روايه ودك تنامين نامي - الصفحة 3

27 - 3 - 2014, 04:28 PM

(( تحت ف الكافيتيريا ))نادى ابو سعود ام سعود وقال لها : وين ولدك ودلع ..؟؟ام سعود : راحت دلع تصحيه .. تلاقيهم الحين بينزلون .. ابو سعود : تاخرنا مرة .. الرحلة تبدا الساعة 11 .. ما بقى غير نص ساعة ام سعود : زين اصبر شوي يعني .. مابيصير شي ..!!ابو سعود : تدرين .. امشوا خلونا نمشي واتصلي على سعود قوليله يلحقنا .. هو يعرف المكان زين .. ام سعود بدون نفس : طيب .. رجعت ام سعود لمنا وقالت وهي مالها خلق : يقول عبدالله نمشي ..منال: ودلع .. وسعود..؟؟ام سعود : هم بيلحقونا .. سعود يعرف كل مكان ف البحرين ما بيضيع .. منال : اوكي .. يللا شبااااب ديمة : وين ..؟ منال : يللا بنمشيلينا : ودلع ..؟ ام سعود : بتلحقنا مع سعود ... قوموا .. سالم : وسعود : منال : اخوك بيجي مع دلع .. مافي وقت ننتظرهم يللا .. تجمعوا العوايل وركبوا كل عائلة ف سيارتها .. (( ف الفندق .. غرفة دلع .. نفس الوقت ))طالعت ف شكلها بالمرايا .. شكلها ما يسمح لها تنزل الحين وتطلع معاهم .. خصوصا وانها انحطت الحين ف مشكلة كبيرة .. ما تقدر تتحملها لوحدها .. وتحتاج من يساندها .. بس .. طبعا محد يحس فيها .. لازم تحاول تكتم الالم ..دلع وهي تمسح دموعها اللي تنزل وماهي راضية توقف : اهئ .. ياربي انا وش سويت عشان كذا يصير فيني .. وش سويت له عشان يعاقبني كذا ..؟؟ والله انه مالي ذنب في شي .. والله انه دايما احاول احسن علاقتي معاه واكون زي اخته واعتبره زي اخوي لا اكثر .. حسبي الله ونعم الوكيل .. حسبي الله ونعم الوكيل بس فيك يا سعود..مشت بتعب وقعدت على السرير .. انسدحت وغمضت عيونها وكلها امل تطلع من هالكابوس .. اللي تتمنى بالفعل يكون كابوس ومو حقيقة .. بس كلها كم دقيقة وتلاشى هالامل يوم اندق الباب .. وانفتح فجأة .. رفعت راسها بتعب ودموعها تنزل .. : مين .. ؟؟دخل سعود بهدوء وخطوات بطيئة مرة .. يشوف ردة فعلها .. وبالفعل .. اول ما شافته .. قامت من على السرير ووقفت ف آخر الغرفة .. دلع بكره وقرف : نعم.؟؟؟ خير..؟؟ ايش تبغى بعد ..؟؟ يكفي اللي صار يا سعود .. ولا تحسب اني بسكت لك هالمرة .. كل مرة امشيها لك واعديها .. بس هالمرة لأ .. هالمرة تماديت وتماديت كثير بعد .. واللي سويته ما ينكتم .. وخالتي اول ما نرجع بتكون دارية بالموضوع ..سعود سكت وقعد يسمع كلامها لين ما خلصت بعدين قال : ..... خلصتي ..؟ دلع : أي خلصت .. والحين برى لو سمحت .. وقول لخالتي اني تعبانة ما اقدر اطلع .. روحوا بروحكم ..سعود : بالنسبة لهالموضوع .. زين ذكرتيني .. ترى امي اتصلت وقالت انهم مشوا .. وقالت لي نلحقهم انا وياك .. ومالي خلق مشاكل .. وما ابغى اخرب الجو على عمي وعياله .. عشان كذا بكل هدوء يا بنت الناس .. البسي واجهزي .. وخلينا نلحقهم .. دلع فتحت عيونها ع الاخير : انت ماخذ الموضوع ببسااااااطة!!!!! سعود .. سعود انت تدري وش سويت ولا ماتدري..؟؟ تقول لي اعدي الموضوع واروح اتمشى على سفينة ف البحر..!!..!.!! متى بتفهم انه هذا شرررفي متى بتقهم انه هذي سمعتي ...؟!؟!!؟متتتتتتتتتتتتتتتتتى.......؟؟!!؟قرب سعود وهو يعض على شفايفه يكتم أي صراخ ممكن يطلع منه الحين ... مسكها من يدها بقوة وقومها عل رجولها وحطها ع الجدار .. وقال وهو يسكر على اسنانه علشان ما يرتفع صوته : شوفي .. هالموضوع بنتناقش فيه بعدين .. لاتقعدين تسوين لي هالمأساة .. مالي خلق مشكال .. احنا هنا عشان نستانس .. مو عشان نفتحها مناحة .. دلع : ......... و.. وخر عني .. وخر عني اشوف .. يدك لاتجي علي فاهم.؟سعود : أي صح .. تذكرت .. لو طلع حرف واحد لامي ولا لابوي او أي احد .. ما تلومين الانفسك .. فاهمة ..؟؟ انا رجال .. وماني خسران شي .. بس انتي اللي سمعتك بتصير على كل لسان .. .. فهمتي...؟؟ ضغط على يدها بقوة .. دلع : ااااااااي ... وخر عنيسعود : ما سمعت الجواب صاحت وهي مكسورة مذلولة .. ماعندها لاسند ولا احد يساعدها .. تركها ومشى بعيد عنها شوي وقعد ع الكرسي بعدين قال : يللا روحي غيري ماعندنا وقت .. تاخرنا ما طالعته دلع ولا كلمته ولا كلمة .. اخذت ملابسها ودخلت الحمام ..

27 - 3 - 2014, 04:30 PM

___________________________________(( ف بيت ابو بندر ))( الساعة 1 الظهر )كان ابوبندر قاعد ف الصالة مع عياله ويكلمهم .. يعني اجتماع عائلي .. ابو بندر : فهمت انت وياه ...؟؟ من بكرة تروحون تدورون لكم شغل .. خلاص كبرتوا .. صرتوا كبار .. ما عندي عيال يقعدون ف البيت بدون شغلة ولا مشغلة زي الحريم .. من بكرة تدورون لكم وظيفة ... فاهمين ..؟؟ بندر حاس بوزه ماله خلق : يبا .. والجامعة ..؟ ابو بندر : وش فيها الجامعة ..؟ بندر : وشلون ادرس واشتغل ..؟ ابو بندر : صحيح والله ..؟؟؟ تموت لو داومت الصباح والليل..؟؟ بندر : بس يبا والله تعب .. ثامر : أي والله .. يبا قسم بالله ما نقدر .. بنتقطع كذا .. احنا الجامعة ويالله قادرين ندرس .. ابو بندر : مالت عليكم .. قال رجال قال .. انتوا شكلكم صرتوا دلوعين زيادة .. انا ما عندي عيال كسلانين يعتمدوا على اهلهم في كل شي .. فهمتوا وش اقول؟؟؟ بندر وثامر : طيب .. ابو بندر : كل واحد يشوف له شغل .. واللي ما يحصل .. يسال احمد .. عمكم احمد يعرف كل شي عن هالسوالف ...احمد اللي كان جالس ويسمع ومقتنع بالفكرة هذي .. لانه هالاثنين كبروا ولازم يعتمدوا على نفسهم : أي صح .. أي احد يبغى مساعدة .. انا بساعده .. ثامر خز عمه بمعنى انا اوريك ... ابو بندر : يا ولد ..!!! ليش تطالع عمك كذا..؟؟ اشوف مو بعاجبك كلامياحمد : خخخخخخخخخثامر بخوف : لا والله عاجبني .. انا اصلا من زمان ابغى اعتمد عل نفسي واصير رجال .. بس امزح مع عمي .. ابو بندر : احسب بعد ..!.!.!___________________________________(( بيت ابو فيصل ))( الساعة 4 العصر )دخلت نسايم تقوم فيصل عشان يتغدى .. نسايم : فيصل .. فيصلفيصل الي كان نايم فتح عيونه : ها..؟نسايم : قول يللا الغدا ... بسك نومقام فيصل وقعد على السرير يفرك عيونه لين ما فتحهم زين : كم الساعة ؟؟نسايم ابتسمت : الساعة 4 .. قوم ما بقى شي ويأذن المغرب .. الحق على العصر فز فيصل بسرعة وراح الحمام يتوضا عشان يلحق على الصلاة .. ونسايم طلعت من الغرفة عشان تحط الاكل لاولادها .. وبعد 10 دقايق طلع فيصل من الغرفة .. وشاف الكل قاعد على السفرة .. نسايم زوجة ابوه .. وشوق اخته الصغيرة اللي عمرها 3 سنين وامل اللي عمرها سنة ونص في حضن امها .. ومع هالمنظر تذكر فيصل كلام نايم امس بالليل ... وابتسم ..فيصل : وش هاللمة الحلوة ... ؟؟قعد جنب اخته شوق : فديت شوااقي الحلوة انا .. شخبارك...؟شوق تبتسم ببراءة : طيبة .. باسها فيصل على خدها وقال : تروحين معاي اليومشوق : وين ..؟ فيصل وكانه بزر : مفاااااااجأة ...!!!شوق : أي ارووح .. فيصل : زين يللا تغدي عشان اطلعك .. وجه فيصل نظره على نسايم اللي كانت تطالعه بفخر وابتسامة حنية وكانها تشكره لانه طيب خاطر البنت بكلمتين .. فيصل : شفيك ..؟ نسايم : ولا شي .. يللا كل .. فيصل : وين زوجك.؟نسايم : قال انه بيتغدى مع واحد من ربعه اليوم .. ما اهتم يصل بالموضوع وقعد ياكل ... وبعد الغدا .. اخذ اخته الصغيرة شوق .. وطلع يوديها يتمشون شوي .. ف السيارة ... فيصل " اول مرة احس بهالشعور .. شعور انه عندي اخت احن عليها وادلعها .. بدون حزازيات .. لاني كنت دايم اعتبر لينا اختي .. بس .. بعد مو زي اختي الحقيقية لانه لينا بنت .. وانا ولد .. واحنا صرنا كبار .. عشان كذا بيننا حواجز العيب وما عيب والسوالف هذي .. " طالع في اخته اللي كانت لازقة بالدريشة تطالع الناس برى وكل ما تشوف شي تقعد تطلع اصوات تضحك او تسال فيصل عنها .. وكانها ولا عمرها طلعت من البيت .. شوق : فيثل .. فيثل ايش هذاك ...؟ ابتسم فيصل : هذي شاحنة .. شوق : ينامون فيها ..؟؟فيصل ضحك على برائتها : ههههه لا ما ينامونشوق : اجل ايش ..؟ فيصل : ينقلون فيها الاغراض الكبيرة زي التلفزيون والكنب .. ابتسمت شوق ..فيصل : وش فيك تضحكين ..؟ شوق : مافي شيفيصل " غريبين الاطفال .. على أي شي يضحكون .. ماهمهم شي بهالدنيا غير الضحك .. نيتهم بريئة مرة .. يا حظهم ..!! " ___________________________________(( البحرين .. الساعة 5 المغرب ))( على السفينة )طالعت البحر .. خاطرها ترمي نفسها فيه وتنتهي من هالحياة والعيشة والدنيا كلها .. زهقت من كل شي .. كل شي ف دنيتها يجيب لها المشاكل .. وين ما لفت وجهها تحصل مشكلة ... تنهدت دلع بتعب .. لينا : وش فيك دلع ..؟؟ مو على بعضك من جيتي .. دلع انتبهت : ها ..؟؟ لا بس .. سرحت شوي .. لينا : علي ..؟ قوليلي وش فيك ..؟ دلع لفت وجهها الجهة الثانية .. خايفة أي دمعة خاينة تخدعها وتنزل : ما فيني شي .. تذكرت امي وابوي .. تذكرت حياتي اول .. شلون كانت وشلون صارت .. تذكت كل شي حزين صار لي بالحياة ...لينا : كل هذا من البحر ..؟ دلع : أي والله .. البحر يخلي الواحد يطلع كل الهموم اللي بقلبه ولو كانت جبال من الهموم .. حتى لو هموم نسيناها ومحاها الزمن .. اول ما تشوفين الموج الازرق ترجع الذكريات .. لينا : أي والله صدقتي ..قرب سعود ووقف جنب دلع .. بس هي ما حست عليه لانه كانت تكلم لينا وملتفتة لها.. دلع : الواحد غصبا عنه .. حتى لو حاول يكتهم الهم والمشكلة .. اول ما يشوف البحر .. تفضحه مشاعره .. يبدا كل شي يطلع منه .. هم ورى هم .. مشكلة ورى مشكلة .. كل شي يطلع ويحس الواحد براحة كبيرة لينا تتامل ف كلام دلع وحاسة انه دلع من داخل تتعذب .. او فيها شي مكدرها .. المهم انها مو دلع الطبيعي اللي تعرفها ..دلع : الانسان حتى لو كان يظهر انه فرحان .. لازم يكون فداخله احزن .. مافي انسان فرحان كل حياته .. كل الناس فيها الحزن وفيها الفرح .. العبرة بالطريقة اللي يتعاملون فيها مع الحزن .. في ناس تحصلينهم يائسين وطايحين ف المستشفيات من الاكتئاب والضيق النفسي .. وفي ناس هموم الدنيا على ظهورهم وتشوفين الابتسامة ما تفارق وجههم والناس حولهم يساندونهم .. تكلم سعود وتدخل يوم شاف انه دلع بدت تخورها وتطلع اللي بقلبها : وفي ناس متأثرين بكلام القصص والروايات .. نقزت دلع من الخوف ووخرت شوي عنه وولبست النظارة الشمسية حقتها ورجعت تطالع البحر .. لينا : حرام عليك شوف شلون خرعت البنت ....!!! شوي شوي .. سعود : ما سويت لها شي .. هي تتخرع بسرعة .. سكتوا الثلاثة وقعدوا يطالعون البحر وهم متسندين على السور حق السفينة .. كلن يفكر بهمومه .. لينا : اقول ما لاحظتوا شي .. ابوي وامي مو طبيعيين .. سعود تنهد بضيق : تلاقينهم كالعادة متهاوشين .. دلع : ......... لا تعليق .. لينا بقهر : انا ابغى اعرف هالاثنين ليش تزوجوا دام مايحبون بعض .. كله مشاكل مشاكل .. واحنا اللي نضيع بينهم ..سعود : نصيبهم عاد .. وش بتسوين .. الله كتبلهم كذا .. لازم الواحد يمر بالمشاكل زي ما تقول دلع .. مافي انسان مرتاح .. عطى سعود دلع نظرة بس هي تجاهلتها وتمت تناظر البحر .. فجاة جا صوت ديمة من بعيد : لينااااااااااا ... لينا الحقي .. لينا : شفيك ..؟ ديمة : تعالي بسرعة شوفي الدلفين طارت لينا تشوف الدلفين .. وتركت سعود ودلع متسندين ويتاملون في كل شي ومن داخلهم يفكرون بحل مشكلتهم اللي انحطوا فيها .. سعود بدون ما يلتفت : دلع دلع : ولا كلمة .. تكفى سعود ما ابغى اكلمك خليني هادية كذا .. ترى زين مني متحملة وماسكة عمري .. تكفى لاتزيد وتضغط علي .. ترى والله ما اقدر اتحمل اكثر من كذا .. انفجر والله انفجر .. تنهد سعود وقال : دلع .. انا ابغى اكلمك .. الموضوع ما يتاجل .. دلع بتصميم : يتاجل .. انت قلت ناجل الموضوع وانا باجله .. لا تجي الحين وتقول لي خلينا نتناقش فيه .. لاني ما اقدر اتحمل كل هالاحداث مرة وحدة .. حرام عليك تراني انسان والله انسان .. !!!لفت وجهها الجهة الثانية ونزلت دمعتها اللي كانت خايفة دلع منها .. بس مسحتها بسرعة وحاولت تتناسى الموضوع ع الاقل كم ساعة لين ما يرجعون بالليل الشرقية وتدخل غرفتها .. وتحس انه محد معاها .. وساعتها بتطلع كل اللي ف قلبها .. من جهة لينا وديمة )لفت ديمة على لينا .. لينا باستغراب : ديمة تصيحين ..؟ وش فيك حبيبتي ..؟ ديمة مسحت دموعها : م .. مدري .. تكدر خاطري فجاة .. احس بشي ثقيل على صدري .. حضنت لينا ديمة تهديها شوي : صلي على النبي .. شصار لك .. توك وش حليلك تصورين وتضحكين ديمة : لينا .. مابي ارجع الرياض .. مابي ارتككم .. والله مابي .. ابيك تكونين جنبي .. ترى والله انا وحيدة بالبيت .. محد عندي يسمعني .. امي لا يمكن اقول لها اسراري .. واخواني صغار .. لجين ما تفهم وعزوووز ما همه غير الهواش واللعب .. لينا : يعني انا اللي احد يسمعني .. انا لو ماعندي دلع .. احس اني بموووت .. ديمة : وفيصل ..؟؟ لينا انا احس اني احبه ... والله احبه لينا : ههههه اجل السالفة مو انا .. السالفة فيصلييينهوو .. ديمة : هههه .. والله يجنن لينا : وععع .. انا مدري وش تحبين فيه .. انا اعتبره زي سالم .. لا اكثر ولا اقل .. تعودت عليه ف البيت .. ديمة : يا حظك 24 ساعة ف بيتكم .. لينا : كانه واحد من اخواني .. مافي فرق .. ___________________________________(( بيت ابو عوض ))

27 - 3 - 2014, 04:34 PM

(( بيت ابو عوض ))( الساعة 7 بالليل )طلع عوض من الغرفة معصب ومتنرفز .. وواصلة حدهأروى : وش عنده المعصب..!؟!! تهاوشت ويا خويتك ..؟؟عطاها عوض نظرة قوية ..أروى : يما بسم الله .. خلاص يبا .. روح الله يسهل لك .. حقرها عوض ونزل للدور اللي تحت .. شال تليفونه واتصل باحمد ...احمد : الوعوض : الو هلا احمد : هلا والله ... اخبارك ابو الشباب ..؟؟ ما تنشاف ..!!عوض : لو تدري ليش متصل فيك ما عطيتني كل هالترحيب .. احمد : افااا .. وش صاير..؟ عوض : الاخ ابو سعود .. احمد : وش فيه ..؟ عوض : اتصل فيني من شوي .. يقول لي انه بكرة دوام وبلغ الموظفين ..احمد : خيييييييييييييييييييييييير ...!؟!؟!؟ نعم..؟؟ اجازة عيد وش يبي هذا بعد ..؟ عوض : والله هذا اللي صار .. يقول انه ف البحرين ومشغول مع الاهل وولده معاه ويبغانا ندير الشركة بغيابه .. يقول خلاص يكفي 5 ايام اجازة .. لازم نفتح الشركة احمد : قوله نفتح الشركة خلي ولده الافندي هذا يجي يدوام بعد .. مو بس احنا انكد ونتعب ونغطي عليه وعل اوراقه وشغله وهو ياخذ الراتب جاهز .. تنهد عوض بعصبية : اففف .. ياخي هذي مو حالة والله .. بطلع من الشركة انا .. بشوف لي شغل غير ... زهقت احمد :لازم يعني بكرة دوام ..؟؟!؟عوض : يقول أي .. واي واحد ما يدوام خصم من الراتب احد : قول له حط الراتب في كرشتك ما نبغاه بنشوف لنا شغل ثاني .. مليانة البلد وظايف .. مو ميتين على شركته نزلت اروى تصارخ : عووووووووووووووووووووض التفت لها عوض وهو فاتح عيونه الثنتين واشر لها تنطم .. اروى بصوت واطي : اوووبس .. سوري ما دريت انك تكلم .. عوض : ا .. خلاص احمد نتفاهم بعدين .. احمد : اوكي .. يللا ف امان الله .. عوض : مع السلامة سكر عوض .. والتفت على اروى معصب : انتي كم مرة اقولك .. لما اكلم احد على التليفون لا اسمع حسك ... كم مرة ..؟!؟!؟!؟!اروى : والله سوري .. سوري سوري سوري ... عوض : كم مرة سوري ....؟؟ الحين لو سمع الرجال صوتك ..؟؟؟!! وين اودي وجهي انا ..؟!؟!اروى : ليش وين تودي وجهك..؟!؟! تراه الا صوت مو صورة ولاشي ...!!عوض فتح عيونه الثنتين : انتي صاحية ولا مجنووونة ..!؟!!؟اروى : لا صاحية .. انتوا اللي مدري متى بتتركون عاداتكم السخيفة هذي ... عوض : سخيفة ها ..؟؟ صوت المرأة عورة يا الفاهمة .. اروى سكتت .. صح اللي يقوله .. صوت المرأة عورة .. ما جاب شي من عنده .. كل هذا في ديننا وشرعنا .. والعادات ما جات من شي فراغ .. كل عاداتنا مبنية على الدين بس احنا صرنا نستخف فيها ونستهين .. اروى : عوض ....عوض وهو يلعب بجواله : نعم ..؟؟ اروى : ابغى اطلع .. زهقت عوض : مافي طلعة اقعدي ف بيتك .. امس كنتي رايحة عرس .. اروى قعدت جنبه : بليز بليز بليز ... والله طفش ... !!عوض : وش اسويلك ..؟؟اروى : وديني عند ريم .. عوض : مافي ... اروى : الله يخليك .. طيب ودينا مجمع نتمشى .. عوض : بعد ..؟؟ قلت لك مافياروى تحن زيادة : طيب وديني عند ريم ورائد بيودينا رفع عوض راسه : لا والله ... صدق رائد بيوديكم؟؟ ما دريييييييييييت اروى : لا تتطنز عوض : وخري عني بس قام وخلاها بروحها وطلع يكلم ربعه اللي معاه ف الشغل .. ___________________________________(( بيت ابو سعود .. غرفة دلع ))( الساعة 11 بالليل )دخلت غرفتها بهدوء .. واخيرا صارت ف الغرفة .. غرفتها اللي تحبها وتحط فيها كل اسرارها .. المشوار لويوم كان مرة يتعب .. خصوصا لها .. قفلت الباب وقعدت على السرير بعد ما فصخت عبايتها وفتحت شعرها عشان يتحرك شوي .. مسكت دبدوبها الكبير وقربته لها .. حضنته وانسدحت ..وكلها كم ثانية وبدت نوبة الصياح اللي مالها نهاية .. مر شريط احداث اليوم في بالها من اوله لآخره .. كل كلمة .. كل حركة .. كل دمعة .. تذكرت كل شي .. وبدت اصوات ونتها وآهاتها تطلع .... دلع : حسبي الله ونعم الوكيل .. شفت وش سوى فيني ...؟؟ شفت وش سوى فيني النذل ..؟!؟!؟ .. الله لا يوفقه يا رب .. يلاقيها بحياته انشالله ... يتبع.....

27 - 3 - 2014, 04:39 PM

تذكرت صوت سعود وكلامه .. تذكرت يوم لمس يدها تذكرت كل شي ... ومع هالذكرى تكورت على نفسها تحاول تحمي نفسها من هالذكرى فتحت الدرج القريب منها وطلعت صورة امها وابوها .. دلع : يما .. يبا .. شفتوا وش سوى فيني .. يما ولد اختك غدر فيني يما .. يما انا ما عدت اتحمل اعيش .. يما ابغى اجي عندك .. يبا خذني معك .. تكفى يبا .. ماعندي سند هنا .. تكفى يبا تعال خذني .. ما ابغى اعيش .. عفت العيشة والله من دونكم .. كل شي خايس فهالحياة .. كل شي ..!.!.!.!!.!. كانت تصيح بمرارة وقهر .. تصيح من قلب .. ودموعها كانت تحرق خدها بدون توقف .. لين استسلمت للتعب ونامت .. نامت على امل انها ما تقوم .. وانها تنتهي من هالحياة .....___________________________________(( خامس ايام العيد ))( الساعة 12 الظهر .. في بيت ابوسعود )كانو العائلة كلها مجتمعة على الفطور .. اليوم آخر يوم لعبدالرحمن وعائلته .. لانهم بيرجعون الرياض على المغرب .. كانوا داقينها سوالف كلهم ويضحكون ويسولفون الا دلع طبعا اللي كانت في غرفتها من امس .. ما قامت ولا طلعت.. ديمة : لينا .. وين دلع .. غريبة نايمة للحين ... بالعادة تقوم بدري .. لينا : مدري والله .. تحصلينها تعبانة بعد مشوار امس .. بعدين انا حسيت انها تعبانة طول المشوار ... ديمة : غريبة ..منال : لينا قومي صحي دلع .. خليها تجي تفطر معانا ... وقفت اللقمة بحلق سعود .. خليف تكون سوت بعمرها شي .. سعود : اانا بقوم .. بغسل وبمر عليها ف الغرفة ام سعود : لا معليه اختك تقوملينا : لا يما خليه هو يقوم .. ماخلصت اكليقام سعود وطلع فوق .. ف الدور اللي فوق غسل يده ونشفها .. طلع من الحمام وتوجه لغرفتها .. حط اذنه يسمع اذا كانت قايمة .. بس .. امافي ولا صوت ..سعود " لاتكون ذبحت عمرها ولا انتحرت .. تسويها هالمجنوونة .. " دق الباب ... محد رد رجع يدق بصوت اعلى .. بس بعد محد رد سعود "لاااااااا .. السالف شكلها كبيرة .. خليني الحق عليها .. بدخل .. واللي فيها فيها " فتح سعود الباب شوي شوي .. ودخل .. وجه نره ف الغرفة .. واخيرا شافها نايمة على السرير ومتغطية .. تقدم شوي شوي ..سعود : دلع ... دلع دلع كانت نايمة وما ردت .. ولا تحركت .. تقدم اكثر وصار جنب سريرها سعود : دلع ... قومي عاد بسك نوم .. الكل مجتمع تحت يفطروندلع : ........ ولا رد عقد حواجبه سعود ومد يده ودف دلع شوي شوي : دلع .. دلع قومي عاد .. دلع : ............ ما تتحرك ولا تحس خاف سعود وتراجع سعود " وش اسوي فيها هذي ..؟؟ لا يكون ماتت!!!! يا ويلي ذبحت البنت .. حسبي الله على ابليسي .. ذبحت بنت خالتي .. !! " وعلى هالافكار قرب بسرعة وخوف وقعد يهز دلع بقوة سعود : دلع .. دلع تكفين قومي ... واللي يعافيك قومي .. دلع والله آسف قومي .. قومي .. لا تموتين .. لاتموتين تكفين .. لاتخليني اندم طول حياتي واتعذب .. ترى والله ما اقدر اعيش كذا وانسان يتعذب بسببي .. قوووووووومي ... وعلى هز سعود فتحت دلع عيونها بس مو كلها .. يعني نصها ... وكاانت حمممممممرابس ما تحركت من مكانها سعود : !!!!! دلع وش فيها عيونك حمرا ..؟؟.؟ حرام عليك كل هذا صياح .. ما تسوى علي الا هي مرة وحدة !!!!!!!!! سكرت دلع عيونها مرة ثانية ... ولا ردت سعود : يا ربييي ... هذي وش فيها .. الحين انا بتورط .. حط يده على جبينها وخدها وشافها مرة حااااااارةسعود : اححح ... حشى فرن موب انسان !!!! شكلها مصخنة .. خليني اروح انادي امي تتصرف معاها .. الله يستر بس ما تعلمها شي ..طلع من الغرفة بسرعة ونادى امه .. وبعد دقايق جات ام سعود ومعاها منال .. ام سعود : وش فيك تصارخ ...؟سعود : مدري وش فيها دلع .. ماهي راضية تقوم .. ما ترد علي ولا تتحرك .. وعيونها حمرا وجبينها وخدها حااار مرة منال : مسكينة ... وينها ..؟سعود : ف الغرفة راحت ام سعود ومعاها منال للغرفة ..ام سعود : بسم الله عليك يا بنتي .. وش صار عليك ..؟؟ توك امس كنتي زي الحصان..منال : باسمة .. حرارتها مرتفعة مرة .. لازم تنخفض ولا خطر عليها .. باسمة : اوديها المستشفى منال : ما ادري .. اتصلوا ف الدكتور يجيها لحد هنا .. باسمة : طيب ... يا سعووود سعود كان واقف عند الباب : ها..؟ ام سعود : روح يما دق على أي دكتور خلي يجي .. قول له حالة طارئة ..سعود : انشالله .. دق سعود على الدكتور ووصف له عنوان البيت ... وبعد ربع ساعة .. وصل الدكتور وطلع لفوق لغرفة دلع .. وشاف الكل متجمع عندا لغرفة وعبدالله وعبدالرحمن قاعدين ف الصالة مع سالم .. الدكتور : عن ازنوكو .. ما يصحش كلكم تكونوا ف الغرفة كدا .. ام سعود : اطلعوا كلكم .. وانا بقعدطلعوا الكل وتمت ام سعود والدكتور .. كشف عليها الدكتور وقاس لها الضغط ... وبعد 10 دقايق .. طلع الدكتور وام سعود من الغرفة ... قام ابو سعود وتقدم : ها دكتور بشر ...؟ سعود كان على اعصابه .. الدكتور : حرارتها مرتفعة جدا .. وضغطها منخض .. انا اديتها دوا دلوأتي .. واديت امها كمان وصفة العلاج .. ابئوا ادوها اياه بعد الاكل لمدة يومين لحد ما تنخض الحرارة .. وانشالله حتكون بخير.. وبالسلامة انشاء لله .. ابو سعود : مشكور يا دكتوروما تقصر .. الدكتور : ولازم تخلوها مرتاحة .. ما تقومش من السرير ابو سعود : ابشر ولا يهمك .. ما عليك قصور طلع ابو سعود مع الدكتور عشان يوصله للباب .. اما البنات فدخلوا يتطمنون على دلع .. ___________________________________(( بيت ابو بندر ))

27 - 3 - 2014, 04:41 PM

(( بيت ابو بندر ))( غرفة بندر وثامر .. الساعة 5 العصر )كان بندر قاعد على السرير ويتصفح مجلة سيارات .. وثامر يكلم واحد من ربعه على الجوال .. ثامر : والله ..؟؟ هاهههههااااااي .. والله تحفة يا ولد .. قول قسسسسسسسم ..! حسااافة فاتني والله بندر يتطنز ويقلد ثامر : حسااافة فاتني والله ... سمعه ثامر ولف خزه خزهبندر : خخخخ اقول ارجع كلم بس .. اخاف تطير عيونك مع هالخزة رجع ثامر يكلم خويه ... وبعد شوي .. سكر ثامر : وش عندك يالفاضي...؟؟بندر سكر المجلة : افكرثامر : في..؟بندر : ف الوظيفة اللي قال ابوي ندور عليها ثامر بضيق : افففففففف لاتذكرني قسم بالله ضايق خلقي من ذاك اليوم بندر : حصلتها ... ثامر : وشلون وانت حتى ما دورت ولا سألت ..بندر : اسمعني .. انا مو ادرس محاماة ...؟ ثامر : طيب .. بندر: افهمها ثامر بغباء : يعني ..؟بندر : انا ابغى افهم عقلك يفكر من وين ...؟؟ يعني بشتغل في مكتب محاماة واتدرب .. عشان لما اتخرج اكون جاهز واشتغل محامي على طول .. وما يحتاج لي كم سنة تدريب .. ثامر فتح عيونه ع الاخير : اقووول . انت شكلك مصخن ولا حرارتك مرتفعة اشوف اشوفبندر : وووخر عني .. ما فيني شيثامر : اكيد فيك .. ولا كان ما تكلمت زي ابوي بندر : وش فيها لو تكلمت زي ابوي .. ترى اللي يقوله صح .. ثامر : انت موب صاحي اليوم .. فيك شيبندر : لا حول لله .. يا شيخ ما فيني شي .. بس انا فكرت بكلام ابوي .. وطلع كله صح ثامر شال مفاتيح سيارته وقام : انا بمشي قبل لا تنتقل لي عدوى المعقدين .. مع السلامة ... طلع ثامر المن الغرفة ومن البيت كله .. وترك بندر يفكر بالخطة حقته ويخطط لمستقبله.. ___________________________________(( بيت ابو سعود ))( الساعة 6 ونص )سكرت منال شنطتهم بعد ما اتاكدت انها حطت كل الاغراض ...عبدالرحمن وهو يلبس شماغه : منال حطيتي كل شي ..؟؟منال : أيعبدالرحمن : ما نسيتي شي,,؟منال : لا ... عبدالرحمن: متأكدةمنال : يوووه!! قلنالك يا رجال لأ .. بسك وسوسة .. عبدالرحمن : وعيالك وينهم ...؟منال :لبستهم كلهم وقاعدين شوي مع ديمة ولينا ف الصالة .. عبدالرحمن : الا شخبار دلع ..؟منال : مسكينة للحين حرارتها مرتفعة .. انشالله تنخفض على الليل .. عبدالرحمن : مسكينة .. الله يشفيها .. جا عبدالرحمن وشال الشنطة وطلع من الغرفة ووراه منال اللي لبست عبايتها وحجابها.. راح عبدالرحمن يحط الشنطة ف السيارة .. اما منال ..دخلت البيت .. منال : السلااااااااملينا وديمة : وعليكم السلام .. منال: وين امك يا لينا..؟لينا : امي فوق تعطي دلع الدوا لانها مو راضية تآكل .. منال : الله يعينها يا رب.. مو سهلة الصخونة ابد ..لينا : خالتي قعدوا عندنا يومين زيادة .. منال : وين نقعد ...؟ بكرة آخر يوم اجازة ....لينا : في الويك اند يومين ...منال : طيب ومتى نرجع بعدين...؟لينا : ارجعوا الجمعة ..منال : ديمة عندها مدرسة السبتديمة : يما بغيب ..منال : يا سلااااااااااااام ..... لينا : أي حتى انا بغيب .. نزلت باسمة : مين اللي بيغيب ..منال تفتن : تعااالي .. تعالي شوفي بناتنا ... يبغوا يغيبون عن المدارس .. باسمة شهقت : هييييييي .... يا كبرها عند الله .. ماعندي بنات يغيبون انا .. لينا : ماني رايحة اذا دلع ما بتروح .. باسمة : بتروح انشالله .. توني عطيتها الدوا وانشالله تتحسن .. منال : خفت حرارتهاباسمة : نص درجة بس .. يبغالها وقت لسة .. منال: الله يعينها .. دخل عبدالرحمن وعبدالله البيت ومعاهم سالم وسعود ... عبدالرحمن لمنال: خلصتوا .. منال: أي .. عبدالرحمن : يللا طيب ... عبدالله : وين..؟عبدالرحمن : ورانا طريق يا اخوي .. ما ابغى اقطع الطريق بالليل .. عبدالله : خلك شوي يا رجال .. عبدالرحمن : كان ودي والله .. بس تعرف الظروف ..مرة ثانية انشالله .. عبدالله : توصلون بالسلامة انشالله .. عبدالرحمن : يللا عاد جيب العائلة وتعالوا زوروناعبدالله وهو يحضن اخوه : انشالله .. التفت عبدالرحمن على لينا وباسمة : تآمرونا بشي ام سعود ..؟ام سعود : لا والله سلامتك .. انتبه ف الطريق معاك عيال وحرمة .. منال: الحين بتعلمين زوجي السواقة ..؟!؟!؟ تراه يسوق وهو مغمض بعد .. عبدالرحمن : لا اله الا الله .. محد بيحسدني اليوم غير زوجتي .. خخخ صحكوا الكل وسلموا على بعض .. منال : سلموا على دلع ام سعود : يوصل .. وركبوا عائلة عبدالرحمن وطلعوا من البيت ....

27 - 3 - 2014, 04:44 PM

(( يوم الاربعاء .. العصر ))( ف الشارع )كان بندر ف السيارة .. توه راجع من مكتب المحاماة .. صار من الصباح رايح لاربع مكاتب .. وكلهم قالوا له يعطيهم صورة من الملف حقه وبيردوا له خبر .. بندر : سويت اللي علي والله يوفقني انشالله ... دق عليه ثامر ... بندر : الوثامر : هلا والله .. وينك ..؟ بندر : توني طالع من آخر مكتب محاماة .. ثامر حاس بوزه : يوووه .. بندر احس احد مسوي لك سحر ولا عمل .. بندر : لا سحر ولاشي .. انا قلت لك اني مقتنع بفكرة ابوي .. وبكذا بوفر علي سنين من التدريب بعد الجامعة .. ثامر : انت مو بندر اللي انا اعرفهبندر : خلك مني .. انت شتسوي ..؟ ثامر : انا وخويي مسفر قاعدين نتغدى ف مطعم .. بندر : خلصتوا؟؟؟ثامر : ما بعد يجيبون الاكل .. بندر : خلاص انا جايكم الحين .. اي مطعم ..؟ثامر : كودو .. بندر : خلاص دقيقتين وانا عندكم .. ثامر : تماما .. باي بندر : بايسكر بندر عن اخوه ثامر وراح لهم للمطعم يتغدى معاهم .. ___________________________________(( في بيت ابو سعود ))( غرفة دلع .. الساعة 8 بالليل)كانت دلع قاعدة بروحها ف الغرفة .. ام سعود من شوي راحت المشغل وسعود طالع .. ومافي غير لينا ف البيت .. وسالم طلع مع فيصل .. حست بزهق من قعدة السرير .. زيادة على انها جوعانة مرررة .. ما اكلت من امس ولا حطت شي ف بطنها .. بس .. مالها خلق تاكل .. قامت من على السرير وسحبت عمرها للحمام .. تسندت على المغسلة .. وفتحت الماي الدافئ .. وغسلت فيه وجهها عشان تتنشط شوي .. توضت وطلعت من الحمام تصلي يمكن ربي يشرح صدرها شوي ويفرج عنها همها .. بعد الصلاة مسكت القرآن وقرأت شوي .. لين ما بدى وجهها يرجع للونه الطبيعي .. سكرت المصحف وقامت .. غيرت ملابسها وطلعت من الغرفة .. مشيت شوي شوي ف الممر .. ووقفت عند الدرج ونادت على لينا .. دلع : لينااااااااااااااا.. لينا .. جات لينا تركض : نعم ..؟؟ ها دلع بغيتي شي..؟دلع :ما عليك امر .. بس بغيت اسألك .. وين الناس ..؟؟ البيت فاضي ..لينا : ابوي ما يقعد ف البيت تعرفينه .. وامي ف المشغل .. وسعود طلع .. وسالم مع فيصل .. وما في غير البرنسيسة لينوووش .. دلع : ههههه والنعم ... تراني جوعااانة وزهقانة من السرير .. ابغى احد ينسيني .. لنا وهي تطلع الدرج : ابشري .. ما طلبتي .. طلعت للدور اللي فوق وراحت قعدت مع دلع يتفرجون تلفزيون شوي ويسولفون .. لين ما بدت دلع تنسى سعود والمشكلة اللي حطها فيها .. بس هالنسيان طبعا لمدة مؤقتة ومردها بترجع تفكر ف السالف وتشوف لها حل

27 - 3 - 2014, 04:48 PM

(( بعد يومين .. اول يوم مدارس .. يوم السبت ))( بيت ابو عوض .. الساعة 6 ونص )قعد عوض ينتظر اخته ف السيارة وهو مغمض عيونه ومسند راسه على ورى .. ما شبع نوم ابد .. امس ما نام الا الساعة 2 الفجر .. لانه كان يتفرج فلم ما قدر يفوته .. دخلت اروى وصقعت الباب بقوة : السلام فز عوض متخرع من صوت الباب وقال : ووووووووووجع .. شوي شوي تراها سيارة .. اروى : طيب خلاص زين .. يللا اتحرك للمدرسة .. بتاخر .. عوض فتح عيونه ع الاخير مستغرب : سواقك انا ولا بدي غارد .. ؟؟ اروى : مدري اختار انت .. المهم يللا عوض بليز بتاخر .. عوض : انتي انا مدري متى بتعقلين .. نعنبو ثانوية عامة وكذا هبالك .. متى بتعقلين ..!؟!؟ اشك انك بتتزوجين صراحة ولا واحد بياخذك .. مرفووع عنك القلم ..!!! اروى بنص عين : شكرا على توقعاتك .. انا اتوقع انه ولا وحدة بتتقبلك .. لانك مرة عصبي وتسوي من الصغيرة كبيرة .. يعني من اول اسبوع طلاق .. ولا ليش اول اسبوع؟؟ من ايام الملكة بتتصل وتقول ما ابغاك وتفك الخطبة .. كااااااك وعلى هالحال بدا يومهم الاول للمدارس والشغل بعد العيد ... ___________________________________(( ف مدارس الظهران .. الحصة الثانية ))الجو ف الفصل كان مرة حلو وحماسي .. كل وحدة من البنات كانت تسولف لصديقاتها على اللي صار ف الاجازة والمواقف اللي تضحك وعلى كل شي سووه ... ولما دخلت الابلة تعدلت كل وحدة ف جلستها وسكتت ..الا لينا اللي كانت مرة متحمسة وتقول لصديقاتها عن سالفة الجسر والفضيحة اللي سوتها ديمة ولاهي منتبهة على الابلة..... الابلة : خلصتي آنسة لينالينا بدون ما تلتفت : لسة باقي شوي .. البنات كلهم فقعوا ضحك ...........الابلة : احنا اصلا قاعدين ننتظر حظرة جنابك تخلصين ... لينا : مشكورة .. بس باقي آخر جزء من السالفةالابلة باهتمام : وش هي السالفة ...؟؟ لينا : ا... سالفة عائلية ... الابلة : شاركيها معانالينا : شاركتها مع الكل .. الابلة : انا ابغى اسمعها ... لينا : آسفة ... سوالف بنات .. الابلة : صدق ..؟؟؟لينا : أي .. انتوا الكبار تفسرون كل شي غلط .. فما له داعي ندخلكم في سوالفنا .!!ضحكت الابلة على جرأة لينا وعفويتها ف الكلام ... مع انها تكلم ابلة .. وقررت تعطيهم حصة فراغ .... ___________________________________(( بيت ابو سعود .. الساعة 9 الصباح ))كان سعود في نوم عميق يوم دق عليه الجوال ... رد بصوت كله نوم : الووو ... خالد بصراخ : انت للحين نااايم ..!!.!!.!؟!؟!؟؟ ياخي قوووم ناوي ابوك يذبحك!!!!!فتح سعود عيونه الثنتين وفز من مكانه : يووووووووووه ... والله نسيت .. امس نمت متاخر .. خالد : بسرعة الله يخس وجهك ... الحق على دوامك .. ترى والله مايجيك خير .. سعود : ههه يللا يللا هذاني قمت ... خالد : يللا باي .. سعود : باي .. سكر التليفون وضحك على خالد وحركاته ... طالع السرير .. بغى يرجع ينام .. بس ابوه بيغسل شراعه اذا ما داوم اليوم .... قام وراح الحمام .. غسل ولبس ملابسه .. اخذ جواله وطلع من الغرفة .. مشى ف المرر والهدوء يطغى على البيت ... جات فباله فكرة ... قرر يدخل يشوف دلع .. صار له حوالي يومين ما يدري وش صار عليها ... عوره قلبه بس اللي صار صار .. مايقدر يغير شي .. وقف قدام باب غرفتها وبكل هدوء وخفة فتح الباب .. الغرفة كانت هادية مررة .. مافيها ولا صوت ...قرب من السرير وشافها نايمة ومغطية نص وجهها بالبطانية ... وضاامة يدنها لجسمها كانها كورة .... ابتسم سعود .... مايدري ليش ابتسم .. بس شي فيها خلاه يبتسم .. انتبه لنفسه : الله يخسني .. خليني اطلع قبل لا استخف .. طلع من الغرفة بسرعة وسكر الباب .. وراح لدوامه ... ___________________________________(( شركة ابو سعود ))( بعد نص ساعة )مسك الكوب اللي قدامه وشرب منه شوي يحاول يهدي اعصابه ونفسيته ... احمد : افففففف ... قسم بالله موب حالة هذي عوض : شفيك ..؟؟ من الصباح تنافخ وتافف ....؟؟ احمد : والله هالشغل ذابحني .. ماهو داخل مزاجي ... شي مقرف بصراحة ..!!واحد من الموظفين : اوووووه .. اوووه .. شكلها اخلاقك موب معاك اليوم ... احمد : وانت تستخف دمك ..؟؟ اقول اشتغل وانت مسكر فمك احسنلك ... ناقصني تنكيتك انا ...!!!؟!؟عوض ضحك بصوت واطي .. انتبه احمد لمكتب سعود الفاضي : والاخ هذا وينه بعد ...؟؟ ولا عنده اجازة زيادة بعد ..؟؟ عوض : انت ليش حاط راسك براسه .. خلاص كيفه متى ما جا .. جا .. !!!احمد : شي يقهر احنا نشتغل ونتعب ونكرف وهو داقها نومة ... عوض : هدّي شوي انت ... مايصير تسوي كذا .. اشرب الكوفي حقك وروّق .. تسند احمد على الكرسي .. احمد : انا افكر اشوف لي شغل ثاني .. عوض : وين بتروح ..؟؟ ووش بتشتغل ..؟ انت في قسم الاعلانات ويالله فالح .. وش بتسوي ..؟؟ احمد : ياخي أي شي .. ع الاقل اكون مرتاح ف الشغل ... عوض : سكر الموضوع الحين .. وبالليل نطلع انا وياك ونتناقش .. تنهد احمد بتعب وضيق .... ___________________________________(( بيت ابو سعود ... الساعة 11 الصباح ))( غرفة دلع )قامت النوم بتعب ... دخلت الحمام وغيرت ملابسها .. طلعت ولمت شعرها أي كلام .. انتبهت للابتوب حقها .. من زمان ما قعدت عليه ... بس يوم مر سعود ف بالها كرهت الكمبيوتر والغرفة ... طلعت من الغرفة ولمحت غرف سعود .. بابها كان مسكر ... دلع : ههــ حتى شغل ما بيروح..؟!؟!؟ امحق رجال .. !!نزلت تحت وقعدت .. كان المفروض اليوم تداوم ف الجامعة بس للحين تحس انها تعبانة وماهي قادر تتحرك اكثر من كم خطوة .. فتحت التلفزيون وتفرجت شوي .... بعد نص ساعة .. طفشت .. سكرت التلفزيون وقامت .. طلعت فوق .. وهي على الدرج شافت الخدامة..دلع : وين ماما ..؟ الخدامة : ماما نوم .. دلع : طيب سعود نايم للحين ..؟ الخدامة : لاااا .. سعود قوم صباح روح شغل ... دلع : اهااا ... خلاص طيب .. روحي كملي شغلك .. جاها فضول تدخل غرفة سعود .. ماتدري ليش مع انها تكرهه كره العمى على اللي سواه فيها .. بس في شي يخليها تدخلها .. فتحت الباب بهدوء ودخلت ... سكرت الباب وراها وفتحت النور .. مررت نظرها على الغرفة بتمعن .. بعدين قعدت تتمشى ف الغرفة اللي اقل ما ينقال عنها انها عفسة وحوسة .... قعدت على السرير .. وفتحت الدرج اللي قريب ... حصلت اوراق كثيرة .. ارقام .. صور جمعات شباب .. صور سيارات .. جواز سفر .. وجوالين .. دلع : زي ما توقعت .. هالانسان لايمكن يكتفي بجوال واحد .. اخذت واحد من الجوالين وفتحته .. ويوم طلب رمز البن كود توهقت .. ماعرفت وش تسوي .... دلع : الحين شلون افتحه ...؟؟؟؟طاحت عيونها على البطاقة حقت الشريحة ... دلع : الحمدلله ...!!!اخذت البطاقة وشافت البن كود .. وكتبته ف الجوال .. فتح ... انتظرت لين ما فتح الجوال .. وعلى طول بدون تردد راحت على طول للرسائل .. شافت رسايل كثيرة .. واكثرها من بنات ... حنان .. فرح .. كوثر .. وغيرها من الارقام اللي مسجلة بدون اسماء .. واغلب الرسايل غزل في غزل .. طلعت من الرسايل وراحت للاستوديو ... شافت صور بعد كثيرة .. صوره وربعه .. جمعات شباب .. حفلات .. بس في شي خلاها تتعجب اكثر .. كان في صور بنات بعد .. قلوب واشياء حمرا ... والادهى .. صوره هو وربعه مع بنات .. !!!!!!!حطت يدها على فمها مو مصدقة .. صح توقعت الكثير .. بس مو كذا .. تضايقت مرة .. وجاها فضول اكثر تفتح الجوال الثاني ... ويوم فتحته .. شافت رسايل بنات كثيرة .. غير البنات اللي قبل .. رنا .. هيا .. لميس .. دلع باستهزاء : هههه شكله يعرف كل بنات الشرقية !!!! ويوم راحت للرسايل لمحت رسايل مع خالد .. كان يتكلم عن بنت ... الرسالة الاولى من خالد ... وش فيك يا رجال..؟ رد عليه سعود .. هالبنت بتجنني !!! دلع : مثل ما توقعت .. السالفة فيها بنت رسالة من خالد .. ليش..؟ شسوت ..؟؟ سعود ... ماهي معطيتني فرصة عشان اتقرب لها .. كل ما اقرب تبعدني .. دلع : غريبة ..!! احيي هالبنت بصراحة .. ع الاقل ما قطت وجهها عليك زي باقي البنات اللي ف الجوال .. خالد ... زين وش بتسوي .. ؟؟ سعود .. وين بترووح عني..؟ جايبها جايبها ...!!! حتى لو بنت خالتي بجيب راسها .. انا سعود .. مو أي احد ..!!فتح عيونها ع الاخير كانه احد صفقها كف .... اللي يتكلم عنها هي .. نفسها هي .. كان يخطط لهالشي من زمان ..!!!! مر كل شي بينها وبين سعود كشريط من الذكريات بسرعة .. الحين استوعبت انه كل حركة منه كان يبغى يتقرب لها فيها .. وزي ما توقعت كان قصده كله انه يوريها لانها ما كانت تعطيه وجه مثل باقي البنات ..... رمت الجوال ف الدرج بعد ما سكرته ومسكت راسها بقوة وهي مغمضة عيونها ... تحاول تقوم من هالكابوس ... دلع ودموعها بدت تنزل : ليش..!؟!؟! ليش انا لييييييييييييييييييش ؟!؟!!؟!؟ والله ما سويت شي فحياتي يستاهل اتعاقب عليه بهالطريقة .... ضيع مستقبلي الله يضيّع مستقبله .... !!!قامت تلف وتدور ف الغرفة تفكر بمستقبلها .. مين بيرضى فيها وياخذها ؟؟؟.. مين اللي بيستر على وحدة زيها ؟؟... مين اللي بيفكر يخليها ام لعياله؟؟؟؟؟؟دلع بهستيريا : بس .. بس انا م .. ما سويت شي .. هو اللي غدر فيني .. كان يبغاني اجيب جواله ... كملت وهي تكلم المرايا وتصيح... وكانها انسان يتكلم معاها ويسمعها .. دلع : والله والله العظيم كنت ابغى ادور على جواله لانه كان يقول انه حطه على السرير .. والله قصدي كان شريف .. هو اللي مسكني .. هو اللي اخذ اغلى شي عندي .. هو اللي غصبني على كل شي صار ... !!! صدقوووني .. والله مالي ذنب .. حاولت اصارخ بس .. سكر فمي .. والله ما قدرت اسوي شي ... !!وعلى هالحالة قعدت تكلم عمرها وتصيح ف الغرفة ........___________________________________(( سيارة احمد ))( الساعة 8 بالليل ... )فكر عوض شوي ... عمه عنده شركة تشتغل في نفس مجال شركة ابو سعود .. عوض : شلون ما فكرت بكذا من قبل..!؟!؟!؟احمد وهو يسوق : وشو...؟؟؟ عوض : تعرف عمي عبدالهادي .....؟؟احمد : أي اذكر مرة رحنا انا وياك نزوره يوم كان ف المستشفى يسوي عملية مدري ايش ..... عوض : ايوووووه ... هذا هواحمد : طيب ...؟؟عوض : تراه صاحب شركة عبدالهادي للمقاولات ... احمد : وبعدين .... عوض : اكيد بيحصل لنا شغل عنده .. ونفس الشغل اللي نشتغله الحين وبراتب احسن ...!..!.!.! احمد : قول والله ...!!عوض : والله العظيم ... اصبر بس كم يوم خليني اشوف عمي واتفاهم معاه اذا عندهم اماكن فاضية ووظايف ونشوف لنا حل انشالله احمد وهو يوقف السيارة عنده احد الكوفي شوبات اللي ف الشرقية : الله يسهل انشالله .... انزل بس .. ___________________________________نهاية الجزء الرابع .. هاهي كتاباتي بين ايديكم .. انتظر ردودكم وتعليقاتكم .. مع كل امنياتي اني اكون قدمت شي حلو في هالجزءاتقبل نقدكم بكل ود واحترام...

27 - 3 - 2014, 06:12 PM

الجزء الخامس(( مجمع فؤاد سنتر .. ملاهي التوي تاون ))( نفس الوقت )التفت سالم على فيصل اللي كان يركب اخته شوق اللعبة ويربط لها الحزام .. بعدين يبتعد ويأشر لها بحركة معناها باي .. ويرجع يوقف جنبه ... سالم : هههههههفيصل : شفيك تضحك ...؟ سالم : شكلك حلو وانت تلعب معاها .. لايقين على بعض ... فيصل سكت وقعد يطالعها .. رفعت شوق يدها بفرح لفيصل تصارخ : فيصل باااااااااااااااااااااااااي ابتسم لها فيصل وسوا لها نفس الحركة سالم : شكلها تحبك مرة .. تعلقت فيك ... فيصل : هههه يا حليلها .. تصدق انا ما عرفت وش يعني يكون عندك خوات اصغر منك تحبهم ويحبونك الا الحين .. سالم : غريبة من اول ما كلمتك نسايم زوجة ابوك اقتنعت .. وكانه كنت تنتظر احد يطلب منك هالشيفيصل : بيني وبينك انا كنت محتاج فرصة وحدة تخليني اتقرب من خواتي وزوجة ابوي .. بس ما كنت اعرف وشلون اتصرف .. ويوم كلمتني نسايم حسيت انه هذي الفرصة اللي كنت انتظرها .. وقررت اني استغلها وما افرط فيها .. والحمدلله كل شي ماشي تمام...سالم ابتسم : الله يديم هالفرحة .. فيصل: أي صح تعال .. شخبار اهلك ..؟ من زمان ما شفتهم ..سالم : ههه كلهم بخير .. وما اكذب عليك امي وابوي يسالون عليك .. تعودوا عليك ف البيت .. سالم : حتى انا والله افتقجت بيتكم .. تعودت انام فيه واقضي كل يومي عندكفيصل : حتى لينا احيان لما تزهق .. تقول دق على فيصل خليه يجي عشان اتهاوش معاه شويفيصل : خخخخ اختك هذي حفلة ... سلم عليهاسالم : يوصل ..@@@@@@@@@@@@@@@@@@@@@@@@@@@@@@@@@@@@@(( اليوم الثاني .. في احد الدوائر لحكومية ))( الساعة 9 الصباح )كان ابو بندر قاعد ف مكتبه يوم اندق الباب ... ابو بندر : مين ...؟انفتح الباب ودخل رجال في العشرينات .. لابس ثوب وشماغ : السلام عليكم ابو بندر : وعليكم السلام ... الرجال : ممكن ادخل ..؟ ابو بندر : تفضل حياك دخل الرجال وقعد ع الكرسي اللي قدام المكتب ابو بندر : ما تعرفنا عليك .. الرجال : معاك رائد عبدالهادي الـ ( ... )ابو بندر : ماشالله والنعم .. رائد بكل دبلوماسية : ابو بندر انا جايك اليوم بموضوع بخصوص محل النجارة حقك ابو بندر : خير شصاير ...؟ رائد : انا بصراحة ودي اذا عندكم وظيفة .. اتوظف عندك ابو بندر : والله يا رائد انا ما اعتقد الوقت والمكان هذا مناسبين لهالموضوع .. بس تقدر تمرني اليوم بالليل الورشة ونتفاهم رائد ابتسم : تمااام .. متى امرك ..؟ ابو بندر : انا بكون ف الورشة من الساعة 7 لين الساعة 11 رائد وهو يقوم : خلاص اجل .. استاذن انا .. اشوفك بالليل انشالله .. ابو بندر : حياك الله .. طلع رائد من مكتب ابو بندر والابتسامة شاقة وجهه .. ___________________________________

27 - 3 - 2014, 06:13 PM

___________________________________(( بيت ابو سعود ))( غرفة سعود .. الساعة 2 الظهر )دخل سعود غرفته تعبان وهلكان من دوام اليوم .... فصخ شماغه وثوبه ولبس له شورت وفنيلة بدون اكمام .. وغسل وجهه عشان يتنشط شوي ... بعدين قعد على السرير وفتح الدرج اللي جنبه وطلع جواله وفتحه .. ما حصل ولا رسالة جديدة ..سعود : غريبة 1!! بالعادة بالسبع ثمان رسايل ..... راح لقسم الرسايل وشاف رسايل جديدة .. بس مفتوحة عقد حواجبه: مين لاعب بجوالي...؟ اكيد سالم ... انا اوريه بعدين .. كم مرة اقوله اللقافة يتركها عنه ...!!.!قام من على السرير متضايق .. طاحت عينه على سلسلة مرمية ع الارض ومقطوعة.. عقد حواجبه اكثر واخذها .... سعود : وهذي لمين بعد ....؟؟ وبعد تفكير عرف وتاكد انها حقت وحدة بس لا غير ... طلع من غرفته متوجه لغرفة دلع .... دق الباب .. ما سمع رد .. دخل ما حصل احد بالغرفة بس سمع صوت ف الحمام وعرف انها هناك ... قعد على الكرسي ينتظرها تطلع بعد ما سكر باب الغرفة ... ويوم طلعت دلع من الحمام .. تفاجأت بسعود .. ما كانت تتوقع تحصله ف الغرفة ... لدقيقة تذكرت اللي صار لها اول وخافت .. تراجعت خطوة وهي تقول : انت شتسوي هنا.....؟ سعود وقف : ممكن اكلمك ..؟ دلع : لا مو ممكن .. اطلع برى بسرعة .. سعود : دلع الموضوع ضروري .. انا سكتت عليك مدة عشان تهدين شوي عشان اتفاهم معاك .. دلع برفض تام : ما بيننا شي نتفاهم عليه .. اطلع برى لو سمحت لا اناديلك خالتي الحين واسوي فضيحة ما صارت في احد من قبل ..قرب سعود ومسكها من يدها .. سحبها وقعدها على الكرسي اللي قدامه..سعود بجدية : دلع .. لازم نتفاهم ونشوف لنا حل ف المشكلة .. دلع : حل ها..؟؟ ليش ما فكرت قبل ما تغلط وتسوي شي زي اللي سويته .. سعود : قلت لك انا آسفدلع : الاسف في هذي الحالة ما بيغير شي .. سعود : زين وش تبيغين مني اسوي عشان اصلح غلطتي...؟ فكرت دلع شوي .. ما عرفت ايش تطلب ... في الحالة هذي مافي شي واحد يصلح اللي صار .... ومع هالشعور تملكها الياس وبدت دموعها تنزل وبدت تنهار ... سعود : يا دلع الصياح ما بيفيدي .. عطيني حلصاحت دلع : حل ها..؟؟ ليش سويت كذا لييييييييييش .؟؟؟ تدري انه المشكلة اللي حطيتني فيها مالها حل تدري ؟؟ تدري ولا لأ..؟؟ المشكلة اللي انا فيها ميؤوووس منها .. خلاااص .. تعرف وش يعني خلاااص .. يعني انا انتهيت .. مستقبلي راح .. وكله بسببك كله بسببك يا سعود .. وانا ماني مسامحتك ليوم الدين .. سكت سعود يحاول يهدي نفسه لانه ما يحب أي احد يصارخ بوجهه ... قعد ع الكرسي يفكر بحل .... بعد عشر دقايق ... بدت دلع تهدى ويخف صياحها ... سعود بهدوء : دلع عندي سؤال ...؟؟رفعت دلع عيونها وطالعته ...سعود : ممكن اعرف ليش دخلتي غرفتي وفتشتي جوالي ... دلع بكل هدوء تبغى تقهره : كيفي .. سعود : مو من حقك تمسكين شي من اغراضي دلع باستهزاء : قلت لك آسفة .. !!!سعود : دلع .. مانا قاعدين نحل شيدلع : هههه ليش انت من متى تتحمل غلطاتك .. دايم ترميها على الناس سعود : ماني قاعد اضحكاخذت دلع نفس ومسحت دموعها ووقفت : ايش تبغى الحين ... خلص بسرعة ابغى انام .. راسي بدى يعورني .. سعود كتف يدينه: انا كل اللي ابغاه ما يوصل الموضوع لاي احد .. ما ابغى احد يدري بللي صار .. دلع : ليش..؟ خايف ..؟ جبااان .. تسوي الجريمة وما تبغى تتحمل عواقبها .... طول عمرك كذا سعود انقهر .. كلام دلع يخلي كرامة الواحد تنمسح ف الارض : شوفي يا بنت الناس .. تبغيني اطلع الحين قدام كل اهل البيت واقولهم على اللي صار انا مستعد .. لاتحسبيني خايف ...لأ .. انا بس متستر عليك لين ما تحصلين نصيبك وتفكينا .. ولا مين اللي بياخذ وحدة مثلك .. ؟؟ ع الاقل خليك نظيفة ف نظر امي وابوي واخواني ... دلع : اطلع برى ... بررررررررررررررررىىىىىىىىىىى .. برى اشوف الحين .. سعود وهو طالع : انا طالع .. بس تذكري .. مرك بتحتاجيني ف يوم من الايام .. دلع : ما ابغى منك ولا شي ... الله لا يحيجني لك برىىىىىىىىى ضحك سعود باستهزاء وطلع .... وبقت دلع زعلانة على الحالة اللي صارت فيها .... وبكت .. بكت من التعب والملل من هالعيشة ... وما حصلت نفسها الا وهي منسدحة على الارض ومسكرة عيونها .. كل اللي تبغاه من هالشي .. النوم السريع وبس ... ___________________________________

27 - 3 - 2014, 06:14 PM

(( ورشة ابو بندر للنجارة .. ))( الساعة 7 بالليل )نزل رائد من سيارته كاشخ باشماغ والثوب الابيض .. دخل الورشة وسال عن ابو بندر .. وتوجه لمكتبه الموجود في آخر الورشة راسم ابتسامة واسعة على وجهه .. رائد : السلام عليكم وقف ابو رائد : وعليكم السلاام ورحمة الله وبركاته .. كيف حالك يا رائد ...؟؟رائد : بخير الله يطول لي عمرك .. ابو بندر : الله يخليك استريح ...رائد وهو يقعد : مشكووور وما تقصر .. ابو بندر بجد : آمر وش بغيترائد : مثل ما قلت لك يا عمي .. انا جاي اسال اذا كان عندك وظيفة تشغلني فيها .. تعرف انا صارلي حوالي 3 سنين متخرج وقاعد بدون شغل .. ماخذ الشهادة عشان اتفرج عليها ... ابو بندر : ممم ... طيب .. وش تخصصك ..؟رائد: ادارة اعمال .. ابو بندر : وليش جيت تتوظف هنا بالذات ..؟؟ خصوصا انه الشغلة ما تناسب تخصصك..رائد بثقة : صح ما تناسب تخصصي .. بس تناسب جسمي وهيئتي .. انا الحمدلله زي ما تشوف عندي عضلات تسوى جنوط سيارة ... هههههابو بندر : ههههه ما شالله ... تلعب رياضة ..؟رائد : أي نعم .. اروح جيم .. ابو بندر : حلو الواحد يكون محافظ على صحته وجسمه رائد : مشكور تسلم ... ها وش قلت ..؟ابو بندر : ما اقدر اقول شي او احكم قبل ما اشوف بعيني ابتسم رائد بفرح : يعني موافق ...؟؟ ابو بندر : أي موافق .. بس ها... اذا شفتك مو زين ترى انا ما استحي .. الشغل شغل .. على طول بطردك .. رائد وقف بثقة وقال : مابتشوف الا اللي يسرك انشالله يا عمي .. ابو بندر : ههههه حلوة الثقة .. تعال الحين معاي وبعرفك على الشغل هنا .. _______________________________(( بيت ابو سعود ))( الساعة 9 بالليل )كانت لينا قاعدة تتفرج على مجلات الازياء يوم دخلت ام سعود عليها ..ام سعود : شتسوين ..؟لينا : اتفرج على المجلة .. يما بليز ابغى اروح اشتري لي ملابس .. من زمان على الشوبينغ ..!.!.!.!. ام سعود : وين من زمان ... ف العيد مشتريتلك ملابس قد الدنيا ... لينا : اففف .. زهقت منهم .. ابغى اشتري شي جديد ...ام سعود : اففف .. انتي اللي بيقعد معاك يرتفع ضغطه ... لينا : وين رايحة ؟؟؟ام سعود وهي طالعة : معزومة عند وحدة من الحريم ... تجين لينا بقرف مطلعة لسانها : لا وع زهههههههق .. ام سعود : ماااااالت ... طلعت وسكرت الباب ... لينا : بروح اقعد مع دلع .. ابرك لي ... طلعت من غرفتها وراحت غرفة دلع .. دقت الباب ودخلت .. شافتها قاعدة ومشغلة اغاني هادية ف الغرفة وسرحانة ... لينا : يا عيني ع الجو الرومانسي انا ....دلع انتبهت : ها..؟؟ ه .. هلا لينا .. لينا :مسحت دمعة كانت على خد دلع : دلع!!!!! شفيك حبيبتي ..؟؟ ليش الصياح ..؟ دلع تكابر: لا مافيني شي.. بس تذكرت امي لينا : الحين انا اقول اجي اتونس معاك بتقلبينها علي زعل وصياح ابتسمت دلع : ههههه خلاص ولا يهمك ... لينا : اقول .. امي طلعت .. خلينا ناخذ الساق ونروح لنا مكان نتمشى كذا دلع : وين راحت ..؟؟لينا : وحدة من العجايز حقونها ... من اشكالها يعني ..دلع : لا ما اقدر ...لينا : ليش..؟ دلع : راسي ضارب فيني مرة يعورني ... لينا : اجيب لك بندول ..؟دلع : اخذت توني ... بس يمكن احتاج انام شوي .. لينا طفت المسجل : خلاص نامي انتي وانا بشوف لي صرفة على الكمبيوتر اتسلى شوي دلع : اوكي .. لينا : اذا بغيتي شي نادينيدلع : مشكورة ... طلعت لينا من الغرفة وخلصت دلع تنام .. لانها كانت تحس انها تعبانة مرة .. وشكلها مريضة ..(( اليوم الثاني .. بيت ابو سعود ))( الساعة 9 الصباح )سمع دق الباب بقوة وبشكل متواصل ... سعود بثقل " يا ربييي وش فيه من على الصباح .." : مين ...؟الخدامة من ورى الباب : بابا سؤوود تآل شسوية ... سعود : شتبين انتي بعد ...؟؟؟ الخدامة : تعال بسرءة ... ماما دلأ مافي قوم .. سعود قام بسرعة من على السرير : وش فيها هذي بعد من على الصباح .. ؟؟ اكيد ذبحت عمرها صياح زي ذيك المرة ... لا حول لله .. قام وطلع من الغرفة وراح غرفة الدلع اللي كانوا فيها الخدامتين موجودتين ...سعود : شسالفة ..؟الخدامة : بابا انا في سوي قوم ماما دلأ بس هي مافي قووم .. الهين في جامأة .. لازم هي رووح سعود برعب : طيب ما قامت ..؟الخدامة : مافي ... سعود : طيب جيبي موية بسرعة ... راحت الخدامة بسرعة تجيب الموية .. اما سعود فقعد يهز دلع : دلع ... دلع .. قومي دلع بلا مشاهد الدراما السخيفة اللي قاعدة تسويها ... قووووووومي .. جابت الخدامة الموية واخذ سعود شوي ورشها على وجهها بس ما قامت ... سعود : يوووو ... لا يكون ماتت ...!؟!؟!؟!؟الخدامة برعي : مووووت ... يا ويلي سنو موووت .. ؟؟سعود منقهر من الخدامة : انقلعي برى .. يللا ماني ناقص افلام هنود فوق راسي .. برررررى طلعت الخدامة تركض مخلية سعود مرعووب من اللي يصير وخايف .. لانه أي شي بيصير لها بيكون بسببه .. سعود وهو يحط يده على رقبة دلع يشوف نبضها : لا اشوه .. ع الاقل تنبض ما ماتت ..شوي الا داخلة ام سعود خايفة : ايش صار ف البنت ...!؟!؟وخر سعود وما قال ولا كلمة ... ام سعود وهي تهز دلع : دلع .. دلع يما قووومي .. وش فيك ..؟؟ عين ما صلت على النبي .. سعووووووووود سعود : ها ..؟ ام سعود : شغل السيارة بنوديها المستشفى ... سعود : بخلي السواق يجهز السيارة ...!!!!ام سعود : ماااالت عليك من ولد .. انت الحين بتروح تشغل السيارة .. سعود : يما وراي دوام !!!ام سعود : رووح .. روح الله ياخذك وقول للسواق يجهز السيارة بسررررعة .. حسبي الله عليك من ولد ... طلع سعود من الغرفة وكلم السواق يجهز السيارة .. وكلها خمس دقايق وكانوا ماخذين دلع للمستشفى ... اما سعود .. حاول ينسى الموضوع وينسى خوفه وراح للشركة عشان يداوم ويشغل تفكيره شوي .... ___________________________________

المواضيع المتشابهه لموضوع: روايه ودك تنامين نامي لموضوع: روايه ودك تنامين نامي
الموضوع	كاتب الموضوع	المنتدى	مشاركات	آخر مشاركة
يمد لي يده وامد له روحي	حنين الأشواق	همس عالم حواء	5	8 - 11 - 2023 03:30 PM
نامي بصدري	نجمة الليل	همس الشعر والقوافي	6	25 - 3 - 2023 05:41 AM
والي خلق دم بعالي السموات	النورسيه	همس الشعر والقوافي	4	28 - 11 - 2020 04:08 PM
والد المعاصي	شيخة الزين	نفحات اسلاميه	6	10 - 5 - 2019 09:10 PM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع