رواية تشبهين الصبح في اول شروقه تشرقين وكل من حولك يغيب

9 - 9 - 2014, 09:22 AM

أم خيال بدون شعور صارت تشرح له كل الخمس شهور اللي فاتت من تعب:تعبت ياصقر هذي
تبي مدري وشو وذي تصيح وذيك تبي حليب والشغاله تنظف البيت وتطبخ بعد تبيها تمسك
بناتك لا أدري انك تعبان نفسينا بس أنا تعبت نفسيا وجسديا أنا كبرت خلاص ما بقاء
بالعمر مثل ماضى أبي أصلي بدون إزعاج اقرأ قرآن بدون ما أخذ واحده بحضني واشربها
حليب والثانيه تقلب أوراق المصحف أبي أنام بدون ما تجي واحده تدخل بيحضني تبكي
بفقد أمها والثانيه تصيح تبي حليب معد صرت أعرف اطلع من البيت إلا للملاهي ولا
إشتري لهم حلويات "بدت تنزل دموعها"أرحم حال أمك أرحم حالها أول كنت بنشاط
بعز شباب أقدر بس الحين ما أقدر خلاص ياصقر جب لك خدامه ولا تزوج مافيني حيل
يالله أشيل نفسي وأخوانك يتشرهون بس عيال صقر واختك نوال كل يوم تجي عشان
عيالك وتترك زوجها من الصبح لما الليل أرهقتنا أنا مافيني حيل أبدا لا ليلي ليل
ولا نهاري نهار وانت من جهه ثاني كل بكوم لا صرت لا تأكل ولا تشرب نفسيتك
بالحضيض وبناتك يتعبون معك أرحمنا ندري أنها غاليه وبعد أن غاليه حياتنا بس هذي
الحياة راحت هي وجت لك بنتك زي القمر وعندك غيره بنتين عسل وقشطه
أرجع لطبيعتك أبي إشوف وجههك منور مبتسم بدون الهلات السودا تحت عينك
بدون خطوط التعب على وجههك أبي إشوف صحتك الحين رح قيس وزنك نحفت
وجههك الدائري بداء يطول اهتم بنفسك عشان بناتك كافي يتم الأم بعد الأب خلاص
لا تسوي بنفسك كذا لا تعصر كذا أخوك ضاري ماتت وتزوج وبدا من جديد أدري انك
تموت بتربها بس خلص رجعت للتراب راحت للثرئ راحت أصحى للنفسك للبناتك
للصحتك أبي أهوشك كل يوم على تأخيرك مع الشباب بالاستراحه أرجع زي أول
-الرد الوحيد اللي همس فيه صقر(صعب بدونها صعب)

----
ويهمني كثير توقعاتكم !!
جابر&جنى
احمد&الجواهر
ثامر&نوف
صقر&نادية
__

9 - 9 - 2014, 09:22 AM

**البارت الثاني**

المدخل:-
هل لي أن اقتلع حبك من قلبي ...
اخرجك من دائرة تفكيري من دائرة قلبي ...
اريد أن انساك أريد أن أراك أحااول أن اتذكر من أنت ...
أريد أن أنسى صوتك عيناك بريقها...
جميل جداً أن لا تفهم عندما انظر الى عيناك...
ماذا أشعر به...

...
جنى :
صحيت وانا اسمع صوت المنبه تأأافففت بضيق وانا ابعد شعري الناعم عن وجهي ناظرت الستاره بس احس
بعظمي متصلبه وتلمست جبهتي عرق مهب طبيعي بعدت اللحاف ونزلت بسرعه بدون لا البس حتى السلبرز
حقتي وانا داخله المطبخ شفت جابر جالس يشرب شاهي وبيده ساندوش احس بشي بيقودني له بس مابي
تنفست بعمق لو هو ما (استغفرالله)قد الله وما شاء فعل سمعت صوته المبحوح "
جابر شفتها شلون نزلت بسرعه واستغربت واقفتها وبصوت مبحوح :صباح الخير
جنى حسيت بأكون قليله ادب لو ما رديت فهمست:صباح النور
جنى "وكملت ادخل المطبخ وادور بندول وينه وينه واخيرا اخذته والتفت وانا اشوفه واقف عند الباب ومتكتف
تنفست بعمق وش يبي بعد ..."
جابر:شلونك اليوم
جنى ما تلحظون ان زودها وجهه مغسول بمرق تكلمتــ /بحده:مهب طيبه دامني مصبح على وجهك وما أظن فيه خير دام مصبحه بوجهك
جابر ضغطت على أسناني احسه بتنكسر :ايش
جنى اخذت البريق وانا اسمعه يقول "ايش" التفت وانا احس بفور:اللي سمعته
جابر تجاهلتـ /كل كلامها وانا اقول بحده :اليوم بنزور اهلي
جنى خفت واهتز الكوب بيدي وطاح ورفعت عيوني وانا اقول:مستحيل الله يخليك لا نروح
جابر وانا احاول اخفف عنها بس بطريقه حاده:كذا ولا كذا بتروحين وعلى المغرب اشوفك جاهزه
جنى ما يأست :الله يخليك جابر مب اليوم طيب أي يوم ثاني

9 - 9 - 2014, 09:23 AM

جنى ما يأست :الله يخليك جابر مب اليوم طيب أي يوم ثاني
جابر من بين اسنانه:المغرب اذا ما جهزتي بشيلك مع شعرك واوديك بيت اهلك واشوف اذا استقبولك
جنى حسيت بدمعتي بتنزل وعيوني غورقت يعيارني بلعت ريقي ولما شفته يلتفت يناظرني نزلت عيوني
لاني متاكده ان تعبير وجهي معبره عن مافي داخلي مابي اروح مابي تنسفت بعمق وانا اسمع الباب يتسكر
ونزلت دموعي وانا جلست على ارض المطبخ ابكي قهر انا مرح انذل بروح معه والشكوى لغير الله مذله
مسحت دموعي بعنف مهب انا اللي اضعف مهب انا غسلت وجهي وانا اوعد نفسي مرح اضعف مرح اضعب
انا اقوى الله معي الله معي ..
جابر /ضابط شرطه جسمه عريض ملامحه عربيه بحت وحاااده وشعره اسود فاحم يعتبر مب وسيم بس اللي مميزه طول وشعره الناعم ولون بشرته برونزي شخصيته صارم وحاد مع الجميع الا مع انسانه دق اللي بين ضلوعه لهااا عمره (32)
جنى/اخر سنه للجامعه نعومه حيل بتصرفتها وجذابه وملامحها حاده وصغيره عيونها رماديه فمه صغير وفوقه من جهه اليمين حبة خال شعرها اسود سواد الليل ناعم مب جميله بس ناعمه عمرها (23)
**
الجواهر قمت وانا اسمع يصارخ شايل الغرفه شيل فتحت عيوني بنزعاج ياربي هالانسان دايم اصبح بوجهه وكل ايام معه وانا ما اشوف الخير من وجهه قمت وانا امشي بكسل اخذت دش سريع ولبسة جلابيه ناعمه واخذت جلالي"طرحتي/غطاتي" وانا نازله واسمع امه الكريمه تقول"ليش انشاء الله ما نزلت ست الحسن والدلال" تجاهلتها نزلت وانا احاول احترامها بستها على راسه وانا اقول :شلونك خالتي انشاء الله الحمدلله
ام احمد صرخت:مهب زينه وانا مهب خالتس مالقيتي الا امس (امك) اصير اختها
الجواهر تنسفت بعمق وانا انظرها بنظرات قتال وتخصرت:خير
احمد فولت وما حسيت بنفسي الا وانا امسكها مع ذراعها واصفقها كف:امي تحترمينها سامعه "وانا امشي اصبعي على خشمها"غصب عن خشمك

9 - 9 - 2014, 09:23 AM

الجواهر خفت وانا اشوفه يترك الخبز ويمسك ذراعي حسيت بتتهشم بين يده وغمضت عيوني من الروعه وهو يرفع يده ويصفقني كف لما سمعت كلامه كان ودي اذبحه بس مسكت نفسي لا يكفخني صدق أول ما تركني انطلقت للغرفة مستحيل اجلس افففف مستحيل مستحيل !! دخلت الغرفه وانا اسحب شنطتي بس تركتها وطاحت وانا اشوف صورته اللي بالبرواز جلست على السرير بتعب يعني بفتح عيوني بدون ما اشوفه
حسيت دموعي بتنزل زميت فمي بألم مستحيل مستحيل ما أقدر اعيش من غيره انا متناقضة متناقضة
معه انا انسانه ثانيه اصير جواهر غير بأسلوب ثاني انا ضعيفه حبه يضعفني نزلت دموعي اللي كنت
امنعها بس بعد هذه الدقيقه مرح امنعهاا ..
أحمد/ مهندس معماري مميز بالطول لون بشرته بيضاء ملامحه كبيره وحاده وبنفس الوقت وسيم شعره مايل للبني طيب لله تفكيري جانبي ..عمره (35)
الجواهر/ كانت موظفه بـ(بنك سامبا) بس احمد اجبرها تجلس بالبيت ..نسخه من اختها حنى بس الفرق هي عيونها بندقيه وما فيها حبة خال وانفها سلة سيف وشعرها كستنائي لون بشرتها قمحي عمرها (25)
للمعلوميه (جنى والجواهر خوات )!!.
**
صقر فتحت عيوني وألتفت للمخده اللي جمب راسي على أمل تكون بجنبي على أمل تنفست بعمق مهب جمبي
مهب جمبي سمعت صوت صراخ وصياح فزيت واحاول اخمن وش فيه وانا داخل سمعت صوت بنات تكلمت
بصوت حاد:ياولد
نوال وصوتها مبحوح من البكي:ادخل حياك
صقر واقف يناظر امه اللي حاضنتها اخته نوال والبنات المتغطين ويصيحون :وش فيكم
نوال وعيونها تهدد بنزول دموع:خالتي حصه
صقر قلق:وش فيها
نوال وتحاول تكتم عبرتها:ماتت
صقر من الصدمه:متى وش
نوال حطت يدها على حلقها ما تقدر تتكلم تحس خلاص ما حست الا بشي يحرق خدها الاملس الناعم رفعت يدها وتلمست خدها ناظرت يدها دموع !!
صقر صرخ:متى فهموني
ام خيال:قبل شوي جو بنات خالتك
صقر يسحب الكلام :ايه و ؟
ام خيال وصوتها راح وهي تحضن بنتها
وهينا صقر عصب :ردوا علي
نوال مسحت دموعها:قبل شوي جاب ناصر البنات لانه لحالهم البيت وبيصلون عليها اليوم العصر وتوفت لما رجع من صلاة الفجر
صقر جلس وبهالدقيقه تذكر نفس هالموقف بس العكس هو اللي كان يبلغهم بومتهاا تذكر كل التفاصيل غسلوها واخذوها صلوا عليها تذكر كل شي بتفاصيل وحااس بانفسه تنخطف تنهد واقف عشان يخلي البنات على راحهتم
صقر / يملك شركة الـ...... انسان جااد جدااً غامض بشكل غريب عيونها كباار وناعسه لونها أسود رموشه كثيف انفها طويل وحااد فمه صغير لون بشرته ابيض عمره (38)

9 - 9 - 2014, 09:25 AM

نوف اول ما فتحت عيوني ناظرت جمبي فزيت وانا اشوف ثامر مهب جمبي التفت لللساعه الا وهي 2:00 بعدت اللحاف وانا استغفر استغفر الله اخرت صلاة الظهر دخلت بسرعه للحمام اتوضاء وصليت الظهر وانا
ضايق صدري لاني ماخرتها مب عادتي انوم كثير رفعت عيوني الا في جوال ثامر زاد استغرابي اخذت
ملابسي ودخلت اتروش على السريع لبست بجامه ناعمه ورديه ونزلت وانا اشوف ثامر جالس على الكنب
وجهه مسود استغربت وزادت استغرابي وانا اسمع يتنهد جلست جنبه ومسحت على شعره بهدوء:صباح الخير
ثامر من يوم نزلت وان اشم ريحة عطر بالفواكهه اعرف هالريحه اكثر من نفسي واعرف لمستها الناعمه
لما قالت صباح الخير هينا كنت بنفجر ضحك بس ضحكت بكسل :هههه الا مساء الخير
نوف ابتسمت بنعومه:كذا لا كذا خير دامني شفت هالوجهه ...المهم عسى ماشر
ثامر احلف بالله اني عارف انها بتسأل اعرفهاا هالانسانه النادره مرح القى مثلها :ماشر
نوف يكذب علي وجهه ليه مسود:لا شوف وجهك مسود وباين القلق عليك حبيبي تخبي عني كذا بزعل
ثامر حس بضيق :خالتي حصه ام سلميان ماتت
نوف:اللي بناتها ريم و
ثامر بضيق :ايه
نوف:الله يرحمها ان لله وان اليه راجعون طيب حبيبي متى راح يدفنونها
ثامر وكل ماله تخنقه العبره امه ماتت وخالته قماشه ماتت وهي صغيره وجدته نورا والحين خالته حصه ما حس الا وهو يحاوط خصر نوف ويبكي نفس الطفل بحضنهاا
نوف بحنان تعلقت فيه وهي تحس بتخونها العبره وبتبكي بس مهب وقته تبكي مسحت على شعرها وهي تقراء
عليه الاذكار حبيبها وعمره يبكي هو اللي اخذهاا بعد ما الدنيا لعبة فيها بعد ما اخوها طردها من البيت
تزوجها وخلها معززه مكرمهاا حست شي يحرق خدها الناعم ليوضح حزنهاا وخنقتها وهي تشوف اعز ما
عندها بالدنيا يبكي ما قدرت غير تحاااول توقف دموعهاا
ثامر/محامي بشركة عمه صديق صقر الروح بالروح متميز بالملامحه الغجريه وبشرته السمر المصفره وشعره الاسود الناعم حنون لابعد حد عمره (29)
نوفف/متخرجه من الثانوي ورافضه تدخل جامعة ملامحها ناعمه عيون العسليه الوسطانيه مهب صغيره ولا كبيره خشمها الطويل والحاد وفمها الصغير والملياان فيه طيبه العالم كله عمرها (19)

9 - 9 - 2014, 09:28 AM

مها شهقت وانا اشوف اخوي نايف يسحب أرجوان اختي اللي وجها كل دم ومورم وراه فيصل معصب وجهه محمر سألت وانا خايفه موت عليها:وش فيها
نايف من بين اسنانه :انقلعي
مها خفت وسكتت وانا اشوف ابوي يدخل ومعه السكين بيذبحها شهقت وانا خايفه مو عارفه وش اسوي
غير اني امسك يد اختي عهود وانا اشوف ابوي بيغرس الكسين في صدرها بس اخوي منصور اخذها
وضمها للصدرها ويقول:لا يبه الا الذبح
نايف بغضب وهو يمسك يده لياخذ السكين ويغرسها بصدرها:هذي حلل فينا نذبحها ونشرب من دمها
فيصل مسكها مع ذراعها ودفها على الأرض :ما نوصخ يدينا فيها "بغضب وصوت حاد شال البيت شيل"انقلعي فوق لذبحك يلا
أرجوان يلا واقفت عقب التكفيخ اللي كفخوني اياه وصعدت وانا اعرج دخلت غرفتي وارتميت على السرير
حبيبي طلع نصاب حبيبي كذب علي :ااااااااااااااااااااااااااااااااااااااااااااااااا ااااااااا ياربي اااااااااااااا اهىء حبيبي كذب اااااااااااااا طيب ليه يسوي فيني كذا ليه (ليه ؟)
ابو نايف:رجل كبير بدوله له سمعته وصيته له منصاب كبيره هذا غير ان وزيره وله شركة كبيره عمره (50)
ام نايف:اجتماعيه لأبعد حدد عندها صالون كبير وشايقه نفسه بشكل مهب طبيعي جميله لابعد حد ملامحها غريبه وشعرها عسلي كريه عمرها(47)
نايف:نائب ابوه بالشركه ملامحه غربيه شعرها بني وعيونه بندقيه شخصيته قويه وصارم عمره (31)
فيصل:دكتور جراحه ملامحه تشبه لابوه عربيه بحتت عيونه متميز باللون المايل للرمادي شخصيه صلبه قويه ورحوم عمره (30)
منصور:مبتعث بأمريكا ملامحه تشبه لاخوه نايف بس هو يتيمز بكافة الشعر وشعره أسود وحنون لابعد حد داخله انسان رقيق عمره (28)
مها:مدير في شركة ابوها بالقسم النسائي مشابه لامها بس شعرها طويل للخصرها عسلي عمرها (22)
أرجوان:متميزه بالملامه العربيه بحت ومشبهه لابوها وعيونها بندقيه على امها بس شعرها اسود سواد الليل عمرها (20)
عهود:اول سنه جامعه عربجيه بتصرفتها ونقدر نقول عنها بويه مع انه ملامحها نااعمه وشعرها عسلي ولها غميزات ورقبتها طويله تنتهي ببروز عظمهاا عمرها (19)
**

9 - 9 - 2014, 09:29 AM

جنى على الساعه 6 ونص جهزت لبسة فستان ناعم سيور لونه وردي وشعري فليته على كتفي بعومته وروعته
شوي إلا داخل جابر بيدل وبينزل اما انا تجاهلته وهو يقول (لسلام عليكم ) اخذت شنطتي وطلعت من الغرفة
اذا رحت لعندهم بتنفتح الجروح واخاف ما تنبرى اصلن اذا من الحين ما انبرت جلست على الكنب بكسل
وسندت راسي احس بقلق مهب طبيعي أخر مره شفتهم بزواجي الله لا يعيده من يوم كان عز مهب زواج
تنفست بعمق وانا اشم ريحة عطره المركزه هذي الريحه اللي كنت احبها معد صرت اتحملها شلون داارت
الدنيا سمعت صوته (يلا) اخذت طرحتى وتحجبت ولبسة النقاب وانا اشيل شطنتي ركبت السيارة
وانا احس بقلبي تزاد دقااته سندت راسي وانا اشوف شوارع الرياض زحمه تنهدت وانا اشوف ندخل قصر ابوه حسيت دموعي بتخوني وانا تذكر وش صار في هذا القصر ألتفت وانا اشوفه ينفث الدخاان نزلنا وانا احس بتوتر مهب طبيعي اقدم رجل واخر رجل دخلنا وعطيت الخدامه عبايتي وتعطرت اخذت نفس ودخلت
وانا اشوف ام جاابر طايره من الفرح بشوفة ولدها التفت وشفت الانسانه اللي كانت عزيزه على قلبي
ميثا ملامحها العجريه دخلت وسلمت على ام جابر كانت ترد من دون نفس سلمت على ميثا سلام برد
جلست واحس الجو متوتر وانا ابلع ريقي خااايفه ومتوتر وقلقه محد راح يعرف شعور باللحظه ابدا الا هي !!
ام جابر:ياهلا والله بولدي جااابر عين امه
ميثا:نور البيت
ام جابر:ويه وش فيه وجهك مسود يمه لا لا كل يوم تعال عندي لان شوفة وجهها ياعمري ياولدي تكدر شوفتها
جنى تنفست بعمق هي تقصدني بالكلام ولازم اتجاهلها الحقران يقطع المصراان حسيت بعيوني تغورق بدموع
مابي ابين ضعفي قدامهم
جابر همس لامه:خلاص يمه
ام جابر بصوت عالي:خايف على خاطرها لا تخااف هالاشكال اهم شي عندهم الفلوس
جنى ما قدرت غير اني اخذ شنطتي اللي على الكنب وادخل دورة المياه(الله يرمكم) حسيت نفسي على شفير الأنيهااار تلمست جبهتي حااولت اكتم دموعي بس نزلت خلاص ومررح امنعها ويدي على صدري مكان
قلبي اللي ينجرح ابي اموت وبس ابي اموت وبعدها بررتااح صدق

9 - 9 - 2014, 09:29 AM

الجواهر نزلت عقب ما كفخني كف الصبح واشوف امه تصيح وتكلم امي ..امي عارفه كل شي
مهب مصدقتهاا بس ابوي رفض الطلاق برفض شديد دخلت المطبخ واخذت لي عصير برتقال
وانا طالعه اشوف خواته داخلين تنهدت الله يعين بس تفاجاة وانا اشوف واحده تعكرف لي لين طحت والزجاج دخل بيد حسيت بحراره في داخلي انا احاول اقوم بس روجلي طقت ااه ياربي رفعت عيوني وانا اشوف اخواته
واقفين وهو جااي يركض ويرفعني وانا مالقيت غير احاوط رقبتي وابكي على صدره ..صدره الدافي الحنون
صدر حبيبي اللي اتمنى اكره اتمنى يصير شي وامحيه من ذاكرتي اللي يشك فيني في كل ثانيه عشان امه كذبت عليه بشي عمره مااصر عمره ماصار اتنبهت لصوته وهي يمسح على شعري
احمد:يعورك شي
الجواهر حسيت بشي يألمني وانا اسمع صوته الحنون وهو يسدحني على السرير همست وانا اوريه يدي اللي مبلوله بدم وسمعت شهقته:يدي
احمد لما شفت يدها زااغ قلبي وطررت اجيب لها العباية انا متاكد انها اختي خولة بس تشوف ومشيته ل
وركبتها السيارة وانا كل شوي ملتفت على يدها اللي تنزف دم وصلنا المستشفى طلعوا الزجاج ونظفوها
ولفوا عليها كااان وجهها محمرر نفس الطماطم وصلنا البيت وهي صعدت ترتاح بس انا مهب مرتاح الا لما اهزاء اللي سوى لها كذا دخلت وانا اشوف خواتي يتهامسون ما علقوا تزوجوا وصار عندهم عيال بس مهب
الشرهه عليهم الشرهه على رجالهم المفروض ما يخلونهم يناظرون تلفزيون ويطبقون فينا صرخت:انتو "من بين اسناني"مين اللي طيحت الجواهر
جميله:ماسوينا لها شي هي ماتعرف تمشي
احمد رفع حاجبه باستهتار:ايه
ام احمد:وش دخل خواتك هي مرجوجه
احمد يحاول ما يصارخ على امه:انا اسكت واسكت تحترمكم بس انكم تضرونهاا لا وألف لا
جميله :لا والله
فاطمة:خوووووش ادب حرمتك اللي لسانه طويل وما تحترم
احمد رحت ومشيت للجهة خوله انا اعرف خوله ونفس ما توقعت انقلب وجهها مشيت بسرعه وضغطت على ذراعها وصرخت فيها:ليه تسوين بالحرمه كذا هاه "واهزها"
خوله طاااح قلبي بس التفت:لانها ما تحترم امي
احمد دفيتها لين طاحت على الكنب بحضن فاطمة:اقسم بالله يا خوله ان سويتي هالسواه مره ثانيه بطردك ومعد تدخلين هالبيت بحياتك
**

9 - 9 - 2014, 09:30 AM

صقر اليوم متعب تذكرت عزا نااادية نادية حبيبتي نادية اليوم هذا زااد مواجعي تذكرت نفس التفاصيل
بس اليوم عز خاالتي ام نادية ام حياتي سرقت قلبي وتركتني حسيت بوجعع يهرررس هالقلب
يهرسه دخلت للصاله وانا اشوف امي تحضن نادية اللي تصيح واخذتها واحده من بناات خالتي
لانهم بيسكنون عندنا لان نااصر كل يوم يسافر للقنص وما يجلس الا يوم بالاسبوع تنهدت وانا اشوف
ريما ورنا يصارخون صرخت عليهم:خلاص
صقر:عظم الله اجركم
صقر توقعت اسمع رد بس كل اللي سمعته صياااح بس واحده همست ومبين انها مريم لان هي اكبرهم واعقلهم وافهمهم:اجرنا واجرك
ام خيال:يلا بنات رحوا للغرفكم نااموا
مريم:يلا ريم والبتول
ام خيال تنهدت:ياعيوني توهم فاقدين اخـ "بس انقطع كلامها وهي تلتفت على ولدها صقر ولدها غااامض ما يتكلم صامت سوداوي غريب بتصارفته كل يوم يزيدها غرابه اخذت نفس وهي تشوف رنا وريما يحضنون بعض !!
مريم/معها شهادة ثانوية انسانه بمنتهى الجماال والرقه ملامحها حركاتها الرقيقه ملامحها منحوته نحت وبارزه عيونها تتميز بسوادهاا عمرها (29)
البتول/اخر سنه جاامعه مشبهه لاختها مريم كثيرررر بس مميزه بلون عيونهاا البنيه عمرها(23)
الريم/اول سنه جاامعة ملامحها غير منحوت وباررزه ومدقوقه عيونها عسليه عمرها (19)
**
ابو نايف:لا خلاااص خطبهاا محمد الـ ......
نايف:وش هو !!
ابو نايف:و زواجهم الأسبوع الجاي
منصور:يبه حراام
ابو نايف:انت اسكت اختك بتجيب لنا العاااار سااامع العاااررر
منصور:بس يبه نزو ..
ابو نايف قطع كلامه:انا وش قلت الاسبوع الجاااي زواجها ولعد نشوفهااا
منصور:يبه
ابو نايف:اوووووووووووووص ولا كلمه !!

9 - 9 - 2014, 09:31 AM

جنى بعد ما طلعت من دورة المياه"الله يكرمكم"طلعت وتقهوينا وشربنا شاي وتعشينا والحين البس عبايتي عشان بنطلع وجابر قدامي بس تفأجات وانا اشوف دانة تمر وهي لبسة فستاان أحمرررر وشعرهاا الأسود يغررري
مع بياااض بشرتها والأحمر بغيت اشهق وانا اشوف جاابر ناظرها بعدين صد بس ناظرها حسيت بقهررر
بس ما بينت لفيت الطرحه واخذت شنطتي و لحقته طول الطرق وانا افكر بس سمعت صوته وانقعطت افكاري
جابر:اليوم بالفجر بسافر
جنى بدون نفس:وين ان شاء الله
جابر سمعت صوتها الأستفزازي :لأرض الله والواسعه
جنى انقهرت بعرف وين:لجده
جابر بدون نفس:ايه
جنى:روح بلا رده ان ش "ما كملت لانه سحب فراامل وان بنص الشارع و ضغط على في فكي وهو يصرخ"
جابر حسيت باذبحها صرخت:كملي يلا
جنى طاااح قلبي وانا اسمع صوت السيارات وصراخ خفت وهسمت:اقصد بالسلامه
جابر دفيتها وصقع راسها بالشباك ومشيت اكثر من 140 مدري كم اشاره قطعت بس اللي جمبي اللي القلب خفق لها بتجيب اخرتي ويوم سمعته تقول"الحمدلله وصلت سالمه"تجاهلتها لاني في هذا الوقت اتوقع حتى نفسي مهب مستحملهاا دخلت بسرعه واخذتي ملابسي يحتاجوني في جده ولازم ارروح ونزلت وانا شايل الشنطة وشفتها جالسه تناظر تلفزيون ولما الحين ما فصخت عبايتها بس شعرها تركته منثور على اكتفهااا بنعومه تسحرني يوم عن يوم حااولت اققوم احساسي وتكلمتــ/بدون نفس:تبغين اوديك عند اهلك ولا اخوك فارس ولا بتجلسين
جنى فكرت امي مرررح تستقبلني و اخوي فارس شقتهم صغيره فهمست:لا بجلس
جابر كنت انتظر منها تبدا تجي تسلم علي لكن للاسف ما جاءت واخذت شنطتي وطلعت وانا اقول "استودعتها الله الذي لا تضيع"
**
الجواهر اليوم مر علي اسبوع ويدي ملفوفه بس احمد صار يهتم بأكلي وبشربي وما انزل اذا فيه خواته
بس امه للحين تتعمل معي بجفاسه صار حنون انوم على حضنه الدافي ويصبح بوجهي وهو علي
وجهه أحلى ابتسامه بطيررر من الفرحه مهب مصدقه ان تغير معي تمنيت من زمااان خوله سوت فيني
كذا بس كل شي بوقته حلو ابتسمت بنعومه وانا اشوفه يدخل جاء من صلاة العشاء تفاجاة وانا اشوفه يقرب
ويحب جبهتي
احمد:شلونك
الجواهر:الحمدلله انت
احمد:بخير "وهو يقرص خشمي"وش سويتي اليوم
الجواهر:ابدا ما سويت شي فطرت ونمت
احمد:طيب بدلي عشان امشيك ونشيل اللفه على يدك
الجواهر ابتسمت ابتسامة كرست:دقيقه وانا جاهزه
احمد:يلا انتظرك
**

المواضيع المتشابهه لموضوع: رواية تشبهين الصبح في اول شروقه تشرقين وكل من حولك يغيب لموضوع: رواية تشبهين الصبح في اول شروقه تشرقين وكل من حولك يغيب
الموضوع	كاتب الموضوع	المنتدى	مشاركات	آخر مشاركة
تشبهين الصبح في اول شروقه تشرقين وكل من حولك يغيب	سجات التهاويل	همس عذب الكلام والخواطر المنقوله	1046	28 - 1 - 2022 05:15 AM
لا تستهين بالظلم لو كان بسيطا	حنين الأشواق	همس للقصص وحكايات وروايات	2	30 - 7 - 2021 09:18 AM
احترت من تشبهين	شيخة الزين	همس الشعر والقوافي	8	7 - 6 - 2019 06:56 AM
السرقة الحلال هكذا تسرقين قلب زوجك	همسه الشوق	همس للحياة الزوجية	2	30 - 3 - 2016 03:32 AM
هل تشبهين زوجك	عاشق الرومانسية مودي	همس للحياة الزوجية	2	19 - 8 - 2014 10:35 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية تشبهين الصبح في اول شروقه تشرقين وكل من حولك يغيب

همس للقصص وحكايات وروايات