رواية ليت دنياي تجي على الكيف - الصفحة 2

14 - 8 - 2014, 11:47 AM

الجزء الثاني..

ثاني أسبوع كنت قاعده بالحديقه العصر وألعب فيها كنت لابسه جنز وبودي قصير و ماخذه راحتي لأن ما أحد يدخل الحديقه أو البيت..كنت ماسكه قصه أقراها من الملل وأنا أفكر في وليد اللي صار لي كم يوم ماشفته احساس صعب انك عايشه مع واحد مايحس فيك ولا يهتم فيك..قبل لا ينام كان يسأل و شلونك بخير؟ و ينام..أما هالأيام صرت أنام قبله و هو

يقوم قبلي..نزلت الكتاب و وقفت قدام النافوره فجأه حسيت الماي يتطشر من كل صوب..ناظرت والا ماي الزراعه طالع من تحت..أول شي سويته اني صرخت وأنا أركض بعدها وقفت وقمت ألعب.. بعد حوسه ولعب و على أذان المغرب طحت وأنا تعبانه وما دريت عن نفسي إلا وأنا رايحه في سابع نومه..حسيت بحراره وحر وماي يصب مني..فيه أحد شايلني والا أنا أتحلم؟..

حسيت بنفسي..وبعد عدة محاولات فتحت عيني..من جابني لغرفتي؟ معقوله وليد شالني؟احمر وجهي لهالفكره رفعت نفسي بقوم و فجأه جتني دوخه خلتني أطيح على

السرير مره ثانيه..دخل وليد على الطيحه وركض صوبي يمسكني و يسدحني على السرير..

: (ليش قمتي؟انسدحي)

انسدحت وأنا أريح راسي من الدوخه..

: (وليد وشصار؟)

: (ما تذكرين شي؟)

: (لا ما أتذكر)

: (دخلت الحديقه الساعه 11 ولقيتك منسدحه و وجهك أحمر وحرارتك نار..أنا بعرف انتي وش تسوين بالحديقه؟)

: (كنت ألعب)

ناظرني مستغرب: (تلعبين؟زين كذا طحتي مريضه؟)

14 - 8 - 2014, 11:48 AM

: (أحسن على الأقل تحس فيني)

شكله منصدم ماتوقع هالكلام يطلع مني..

: (انتي ألحين تعبانه وما تعرفين وش تقولين)

: (لا أعرف وش قاعده أقول)

مسك اللحاف ولحفني عدل وهو يقول: (ما عليه انتي ألحين ارتاحي)

بعدت اللحاف عني وأنا أرفع نفسي:

(أرتاح اذا شفت زوجي جنبي معي في نفس الغرفه ونفس السرير.. يسولف معي يطمن علي ماهو يتعطف علي بسؤال قبل ماينام و ولاأشوف وجهه الا باليوم الثاني في الليل يسألني نفس السؤال و ينام)

ناظرني وهو منصدم: (أكيد هذا من الحمى اللي فيك ما تدرين وش قاعده تقولين)

: (أنا مافيني شي)

ناظرني كم دقيقه نظراته كلها شوق بعدين انتبه و قام..قبل لا يقوم مسكت يده: (وين رايح؟)

: (بروح أفتح الباب)

رجع وليد وبيده كوب حليب..

: (اشربي الحليب)

: (ما أبغى حليب)

سندني علشان أقعد وقعد يشربني انسدحت بعدها وما دريت الا وأنا في سابع نومه..

حسيت بالنور يدخل الغرفه..فتحت عيوني بشويش..آآخ ياراسي..أنا وش جابني الغرفه..ناظرت حولي ما

14 - 8 - 2014, 11:49 AM

لقيت أحد..سمعت الباب ينفتح و شفت جانيت تدخل وبيدها صينيه..

جانيت: (Good morning madam are you ok now‎? ‎‏ صباح الخير مدام هل أنت بخير الآن؟)

‏ ‏: (Yes thank you..how long have i been sleeping?‎‏ نعم شكرا منذ متى وأنا نائمه؟)

انصدمت يوم قالت لي صار لك يومين نايمه..نزلت الصينيه و ساعدتني أروح الحمام أتروش و أتوضى..بعد ماصليت كل الصلوات اللي فاتتني قعدت أفطر وجانيت تساعدني..صراحه ماتوقعتها كذا و الله ظلمتها هالجانيت..بعد ما خلصت فطور سألتها وين وليد قالت انه بعد ماجاب الطبيب طلع الصبح..و قبل ما تطلع قالت ان البيت فاضي

وانها اشتاقت لي..يا حليلها..شفت الدراعه اللي علي..ليه ما ألبس ثوب قصير أحسن..أكيد شكلي كان عفيسه وأنا تعبانه..فتحت الكبت و طلعت ثوب قصير بس تحت الركبه

بشوي لونه تفاحي..فتحت شعري الطويل وخليته كذا..كنت أسوي كل هذا بصعوبه لأني لي ألحين أحس بدوخه وحراره..فتحت الباب بطلع..لقيت وليد طالع بوجهي..دخت

من الخوف(بيني وبينكم ومن شكله الحلو..بلحيته اللي ما حلقها وشكله السهران) حط يده ورا ظهري و قربني منه..صار جسمه لازق بجسمي..ياربي ما أتحمل وأنا أحس بأنفاسه فوق كتفي..بعد ما تمالكت نفسي بعدت نفسي عنه.. ناظرني: (ان شاء الله ألحين أحسن)

هزيت راسي..مسك يدي اللي ضاعت داخل يده الكبيره.. ومشى فيني برا كنا نمشي وحنا ساكتين هو يسحبني وأنا زي الغنمه وراه( صدق

خربت اللحظه الرومانسيه) وصلنا لي الحديقه قعدنا في الكراسي و حنا ساكتين..

14 - 8 - 2014, 11:49 AM

: (وليد عسى بس ما أذيتك؟)

ناظرني وابتسم: (لا ما أذيتيني)

كان يطالعني وهو مبتسم و متشقق..صراحه شكيت: (أأ..وليد عسى ماقلت شي وأنا تعبانه؟)

: (ليه في شي داسته؟)

: (لا بس..ما أدري ما أدري)

ضحك وليد هنا تأكدت ان فيه شي:

(وليد بلا سخافه أنا وش قلت؟)

وقف وليد من الضحك وناظرني: (أنا سخيف؟)

: (اي سخييف)

: (طيب .. أجل ماراح أقول وش قلتي)

: (شفت يعني قلت )

: (قلتي بلاوي بلاوي)

: (يووه قول عاد)

: (ماني قايل)

: (ولييد)

: (منيره)

: (وليد)

: (خلاص بقول بس على شرط؟)

: (وش هو الشرط بعد؟)

: (تحبيني من هنا)

14 - 8 - 2014, 11:50 AM

وأشر بيده على خده.. لااا هذا مو صاحي اليوم.. لفيت عنه وناظرت الجهه الثانيه..

: (وش فيك ماتبين تعرفين؟)

: (اذا بتقول من غير مقابل قول)

: (مافيه شي بالدنيا من غير مقابل)

: (يا ربي بيجنني هالرجال)

: (الا انتي اللي جننتيني يامنيره)

ناظرته وأنا مستغربه..وش قصده الظاهر اني أذيته..بتعبي..

: (تعرفين وش يعني جننتيني؟)

قمت عنه بسرعه وهالشي خلاني أدوخ بس مسكت نفسي ومشيت بهدوء..كنت معصبه ليه يقول كذا بس يبي يضايقني يعني؟سمعت صوته يناديني..ما رديت عليه..وقبل ما أدخل من الباب التفت عليه..

: (آسفه يا أستاذ وليد ان كنت أزعجتك بمرضي وتعبتك معي سامحنا)

ما انتبهت على كبر الكلام اللي قلته الا من ملامح وليد اللي تغيرت 180درجه..عقد حواجبه منصدم وبسرعة البرق لقيت نفسي بين يده..مسكني

من كتوفي بقوه..

: (وش قلتي؟)

: (مم..ماقلت شي)

: (لا آنسه منيره وضحي وش أنا أحس فيه انتي أخبر مني)

ولو انه كان معصب والعرق ناقز من جبهته لكني تجرأت وتكلمت..

: (و..وليد أدري انك تعبت معي و انك ماتحبني)

هدني وعقد ايده على صدره و بنظرة استهزاء: (زين والله طلعتي ذكيه)

وعلشان أريحه قلت له: (ما عليه لأني أنا بعد ما أحبك)

14 - 8 - 2014, 11:51 AM

أنا وش قلت..مجنونه..شفت وش كثر ملامحه تغيرت..ما تكلم سكت وما عرفت أقرى شي ملامحه..تركني وراح..دخلت لغرفتي بصعوبه لأني كنت تعبانه..أول ماوصلت لها طحت على الأرض وانهرت أبكي.. وليد أنا ما أحبك أنا أموت فيك.. ما قلت هالكلام إلا لأني أعرف انك ما تحبني..آآخ ياراسي صداع..صداع فظيع..مع صلاة الظهر هديت شوي وقدرت أنام..قمت تقريبا الساعه أربع الصداع لي ألحين ماراح..بعد ما صليت طلبت من جانيت تجيب لي بنادول وسألتها اذا وليد موجود قالت انه موجود في المكتب..سألتها اذا أكل شي وقالت لي لا..قلت لها تجيب توست وجبن وعصير كوكتيل فريش(أعرفه يموت على الكوكتيل)..لبست لي بنطلون برمودا و بودي أبيض ولميت شعري وخليت خصل تنزل منه..أول ما نزلت من المصعد رحت للمطبخ كليت البنادول وخذيت الصينيه ورحت لغرفة المكتب..أول مافتحت الباب شفته..كان لابس جنز وقميص مفتوح من فوق..شعره معتفس وحاط يد على راسه واليد الثانيه ماسكه أوراق..

رفع راسه..أول ماشافني تغيرت ملامحه..نزلت راسي لأني ماتحملت أشوفه..ومشيت بشويش للمكتب حطيت الصينيه قدامي وأنا قاعده على الكرسي..أحس فيه وهو يشوفني بس ماناظرته مسكت التوست وحشيته بالجبن و مديته لي من غير ما أتكلم ..ناظرني وما تكلم..أما أنا فكنت ماده يدي له و أنا أناظر الصينيه طولنا على هالوضعيه التفت أشوفه..وليتني ماشفته كان معصب حرام عليه يذبحني بهالنظرات نزلت دموعي غصبن عني شفت ملامحه تلين.. ما أدري هي حزن والا عطف والا شوق..ما أدري..حسيت بيده تآخذ التوست مني..مسكت العصير و حطيته قدامه..مسحت دموعي بيدي بعد كم دقيقه رجع لأوراقه..

: (وليد)

مارفع راسه: (بعدين مالي خلق ألحين)

: (بس وليد..)

قاطعني بعصبيه وبصوت عالي وهو

يرفع راسه: (قلت لك بعدين ما تفهمين؟)

14 - 8 - 2014, 11:51 AM

رفعت الصحن بيدي وطلعت من غرفة المكتب وأنا متضايقه..طلعت

للحديقه وقعدت فيها..بعد خمس دقايق..

: (وش مقعدك هنا؟)

كان وليد واقف وراي..

: (بس كذا أتمشى)

: (حلوه أتمشى!!وان شافك أحد بلبسك هذا؟)

: (بس انت قلت ما أحد يدخل الحديقه)

: (قلت وإلا ماقلت..طلعه للحديقه ما فيه)

قمت عنه وأنا معصبه..دخلت الغرفه ناظرت من الشباك وماكان بالحديقه سمعت باب الغرفه ينفتح بقوه.. كان وليد داخل وهو معصب..وبيده

زقاير..

: (وشتسوين عند الشباك؟)

: (ما أسوي شي..كنت قاعده أناظر الحديقه)

سكت ولا رد علي..كان ماسك الزقاير والدخان يطلع..افف ما أحب ريحتها..

: (وليد ممكن تطفي الزقاره؟)

: (ليه ان شاء الله؟)

: (لأني ما أحبها)

: (وأنا أحبها)

لفيت وجهي عنه..يووه يا بروده قعدت أناظر من الشباك أحاول اني أفكر بشي ثاني..كنت أتأمل الحديقه والسور اللي يحوطها.. حسيت بأنها حياتي مع وليد..بس يا ترى السور يحميها والا يبغي يتملكها فقط..أول ما التفت لقيته قدامي..واقف يناظرني وهو معقد حواجبه وماسك الزقاره..كان وجهه أصفر..

14 - 8 - 2014, 11:53 AM

: (وليد فيك شي؟)

: (ليه يهمك؟)

: (أكيد يهمني مو أنت زوجي؟)

قرب مني وهو يقول بتعب: (اي اي

زوجك..بس زوجك..ولا تعتبريني شي ثاني)

قرب وحط جبهته عند جبهتي: (منيره حرام عليكي حسي فيني.. حرام عليكي)

ذبحني بكلامه..أدري ياوليد انك ما

تحبني بس أنا أموت فيك وهذا يكفيني..

قلت له باهتمام: (وشفيك وليد؟)

بعد عني وقعد بالسرير وهو يقول

باستخفاف: (ولا شي .. مااا فيني شي..واللي عنده زوجه مثلك يشتكي

من شي؟)

: (راشد واللي يعافيك شكلك تعبان

روح المستشفى)

قام وليد وعيونه تطير منها شرر

قرب مني: (من راشد هذا؟)

: (ها)

: (من قال ها سمع..من راشد هذا

اللي ناديتيني فيه؟)

14 - 8 - 2014, 11:54 AM

: (راشد؟ايه راشد أخو هند رفيقتي)

: (ياسلااام وتقولينها وانتي مستانسه)

: (راشد عمره 6 سنين)

: (ايي علي أنا..شايفتني خبل..وش بينك وبينه؟)

: (وليد حرام عليك هذا عمره 6 سنين فاهم وش يعني 6 سنين)

: (انتي يبيلك..آآآه..آآه)

طاح وليد من طوله و وجهه أصفر

ياويلي..(وليد..وليد قوم) بديت أصيح عنده..(وليد حبيبي قوم).

الساعه كانت 8 بالليل..كان وليد منسدح على سريره في المستشفى

وأنا قاعده في كرسي جنبه أقرا آيات قرآن بصوت عالي..بعد ما طاح وليد ناديت جانيت وهي تصرفت دقت على السايق اللي وصلنا للمستشفى..قال الدكتور ان

اللي في وليد ارهاق وقلة نوم و فقر دم هذا غير الزقاير اللي صارت

ماتفارقها..خلال كل اللي صار فكرت بشي عمري مافكرت فيه قبل..وليد ماعنده أهل؟! أمه وأبوه وين؟ماعنده اخوان أو خوات؟طيب معقوله ماعنده خوال ولا أعمام؟و لا مره حكى عن عائلته..شفته يفتح

14 - 8 - 2014, 11:56 AM

عيونه ..

: (حمدالله على سلامتك ح..وليد)

بصوت واطي: (ماي عطشان..ماي)

مديت له كوب الماي اللي جنبي و شربه..

: (أنا وين؟)

: (أنت في المستشفى)

: (في المستشفى؟ليه وش صار؟)

: (طحت علينا في البيت والدكتور قال ان فيك فقر دم..هذا غير السم

اللي تشربه كل يوم)

سكت وهو يجلس ويعدل نفسه

: (اسمع من اليوم ورايح مافيه زقاير)

: (ان شاء الله عمتي)

ضحكت أول ماقالها..هو ابتسم

: (تصدقين ما أتذكر شي!! وش اللي صار بالضبط؟)

اختفت ضحكتي أول ماسألني.. لا ما

أبي أقول له..بس الظاهر مايحتاج أقول له لأنه باين من ملامحه انه تذكر..وتغير ملامحه..آآه ياربي أنا

ما أقدر صراحه أكمل في هالحرب صدقوني حرب نفسيه فيه ربح و خساره..خلاص تعبت..قعدت على كرسيي مثل الطير المكسور و اللي منهد حيله بعد مشواار طوويل..مشوار يتعب..والله يتعب

حطيت يدي على وجهي وأناأحاول أخبي الدموع عنه..

المواضيع المتشابهه لموضوع: رواية ليت دنياي تجي على الكيف لموضوع: رواية ليت دنياي تجي على الكيف
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	12	24 - 12 - 2024 01:34 PM
عمر المشاعر ما تجي على الكيف	همسة الشوق	همس للأثاث والديكور	8	10 - 2 - 2017 10:03 PM
شيلة يا راعيه الكيف	سجات التهاويل	همس الشعر و الشيلات الصوتيه	2	31 - 12 - 2015 09:49 PM
اعن له عنة هل الكيف للهيل	جروح الم	همس مطبخ حواء	5	5 - 11 - 2014 01:04 PM
لتدخين كبر علة و صل الكيف في الدلة	لمحة سراب	همس الصوتيات و المرئيات الإسلامية	5	17 - 2 - 2012 09:54 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع