي اسألك سؤال ..
إياد: إسألي ..
لبنى: انت لو حبيت لك صبيه شو بيكون تعاملك معها ..؟!
إياد: صبيه هههه .. واااااااو يا زين حجيج ..
لبنى: خلاص أئصد بنت ..
إياد: لا لا قولي صبيه .. عجبتني .. يا حظ بدر فيج ..
لبنى: اوكي اللي يريحك .. المهم اذا حبيتها شو بيكون تعاملك معاها ..؟! اممم بدي اعرف شو هي التصرفات اللي بتطلع منك ..
ابتسم إياد وهو يطالع فيها وقال: انت تحبي واحد وتبغي تعرفي ان كان يحبج ولا لا .. صح ..؟!
انصدمت لبنى من كلامه بعدها قالت: لك شو هالعقليه اللي بتِملِكها ..!!! عن جد فاجئتني ..
إياد: هههههههههه محد يقدر يلعب علي .. ياللا اعترفي منو هو وشنو اسمه ..
لبنى: إترِك عنك اللقافه وجاوبني ..
إياد بتفكير: امممم ...............................
:::::::::::::::::::::::::::::::::::::::::::::::::: ::::::

عقد إياد حاجبه وقال: يا ليتني سألتها نفس السؤال عن نوع تصرف البنت اذا حبت لها واحد ..
وبعدها بدأ يدندن وهو يكمل طبخ ..

.................................................. .......

في نفس هذا الوقت بس في مكان ثاني ..
عند ابو أبطالنا إياد واسيل ..
كان جالس في مكتبه ويجري اتصالات خارجيه وداخليه لاسباب شخصيه له ..
يبغى يطمئن من كل النواحي ان محد يكتشف تجاراته المشبوهه والمصانع الهابطه اللي يتعامل معها ..
بعد ما خلص وارتاح نفسيا دق زر جنبه ودخل عنده مدير اعماله يحيى ..
يحيى: سم طال عمرك ..
ابو إياد: بغيت اسألك بطاقة بنك الـ***** عند مين ..؟!
يحيى: هذي البطاقه عند ولدك إياد ..
ابو إياد بأستغراب: بس الصرف فيها مستواه عالي .. صحيح إياد مبذر بس مو لهدرجه ابدا ..
عقد يحيى حواجبه وهو يتذكر كلام إياد قبل فتره ..

:::::::::::::::::::::::::::::::::::::::::::::::::: ::::::
إياد: اسمع .. تذكر بطاقة الصراف لبنك الـ**** .. ابيك توقف حسابها ..
يحيى: اعذرني ما اقدر .. هالبطاقه تخص ابوك وهو الوحيد اللي يقدر يوقف الحساب ..
إياد بعصبيه: طيب انت رئيس اعماله .. وقفها اللحين ..
يحيى: صدقني ما اقدر .. هذه قوانين الحكومه .. اذا تبي حسابها يوقف اقدر اقول لأبوك يروح للبنك بنفسه ويوقفها ..
إياد: لا .. لا تقوله .. لا يوصل شيء له .. طيب اذا ما تقدر توقفها عالأقل غير الباسورد ..
يحيى: حتى هذا ما اقدر .. صاحب البطاقه هو الوحيد اللي يقدر .. هذه مسائل امنيه مشدده ..
:::::::::::::::::::::::::::::::::::::::::::::::::: ::::::

يحيى: طال عمرك انا اتوقع اني عرفت السبب ..
طالع فيه ابو إياد وقال: شنو تقصد ..؟!
يحيى: ولدك إياد قد اتصل علي قبل شهر تقريبا وطلب مني اني اوقف حساب هالبطاقه بس قلت له انك انت الوحيد اللي تقدر لانها باسمك .. قالي غير الباسوورد او أي شيء .. كان مصر ان البطاقه تتقفل او يتغير رقمها .. انا اضن انها مو معه .. يمكن مع احد ثاني سرقها منه او اخذها بالقوه ..
ابو إياد بتفكير: جذي يعني ..
يحيى: وكمان اصّر علي اني ما اعلمك وعشان جذي ما قلت لك وقتها ..
ابو إياد: طيب انت تشوف من الافضل اوقفها ولا انتظره يطلب مني ..؟!
يحيى: انا اشوف انك توقفها احسن لان الصرف عالي واذا راح كل اللي بهالبنك تكون خسرت ربع املاكك وهذا شيء كبير جدا ..
ابو إياد: معاك حق .. باجر بروح اوقفها واطلع وحده يديده ..
يحيى: تبغى مني شيء طال عمرك ..؟!
ابو إياد: لا ..
هز يحيى راسه وبعدها طلع برى المكتب ..
ضاقت عيون ابو إياد بتفكير وقال: ماكو غير جراح واللي معاه .. اكيد هم اللي اخذوها منه .. بس الغريب شلون إياد العنيد رضي يقولهم الرقم ..؟!!! إنا اكثر واحد عارف ابني عدل فشلون صار جذي ..؟!!!
قام من فوق الكرسي وبعدين قفل نور الاباجوره وطلع من مكتبه ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

رن الجوال جنب اذنه بإستمرار وهو نايم وفي سابع نومه ويتحلم بجرس برج عالي قاعد يدق ..
بس الدق استمر مع ان الجرس اللي بحلمه انتهى من الدق ..
بدأ يحس بإنزعاج وبدأ يتلخبط حلمه لما صحي من نومه ..
مسك الجوال وطالع في الساعه وكانت 3 الفجر ..
كان راح يكسر الجوال من العصبيه .. منو هذا اللي يدق عليه في وقت زي كذا ..
طالع في الاسم وانصدم لما شاف انه ابوه ..
اعتدل في جلسته عالسرير وتردد بعدها قرر يرد على ابوه عشان يعرف ليش يتصل عليه بهذا الشكل المُلحّ ..
رد وقال: الو ..
الاب: سامي .. جان طنشت هالمره كمان ..؟!
سامي بهدوء: سوري ..
الاب: وينك ..؟!
سكت سامي شوي بعدها قال: ماني راجع للبيت وذيج موجوده فيه ..
الاب: اذا كنت تقصد سيلينيا فهي طلعت من نفس اليوم اللي دخلته فيه .. تعال بسرعه ..
اندهش سامي بعدها قال بإستهزاء: غريبه .. لا يكون طردت حبيبتك الجديمه ..؟!
الاب: سامي ما عندي وقت اتناقش وياك .. تعال هني ..
تنهد سامي وقال: طيب .. باجر بروح الجامعه بعدها برد البيت عندكم .. اللحين اخر الليل وانا ابي انام ..
الاب بحده: انا ما اعيد كلامي مرتين .. اترك شقتك اللي انت فيها او بيت صاحبك وتعال هني ..
سامي: انا بشقه وفي مجان شوي مزحوم من كثرة السيارات اللي فيه والوقت ليل وحددي نعسان .. يعني اكيد ما راح اقدر اسوق واحتمال كبير اني اسوي حادث ..
الاب بصوت هادي: سامي ..
سامي بضجر: ابوي والله ما اقدر .. راح اقعد ساعه في الطريج ويمديه يأذن الفير وما راح اقدر انام .. قبل كنت انام شوي بعد الصلاه بس اليوم ما اقدر لاني ابي اروح للجامعه بدري وامر على بيت ابن اللذين واخذه معي .. ابوي واللي يسلمك ابي انام هالساعه بس ..
سكت الاب لفتره طويله وسامي عنده امل ان ابوه يوافق مع انه متأكد انه راح يرفض لانه يعرف ابوه .. اذا قال كلمه لازم تمشي ..
الاب: ايش اسم العماره اللي انت فيها ..؟!
سامي: عمارة الـ****** ..
الاب: عيل باجر بعد الجامعه تيي هني فاهم ..؟!
اندهش سامي من كلام ابوه ..
اول مره يتنازل عن اوامره ..
ما فكر بالامر كثير لانه بعدها على طول انسدح عشان يلحق ياخذ له غفوه وبعدها يصحى للصلاه ..

قفل ابو سامي الجوال بعدها طالع في مراد وقال: روح صلح اللي قلتلك عليه ..
مراد: حاضر ..

..................................................

في نفس هذا الوقت وفي احد شاليهات مدينة الدوحه الكبيره ..
كانت تلك الامرأه الشقراء سيلينيا واقفه وتطالع لذاك الشخص اللي قدامها بحنين ..
تقدمت من عنده بهدوء وقالت بلكنتها البريطانيه: عزيزي .. جاك .. انك حقا بخير .. لقد .. لقد شفيت حقا ..
وراحت له وحضنته بلهفه وشوق ودموعها تنزل على خدودها ..
له اكثر من عشر سنوات وهو نايم بدون حركه ..
واخيرا شافته واقف مثل ما كان زمان .. اشتاقت له ..
كيف ما تشتاق له وهو زوجها .. نصفها الثاني .. شريك عمرها ..
دفنت وجهها بصدره وهي تقول بصوت باكي: لم اتوقع اني سآراك هكذا في يوم من الايام .. لقد فقدت الامل كثيرا .. جاكي عزيزي .. لا تبتعد عني ارجوك .. ارجوك يا جاكي ..
نزل نظره لها وبعدها حوطها بإيده وقال: جيد انك بخير يا سيلي ..
لف نظره وطالع في باتريك وقال: من ذاك الرجل ..؟!
بعدت سيلينيا عنه وقالت: انه قريب زوجة اخي ويعمل في قسم القانون والمحاماه .. سأحكي لك كل شيء عنه فيما بعد ..
طالعت في عيونه وقالت: انا حقا مندهشه لسفرك الى قطر .. كيف علمت اني هنا ..؟!
طالع فيها شوي وقال: لم اكن اعلم بتاتا بانك هنا ولكنني قابلت سائقك دانيال بالصدفه واتيت لك ..
سيلينيا بحذر: اذا لما اتيت ..؟!
ضاقت عيونه وقال بحده: اتيت خصيصا لسلطان وولده .. لقد اقسمت من قبل ان حياة ذاك الصبي بيدي وسأقتله .. لن اسمح ابدا بأن يكون لزوجتي ابن اخر من شخص غيري .. لن اسمح بهذا ابدا ..
مسكت سيلينيا ايده وقالت: ارجوك يا جاكي انس هذا الامر .. لا علاقة للصبي بما حصل .. اقتل والده اما هو فدعهه وشأنه ..
جاك: اعذريني يا سيلي .. لن استمع لكلامك هذا .. سلطان بالتأكيد سأقتله ولكن ليس قبل ان اريه جثة ابنه الذي انجبه من زوجتي ..
باتريك: اعذرني على مقاطعتك .. ولكن الا تضن بأن مهمتك مستحيله .. سلطان هذا شخص غني ومرموق في هذا البلد وبالطبع سيحيط ابنه بحراسة مشدده .. صدقني انك لن تستطيع ان تصل اليه بتاتا ..
ابتسم جاك وبعدها ضحك ضحكه عاليه ..
استغربوا باتريك وسيلينيا منه .. المفروض يعصب ويحس ان اللي بيسويه صعب ..
هز جاك راسه بأسف وقال: كيف لمحامي مثلك ان يقول هذا الكلام .. هل انت متأكد انك درست القانون ..؟! يبدوا انك درست الصيدله او الاقتصاد بالخطأ ..
باتريك بهدوء: ماذا تقصد ..؟!
جاك: كيف لي ان اشرح مسائل قانونيه مع محامي مثلك .. فكر بالامر جيدا .. الابن الذي يولد بطريقه غير شريعه من إمرأه متزوجه مسبقا .. من له الأحقيه في وصاية هذا الولد ..؟!
عقد باتريك حوجبه بعدها قال بدهشه: اتقصد ....؟!!
جاك: اجل ..
طالعت سيلينيا فيهم وهي مو فاهمه فقالت: باتريك ماذا يقصد جاكي ..؟!
باتريك بهدوء: شرعا وفي هذا البلد فان الابن الذي في مثل حالة سامي ينسب الى جاك اذا ثبت ان تحليل الـdna يتطابق مع تحليلك انتي ..
سيلينيا بدهشه: ولكن .. ولكن ...
لفت لى جاك وقالت: لا ارجوك عزيزي دع الصبي وشأنه ارجوك .. انه ولدي ولا اريده ان يموت ..
جاك بحده: انه ليس من صلبي فلا اريده ان يعيش .. لا تجادليني ..
وبعد جملته ذي طلع برى الشاليه فانهارت سيلينيا عالارض تبكي وهي تردد: احب جاكي ولكني لا اريده ان يفعل هذا لا اريده ..
جلس باتريك جنبها وقال: اهدأي .. كم مرة يجب ان اقول لكي لا تبكي كالاطفال .. كوني قويه ..
هزت سيلينيا راسها وكملت بكائها ..
تحب زروجها وتحب ولدها ..
فعشان كذا تحس نفسها ضايعه وما تدري ايش تسوي غير البكاء ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في صباح هذا اليوم ..
كان الجو صاااافي وباااارد وكأن وقت هطول الثلوج الخفيفه جاء ..
لا تستغربون لاننا الان نتكلم عن دولة كندا ..
وعند واحد من ابطالنا .. فيصل الرملي ..
كان جالس على احد الكراسي في هذا المطعم المفتوح من السقف والمبني على سفح احد الجبال الشبه عاليه ..
هذا المكان الاستراتيجي اعطى للمطعم ميزه حلوه مره ..
فإيش هو احلى من الاكل في هواء طلق وفي مكان هادئ وبعيد عن ضجيج السيارات والناس والاصوات العاليه ..
طالع فيصل في ساعته وقال: مو كأنهم تأخروا ..؟! ....... اصلا عادي .. ذي مو اول مره يتأخرون ..
اخذ كوب الكوكتيل وشرب منه وهو يفكر في نفسه ..
ذي اخر صفقه راح يسوها وبعدها راح يترك هالطريق ..
قراره مفاجئ بس له كم يوم يفكر فيه ..
ما يدري ايش السبب اللي يخليه يسوي كذا ويقرر هالقرار ..
بس يمكن موت ابوه اثر فييه كثيير لدرجة انه فكر في هالشيء ..
راح يترك تجارة الاسلحه والمخدرات وسعد وشركته ورينا وجوزيف وكندا وكل شيء ويبدأ حياة جديده بفلوس حلال .. ويعيش مثل ما كان ابوه يعيش ..
اللحين بس عليه انه ينهي هالامر .. مثل ما خطط مع رئيسه ..
تتجمع شحنة الاسلحه كالعاده وفي نفس الوقت يجمع ادله ضد شركة نوسترادا وفي الاخير يرسل بلاغ ضد الشركه ويورطهم في كمية هالاسلحه وتنهار شركة نوستراردا كلها ..
هذا هو مخططهم ولازم يلعبها صح .. عالاقل راح يريح الناس من شر هالشركه ..
ابتسمت رينا وقالت باللغه العربيه اللي تتقنها: هاااي فيصل .. في ايش كنت سرحان ..؟!
طالع فيصل فيها وقال: في امور كثييره ..
جلست عالكرسي وقالت: اها .. المعذره فشريكي اللي دايم يجي معاي اعتذر لانه تعبان ..
فيصل: عادي ماكو مشكله .. واللحين خلينا نبدأ شغل لاني مستعيل ..
رينا: مستعجل على ايش ..؟!
فيصل: امور عاديه .. لا تشيلي هم ..
ابتسمت رينا وقالت في نفسها: "اتمنى ان لا تكون خيانتنا هي احد هذه الامور .. لا يهمنيي هذا الامر .. ولكن يوم انتهائكم قريب وعلى يد شركة نوسترادا" ..
طالع فيصل في رينا وقال: وش هاي الابتسامه الغريبه ..
هزت راسها وقالت بصوت بريء: لا شيء .. تذكرت موقفا ..
فيصل: اها .. اوكي ..
وبدأ كل واحد فيهم اول خطوه لخيانة الاخر ..
بس مين يفوز في حرب الخيانه ذي ..؟!
قريب راح نعرف ان شاء الله ..

✖ إنتهــــــــــــــــــــــــــــى ✖

هالمره عاد مافي قفله عشاني حتأخر عنكم حول شهر ونص فراعيتكم ..
مع اني متحسفه انه مافي قفله :(
هههه بس وعد مني اني البارت الجاي احط اقوى قفله << معليش تحملوني شوي ادري اني لئيمه ..

ياللا اشوفكم على خيير بعد الاختبارات ..
اتمنى انكم انتم كمان تجتهدوا في دراستكم لان المستقبل مرره مهم ..

الاحداث بدت تصير احلى والنهايه باقي عليها اقل من ربع الروايه ..
ففعلا انا محتاجه لارائكم الجمييله اللي والله تساعدتني في كتابة الاحداث فلا تحرموني منها ..

تحياتي/ صوصصتككم *

|$[ نهاية البارت ]$|

16 - 3 - 2014, 05:00 PM

|$[ البارت السابع عشر الجزء الثاني ]$|

نفسيتها هالصباح زفت ..
حتى المدرسه ما كان لها نفس انها تروح لها ..
كانت حتغيب .. بس غصب عنها حضرت اليوم ..
تنهدت وقالت: ياللا هانت .. باجر اجازة الويك آند ..
شوي كملت بضجر: آآخخ من إيادوه .. هو السبب اللي خلى رؤى تجربني ايي للمدرسه ..
حطت إيدها في جيب مريولها بتأفف ومشيت في اسياب الدور الثاني ..
هذا الدور خاص لطالبات الصف الاول وهي المفروض تكون في الدور الثالث لأنها سنه ثاني ثانوي ..
بس هي جت هنا لسبب واحد .. عشان تطلع اسم لينو مثل ما طلب منها إياد ..
وقفت قدام باب فصل اولى اول وطالعت في اللوحه المعلقه جنب باب الفصل ..
لأنه بالعاده يكون هنا ملصق ورقة اشعار الطالبات ..
مرت بعيونها على الاسماء عالسريع عشان تدور على اسم قريب من لينو ..
بالقوه قدرت تقرأ الاسماء لأن بعضها كان مزخرف وبعضها جنبه علامه ..
هذه هي حالة الطالبات .. يحطون جنب اسمهم قلب او يظللونه بقلم التظليل او يكتبوا اسم شلتهم ..
لارا .. ليان .. منال ..
هالاسماء الوحيده اللي قريبه من اسم لينو ..
ظلت واقفه تطالع في الاسماء بعدها تركتها وراحت للفصل اللي جنبه ..
راح تشوف كل الاسماء بعدين تسأل ..
كانت الاسياب شوي مزدحمه من الطالبات .. قبل شوي طلعوا من الطابور وقعدوا يتمشوا لحد ما يجون معلمات الحصه الاولى ..
وصلت للفصل الثاني وطالعت في الاسماء وكان اول اسم مشطوب عليه ومكتوب فوقه اسم "سيمو" ..
ابتسمت وقالت: هالبنت اكيد اسمها اسماء دام انه اول اسم ..
نزلت نظرها شوي فشافت اسم كمان مشطوب عليه والمكتوب عليه هو اسم لينو ..
سيرين: شاطبه على اسمها بعد .. شلون اطلعه ..؟!
تأففت وقالت: يعني لازم اسأل ..
طالعت في الفصل وشافت ان نصه برى ونصه جالسين .. اللي يراجع واللي مسوين شله ويسولفون ..
في هالوقت مرت بنت من جنب سيرين وكانت توها جايه وبتدخل الفصل ..
وقفتها سيرين تقول: هيه لحضه ..
لفت عليها البنت وقالت: نعم ..
سيرين: عندكم طالبه اسمها لينو صح ..؟!
البنت: يب .. ليش تسألين ..؟!
سيرين: ابي اعرف اسمها شنو لأن لينو هذا دلع .. فممكن تقولين لي شنو اسمها الاصلي ..؟!
ابتسمت البنت وقالت: اووه شسر اهتمامج انج تعرفين اسمها ..؟!
سيرين في نفسها: "اووف ياوبيني بدون فلسفه لا اعدل لج تركيبة ويهج" ..
سيرين: ماكو سر ولا شيء .. ابي اعرف اسمها من باب الفضول ..
البنت: آها اللحين فهمت .. انتي معجبه بلينو وتبين تخاويها وعشان جذي مهتمه تعرفي تفاصيل عنها قبل لا تكلميها ..
عقدت حواجبها وهي تقول: يا شين سوء الضن .. انا معجبه بلينو ..؟!!! اقول صج انج سخيفه انتي واستنتاجك ..
ابتسمت البنت بعدها لفت عالفصل وقالت: لينــــو .. هيـــــه لينـــــو ..
كانت لينو جالسه عالطاوله بين شلتها .. لما سمعت احد يناديها طالعت لجهة الباب ..
لينو: نعم ..
البنت: امشي امشي بسرعه لا يفوتج .. بسرعه ..
استغربت لينو وطالعت في صاحبتها سيمو اللي قالت: روحي شوفي شفيه ..
نزلت لينو من فوق الطاوله وراحت للبنت وقالت: شفيه يا جوج ..؟!
جواهر: تتذكري يوم السبت لما شفنا شلة بنات واقفات عند باب المرشده ..
لينو: يب اتذكرهم .. شله مشكلجيه ..
جواهر: اللحين وحده منهم مهتمه تعرف اسمج .. اكيد معجبه فيج ..
طالعت لينو فيها بعدها قالت: وينها ..؟!
اشرت جواهر بعيونها على سيرين وقالت: ذي ..
لفت لينو وطالعت في سيرين بعدها قالت ببرود: ارفض ..
وبعدها لفت عشان تدخل بس مسكتها سيرين من كتفها ولفتها عليها وقالت: لحضه لحضه يا المغروره .. منو قال اني معجبه بجيكره مثلج ..؟!
ابتسمت لينو وقالت: عيل شنو تبي وحده سنه ثاني بأسم وحده سنه اولى ..؟!
تكتفت سيرين وقالت: مالج شغل .. قولي شنو اسمج وخلصيني عشان ما اتأخر عن الحصه ..
رفعت لينو حاجبها ولفت تطالع في صاحبتها جوج ..
جواهر: هههههههه شنو هالاسلوب ..؟!
لينو: فعلا بنت غريبه .. اوكي راح اقولج اسمي ..
سيرين: واخيرا .. ياللا بسرعه ابله ناهد اكيد بتهاوشني عالتأخير ..
لينو: طيب .. بس بشرط انج تقولين شنو السبب اللي يخليج مصره تعرفين ..
تنهدت سيرين وقالت: ماكو سبب .. بس ياني فضول لما شفت اسمج بالورق .. وانا اذا ياني فضول مستحيل اخليه ..
ابتسمت لينو وقالت: طيب شمعنى اسمي تحديدا .. فيه كمان اسم سيمو .. شمعنى الفضول نط لأسمي مع ان سيمو قبلي ..؟!
سيرين: لأن سيمو موجود اول الاسماء وبالسهوله تقدري تستنتجي ان اسمها اسماء .. اما لينو فموجود في الوسط تقريبا وبعيد عن حرف اللام وهذا يدل ان اسمج ما يبدأ بحرف اللام وما قدرت اطلع اسمج فعشان جذي سألت ..
صفقت لينو وهي تقول: برافو برافو يالمحقق كونان .. استنتاجات مذهله ..
تنرفزت سيرين من اسلوبها فقالت: بسرعه قولي اسمج وخلصيني ..
ابتسمت لينو وقالت: ليه يا قلبي تخفي السبب الرئيسي لسؤالج ..؟! عادي قولي ان إياد طلب منج .. شفيها لو قلتي الصج ..؟!
انصدمت سيرين بس اخفت صدمتها بسرعه وتكتفت وهي تقول: إياد ..؟!!! ومنو يطلع إياد هذا ..؟!!
هزت لينو كتفها وقالت: مدري .. يمكن انتي تعرفي ..
سيرين: وانا شنو اللي يعرفني ..؟!
لينو: عالعموم انا اسمي لينو وراح يظل اسمي لحد ما اموت .. فهمتي ..؟!
سيرين: اوكي ماشي .. احتفضي بأسمج اللي اكيد يفشل وعشان جذي تغيرينه .. احتفضي فيه لحد ما تموتي ونرتاح من هالخشه اللي كأنها خشة الديج ..
لينو بزعل: اهون عليج ..؟!!
سيرين بتفاجئ: ومنو انتي اصلا عشان تهونين او ما تهونين ..؟!! صج صج ماخذه مقلب بروحج ..
لينو: يحق لي صح ..؟!
سيرين بنفاذ صبر: آآخخ صج انج وحده مو معقوله ..
لفت وطلعت لفوق ..
سيرين: الحين ابي افهم شيبي إياد من اسمها ..؟! وحده مليقه ووايد واثقه من نفسها .. آخخ حتى إياد واحد مليق ووايد واثق من نفسه ..
راحت لفصلها بس وقفت قدام الباب وقالت: اصلا شلون إياد عرفها ..؟! وكيف ومتى ..؟! لازم اسأله ..
فتحت باب الفصل فشافت معلمتهم ناهد معلمة الانجليزي واقفه تشرح الدرس ..
لفت الاستاذه ناهد عليها وقالت: وين كنتي حضرتج ..؟! مرت عشر دقايق من بداية الحصه ..
ابتسمت سيرين بترقيع بعدها قالت: اممم كنت عند المقصف اشتري ماي ..
أ.ناهد: طيب .. وين علبه الماي ما اشوفها ..
سيرين: ها .. ا ا بغيت اشتري بس قالوا ممنوع ولازم اييب ورقه من عند المديره .. رحت للمديره بس قالت لي استأذني من الابله اللي عندكم اولا وهاوشتني ..
أ.ناهد: تستاهلي .. شايفتني ملطشه تطلعي من حصتي من دون استئذان ..
سيرين ببراءه: كنت عطشانه وايد ..
أ.ناهد: والله يا حبيبتي العطش ما راح يموتج .. شنو بينقص منج لو ييتي واستأذنتي مني ..؟! ولا تحسبيني اني ما ادري انج اول هربتي من حصتي .. لا ما نسيت بس انا عديتها بمزاجي ..
سيرين في نفسها: "اوه ماي قاد شلون عرفت" ..
أ.ناهد: روحي لكرسيج وبعدين بتفاهم وياج ..
سيرين: طيب ..
قفلت الباب وراحت لكرسيها وقالت في نفسها: "هين يا إيادوه .. والله لأوريك" ..
طلعت كتبها وطالعت في شرح الابله ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

الساعه سبعه الصباح ..
كان سامي في سيارته متجه لبيت بدر عشان ياخذ إياد معاه للدكتور تركي ..
سامي: ان شاء الله ابن اللذين يفيدنا .. آخخ اكره اطلب منه المساعده ..
وقف السياره بعد ما وصل لبيت بدر ..
طلع جواله واتصل بإياد ..
لما رد قال: اسمع انا انتظرك برى .. اطلع ..
وقفل قبل لا يسمع رد إياد ..
نزل من السياره وتكتف ينتظر إياد ..

تنهد إياد وهو يطالع في جواله وقال: ابن العم الاسلوب عنده يساوي صفر ..
حط جواله بجيبه بعدها نزل وطلع برى البيت ..
لما شاف سامي حضنه بدفاشه وهو يقول: ســـــــام .. وحشششتني يا ريال ..
سامي: آخخ ابعد عني .. خنقتني ..
ابعد إياد عنه وقال: ياخي شفيك ..؟! ابي اعبر عن حبي لك ..
سامي: لا شكرا .. حبك بالذات ما ابيه ..
إياد: ههههههههههههههههههههههههههههههه ..
سامي: ياللا امش اركب السياره ولا تكثر هرج ..
إياد بحماس: سام تعال وياي .. بوريك شيء إكتشفته ..
سامي بملل: لا تكون الذره ..؟!
إياد: ههههههه سام يستهزئ .. ماش ما تركب .. المهم امش بسسرعه ..
اتجه إياد للحوش الجانبي وسامي يطالع فيه ..
تأفف ولحق بإياد لحد ما وصلوا ورى البيت ..
حط إيده بجيبه وقال: وينهو اكتشافك العظيم ..؟!
اشر إياد على شجره وقال: شف هناك فيه خلية نحل .. اول مره بحياتي اشوفها عالطبيعه ..
طالع سامي في خلية النحل بعدها قال بضجر: اللحين مأخرني وملعوزني عشان خلية نحل ..!!! انت من صجك ..؟!!!
رجع إياد خمس امتار على ورى وبعدها رمى عصا على سامي ..
مسك سامي العصا وقال بعصبيه: بغيت تصيب عيني يالخبل ..
إياد: هههههههه عادي راح يعطوك بدل عنها عيني .. اوووه يا حضك بتصير عيني عندك .. المفروض تفرح ههههههه ..
هز سامي راسه بصدمه وهو يقول: مستحيل .. انت انسان مو طبيعي ..
إياد: ههههههههههههههههههه اعرف .. المهم سام اضرب الخليه بالعصا عشان يطلع النحل ..
انصدم سامي وقال: إيـــــاد .. تبي تذبحني ..؟!!!! عشان جذي رحت لبعيد ..
إياد: ههههههه اطمئن ما راح تموت .. بس ودي اشوف شكل النحل وهي تهجم .. ابغى اتأكد اذا كانت تصلح اشكال مثل افلام الكرتون .. يعني مثل شكل السهم والمطرقه وجذي يعني ..
سامي: غبي .. منو قالك ان الحقيقه مثل الخيال ..؟!
إياد: انت شدراك ..؟! يمكن فعلا يصير جذي .. خلنا نجرب ..
سامي: شايفني فار تجارب .. اذا تبي تجرب فجرب بنفسك ..
إياد: اووه سام .. لا تكون لئيم ..
رمى سامي العصا على إياد وهو يقول: ما ابغى .. مدري منو ضحك عليك وقال اني بوافق ..
مسك إياد العصا اللي كانت فعلا بتصيبه في عينه ..
إياد: سام انتبه ..
سامي بإستهزاء: عادي راح يعطوك بدل عنها عيني .. اووه يا حضك بتصير عيني عندك ..
بعدها لف وراح لسيارته ..
تنهد إياد بإحباط ورمى العصا عالارض ولحق بسامي ..
ركب سامي وشغل سيارته وانتظر إياد اللي دخل البيت مره ثانيه ..
سامي: آخخ هالولد ماخذ الوضع ببرود وانا حددي قلقان ..
طالع في ساعته وقال: يالله حاس بتوتر فضيع .. يا ترى الوضع بينحل ولا لا ..؟!
فتح إياد باب السياره وركبها ..
مد علبة بيبسي لسامي وهو يقول: خذ اشرب ..
طالع سامي في العلبه وقال: ياخي ليه انت بارد جذي ..؟! ودي اشوفك جاد ولو مره وحده ..
إياد: ان شاء الله تتحقق امنيتك .. ياللا خذ ..
سامي وهو يشغل السياره: شكرا مابي ..
إياد: سامي خذ ..
سامي: ياخي ليش مصر ..؟! انا على اعصابي ومو مشتهي شيء ..
إياد: سام خذ البيبسي ..
سامي بنفاذ صبر: إيـــــاد ..!!
ابتسم إياد وقال: خذ ..
تنهد سامي بعدها اخذ البيبسي بقلة حيله ..
فتح إياد البيبسي حقه وهو يقول: افتح البيبسي حقك واشرب ..
حطه سامي جنبه وهو يقول: بعدين .. انا اللحين اسوق ومابي اسوي حادث ..
رفع إياد حاجبه وهو يقول: اللحين تبغى تفهمني انك حريص في مسألة السياقه ..؟!!! ياخي ما اتوقع انه فيه احد متهور اكثر منك ههههههههههه جد جد ضحكتني الله يصلحك ههههه ..
تنهد سامي للمره الثانيه بعدها فتح علبة البيبسي وشرب منه ..
شوي عقد حواجبه بإستغراب وقال: غريبه تشرب بيبسي .. اللي اعرفه انك تحب الكود رد ..
إياد: اللحين اقولك ليش هالمره غيرت ..
شرب من البيبسي وظل فتره سرحان وسامي يطالع فيه ..
شوي لف إياد على سامي وقال: ماش .. مو راضي يضبط ..
سامي: شتقصد ..؟!
إياد: ابي احس بنفس الاحاسيس اللي بالاعلان .. ابي احس بالعواصف والثلوج والصراخ والحماس بعدها ألف عليك واقول ياللااااا .. بس ما حسيت بشي .. اعلان تافه ..
سامي: الله يشفيك ..
إياد: الله يشفيهم هم مب انا .. مهسترين ..
هز سامي راسه بيأس وبعدها طالع في الطريق ..
عقد حواجبه بإستغراب وهو يشوف من المرايه سياره وراهم بيضاء .. هذه السياره شافها لما وقف عند بيت بدر ..
ابتسم إياد بهدوء وقال: سيارة كامري بيضاء قديمه تلاحقنا من وقت ما طلعنا من البيت .. ما توقعت انك حق مشاكل ..
لف سامي على إياد وقال: صج ..؟!
إياد: يب .. انا ملاحضها من اول ..
طالع سامي في مراية سيارته بعدها قال: مدري من فينا حق مشاكل .. يمكن تلاحقك انت مو انا ..
هز إياد راسه بلا وهو يقول: اللي انا متمشكل معاهم ما يركبون مثل هالسيارات .. واذا كانوا يبغوني فراح ييون في ويهي بدون ملاحقات .. يعني هم اجرئ من الجبناء اللي انت متمشكل معهم ..
سامي: بالعكس بجذي يسمون اغبياء .. اما انا فحقيني اذكياء لأنهم يلاحقون لحد ما يلقون الفرصه المناسبه .. ما يهجمون جذي بدون تخطيط مثل الاغبياء اللي انت تسميهم جريئين ..
إياد: هههههههههههههههههههههههههههههههههههههههههه ..
سامي: اللحين انت ليش تضحك ..؟!
إياد: ههههههه من كلامنا اللي قبل شوي .. كل واحد يفتخر ويمدح اعدائه هههههههههههه بجد هستره ..
عقد سامي حواجبه شوي بعدها قال: اصلا انا ما عندي مشاكل مع اي احد ..
إياد: خف علينا يالمسالم .. طيب شنو تفسر حكاية السياره اللي تلاحقك ..؟!
سامي: ذي تلاحقك انت مب انا ..
إياد: لا تلاحقك انت ..
سامي: إيــــــاد .. ذي تلاحقك .. فاهم ولا لا ..؟!
إياد: لا مب فاهم .. انت هو الشخص اللي تلاحقه هالسياره مب انا ..
سامي: آآخخ صج انك ياهل ..
فتح إياد الشباك وطلع راسه عشان يقدر يشوف الشخص اللي راكب السياره اللي وراهم ..
تباطئت سرعة سيارة الكامري فأبتعدت عن نظر إياد ..
عقد إياد حواجبه فتره بعدها دخل راسه وقفل الشباك ..
طالع سامي فيه بعدها قال: منو ..؟!
إياد: ههههههههههههههههههههههه ..
سامي: بسم الله .. شفيك ضحكت فجأه ..؟!
إياد: هههههههه لأن طلع كلامي صج .. هالسياره تلاحقك انت والدليل ان فيها شخص انت تعرفه ..
سامي بإستغراب: منو ..؟!
إياد: سبونج بوب ..
سامي: ها ..؟!!!!!!!
إياد: ههههههههه شفيك ..؟! اقولك سبونج بوب ..
سامي: تستهبل ولا شنو ..؟!
إياد: ههههههههههههههههههههههههههههههههههه ..
سامي: يالله رجع يضحك .. إياد انت شتقصد ..؟!
إياد: اقصد مراد اللي يشتغل عندكم ..
سامي: مراد ..!! وليش تسميه سبونج بوب ..؟!
إياد: لانها قريبه من اسم جيمس بوند .. مو انت تسميه جيمس بوند ..؟!
سامي: امبلا .. لأنه يشبه جيمس وبقوه ..
إياد: اللي اعرفه انك تكرهه فليش تلقبه بلقب حلو زي جذي ..؟! احسك تمدحه لما تقول جيمس بوند .. ياخي قوله سبونج بوب لأنك بجذي تسبه وينقهر ..
طالع فيه سامي شوي بعدها ابتسم وكأنها اعجبته الفكره ..
شوي ألتفت على إياد وقال بصدمه: مراد اللي يلاحقنا ..؟!!!
إياد: صباح الليل ..
طالع سامي في المرايه وهو يقول: ليش يلاحقني ..؟!! اكيد فيه سبب ..
إياد: اسأل ابوك اليوم ..
سامي: على طاري الاب .. انت ليش عايش عند رفيجك ..؟!
طالع إياد فيه بعدها شرب البيبسي وطنش سؤاله ..
سامي في نفسه: "شيء غريب" ..
بعد كم دقيقه وصل للجامعه ..
وقف سيارته في المواقف بعدها نزل هو وإياد ..
إياد: اسمع .. انا ييت بس عشان دانا .. راح اقول لدكتوركم يعاقبكم ..
سامي: احسن .. ما ابيك تساعدني ..
إياد: اصلا حتى لو طلبت مني ما راح اوافق ..
سامي: اشش .. امش وراي وانت ساكت ..
إياد: هههههههههههههه ماخذ في نفسك مقلب .. اوكي انت اكبر مني بس هذا ما يعني انك تؤمرني .. هههههههههههههههههههههههه ..
سامي: ضحك x‏ ضحك .. امنيتي انك تبلع لسانك الطويل المستفز هذا وانت تضحك ..
إياد: ههههههههه افا اهون عليك ..!
سامي: منو انت اصلا عشان تهون او ما تهون ..؟!
ضرب إياد ظهر سامي بدفاشه وهو يقول: هههههه افا يا ولد العم .. انا ولد عمك فليش تنكرني ههههههههههههههه ..
كلها دقيقتين بعدها وصلوا لمكتب الدكتور تركي ..
إياد: الدكتور هني ..؟!
سامي: ايه هني .. ادخل وخلصني ..
إياد: طيب وين ريان ..؟! هالريال يعجبني ..
سامي: غايب .. والبقيه في محاضراتهم .. واللحين ادخل وبسرعه ..
إياد: طيب ليه ما تروح محاضرتك ..؟!
سامي بنفاذ صبر: إيــــــــاد وبعدين ..
إياد: هههههههههههههه ايوه ابيك تعصب قبل لا ادخل .. ياللا باي ..
فتح الباب ودخل ..
كان فيه ثلاث مكاتب .. مكتب الدكتور تركي والدكتوره المصريه شاديه ودكتور ثالث ..
ما كان موجود غير الدكتور تركي وكان يشتغل في اوراق قدامه ..
إياد: احم .. السلام عليكم ..
رفع الدكتور راسه وهو يقول: وعليكم السلام ..
جلس إياد عالكرسي اللي مواجه للمكتب وقال: ممكن ايلس ..؟!
رفع حاجبه وقال: تستأذن بعد ما تيلس ..!!!
إياد: هههههههههه .. احس اني قد شفتك عند المدير صح ..؟!
ابتسم الدكتور وقال: عرفتك .. انت الولد اللي صلح روحه عادل ..
إياد: صح عليك ..
طالع الدكتور فيه بإبتسامه ..
تذكر اسيل .. ومن بعدها تذكر بنته ..
حك إياد راسه وهو يقول: لا تطالع فيني وانت تبتسم .. انا شاب خجول اسم الله علي ..
اختفت ابتسامة الدكتور وقال: ممكن اعرف ليش انتحلت شخصية عادل ..؟! لا اولا انت صف جم ..؟! انا ادرس جميع اوائل على مدى سبع سنوات ولا اتذكر اني شفتك ..
إياد: اممم انا ثاني .. ثاني ثانوي ..
انصدم الدكتور وقال: انت بالثانوي ..!!!!
إياد: ليش شنو ضنيتني ..؟! شكلي مب كبير عشان تتوقع اني بالجامعه ..
د.تركي: الحكايه مب حكاية شكل .. الحكايه هي انك بالثانوي وعادل بالجامعه فشلون تعرفه وشلون تصلح شيء خطير زي جذي وانت اصلا ما تعرف شيء بالجامعه ..؟!
إياد: سام طلب مني ..
د.تركي: تقصد سامي الراهي ..؟!
إياد: يب ..
د.تركي: شنو علاقتك بسامي ..؟!
إياد: ولد عمي ..
اندهش الدكتور وتذكر محادثته امس مع سامي ويزيد ..

:::::::::::::::::::::::::::::::::::::::::::::::::: ::::::
رفع راسه وطالع فيهم وقال: منو هالشاب ..؟!
سامي: هذا اللي مثل دور انه عادل ..
رجع الدكتور تركي نضره لصورة إياد وطالع فيه ..
كل ما شاف شخص يشبه بنته يحس بالحنين لها .. قبل كان معتبر اسيل مثل بنته لانها فعلا تشبه بنته ..
بس اسيل ذي اختفت واختفى عن نضره طيف بنته اللي كان يشوفها كل يوم ..
د.تركي بهدوء: هذا اخو اسيل صح ..؟!
انصدموا يزيد وسامي من كلامه .. ما يدرون كيف عرف ..؟!
يزيد في نفسه: "يمكن لانه يدرس اسيل فلاحظ الشبه .. بس مهما كان مستحيل يكون متذكر ملامحها زين من بين كل الطلاب لانها مو من النوع المشكلجي عشان يصيدها دايم في المشاكل ويحفظ شكلها" ..
سامي في نفسه: "طريجة نظره لصورة إياد غريبه .. اللي يشوفه يقول انه يطالع في صورة ابنه ويتذكر اللحضات السعيده اللي بينهم ...... هههه اعجبني تعبيري هذا" ..
هز راسه وكأنه يقول هذا مو وقتك ..
طالع الدكتور فيهم وقال: انا سألت سؤال ..
سامي: ها .. اممم مدري اذا كان اخوها ولا لا لأني ما اعرف اسيل ..
:::::::::::::::::::::::::::::::::::::::::::::::::: ::::::

د.تركي في نفسه: "اذا كان هالولد اخو اسيل وفي نفس الوقت ولد عم سامي .. هذا يعني ان اسيل بنت عم سامي .. عيل ليش سامي انكر معرفته بأسيل" ..
عقد حواجبه فتره بعدها قال: "لحضه .. اسيل لقيطه .. رموها اهلها وهي صغيره .. عيل من الطبيعي انه ما يعرف ان اسيل بنت عمه" ..
طالع في إياد وقال: يعني سامي هو اللي طلب منك تصلح جذي ..؟!
إياد: ايوه .. دكتور لا تنسى تعاقبه لأن اللي سواه غلط ..
رفع الدكتور حاجبه وقال: ليش واقف ضد ولد عمك ..؟!
حط إياد رجل على رجل وقال بضجر: ما احبه ..
غصب عنه الدكتور ضحك على نبرة صوت إياد وجوابه الغريب ..
د.تركي: هههه دامك ما تحبه عيل ليه تسمع كلامه وتساعد نفيع ..
إياد بإستغراب: نفيع ..؟!!
انصدم سامي اللي كان يتنصت عليهم وقال في نفسه: "ما خبرت إياد عن جذبتنا .. لحد الآن يضن اننا اعترفنا عن حقيقة دانا .. يالله راح ننكشف اكيد" ..
د.تركي: ايه نفيع الطالب الخجول ..
طالع إياد في الدكتور تركي لفتره بعدها ميل فمه وطالع في الباب وقال في نفسه: "المهستر اللي هناك ما علمني عن حكاية نفيع هذا .. اكيد شبح اخترعوه في جذبتهم .. شلون يبيني اساعدهم وهو حاطني اللحين في ورطه" ..
د.تركي: شفيك ..؟!
طالع إياد فيه وقال: مافيني شيء .. بس افكر في الغداء اللي بتطبخه لي ام بدر .. ههههه اكيد سم الهاري ..
عقد الدكتور حواجبه بإستغراب ..
إياد: المهم يا دكتور شنو بيكون مصير سام ويزيد و .. ورفيجهم ..؟!
د.تركي: طبيعي راح ابلغ المدير .. غلط ان الواحد يدرس بدل تؤامه .. اللي صلحه نفيع غلط .. واللي صلحه يزيد وسامي بتزويرهم غلط ..
ابتسم وكمل: واللي صلحته انت كمان غلط .. بس للأسف انت مو تحت يدنا عشان نعاقبك ..
إياد: هههههههههههههههههههههههههههههههههه ..
إياد في نفسه: "هذا يعني انهم قالوا له ان واحد اسمه نفيع هو اللي درس بدل تؤامه عادل .. امم اسم غريب" ..
بعدها تربع عالكرسي وقال: دكتور .. لا تبلغ المدير عن نفيع .. والله انه ريال مسجين ..
هز الدكتور راسه وقال: هذا اسمه اختراق للقوانين .. وبصفتي دكتور فالمفروض ابلغ ما اتستر عالموضوع ..
إياد: بس دكتور حالة نفيع واخوه صعبه وااااايد .. والله راح تاخذ اجر اذا ساعدت هالمساجين ..
ابتسم إياد وكمل: دكتور احنا ليش عايشين ..؟! عشان ناخذ الاجر صح ..؟! عيل بلاها هالقوانين ..
د.تركي بإبتسامه وهو يسند إيده عالمكتب: اللي صلحوه اسمه تزوير وهذا الشيء ما يرضي ربنا صح ..؟!
إياد: بس يا دكتور فيه استثنائات كثيره بهالحياة .. مثلا الجذب حرام بس فيه اوقات يكون فيها الجذب لازم كالاصلاح بين شخصين .. فيا دكتور حالة نفيع استثنائيه .. اخوه مشلول وامه كبيره بالسن وهم فقارا فكيف تبيهم يصرفون على نفسهم ..؟! يرضيك انهم يدورون في الشوارع ويتشحذون ..؟! اكيد ما يرضيك .. واذا بلغت المدير راح تسوء حالهم اكثر ..
سكت شوي بعدها كمل: دكتور اتق الله .. لا تكون قاسي ..
طالع الدكتور فيه فتره بعدها قال: بس مهما كان .. اللي صار غلط واكبر غلط .. هذا غير عن اللي سووه يزيد وسامي .. يسرقون المفاتيح ويزورون .. هذا برايك صح ..؟!
إياد: لا مو صح .. يزيد وسام يستحقون العقاب بس نفيع لا ..
د.تركي: احس كلامك متناقض ..
إياد: ابدا .. بس اللي انا اشوفه اننا لازم نساعد نفيع عشان نكسب الاجر .. بس حكاية سرقة المفاتيح ذي غلط x‏ غلط .. لازم تعاقب سام عشان بعدين يتعلم ويبطل أذى .. واذا تبي تعاقب يزيد بكيفك بس المهم عاقب سام ..
د.تركي: انت شسمك ..؟!
إياد: اسمي إياد ..
د.تركي: اسمع يا إياد .. انا راح اعلم المدير فشلون تبيني استثني نفيع ..؟! لو قلت ان سامي ويزيد دخلوا المخزن بعد ما سرقوا المفتاح فراح يسألني عن السبب .. فذي الحاله بيكون السبب هو نفيع ..
إياد: مو لازم تعلم المدير .. انت عاقبهم .. صحيح انت تدرس اولى بس اكيد تعرف الدكاتره اللي يدرسوهم .. قولهم ينقصون درجات سام ويزيد .. يعني من كل ماده ينقصون اممم عشرين درجه ..
انصدم سامي فضاقت عيونه وهو يقول بقهر: إياد اللئيم ..
د.تركي: عشرين درجه وايد كثيره واحتمال كبير يحملون المواد ..
إياد: احسن عشان بعدين يتأدبون ..
طالع الدكتور فيه فتره طويله بعدها قال: انت شري ..
إياد: هههههههههههه اعرف .. المهم شقلت بخصوص نفيع ..؟! اتمنى فعلا انك تطلعه من الموضوع ..
سكت الدكتور لفتره بعدها قال: اعذرني ما اقدر .. مستحيل ارتاح اذا سكتت عن الموضوع ..
إياد: طيب انا عندي فكره .. الاسبوع الياي خله مهله لنفيع .. اذا الاسبوع اللي بعده ما ياء عادل يدرس فراح تبلغ واذا ياء فراح ينتهي الموضوع .. شرايك ..؟!
عقد الدكتور حواجبه لفتره بعدها قال: اوكي ماشي ..
إياد: طيب وسام ويزيد ما راح تعاقبهم ..؟!
د.تركي: هالاثنين انا راح اتصرف معهم ..
إياد: لا تنسى خل العقاب قاسي ههههههههههه ..
ابتسم الدكتور بعدها قال: إياد ابغى اسألك سؤال ..
إياد: شنو ..؟!
د.تركي: انت اخو اسيل ..؟!
تفاجئ إياد وسكت لفتره بعدها قال: ايوه ..
د.تركي بإبتسامه: مثل ما توقعت .. طيب وينها اسيل ..؟!
هز إياد كتفه بما آدري ..
طالع الدكتور فيه لفتره وفي مخه كثير اسئله بس في النهايه قال: اذا شفتها قول ان الدكتور تركي يسلم عليج .. ويتمنى انج ترجعي مثل قبل ..
هز إياد راسه بإيه ..
د.تركي: تقدر تطلع اللحين ..
قام إياد وطلع برى ..
تفاجئ من وجه سامي الغاضب فضحك بترقيع وقال: شرايك فيني ..؟!
سامي بضبط اعصاب: عشرين ها ..؟! انا قلت لا تساعدني بس هذا ما يعني انك تورطني اكثر ..
إياد ببراءه: سوري ..
سامي: سوري ذي في اي بنك اصرفها ..؟!
إياد: اللي قريب من بيتكم ..
سامي بعصبيه: إيـــــــــاد ..!! وغير جذي انت عارف ان عادل مشلول فليش تطلب هالطلب .. شلون عادل يرجع يدرس وهو مشلول ها ..؟!
هز إياد كتفه ببرود وقال: تصرفوا .. احمدوا ربكم اني ساعدتكم ..
وبعدها طلع من الجامعه وسامي يفكر في المشكله الجديده ..
بس بصراحه ذي المشكله اهون من مشكلتهم الاولى ..
اهون بكثير ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

16 - 3 - 2014, 05:01 PM

الساعه 1 الظهر وفي جامعة اسيل ..
توها اللحين خلصت اخر محاظره لها واللحين هي تلم كتبها واقلامها بالشنطه ..
صبى بحماس: اسيل .. اليوم راح نروح لبيت صاحب المطعم صح ..؟!
ابتسمت اسيل بهدوء .. ما كانت تبغى تروح بس ما تدري كيف تهورت ووافقت ..
بس شكل صبى حزنها وعشان كذا وافقت ..
صبى: اسيل شفيك ساكته ..؟!
اسيل: مافيني شيء ..
صبى: طيب ياللا نروح اللحين ..
ابتسمت اسيل وقالت: طيب .. ياللا .. بس ما نبغى نقرب من البيت كثير اوكي ..؟!
تكتف عواد وقال: وليش ما تبين تقربين من البيت ..؟!
عيد: اكيد فيه سبب ..
عايد: اعترفي يا آنسه اسيل ..
طالعت اسيل فيهم ببرود ووقتها قالت صبى: مالكم شغل فاهمين .. اسيل على كيفها .. اغبياء ..
عواد: إلا لنا شغل ونص .. يمكن ذي الاسيل اللي مو معروف اصلها تكون ناويه تأذيج .. مستحيل نوافق انك تروحي معها بروحج ..
عايد: حتى احنا بنروح عشان اذا فكرت تسوي شيء نتصدى لها ..
رفعت اسيل حاجبها وقالت: احلفوا بس ..؟! صج ان عقولكم فاضيه ..
صبى: فعلا اغبياء .. انا بروح مع اسيل بروحنا وانتم روحوا لبيوتكم ..
عواد: مستحييل ..
عيد: احنا مب اغبياء عشان نخليكم بروحكم .. ذي اسيل وحده ساحره ..
اسيل: ساحره ..؟! ههههههههههه اوكي تعالوا ويانا بس انتبهوا لانفيكم الى عالم الضياع هههههههه ..
ارتعبوا الثلاثه من ضحكتها وكلامها بعدها قال عايد بشجاعه: احنا مو خايفين منج ..
عواد: ابدا ..
صبى بحماس: ياللا نروح يا اسيل .. انا حيييل متحمسسه ..
اسيل: اوكي هيّا ..
خرجو اسيل وصبى من الكلاس ووراهم عواد وعايد وعيد ..
راحت اسيل مع صبى مع انها مو راضيه ..
ابدا مو راضيه ..
لما شافت ابوها ما تحملت وعلى طول بكيت ..
شلون لو شافت البيت اللي ولدت فيه والعز اللي اهلها عايشين فيه ..؟!
شلون راح تتحمل ..؟!
اخذت نفس عميق وطلعت هي وصبى والثلاثه من بوابة الجامعه ..
اسيل: راح نروح مشي ..؟!
صبى: اكيد .. بيته مو بعيد .. مررره قريب .. لو نطلع فوق شيء عالي مثل سطح مبنى b اكيد راح نشوفه ..
ترددت اسيل بعدها قالت: اوكي ياللا ..
مشيوا على رصيف الجامعه متجهين لقصر ابو إياد .. ابوها ..
عايد بهمس: شوفوا كيف اسيل تمشي وهي سرحانه ..
عواد: اكيد تفكر في تعويذه تلقيها علينا عشان تفتك منا ..
عيد بخوف: تقصدون انها بتودينا لعالم الضياع ..؟؟!!
عايد: اكيد .. هي بنفسها قالت لنا ..
عواد: لا تخافون لا تخافون .. اقرؤا المعوذات واذكروا الله وبجذي ما تقدر تآذينا ..
عيد: صح .. السحر ما يقدرون يسوونه اذا حصّنا نفسنا ..
عايد: اوكي خلونا نحصن نفسنا ..
وبدؤا يحصنون نفسهم واسيل تطالع فيهم بإستفهــ؟ـام كبير على راسها ..
شوي ابتسمت لما استنتجت السبب ..
صبى بحماس: اهو القصر .. قربنا كثير منه ..
لفت اسيل بسرعه على قدام وطالعت بدايات القصر من بعيد ..
حست ان قلبها يدق بقوه فقالت: صبى خلينا نرجع ..
صبى بدهشه: ها ..!! ليييه ..؟! ابغى اشوفه يا اسيل امانه ..
لفت اسيل وجهها بعدها قالت: خلاص انا بأنتظركم هني ..
عواد: خوافه ..
صبى بترجي: اسيل ايش ذا ..؟! ما يصير تسوي فيني جذي .. انتي وعدتيني انج تروحي ويانا فليش تقولين اللحين لا ..؟!
طالعت اسيل فيها بعدين طالعت في اطراف القصر بعدها قالت: مدري .. بس صدقيني انا مو مرتاحه للروحه لهناك ..
صبى: طيب بس نطالع من قريب بعدها نرجع .. يبت معاي كاميرا عشان اصور القصر واوريه بنات خالاتي .. لا تكسرين بخاطري جذي ..
ترددت اسيل بعدها قالت: طيب .. طيب ..
تقدمت من القصر ومعها البقيه ..
عواد: وااااو .. قصر ذاك الشخص وايد فخم ..
عيد: يا حظهم .. ودي اعيش هنا مثلهم ..
عايد: يا ليته ابوي .. والله وناسه ..
طالعت اسيل فيهم .. ناس ماهم مقدرين النعمه اللي هم فيها ..
ايش افضل من نعمة الاهل ..؟!
الام والاب والاخ والاخت ..
ايش افضل من الحنان والتعاطف بينهم ..؟!
ايش افضل من انه يكون عندك اب يسمع لك ..؟!
الى ام تضمك بحنانها ..؟!
الى اخ تستهبل معاه ..؟!
الى اخت تفضفي لها ..؟!
المال ماهو السعاده الحقيقيه ..
ابدا ..
وصلوا لبوابة القصر الضخمه اللي تخفي خلفها حديقه اماميه كبيره ومليئه بالاشجار وغيره من المناظر ..
طلعت صبى الكاميرا بحماس وبدأ تصور الحديقه من خلف البوابه الحديديه اللي توضح كل شيء خلفها ..
حطت اسيل ايدها على قلبها وهي تطالع في البيت بنظرات حزينه ..
نظرات مؤلمه ..
نظرات محطمه ..
طيب ليش ..؟؟!
سؤال تسأله لنفسها في اليوم مليون مره ..
ليه رموها ليييه ..؟!
اهتزت شفايفها وبدأت دموعها تنزل ..
اهل قاسيين ..
لفت وجهها واضطرت انها تبتعد عشان ترتاح ..
تبغى تبعد من هالمكان ..
تركتهم وراحت بخطوات سريعه للجهه الثانيه ..
صبى: اسيــــل ..
عواد: خليها هالساحره .. اكيد فيه سبب بينها وبين رئيس المطعم ..
مسحت اسيل دموعها وهي تردد: انسيهم .. انسيهم .. انسيهم يا اسيل انسيهـ آآآه ..
صقعت في واحد طالع من الجهه الخلفيه من القصر فطاحت بقوه عالارض ..
جلست ومسكت ايدها اللي حكت بالارض وشوي حست بألم في عيونها ..
لما طاحت بقوه تحركت العدسه السودا اللي حاطتها بعينها واللحين تحرقها ..
اضطرت انها تشيلها من عينها اليسرى لان ما معها مرايه عشان تعدلها ..
رمتها عالارض وهمها الوحيد هو انها تبعد عن هالمكان ..
وقفت وانصدمت من الانسان اللي واقف قدامها ..
طالع فيها هالشخص وقال: شنو اللي يابج هني عند القصر ..؟! ومنو انتي ..؟!
طالعت اسيل فيه وتذكرت انها صقعت قبل شوي في واحد ..
مسحت دموعها وقالت: كنت ماره وبس ..
عقد حواجبه وهو يطالع في عيونها ..
وحده لونها اسود والثانيه رصاصي ..
نزل نظره عالعدسه اللي طاحت عالارض ..
ضاقت عيونه وقالت: منو انتي ..؟!
اسيل: وحده حالها حال نفسها .. باي ..
ومرت من جنبه عشان تروح لجهة بيتها ..
مسك هالشخص بإيدها وقال بهدوء: انتي سجى الراهي ..؟!
انصدمت من سؤاله بعدها ترددت وقالت: لا انت غلطان .. انا مو سجى .. اصلا منو تكون سجى هذه ..؟!
لف راسه لجهتها وقال: متأكده ..؟!
سحبت اسيل ايدها بقوه وقالت: مالك شغل ..
وبعدها ابتعدت عنه بخطوات سريعه ..
وقف ذاك الشخص في مكانه فتره بعدها قال: تشبه عيون السيد وابنه .. يمكن تكون بنتهم اللي ضاعت من زمان ..
عقد حواجبه لفتره وكأنه يفكر في شيء محدد ..

وصلت اسيل للعماره اللي مستأجره فيها ..
وقفت عند باب العماره واسندت ظهرها عليه واخذت نفس عميق تهدي فيه انفاسها المتسارعه من الجري ..
هزت راسها وهي تقول: المفروض ما اروح .. المفروض ما اروح ..
تجمعت الدموع في عيونها وهي تقول: آذيت نفسي وبس .. منو قالي اروح ..؟! غبيه .. اكرههم وايد .. مو قادره ارتاح في حياتي ابدا .. ابي انساهم .. ابي انساهم بس مو قادره ابدا ..
حاولت تهدى نفسها وهي تتذكر الجمله اللي جاتها من المجهول ..
فعلا الانسان هو اللي بيدوم لنفسه في النهايه ..
هي اللي بتبقى مع نفسها للنهايه فلازم تسعد نفسها ..
محد راح يفيدها غير نفسها ..
غير نفسها وبس ..
وللمره الثانيه اخذت نفس عميق تهدى هالمره نفسيتها ..
لازم تكون قويه ..
لازم ما تنهار ..
لازم ..
دخلت للعماره وبعدها طلعت للدور اللي شقتها فيه ..
وقفت فتره بإستغراب وهي تشوف الولد اللي يسكن جنبها واقف قدام باب شقتها ..
اسيل في نفسها: "شيبي من شقتي" ..
قعدت فتره واقفه بعدها تقدمت شوي فأنتبه لها الولد ولف يطالع فيها بهدوء ..
اسيل: اممم ليش واقف هني ..؟!
ظل ساكت لفتره يطالع فيها بعدها قال: لا بس بغيت اكلمك .. دقيت الباب بس محد رد ..
اسيل في نفسها: "بس لما ييت ما كان يدق الباب" ..
اسيل: شنو كنت تبغى مني ..؟!
ابتسم باسل وقال: بغيت منك خدمه ..؟!
اسيل: خدمه ..!! شنهي ..؟!
باسل: انا طالب قانون بمعهد ودراستي تبدأ الظهر .. دووم اوقت المنبه حقي بس ما اصحى .. نومي وايد ثقيل .. فإذا ما عليك امر ممكن لما ترجعي من جامعتج تدقي عليّ الباب لحد ما اصحى عشان اروح المعهد ولا اتأخر كالعاده ..
سكتت شوي بعدها قالت: اوكي .. مافي مشكله .. بس يوم الاحد اتأخر ..
باسل: اوكي الاحد بأحاول اصحي نفسي واروح متأخر ..
ابتسمت اسيل ولا علقت ..
باسل: ياللا انا رايح اللحين .. مع السلامه ..
اسيل: مع السلامه ..
نزل لتحت وهي دخلت شقتها ..
ركب سيارته بعدها ابتسم بغموض ..
رفع نظره للدور السادس وقال: بجد صدمه .. بجذي ربحت التحدي ..
شغل سيارته وبعدها انطلق لمعهده ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

المغرب وفي بيت راشد الشعلان ..
كان واقف عند باب بيته ويطالع في السواقين اللي قدامه ..
راشد: وين سعود ..؟!
السواق1: والله احنا ما يدري هو فين ..؟!
راشد: شنو يعني ما ندري ..؟! قبل فتره بغيته بس ما كان موجود واللحين كمان مو موجود .. اكيد عارفين هو فين ..
السواق2: اصلا هذا سعود كل شوي يروح ويروح مكان احنا ما يدري وين ..
عقد راشد حواجبه وقال: شنو تقصد بحجيك ..؟!
السواق2: انا يقصد انه دايم يروح ويروح مكان احنا ما يدري وين ..
راشد: اسكت اسكت .. مسوي روحك تفهم وانت تعيد نفس الكلام ..
تكتف وقال لنفسه: دايم يروح .. ليه وين يروح بالضبط ..؟! وش وراه هالسعود ..؟! اكيد فيه شيء ..
طالع في السواقين وقال: اذا ياء خلوه يي عندي ابي احاجيه ..
السواق1: حادر ..
دخل راشد للبيت وهو يفكر في سالفة سعود ..
هذا السواق اللي يعتمد عليه بكل شيء وخصوصا بتوصيل روان لمدرستها او صاحباتها ..
بس تصرفات سعود صارت مريبه ..
جلس على الكنب بعدها تذكر شيء وقال: صح شصار على سالفة شهد واختها البزره ذيج ..؟!
هز ايده بلا مبالاه وقال: مع نفسهم ..

في الخارج وعند سور بيت راشد ..
كان هناك شاب واقف ويراقب كل شيء ..
هالشاب قبل فتره قصيره طلع من السجن ..
ايه هو علي اللي سجنه راشد بتهمة التسلل لقصره ..
واللحين هالعلي ناوي ينتقم من راشد الشعلان اللي تسبب في اذية صديقه وفي دخوله للسجن ..
ابتسم علي وقال: اليوم يا راشد .. صدقني اليوم راح تشوف جزائك اللي تستحقه وراح اريح ناس كثير من شرك اللي ماله حد ..
ظلت الابتسامه على وجهه والحقد عامي عقله ..
مو داري ان اللي بيسويه حرام وما راح يفيده هالشيء في اخرته ابدا ..
الله وحده هو اللي يجازي المجرم مو الانسان ..
الله وحده ..

وصل سعود ووقف سيارته ..
كان اليوم ناوي يروح للمستشفى عشان يطمئن على صحة شادن ..
بس زحمة الطرق كانت شديده وعشان كذا اضطر انه يرجع عشان راشد لا يشك في اختفائه ..
وقف سيارته ونزل منها ..
جاء عند احد السواقين وقال: سعود السيد راشد يبغى يشوفك ..
حس سعود بخوف لانه لو راشد اكتشف خروجه المتكرر ما راح يعديها له ابدا ..
قفل السياره بعدها اتجه لبيت راشد ..
دخل سعود البيت وشاف راشد جالس على الكنبه وكأنه ينتظره ..
لما شافه راشد قال: اهليين سعود .. تعال هني ..
تقدم سعود منه لحد ما وقف قدامه ..
وعلى طول وبدون مقدمات سأله راشد: وين كنت ..؟! حتى قبل يومين ما شفتك .. السواقين اللي برى قالوا انك دوووم تطلع برى بدون اذن ولا سبب .. وين تروح يا استاذ سعود ..؟!
ترددت سعود وما كان في باله اي جواب يقوله ابدا ..
راشد بحده: ياوب بسرعه لا تدور لنفسك جذبه ..
صراخه هذا وصل لاذن شهد اللي كانت قريبه من الصاله ..
استغربت فطالعت من الباب عشان تشوف ايش السالفه فانصدمت لما شافت سعود واقف مع راشد ..
حست بخوف كبير وقالت في نفسها: "يا رب .. يا رب ما يتورط سعود يا رب" ..
سكت سعود لفتره قصيره بعدها قل: كنت ازور بنت اختي في المستشفى ..
راشد بعصبيه: وليه ما تاخذ الاذن مني انا ..؟! انا ما شغلتك عندي ببلاش يا سعود .. شايفني ملطشه عشان تروح وتيي بكيفك ..؟!
سعود: حاشاك ..
راشد: عيل ليش جذي ها ..؟!
سعود: اعرف اني غلطت وعشان جذي انا جد اعتذر ..
طالع راشد فيه فتره بعدها قال: انا نبهت على مسألة الاستئذان اكثر من مره صح ولا غلط ..؟! اعذرني الفصل هو الخيار اللي انا اشوفه ..
انصدم سعود من كلامه وما كانت شهد اقل صدمه منه ..
كانت راح تتهور وتروح تدافع عنه بس بكذا راح تسوء الحال اكثر واكثر ..
سعود: بس انا ....
راشد: ششش مابي اعتراض لا اقلب الدنيا فوقك .. انا كل شيء يمشي عندي الا ان الواحد يستغفلني ..
هز سعود راسه وقال: اوكي .. انا ماشي ..
لف وطلع من المكان وراشد يراقبه بنظراته ببرود ..
عضت شهد على شفتها وهي حاسه بالذنب ..
لفت وطلعت فوق لغرفة روان ..
لازم تقولها تقنع اخوها انه ما يطرده ..
دقت الباب ودخلت عند روان ..
روان بابتسامه: اهلييين شهوود .. من زمان ما شفتك .. هههه امس اخر مره شفتك فيها ..
ابتسمت شهد بعدها قالت: روان ابي منك خدمه ..
روان بإستغراب: شنهي ..؟!
سكتت شهد شوي بعدين قالت: السواق سعود .. راشد راح يفصله بسببي ..
روان: شتقصدين ..؟!
طالعت شهد فيها بعدها حكتها عن كـــــل شيء ..
انصدمت روان من اللي سمعته .. صحيح لها فتره ما شافت شادن بس ما توقعت انها في المستشفى ..
ابتسمت لشهد وقالت: حاااضر ولا يهمج .. انا اللحين اخليه يغير رايه ..
ابتسمت شهد من قلب وقالت: مشكوره يا روان .. مشكوره وايد ..
خرجت روان من غرفتها بعدها نزلت لتحت فشافت راشد يطالع في المصارعه ..
روان: اووووه عنف مره ثانيه .. يا انك تطالع افلام عنف او مصارعه .. ياخي لو مره وحده بس تابع لك فلم لطيف ..
راشد بإستنكار: فلم لطيف ..؟؟!! هههههههههه ..
بوزت روان وهي تقول: ليش تضحك ..؟!
راشد: ههههههه ماكو سبب ..
روان بلا مبالاه: عالعموم بغيت منك طلب ..
راشد: وشو ..؟!
روان: ابيك تقول لسعود باجر يوديني لبيت رفيجتي نهى ..
راشد: هالمره انا بوديج لين القى لج سواق قد الثقه ..
روان بإستغراب مصطنع: ليييه وسعود ..؟؟!!
راشد: خلاص فصلته ..
روان بصدمه: شنــــو ..؟!! اكيد تتغشمر صح ..؟!
راشد: لا ما اتغشمر ابد .. يستاهل .. منو قاله يستغفلني ..؟!
روان: لا راشد بلييييييز رجعه .. انا ما ارتاح إلا معه ..
راشد بحدّه: روان سكري عالسالفه .. وياللا روحي ذاكري وخليني اتابع المصارعه ..
روان بعناد: راشد انا ما ابغى .. ابغى سعود يرجع .. ليش تسوي جذي ..؟! راشد واللي يسلمك رجعه .. مستحيل اثق في اي سواق غييره ..
راشد: روان انتي شفيج بالضبط .. انا اذا قلت كلمه ما اثنيها ..
روان: بس مالي شغل .. سعود لازم يرجع ..
راشد: روان وبعديييييين .. ما تشوفين اني مشغول اتابع .. خليني براحتي ..
بوزت روان وقالت: يعني يرضيك تكسر بخطري جذي ..؟!
راشد وهو منسجم بالمصارعه: لا ما يرضيني وعشان جذي بييب لج بدل السواق عششره ..
روان: لاااا .. ابي سعود وبس ..
راشد: عيل مع نفسج ..
وقفت روان وقالت: رشووود .. اذا سعود ما رجع ما راح اكلمك ابدا ..
لفت وطلعت لفوق ..
ما اهتم راشد لكلامها لان كل همه اللحين هو انه يفوز المصارع اللي بباله ..

ساعه .. وساعتين .. وثلاثه ..
مرت ثلاث ساعات وعلي برى ينتظر راشد يطلع عشان يشوفه وهو يموت بعينه ..
ضغط بقووه على سور القصر وهو يقول: وينك طااس يالمجرم الحقيييير ..
شوي لمح راشد طالع .. ارتاح نفسيا وبدأ يقول: ايه .. ايه اركبها .. اركب السياره السوداء وفكنا من شرك للابد .. هيّا ..
تقدم راشد ناحية السياره السوداء ..
طلع المفتاح من جيبه عشان يفتح السياره ..
شوي لاحظ انه اخذ مفتاح سيارة البيضاء مب السوداء ..
تأفف وكان حيدخل يجيب المفتاح بس تكاسل ..
لف عالسياه البيضاء ودخلها وعلي مصدوووووم ..
لا .. مو هذا اللي كان يبغاه ..
لييييييش ..؟!! لييييش ..؟!!
هو كثيير يركب السوداء فلييش اللحين ركب البيضاء ..؟!
طلعت سيارة راشد من البيت وراحت لشغلتها وعلي مكانه مييت قهر من الداخل ..
حاول يهدي نفسه وهو يقول: ماشي .. اذا ما مات اليوم فهذا يعني انه بيموت باجر .. ماشي ..

16 - 3 - 2014, 05:04 PM

الساعه 12 الليل ..
كان بسام في غرفته وجالس عاللاب حقه ينجز بحث لأحد المواد ..
لف نظره يطالع في الساعه بعدها تنهد وقال: تأخر ..
رجع نظره لبحثه وخلصه بعد نص ساعه تقريبا ..
طبع الاوراق وحطها في ملف الماده ..
بسام: ان شاء الله هالبحث يرضي الدكتور اللي بالقوه يرضى ..
بعد ما خلص اسند ظهره عالمخده وظل يطالع في اللاب بسرحان ..
قبل سنتين تقريبا كان معاه لاب توب غير هذا ..
وفي احد الايام وهو يطقطق في النت فتح البريد الالكتروني عشان يشيك على حساباته ..
شوي جته رساله من بريد غريب ..
فتحه وانصدم من محتواه ..
نسخ الكلام الموجود في مفكره عشان يقدر يدقق فيه عدل ..
لأن فعلا محتوى هالبريد جدا جدا مو معقول ..
ما كان مصدق وقتها ابدا ..
بعد دقايق فتح البريد بس ما رضي يفتح معاه لأن .... لأنه كان مهكر ..
كانت ذي اول مره يتهكر شيء يخصه ..
بعدها بساعه انلغى التهكير اللي عالبريد ..
كل شيء كان على حاله ما عدا ذيك الرساله .. كانت محذوفه ..
ابتسم بسام وقال: اكيد حذفوها بعد ما عرفوا انهم غلطوا في عنوان البريد .. بس ما كانوا يدروا اني نسختها عندي في ذاك الوقت ..
طالع في اللاب حقه وقال: وقتها انصدمت كثير منك يا زوج اختي الموقر .. ما كنت اتوقع انك من هذا النوع من الناس .. A.s.n‏ ‏.. هذا هو رمز شراكتكم ها .. هين .. المعلومات اللي وصلتني في ذاك البريد راح تييب اجلك يا استاذ ..
طالع في ساعته وقال: بس المشكله ان اللاب القديم مب عندي .. وطيارة مروان اللي طلبت منه ييب اللاب تأخرت ..
ضاقت عيونه وكمل: راح ادفعك ثمن اللي ساويته بسجى ..
طالع بجواله وقال: ما صارت ترسل لي شيء .. يا ترى هي بخير ولا صار معها شيء ..؟!
طالع بسرحان في الجوال وقال: ودي اقابلها .. بس كيف ..؟! لازم ألقى طريجه ..
دق جواله في هالوقت فرد وقال: اهلين مروان .. ها وصلت ..؟!
مروان: توي طالع من الطياره ..
بسام: طيب خلك عندك .. انا اللحين يايك لأني ابيك بشغله ثانيه ..
مروان: طيب ..
قفل بسام الجوال وبعدها طلع من غرفته ..
طل على اخته فشافها نايمه ..
تنهد بعدها طلع من الجناح ..
نزل وخرج من الفندق واتجه لسيارته ..
فجأه ضاقت عيونه ولف على ورى بس ما شاف شيء ..
هز راسه وهو يقول: شكلي كنت اتخيل ..
ركب سيارته واتجه للمطار ..

ابعد هالشخص الجريده عن وجهه وبعدها قال بهمس: توه طلع متجه للمطار ..
بعد ما سمع الاوامر عن طريق السماعه الموصوله بإذنه هز راسه بإيه وقفل الاتصال ..

وصل بسام للمطار .. نزل من سيارته ودخل عشان يدور على مدير اعماله مروان ..
كلها ربع ساعه لحد ما لقاه ..
مد مروان اللاب توب لبسام وهو يقول: هذا هو اللاب الوحيد اللي لقيته في غرفتك ..
اخذ بسام شنطة اللاب ولبسها على كتفه وقال: ثاانكس مروان .. بجد ما قصرت ..
مروان: العفو ..
طلع بسام جواله وقال: اسمع .. ابيك بسالفه ..
مروان: شنهي ..؟!
فتح بسام على رقم اسيل وقال: تقدر تطلع عنوان بيت صاحب هالرقم ..؟!
ابتسم مروان وهو يقول: مستحيل نقدر نطلع عنوان البيت من رقم .. إلا اذا كان الرقم مكتوب بإسمه ومستأجر البيت بإسمه .. جذي فيه احتماليه بسيطه اننا نطلع ..
هز بسام راسه بلا وقال: سألت عن الرقم فطلع انه بأسم فيصل عبد الرحمن الرملي .. بس صاحب الرقم اللي ابي اعرف عنوانه هي بنت .. تقدر تحاول تطلع طريجه ..؟!
سكت مروان لفتره بعدها قال: صدقني مستحيل بس يمكن يكون في طريجه .. راح احاول ..
بسام: جد مشكور .. واللحين خذ الرقم ..
طلع مروان جواله وبدأ يكتب رقم اسيل ..
بعد ما خلصوا قال بسام: ياللا اللحين روح لشغلك وانا حأرجع للفندق ..
مروان: اوكي .. مع السلامه ..
لف وراح وبسام واقف في مكانه ..
بسام وهو يردد: اللحين روح لشغلك ..!! الوقت منتصف الليل فليش قلت جذي ..؟! آآخخ المفروض أقوله روح ارتاح مو روح لشغلك ..
اتجه لسيارته وهو يقول: بس اكيد بيروح يرتاح .. انا اعرف مروان عدل ..
ركب السياره بعدها اتجه لفندقه ..
بعد ما وصل وقف سيارته في مكانها المعتاد ..
نزل ومعاه شنطة اللاب وبعدها قفل الباب وراه ..
عقد حواجبه بإستغراب .. يحس بحركه حواليه ..
طالع يمين .. يسار .. بس مافي شيء ..
مشي شوي .. وفجأه جاء شخص ودفه بقوه والثاني اخذ الشنطه من ايد بسام واختفوا ..
ما قدر بسام يستوعب شيء من اللي صار قبل شوي ..
جلس وفجأه استوعب ان شنطة اللاب اللي فيها دليل ضد ابو إياد انسرقت .. وطبعا ماكو غيره ..
عصب بسام وشد قبضته وضربها بقوها في السياره وهو يقول: كيف .. كيف ما انتبهت كيف ..؟! آخخ ما راح اسمح لك بالفوز .. راح اجازيك وراح تشوف ..

.................................................. ......................

في داخل ذاك المكتب التابع لابو إياد الراهي ..
كان يحيى واقف وهو يقول: اطمئن .. قدرنا نحصل عاللاب ولما فتشناه لقينا الادله اللي تدينك فحذفناها ..
ابو إياد: قبل شوي اكتشفت عن وجود معلومات تدينني في لاب بسام .. هالمعلومات كلها ليش موجوده ..؟!
ضاقت عيونه وهو يكمل بحده: اصلا شلون وصلت هالمعلومات السريه لجهاز بسام ..؟!! ابي تفسير واضح يا يحيى ..
تردد يحيى بعدها قال: حسب المعلومات اللي وصلتني عرفت ان البريد الخاص ببسام يطابق البريد الخاص بشركتنا بالخارج ما عدى اختلاف رقم بسيط وعشان جذي قبل فتره من الزمن حصلت لخبطه واللي اعرفه اننا تداركناها بسرعه .. بس شكل بسام من نفس الوقت عمل نسخه إحتياطيه ..
ابو إياد: شلون تغلطون غلط مثل جذي ها ..؟! وشلون كمان انا ما ادري عنه ..؟!
يحيى: بما ان المشكله خلصت فما حبينا نزعجك فيها ..
ابو إياد بعصبيه: شنو تقصد فما حبينا نزعجك ..؟! انا جم مره قلت لا تخفوا عني شيء ..؟!! جم مره ..؟!
يحيى: احنا عن جد آسفين وان شاء الله غلطه مثل هاي ما تتكرر مره ثانيه ..
سيطر ابو إياد على اعصابه وقال: اطلع برى ولي معاك كلام ثاني ..
تردد يحيى شوي فقال ابو إياد: انت ما سمعت ..؟!
يحيى: حاضر ..
لف وطلع من المكتب ..
تنهد وقال: شكله ما يمديني افاتحه بهالموضوع في هالوقت .. لاني متأكد انها بنته .. متأكد وبقوه ..
لف وراح يشوف شغله ..

⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊ ⁄⁄◊⁄⁄ ◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄ ◊⁄⁄◊⁄ ⁄◊⁄⁄◊⁄⁄◊⁄⁄◊⁄⁄◊⁄⁄◊⁄⁄◊

في صباح اليوم الثاني ..
كان المكان كله من حوله ظلاااام ..
مو حاس بأي شي .. بس حاس بآلام قويه في كل عضو من اعضاء جسمه ..
مو قادر يحرك لا ايده ولا رجله ولا حتى رقبته ..
طيب ليش .. شالسبب ..؟! وليش هالرائحه الغريبه اللي يشمها ..؟!
هو وين بالضبط ..؟!
بدأ عقله يسترجع آخر الاحدث ..
الجامعه .. الدكتور .. الطلاب .. الكيبل .. الانفجار ..
لحضه كأنه بدأ يتذكر ..
الانفجار .. ايه .. لما حصل هالانفجار ما عاد حس بأي شيء بعدها ..
هذا يعني انه في المستشفى وعشان كذا كان يشم ريحه غريبه ..
حاول يفتح عيونه بس مو قادر .. حتى جفونه يحس انها تآلمه ..
سمع صوت الباب ينفتح واقدام تقترب من عنده ..
حاول يفتح فمه يتكلم بس مو قادر ..
يا ترى هو اصلا حي ولا ميت ..؟!
مو قادر يحدد .. يقدر يسمع كل شيء بس ما يقدر يحرك اي شيء ..
بس لحضه .. هو اكيد حي .. لان هالرائحه تدل انه في المستشفى ..
سمع صوت واحد مصري يقول: واخيرا بقى قررت تشوفه من قريب .. الظاهر انه لحد هلأ ما صحيش ..
شوي سمع صوت واحد شاب يقول بقمة الهدوء: متى يصحى ..؟!
هالصوت يعرفه بس عقله مو راضي يستنتج صاحبه ..
تكلم المصري وقال: ما اعرفش بصراحه .. بس هو طول كتير في غيبوبته .. الله يستر .. دنا اخاف انه ما يصحاش منها ..
وبطريقه مفاجئه تكلم الشاب يقول: لا تتفاول عليه جذي .. راح يصحى .. انا متأكد ..
ابتسم بداخله وكأن عقله بدأ يستنتج صاحب هالصوت ..
ايه اكيد هو انس اخو خطيبته إيمان ..
المصري: انا ما اقصدش اني اتفائل عليه .. بس انا اقول الاشياء اللي خايف انها تحصل .. انت ادعيله وان شاء الله يصحى .. ياللا استأذن ..
لف وطلع وبقي انس لوحده وقدامه عالسرير الدكتور راكان ..
تكتف انس وقال: نايم ها ..؟! عندي احساس قوي يقول انك صاحي .. ياللا قوم وبطل هالتمثليه .. تباني احن عليك وانسى اللي صلحته في اختي .. لا يا حبيبي تحلم ..
"ياليييييل هذا ما ينسى جملته ابدا" ..
هذا هو الشيء اللي كان يفكر فيه الدكتور راكان ..
طالع انس في الدكتور لفتره بعدها قال بهدوء: انت تمثل اكيد .. هيّا قوم .. قوم وقول انك بخير وبصحه .. طولت وانت جذي ..
جلس عالكرسي وطالع في الدكتور راكان فقال بنفس الهدوء: اها .. يعني من صج انت في غيبوبه ..
مد ايده ولمس الشاش الملفوف على نصف وجه راكان وعلى ايده ورقبته ..
ظل فتره طويله يطالع في راكان بعدها قال بهمس: راكان .. انا آسف ..
انصدم راكان من الكلام اللي سمعه ..
لا اكيد يحلم .. ايه اكيد ..
انس في نفس الهمس: انا اعرف .. انا اعرف انك مالك علاقه باللي صار لاختي .. بس اعذرني .. انصدمت من موتها لدرجة اني ابغى اخفف شيء من الالم اللي بداخلي .. وبلحضة انفعال اتهمتك وظليت اتهمك لحد هاليوم .. حاولت اكرهك بس مو قادر .. شلون تبيني اكره واحد كانت اختي تحبه ..؟!
ارتجف صوت انس وكمل: كنت اتمنى اشوفك كل يوم .. لاني اذا شفتك احس اني شفت انعكاس إيمان .. وربي اني لحد اللحين احبها اكثر من اي شيء .. ياليتها ترجع .. ياليتها ترجع ولو لثواني ..
حس راكان بالالم وهو يسمع كلام انس ..
منو اصلا مو مشتاق لإيمان ..؟!
منو اصلا اللي ما يبي يشوفها ..؟!
إيمان كانت انسانه غيييير عن الكل .. محد يقدر يكرهها ابدا ..
سمع صوت الكرسي وهذا يعني ان انس قام ..
اللحين حس نفسه انه قادر يتحرك ..
فتح عيونه .. انزعج من النور اللي آذى عينه اول ما فتحهها ..
شوي تعودت عيونه فشاف انس واقف ويطالع في الجدار بسرحان ..
بعدها تنهد واتجه لجهة الباب عشان يطلع ..
فتح راكان فمه عشان يكلمه .. بس بعدين بطل ..
خرج انس وقفل الباب وراه ..
مد الدكتور راكان ايده بالقوه وضغت الزر اللي بجانب السرير ..
رفع ايده وتحسس الشاش اللي على وجهه ..
ابتسم بهدوء وقال: شكلي تشوهت ..
طالع في راحت ايده وكمل: وشكله جوال إيمان انعدم كمان .. الذكرى الغاليه منها احترقت ..
حس بالالم لهالشيء ..
غمض عينه لحد ما يوصلون الدكاتره عنده ..

16 - 3 - 2014, 05:05 PM

الساعه تسع الصباح ..
كان طارق في غرفته نايم وفي سابع نومه والمكان من حوله مره هادي وبارد ..
شوي تعالى صوت رنين جواله ..
عقد حواجبه بإنزعاج ومد ايده يدور على جواله عشان يحطه عالصامت ..
بس للاسف طاح الجوال من فوق الكومدينه وصار عالارض ..
كان ناااايم مافيه شدّه على انه يقوم ويجيبه ..
ظل الرنين متواصل لحد ما انقطع الخط ..
كلها كم دقيقه بعدها عاود الاتصال ..
قام من فوق سريره وهو حده منزعج ..
اخذ الجوال وهو يقول: من الفاضي اللي يتصل في الصبح جذي ..
شاف ان الرقم غريب .. وكمان كان رقم تلفون مو جوال ..
استغرب من السالفه ..
رد وهو يقول: الو ..
المتصل: السلام عليكم .. انت الاخ طارق علي العالي ..؟!
طارق: ايه معك طارق ..
المتصل: معك ادارة مستشفى الـ***** .. انت كنت في المستشفى امس صحيح ..؟!
طارق بإستغراب: ايه عشان اطلع ولد عمي وسيم عمر العالي .. وقعت على اوراق خروجه وطلعته بالعصر تقريبا ..
المتصل: بصراحه احنا اتصلنا عليك لاننا لاحضنا تشابه الاسماء فتوقعناك تكون قريبها ..
طارق: قريبها ..؟! شنو تقصد ..؟!
المتصل: قبل ايام يت مريضه هني بالمستشفى ومن بعدها ما جاء اللي حطها غير مره وحده عشان يسأل عنها ولا وقع حتى على الاوراق .. كنا نبغى نتواصل معه لانه فيه شيء مهم نبغى نبلغه له بس ما قدرنا .. بحثنا في الاوراق عشان نقدر نوصل لاي شخص ممكن يعرفها فلاحضنا الشبه الكبير بين اسمك واسمها .. اخذنا الرقم من الطبيب اللي كان مسؤول عن صحة المريض وسيم اللي كان اسمه مطابق لاسم هالمريضه ..
طارق بإهتمام: ايه .. ومنو هالمريضه ..؟!
المتصل: طفله اسمها شادن عمر العالي ..
فتح طارق عيونه على اخرها بصدمه ..
هذا الاسم هو نفسه اسم بنت عمه الصغيره ..
هو نفسه تماما ..

✖ إنتهــــــــــــــــــــــــــــى ✖

لحد هنا نوصل لنهاية البارت السابع عشر الجزء الثاني ..
نلتقي الاسبوع الجاي ببارت جديد مليء بالاحداث من العيار الثقيل ..
اليوم تأخرت عنكم كثيير ومن حقكم اني اعوضكم عن اخلافي للوعد لما وعدتكم اني انزله ..
عشان كذا الاسبوع الجاي راح انزل بارتين بدل البارت الواحد ..

نلتقي على خير بإذن الله ..
وهذه بعض المقتطفات من البارت الجاي ..

// احتد صوت إياد وهو يقول: متى ..؟! متى شفتها ووين ..؟! ياوبني .. //
// انصدم سامي وحس بالرعب يسري بجسده .. شلون ما يحس بالرعب والشخص اللي قدامه هو رعب طفولته .. هو جاك نفسه //
// ابتسم باسل بخبث وقال: لا .. انا مابي فلوس منج .. الثمن مو مهم عندي .. اهم شيء هو ان امنيتي تتحقق .. اذا بتحقيقها فابشري //

اختككم //
صـــوصصــإآ ..

|$[ نهاية البارت ]$|

16 - 3 - 2014, 05:07 PM

|$[ البآرت السابع عشر الجزء الثالث ]$|

طارق بإهتمام: ايه .. ومنو هالمريضه ..؟!
المتصل: طفله اسمها شادن عمر العالي ..
فتح طارق عيونه على اخرها بصدمه ..
هذا الاسم هو نفسه اسم بنت عمه الصغيره ..
هو نفسه تماما ..
بس كيف ..؟!
شلون تكون في المستشفى ومحد عندها ..؟!
وين اختها شهد عنها ..؟!
طارق: اوكي مسافة الطريج واكون عندكم ..
قفل الجوال وراح يلبس له ملابس ويدور في راسه مليوون سؤال ..
خرج من الغرفه وراح عشان يعطي لأنس خبر انه بيطلع بس ما حصله ..
فتح باب الشقه وطلع منها فشاف قدامه شادي ووسيم يلعبوا بالمصعد ..
طارق بعصبيه: شادي وسيم .. شنو هذا اللي انا قاعد اشوفه ..؟!!!
اخترعوا الاولاد ووقفوا بأدب ..
طارق: انا سألت وابي اسمع اجابه ..
شادي: اممم كنّا نلعب .. اللعب مو حرام ..
رفع طارق حاجبه وهو يقول: لا يا شيخ .. احلف ..
شادي: والله العظيم ..
طارق بحده: يا ولد بطل عبط .. انت فاهم انا شنو اقصد .. من امتى والمصاعد مكان للعب ..؟! افرض انكم انحبستوا فيه او افرضوا من كثر لعبكم شبت شراره واحترقتوا مع العماره .. وقتها ما ينفع الندم ..
وسيم: خلاص انا اسف ..
طارق: انت اسكت لا تكلمني ..
نزل وسيم راسه لتحت بحزن وسكت ..
حط شادي ايده على خصره وقال: لا تكلم اخوي جذي .. حتى اصحابه اكلوا معاه من الاكل المكشوف وتسمموا بس اهاليهم ما خاصموهم مثل ما انت خاصمت وسيم .. لو امي عايشه جان سامحته بسرعه ولا خلته يبجي ابدا ..
تكتف طارق وقال: ايوه وبعدين .. كمل كلامك يا شاطر ..
شادي: طبعا بكمله .. انا مو خايف منك .. انت كل يوم تهاوشنا .. تقول لا تاخذوا هذا ولا تلعبوا هني ولا تروحوا هناك .. صرنا في سجن .. لو احنا اخوانك الصجيين جان ما ساويت جذي صح ..؟! لا عاد تتدخل فينا .. اسلوبك زي ويهك وما تعرف كيف تحن على اليتامى المساجين اللي ما عندهم ام ولا اب ..
قاطعه وسيم يقول: لا طارق مرره طيب ويحبنا .. هو دايم يودينا للملاهي والبحر وهو يشتري لنا كل شيء .. كمان اول قالنا ما راح اترككم لوحدكم ابدا ..
لف شادي على وسيم وهو يقول بإنفعال: اعرف .. اعرف انه يحبنا بس هو مرره متسلط معانا .. امي وابوي ما كانوا جذي .. تتذكر يوم ابوي اذا غلطنا ياخذنا على ينب ويقولنا بهدوء وطيبه ان اللي انتوا ساويتوه غلط ..؟! تتذكر ولا ما تتذكر ..؟! طارق اذا غلطنا يهاوشنا وييلس ايام ما يكلمنا ..
نزل شادي راسه لتحت وكمل بهمس: طارق ما يحس فينا عدل .. ما يدري اننا نحبه وايد .. مرره وايد .. واذا خاصمنا وزعل منا نيلس طول الليل نبجي تحت البطانيه .. احنا ما عندنا ام وابو عشان نشكيلهم .. احنا نعتبره امنا وابونا بس شلون نشكي له وهو زعلان مننا ..
مسح دمعته اللي نزلت وكمل: ابي امي وابوي .. ابي شهد .. ابي نرجع كلنا مثل زمان .. خلاص ما ابي فلوس كثيره ولا ابي دش ولا ابي بيت زين .. ابي بس نرجع كلنا مع بعضنا لبيتنا القديم الخربان ..
طالع طارق فيه وهو متفاجئ ..
ما كان يدري انهم يحسون هالاحساس تجاهه ..
شلون يدري اصلا .. هو عمره بحياته ما اهتم بأي طفل فشلون راح يعرف الصح من الغلط في تربيتهم ..
وخصوصا اذا كانوا هالاطفال ايتام ..
جلس قدامهم وضم شادي لصدره وهو يقول: خلاص اهدأ .. عيب الكبار يبجون .. لازم تكون ريال عشان امك وابوك يفتخروا فيك ..
مسك شادي ببلوزة طارق وبدأ يبكي بصمت ..
طالع طارق في وسيم وشافه يطالع في الارض ..
ابتسم طارق وقال: وسيم شفيك تطالع في الارض ..؟!
وسيم: انت زعلان مني ..
طارق: طيب واللي يقولك اني رضيت ..!
رفع وسيم راسه والابتسامه على وجه وقال: صج ..؟!
طارق: ايه صج ..
نط وسيم من الفرحه وقال: طارق والله العظيم ان هذه اخر مره اكل فيها شيء مو زين .. و اللي خلقني اني بصير اسمع كلامك دايما ..
طارق: شطوور حبيبي .. ياللا اللحين روح وادخل عند اختك ..
وسيم: حاضر ..
وبعدها راح لشقتهم ..
مسح طارق على راس شادي وهو يقول: خلاص يا شادي بسك بجي .. البجي للحريم مو للريال .. اطلع ريال مثل ابوك وخلك قوي ..
ابتسم طارق وكمل: تبي تشوف اختك شادن ..؟!
انصدم شادي وابتعد بسرعه عن صدر طارق وهو يقول: لقيت شادن وشهد ..؟؟!!
هز طارق راسه وهو يقول: ما لقيت شهد بس لقيت شادن ..
شادي بنفس الصدمه: احلف ..؟!!
ابتسم طارق وقال: شرايك تيي وياي عشان تتاكد ..
راح شادي بسرعه يلبس جزمته وبعدها فتح المصعد وقال: ياللا نروح ..
طالع طارق فيه بإبتسامه بعدها ركب المصعد ونزلوا للدور الارضي ..
لما خرجوا واتجهوا لباب الخروج من العماره سمع طارق صوت موضف الاستقبال يناديه ..
تنهد وراح عنده وقال: نعم ..
الموضف: بس بغيت اقولك انه باجي يومين ويتطبق قرار عدم سكن العزابيه في العماره .. لو مرت هاليومين فانا اسف لاننا بنضطر نطردكم انت ورفيجك انس ..
طالع طارق فيه ببرود بعدها طلع هو وشادي وركبوا السياره ..
شادي: ايش كان يقولك ..؟!
طارق: كلام تافه فلا تهتم ..
شغل سيارته واتجه للمستشفى ..
بعد دقايق وصل للمستشفى ونزل هو وشادي من السياره ودخلوا لداخل ..
دخل طارق للمستشفى ودخل شادي وراه ..
اتجه للاستقبال وقال: السلام عليكم ..
الموضف: وعليكم السلام ..
طارق: لو سمحت جاني اتصال من عندكم وطلبوا حضوري .. فين ممكن الاقي اللي اتصل علي ..
الموضف: طيب اعطني اسمك ..
طارق: طارق علي العالي ..
الموضف: ايوه صح انت طارق .. انتظر شوي ..
لف ودخل لداخل وظل طارق في مكانه ينتظره ..
بعد شوي طلع الموضف واعطى طارق الاوراق وقال: اتمنى انك توقع على هالاوراق باسرع وقت عشان لا تسوء حال البنت اكثر من جذي ..
طالع طارق فيه وقال: ترى لحد الان انا مب فاهم .. ممكن تشرح لي ..؟!
الموضف: قبل اسبوع تقريبا يانا ريال ومعاه طفله دخلناها للطوارئ .. كانت درجة حرارتها وايح مرتفعه .. وطبعا الصخونه خطره جدا للاطفال .. حاولوا الدكاتره يعالجوها بس للاسف الضرر وصل لأعضائها الداخليه .. الحراره المرتفعه اثرت كثير على اعضائها لانها صغيره واعضائها لسى لينه .. دورنا على اسم اللي جلبها بس للاسف وقتها يت عن طريق الطوارئ وما لحقوا ياخذوا اي معلومات عن اللي جابها .. كل اللي اخذوه هو معلومات عن الطفله وبس .. ومن بعدها جاء مرتين سأل عنها وبعدين خلاص ما عاد شفناه .. فعشان جذي بحثنا في الملفات على امل اننا نلقى تشابه اسماء فلقينا مريض بأسم وسيم ومن هنا يبنا معلومات عنك واتصلنا عليك ..
طالع طارق في الطبيب فتره طويله ..
وش هذا اللي قاعد يصير ..؟!
في البدايه حطت اخوانها بشقه وبعدها ما سألت عنهم ..
واللحين حطت اختها بالمستشفى وبعدها ما سألت عنها ..
ذي اخت ..؟!! مستحيبل ..
ليه ترمي اخوانها بذي الطريقه ..؟!
لو انه مو موجود كان شنو صار لهم . ؟!
مافي اي عذر يخليها تسوي كذا ..
هز راسه وهو يقول في نفسه: "طارق لا تسيء الضن .. بس برضوا هي وحده مهمله .. حتى لو عندها ضروف فإخوانها اهم" ..
تنهد بعدها قال: وش تفاصيل العمليه اللي بتسووها للطفله .. لا تكون خطيره ..؟!
الموضف: لا ما راح تكون عمليه خطيره .. هي بتكون بواسطة المنظور وهذا اسهل .. مكتوب كل التفاصيل بالاوراق ..
طالع طارق في الورق بتأمل وهو يقرأ كل شيء فيه ..
بعدها طالع في الموضف وقال: ممكن اشوف الطفله عشان اتأكد ..؟!
الموضف: ايه طبعا هذا من حقك ..
فأخذه الموضف وراحوا للغرفه المقصوده وشادي يمشي وراهم ..
بعد ما وصلوا قال الموضف: لا تطولوا .. بس طالعوا وبعدها اخرجوا بسرعه ..
طارق: اوكي ..
لف وجلس قدام شادي وقال: اسمع يا حبيبي .. الموضفين هني يقولون انه فيه مريضه اسمها شادن جابوها هني وبعدين اهلها اختفوا .. إذا كانت هي نفسها اختك فقولي طيب ..
هز شادي راسه وقال: طيب .. بس شلون حطوها اهلها وراحوا ..؟! شلون شهد تسويها ..؟! مستحيل ..
تنهد طارق وهو يقول: الله اعلم .. هيا تعال ..
فتحوا باب الغرفه ودخلوا ..
اول ما شافها شادي راح لها ركض وهو يقول: شادن .. ايه هي شادن .. والله إنها هي ..
طالع طارق في شادن لفتره بعدها قال: شلون قلبها طاوعها تتركها من دون لا تسأل عنها ..
بعدها طالع في شادي اللي كانت الدموع في عيونه وهو يسلم على اخته اللي كانت نايمه ..
كانت حييل صغيره وشكلها يكسر الخاطر وهي فوق هالسرير الضخم ..
طارق: شادي ياللا خلنا نطلع ..
شادي: خلنا نقعد بس شوي .. امانه ..
طارق: حبيبي خلنا نطلع بسرعه عشان يصلحوا لها عمليه وتصير بخييير ..
شادي بتفاجئ: بيفكوا بطنها ..؟؟!!!
طارق بإبتسامه: لا إطمئن .. بتصلح عملية منظار وهالعمليه ما يحتاجوا فيها لسكاكين او غيره .. كل شيء راح يتم عن طريق الضوء ..
ارتاح شادي وقال: طيب خلنا نطلع عشان يسوون لها العمليه السهله ..
ابتسم وقال: طيب هيا ..
وبعدها طلعوا ووقع طارق عالاوراق وبعدين عملوا لشادن العمليه ..

================================================== ==================

الساعه وحده الظهر ..
كان الكل جالس على طاولة الغداء ويتغدون ..
تكلمت لمار وهي تقول بطفش: بعد باجر عندنا اختبار وايد صعب .. الابله مو راضيه تحدد لنا .. اكرهها ..
الام: طيب ذاكري عدل واكيد بتييبين درجه عاليه ..
لمار: مستحييل .. هي كل اختباراتها صعبه .. ما ترحمنا ..
الام: يا حبيبتي مستحيل تييب لكم اسئله من برى الكتاب .. لو ذاكرتي عدل راح تييبي درجه عاليه ..
تأففت لمار وقالت: انتم مو فاهميني .. اكل وانا ساكته ابرك لي ..
لارا: بابا .. ابي اروح باجر المكتبه ..
طالع فيها ابو وائل وقال: ليش شنو تبين منها ..؟!
لارا: ابي طلبات طلبتها منا ابلة الفني ..
ابو وائل: طيب باجر يصير خير ..
طالعت ام وائل فيه وقالت: ابو وائل .. مافي اي اخبار عن اسيل ..؟!
هز ابو وائل راسه بلا وهو يقول: ما لقيت لها اي خبر او معلومه ..
طالع وائل في ابوه بعدها قال: ابوي .. اسيل بخير ..
طالعوا امه وابوه فيه فقال الاب: شلون عرفت ..؟!
وائل: صاحبتها ندى قالت لي انها بخير ..
الام بإبتسامه: كويس .. الحمد لله ..
الاب: طيب ما قالت لك هي وين عايشه اللحين ..؟!
وائل: لا .. قالت لهم انا بخير وعايشه مبسوطه .. وقالت انها ما تبغى احد يعرف مجانها ..
الاب: اتصل بصاحبتها واطلب منها عنوان اسيل .. انا ابد مو مرتاح .. لازم اقابلها ..
ابتسم وائل وقال: طيب مع اني متأكده انها ما راح تقول عنوانها ..
الاب: لا لازم اعرف واقابلها واعلمها منو تكون ومنو اهلها وشلون قطوها وهي صغيره ..
وائل: طيب انا بأحاول ..
تنهد الاب وقال في نفسه: "يا رب نلقاج يا حبيبتي .. الله يكون في عونج وييسر لج بلوتج" ..
طالعت لمار فيهم وقالت في نفسها: "اكرهها هالاسيل بس .. بس بصراحه اشتقت اتهاوش وياها .. وكمان احسها مسجينه .. لو انا بمجانها جان انتحرت من زمان" ..

================================================== ==================

16 - 3 - 2014, 05:08 PM

كان جالس في غرفته عالسرير وبإيده الجوال والضجر واضح على وجهه ..
بعد ما خلص الطرف الثاني من كلامه قال: لانج غبيه .. ماش ما عندج عقل ..
عصبت البنت وقالت: هذا يزاتي اني حاولت .. فعلا ناكر الجميل .. احلم بعدين اني اساعدك بشيء ..
رفع الولد حاجبه وهو يقول: ناكر الجميل ..!! اي جميل ذا اللي تحجين عنه .. لا لا صج ماخذه مقلب بروحج يا ام ريشه ..
عصبت من هالكلمه وقالت: إياااد بليييز لا تسمني بأم ريشه .. ياخي الناس ينسون وانت ما تنسى ..
إياد: عالعموم انا الغلطان اللي طلبت منج مساعده .. طلعت هاللينو اذكى منج وعرفت تستفزج .. باي ..
سيرين: انقلع ولا عاد تحاول تتصل علي لافقع ويهك واغير تركيبته ..
وبعدها قفلت في وجهه ..
ابتسم إياد وهو يقول: وناسه خليتها تعصب ..
شوي كمل بضجر: اموووت واعرف هاللينو شنو اسمها .. اخخ قاهرتني ..
قام من فوق السرير وهو يقول: ايه صح .. اليوم المفروض تييب لنا الاوراق اللي طلبناها ..
شوي دخل بدر عنده وقال: إياد شحالك ..؟!
إياد: عال العال ..
بدر: قبل شوي اتصلت علي لينو وقالت ان الاوراق اللي تبونها راح اعطيكم إياها بعد باجر .. تقول انا ناطرتكم بعد ما تخلص المدرسه فلا تتأخرون علي ..
إياد: ههههههههههههههه بدر شرايك نتأخر عنها .. ياخي ودي انرفزها ..
بدر: يا حبيبي اذا تأخرنا فما راح تنطرنا وبعدين بتقول انتم اللي تأخرتم فتحملوا غلطكم .. ذي لينو يا استاذ ..
إياد: قاهرتني ..
بدر: هههه ياخي شفيك مصر انك تعرف اسمها ..؟! كل شيء حيبان مع الوقت ..
تنهد إياد وهو يقول: بس الفضول ذابحني ..
بدر: على طاري لينو انت ما تحس ان جراح وشلته لهم فتره طويله هاديين ولا تعرضوا لك ابد ..
إياد: طبيعي يكونوا هاديين دام ان صرافة البنك معهم ويصرفون متى ما يبون واي مبلغ يبون .. اتمنى من كل قلبي ان البطاقه تضيع منهم ..
بدر: إياد طيب قل لابوك يوقفها ..
مشي إياد وجلس عالسرير وهو يقول: مابي اوايهه .. لاني راح اكرهه اكثر وانا ما ابي اكرهه اكثر من جذي ..
طالع في الارض وقال بهدوء: هو اهلي كلهم ..
طالع بدر فيه بعدها قال: طيب قل ليحيى يقول لابوك يوقفها .. جراح وشلته يلعبون فيها بالحرام .. لازم توقفها يا إياد ..
رفع إياد وظل يطالع في بدر فتره بعدها قال: معاك حق ..
قام وقال: انا رايح هناك لان كمان فيه اشياء ابغى آخذها ..
بدر: طيب بتتعشى هني ولا هناك ..؟!
إياد: لا هني لاني ما راح اطول ..
اخذ اغراضه وطلع من الغرفه ..
نزل تحت وطلع من البيت وركب في سيارته ..
شغلها واتجه لبيته ..
كلها نص ساعه تقريبا حتى وصل ووقف سيارته ونزل منها ..
طالع في البيت وقال: في هالوقت ابوي يكون برى ..
دخل لداخل البيت وقال لواحد من رجال ابوه: روح ناد لي يحيى ..
اطاعه الرجال وراح ينادي يحيى مدير اعمال ابوه ..
جلس إياد عالكنب واخذ الريموت وبدا يقلب في القنوات ..
شوي جاء يحيى وقال: يا هلا .. طلبتني ..؟!
لف إياد عليه وقال: يحيى ابيك تقول لابوي يوقف بطاقة الصراف التابعه لبنك ****** ..
ابتسم يحيى وقال: طيب شنو السبب ..؟!
ابتسم إياد بإستهزاء وهو يقول: لا ابد بس بغيتها تاخذ إجازه صيفيه ..
يحيى: هههههههههههه إياد ترى احنا نعرف ان البطاقه مب وياك ..
إياد بتفاجئ: كيف ..؟!!
يحيى: ابوك لاحظ الصرف الكبير على البنك وعرف انه مب انت لانك ما عمرك صرفت هالقدر الهائل .. وخلاص وقفناها من قبل جم يوم ..
إياد: كويس .. ههههههههه ودي اشوف ويه جراح وضاري ويزووون ههههههه ..
ابتسم يحيى بعدها قال: فعلا نفس العيون ..
استغرب إياد من كلامه وقال: شتقصد ..؟!
يحيى: امس قابلت بنيه عيونها مثل عيونك كانت عند باب القصر الخلفي ..
عقد إياد حواجبه شوي بعدها قال بصدمه: سجى ..؟؟!!
يحيى: حتى انا شكيت انها ممكن تكون هي بس لما سألتها قالت انت غلطان انا مب سجى ..
وقف إياد وقال: انت متأكد انك شفت وحده عيونها مثل عيوني ..؟! يا ويلك لو كنت جذاب ..
يحيى: شنو مصلحتي من الجذب ..؟! ايه متأكد بس يمكن تكون وحده تشبها لان سجى اكيد ماتت ..
إياد بحده: لا ما ماتت .. متى ..؟! قول لي متى شفتها ووين ..؟! ياوبني ..
يحيى: مثل ما قلت لك شفتها امس وكانت تمشي بسرعه من عند الباب الخلفي للقصر ..
إياد: ووين راحت ..؟!
يحيى: ما اعرف لاني ما لحقتها ..
إياد بقهر: ولييييش ..؟؟!!
سكت يحيى لان ما عنده إجابه ..
إياد: طيب من اي جهه راحت ..؟!
يحيى: جهة الغرب .. بس انا اتوقع انها تدرس في جامعة **** ..
طالع إياد فيه وقال: ايش دراك ..؟!
يحيى: اولا الجامعه وايد قريبه من هني وانا كنت شايف وياها جنطه فيها كتب .. ثانيا قابلت اربع من طلاب الجامعه عند البوابه الاماميه وهاوشتهم وعرفت انهم من الجامعه القريبه وانهم ييوا مشي عشان يطالعون في قصر صاحب المطعم اللي انفتح مؤخرا جدام جامعتهم .. فأكيد البنت ذيج كانت وياهم بس شكلهم تزاعلوا لاني شفت الدموع بعيونها ..
ضاقت عيون إياد وقال: لا ما تبجي عشانها تزاعلت وياهم .. شكلها عرفت منو هم اهلها .. جامعة **** صرتي قريبه وايد .. بعد باجر انا ياي لهالجامعه ..
شوي ضحك وهو يقول: يا كثر روحاتي للجامعات ههههههههههههه ..
ما استغرب يحيى من انقلاب إياد ..
معروف ان هالانسان ممكن يضحك في اي وقت حتى لو كان في قمممة عصبيته ..
إياد: اسمع .. لا تقول لأبوي عن سجى ابدا .. سامع .. لا تقوله ابدا ولا تسال عن السبب .. مع السلامه ..
طلع إياد من القصر ويحيى يراقبه بعيونه بعدها قال: لكني قلت له عنها اليوم الصباح .. ومن بعدها طلع ولا رجع ..
ركب إياد سيارته وطلع بها من القصر وقال: كانت شايله جنطتها ويات مشي .. هذا يعني انها تسكن بمجان وايد قريب من هني ..
سكت شوي بعدها كمل: بس وين بالضبط ..؟! اكيد بعماره .. بالبدايه راح ادور في كل العماير ..
سمع اصوات تفحيطات سيارتين تفحط جنبه ..
طالع من المرايه وشاف سيارتين سوداء صغيره وواضح انها جديده ..
فحطت وحده من السيارات ووقفت قدامه ..
انصدم إياد من الحركه ومسك الدريكسون وبالقوووه قدر يوقف بعد مالفت السياره حول نفسها ..
وقفت السياره السوداء الثانيه وبعدها نزلوا ثلاث اشخاص من السيارتين ..
لما شافهم إياد تنهد وقال: بدؤا المشاكل ..
نزل من سيارته فجوا عنده وقال الاول واللي هو جراح طبعا: اهلييين إياد .. من زمان ما شفناك ..
إياد بإبتسامه: وااااو اشتريتوا سيارات يديده من فلوسي .. مبرووك وسوري لو يات متأخره ..
ضاري بعصبيه: اسكت يالبزر .. من اولها بديت استفزاز بابو لسان طويل ..
إياد: هههههههههههه ياخي ما تعرف تكون مهذب وتسلم مثل جراح ..
يزن: إياد بس .. احنا يينا نقول كلمتين ونروح ..
جراح: اولا ممكن اعرف ليه موبايلك كله مغلق .. ياوب ..
إياد: رح اسأله هو مو انا ..
جراح بحده: إيااااااااااااد ..
يزن: المهم خلونا نخلص بسرعه ورانا اشغال ..
إياد: اخسس انتم عندكم اشغال ..؟!!! هههههههه مو قدار اتخيل ..
ضاري: سكر حلجك لأقص لسانك ..
طالع إياد فيه بلا مبالاه وما رد عليه ..
يزن: انت غيرت الباس حق البطاقه .. لك ثلاث إيام فرصه ترجعه مثل ما كان وإلا ....
إياد بتحدي: وإلا إيش ..؟!
يزن بخبث: وإلا راح تكره عمرك ونعلمك شنو هو قدرك ..
ضاري+جراح: هههههههههههههههههههههههههههههههههههه ..
وراحوا لسياراتهم وهم يضحكون وإياد عاقد حواجبه وهو يراقبهم ..
هالمره واثقييين وواضح ان وراهم شيء جايد ..
لازم هو يبدأ قبل لا يبدؤن هم ..
طلع جواله واتصل ببدر ..
بعد ما رد قال إياد: اهلييين بدر .. اسمع .. اتصل بلينو واقنعها انها تعطينا الاوراق باجر ..
بدر: وليه ما تتصل انت ..؟! رقمها عندك ..
إياد: ياخي انا راح استفزها واكيد راح ترفض .. انت ما شاء الله اسلوبك بالحوار افضل مني .. بسرعه ..
بدر: بس غريبه ليش مستعيل ..؟!
إياد: انا يايك اللحين وراح اقولك اللي عندي .. مع السلامه ..
بدر: اوكي اترياك .. مع السلامه ..
قفل إياد الجوال وبعدها ركب سيارته واتجه لبيت بدر ..

================================================== ==================

المغرب الساعه سبعه تقريبا ..
كانت دانا تطالع في التلفزيون لانه اللحين وقت مسلسل هي تتابعه ..
امها جالسه عندها وفي إيدها لبس مقطوع جزء منه وقاعده تخيطه ..
اما عادل فلحد الان ما رجع من برى ..
هالايام طلعاته صارت كثييره وارهق نفسه بالعمل كثيير ..
جاء الفاصل الاعلاني فتنهدت دانا ..
الام: شفيج تتنهدين ..؟!
دانا: ماكو شيء مهم .. لا تشيلي هم ..
الام: اتمنى ..
طالعت دانا في التلفزيون بسرحان ..
كيف ما تتنهد والحياه اللي هم عايشينها كلها قلق وتعب وألم ..
بس ثقتها بربها كبيره .. هو خالقهم وما راح ينساهم ..
طالعت في ايدها وقالت في نفسها: "شلون راح يشفى اخوي في اسبوع .. الدكتور تركي اعطانا مهله واذا خلصت فراح يضيع كل اللي سويته عالفاضي" ..
انفتح باب البيت ودخل اخوها كالعاده وقال بتعب: السلام عليكم ..
الام+دانا: وعليكم ا....
قطعوا كلامهم فجأه وهم مصدووومين من شكل عادل ..
طالع عادل فيهم فتره بعدها ابتسم بهدوء ..
قاموا دانا وامها لعنده وهم مو مصدقين ..
مسكته امه من اكتافه وقالت والدموع في عيونها: ولدي .. عادل ولدي .. انت بخير ..؟!
عادل: ايه انا بخير شفيج ..؟!
هزت دانا راسها بعدم تصديق وهي تطالع في اخوها وخاصتا في اللي ماسكه بإيده ..
نزلت دموعها وهي تقول: كيف ..؟!
ابتسم اخوها وقال: هذا شيء إسمه مرحله متطوره من العلاج .. يقول الدكتور اني تحسنت بنسبه شوي صغيره ويقول من اللحين لازم تستعمل العكاز بدل الكرسي المتحرك ..
اتسعت ابتسامته وهو يقول بحماس: يقول ان نسبة علاجك ارتفعت عن قبل وفيه إحتمال كبير اني ارجع امشي ..
حضنته امه وهي تبكي وتقول: مبروك حبيبي مبرووك .. الله يشفيك وترد لنا مثل قبل يا رب .. الله هو القادر .. هو القادر .. سبحان الله ولا إله إلا هو ..
شهقت دانا من الخبر اللي سمعت وبكت ..
اخوها بيرجع مثل قبل ..
بيصير يمشي ويركض ..
بيقدر يعيش مثل كل الناس .. عيشه طبيعيه ..
ياااه شكثر هي فرحانه لأخوها .. لتوأمها ..
مو قادره تستوعب .. مو قادره تصدق ..
اخوها خلاص راح يمشي .. يمشي ..
مسحت دموعها وهي تشكر ربها بداخلها ..
فعلا ربهم معهم ولا تركهم .. ابدا ..
ضحك عادل وهو يقول: خلاص بطلوا بجي .. ترى مابي ارد ابجي من يديد ..
شوي رص على اسنانه وكأنه تألم ..
الام بخوف: يمه ولدي شفيك ..؟!
عادل: ماكو شيء بس تعبت وايد وانا واقف ومستند على العكاز .. إيدي احسها بتنشلع ..
ساعدته امه عالمشي وهي تقول بخوف: طيب تعال حبيبي ايلس ولا تتعب نفسك .. اكيد بالبدايه راح يكون صعب عليك ..
مشي عادل بالقوه بمساعدة امه والعكاز لحد ما جلس عالكنب ..
تنهد براحه وقال: مشكوره يا يمه ..
جلست امه جنبه وقالت: لا تتعب نفسك وايد يا حبيبي ..
جلست دانا بالجهه الثانيه وقالت: مبروك يا خوي .. شفت ان الصبر ياب نتيجه .. اليأس ما منه فايده ابدا ..
ابتسم وقال: لولا اصرارج جان انا لساتني استعمل المقعد ..
لف على امه وسلم على راسها وإيدها وقال: ولولا دعاء امي اللي ما تمر ليله من دون لا تدعي لي جان انا ما وصلت لهالمرحله .. الله لا يرحمني منج يالغاليه ..
دمعت عيون امه وهي تقول: ولا منك .. انا من دونكم ما ادري شنو اساوي .. انتم ضي عيوني ..
ابتسم عادل لها وهو يحمد ربه عالنعمه اللي هو فيها ..
في ناس كثير محرومين من حنان امهم وعطفها ..
الام كنز ..
وكنز كبير ..
كنز ما يتعوض .. ابدا ..

================================================== ==================

في صباح يوم الجمعه ..
الساعه ثمانيه ونص تقريبا ..
كان مسترخي على الكنبه وحاط سماعات الجوال في إذنه وبحضنه الايباد يتصفح فيه عن القانون وغيره عشان يكتسب معلومات اكثر عن مجال دراسته ..
وعن طريق السماعات كان يكلم احد ..
ابتسم وهو يقول: يعني .............. لا مو جذي .. افا عليج بس انا باسل مب اي واحد .............. ايوه وبعدين ............... ههههههههههههه ايه وبقووه ..
رفع حاجبه بعد ما سمع كلام البنت اللي يكلمها وقال: له له مو بالبساطه ذي .. لازم مقابل ..
ابتسم باسل بخبث وهو يقول: لا .. انا مابي فلوس منج .. الثمن مب مهم عندي .. اهم شيء ان امنيتي تتحقق .. اذا بتحققيها فإبشري ..
اختفت ابتسامته وهو يسمع الرد فقال: شنو ..؟! شنو يعني انج ما تعرفي شنو هي امنيتي .. حرام عليج يا بنت .. اعصري مخج وتذكري .. ولا اقول طالعي حواليج واكيد بتتذكري ..
بعد جملته ذي ظلت البنت اللي بالطرف الثاني ساكته وكأنها تتذكر بعدها قالت: اها .. فهمت قصدك ..
ابتسم باسل وقال: كويس .. جد صدمتيني لما قلتي انج ما تتذكري .. ها شنو قررتي ..؟!
البنت بإبتسامه: حامض على بوزك .. إلا انت .. مستحيل .. روح عدل تصرفاتك وبعدها لنا حجي ثاني ..
بوز باسل شوي بعدها قال بلا مبالاه: اوكي براحتج .. باي ..
قفل الجوال وقال: اكيد بتغير رايها .. اكيد ..
قام واخذ الايباد معاه وطلع للبلكونه ..
استند على السور وهو يطالع في بلكونة اسيل لان شقتها جنب شقته بالضبط ..
ابتسم وقال: انتي مفتاحي .. ولازم استغله صح ..
ضحك وبعدها رجع يقلب في الايباد ..

المواضيع المتشابهه لموضوع: رواية واكتشفت اني لقيطه كامله لموضوع: رواية واكتشفت اني لقيطه كامله
الموضوع	كاتب الموضوع	المنتدى	مشاركات	آخر مشاركة
رواية طلبتك لا تحاكيني كامله	سجات التهاويل	همس للقصص وحكايات وروايات	331	8 - 6 - 2018 01:05 PM
رواية الا ليت القدر كامله	نَقاء أنامِل	همس للقصص وحكايات وروايات	71	7 - 9 - 2014 02:20 AM
رواية رغد وبدر كامله	سجات التهاويل	همس للقصص وحكايات وروايات	133	7 - 9 - 2014 02:14 AM
رواية شغب بنوته كامله	نَبض♡~	همس للقصص وحكايات وروايات	16	16 - 2 - 2014 05:50 PM
رواية ارادة رجل كامله	ادمنت تعذيبك	همس للقصص وحكايات وروايات	35	22 - 4 - 2012 01:48 AM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية واكتشفت اني لقيطه كامله

همس للقصص وحكايات وروايات