غير مسجل ليت الحزن دمع وابكيه - الصفحة 265

11 - 5 - 2023, 03:37 PM

زخاتك يا مطر ما زالت تنهمر
حبي المجنون لك يكثر ولا يقل
تعال خذني ودع عنك كل من يشغلك
خذني هذه المره فلا أقبل
أي كان منك التعذر
و أينما يكون من الأشكال

11 - 5 - 2023, 03:40 PM

في هالزمن لاصار للرجل لابه
اقربهم اللي بينه وبينهم دم
يلجى لهم لا كشر الوقت نابه
ولا امتلى صدره من اهل الكدر غم
كان الخوي يفزع عشان القرابه
ويش عاد انا صاحب وغالي وابن عم
وانا ليا جيت الرجل عند بابه
ابغي فعل يمناه مابي فعل فم
الذيب ينصى بالرجال الذيابه
وانته من اللي فزعته تفرج الهم
في مجلسك على السعه والرحابه
ابي اطلبك حاجه وابي قولتك تم
اليا انقضت يقضي خويك عتابه
وان مانقضت والله ما يلحقك ذم

11 - 5 - 2023, 03:41 PM

حد علمي بالغلا يوم كنت اسوا كثير
يوم كانت ضحكتي طبع وعنادي سمه

وحد علمي بالعنا يوم خفاقي ضرير
قبل اهدم العشق وابنيه وارجع واهدمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه

ايه عدت من يدي بس ما عدت بخير
ليلة عيت تجيني وجتني مظلمه

من عرفت احساسها كن في قلبي نذير
والنهار المكتأب باين من مقدمه

ليلة حسيتها ما تجور ولا تجير
مثل طفلا ما حقرته وعيت احشمه

واصبحت مثل شعره واقسمت ظهر البعير
وابتدا في موتها الجرح من حيث ختمه

صار لي في العشق ما لا هقيت انه يصير
ان ظلمت بعشرة انسان ما كنت اظلمه

العشير اللي تبرا من ظلوع العشير
الحلا عزز خطاياه والحظ خدمه

لا تبسم يكسر النور فعيون البصير
وكن شمس المغربيه تبات في مبسمه

معتدل في قامته لا طويل ولا قصير
ممتلي بالزين من معصمه لي معصمه

فيه بألوان الهدب لون غير ولون غير
مثل ما للرمش بالعين قصه مبهمه

كنها نكس البيارق على شط وغدير
ومثل لملمة الشتات بشتات اللملمه

في سواد مجدل ما يثور الا يثير
كنه اللي ينهم الريح ثمن تنهمه

ما تجمع لين قيد حريرا مع حرير
في ظلام علم الليل ما لم يعلمه

ما هقيت ان الهدب صلب واجفانه تغير
لين سلهم لعن ابو جد ذيك السلهمه

ما عتقني لين ساق البشاير للبشير
يوم صد وجاه قلبي بشحمه ولحمه

والله انه حط قلبي تحت رحمة شطير
في يديه وكل ما اراد يقسمه قسمه

لو صحيح ان الحبيبين يجمعهم مصير
كان نفس اللي حرمني من النوم حرمه

والله ان مروتي ولعة فيني سعير
يوم شفته تل قلبي وداسه بقدمه

ما رحم زهرة شبابي وانا توني صغير
لين ضيق خاطري ضيق الله نسمه

ايه عدت من يدي بس ما عدت بخير
ليلة عيت تجي بس جتني مظلمه

حد علمي في عناها عذاب وزمهرير
يوم قمت توحي بالاضلاع صوت وهمهمه

وحد علمي في الرجا من نصير ليا نصير
يوم شفت النفس تذبح وهي مستسلمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه

نظرة الحب معجب بهذا

11 - 5 - 2023, 03:43 PM

أفضل طرق عيش الحياه بسعاده
هو أنك تعيش الحياه بسعاده

أنت أنعكاس لفكرتك يعني
أن كنت حزين؟صارالحزن والهم عاده

وأن كنت دايم مبتسم و متفائل
كسبتها مع السعاده عباده

ماطول العمر القصير التوتر
يطول العمر القصير الاراده

تفكيرك ف بكره مظره ليومك
وبكره بتفكيرك ف بعده نكاده

عش في حدود اليوم وأفرح له اليوم
واختار طلعاته و لبسه وزاده

نظرة الحب معجب بهذا

14 - 5 - 2023, 03:13 PM

ٺعبٺ أسۈلف لڪ ۈآنآ مآ ٺڪلّمٺ
.أسڪـٺ أنآ ۈأٺـرڪ عيۈني ٺڪلّم

　لآٺفهم آحسآسي ۈلآ ٺفهم آلصمٺ
مـدري ۈش أسۈي علشآن ٺفــــهم

14 - 5 - 2023, 03:14 PM

الليلْ يخفي .. من تفآصيلي الشمسْ
وأضيع أدور .. عن سنآ الفجر سآهر " .. !

البّردْ يآكلْ معطفيّ .. ويطمسه طمس .. !!
وآحآول أدفى من حنيني " .. وأكآبر .. !!

14 - 5 - 2023, 03:14 PM

عليك من الغلا كثر القصيد وكثر ماونيت
تعال أقصى الضلوع تفزّلك والـــــــروح منثوره

14 - 5 - 2023, 03:15 PM

مساءالشعر يآ نبض الحنين الممتلي بـ إحساس
مساء الصدق فعيون القوافي لا نوَت رسمك

مساء الدمع لا كفكف بعض حزنه بكثييير أنفاس
مساء اليوووه لا صارت حدود السالفه أسمك

14 - 5 - 2023, 03:15 PM

قلبي محل أزهار شوقي ملون
يبيع كل الورد لعيون غـــالي

إهداء من قلبي لقلبك مدون
عليه توقيعي بدال إتصــــــالي

14 - 5 - 2023, 03:16 PM

لك حروفي قصيـد ولك قصيـدي شـعـــور
ولك شعــــوري خفـوق نبضـه الحَيّ إنتـي

ولك غلا في صَميم الروح حَاضر حضور
واشهـــد انــك بقلبي وْلا عـن العيـن غبتي

المواضيع المتشابهه لموضوع: غير مسجل ليت الحزن دمع وابكيه لموضوع: غير مسجل ليت الحزن دمع وابكيه
الموضوع	كاتب الموضوع	المنتدى	مشاركات	آخر مشاركة
ما الحزن	احمد البيشي	همس الشعر والقوافي	4	6 - 8 - 2021 11:53 AM
ودع الحزن	احمد البيشي	همس الشعر والقوافي	4	8 - 4 - 2015 06:53 PM
ياليت حزني مجرد دمع وابكيه	سجات التهاويل	همس الشعر والقوافي	2	26 - 12 - 2014 10:22 PM
عن الحزن	الصامت	همس عذب الكلام والخواطر المنقوله	9	6 - 9 - 2014 06:22 AM
برج الحزن	غمزة دلع	همس الشعر والقوافي	2	16 - 11 - 2012 03:11 AM

الذين يشاهدون محتوى الموضوع الآن : 17 ( الأعضاء 0 والزوار 17)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع