| همس للقصص وحكايات وروايات خاص بشتى انواع القصص الواقعيه والخياليه |
روايه خاني وذليته للكاتبة مشاعل الراشد همس للقصص وحكايات وروايات
 | |
   
10 - 9 - 2014, 03:32 PM
|
#51 |
 
|
10 - 9 - 2014, 03:34 PM
|
#52 |
|
10 - 9 - 2014, 03:35 PM
|
#53 |
|
10 - 9 - 2014, 03:38 PM
|
#54 |
|
10 - 9 - 2014, 03:40 PM
|
#55 |
|
10 - 9 - 2014, 03:44 PM
|
#56 |
 |  عضويتي
» 2730 | | جيت فيذا
» 23 - 12 - 2012 | آخر حضور
» 28 - 1 - 2018 (10:26 AM) |
فترةالاقامة »
4383يوم
| مواضيعي » 7626 | | الردود » 27690 | | عدد المشاركات » 35,316 | | نقاط التقييم » 3126 |
ابحث عن » مواضيعي ❤
ردودي | تلقيت إعجاب » 1 | الاعجابات المرسلة » 30 |
المستوى » $95 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية » | مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | | 
رد: روايه خاني وذليته للكاتبة مشاعل الراشد
(40)
اليـــــــــــــوم ملـــــــــــــــــــكة سمــــــــــــــــر ...
جالسه ساعه تتطاق مع الكوافيره عشان التسريحه
والمكياج ولعوزت الكوافيره الي عصبت منها ...
سمر وهي تتحلطم يوم تذكرت امها وهي تغصبها وحلفت عليها وقسمت وبزعل ......الخ
كل هذا عشان تلبس الفستان الي اختاره رائد لانه اعجبها وافخم من الي جايبته لها :ااااف الله يخذك انشاءالله وافتك.... من الحين وامي وقفه بصفك الله يعني بس هين يا رائد اذا ماجننتك مااكون سمور ..
سحر الي سمعت اخر كلمه وفهمت ابتسمت وتقدمت لها : الله الله أيه الحلاه دي يا عرروسه ..
سمر : ااف جتنا هذي ..
سحر : افاا وش دعووه ماده البوز شبرين ...
سمر :ابعدي عني الحين ولا والله لأرتكب فيك جريمه .
البندري الي دخلت :اافاا الاخلاق مقفله وش دعوه ياحافظ
سمر ساكنه وتميل بوزها :....
سحر وهي متضايقه من تصرفها :اقول خلينا نطلع لتنفجر علينا الحين ..
ريوف دخلت بعد ماسلمت ع سحر ...
ريوف : اهللللين سمووره مبروك ياعسل ...
سمر ساكته :...
ريوف :افااا ...شفيك
سمر : ماكو
ريوف جت لها وقبصت خدودها :ابتسمي يا الخبله اليوم بتخذين رجال ولا كل الرجال ..
سمر تحلطم :أي عشانه اخوك
ريوف ماسمعت زين :شنو
سمر وهي تبتسم :لالا ولا شي...
عند الرجال ..
جاسر ببتسامه :ها يابوعبدالله شخبار النفسيه <وغمز له
رائد متوتر بس مو مرهـ :والله ماشي ...
جاسر بلعانه :قبل شوي مقفل من البندري تقولي ان البنت مدري وش فيها ماتبي توقع ...
رائد الي خايف من هاشي طلعت عيوونه :شنوو ...
جاسر :ههههههه اووح اثر الغلا من الحين ..ليه تحبها ..
رائد وهو يدزه من كتفه :الله يقطع بليسك ..خرغتني ,,
جاسر وهو يرفع حاجب يقلد تصرفات رائد : ليه مو واثق من نفسك ..
رائد:ههههههه ترا مو لايق عليك خل الغرور لأصحابه ..
بدت الشبكه والكل تجمع حولين سمر ورائد عشان يلبسها الطقم الالماس
سمر الي من بداية الحفل وهي مكشره وموع اجبها العجب ولا الصيام برجب ... <هع
اخذ تام رائد الشبكة وقدمتها بحب لولدها :مبروك يمه ..لبسها ..>سمر
سمر شنو يلبسني ليه بزر عنده اعرف البس بروحي <مولم الرومنسيه ..
رائد يتأمل سمر الي طالعه غير با الفستان والميك آب الي بارز انوثتها ونعومتها وغير الي قاهره انها قاصه شعرها البوي ....تذكر يوم راحت قبل امس مع ريوف المشغل مع انه محذر ريوف من انها تقصره زياده لكن ريوف ماقدرت عليها صح ليق عليها كثير لكنه الي قاهره انها كسرة كلمته ولا اهو ماهمه ولا الي عاجبه الصبغه البنبي الفاتح محليها تفاجأ من الزمام الي حاطته في خشمها ...تقدم يلبسها العقد يوم جاء يسكره مسكت يده وبعدتها وسكرته هي ..رائد تضايق من الحركة يووه هذي كيف بلبسها الخماخم (او الخروص )
ام بدر حاطه قلبها ع يدها خايفه بنتها تسوي أي حركه تفشلها فيه:الله يعدي الليله ع خير ويحنن قلبها ويركدها ...
سمر بهمس : انت هييه انا بلبسها عطيني ولا تسوي نفسك..
رائد بهمس وهو يبتسم للموجودين :هاتي اذنك وبلا فضايح
سمر جت بتسوي حركه فيه لكن شافت امها بعيونها الخوف رحمتها وسكتت قرب رائد من اذنها لدرجه حست انفاسه تخنقها وجسمها صار حار ماتدري ليه هآ شعور يجيها ماصدت خلصت وبد با الخاتم والحمدالله لبسها اياهـ ع طول وهي بعد مدت له الخاتم بجفاسه بس تبي تخلص ...
لكــن الي فاجأها ,,,
حركته وهو يبوسها من جبينها قــدام الكـــل ..
خجلتها كثيرررر ..
وصارت من دون شعور خدودها حمرر وعيونها تتنقل بكل مكان تبي تثبت ..
واخيـــر ,,,
الكـل بارك لهم ودعالهم با التوفيق ,,وطلعوو ..
سمر تحك رقبتها بتوتر من وجوده :......
رائد :سمر ..
سمر :هلا
رائد بغرور : مبروكـ عليك آنا...
سمر عشتو ببتسامه صفر :ومبروكـ عليك آنا
رائد عرف انها تتطنز فيه بس عداها بمزاجه :يلا قومي
سمر بأستغرب : وين !!
رائد :الحين انا صرت زوجكـ صح
سمر :يعني
رائد:زين عدلي وقفتك .حس انه مافي امل كمل <.. يعني انتي عليك الطاعه وبس
سمرواقفه بشكل مايل وقفة العرابجه : لا يا شيخ ...
رائد : ايه يا شيخه ...<ومسك يدها وطلع معها
اخذها غصب عنها وركبها السياره ....>>
ريوف جالسه وتفكر بحالها لها يومين في بيت اهلها ..مشتاقتله وودي ارووح له واضمه واقوله احبكـ
رن جوالها حبيبي يتصل :هلا
عبدالعزيز : هلا حبي شخبارك ..
ريوف :تمام
عبدالعزيز : يلا انتظرك في السياره ..
ريوف :لا ماعليه مو جايه معك
عبدالعزيز بضيق: ليه ..!
ريوف تبي تجلس لوحدها تبي تعيد حسباتها بكذب : امي تعبانه شوي ودي اجلس عندها كم يوم ..
عبدالعزيز :امم طيب مو مشكله يا قلبي ...مع اني بشتاقلك حيل
ريوف : تشتاقلك العافيه
عبدالعزيز :فيك شي
ريوف :لا مافيني يلا الحين حبيبي بسكر البنات جو عندي ..
عبدالعزيز بدون حيله : طيب مع السلامه ..
البندري جايه ومعها العصير : واااي وش ذا الحر ياشينهم ليه حاطينه في استراحه لو فندق احسن ...
ريوف سرحانه ولا تدري وش تقول :.....
البندري الي دق عليها جاسر ابتسمت وقامت ع طول : برجعلك ..
+++++++
><><><>
في افخم المطاعم في الرياض...
وقفت السياره..: يلا نزلي وصلنا ..
سمر ياحليله عنده ذوق ذا المغرور : ...
نزلو وجلسو ع طاوله قبالهم قزاز يكشف الشارع ...
كشفت سمر وبانت ملامحها الناعمه الي تخفيها بعربجتها :ايوه وش بتوكلنا ..
رائد :من اوكل؟؟
سمر وهي تعدل الصيغه : قصدي شنو بتوكلني ...
رائد :كل هذا شفاحه ...
سمر: ايه وانت وش هامك مو انا طول الصبح مقابلت ذا الكوافيرات لوعو كبدي .
رائد: تسلم اياديهم شغلهم شي ...
سمر تصرف : وين المنو بس
رائد:ههههه طيب خذي لا تأكليني الحين ..
مرت بنت وباين عليها الكشخه لان لبسها باين وواضح من عبايته المزينه المفتوحه وشافت رائـد با الثوب والغترهـ والساعه القوتشي وانهبلت عليه راحت له بمياعه متجاهله الي قباله
قالت بوقاحه بمياعه وهي تأشر ع قلبها :وااي يا قلبي بيموت اذا فيه رجاجيل زي حلاتك في المملكه
سمر الي غصت با اللقمه وتنرفزت حيل ماتدري بس كتمة بقلبها وقالت خليه يولي من زينه هو اصلا وافق شن طبقه :.....
رائد تفاجأ من جرائة البنت جاء بيرد لكن بشوف ردت فعل سمر شافها تأكل ولا كأن احد واقف اصلا عندها انقهر حيل قال بأحراج :مشكوره، من ذوقك ..
البنت :لا تشكر هذا الصدق ياقلبي ..
سمر اااف لهينا وبس : انتي هيييه يا الهايته يا بنت الشوارع
اقلبي وجهك واذلفي لا والله ارسم بوجهك الي كله اصباغ با الشوكه الي معي
رائد ضحك في نفسه لانها ماسكه الشوكه وفرح انها سوت شي هذا دليل انها تغار عليه >>>:
البنت علاطول راحت ماتبي الفضايح
>>
سمر وهي ترجع تكمل اكها قالت : وانت عاد لا تصدق اني ميته فيك وكمل اكلك
رائد الي تحطم هين اوريج انا : وليه ان شاءالله مو انا زوجك وغصب عليك مو بكيفك ..
سمر بجفاء :تدري شلون ودني لبيتنا
رائد : لا تتهربين ..
سمر :ع ايش اتهرب انا واضحه وضوح الشمس
رائد مو وقته نتناقش الحين : اهااا ايه طيب
الشرقيـــــــــــــــــــه’
بعد مرور اســـبوع ....
الصبح 8 ...
ابو عبدالعزيز وهو يجلس في الكنبه الي في غرفته ... وهو منامس مو جايه النوم ومجافي عيونه من يوم حضر ملكة البندري بنته وقطه منه وهو احساستأنيب الضمير ذاابحه وقرقر يعترف لسامه بكل شي واي يصير يصير المهم بنته ترجع لحضنابوها مايدري ليه توه يفكر با هشي يممكن ابتعاد اجوان لها فتره عنه وانشغالهابزوجها فيض مشاعره زياده وحسسه با الفقدان خاص هان البيت صاير هااادي جداا سالم فيالرياض وعبدالعزيز لهي با الشركه ومرته في الرياض الي مستغرب جلستها هناك واجوانماترد ع جوالها ...
ساميه : حبيبي ليه ماغيرت تيابك ...
ابو عبدالعزيز وهويأشر لها انها تجي تجلس معه ..
وهو مقرر يقولها اليوووم ...>>>
ساميه : لك شبك وجك اصفر حبيبي مانمت كويس أبارح ...؟؟
عبدالعزيز بجديه : سامي هانا بقولك سر محتفظ فيه من سنين ..وابيك قبل مااقوله تتفهمين ليش سويت جذي ..
ساميه : الله يستر .. ألي شوو
عبدالعزيز : طيب بقولك لكن لما يجي عبدالعزيز با الاول ..خلينا نروح للمكتب
عبد العزيز الي من اول ماصحى من النوم وجاه اتصال من ابوه يبلغه انه يبية ضروري
دخل المكتب شاف ابوه وامه جالسين ينتظرونه مايدري ليه حاس انه مو مطمن للموضوع امول مره ابوه يجتمع فيهم با طريقه هذي ..
الله يستر يا عبدالعزيز ليكون يجيبون طاري ريوف ليه جالسه عند اهلها لاني حتى انا ماادري ليه ؟؟!!صح قلت لها متى ماحبيتي وشبعتي تعالي بس ولو صراحه اشتقت لها ..
لكن انشاءالله اليوم بروح لها خلاص كافي جلسه عندهم ...
عبدالعزيز وهو يجلس : السلام عليكم ..
ابو عبدالعزيز وساميه : وعليكم السلام ..
وعـم الصمت المكان ....لثواني ...
كل واحد وافاره توديه وتجيبه ...
ابو عبدالعزيز لف الكرسي الفخم عشان يكون مقابلهم :كان بودي اجوان تكون موجوده وبعد سالم لكن الكل له ضروفه ...
عبدالعزيز : يبه شفيك تكلم ..
ابو عبدالعزير:طيب .. لا تقاطعوني لين اخلص ..
++++++++++++++
في نفس الديره لكن في مكان ثاني ...
صحت من النوم وجسمها متكسر حطت يدها ع رقبتها تدلكها ألتفتت ع السرير مكان سلطان مالقته عرفت انه راح للدوام ...
قامت واخذت الروب ودخلت الحمام مااخذت ملابسها معها لانها بتاخذ راحتها في الغرفه دامه مووموجود! ,,,
واخذ شور دافي ..طلعت با الروب وهي منزله راسها وتجفف شعرها با المنشفه....
فتحت الشنطه حقتها وطلعت لها شورت ابيض وتي شيرت تفاحي وجلست بنص السرير واخذت اللوشن وبدت تدهن سيقانها ويدينها ..
رجف الباب بقوهـ حست ان الغرفه جاها زلزال ودخل الغرفه طاح اللوشن با المانجو من زهور الريف من يد اجوان لكن ارجعت مسكته ...
سلطان انبهر بشكلها وريحة اللوشن با المانجو لكن قال بسخريه من منظرها : مساء الخير توك تصحين بدري كان نمتي شوي ..
اجوان وهي ترفع حاجب بملل:اف..شتبي انت مارحت للدوام..
سلطان الي يناظر الساعه :مالك شغل رحت ولا مارحت ...
قامت اجوان وراحت للتسريحه تمشط شعرها المبلول وتجففه با الهوى ...:اقول بس عني جوالي مااعرف اعيش من دون جوال ..
سلطان بعده وقف بمكانه ومتنحه ع شكلها لكنه يصتنع الجمود :قلنا انسي شي اسمه جوال ...
اجوان رشت عصر سكادرا وهي تمر من عنده تبي تطلع من الغرفه مطنشه كلامه او تحاول تطنش ماتبي تجادله لانها توها قايمه ومالها مزاج والي رابكها نظراته الوقحة لها :...
سلطان مسكها من زندها : هيه هيه وين وين
اجوان :شنو بنزل تحت
سلطان بأستغراب :كيذا ...وهو يأشر ع ملابسها ..
اجوان يووه بعد معقد والله حاله :ايه كيذا عندك مانع ..
سلطان : اقول ارجعي وغيري الي عليك احس لك...
اجوان بتحدي تطالع عيونه: واذا ماغيرت
سلطان ضعف من شافها بس حاول يكون طبيعي :اجوان هي كلمه وحده ادخل وغيري ملابسك اذا حابه تنزلين ...
اجوان وهي ترفع حاجب وبسرعه مشت عنه:لا
سلطان بعصبيه :اجــــــــــوان
اجوان وهي باالدرج سمعت صوته وهو معصب اخترعت وحست ان بطنها يمغصها وجسمها يرتجف انا قويه ومحد يمشيني ع كيفه خله يولي ...شافت ام سلطان با الصاله تتقهوي تركتها وراحت المطبخ تسوي لها كبتشينو ...
اخذت الكوب وجت بتطلع...
الي تشوفه وقف قدام باب المطبخ.........
فزت بخوف وقالت بدلع:يا ماما ..
سلطان مسك يدها بقوه وهي تقاوم وصعدها الدرج با الغصب..
اجوان :يووه بعد ماابي اصعد
سلطان بنظره ناريه سكتتها وهو يصك اسنانه لتسمعه امه: امشي معاي فوق لا والله يااجوان اادبك هينا..
صعدت معاهـ..
دخلها الغرفه بقوهـ ودزها لين طاحت ع الارض...
اول ماطاحت انكب عليها الكوب وحرق رجلينها
اجوان بألم وهي تحاول تتماسك ودموعها متحجرهـ ماتدري ليه مو قادره تنزل يمكن لانها متوقعه كل شي من سلطان:اااااااهـ حااار ااااااي ...صكت
ع اسنانها تقاوم الالم ..
سلطان اخذ غرشة مويه بارده وصبها ع رجلها اليمين ..
سلطان : عشان مره ثانيه لما اقولك شي تسمعينه ...
اجوان صارت تناظرهـ وهي مسبله عيونها عليه ماتدري شتسوي فيه ...
المشكله هو السبب في الم رجلي ولا هو الي يركض يداويها ...
اااااخ يا سلطان الي متى بعيش بحيره ...
سلطان يقومها ويجلسها ع حافت السرير ..
اجوان وهي تحاول تتناسى رجلها وتتحمل الالم قدامه عشان مايتطنز عليها لان ماجاها كثير بس بقايا:خلاص روح مافيني شي
سلطان بجفاء : ومن قالك بكنسل شغلي ع حسابك ..
اجوان انقهرت بصوت شبه عالي قالت:لا تنسى انك تشتغل عندنا جيت ولا رحت انت مجرد موظف بشركتنا فاااهم ..
سلطان استفزه كلامها ماحس الا:طررررخ ..
اجوان حست خدها حااار وانقهرهـ والدموع بدت تنزل من نفسها ...
اجوان وهي تقاوم :انت هيييه لا تنسى نفسك ترا اقص يدك لو مديتها مره ثانيه فااااااااااااااااااهم >وصوتها مبحوح ..
سلطان بعصبيه : واكسر راسكـ <وطلع وخلها بعد مارن جواله >الشركه .. وهو كارها بعد كلامها له
اجوان انسدحت وبدت تصيح وتشااهق وتدخل راسها با المخده عشان محد يسمعها ....
اااااااهـ انت الي حديتني اسوي كيذا ..تعبت اتحمل تتتعبببت ..اهئ اهئ اهئ اااهـ وينك يا يمـهـ اااهـ وينك يا يبـــه تشوف بنتك شصار فيها انا انذلييييت بعمري محد ضرربني كف يجي اخر شي وحد زي سلطان يضربني وانا الي محد قد رفع يده ولا يسترجي يرفع يده علي ..ااهـــ...
ابو عبدالعزيز وهو يشوف وجيههم وباين عليها الصدمه من الكلام الي قاله :......
عبدالعزيز بعصبيه : ليه يبـه ليه تسوي جذي انا يصير عندي اخت .. اخت الا بعد سنين طويله
ساميه الي متفاجأه من تصرف ابوعبدالعزيز ماتوقت بيوم ممكن يخبي عنها سر بحياته ..
ساميه قامت من الكرسي :انا بستأزن <وطلعت
ابو عبدالعزيز جلس ع الكرسي ونزل راسه :...
عبدالعزيز :وش ذا المصيبه ..
ابوعبدالعزيز بعصبيه : مو مصيبه ولا شي وكون بعلمك هذي اخت مثل مأنت ولدي فاهم .
عبدالعزيز :طيب سؤال ..
ابوعبدالعزيز:اسأل
عبدالعزيز :ليه توك تتكلم ...
ابوعبدالعزيزبصوت مجروح :لان ضميري يا وليدي مو مريحني وبا النهايه هذي بنتي من لحمي ودمي ..
عبدالعزيز :مااقدر اقول شي شي صار والعتاب مامنه فايده .. لكن الشي الوحيد الي بقوله الله يعين المسيكينه
ابو عبدالعزيز وهو يتأمل النافذه بعيون مليانه دموع :تتوقع تسامحني ..
عبدالعزيز راحم حال ابوه مو قادر يلومه ولا قادر يعاتبه بنهايه هذا ابوه الي يقدره ويحترمه:الله كريم يبه ...
.......
طلع من المكتب ووجه اصفر فتح ازارير قميصه وجلس في غرفته مو مصدق الخبر معقوله
يصير عندي اخت ... اخت .. اخت
اااهـ الله يستر من الجاي ...
حاسس نفسه انه مخنووق ومتضايق ..
سمع جواله يرن ...رد من دون مايشوف الرقم
فتون بصوت يقطع القلب : الـحقني الله يخليك
عبدالعزيز با استغرب : شصاير ...
فتون وهي تبكي موقادره تتكلم :امي ..اهئ اهئ عزوز الحقني وسكرت الخط ..
عبدالعزيز عطول راح لبيتها يشوف شصاير
*****
من جهة ثانيه
وقف سيارة الموزين عند القصر مسويه مفاجأه لعبدالعزيز بجيتها
توها بتنزل الا تشوفه نازل ومستعجل ركب سيارته وشخط .. حتى انه ماانتبه لسياره اللموزين الي وقفه
ريوف :لو سمعت الحق السياره الي قبل راحت
انتهاء البارتي | | |
 | |
10 - 9 - 2014, 03:46 PM
|
#57 |
|
10 - 9 - 2014, 03:48 PM
|
#58 |
|
10 - 9 - 2014, 03:50 PM
|
#59 |
|
10 - 9 - 2014, 03:51 PM
|
#60 |
روايه خاني وذليته للكاتبة مشاعل الراشد |
الذين يشاهدون محتوى الموضوع الآن : 1 ( الأعضاء 0 والزوار 1) | | | 
الأعضاء الذين قاموا بتقييم هذا الموضوع : 0
| لم يقوم أحد بتقييم هذا الموضوع | 
تعليمات المشاركة
| لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
كود HTML معطلة
| | |   الساعة الآن 02:47 AM
| | | | | | | | | | | 
العرض العادي
