رواية تشبهين الصبح في اول شروقه تشرقين وكل من حولك يغيب

11 - 9 - 2014, 10:03 AM

عهود الجو العـائلي من عمتي وأخواني وعهد وامهـا ابوهـا واخوهـا كــان شيءء رائع وصلتني عهد غـرفتي اللي كـانت على المسبح الكـبير والخضره كـان شيءء حلو وفيه بـلكونه دخلت أتررروش ولبسة بجـامه مشـاء الله متى مداهـا تحط مـلابسي بـالدولاب وأخذت شــال وجهي طـاح وجهي فتحت البلكونه وشفت ولد الجنتل لبسة شورت ومنسدح شكـله يسوي تـان أخو عهد جميل مشـاء الله مثل أمه شـعره أسود قريب للكحيل ومـلامحه
ملمومه سـرحت وانـا انـاظره بس وقفت وانـا اشوفه ينـاظرني شهقت وحطيت يدي على فمي وانـا أسكر البلكونه وانـا أحس وجهي احمر نـاظرت بجــامتي طـالعه كذا بس الشـال طـايح مو علـى أكتفي فشـله وبعد ومفهيه فيه لا لا فشــله !!
سمعت طق البـاب رحت فتحته وشفت عهد تجلس قبـالي وهي تقول:بـكرا لازم نـروح أنـا وانتي
عهود جلست على الكنبه :بس بـكرا بندخل أبوي المستشفى
عهد وهي ترجع شـعرهـا الـحرير على وراء:أمـا عـاد
عهود وبـالهـا مشغول بـالي يسوي تـان:أي عـاد
عهد وهي تتربع:زوجة أخوك وش اسمهـا
عهود :مـريم
عهد وهي تعدد الأشياء اللي فيهـا:شكلهـا جميل وطيبه وأبتسـامتهـا بس حزينه ليه ؟
عهود:يمكن عشـان فـراق اخواتهـا
عهد:مشـاء الله عندهـا خوات
عهود هي تـحرك راسهـا:أي ثـلاثه واحده مـات وبـقاء ثنتين
عهد :مشاء الله الله يخليهم لهـا
عهود:آمين
عهد وهي تبعد شـعرهـا :اجل خليتي شـعرك يطـول طلع جميل
عهود وهي تتلمسه:أي بس ودي أصبغه
عهد:لا لا شـعرك بني جميل وقريب جداً من العسلي وش تصبغينه
عهود هي تلمسه أطرفه:مو عـاجبني اللون
عهد وهي تتطنز:تبين أحمر ولا أخضر
عهود وهي تستهبل عليهـا :لااا وردي
عهد تـاخذ الـرموت :اقول بس نطـالع تلفزيون على بـال مـا يجي العشـاء
عهود وهي تسحب البطـانيه عشـان تتلحف:يلا
عهد وهي تتصل على الخدامه:تبغين غير البوب كرون والكولا
**

**

11 - 9 - 2014, 10:07 AM

**
مهــا أخيـراا خلصنـا اكل وصلتنـا خـالتي خديجة للغرفتنـا أنـا وذيــاب أبغى أنـام
فصخت الكعب اللي كـان قصير بس متعب رميته على الأرض وفصخت اللفه حقت الحجـاب
ورميتهـا بعد على الكنب وفتحت الدولاب سحبت بجـامه توني بدخل الحمـام(أكرمكم الله) سكـر البـاب
بوجهي تـنرفزت وأخذت النعـال وضربت فيهـا البـاب بعنف شوي
الا طلع وانـا أول مـا فتح صرخت بوجه وبسرعه:مرا ثـانيه لمـا تشوفني بدخل لا تسبقني
ذيـاب أبتسم وهو يقول:من عيوني
مهـا سـكرت البـاب وتروشت بسـرعه ولبسة بجـامه وأخذت السـجـاده أصلي سلمت
وأخذت السـجـاده والجـلال بـالدرج وشفته منسدح على السـرير أففففففففف .!
أنسدحت بس البطـانيه مو واسعه سحبتهـا وهو يسحب مـا اعرف أنوم وانـا مو متلحفه كلي !!
أأأففف وش هذا ألتفت عليها وانـا اقول:لا تسحب
ذيـاب :بس انتي مـاخذه أكبر من حجمك وانـا أبغى اتلحف زين
مهـا التفت:لا والله مو انت كل شوي تسحب "حطيت راسي على مخدتي وانـا أقول"افففففففف
ذيـاب أخذ الـورده اللي على الطـاولة ولعبه بـأنفهـا
وهي فتحت عيونهـا وألتفت بجهته وهو تصرخ:ذيـاب بلا سخـافه فيني النوم
ذيـاب وهو ذايب:قولي اسمي والله اسمي على لسـانك مثل العسل
مهــا اخجلت بس عصبت من خجلهـا وهي تسحب اللحـاف وتقول:يـاويلك تسحب
بس ذيـاب سحب اللحـاف وهي ألتفت بغضب بـالغ:لا تسحب
ذيـاب:هههههههههههههههههههههههههههههههههههههههههههه ه
"حـاوط خصرهـا وقربهـا وهي تضربه على صدره"
مهـا تضربه على صدره:بعد بس
ذيــاب قرب شفـايفهـا بـأذنهـا :مـافي نـوم الا بحضني
مهـا خجلت من طـريقه نـومنـا حـاولت أفللت منه بس هو جبل تـفـاجات
بوسته على أذني وانـا رجفت وألتفت جهته واقول:بعد
ذيـاب وهو ينـاظر ملامحهـا الخـايفه بـاس جبينهـا وهو يقول:بس بحضني تنـامي ولا مـافي نوم
مهــا حسيت كل جسمي يحمرررررررررررررررررر من الخجل وقلبي ينبض بشـكل سريع مو طبيعي
وهو كل مـاله ويحضني زود كـأنه بيدخلني بحضنه أستحيت وحسيت وجهي بيفضحني من الحمـار
اللي فيه عضيت على شفتي وأدعي ربي أن وجهي يخففف لأن المـرايــاه الكبيره اللي على الجدار عـاكسه
علينـــا انـا مجرد مـا انظر الوضع أخجل أشلون وانـا فيه !!
أحبه وبحضنه !!
وش أحلى من كذا بس الخجل طـاغي علي

11 - 9 - 2014, 10:08 AM

جنــى معـاملته جـــافه لأبعد حد أخذت الاب توب حقه وفتحت أشيك على حسـابي بـالتويــتر بس تفـاجاء بشيءء وخـلآآني أفتح الملف في مقـاطع فديو صوت صور بنت بمنتهى الجمــال بيضـــــــــــــــاء بشكل وعيونهـا صغــار فتحت فديو حطيت يدي على شفـــايفي من الصدمه !!
هي وجـــابر واقفين على جبل ويصورون ويتضحكون معقوله مـا يخـاف على صورهـا
معقول يخوني وأمي مـاتبيني أرجع عشـان كذا يعني اللي سمعته صح هو راعي بنــات
ومـا تكفيه بنت وحده نزلت دموعي وانـا أسمع مقـاطع الصوت وهي تتدرب تغني وهو يضحك لهـا
وانـا رجعت وتركت رضـا أمي عشــانه تـركت الجنة عشــان انسـان مـا يستتــاهل سكـرت الاب توب بهدوء
بــالغ وانـا احس بـرجفه من الصدمه يخــوني اخذت الجـوال وأتصلت على الســايق وصعدت أخذ مـلابسي يخوني !!
وعلى بــاله بــرجع له واجلس واسكت لو يموووووووت مـا أرجع له !.
يحلم سحبت شنطتي ورميت المـلابس بقهر وغيره وندم !!
شعور ي بهــاللحظة غيرررر عن كل مررا غيــر ..
خــاين
انـاني
مـا يفكر الا بنفسه تـنرفزت من هـالفكره مـا ابغى شيءء لي بس كل هذا متنـاقض
يوم شفته صورته قربت منهــا ودموعي تنزل مثل الشـلال عضيت على شفتي أخذت الصوره
وحطيته بـالشنطة وانــا راضيه عن نفسي ..
لبسة العبــايه وسحبت الشنطة وانــا نازله وتـاركه كل شيءء خلفي
حبي دنيتي !!
تركت كل شيءء كل شيءء وبـروح لأمي لرضهــا للجنة هي قطعة من الجنة
نـاظرت الصــاله اللي يـاما جمعتنــا المطبخ الدرج تذكرت لمـا دفني عليه
أأأأأأه يــارب قدرني أنســاه قدرني أنســـاه قدرني أنسى روحي !
تغطيت وانــا أسحب الشنطة وأترك ك شيءء وراي كل شيءءء
مهب لازم انتظره واسمع منه اللي شفته يكفي اللي شفته يكفي..
فتح لي السـايق البــاب وركب شنطتي ودموعي تنـزل مثل الشـلال ونسيت
أبوي نسيت بيستقبلني ولا لا نسيت كل شيءء انـاظر الشوارع اللي ملونه بـرمـاد الفحم ..
خـايفه خـايفه مقدر أنســاه خــايفه بداء البكي والشهــاق رفعت يدي ودخلتهـ
من تحت النقـاب وانـا أمسحه

11 - 9 - 2014, 10:10 AM

الـجواهر جـاء وقت جـاء وقت العنـان ضمني بقوه وهو يخبي وجهه بحضني وانـا اقرا المعوذات
وهو يتعلق فيني تعبنــا تعبت تـأثرت نفسيتي بشـكل مب طبيعي !
غطيت وجهي بيدي وانـا اسمع طق البـاب وصـراخ أبتعد عني أحمد وانـا مـا تحـركت
اليوم أكبر من طــاقتي اللي سويته بس لمـا سمعت الـركض والصيــاح نزلت وانـا لفه الشــال فوق روب
حق قميصي وأشوف خوله طـايحه بـالأرض مهب عـارفين وش فيهـــا يمكن السـكر مرتفع مدري منخفض
انــا واقفه عند البـاب الغرفه اللي جـالسين فيهـا خواته متصنمه ودموعي تنزل بغزره
مو قــادره أتحـرك شفت يلبسونهـا عبـايتهــا وأحمد يجي يشيلهــأ واختهـا جميلة رايحه من طلعوا جلست على الأرض أبكي نفسسيتي تغيــرت 180 درجه
تــأثرت معـــاهم شفت خواته يضمون بعض لفيت الشــال علي وطلعت بـالحديقة أشم هواء
استنشقت ودموعي تنــزل أحس بدنيتي سوداء يـارب تشفيهم يــارب
ودي أروح للمكة للبيت الله أحس بضيق وكتمه بصـدري !
احس بغمته أحس الألوان رااحت تحولت للون أسود وبس أسود !
سمعت صوت طفل التفت لولد جميلة صغير ظليت بمكــاني للشــروق الفــجر دخل أحمد هو وخوله
ومبين أن تعبـــان لمـا شـافني سـألني بـأستغرب:وش مجلسك
الجواهر مسحت دموعي وانـا أقول:انتظركم
أحمد مسك يدي وهو يقول :روحي نـامي شكلك تعبـانه
الجــواهر وانـا اقول عكس الي فيني :لا وش تعبــانه
دخلت وشفتهم جـالسين يضمونهــا ويتحمدون لهــا بـالسـلامه
جلست شوي وبعدهـا استئذنت فصخت الــروب وأرتميت على السرير بكل تعب
سمعت صوته وهو يقول:لعد تنـزل ببجـامه أول بالقميص حتى لو لبسه فوقه روب
الجواهر بنعــاس:ان شـاء الله
شوي الا منسدح وحـاط راسه ببطني وانـا حضنته بحب وأقراء المعوذات لحد ما غفيت !!

بنــات بقــاء بــارتين وتنتهي الروايه على خير..
يهمــني كثير توقـعــاتكم ,,لا تحــرمومني من تعليقـاتكم وتوقعـاتكم !!

جابر..جنى ~

أحمد..الجواهر ~

ثامر..نوف~

ثامر..البتول ~

صقر..ريم~

محمد..أرجوان~

ذياب..مها ~

نايف..مريم ~

عبدالعزيز..عهود~

الجازي~

نورا~

11 - 9 - 2014, 10:12 AM

**الــبــارت التـــاسـع عـشر**
**ان كُنتَ سـاعدني كيَ أرحل عنك أو كُنتَ طبيبي سـاعدني كي اُشفى مِمكك**

مريــم بعدت شـعري وانــا أشوف الســاعه 5:30 رفعت عيوني وانــا أشوف الحين الشـروق الشمس بعدت اللحــاف وانـا مـاشيه تجـاه البلكونه فتحتهـا وانـا أشوف عهد وعهود جـالسين يغطسون رجولهم بـالمسبح
أبتسمت لأشـكالهم ألتفت وانـا اشوف نـايف واقف بـالشورت وصدره عـاري ويـحرك شـعره همست بخجل:صبـاح الخير
نـايف أبتسم لهـا ما يبي يظلمهــا مـايبي فكـره ان يطلع ظـالم ومبين ان شـافت كثير بحيـاتهـا مشى متجهه لهـا وحـاوط خصــرهـا وهو يقرب شفـايفهـا من أذنهـا وهمس :صبـاح الحب
مريـم أرتجفت وهو يهمس(الحب)ألتفت لهـا وصـار صدري لصق بصدره بس انـا نزلت راسي وصـار جبيني لصق بصدره وهمست:تحبهـا ؟
نـايف أستغربت من همسهـا المتـألم همست:مين .؟
مـريم الغـريب أن كل كلامنـا بـالهـامس مدري ليه ولا أبغى أتخلى عن الهمس وهمست:نـادية
نـايف لمـا قـالت اسمهـا نبض قلبي بس أنتبهت لوجهـا المتوجع حضنتهـا وكل شيءء فيني ينكـر اللي أقوله:لآآ مـا احبهـا مين قـال هي بس بنت خاله لا اكثر الله يـرحمهآ
مريم بلعت ريقي وانـا أحـاول أحرر نفسي من حضنه لأني ذايبه تفـاجـات وهو يحط يده على ذقني ويـرفعه وينـاظر في شيءء بس مو عـارفه وشو رمشت بسـرعه
نايف رفعت وجهـا انـاظر مـلامحهـا مهب شينه أبداً غريبه مـا تزوجت قبل بكثيـر بس فيه بـراءة عجيبه وعيونهـا اللي ترمش بسـرعه قـربت وانــا أحرقهـا بـأنفـاسي بست عيونهــا بهدوء وهو رجفت
مريــم خفت من قربه وحــاولت أبعد لكن ثبتني على حـافة البلكونه وانـا أبي افهمه أني فيه تحت بالمسبح عهود وعهد وقميصي القصير للفخذ السمـاوي خجـلانه أبغى أبدل آخر مـرا ألبس قصـير حسيت بـأنفـاسه تحـرق رقبتي حـركت شفتي بقول تحت عهد وعهود سمعت شهقه بعد عني وانـا نزلت عيوني وانـا ارجع شهقت وانـا أشوف عهود ويـاسمين وخديجة وعهد هـالأربعة شــافوا بعدت عنه وانــا أرجف دخلت للغرفه وانــا أغطي وجهي وش هـالفشله وانـا اسمع صوت ضحكه رفعت وجهي الاحمر وانـا أشوف نايف استوعبت واقفه قدامه بكل ثقه بهـاللبس سحبت الروب ودخلت الحمـام(أكرمكم الله)أول مـا سكرته تسندت على البـاب وانـا ارفع يدي على قلبي فشله شلون انـزل وأشوفهم .؟أســاسـا خـلاص مرح انــزل قربت من صنوبر مويه وانـا ارفع يدي لأبلل وجهي وقلبي يـرجف من القـرب اللي كنّ فيه تـروشت ولبسة الـروب وانــا أرجف خــايفه يـكون مـا نزل
فتحت البـاب بشويش وطلعت تنفست بعمـق وانـا اشوفه مب فيه مشطت شـعري بس طاح المشط وانـا اسمعه
طالع من غرفة المـلابس وهو يغني ألتفت عليه وانـا منقبض قلبي وهو أخذ الكرفيته اللي على التسريحه وانـا من شفته

11 - 9 - 2014, 10:14 AM

طالع من غرفة المـلابس وهو يغني ألتفت عليه وانـا منقبض قلبي وهو أخذ الكرفيته اللي على التسريحه وانـا من شفته قـرب أحس بقلبي يــرجف وجهي يحمــر بس لمـا اخذ الكرفيته وراح يجلس حسيت بـانفــاسي رجعت لي دخلت غرفة المـلابس ولبسة بنطلون أسود وتيشرت للفخذ رمــادي وسحبت حجـابي أسوي وطلعت من غرفة المـلابس عشـان رافع شـعري واتحجب لمـا خلصت ألتفت لنـايف اللي لبس البـدله الـرسمين مسك يدي وانـا رجفت ونـزلنـا تحت شفت يـاسمين وقفه وتلبس البـالطو ولنـا شـافت نـايف:يلآآ السـايق ينتظـرنــا

ألتفت على نـايف وهو يهمس:توصين على شيءءء
مريـم قلبي انقبض من اللي قَعد يصير همست:سـلامتك
بس لمـا رفعت عيني أنصدمت وانـا أشوف بيـاخذون أبوهم للمستشفى حزنت وانـا أشوف نظـارات البتول ونظـارات منصور اللي متـأثر أمـا فيصـل كـان يبتسـم رغم الألم اللي في قلبه !
حسيت بـأنفاسي أحسهـا تنقبض وانـا أشوف نظـاراتهم بس تفـاجات بقوه يـاسمين دفته وهو بـالعـربيه وهي تقراء المعوذات بهمس طلع وراهـا فيصل ونـايف ومنصور ..
ألتفت أشوف مهــا تحضن ذيــاب وهي تبـكي وتـرتجف وهو يمسح على شــعرهـآآ بهدوء..
مـا عـارفه وش أقول بس قطعت تفكيري خديجة وهي تتكلم بصوت مبحوح ومخنوق:تفضلو على الفطور
أبو عبدالعزيز وهو يمشي:يلا ذيـاب تفضل
مشيت وراء خديجة وهي ألتفت وهي تبتسم جلست وانـا احس بـالتوتر رفعت عيوني وانـا أشوف عهود تصعد من الـدرج الخـارجي اللي بـالحديقه للبلكونه حقتهـآآ ..
رفعت الشوكه وأحس بـالتوتر بـالجو ألتفت وانـا أشوف مـلامحهم الحـزينه المفروض تكون سعيده بيسوي العمليه وان شـاء الله بتنجح ليه هـالحزن والكـتـئاب حسيت بـرجفه بـأطرأرف جسمي .
سمعت صوت عهد وهو تقول:الله يعـافيك عطيني هـالخبزه
عطيتهـا وانـا انـاظر مـلامحهـا امهـا كانت تبيهـا لنـايف نزلت نظري مو هو اللي يبيهـا امها وألتهيت بـالأاكل
***
ريم لمـآ تعبت وانـا أستنشق مخدته رميتهــآآ ودخلت الحمــام أتــروش لبسة قميص أبيض قطني للنص السـاق وهو نص قم وفيه رسمه على الجمب بطريق رفعت شـعري ونـزل وانـا أشوف خـالتي الجــازي تتكلم مع خـالتي نــورا بهمس جلست وانـا أقول:الله اني أعوذ بك من الشيطـان الـرجيم
الجـازي ألتفت:خير
ريـم وهي تتنهد:الشيطـان الـرجيم
نـورا رفعت حـاجب:أي قصدق
ريم وهي تحرك وجهـا وتقول:اللي على راسه بطحه يحسس عليهـآ
نـورا وهي بتنطلق على ريم بس مسكتهـا الجـازي وهي تقول:تحطين عقلك مع هـالبزر
ريم ضحكت بسخريه:هه هه هه هه البزر تعلمك الأصول
الجـازي تركت نورا وهي تبتسم:وش قلتي
ريم وهي تنـاظرهم :انـا مـا أعيد كـلامي
نـورا ألتفت على الجـازي:أكفخهـا
ريم وهي تلف جهتهـا :خـان زوجهـا متكبره مغروره زانيه و و بعد طقـ�

11 - 9 - 2014, 10:15 AM

ريم وهي تلف جهتهـا :خـان زوجهـا متكبره مغروره زانيه و و بعد طقـاقه

*
نــورا رفعت نعـاله وهي تضرب ريم وريم طـاحت على الكنب وسحبت شـعر نـورا وطيحتهـا على الكنب وبداء الضرب والجـازي تحــاول تفك بينهم لكن لا حيـاه لمن تنــادي تفك ريم ترجع نـورا تضرب تفك نـورا تضرب ريم دخلت بينهم وريم من اللخبطه صفقت كف الجــازي على دخلت صقر اللي عصب ودخل مسرع وضرب كف لريم وطـاحت بـالأأرض وهو يشوف العـارمه اللي صـاريه المخدات اوالتحف اللي طـايحه ألتفت يسـألهم:وش فيكم ؟
نـورا وهي تـأشر على ريم:ضف زوجتك
ريم وقفت بكل شموخ وهي تتخصر وتقول:خير
صقر ألتفت عليهـا وهو يزم شفـايفه وده يـحرقهـا شلون تجـراءت ترفع يدهـا على أمه مسك شـعرهـا بقوه وهو يسحبهــا وهي تحــاول تفك وتصـارخ:لو تموتون مـا تذلوني
لكن صقر مــا كـان يسمع شيءء من صــراخ لان كل جسمه يغلي شـلون تتجـراء ترفع يدهـا على خـالتهــا وصوته أم لسـانين سحبهــا لدرج وهي تصـارخ وتلعن اليوم اللي جــاءت فيه هــالبيت ..
صقر وصل للغرفه رمـاهـا على الأرض ورفع يده يمسح وجهه يحــاول يهدي نفسه ..
أمــا ريــم تتحس الجــروح اللي بجسمهــآآ وهي تحــاول تكتمي البكي مـارح انــزل دمعه واحده بس ..
تحس بجسمهــا كل التجرح من سحبه لهـا بالدرج رفعت راسهــا وهي تشوفه يمسح وجهه ويــاخذ نفس
أخذت نفس مـرتجف مرررح أبكي قدامه مستحيــل أنذل له هو أمه أم الرجـاجيل والثـانيه الزانيه !!
مدري شــلون أمي صــارت اخت هـذولي وقفت ورجعت شـعري وانـا انـاظره بشموخ مستحيل يكســرني في أشيـاء المفروض تكسـرني بحيـاتي بس بعدني وقفه مثل النخل بوقف بوجهه الـريــاح مرح أنكسر لو أعيش بـاليـاابسه لو أحبه ومـا يغرقني بحره عشـان أتفتح بيده تخصرت وانـا رافعه حـاجبي..
صقر ألتفت عليهــا:ليش مسويه كل الضجه تحت
ريــم ضحكت بسخريه:هه هه ضجه

11 - 9 - 2014, 10:17 AM

ريــم ضحكت بسخريه:هه هه ضجه
ريـم مجرروح من يوم شفت صور أختي والجـرح مخنقني أبي أفجر العــالم بصــارخي بصيــاحي مو عــارفه وش أســوي محد جمبي من أخواتــي كل وحده عندهــا مشـكله ثــانيه..
وقف قلبي وانّ نسمع صــارخ طلع صقر مسـرع للدور اللي تحت وانـا وراه وأشوف حمد خـالي شــاد شـعر خـالتي الجــازي ويضربه وخــالتي نــورا متخبيه وراء الشـغاله وهي تبكي وتـرجف صقر راح بهـروله وسحب أمه من يده خـاله حمد وهو مستـغرب وش فيه اليـوم ألتفت على خـالي:خير جـاي متهجم على أمي
حمد وجهه أحمر وجبيننه يصب عـرق وهو يجي يسحبهــا مع شـعرهـا وهو يصرخ:أختي وبـأدبهـا لانهـا مـا تـأدبت
صقر هنـا وصل بعد أمه وبداء ضـرب هو وخـاله حمد صرخ وهو يقول:أمك مشـاء الله مشهوره بكل فتره تتزوج مسيـار
صقر وقف فتره وهو يقول:مسيـار
هنـا الجــازي ركضت وركضه وراهــا حمد وصقر ونـورا طـاحت على الأرض مغمى عليهــآآ
ركضت لهــا ريم وهي خـايفه تـرجف وهي تصفقهـا كف وتقول:خـالتي نورا خـالتي نـورا
**

11 - 9 - 2014, 10:19 AM

البــتول نــام عند نــوف وانــا افكر بمعــادله صعبه !!
اتــركه بس أحبه ..
بس نوف ضَحت لأجلي كثير بس مجرد طلاقي أرجع لهـا كل اللي سوته لي ..
بعدت اللحــاف طـول امس وانـا أفكر اتـركه لهـا ولآآ .
مــرح أتــركه انــامـا أقدر على بعده
بس !!
يمكن هذا مـجرد تعود
أروح للبيت خــالتي فتـره بس أنـا مـابي أعيش مع خـالاتي الجــازي ونــورا
انـا احتـرمهم جداً بس هم يتحـركون وراء شـهواتهم
مـا يفـكـرون أبداً تنفست بعمـق ودي أكون قويه كقوتهم
مـا أضعف أبداً أمشي وراء كل شيءء أبيه
مـا أبغى أصير بهـالضعف والخدش الحـساس رجفت شـفتي
وانــا أسمع صوت البـاب الحين وقت الغداء ومــاسويت شيءء
نـاظرتهوهو يـدخل علي وانـا منتظره دخوله فصخ الغتره والثوب ولبسة ثوب نــوم ..
وانــا واقفه انتطــره يتكلم بس همست:الســلآآم عليــكم
ثــامر ألتفت وهو يحــاول يـرسم أبتســامه:وعليــكم السـلام
البـتول:وش تبغى غداء
ثــامر وهو يمشي للصــاله :أي شيءء
البتــول وهي تمشي للمطبخ :طيب
دخلت وحطيت البصل والزيت وصلصة الطمـاطم والمــاجي !!
سمعت صوته ينــادي طلعت وانـا أقوله:هـلآآ
ثـــامر :بوصلك للبيت خــالتي بعد ســاعتين بروح لجده بـالسيـاره
البتول:يعني كم يوم تجي
ثــامر وهو يحــرك كتوفه: مدري بس يمكن أطـول فـأخذي مـلابس كثيره
البتـول وانـا أعطيه ظـهري أقول حــاضر دخلت للمطبخ
وش فيهم بيـرحون لجده ودي أروح اســأل نوف بتـروح ولا شغـل
خلصت الأكله حطيتهــا على الطــاوله كــانت مـكرونه بصلصه الحمــراء مع بقدونس ودخلت
أصلح شنــطتي لبسة بدي وردي فوقه جطيت خفيف بيج وبنطــلون جينز وكعب وردي فليت شـعري
وحطيت روج وردي أخذت العبــايه والشنط وطلعت وهو دخل يلبس ثوبه ومسك النشط وانـا امشي وراه
من ركبنــا السيــارة وهو بـاله بعيد بعد السمـاء عن الأرض !
فتحت الــراديو وانـا أفكـر بـالمستقبل والمــاضي .!
ألتفت جهته وانـا اسـال:بتـروح لحـالك لجده
ثـامر وبـاله غـايب:مع نـوف
البتــول بكل لقــافه: وش عندكم بجده.؟
ثـامر ألتفت وهو رافع حــاجبه :خلي عنك شغل الضـرات
البتول سكت بس في بـالي اخوهــا بجده معقوله تـروح تززوره طيب ليه ؟
مب هو طـردهــا من البيت رفعت راسي وانـا أشوف مدخل بيت خـالتي نـزلت !!
بس أول مـا دخلت سمعت صـوت شهقــات أختي ريم وصــارخ وصيــاح خـالتي نـورا دخلت وانصدمت
بمنظرهم حاضنين بعض ويصيحون والخدم يـرتجفون والمخـاد متنثره في الصـاله(عقب هواش ريم والجـازي ونورا) التفت عليهم وانـا اقول:وش فيكم

11 - 9 - 2014, 10:21 AM

نــوف من طلع ثــامر وانـا أبكي اتصل على أخوي متـأثر زوجته توفت !!
ومـا أقدر أركب طيــاره فبـروح بسيــاره بكيت عند ثـامر !!
يـا عمري ثــامر متحملني بـكل شيءء فيني لبسة بلوزه واسعه سـوداء وبنـطـلون واسعه
رفعت شــعري مـالي حيـل أكحل عيوني ولا شيءء أخذت عبــايتيو دخلت مـلابسي ومـلابس ثـامر
وجلست بـالصــاله انتظره أحبه !
تكفي بــرايكم ؟
تكفي بـكل اللي سـواه لأجلي
هل أخلي مكـئفـئتي أتــركه وأجلس عند أخوي
سمعت صوت البــاب ينفتح كتمت انفـــاسـي
ألتفت وانــا أشوفه يــدخل وصعد فوق جـاب الشنط وهمس:يلآآ
نـوف وقفت ولفيت الطــرحه وانـا امشي وراه وحزينه وعيـال أخوي
وش بيسوي فيهم حزنت عليه

المواضيع المتشابهه لموضوع: رواية تشبهين الصبح في اول شروقه تشرقين وكل من حولك يغيب لموضوع: رواية تشبهين الصبح في اول شروقه تشرقين وكل من حولك يغيب
الموضوع	كاتب الموضوع	المنتدى	مشاركات	آخر مشاركة
تشبهين الصبح في اول شروقه تشرقين وكل من حولك يغيب	سجات التهاويل	همس عذب الكلام والخواطر المنقوله	1046	28 - 1 - 2022 05:15 AM
لا تستهين بالظلم لو كان بسيطا	حنين الأشواق	همس للقصص وحكايات وروايات	2	30 - 7 - 2021 09:18 AM
احترت من تشبهين	شيخة الزين	همس الشعر والقوافي	8	7 - 6 - 2019 06:56 AM
السرقة الحلال هكذا تسرقين قلب زوجك	همسه الشوق	همس للحياة الزوجية	2	30 - 3 - 2016 03:32 AM
هل تشبهين زوجك	عاشق الرومانسية مودي	همس للحياة الزوجية	2	19 - 8 - 2014 10:35 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية تشبهين الصبح في اول شروقه تشرقين وكل من حولك يغيب

همس للقصص وحكايات وروايات