جددي فيني حياتي باللقاء للكاتبه وديمة العطا

1 - 4 - 2015, 12:42 PM

{ الجزء الثامن والعشرين

بعد مادخل حمد التفت سعيد للريم
سعيد:اخيييرا ياله
الريم:وين؟
سعيد:بعد وين السنما
الريم:رح انته اذا تريد
سعيد:وانتي معايه
الريم:اخاف امل توعا وادورنيه
سعيد:ماعليها عندها حمد
الريم:الوقت متاخر وباجر بنروح انرقد امل
سعيد:انتي يعني بترقدين الحين
الريم :لااا
سعيد:عيل عندج خمس ثواني اتكونين جاهزه فيهن برقبج برا
ولبس سعيد جاكيته وطلع وبعد شوي لحقته الريم بعد مالبست عباتها
ابتسم الها اول ماشافها لحقته
سعيد:هذيه السنما قريبه خطوتين مابنتاخر الفلم وايد حلو مسويله دعايا رهيبه
وهم داخلين مسكها من يدها وحاولت تسحبها لاكنه ضغط عليها واستسلمت له
وبعد ماخذو اماكنهم اتذكر سعيد غنوم رفيقه
سعيد:معقوله بشوف فلم بدون مايغثنيه فيه غنوم
وعلى طول صاح تيلفونه شاف الرقم
سعيد:حشى لوطاري مليون هب خساره....الووووو
غنوم:هلووووووو هاو اريووووووو
سعيد:تيكه تيكه
غنوم:ههههههههه...اتصدق ذكرنااك تونا شايفين فلم"###"وقلنا حليله سعود هب معانا المره هذي
سعيد:هاااااه شفتوووه مايصييير توهم منزلينه اهنيه
غنوم:شفناااه في الشوتايم يخخخخرب بيته الدكتور طلع اهو الحرامي في الاخير
سعيد:لااااااااا يخرب بيتك انته ليش متصلليه منو لحمار الي عطاك بطاقه تتصل فيها عليه
غنوم:سهيلووه اخوك
سعيد:قله سعيد ايقولك ماسويت فيه خير....وانا بسكر سر خل الباقي الي في البطاقه طباخكم يتصلبها لبلاد
طـــــــــــــــــــــــــــــــــــــــــخ
سعيد:اووف صدق مغثه
الريم:العالم اطالعك وانته مسوي حشره
سعيد:خلاص كنسلت ماابا اشوف الفلم المغثه حرقو عليه الفلم
الريم:بنطلع؟
سعيد:قومي بنتمشى شويه في المنطقه
طلعت الريم مع سعيد وقعدو يتمشون وهم ساكتين وماكان في المنطقه حركه غير السيرات الي تتحرك من بعيد
سعيد:عقي النقاب محد اهنيه
الريم:لا ماعليه مرتاحه جذيه
كانت يد سعيد قريبه من يدها ومسكها اخيرا لانه من طلعو وهو يحاول يمسك يدها وهيه كل شوي رفعتها تعدل
نقابها
حاولت تسحب يدها لاكنه دخل يدها مع يده في جيب الجاكيت وهو يغير الموضوع
سعيد:حليله حمد والله حزننيه وهو يبا يرقد
الريم:هممم
وتمت ساكته وهيه متوتره
سعيد:تدرين غنوم هذا لووووعه مانروح فلم الاوهو مرتز ايقص كل الحركات الي بتنعرض
عاده الحين عطانيه الزبده وحرق الفلم...انا عادة ارقد يوم اشوف انه بدا ...الربع اهناك دايمن يربطونه ويربطون على ثمه
الريم:هههههه انزين ليش ماتشردون عنه
سعيد:لززززقه مايفج منا
الريم:اتفرقو
سعيد:صدقج هذي مايت في بالنا
حاولت حينها تسحب يدها...لاكنه كان اعند منها وتمو يمشوون وسعيد ماخلا سالفه عن ربعه ومقالبهم ماقالها والريم كل شوي تضحك بصوت عالي
الريم:خلاص خلاص الله ايخليك بطنيه عورنيه
وقف مجابلنها
سعيد:حلييييلهااا
الريم:منيه؟
ومديده الثانيه ليدها الثانيه ومسكها
سعيد:هذي من الصبح في البرد والباقيات متدفيات
ودخل الثانيه بعد مع يده في الجيب الثاني وصارت الريم قريبه منه وايد وهيه واقفه مقابلتنه
الريم:سعيد خلاص فجنيه خلنا نرجع
سعيد بهمس:مب قبل ماتدفا يدج هذي
حط عيونه في عيونها وتمو يتبادلون النظرات
سحبت ايديها بسرعه وركضت للفندق الي كان قريب
سعيد:هييييه وقفي
.................................................. .........................
فتحت امل عيونها وهيه تشم ريحة عطر حمد تارسه الغرفه
طالعت حوليها ماشافت حد فقامت بسرعه تريد توقف وتمشي للجهه الثانيه لاكن شي منعها وشدها لتحت
وطاحت في حضن حمد الي كان راقد تحت على الارض وحاضن نص شعرها ونصفه على ويهه
وعى على الدبغه الي يته شهقت امل وكان الشعر مانع الرؤيه عندهم في اثنينه
حس انها اهيه وحاوطها بيد واليد الثانيه بعد فيها الشعر الي بينه وبينها وطاحت عيونها في عيونه
الي غمضهن من الفرحه وفتحهن ايطالعها مره ثانيه"مايدري هو حلم ولا علم"حاولت تخلص نفسها من بين ايديه لاكنه كان
مسيطر عليها
حمد:اهدي اهدي بفجج بس قوليليه انا احلم ولا واعي
تمت امل تتحرك تريد تتحرر امنه بدون ماترد عليه
حمد:امل انا تعبان ومابطلع من الحجره بتم راقد اهنيه ومابزعجج
حاولت تتخلص امنه مره ثانيه وتركها حمد وقامت بسرعه وركضت للحمام سكرت الباب عليها وتساندت على الباب ودقات قلبها تزيد
وتم حمد على وضعه منسدح على الارض وغمضت عينه بعد ثلث ساعه طلعت امل كانت تريد تطلع لاكنها خافت سعيد يكون برا طلت لورا
السرير وشافت حمد راقد كشفت عن اللحاف الي في الطرف الثاني ودخلت فيه
وعلى طول فتح حمد عيونه وقام بسرعه ودخل في لفراش عدالها
وهو يسحب يدها ويحط راسه عليها
حمد:دخيييييييييلج بس هالليله خلينيه قريب منقلبج
كانت امل تحاول تمنع نفسها عن لاتصييح وهيه تحاول تير يدها لاكن حمد كان مصر
وهويسمع صوت قلبها صوت غريب عوره قلبه يوم سمعه....ماكان متخيل انه بيسمع هالصوت
حمد:امل ارجوووووج صكي خلاص اوعدج انيه ماتحرك
هدت امل وراس حمد بحضنها منفجع من صوت قلبها الي يصدر صوت مع تنفسها
تنهد حمد بالم وغمض عيونه متمني صدق لو يقدر يرقد لاكن وين ايييه الرقاد والغلا هذا حالها
اما امل فكانت مش مصدقه ان حمد قريب منها هالكثر تحبه وتموت فيه لاكنها مجروووحه امنه حاولت تاخذ نفس وتهدي نفسها وتشوف شو اخرتها معاه

.................................................. .......................
لحق سعيد الريم ومسكها قبل لاتدخل الفندق
سعيد:تعالي اهنيه شبلاج
الريم:انته شبلاك ........سعيد لو سمحت اتركنيه في حاليه
سعيد:انتي شبلاج معصبه جذيه
الريم:انته حرام عليك الي تسويه فيه....انته ليش ماتريد تفهم اننا خلاص على وشك طلاق
سعيد:وانتي ليش ماتريدين تعطينيه فرصه
الريم:مستحييييييل تسمع انا مستحييييل اسامحك انته تتحسب الي سويته فيه شويه
حطت ايديها على ويهها وقعدت اتصيح
صرخ عليها سعيد:وانا شو سويتلج؟
الريم:بعد اتقول شو سويت؟
سعيد:ما اعتقد ان مافي شاب ماله ماضي يعني انا غير عنهم
الريم:انته نسيت كلامك اليه هذاك اليوم
سعيد:شو تبينيه اسوي عصبتيبيه
الريم:انا ما اقدر انسى
سعيد بعصبيه:بالطقاق عنج ما نسيتي
خلاها ومشى جدامها داخل الفندق واهيه تتبعه
واول ما دخلو الشقه دخل سعيد الغرفه اما الريم خلعت عباتها ونقابها وراحت
تقعد على الكراسي وتحاول اتهدي نفسها وتمسح دموعها
بعد عشر دقايق طلع سعيد وراح شرب ماي وشافها قاعده اطالع التلفزون ماكانت عليها الشيله ونصف شعرها نازل على طرف ويهها
قرب منها وقعد عدالها وانسدح على ريلها
سعيد:طالعي شو في عينيه دخل؟
نزلت نظرها لويهه ومدت يدها لعينه اطالع فيها وماشافت شي هزت له راسها ماشي
سعيد:دوري مايصير تاكلنيه احس شي فيها
كان مركز نظره في ملامحها وهيه متاكده انه يجذب لان عينه مبين ان مافيها شي
رفعت نظرها عقب وتمت اطالع التلفزون وهو مازال طايح على ريلها ويطالعها
همس الها:ريييم
طالعته
سعيد:تدرين انيه ما استاهلج
تمت اطالعه شوي عقب ردت اطالع التلفزون
سعيد:شو معنى هالنظره؟
ماردت عليه وتمت مركزه نظرها على التلفزون
كانت اتحس بتوتر من نظراته الها وتتمنى لو تقدر اتقوم بس حست انها ماتقدر
نزلت نظرها له وشافته مغمض وتمت تتامل ملامح ويهه واول مارفعت نظرها للتلفزون فتح عينه وتم ايطالعها
واذا حس انها بتطالعه غمض عيونه بسرعه لين ما خذه الرقاد وحست ريم صدق انه راقد عقبها ماقدرت تمنع نفسها انها تخلل يدها في شعره
وعقبها غفت عينها مثل ماغفت عين حمد بحضن امل وهو ميت من صوت قلبها
على الساعه ثمان ونصف
حست امل انها ضامه يمره لصدرها بعدت راس حمد وهيه تحس بحرارته المرتفعه
امل:حمــــــــــد
واعتدلت بسرعه وهيه تتاكد امنه اكثر اذا كانت هذي صدق حراره
سحبت يدها ووقفت اطالعه ماتعرف شو تسوي راحت وفتحت الباب وشافت راس الريم
امل :الريييييم.......رييييييم
نقزت الريم على صوتها ووعى سعيد
سعيد:بلاج؟
الريم:اسمع امل تنادينيه
قام سعيد وقامت الريم بسرعه رايحه الها
الريم:امل شبلاج؟
امل بتوتر:ما مادري حمد ا ا اظن فيه حراره
الريم:حمد؟
دخلت الريم لحمد وشافت انه صدق فيه حراره
وقفت الريم:امل تعالي الغرفه الثانيه بخلي سعيد ايي ايطالعه
طلعت امل مع الريم للغرفه الثانيه وقالت الريم لسعيد عن حمد
سعيد:بوشهاب ....يابو شهاب
فتح حمد عيونه بصعوبه وغمضهن لاكنه عقب فتحهن وطالع حوليه ونقز واقف
حمد:امل ....امل ويييين
سعيد:اهدا موجوووده
حمد وهو يطلع من الغرفه ايدور امل:امـــــــــــــــــــــــل...وينها
الريم:اهنيه فديتك في الغرفه الثانيه
دخل حمد على امل وشافها قاعده على طرف السرير وقرب منها وقعد على الارض ايطالع في ويهها
حمد:امل شي فيييج؟
تمت عيونها في عيونه ولثواني حست انها ماتقدر تقاوم عقبها شاحت بويهها للجهه الثانيه
حمد:الغلا.....شي تانسين؟
هزت راسها بلا
الريم من وراه:حمد
التفت الها وهو يوقف
حمد:الساعه كم ....لاتنسن لازم امل تدخل المستشفي على الساعه تسع ونصف
الريم:حمــــــــــد انته مصخن ماتحس بشي
كان يحس بعضامه متكسره
حمد:انا بخير بتسبح وبتروح الحراره عنيه ....انتن لازم تجهزن بسرعه
طلع ووقف في الصاله مايعرف شو ايريد
سعيد:حمد ياحمد
التفت له
تقرب امنه سعيد وحط يده على يبهته
سعيد:اووف انته مصخن فوول
حمد:بدخل اتسبح.....سعيد اتصل ......
سعيد:اتصل على منوه؟
حمد:هاااه مادري ...انروح المستشفي مشي ولا اطلب تكسي
سعيد:حمد بلاك يااخي ....شو صاير عندك تراهم الابيرقدونها مب اليوم العمليه
تم حمد ايطالع سعيد عقبها خلاه وراح داخل يتسبح عقب مارجعت امل لغرفتها...ايحس بحيله منهد على الاخر وجسمه يعوره
دخل سعيد وراه
سعيد:حمد قبل لاتتسبح خذ كل لحبوب هذي تنزل الحراره
هز حمد راسه وخذهن وراح يتسبح
.................................................. .....................
كانت العاش قاعده في صالة خالتها الي تحت بروحها يوم يت الخدامه وقالت الها تيلفون والي كلمتها
كانت حمده...ارتاحت العاش يوم ياها صوت حمده مفرفش
حمده:العاش في مفاجئه في ميلس عموه ...شرايج اتروحين اتشوفينها
العاش:اي مفاجئه؟
حمده:بسررررعه سكري عنيه وروحي شوفيهااا قبل لاتروح....بعدين بكلمج
ابتسمت العاش مستانسه ان حمده كلمتها وهيه فرحانه
العاش:طيب بروح هالحين...اكييد انها مفاجئه؟
حمده:سيري انتي ولا تدقين الباب ياله بسرعه
سكرت العاش وظربها حماس وركضت للمجلس الي كان تابع للفله ودخلت بسرعه وهيه مبتسمه تترقب اتشوف المفاجئه ..عاده الوقت هذا مايستقبلون ضيوف
لاكنها انصدمت من الي شافته كان سهيل ومعاه ريال غريب..جمدت مكانها وجمد الدم في عروق سهيل لان الي معاه اهو نفسه عوض بن مبارك
وشكل العاش يايه مستانسه عشان اتشوفه معقوووووله لالا كله ولا العاش اشك باي حد الا اهيه وليش لا وهذيه حقيقتها واضحه وضوح الشمس
صرخ سهيل فيها:انـــــــــــــــــــــــــــــــــــقلعي برا ماتشوفين الريال
حست ان ريولها انشلت وبالقو قدرت تحركهن وترجع من وين مايت وهيه تنتفض من راسها لريولها
كان سهيل ايحاول يتمالك نفسه ويخفي غيضه عن الريال الي حس فيه
وقام مسترخص يبا يطلع
سهيل:ياريال اقعد...ترا عشاك اليوم اهنيه
عوض:لا لا فديتك....انا مار اسلم ورايح دبي عنديه شغل
سهيل "من متى يعني اتمر اتسلم وفي هالوقت زييييين زين يالعاش...مواعد في بيتيه وجدام عينيه...انا ارويج"
طلع الريال وعلى طوووول دخل سهيل للصاله الداخليه وشافها قاعده تنتفض....كانت منحرجه وهو اعتقد انها مفتشله انه كشف امرها
وقف جدامها وهو يفوور من الغيض رفعت نظرها له
العاش:انا انا....ما ماكنت ا اد ادري ان
لاكن الكف الي ياها سكتها عن الكلام
سهيل:حقييييره
تركها وطلع
كانت منصدمه وهيه حاطه يدها على خدها
والدموع بدت تنزل بغزاره.....ليييييش سوا جذيه
.................................................. ..............................
بعد ماحجز المستشفي امل تركهن حمد مع بعض وطلع مع سعيد
على العصر رجع مره ثانيه ودخل كانت عيونه عندها وهيه قاعده على طرف السرير وجهت له نظره عقب التفتت للجه الثانيه رافعه نظرها للتلفزون
حمد:اخباركن شي تريدن؟
الريم:لا مشكور ..حمد كلمت ابويه؟
حمد:هييه ايسلم عليكن هو واميه.....ايقول ما اقهر اكلمها
الريم:اروح اسويلك نسكافيه...موجوده اهنيه مكينه
كان حمد حاط ايديه في جيوب جاكيته وقعد على طرف السرير بمسافه عن امل
حمد:سعيد راح يدور المكينه .....وبيييب
الريم:ومتى بيي انا بروح اسويلك
هز راسه وطلعت عنهم الريم التفت لامل الي مازالت رافعه نظرها اطالع التلفزون وكالعاده تنهد بصوت مسموع موجوع
"المشكله انيه مش قادر اكلمها احس انيه مربوط عنها ....يمكن بعد العمليه اقدر...ياااااااالله اتسهل"
توجهت الريم للمكينه الي في اخر الممر وشافت سعيد الي التفت لوحده مرت قريب منهم وتبعها بنظراته
الريم:احم احم
سعيد:هلااااا ااا انا قاعد من الصبح احاول فيها شكلها ماتشتغل
تمت الريم اطالعه بطرف عينها معصبه في خاطرها"اكيد مابتشتغل وعيونك اتفرفر وراك"
الريم:عاادي تشتغل بس تبالها تركيز
سعيد وهو يحك راسه:هاه تعالي شوفيها
قربت امنه الريم وتمت تحاول في المكينه بعصبيه
سعيد:احم......شبلاهم معصبين اليوم
هدت الريم من عصبيتها وخذت نفس وسمعو في اثنينه صوت ناعم من وراهم
سلامه:سلام عليكو
التفتت الريم ومعاها سعيد وردو السلام كانت حرمه انيقه لابسه عباه مزخرفه وشيله طقم طويله وضعيفه وضاربه ميك اب فووول
مع روج صااارخ وقذله نازله على جنب ونظرات شمسيه ماركه
توجهت عيون الريم لسعيد الي مابعد نظره عنها شكلها نفسها الحرمه الي مرت قبل اشوي من وراه
سلامه:سعيد مو؟
ضاقت عيون سعيد
سلامه:شووو ماعرفتني؟
سعيد وبريق يلمع بعيونه:وهل يخفى القمر اكييييد عرفتج
سلامه:ههههههه معقوووله عرفتني لالا مايصييير
نزلت نظرات سعيد تمسح جسمها نزول وصعود والريم منصعقه من وقاحته جدام عينها
سعيد:الي يشوف القمر مره يقدر ينسى نوره
سلامه:هههههه صدق الي قالوه عنك ....لهلوووب في الرمسه...يابوي تراك
كلتني بنظراتك هذي
انتبه حينها سعيد للريم الي كانت مييته من القهر والتفت الها
سعيد:الريم روحي انتي وانا بشوف شو سالفة المكينه وباييكو
تمت الريم واقفه اتبادله بنظرات غاضبه وياها صوته حاد آمر
سعيد:قلت روووحي تسمعيين ولا لا
مشت الريم وتركتهم وسمعت صوت ضحكه رنانه وراها بعد ماراحت
تحس بالدم يفور فيها"الحقير والله انه يبطي ماخذته الخايس راعي الحريم...مره عيني عينك كرييييييه
حمد الي كان في الغرفه تمدد على السرير وحط راسه على المخده وامل قاعده مكانها على طرف السرير وكانت قريبه امنه ومعطيتنه ظهرها
تجاهلت الي يسويه وتمت مندمجه بشوف التلفزون...اتكى حمد على يده ووجه نظره معاها للتلفزون لاكنه رجع ووجه نظره لشعرها الي كان مطواي وممسوك
بمساكه رفع يده الثانيه وشوي شوي سحب المساكه واتناثر عليه شعرها الي مينننه
انتفظت امل لحركته وحست انها ماتقدر اتسوي شي...وكملت تجاهلها له لاكن الاخ نسى نفسه ويده تتخلل شعرها حبست انفاسها
واستانس اكثر انها مامانعت..اعتدل اكثر متكي على يده وفارد ريل وريل ثناها وهو قاعد وراها يلعب بشعرها الي لمه كله للجهه الثانيه
وتم ايطالع طرف ويهها...امل كان نظرها مازال مرفوع للتلفزون مصره على تجاهله
مد يده ولمس ابها خدها وامل مازالت تحاول تمنع عيونها ماتغمض من لمساته
ابتسم حمد يوم شاف حلقها وهو عباره عن فص صغير الماس..مد اصابعه له وتحسسه بعدها اعتدل اكثر في قعدته ومد يده الثانيه عشان يفتح الحلق من اذنها بشويش اشويش وبعد مافتحه وهو يحاول مايخليها تتالم
من فتحه للحلق لف ويهها للجهه الثانيه عشان يفتح الحلق الثاني وبدا يحاول يفتح الثاني
بالراحه..امل كان نظرها نازل تحت في حضن حمد وحست انه مندمج بفتح الحلق رفعت نظرها لويهه وبما ان نظره مب بعيد كان يدري انها قاعده اطالعه فما حب يحرجها وركز نظره على اذنها
يفتح الحلق ويسكره وهو مستمتع بهدوئها وعدم ممانعتها
دخلت الريم وشافتهم وتوجهت للحمام بدون مايحسون فيها وسكرت عليها الباب واستسلمت لدموعها
وشهقات تحاول تمنع ظهورهن
##
##
##
ودمتم وديمه العطا
يالربع طلعت اليه منافسه في الساحه عنوووود السيح بنت امي وابوي
ورعه وتتحدانيه يرضيكو هالكلام
قصتها البدويه الجديده"عيب الرغي بعد الهدير"ّ

1 - 4 - 2015, 12:47 PM

سامحونيه على التاخير وقصر البارت
الجزء التاسع والعشرين

تم حمد يفتح الحلق ويسكره مستمتع بقربه منها لين ماخانته عيونه
وثبتهن بعيونها الي ارتبكت ودورت مكان تثبتهن فيه ورجعت عقب وتلاقت بعيونه رفع الها الحلق
حمد:بيودهن عنديه لين عقب العمليه
لفت بنظرها عنه ووقفت وتمت ادور المساكه خذتها واتوجهت للحمام لاكنها حصلته مغفول ووقفت عنده تحاول
اتلف شعرها كان حمد قاعد على السرير ويطالعها
حمد:خليه مفتوح
اتلاقت نظراتها به ورجعت اتكمل لف شعرها لاكنها اول ماحطت المساكه في شعرها انفتحت بسرعه وطاحت
تركت امل شعرها ونزلت تاخذ مساكتها واطالعها شو صار فيها ابتسم حمد
وهو ايشوفها رايحه للكرسي الموجود في الزاويه اتحاول اتصلح المساكه
حمد:تبين مساعده؟
لزمت السكوت
مسحت الريم ويهها بعد ماغسلته وطلعت
حمد:شبلاج صايحه؟
الريم بابتسامه:ههه شفت عيوز مضيعه وحزنتنيه....محد معاها تكسر الخاطر
حمد:وعلى طول الدموع جاهزه...سعيد وين؟
الريم:مادريبه
اقتربت الريم من امل الي طلبت منها تعقص شعرها
قعدت
الريم عدالها والتفتت امل عشان اتجدل الها شعرها...تم حمد ايطالعهن وانسدح على
السرير شابك ايديه تحت راسه مبتسم وهو يشوف العقص الطويل
"ياترا بيي يوم وبلف هالعقص على رقبتيه"
ااااااااه الله ايعدي باجر على خييير
عند الباب سمعو صوت مالوف
شما:احم احم ممكن ندخل
صرخت الريم وامل:شموووووووه
وقفزن بسرعه وشما تدخل ركيض صوبهن
بعد شوي
حمد:لااااا ضاع المذهب ....السلام اول شي للريايل
التفتت شما لحمد وهيه مفتشله:حمــــــــــد اسمحليه ماشفتك
حمد:بلاج مستقطعه الامن كم اسبوع من سافرتي
شما:اااااه والله احس انيه من سنه من رحت اخبااااركم
سلمت شما على حمد
حمد:هااه وينه معرسنا؟
شما:برا مع سعيد
التفت حمد لامل وشافها مبتسمه مستانسه
حمد:فديتج ياشموه انتي وضيتج
طلع حمد رايح عند نسيبه وتم هو وسعيد وريل شما في الاستراحه الي قريبه من غرفة امل وكل شوي حمد يقوم ويروح ايشوف امل ويرد
التفت خليفه لسعيد
خليفه:سعييييد بلاك ياريال من ييت وانته مب على بعضك
سعيد:انا لا يتهيا لك
خليفه:لا والله ماحيدك جذيه صااخ جنك واحد حاله على راسه مصيبه
سعيد:ههههه مصيبه مره وحده يا ريال لااا انته يتهيا لك.....علومك خلك منيه اخبار شمييم معاك
جانها ملعوزتنك قلليه اسنعها لك دامنيه اهنيه
خليفه:خيييبه شتحيدها ختك انته اتقول عنها جذيه
سعيد:لاا قصدي يعني تراها متطلبه زياده ودلوعه
خليفه:عسل على قلبي فديتهااا...وانا احب الدلع
سعيد:لاااا رايح في عينها انته
خليفه:في بؤبؤ عينها جانك ماتدري
سعيد:هب صاحي والله
التفتت امل واتفاجئت بحمد قاعد عدالها ويستمع الها من الصبح "خييييبه متى يا هذا"
شما:وين الربع؟
حمد:برا بعدهم
على المسا طلب لمستشفي منهم يطلعون كلهم ويتركون المريضه بروحها عشان ترقد وتستعد للعمليه الساعه ثمان الصبح
حمد رفض وحاول يقنعهم يتركون الريم عندها لاكنهم مارضو وتم يسب ويفتن عليهم
خليفه:ياحمد هذا ترتيبهم
حمد:والله تبانيه اخليها بروحها اهنيه...بيبطووون انا بتم عندها
خليفه:حمد ماحيدك معصلق جذيه انته ماتفهم ممنوع
حمد:ضوو اضوو انتو وماعليكو منيه انا بدبر نفسيه ان شالله اتم واعي للين الصبح احوط اهنيه المهم ما اخليها بروحها
سعيد:بياكلونها هم
حمد:يا اخي انا ما اريد اخليها بروحها كفايه روعها من العمليه باجر بعد انخليها بروحها
سعيد:وشدراك انها متروعه
حمد:ادري....سيرو انتو الحين
حاول خليفه وسعيد معاه لاكن مافي فايده بعدها راحو للفندق كان خليفه ناوي يحجز غرفه له ولشما لاكن سعيد
قالهم ايون عندهم في الشقه
تم حمد يحوط في العنبر وكل شوي يدخل ايطل من عند الباب شافها طايحه ومتلحفه يته الممرضه وقالتله يروح وقالها بعد شوي بروح
لعوز حمد الممرضات عقب لين مارضن يخلنه يدخل عندها على اساس يطلع قبل تبادل الممرضات الصبح
فتحت امل عيونها في الليل وشافته قاعد على الكرسي ونايم ويديه في جيب جاكيته قعدت قاعده وتمت اطالعه التفتت عقب لكوب بلاستيك على الرف عدالها وحركته
ورجعت ترقد بسرعه طاح الكوب وسو صوت وضجه في الغرفه خلا حمد يفز من رقاده متروع على امل ركض بسرعه ومسك الكوب ووقف ايشوفها اذا وعت
وشاف انها راقده...ارتاح التفت بيرد لكرسيه رجع التفت الها وشاف المكان عدالها خالي ومكان كبير امل طاحت على حافة السرير والحاجز من وراها اغراه المكان
ويافرحته صدق لو درا انها دعوه من امل الي تعمدت اتعق الكوب خلع جاكيته وبشويش اشويش انسدح عدالها وقلبه يدق ومتروع في نفس الوقت توعى
كانت مغمضه عيونها ومستانسه ان خطتها نجحت المهم ايكون قريب منها الليله
بعد ما استقر حمد عدالها بشوي تحركت امل متابعه تمثيليتها وحطت راسها على يده وكملت رقاد
استانس حمد اكثر وغمض عيونه وقلبه بعده ايدق
قبل الساعه خمس دخلت الممرضه وابتسمت قربت من حمد وصحته وطلبت منه يطلع قبل الممرضات الثانيات اين
طلع حمد وراح تحت وصلى وتم يدعا والتوتر رجع له بعدها قعد على كرسي في احد الممرات وغلبه النعاس مره
ثانيه لين ماصحى على صوت ياهل ايصيح قام بسرعه شاف الساعه وركض بسرعه لقسم امل وهو يسب نفسه لانه رقد
اول مادخل حمد الغرفه حصل الريم وشما وبعض الممرضات واقفات وشكلهم بيطلعونها لغرفة العمليات كانت امل قاعده على السرير بلبس العمليه ودموعها في عينها وويهها محمر
فتح حمد عيونه مرعوووب من شكلها قرب منها بسرعه وقعد على طرف السرير ومسك ويهها بين ايديه
حمد:لييييييش اتصيحييين...ماتبين اتسوين العمليه مابنسويها وانا اوعدج
ما اخلي حد ايزعلج ولا يضايقج بكلمه
زادت عقبها عبرات امل وشهقت اتصيح وضمها حمد لصدره قو
حمد:لا لالا يا الغلا لاتسويبيه جذيه حرام عليج انا ..انا بروحيه........
وما قدر ايكمل ولا عرف شو يقول شما طلعت بسرعه اتصيح ما تحملت اتشوفهم جذيه
اتقربت الدكتوره وقعدت اطمنهم وان الموضوع مايستاهل كل هذا
ابتعدت امل عن حمد وقعدت اتمسح دموعها وتستعد نفسيا للعمليه انسدحت والتفتت عنهم للجهه الثانيه
طلع حمد ومسكه خليفه وقعد يلومه عقب ما قالت له شما بالي صار داخل
خليفه:عنبوه يا حمد ما احيدك جذيه شو الي جلب حالك
حط حمد راسه بين ايديه وهو قاعد عدال خليفه عقبها التفت لخليفه
حمد:اخافها اتموت يا خليفه انا مادري شو فيه مادري ليش انا متروع من العمليه هذي
خليفه..مافي حل حق قلبها او اي علاج انا مش مطمن
خليفه:لحووووه حمد بلاك العالم من زمان وهم يسوون عمليات القلب مابيستويلها شي
والدكاتره اهنيه ماعليهم كلام
قام حمد اول ما طلعوها متوجهين لغرفة العمليات كان بيلحقهم لاكن خليفه مسكه ومنعه الريم وشما راحن معاها وخليفه وحمد من بعيد يتبعونهن
وبعد ما دخلوها قسم العمليات ومعاها الريم وشما منع خليفه حمديدخل
حمد:اااااه والله مب مرتااااااح
خليفه:ياريال اذكر الله هذي وساوس شيطان تعال تعال انروح الكفتريا نشرب قهوه
حمد:لا لا لا خلنا اهنيه اريد اطمن عليها
خليفه:حمد انته تدري كم ساعه العمليه؟
حمد:اااه ادري وهذا الي ذابحنيه وين تتحمل عشر ساعات
خليفه:الله كريم يا ريال بتطلع بالسلامه ان شالله
انتفض حمد واقف وهو يشوف حريم طالعات من قسم العمليات ايصارخن
.................................................. .................
مشت العاش عقب ما عرفت ان سهيل في غرفته وراحت له ودقت الباب قام سهيل وفتح الباب وشافها واقفه وعيونها حمر من الصياح
كتف ايديه على صدره
سهيل:خييير
العاش:انته كيف تسمح لنفسك تمد يدك عليه وتقولليه حقيره
رفع سهيل حواجبه وركز بعيونه في عيونها
سهيل:اونج ماتدرين شو سويتي
حمده:ياسلااام الي يدخل الميلس مغلط في نظرك حقيير
التفت عنها سهيل للجهه الثانيه
سهيل:اسمعينيه زين لا تسويليه فيها عمرج بريئه وماتعرفين شي انا فاهم كل شي وماتهمينيه في شي
رجع والتفت الها
سهيل:هذاك اول...اول كان مخيه مسطل وتحسبت عمريه انيه احبج لاكنيه الحمدلله
صحصحت من لخبال الي انا كنت فيه وطلع حب خرطي...يالله لوسمحتي شرفي ابا ارقد ومب فاضي
للكلام الفاضي معاج
العاش:انته شو قاعد تخربط...انا شو سويت الحين عشان تكلمنيه جذيه
سكر سهيل في ويهها الباب :تصبحيين على خييير
ظربت الباب:انته الحقير ...انته الي ماتعرف تثمن رمستك...على شووه شايف نفسك...اكرهك اكرهك يا سهيل
والله اكرهك
فتح الباب وصرخ عليها:قلت فااااارجي
العاش:حقييير فارقت ويهك
سهيل وهو يشير الها بصبعه للجهه الثانيه:انقلعي
ركضت العاش لغرفة شما وهيه تصييح
.................................................. ...............
كان سعيد في الكوفي الي اتفق مع سلامه فيه يتلاقون
سلامه قربت وسبقها عطرها الرهيب الي انترس امنه راس سعيد
سلامه:هااااي
سعيد:مليوووون هاي وهلا...ويييين تاخرتي
سلامه:يوووه بنات ريلي لوووعه ..عقب المووت تفججت منهن
سعيد:وانتي شحقه بالشه عمرج ابهن
سلامه:عاد شو اسوي هووه وصانيه عليهن...دعواتك بس الجلطه اليايه تاخذ اجله
رفع سعيد ايديه للسما بدون ما يقول شي
سعيد:المهم حياتي وين تبينا انروح ترانيه ما ادل لين هالحين مكان
سلامه:ههههه ولا يهمك حياتو انا ادل المكان الي بيووز لك
سعيد:لا لا ارجوج حياتو مره وحده اخاف انا الي انجلط
سلامه:سلامتك فديتك الي ما احبهم ان شالله
سعيد:طيب ياله قومي قومي قبل لا يفتقدونيه الربع
.................................................. ......
ركض حمد وتبعه خليفه عند الحريم الي يصارخن عند باب قسم العمليات وصرخ عليهن حمد
حمد:شوو صار امل ويين
سحب خليفه حمد
خليفه:حمد اذكر الله هذيلا ناس عرب غيرنا مب خواتك
دز حمد خليفه ودخل داخل القسم وشاف الريم وشما
حمد:ويين امل؟
الريم:دخلوها العمليات
التفت حمد لباب القسم
حمد:الحريم هذيلا شبلاهن
شما:اتوفت امهن في العمليات
حمد بابتسامه ساخره وهو يلتفت لخليفه:سمعت هاااه سمعت قلتلك قلبيه مب مطمن واتقول اليه ماعليها شر
خليفه:لاااا انته هب صاحي وشو في خاطرك ان شالله
مشى حمد متجه لغرفة العمليات:بطلعها
اهنيه ماقدر خليفه يستحمل خبال حمد زجره بصوت عالي وسحبه معاه برا قسم العمليات واهناك برا
تم خليفه يتزقر حمد ويواقعه عشان ينتبه لنفسه
انصاع اخيرا حمد لخليفه ومشى معاه
بعد شوي اتصلت شما على خليفه
شما :خليفه انتو وين
خليفه:تحت في الطوارئ ..زحمد تعبان شوي وحاط عليه مغذي اخوج هذا هب صاحي
شو مسويتبه الحرمه؟
شما:فديييته مايشوف شر...اقول خلوف لو انا مكان امل شو بتسوي
خليفه:سكري سكري ناقص خبالج انتي بعد
شما:ههههه...اوكيه انا والريم بنروح الشقه..
خليفه:ماعليه انتبهم لعماركن
شما:الله الله في حمد...اقول سعيد وين ما يا؟
خليفه:يمكن بعده ماقام
خلاص انا بوعيه وبقوله اييكم
خليفه:زيين
مضت ساعتين ورجع حمد لفوق مع خليفه
خليفه:خلنا نروح الشقه وقبل لاتطلع بنيي
حمد:رح انته انا بتم شو بسوي في الشقه
خليفه:على الاقل اهناك بنتم انسولف اجزر الوقت
حمد:ماليه بارض سر انته فديتك
قعد خليفه عدال حمد:وهذي قعده ريليه على ريلك لو انا احيدك حمد القبلي ماعليه جان سرت
بس انا الي اشوفه هالحين واحد ثاني لاعببه العشق
التفت حمد لخليفه:لاتلومنيه...هذي الغلا ..داخله في عروق قلبيه
ابتسم خليفه:ولا واحد في الميه اتخيلت في يوم انته ياحمد الي اعرفك واعرف طبعك بشوفك في يوم بالحال هذا
حمد:تدري يا خلوف..قبل شهرين يعنيه افارق هذاك اليوم قعدت جدام التلفزون ماعنديه شغله
وعرضو برنامج طبي وعقبه حلقه كامله عن عمليه للقلب ...يومها مادري شو يانيه تميت اشوف الي يسونه وعااادي عنديه ماحرك المنظر فيه
شي والمصيبه انيه تابعت الحلقه كامله...هالحين بس اتذكر مشهد من الي شفته ينتفض جسميه كله اااااه تخيل قاعدين هم داخل ايسوبها مثل الي شفته
خليفه:وبعديييييين ردينا...مب شرط ياريال كل عمليه تختلف عن الثانيه انته اهم شي لا تفكر بالي يصير داخل
سحب حمد نفس طويل:احس الوقت يمشي بطيئ
خليفه:الله كريم ياريال
.................................................. .........
اوصل سعيد سلامه للكافيه الي اتواعدو فيه يتلاقون وودعها بابتسامه ذوبت سلامه واتفق
يتلاقى معاها باجر في نفس الوقت
رجع سعيد للشقه وفتحتله شما الباب
شما:سعييد وين انته من الصبح
سعيد:وين الربع؟
شما :في المستشفي
سعيد:خلاص انا بدخل اتسبح وبروحلهم الريم وين
شما:في المطبخ؟...سعيد ريحتك عطر نسائي قوي
سعيد:شميم خليج في حالج
التفت عنها ودخل الغرفه
كانت الريم واقفه وراهم طالعتها شما متروعه انها سمعتها
شما:اظاهر انه من الصبح في محل العطورات اكيد يتشرا لسلمى ووويمكن لج
نزلت الريم راسها تحت واهيه تتجه للمطبخ مره ثانيه
.................................................. ...
ومرت الساعات مثل الدهر على حمد الي خلاص نفد صبره وخليفه وسعيد كل شوي
مدخلينه في سالفه وعقب الموت قدرو يرجعونه البيت عشان يتغدا وعقب قالو بنرجع
كان انتظار مرير على حمد....واخيرا انتهت المعاناه طلع الدكتور على الساعه اربع وبشرهم ان العمليه نجحت وبعد ساعتين بيطلعونها عشان يشوفونها
استاااانس حمد وحمد الله وعلى طول اتصل على ابوه يبشره...بعد ساعه اصر عليهم يدخلونه ايشوفها لو من بعيد
وارتاح اكثر يوم شافها كانت في غرفة العنايه المركزه
طلع مستاانس
حمد :منيه بتروووح معايه ابا وحده ذوقها حلو في تنسييق الورد
قفزت شما:انا برووح
خليفه:احممم
شما:ممكن خلوف
خليفه:ا ا ا بفكر
شما:بليييز
سعيد :شموووه شو هالبزا والتحيسات ما احيدج
خليفه:براييهاا شو حارنك خلها تتبزا وتتحيس انا عاجبنيه
ضحكت شما مستانسه
شما :اروووح
مسكها حمد من يدها:ماعليج منهم تعالي
ومشت شما مع حمد ولحقهم خليفه وتمت الريم وسعيد بروحهم في الغرفه الي كانت فيها امل قبل العمليات
مشت الريم وراحت لين عند الدريشه وقعدت اطالع برا
قرب منها سعيد
سعيد:شو اطالعين؟
التفتت له:ماشي...باروح اييب كوفي تبا
سعيد:تعرفين للمكينه
الريم:هييه
سعيد:طيب هاتي
طلعت الريم ومشت متجهه للمكينه...قرب منها واحد مواطن وسالها عن ياهل
قالتله انها ماشافتها
الريال:هذي صورتها
ورواها الصوره الي في التيلفون
الريم:لحضه لحضه...قبل اشوي كنت اطالع الحديقه تحت ولمحت بنت بروحها لابسه وردي
الريال:هييه اهيه من وين الحديقه
الريم:تحت
واشارت له
ابتسم الريال مرتاح وشكرها وهو رايح
دخلت الريم الغرفه وحطت الكوب على الطاوله كان سعيد واقف عند الدريشه وماسك اعصابه
سعيد:منو الريال الي كنتي تتكلمين معاه؟
رفعت الريم نظرها لسعيد
الريم:انا؟؟؟!!!ّ
التفت الها سعيد:هييه انتي عيل انا
تمت الريم اتدور بالكوب في يدها وتتحسس حرارته
الريم:انا ماتكلمت مع حد
طالعها سعيد بنظرات
سعيد:الرييم انا مب عمي ماعرفتج...كنتي واقفه معاه ومادري شو كنتي اتشوفين في تيلفونه
الريم باستنكار:انا؟؟؟!!!!ّ
صرخ سعيد لانه ماتقبل استنكارها
سعيد:الريييم انا مب عمي قلتلج
الريم وكان الموضوع عادي:يمكن يتهيا لك
قرب منها سعيد ومسكها من يدها بقو
سعيد:بتقولين اليه شو سالفته ولا شوووه
الريم وهيه تجر يدها امنه:اوووه انته بلاك قلتلك انا ماتكلمت مع حد
مسكها سعيد مره ثانيه وهو معصب
سعيد:قلتلج شفتج معاه وعن الانكار
سعيد كان ميت قهر هو عصب بس لانها تكلمت معاه شو ماكان السبب لاكن انها تنكر هذا الي ذبحه
الريم:بطلنيه...وانا اقولك من اليوم لين باجر انا ماتكلمت مع حد..صدقت اهلا وسهلا ماصدقت بالطقاق
كان ناوي يرفع يده عليها لاكنه مسك يده وهو يشوف نظراتها المنصدمه
سعيد:زيين يا الريم...انكري على راحتج...تتحسبين ان هذا الشي بيعدي على خير
الريم:انا واثقه من نفسيه وكلا يرا الناس بعين طبعه
دخلت الممرضه وقالت الهم ان المريضه قعدت وتريد اتشوف حد
اتصلت الريم على حمد عقب وقالتله ان امل من وعت وهيه اتنادي باسمه واتريد اتكلمه رفرف قلب حمد من الوناسه
واستعيل الي معاه؟؟؟كان شال باقاات من الورود وشما بعد شاله باقات ورود اما خليفه فحملوه بكس كبير كله دباديب وخيط يلحقه معلق فيه بلونات وايد من كل الالوان
وطبعا حمد طلب من صاحبة محل الورد ترسل بعد زياده باقات ورد لغرفة امل يبا كل الغرفه ورود
بعد ماحط حمد الباقات في الغرفه طلب من شما ترتب الغرفه هيه وخليفه طلع متوجه لامل وقلبه
يرفرف في كل مكان
كان ويهها شاحب بعد العمليه قالتله الممرضه انها حاولت في امل انها ترتاح لين عقب لاكنها
مصره اتشوفه وتكلمه
تقرب حمد من امل وعيونه تبرق من الفرحه وشافها فاتحه عيونها معقووووول بتكلمنيه اخيرا
حمد:حمدالله على السلامه ياالغــــــــــــ.........ّ
امل:طلقنيه
فتح حمد عيونه مش مستوعب اهيه شو تقول
امل:خلااص يا حمد العمليه خلصت والدكاتره قالو انها ناجحه ...انا بخير هالحين...تقدر اطلقنيه وانته مرتاح
حمد:انتي شو قاعده اتقولين؟؟
امل:خلاااص عاده انا تعبت من شفقتك هذي وتمثيلك لدور مب لك...انتهى كل شي...فك حالك
يا اخي وخلنا نخلص من هالحال
حمد:امــل
امل:اسمع...انا ادري ان عميه لامك على الي صار انته مالك ذنب انته انبليت ابيه ادري بهذا الشي من البدايه
وكنت ساكته هذاك الوقت انا كنت تعبانه وماقدرت اجبر عميه انه يفكك منيه خفت بعد ما ما....
كانت اتريد اتقول انها تعلقت به لاكنها ماقدرت
امل:ماقدرت في الوقت هذاك لانيه كنت محتاجه عميه وخفت ان حالتيه تزيد واتعب وانا ماليه حد غير عميه
كنت ادري انه اذا اطلقت منك برجع عند خالتيه وانا ماريد ارجع وانا ضعيفه...ان انا هالحين
ماعدت ضعيفه....بعتني بنفسيه وما ببلاك ابيه اكثر من جذيه...انا انا اسفه الي حطيتك في الوضع هذا..صح انيه كرهت نفسيه وانته مجبور عليه وقلت ماعليه
يمكن تتعود على وجوديه واتسوي فيه حسنه وترضابيه عندكم مثل ما يريد عميه بس انا ما اقدر اتم وانته ماخذ عنيه فكره غلط في شرفيه كله ولا الشرف ياحمد انا صح عشت بروحيه لاكن ابويه ماقصر فيه دوووم معايه ويعلمنيه الصح
من الغلط ومايرضى عليه بكلمه...كيييف تتهمنيه انيه على علاقه بريال غريب
تمت عقبها امل اتصييح وحمد يحس ان كلامها مثل السجاجين الي تضربها في صدره
دخلت الممرضه وطلبت من حمد يطلع لانها خافت على دقات امل الي بدت اتزيد وزاد خوفه من صوت الجهاز
سحبته الممرضه برا وكان لونه مخطوف مثل الي مافيه قطرة دم منصدم من كلامها ومن الحال الي اهيه فيه
##
##
##
ودمتم وديمه العطا

1 - 4 - 2015, 01:03 PM

الجزء الثلاثون

قرب خليفه من حمد الي كان قاعد على الكرسي الي قريب من قسم العنايه كان قاعد ومسمت
ايطالع جدامه
خليفه شاف ان حال حمد مش طبيعي قعد جدام حمد على الارض وحط عينه في عينه
خليفه:حمد بلاك
ركز حمد بنظره في خليفه
حمد:ماقلتلك
رد خليفه بصوت عالي وهو يوقف:شوووه ماتت
وركض لقسم العنايه بعد شوي رجع بعد ماطمنوه على امل لاكنه ما حصل حمد
خليفه:لاااا حمد ابد هب صاحي
رجع خليفه لغرفة امل وسالهن عن حمد اذا ياهن وماحصله بعدها طلع ايدوره
اتقرب سعيد منهن
سعيد:وانتن يالله رجعن الشقه مالكن حايه اهنيه اكيد يبالها وقت في العنايه
الريم:انا بتم
سعيد:انتي اول وحده بتمشين
الريم:غصب
سعيد:هييه غصب
شما:ايييه ياجماعه بلاكم
سعيد:جب انتي يالله امشن جداميه
مشت كل من الريم وشما وهن معصبات
وهن يمشن مرن على الريال الي شافه سعيد مع الريم قبل...وتعمدت الريم اتعق الكلينكس الي في يدها
مشت خطوتين ورجعت والتفتت للكلينكس وعقب ردت وكملت طريقها ...تدري ان حركاتها هذي
بتينن سعيد الي شافت انه غار من سالفة الريال وابتسمت يوم شافته رجع وشل الكلينكس ايجلبه في ايديه ايشوف اذا فيه حاجه
كان يتحرطم وهو يمشي
في الاصانصير صدف ان سلامه ومعاها بنات بينزلن معاهم
ابتسمت له سلامه وبادلها الابتسامه وشافته الريم وهو يحرك صبعه بمعنى بعدين
الريم"طززززززز فيك يا سعيد انته والعيوووز هذي مابحرق اعصابيه عليك بس بحرق اعصابك والله لا احرقهن لك وبتشوووف"
خلعت الريم نقابها وهيه متاكده ان محد بيشوفها
الريم:اف حر
فتح سعيد عيونه:شو هذا؟
الريم:بلاك محد ايشوفنيه بصراحه النقاب ايضايقنيه ومافيها شي اذا عقيته كلهم اجانب
كان منصعق ومب امصدق ان الريم اتسوي جذيه
حطت الريم طرف شيلتها على ويهها اول مافتح باب الاصانصير وولع سعيد زياده واول ما ابتعدت سلامه وبنات زوجها مسك الريم على طرف
سعيد:لبسي نقابج بسرعه وعن الحركات هذي
الريم:بطلنيه انته مالك حكم عليه
سعيد:اليه غصبن عنج ولا نسيتي انج بعدج على ذمتيه
الريم:وانته نسيت ابويه وعميه شو قالو اول مابنرد بيتم الطلاق
سعيد:بالمشمش
الريم:اتركنيه ياسعيد من قبل كنت محشمتنك لاكن هالحين خلاص وقفت الحشمه
وبرمس بكل الي اعرفه وخل حد يعترض على الطلاق....ترا انا فيه عيون اتشوف شو كان يستوي قبل اشوي
سعيد:لبسي نقاااابج وبلا هذره زايده
لبست الريم نقابها ورجعو للشقه وتمو على هالجو المشحون طول اليوم رجع خليفه للشقه بعد ماحصل حمد واطمن عليه
طلب امنه يرد معاه الشقه لاكنه رفض ورجع المستشفي قعد على كرسي في طرف غرفة العنايه بعد ما اطمن عليها وقالوله انهم عطوها منوم عشان ماتحس بالالام الي بعد
العمليه...قعد حمد يفكر في كلام امل للمره المليون كان متضايق من نفسه ومن الفكره الي خذتها عليه
حمد"فدييييتج يالغلا كل هذا في قلبج وانا ما ادري معقوله كنت قاسي جذيه...بس شو اسوي هذا كان طبعيه
وموضوع بينيه وبين ابويه...ليتج تدرين كيف صارت حياتيه من اول يوم شفتج فيه
وتدرين بالي نبض اهنيه وانا كنت اقول مستحيل في يوم بينبض لحد...وللدنيا كيف حسيت انها تغيرت من عرفتج
اااااااه ليتنيه بس اقدر اطلع الي في قلبيه لج...ما دري شو الي مانعنيه اتكلم بس لازم اتكلم
ان ما تكلمت ادري انيه بخسرج...وهذا من سابع المستحيلات"
غمض عيونه وخذها رقده
.................................................. ......
نزل سهيل من فوق وسلم على امه
سهيل:ابويه وين
ام سعيد:سرح العين ومعاه خالتك والعاش
سهيل متفاجئ:راااحو
ام سعيد:هيه ابوك معزوم على عرس اهناك وبيي باجر
هز راسه واستاذن امه وطلع وهو يحس بضيقه في صدره
اما العاش فبعد ماوصلت فكرت تتصل على حمده تسالها شو كانت تقصد بالمفاجئه لاكنها طردت الفكره واهيه تتذكر
ان حمده راعية مقالب وانها بس سوت جذيه بقصد المزح لان الوقت ما كان وقت زيارة حد وانها اكيد ماتدري
بالي في الميلس.....المهم انها رضت ومافي خاطرها عليها شي"مساكين الي على نياتهم"بشرهم ابوها
ان عملية امل نجحت واستانست وايد
.................................................. ...........
في الشقه كانت الريم في الغرفه تستعد للرقاد اما سعيد طلع لمشوار وقال انه بيرجع متاخر
طلع خليفه من الغرفه الصغيره وكان متسبح وشاف شما منسدحه على الكرسي الكبير الي في الصاله قرب منها
وشلها وحطها على الكرسي الثاني
خليفه:كم مره قلت لج الكرسي هذا اليه
اول ما حطها على الكرسي قفزت وركضت للكرسي الكبير
شما:ماليه خص انا ييت قبل
ونقزت وقعدت عليه
خليفه:لحوووووه انتي مايفيد فيج الا انيه اسحبج من اريولج
شما:لا لا لا بقوم بقوم المره اليايه ان ييت قبلك ماليه خص ما بقوم
خليفه:تدرين عرب عندنا في الشقه ولا علمتج ...كيف مره ثانيه ما تتطاولين على شي هب لج
شما:عاده لانك طويل كل كرسي طويل لك
انسدح خليفه على الكرسي وهو مبتسم
خليفه:هيه يا طويلة العمر تعالي عداليه
شما:هالحين عقب مارقتنيه...ماريد انا بروح ارقد
التفت الها خليفه:وانا بتخلينيه روحيه....انا من باجر بحجز للرده
شما:كيفك
خليفه:شموووه ردي تمي عنديه
شما:ماريد ياله تصبح على خييير
.................................................. ..............
رجع حمد في اليوم الثاني للشقه بعد ما اطمن على امل الي قررو ينقلونها الغرفه وطلب من الريم وشما يروحن يستقبلنها في الغرفه
اول ما دخلت امل الغرفه خنقتها العبره واهيه تشوف الورد في كل مكان
شما:شفتي العاشق اخويه شو سوا ما خلا ورد في المحل الا طلبهم ايبونه اهنيه
ابتسمت امل ونزلت دمعه على خدها
الريم:لاااا تحملي مانريد دموع...
مسحت امل الدمعه
الريم:الحمد لله على السلامه امووول
امل:الله ايسلمج
الريم:تقدرين اتكلمين اميه والعاش
هزت امل راسها
وبدت بعدها الاتصالات تتوافد عليهن من ام سعيد وسلمى وخلود وخالة امل
على المسا رجعو خليفه وشما لولايتهم وقرر المستشفي يرخص امل في اليوم الثاني حمد ماراحلها المستشفي وتم طول اليوم في الشقه اما سعيد فكان اكثر الاوقات مختفي ومب عارفين شو صاير عليه
تمت الريم عند امل لين اخر الليل ..اتصل حمد لسعيد وقاله ايمر على الريم ويضويها
دق الباب سعيد ونادى الريم
الريم:يايه
التفتت لامل:تبين شي قبل لا اروح
امل:سلامتج تعبتج معايه اليوم
الريم:تعبج راحه فديتج...يالله بنييج باجر وبنطلعج ان شا الله
طلعت الريم وشافت سعيد واقف وشكله متغير كله سرحاان ومب معاها
الريم"حسبي الله عليها فرت راسه الله ايفر راسها...عيوز النحس هالحين مايشوف انها عيوز
يعلها النار اهو واهيه معاه
الريم التقت بسلامه كذا مره في المستشفي وكانت متضايقه من طريقة لبسها وضحكتها العاليه
بعد ما طلعو من المستشفي وهم يمشون لاحظ سعيد في يد الريم ورده حمرا
سعيد:من وين هالورده؟
الريم رفعت الورده:هاااه هذي هذي من ...من
التفت سعيد عليها مستقرب ليش التلعثم هذا
سعيد بصوت عالي:من ويين
الريم:من من الغرفه اقصد يعني الورووود الي في غرفة امل الي يابهن حمد ...انا انا خذت وحده منهن
سعيد:ولييش متوتره جذيه
الريم:هااه لا عادي انا عاديه مب متوتره ليش انا شو سويت تراها الاورده يعني من وين بيبها ولا منو بيعطينيه اياها
غمض سعيد عيونه واهو يرفض الفكره الي زرعتها الريم في راسه
سعيد:هاتيها
الريم:لاااا هذي وردتيه انته شو تباها
سعيد بعصبيه اكثر:قلت هاتيهاااا
الريم:ماريد مالك حق فيها
سعيد:الريم اتجنبي غيضيه تراج ماتعرفينيه زين
الريم:بلاك انته تراها الا ورده شو تبابها
سعيد:هاتيها انزين
الريم:بتقطعها ادريبك
سعيد:وليش بقطعها...من عند منوه اهيه؟
الريم:من عند الي عنده هاك اياها ماريدها
فرتها عليه ومشت متجهه للفندق
داسها سعيد ومشى بسرعه ومسك الريم وفرها صوبه
سعيد:شوووفي عاد التمرد هذا هب عليه تفهمييين...ووالله ياالريم لو ادري بس انج تلعبين من ورانا انيه ادفنج اهنيه حيه وماعليه من حد
الريم:لاااا اظاهر انك هب صاحي ثمن كلامك يا استاذ
تركته وركضت للفندق وهيه مستانسه انه وصلت للي تباه ماعليه ياسعيد عدك ما شفت شي
.................................................. ........
رجعت امل في اليوم الثاني للشقه وبعدها ما شافت حمد الي كان ايخلص اوراق خروجها وطلب من الريم ترجع معاها
طول الليل مارقد وهو ايحوط برا غرفتها وكل شوي طل عليها
الظهر حطت الريم الغدا لسعيد وحمد الي كانو قاعدين في الصاله
سعيد:انا حجزت اليه غرفه فوق ....عشان يعني حرمتك تاخذ راحتها في الشقه
هز حمد راسه باوكيه وبدا ياكل غداه
رفع سعيد نظره للريم الي وقفت اطالعه بعد ما قال الي قاله ورفع الها حواجبه بمعنى شعندج
نزلت نظرها وكملت الي كانت اتسويه وراحت للمطبخ واهيه تغلي من القهر
بعد الغدا طلع سعيد فوق لغرفته ودخل حمد للغرفه الصغيره وطلعت امل تتغدا مع الريم بعدها قعدن جدام التلفزون
يتابعن برنامج طلع حمد من الغرفه ودق قلبه اول ما شافها....كانت لابسه جلابيه ولافه على راسها شيله
شيفون من نفس لون جلابيتها وخصايل شعرها نازله على طرف ونصف شعرها نازل من تحت الشيله
قعد حمد على الكرسي وعيونه عليها بادلته نظره سريعه ورجعت اطالع التلفزون
بعدها قام وقعد عدالها واول ما مد يده ايريد يمسك يدها سحبتها بقو وقامت رايحه للغرفه
فار دمه شويه لاكنه مسك نفسه وهو يقول استاهل
وعلى هالحال تمو مارضت امل تعطي حمد اي فرصه يتكلم وهو محتاج تشجيع عشان يتكلم
اما سعيد فكان في عالم ثاني مايشوفونه الانادر وقت الغدا اذا كان موجود
الايام الي عقبها كان حمد يراجع بامل لبعض المواعيد وطلبو منهم يستنون اسبوع بعد عشان يفحصونها لاخر مره قبل لاترجع
الي تغير في امل انها قامت تسولف وتضحك مع الريم حتى لو كان حمد موجود مطنشتنه على الاخر
بعض المرات حمد ايطلعهن للسوق ويحوطهن وكل يوم ايمر ايحس روحه تعبانه من هجرها وتطنيشها له
كان سعيد في غرفته يطالع الفيديو الي في تيلفونه والي كان ايعيده للمره المليون
سحرته خلته صدق مايعرف يرقد الليل ولا النهار....بيمووووت ومش عارف شو يسوي
وهذا هو التصوير يتركز على جسمها الي يننه وويهها الي صار مايقدر يمحيه عن مخه
بند سعيد التيلفون:اووووف عذاااب
كانت امل في الغرفه لابسه بنطلون جنز وقميص احمر رهيب وواقفه جدام المرايه وشعرها مفتوح وماسكه قميص ثاني
حاطتنه على صدرها اتشوف اذا مناسب الها والريم قاعده في زاوية الغرفه اترتب بعض الاغراض في الشنطه
فتح حمد الباب
حمد:الريم...شفتي الريموت.....
وتم امبلم اول ما شافها...هيه اتجاهلته وتمت واقفه اتكمل الي كانت اتسويه...حطت القميص على الرف ومسكت مجموعة القبعات
اتجرب كل شوي وحده ...حمد تمت عيونه عليها وشوي شوي مشته اريوله للسرير وقعد ايطالعها
كانت متوتره من قعدته ونظراته الها لاكنها مصره ماتحسسه انها مهتمه من وجوده
كل ماتجرب قبعه اتهز راسها بلا مب مناسبه واتجرب الثانيه
وشو اكثر من جذيه عذاااب يا حمد كانت شبه ابتسامه مرسومه على شفايفه وهو ايشوف حركاتها الي يننته
اخر شي زفرت امل والتفتت بالكامل مجابلتنه واتلاقت نظراتهم ببعض
وقف حمد ومشى كم خطوه صوبها ومد يده لوحده من القبعات وحطها على راسها مسكها ولفها للمرايه ووحده من ايديه ملفوفه على خصرها والثانيه ماسك
فيها القبعه قرب راسه وسند بذقنه على كتفها
حمد:هذي القبعه احلى وحده انا اشوف ومناسبه
دزت امل حمد بسرعه عنها بعصبيه وفرت القبعه على الارض وركضت للحمام
حمد:هههه بلاج ماتبين مساعده؟
كانت الريم مبلمه اتشوفهم ولا كانها موجوده
التفت حمد للريم:قوليلها كثري من هالبس وحرك حواجبه وطلع
.................................................. ...................
سلم سهيل على ابوه الي غاب كم يوم في العين وقبل لايطلع
ابو سعيد:سهييل
سهيل:هلا ابويه
ابو سعيد:على وين يا ولديه؟
سهيل:عنديه شباب في الميلس
ابو سعيد:بقيت اقولك ترا عوض بن امبارك خطب العاش بنت خالتك
صنم سهيل مكانه وهو ايحس ان ابوه صب عليه ماي بارد
التفت لبوه
سهيل:انزيين وانا شو اسويبهم يصطفلون
عقبها مشى رايح
ابو سعيد:تعال اسمع شو بقولك
سهيل:ماريد اسمع شي خلهم يتوكلون
التفت ابو سعيد لام سعيد:بلاه ولدج ضيع المذهب انا اكلمه ويدبر عنيه ماعليه يا سهيلوه...خلك على عمااك
.................................................. .......................
في المسا كان سعيد في الشقه عندهم وحمد في الغرفه الصغيره والريم في المطبخ
وصلت الريم رساله وكان التيلفون قريب من سعيد الي مامنع نفسه انه يفتح الرساله
كانت من سلمى تسال عن الاحوال بعدها ظرب سعيد فضول وقام يفتح كل الرسائل الموجوده عندها لين ما طاح برسالة
امل الي كتبتها لحمد قبل
بدت الرجفه تسيطر على يد سعيد وشعور بالغيض وعدم التصديق للي يقراه
"احبك احبك والله العظيم انيه احبك"
منو هذاااااا
وقف سعيد وصرخ :الرييم
ركضت الريم عنده:شوووه
سعيد وبدا الغيض ايسيطر عليه:حق منو الرساله هذي؟
الريم:انته ليش تفتح تيلفونيه واطالع شو فيه باي حق
سعيد:ردي على سواليه حق منوه الرساله هذي
كتفت الريم ايديها وهيه ماتدري اي رساله يقصد
الريم:مالك خص
اتقرب منها بسرعه ومسكها بقو...صرخت
سعيد:جاااااوبينيه تراها خلاص وصلت عنديه ويمكن اسوي شي تندمين عليه
الريم:اااي بطلنيه انته نسيت حمد اهنيه والله لا اقول له
سعيد:مايهمنيه حمد ولا غيره انتي حرمتيه وانا المسؤل عنج قولي حق منو الرساله هذي
وحط التيلفون جدام اعيونها قرت الريم الرساله واتفاجئت
الريم:اااي قلتلك بطلنيه انا ماكتبت الرساله هذي
سعيد:عيل منو الي كتبها؟
جرت الريم نفسها امنه وبدت اتصارخ وتسب وتدعو عليه وركضت للغرفه لحضتها طلع حمد من الغرفه على صوت الصريخ
حمد:بلااااكم
سعيد:تعال طالع اختك والرسائل الي في تيلفونها
شاف حمد الرساله الي في تيلفون الريم ورفع نظره لسعيد
حمد:انتو بينكم رسائل؟
سعيد:هههه لاتقول انها كاتبتنها اليه انا كيف الحال ماقد كتبتها اليه
مسك حمد التيلفون ودخل عليهن الغرفه
حمد:الريم شو هالرساله؟
الريم:هيييه بعد قل انته انك شاك فيه
حمد:انا ماقلت انيه شاك فيج بس هذا زوجج ومن حقه يعرف شوسالفة هالرساله
الريم:ماله حق فيه انا ما اباه اكرهه وبخليه ايطلقنيه اول ما ارد
صرخ عليها حمد:بلا هذره زايده منو الي كاتب الرساله هذي؟
الريم:والله ماكتبتها ولا ادري ابها اصلا
وقفت امل وقربت من حمد
امل:اشووف
لف بالتيلفون ناحيتها
امل:انا ...انا الي كتبت هالرساله
انصعق حمد:شووووه....انتي.....انتي قاعده تبرينها
امل:لا والله انا الي كنت كاتبتنها...نسيت امسحها
حمد:حق منوه؟
امل:حق الي حقه محد له دخل فيه
مسكها بقو من يدها:شوووه؟
امل:اييه بطلنيه
تركها وطلع وهو معصب
سعيد:هااه...حق منو كاتبتنها؟
حمد:مب اهيه الي كاتبتنها
سعيد:عيل؟
حمد:ا امل
سعيد:ايواااا وانته حرمتك اتراسلك من تيلفون الريم
رفع حمد نظره لسعيد وتوه منتبه
حمد:قصدك ان ان
التفت لباب الغرفه وراحله وقلبه يدق بقو لاكنه حصله مقفول
رجع ودور على تاريخ كتابة الرساله وعرفه لاكنه ما كان متاكد حق منوه مكتوبه كانت
كل من حمد وسعيد كانت اعصابه تعبانه وكل ماكلم واحد فيهم الثاني رد عليه الثاني بصريخ
سعيد:اااوووف انابروح ارقد تصبح على خير
قام حمد ودق الباب عليهن وفتحتله الريم الباب...شاف ان الليت مبند وامل راقده
حمد:تعالي برا سعيد راح
طلعت الريم الي كان ويهها احمر من الصياح
تم حمد ايطالع ويهها :وامل اتصيح بعد؟
الريم:انته محد هامنك غيرها وانا انا متى بتشوفنيه وبتشوف حاليه
وانفجرت اتصيح
حمد وهو ايلمها لصدره معتقد ان حالتها رجعت الها
حمد:اهدي اهدي انا موجود ماصار شي فديتج كل ريال ايحب حرمته لازم بيغار...اعذريه
الريم:لاااا انا مابعذره انا ماريده ماريده خله ايطلقنيه حمد انا ادري بسعيد انه واحد مغزلجي
انا ادري من زمان والحال الي انا فيه بسببه....مارييده وادري انك انته الي عرضتنيه عليه
حمد:انا لااا فديتج هو طلبج
الريم:كان طالبنيه تعجيز لك عشان ترفضه وماتغصبه على العرس
حمد:انتي منو قالج كل هالكلام؟
الريم:منو غيره
حمد بصدمه:سعييييد؟
هزت الريم راسها وهيه بعدها تمسح دموعها الي مارضت توقف
الريم:ماريييده مارييده ياحمد الله يخليك خله ايطلقنيه
حمد حضنها اكثر:اهدي اهدي انا بتفاهم معاه
الريم:لييش ليش ياحمد ترخصنيه له وهو واحد مغزلجي راعي بنات
حمد:انا مارخصتج له يا حماره انا ادري انج اتحبينه
احمر ويه الريم مع احمراره من الصياح لان حمد يدري بحبها لسعيد كيف ما يدري وهو دائمن ايقولها بزوجج
العبد واتقوله انا ما باخذ الا سعودي
مسك حمد ويه الريم وحط عيونه في عيونها
حمد:لانج اتحبينه قلت محد بيصلح حاله غيرج...لاتنسين انه ولد خالتيه واخويه واتهمنيه مصلحته وهو الا مغازل
عادي كل الشباب يمرون في هالمرحله
الريم:ويطلع مع بنات
حمد:هههههه انتي وين يبتي كل هالعلوم
الريم:لاتضحك الامر هذا مب هين عنديه
حمد:سامحيه وانا برويج شغليه فيه بسنعه لج تسنيع
الريم:لااا ماريده انا اكرهه
حمد:اعطيه فرصه سعيد طيب ومابتحصلين واحد ايحبج مثله
الريم باستنكار:ايحبنيه حمد انته تتكلم عن شووه الي يحب عمره ما بيفكر ايخون سر طالع
اهوه وين هالحين قاعد ايراكض ورا وحده عيوز ومسوليه معاها قصة غرام انا دوووم اشوفهم مع بعض كل ماسرنا السوق شفتهم مع بعض
و وا وتعتقد هو ليش خذله غرفه بروحه
حمد:الرييم شو هالتفكير....سعيد هب راعي هالحركات
الريم:كيف ياحمد انته واثق فيه جذيه....انا مادانيه اكرهه
حمد:الله يهديج بس
مسحت الريم دموعها ووقفت ناويه اتروح
الريم:يوم بنرد عقب لازم نخلص هالموضوع
التفتت ناويه اتروح
حمد:ريم
التفتت له
حمد:حق منووه امل كتبت الرساله؟
فتحت في هالحظه امل الباب ونادت على الريم الي ركضت الها وطلبت منها حبة بندول
الريم:زيين
تقرب حمد من باب غرفتهن وطالعته امل بغيض كان ويع راسها من غيضها عليه يوم سال عن الرساله لمنوه يعني بعده
ايشك فيها
حمد:شي ايعورج؟
امل:مالك خص
حمد:وبعديين يعني....ليش ماتعطينيه فرصه اتكلم معاج
امل:مابينا كلام...انتهى كل شي وريح راسك منيه قريب انرد وافكك منيه
عصب حمد:وبعدييين
خلته ودخلت داخل ولحقها بعد ما اخذ حبة البندول من الريم وطلب منها تتركهم شوي
رفعت امل راسها له وهو ايمد يده الها بالحبه خذتها وشربت عليها ماي وعلى طول انسدحت وتلحفت متغطيه بالكامل
قعد على طرف السرير قريب منها
حمد:بعدنيه موجود.....وماخلصت كلاميه
امل:راسيه ايعورنيه وماعنديه كلام
حمدبقلة حيله:امـــــــــــــل شولينه
اعتدلت قاعده
امل:انته شتريد اتركنيه في حاليه انا تعبانه
حمد:خلاص انزين خلاص اهدي
قام معصب وطلع صافق الباب بقو.....ايحس بقهر وضيقه من معاملتها له بالطريقه هذي
يعني متى بتعطيه فرصه يتكلم زين يا امل خذي راحتج بنتظر وماورايه غير الانتظار والله يعطينيه الصبر
والرابطه عدها ماتحركت وسوت شي.....تعالو بس حجز الفندق عليه
.................................................. .....................
سهيل من قال له ابوه عن خطبة العاش وهو يحس بضيقه متملكتنه وماله بارض ايروح لمكان
كان منسدح في الميلس ايطالع التلفزون وباله مش معاه دخل عليه ابوه واعتدل وابوه يحس انه متكدر
ابو سعيد:بروحك قاعد؟
سهيل وهو ملركز نظره على شاشة التلفزون:توهم الربع طالعين
ابو سعيد:شمكدرنك يا صبي
رمق سهيل ابوه بنظره وعقب رجع ايطالع التلفزون
ابو سعيد:متضايق عشان عوض خطب العاش
سهيل:اصلا مافكرت في الموضوع خلها تتوكل
ابو سعيد:هب اهيه الي كنت قاذينيه تبانيه اخطبها لك
سهيل:مالنا نصيب والي خلقها خلق مليون غيرها
ابو سعيد:سود الله ويهك يوم ان هذي رمستك وانا الي نقزت في ويه الريال وقلتله ان لبنيه احنا خاطبينها قبلكم
وقفت دقات قلب سهيل ووجه نظره لبوه
ابو سعيد:انا حيرت لبنيه وقلتلهم مالكم نصيب فيها واننا نرقب لعيال ايردون من السفر عشان نعلن الخطبه
كانت عيون سهيل اهيه بس الي تنطق وتستفسر اكثر
ابو سعيد:انا خطبت العاش لك وريل خالتك وافق
........................................
ابو سعيد:انته تسمعنيه يا صبي
اعتدل سهيل
سهيل:ابويه انته تمزح ولا شوووه كيف تخطبها فوق خطبة الريال
ابو سعيد:احنا اولى ابها عنه واقرب ومافيها شي
سهيل:وليش ماشاورتنيه...والعاش موافقه؟
ابو سعيد:اشااورك؟؟؟...اشاورك في شوووه انا ياله لحقت وتكلمت قبل لا ينترس الميلس ريايل وعطونيه الموافقه
وانته ريال ماعليك كلام عشان تتشاور لبنيه
وقف سهيل وهو مش عارف يرسي بشعوره على شوووه....كان احساسه بخسارتها قبل فضيييع لاكن
ان يتزوجها وهيه تحب شخص ثاني مرفوض فما قدر يحدد اي شعور لازم ايكون فيه
سهيل:ليتك يا ابويه شاورتنيه
ابو سعيد:انته تباها ولا لا......تراك انته واخوك ماعرفتلكم....تبون تفضحونيه عند العرب
سهيل:انا اريد اتشاورون البنت
ابو سعيد:خل عنك عاده.... كلام في هالموضوع انتهينا امنه انا هب لعبه عندكم
وجهز حالك انته واخوك عقب مايردون للعرس لانيه بسويه عرس جماعي وانا اتفقت مع عمك ابو حمد وخلصنا
التفت ابو سعيد عن سهيل وطلع وتركه محتار اي الشعورين يختار الفرحه ام الرفض
.................................................. .................
في اليوم الثاني وبوقت مبجر كانت الريم اتسوي الريوق وحمد وامل بعدهم رقود
دق سعيد الباب وفتحتله كانت كاشخه بتنوره وقميص ورافعه شعرها لفوق وخصايل شعرها متناثره حولين ويهها
سعيد:صباح الخير
سكتت شوي وردت بدون نفس:صباح النوور
دخل سعيد وعيونه تتفحصها بالكامل
سعيد:شي ريوق
الريم:اتفضل
سعيد:حمد راقد
الريم:هييه
راحت للمطبخ ويابت له الريوق والشاي واول ما التفتت رايحه
سعيد:رامسيين مابتقعدين معايه
الريم:لااا بروح عنديه شغل داخل
سعيد:وليش الكشخه هذي على هالصبح
الريم:كنت ناويه اروح عند جيراننا الي في الشقه المجابله بس طلعو محد
سعيد:وكنتي ناويه تروحين جذيه
الريم:شو فيها ...هذيه الشقه مايحتاج عباه
سعيد:بعد مايحتاج عباه؟
ابتسمت الريم واهيه ملتفته عنه
الريم:عااادي
وقف سعيد وراها وحاوط خصرها بيديه وهمس في اذنها
سعيد:ممنوع حد يشوف ممتلكاتيه
انتفضت الريم وابتعدت عنه بسرعه رجع ومسكها مره ثانيه
سعيد:صبري لين اخلص كلاميه كله....الشواب حددو موعد العرس خلاص بعد مانرد بشهر
وابشرج العاش وسهيل بعد عرسهم معانا فانتهزي الفرصه وخذيلج منيه الي تحتاجينه حق جهاز العرس
لفلوس بحولها على رصيدج قريب
التفتت الريم له معصبه:انته شو قاعد اتقول عرس شووه هذا الي ترمس عنه
سعيد:عرسنا
الريم:اتحلم....انا ما اباك وابويه وعميه يدرون بهذا الشي
سعيد:لا انا اتصلت ابهم وقلتلهم كل شي بينا اوكيه وحددو موعد العرس
الريم:انته مينون..........مب على كيفك انا قلت لحمد خلاص وهو الي بيمنع هذا العرس
شل سعيد تيلفونه الي كان يرن وقالها قبل لا يرد:بنشووف ...الو هلا والله يالله انا ياي حياتو
التفت الها قبل لايطلع:لاتنسين موضوع الزهبه...ترا العرس خلاااص اتحدد ياله بااااي
الريم:بتبطي
قعدت الريم معصبه على الكرسي وطلعت الها امل
امل:الريم شبلااج معصبه
الريم:انا مادري هذا شفاكر نفسه
قامت الريم ودخلت للغرفه مشت امل وهيه بعدها بقميص النوم وانسدحت على الكرسي الي في الصاله
وكملت رقادها بعد ساعه كان حمد طالع من غرفته بعد ماتسبح وشافها راقده
صبله كوب حليب وقرب منها وقعد يشربه وهو يطالعها فتحت امل عيونها وشافته قاعد على الكرسي المقابل ايطالعها
وقفت بسرعه والتفتت رايحه وشعرها المفتوح يلتف معاها وماحس حمد بنفسه انه كان يتكلم بصوت عالي
حمد:عذبتينيه مع هالشعر الي يذبح
وقفت امل وفرت راسها له وبادلته بنظره بعدها التفتت وراحت
...........................................
اتصلت حمده على سهيل وهيه اتصيح
حمده:حراام عليك يا سهيل ليش اتسوي جذيه بعوض ليش
سهيل بعصبيه:بلاااج شو سويتله؟
حمده:انته تدري انه ايريد العاش وخطبتها عنه الريال من خسارته الها سوا حادث ومسكين ماندري شو حاله هالحين
وقف سهيل واقف:شوووه حادث متى صار هالكلام
حمده:اليوم.....
وسكرت التيلفون في ويهه
التفتت الها صديقتها عفرا
عفرا:مقواج يا حمدوه...شو بتستفيدين من هذا كله
حمده:خليهم عاده يصطفلون هالحين وايسون الي يسوونه
عفرا:بيتصل وبيدري انه مجرد حادث بسيط
حمده:لااا ماعليج ...هالحين برويج شو بسوي بالعاش
هزت عفرا راسها من دها حمده
كان سهيل متوتر ويانب نفسه انه يكون حادث عوض بسبب الرفض الي ياه
اتصلت عليه العاش واهيه اتصيح طبعا بعد ماشحنتها حمده بالعتب والووم
العاش:لييش ياسهييل ليش يعني بعد ماظربتنيه واستحقرتنيه تي تخطبنيه...انته شو تريد بالظبط
كان يحس بحراره تطلع من جسمه وهو يسمع صياحها
العاش:لاتفكر انيه موافقه ترااه غصبا عنيه
وسكرت التيلفون وماحس سهيل بنفسه الا وهو يظرب بالتيلفون على الجدار
..................................................
حمد بعد كلام الريم له عن سعيد وانها شافته مع وحده تم طول اليومين الي بعدهن وهو يراقبه من بعيد
الريم قالتلها امها عن موضوع العرس الي تحدد بعد شهر...احتجت الريم وردت عليها امها ان سعيد
قال الهم ان الامور بينهم زيينه على اساسه اتحدد العرس
ام حمد شافت ان بناتها في ثنتين معارضات موضوع العرس فطلبت من اختها اتخلي سلمى اهيه تتكفل بالتجهيز
اما حمد فكان يحس بالغيض اكثر على امل الي كل ماحاول يتقرب منها ويحصلها تصده فقرر يتركها في حالها وينشغل بمراقبة سعيد الي شافه
اكثر من مره مع نفس الحرمه...ولانه كان ايشوفهم في اماكن عامه ماقدر يواجه سعيد بالموضوع لانه يدري بسعيد وطرق انكاره
تحدد موعد السفر بعد يومين واليوم امل عندها اخر موعد في المستشفي
بعد مارجعن من المستشفي طلبن من حمد ايروحن المجمع الكبير الي عدال الفندق ياخذن بعض الاغراض
وبعد مارجعن لزمت امل الغرفه لين المسا
كانت الريم في المطبخ يوم دخل حمد وهو يدز سعيد للشقه داخل وشكلهم كانو متضاربين
حمد بعصبيه:داااخل اقوولك
سعيد:ههههه والله الي صااار جناان
وصفق سعيد بيديه
مسك حمد سعيد ويره للغرفه الصغيره وداخلها بدا صريخ حمد على سعيد الي ماوقف ضحك
##
##
##

1 - 4 - 2015, 01:06 PM

الجزء الثاني والثلاثون
"جددي فيني حياتي باللقا"

بعد شهر من الاحداث السابقه كان باقي اسبوع عن العرس الجماعي لسعيد وسهيل
سعيد كانت لحفوز عنده فووول اما سهيل فكان في حاله يهتم بس في الامور الي يقوله ابوه سوها
وبدون خاطر...وفي يوم كان حمد في بيت خالته والكل مجتمع سعيد وسهيل وسلمى وعيالها وابو سعيد وامه
كانو يتكلمون ويخططون للعرس التفتت سلمى لحمد الي كان موجود ومش موجود في نفس الوقت
حاضر بالشكل لاكن القلب والروح مش موجوده..تنهدت سلمى متالمه لحال حمد الي صار مايقدر يتحكم في نفسه ورغم انه يقول
انا مابتم جذيه يتفاجئ اخر شي بالي يساله شوو فييك؟
سعيد كان مسوي جو في القعده ضحك وتعليقات على سهيل الي يطالعه بطرف عينه وخاطره يخنق سعيد
قعدت سلمى عدال حمد
سلمى:حمد
انتبه حمد والتفت الها:هلا
سلمى:بتودي البنات باجر دبي عشان بروفة الفساتين
حمد:هاااه ...اوديهن وين؟
سلمى:دبي
تنهد حمد ووقف واقف
حمد:ماعليه بشوف وانتي هب رايحه معانا
سلمى:بخلي سعيد ايودينيه منيه وبنتلاقى اهناك
حمد:ماعليه ...يالله شي في الخاطر انا رايح العين
سلمى:سلامتك فديتك انتبه لعمرك
حمد:فمان الله
بعد ماطلع حمد
سهيل:عبلتي الريال لازم يعني ايروحن ايسون بروفه..جان وديتيلهن الفساتين العين
سعيد:عبلته بشووه انته الله ايهديك اصلا اهو كل يوم داق دبي...ايحوط فيها ويرد مادري
شو ماسكنه مايروح صوب عوقه ويشلها
سلمى:الله يصلح حالهم..والله ان حمد كاسر خاطريه
سعيد:ههههه تدرين ريل اختج شو سوا اول مادرا ان حرمة حمد راحت عنه ...قال لشموه سويلها تيلفون
والحبيب ماسوا سالفه..هد عليها وقاللها احوال حمد كلها يوم كانت في العمليه وانها كيف تتركه وهو الي كان بين عليهم
سلمى:الله ايهديهم حتى اهيه قالن اليه البنات انها تعبانه
سعيد:انزين سلمى خلينا من هالسالفه باجر في دبي بشوف انا الريم ابا اشوف الفستان عليها
التفت سهيل لسعيد والتفت سعيد لسهيل رفع سهيل يده وحطها على ويه سعيد ودزه على وراى
سهيل:سباااااال ....الله ايعنيه عليك لين يوم الدخله
وكالعاده اخذت سلمى تترجى العاش والريم عشان يروحن باجر للبروفه
في دبي باليوم الثاني اول ماوصل حمد باخواته تنهد حمد بويع اول ما شارفو لدبي...وكان حمداكثر وقته ساكت
اتلاقت سلمى بالبنات وركبة معاهن وخلصو من البروفه وبعدها طلبن ايروحن لصحاري مول
ترك حمد البنات ياخذن راحتهن وراح لستار بوكس وقعد ينتظرهن
لفت سلمى بالبنات في المحلات عشان اتشطب معاهن اخر اغراضهن وحصلت صعوبه مع الريم اكثر
وفي الطريق الي قريب من ستار بوكس صار هناك توقيف للماره عشان مايدعسون على حاجه طاحت من صاحبها
والصاحب هذا كان حمد الي تخبل وهو يدور حاجته على الارض ويطلب من الماره يوقفون ويبتعدون عن الطريق هذا..كان يكلم نفسه كيف
فلت من يده طال بحثه للحاجه الصغيره مسح الارض بعيونه واهو يدور ويترجاهم انهم يبتعدون عن
الطريق...تدرون على شو كان ايدور على حلق امول الي خذه قبل العمليه وملازم جيبه ويده اربع وعشرين ساعه واول
مره يطيح واحد منهم حس حمد ان اعصابه تعبت من كثر ماكان ايروح ويرجع ايدور على الحلق
حمد"الا شغابها لازم القاهن ...يارب كيف طاحن من ايديه ولوما زحمة الماره يمكن انيه القاه
وصله مسج من سلمى انهن خلصن ومستعدات للرجعه
من ضيقة حمد وهو ايدور اتصل لسعيد عشان ايي وياخذهن وينتظرونه في احد المطاعم لين ايهم
وصل سعيد واتصل لسلمى وقالها يطلعن من الباب الي ينتظرهن عنده
سلمى ما قالت للبنات انهن بيروحن مع سعيد لين ماركبن السياره قالت الهن سلمى بطلب حمد
ابتسم سعيد اول مارفعت العاش غطاها وسلمت عليه اما الريم فتمت بغطاها ولزمت السكوت
كان مستانس على دقات قلبه الي زادت اول ماركبت الريم السياره وقال في خاطره
ياسلااام على دقات قلبيه تعلن انيه طحت ومحد سمى عليه
في نفس الوقت كان حمد متوتر ومتضايق على الاخر انه ماحصل الحلق
رجع لطاولته عشان ياخذ الكيس الي فيه العطر الي اشتراه ويافرحته يوم شاف الحلق تحت الطاوله
قعد حمد على الكرسي وفي خاطره يصرخ ويعلن للكل انه لقى الي كان مضيعنه
اتلاقى بعدها حمد بسعيد وشل اخواته ورجع كل واحد لمنطقته
اما امل فبعد مكالمة خليفه زوج شما الها الي وصف الها حال حمد كيف كان تعبت زياده وتركت شرب الدوا وانعزلت عن الكل
طول وقتها في غرفتها وفي مره من المرات سائت حالتها الصحيه ونوموها اسبوع لين ماشفت ومشت على كورس علاج
اليوم كان اليوم المنتظر عند حد وحد
سعيد وهو ايعدل البشت ويقرب من سهيل الي كان لابس بشته بعد:اقول ...شرايك اتبادل في لبشوت
زفر سهيل:اوووف وبعديييين... الله ايسامح ابويه الي خلا عرسنا واحد
سعيد:طالع زطاااطه شو مستوي عليك تراه الابشت...شكل البني عليك احسن من البشت الاسود الي عليه
سهيل:حبيبي مايغلى عليك بس مايصير انا بشت قصير وانته بشت طويل
سعيد:يعني لازم تفضحنيه واتقول الهم انيه اقصر منك بشوي ترا انا مب قصير انته الي طويل بزياده
سهيل:المهم يا اخي فارج ترانيه شوي واخلي العرس وارد بوظبي
سعيد:افااااا ليش انته اليوم هب صاحي حد بقا من العمال ماكفخته
سهيل:وحتى انته بعد يبالك تكفيخ
سعيد:هزلت يابن امي وابي تريد تكفيخي هيا اذهب الى ذلك العبد الكبير ابو خنافروقوله منو قالك اتيي اتغني في العرس
وكفخه معاه
ابتسم سهيل اخيرا رغم الضيقه الي كان ايحس ابها من بداية اليوم...لين الحين مش مستوعب ان اليوم يوم عرسه
شعورين متناقضين ايحس ابهن ونفسه يرسخ على واحد منهن
اتصلت سلمى على سعيد وقالتله يستعد للزفه بعد شوي..اول شي بتكون زفة سعيد وبعدها زفة سهيل
حرك سعيد حواجبه بانبساط
سعيد:هااه مابتروح اتزفنيه؟
سهيل بضيقة خاطر:ابوك خلا فيها ان كل واحد يستانس بعرس الثاني توكل توكل حمد يرقبك
سعيد:لا فديتك قل غنوم والشله الي يرقبونيه هذولا الي بيولون من الخاطر
كانت الريم ترتجف واتحاول اتسيطر على رجفتها وهيه واقفه ومتغطيه بغطا ابيض عليها بالكامل استعداد لدخول العريس الي دخل ومعاه وفد من اصدقاءه كل واحد منهم خذله زاويه وبدا ايول فيها ويطلع الي في خاطره
اما سعيد فكان المره هذي غيييير منبسط على الاخرورازن الريال وقف عدال عروسه وقعد يوزع ابتساماته للكل
وبعد ماطلعت الشله رفعت سلمى الغطا عن الريم وحبس سعيد انفاسه من الزين الي شافه
كانت صاده بنظراتها عنه قبلها على جبينها
سعيد:مبروك حياتي
نزلت الريم راسها لتحت
همس الها وهو يقرب راسه من راسها بعد ما قعدو
سعيد:فديتج ادري انج مغصوبه بس حياتي ابتسمي عشان الصور تطلع حلوه باجر بنرويهن عيالنا
مافيه الهم ايحكمونيه ليش امنا مش مستانسه يوم العرس
سلمى يوم البروفه وعدت الريم اتخلي الخياطه اتركب تور على الظهر لانه كان عريان
لاكن الخياطه رفضت لضيق الوقت ولبست الريم الفستان وكان ظهره عريان وشوي من اكتوفها بقصه غريبه وحلوه
اما الطرحه فكان موديلها نازله من راسها على طرف واحد والجنب الي قعد فيه سعيد كان كاشف له
عن رقبتها وظهرها
مازال سعيد قاعد مبتسم ويستقبل التهاني من الكل وقفت سلمى عداله وطلبت امنه يعدل الكوشنات الصغيره الي ماليه الكرسي الي قاعدين عليه
سلمى:اعدل المخدات الي ورا الريم
سعيد وهو يلتفت ورا الريم ويمد يده عشان يعدل الكوشنات بعد وحده منهن ومال بجسمه عشان يرجع ياخذها وما انتبه له حد
هو يطبع قبله على ظهرها بالسريع
مسك المخده واعتدل بعد مارجعها مكانها اما الريم فحست بالدم في ويهها من حركته وجرئته
حاولت تاخذ نفس وماتفضح نفسها جدام الكل...رجع سعيد والتفت لجدام مبتسم وهو يصارع المشاعر الحلوه الي
بدت تسري في جسمه كان يحس بتنفسها الي تحاول اتسيطر عليه ويوم شافها هدت اشوي مد يده وفردها على ظهرها
هو الوحيد الي حس برجفتها لانها كانت اتحاول ماتبين شي مالت براسها ناحيته وهمست
الريم:شل يدك
مال براسه ناحيتها
سعيد:شو قلتي حياتي؟
من بين اسنانها
الريم:شـــــــــــ ال ييييدك
ابتسم سعيد
سعيد:ابتسمي اول شي
تصنعت الريم الابتسامه
الريم:ابتسمت خلاص ممكن اتشلها
حرك يده وغمضت عيونها
الريم:لااا حرام عليك
سعيد:اوكيه خليج مبتسمه طول الوقت واوعدج اشلها واذ رديتي للتكشيره هذي رديتها مره ثانيه
الريم:اوكيه
بعد سعيد يده عنها وساعدها توقف عشان ايسلمون على امه وخالته وكانت الريم مبتسمه ابتسامه دوخة سعيد
سعيد:يالله فديت انا الابتسامه
ورجع ايحط يده
مالت عليه مره ثانيه وهيه مبتسمه
الريم:والله ما اقدر ابتسم اكثر من جذيه
سعيد:هههه نسيت نسيت
ورفع يده
بعد التهاني والتبريكات قام سعيد وهو ماسك الريم ايقودها متوجهين لغرفه من الغرف الي في القاعه عشان ياخذون الهم صور خاصه
كانت بس اهيه معاه في الغرفه والمصورات لان الباقي رجعو عشان يستقبلون العروس الثانيه
الريم ابتسامتها اختفت مع اختفا الجميع واول ما حطسعيد يده على ظهرها ابتعدت عنه والتفتت له
الريم:قلتلك شل يدك...خلاص محد اهنيه ما اريدك تلمسنيه
سعيد وهو مبسوووط على الاخر:والله انج اتجننين والغيضه هذي بعد مخليتنج شي خياااال
الريم:انته ليش ماتريد تفهم؟
سعيد:لانج انتي بعد ماتريدين تفهمين
الريم:افهم شووه اكثر من الي فهمته
سعيد وهو يقرب راسه منها:فدييييتج انا والله فرحان وصكي عاده المصورات بيصورن
الريم:خلهن ينقلعن برا انا ما اريد اتصور
سعيد:بس انا اريد اتصور...اجلي الوقعه لين عقب وتعالي
مسك سعيد الريم ولف ايديه حوليها وراسه قريب من راسها واشار للمصوره اتصور
بعد ما اخذت المصوره الصوره سحبت الريم نفسها من ايديه
الريم:اتركنيه
سعيد مشير للمصوره:ايه انتي صوري ولا توقفين تصوير ...حتى لو شفتيها اتعضنيه لاتطوفين الصوره
اجبر سعيد الريم ترجع وتوقف معاه وهو كل شوي ماسكنها من خصرها او اكتافها او لام ويهها بين ايديه بحركات جريئه
استانست المصوره عليها واحمر ويه الريم بسببها

سهيل ياله يالله قدرت اريوله اتوديه لمدخل القاعه وين الزفه حاول كم مره فيهم انه مايدخل لاكن امه واخواته اجبرنه انه
لازم يدخل وكان حمد الوحيد الي بيدخل معاه
دخوله كان مختلف عن دخول سعيد الي كانو ربعه يركضون به ومع حمد الي كان بالشكل
موجود...استغرب سهيل من دقات قلبه الي بدت اتزيد كل ماتقدم خطوه...ماتخيل انها بتعني له شي بعد ماعرف ان قلبها مع شخص
ثاني من بعيد لمح بياض على الكوشه وياه شعور انه يترك القاعه ويطلع
ورجع له الاحساس بشعورين مختلفين دقات قلبه تعلن له شي وقهره من حبها لشخص ثاني حس بالضيقه بدت
تسري بجسمه وهو يصد بنظره في اي مكان ولا انه يطالع ناحيتها وقرر في نفسه
انه ينهي المهمه هذي مثل مابداها
لاكن النور الي بدا يشع اكثر واكثر كل ما قرب من الكوشه وتره اكثراما حمد اول ماصعد سهيل على
الاستاند تركه ورجع على اساس عنده شغل ضروري
وكمل سهيل مسيره للعاش بمشيه ابهرت الكل وتالق راعيها على بعد اربع خطوات منها اتلاقت نظراته
بنظرات كانت اتشع الفرحه منها وابتسامه مش واضحه
على طول بدت دقات قلب سهيل اطبوول منبهر من جمالها مافي مجال ايصد بنظره عنها لانه وصلها قرب منها وطبع قبله على جبينه
بدون ما يقول كلمه ووقف عدالها وهو ايفكر كيف انه تخيل انها كانت مبتسمه لين اليوم يذكر اتصالها وصياحها
وان الزواج هذا اهيه منجبره فيه
قعد سهيل وقعدت العاش جنبه وكانت قريبه امنه وايد وريحة عطرها ظاربه في راسه مازالت دقات قلبه ادق وهو يحاول
يقنع نفسه ان دقات قلبه من التوتر يمكن
طول الوقت سهيل ابد ما التفت ناحية العاش وكان نظره مركز لجدام للي واقفين جدامه
رن تيلفون سهيل وطلعه من جيبه بعد ما لمست يده يد العاش الي كانت متكيه ابها بينها وبين سهيل
سهيل:الووو
سعيد:الووووووو
ابتسم سهيل:فارقتك
سعيد:ازيك يا ماما وازي بابا معاكي
زادت ابتسامة سهيل وعض على شفايفه
سهيل:فاااااارج مش وقتك
سعيد:ايواااا انا عارف الجو عندكم نااار نار بتلسع اوي
سكر سهيل في ويه سعيد ورجع التيلفون لجيبه لاكنه مارجع يده لمكانها الاولي
خلاها قريب من يد العاش وبدت النفضه تسري فيه كانت يد العاش بينه وبينها ويده يايه ورا يدها بينه وبينها يعني يدها متجدمتنه
تمو لدقايق جذيه وراس اصابع سهيل ملامسه نهاية كفها حس سهيل انها رفعت كفها اكيد متضايقه
لملامسته الها لاكنه حبس انفاسه واهو يحس ان كفها ارتفع فوق يده وبدت العاش تسحب يدها لورا واصابعها بعدهن على الكريس لين ما استقرت يدها على يد سهيل
الي ما قدر يستوعب شو يصير ودقات قلبه قريب تفضحه غمض سهيل عيونه مره ثانيه واهو يحس باصابعها تتخلل اصابعه ويده تحت يدها
ومثل ما قال سعيد نااااااار نار وينك ياسعيد اتي اتشوف النار الي حاشرنيه عليها ...بس هذي شو سالفتها
شو قصدها من هالحركات
بطرف عينه طالعها واتفاجئ انها مبتسمه واي ابتسامه كان مفكر انه يتخيل لاكنها طلعت فعلا ابتسامه
سحب يده من تحت يدها ورفعها عشان يعدل لعقال ورجع يده على ريله...يعني اهيه اتحاول اتظهرنا بصوره احسن عند الناس عشان مايحسون بشي
زين والله انا دوم اقول ان عقلج كبير وتحاسبين بعد
وقف سهيل ووقفت العاش عداله استعداد للطلعه سهيل ابد ما التفت ناحيتها ولا فكر انه يساعدها على الوقفه واتفاجئ انها
ماسكتنه من يده في النص تم متصنم وماعرف شو يسوي.."اظاهر ماعنديه سنع واهيه تحاول اداري
رفع سهيل يده الثانيه ومسك فيها يدها الي ماسكه يده مربت عليها وغصبن عنه جالت عينه عليها شوي كانت فتنه صدق
والفتنه الاكبر ابتسامتها الحلوه الي اتخلي الواحد صدق يصدق انها فرحانه
اقتربت سلمى من سهيل واهيه اتعدل فستان العاش وهمست
سلمى:سهييل ابتسم يا اخي الي يشوفك ايقول مودينه المقصبه
سهيل:سخيييفه...انقلعي من جداميه
سلمى:هههه والله انك هب صاحي...طالع هاه العرب الي عدالك كيف الابتسامه شاقه حلوجهم
التفت سهيل للعاش واتلاقت نظراتهم
سهيل:مايندرابهم يمكن انتي جابرتنهم على الابتسامه
نزلت العاش راسها تحت وضغطت بيدها على يده وبدوره اهو بعد ضغط بيده الثانيه على يدها
خذ نفس ومال براسع عليها
سهيل:عادي خليج عاديه لاتتصنعين شي غصبا عنج
ماردت عليه ورفعت راسها للي جدامها واهي اتزيد من ابتسامتها كل ما ابتسمت اكثر كل ماحس
سهيل بدقات قلبه اتزيد
مشى سهيل وكان يمشي بتمهل عشان العاش تاخذ راحتها في المشي واهيه تسحب فستانها كانت كل ما مشت خطوتين وقفت وابتسمت للكل
واهيه تلتفت للكل عكس الريم الي الكل قال ان مستحاها خلا التوتر باين عليها وهو في الاصل غيضها على سعيد
سهيل يوم شاف العاش اتوزع ابتسامات قال خلنا انجاريها وانوزع معاها ابتسامات...الله يستر شو عقب هالابتسامات
في غرفة التصوير كان سعيد ميت من الضحك على الريم الي كسرت وحده من كيمرات التصوير بعد ما شافت المصوره متحمسه لحركات سعيد واهيه اتشجعه اكثر
المصوره:بليز سير دونت .....
سعيد:هههههههه اه ههههههه اوكيه اوكيه بيبلج وحده ثانيه ههههه فارجي عن ويهيه قذيتينيه
زفرتالمصوره بغيض والتفتت للريم الي قعدت في زاوية الغرفه على كرسي وهيه معصبه
طلب سعيد من المصورات يطلعن بعد ما حاسبهن واخذ منهن الافلام
عند الباب
سعيد:افا مافي مفتاح...مش مشكله
التفت وراح للريم قرب منها
وقف وتم ايطالعها
سعيد:احلا عروس مزنفخه والله
طالعته بطرف عينها ورجعت اطالع جدامها
سعيد:حياتي وبعدين يعني...طيحي الحطب عاده وخلينا نستانس بليلة العمر
الريم:انا من اليوم بعتبر حياتيه منتهيه
سعيد:افااااا من قلبج عاده
الريم:انا مابتكلم اكثر من ما تكلمت انتو ناس ماتفهم ....خليكو واستحملو الي بيكم منيه
قعد سعيد على الكرسي عدالها
سعيد:يعني شو بينا منج غير كل الخير
الريم:ماعليه الايام بينا
سعيد:وانا مستعد انتظرج وما بجبرج على شي ماتريدينه المهم انج ملكيه واليه ويكفينيه انيه اصبح وامسي على ويهج فديت ويهج انا
فركت الريم ايديها ببعض منقهره امنه
الريم:لوتي طول عمرك لوتي وعايش على هالواته امفكر انك بتاخذ بعقليه حلاوه نفس ماتسوي بربيعاتك
رد عليها سعيد بصوت حاد:الريم ....لاتحطين نفسج معاهن انتي عنديه غير عنهن وما ارضها لج
حطت الريم ايديها على ويهها وبدت اتصيح
سعيد:لحووووه لاتصيحين يابنت الحلال شو تبينهم ايقولون
الريم:انته هامنك شو بيقولون بس
سعيد:انزين امري اطلبي شو تبينيه اسوي
الريم :اتركنيه في حاليه لاتتكلم معايه
سعيد:ان شالله باروح وبقعد على الكرسي هذاك الي في اخر الغرفه وانتي تمي اهنيه وان دخل حد علينا
بنقول احنا مانعرف بعض اوكيه قام سعيد وابتعد عنها رايح للكرسي الي قال الها عليه وقعد عليه
اول شي كتف ايديه على صدره بعدها اعتدل وحط ريل على ريل بعدها نزل ريله وشبك ايديه ورا راسه عقب رجع ايديه ودخلهن في مخباه
سعيد وعيون الريم عليه:شو اسوي كيف اقعد بعد لو هم حاطيلنا تلفزون نتسلى عليه جان زين
ابتسمت الريم وصدت بويهها للجه الثانيه
وصل سهيل والعاش للغرفه الي بيتم فيها التصوير غرفه ثانيه عن سعيد والريم بمصورات ثانيات
كانت سلمى واقفه معاهم رتبت فستان العاش والطرحه سهيل بطرف عيونه كان يشوف ابتسامة العاش الخجوله من الكلام الي تقوله سلمى الها
قلبه ذااااب وبعده مش قادر يستقر بشعوره
قربت سلمى العاش من سهيل وطلبت من المصوره اتشوف شغلها اول الصور كانت جامده بوقفة سهيل الي ما غيرها بعدها قربت المصوره ولفت العاش ناحية سهيل
وطلبت امنه ايطالع ناحيتها وبعد كم صوره طلبت امنه يمسك ايديها اول شي طنش طلبها
سلمى:سهيل بلاك امسكها من ايديها حرام عليكو لاتضيعون الفرصه بعدين بتندمون
سهيل:شرايج اتروحين صوب اخوج تراه اتصل وقال خل سلمى اتي
سلمى:ياويليه انا على المستحى حاضرين بطلع عشان تاخذون راحتكم
طلعت سلمى وهيه مبتسمه والتفت سهيل للعاش
وبنظره غريبه قال الها:والحين ماتم حد بس من التصنع
تلاقت نظرات العاش بنظراته وطولت نظراتهم لبعض كان اهو طويل واهيه رافعه نظرها لفوق وابتسامه طفيفه على شفايفها
نظراتهم لبعض كانت رهيبه وكل واحد يغوص في عيون الثاني الي خلا المصوره تستغل الفرصه وتاخذلهم صور على هالوضعيه
رفع حواجبه الها وهو يطالعها
سهيل:بعد هذيلا مسويات الج مشكله تخافين التصوير يفضح الوضع الي بينا
ماردت عليه ونزلت نظرها لتحت مع اتساع ابتسامتها اكثر كان مستخف من الي تسويه
همس الها: تبين صور حلوه يعني...اوكيه انا مستعد كيف تبينا نوقف
رفعت العاش نظرها للمصوره الي قربت منهم وطلبت من سهيل يوقف ومن العاش تتقدم شوي وتوقف جدامه بعدها
طلبت من سهيل يرفع ايديه على جنب وحطت ايدين العاش فيهن
ضغط سهيل بيديه على ايديها وهو يحس برجفه تسري في جسمه
طلبت المصوره من العاش على وضعيتها هذي تلتفت لسهيل واتبادله النظرات ونفذت العاش كل طلبات المصوره وسهيل يجاريهن وكل شوي رفع واحد من حواجبه علامة الاستغراب لانصياع العاش لطلبات المصوره
لاكنه ارتجف بحق وهو بيدين العاش الي حطتهن على صدره وسندت براسها عليهن بعدها عنه والتفت للجه الثانيه وهو يحاول ياخذ نفس
##
##
##
سوري لقصر البارت بس هذا الي قدرت عليه حاليا مع حبي للجميع

1 - 4 - 2015, 01:15 PM

الجزء الثالث والثلاثون

جددي فيني حياتي باللقاء

دخلت سلمى على سعيد والريم وشافت ان كل واحد فيهم في وادي
سعيد:اخيرا يتي مابقيتي تين ياله هاتي عباتها خلينا نتوكل
سلمى اطالع سعيد وهيه مبتسمه:شبلاها قاعده عنك اهناك
سعيد وهو يحرك حواجبه:مستحيه فديتها
توجهت سلمى للريم ولاحظت احمرار عيونها
سلمى:ليش اتصيحين
لوت الريم على سلمى:ماريييييده
سلمى:لا لالا يامينونه شو هالكلام هذا هالحين
الريم:سلمى ساعدينيه
سلمى:حبيبتي هذي رهبة العرس وبتروح قريب اذكري الله...وسعيد فديته ايحبج وبيداري عليج
الريم:انا مادانيييه اكرهه
وقف اسعيد عدالهن:لبسيها عباتها اظاهر خويها رجع الها ياله قبل لتسويلنا مناحه
التفتت سلمى للريم وهيه مصدقه كلام سعيد
سلمى:الريم حبيبتي اذكري الله
زاد صياح الريم وسعيد يحث سلمى اتعجل بتلبيسها عباتها
وخويها الي يقصده سعيد هو الجني الي يستلبس الناس عاده سلمى صدقته لانها دائما تسمع عن الاحوال الي كانت
الريم تعانيها....لبست سلمى الريم عباتها وهيه تقرا المعوذات وسعيد كاتم ضحكته
همست سلمى لسعيد:شو بتسوي هالحين
سعيد:ان تم على هالحال بغسله بالعقال لين يطلع منها
سلمى:لاحول الا بالله ليش ماتعلم حمد
سعيد:لا لا لا تحملي اتقولين لحد انا بعرف اتصرف معاه...ياله باي باي
مشت سلمى معاهم لين السياره والريم بعدها في نوبة الصياح الي صابتها
وبعد ماركب سعيد ومشوشغل القران وطول عليه بعد خمس دقايق سكتت الريم وبندت الراديو
الريم:ليش امشغل هذا تتحسبنيه صدق انته ملبوسه
سعيد:هههههههه عيل
وهز راسه :مافيج شي
الريم:ماصخ
سعيد:هههههه فديت المصاخه اقول غناتيه انتي تدرين احنا وين بنروح هالحين
ما ردت عليه
سعيد:بنروح بوظبي بيتنا الي هو صار بيتج
طبعا الزفه اتفقو جميعا على انها اتكون في بيت العرسان لان اقسامهم جاهزه واغراض العروستين
موجوده في الاقسام وقررو اليوم الثاني يسون الغدا في بيت العريسين
سعيد:الريم ياله عاده فليها وخلينا نستانس
الريم:قلتلك لاتكلمنيه وخلنيه في حاليه
سعيد وعيونه على الطريق:حااااضر الي تبينه انا حااااضر له
.................................................. .................
مازال سهيل حابس انفاسه من الحركات الي تطلبها المصوره والعاش مستسلمه لطلباتها
التفت سهيل للمصوره:انتي ايه بس عليج...ياله توكلي
المصوره وهيه تكلم العاش:عروستنا بيكفي هيك التصوير
هزت العاش راسها بنعم وهيه مبتسمه
سهيل كان ايطالعها بطرف عينه وهو مستغرب
دخلت شما وسلمى وبعض القريبات ومن ضمنهم حمده يباركون للعروسين اول ما شافت العاش حمده قربت من سهيل ومسكت بوسط ذراعه
وهيه رافعه راسها فوق طلبت سلمى انهن يتصورن معاهم
المصوره انشغلت مع سهيل واخواته ببعض الصور مع معضهم واتقربت حمده من العاش الي كانت مركزه بنظراتها على سهيل
والبنات
حمده بدون خاطر:مبرووك..
العاش واهيه تبتسم الها:الله ايبارك لج وعقبالج
حمده:هه ناس مستانسه وناس قلوبها محروقه
العاش:جزاهم واقل من جزاهم
حمده:اشوف لسانج طلع
العاش:انا لين هالحين محترمتنج ولا الي يانيه منج وايد...مايسوا علينا هالحب الي يخليج تشوهين سمعتيه
حمده:انا ما...
العاش:بليز حمده مش وقته هالحين تتحججين اليه...كل شي انا عرفته وعرفت كيف انتي لعبتيها
عمري ما نصدمت في حد كثر ما نصدمت فيج وجزاج على الله
حمده ودموعها تنزل:انتي خذتيه منيه يالعاش خذتيه منيه
العاش:عمره ماكان لج عشان اخذه منج...ويالله ما اسمح لج تتكلمين على ملكيه بانه كان ملكج
انا عقب الي يانيه منج ما بداري على شعورج ابدا
كانت نظرات العاش لحمده نار وسهيل قرب منهن ولاحظ دموع حمده الي التفتت وطلعت من الغرفه
سهيل:شبلاكن ...عدها المراسيل ماوقفت بينكن؟
العاش فهمت شو يقصد فصدت بنظرها للجهه الثانيه واهيه تحاول تهدي نفسها
اما سهيل فحس بنار تشتعل في صدره لاعتقاده ان حمده اكيد اتوصللها اخبار عوض الي خلاها اتصيح
من حاله
صرخ على سلمى يستعجلها تيب عباة العاش عشان يطلعون
ودعت العاش امها والي يا يودعها وركبت مع سهيل الي تم طول الطريق ساكت وياكل في نفسه
بعد ساعه في بيت حمد دخل حمد للصاله واعطى ابوه سويج سيارة ابوه الي كان يستخدمها
في نصف الهول فجئه صرخ صوت الكعب على السلم نازل رفع حمد نظره للسواد الي نازل
وواصل لنصف السلم الا انها اول ما انتبهت الهم رجعت بسرعه تصعد السلم
حمد حس ان نظره وراسه الي ارتفع ناحيتها وروحه الي لحقتها كل شي فيه اتوجه الها كان شي
كان ايجره للي شافه اول ماخطى خطوه بدون مايحس ايريد يلحقها
ابو حمد:حمـــــــــد
خذ نفس والتفت لبوه
ابو حمد:طالبنك طلبه اليوم بات في الميلس
مادرا ابو حمد انه ذبح حمد مره ثانيه
رفع حمد نظره لبوه:لاتخاف ...البيت والميلس والعين بكبرها انا هب بايت فيها انا ساري بوظبي هالحين
خلهم ياخذون راحتهم في اي مكان ايريدون يالله تصبح على خير
طلع حمد وروحه تنذبح ذبح من الي يحسه ...معقوله انا اذيتها لهذي الدرجه عشان اتعاقب
بالي سويته هز راسه وظرب السكان وطلع من البيت بصوت عالي طالع من سيارته
.............................................
سعيد:ريمي ....شووه رقدتي يالله وصلنا
صرخ بعدها سعيد وانتفضت الريم
الريم:شبلااك؟
سعيد:سهيل والعاش وصلو قبلنا ...هذي سيارتهم لخمام سواها الله ايعين اختج على سرعة سهيل بس كيف سبقونا
تمت الريم اطالعه واهيه اتحس بقهر امنه صدق انه متفيق
كان سهيل والعاش فعلا واصلين قبلهم بعشر دقايق فتح سهيل القسم ودخلت العاش الي اعجبت وايد بترتيب القسم وهيه تجول بنظرها في كل مكان
سهيل بحركات تمثيليه:هذي الغرفه وهذي الصاله وهذا المطبخ وفي غرفه بعد زياده بس بعدها ما تاثثت
خذي راحتج ياعروسه محد معاج اهنيه ولا تفكرين ان في بعد كيمرات تلحقج
محد اهنيه غيري وغيرج ومثل ما لاحظتي احنا في الدور الثالث يعني الدور كله النا يعني حتى الصوت محد بيسمعه
اذا يعني في خاطرج اتغنين ولاتقولين اي شي
العاش:ممكن اروح ابدل؟
التفت الها وهو خاطره يشبع من الي يشوفه
سهيل:الي تبينه سويه ولا تشاورين حد
نزلت راسها والتفتت رايحه للغرفه
وقف سهيل في البلكونه وطلع علبة زقارا كان يدوخ نادرا وبدون علم حد عقب اشوي تفاجئ بصوتها
العاش:سهيل انته ادوخ؟!!!!!ّ
التفت براسه الها وماكان لابس سفرته
سهيل:سيري داخل
العاش:ما اعتقد حد ايشوفنيه اهنيه
سهيل:قلت روحي داخل
العاش بتردد:ممكن اتي تساعدنيه في فتح ازرار الفستان
ارتجف سهيل وغمض عيونه....يالييييل الشقى
سهيل:وانتي ماتعرفين تفتحينهن بروحج
العاش:حاولت وماقدرت
التفت لجدام وهو يكمل تدخينه:حاولي مره ثانيه
حست العاش بانكسار ونزلت راسها والتفتت راجعه للغرفه الا ان سهيل دخل للصاله وناداها
سهيل:صبري ......تعالي
التفتت له وخطت كم خطوه ناحيته اهو قعد على طرف الكرسي عشان يوازن مستوا ازرار فستانها
وقفت العاش جدامه والتفتت معطيتنه ظهرهاكان يرتجف ويحاول يسيطر على نفسه ياناس هذي بنت دار
الزين الي كانت مدوختنيه وملعوزتنيه....اهواك يامشعل غرامي...الله يعينك ياسهيل على ما ابتلاك
كان متعجب انها ما قالت شي ولا فتحت اسطوانة انها مغصوبه..ولا خلاص اهيه تدري انيه عرفت بسالفتها
وتنتظر منيه حل لوضعنا
سهيل:شو هذا ازرار ان شالله بتم افتحهن زر زر
ابتسمت العاش كان صدرها يرتفع وينزل من وضعها واستسلامها انه يفتح الها الازرار
سهيل:ليش ما ركبتلج سحاب
العاش:موديله جذيه...خلاص انا بحاول مره ثانيه
سهيل:صبري بفتحهن
خذ نفس وبدا بفتح اول الازرار...عشر ازرار وحس ان الباقي تفتح بروحها
العاش:خلاص انا بكمل الباقي
مشت خطوتين وبدون مايحس مسكها وهو يوقف وسحبها ناحيته ضام ظهرها لصدره حوطها بيديه وهمس الها وهو ياخذ نفس من ريحة
عطرها الي في شعرها
سهيل:مره ثانيه لاتحطين العطر الدهني هذا...ريحته هب حلوه
تركها وهويحاول يسيطر على نفسه وراح للبلكونه
كانت العاش ترتجف وهيه منحرجه ومشت بسرعه للغرفه سكرت الباب واتساندت عليه
.................................................. ...............
كان سعيد متوهق مع الريم وهو يساعدها تصعد السلم وكل شوي يعدل في فستانها الي يعلق في
فتحات حاجز السلم
سعيد:اسميه انه لعواز عقيه
تنرفزت الريم ومسكت فستانها بايديها ورفعته وصعدت السلم بروحها بحركه معصبه
سعيد:هههه لو دريت من الصبح عصبتبج
لحقها وهو بعده يضحك وعند باب القسم
سعيد:برجلج اليمين وقولي بسم الله الله يثبتج
التفتت له معصبه:شقصدك الله يثبتني
سعيد:يابنت الحلال كلمه مجرد كلمه لاتنقين فيها...تعالي برويج القسم ترا قسمنا اكبر من قسم سهيل وحرمته واحلا
كله ذوقيه...شوفي هذي الصاله روووعه صح وعندنا غرفتين زياده حق عيالنا فديتهم اباهم كلهم عيال
وهذي غرفة مكتب وهذي غرفتنا شرايج
كانت الغرفه روعه الريم ما اظهرت له اي شعور وتمت اطالعه بس بطرف عينها مع شعورها بدقات قلبها المتزايده
الريم:انا ببات بروحيه اهنيه
سعيد:افااا وانا
الريم:عندك غرفتين ثانيات اختارلك وحده
سعيد:افاااا واهون عليج
الريم:ماليه خص
سعيد:حاااااااضر مره الي تبينه انا حاضر له المهم رضاج
الريم:لووووتي
ابتسم سعيد:لعيووونج
الريم:ممكن هالحين تطلع عشان ابدل
سعيد:احم ماتبين مساعده
الريم:لا
سعيد:طيب طيب انا ترانيه في الصاله اذا احتجتي شي نادينيه
طلع سعيد وعلى طول الريم غفلة الباب
..........................................
بدلت العاش ولبست قميص ملكي حريربروب دانتيل يسحب وراها وقصته من جدام على موديل الهاينك
فردت شعرها وحطت تاج بسيط بالكرستال جامع شعرها من جدام لفوق حطت قلوس
وطلعت لسهيل الي كان قاعد ويطالع التلفزون اتقربت امنه وقعدت على الكرسي القريب
كان ايحس ابها الا انه ما التفت الها وتم مركز على التلفزون وضيع الي يشوفه وبدون ما يلتفت ناحيتها
سهيل:مارقدتي
العاش:مابنصلي؟
سهيل:صلي بروحج انا صليت
سكتت العاش ونزلت راسها تحت
سهيل:سيري صلي وحطي راسج وارقدي
العاش:وانته مابترقد
ابتسم:انا متا يانيه الرقاد رقدت لاتخافين غفلي الباب اذا تبين ترتاحين عنديه شنطة اثياب اهنيه
قامت العاش وراحت للداخل مش عارفه كيف اتشل الحاجز الي قاعد سهيل يبنيه بينهم
فكرت انها بتعرف تتصرف معاه لاكن الي تشوفه شخص ثاني عن سهيل الي تحيده

دق سعيد الباب على الريم
سعيد:الريييم اريد ثيابيه في الكبت
زفرت الريم الي كانت لابسه قميص مشابه لقميص العاش بلون ثاني سكري
فتحت الباب واطلق سعيد صفير اعجاب
سعيد:ليش لابسه فستان
الريم:الحمدلله والشكر هالحين هذا فستان
سعيد:لا لا لا لاتقولين هذا هو قميص الدخله
احمر ويه الريم:انته شبلاك خذ اثيابك ياله واتوكل
سعيد:حق منو لابستنه
الريم:سعيييد
سعيد:ياعيون سعيد وروح سعيد وقلب سعيد
كان يتقدم صوبها واهيه تخطو لورا
الريم:شف ايييه انته شبلااك انته قلت مابتغصبنيه على شي
سعيد باستعباط:وشو انا الي بغصبج عليه
التفت الريم ورا السرير:خذ اثيابك ورووح
سعيد:باخذ ثيابيه وبدخل اتسبح وعقب بنتفاهم
الريم:انزين خلص رووح

كان سهيل كل شوي يوقف ويروح لباب الغرفه وايرد هو متاكد انها اكيد غفلة الباب وفي اخر مره
قرب من الباب فتح الباب وحصله مفتوح كان يحاول يمنع نفسه انه مايدخل لاكنه ماقدر
شافها قاعده وافتشل انه دخل رفعت راسها ناحيته ووقفت على طول
سهيل وهو متخربط:آ آ انا اريد الشاحن ماحصلته برا
ودار لخلف السرير وين مايتذكر مره خلاه خذه ووقف ايريد يطلع لاكنه وقف والتفت ناحيتها
سهيل:ليش مارقدتي؟
العاش واهيه ترفع اكتوفها:ماعرف يمكن عشانيه مغيره المكان
سهيل:مب اول مره تباتين عندنا؟
العاش:خذت وقت لين تعودت على غرفة شموه
سهيل بمغزا ثاني:يعني يبالج وقت لين تتعودين على هالمكان
العاش وهيه فاهمتله:انا حبيت المكان ومااعتقد انيه بطول عشان اتعود عليه
كانت اعيونه اطالعها وتنح اهو ومافهم شو تقصد مثل الحلم ايشوفها ومش متخيل انها واقع جدامه
سهيل وهو طالع:في ثلاجة المطبخ كيك وعصاير اذا تبين يمكن اليوع مانعنج من الرقاد
تمت العاش اطالعه لين ما اختفى عن عينها
............................
غرشة العطر كلها اتسبح ابها سعيد وهو طالع بالوزار والفانيله ويمشط شعره
سعيد:احم وين راااحت
طلع وحصلها في الصاله
سعيد:ليش مارقدتي؟تنتظرينيه؟
الريم:ليش الغرف هذي مغفله؟
سعيد:ماجهزناها ماكان في وقت...بنجهزها معاج عقب
الريم:اوكيه انا اريد اروح ارقد
توجهت للغرفه وسعيد يلحقها
الريم:شو تريد؟
سعيد:اريد ارقد
الريم:في الصاله
سعيد:انتي شفتي موديل الكراسي كيف
الريم:ماليه خص افرشلك على الارض
سعيد:الريم حرام عليج هذي اول ليله النا انتي بترقدين في مكان وانا في مكان عقب بتندمين
الريم:اكثر من ما انا متندمه على موافقتيه عليك ما بتندم
سعيد:ليش انتي جذيه خلاص عاده يابنت الحلال شو لينه بنتم جذيه
الريم:قلبيه مش راضي عليك
سعيد:والله ما اجرمت؟
الريم:ماليه خص اتركنيه في حاليه
سعيد:شرايج بعد اتركلج القسم كله
دخل سعيد للغرفه ولبس ثوبه وطلع وهو يحط سويجه وتيلفونه في جيب ثوبه وغترته على كتفه
وقفت الريم في طريقه:انته وين تبا اتروح
سعيد:باروح الميلس
الريم:تبا تفضحنا؟
سعيد:عادي عندج خليهم يدرون
الريم:مب انته الي تقولليه انا مستعد اصبر عليج
سعيد:يعني في امل حق صبريه ترانيه وايد ضاغط على نفسيه عشانج
الريم:تكرهنيه؟؟
سعيد:هالحين شو ياب طاري الكره؟
الريم:انته شو تريد هالحين وتطرد فكرة الطلعه هذي؟
سعيد:ابات عندج في الغرفه واوعدج مابتعدا حدوديه
الريم:خلاص انزين
ابتسم سعيد وراح للغرفه وهو يخلع ثوبه
بعد ربع ساعه بعد ما دخلت الريم للفراش سحبها سعيد عنده وهو ايقول
سعيد:تدرين طلع ماليه حدود في الغرفه كل شي ملكيه
الريم:ياوييييلك
...........................
في اليوم الثاني كان سهيل وسعيد في نفس الوقت نازلين اول مره ومن وقت طبعا
مع بعض:غريييييبه
ههههههههههه
سهيل:علومك المعرس؟
سعيد:والله لعلوم عندك
سهيل:هات علومك انته اول؟
سعيد:معركه طاحنه انتهت بعشرين عضه في جسميه...تقول ماخذليه قطوه
سهيل:الله ايغربلك...ماعندك صبر اتقردنها كم يوم بعد
سعيد:لاااا شكليه بعطيها شهر جدام عقب العض الي يانيه
سهيل:ههههه ملغوث من يومك ملغوث
رحبت ام العرسان اول ما شافت عيالها نازلين ومسحت دموعها من الفرحه
لوت على سعيد الي صرخ
سعيد:اي لاتلوين عليه
الام:بسم الله عليك شو فيك
سهيل:يعنيه افارقك....اميه سعيد البارحه انزلق وانزلق ظهره
سعيد:هيه صدقه الزلق عده مابرا
الام:بسم الله عليك يتك عين ما صلت على النبي كلن ايقول شو هالمعرس الغاوي
سعيد:صدق اميه...انا صح المعرس الغاوي ريل العروس الغاويه فديتها وفديت اضروسها
سهيل:كح كح احم اميه انا وسعيد بنروح عندنا مشوار وبنرد طالعي البنات
الام:يعل ربيه يوفقكم ويبارك الكم في عرسكم البنات في عيونيه لا تاخذون همهن
سحب سهيل سعيد وطلعو
سعيد:اي اي لاتمسكنيه منيه
يعد ساعتين نزلت العاش وحصلت سلمى وشما جدامها وعقب ساعه نزلت الريم الي كان باين الغيظ على ويهها
همست الها العاش
العاش:الحلو شبلاه معصب جذيه
الريم:اكرهه
العاش:لحووووه خلاص عاده الريم
الريم:يتحسبنيه وحده من خوياته.....يغصبنيه على شي ما اريده
العاش:اششششش انتي عاده الي ما اتخيلج تتكلمين في هالموضوع انجبي ياله
الريم:انا مقهوره
العاش:خلاص عاده حكمي عقلج مافي تراجع هالحين لازم اتشوفيلج حل يرضيج واستعيني بالله
ترا كل شي بيده وقادر يجلب القلوب مثل ما يريد
الريم:والنعم بالله
العاش:الزمي الاستغفار
الريم:ان شالله
توافدت عقب بعض الحريم والجارات مهنيات للعروستين وفي وقت الغدا اتصل خليفه بسهيل وسعيد عشان يحضرون الغدا لاكن جوالاتهم كانت مغلقه
ابو سعيد:هاه ياولديه رد عليك حد منهم
خليفه:تيلفوناتهم مغلقه ياعميه
ابو سعيد:لا حول ولا قوة الابالله هم يعني مايدرون ان عندنا غدا والعالم كلهم بيون
خليفه:ياعميه ان شالله انهم سلوم وحجتهم معاهم
كان الاب متوتر لان هذي اول مره تصير عادة وقت العزايم العاديه يكونون موجودين ومرتبين كل شي لاكن مايصير اليوم في صباحيتهم يختفون
وجب الاب ضيوفه وتعذر لعياله باعذار ثانيه وبعد ساعه انتشر التوتر والانتظار عند الكل
ومن ضمنهم العاش الي تدري ان سهيل مارقد لين الصبح
##
##
##
ودمتم وديمه العطا

1 - 4 - 2015, 01:17 PM

الجزء الرابع والثلاثون

في شقة حمد كان حمد منسدح على الكرسي وقفز وهو راقد وفتح عيونه واسم امل على لسانه
تنهد واعتدل قاعد عقب مد يده ومسك تيلفونه وفتح انشاء رساله
ولاول مره حمد طرش الها الرساله مع انه دائما يكتب الها واخر لحظه يمسح الرساله
كانت امل في طريقها لدبي يوم وصلتها الرساله والي كان مودنها عمها وحرمة عمه بدت الدموع تتجمع في عيون امل اول ما فتحت الرساله
وشافت اسمه
"حتى وانا في غفوة النوووم اناديك .........وطيفك على شاشة خيالي يلوحي
ارجع على وضمني بين اياديك...........ضمة غلا تحيي بها ميت روحي
سمع عمها صوت صياحها الي كانت اتحاول تكتمه ومن خوفه عليها وقف السياره ونزل وبطل الباب
ابو حمد:بنتيه بلاج فديتج
هزت امل راسها وهيه تحاول تسيطر على نفسها
امل:ماشي عميه
ابو حمد:شي ايعورج تانسين شي قوليليه لاتدسين عليه
سحبت امل نفسها بصعوبه
ام حمد:يمكن ماتبا اترد عندهم
سكتت امل وابو حمد ايطالعها ايريدها اتقول شي لاكنها رجعت واتعبرت اكثر وبدت اتصيح بصوت مكتوم
لفها ابو حمد بيديه لحضنه وقعد ايهديها نزلت ام حمد وركبت عدالها وهيه تحاول تمنع نفسها ماتصيح من
صياح امل
ابو حمد:يابنتيه قوليليه شبلاج ...اذا ماتريدين اتردين صوبهم قولي وانا اوعدج ما اخلي حمد
ايطيح البيت وانتي فيه
هزت راسها بلا ومازالت تكتم صوتها عشان مايعلا صياحها واهيه تشاهق
ابو حمد:لاحول ولا قوة الابالله
ام حمد ودموعها تنزل:يابنتيه اذكري الله وقوليلنا شو المضيق خاطرج
التفتت امل لعمتها وارتمت في حضنها وتمت اتصيح بصوت خافت
طالع ابو حمد ام حمد:شو الراي؟
ام حمد همست لامل:بنتيه تبينا انرد العين؟
هزت راسها بلا
ام حمد:انوديج صوب خالتج؟
وهزت راسها بنعم
ام حمد:كمل طريقك يابو حمد انا بتم قاعده عدالها
طول الطريق وامل كل شوي شهقت في حضن عمتها بصوت خافت والعمه تقرا عليها وتهديها لين ماحست انها سكتت خلاص
جدام بيت خالتها رفعت امل راسها
امل:انا اسفه عموه ولاتشلون هميه مافيه غير العافيه
ام حمد:الله ايحفضج يابنتيه ولاتقطعينيه بالاتصال
نزلت امل وام حمد نزلت رايحه جدام ونست امل تيلفونها على الكرسي وبعد ما راحو تذكرته ورجعت تركض للباب لاكنهم راحو وراحت
كل الارقام الي حافضتنها ومعاهن رسالة حمد
................................................
الساعه وصلت ثلاث الظهر والعرسان بعدهم مابينو ولاتيلفوناتهم فتحت...الكل كان في خوف وترقب
كل ما صاح التيلفون مسكت العاش والريم بيد الثانيه على امل انهن يسمعن اخبار حلوه
الكل كان يدعو ان الله ايسلمهم لين ما انهارت ام سعيد وهيه تقول :عياليه راااحوراحو كلووووهم يتهم عين ماصلت على النبي
سلمى:اميه اذكري الله ان شالله مافيهم الا العافيه
ام سعيد:ويييينهم ماحيد معاريس يختفون صباحية عرسهم ..اتصلي على حمد طالعيه
شما:حمد ياي في الطريق
دخل حمد وسلم على الكل وتم ايطالع خواته وشاف نظرات الخوف والترقب في عيونهن
عقبها طلع وهو يطمنهن انهم بيلقونهم ان شالله
عقب نصف ساعه كان ابو سعيد ايزاعج جدام البيت ويواقع دخل سهيل الي كانت يده مجبسه
ومشنوقه لحلجه وسفرته مكورنها بدون عقال ماسك في يده كيس صغير فيه فول سوداني وابتسامه على شفايفه
ومن وراه دخل خليفه شال سعيد ومعاه الدريول وشكل ريله بعد مجبسه
سعيد:اي اي شوي شوي ذبحتونيه
دخل ابوهم وراه وبعده قاعد ايهازبهم
ابو سعيد:ماتستحون على ويوهكم صباحية عرسكم وهذي اشكالكم
حط خليفه والدريول سعيد على الكرسي
سعيد:اااااي شوي شوي ياحمارريليه مكسوره
شهقت البنات من الي شافنه مازال سهيل ايوزع ابتسامات وياكل من كيسة المكسرات
ابو سعيد:هذي اشكال بالله عليكو اشكال معاريس اليوم صباحيتهم واحد يده مجبسه والثاني ريله
ام سعيد:بسم الله عليهم شبلاهم
ابو سعيد:عيالج بيبطون ماعقلو حتى لو يوزناهم...عيل حد يربع في صباحيته ويسابق له فرخ طايش سوالهم
تحدي ولحقوه عشان يسبقونه
سعيد:هذا سهيلوه مب انا انا شفت اليوم الموت الحمر اااااه ياريليه انا متاكد الدكتور ما جبسها عدل
والله احس بنار تطلع منها
طلع الاب من عندهم وبعده يهازب مستصيب منهم
قربت الام من سعيد الي يولول من الويع ويحلف ان الدكتور ما جبس ريله زين
خليفه بعد طلع عقب ما شاف العرايس متلفلفات
ام سعيد:بسم الله عليك البارحه منزلق ظهرك واليوم ريلك تنكسر
سعيد:اااه ياميه شفتي وليتج تدرين شو مستوليه بعد عديتهن طلعن عشرين وحده
فتحت الريم عيونها فاهمه شو يقصد وكح سهيل بنية تغير الكلام
الام:منهن هذيلا العشرين وحده يارك ربيه...حسبي الله عليهن
سهيل قعدت عداله سلمى وشما يسالنه عن احواله
سعيد ونظراته عند الريم:اااااه ياميه...والله انهن جناان
ام سعيد:تغربلت يا لحمار منهن هذيلا انته ماتستحي تطري لحريم وحرمتك اهنيه
سعيد:وينها حرمتيه قوليلها تي عداليه؟
ام سعيد:الريم تعالي فديتج تعالي عدال ريلج اليوم ترا لفيوز عنده ظاربه
قامت الريم مكرهه وراحت لينه وقعدت قريب امنه وعيونه اطالعها وقلبه ايفرفر من الفرحه
همس الها اول ما قعدت:هلا بالغناه تولهتي عليه؟
سكتت الريم وماردت عليه
سعيد:شفتي يالغناه شو صار اليه؟
الريم بهمس:تستاااااهل واقل من جزااك
سعيد:افااا ليش يا الغناه؟
الريم:انته تدري
سعيد:انزين تراج بردتي حرتج فيه
الريم:لا مابردت
سعيد:يعني انا غلطت...؟ حلاليه...ولاتنسين انج استسلمتيليه اخر شي
الريم بقهر وخدودها اتولع:اكرهههك
سعيد:احلى اكرهك سمعتها في حياتيه ....حبيتها والله من كثر ماقلتيها البارحه
وقفت الريم مقابل سعيد وهمست له والباقي بعيد شوي مايسمعونهم
الريم:زين ياسعيد والله والله لا اخليهن يوصلن الميه
سعيد بونااااسه وهو يقدم صوبها شوي جدام:بس هب الحين فديتج خلي ريليه تفتك اول شي
زمت الريم شفايفها بغيض وقهر والتفتت عنه منحرجه على الاخر وركضت لفوق
سعيد:الغناااه صبري صبري فديتج لاتخلينيه ورااااج
التفت سعيد متصنع الاحراج الهم
سعيد:فديتها ما تحملت اتشوفنيه بالحاله هذي وراحت فوق اتصيح
ابتسم سهيل له وحس بالي قعدت عداله بعد ما قامت سلمى وراحت اتشوف سعيد
العاش:الحمدلله على السلامه
سهيل حرك عيونه بس صوبها:الله ايسلمج
العاش:الكسر وايد؟
سهيل:هااه لا لا بسيط حتى مايستاهل الجبس
العاش:صدق عاد؟
سهيل:ايهمج؟
العاش:وانته شرايك؟
حاس سهيل شفايفه بمادري وهو يرفع كتوفه
العاش:انته مابت البارحه؟
سهيل:وانتي؟
العاش:مايانيه رقاد
سهيل:مواصله؟
العاش:هيه
سهيل:زين قومي ياله انروح نرقد
العاش:ماتبا غدا؟
سهيل:اريد بس يديه؟
قامت العاش
سهيل:تعالي وين رايحه؟
العاش:بيب غدا
وقف سهيل ومسك يدها بيده الثانيه
سهيل:شموووه خلي الخدامه تيب النا غدا فوق
ومشى جارنها وراه وصرخ سعيد
سعيد:ايييه طالع هذا؟.....تعال يا ابويه وين بتروح وبتخلينيه وراك
التفت سهيل لسعيد:خييير
سعيد:شلنيه معاكم؟
بحلق سهيل عيونه في سعيد
سهيل:بشووه اشلك بريوليه؟....اتصل على نسيبك وخله ايي اهو والدريول ايودونك فوق
عقبها كمل طريقه مع العاش وترك يدها صاعد السلم بسرعه لفوق
العاش لحقته واول مادخلت خلعت عباتها وشيلتها وعلقتهن ومشت رايحه لسهيل الي تم واقف عند البلكونه
كانت لابسه فستان بسيط بلون العشبي والبرتقالي ورافعه شعرها بتسريحه حلوه مع ميك اب بسيط
التفت الها سهيل وتقدم داخل للصاله وهو ايحس انه بياكلها بعيونه من الزين الي يشوفه
خلع سفرته واتوجه للغرفه لاكنه رجع وهو يحاول يفتح زر ثوبه الفوقي طالعته العاش وتقدمت خطوه
العاش:اساعدك؟
سهيل:انا عادة افتحها بيد وحده بس الزر هذا مادري شبلاه شكله الخياط مضوق الفتحه
مشت ناحيته:خلنيه اساعدك
مدت العاش يدها للزر وسهيل يحاول يكبت الرعشه الي صابته لاكن حتى العاش شكلها ماقدرت للزر
العاش وهيه مازالت اتحاول:اووف الفتحه وايد ضيقه والعقمه مب راضيه تطلع
سهيل:خلاص اتركيها بحاول مره ثانيه
العاش:لحضه لحضه انزل اشوي
نزل سهيل نفسه لتحت شوي وارتفعت اهيه قريب ارقبته اتحاول تفتح الزر باسنانها
غمض سهيل بقو مش قااادر يستحمل كل هالقرب
"حراام عليج يالعاش والله حرام هذا الي تسوينه فيه"
سحبت العاش الزر بقو من ثوبه بعد ماقصت الخيط باسنانها
ابتعدت عنه شوي
العاش:سوووري قطعت الزر رفع ضغطي
بعدها مدت لسانها والزر فيه
كان مرتبك بالحيييل ويحاول ايسيطر على نفسه
سهيل:زين سويتي
العاش:بخيطه لك
سهيل:مش مشكله
التفت عنها وهو ينفض راسه وسحب ثوبه ايريد يخلعه بيد وحده
العاش:اساعدك
سهيل:ما يحتاي
دخل للغرفه ولحقته العاش
العاش:اتريد شي؟
سهيل:اوووهوووه وبعدين يعني ماريد شي خليج في الصاله اذا احتجتلج ناديتج
العاش بنظره منكسره:على راحتك
طلعت وهز راسه متندم على الي قاله بس اهيه ليش تتصرف معايه جذيه يعني مسويه عمرها راضيه بالامرلا ومتعدله كل هالعداله
شو انا حيوان اتشوفنيه ما حس ولا قاصده اتسويبيه جذيه
خلع ثوبه وتم قاعد على السرير ايفكر وسرحان...فتحت الباب بشوي شوي وطلت براسها التفت الها
سهيل:تعالي
العاش:الغدا يا
سهيل وهو يتنهد:طيب بايي

شل خليفه والدريول سعيد مره ثانيه وطلعو به لقسمه حطوه على الكنب وطلعو
سعيد:الريم.....الريم
كانت قاعده في الغرفه وهيه مقهوره امنه وقررت ماترد عليه
سعيد:الرييييم ....الريم تسمعينيه تعالي فديتج محتاج الج
الريم بهمس:بتبطي خلك وتستاهل الي ياك
قامت ورقعة بالباب قوي معناه ماليه خص فيك ودخلت في فراشها بعد مابدلت خله ايولي
ويدبر نفسه بروحه
سعيد:الريم حرام عليج والله ما اقدر اتحرك اهون عليج يعني ....لحوووووه
حاول سعيد يوقف لاكنه ماقدر واختل توازنه وطاح على الارض
سعيد:اخخخخخ
الرييييييييييييييييم الحقي عليييييييييه
قفزت الريم وركضت برا وتمت واقفه اطالعه زايغه لاكن خرب عليه انه ضحك اول ما شافها
الريم بغيض:تستاااااهل
دخلت وصفقت بالباب مره ثانيه
سعيد:لا حرام عليج والله انا طايح صدق وما اقدر اتحرك
تم يتكلم بروحه ويناديها ويستعطفها لاكن مافي فايده لين ماغفت عينه وهو مسند راسه على الكنب وقاعد على الارض
قعد سهيل على الارض وين ما حطت العاش صنية الاكل
سهيل:مافي كفشه..كيف باكل جذيه
مدت يدها للصحن وخذت لقمه
العاش:اتجز من يديه؟
بلع سهيل ريجه...هلاااااا ناويه اتاكلنيه الحبيبه
مدت باللقمه له:اتريدها؟
بعده مش مستوعب غصبا عن ابو الي يابونيه اريدها
فتح فمه وقرب من اللقمه..لين ماخلص من الاكل وهو يحس بنفسه مخدر بنت دار الزين ياسهيل
قاعده اتاكلك..ياليت اقدر امسك صبوعج والحسهن تنهد وهو يشوفها تلحس الي باقي في صبوعها
راحت وغسلت ايديها ومن المطبخ
العاش:ايبلك شي بارد
سهيل:اذا في ديو هاتي
رجعتله وفتحت الديو وهيه مبتسمه
وقف سهيل وهو يحس بالناااار شابه فيه ...ليش تتصرف معايه جذيه خلاص يعني سلمت امرها
بترغم نفسها اتعيش الي قاسمنه الله الها ...بس انا ماريد جذيه ماريدها تكون بس راضيه بحياتها معايه
غصبا عنها ليش ماتتمرد عليه عشان اعلمها كيف اتحبنيه واعرف متى بدت اتحبنيه اما رضوخ جذيه لااااا
ماريد
العاش:شبلاك؟
تم ايطالعها:اريد ارقد
العاش:انزين ادخل ارقد
سهيل:وانتي؟
نزلت راسها :اذا يضايقك انيه ارقد عدالك برقد اهنيه
انتفض من كلامها وما قدر ايرد عليها وهو رايح للغرفه
قبل لاتدخل العاش سمعته ايغني وهو منسدح على السرير واول ما دخلت سكت كآن الغنيه كانت حزينه
حبس انفاسه وهو ايحس ابها دخلت للفراش عداله وهو ملتفت عنها للجهه الثانيه
وماخذ وقت الا وهو غاط في النوم
.................................................. ......
حمد كان راقد بعد ويده تلمس شي ناعم تحت المخده الي عداله قرب راسه ودفنه تحت المخده الثانيه
عقبها قام معصب وسحب الشعر الي تحت المخده وصرخ
حمد:انا ماريييدك انته ماريدك انته انا اريدها اهيه ....اريدها اهيه انته شوووه انته حياله شعر
ماتحس حتى ريحتها منك اختفت ...ارييييدها اهيه
كتم حمد الغصه الي فيه وهو ينشل الشعر كل شويه امنه في مكان
حمد:ماااااريييييدك انته اريدها اهيه
قام ونفض افراشه وطلع للصاله مسك تيلفونه واتصل عليها لاكن الخط عطاه مغلق
تيلفونها تحت كرسي ابوه وفضت بطاريته
حمد:شوووه يا امل يعني يوم وصلتج الرساله اغلقتيه...ماتبين شي منيه خلااااص لهدرجه انا اذيتج وتكرهينيه
قهر وويع وضيقه كابته على صدره خص من شاف زولها البارحه وهو مش في حاله
طلع وصفق بباب الشقه مايدري وين ايروح ..امه وابوه راحو الذيد عند قرايب الهم اهناك
مايبون البيت عقب ماراحن البنات وانته يا حمد وين بتروح ولاحت في راسه فكرة السفر
سعيد قام على ويع رقبته من رقدته:اااااه ...الريم الريم وينج حرام عليج انا مقدر اتحرك
نفسيه اعرف بس منو داعي عليه؟
"يعني منو داعي عليك هل المنتدا كلهم دعو عليك"
سعيد:عاد لو ادري منو داعي عليه جان...اخ ظهري...جان قلت الله ايسامحكو
الريييييم الريم حرام عليج هذي حالة معرس هذي ريليه مكسوره وظهريه ايعورنيه وبهمس قال هذا غير العض الي كلته منج
تعب سعيد وهو ينادي عقبها اتصل على الدريول وقاله اييه فوق وبعد ماياه طلب امنه ياخذه للميلس
سعيد:وقل للخدامه اطالعليه ثياب عندها وهاتهن اليه في غرفة الضيوف الي في الميلس
اتصل عقب بربعه كلهم وقالهم ايونه خل الريم تستريح فوق بروحها..عصب الريال
وكان حاسد سهيل الي ماياهم لين عقب المغرب
فتح سهيل عيونه وانتبه ليده المجبسه
سهيل:اااه
التفت عداله وشافها راقده وبصعوبه التفت اكثر وتساند على يده الثانيه وتم ايطالعها مثل الحلم مازال ايشوفها
فتحت اعيونها واول ماشافته ابتسمت وغمضت عيونها
دق قلبه..هذي شبلاها تستهبل قاعده
قام بسرعه متجاهل يده وقعدت اهيه بسرعه واهيه اتشوفه يسحب كندورته المعلقه وسفرته ويتوجه للباب
العاش:وين بتروح؟
سهيل:مالج خص
صفق الباب اهو بعد وراه وطلع من القسم ونزل للدور الثاني لغرفته القديمه
بعد ربع ساعه عقب ما صلى وكان قاعد على سيادته دخل عليه خليفه
خليفه:اوووه المعرس انته اهنيه شو تسوي
سهيل ابتسم:ماشي فديتك ادور سويج النيسان
قعد خليفه على طرف السرير وتم يتكلم مع سهيل عن الحادث الي صارلهم الصبح في الوقت هذا كانت الريم طالعه من قسمها وسمعت صرخة خليفه
خليفه:في ذمتك سعييييييد؟
اقتربت اكثر من الباب تسمع شو يصير داخل
خليفه:سعيد الي كان ايسوق لالا ماصدق؟
سهيل:والله يا خليفه لو اتشوفه ماتصدق انه اهو سعيد ..اقولك الريال اتغير عليه فجئه مب اهو اخويه الي احيده
من اتصلت عليه مسودة الويه واهيه تضحك واتقوله:هذولا الي بيادبونك وباياخذون حقيه منك
خليفه:من هم؟
سهيل:الشباب الي في السيارات الثلاث الي يلحقنا....شي خيال ولا في الافلام..سياره ورانا وسياره جدامنا وسياره قاعده تضرب فينا ومن يانا التيلفون اجتلب حاله قام ايدور بالسياره واهيه في مكانها وعقب من بعد ماكانو يلحقونا قعد
اهو وراهن اقولك شو سوابهم عمري ماتخيلت سعيد في يوم بيسوي جذيه تم وراهن لين ماخلا وحده تدعم في عمود الكهرب
ورجع للثانيه وتم وراها لين مانفدها...والثالثه ماشفنا الا غبرتها لحقها سعيد لين ما طلعت في ويوهنا سياره لف قوي
وانجلبنا
خليفه:انزين منيه هذي الي اتصلت اتهدد؟
اخبر سهيل خليفه كل شي عن سعيد وعن سلامه والي سوته لسعيد في طفولته والاثار الي
اثرت عقب على سعيد كانت الريم تسمع وهيه تحاول تمنع شهقتها سمعت خليفه وهو يلعن الحرمه
وشكله ثار من الموضوع وبالزور قدرت تحرك ريولها وترجع لقسمها اول ما دخلت شهقت بصوت عالي واهيه اتصيح
اتصلت ام سعيد على البنات وقالت الهن ان في حريم يايات ايريدن ايسلمن على العرايس
الي عرفو ان سفرهن اتاجل بعد حادث الشباب
دخل سهيل القسم وشاف العاش قاعده وقفت اول ما شافته
سهيل:شبلاج
العاش:سويتلك جاهي وسندويجات
مشى سهيل ناحيتها وقعد على الكنب ومد يده على السندويج بعدها رفع نظره الها
سهيل:بلاج واقفه؟
العاش:خالوه اتصلت واتقول عندها حريم ماعليه اروح
سهيل:حد مسكج...اكوه الباب
تمت اطالعه بنظرات مافهمها وعقب مشت رايحه للغرفه
كشخت ولبست احلى فساتينها وتركت شعرها مفتوح ومكياج بسيط ولبست مجوهراتها
تعطرت قبل لاتلبس عباتها دخل سهيل الي حس بويع راسه اول ما شافها
العاش:قبل لا انزل تبا شي؟
سهيل وهو يفتح الكبت ويطلع له كندوره:اصبري بنزل معاج
تلعوز في لبس الكندوره وتقدمت امنه العاش
العاش:اول شي دخل يدك المجبره
ومسكت معاه الثوب اتساعده وعلى طول اول ما طلع راسه عدلت له الثوب وبدت اتزر الازرار
مع ارتفاع دقات قلبه الي يحس انهن بيفضحنه
التفت عنها:ماشفتي لعقال الثاني وين
العاش:موجود
يابت لعقال ومسكه في يده وطلع لبست عباتها والشيله وطلعت وراه
في الممر الي جدام قسمهم كانت في مرايه كبيره معلقه في الجدار وقفت العاش تتاكد من مكياجها
وشافت انه ماحطت كحل في عينها داخل فتحت شنطتها وطلعت الكحل وجمدت يدها اول ماوقف سهيل وراها
ايعدل عقاله كان اطول منها ماكانت عندهم مشكله
ماسك عقاله وعيونه عليها واول مارفعت عينها له انشغل بالعقال انحرجت اتكمل كحلها او لا لاكنها
قررت اتكمل وانتفضت اول ما سمعته ايغني
سهيل بصوت عذب ميت خلاص: رعش قلبي سحر عينك...وانا مقدر على الكتمان
ذكرت الله على زينك ...يحفظك من حسد لعيان
رعش قلبي سحر عينك... وانا مقدر على الكتمان
ذكرت الله على زينك...يحفظك من حسد لعيان
ارتعشت وزادت دقات قلبها حطت القلم في الشنطه وخطت خطوه عشان ينزلون لتحت لاكنه رجع ايكمل اغنيته وهو يتبعها
الامنك تخطيتي ...ترى قلبي يسمي لك
واذا عني تعديتي ...لولا الخوف انادي لك
لولا الخوف اناااااديلك

مسكها من يدها ودخلها معاه في الاصانصير الي ما كانت تدريبه رفع عيونه لفوق وعقب رجع ايطالعها
وبعده منسجم في اغنيته
لشوفك شوق يدفعني ...لصوتك نفسي لو اسمع
كذا شي عنك يمنعني ...ولغير النظره ما اطمع
ترى عيني رات حلوين ...ومثلك في البشر نادر
في غاية روعة التكوين...هنيـــــــــالك لها قـادر
هنيـــــــــــــــــالك لها قادر
على كل البشر اغليك ...وانا لك روح مرهونه
اذا كان النظر يرضيك...عطاك العاشق عيونه

فتح باب الاصانصير وطلعت العاش بسرعه وهيه حابسه انفاسها سهيل طلع بعد لاكنه
خذ الطريق الثاني وصوته بعده يوصل العاش الي سندت نفسها على الجدار اتحاول اتوقف
دقات قلبها
اذا غبتي عن اعيوني ...اعيش بحسرتي وينك
حياه من دونك ودوني...يباعد بيني وبينك
يباعد بينك وبيني
واختفى صوته وهو رايح لميلس الريايل الخارجي
نزلت دمعه حاره على خد العاش ماتدري شو تسوي او كيف تتصرف معاه واتقوله بالحقيقه
المشكله انها ماتريد تتكلم على حمده وتشوه صورتها
اتفاجئت العاش بالريم الي نازله وشكلها ابدا ما يطمن
العاش:الريم شبلااج
الريم:العاش انتي وين انا رحت ادورج
العاش:احنا نزلنا بالاصانصير...انتي شبلاج ليش شكلج جذيه مابتروحين صوب الحريم
الريم:انا هب فكارهن الحين الحريم انا اريد اشوف سعيد
وبعبره قالت واهيه اتصيح:تدرين يالعاش شو صارلهم اليوم؟
مسكت العاش الريم وسحبتها لغرفه من غرف الضيوف الي تحت واخبرت الريم العاش بكل الي سمعته
الريم:مادري يالعاش هالحين شو بقوله او كيف...ورجعت اتصيح
العاش:الريم فديتج خلاص عاده الحمدلله انج عرفتي السالفه اليوم قبل لا تتازم الامور اكثر
وعندج العمر كله بتعوضونه مع بعض يالله خلاص قومي خلينا انروح فوق عشان اتبدلين
الريم:ماليه خاطر اريد اشووفه
العاش:بتشوفينه شو بتقولين له؟
الريم:مادري؟
العاش:يالله فديتج خالوه ترقبنا من اصبح
الريم:ماليه خاطر اقعد عند الحريم
العاش:عشان خاطر خالوه

كان سعيد منسدح وحاط وحده من ايدينه على عيونه وهو يحس بضيقه من صدها له صرخ غنوم الي كان قاعد عداله وماسك
قلم
غنوم:يييييسسسس هذا التوقيع ولا بلاش
دخل سهيل ورفع حواجبه فوق:انته شو تسوي؟
التفت غنوم له:اشرف اخوك بتوقيع منيه على جبس ريله اتريد انته توقيع بعد
سهيل واعيونه اتجول على الخرابيط المكتوبه على ريل سعيد
سهيل:متاكد ان هذا كله توقيع
غنوم:يس افكورس
سهيل:انته نسيت ان الريال معرس وان في عروس بتشوف هالريل
سعيد وبعده على وضعه:خله ايسوي الي يريده ريليه وانا حر فيها...وقع وقع يا غنوم
غنوم بونااسه:بوقع لك توقيع ثاني عالمي
هز سعيد راسه يعني كمل
سهيل وهو رايح للشباب الي قاعدين قريب منهم:الله ايزيدكم عقل
طول الوقت الريم متواكله وقلبها محروق اتريد اتشوف سعيد احساس بتانيب الضمير ذابحنها
وكل شوي شافت ساعتها لاكن الي كانت اتريده ما صار بعد ماراحن الحريم وراحت بعد سلمى وشما على الساعه
اثناعشر اتصل سهيل بالعاش وقالها اتبات عند الريم لان سعيد ارتفعت حرارته وبيودونه المستشفي وبيتم عنده
حاولت العاش اتخلي الموضوع عادي حق الريم الي ما قدرت تستوعب اهيه شو تقول وبدت اتصيح وتطلب منها تتصل لسهيل
ايي ياخذه صوب سعيد
العاش:الريال معاه ربعه انتي وين بدزين بالويه ان شا الله انه بخير تراها الا حراره بتنزل
الريم:قلبيه محرووووق محروووق اريد اشوفه
وتمت اتصيح والعاش اتهديها
طلعن لقسم الريم وبعد ما هدت الريم راحت العاش وخذتلها اغراض من قسمها ورجعت للريم
على الساعه ثلاث دخل سهيل قسمه وهو متوله واااايد الها وايريد ايشوفها لاكنه تذكر انها عند الريم
انسدح في الصاله وتم يجلب في القنوات
"معقوله بس ليله وحده قضيتها معاها واحس انيه ماقدر ابات الليله الثانيه بدونها"
الريم:العاش قومي اتصلي على سهيل اساليه عن سعيد
العاش:مابتصل قلتلج مابتصل هالحين هم اكيد رقود
الريم:حرام عليج العاش
العاش:بتكلمينه انتي؟
الريم:وانتي شو مشكلتج معاه ليش ماتكلمينه
سكتت العاش وما ردت
الريم:فديتج العاش كلميه عشان خاطريه والله ما اقدر ارقد واحس بضيقه كابته على صدريه
مسكت العاش التيلفون وهيه متردده وبعدها اتشجعت واتصلت وهيه اصلا مشتاقه تبا تسمع صوته
رن التيلفون عنده وقفز قاعد اول ما شاف رقمها
سهيل:الووو
العاش:.....
سهيل:العاش في شي؟
العاش:ا ا اخباركو
سهيل:تمام
العاش:ا ا الريم تبا تطمن على سعيد
سهيل :قوليلها ايسرج حاله بخير وعشانج عندها ماحبينا انوعيكن واهو تحت في غرفة الضيوف الي تحت
اعتدلت العاش:شووو انته وين
سهيل وقلبه يدق:انا فوق
العاش:يالله اخليك
سكرت التيلفون ونطت واقفه تجمع كريماتها واغراضها الي على التسريحه
الريم بنظرات استفهام:شو صاااار
العاش:قومي يالخبلا ريلج تحت في غرفة الضيوف
ابتسمت الريم من وسط دموعها:صدق...وانتي شو تسوين
العاش:الم سمانيه قبل لا تطلعين وتنسينيه وراج
الريم:هههه اهو بروحه محد عنده
العاش بابتسامه :بروحه بروحه ياله خذي الي تبينه وروحيله
في الممر وهن يمشن رايحات لين السلم ضحكت العاش واهيه تهمس للريم
العاش:يقول الي يبي القمرا وهو بحبها مولع اما هيه تنزله ولا يروح لها ويصعد
الريم:هههههه ياله باااي
ابتسمت العاش واهيه تشوف الريم تنزل بسرعه ورفعت راسها لفوق مستعده للصعود عند سهيل
##

1 - 4 - 2015, 01:18 PM

الجزء الخامس والثلاثون

في غرفة الضيوف تحت كان سعيد راقد ورافع ريله وتحتها خمس مخدات ابتسمت الريم اول ما شافت شكل ريله..وحطت يدها على
فمها مانعه ضحكتها من التوقيعات الي موقعنها غنوم على ريل سعيد
تمت اطالعه وقلبها ايدق هذا اهو حبيبها الي اشتاقت له وايد
سعيد نايم بثوبه وازرار ثوبه مفتوحه وخصايل شعره نازله من جدام على جبينه
قعدت الريم قريب امنه تتامله تتامل حبيب الطفوله الي من يوم كانت صغيره وهيه تكن له مشاعر غير
عن الباقي كانو دائما يلعبون وكان دائما سعيد يختارها اتكون عروسه خبيث من يوم كان صغير
هيه ما نست هذيج الايام ودائما اتشوفه اهو غير كان ايدافع عنها يختارها عروسته او الممرضه الي تعالجه وكبرت الريم وكبر حب سعيد في قلبها
تنتظر دائما روحتهم لبيت خالتها او ييتهم الهم سعيد من بلغ سن البلوغ تغيرت افكاره ونسى سالفة الريم وانشغل
بافكار الشباب والحياه المقبلين عليها سيراته لبيت خالته قلت وحتى الايام الي يون فيها لابوظبي كثير كان كل اوقاته برا البيت
ولانه دائما تسمع سلمى وشما يتكلمون عنه كانت تفكر فيه وايد واذا درت انه موجود في مكان كانت اتروح وتراقبه من بعيد
شكله تغير وكبر وشكل اللحيه بدت تطلع فيه كل هالسنين الريم حب سعيد يكبر معاها وسعيد ماعنده خبر
واخر مره شافته قبل لا يخطبها كانت عندهم في البيت وكانت الصاله متروسه حريم وريايل
بعض البنات متغطيات ومن ضمنهن الريم يوم دخل سعيد وسلم على الكل وتم يمازح امه وخالته
كانت ماخذه راحتها واهيه اطالعه اهو ماكان يعرف من الي موجودات وبعدها بفتره خطبوها له
وكان شي مب في الحسبان وصلت سعادتها للسما ورفضت انها تطلع عنده من شدة خجلها وخوفها ان مشاعرها تفضحها حتى بعض الاحيان اذا كبس عليها اذا زارهم في العين كانت تتغطى
وتقنعه العاش ان هذي صديقتها بنت الجيران وهو كان وايد ايزورهم على امل ايشوفها واول مره شافها في لستور يوم فاجئها واغمي عليها
تنهدت الريم واهيه تتذكر الي صار الها عقب معاه والمشاكل والاحزان الي مرت ابها....الحمدلله هالحين وضحت الصوره
حزنت وايد عليه من الي سمعته ونوت اتعوضه بحياه ثانيه ما يتخيلها وبينها وبين نفسها قررت ماتفتح له موضوع
سلامه والي عرفته عنه...دامه ماتكلم خله على راحته
فتح سعيد عيونه واتفاجئ بالي قاعده اطالعه
سعيد:الرييم؟!!!!!!!!!!!ّ
رفع راسه عن المخده
الريم:خلك مكانك ارتاح
سعيد:انتي شو يابج؟
وقفت الريم:وان شالله تبانيه ارقد بروحيه فوق
سعيد:العاش مب عندج؟
الريم:العاش اتصل عليها ريلها وقالها تعالي وانا تميت بروحيه ولو ما انا ما اخاف جان بت بروحيه
تم سعيد ايطالعها ما يعرف شو يقول وهو يشوف عدالتها ولبسها الي دوخه
الريم بتوتر من نظراته:انا هالحين وين ببات وانته راقد على شبريه نفر ونص هذا غير ريلك الي ماخذه
نصف الشبريه
ماعرف شو يقولها
الريم:بشوف الكبت يمكن احصل اليه فيه فراش
فتحت الكبت وحصلت فراش خذته وفرشته قريب امنه
تم ايطالعها واهيه تستعد للرقاد
سعيد:يعني من الروع تنزلتي وييتي ترقدين اهنيه؟
حطت الريم راسها واهيه ملتفته لجهته:هممم
سعيد:يعني اذا احتجت شي في الليل ما اوعيج
الريم:ايكون احسن اصلا انته منو كنت بتطلب مساعدته؟
سعيد:بتصل على الطباخ ايي ايساعدنيه
الريم واهيه تنجلب على ظهرها واطالع سقف الغرفه:هالحين بتفهمنيه انك ما تقدر تتحرك بريل وحده
ليش ما تنقز على الثانيه
سعيد:وظهريه؟
اعتدلت الريم بسرعه ووضح الخوف في صوتها:شبلااه ظهرك
ابتسم سعيد:ظهريه ايعورنيه
الريم:انزين خلاص بساعدك امري لله
سعيد:ان شالله ما حدج على مساعدتيه وانتي ما تبين
التفتت الريم للجهه الثانيه عشان ماتفضح نفسها لان قلبها عورها عليه
حطت راسها وبعد شوي قعدت
الريم:سعييييد تسمع الي اسمعه؟
سعيد باستغراب لانه ما سمع شي:شووه؟
الريم:اسمع صوت ايخوف
سعيد مستغرب يعني شوايخوف:ما اسمع شي؟
وقفت الريم واقتربت امنه:اسمع هااه انا اسمعه يعني اجذب عليك؟
حاول سعيد يسمع زين لاكنه ما سمع:كيف اهو الصوت؟
الريم وعيونها ادور الصوت:هااه اسمع تسمع؟
ابتسم سعيد:صوت شووه يمكن انا متعود اسمع الصوت هذا واعرف اشووه اهو
الريم واهيه تمسك طرف لحافه وترفعه وبعدها واقفه قريب امنه:الصوت واضح انه شي ايخوف
انتفض قلبه واهو يشوف يدها الي ترفع اللحاف....اللــــــــــــــــــــــــه ناويه ترقد عداليه الحبيبه
سعيد:لحظه لحظه...خلينيه اسمع زين
تمت واقفه اطالعه
سعيد:اوف شو هالصوت تونيه سمعته
في خاطرها تبتسم لانه اخيرا فهم
الريم:تسمعه صدق؟
سعيد:صوت شوه هذا؟اول مره اسمعه
قعدت الريم عداله واهيه ترفع ريولها ادخلها عداله وهو يلز شوي عشان تاخذ مكانها عداله
الريم:يامييي انا خايفه
سعيد:افا ياذا العلم اتخافين وانا عندج؟
الريم:وانته شو بتسوي وريلك مكسوره
سعيد:والله انيه اقدر وايد اسوي تعالي بس انتي ارقدي
نامت الريم على يده مدعيه الخوف وهو يلفها بيده ويقربها امنه اكثر...اااااه يدري انها اتحبه
كل شي فيها ايقول انها اتحبه وما غصبها على الزواج الا وهو متاكد انها اتحبه
سعيد وهو يحضنها اكثر:خلك قريب ياراعي الصوت تحمل تروح بعيد
ابتسمت الريم وكبتت ضحكتها الي حس ابها سعيد واهيه في حضنه
سعيد:فديت انا الصوت وراعي الصوت
..................................................
دخلت العاش قسمها ونقز سهيل واقف ايشوفها وهو يحس بدقات قلبه بتفضحه
سهيل:ليش ييتي؟
العاش:الريم نزلت عند سعيد
تم واقف ايطالعها واهيه ارتبكت وما عرفت شو تسوي عقبها راحت للغرفه وهو واقف ايطالعها
تمت العاش في الغرفه فتره طويله وسهيل تاركنها بروحها وهو ينتظرها تطلع واهيه تنتظره يدخل
حست العاش انها بدت اتعصب امنه مسكت تيلفونها وقعدت اطالع الرسائل الي فيه وتمسح رسال حمده
الي من اصبحت واهيه اتطرش الها ابيات شعر فيها عتب ولوم وفراق والعاش متجاهلتنها
دخل سهيل وتم واقف منصدم انها مشغوله بالتيلفون
سهيل:انتي شو تسوين؟
رفعت له نظرها:ما شي
اتقرب منها وكانت توها اتريد تمسح الرساله..مد يده وخذ التيلفون تم واقف ايطالع الرساله والرسائل الثانيه
عقب وقف ايطالعها وفعيونه نظرات مافهمتها العاش...ايحس انه منقهر منها
سهيل:يامدام انتي هالحين متزوجه والحركات هذي اتركيها
العاش:شقصدك؟
سهيل:التيلفون هذا بشله وبيب لج تيلفون ورقم ثاني
العاش:بس انـــ...
سهيل بحده:بلا بس
سكتت عنه ونزلت راسها تحت
طلع من الغرفه صافق الباب وراه
نزلت دمعتها واهيه مقهوره امنه ومن حمده وسالفة رسالها...المشكله ان الرسائل كلها ابيات شعر
لين الساعات الاولى من الصباح والعاش ما ياها النوم وسهيل نفس الشي

فتح سعيد عيونه وشاف الريم الي رجعت ترقد في فراشها بعد ما ازعجها بحركاته وقبله طول الليل
سعيد:الريم
التفتت له:نعم
سعيد:وقف الصوت عشان ترجعين ترقدين تحت؟
الريم:هييييه
سعيد:صدق صدق ليش رحتي ترقدين تحت؟
الريم التفتت للجهه الثانيه وابتسمت:لانك وقح
سعيد:ههههه...فدييتج
الريم:ممكن تسكت اريد ارقد شويه
سعيد:ااااه وانا اريد ارقد والله
دقايق وراح سعيد في سابع نومه...قعدت الريم وقربت امنه
الريم:اخيرا رقدت
قامت الريم ولبست عباتها وقربت امنه وتمت اطالع ويهه قبلته على جبينه
الريم:فديت روحك
قامت والتفتت وتوها بتطلع
سعيد:الريم
وقفت منصدمه ومتروعه انه درا بالي سوته رجعت له
الريم:نعم
سعيد:وين بتروحين؟
الريم:باروح فوق ابدل
سعيد:وانا
الريم:انته شوووه؟
سعيد:بتخلينيه بروحيه
الريم:ياويليه عليك بيبي؟
سعيد بنظرات طفوليه هز راسه
الريم:شتريد؟
سعيد:مابتساعدينيه ؟
الريم:لاا
التفتت بتروح
سعيد:الريم
الريم:نعم
سعيد:احبج
الريم:لووووتي
طلعت وراحت فوق جمعت كل الاغراض الي تريدها وملابس سعيد وترست شنطتين وطلبت من الخدامات ينزلنهن تحت
بعدها لبست لبس مغربي جناان وتمكيجت ونزلت للمطبخ جهزت لسعيد الفطوروبخرت البيت اتحس بفرحه وشعور غريب
طلع سعيد للصاله متكي على عكازه وشاف امه في طريقه سلم عليها
ام سعيد:يامرحبا بالغالي ان شالله اصبحت اليوم بخير
سعيد وعيونه تلمحها عند طاولة الفطور:الحمدلله يالغاليه
ام سعيد:حياك اليوم حرمتك مسويه الريوق
قرب منها وهو يطالعها التفتت له وابتسمت رفع حواجبه واشارت لامه
سعيد:عشان اميه يعني
الريم:اكيد عشان منوه عيل
ابتسم سعيد وهو يتذكر شو سوت قبل لاتطلع

فتحت العاش عيونها وريحة عطر سهيل تارسه الغرفه قعدت بسرعه والتفتت ناحيته وشافته واقف جدام
المرايه وهو يعدل عقاله تلومت انها اتاخرت في النوم
العاش:كم الساعه؟
سهيل بطنازه:كملي رقادج الوقت بجير بعده
قامت واقفه:انته وين بتروح اصبر بسويلك ريوق
سهيل:ما يحتاي بنزل تحت اتريق
طلع وتركها وتمت اهيه واقفه ومتضايقه
نزل سهيل وحصل امه وسعيد واطلق صفير على ترتيب الريوق والبخور الي ايفوح
سعيد:هاااه معرسنا ماجنك ترقد وايد وانته الي كنت اتقوم من وقت
ابتسم سهيل وقعد متجاهل غلاسة سعيد اما الريم فراحت للغرفه الي باتو فيها
وغيرت من شكلها بالكامل بمساعدة الخدمات غيرت مكان السرير والتسريحه واضافت للغرفه لمساتها من مفارش وشموع
وشمعدانات واجرار نزلتهن من قسمها وسوت جو رهيب في الغرفه لانهم اكيد بيتمون طول فترة
ما سعيد ريله مجبسه حتى مفرش الزفه نزلته وعطرت الغرفه وبخرتها وعقب طلعت عندهم برا
كانت العاش نازله وسلمت على الريم والي شافتها اليوم غير شي غريب يشع من عيونها وفرحه
العاش:الريم اليوم انتي غيير اتجننين
الريم ابتسمت:اكيد غير هههه
كانت العاش لابسه فستان بسيط وحاطه مكياج بسيط دخلت مع الريم للغرفه الي صارت لسعيد والريم
العاش:اللـــــــــــــــــــه شو سويتي بالغرفه
الريم:حلووه؟
العاش:اتجنن
الريم:بتعجب سعيد؟
العاش:وليش ماتعجبه؟تعالي قوليليه اخبارج معاه
الريم:العاش سعيد ايجنن فديته الحمدلله ياربي
ابتسمت العاش فرحانه لاختها
العاش:الحمدلله
سمعت العاش والريم اصوات سهيل وسعيد عند الباب
وقفت العاش وعدلت عباتها ولفتها زين
دخل سعيد الي كان متكي على سهيل
سعيد:اوب سهيل اظني اننا مغلطين في الغرفه مب اهيه الي احيدها
سهيل:هااه ياريال اكيه حرمتك
الريم:حياكم تراها الااهيه الغرفه
سعيد تم ايطالع ترتيبات الغرفه وايحس بفرحه معقوله كل هذا مسواي اليه شو سالفتج يالريم
احس انج راضيه عنيه والله احس بنظراتج غيير
العاش:احم احنا بنطلع
طلعت العاش ولحقها سهيل الي وقفها في الممر
سهيل:تعالي انتي
التفتت له:شووه
سهيل:اشوف شو لابسه؟
انحرجت امنه
العاش:لابسه فستان
سهيل بصوت عالي شوي:اشوووف؟
كشفت العاش عن لبسها
رفع سهيل صبعه وهو ياشر لفوق
سهيل :روحي فوق وبدلي هالبس
العاش:هااه بس انا لابسه عباه
سهيل:وانا قلت سيري بدليه سكت الج البارحه بس اليوم مابسكت لبس فساتين ما اريد تحت
ومثي هالمكياج ماله داعي
نزلت العاش نظرها تحت متحقره امنه لاكنها قويه وما بتستسلم لدموعها جدامه رفعت راسها
العاش:ان شالله
مشت متخطيتنه وراحت لفوق
تم سهيل واقف وهو متضايق من نفسه بعدها راح وطلع من البيت
؟

سعيد وعيونه تتبع الريم الي تتحرك في الغرفه اترتب بقية عطوراتها
سعيد:يعني خلاص قررتي انتم اهنيه
الريم:عشان الدريول مسكين مافيه كل شوي وداك فوق
سعيد:وانتي
الريم:انا شبلانيه
سعيد:بتمين معايه؟
الريم:شو اسوي بخالوه قالت قعدي عند ريلج
سعيد:اااه يعني مش عشان الصوت البارحي؟
ابتسمت الريم وهيه مشغوله بترتيب العطور
الريم:اظن الصوت كان صوت الدروازه
سعيد:اااه اتصدقين حتى انا شكيت
سعيد حس بتغير الريم الي بدت تتعدل اكثر والابتسامه ماتفارق شفايفها لاكنها ما اعترفت له انها
راضيه بالي تسويه وكل شي اتسويه اتقوله انها مضطره اتسويه سعيد فهم الها وقام يلعب معاها نفس لعبتها
اتقرب منها واهيه واقفه عند التسريحه واهو يعكز على عكازته ترك العكازه قاصد
صرخ مستنجد بالريم الي التفتت بسرعه واتداركته لاكنه فقد توازنه وطاحو مع بعض على الارض وهو في حضنها
سعيد:اووه اسف عورتج؟
ارتبكت:انته اتعورت؟
سعيد:شويه ركبتيه عورتنيه بس مشكور انج ساعدتينيه
الريم:اوكيه ممكن اتقوم؟
سعيد:لاا قصدي ما اقدر يعني ما اعرف كيف اقوم؟
تمت اطالعه:ترانيه فاهمه هالحركات
سعيد باستعباط:اي حركات؟ صدق انا ما اقدر اتحرك ريليه ما تساعد
الريم:وشو خص ريلك؟ فيك ايدين تقدر اتساعد نفسك
سعيد بابتسامه خبيثه:ليش ماتريدين اتصدقين كيف اقوم يعني؟تبينيه انادي اميه ترا الباب مفتوح مش مقفول
شهقت الريم وسحبت نفسها بعيد عنه اعتدل اهو وطاح على ظهره وسحبها لحضنه قبل لاتبتعد
سعيد:هههه عنبوك يالروع ترانيه ريلج شو المشكله
سكتت الريم وبعدها مستسلمه لضمته
سعيد وهو ايزيد من ضمها:الريييم احسج اليوم غييير انتي راضيه عنيه
ابتسمت ورفع راسه ايطالع ويهها ويشوف ابتسامتها ودعست راسها اكثر في صدره
سعيد:ياويل حاااالك ياسعيد والله انها راضيه عنك فديت روحج
تمت الريم ساكته
سعيد:الريم سامحينيه على كل الي ياج منيه والله ما تستاهلين الي صار كله انا ادري انيه قسيت عليج ولعوزتج معايه بس انا عنديه اسبابيه
يمكن في يوم اقولج اياهن بس صدقينيه انتي الوحيده الي ملكتي القلب وكل البنات الي مرن في حياتيه ما
يعنن اليه شي
قرصته في صدره
سعيد:ااوج انتي اسمعينيه بس كل الي قلته لج من قبل نصه خراطه تذكرين البوكسات الي شفتيهن في غرفتيه وعليهن حرف الاس
بس اوعدينيه ما تقولين للعاش هذيلا كلهن حق سهيل انا ما اعرف السوالف هذي
انصدمت الريم من الي تسمعه ورفعت راسها اطالعه
سعيد:صدقينيه انا تلميذ عند سهيل راعي لمغازل الحقيقي
انا كانت اليه اهداف بس اهو رايح في عينها ومن حب العاش ترك كل هالسوالف لانها اشغلت قلبه من انه ايطالع غيرها
الله يصلحه دايمن بلاويه ايعقها عليه
رفعت الريم راسها اكثر وتمت اطالعه
الريم:صدق سعيد؟ يعني انته ماعندك اي علاقات
سعيد:ما بجذب عليج كانت علاقات الها اهداف بس كلهن والله مايسون التراب الي تمشين عليه
الريم بابتسامه:اتحبنيه؟
سعيد:يووووووووه الا اموووووت فيج الريم انا عنديه كلام وايد اريد اقوله لج
انتي ماتدرين شو سويتي فيه في الفتره الي فاتت...والله والله يالريم من اول يوم شفتج فيه في لستور وانا
احس شي ايصير في الي بين ضلوعيه
طالعته الريم:الي اهوه؟
سعيد:هذا هههههه اقصد قلبيه
الريم:بس انته جرحتنيه بكلامك هذاك اليوم في غرفتك
سعيد:لاتلومينيه فديتج كنت تونيه اعرفج وبصراحه ارتبشت وانا اشوفج اتصيحين وانتي ماتدرين عن البلا الي كان فيه
كانت فاهمه شو يقصد بس سوت عمرها مش فاهمه
الريم في محاوله اتغير الكلام:عيل سهيل هو الي طلع مغازلجي؟
سعيد:عنده دكتوراه فيها بس حاليا ترك كل شي في سبيل بنت دار الزين مثل مايقول
ام سعيد واهيه واقفه عند الباب:وااايه شمطيحنكم عند التواليت ماشي شبريه
عضت الريم شفايفها منحرجه
سعيد:امـــــــــــيه ههههههه ماتعرفين ادقين الباب
ام سعيد:عاده انا شدرانيه نسيت انكم اهنيه
قامت الريم بسرعه واهيه منحرجه ووجهت نظرات غاضبه لسعيد الي فطس من الضحك
سعيد:زين جذيه غيضتيبها انا ماهقيت امسكها
ام سعيد:تغربلت هذا وانته ريلك مكسوره اتسوي جذيه....
سعيد:هههههه كملي عيل وين لو ريليه مب مكسووره
الريم باحراج:سعييييد
سعيد وهو مازال طايح على الارض:ياقلب سعيد وروحه وعمره
انحرجت الريم اكثر وطالعت خالتها منحرجه
ام سعيد:الله ايعينج عليه بس...اسمحوليه عاده مره ثانيه بدق الباب
اما سهيل فالامور اتازمت عنده وصار يقضي اكثر اوقاته برا البيت مما احرج العاش الي لاحظ الكل انها بدت
اتقل عدالتها ولبسها صارعادي وكله بسبب اوامر سهيل...الليل كان يقضيه جدام التلفزون والصبح بعد ما تصحى العاش وتطلب امنه تنزل تحت
يدخل الغرفه ويرقد
الريم وسعيد عايشين الرومانسيه وهم مش معترفين بالي ايصير امبينهم طبعا وسعيد زايد الدلع حبتين
مر اسبوع وراح سهيل للدكتور وفتح عنه الجبس لان ايده مش مكسوره بس فيها شعره
الليله العاش لبست فستان رهيب وما كانت تدري ان فتح جبيرته وتعدلت بعد ما اقنعت نفسها انها لازم اتحل الوضع الي بينهم
اول ما دخل سهيل القسم وشافها صرخ عليها
سهيل :شووو هذا؟ اشوف كلاميه مب ماشي معاج
التفتت له العاش منصدمه من صريخه
سهيل:انا ما قلت ماريدج تلبسين اللبس هذا تحت
العاش:سهيل انا ما بنزل تحت
سهيل:لا والله وحق منوه لابسه هالبس؟
سكتت العاش واهيه اطالع تحت اتحاول واتحاول ماتنزل دموعها
رفعت راسها:خلاص بعقه
مرت من عداله ومسكها من يدها:حق منوه؟
رفعت راسها له:مب حق حد..ممكن اتخلينيه اروح ابدل
انتبهت اهنيه ليده الي مافيها جبس وكان ماسكنها ابها من قهرها امنه سحبت يدها بشويش وراحت لداخل الغرفه
بدلت وغسلت ويهها ودخلت في لفراش على طول
كل ماحست انها اتريد اتصيح تمنع نفسها مدعيه القوه وان مافي شي يستاهل انها اتصيح عشانه
تم سهيل ايطالع التلفزون وهو يفكر حق منوه متعدله معقوله حقيه اتريد يعني تقنعنيه انيه ارضى بالحال هذا كيف ارضى
وانا كل يوم توصلنيه على تيلفونها ابيات الشعر الي ادل على حال راعيهن وحمده هذي بعد تبالها اتكفيخ جانها صدق قاعده اطرش رسائله
دخل سهيل الغرفه وشافها في لفراش والنور مطفي تم قاعد عند طرف السرير بعدها قام وخلع ثوبه ودخل عدالها في لفراش
كان ايفكر وايفكر وتعب من التفكير
سهيل:العاااش
العاش:نعم
سهيل:واعيه؟
العاش:همممم
سهيل بعدفتره من السكوت:العاااش
العاش:نعم
سهيل:تعااالي
ومد يده الها الي حست ابها ماكانت تقدر تستحمل اكثر على طول لبة الدعوه وحضنها سهيل بقو
لين ما حس انها بدت اتصيح...اهنيه ما استحمل وصرخ عليها
سهيل:شبلاااااج؟
منعت نفسها من الصياح واهيه تشاهق
كمل صريخه:قووومي
اعتدلت العاش قاعده واهيه ترفع الفراش وانتحبت بصوت عالي واهيه حاطه ايديها على ويهها
فتح سهيل الابجوره وتم ايطالعها بنظرات معصبه وقعد مجابلنها
سهيل:شو الي ايصيحج هالحين؟
ماردت عليه وكملت صياح
سهيل:لحووووه يعني بس عشانيه ضميتج خلاص دريتي انج عايشه في الواقع
زاد اكثر صياحها الي قطع قلبه وزاد غيضه
سهيل:العاااش خلاص عاده شو تبينيه اسوي ...ادري انج مغصوبه وانج ماتريدينيه وقاعده تجبرين نفسج عليه
العاش:اسكـــــــــــت
سهيل:انا تفاجئت ان ابويه حيرج ولا انا خلاص شليتج من باليه بعد ما دريت ان..................
العاش:اسكــــــــــت اسكت انته كيف اتفكر فيه بهذا التفكير؟
تمت اتصيح وبين كلمه وكلمه تشهق
العاش:انا ياسهيل انا اتفكر فيه بهذا التفكير الحقير انا؟
تم ايطالعها وايريد يفهم شو قصدها رفعت له نظرها وعيونها محمره
العاش:انا ...انا؟ وانته اكثر واحد تدري انيه هب راعية هالسوالف
سهيل:انتي شو تقصدين؟
العاش بصوت عالي:انته كيف اتفكر انيه على علاقه بعوض هذا؟
كبت غيضه وتتكلم عنه بعد
سهيل:ادري ان مافي علاقه بينكم لاكن في مشاعر يدريبها كل واحد فيكم
العاش:اي مشاعر الي قاعد انته تتكلم عنها؟
سهيل وعيونه مفتوحه على وسعهن:تسئلينيه انا عنها؟
العاش:اسمع عاد انا خلاص ما اقدر استحمل اكثر من جذيه ولا اقدر استحمل نظرات التحقير الي قاعد اطالعنيه فيها
صاحت شوي
العاش:حرام عليك ياسهيل اتشك فيه انا انا عوض هذا والله ما اعرفه ولا اعرف شي عن مشاعره
ومابينا اي شي من الي انته اتفكر فيه
تم ايطالعها ايريد يستوعب شو تقول؟
العاش:حتى انا ياسهيل ما كنت ادري بالي ايصير والافكار السودا الي اوهمتك ابها.....حـ حمـ...الله ايسامحها
كل الي اعرفه انها قالتليه ان في واحد بيي ايخطبنيه واسمه عوض والله انا ما اعرفه ولا قلتلها انيه موافقه عليه
انا كنت رافضتنك لانيه ادري انها اتحبك
سهيل:منيه الي تحبنيه؟
العاش:اهيه حـ حممده
بعده قاعدايطالعها ايريد يستوعب اكثر
العاش:وحتى يوم ادخل عليك الميلس ماكنت ادري ان في حد اهناك يانيه تيلفون منها ان في مفاجئه اليه في الميلس
انا صح اتسرعت وركضت للميلس لاكن والله ما كنت ادري بنيتها
رجعت اتصيح
العاش:سهيل والله انا مب نفس ما انته متخيل
بعده سهيل متنح مش مستوب وايحاول يفهم اهيه شو قاعده اتقول بنظراته الي قاعد ايطالعها ابها
العاش استمرت اتصيح واهيه اتشوف ان ماعنده ردة فعل كل شوي رفعت نظرها له اتريده ايقول شي
وهو مسمت قاعد ايطالعها
العاش:والله يا سهيل والله ما اجذب عليك ...انا خلاص ما عليه منها...شفت منها الي ايكفينيه
ما زال سهيل ايطالعها
العاش:سهيل انته مصدقنيه؟
انا والله انصدمت من حمده وكملت اسبوع مش مستوعبه الي اهيه سوته
ورجعت اتصيح اكثر وتشاهق
العاش:لاطالعنيه جذيه قل شي والله انامظلومه والله ما اعرفه ولاقد سمعت عنه اي شي من قبل
سهيل وهو ايطالعها توه استوعب منيه هذي الي قاعده جدامه الحلم الي كان ايشوفه وانها مجرد خيال اختفى
استوعب اخيرا الصوره الي جدامه استوعب ان هذي اهيه العاش الي كان ايحلم ابها ليل ونهار العاش بنت دار الزين
والي اهيه عنده الزين كله معقوله عنده من اسبوع وما استوعبها لين اليوم بسبب افكار حقيره زرعتها في راسه حمده
سهيل:يـ يعني بنت دار الزين راضيه عن ولد بوظبي
شقت ابتسامت العاش دموعها
العاش:واتحب ايديها مجلبه بعد
صرخ سهيل:عاااااااااااااااشووووووه
قفزت العاش من صرخته
سهيل وهو يوقف:قومي اشوف قومي
مسكها من يدها ويرها موقفنها مجابلتنه وهو ايطالعها زين كانه توه مكتشفنها
سهيل:اشوووف دوري
العاش:ههه شبلااك سهيل؟
سهيل:اتقوليييليه شبلاااك هااه لحظه اشويه
ركض سهيل للدريشه وفتحها وصرخ بصوت عاااااااااااااالي شي كابتنه ومن الفرحه قاعد ايطلعه بالصريخ
توه استوعبها في حياته بعد ماطارت الافكار والشكوك الي في راسه
في الوقت هذا كان توه سعيد والريم داخلين قسمهم وسمعو الصريخ فتح سعيد دريشته وصرخ على سهيل
سعيد:سهيلووووه
نزل اسهيل راسه تحت ايطالع سعيد وهو يضحك
سعيد:حد قالك انك طرزان قاعد اتصارخ اخر الليل
سهيل:هههههه فدييييييتك
سعيد:حــــــر بلاك انته؟
سهيل:يا اخي كيفيه اصارخ انته شو حارنك
سعيد بخبث:ااااه عشان الجبس يعني الي عقوه عنك
دخل سهيل
وتم سعيد واقف وصرخ عليه ابوه الي واقف تحت جدام الميلس
ابو سعيد:سعيدان
التفت سعيد لبوه تحت:هلا ابويه
ابو سعيد:عنبوك ما تستحي على ويهك تصارخ اخر الليل فضحتنيه في الريال الي راقد في الميلس يفلتوبه
سعيد:لا ابويه هذا سهيلوه
ابو سعيد بغيض:وانته كل شي اتعقه على سهيل سهيل عاقل ما يسوي هالينان الي انته طايح فيه
سعيد وهو ياشر على فوق:لاوالله ابويه هذا سهيل
ابو سعيد:سر سر داخل وصارخ في غرفتك فضحتونا
ودخل عقبها ابو سعيد داخل رجع سعيد والتفت فوق
سعيد:سهيلوه ماعليه ياسهيلوه ماعليه اتعقها في راسيه يالخمام
دخل سهيل داخل وهو ايطالع العاش مبتسم واهيه واقفه مبتسمه وعيونها متنفخه من الصياح وقرب منها اكثر ونزل وشلها فوق وتم ايدور ابها
ضحكت العاش وهيه تترجاه اينزلها نزلها واحتضنها بكل قوته وكآنه ايريد ايدخلها بين ضلوعه
سهيل:العاااااش ...انا اسف اسف غناتيه والله اسف
بدت دموعها تنزل واهيه في حضنه
بعدها شويه ومسكها من ويهها واصبوعه تمسح دموعها
سهيل:لااااا ارجوج ما اريد اشوف دموعج انا اسف والله اسف لحمار حمدوه والله لا ارويج فيها
العاش:لا سهيل دخيلك خلها اتولي....مسكينه تراها اتحبك
سهيل:حبها برص... وانا متى قد عطيتها ويه ولا لمحت الها بشي على كيفها اهيه يعنيه افارق ويهها الي معيشتنيه طول الوقت الي فات في جحيم ما اعرف راسيه من اريوليه حتى فرحتيه بعرسيه
ما خلتنيه اتهنا فيها...يعني انتي تعتقدين انيه كنت في حاله طول الفتره الي فاتت
تمت دموعها تنزل
العاش:حتى انا سهيل اول شي عشت اانب ضميريه انك خطبتنيه واهيه تحبك ما كنت ادري بالي
انته اتفكر فيه لين ما يت وحده جزاها الله خير ووضحت اليه الصوره عرفت عقبها ليش انته مستحقرنيه
سهيل:والله انيه حمار
ضحكت العاش:لااا حرام عليك ليش اتقول جذيه
سهيل:عيل انتي عنديه طول الفتره الي فاتت واتحاولين اتفهمينيه انج راضيه ابيه وانا حمار
مخيه ضارب
العاش:هههه تعبتنيه والله
سهيل تم ايطاعها مش مصدق انها حقيقه جدام عينه
سهيل وهو ايضمها اكثر:فديييييت روحج انتي ماتدرين انج الغلا كله انتي دقات قلب سهيل ونبضه
ابتسمت العاش واهيه اطالع تحت
سهيل:يالله فديت انا الضحكه...لا خليت منها والله انيه حمار
العاش:سهيل بس عاده ما اسمحلك اتقول هالكلمه مره ثانيه
رجع سهيل ايطالعها مره ثانيه:عاد صدق انتي بنت دار الزين اهنيه عنديه انا مش مصدق
العاش:شبلاااك انا من اسبوع عندك
سهيل:ثوووور لانيه ثووور ما استوعبت
العاش:ردينا على ثور
سهيل:لين اصلب حمارة الروا وانا ثور
العاش:قلتلك خلها اتولي
سهيل:وقصائد العتب حق منوه امطرشتنهن؟
العاش:قريتهن؟
سهيل:بغيت اين في الايام الي فاتت كنت اتخيلها من عنده عتب الج
هزت راسها بلاا
العاش:حاز في خاطريه انك صدقت هالكلام عنيه
سهيل:ليش ماوضحتي اليه؟
العاش:قلت بتفهم انيه احبك من طريقتيه
سهيل متنح:بفهم شووووه؟
العاش:هاااه؟
سهيل:شو قلتي قبل اشوي من طريقتج افهم شووه؟
ابتسمت العاش:انيه ا احـ احبـــــــــــــــــــــــــــك
سهيل طاح على السرير بقو وهو فارد ايديه:اااااااه
بعدها قام ويرها لحضنه وهو واقف
سهيل:العاااااش انا مب امصدق والله مب امصدق انتي عنديه وملكيه
انا مادري كيف عقليه كان ضارب الفتره الي فاتت ...ماتدرين شكثره انا اتعذبت والافكار الخبيثه مسيطره على تفكيريه
ماتدرين كيف كنت بموت وانا اتخيل ان عقلج وقلبج عند شخص ثاني
ولا يوم قالو انج انخطبتي صدق كنت بستخف لانج انتي الحب الوحيد الي حسيت فيه
مسكها من ويهها وتم ايطالع في عيونها
سهيل:صدق انيه فرحت يوم دريت ان ابويه حيرج اليه لاكنيه كنت دائمن احس بفرحتيه ناقصه
وانج منجبره عليه...ياربييييي والله انه شعوور فضيع الي كنت اعيشه شعورين في نفس الوقت مش عارف على شوووه ارسي....ليتنيه اعرف بس
اهيه ليش سوت جذيه واهيه تعرف انيه عمريه ما عطيتها ويه
العاش:ليش انته نسيت شو كنت اتقول الها يوم كنا في البحر ويوم شليتها وخليتنيه وراكم
سهيل:والله ماكنت احفل ابها انا كل الي كنت اسويه قاصد فيه انيه اعصببج...بموووت يومها على عصبيتج
واتنرفيزج كنت اشووفج غير ...احس بدقات قلبيه يوم اشوفج...اما اهيه والله ماعنت اليه بشي وهذا
الي تدعيه مب حب انا في حياتيه ما شفت حب مثل هذا هذا حب تملك لا غير...انانيه...كيف رضت اتضرنيه واهيه تدعي انها اتحبنيه
العاش:الله ايسامحها انا ماكنت اريد اقولك عنها بس ما قدرت استحمل اكثر
سهيل:المفروض من زمان قلتيليه لانها تقدر في المستقبل اتسوي اشيا وايد...واحنا لازم ناخذ حذرنا منها
العاش:بس ارجوك...لاتبين الها شي وخلنا ناخذ حذرنا منها
ابتسم سهيل:زين ذكرينيه دوم لانه يمكن اعطيها كف على ويهها اذا شفتها
العاش:لااا ارجوك
سهيل وهو اينزل راسه لمستوا ويهها ايطالعها بتمعن:لحظه انتي صدق عاشوووه ترانيه لين الحين مش مستوعب
العاش بابتسامه:انزين شو تبا دليل عشان اتصدق
قرب خده منها واشار الها
ابتسمت وقربت امنه وطبعت حبه على خده بالسريع
بعدها قام ايناقز على السرير وهو ايصارخ مستانس
كان سعيد قاعد وعيونه اطالع فوق للسقف
قعدت الريم عداله:شبلاهن عيونك معلقه فوق في السقف؟
سعيد:يخرب بيته سهيلوه تسمعين الحشره الي فوق
ضربته الريم على ظهره واهيه تضحك
ودمتم وديمه العطا

1 - 4 - 2015, 01:19 PM

الجزء الاخير

انفتحت صفحه يديده في حياة ابطالنا وصفت القلوب وكل واحد عبر عن حبه وكل مكنوناته
لرفيقة دربه وحجز سهيل ثاني يوم تذاكر سفر له وللعاش على ماليزيا وفلو مخلين
سعيد الي احتشر بعد ما عرف ان سهيل فل عنه

بعد اسبوعين زار ابو حمد وام حمد امل الي كانويتصلون ابها وتيلفونها مغلق
استانست امل على زيارتهم وقررت اتروح معاهم اسبوع بعد ما عرفت ان حمد مسافر استانس ابو حمد
وام حمد ورجعو ومعاهم امل
امل دورت تيلفونها وحصلته تحت الكرسي لاكنه كان مفضي اول ما وصلت البيت شحنته وفتحته تقرا الرساله الي ارسلها حمد ودموعها اتزيد
دخلت غرفة حمد وحصلت الرسمه الي رسمتها وكتبت عليها حمد وقعدت تضحك وبعدها صاحت وحتى رسمتها الي خربها حمد حصلتها معلقه في الغرفه
قررت انها اتنام في غرفته
في اليوم الثاني كانت ام حمد اتكلم حمد الي كان مسافر فرنسا وسمع صوتها وهيه تسال ام حمد عن
ادوية عمها ابو حمد
حمد:اميه منو عندج؟
ام حمد ارتبكت :هاااه هذي هذي
حمد:امــــــــــــــل؟
ام حمد:هيييه يايتنا زياره
ابتسم حمد:وايد عليها الزياره هذي
ام حمد:يا ولديه اخبارك انته؟
حمد:اخباريه؟...زينه زينه اخباريه يالله اميه اخليج سلمي على ابويه
ام حمد:يوصل فديتك...انته متى بتي؟
حمد بضيقة خاطر:انا ارتبطت بمشروع للشركه واظاهر انيه مطول
ام حمد:لا تبطي علينا ترانا اتولهنا عليك يا ولديه
حمد:ايصير خير يا اميه
كانت امل قاعده عدال ام حمد واهيه اتودعه وعرفت منو اتكلم
رفعت ام حمد نظرها لامل واتذكرت ابو حمد الي حلف عليها ماتفتح مع امل موضوع حمد عشان ماتضيق ابها
تنهدت وقامت رايحه لغرفتها وتمت امل اطالع في الارض وعقبها شافت الرقم الي في الكاشف وشافت انه من الخارج طلعت تيلفونها وخزنته
حست انها اتريد تسمع صوته وكان قلبها ايدق بقو
بعدها طلبت من الدريول اييب الها بطاقه مدفوعه ويابها الها في اليوم الثاني على الليل اتصلت امل على الرقم
حمد:الوووو الو
امل اتحاول تحبس انفاسها
حمد:الوووو
غمضت عيونها اتريد تسمعه اكثر
حمد:الوووو
عصب وسكر التيلفون
ابتسمت ورجعت تتصل مره ثانيه
حمد:الوووو
امل في خاطرها"فديييت صوتك يعني ماتقدر اتقول كلمه غير
حمد:منو معايه؟
امل:..........ّ
حمد:الووو في حد على الخط ولا شو السالفه؟
سكره مره ثانيه وهو معصب اكثر ابدا ما طرا على باله انها اتكون امل وتتصل على الرقم الي حاطنه موقت وهو رقم فرنسي لو على تيلفونه يمكن ايشك
اكتفت امل اليوم من صوته ونامت واهيه حاضنه التيلفون
كان حمد راقد يوم ياه التيلفون مره ثانيه في اليوم الثاني بعد مارقد بشوي
حمد بصوت ناعس:الووووو
ماردت عليه
حمد:والله انكم متفيقين انتو تدرون وين تتصلون؟
امل:.........ّ
حمد:الوووو وبعدين يعني ترا الخساره عليكو مب عليه
امل بابتسامه ودقات قلبها اتزيد سكرت في ويهه
بعد اشوي وصلته رساله
"حبيبي اسف ازعجتك...حلووو صوتك قبل لا تنام...سمعته وانشرح صدري وكني شفتك بعيني"
ابتسم حمد"والله انكم ناس فاضيه يهالوووه
اغلق تيلفونه وحط راسه ورقد
بعد ما اغلق حمد تيلفونه رجعت امل وحطت بطاقتها وتفاجئت بالاتصال الي ياها وما انتبهت انه نفس الرقم الي كانت تتصل عليه
امل:الوووو
ابتسم حمد وقلبه ايدق
امل:الوووو
خذ نفس طويل وهو مستانس انه سمع صوتها قال مابتكلم عشان اترد عليه اذا اتصلت عليها
امل:الووو
سكرت بعدها التيلفون ووصلتها رساله كانت نفس الابيات الي طرشتها
"حبيبي اسف ازعجتك... حلووو صوتك قبل لاتنام..سمعته وانشرح صدري وكني شفتك بعيني"
صرخت حينها امل ورجعت اتشوف الرقم نفس الرقم الي كانت تتصل عليه خافت ان حمد عرفها لاكنه فكرت وتوقعت انه مايريدها تعرف انه هو الي متصل عليها والدليل انه ماتكلم
نزلت دموعها وعقبها حضنت المخده وصاحت زياده
بعد يومين رجعت امل لبيت خالتها واهيه كل يوم لازم تتصل على حمد عشان تسمع صوته
حمد عصب زياده وهدد انه يقدر ايب الرقم من الاتصالات ويعرف باسم منو ويفضحها عند اهلها
وقفت عقب امل الاتصالات
وقررت انه ماترد على اتصلاته من الرقم نفسه غياظ له لانه منعها تسمع صوته
ومرت الاياااااااام والاسابيييييع والشهووووور والقلوب كل ما ايلها واهيه اتذوب واتذوب حتى قرب الموت يفنيها من الشووووق والوله
بعد سبع اشهور كانت العاش في شهرها السادس والريم الشهور الاولى
كانت عندهم اجازه ومجتمعات في بيت امهن لان الريم بدا وحامها وطلبت تقضي الاجازه في بيت امها وكانت العاش يايه زياره
وكان بعد يومين عندهم عرس في دبي وكانت صدفه ان المعرس اخو خليفه زوج شما والعروس بنت عم عيال خالة امل
الكل كان يستعد للعرس الي بيروحون له بعد بكره
العاش:بتروحين الريم
الريم:يالييت بس احس انيه تعبانه
العاش:كلنا بنروح عند منوه بتقعدين اهنيه
الريم:حمد ايقول مابروح
العاش:فديييت حمد والله انه كاسر خاطريه...اظن انه يدري انها بتحضر العرس عشان جذيه مايريد ايروح
في اليوم الي كانو بيروحون فيه وكان وقت الضحى الكل كان ايجهز للسيره وحمد تم يطلع ويدخل
وكل ما سالوه شو فيك ايقول مافيه شي ومرات يندمج معاهم في التجهيز في تطليع الشنط
او اذا احتارت امه شوتاخذ من ثيبانها كان ايرد ويوقف ويتم ايطالع امه الي ماسكه الثوب وترويه بناتها
ام حمد:شبلاك يا حمد؟
حمد:هااه..ماشي بس حلو الثوب هذا
ام حمد:مابتروح؟
حمد:لاا مابروح وانا مستسمح من سعد انيه ما اقدر
ابو حمد من وراه:شو عندك انته؟
حمد:ماعنديه شي بس ما اريد اروح
خلاهم عقب وطلع وبعد نصف ساعه رجع وهو ايشوف خواته ايطلعن اغراضهن برا
طبعا سهيل وسعيد مع ولد عمهم في دبي ايساعدونه في ترتيبات العرس
حمد:بتروحون؟
العاش:هيييه ياربييي انا مابقدر استحمل سيارة ابويه خلو الدريول ايودينا
حمد وهو قاعد على طرف الكرسي ويطالعهن وهو ايحرك السويج في يده:الدريول راح دبي ايودي القعدان
العاش :يا خسااره الله ايعيننا على سواقة ابويه
ابتسم حمد وراح عنهن
وقبل لا يركبون السياره طلع حمد وهو ماسك ثيابه ونادى العاش والريم يركبن معاه
الكل استانس وعلى طول ركضن للسياره
الريم:ياحماره بطنج جدام عينج واتراكضين
العاش:بطنيه صغير عده...المهم انا الي بركب جدام
الريم:لا والله انا العوده
العاش:حرام عليج انا حويمل
الريم:حتى انا
حمد صرخ عليهن:وبعدين معاكن ياله اركبن
ركبت الريم ورا مخليه الكرسي الجدامي للعاش واهيه تضحك
شعور غريب تملك حمد وهم في الطريق مرات يسرع ومرات ايخف السرعه يوم يذكر ان ابوه يمشي معاهم وخواته حمل
طبعا الشله جدامهم حاجزين سويتات في البستان
اول ما وقف حمد كان سعيد في استقبالهم جدام الفندق
سعيد:لا والله مركبين حرمتيه ورا
نزلت العاش وهيه تقول
العاش:طبعا انا حرم سهيل ما اتنزل اركب ورا
الريم:اتخسين اصلا انا الي برضايه راكبه ورا عشان اخذ راحتيه وانسدح محد عداليه
العاش:والله اصلا
حمد:وبعدين يعني
سكتت العاش والريم الي هذا حالهن دوم والي ايزيدهن سعيد وسهيل وهم كل واحد ايقول للثاني حرمتيه احسن من حرمتك
ووقعة يهالووه دايمن
في بيت خالة امل....امل كانت نفسيتها اليوم غيير ابدا ما عارضت على اي شي طلبنه منها بنات خالتها وبنات عم خالتها
رضت اتروح معاهن لصاحبة الصالون في غرفه تابعه للقاعه عشان اتسوي تسريحه ومكياج خفيف ايناسبها غير الفستان السكري الي كان عليها روعه وله ذيل
يسحب وراها لاكن كل هذا لبست عليه عباة غليظه وشيله وغشوه بعد ثقيله
ضحكت ساره اخت العروس:امل عيل ليش كل هالعداله وانتي تلفلفتي جذيه
امل:وكيف تبينيه
ساره:خلاص احنا الحين في القاعه روحي للقاعه بدون عباه
امل:لا والله انا اصلا مابعق العباه
صرخن البنات وراها:ليييييش عيل ليش متعدله؟
امل:بس جذيه النفسيه ههههه
ياله انا بروح اكيد الريم والعاش وصلن
طلعت امل وتوجهت للقاعه وتلاقت مع العاش والريم الي ما قطعنها طول الفتره الي فاتت حتى يوم كانن ايروحن دبي كانن لازم ايمرن عليها وطبعا ابو حمد
طالب منهن كلهن مايفتحن معاها موضوع حمد لانه متلوم انه وعدها ايخلي حمد ايطلقها وماقدر ايوفي بوعده
بدا حفل العرس وطلعت العروس والكل كان مبهور ابها
على طاوله بعيد عن الكوشه كانت امل قاعده وكالعاده بعيد عن الانظار وكانت الريم معاها
انضمت الهن خلود وسلمى والعاش بعد ما اعلنو ان الريايل بيدخلون ايدخلون المعرس
التفتت امل لسلمى:حمودي وين؟
سلمى :عند ابوه طالعيه الحين بيدخل معاهم
نزلت امل غطاتها على ويهها وتلفلفت اكثر بعباتها
والبنات بعد
دخلو المعرس وكانو الشباب جيش ما شالله قعدو ايولون على المنصه حتى حمد كان معاهم
كان حمودي عند خليفه زوج شما الي اتقرب من حمد وهو ايشوفه نازل من المنصه ايريد يطلع
خليفه:حمد انته طالع
حمد:هييه
خليفه:هااك فديتك وصل المعرس هذا عند امه
حمد وهو ايشله:وامه وين؟
خليفه:مادري والله سولها تيلفون تيك عند الباب
اتصل حمد على سلمى ووقفت واشارت له بمكانهن
اتقرب حمد ناحيتهن وقامت سلمى وشما ايسلمن عليه وبدون مايحس قعد على الكرسي الي عدال امل بدون ما يعرف منو اهيه الي عداله ووجه كلامه لسلمى الي قاعده عدال امل من الطرف الثاني
حمد:مشالله حمودي قدا ريال
سلمى :هيه فديته
حمد:اخباره من الضيقه الي تيه
سلمى:لا الحمدلله وايد احسن
حمد:الحمدلله
التفت عقب لخلود الي سلمت عليه واهيه قاعده عدال سلمى من الطرف الثاني
خلود:اخبارك يا حمد؟
حمد بابتسامه:مانشكي باس
كانت امل ترتجف من قربه وسماعها لصوته القريب منها وايد تمت ساكته بدون حركه وخافت توقف وحد ايناديها وين رايحه ويعرف منو عداله
خلود:ليش ما يلت مع الشباب؟
حمد ابتسم ونزل راسه تحت ايطالع يد البنت الي ماسكه نهاية كوب العصير عداله شكل الحنا في ايديها ايجنن حس بدقات قلبه اتدق واستغرب
ولاحظ رجفة يدها
خلود كانت منقهره اتريده يعرف ان هذي امل شلت حمودي وتمت اتلاعبه عقب نادت امل
خلود:امل تبين حمودي؟
رفعت امل راسها:هااه
حس حمد ان قلبه طار لسابع سما
سلمى وقفت واتداركت الموضوع:هاتيه بوديه صوب اميه تباه
عيونه على طول التفتت صوبها وتم يمسح ابهن كل سنتيمتر فيها وتم مسمت ايطالعها
امل حست بحراره تطلع من جسمها ورجفه ما قدرت اتسيطر عليها حتى اريولها كانت متاكده انها ماتقدر توقف
عليهن
اما حمد فكلش ما كان ايشوف شي في القاعه غير هالزوال الي قاعده جدامه كل الي في القاعه اختفى عن عينه بس اهو
واهيه في المكان هذا
البنات توترن من نظرات حمد لامل الي حسن بوضعها ويدها متجمده على نهاية كوب العصير
العاش مسحت دموعها الي ما قدرت اتسيطر عليها ماتتخيل حمد اخوها بالوضع هذا
القاعه على كثر ضجتها وصوت الموسيقى العالي الا ان المكان الي فيه حمد وامل جمد عن اي حركه
والكل مترقب شو بيصير
ومثل الغريق الي قدر اخيرا يطلع على سطح البحر كان حمد الي انتبه لنفسه ومد يده بشويش شويش وحطها قريب من يدها وهو يلتفت
للبنات وياخذ نفس وعيونه اتجول في ويوههن الي كانت اطالعه من تحت الغطا الخفيف الي ايغطي
ويوههن وهن ملتفتات عن الكوشه ناحيته بدون ما ايشوفهن حد
قرب يده من يدها
حمد:حمودي وين راح؟
العاش:ودته سلمى صوب خالتيه
حمد وصبعه الصغير يتقرب اكثر من صبعها الصغير:بتباتون اهنيه اليوم؟
العاش:انته بتبات ولا بترد
حمد:هااه انا ما دري
اخيرا وصلت صبعه صبعها وحاوط بصبعه صبعها
غمضت امل عيونها بقو وبدت ترتجف بقو...ضغط حمد بقو على صبعها وهوايحس برجفتها
لاكنه ماتركها وهو ايحس انه مثل العطشان الي حصل فتحه صغيره يقدر يشرب منها
كان ايطالع بعيونه جدام وهو مايعرف شو يطالع اصلا ..البقيه زاد توترهن اكثر بعد ما شافن صبعه الي مسكت صبع امل وما رضت تتركها
جموع الريايل بدت تطلع ونادى خليفه حمد عشان ايروحون
انتبه حمد وقام وهو مش حاس بنفسه وطلع لاحق خليفه لاكنه اول ما وصل برا تم ايطالع خليفه
خليفه:سيارتك وين؟
حمد بعده مب مستوعب شي:هاااه
خليفه:ياريال شبلااك؟
التفت حمد لباب القاعه واستغرب كيف اريوله قدرت اتشله
واتوديه عنها بعيد بعد ما لقاها كيف قدر يتركها بعد ما شافها
خليفه:حمد
التفتله حمد
خليفه:يالله خلنا نطلع الحين العالم كلها بتطلع وما بنقدر انحرك السياير
طلع حمد مع خليفه واتوجه لسيارته الي تم ايدور ابها على القاعه وهو ايفكر كيف راح وخلاها وراه
اما امل فبعد ما طلعو تمت قاعده وجامده في مكانها ولا رفعت غطاها حتى بعد طلوع الريايل
البنات ماعرفن شو ايقولن الها
وصلها مسج فتحته وكان من عند حمد
"جددي فيني حيـــــــــــــــــــــــــاتي باللقاء"
تمت ترتجف اكثر ودموعها بدت تنزل ووصلها المسج مره ثانيه
"جددي فيني حيــــــــــــــــــــــــــاتي باللقاء"
مدت يدها للكلينكس جدامها وخذت حبه وتمت تمسح دموعها من تحت الغطا والكل ايطالعها وقلوبهن اتعورها
عليها وللمره الثالثه وصلها المسج
"جددي فيني حيــــــــــــــــــاتي باللقاء"
حطت امل ايديها ماسكه راسها من الويع الي حست فيه وفتحت المسج الرابع
"جددي فيني حيـــــــــــــــــــــاتي باللقاء"
شهقت بصوت عالي وحطت يدها بقو على فمها تمنع صوت صياحها يطلع واهيه تقرا المسج الخامس
"جددي فيني حيـــــــــــــــــاتي باللقاء"
تمت خمس دقايق حاطه ايديها على عيونها واتهدي نفسها وهيه تحس بحراره تطلع من اعيونها
لاكنها ياها تيلفون من بنات خالتها عشان تطلع قامت وطلعت وهيه ماتعرف ريولها كيف تحركها اتحس
ما تقدر توقف على ريولها وكل شي شافته جدامها ضباب
تمت تمشي وهيه كل شوي تتعثر بذيل فستانها ماتعرف وين اتروح ولا وين الطريق كل شي حواليها
صار مش مفهوم اتحس انها تغرق وتغرق ومثل الضايعه ماتعرف الطريق ما حست بريولها الي مشنها للشارع عشان تعبره وهيه ماتدري ليش بتعبره
الشارع كان متروس سياير المعازيم الي في القاعه واصوات السيارات شتت خطواتها ودموعها بدت تنزل ظايعه ظايعه ماتدري وين اتروح
ووين سيارة خالتها
اول ما حطت ريلها على الشارع علت اصوات هرين السيارات الي كانت على وشك تدعمها وقفت
ترتجف وتوها بتخطي الخطوه الثانيه حست بيدين اتلف كتوفها وصوته وهو ايقودها
حمد:تعالي منيه السياره
مشت معاه وهيه ماتحس بنفسها كان ضاغط على اكتافها وهو ايمشيها بسرعه مثل الخايف من ان في حد ايوقفه وياخذها امنه
فتح باب السياره الها وساعدها تدخل وهو ايدخل ذيل فستانها وبسرعه دار لبابه وركب ودقات قلبه ادق بقو
تم ايحاول ايطلع سيارته من زحمة السيارات الي التفت حواليه كان يتلفت يمين وشمال ولورا وهو يلعن ويشعن الزحمه الي طاح فيها
حمد:اوووووفففف
الكل برا كان ملاحظ ان راعي السياره هذي امره غريب ويريد ايطلع السياره من بين الزحمه هذي باي طريقه
كان ايلف يمين وشمال ويمشيها على الرصيف ويدخلها بين السيارات
حمدكان متوتر على الاخر فتح الدريشه وتم ايصارخ على اصحاب السيارات الثانيه عشان يعطونه طريق
امل تمت ترتجف ولا تدري كيف اهيه وصلت اهنيه وزاد توترها صريخه وطريقة سواقته عشان ايطلع السياره
واخييييييرا قدر ايطلعها ويفصح ويلااات على البقيه وينطلق للشارع العمومي مبتعد ابها عن الكل
اووووفففف اخيرا قدر حمد ياخذ نفس في الشارع الوسيع بعيد عن الزحمه كانت سرعته اوكيه وهو ايسوق ومايدري وين ايروح....بعد خمس دقايق
حس براحه اكثر وبطرف عينه تم ايطالعها لافه نفسها بالعباه اكثر ولاصقه في الباب شبه ابتسامه علت شفايفه ودقات قلبه بدت ادق
اكثر واكثر
وكل ما ابتعد حمد عن المكان الي كانو فيه حس براحه اكثر
كانت موسيقى هاديه في الراديو مسك حمد تيلفونه وهو ايفكر بسرعه واتصل على ربيعه وبعد السلام
حمد:خالد طالبنك طلبه
خالد:تم فديتك اطلب عيونيه لو تبا
حمد:هههه تسلم فديتك بس اريد اطالعليه حجز في فندق زين في الشارجه ولا الامارات الشماليه ان شالله لو في الفجيره
المهم اريده فندق اوكيه واريدك اتحجزليه غرفه حق ليله خاصه وابعدنيه الله ايخليك من دبي
خالد:حااااااضرين مره ما طلبت....دقايق بس واعطيك اسم الفندق ووين بالضبط
حمد:تسلم والله وانردها الك في لفراح
بعد مكالمت حمد زادت دقات قلب امل اكثر واكثر واهيه اصلا ماوقفت بس المكالمه شكلها خطيره
خلع حمد سفرته وعقاله براحه وهو يطلع من دبي على شارع الامارات الرئيسي وفرهن على الكرسي الوراني
ايحس انه ياخذ اكسجين طبيعي من وجودها عداله...لمح شاشة تيلفونها اتولع واتبند لانه كان على الصامت مد يده وسحب التيلفون من يدها
واغلقه وفره ورا.....خلهم عاده ينحرقووون كلهم خلهم اشويه ايحسون بالنار الي كنت فيها
طز في الكل خلااااص ماعاد ايهمنيه حد وحتى تيلفونيه بينغلق وبينفر عداله بس اوصل الفندق
اتصل خالد على حمد واعطاه اسم الفندق ووين مكانه
ضحك حمد مستانس وهو يشكر صديقه الي قدر بواسطته ايحصل حجز بدون اوراق رسميه
اغلق عقبها حمد تيلفونه وفره وهو مبتسم عند تيلفون امل ورا
الشارع كان خالي والسكوت مسيطر على جو السياره بس صوت قلوبهم الي كانو يسمعونها
ويحاولون ايهدونها...اخيرا قدرت امل انها اتشوف حمد بطرف عيونها من ورا غطاها الي كانت من وراه الصوره واضحه
شافت انه نحف وايد وشعره زادت كثافته من جدام وشكله متغير الابتسامه الي كانت مرسومه على شفايفه معطيتنه وسامه اكثر
مع التغيرات الي صايره له
ضغطت امل بيدها على قلبها اتريده يهدا وتمت اطالع تحت
مد حمد يده للكاسيت ودخله عشان تعلو في جو السياره صوت الموسيقى والاغنيه الي كان يسمعها واهيه اغنية العـــــــــــــطاء
العطاء.....ماتبادلنا العطا...
.والخطا لاحشى ماخطي عليك
ايه سطا جرحي باحساسي سطا...
ياعطا اول عطا منك الخطااا..اول عطا منك الخطاا
احبك لو تجافيني على كل الخطا مسامح
احبك يانظر عيني ورضاك الزم
ولاكني فغير الحظ
انا لي اكثري تجريح ترى حبك بيشفع لك احبك
ذوب خفوقي الشوووق وانتي معي ياشوووق
تحلى الحياة الذوق وطعم السعادهبك
احبك لو تجافيني على كل الخطا مسامح
احبك يانظر عيني ورضاك الزم
ولاكني فقير الحظ
انا لي اكثري تجريح ترى حبك بيشفع لك احبك
لك خفوقي اشتقى ثم اهتنابك
وفي عروقي دمي الجاري اغتذى بك
ولاح زولك في سما كل البشر
غير زولك ما ملا احد النظر
جددي فيني حيــــــــــــــــــــــــــاتي باللقاء
جددي فيني حيـــــــــــــــــــــاتي باللقاء

القلوووب تعبت والوله لعب العوبه ومايدري حمد كيف يطوي الشارع الطويل الي اهو فيه عشان يوصل للفندق المطلوب
زاد سرعته اكثر مع ارتفاع دقات قلبه اكثر والشوووق ذوبه بالحيييل
العطا ماتبادلنا العطا والخطا لا حشى مخطي عليك
ايه سطا جرحك باحساسي سطا ياعطا اول عطا منك الخطا

1 - 4 - 2015, 01:21 PM

تابع

واخيرا وصل حمد للفندق الي حجز له خالد فيه وقف جدام الباب الرئيسي
التفت لامل
حمد:الغلا يالله
نزل حمد بعد ما اخذ سفرته وعقاله من ورا ونادى الحارس الي جدام الفندق عشان ياخذ سيارة حمد ويوقفها في الباركن
التفت لباب امل وشاف انها مانزلت
رجع ونزل نظره لداخل السياره من عند بابه
حمد:الغلا....يالله فديتج
كانت ترتجف واتحس انها ماتقدر تتحرك
تم منحني ايطالعها ويشوف انها ماتحركت بدا قلبه ينغزه...ليش ما نزلت؟
حمد:امــــــــــل .....يالله
ماتحركت وتمت ساكته اتحاول اتسيطر على رجيفها
حمد:بستناج
رفع جسمه وهو يحس بضيقه اتحاول تغزو روحه ومشى خطوتين ووقف قريب من السياره عقب ما طلب من الحارس ايروح وينتظره لين
يعطيه اشاره
طال انتظار حمد وامل ماتحركت
رجع ودخل وقعد عدالها
وبعد صمت طال بينهم همس
حمد:امل ...مابتنزلين؟
ماردت عليه وتمت تفرك ايديها متوتره تم ايطالعها وعقب طالع الساعه الي قربت توصل الوحده ونصف
ما تحركت
حمد:خذي راحتج انا بنتظرج
وطلع من السياره والضيقه رجعت له اقوا من قبل
راح وقعد على طيبلون السياره من جدام وهو متوتر وينتظر وطااااااااال الانتظار عقبها حس حمد بالغيظ يتملكه منها
بتبطي والله اردها وان مانزلت بالطيب بتنزل بالغصب
قام معصب عشان يتخذ خطوته الثانيه وهيه جبرها بالقو تنزل لاكنه اول ما التفت شافها واقفه قريب امنه وهيه منزله راسها رقع قلبه بقو كيف ما سمع صوت الباب
التفت للحارس واشار له وابتسامته ترجع تعلو شفايفه اعطاه السويج وقرب منها
حمد:يالله
مشت امل عداله بخطوات متردده مثل الي رايحه اتسوي جريمه
حمد وهو ايطالع باب الفندق وايحس انه بعيد عنهم وانه مشوار لين يوصلون له رغم قصر المسافه
واخيرا ويا كثر مابنقول اخيرا
وصلو للباب ودخلو ولفحهم الهوا البارد الي داخل الفندق حمد ما حب ايقول الها اقعدي لين اخلص امور الحجز عشان
مافيه ايحاولها مره ثانيه توقف خلاها تمشي معاه لين الرسبشن واعطاهم اسم خالد الي حجز الهم وبعد دقايق خذ حمد بطاقة مفتاح الغرفه والتفت مع امل رايحين للاصانصير الي شافه حمد بعيد ومشوار لين يوصله
على اعصابه وهو ايحثها تمشي معاه
حمد:الغلا امشي تراهم كلهم ايطالعونج ومرتابين فينا
قبل لا يوصلون الاصانصير بكم خطوه وقفت امل قرب منها حمد
حمد بترجي:ليش وقفتي امشي الله يرضى عليج
امل بصوت قريب على الصياح:حمد ما اقدر امشي..........احس قلبيه يعورنيه
حمد بنفاد الصبر عنده:اذا انتي قلبج ايعورج انا قلبيه يحتضر..امشي والي يرحم والديج..ارحمينيه يابنت الناس
مشت امل بخطوات ثقيله وحمد ايحثها اكثر
في الاصانصير كان التوتر واصل عند حمد حده وهو ينتظر الباب يفتح
فتح الباب وعيونه عندها وهو قريب منها
حمد:تعالي
مشت معاه وشاف ان رقم الغرفه في اخر الممر وكانت الخطوات لين اخر الممر اصعب خطوات مرت عليه
كل ما طول خطوته عشان يوصل للغرفه بسرعه ردته امل خطوه ورا وهو ينتظرها تمشي عشان يوصلون
وقبل لا يوصل الغرفه بكم خطوه اسرع للباب وفتحه وتم واقف ينتظرها عند الباب
وكآن حياته وموته مرتبط بدخولها للغرفه..على اعصابه ينتظرها توصل وهذه الخطوات بدت تقترب لين ما وصلت ودقات قلبه اتزيد
واتزيد وهذه خلاص دخلت وعدت عتبة الباب رايحه داخل
قدر حمد ياخذ نفس اخيرا يوم راحت واختفت داخل في ظلام الغرفه سحب ريله ودخل وسكر الباب واخير سند بجسمه على الباب شوي
ما هقا انه معاها وبروحهم اخيرا...وبعد ما اخذ نفس ابتسم ومشى رايح وراها داخل للغرفه
اما امل فاول ما وصلت لنصف الغرفه الي كانت مظلمه الا من النور الي عند مدخل الباب والباب كان في ممر
فيه باب غرفة الملابس وباب الحمام متصل فيها رفعت غطاها وهيه تسحب نفس منعش من ريحة الورد الطبيعي
الي كان تارس الغرفه على حسب طلب خالد الهم ليله خاصه حست امل من الريحه باعصابها تهدا عقب التوتر وشد الاعصاب
فتح حمد النور وهو واقف في الجهه الي وراها
وانعكس اللون الاحمر في كل مكان الغرفه كلها كانت ورد جوري حتى المفرش منترس بالورود المنثوره زوايا الغرفه كلها ورود الرفوف كل الاسطح
حست امل بفرحه تغمرها من جو الغرفه ونزلت راسها تحت واهيه تشوف حمد الي تقرب منها ودار من جدامها وقعد على نهاية السرير
متكي على ايديه وايشوفها وهيه واقفه جدامه تبعد عنه بكم خطوه ومواجهتنه
ما كان يقدر ايشوف ويهها زين لانها مع تنزيل راسها تحت نزلت غرتها على ويهها كانت بعدها بالعباه والشيله
بس جزء بسيط الي كان ايشوفه من ويهها تم حمد فتره وهو ايطالعه ويحاول يستوعبها
اصلا مشكلته انه مايعرف شو بيقول او كيف بيتصرف يكفيه بس الحين انها جدامه ويشوفها
بعد مامر شوي من الوقت وقف حمد الي حس صدق انه مايعرف شو يسوي واتخطاها ورجع والتفت ايشوفها
واهيه تمت واقفه وما تحركت رجع لحمد التوتر وخلع سفرته وعقاله وراح وعلقهن في المعلقه القريبه بعدها التفت صوبها ومشى
متجه ناحيتها وقف وراها وتم واقف مش عارف شو يسوي مد ايديه وحطهن على اكتافها وقفزت امل من
لمسته المفاجئه لاكنه اتدارك الموقف وقال
حمد:هاتي عباتج وشيلتج بعلقهن
على طول امل من التوتر طلعت ايديها من العباه وحمد مسك العباه والشيله وساعدها على خلعهن
خذهن والتفت للمعلقه وعلقهن بعدها التفت الها ودقات قلبه اتزيد واتزيد وهو ايشوفها مثل الملاك الي ما تخيله
كان الفستان عليها شي فوق طاقة حمد وهو ماسك على جسمها وبارز مفاتنها وله ذيل طويل حرص حمد وهو يتقدم منها انه مايدوسه دار ووقف جدامها
وعيونه تمسحها بالكامل بعدها منزله راسها تحت وخصايل من شعرها متناثره على اطراف ويهها
وعلى اكتافها ولاحظ حمد ان شعرها ملفوف واستغرب مشى ووقف وراها مد يده للمساكه الي ماسكه
شعرها وسحبها وحبس انفاسه وهو ايشوف شعرها ينتثر على طول ظهرها نفس طوله الاولي الا بشبر
همس قريب من اذنها وهو مبتسم
حمد:مشاء الله طول
بعدها رفع ايديه وقعد ايمررهن على شعرها
وامل حابسه انفاسها من حركاته
وهو ايمرر ايديه على شعرها انتقلت ايديه لجسمها وثبتهن على خصرها
حمد وبعده يهمس الها قريب اذنها:ضعفتي وااايد
حست امل انها اتريد اتصيح لاكنها اتماسكت اكثر وهيه ماتدري ان عيونها وخشمها بدن يحمرن
تم ماسك خصرها وهو مساند براسه على راسها عقب رفع راسه ومد يده وزاح الشعر الي ورا اذنها
ابتسم ودخل يده لجيبه وطلع الحلق ما كانت لابسه حلق وقرر حمد يلبسها حلقها الي ما فارقه ابد
وما بيرده لاذنها الالانه مصمم انه مابيفارقها اهيه ابد
الاذن الاولى قدر يلبسها اياه بسرعه لاكنه حصل صعوبه في الاذن الثانيه ..اعتدل واقف اكثر ولم شعرها كله
على الجنب الثاني ومسك شحمة اذنها فركها باصابعه عشان يقدر ايدخله زين لاكنه غلط وعور امل
امل:اي
كان واقف وراها وما حس بنفسه وهو ايقرب بشفايفه لاذنها ويقبلها
حمد:سوري سوري ماكان قصدي
ريحة العطر الي ورا اذنها دوخته ووقف مصمم انه ايدخل الحلق وهو ايحاسب انه ما يعورها مره ثانيه
بعد ما دخله خذ نفس وتم ايطالع الحلق في اذنها واغرته الريحه مره ثانيه ايشمها رجع وقرب خشمه من اذنها وهو ايلفها بايديه ويلمها لصدره وهو واقف وراها
وكل ما حس ابها ترتجف ضمها اكثر تم ايحرك خشمه ورا اذنها وهو ياخذ نفس من عطرها وريحة شعرها
حمد:ليش سويتي فيه جذيه.......يعني لانيه انسان غيور اتعاقبينيه بالعقوبه هذي
صوته زلزلها ورجيفها قام ايزيد وايزيد
حمد:ااااااه يا امل ليتج تدرين انتي شو سويتي فيه خليتينيه لا هب حي ولا هب ميت.....مع الناس ومب معاهم
حمد:وانتي تدرين انيه حبيتج من اول يوم شفتج فيه.....هذاك اليوم صدق حسيت فيه ان في قلب ساكن في جسميه
من كثر ما كان ايدق كل ما شافتج عينيه
ابتسم
حمد:كنت اقول شو هالفرحه الي احسبها يوم اشوف هالبنت ما كنت ادري انه قلبيه الي ايدق
ومن هالاحساس الي احسبه ما كنت اريد شي الا انيه اشوفج....صح ما كنت ادري انج زوجتيه وانقهرت يوم دريت لانيه من قبل كنت رافض هذي الزوجه
ما عرفت شو اسوي...عناديه انيه ما اخلي ابويه ايمشي كلامه عليه خلانيه اناحس اكثر
ولوما دق الج القلب يمكن كان عنديه عادي الموضوع وكنت مشيت الي ايريده ابويه.....لاكن المشكله ان القلب
غرق خلاص.....صممت اتحدى ابويه علنا عشان يجبرنيه عليج.....لاكنه ذبحنيه يوم قال نجوم السما اقربلك
انها اتكون لك.......وفوق كل هذا لعبتبيه الغيره والله انيه كنت اغار عليج حتى من ابويه
اموووت يوم اشوفج في حضنه
تم حمد يطبع قبل رقيقه على رقبتها وورا اذنها وهو ايلمها كثر
حمد:سامحينيه ياالغلا ماكنت احس بعمريه وانا اعق عليج الكلام الي قلته....ماتدرين شو سوابيه فراقج...قبل خمس اشهوروانا في السفر
طحت مريض من علة قلبيه ولوماالله ثم وقفة الشباب معايه اهناك جزاهم الله خيرجان ما شفتينيه الحين صالب طوليه عدالج
ارتجفت حينها امل برجفه هزت حمد معاها وتم اهو لامنها بكل قوته عشان تهدا
حمد:خلاص يالغلا خلاص كل شي فات خلاص انتهى وما انريد نتكلم فيه.......خلينا في هالحين
خلينا ننسى كل شي...المهم انج هالحين معايه
تم يطبع قبلاته الرقيقه على رقبتها ويحاول ايهديها
امل كان ويهها محمر ودموعها مغرقه ايديه الي كانت لافتنها
خذ حمد نفس طويل بعد ما حس انها هدت وابتسم
حمد:ما جنج طولتي؟....ولا هذا الكعب الي لابستنه
بعدها العبره خانقتنها وتحاول تتماسك
لفها حمد ناحيته وتم ايطالع في ويهها واهيه اتنزله اكثر تحت
ابتسم اكثر.....مد يده ومسك يدها ورفعها لقلبه
حمد:تدرين هذا شو سوابيه اليوم؟.....حشى اتقولين طير هب قلب
رفعت امل عيونها شوي ناحيته وردت اطالع تحت
حمد:الصبح يوم قعدت وشفتهم يتجهزون حق السيره يننيه ايقول الا انسير معاهم وانا قايل انيه هب رايح
حاولت اهديه واقوله ماشي سيره لاكنه فضحنيه قام ايتلتلنيه وايخلينيه الم السمان واركبهن السياره اتقولين انا الي بسير هب هم
وعندج في صراع معاه لين اضظريت اخر شي امشي معاهم
ابتسم حمد اكثر
حمد:وطول الطريق وهو ايطير ايريد يسبق الكل مادري شو رابشنه...وانا متلعوز معاه ادعاه
واقول له ارجع لاتفضحنا اكثر من جذيه
مرات ايخلينيه ويطير ومرات اقدر عليه وارده....لين عاده دخلت القاعه عاده اهنيه ما قدرت له تم ايدور ايدور
ايدورله صيده من زمان عده ابها
ويوم لقاها مدري عقب وين راح
اهو طار فوق لسابع سما ولا وين راح ما دري؟
تم ايطالعها وبينه وبينها خطوه لانه ابتعد عنها وهو يتكلم وياشر بيديه
حمد:ماعندج طريقه اتخليه يرجع؟
رفعت امل راسها وابتسامه اتلوح على شفايفها وخطت نصف خطوه ومالت براسها مقربه شفايفها من المكان
الي كان حمد ايشير عليه عند قلبه وطبعت قبله طويله حس حمد ان قلبه انصهر منها
بعدت شفايفها وارتفعت اعيونها اتشوفه وهيه بعدها مايله براسها عند صدره
كان حمد مغمض مش مستوعب اهيه شو سوت
همست امل:رجع؟
خذ نفس وفتح اعيونه ومسكها وهو ايقربها امنه ومسك ويهها بين ايديه وتم ايطالع عيونها الي اخيرا رفعتهن في عيونه
تمو على هالحال فتره كل واحد تايه في عيون الثاني
ابتسم حمد ابتسامه واسعه
حمد:والحين ممكن اطفي شويه من الشوق الي ذابحنيه؟
غاب معاها عقب حمد في قبله طويله حاول فيها قد ما يقدر ايطفي النيران الي مشتعله في قلبه

"وبعدييييين اوه سوري اقصد حمد الصغيرمصرايدق فصوص الكيبورد...مزززززعج"
بعد حمد امل عنه وتم ايطالع ويهها المحمر اما اهيه من الاحراج حطت ايديها على ويهها وركضت لطرف السريروقعدت عليه وهيه ترتجف
قرب منها حمد وابتسامته على شفايفها وقعد مجابلنها على الارض ثاني ريل ومتكي على الثانيه وهو ايشوفها
كانت اتحس انه قاعد ايطالعها وفتحت فتحه صغيره من بين اصابعها اتشوفه منها
عض حمد شفايفه وهو مبتسم ايشوفها بعدها التفت وقام واقف ورجع مره ثانيه وهو ماسك ورده
امل الفتحه الي بين صبوعها زادت اكثر واكثر لين ما رفعت ايديها عن ويهها وهيه نظره عنده ونظره تحت والاحراج مبين عليها قرب حمد الورده الها
ومدت يدها وخذتها
حمد:منو قال انيه يايبنها لج
طالعته بنظرات مستفسره
حمد وهو متشقق من الفرحه:ابا اعرف بس شو الفرق بين لونها ولون اخدودج
صرخت امل من الاحراج بكلمة لااااا وركضة للممر وهيه حاطه ايديها مره ثانيه على ويهها واندست في غرفة الملابس
ضحك حمد وهو يقعد على الارض
تمت امل واقفه في غرفة الملابس وشعرها متناثر حوليها واهيه اتحاول اتهدي دقات قلبها رفعت نظرها للمرايه جدامها وشافته واقف
ايطل عليها براسه
ضحكت ونزلت راسها تحت
واتقدم منها ولفها بيديه واهو يحضنها مع ارتفاع دقات قلبها وصدرها يعلو وينزل
حمد:الغلا لاتتروعين
مسكها من يدها
حمد:تعالي
راح لين طرف السرير وقعد وقعدها على اريوله وهو ايلمها له اكثر واكثر
حمد:فديييييييت روحج والله انيه مش مصدق لين الحين انج عنديه...عذبتينيه يابنت الناس
رفعت امل راسها وابتعدت عند ومسكة ويهه
امل:اسفه
رفع حمد نظره الها مبتسم
امل:تبا رضوه بعد؟
حمد متنح:هاااه
ضحكت امل:لا يروح فكرك بعيد ترا حتى انا قاسيت من لفراق وياااااما كنو ايرقدونيه وما يعرفون شو علتيه
حمد:ااااااه
امل ودموعها بدت تنزل:حمد بس عاده ....ترانيه وايد استحملت فوق طاقتيه...خلنا ننسى ولاعاد اتقول الااااه هذي
حمد:لوما اهيه كانت رفيقتيه جان مادري شو اهو حاليه اليوم....واذا ماتبين تسمعينها مره ثانيه
خليج راضيه عليه دووم
حضنت امل راس حمد لصدرها
امل:راضيه حبيبي راضيه وان شاء الله مابتقولها مره ثانيه
حمد:ههههه فديت روحج...تدرين امل امس اتصل عليه الدريول من رقم
مش غريب عليه ويوم حققت معاه قال انه كان عندج
شهقت امل:قالك
حمد:هههه حبيبي اسف ازعجتك
احمر ويه امل اكثر
امل:الله يسامحه معطيتنه خمس اميه وقايلتله مايقول ان الرقم كان عنديه
حمد:مسكين ماكان بيقول بس غسلته بالعقال لين رمس
ابتسمت امل:وعقب....يوم دريت شو سويت
ابتسم:استانست مااترددت اليوم انيه اخطفج
امل:هاااا انا مخطوفه يعني الحين؟
حمد:هههه شرايج؟
عاااااد انا طلعت اتروعت حمد يمسك اليه جره من لجرار ويرقعبها على راسيه
اتحيدون سعود في قصة رجفة قلوب شو سوابيه طلعنيه بالشوزن...اطلع احسن بكرامتيه ولا انراق امممم وين تبونا انروح هيه عند الشله في دبي الي جلبو الدنيا فوق تحت
ايدورون امل الي اختفت وتيلفونها مغلق مايدرون اهيه مع حمد ولا صار الها شي ولا وين ديارها
ومثل ما قال حمد خليهم ينحرقون...خليفه كان يضحك ويقول والله انها معااه انا شفت الريال مب طبيعي طالع من القاعه
حمد وامل كملو اسبوع مختفين عن الانظار وقبل ا يرجعون اتصل على امه وطلب منها اتسوي حفلة ضيه لامل وابو حمد
من الفرحه جهز الهم حفله كبيره وحجز في اكبر قاعه وسوالهم زفه والبنات ما قصرن حجزن لامل فستان عرس
استااااانست امل عليه
كانت مرات بعد العرس تلبسه في الطقوس
بعد اربع شهور ابشركم العاش يابت ولد وسموه على عمها وكان في خاطرهم ايسمونه حمد لاكن شما سمت قبلهم لانها ربت قبل العاش
الريم بعدها كانت في الشهر السابع
وكانت العاش والريم في هذا اليوم في بيت اهلهن لان سهيل وسعيد كانو مسافرين
في الصاله الي تحت قعدت العاش وولدها جدامها تتفداه والريم كل شوي قالت ياربي متى بربي
العاش:توج يابنت الحلال شعليه مستعيله
الريم:تعبت خلاااص
العاش:عدج باقي شهرين
الريم:عادي ايربون في السابع
العاش:وان شالله تبين اتربين في السابع
صوت قوي فوووق سمعنه وسكتن
الريم:شو هذا؟
العاش:ماادري
بعد شوي سمعن صرخه قويه
وقفت الريم:العاش سمعتي الصرخه
ابتسمت العاش:تعالي تعالي عدج ما شفتي شي ترا اهنيه بيت ابويه من اتعدي الساعه اثنعشر
بتسمعين اصوات وايد غريبه
الريم:هااه
نزلت في هالوقت امل الي كانت لابسه تنوره غجريه طويله عليها وفاتحه شعرها ومكياج صارخ من الي يلمع وهيه ماسكه طرف تنورتها
كانت نازله بسرعه
امل:دسونيه دسونيه...ياويليه ياويليه...وين وين وين اندس العاش فديتج وين اندس
شافت امل الكراسي وركضت بسرعه وراهن واندست واهيه اتقول لا تخبرونه
طالعت الريم العاش:منو هذا؟
نزل حمد الي كان لابس شورت طويل لونه غريب وفانيله كت وشكله كان معصب
حمد:وين راحت؟....
تم ايطالع في كل مكان
حمد:وين شردت دخلت عند الشواااب هااه..مابتقولن وين راحت زين يا امل انا ارويج
وطلع حمد برا ونقزت امل اتريد تشرد لاكنه دخل وصرخت واهيه تركض فوق وهو يلحقها
حمد:تعالي اهنيه وين بتروحين
اختفو حمد وامل فوق والريم بعدها واقفه منذهله والعاش اتلف ولدها واهيه تضحك
الريم:شبلاهم هذولا
وقفزت الريم واهيه تسمع صرخة حمد
العاش:اختيه انسي انسي فديتج ان حد فوق واتجاهلي هالاصوات انا من يومين اهنيه بغيت استخف من الي ايصير كل يوم
وتوها الريم بتقعد وقفت مره ثانيه واهيه تسمع صفيق بيبان فوق
الريم:انتي متاكده ان الاصوات هذي من عندهم
العاش:ههههه عيل ربعج الي تحيدينهم
نزل حمد وهو يضحك والمره هذي كان لابس ثوبه
تم ايرابع في الصاله عقب راح واندس في المكان الي اندست فيه
ونفس الشي ماكان لبسها نفس اللبس الي كانت لابستنه قبل نزلت واهيه اتصيح
امل:ماعليه ..ماعليه يتحسبنيه بسكتله المره هذي ....والله لا اخبر عميه عليه
صرخ حمد وهو يوقف:لاااااا امسكنها بتروح اتوعي ابويه وركض حمد ناحيتها لاكنها سبقته ودقت على عمها الي فتح الباب وارتمت في حضنه اتصيح
ابو حمد وهو مستغرب من لبس امل الي كله شلاليط:شبلاااج يابنتيه؟
امل:حمـــــــــــــــــــــــــد
ابو حمد:يااااااذا حمد الي ياكثر ماتشتكين امنه شبلاه اليوم؟
امل :شوووووفه كله ايغايضنيه ويعصببيه وا...
وتمت اتصيح
ابو حمد شاف حمد:تعال اهنيه
رجع حمد وهو يزفر ما يعرف شو ايسوي معاها
حمد:نعم
ابو حمد:شحقه اتصيحها
حمد:انا؟!!!!!ّ
ابو حمد:عيل انا؟
حمد:انزين اسالها اسالها شو سويتبها انا
زاد صياح امل في حضن عمها
ابو حمد:لا اله الا الله يا حمد شتبا اتصيحها انا كم مره قايللك صك عنها
حمد:انزين قللها شو ايصيحها شو سويتبها؟
ابو حمد:قوليليه شو سوابج وانا برويج فيه
امل:اهو يدري شو سوا
حمد:بطيت نفخاتها بس عشان نفخات اتصيح
التفتت له امل وهيه اطالعه بنظرات معصبه وبعدها لاصقه في حضن عمها
ابو حمد:اسمعنيه زين ان يتنيه مره ثانيه اتصيح اتشوف العريا هذي بخليها اتشوف شغلها على ظهرك
حمد:هاااااا انا تظربنيه علشانها انته تدري شو امسويتبيه
وخلع حمد ثوبه والفانيله ودعست امل راسها في حضن عمها
حمد:طالع هااه طالع كم عضه عضتنيه
تم ابو حمد ايشوف العضه ويشوف الروج الي معلم في كل مكان
ابو حمد:يا الهرم ...اتصيحها وتشتكي من عضتها واهيه ماخلت مكان ما حبتك فيه
حمد انتبه:هاااه اوووه
ضحك حمد وير امل الي كانت ميته من الاحراج ولف يده عليها ضامنها له
حمد:هههه فديتها يا ابويه....شو تبانيه اسويبها...كل اشوي قالت بخبر عليك عميه....ادريبك انك متاذي منها
قرصته
حمد:اااي .....شف اضفورها انته بس
ابو حمد وهو يضحك:تحمل اتزعلها تراها ان يت تشتكي مره ثانيه دخلتها عندنا اتبات وخليتك بروحك تتلفت
ير حمد امل وهو رايح للسلم
حمد:السموحه ياابو حمد خلااااص هذي اخر مره
ابو حمد وهو يلتفت رايح داخل:المشكله انيه كل يوم اسمع هالرمسه...يالله في ريا خير انهم يعقلون

التفتت الريم للعاش:هم كل يوم ايسون هذي الطقوووس؟
العاش:هههههه يبتيها طقووووس
##
##
##
ودمتم بخير جميعا

1 - 4 - 2015, 01:21 PM

تابع

واخيرا وصل حمد للفندق الي حجز له خالد فيه وقف جدام الباب الرئيسي
التفت لامل
حمد:الغلا يالله
نزل حمد بعد ما اخذ سفرته وعقاله من ورا ونادى الحارس الي جدام الفندق عشان ياخذ سيارة حمد ويوقفها في الباركن
التفت لباب امل وشاف انها مانزلت
رجع ونزل نظره لداخل السياره من عند بابه
حمد:الغلا....يالله فديتج
كانت ترتجف واتحس انها ماتقدر تتحرك
تم منحني ايطالعها ويشوف انها ماتحركت بدا قلبه ينغزه...ليش ما نزلت؟
حمد:امــــــــــل .....يالله
ماتحركت وتمت ساكته اتحاول اتسيطر على رجيفها
حمد:بستناج
رفع جسمه وهو يحس بضيقه اتحاول تغزو روحه ومشى خطوتين ووقف قريب من السياره عقب ما طلب من الحارس ايروح وينتظره لين
يعطيه اشاره
طال انتظار حمد وامل ماتحركت
رجع ودخل وقعد عدالها
وبعد صمت طال بينهم همس
حمد:امل ...مابتنزلين؟
ماردت عليه وتمت تفرك ايديها متوتره تم ايطالعها وعقب طالع الساعه الي قربت توصل الوحده ونصف
ما تحركت
حمد:خذي راحتج انا بنتظرج
وطلع من السياره والضيقه رجعت له اقوا من قبل
راح وقعد على طيبلون السياره من جدام وهو متوتر وينتظر وطااااااااال الانتظار عقبها حس حمد بالغيظ يتملكه منها
بتبطي والله اردها وان مانزلت بالطيب بتنزل بالغصب
قام معصب عشان يتخذ خطوته الثانيه وهيه جبرها بالقو تنزل لاكنه اول ما التفت شافها واقفه قريب امنه وهيه منزله راسها رقع قلبه بقو كيف ما سمع صوت الباب
التفت للحارس واشار له وابتسامته ترجع تعلو شفايفه اعطاه السويج وقرب منها
حمد:يالله
مشت امل عداله بخطوات متردده مثل الي رايحه اتسوي جريمه
حمد وهو ايطالع باب الفندق وايحس انه بعيد عنهم وانه مشوار لين يوصلون له رغم قصر المسافه
واخيرا ويا كثر مابنقول اخيرا
وصلو للباب ودخلو ولفحهم الهوا البارد الي داخل الفندق حمد ما حب ايقول الها اقعدي لين اخلص امور الحجز عشان
مافيه ايحاولها مره ثانيه توقف خلاها تمشي معاه لين الرسبشن واعطاهم اسم خالد الي حجز الهم وبعد دقايق خذ حمد بطاقة مفتاح الغرفه والتفت مع امل رايحين للاصانصير الي شافه حمد بعيد ومشوار لين يوصله
على اعصابه وهو ايحثها تمشي معاه
حمد:الغلا امشي تراهم كلهم ايطالعونج ومرتابين فينا
قبل لا يوصلون الاصانصير بكم خطوه وقفت امل قرب منها حمد
حمد بترجي:ليش وقفتي امشي الله يرضى عليج
امل بصوت قريب على الصياح:حمد ما اقدر امشي..........احس قلبيه يعورنيه
حمد بنفاد الصبر عنده:اذا انتي قلبج ايعورج انا قلبيه يحتضر..امشي والي يرحم والديج..ارحمينيه يابنت الناس
مشت امل بخطوات ثقيله وحمد ايحثها اكثر
في الاصانصير كان التوتر واصل عند حمد حده وهو ينتظر الباب يفتح
فتح الباب وعيونه عندها وهو قريب منها
حمد:تعالي
مشت معاه وشاف ان رقم الغرفه في اخر الممر وكانت الخطوات لين اخر الممر اصعب خطوات مرت عليه
كل ما طول خطوته عشان يوصل للغرفه بسرعه ردته امل خطوه ورا وهو ينتظرها تمشي عشان يوصلون
وقبل لا يوصل الغرفه بكم خطوه اسرع للباب وفتحه وتم واقف ينتظرها عند الباب
وكآن حياته وموته مرتبط بدخولها للغرفه..على اعصابه ينتظرها توصل وهذه الخطوات بدت تقترب لين ما وصلت ودقات قلبه اتزيد
واتزيد وهذه خلاص دخلت وعدت عتبة الباب رايحه داخل
قدر حمد ياخذ نفس اخيرا يوم راحت واختفت داخل في ظلام الغرفه سحب ريله ودخل وسكر الباب واخير سند بجسمه على الباب شوي
ما هقا انه معاها وبروحهم اخيرا...وبعد ما اخذ نفس ابتسم ومشى رايح وراها داخل للغرفه
اما امل فاول ما وصلت لنصف الغرفه الي كانت مظلمه الا من النور الي عند مدخل الباب والباب كان في ممر
فيه باب غرفة الملابس وباب الحمام متصل فيها رفعت غطاها وهيه تسحب نفس منعش من ريحة الورد الطبيعي
الي كان تارس الغرفه على حسب طلب خالد الهم ليله خاصه حست امل من الريحه باعصابها تهدا عقب التوتر وشد الاعصاب
فتح حمد النور وهو واقف في الجهه الي وراها
وانعكس اللون الاحمر في كل مكان الغرفه كلها كانت ورد جوري حتى المفرش منترس بالورود المنثوره زوايا الغرفه كلها ورود الرفوف كل الاسطح
حست امل بفرحه تغمرها من جو الغرفه ونزلت راسها تحت واهيه تشوف حمد الي تقرب منها ودار من جدامها وقعد على نهاية السرير
متكي على ايديه وايشوفها وهيه واقفه جدامه تبعد عنه بكم خطوه ومواجهتنه
ما كان يقدر ايشوف ويهها زين لانها مع تنزيل راسها تحت نزلت غرتها على ويهها كانت بعدها بالعباه والشيله
بس جزء بسيط الي كان ايشوفه من ويهها تم حمد فتره وهو ايطالعه ويحاول يستوعبها
اصلا مشكلته انه مايعرف شو بيقول او كيف بيتصرف يكفيه بس الحين انها جدامه ويشوفها
بعد مامر شوي من الوقت وقف حمد الي حس صدق انه مايعرف شو يسوي واتخطاها ورجع والتفت ايشوفها
واهيه تمت واقفه وما تحركت رجع لحمد التوتر وخلع سفرته وعقاله وراح وعلقهن في المعلقه القريبه بعدها التفت صوبها ومشى
متجه ناحيتها وقف وراها وتم واقف مش عارف شو يسوي مد ايديه وحطهن على اكتافها وقفزت امل من
لمسته المفاجئه لاكنه اتدارك الموقف وقال
حمد:هاتي عباتج وشيلتج بعلقهن
على طول امل من التوتر طلعت ايديها من العباه وحمد مسك العباه والشيله وساعدها على خلعهن
خذهن والتفت للمعلقه وعلقهن بعدها التفت الها ودقات قلبه اتزيد واتزيد وهو ايشوفها مثل الملاك الي ما تخيله
كان الفستان عليها شي فوق طاقة حمد وهو ماسك على جسمها وبارز مفاتنها وله ذيل طويل حرص حمد وهو يتقدم منها انه مايدوسه دار ووقف جدامها
وعيونه تمسحها بالكامل بعدها منزله راسها تحت وخصايل من شعرها متناثره على اطراف ويهها
وعلى اكتافها ولاحظ حمد ان شعرها ملفوف واستغرب مشى ووقف وراها مد يده للمساكه الي ماسكه
شعرها وسحبها وحبس انفاسه وهو ايشوف شعرها ينتثر على طول ظهرها نفس طوله الاولي الا بشبر
همس قريب من اذنها وهو مبتسم
حمد:مشاء الله طول
بعدها رفع ايديه وقعد ايمررهن على شعرها
وامل حابسه انفاسها من حركاته
وهو ايمرر ايديه على شعرها انتقلت ايديه لجسمها وثبتهن على خصرها
حمد وبعده يهمس الها قريب اذنها:ضعفتي وااايد
حست امل انها اتريد اتصيح لاكنها اتماسكت اكثر وهيه ماتدري ان عيونها وخشمها بدن يحمرن
تم ماسك خصرها وهو مساند براسه على راسها عقب رفع راسه ومد يده وزاح الشعر الي ورا اذنها
ابتسم ودخل يده لجيبه وطلع الحلق ما كانت لابسه حلق وقرر حمد يلبسها حلقها الي ما فارقه ابد
وما بيرده لاذنها الالانه مصمم انه مابيفارقها اهيه ابد
الاذن الاولى قدر يلبسها اياه بسرعه لاكنه حصل صعوبه في الاذن الثانيه ..اعتدل واقف اكثر ولم شعرها كله
على الجنب الثاني ومسك شحمة اذنها فركها باصابعه عشان يقدر ايدخله زين لاكنه غلط وعور امل
امل:اي
كان واقف وراها وما حس بنفسه وهو ايقرب بشفايفه لاذنها ويقبلها
حمد:سوري سوري ماكان قصدي
ريحة العطر الي ورا اذنها دوخته ووقف مصمم انه ايدخل الحلق وهو ايحاسب انه ما يعورها مره ثانيه
بعد ما دخله خذ نفس وتم ايطالع الحلق في اذنها واغرته الريحه مره ثانيه ايشمها رجع وقرب خشمه من اذنها وهو ايلفها بايديه ويلمها لصدره وهو واقف وراها
وكل ما حس ابها ترتجف ضمها اكثر تم ايحرك خشمه ورا اذنها وهو ياخذ نفس من عطرها وريحة شعرها
حمد:ليش سويتي فيه جذيه.......يعني لانيه انسان غيور اتعاقبينيه بالعقوبه هذي
صوته زلزلها ورجيفها قام ايزيد وايزيد
حمد:ااااااه يا امل ليتج تدرين انتي شو سويتي فيه خليتينيه لا هب حي ولا هب ميت.....مع الناس ومب معاهم
حمد:وانتي تدرين انيه حبيتج من اول يوم شفتج فيه.....هذاك اليوم صدق حسيت فيه ان في قلب ساكن في جسميه
من كثر ما كان ايدق كل ما شافتج عينيه
ابتسم
حمد:كنت اقول شو هالفرحه الي احسبها يوم اشوف هالبنت ما كنت ادري انه قلبيه الي ايدق
ومن هالاحساس الي احسبه ما كنت اريد شي الا انيه اشوفج....صح ما كنت ادري انج زوجتيه وانقهرت يوم دريت لانيه من قبل كنت رافض هذي الزوجه
ما عرفت شو اسوي...عناديه انيه ما اخلي ابويه ايمشي كلامه عليه خلانيه اناحس اكثر
ولوما دق الج القلب يمكن كان عنديه عادي الموضوع وكنت مشيت الي ايريده ابويه.....لاكن المشكله ان القلب
غرق خلاص.....صممت اتحدى ابويه علنا عشان يجبرنيه عليج.....لاكنه ذبحنيه يوم قال نجوم السما اقربلك
انها اتكون لك.......وفوق كل هذا لعبتبيه الغيره والله انيه كنت اغار عليج حتى من ابويه
اموووت يوم اشوفج في حضنه
تم حمد يطبع قبل رقيقه على رقبتها وورا اذنها وهو ايلمها كثر
حمد:سامحينيه ياالغلا ماكنت احس بعمريه وانا اعق عليج الكلام الي قلته....ماتدرين شو سوابيه فراقج...قبل خمس اشهوروانا في السفر
طحت مريض من علة قلبيه ولوماالله ثم وقفة الشباب معايه اهناك جزاهم الله خيرجان ما شفتينيه الحين صالب طوليه عدالج
ارتجفت حينها امل برجفه هزت حمد معاها وتم اهو لامنها بكل قوته عشان تهدا
حمد:خلاص يالغلا خلاص كل شي فات خلاص انتهى وما انريد نتكلم فيه.......خلينا في هالحين
خلينا ننسى كل شي...المهم انج هالحين معايه
تم يطبع قبلاته الرقيقه على رقبتها ويحاول ايهديها
امل كان ويهها محمر ودموعها مغرقه ايديه الي كانت لافتنها
خذ حمد نفس طويل بعد ما حس انها هدت وابتسم
حمد:ما جنج طولتي؟....ولا هذا الكعب الي لابستنه
بعدها العبره خانقتنها وتحاول تتماسك
لفها حمد ناحيته وتم ايطالع في ويهها واهيه اتنزله اكثر تحت
ابتسم اكثر.....مد يده ومسك يدها ورفعها لقلبه
حمد:تدرين هذا شو سوابيه اليوم؟.....حشى اتقولين طير هب قلب
رفعت امل عيونها شوي ناحيته وردت اطالع تحت
حمد:الصبح يوم قعدت وشفتهم يتجهزون حق السيره يننيه ايقول الا انسير معاهم وانا قايل انيه هب رايح
حاولت اهديه واقوله ماشي سيره لاكنه فضحنيه قام ايتلتلنيه وايخلينيه الم السمان واركبهن السياره اتقولين انا الي بسير هب هم
وعندج في صراع معاه لين اضظريت اخر شي امشي معاهم
ابتسم حمد اكثر
حمد:وطول الطريق وهو ايطير ايريد يسبق الكل مادري شو رابشنه...وانا متلعوز معاه ادعاه
واقول له ارجع لاتفضحنا اكثر من جذيه
مرات ايخلينيه ويطير ومرات اقدر عليه وارده....لين عاده دخلت القاعه عاده اهنيه ما قدرت له تم ايدور ايدور
ايدورله صيده من زمان عده ابها
ويوم لقاها مدري عقب وين راح
اهو طار فوق لسابع سما ولا وين راح ما دري؟
تم ايطالعها وبينه وبينها خطوه لانه ابتعد عنها وهو يتكلم وياشر بيديه
حمد:ماعندج طريقه اتخليه يرجع؟
رفعت امل راسها وابتسامه اتلوح على شفايفها وخطت نصف خطوه ومالت براسها مقربه شفايفها من المكان
الي كان حمد ايشير عليه عند قلبه وطبعت قبله طويله حس حمد ان قلبه انصهر منها
بعدت شفايفها وارتفعت اعيونها اتشوفه وهيه بعدها مايله براسها عند صدره
كان حمد مغمض مش مستوعب اهيه شو سوت
همست امل:رجع؟
خذ نفس وفتح اعيونه ومسكها وهو ايقربها امنه ومسك ويهها بين ايديه وتم ايطالع عيونها الي اخيرا رفعتهن في عيونه
تمو على هالحال فتره كل واحد تايه في عيون الثاني
ابتسم حمد ابتسامه واسعه
حمد:والحين ممكن اطفي شويه من الشوق الي ذابحنيه؟
غاب معاها عقب حمد في قبله طويله حاول فيها قد ما يقدر ايطفي النيران الي مشتعله في قلبه

"وبعدييييين اوه سوري اقصد حمد الصغيرمصرايدق فصوص الكيبورد...مزززززعج"
بعد حمد امل عنه وتم ايطالع ويهها المحمر اما اهيه من الاحراج حطت ايديها على ويهها وركضت لطرف السريروقعدت عليه وهيه ترتجف
قرب منها حمد وابتسامته على شفايفها وقعد مجابلنها على الارض ثاني ريل ومتكي على الثانيه وهو ايشوفها
كانت اتحس انه قاعد ايطالعها وفتحت فتحه صغيره من بين اصابعها اتشوفه منها
عض حمد شفايفه وهو مبتسم ايشوفها بعدها التفت وقام واقف ورجع مره ثانيه وهو ماسك ورده
امل الفتحه الي بين صبوعها زادت اكثر واكثر لين ما رفعت ايديها عن ويهها وهيه نظره عنده ونظره تحت والاحراج مبين عليها قرب حمد الورده الها
ومدت يدها وخذتها
حمد:منو قال انيه يايبنها لج
طالعته بنظرات مستفسره
حمد وهو متشقق من الفرحه:ابا اعرف بس شو الفرق بين لونها ولون اخدودج
صرخت امل من الاحراج بكلمة لااااا وركضة للممر وهيه حاطه ايديها مره ثانيه على ويهها واندست في غرفة الملابس
ضحك حمد وهو يقعد على الارض
تمت امل واقفه في غرفة الملابس وشعرها متناثر حوليها واهيه اتحاول اتهدي دقات قلبها رفعت نظرها للمرايه جدامها وشافته واقف
ايطل عليها براسه
ضحكت ونزلت راسها تحت
واتقدم منها ولفها بيديه واهو يحضنها مع ارتفاع دقات قلبها وصدرها يعلو وينزل
حمد:الغلا لاتتروعين
مسكها من يدها
حمد:تعالي
راح لين طرف السرير وقعد وقعدها على اريوله وهو ايلمها له اكثر واكثر
حمد:فديييييييت روحج والله انيه مش مصدق لين الحين انج عنديه...عذبتينيه يابنت الناس
رفعت امل راسها وابتعدت عند ومسكة ويهه
امل:اسفه
رفع حمد نظره الها مبتسم
امل:تبا رضوه بعد؟
حمد متنح:هاااه
ضحكت امل:لا يروح فكرك بعيد ترا حتى انا قاسيت من لفراق وياااااما كنو ايرقدونيه وما يعرفون شو علتيه
حمد:ااااااه
امل ودموعها بدت تنزل:حمد بس عاده ....ترانيه وايد استحملت فوق طاقتيه...خلنا ننسى ولاعاد اتقول الااااه هذي
حمد:لوما اهيه كانت رفيقتيه جان مادري شو اهو حاليه اليوم....واذا ماتبين تسمعينها مره ثانيه
خليج راضيه عليه دووم
حضنت امل راس حمد لصدرها
امل:راضيه حبيبي راضيه وان شاء الله مابتقولها مره ثانيه
حمد:ههههه فديت روحج...تدرين امل امس اتصل عليه الدريول من رقم
مش غريب عليه ويوم حققت معاه قال انه كان عندج
شهقت امل:قالك
حمد:هههه حبيبي اسف ازعجتك
احمر ويه امل اكثر
امل:الله يسامحه معطيتنه خمس اميه وقايلتله مايقول ان الرقم كان عنديه
حمد:مسكين ماكان بيقول بس غسلته بالعقال لين رمس
ابتسمت امل:وعقب....يوم دريت شو سويت
ابتسم:استانست مااترددت اليوم انيه اخطفج
امل:هاااا انا مخطوفه يعني الحين؟
حمد:هههه شرايج؟
عاااااد انا طلعت اتروعت حمد يمسك اليه جره من لجرار ويرقعبها على راسيه
اتحيدون سعود في قصة رجفة قلوب شو سوابيه طلعنيه بالشوزن...اطلع احسن بكرامتيه ولا انراق امممم وين تبونا انروح هيه عند الشله في دبي الي جلبو الدنيا فوق تحت
ايدورون امل الي اختفت وتيلفونها مغلق مايدرون اهيه مع حمد ولا صار الها شي ولا وين ديارها
ومثل ما قال حمد خليهم ينحرقون...خليفه كان يضحك ويقول والله انها معااه انا شفت الريال مب طبيعي طالع من القاعه
حمد وامل كملو اسبوع مختفين عن الانظار وقبل ا يرجعون اتصل على امه وطلب منها اتسوي حفلة ضيه لامل وابو حمد
من الفرحه جهز الهم حفله كبيره وحجز في اكبر قاعه وسوالهم زفه والبنات ما قصرن حجزن لامل فستان عرس
استااااانست امل عليه
كانت مرات بعد العرس تلبسه في الطقوس
بعد اربع شهور ابشركم العاش يابت ولد وسموه على عمها وكان في خاطرهم ايسمونه حمد لاكن شما سمت قبلهم لانها ربت قبل العاش
الريم بعدها كانت في الشهر السابع
وكانت العاش والريم في هذا اليوم في بيت اهلهن لان سهيل وسعيد كانو مسافرين
في الصاله الي تحت قعدت العاش وولدها جدامها تتفداه والريم كل شوي قالت ياربي متى بربي
العاش:توج يابنت الحلال شعليه مستعيله
الريم:تعبت خلاااص
العاش:عدج باقي شهرين
الريم:عادي ايربون في السابع
العاش:وان شالله تبين اتربين في السابع
صوت قوي فوووق سمعنه وسكتن
الريم:شو هذا؟
العاش:ماادري
بعد شوي سمعن صرخه قويه
وقفت الريم:العاش سمعتي الصرخه
ابتسمت العاش:تعالي تعالي عدج ما شفتي شي ترا اهنيه بيت ابويه من اتعدي الساعه اثنعشر
بتسمعين اصوات وايد غريبه
الريم:هااه
نزلت في هالوقت امل الي كانت لابسه تنوره غجريه طويله عليها وفاتحه شعرها ومكياج صارخ من الي يلمع وهيه ماسكه طرف تنورتها
كانت نازله بسرعه
امل:دسونيه دسونيه...ياويليه ياويليه...وين وين وين اندس العاش فديتج وين اندس
شافت امل الكراسي وركضت بسرعه وراهن واندست واهيه اتقول لا تخبرونه
طالعت الريم العاش:منو هذا؟
نزل حمد الي كان لابس شورت طويل لونه غريب وفانيله كت وشكله كان معصب
حمد:وين راحت؟....
تم ايطالع في كل مكان
حمد:وين شردت دخلت عند الشواااب هااه..مابتقولن وين راحت زين يا امل انا ارويج
وطلع حمد برا ونقزت امل اتريد تشرد لاكنه دخل وصرخت واهيه تركض فوق وهو يلحقها
حمد:تعالي اهنيه وين بتروحين
اختفو حمد وامل فوق والريم بعدها واقفه منذهله والعاش اتلف ولدها واهيه تضحك
الريم:شبلاهم هذولا
وقفزت الريم واهيه تسمع صرخة حمد
العاش:اختيه انسي انسي فديتج ان حد فوق واتجاهلي هالاصوات انا من يومين اهنيه بغيت استخف من الي ايصير كل يوم
وتوها الريم بتقعد وقفت مره ثانيه واهيه تسمع صفيق بيبان فوق
الريم:انتي متاكده ان الاصوات هذي من عندهم
العاش:ههههه عيل ربعج الي تحيدينهم
نزل حمد وهو يضحك والمره هذي كان لابس ثوبه
تم ايرابع في الصاله عقب راح واندس في المكان الي اندست فيه
ونفس الشي ماكان لبسها نفس اللبس الي كانت لابستنه قبل نزلت واهيه اتصيح
امل:ماعليه ..ماعليه يتحسبنيه بسكتله المره هذي ....والله لا اخبر عميه عليه
صرخ حمد وهو يوقف:لاااااا امسكنها بتروح اتوعي ابويه وركض حمد ناحيتها لاكنها سبقته ودقت على عمها الي فتح الباب وارتمت في حضنه اتصيح
ابو حمد وهو مستغرب من لبس امل الي كله شلاليط:شبلاااج يابنتيه؟
امل:حمـــــــــــــــــــــــــد
ابو حمد:يااااااذا حمد الي ياكثر ماتشتكين امنه شبلاه اليوم؟
امل :شوووووفه كله ايغايضنيه ويعصببيه وا...
وتمت اتصيح
ابو حمد شاف حمد:تعال اهنيه
رجع حمد وهو يزفر ما يعرف شو ايسوي معاها
حمد:نعم
ابو حمد:شحقه اتصيحها
حمد:انا؟!!!!!ّ
ابو حمد:عيل انا؟
حمد:انزين اسالها اسالها شو سويتبها انا
زاد صياح امل في حضن عمها
ابو حمد:لا اله الا الله يا حمد شتبا اتصيحها انا كم مره قايللك صك عنها
حمد:انزين قللها شو ايصيحها شو سويتبها؟
ابو حمد:قوليليه شو سوابج وانا برويج فيه
امل:اهو يدري شو سوا
حمد:بطيت نفخاتها بس عشان نفخات اتصيح
التفتت له امل وهيه اطالعه بنظرات معصبه وبعدها لاصقه في حضن عمها
ابو حمد:اسمعنيه زين ان يتنيه مره ثانيه اتصيح اتشوف العريا هذي بخليها اتشوف شغلها على ظهرك
حمد:هاااااا انا تظربنيه علشانها انته تدري شو امسويتبيه
وخلع حمد ثوبه والفانيله ودعست امل راسها في حضن عمها
حمد:طالع هااه طالع كم عضه عضتنيه
تم ابو حمد ايشوف العضه ويشوف الروج الي معلم في كل مكان
ابو حمد:يا الهرم ...اتصيحها وتشتكي من عضتها واهيه ماخلت مكان ما حبتك فيه
حمد انتبه:هاااه اوووه
ضحك حمد وير امل الي كانت ميته من الاحراج ولف يده عليها ضامنها له
حمد:هههه فديتها يا ابويه....شو تبانيه اسويبها...كل اشوي قالت بخبر عليك عميه....ادريبك انك متاذي منها
قرصته
حمد:اااي .....شف اضفورها انته بس
ابو حمد وهو يضحك:تحمل اتزعلها تراها ان يت تشتكي مره ثانيه دخلتها عندنا اتبات وخليتك بروحك تتلفت
ير حمد امل وهو رايح للسلم
حمد:السموحه ياابو حمد خلااااص هذي اخر مره
ابو حمد وهو يلتفت رايح داخل:المشكله انيه كل يوم اسمع هالرمسه...يالله في ريا خير انهم يعقلون

التفتت الريم للعاش:هم كل يوم ايسون هذي الطقوووس؟
العاش:هههههه يبتيها طقووووس
##
##
##
ودمتم بخير جميعا

المواضيع المتشابهه لموضوع: جددي فيني حياتي باللقاء للكاتبه وديمة العطا لموضوع: جددي فيني حياتي باللقاء للكاتبه وديمة العطا
الموضوع	كاتب الموضوع	المنتدى	مشاركات	آخر مشاركة
فيني فيني فيني من حياتي ما يكفيني	همس الشوق	همس الشعر و الشيلات الصوتيه	6	20 - 2 - 2023 09:53 PM
رواية رجفة قلوب اسود الصحراء للكاتبة وديمة العطا	سجات التهاويل	همس للقصص وحكايات وروايات	38	8 - 6 - 2018 12:57 PM
كيف بد حياتي من جديد	الفدرالي	همس المواضيع العامة	4	6 - 10 - 2011 01:15 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

جددي فيني حياتي باللقاء للكاتبه وديمة العطا

همس للقصص وحكايات وروايات