يابنت العناد انا مو ولد ابوي اذا ما جبتك روايه كامله

1 - 9 - 2014, 07:54 PM

وهي تبتسم قالت طيبه وانت والبيت كيفه وبالغلط قالت ومها كيفها
هنا مامسكت نفسها الا وهي بتبكي بس رجعت دموعها لعيونها
وبلعت ريقها قصدي كيفك وكيف ام مها وهنا ماتحمل شكلها الحزين
قام طلال
سحب يدها ليده وضمها صدره ويمسكها بقوه وهو يقول اشتقت لك يا. ريحه مها
هنا ماتحملت سمر وقامت تتكلم بنبره البكاء
لا تذكرني فيها يا طلال وضمته بقوه وهي تبكي
وماهر من بعيد مو مصدق الي يشوفه لا من جد معها صديق لا لا يمكن اخوها ولاحظ عيون سمر الحمراء بس مانزلت منها ولا دمعه هي حلفت يكون دموعها ماتنزل الا على شي يستاهل ..
وهي رجعت على ورا وتتصنع الابتسامه وتقول له كيف رنا
قال لها طلال انتي روحي للكليه تاخرتي وانا بقابلك بعد الدوام حقك هنا عند الباب متى تخلصين سمر بس اليوم مشغوله
طلال اوكيه بكره
سمر ايه بكره اطلع معي سينما انا وصديقتي واقابلك هناك
قام طلال طلع جواله
وقال عطيني رقمك
سمر طيب ٠٥٥٩٨........
طلال متى احتجتي اي شي تبينه بس رني لي وانا اجيك ركض
سمر وانا ابي رقمك
شافهم من بعيد ماهر وهم يتبادلون الارقام قال شكله توها تتعرف عليه ماشكلها تحبه ابتسامتها متغيره ووجها مو على بعضه
طلال بدق عليك وهذا انا هههه
سمر اوكيه يله بااااي
وراحت للكليه وهي تركض اوجعها قلبها وجلست بالارض زي السجود وهي تتنفس
وماهر راح يركض وراها وش فيك هي سمر قومي سمر وشلها بيده ووقفها وهي دايخه ووجها شاحب وطالعت فيه قالت انت اها راعي الحمام والمويه
قال لها ايه انا ماهر ماعرفتيني
طالعت فيه سمر وهي متنرفزه ايه عرفتك خير
هي معصبه من طلال كيف يضمها ويضحك وماكانها حبته ورفضها بضحكه بسيطه ومنقهر شقد اشتاقت لصدره الدافي
طالع لها ماهر بحقد وقال لها
اعصابك ياسيده الدنيا الي ماتحب احد يخاف عليها
طالعت فيه وقالت له شكرا بس مااحتاج شفقه احد
قال لها ماهر
انا مااشفقت عليك يا
قالت سمر هذا اذا تذكر اسمي شكرا بس بعد عني لو سمحت مو محتاجه لرجال بحياتي لان معي رجال
ماهر من قصدك الي قبل شوي يضمك بحرقه
طالعت فيه وقالت مو شغلك يالدلخ
قال لها اوكيه بس يابنت انتي فيك عناد صحيح لكن راح تجين لي يوم من الايام تطلبين مساعده مني
سمر
تحلم
وتحلم
وتحلم اني اترجاك يا سيد ماهر

1 - 9 - 2014, 07:55 PM

ماها اوكيه بس وش فيك قبل شويه باالارض
سمر ولا شي بس دخت
وانت ليش مهتم
ماهر ولا شي بس حبيت نكون اصدقاء
سمر انت قلتها مجرد اصدقاء
ماهر ايه بس اخاف تحبيني
سمر هههههه
ماهر وش فيك يلت شي يضحك
سمر لا ابد انا احبك لا انت الي راح تجي تلحقني لاجل احبك
ماهر المهم اصدقاء
سمر اصدقاء
ماهر جيبي يدك
سمر تفضل سيد ماهر
ماهر هههه حسين اني شغال عند ابوك
سمر هههه تفضل طيب
وسلمو على يدين بعض
وراحو للكليه سوا راحت لجنتها وهو راح لجنته
هو اوصف لكم شكله
ماهر عمره ٢٣ طويل جدا صدره ويدينه مليانه عضلات روعه
وعيونه عسلي فاتح
شفايفه ورديه وصغيره
وشعره بني فاتح مايل للاشقر
وطويل لكتوفه مقصقص وناعم حرير وكثير مره يعني يحلم انه يتصلع بيوم ماشاء الله عليه
وحواجبه البنيه الشقرا كثيفه من فوق عيونه وخفيفه نهايتها
خشمي مرسوم
وشخصيته الاساسيه بحياته العناد ويحب البنت الطيبه وحساس جدا جدا ومحروم حب امه وابوه وفاقد حنان وحب ورعايه
..........
بفرنسا
علي ويلي يمه ياقلبي حبه يجي ويلي
عبدالله بالله فكنا من الاغاني ماترتاح انت الا لما تتسمع
علي لا ابد بس مشتاق لسمر الدلخه
عبدالله بنفسه وانا الي مشتاق لها اكثر منك يا حبيبي
عبدالله اها طيب ليش ماتسالني من خطيبتي
علي منهي يا حافظ
عبدالله اختك
علي نعم
عبدالله ايه اختك احبها وابي اتقدم لها
علي الحين مطلعني من نيويورك عشان فرنسا لاجل تخطب اختي وتعلمني
عبدالله ايه وش قلت
علي والله انا اشوفك كبير عليها لنت ٢٨ هي ١٨
عبدالله بس ابيها والله وادلعهاواسوي الي تبيه
علي والله انا ماامانع بفكر وارد لك خبر بعدين اعلمها
عبدالله طيب مافي مشكله في نفسه اخيرا بتصيرين لي يا روحي سمر
.....بعد الكليه بنيويورك
طلعت سمر وقالت اخيرا بروح الحين المستشفى

1 - 9 - 2014, 07:56 PM

وهي طالعه اخذت كم من ورقه حقت الامتحانات
ولفتها وبالطريق لقت ماهر ونادته ماهر
سمع صوتها وفي نفسه يالبى ها الصوت
التفت لها وقالت له انت بتروح فين
قال لايكون حبيتيني
سمر ... باحلامك
ماهر ها خير وش تبين
سمر بغيت اعطيك الاوراق هذي ورجعها لي بكره لان معي كم من شغله ومافيني اشلها معي طول الوقت
ماهر جيبيها وبردها لك بكره
سمر وهي تتكلم فجاه حست ان صدررها مكتوم وقامت تتنفس بقوه وتكح وتمسك على فمها بيدها
طالع فيها. وش فيك هي سمر
سمر ...كح....كح.....كححح
ماهر هي سموره وش فيك
سمر يا ماهر مافيني شي كح كح كح
ماهر يله نروح عياده الكليه
سمر لالا وبعدت يدينها من فمها وشافت يدها مليانه دم.
وغطتها بسرعه ورا ضهرها
وقال انتي فيك ربو
قالت له لا فيني حساسيه بسيطه ليش
قال فين بتروحين قالت له سمر مو شغلك يا رورو
قال لها ويش
سمر رورو ادلعك ولا ماتبي
ماهر ها لا وهو مكلج عيونه عليها متصنمه
ويطالع لشافها وفيه شويه روج احمر
قال الاحمر عليك مره حلو
سمر شكرا يله تفضل الاوراق وعطته الاوراق بعد مامسحت الدم من يدها بالبلوزه الحمراء وقالت الحمدلله ماابي احد يعرف
اني تعبانه
وراحت عنه
هو مادخل عقله ان حساسيه الي فيها
وقام وراح يلحقها وشافها رايحه لطريق المستشفى وهنا خاف عليها هو بدا يعجب فيها وراح يلحقها

.... طلال بعد ماكلم رنا بالجنازه تغير وتغيرت حياته مره مره
.......
اكيد تبون تعرفون ليش تغير ؟؟؟؟؟

ونرجع لكم ل٦شهور ورا
طلال ومسكت ايده وقالت له ممكن تجي للغرفه الثانيه
وقام موراح معها ودخلو للغرفه قالت له اقول لك وش سبب الحادث بس انك ماتزعل مني وخل اعصابك هاديه
طلال
طيب وش عندك يا حبي
رنا ........

1 - 9 - 2014, 07:56 PM

طلال ها حبي اخلصي علي
رنا انا كنت اتكلم مع مها بالسياره عنك
طلال يتسمع بها وهو منتبه ومركز مره
رنا وبعدين ....
طلال ايه كملي وش صار
رنا قلت لمها اني ماابيك تتزوجني
طلال ها ليش وايش صار كملي
رنا ومها زعلت مني وقالت لي مااسمح لك يا رنا صح بنت خالي وعلى عيني وعلى راسي بس وش فيه اخوي
رنا قلت لمها مافيه شي بس انا ماابيه انا مااحبه
مها طيب ليش توافقين عليه
رنا كذا ابي اقهره عشان مره ثانيه يكذب علي ويقول انه خطب صديقتك سمر
مها بس هو كان يبيك تغارين
رنا بس انا مااحبه بس وافقت عليه شفقه مني
وزعلت مني ولفت على السياره الي جمبنا عشان تخرفني وصارت صدق صارالحادث
طلال ساكت وماتكلم
رنا هذا الي صار
طلال...........
رنا وش فيك قول شي رد علي خل الذنب والندم وتانيب الضمير الي فيني يروح
طلال قام ومسك رنا من كتوفها بقوه
ورنا تبكي انا اسفه بس انا مااحبك وموت مها بسببي
طلال ظغط على كتفها بقوه
ورنا اح طلال عورتني تكلم لا تضربني
وكانت تبي تكمل اخر كلمه الا وطلال
يعطيها كف طاحت بالارض بسبته
وقامت تبكي اعرف لك حق
طلال اسكتي ولا كلمه
رنا اس..
طلال اصصصص ولا نفس
رنا بس
طلال اخر مابيني وبينك الي قبل شوي
رنا بس سامحني
طلال ولا راح اسامحك حتى اخر يوم بحياتك يا كلبه يا حقيره وراح سحبها من الارض بشعرها ووقفها وهي تبكي اسفه سامحني ياولد العم
هي بنت خاله وهو ولد عمها
قال لها من اليوم ورايح ماراح تربطني معك اي علاقه
وطلع برا الغرفه وهي بالارض تبكي وتلم على شعرها الي انفتح من ضربه طلال
طلال طلع وهو يبكي يتمنى انه ماعرفها بحياته ......
بالشارع عند الاشاره
..كحح.....كححح....كح كح
ومن بعيد ماهر مهتم يعرف وين بتروح
سمر

1 - 9 - 2014, 07:57 PM

ليش ليش ترجع بعد الشهور هذي وكانك مااختفيت وتسمني لحظنك بعد ليش يا طلال انا خلاص نسيتك وينسى كل شي يخصك يا حبي الاول ... وحست ان احد يراقبها التفتت على ورا ونفس الوقت الاشاره صارت خضراء وماامداها تطالع ورا الا والناس تمشي مشت معهم ولما صارت بالبوابه حقت المستشفى مسكت على قلبها وتقول ان شاء الله خير

....ماهر ......
يقول مستشفى توقعت تروح تقابل لا معقول هي تعبانه من وش طيب /////
\\\\\
،.،.،.،.،.،.،.،.،.،.
بفرسنا طلع عبدالله يتمشى وهو فرحان وراح المحل الي قريب من الشقه حقتهم ودخل بوجونا
في عندكم هدايا ناعمه
نعم نعم يوجد لدينا تعال من هنا يا ايها الزبون العزيز. راح معهم وفي باله افكار مره مجنونه بخصوص زواجه من سمر
.... طلعت من المستشفى وعلى وجها التعب والحزن والقهر
وشافها ماهر وقال في نفسه لا يكون تعبانه لازم الحقها واشوف وش وراها

سمر وهي تفكر والعبره خانقه صدرها
وتذكر كلام الدكتور. نرجع ساعه لورا يوم دخلت المستشفى

اهلا طبيب الفحص العام فينه ،،؟؟؟
قالت لها الموظفه الي في الاستقبال
تبين معاه موعد او فحص سريع
سمر فحص عام سريع
الموظفه طيب تفضلي هذا الرقم وروحي اجلسي بالانتظار
اخذت الرقم وكان رقم ٢ قبلها رجل عجوز. طالعت فيه وتذكرت جدها الي مات وايامها معاه قبل ثلاث سنين كانت مع جدها بالغرفه طالع فيها وقال تعالي عندي يا سموره راحت لعنده وقالت له لبيه يا جدو
قال لها انا جيت هنا نيويورك عشان اتعالج من القلب واتمنى مااحد يصيبه هذا المرض منكم وبعد كم شهر توفي بجلطه بالدماغ اثرها وجع قلبه عليه وماتحمل لكبر سنه ورجعت للحاضر وهي تفكر لايجي يوم واصير زيه مريضه ومااتحمل وفجاه الطبيت انسه سمر يقول دورك رحت عنده وقال لي وش عندك مشكله قلت له قلبي يوجعني واحس دايم بدوخه واكح وانكتم ويطلع من فمي دم وجسمي احسه ماعاد يشيلني ............
قام وفحص صدري وتحسس نبض قلبي وطالع بعيوني وتنهد اه
دكتور عسى ماشر
وش فيني ليش تنهدت ؟؟؟؟
الدكتور راح اخذ منك تحليل دم وهوا
حلل لي
وقال لي ياانسه سمر التحاليل راح تطلع بعد يومين وانتي حاولي اشد المحاوله انك ماتتعرضين لغبار ودخان وحاولي تريحين نفسك لمده يومين بالبيت لاتشتغلين وابتعدي عن العطور
والملابس الضيقه على الصدر
سمر بس دكتور وش فيني ليش اسوي كذا ؟؟؟
الدكتور لاتخافين بس احتمال يكون عندك القلب وانتي عندك الحين ربو شديد ولازم ماتتعرضي لدخان
والقلب احتمال كبير يكون عندك اكيد الحاله وراثه
هزت راسها بالايجاب وقالت له ايه في عايلتنا هذا المرض .....
الدكتور الحين على الاقل استخدمي هذا البخاخ كل ماحسيتي بكتمه
والدواء هذا استخدميه قبل النوم عشان يبعد عنك الدوخه
سمر طيب شكرا لك واخذت رقم المستشفى عشان تدق عليهم وتاخذ موعد معه اذا طل�

1 - 9 - 2014, 07:59 PM

سمر طيب شكرا لك واخذت رقم المستشفى عشان تدق عليهم وتاخذ موعد معه اذا طلعت النتيجه .....
نرجع للحاضر بعد ساعه
سمر
سمر
سمر
سمعت احد يناديها
والتفتت
على ورا
طلال
قال ماهر لا من طلال
سمر اسفه حسبتك طلال
ماهر بس انا مو طلال
سمر اوكيه هلا كل شويه اشوفك معي وش وراك جاي المستشفى
قام ماهر يصرف وش يدبر لها من كذبه قام قال ازور واحد هنا وانتي
قالت له انا ههه زيگ
قال لها اها منتي تعبانه ولا ايش
سمر لا مافيني شي
ماهر والادويه هذي معك
سمر اوكيه انا معي موعد بس لااحد يدري طيب خصوصا من عايلتي اوكيه
ماهر سلامات وش فيك
سمر مالك خص يله ابي اروح مستعجله وهي تعطيه ظهرها وتمشي ودقت برجال قدامها وبغت تطيح بالارض ومسكها الرجال وظهمها وقال اشتقت لك يا دلخه
ماهر خير خير من انت ولا الدعوه فوضى تضم اي وحده بالشارع
طالعت للي قدامها وظامها وقالت له علي متى جيت يالدلخ
ماهر تعرفينه
علي انا اخوها الكبير
ماهر اها اهلا وسهلا فيك
انا صديق سمر ماهر
قامت ورجعت ورا لماهر وقالت له باذنه الله يخليك خذ الادويه على انها لك وهو مستغرب كيف دفء صوتها عند اذنه وريحه عطرها الهادي وشعرها الي لامس كتوفه ومالاحظ على نفسه الا يوم اخذ الكيس وقال لها لعد تاخذين اغراضي يا هبله
علي باقي على عادتك تاخذين اغرض الناس عناد ودلع منك
سمر طلعت لسانها وقالت
اننن
عبدالله من ورا علي هلا فيك ياماهر وش عرفك ب سمر
سمر ليش السؤال يا سيد عبدالله
عبدالله انا عبود يا قلبي
ماهر وانت من انت انا صديقها بالكليه
عبدالله وانا صديق علي
علي اسمعو انا بروح البيت تبين تجين معي
سمر لا وراي كم شغله
عبدالله اجي معك يا علي
علي اي تعال وسحبه من قميصه بقوه
وراحو
......
علي ياغبي اثقل ولعاد تجلس معاها لحالك فاهم
عبدالله ههههه طيب طيب
....،،،،

ماهر وش فيك مارحتي مع اخوك
في نفسه والله احسن اجلسي معي انا

1 - 9 - 2014, 08:00 PM

سمر عشان ابيك توصلني لصيدليه وبعدها للبيت
ماهر ومن قال لك سواق
سمر رورو لاتتدلع الله يخليك محتاجه مساعدتك
ماهر ويش قلتي
سمر محتاجه مساعدتك
ماهر لا قبلها
سمر رورو الدلخ
ماهر يالبى الدلع
سمر اخذت الدواء وضربت راس ماهر
ماهر اح يا سمر يعور
سمر ادري يعور يله معك سياره
ماهر يب تعالي معي سحبها من يدها
سمر بشويش ماابي اتعرض للهواء
ماهر اوكيه سوري
سمر هذي سيارتك
ماهر يب
سمر مره روعه سيارتك سيارته اوريون
ماهر تفضلي اركبي
ركبت معاه
بالاول
وقفلت الباب واسندت راسها ورا
وغمضت عيونها
ركب السياره وجلس يطالع فيها
شعرها منسدل على كتوفها والروج الاحمر ممسوح
من التعب شفايفها جفت
ماهر وش فيك من مرض
سمر انا فيني ربو
ماهر اها سلامتك ياسموره
سمر ماعليك
ركبت معاه وراحو للصيدليه
بالطرريق غفت سمر ومع تحرك السياره تحركت على جهه الباب ولفت على القزاز وانسدل شعرها وبانت رقبتها وشعرها عليها خصل قليله شافها وماتحمل شقد هي حلوه وقام ووقف لصيدليه ونزل وامن الباب عليها راح اخذ الدواء ورجع وركب السياره وقرب منها واخذ جكيته وغطاها وحرك راسها شويه عشان يحط وراها مخده صغيره وهي التفت عليه وصارت على حضنه وتقول وهي نايمه ليش رجعت طلال ليش وماهر مقهور
من طلال هذا
رجعها لمرتبه السياره وشغل السياره بسرعه لدرجه صحت فيها سمر وهي تمسك على صدرها وتقول وش صار يا رورو
طالعت له وهو معصب وقالت له وش فيك
ماهر ولا شي بس منهو طلال سمر مسكت على فمها وقال وش قلت طلال كيف تعرفه
ماهر وانتي نايمه قعدتي تقولين اسمه
سمر هو هذا ليش انا جبت طاريه
ماهر مدري عنك
لحظها طلال تنرفزت وشاف رجولها تطقطق ببعض وقال بردانه
سمر ايه مره هذا جكيتك بتبرد البسه
ماهر لا بنقص المكيف
وانتي تدفي بالجكيت
سمر بعد صمت دام لعشر دقائق
طلال
هذا واحد كنت احبه ورفضني وهو الي غير حياتي كلها

1 - 9 - 2014, 08:00 PM

ماهر يتسمع وهو ماسك نفسه
بس انا تركته ومابينت له اني احبه ابدا
واليوم
طلع لي فجاه وضمني وقال لي اشتقت لك
ماهر انتي باقي تحبينه
سمر لا احبه كاخوي
ماهر في نفسه الحمدلله
وقال لها اذا ضايقك يوم تعالي لي واشكي لي يا سموره
سمر
ياحظي من واحد اشكي له
ماهر. وش وش وش فيني. انا
سمر ولا شي بسم الله عليك وضربت كتفه وهو يطالع لها ويقول احم احم لاتخليني اضربك
سمر لا خوفتني
ماهر تبين عشا
سمر لا تسلم قلبي
ماهر سكت وقال قلبي
سمر ايه انا اقولها للي احب وانت بدات تدخل قلبي
ماهر والله اخاف تحبيني
سمر ههههه لا مو لذدرجه
ماهر فين بيتك
سمر وصفت له المكان
ويوم صارت عند باب البيت شافت عبدالله عند الباب
راحت تبي تنزل ونزل معها ماهر قال خلي الجكيت معاك
سمر لا ماابيه
ماهر عشان تغطين الدواء
ولبسها الجكيت وقال لها باذنها نومك عوافي وهذا رقمي بجيب الجكيت
لفت بسرعه له وكانت شفايفها بتلصق بشفايفه يوم بعدت بسرعه وقالت له طيب شكرا وخدودها حمرت
ماهر قال بنفسه يالبيه
وقعد يغني سوي كانك مادريت وبوسني وراح لسياره
ودخلت سمر البيت وعبدالله طالع فيها وقال لها اشوفك على خير قلبي ابتسمت له وقالت وانت بخير
دخلت البيت
وعبدالله راح لعند سياره ماهر
دق
الباب حق السياره
طلع له ماهر هلا
الا وعبدالله ماسكه مع

1 - 9 - 2014, 08:01 PM

قميصه ومهدده والله لو اشوفك تقرب منها زي قبل شويه لا اتوطا في بطنك
ماهر بعد يدين عبدالله بقرف وقال اذا صارت لك تكلم يالعجوز
عبدالله عصب وقال ايش انا عجوز يالورع
هذي تعرف من تكون
ماهر ايه
عبدالله اجل من تكون
ماهر حبيبتي
عبدالله تخسي هذي خطيبتي وبتقدم لها بكره
ماهر ههههه ههههه هههههه
ومن قال ههههه لك انها ههه بتوافق عليك
عبدالله غصب عنك توافق
ماهر انا ماراح ابعد عنها لو تقدم لها الملك بنفسه
وركب السياره وهو مروق
عبدالله عض شفايفه قهر وراح لبيته
دخلت البيت وهي تعبانه تبي تنام
سحر هلا هلا
راكان هلا هلا
علي وجع وجع
سمر هلا مامي وباستها على راسها
هلا دادي وباسته على راسه
وجع ببطنك ونزل راسه علي عشان تسلم عليه بس هي ضربت راسه بالريموت الي كان بيده
وضحكو كلهم عليه وعليها
بالاذن انا ابي انام وطلعت وهي تضحك على غباء علي
راحت لغرفتها .....
وفسخت الجكيت واخذت من الجيب الدواء والرقم وتذكرت يوم كانت بتلاقي شفايفهم مع بعض وانحرجت وقالت غبي وطالعت بالجيت الي لونه زيتي غامق وجات تشم ريحته عطر رجالي يجنن ضمت الجكيت وهي تضحك والله شكلك بتدخل قلبي يا ماهر وضحكت في دخله علي عليها
ونزلت الجكيت بسرعه وقالت ماتعرف تدق الباب انت
علي الا بس وش سالفه ماهر هذا
سمر ليش السؤال؟
علي لاحظتك فالتها معه
لاتغلطين وتندمين زي طلال
صاحت سمر الا هذا لاتجيب طاريه لاتذكرني فيه
علي ابي اقولك لك شي
سمر تفضل
علي واحد تقدم لك ويبي رايك قبل يجي يخطب رسمي
سمر نعم نعم منهو هذا
علي عبدالله
سمر فتحت عيونها بقوه وقالت لا منت من جدك
انا اتزوج عبيد
علي ايه. وش فيه
عبدالله
سمر اسفه مو موافقه ياعلوش
علي طيب وش اقول له
سمر اسفه انت تصرف
وطلع علي وهو يقول طيب انا بتصرف وتصبحين على خير
راحت للفراش واخذت رقم ماهر ودقت عليه.............

1 - 9 - 2014, 08:03 PM

وصل البيت وهو معصب من عبدالله بس كان يسري نفسه انه مروق عشان يقهر عبدالله
دخل البيت وشاف ابوه ماسك امه من شعرها ويقول انتي الفاظك ها
دخل وقال سلام
سعد وانت تبي لك ضرب
موضي الا ابني خله
طالع فيهم وقال اها كملو هياطكم هذا انا طالع انام
وراح دخل غرفته
هو وحيد امه وابوه
دخل الغرفه وهو معصب من عبدالله وزياده من اهله
ودخل تسطح على الفراش واخذ الجوال
والا يوم دقت عليه سمر
رد الو من معي
سمر اعصابك يا رورو
ماهر قام من الفراش وراحت عصبيته
هلا وغلا
ماهر
هلا
سمور
سمر ابي اقولك ان واحد تقدم لي وكبير ماابيه ورفضته بس هو لزقه وش اسوي له تقدر تساعدني
ماهر من هو وفي نفسه عبدالله الزفت بس الحممدلله رفضته
عبدالله هو الي خطب الي اليوم لقيته مع اخوي علي
ماهر اها العجوز الي قعد يحقق معي وش اعرفك ونوع صداقتنا هذاك
سمر يب هو
ماهر احسن لك
سمر تصدق
ماهر هلا
انا ماراح اداوم بكره ولا بعده
ماهر سلامات ليش
سمر الدكتور قال لازم اريح
ماهر تريحين من ربو
سمر في نفسها لا القلب بس مااقدر اقولك لك يارورو
سمر ايه الربوو
ماهر طيب عادي اجي ازورك
سمر ايه تعال عشان ابي اخطط معك كيف اخلي عبدالله يتركني
ماهر اوكيه
قفلت الجوال ونامت لين اليوم الثاني العصر
........ ،،،،،،،. ......

في بيت ماري خالد هي ماري يله اطلعي ماتبين تروحين مع صديقتك
ماري الا لحظه ادق عبيها اسالها وش تبي عشان اطلع
خالد اوكيه
دقت ماري على سمر
وردت سمر هلا
ماري فينك ماداومتي ويله نطلع سمر انا مشغوله واسفه مااقدر اروح معك اليوم خليها يوم ثاني
طيب
ماري يوه منك ليش كذا
سمر اسفه
ماري اوكيه خلاص تبين شي قلبو
سمر لا سلامتك
...،،،،،،،...،.،.،.،.،.

المواضيع المتشابهه لموضوع: يابنت العناد انا مو ولد ابوي اذا ما جبتك روايه كامله لموضوع: يابنت العناد انا مو ولد ابوي اذا ما جبتك روايه كامله
الموضوع	كاتب الموضوع	المنتدى	مشاركات	آخر مشاركة
رواية تلاشت قواي بين يديك روايه روعه رومانسيه كامله	اعتزلت الغرام	همس للقصص وحكايات وروايات	13	4 - 4 - 2019 10:13 AM
روايه ثلاث بنات بثانوية عيال كامله	سجات التهاويل	همس للقصص وحكايات وروايات	130	8 - 6 - 2018 01:15 PM
روايه س لك بالله وش سويت فيني وش سر هالشوق اللي يجيني كامله	نَبض♡~	همس للقصص وحكايات وروايات	66	7 - 9 - 2014 02:41 AM
روايه والله لا اجيب راسك كامله	عج‘ـٍزت آنہسہہآكـ	همس للقصص وحكايات وروايات	42	16 - 2 - 2014 05:48 PM
باقي الحب فينا باقي لسى باقي روايه كامله	نسيانك وهم	همس للقصص وحكايات وروايات	15	14 - 4 - 2012 08:52 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

يابنت العناد انا مو ولد ابوي اذا ما جبتك روايه كامله

همس للقصص وحكايات وروايات