رواية تشبهين الصبح في اول شروقه تشرقين وكل من حولك يغيب

9 - 9 - 2014, 06:37 PM

مهــا رجعت أجلس جمب ذيــاب وانــا متوتره بشكل مب طبيعي
احس بجسمي يـرجف بطـريقه تخــوف مو قـادره أتكلم أول أنطق أي شيءء ..
ألتفت عليه لأني طفشت همست:سولف
ذيـاب كنت انتظرها تتكلم بس ولا كمله نطقت واستغربت وانـا اسم همسهـا وهي تقول(سولف)التفت جهتهاا وانا انــاظره عيونهــا سحبت مجله وانـا أقول:أجهضتي شـلون .؟
مهـا من سألني هالسؤال سبيت نفسي ليه قلت له سولف:مدري فجـاة حسيت بـألم
ذيــاب رفع يده وهي يحطهـا على بطنهـا ..!
بس هي دفت يده وهي تتكتف وتقول:لو مـا سافرت كـان مـا صرت هالمشـاكل ولو مـا وسويت اللي سويته
ذيـاب رفعت يدي وانـا احط يدي على أنفهــا:بس لو مـا سويت اللي سويته كـان مـا قبلتي تتزوجيني غصبـاً عن هالأنف الحلو
مهـا ينرفزني بشكل دفيت يده وانـا أقول:مو غصب عني انفي الحلو انـا
ذيــاب وهو يحط يده على فمهــا:تو تو تو الحلو لا يعصب
مهـا وانـا خلاص زقت معي دفيت يده وانـا اتنفس بسرعه من الغضب اللي فيني ..!
هو رايق وانـا في حريقه مب طبيعيه أحس بكل شيءء فيني يحرقني
من حـركاتها من كلامه ألتفت جهته وانـا انـاظره بقهر ..!
ذيـاب ضحكت وانـا أقول:بلاش هالنظـارات يـا حلو
مهـا تكتفت وانـا أعطيه ظهري وهو يضحك ..!
****
**
جنى مو عـارفه ليه يعملني كذا ..!
ينـرفزني يغـرقني بحبه هم يـرميني يالأرض اليـابسه
ليه يسوي فيني كذا بعـرف ليه يسوي كذا والله قعد أحترررق قطعه قطعه
مـا بقـاء فيني شيءء نـاظرته وهو يـاكل بيروح الدوام همست:جـابر وش فيك
جـابر وانـا أشوفهـا سرحـانهأ احترق تفكر فيه ..!
أحـاول أصبر نفسي واقول يمكن تفكر بـأمهـأ أحس نفسي منحرررررق
معقوله تحبه لهدرجه مـا قدرت حتى تنسـاها سمعت صوتها وهي تقول(جـابر وش فيك)..!
لمـا قـالت كذا كنت برمي بوجهـا كوب الحليب الحـار وبنفجر بس مسكت نفسي مو وقته ..!
هالنقـاش الحين بروح الدوام شربت الحليب وانـا أقول:مافي شيءء
جنى لحقتهـا وهو يطلع وانـا اقول:الا فيك شيءء
جـابر ألتفت وهو يقول:لا ويلا تبغين شيءء
جنى والله فيه شيءء ليه يكلمني بحده همست:سلامتك
**

9 - 9 - 2014, 06:38 PM

الجواهر وصنلــا لغرفتهـا بست جبينهـا وانـا احط الورد وأقول:سلامااات حبيبتي
خوله بخنقه:ألله يسلمك
أحمد وهو يقـرب ويبوس جبينهـا :سلاماات حبيبت أخوهأ
خوله :الله يسلمك
الجواهر جلست وانـا انـاظر ملامح أحمد وشلون مخطوف لونه وأحس عيونه محترررقه ..!
بدموع .:
نسيت زعلي عليه وكل شيءء حبي له كبير
ولا معقول انسى هالأشيـاء معقوله ..!
نزل البيبي بسبب ضربه ..!
يشك فيني بشكل مب طبيعي ..!
يهيني بشكه واهله ..!
الله حزينه عليهم عذبوني بحيـاتي من تزوجت ولدهم ..!
والحين أبكي عشـانه وعشـانهم ..!
هل قلبي أبيض رقيق ولا ..؟
طبيعة الأنسـان كذا .!

سوري بنــات أدري البــارت قصير بس لكم تعويض بأذن الله ..
يهمــني كثير توقـعــاتكم ,,لا تحــرمومني من تعليقـاتكم وتوقعـاتكم !!

جابر..جنى ~

أحمد..الجواهر ~

ثامر..نوف~

ثامر..البتول ~

صقر..ريم~

محمد..أرجوان~

ذياب..مها ~

نايف..مريم ~

الجازي~

نورا~

9 - 9 - 2014, 06:39 PM

**الــبــارت الثـــامن عشـــر**
**أيـا امرأة تمسك القلب بين يديهـا سـألتك بالله لا تتركيني فمـاذااكون أنـا إذا لم تكوني أحبك جداً وجداً وجداً**

مــريم وصلنــا لأرض الـولايـات المتحده الأمريكيه ..!
لأرض نيويورك أول مـرا بحيـاتي أطلع برا الخليج !!
أنصدمت بفخـامة المطــار كل شيءء فيه راقـي جـاء أثنين أخذوا الشـنط وأنـا أمشي وراء نــايف ..!
ومنبهره من الفخـامه الموجوده والحضـاره بس رفعت حـاجبي وانـا أشوف بنت بمنتهى الجمـال لبسه
فستـان وردي نـاعم وشـعرهـا متبعثر على أكتافهـا عيونهــا كبيره ولونه أخضر مع شفـايفهـا المتفخوه
مع أني احب المـلامح الخليجه الحـاده الكحيله حبيت مـلامحهـا حـاولت أبعد نـظري عنهــا بس في بـالي
شيءء مـا أبغى نـايف يشوفهــا !!
طلعنـا من البـوابه الكبيـره على بوابة الأستقبــال طبعـا بعد مـا خلصنـا الأجـراءت وبعدهـا فتح لنـا
واحد البـاب السيـاره كـانت مرسيدس سوادء ركبنـا انــا ونـايف كنت أنـا معطيه نـايف ظهـري
وانـاظر المبــاني إذا تقطعنـا رحنـا الـكويت الغيــوم والسمـاء شيءء مختلف وأكيد النــاس ..!
فجـآء دخلنـا منطقة مبين أنهـا بـرا نيويورك يمكن ضـواحيهـا لأن المبـاني كـانت أرقى ألتفت
على نــايف اللي يلعب بسكسوكته ومبين أن بـاله بعيد بعد السمـاء عن الأرض ألتفت انـاظر تفـاصيل وجهه
همست :نـايف
نـايف ألتفت بذهن غـايب:لبيه !
مـريم انبهرت "لبيه"توقعت رد بـارد هـاه ,نعم فتحت فمي لمده دقيقه وسـكرته وانـا أقول:الحين وين بـنروح .؟
نـايف نـاظر السـايق وهو يقول:لقصر صديق الوالد
مـريم نـاظرت البوابه الكـبيره انفتحت كـان قصر غير كـان حجر بني ومن فوق بشكل ثمنيه وفخم والمسبح والزرع الأخضر وتقـريبـاً فوق مرتفع فتح لنـا البـاب السـايق والسيـارة اللي ورانـا نزلت يـاسمين وعهود
ومنصور ابوهم والثـالثه ذيـاب ومهـا وفيصل ..!
أستقبلتنـا امراءة بمنتهى الجمـال بحجـابهــا الجميل مع رجـل مـاخذ الطـابع الكلاسيكي بالـبدله المكونه من الجكيت الرسمي الأسود ومبين مـلامحه خليجيه والشيب مـالي راسه استقبلت يـاسمين بحـراره ومهـا وعهود وبعدهـا ألتفت علي بكل حب:يـاهلا والله ومـرحبـا منور البيت بوجودك

9 - 9 - 2014, 06:40 PM

مـريم أبتسمت بطـريقه حلوه:يـاهلا فيك منوره في أهله
خديجة:تفضلوا شلونكم ان شاء الله الحمدلله .؟
يـاسمين بحب:والله كلنـا الحمدلله حبيبتي أنتي وش أخبـارك
خديجة:الحمدلله والله مشـاء الله اجل تزوج ذيـاب مهـا
يـاسمين ضحكت وهي تخفي المـأسي اللي بقلبهـا:أي تزوجوا
خديجة ألتفت على مهـا:هاه شلون رضت الأميره المهـا تتزوج ذيـاب عقب ما خطبهـا أكثر من مـراا
مهـا أبتسمت بخجل خديجة ضحكت وهي تقول:يـازين الحيـاء
مـريم دخلنــا على صــاله جميله كـبيره والشبـاك يطلع على الحديقه والمسبح والبلكونه مفتوحه تدخل نسمـات الهواء البـارده ألتفت لخديجة اللي فتحت الحجـاب وانسـاب شعــرهـا النـاعم الطويل للأخر ظـهرها وأسود مكحل جلسنـا وأن نتبســم وهي بس ترحب فينــا ومبين أنهم يـعرفون بعض من زمــان من كلامهم ..!
ألتفت خديجة :هذي زوجت نـايف
يـاسمين بـابتسـامه:أي شوفي مشـاء الله فلقة قمـر
خديجة :أي والله عرف يختــار هـالنـايف مهب سهل بين وبينكم كنت أبيه لبنتي عهد
يـاسمين ألتفت علي وهي تقول:قسمه ونصيب وعهد صغيره بـأول العشـرينـات
خديجة وهي تتلفت:أجل الأرجوان وينهــا .؟
يـاسمين هزت راسه بعدم رضـا:ما طلع لهـا هي وزوجهــا فيزا
خديجة فتحت فمهـا:أأ تزوجت أرجوان
يـاسمين أبتسمت:ايه تزوجت
خديجة عقدت حواجبهـــا:من متى
يـاسمين وهي تحرك راسه بضيق:من فتررره
خديجة أبتسمت:الله يوفقهــا من تزوجت
يـاسمين بضيق:واحد يشتغـل عند أبوهــا محمد الـ ....
خديجة نـاظرت الخدامه اللي صلحت السفــره على المسبح وفتحت البلكونـات ألتفت وهي ترفع شـالهـا عشـان تتحجب :يلآآ تفضلوا على الغداء
يـاسمين وهي تسحب شنطتهـا الصغيره وتصلح حجـابهـا:يلا بنـات
مـريم لحقنـاهم بس تفـاجـات بنت نعومه يمكن هذي نجد كـانت ملامحهـا مب جميله بس نـاعمه ومتحجبه بس نحيفه بشـكل أن إذا حـركت يدهـا تبـان تفـاصيل العظـام هيكل سلمت على عهود ومهـا بالأحضـان وسلمت على بحراره وبعدهـا جلسنـــا على الطـاولة ودخلوا أبو نـايف ونـايف واخوانه واللي استقبلنــا واحد مبين انه صغيـر
وجلسنـا فتره صمت بعدهـا بيداءت خديجة ويـاسمين بـالسوالف وعهد ومهـا وعهود وان أرد بتعليق صغير أو ابتســامه أحس نفسي متوتره أخذ الخس وبلعتهـا وانـا أحس نفسي بـأبكي أشتقت لخواتي واحس نفسي غـريبه هنــا ,عهود ومهـا يعرفون يتكلمون يتبدلون أراء بس أنـا سـاكته ومو عـارفه وش أقول او أبداء ..!
متى اروح أنــام أبغى أجلس لوحدي أحسن من أجلس وأحس نفسي غـريبه حسيت بدمعه بتخووني حـركت رموشي بسـرعه عشـان مـا تطيح وهي مـا أنتبهت أن نـايف كـان يـراقبهـا !!

9 - 9 - 2014, 06:41 PM

ريـم توني بلبس التنـور رن جوالي رديت بكل حب لهالأنسـانه:هلا والله...........الحمدلله انتي ..........اي وش عندك رايحه بدري ..........هههههههه أحسن مـا كـان لي خلق أجي .......مع السـلامه
ألتفت وانـا أششوف صقر ينـاظرني وأنـا لبسة بجـامه فضفـاض تجيب شكـلهـا مو حلو لونهـا ابيض وفيهـا ورود ومقطنه مـا ألبسهـا الأ لمـا أحط بشـعري زيت وكذا أحس بفشـله وشـعري متتنثره على كتووفي
نـاظرني بـأبتسـامه وهو يقول:يـلا تجهزي
ريـم بربكه :اليوم مهب رايحه للجـامعه
صقر عقد حواجبه:ليه ؟
ريم وهي تتذكر اللي حصل بينهم وجهه يحمرررر:أ أ الدكتوره اليوم معتذره
صقـر وهو يـرمي المنشفه اللي على راسه:أي
ريـم فتحت الـدولاب أدور شيءء زين لبسة فستــان نــاعم أبيض سـاده للـركبه وسيور أخذت شـال خفيف وردي نـزلت تحت وانـا أشوف خـالتي تلبس البنـات شنطتهم من متى هـالأهتمــام ..!
بــس كذآآ تترز أني انـا السنعه ..!
مشيت ولآآ كـأني أشوفهــآآ هي والجدار واحد أجل كل صيف تتزوج مسـيـار ..!
المشــكله مب من ذاك الحلى ألتفت لخـالتي نـورا هي المفروض مشـاء الله بس بعد ذي مـا قصرت ..!
بس هي أجمل خـالاتي مـلامحهـا غير عنهم شـعرهـا البني وعيونهـا وبيـاض بشـرتهـآآ ..!
نـاظرت صقر اللي يسـلم على أمه وجلس بـراس الطـاوله عيونه تـبرق من لمعتهــآآ .
خجلت أرفع راســي وانـا اتذكر اللي صـار أخذت الشوكه واغرسهـا بالجبن الأبيض مع الزيتون وانـا أحس بجمسي يشع باللون الاحمر بس سمعت صوت الكريه ونسيت كل شءء وانـا احط الشـوكه وانـاظره وانـا رافعه حـاجبه ..!
الجـازي:ترى بطلع فيزا بسـافر بـرطيـانيا ونورا معي
صقر وهي يـحرك راسه بمعنى كيفكم:كيفكم
الجـازي وهي تمضغ الأكل:أنـا مـا سـألتك قَعد أقولك
ريـم أبتسمت بسـخريه وانـا مـاسكه الشـوكه ..!
صقر تنهد بتـرجع أيــام قبل موت نـاديه !..
نـورا نـاظرت بغـرابه للجـازي شـلون محد ألتفت عليهــآآ مثله للكل انهـا الطـاهره المظلومه صح أختي بس خفت منهــا *!
صقر سحب شنطته الدبلومـاسيه اللي فيهـا اوراق مهمه للشـركه:استئذن
الجـازي وهي تلتفت على نـورا بـأبتسـامه وتقول:أذنك معـاك !!

9 - 9 - 2014, 06:42 PM

**
الــبتول ألتفت وأنـا أشوف جمبي ثـامر تذكرت اللي صـار رجعت شـعري بتوتر ..!
تذكرت نوف اللي سوت أشيـاء لي ولأهلي *.
نزلت دمعه أنــا خـاينه الصـادقه !
شـلون زوجي بيـأمـان لي شلون ؟
إذا صديقتي اللي تعتبر كـأنهـا اختي الروح بـالروح ..:
ألتفت أنـاظر تفـاصيل وجهه ودموعي تنزل !
مـا أعرف مين أخــتار ؟ بس أكيد بـأخـتاه ..!
نوف مستحيل تـرجع بس أقدر أرجع لهــا كل التظحيـات بتظحية أنتي أتركك !
وأبعد عنكم وعن حيـاتكم بس هو قـرب مني يعني يبيني أخذت الروب وأنـا ادخل الحمـام(أكرمكم الله).
نـاظرت وجهي بـالمـرايــاة وين البتول وينهـا الفرفوشه !
اللي ضحكـاتهــا تملي المـكان الحين جـالسه ومو عـارفه وش أســوي فتحت الصنوبر بديت أرفع المويه للتبل وجهي مسكت بـالمنشفه بهدوء وانـا أحس قلبي ينعـصر من الأالم ..!
( صديقتي وأختي
ولا
زوجي وحبيبي ).
معـادله صعبه جداً تـروشت بسـرعه ولفيت الــروب ونشفت شـعري وانـا أفكر بحيـاتي
اللي مو راضيه تتعدل مأ أبغى أرجع لخـالاتي مطلقه أخذ لقب مطلقه وعند خـالتي الجـازي ونــورا !
تذكرت اللي صــار لمـريم مـا أبغى يلعبون فيني !
أختي ريـم بتوقف ضدهم بس مين يحمينــا نـاصر دايم ..
يســافر للقنص وللصيد مـا يلجس يوم يومين وبنــات أختي ريمـآ ورنــآ ونـادية !
بيجلسون عند ابوهم ومـرح ندري عنهم شيءء ولا نبي نرمي ثقلنــآآ على مـريم !
ويمكن ريم تحب صقر وترفض تطلع وانـا اللي أجلس مو عــارفه وش أسوي..
لبسة بجــامه قطنية سوادء وطلعت بـالصـاله انـاظر بـرنـامج ولآآ شيءءء أوسع فيه صدري المغموت سمعت صوت خطوات رجل وصوته المبحوح:صبــاح الخير
البتول انـا انـاظر التلفزيون:صبـاح النور
ثـامر وهي يتلفت :مـافي فطور
البـتول وهي ترجع شـعرهـا المبلول على وراء:فيه بس شوي واجهزه
ثـامر اخذ الـريموت وهي راحت للمطبخ !!

9 - 9 - 2014, 06:42 PM

ثـامر كذا احسن عشـان مـا أحرمهـا من حقوقهـا كزوجه وعشـان مـا أفرق بينهـا وبين نوف بس نوف غير نو القلب لهــا والروح !!
نوف زهرة أخذتهــا وتفتحت على يدي ..دخلت البس ثوبي لازم أودي نوف للعيـاده عشـان حملهـا الغير مستقر وضعف جسمهــا..!
البتول صلحت السـفره وترررددت أطلع ولا !!
نـاديت بأسمه وأنـا بالمطبخ :ثــامر ثــامر يـا ثـ
أنقطع صوتهـا وهي تشوفه يدخـل وعلى فمه أبتسـامه جلس بـالكرسي المقـابل ولي وانـا أخذت التوست ودهنتهـا
بالجبن وكوب شـــاي أبي أروق شفته شـلون يـأكل بسرعه سـألتهـا بـأستفسـار:وش عندك مستعجل
ثـامر وهي يشـرب بعجله:عندي موعد
البتول هزيت بـراسي موعد !!
مـجرد مـا أنـا وصديقتي مشتـركين بـرجــال شيءء يـحرق
شــلون أنـا أحبه وهي تحبه بس هو يحبهــا..
ليش يصير بحيــاتي كذا ليه .؟
تـرفزت من هالأفكـار سمعت صوته وهو يقول(عطيني كوب سفـري) !!
البتول وقفت وانـا أقول بهمس:من عيوني
ثـامر رفع عينه وهي ينـاظره تعطيه ظـهرها وهو يقول:تسلم عيونك
البتول أخذت الشـاي حقه وصبته بـالكوب السفري وهو أخذه وهو يقول:مشكور
البتول حـركت راسهـا وهي تقول:ولو
ثــامر قرب منهـا وهي يبوس راسهـا:تبغين شيءء وانـا جاي
البتول حـركت راسي بمعنى لآآ وهو عطــاني ظهره وطلع
جلست على الكنب منهــــاره أحس بــموت بنفجـجر يحبهــآآ يفـكر فيهــا تفكر فيه أنـا ليه حيـاتي مو مثل النـاس
وحتى هي حيـاتها متعثره يـارب تصلح لنـا شانا يارب !
أخذت الصحون وغسلتهم بســرعه وفتحت التلفزيون وطلعت أغنية (أمي ثم أمي)..!
وتذكرت أمي هي اللي كتبت الوصيه بـزواجي من ثـــامر
طـاحت عيني على صورتنـا انــا وهو بعـرسنــا هه هه
ماكـان عرس أبدا كــان شيءء بعيد عن الفــرح كـانت مشـاعرنا غير عن هذيك اللحظة وهذي اللحظة
كـان شيءء مختلف وبعيد عن الوصف ..
**

9 - 9 - 2014, 06:43 PM

نـوف سـكرت السـامعه من أخوي وأنـا أتذكر عنب زوجته معي الله يـا الدنيـآآ الحين تتعـالج من السـرطـان طردهـا لي هذي حوبتي !!
بس الله يشفيهــآ لأخوي مو لي رفعت يدي أتحسس بطـني ضعف الجنين موتني خوف عليه رحت المطبخ أصلح لي توست البيبي لآآزم يتغذى صبيت لي حليب ..
وانـا متفـأله البيبي ووااااي شـعور حلو حـركت يدي على بطني ست شهور وبيكون بيبي يزعجني وألعب معه لآآزم أبعد تفكيري عن ثــامر عشــان مـا انحرق مـا اصير من جو فحم متفتفت مـا أبغى أضعف ..
سمعت صــوت البــاب يتـسكـر رفعت عيوني وأنـا أشوف ثــامر وهو يبتســم بوجهي وانـا كشرت بوجهه ..
قرب وبــاس خدي وهو يمسح على خدي بنعومه:صبـاح الخير
نـوف توترت من قربه اللي يـأثر علي وهمست:صبـاح النور
ثــامر: يلآآآ ألبسي نــروح للعيـاده
نـوف وهي تحـرك يدهـا بضيق :وأبغى أطلب
ثــامر وهو يحط أصبعه على فمه ويهمس:الحلو مـا يطلب يتدلل يـأمر يـا عسل
نـوف حـرك وجهي بخجل بس راح الخجل وانـا اتذكر البتول يمكن يسوي معهـا كذا بعدت يده بعنف وانـا اعطيه ظـهري واقول:السوق بشتـري مـلابس للبيبي ولي
ثــامر :بس
نـوف وهي تمشي:أي
ثــامر جلس على الكنب ويقول:البسي انـا انتظرك هنـا
نوف مشيت وانــا متوتره حيـل وأحس رجفه بقلبي مب طبيعيه ..
دخلت الــغرفه وانـا أحس بكل شيءء فيني يهتز حبيبي مــتزوج صاحبتي ويـاليت بس صـاحبتي مكـانة أختي !!
وبنت خــالته حسيت بضيق بـأنفــاسي تنهدت وانـا أحس مـالي خلق للطلعه السخيفه !!
دخلت أتــروش على الســريع ولبسة بنطلون واسع وبدي واسع من بعد الصدر صـاير لي بطن ..
صغنون أخذت شنطتي وعبـــايتي لفيتهــا وانـا مترردهه مـا أبغى أطلع مـا أبغى أشوفه مـا أبغى اتذكر انك خنتني !!
تزوجت صديقتي واعز وحده على قلبي مـا ابغى اتذكر مهب يحق لي أجلس ولا اطلع بس سمعت صوته وهو يقول:نـــوف يــا نوفه
نــوف تنفست بعمق وانـا امشي بخطـوات مترررررده لحد مـا وصلت
للكنب اللي جـالس فيه يوم شــافني سحب الشمـاغ اللي على الكنب وحطه على راسه والعقـال وهو يصلحهم قدام المرايــاه الكبيره وانـا انـاظر معقوله كذا ثــامر تزوج علي ثـامر حبيب قلبي روحي

9 - 9 - 2014, 06:44 PM

وعمري تزوج علي انـا حط على راسي وحده تنـرفزت ولحقته وهو يطلع بس استغربت انه فـاتح الـبـاب عبـالي بيدلعني مـا تفرق سحبت البـاب من يده بقوه وهو ضحك تنـرفزت من ضحكته الغبيه !!
اللي مـالهـا معنى وانـا أقول:أسمع أول أبغى أروح السوق بعدين العيـاده لأن الموعد بعد سـاعتين
ثـامر وهو يـأشر على عيونه:من عيوني
نـوف همست :تسلم عيونك
ثــامر مسك يدهـا وهو يتحسسهـا بحب واضح ويبوسسهــا
وهو تحــاول تسحب يدهــا بس هو شــاد عليه وهي تحس بخجل ونـار وحيـاء وحريقه !!
يده هذي مسك فيه يد البـتول صديقتي اللي سـاعدتهـا كثير وحتى هي مـا قصرت بس الحين انـا غيرانه !!
بموت من الغيــره وقفنــا عند المـول وهو فتح لي البــاب وانـا نزلت وهو يمسك يدي تركت يده وانـا بـالي
ابي أخلص كل أغـراضي اليــوم مـالي خلق كـل يومين جــايه ومــا عندي أخت تســـاعدني ولآ شيءء من هالقبيل !!
عمتي البنـدري بس فشـله أتصل وأطلبهــآآ بس يـاليت تجي من نفسهــا وتســاعدني !..
نـاظرت عـرض جميــل بمذركير سرير حق اطفــال كيوت قـربت وانـا اتلمس حـافة السرير شيءء جميل
بنت ولا ولد !!
أبتسمـت بهـالفكــره بيصير عندي انـا بيبي كربوج صغنون قرب ثـامر وهو يقول:تبينه .؟
نـوف سمعت صوت ثـامر المتــأثر ألتفت عليه وهي تقول :تتوقع بنت ولا ولد
ثـامر أبتسم وهو يهز راسه:الله اعلم
نـوف ألتفت على السرير الخـاشب الفـاخر والمفرش الورد المخط باللون الأخضر الفــاتح والمخده الورديه..!
ألتفت على ثــامر وانـا أقول أبغى السـرير شكله مـرا جميل !
ثــامر:ان شـاء الله
نـوف نـاظرنـا ملابس الأطـفال شـلون أشتري وانـا مدري بنت ولا ولد .
أخذت فســتان أبيض وفيه ورود نـاعمه أبتسمـت وانـا اتخيل طفله تشبه للثــامر !!
ودبدوبه ولهــا خدود تـركت الفسـتـان وبعد مـا وصـاهم ثـامر على السرير ودفع دخلنــا محل حوامل أبي أخذ مـلابس كبيره لان بالشهور الأخيره بيصير يـاله أشيل نفسي ..
فـأحسن أشتري الحين شفت ثـامر رفع لي فستـان بمـا انه يعـرف احب الألوان البــارده قربت وانـا أخذ الفستـان واقول:شـرايك
ثـامر يهمس:هو حلو بس عليك انتي بيطلع ولا أحلى
نـوف حطيته بالسله اللي معه وانـا أعطيه ظهري واقول:أكيد

11 - 9 - 2014, 10:02 AM

أرجوان مـالي خلق اقوم من مكــاني يبكي بحضني عشـــانهــا حبيبته أنسدحت بعتب نمت وقمت ونمت وقمت بس مـابي ابغى انوم ابغى اغيب عن هالعــالم عن كل النــاس حتى هو !
مــا أبغى انجرح عشــان حبيبته بتتزوج سمعت طق البـاب صرخت:تفضلي
مو مهتمه مين يدخل لبسه بجـامه ودي وشـعري النـاعم معفوس وطـايح على وجهي رفعت راسي وانـا
اشوف مـاجده تدخل وعلى وجهـا أبتســاامه بس من شـافتني كشـرت هو تقول:وش مسويه بنفسك
أرجوان بعدت المفرش وانـا ابكي بحضنهـا وهي تحـاوط كتوفي وتقول:وش فيك جوجو
أرجوان انـا مخبيه وجهي مـا أبغى أرفع وجهي أبغى كل همومي بحضنهــا تنــزل أبغى
إذا بعدت راسي عن حضنهــا مـا أبكي واصيح أبي أنسى انه يبيهــا ابي أنسى انه
بكى على حضني عشــانهـا بس أبي أنسى مـا ابغى أكثر ..!
هل يكفي ؟.ان انسى وبس ولا بعد انسى حبه وارجع أرجوان المغروره اللي مـا تنـاظر
احد من غرورهــا أخذت نفس بعــرف شـلون حبيته .؟
شلون ؟ ليه قَعد انحرق.؟وش هالحب اللي يعذب وش هالحب .؟
بعدت عن حضنهــا وانـا امسح دموعي:بتتزوج نجد
مـاجده وهي تهز راسه بعدم رضـا انهـا عرفت من اخوهـا:أي ملكتهـا بعد أسبوع وبنفس الوقت زواجهــا
أرجوان حركت شفتي بقهر بس المهم تنقلع من حيـاتي:أي مبروك
مـاجده رفعت حواجبهـا وهي تقول:الله يبـارك فيك
أرجوان ضربتها بخفيفه:وش الله يبـارك فيك
مـاجده:استهبل عليك المهم أبغى رقم بنت خـالتك سلمى
أرجوان وهي تسحب جوالهـا وتعطيه مـاجده:دوري رقمهـا
مـاجده وهي تـاخذه وتمشي:بكلم فيه
أرجوان وهي تنسدح:كيفك
طلعت مـاجده ودخل محمد وهو ينـاظرني بـرفعه حــاجب دخل وأخذ شور وأنسدح وهو يعطيني
ظهره تنـرفزت من هـالفكره عطيته ظـهري بس تفـاجاة وهو يـحـاوط خصري ويهمس برقه وهو يـحرق انفاسه بـأذني:أسف
من قـال اسف وانـا دموعي بداءت تنزل ألتفت عليه وخجلت من هـالقرب بس قلت:لو انـا بحضنك وأبكي عشـان حبيبي بيتزوج وش بتسوي
محمد بمجرد بس فـكره همس وهو يطلع من فمه حـراره البـركان من الحريقه الي بقلبه:أحرقك !
**

المواضيع المتشابهه لموضوع: رواية تشبهين الصبح في اول شروقه تشرقين وكل من حولك يغيب لموضوع: رواية تشبهين الصبح في اول شروقه تشرقين وكل من حولك يغيب
الموضوع	كاتب الموضوع	المنتدى	مشاركات	آخر مشاركة
تشبهين الصبح في اول شروقه تشرقين وكل من حولك يغيب	سجات التهاويل	همس عذب الكلام والخواطر المنقوله	1046	28 - 1 - 2022 05:15 AM
لا تستهين بالظلم لو كان بسيطا	حنين الأشواق	همس للقصص وحكايات وروايات	2	30 - 7 - 2021 09:18 AM
احترت من تشبهين	شيخة الزين	همس الشعر والقوافي	8	7 - 6 - 2019 06:56 AM
السرقة الحلال هكذا تسرقين قلب زوجك	همسه الشوق	همس للحياة الزوجية	2	30 - 3 - 2016 03:32 AM
هل تشبهين زوجك	عاشق الرومانسية مودي	همس للحياة الزوجية	2	19 - 8 - 2014 10:35 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية تشبهين الصبح في اول شروقه تشرقين وكل من حولك يغيب

همس للقصص وحكايات وروايات