روايه خاني وذليته للكاتبة مشاعل الراشد

10 - 9 - 2014, 03:53 PM

الساعه تسع الليل الكــــل موجود ..
اجوان// لبسه فستان لحمي توب قصير لين الركبه وفيه كسرات ع الصدر وورده ع جنب .. مرره جذاابه فيه مكسره شعرها ورافعته منه ع جوانبه

سحر//فستان تركوازي فاتح فتحت صدرت واسعه وسير وطويل من تحت وعليه تطريزات من الصدر وحزام سخيف من تحته لونه بيج
ريوف// فستان اسود سير بلاسيه من عند الصدر وفيه ورده ع جنب
البندري::فستان ليموني توب و قصير وفيه تكسيرات من تحت
با القاعدهـ،\بغرفة العروس

سمر كان اليوم با ابهى حلــــــــــــــلهـ ...

شعرها مرفوع ونازل منه خصل ملفلفه كان فستانها ابيض جاي ع سكري فخم وبارز انوثتها ظهر ها فتحه منحنيه ومن قدام جاي كرستالات طايحه لاخر الفستان ...
دخلت ريوف :وكلوووووووووووش
مبررررروك يا عسسل
سمر :هلااااا وغلااا والله اني مشتاقتلك الله يبارك فيك
ريوف :وانا اكثر ...ع فكره يسلم عليك رئود ويقول هييين اوريك اليوم ..
سمر مغصها بطنها لانها مطنشته ولا ترد ع اتصلاته ...
ام رائد :مشاءالله مبروك ياعسسل
سمر بحياء :.....
دخلت ام عبدالعزيز واجوان
ام عبدالعزيز :اهليين لك شوو ها الحلا مشاءالله طالعه بتجنني
سمر:عيونك الحلوه
اجوان :مبروك ياعروسه
سمر:لله يبارك فيك
اجوان وام عبدالعزيز >استأذنو وراحوبعد ماعطو سمر هديتها

البندري :وااي حبيبتي شخبارك من زمان عنك
ريوف وهي تضمها :تمام الحمدلله وانتي اكثر ياقلبوو
سحر :يااختي لا تدقين ولا تسألين الزواج ماخذ كل وقتك >وتغمز لها
ريوف ابتسمت مجامله :....
عنـد الرجال //

جاسر :الله الله طالع احلا من توم كروز طبعا بعد السرفله الي سويناها لك با الصالون
مشلح الاسود الخفيف ع محدد با الذهبي والثوب الابيض مع الغتره طالع خطييير رائد :طول عمري وسيم من دون صالونات
بدر :ياربي يا الغرور الي فيك
رائد:هههه ليه منقهر
بدر :لا بس رحم اختي هي الي بتعاني منك
رائد :لا تطمن من الحين ...
حمدان :الله يسعدك انشاالله ..
رائد:تسلملي ايه هذا الي ابي اسمعه الحين مو مثل هذول
ابو رائد:مبروك يا وليدي .. عاد ها مااوصيك ع بنت خالك
رائد :الله يبارك فيك من عيوني
ابو بدر :مبروك لا اوصيك ع الغاليه
رائد :من عيوني ياخال
****************

ام بدر وهي تعدل الشرعة حقت سمر جلست تتأملها دقايق دمعت عيونها سمر ماقدرت تستحمل المنظر لمعت عيونها
ام بدروهي تمسك يدها :مبروك
سمر وهي تقاوم ماتبكي بصوت مقطع :الله يبارك فيك
ام بدر:عاد مااوصيك انتي الغاليه وهو بعد الغالي
سمر وهي تهز راسها با الاجابه :...
البندري +ريوف كلووووووووللووووووووووووووولوووووووش
دخل رائد وجنبه ابوهـ وبدر وابو بدر..
سمر قلبها بداء تتسارع نبضاته
رائد اول ماطاحت عيونه ع سمر سبهـ
ماتوقع بتكون بحلاوهـ هذي ماقد شافها حاطه ميك اب ثقيل .. بارز تفاصيل وجهها بنعومه
قرب لها وباس راسها وحس برجفتها وتوتره بس تسوي نفسها قويه وهذا الي عجبه
سلم ابورائد ع سمر وابو رائد بعد
واخذو صوره جماعيه وطلعو ...
مابقى الا سمر ورائد والمصور هالي شوي وتذبحها سمر لانها اكلت رائد با النظرات..
المصوره :خلاص باقي صوره اخيره
سمر :ااوهـ واخيرا يلا بسرعه
رائد ابتسم وحط يده ع خصر سمر وسحبها لصدره
سمر حست ان حرارتها ارتفعت همست له:والله بذبحك فكني عيييب
رائد يعاند بهمس: كيفي حلالي
سمر قلب لونها احمر.. بقلبها تقول :الله ياخذك
++++++++++

في القاعـهـ محد يسمع الثاني من صوت الدي جي
في احد الطاولات ...
جوال اجوان ماوقف رن :ااف ياربي منو هذا الي يدق المشكله رقم غريب ؟؟
ريوف :شفيك!!
اجوان :لا مافيني شي بس جوالي يرن
ريوف :ردي عليه..
اجوان :ازعاج كيف بسمع
ريوف :روحي برا با الاسياب تقدر تسمع هناك ..
اجوان :لا خلاص مو مشكله

................
البندري تكلم جاسر الي ناشب لها الا تطلعي اشوفك با الفستان ...
البندري :جسوور خلااص
جاسر :مالي شغل تطلعي ابي اشوفك
البندري : خلاص بعدين
جاسر :لا الحين ليه الناس تتهنى فيك وانا لا
البندري :تيب يلا تعال بس بسرعه
جاسر :جااايك هوووى ياروحي
>وسكر منها
بدر : وين ياالنسيب ..
جاسر :مالك شغل خلك بحالك ...
............

عدلت نفسها بمراية السيب ...
وراحت عند البوابه
جاسر دخل واول ماشافها انهبل با اليموني مع الروج الاحمر مخليها فاتنه وجذاابه
جاسر :لالا انتي نااويه علي اليوم
البندري مااااااات حياء وصارت تبعد عنه:جسور خلاص شفتني يلا روح
جاسر :طيب بروح بس قربي شوي
البندري:ليه
جاسر مسوي حزين:تخافي مني
البندري تبتسم :اخ منك >وقربت خطوتيت وهو كمل الباقي وسحبها من يدها لصدره ..
البندري قلبها صار يدق بسرررعه وحست ان الكل يسمع دقات قلبها بصوت هامس :جاسر
جاسر حاضنها ويستنشق عبيرها وريحتها :عيونه انتي
البندري تلخبطت بعد الكلمه ماعرفت شتقول :..
جاسر :احبك
>>قطع عليهم وصحاهم من الي هم فيه
صوت جوال البندري ..
بعدت منه البندري :خلاص حبيبي روح الحين
جاسر :طيب ياقلبي
<<<<<<<<<<

في نفس القاعة القصر بس في مكان ثاني ....
ريوف :: الوو
عبدالعزيز : هلا حبيبتي
ريوف :بطلب منك طلب
عبدالعزيز :امري
ريوف :ودي انام اليوم عند اهلي
عبدالعزيز:وانا
ريوف :.....
عبدالعزيز : طيب خلاص
ريوف ماتدري ليه سوت كيذا بس ودها تقهره ودها تعذبه ...
............

في الفندق ... 2ونص الليل >>
طبعا الكل ماخذله جناح منفصل عن الثاني
اجوان جالسه توخر المكياج ..بعد مالبست شورت مع بدي...
سمعت احد يضرب الباب ..
راحت تشوف مين ..
قبل لتفتح الباب طلت بفتحت الباب
وانصــــــــــــــــــــــــدمت وتجمدت اطرافها...!!
فيــــــــــــــــــــــصل !!!!
سمعت مسج جاها ..شافته ))ليه ماتفتحي الباب انا عارف انك صاحيه للحين))
هذا شيبي جاي كيف عرف مكان ..
صارت تروح وتجي خاايفه وماتدري شتسوي ..
ياربيه ليكسر الباب الحين وين اروح ..
يا ماااامي ,,
بدت ترتجف حست انه راح لان وقفت الحركه الي عند الباب وخفت ...
راحت تطل من البلكونه شافته يركب سيارته ..
ارتاااااااااااااحت ...
فجأه سمعت خبط قوي عند الباب .. استغربت ميييييين هذاااا ؟؟!!!!! ليكون جاء بس انا متأكده انه ركب سيارته وراح اااه ياقلبي والله بيوقف الحين من الخوف ..
مشت بأطراف اصابعها مع كل ضربت باب تهز خليا جسمها من الرعب ..
طلت من الفتح....
سلطـان ؟؟!!!
فتحت الباب ..
سلطان ناظرها من فوق لتحت وهوعاض ع شفته التحتيه دزها ودخل وسكر الباب
وطرااااااااااااااااااااااااااااااخ ....
اااااااااااااااهــ وطاحت ع الارض وهي ماسكه خدها

مسافره عشااان تقابلينه...... !!
:: مااقااابلت احد انت فااااهم غلط ..حرا عليك
:: بس ولا كلمه الشرها من عليك علي انا الي مداريك وساتر عليك ولا انتي مو كفوو احد يستر عليك عرفت لييه رحتي لحالك بدون لتشااوريني عشان تشووفي حبيبي القلب هااااااااااااه
:: بس بس بس خلااااااااااااااااااااص كااافي
:: لا مو خلاااااااااااص مو خلااااااااااص فاااهمه
مسكها مع شعرها وسحبها ع السرير
ورماهااا بقوه وبداء يفتح ازارير قميصه
:: لالالالا ســـ لطــ..اان الله يخليك >ودمعها ع عيووونها
واختلطت انفااسهم مع بعض .. .... >>>

نهاية بارتي44

10 - 9 - 2014, 03:55 PM

45

كان جالس ع طرف السرير بدون بلوزه دخل اصابع يدينه بتعب حاس ان راسه بينفجر من التفكيــر ...!!
مو معــــــقـولهـ اجوان بنت بنت بنت ....؟؟؟!!!!
مايدري يفرح ولا يحزن لانه ظلمها كل الفتره هذي ..
خجــــــــــــــــــــــــــلان من الي سويته فيها
دووم اهينها ولا اهتم فيها واقهرها ذليتها معي
اااااااهـ شسوي ...
اجوان منسدحه مسويه نفسها نايمه
حاسه فيه من يوم قام منها ..
نزلت دمعه حارهـ ع خدها الناعم مقهور من صدمته يوم عرف انها بنت لهدرجه انا زباله بعيييييييييينه
لهدرجهـ مفكرني عاااااااااااااااااهررر
مسكت طرف الشرشف ولمته ع جسمها بضعف وقهر
.............

في الفندق ...
جالسه ع طرف السرير بفستان الزواج وتهز رجلها بتوتر
ياربي هذا مطول يطالعني مايستحي ع وجه ويذلف عشان اغير :رائد
رائد الي فاتح الدولاب تخذ بجامه
سمر لا هذا شكله مطول مطلع منشفته ليكون ناوي يتفصخ عندي صدق قليل حياء :ليه ساكته !!
سمروهي تشوفه يفصخ قدامها ماعرفت شتقول مسحت بيدها ع رقبتها :هاهـ لا بس كنت ابي مويهـ ..
رائد : شوفيها في الثلاجه .
سمر :اهاا تيب
راحت...
فتحت الثلاجه الصغيره اخذت غرشت المويه وصارت تشرب بعطششش وترش بوجهها مويه تحس ان حرارتها ارتفعت هدت نفسها وفضلت اجلس بصاله لحد مايخلص عشان يفهمها ويطلع عشان تبدل
مرتـــــــــــــــــــــــ نص ساعه ...

اووف هذا شيسوي با للحين !!1
راحت بخطوات ثابته فتحت الباب شافت باب الحمام مفتوح عقدت حواجبها غريبه هذا وين راح التفتت يمين مكان السرير ماشافته !!!1
هذا وين راح !!!!
ماحست الا وهي با الهوى ...
يمــــــــــــــــــــــــــه خوفتني
رائد وهي بحضانه :اااااااااووووووه ماتوقعت انك ثقيله لدرجه هذي
سمر ببتسامه :بايخ
رائد شعره مبلول نفض شعره:وهـ وين راح اللسان >لان توقع بعد الحركه بتدفنه في الغرفه..
سمروهي تمسح وجهها من قطرات المويه :يووهـ رائد نزلني
رائد وهو يغمزلها : تدرين ان الفستاااان عليك روعه
سمر صار وجهها طماط :تنزلني ولا شلون
رائد يعاند :شلون!!
سمر :انت الي جنيت ع نفسك تحمل
سمر قربت من كتفه العريان وعضته بقوهـ
رائد:اااااااااااهـ متوحشه ووخرها عنه بسرعه..
سمر ركضت وسكرت باب الحمام عليها :احسسن ..
رائد وهو يمسح ع كتفه بالم :وين بتروحين مني هين
...................

قِلت : آلظآهر إن [ هذرتي ] زآدتْ وكًدرتكْ ..!
آهلي يقولون عني بِنت زنّـآنه
قآل : إهذريٍ وآملي عُروقيِ بـ ثرثرتكْ
هذآ هو المو و و ت ..! نبرة بنت نعسآآنهـ

جاسر منسدح بسرير ويسمع سوالف البندري عن الزواج
الساعه 3 الفجر....
البندري :الله يوفقهم ..
جاسر :آمين عقبالنا يارب
البندري استحت :انشاءلله
جاسر :قولي امين
البندري بصوت ضعيف : آمين
جاسر:اااهـ ياقلبي متى يجي اليوم هذا
البندري : قريب انشاءلله حبيبي
جاسر :لبيهـ
البندري :احس اني وجعت راسك بسوالفي وانت تعبان من الصبح وانت مع رائد
جاسر :انت عارفه انك راحتي وهناي وسعادتي انت كل شي بدنيتي
حياتي
البندري :عيونها
جاسر :ابيك معي طول العمر
البندري :انا معك لحد مااندفن با الثرا
جاسر :بسم لله عليك يومي قبل يومك مابيك تجيبين طاري الموت ع لسانك
البندري :جاسر
جاسر :ياعيونه انتي
البندري :احبك
جاسر :آآآآه ياقلبي وانا امووووت فيك
..........................

صباح جديد ///

سمر فتحت عيونها وهي تتذاكر كيف طولت با الحمام يوم طلعت شافته نام تسحبت ونامت بمكانها
حست بثقل من جنبها رفعت يدها لمست يد رائد وهو محاوطها من خصرها
بلعت ريقها حاولت تبعد يده بهدوء جت تقوم رجع حاوطها وهو مغمض عيونها :وين رايحه ياحلوه..
سمرتصرف :صباح الخير
رائد ابتسم وقام تسند ع السرير واكشف صدره:صباح النور
سمر صدت عنه :مارح تقوم تلبس
رائد :كم الساعه
سمر :ماادري
رائد يشوف ساعت الجوال: ااح تاخرنا
سمر :ليه متى موعد الطياره
رائد :12 الظهر يلا قومي الحين البسي بنروح نسلم ع الاهل ونمشي مناك علاطول
سمر :تيب
........

صحت البندري وغسلت وجهها بنشاط وروقاان وهي تدندن ترتب شعرها
انا مابدي تألي كلام يدووب ألبي حنين وغررررررام
بكفيني تألي بحبك هيدي الكلمهـ بتأتلني ....
حدي بيكون البك مشغول حتى نظرات عيونك مجنونه .
لاااااه للاااه ...>طربااانه ع الاخر
نزلت وهي تنطط ع الدرج شافت الكل مجتمع في الصاله ...
البندري ببتسامه :صبااااح الخييييير
الكل >صباح النور
ام رائد : ماشاءالله اليوم مبسووطهـ
البندري ببتسامه رضا :ماشاءلله صاحين بدري
ام رائد :ايهـ الحين بتجي سمر تسلم وهي ورائد عشان بيرحون لمصر اليوم
ثامر :ابي اعرف المطفوقه الي اسمها سمر هذي شلون بيخليها تدرس هناك انا لو منه خليتها تدري هينا احسن
ابورائد :يازينك ساكت ..
البندري وهي يطل من الشباك :هذي المعاريس وصلو ..
ام رائد فزت من مكانها بفرحه :بعد عمري
ثامر :طاح كرتي
دخل رائد وبعدهـ سمر رائد مسك يد سمر وضغط عليها
رائد :السلام علكم
ابورائد :هلا وعليكم السلام ...
ثامر سلم ع رائد وبارك لسمر وطلع عشان تاخذ راحتها سمر....
رائد باس راس ابوه وامه
شخبار الغالين !!
::بخير الحمدلله
ام رائد:شخبارك ياسمر
سمر راحت وباست راسها :بخير
البندري:شاالحلاااا ياسمور قمر بسم لله عليك ..
سمر :ياروحي تسلمين
رائد وهو يغمز لها : من يومها سمور الحلا ينقط منها ..
سمرصار وجهها طماااطم:.......
البندري :هههههه فديتك ياملحك كيذا
ابو رائد :ها يابوك متى طيارتك
رائد:بعد ساعه
ابورائد:عاد ماوصيك بسمر لا تزعلها ترا هي الغاليه رائد :اووهـ‘ الوالد مو بصفي
ام رائد :ايه يايمه هناك ماتدري شيصير فيكم انتبهو لانفسكم زييين
رائد :شدعوه ترا حنا مو بروح لمريكا ..
ام رائد :ولو الحرص زين...
رائد : من عيوني يا الغالين ها ماتبون شي من هناك
البندري :سلامتكم ها انت وياها تراب تحضرون زواحي ..
سمر : انشاءلله
رائد :حبيبتي يلا مشينا
سلمو ع الكل وبعدين مرو ع بيت ابو بدر ..
وطلعوو بعدها للمطار ...
......................

تمشت شعرها وسرحاه بعالمها ما تدري ليه تحاول تبعد عنه الفتره هذي ماتبي تشوفه منقهر للحين من الي صار
تحاول تتحاشاه بنظراتها كلما تذكرت فتون تحس با الخيانه <
رن جوالها ...شافت الشاشه عرفت انه عبدالعزيز ..

ريوف :الو
عبدالعزيز :انا تحت
ريوف :تحت !!
عبدالعزيز :ليه مستغربه !!
ريوف :مارحت للشرقيه !
عبدالعزيز :تبين تعرفين ليه مارحت للشرقيه
ريوف : ...
عبدالعزيز :انا انتظرك تحت !!
........

عدلت نفسها با المرايه ونزلت تحت ...
عبدالعزيز : ليه واقفه ..
ريوف جلست بكنبه منفرده :ايوه
عبدالعزيز :للحين متضايقه
ريوف :يهمك
عبدالعزيز :اكيد
ريوف:...
عبدالعزيز :ريوف !
ريوف :.....
عبدالعزيز :ناظريني
ريوف رفعت عيونها له وكانت مليانه عتب :...
عبدالعزيز :ريوف تدرين ليه للحين مارحت للبيت !
ريوف :ليه ..
عبدالعزيز :لاني راح اموت..
ريوف عقدت حواجبها :..........!...؟؟
عبدالعزيز :مقدر اروح وقلبي اخليه هينا مقدر اعيش بعيد عن قلبي..
ريوف تجمعت الدموع بعيونها :مو اول مره ابعد عنك
عبدالعزيز :انتي ع بالك روحتك الاخيره عند اهلك ماهمتني انتي ماتدرين كيف كنت تعبان بدونك وربي اشتاقلك كل لحظه انتي هواي الي اتنفسه حرام عليك تبعدين عني بطريقه هذي ....
ريوف وصوتها فيه غصه:وانت مو حرام عليك تخوني مع فتــ و ن
عبدالعزيز :ورب البيت والي خلقني انتي اغلا شي بقلبي ... وفتون ماتهمني
ريوف :اجل ليه رحت لها البيت !!
عبدالعزيز :رحت !! متي ؟؟
ريوف:نفس اليوم الي رجعت فيه كنت بسويلك مفاجأه لحقتك وشفتك وانت داخل لبيتها حتى ماكلفت نفسك تشوف من واقف وراك !!!
عبدالعزيز :حبيبتي وربي رحت لها بس اادي الواجب كسرت خاطري ورحت اساعدها صدقيني هذا الي صار
ريوف :بس
عبدالعزيز :ورب البيت بس هذا الي صار
حياتي تكفين خلينا نرجع زي قبل وربي انا احبك
عبدالعزيز قام وجلس قدام رجلين ريوف :هاياقلب عبدالعزيز شقلتي
ريوف نزلت دموع حاره ع خدها :...
عبدالعزيز رفع يده ع خدها ومسح دمعتها بصبعه :عمري انتي دموعك غاليه ع قلبي
ريوف :احبك
عبدالعزيز ابتسم بحب :اااهـ ياقلبي وانااموووووت فيك
طق طق ...>الباب

ام رائد :ماشاءلله عبدالعزيز هينا محد قالي
عبدالعزيز وقف ومسك يد ريوف :كنت بسلم عليك وباخذ ريوف معي
ام رائد:الله يسهل عليكم ...
عبدالعزيز :انا بسياره استناك ..
....................

زواج البندري بعد اسبوعين ....
طق طق ...

البندري :مين !!
ابورائد :ادخل !
البندري فتحت :هلا يبه تفضل ...
ابو رائد :شكنتي تسوين
البندري :لابس كنت ارتب اغرضي عشان ارسلها لبيتي
ابورائد جلس بكرسي التسريحه :اجلسي بقولك شي
البندري جلست بطرف السرير وقلبها ناعزها ماعجبتها ملامح ابوها الجاده :اسمع
ابورائد:والله ماادري من وين ابداء بس الي بقوله لك الحين ابيك بعد صلاة المغرب تنزلين للمجلس فيه موضوع يخصك
البندري وهي عاقده حواجبها : موضوع !!
شصاير يبه قولي لا تخليني احاتي !!
ابورائد :بتعرفيه انشاءلله بس بقولك شي حطيه ببالك
البندري :....
ابورائد :انتي غاليه عندي
البندري دمعت عيونها :الله يخليك لي ..

10 - 9 - 2014, 03:59 PM

الجزء الاول من البارتي الاخير .

الفندق >

ريوف :حبيبي ليه مو مسافرين ...!
::الا ياقلبي بنسافر بس مو الحين ...
شافته يلبس غترته
::وين بتروح
::ايهـ مارح اتاخر
قرب منها وباس خدها :تطمني راجعلك هوى
ابتسمت براحه جلست في الصوفا وتذكرت ان لها شهر ونص ماجتها الدوره الشهريه استانست با الفكره الي خطرت ببالها معقوله تكون حامل !!
ريوف :آسيا >خدامتها الخاصه جابها لها عبدالعزيز خصوصا انها تعرف عربي احسن من الخدم الي في القصر لانهم يتكلمون اكثر شي انجليزي ..
آسيا :نعم مدام
ريوف طلعت فلوس من الشنطه :خوذي هذولي ابيك تروحي لصيدليه وتجيبي اختبار الحمل زين
آسيا : اوكيه
ريوف :بسرعه لا تتاخري ..

................
مصر ..موطن الفراعنــــــهـ
القاهره>

سمر :بموت من الربطوبه انكتمت لله يعين بس
رائد:متعوده ع الجفاف
فتح باب الشقه: تفضلي يا عروس
سمر تناظر الشقه كان ديكورها عصري:والله عندك ذوق مش بطال
رائد:افا عليك اعجبك تعالي افرجك ع الشقه >مسك يدها وحست ان كهربا مشت ع جسمها كله ..
رائد حس فيها وابتسم : هذي الصاله
كان ديكورها بسيط وانيق بنفس الوقت ..
عباره عن ثلاث كنبات لونها رمادي وعليها خدوديات ملونه وشاشة بلازما وصاله تتوسط المكان لونها اسود
::وهذا المطبخ >كان مفتوح ع الصاله لون المطبخ ابيض..
::وهذي غرفة الجلوس
كنبات مكسيكيه لونها عشبي ..
::واخيرا هذي غرفة النوم ..
غرفة النوم لونها اسود السرير ماكان مرتفع ..
والمفرش لونه ابيض ..
:ها شرايك با الاثاث ..
:: امم حلو
أيه زين طلعت منها:: ...
::شفيك ساكت ماتبي تبدل ؟
::هاهـ أي يلا عشان نتغداء ...

دخل رائد للحمام وهي توجهت للبلكونه المطله ع برج القاهره ااخذت نفس عميق وهي مغمضه عيونها وتتخيل كيف بتعدي السنين عليها وهي هينا ..
طلعت تحت وهي عاقده حواجبها شافت زحمة السيارات والباصات والشرطي الي ينظم السير رحمته شينظم لينظم ع العالم المستعجله والناس الي تمشي وتعدي السكك والكشكات الي ع الرصيف....
حست فيه يحاوط كتفها بصوت حنون :هذي مصر وزحمتها تطمني الجامعه قريبه من هينا ...
بصوت عالي طفل بسن المراهقه ::قيريده يابيه
سمروهي تطالع :هذا يأشر لنا
رائد يصوت له :مفريش لزمه مشكور
سمر :هذولي كل يوم كيذا
رائد :هههههههه بتشوفين اشياء بمصر ماقد شفتيها بحياتك...
سمر :ليكون هم صدق زي الافلام
رائد:ههههههههههههه حلووه زي الافلام
سمر :هييه انت ترا مره عطيتك وجه خير تضحك
رائد:كيفي مو هذي شفايفي
سمر ميلة خشتها ومشت عنه :..........
رائد :مروضك مروضك
حسن بهز في جيبه ..: هلاوغلاااااا شخباركم ..
جاسر :تمام الحمدلله وينك ولا من لقى احبابه نسا اصحابه
رائد:ههههههه ولا يمكن
جاسر :حمار
رائد :ههههههههه لا تبرطم بس شخبار العيال
جاسر :والله تمام كلهم يسلمون عليك ..
رائد : اطمنك توي واصل
جاسر يمزح :لا ياشيخ سلملي ع المزاز الي بتشوفهم
رائد:هذاك اول
جاسر :ياشيخ شعدك
رائد:عندي برتقاله وحده تكفيني ..
جاسر :هههههههههههههه حلوه يلا اخليك الحين
رائد: مع السلامه...
سمر كانت بتناديه للغداء لانه تأخر
.....................

تمهل ناظر الدمعه على خدي قبل لاتروح
واذاقلبك قدر يقسى حبيبي خذ معاك روحي
دخيلك لاتخليني على ذاك الطريق انوح
اعاني وحدة الغربه ألملم باقي جروحي
تبعتك لآخرانفاسي شهق بك صوتي المبحوح
عظيمه لهفتي صوبك أصوتلك ولاتوحي
كبيره لهفة العاشق يتيمه صرخة المذبوح
رحيمه كلمة منك تخفف بالغلا نوحي
عطيتك حب من قلبي كريم والليالي شحوح
سهرت الليل بغيابك سهرته كله بروحي
احبك يابعد عمري وحبك في حشاي جروح
أحبك لوعلى نفسي والله مسموحي
طلبتك اداري وضعي المفضوح
حزين في رجا نجمه سناها ليه مايلوحي
تمنيت القدر مره يغير ماانكتب في اللوح
عرفت ان القدر حكمه وربي يسمع لبوحي

رجعو للشرقيه بطياره >مشوار ساعه لكن كان الصمت سيد الموقف ..
سلطان مو قادر يحط عينه بعينها ولا يدري شبيقول لها :........
واجوان تحس نفسها مخنوقه وتبي تتنفس ....
اول ماوصلت الطياره ..
نزلت اجوان وهي مو معطيه لسلطان اعبار
وقفت عند اماكن تسليم الشناط ...
اخذ نفس ومسح ع شعره ووقف جنبها ينتظر الشناط
جت شنطة اجوان قبل شنطته
جت بتاخذها اجوان لكن سلطان اخذها عنها اخذتها من يده بغيض ..
::لا عاد تلمس شي مو لك ..
سلطان اااهـ يا اجوان الله يخليك لا تعذبيني اكثر :انا ..بس
اجوان قطعت كلامه :من المكان هذا بنفترق هذا اخر مره بشوفك فيــه ورقتي توصلني ...
عطته ظهرها بتمشي وقفه صوته
بصوت مبحوح :بس انا احبك
قشعر جسمها وحست ان نبضها رجع ينبض بشوق ولهفه له .. لسلطاااااااااااااااااااااان لحالــــه أي اهو سلطــــــــــان قلبـــــي .هذي الكلمه الي كنت محتاجه اسمعها منه آآآآآآآهـ
نزلت دمعه حاره حرقت كل شي تحملته عشـــانه
شعقبه عقب ماذوقتني الجروح والصد والذل
داست ع قلبها ومشت عنه :.........
سلطان يصرخ بداخلـــــــــــه عطيني فرصه تكفييين لا تروحي لا تتركيني حس انه مخنوووووووووووق
فتح ازارير ثوبه بتعب وهو حاس انه خســـــــــــــــر
خسر خسر قلبــــــــــــــــه وروحه الي عايش عشانهم
حس ان الدنيا تلف فيــــــــــــه مو قادر يسيطر ع نفسه مسك قلبه بتعب ضغط عليه حاول يمشي خطوتين مادرا عن نفســـــــــــــه الا فقــــــــــد الوعي

في القصــــــــــــــــــــــــــــر >>

الساعه 8 الليل ...
اخت عبايتها والطرحه لبستها بعشوائي بتطلع من الغرفه ماقدرت راحت واخذت النقاب الي شراه لها سلطان وهي تتذكر>
سلطان داخل ومعه كيس :خوذي
اجوان :ايش هذا ...
سلطان :نقاب ما ابي مره ثانيه تطلعي برا البيت بطرحه شفافه
اجوان يغار علي ابتسمت تعاند :ماابغى
سلطان مسك ذراعها وقربها له بصوت صارم:اجوان
اجوان اخذت نفس ماتدري ليه ماتقدر تقوله لا ..طلعت منها كلمه بدون لتحس:من عيوني...
سلطان ابتسم نص ابتسامه وتركها :.....
اجوان اخذت نفس ماتدري ليه قالت كيذا ...!!!الي عرفته ان قربه لها يريحها ..>ماتدري شألي يصير بقلبها ...
صحت لواقعها الاليــــــم<<
الي يصير يا اجوان انك تحبيـــــــــــــــــــــــــــــــــــــنه

اخذت النقاط ولبسته وهي تصارع دموعها وحبها المجروح واخذت
شنطتها ونزلت
وركبت مع السايق ...
::روح ع البحر
نزلت وفكت النقاب بعد ماتأكدت ان المكان خالي من الناس وخلت الطرحه ع راسها تطير مع كل نسمة هوى وهي تتذكر الي صار لها .
ااهـ تضرب ع قلبها الي تنشط عقب ماسمع الكله وبدا ينبض بقوه اقوى من قبل ....

حيِآنَ يغنيَ عن التعبيرَ /
( بلعِآتَ ريقَ ) * !

لآ صِآرَ فَ دآخلكَ زحمَه شعورَ ، وحكيَ !
‎
‏‏‏‏‏سَاگتٍ أبيٌ أخذ نفسّ •.
لو مُو / عْميُقَ !!

محتاج اجمّع [مابقى منِي]
لو البَاقيْ : شتَاتَ . .!!

البْآرحٌهَ جنبَ البحَر•.
وأحسّ بِ إحسّاس / الغريق

ظنگ لو انزل•.
{فِ البحر} بحسّ بِ إحسْآسٌ الحيْآةَ ؟!

مرت ساعه كـــــــــــــامله وهي للحين واقفه وتفكر بحالها ..سمعت جوالها يرن برقم غريب !!
ردت وهي ساكته ...
::الوو يمه اجوان
::خالتي >ام سلطان
::شفيك تبكين
::الحقيني بموت ...
::شفييييييييييك
:: اااهـ سلطان جته جلــ طه با القلـ ب انا مالي احد با الدنيا غـــيره ...
الكلمات جت زي الصااااعقه عليها اليوم كانت معه ماكان فيـــــــــــــــــه شي ..طالح التلفون من يدها وخارت قواها وحست با الضعف.وجلست ع ركبها وهي تبكي بحرقــــــــــــه
اااااااااااااااااااااااااااااااااااهـــــ لالالالالالالا
موالي دخل قلبي يرووح مني بسهوله...
قامت بسرعه زي ا لمجنونه تركض لحد ماوصلت الرصيف وهي تاشر ع تاكسي يوقف لها ...
..........................

...." أنصدمت " بواقع الدنيا الحزين ....
...." وأنكسر في داخلي شي(ن) ثمين؟؟...
...." أظلمت شمسي ومالت للغياب "....
...." وفرحتي مدري خذاها الحزن وين ؟؟؟...

نزلت تحت وشافت اهلها كلهم مجتمعين ريوف ووامها
وام بدر وسحر وام عبدالعزيز في الصاله
طبعا تصلو بااجوان لكن ماكان احد يرد ...

البندري شسالفة الاسره كلهم مجتمعه:: السلام عليكم
الكل يناظرها وعليكم السلام
ريوف ماراحت وطلب ابو عبدالعزيز تكون موجوده هي وعبدالعزيز هي xxxxxه ماتدري شسالفه اما عبدالعزيز خايف من الي بيصير

البندري تناظر نفسها يمكن فيها غلط ولا شي : شفيكم
ابو رائد ينادي:البندري تعالي يبه با المجلس
البندري مغصها بطنها :انشالله
ريوف :يمه شسالفه ..
ام رائد يو تاكدت ان البندري دخلت المجلس :اسمعي ...>وقالت لها كل السالفه
والكل كان متفاجأ ومتأثر بنفس الوقت ..
ريوف وهي تبكي :يعني البندري مو اختي با الدم
بس هي اختي الي فتحت عيوني وهي تلعب معي وتهاوشني لخطيت ااهـ يابعد عمري شبتسوي الحين حرام عليكم بتنصدم باخر عمرها ..
سحر من الصدمه سااااكته :.........
دخلت شافت عبدالعزيز وابو عبدالعزيز واخوها ثامر
البندري طلعت برا بسرعه:يبه فيه رجاجيل شلون ادخل
ابو رائد مسك يدها : ماعليك انا معك
البندري شفيه ابوي جن :...؟؟؟؟؟؟؟؟؟؟؟؟؟
حمدت ربها انها لبسه شال رفعته وحطته ع راسها ودخلت ..
البندري واقف ومتوتره ماتدري شصاير وليه الكل مجتمع اليوم :.......
ابوعبدالعزيز رفع راسه وصار يتأملها فيها كثير من امها ورجعت ذاكرته لورا بعييد بعيييد قبل 22 سنه كيف شالها وسلمها لابو رائد كان شاب ويحب بجنون ولا يبي يضايق الي حبها من قلب بس كل هذا صار ع حساب بنته بدون ليحس انه قطع عنه شي من دمه ولحمه مايمكن في يوم يقدر يسامحه
يد عبدالعزيز تهز هـ صحته للواقع :يبـه ..
رفع راسه وقال بصوت كله ندم :ليه واقفهه استريحي يابنتي ..>قالها بصوت حنون
لدرجهـ ان البندري حست فيها وقشعر جسمها ماتدري ليـــــــه ...
البندري ناظرت ابوها >ابو رائد وثامر وجيههم ماطمن مهي عارفه شسالفه بس الي حاسه فيه ان مصيبه جايه بطريييييييق رجعت خطوتين وجلست ع اخر كنبه موجودهـ حضنت يدينها مع بعض بتوتر :....
هدوووووووء >لثواني كل واحد يناظر الثاني ينتظره يتكمل ابو رائد عبدالعزيز وابو عبدالعزيز حدهم متوترين ثامر مستغرب بس خايف من الي بينقال وينتظر يتكلمون مو عارف شصاير ...!!!!!

ثامر :شفيكم ...؟!!!
ابورائد يناظر ابو عبدالعزيز بمعنى تكلم :......
ابو عبدالعزيز شبك يدينه مع بعض وقال: قبل 22 سنه كنت متزوج غير ساميه غصب عني ماحبيتها انجبرت اتزوجها بناء ع رغبت ابوي اهلي مايبونها لانها بنظرهم اجنبيه وماتصلحلي ..
تزوجت الي يبونها اهلي وجبت منها بنت وانا ع ذمتي ساميه بس هي كانت بسوريا طبعا تزوجتها با السر وكان عندي منها عبدالعزيز توه صغير..
طبعا كنت خايف ان ساميه تعرف اني متزوج وتزعل علي وتطلب الطلاق عشان كيذا طلقت بنت الناس
وجبت ساميه للسعوديه ..

البندري بدت تعرق من التوتر والخوف انا شدخلني يتكلم بأمورهـ الخاصه :للحين مافهمت انا شدخلني
ابوعبدالعزيزتنهد وبصوت مبحوح :غلطتي الوحيده وندمااااااان عليها
تهوري وشي ماحسبت لهـ حساب الطفله الي مسكتها بين ايديني تخليت عنها
البندري مو مستوعبه شسالفه بس اول مره تشوف جبروت وشخص بمكانت ابوعبدالعزيز ع وشك ينهار قدامها بداء قلبها يدق بسرعهـ :......!!!!
عبدالعزيز خايف ع ابوهـ :......
البندري وقفت وبصوت كلهـ خوف :شتقصد ؟؟؟؟؟؟؟؟
وهو يناظرها ودمعت سبقت كلماته: انتي طفلتي الي تخليت عنها ...انتي بنتي بنتي بنــــتي ...بنتي اناااا من لحمي ودمي
البندري من الصدمه طاح جوالها الي ماسكته بيدها وحطة يدها ع فمها وصارت تناظر الي حوالينها تبيهم يكذبونه :..
ابوعبدالعزيز : ارجوك سامحيني
تأملت ابو عبدالعزيز وعيونها غرقااااااااااااااااانه دموع
طلعت من المجلس بسرعه مو مستوعبــــه الي يصير ماطملت خطوتين الا طاااااااااحت .........
ام رائد :البندررررررررررررررررري
ريوف تركض وتهزها من كتوفها وهي تصرخ بصوت مبحووح :قــومـ ـي يا الغالـــي لا تزعلـ ـ ـ ـي لا تروحـ ـ ي انـا اختك هم يكذبوووووون عليك قومي الله يخليك
يماااااااااهـ البندري شفيها
البندري كأنها جثه هااااااااااااامده <<<<ع المستشفى علاطووول
.................................................. ........

في الكوفي _
جاسر :تصدق ان لك فقدهـ من يوم ماتخرجنا وسافرت لدبي وانت ماتنشاف
حمدان :شسوي الشغل يخذ وقتي وانا الحين معك عاد انت خلنا نشوفك بدبي
جاسر :من عيوووني كل شوي بطب عليك
حمدان :حياك يارجل بكل وقت بيتي مفتوح لك
جاسر :حمدان بتكلم معك بموضوع ..
حمدان : شنو
جاسر : ياخي الي متى وانت كيذا شوف حياتك انت مو اول انسان يطلق حاول تنسا وتفتح صفحه جديده ...
حمدان :تطمن ابوي خاطبلي
جاسر :وليه تقولها كنك مغصوب؟
حمدان تنهد ::
رن جواله :هلا ثامر ..
:: شنووو أي مستشفى ؟؟
حمدان قضب حواجبه بأستغراب: عسا ماشر ...
جاسر وهو مستعجل : تعال سوق عني انا مقدر
حمدان اخذ مفتاح السياره :يلا اركب ....
..........................

.. حبيبي لا تخليني اعاني من احاسيسك
حبيبي تبتعد صعبه ما اقوى على الهجران
تدري فيك حبيت الخصال الحلوه وهماسك
نجوم الليل تشهدلي باني لخاطرك سهران
صعب انسى كلامك وانسى اخلاصك
صعب بعدك صعب قلبي يحاربني على العصيان

كان يمشي مع جاسر الي مسرع بخطاواته سأل الرسبشن ع اخر حاله جتهم وراح بسرعه ...
شاف الكل منهار بكي وخوف ..
حمدان :ماتشوف شر شده وتزول
عبدالعزيز:الشر مايجيك ...
جاسر :خالتي تكفين ريحيني شفيها ؟؟
ام رائد ماهي قادره تتكلم من البكي :....

ابورائد حط يده بكتفه : جاسر يبه اصبر يجي الدكتور يطمنا
جاسر سند راسهـ ع الجدار بتعب :.....
حمدان : تعوذ من ابليس انشالله انها بخير ...تبي اجيبلك شي
جاسر يحرك راسه بمعني لا:..
حمدان :طيب انا بروح طمني عنك ...
.................................................. ...........

في مستشفى لكن في الشرقيـــــــــــــه
..
ام سلطان :اجوان يمه شوفيهم دخلوه ماادري ليه تأخروو علي ...
اجوان ااهـ مدري اهديك ولا اهدي نفسي : تطمني الحين يطلع الدكتور ويطمنا عنه ...
في اللحظه هذي طلع الدكتور :...
::: ها يا دكتور طمنا عنه ..
بخووف:: انتي شتصيرين له >>ام سلطان قالت بسرعه هذي زوجته
الدكتور :جته جلطه ..
ام سلطان :شنووووو جلطه يمه وليدي. راح مني ..
اجوان بخوف ودموعها ع خدها :دكتور طمني الله يخليك مابيه يروح مني ..
الدكتور : اهو يشرب سجاير كثير وهذا ادى الى انسداد الشريان الحين اهو تحت الملاحظه انشاءلله بيقوم بسلامه بس ادعوله ...
اجوان تشوفه مستلقى بسرير والاجهزه محاوطه جسمه المعضل :حبيبي انا اســـفه
تحمل حبيبي لا تروح مني الله يخليك انا احبك ....
اجوان جابت لها كم غرض من البيت ونامت مع سلطان في المستشفى وبعد اصرار منها خلت ام سلطان تجلس با البيت ترتاح وهي تطمنها عنه

...............

طلع الدكتور :وين ولي امرها ...
الكل كان يطالعون بعض ..!!!
ابو رائد ابو عبدالعزيز ...!!!
جاسر تقدم بسرعه :انا ...
الدكتور :شتصير لها
جاسر :انا زوجها طمني عنها ..
الدكتور : الحمدالله قدر نتعدى مرحلة الخطر بس هي محتاجه راحه بس ابي اسأل هي مضايقها شي اليوم صار لها شي صدمها ؟؟؟
جاسر يطالع حوالينه مستغرب الصمت :امم لا
ام رائد :دكتور هي وش فيها بضبط
الدكتور :انهيار عصبي ...
ام رائد :يمه بنتي ... اهئ اهئ اهئ
سحر : اذكري الله هي بتقوم بسلامه انشاءلله
جاسر:........؟؟؟؟؟!!!!!
ريوف مو محمله الضغوط الي صارت اليوم ماحست بنفسها الا وهي مغمي عليها ...
عبدالعزيز بسرعه شالها وهو خايف عليها:خلاص لا تخافون انا معها ...
جت السيستر وحطت المغذي لها واخذت منها عينه دم ..
ريوف فتحت عيونها وشافت عبدالعزيز ماسك يدها ومغمض عيونه بتعب : حبيبي
عبدالعزيز رفع راسه :عيون عبدالعزيز
ريوف :بعد عمري تعبتك معي
عبدالعزيز :تعبك راحه ياروحي
ريوف:يلا حياتي خلينا نطلع
عبدالعزيز :لا مو قبل مانطمن عليه ..انتظري نتايج التحليل
ريوف :تيب >كان نفسها تسويها له مفاجأه بس ماصار
بعــد ساعه ..
السستر :مبروووك مدام هامل
عبدالعزيز من الفرحه قبص خدود ريوف :واااهـ البيبي بيجيبلي بيبي ثاني ... ياقلبي مو مصدق ..
ودي اشيلك واطير بس الغرفه ماتساعد>لانها صغيره
ريوف بحياء:ههههه تبغى بنت ولا ولد ؟
عبدالعزيز :الي يجي بس اهم شي منك ..
ريوف :حبيبي ماابغى اقول لحد الحين شي
عبدالعزيز :صح مو وقته بنصبر فتره لما تتعدل الاوضاع ..

10 - 9 - 2014, 04:04 PM

نزلت من الطيارهـ
ونسيم الهواء طير عبايتها ...
جاسر وهو يمسك يدها نورتي دبي ..

البندري : النور نور اهلها
جاسر وهو يشوف حمدان الي يستناهـ :هلاااوغلااا منورين الحمدلله ع السلامه
جاسر :الله يسلمك
الح عليهم ينام عندهـ في البيت خاصه ان البيت فاضي ومافيهـ احد بعد مارتحت عبير ...
حمدان :خذ راحتك ولا تستحي الدور كلهـ لك
جاسر :والله مدري شقولك ..
حمدان :يابن الحلال حنا اخوان ومابينا شكرا وبعدين انا ماانام فيها
جاسر :اجل وين تنام ؟؟
حمدان :ببيت ابوي
جاسر :ماقصرت
حمدان :يلا مع السلامه
البندري عجبها الفيلا خاصه انها مطلهـ ع حديقهـ خلف الفيلا وع جنب مسبح ..
جاسر وهو يحاوط البندري من الخلف ويقرب لذنها:احبك
البندري بحياء :وانا اموت فيك
بيت رائد >>

نار شوقي لك يذوب لها الحديد
وانتثر دمعي على خدي بدد
دايم ياشوق شوقي لك يزيد
وان سالت العين لك فيها مرد
دمعتي تنبيك عن حب اكيد
غيرها يا روح روحي وش بعد
كان قلبي قبل عرفي لك عنيد
مايحن ولارمع غيرك لأحد
لين طوعته بحبك يا وحيد
والمحب يطيع محبوبه وحد

بغرفة ريوف >>>>>>>>>

توها مخذهـ دوش وطالعه ولفه ع جسمها الروب وشعرها لفتهـ عليه بالمنشفه
وتدندن اغنيه
يارب ماينام الليل ألين يشوفني قباله يارب يحبني موت ولا يناسني في عمرهـ
ماحست بنفسها الا وهي فوق
:: ولمن شافله انسان يقارن بيني وبينهـ وديما اطلع انا الكسبان ولا حد ملأ عينه
قمر دنيا ها المزيون احبهـ واعشقه بجنون لو يحبني ميت مليون ..
بصرخت كلها ضحك :ههههههههههههههأأأي
:: اشتقتلك يا الغلا
وهي حاطه راسها بكتفه :انا ولا الي ببطني
::كلكم..بس انتي اكثر
:: متى وصلت
:: قبل شوي من الطار طيررران لك جاي اكلك
حمرت خدودها من الخجل :......
نزلها بشويش ع السرير وطفى اللمباه :
........................................
سلطان بيطلع اليوم من المستشفى اجوان كانت تفتح الدولاب وتطلع كل الاغراض وتحهم بشنطه..كانت عيون سلطان تراقبها كان يتأمل شعرها الحرير البني الفاتح الي واصل لحد نص ظهرها وكثيف كانت رفعته حصان ومنزلهـ خصل من عند وجهها ولبسهـ جاكيت رسمي كمهـ حاير ونهايه فيه قطعه من البربري لبسهـ تيشيرت جو لونه بيج فاتح وعليه كتابات انجليزي مع بنطلون جينز عامق
كان شكلها مررهـ انيق مريح ..
اخذت شنطتها من قوتشي ودخلت جوالها الايفون الي شرتهـ مأخرن وولبست عباتها الكتف ولفت الشيله ع راسها وراتحت لسطان تساعده با الوقوف
وهي تحس بأنفاس سلطان ع وجهها :قد قلتلك انك اجمل إمراءهـ شافتها عيوني
اجوان ابتسمت بحياء : ......
سلطان :الله يحفظك لي
اجوان : ويحفظك لي انا كمان
سلطان : يابعد عمري ..
دخلت ام سلطان :وهـ وليدي قرت عينك يا اجوان والله مدري شقولك ماشالله عليك مافارقتك من يوم ما دخلت للمستشفى كانت معك الله يجزاها خير
سلطان ابتسم لها بحب وقرب لذنها وهمس لها : اموت فييييك
...........
في بيت ام سلطان

بعد الغداء ...
ام سلطان :اجوان يمهـ صعدي زوجك فوق يريح ..
اجوان : انشالله خالتي ..
فتحت باب الغرفهـ
وفاحت ريحهـ الفواحات الي مشغلتها وكان المكان مرتب وصلته للسرير
وجت بتترك يدهـ لكن اهو مسكلها وجرها لحظنهـ
اجوان بطنها مغصها وحرارها جسمها ارتفعت
سلطان وهو محاوطها خليك معي شوي ودي اتكلم معك احس اني مشتااااق اسولف معاك عن كل شي ودي تعرفي كل شي عني .
اجوان كانت تعبانه حيل بعد نومات المستشفى والسهر ماعارضت وحطت راسها بحضنه وهي مرتاحه ان الامان والحب معها اليوم
حط سلطان يده ع راسها وصار يمسح عليه ويتكلم عن طفولتهـ ,,,
واجوان الحركه هذي نقطت ضعفها علاطول تناااااااام :كنت اكسل واحد في المتوسط بس يوم راحت الثانوي تغيرر كل شي صرت افهم الحياة اكثر وهنا حددت طموحي تعرفت ع اخوك عبدالعزيز من ثاني ثانوي ..>حس ان انفاسها منتظمهـ نزل راسهـ شوي لها شاف عيونها مسكره ابتسم بحب باس عيونها وهمس لها : احبك
حضنها بقوهـ يبقى يحسسها با الدفئ اكثر دعى ربهـ انه مايغير عليهم ..ويحفظها لهـ
...........................
صحت من النوم وهي حاسهـ انها مرتاحهـ حيييل بنومتها شافتهـ صاحي وفاتح الاب قامت ودخلت الحمام اخذت شوري
لبست فستان حرير طويل علاق لونه موف وعليه كلفه تحت الصدر ملونه..
وقفت ع المريهـ
نشفت شعرها وخلته ع راحتهـ بخت عطر من اف سان لوران وحط ماسكرا وقلوس زهري
ماحست الا الي يجي خلها ويحط خدهـ ع خدها الناعم
ريوف وهي تشوفه من المرايهـ :اي عزوز خدي
:: سوري ياروحي ماحلقت اليوم
باسته من خدهـ ::صباح الخير
:قولي مساء الخير
: اف كم الساعه
:حنا الظهر
:نزلتتحت
:لا كنت انتظر الاميره النائمه تصحى
:ليه ماصحيتني
:خفت ازعج ولي العهد اكيد هو نايم مع امهـ
:هههه تيب ياروحي تعال ننزل
:: اوكيهـ دقايق اغير ملابسي
.
........................

انا دمعي من عيوني حرق خدي على شانك
مـرادي لـو تـنـاظرني واحـلـق في سما عـيـنـك

انـا مـرضان ياخلي دواي الشـهـد بـلـسـانك
يـزيــل الـهـم واحـضـنـي حـبـيــبي بين يدينك

لقـا.. به لهفـة اشجاني تعانق لهفة اشجانك
وتـروي ضامي شفـاتي حبــيـبي من نهر زينك

تعـال وشـوف احزاني معـاها هانت احزانك
رميـت الروح باطلالك وعشـت بماضي سنـينك

حبـيـبـي لا تجافيني ترى ما اطيـق هجرانك
امـانه تـرحـم العاشق جـريح من سهـم عـيـنـك

رن جوالها وكان المتصل ابوها تنحنحت وردت عليهـ : هلا بابا
ابو عبدالعزيز :هلا يبهـ الحمدلله ع سلامة سلطان
اجوان وهي تحسب نفسها من حضن سلطان الي ماسكها بقوهـ :الله يسلمك شخبارك
ابو عبدالعزيز : الحمدلله انا توي جاي من الرياض عطيني سلطان اسلم عليه ..
اجوان :الحين اهو نايم لما يصحى اخليهـ يكلمك
ابو عبدالعزيز :زين يلا مع السلامه
اجوان :مع السلامه
لفت شافته صاحي :هذا بابا كان يبغى يكلمك مادريت انك صاحي
سلطان :لا صاحي وجالس اتأمل القمر
اجوان حست با الوضع وانها للحين بحضنه ومااااات حياء :تيب يلا قوم خلينا ننزل عند خالتي
سلطان :طيب بننزل بس تونا بدري خلينا شوي بسرير
اجوان حدها منحرجه من نظراتهـ الملهوفهـ لها كان يتأمل كل شي فيها وعيونهـ متعلقه بعيونها ..: لا مايصير يلا قوم عشان تصلي المغرب
سلطان يقربها لهـ اكثر وهو مو قادر يقاووم :
توووووووووووووووووووووووووووووووووت مشفر

بدبي >>>>>>>>>>>>>

أنا حظي مثل غض الورق لي طاح من غصنه
أنـا ماأنشـد عن الأحــوال دام اللــه كاتبــهــا
لهم اسبوع وهم في دبي مافي مكان مارحو لهـ كان جاسر حريص انهـ يسعدها وينسيها همها الي للحين اهو مو عارف شنو
وماسألها حاب انها من نفسها تقولهـ
توهـ صاحي من النوم شافها واقفه تتأمل وفاتحه البلكونهـ
جاسر : يا الظالمهـ مخلتني انام كل الوقت هذا
البندري ببتسامه وواضح انها تحست حييييل : شسوي باين عليك التعب
جاسر :ايهـ ماقدرت اصحى ...>جلست ع الكنبه ومدد رجولهـ
البندري راحت وجلست جنبه: جاسر انا ابغى اكلمك بموضوع ...
جاسر من زمان كان يبي يسمع قالها بكل هدوء: اذا يضايقك مو لزم
البندري وبان ان الحزن غطا وجهها :لازم تعرفهـ انا عارفه انك مقدر وضعي ومافتحت الموضوع معي نهائي بس الحين انا ابغى ارتاح واقولك ...
جاسر عدل جلستهـ : اسمعك ..
البندري :ابوي يصير عبدلله بن عبدالعزيز
جاسر قضب حوجبهـ :ابو عبدالعزيز ؟؟!!!
البندري بغصهـ وبدت تبكي :انا بنته من زوجته الاول تخيل تخلى عني وخلى عائله ثاني تربيني أنا .... ماقدرت تكمل وبدت تبكي
جاسر مافهم شي بس قرر انه يكمل عبدالعزيز يفهمه السالفه : حبيبتي انتي اهم شي عندي مايهمني منو ابوك ولا منهو امك انتي كل شي بحياة جاسر >وبد يديها .
لحد ماارتاحت واسترخت ونامت بحضنه شالها ونزلها ع السرير ...
ولبس وسكر المبات وطلع بشويش
اول مانزل ع اقرب كوفي اتصل ع عبدالعزيز ..
عبدالعزيز فهمه كل السالفه وان ابوهـ الحين ندمان ويبي يصلح الي فات تفهم الوضع وخبرهـ ان بعد اسبوع ابوهـ مسوي حفلة لزم يجي اهو والبندري ...
وجاسر اكدلهـ الجيهـ ووعدهـ يتكلم مع البندري
الصدمه كانت قويهـ شوي عليه ماتوقع انها تكون بنت ابو عبدالعزيز لكن هذا مااثر فيه لان اهم شي عندهـ الحين اهو البندري وببببس
.........
بعد مافهم كل شي رجع للفيلا شافها في المطبخ
جالسه تشرب عصير وسرحانه حتى انه مانتبهت لهـ
جاسر وهو يأشر بيده : بنت ابو عبدالعزيز وين وصلت >تعمد يقولها
البندري التفتت بس الشعور الي جاها غير كأنها ولهانه عليه ودها تعاتب الشخص هذا بنهايه هذا ابوها ومهما سوا بيضل ابوها سكتت ماقالت شي متلخبطه مهي عارفه شتقول: انا
جاسر وهو يحاول يحتويها : قلبو الي صار لك مكتوب لك انتي لزم ترضين بألي كتبه لك ربك هذا القدر الي كان متخبي لك الحمدلله ان ابوك بنهايه يحبك ويبيك وانتي بنهايه بنتهـ انتي ماتدرين شنو الظروف الي صارت وخلتهـ يتخلى عنك بس
انا عرفت انه هو كان يراقبك من بعيد لبعيد يعرف كل شي عنك. هذا دليل انه ماتخلي عنك عن كرهـ لا كان مرغوم بشي هذا انا معك هو غلط والكل يغلط با الحياة اذا ربك يسامح انتي ماتسامحي
. مابي قلبك يتعلم الكرهـ والحقد انا اعرف البندري الي قلبها طيب
البندري الي كانت تسمع كلامه والدموع تزل لخدودها الناعه بغزارهـ مع شهقات دفنت راسها بصدره : ربي يخليك لي والله اني احبك انت كل شي لي انت كل شي وبدت تبكي > حس جاسر انها باين عليها الرضى من كلامه وهذا اشارهـ ايجابيه

سامحيني دام عذري واضح كل الوضوح

الحفلـــــــــــــــــهـ ...
في افخم الفنادق المخصصهـ للحفلات الراقيهـ
صالهـ كبيرهـ مزينه جدرانها با الديكورات الفخمهـ وسقفها با الابجورات الطويله ذي الكرستلات المتدليهـ
الطاولات مزينه بشراشف ذات اللون اوف وايت مع العنابي اعطى المكان فخامه ورونق ..وزينت با الشموع البيضاء والحمراءالطويله في كل طاله..
وطاقم الضيافهـ يرتدون زي موحدمن اللون اوف وايت واللون العنابي يقدمون افخر الشوكلاته السويسريهـ ...
ونهاية القاعه يجود شاشهـ كبيرهـ بلازما موصله بشاشهـ قاعة الرجال
كانت ريوف جالسهـ ع احد الطاولات مع ام عبدالعزيز:لك شو ها الطلهـ تأبريني
ريوف كانت لبسهـ فستان حمل ممسوك من عند الصدر بكرستالات ملونه تحت الصدر وعلاق وواسع طويل لونه اسود كان مبين بياض بشرتها الصافي وزينت نحرها بألماس ناعم ..وشعرها كانت صابغته اشقر رمادي ومحليه ودرجت شعرها كلهـ من ال يسار لحد اليمين وخلة غرهـ ع جنب طويله شوي (نفس قصة شوجي )كانت القصهـ روووعه عليها دمجه بين البرائه والجرائه ....وحطت ناعم طبعا لان وجهها شوي بيبي فيس ..
:: يسلمو خالتوو
ساميه انت متوتر حيل :خالتو فيك شي
ساميه : لا مافيني شي تطمني
حست بحد يفمض عيونها : مين انا ؟؟!!!!
ريوف وهي تتحسس اليد الناعه اصغيره الي ع عيونها :ميييين يلا قولي ؟؟!
لفت عليها وفتحت حضنها :سبرااااايس
ريوف قامت بسرعه وحضنتها ام عبدالعزيز :لك بشويش هلأ بيدبحنا زوجك ..
ريوف وهي تصارخ :صبااااااااااا وحشتيني يا الشينه ويييينك ...
صبا وهي تضحك :هههههههه وانتي اكثر تمزح معها >وخري شوي ترا انا حامل كتمتي ولدي
ريوف وهي تدلع وتحط يدها ع بطنها : انتي مو احسن مني ...
صبا :ههههه طول عمرك مجنونه ،
ريوف :تعالي نجلس شوي من زمان عنك
صبا:ماصدقت يوم جتني بطاقه من امك تقولي تعالي
ريوف هي تتذكر ان ابو عبدالعزيز عطا امها بطايق وقال خلي كل معارفكم يجون : ولا قالت لي شي مادريت انك تجين ماما قالت انك مسافره
صبا وهي تغمز لها :عشان تصير مفاجأهـ
ريوف:ها خبريني شصار مع ولد خالتك حبيتيهـ
صبا : الحمدلله طلع انسان طيب وحنون وانا مرتاحه معه
ريوف : انا اقول حبيتيه ؟؟
صبا بحياء: يوه منك قلتلك مرتاحه
ريوف: اجل ميته بغرامه مو تحبينه وبس ههههه
...............................
سمر اول مادخلت القاعه انبهرت بشكلها الفخم والراقي طبعا اخذت اجازهـ يومين بعد اصرار امها عليها .. رائد نزلها وراح قسم الرجال ..
سمرانت لبسه فستان قصير لونه سماوي مموج توب وفي الخصر فيه حزام
وشعرها كله حاطته ع جنب ..
ام رائد :هلا وغلا بمرت ولدي ..
سمر :هلا خالتي شخبارك
ام رائد + ام عبدالعزيز +ابو رائد +ابو عبدالعزيز+عبدالعزيز>>>>>اكثر اشخاص متوترين طبعا الباقي ماكانو عارفين شنو الي بيصير با الحفلهـ
سمر لحظة هدوء خالتها وسرحانها :خالتو فيك شي؟؟!!
ام رائد :هاه لا مافيني تعالي معي لطاوله خلي امك تفرح بشوفتك
سحر شافت الطاولهـ فيها امها واختها وبدت تسلم ...
سمر : سحر غيربه وين البندري
ام رائد :..........
سحر : الحين تجي
محد كان له الخلق انه يسولف او يجاوب ع اسئله الاخر >>>>>>
دخلت اجوان القاعهـ وكل الناس يأشرون عليها بنها هذي بنت ابو عبدالعزيز الوحيدهـ ...<
كانت جاذبه الناس بجمالها طبعا ها المرهـ مو لحالها جايبه معها ام سلطان الي فاتحه فمها وهي تشوف القاعه بس بعدين استوعبت ومشت بفخر يوم شافت الناس يشفون اجوان ومنبهرين بجمالها وعيونها السماوي ع رمادي زي عيون اخوها عبدالعزيز ...
كانت لبسه ذهبي ضيق وقصير يجي تحت الركبه بشوي وفيه قصهـ صدر ونازل من الصدر كرستالات وفارده شعرها ولبست خروص ذهب وساعه من سواتش ذهبيهـ وكعب عالي وكان مكياجها دخاني كانت تصرخ من الانوثه والجاذبيهـ
سلمت ع ام رائد وام بدر وراحت تجلس مع ام سلطان وساميه في طاوله ..
وهي بتجلس الا تحس بحد يناديها التفتت وصرخت :هيفاااااااا>>>هيفا صديقتها تتذكرونها الي كانت تشكيلها من فيصل
هيفا وهي تضمها : وحشتيني
اجوان : وانا اكثر كيفك هفوو وربي وحشااااني
هيفا وهي تخذ عصير من العملهـ :الحمدلله يابنت ايش الحلاوهـ هذي ..
اجوان بغرور : طول عمري حلوهـ شنو الجديد
هيفا : ايووه الحين تأكدت انك اجوان من الغرور
اجوان :هههههههههههههههه
هيفا :الحمدلله ع سلامة سلطان
اجوان وهي تتذكرهـ شكلهـ كيف مدحها اليوم بشكلها بس تضايق من الكيك اب لانه كثير شوي :الحمدلله بخير
هيفا:اممم جيجي تعرفي اخبار فيصل
اجوان :ايش السيرهـ هذي ولا ابغى اعرف
هيفا :لا جد بقولك امس قريت في الجريدهـ كاتبين تم القبض ع مروج المخدرات الهارب من العداله فيصل ال ..
اجوان وهي تتذكر شكله يوم في الفندق وجاي وباين عليه مبهذل من لبسه ودقنه الطويله ان شكله يخوف :الحمدلله انهم مسكووهـ
.........................
قامت ساميه واخذت اجوان : جيجي تعلي بدي ياكي شوي
اجوان : مامي مشتاقه لهفوو خليني شوي
ساميه :جيجي
اجوان :تيب >> وراحت مع امها لغرفه منعزله شوي ع القاعه
ساميه وهي تحلس ع احد الراسي وتجلس اجوان معها :ماما شو بك
ساميه قررت تخبر اجوان الحين عشان تساعد ابوها ان البندري ترضا عنه :حبيبتي فيه موضوع قديم كثير ..
اجوان وهي مقضبه حواجبها : اسمعك قوليلي شوو
في الوقت هذا >>>
سحر كانت جدا خايفه ع صديقت طفولتها وجالسه وهي تهز رجولها
سمر : هييه انتي شفيك شصاير
سحر : يوهـ انتي خلك في حالك
...........
توها داخله للقاعه بعد محاولاتها الفاشله مع جاسر انها ماتحضر
انت لبسه فستان لونه اوف وايت سيرهـ فيها كرستلات عنابيهـ انحرجت يوم شافت القاعه مزينه با الاف وايت والعنابي حست نفسها توحفه بفستانها بس كان فستانها جد روعه من اختيار جاسر كانت فارده شعرها اللاسود مع خصل من الاحمر معطيها جاذبيه ساحره ومكياجها الناعم وروجها الاحمر...
اول مادخلت ..
ام رائد كانت جدا ولهاااااااانه عليها حتى ريوف وسمر سحر والكل .........
في الوقت هذا تشغل شاشة العرض
طلع با الشاشهـ ابو عبدالعزيز ...وواضح عليه التوتر كان منزل ومشبك يدينه مع بعض ...
البندري كانت واقف بنص القاعه وقدامها الشاشهـ
وتحس قلبها ينبض بسرررررررررررعه وبطنها ماغصها وعيونها بدت تددمع
ابو عبدالعزيز :السلام عليكم ...
انا اليوم جمعتكم عشان تشهدون ..
وسكت شوي .. بعدين قال انتم زي منتم عارفين
في الوقت هذا طلعت اجوان با الغرفهـ وعيونها ملياااااانه دموووع وساميه حاطه يدها ع كتف اجوان تأملت الي قدامها البندري لحالها واقفه تخيلت نفسها مكانها رحمتها حيييييل
من زمان اجوان كانت تتمنى يكون عندها اخت والحين تحققت امنيتها ...
ابو عبدالعزيز : زي منتم عارفين انا عندي بنت وحدهـ الي هي اجوان ربي يخليها لي ..
بس ... الي مو عارفينه اني عندي بعد بنت زي القمر اسمها البندري بنتي الاولى من زواجي الاول
وصوته تخنقه العبرهـ :من هينا وقدامكم انا اطلب منها السماح وابي اقولكم
اجوان والبندري زهور قلبي
جت الشاشه ،ع عبدالعزيز
عبدالعزيز يلطف الجو :يبهـ وش خليت لي
ابو عبدالعزيز : انت الغالي وفتح حضنه له وضمهـ
رائد كان متأثر :الحمدلله ع كل حال
جاسر حس انه عارف من قبل. كان خايف خايف ع حبيبتهـ حيييل :الحمدلله
عبدالعزيز اخذ ابوهـ وراحو ع احد الغرف الفاصله بين القاعتين ..
ابو عبدالعزيز طلب انه جاسر يجي معهم وهذا الشي ريح جاسر لانه ان خايف حيل ع البندري ...
في اللحظهـ هذي قربت اجوان من البندري ودخلت يدها بين اصابيعها بحنان
اجوان وعيونها تلمع من الدموع البندري مااستحملت ورمت نفسها ع اجوان وصارو يبكون مع تصفيق الناس والتصفير :.
كان المشهد جدا مأثر ....
ام رائد وهي تمسح دموعها راحت للبندري :......
البندري وهي تبعد عن حضن اجوان :أحبك يا احلا اخت
اجوان الي قلبها طار من الكلمه/ بعد عمري وانا احبك .
ساميه وهي تحضن البندري وهي فرحاانه حيل : وانا اعتربيني امك من هلأ ..
البندري ابتسمت بين دموعها ..
شافت ام رائد جايه لها راحت لها وباستها ع راسها : اسفهـ انتي مالكم ذنب انا ..
حطت ام رائد يدها ع فم البندري :الله يلوم الي يلومك يا بنتي ..
ريوف حضنتها كانت جدا متأثرهـ: وااااي مشتاقتلك
سحر وهي تحضن البندري :بعد عمرري الحمدلله ع سلامتك
سمر الي طايرهـ عيونها مااستوعبت الي صار بس تأثرت حيل وخرت سحر بعربجه وضمت البندري : احلا فيلم هندي شفته في حياااتي
الكل مااااااااااات ضحك عليها ......
ريوف ردت ع جوالها :هلا حبيبي
عبدالعزيز :هلا ياروحي راح اتعب ممكن تخلين البندري تجي برا ابوي وانا نبغها شوي
ريوف : من عيوني
عبدالعزيز: تسلملي عيونك ....
.................................................. .....
ريوف :البندري عمي ابو عبدالعزيز طالب يشوفك
البندري مغصها بطنها هذا يعتبر اول لقاء بيكون بينهم كانت خايفه حيل: لحالي
ساميهـ:لا تخافي انا بدي وصلك ..
وراحت معها للغرفهـ تفضلي من هون
دخلت وشافت ابو عبدالعزيز وجنبه ع اليسار عبدالعزيزو اليمين وجاسر
البندري كانت متوترهـ حييل ماتدري شتقول وغير هذا دموعها للحين مانشفت الي مااخفت ع جاسر ولا ابو عبدالعزيز :السلام عليكم
ابو عبدالعزيز : وعليكم السلامه يبهـ >> الكلمه هذي ريحت البندري وحستها
قربت شوي لهم ابو عبدالعزيز كمل عنها وقرب ابو وحط يدينه ع اكتافها بحنية الاب وهو يمسح دموعها : ماابي اشوف الدموع هذي غالي علي ...ها يبهـ مسامحتني
البندري وهي تهزي راسها ودموعها تزل فرحانه حست ان الكل حواليها وحابينها ماتوقعت ان بيصير كيذا ابو عبدالعزيز ضمها لهـ :تأكدي اني بعوضك
كل شي تبينه راح يجيك ..
عبدالعزيز يقرب منهم :يبهـ اكلت اخي ابي اسلم عليها
البندري انحرجت وضحت ومدت يدها له وصافحها ..
ابو عبدالعزيز ببتسامهـ : ها ياجاسر ماوصيك ع الغاليه
جاسر كان فرحان بألي يصير :لا توصي ياعم
ابوعبدالعزيز : الحفلهـ هذي مسويهـ لك انشالله عجبتك
البندري بخجل :يعطيك العافيه يبهـ
الكلمه هذا اثرت في ابو عبدالعزيز حييل :يازين يبهـ ع لسانك
البندري مو مصدقهـ كانت طايرهـ من الفرح ..

.................................................. .................................

10 - 9 - 2014, 04:05 PM

تمت بحمدلله .....

8 - 6 - 2018, 01:24 PM

يع ــطيك الع ــآفية
ولآ ع ــدمنآ تميز انآملك الذهبية
دمت ودآم بح ــر عطآئك بمآ يطرح متميزآ
بنتظآر القآدم بشووق
فلآ تح ــرمنآ من جديد تميزك
لروح ــك بآقآت من الجوري

المواضيع المتشابهه لموضوع: روايه خاني وذليته للكاتبة مشاعل الراشد لموضوع: روايه خاني وذليته للكاتبة مشاعل الراشد
الموضوع	كاتب الموضوع	المنتدى	مشاركات	آخر مشاركة
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
عيونك شوكة في القلب توجعني و عبرها للكاتبة ديم الراشد مكتملة	همسه الشوق	همس للقصص وحكايات وروايات	150	21 - 1 - 2022 05:24 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
رواية مشاعل	الحب ياسمين	همس للقصص وحكايات وروايات	8	12 - 6 - 2013 01:25 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه خاني وذليته للكاتبة مشاعل الراشد

همس للقصص وحكايات وروايات