رواية قول احبك واترك الدنيا لعيونك

12 - 9 - 2014, 10:04 AM

رميم وهي متوجهه للحمام:مو مشتهيه ما ابي شي
اخذت مايا السماعه وهي تقول:مو بكيفك <<كملت تكلم الطباخ:لو سمحت سوي لي مكرونه فوتتشيني وجيب معها اثنين بيبسي
الطباخ:اوامر ثانيه مدام رميم
مايا:لا شكرا << قفلت واخذت جوالها تدق على شموخ تطمنها على رميم
************************************************** ************************************************** *******************
المطعم الأيطالي كانت تاكل وهي تهز رجلها بتوتر طالعها مشاري بأستغراب:وش فيك متوتره
شموخ طالعت فيه وهي ساكته بعدها قالت:ها لا ولاشي
طالعها مشاري بشك:ماعجبك الأكل
قالت بحماس:لا بالعكس يجنن بس <<وبحزن:انا قلقانه على رميم
مشاري :عسى ماشر وش فيها
شموخ قالت بقهر:لو ادري وش فيها ما توترت هالكثـ << دق جوالها ردت وهي تشوف اسم توأم روحي يتصل بك ردت بسرعه:هلا مايا
وش سار عليها
مايا وهي تظحك لانها ماتبي تخوفها:تخيلي رميموه بتتزوج
صرخت بحماس شموخ:كذاااااااااااااااااااااااااااابه من جد
طالع مشاري حولينه متفشل بس هي ماانتبهت لنفسها وكملت: ومن سعيد الحظ
مايا وهي تظحك:هههههههههه فقعتي طبلت اذني المهم مدري واحد من طرف عمو احمد
شموخ قالت بشك:رميم موافقه
ارتبكت مايا:ها ايه ايه طبعا اجل وش ايه اقولك موافقه
شموخ بستهزاء:والله طيب اعصابك وبلا كذب عطيني رميم بسرعه
مايا تهدت ماتقدر تخبي شئ عن شموخ :بالحمام <<طلعت هالحظه رميم وهي تغني وطربانه
وقالت بستهبال:من تكلمين اعترفييييي
ارتاحت هنا شموخ اللي سمعت استهبال رميم ومايا ارتاحت لانها ماتبي تظيق صدر شموخ
شموخ وهي تظحك:عطيني هالمصرقعه هذي اكلمها
رمت مايا الجوال على رميم:كلمي
ردت رميم بستهبال:هلا هلا بالرشيقه المزيونه
ظحكت شموخ على استهبالها:ههههههههه مبروك سمعت انك بتتزوجين
رميم:احم احم خلاص لاتكلموني كلكم بزارين ما وراكم لا شغل ولا رجل ولا شي وانا وحده مشغوله
ماتت ظحك شموخ ومشاري تنح فهياوهي مو منتبهه:هههههههههههههههههههه مسويه كبيره علي
رميم:يب يب خلاص انا اكبر منكم مو بتزوج

12 - 9 - 2014, 10:05 AM

شموخ وهي تعلب بأساورهاوتوجه نظرها بين الناس وهي تسمع لها بأستمتاع طاحت عينها على عينه وغابت كل الأصوات عنها
حتى صوت رميم اللي تقول:الو الوو وو<<وما درت ان شموخ راحت عالم ثاني مافيه الا هي ومشاري
دقايق او ثواني او ساعات بعدها استوعبت وبعدت عيونها عنه وهي ترد:هلا وش كنتي تقولين
رميم:ولاشي ياعمه المهم يلا بااايوو
شموخ ماتبي ترجع تواجه مشاري:لا وييييييين << شافت مشاري وهو يِأشر لها تقفل قالت وهي تبلع ريقها:ولا اقولك باي
طالعت فيه بأعتذار:طولت وانا اكلم
ابتسم مشاري:لا عادي
قالت بصوت اقرب للهمس:اممممم انا شبعت
مشاري بلع ريقه هذي مو بس انثى اللي قدامه هذي كتله من الأنوثه قال وهو يبعد نظره:طيب انا بحاسب ونروح البيت
قامو مع بعظ وهي توجهت للباب لمن شافت مطر وسارت تركظ وتنطط شاف واحد يتوجه لها ويحط
فوقها مظله بحيث سار قريب منها قبض كف يده وحس بشئ يشتعل بقلبه يمكن غيره على اهله طلع بس ناداه حق المحاسبه يعطيه الباقي
توجه لها وهو يركض وناوي اللي واقف معاها شافها تبعد وهو يقرب وهي ترجع وهو يقرب صقعت بصدر مشاري وسار ظهرها لاصق ببطنه قالت بخوف:تراه سكران
مشاري توجه له بيظربه بس مسكت صدره بيدينها الصغيره تمنعه قالت:خلاص مشاري خليه تراه سكران
طالع وجهها ويدينها اللي على صدره بعدها وببرود مشى قدامها
************************************************** ************************************************** ************************************************** *******
نايف & اثير كندا
طلعت من الحمام وهي لافه المنشفه حولينها طالعها وشافها كيف المويه تنقط من شعرها وتمشي على كتوفها طالع المنشفه اللي واصله نص الفخذ قام وتوجه لها طالعته بصدره العاري والبنطلون
البرموده اللي لابسه قرب لها وشدها له وهو ماسكها من خصرها طبع بوسه على رقبتها ابتسمت وهي تقول بهمس ودلع:نايف
شدها اكثر وهو يطبع بوسه على شفايفها وكتفها ذابت اثير بين ايدينه بس قاومت وهي تبعد: نااايف خلينا نطلع انا جوعانه
ظحك وهو عارف انها تكذب قال:والله صدق جوعانه تعالي اشبعك رفعها بين ايدينه
قالت بسرعه:نـ ا قطعها ببوسه على شفايفها وغصب عنها سلمت له نفسها ^_^
************************************************** ************************************************** **********************************************

12 - 9 - 2014, 11:28 AM

مايا & رميم
مايا وهي تاكل من المكرونه:اممممممممممممم تهبل يبي لي اسرق الطباخ حقكم هذا
رميم وهي تاكل:خذيه فدوه الحمار ما يعرف يسوي تشيز كيك
مايا:يا حماره الحين اكله كله يجنن ولانه ما يعرف يسوي تشيز كيك سار حمار
رميم وهي تحط اصباعها على راسها:كيفففففي ما يعجبني
مايا تبي تهبل فيها:اصلا انتي بتروحين بيت زوجك وبتطبخين بيدينك ذيك الساعه قولي ابي طباخنااااااااااا
رميم ظربتها على كتفها:لا انشالله ما اطبخ زوجي فديته بيدلعني ويجيب لي طباخ
مايا:ههههه من الحين فديته يا ويلي ما كنك الي تنايحين من شوي وهي تقلدها: بيغصبوني ماابيه
رميم:ههههههههههههههههههههههههههه فديت حمودي وطوايف حمودي
مايا:واسمه محمد بعد
رميم وهي تأشر بأصباعها:لالا اسمه حمد ولد الـ......
مايا غصت:كح كح ولد الـ.... ماغيره
رميم بفخر استهبال:احم احم شفتي كيف جبت راسه ولد الـ.....
مايا ظحكت على هبالها:لا والله من اللي كان من شوي ينايح هههههه
رميم ظربت كتفها وبأنكار:تتبليني من اللي بكا اصلا من يوم خطبني وانا طايره من الفرحه<<وطلعت لسانها تقهر مايا
مايا:لا ياشيخه الحين مابكيتي وطايره من الفرحه انا اوريك شلون تطيرين مسكت المخده ونطت فوقها تظربها وتدغدغها ورميم ميته ظحك واخذت مخده
ثانيه وبدا حرب المخدات وانسحبو من الغرفه وهم يركضون ورا بعظ بالبيت وصراخهم واصل لأخر الدنيا
************************************************** ************************************************** *************************************
المانيا
مشى قدامها وقال بهدوء غير عنن مشاعره:يالله بنروح
بالسياره
الجو كان هدوء غير من اصوات نفسهم كل شوي تشوفه بيتكلم وبعدها يبطل حبت تريحه وسندت راسها على المقعده وغمظت عيونها يعني انها بتنام حاول يقاوم وما يلف
يطالعها بس بالأخير فشلت كل محاولاته ولف عليها شاف خدودها الحمرررره رموشها طويله وكثيفه خشمها بياظها وقف لعند شفايفها الصغيره
شموخ حست بنظراته لها بس ماتبي تفتح عيونها
سكتت وبلعت لسانها وهي تفكر بصقر من زمان ما فكرة فيه من يوم سافرت وهي كل تفكيرها مشاري واسلوبه وجماله ورجولته معقول اني ماعدت احب صقر واحب مـ لالالا وش تقولين انتي صقر حب
طفولتك اللي خبيتيه عن الكل ياااااااربي<< تظاربت الأفكار والمشاعر جواتها وماتدري هي تحب صقر ولا مشاري>> قطع عليها صوت رنين جوال مشاري رد بهدوء وهي تسمع بأصغاء
خصوصا يوم حست أو بان من كلامه انها بنت
مشاري:هلا
:هلا فيك مشوري من جد ماخذ اجازه شهر
مشاري:ايه ماخذ شهر اجازه
قالت بزعل:وانا اخر من يعلم يرظيك اسمع اخبارك من البنات والشباب بالشله
مشاري بتأفف بس يسايرها:طيب وهذا انتي عرفتي وش سويتي
بقهر قالت:مشاري ليش تعاملني كذا
مشاري طفش منها دايم كذا وكأنها زوجته او خطيبته عند هالأفكار التفت يطالع شموخ

12 - 9 - 2014, 11:31 AM

مشاري طفش منها دايم كذا وكأنها زوجته او خطيبته عند هالأفكار التفت يطالع شموخ اللي باين انها مو نايمه بسبب انفاسها الغير منتظمه رد:خلاص غاليه اكلمك بعدين
غاليه بزعل:لا تكلمني ولا شي بس تعال الجامعه الدكتور قال انه لغى اجازتك لانه يبيك بأمور مهمه
مشاري بقهر:يستهبل ذا انا قايل له اني راجع للسعوديه
غاليه:وهو مدري كيف عرف انك هنا والغى اجازتك يبيك
مشاري:اوكي باي بكره بجي الجامعه واشوف وش سالفته
غاليه:اوكي ياروحي باي
مشاري كمل سواقه وجواته:راحت روحك <<دقايق ووصلو عند الفله الكبيره اللي يتملكها ابو صقر بألمانيا وشاريها لمشاري
مشاري وهو يشوفها ماتحركت قال وهو يقفل السياره:شموخ وصلنا
شموخ يعني انها توها تقوم وبدت تمطط بشكل ماقدر مشاري يمسك ظحكه عليها 100% فاشله بالتمثيل:هههههههههههههههههههههههه
التفتت عليه وهي تفرك عيونها بشكل طفولي وتنحت بظحته بس بسرعه لفت قبل ماينتبه لها وركظت لجوة الفله بس راحت عليها وانتبه لها
داخل الفله توجهت لغرفتها اخذت لها شور ونزلت تحت عند t.v وبدت تقلب وتقلب لمن استقرت على فلم حلو وبدت تتابعه بأندماج
اما هو اخذ شور وراح بسابع نومه بعد ساعتين طالعت الساعه بيدها وين مشاري مانزل قالت جواتها:احسن عن الأحراج << ما كملت كلمتها الا وجتها الشغاله تركض
الشغاله تركض : انسه شموخ مستر مشاري مريض ويعاني من حراره
شموخ بفجعه:طيب انا جايه مشت الشغاله بس نادتها شموخ
وهي تقول:يحتاج الذهاب الى المستشفى
الشغاله:لا اعلم
توجهت شموخ لغرفة مشاري بعد ما جهزت الكمادات طقت الباب كم مره فتح الباب وهو مو مركز قال وصوته رايح:شموخ
شموخ طالعت صدره اللي بدون الي فنيله كيف عظلات بطنه مقسمه بس بسرعه نزلت عيونها وخدودها حمرو ابتسم بتعب وترك الباب مفتوح لفت بس
مالقته لمحته يدخل لغرفة النوم لحقته شافته منسدح على ظهره حطت ايدها على جبهته بتردد كبير وخجل ورفعتها بسرعه من الحراره اللي فيه
قربت وحطت الكمادات اما هو حس بشي زي الثلج ونطق بهمس وهو مثل الطفل بين ايدينها:باااارد شموخ حرام عليك شليه
شموخ مطنشته وهي قلبها يدق من قربها والاكثر انه بدون بلوزه قامت تبي تطلع الحاف من تحته عشان تغطيه
بس ماقدرت قالت وهي تطالعه:مشاري ارفع نفسك شوي
سمعها وحاول يرفع نفسه بجهد بدون شعور منها قربت له وبدت تساعده ولأنه سار ظخم بالنسبه لها طاحت فوقه جت بتقوم بس ماقدرت حست فيه يشد على خصرها اللي ارتفعت بلوزتها من مسكته وهو يقول :خليكي كذا شوي
حست انها بتدوخ من حركاته فووووووقه وصدره عاري لا وماسكها من خصرها وشادها وياليته ماسك البلوزه الا البلوزه ارتفعت مهما كان هي اقوى منه لانه مريض حررت نفسها من بين ايدينه وهي تستغفر ربها وتطلع من الغرفه جابت لحافها
ودخلت الغر

12 - 9 - 2014, 11:31 AM

ودخلت الغرفه بعد ماعدلت حجابها غطته وراحت غرفتها تنام وهي تفكيرها مع مشاري المواقف اللي سارت معهم اليوم بزياده عليها مو قادره تتحمل اكثر نامت ودموعها تتسابق على خدها صحيح هي حلمت تحب وتنحب بس الأهم انه يكون بالحلال
************************************************** ************************************************** ************************************************** ************************************************** **
انتهى اليوم على ابطالنا ويصبحون على احداث جديده صباح اليوم الثاني
بيت ابو صقر غرفة افياء وهي تكلم صديقتها
افياء وهي تلعب بخصلات شعرها:الوو
منى وصوتها كله نوم:الووو
افياء بطفش:منوووو قومي انا زهقانه
منى تكره هالأسلوب بأفياء تقومها من عز نومها بس عشان تسولف ولا اي شئ:فيوو والله فيني النوم ومو قادره افتح عيني
افياء بقهر: يعني ما تقومين عشان صديقتك قلت لك طفشانه والبنات كلهم مقاطعيني عشان الفيل
منى بطفش وجفونها ترف وتغمظ:امممم صح
افياء عصبت:افففففف منك منى قومي صحصحي معي ولاتدرين شلون انقلعي نامي اففففف <<وقفلت
************************************************** ***********************************
عند منى وهي مقهوره من حركات افياء اللي تعاملها كأنها خدامه عندها قالت بقهر:والله لا اوريك يا أفيائوه
غمظت عيونها وغطت في سبااااات
************** ************************************************** **********************
عند افياء طلعت من غرفتها متوجهه لغرفة مايا طقت الباب كم مره بس مايا ماسمعت لأنها كانت حاطه سماعات
دخلت افياء الغرفه وهنا رفعت مايا راسها طالعتها وهي رافعه حاجب:خير انشالله اطلعي بره
افياء بقهر:ترى انا اختك مو هذيك الفيل
مايا طالعتها بتعجب وهي عاقده حواجبها:انتي للحين ماتبتي من لسانك عساه القص
افياء وهي تتكتف وتتكي على الباب:حبيبيتي انا بااااااااااااااموت واعرف وش تحبون بهذي اللي ماتتسما
ميايا:نحب طيبتها واللي فيكي انتي خبث نحب تفهمها واللي فيكي انتي فهم غلط ونحب بساطتها وتواظعها واللي

هي فيكي رزه زايده وغرور نحب كل شي فيها
افياء والدمعه بعينها بس تكابر تنزيلها:انا اختك يا مايا احسك تحبينها اكثر مني انا <<وهي تأشر على نفسها:انا خبيثه انا ما افهمكم
مايا وهي تبعد نظراتها عن افياء عشان ماتضعف:تبين الصراحه احبها اكثر منك بكثير بعد
افياء بقهر طلعت وصقعت الباب اما مايا شالت قناع القوه وهي تقول بحزن:سامحيني يا اختي لازم تتغيرين
اما افياء من طلعت وهي تبكي بقهر حتى اختها ما تحبها وتحب هذيك بس مادرت اني ما اكرها لأي شي غير انها اخذت الشخص الوحيد اللي حبيته

12 - 9 - 2014, 11:33 AM

البارت السادس وصل وصل
V
V
بيت ابو نايف
سحاب وهي تسحب دانيا من بلوزتها بعربجه ومظخمه صوتها كالعاده:تعالي هنا شوفي
دانيا والدموع بعينها:اي اي وجعتيييني سحاااااب اييي
سحاب:تسكتين ولا بكف على فمك
دانيا ببكا من اسلوب سحاب اللي كل شي عندها كأنها ولد ظرب سب وكل البلاوي:بسكت خلاص
وقفتها سحاب عند الثلاجه وبصوت ظخم وهي تدخل وجه دانيا قريب من الثلاجه:كان فيه هنا كورد رد وين اختفا <<وهي ماسكه بلوزتها من ورا وتحركها قدام ورا
دانيا:والله ماذقته تعرفيني ما احب هذي البلاوي ولا احب اشربها
سحاب رفعتها من جوت الثلاجه وفلتتها وهي تصفق باب الثلاجه:وبعدييين مع هذا البيت ما يهنا للواحد لقمه فيه
دانيا بعد ما فلتتها هربت بسرعه لغرفتها وهي تدعي الله يصلح حال الهبله اختها وترجع اختها الأولى الأنثى اللي الكل يغار من حلاوتها وانوثتها
************************************************** ************************************************** *******************************************
المانيا غرفت مشاري دق منبه الجوال عشان يروح الجامعه
مشاري قام من النوم بنشاط تقلب على سريره وانتبه للحاف الفوشي والأورنج اللي مغطا فيه تذكر ليلة امس و طيحتها بحظنه استنشق ريحت عطرها اللي بالحاف وابتسم وهو يقول:اخخخخ بدت تسرع نبظات قلبي على ذكرها مره
ثانيه وش سالفتي مع هالبنت << قام تروش وصلى وبعدها لبس جنز فاتح وبلوزه سودا تبين عظلاته وخلا شعره الحرير الي يوصل اكتافه وكثيييير بأهمال
وبخ من عطره اللي ملت ريحته الغرفه وكانت قويه وتجنن
نزل يفطر بس استغرب انه مالقاهاlvia slvia come ((سلفيا سلفيا تعالي))
جت الخادمه سلفيا:yes mstar((نعم مستر)
مشاري:whir is ms shomok (( وين انسه شموخ ))
سلفيا:ms shomok went out of the house ((انسه شموخ ذهبت خارج المنزل ))
مشاريk << استغرب مشاري كثير:وش اللي مطلعها من الصبح ووين بتروح
************************************************** *********************************************

12 - 9 - 2014, 11:34 AM

شموخ حست انها ماتبي تشوفه بعد اللي سار لهم تحس انها منحرجه مرره ولا قادره تطالع فيه وتمثل عدم الأهتمام
لانه قلبها يدق لشوفته كانت جالسه بالحديقه الكبيره اللي قدام البيت شافت سيارت -b m w- تدخل من بوابة الفله
الكبيره استغربت بس ما اعطت الموضوع اي اهتمام وكملت تسمع بالـ -mp3- اغنيتها المفظله واللي تذكرها بأمها ((والله مايسوى))
وهي تردد بصوتها اللي فيه بحه تذبح اي احد يسمعها من قوة الأحساس اللي فيها تندمج غصب عنك معها كانت لابسه بنطلون استرتش اسود ماسسسسك
وبلوزه لحد الركبه بيضا هاينك صوف وعلى خصرها لا بسه احزمه نحيفه حمرا وبيضه وسودا وحجاب اسود ومغمظه عيونها وهي حاطه رجل على رجل وتغني
بأندماج ببحة صوتها:
والله مايسوى اعيش الدنيا دونك لا ولا تسوى حياتي فـ هالوجود دامك انت اللي رحلت وكييف اباصبر على البعاد وكييف ابنثر هالورود على البعاد وكيف
بنثر هالورود
************************************************** ************************************************** *********************************************
كان داخل بسيارته الـ -b m w- وهو يوقف السياره وينزل يمشي بالحديقه للفله لفت نظره صوت وابهره اكثر وخلاه مصدوم من صاحبة هاالصوت بدون شعور وقف يستمع
لها بأنصات وهو يطالعها من اعلى راسها لاخر رجلها بتفحص ومو مستوعب هذي حقيه ولا خيال
اما شموخ انهت الأغنيه وفتحت عيونها وببتسامه انجن عليها وليد تنهدت وهي تقوم طاحت عينها على عين وليد وتجمدت بمكانها بصدمه وليد هو والله هو وليد بس وش يسوي هنا
ابعدت نظرها عنه وهي تركض للبيت
وليد((وليد شخص جذاب للناظرين يلبس نظارات طبيه معطيته جاذبيه شعره يوصل اكتافه ونااعم جنتل طويييل وحلو حبوب وفرفوش وكل الناس تحبه وهو صديق مشاري بالحييل ومعاه من يوم
ما ابتعثوه له قصه وبنعرفها مع الأحداث )) وليد استغرب كيف كانت تطالعه وتبعد عن ناظره شوي شوي الين اختفت ودخلت الفله استغرب دخولها لفلة خويه وقال بيدخل ويستفسر بنفسه
************************************************** ************************************************** ************************************************** ********************

12 - 9 - 2014, 11:34 AM

مشاري كان جالس يفطر والتوتر باين عليه شافها فجأه دخلت من الباب وتكت عليه وهي تتنفس بسرعه استغرب منظرها ولاكنه اعجب بلبسها اللي مناسب عليها بشكل يجذب وهي مو منتبهه له
توجه لها وسألها بهدوء عكس توتره:شموخ وش فيك ؟؟؟
شموخ نقزت لأنها كانت تايهه بأفكارها ومسرحه ردت بتوهان:ولاشي
مشاري ما يحب احد يكذب عليه:شموخ وش فيك احد اذاك احد ظايقك ؟؟
ماردت عليه وهي مسررررحه وبعالم اخر: ..........
مشاري عصب وقرب حط يدينه على الباب وحاوطها:ماراح تجاوبيني
شموخ خافت من قربه واللي وظح قربه لها ريحة عطره اللي سارت احلى ريحه تشمها:مـ مـ مافي شي كنت اركض وتعبت
مادخل راسه عذرها بس طنشها ومشى وهو يقول: انا رايح الجامعه الحين تبين شي
شموخ بخوف من البيت:بتطول
مشاري لمح الخوف بصوتها:مادري عن الدكتور يمكن ارجع متأخر حسب كلام غاليه يبيني بشي مهم
انقهرت ليش ينطق اسمها بس نفظت هالأفكار وقالت بسرعه:بروح معك
استغرب مشاري وقال بهدوء:اوكي اطلعي غيري وانا انتضرك
طلعت شموخ الدرج درجتين درجتين وتوجهت لغرفة الملابس بحيره وش تلبس اخذت لها جينز مو طويل ولا برموده شانيل فاتح شوي ويمتد البنطلون الين تحت الصدر (هاي ويست)وفيه ازارير واخذت بلوز اورنج رسميه
من تحت البنطلون رفعت الأكمام ولبست اساور واختارت حلق من الماساتها واسواره ناعمه وتعليقه طويله كلها ذهبي لبست فلات اورنج وخلخال حطت ميك اب خفيف شدو ذهبي وكثفت المسكره ابرز لون عيونها اللي سارت تجنن
مع المسكره اللي خلت رموشها تطيير فوق وترفف حتى انها ازعجتها وكأنها مركبه رموش حطت بلاشر اورنج مذهب وقلوس اورنج لبست حجابها الأورنج وذهبي شالت شنطتها ((قوتشي)) وتوجهت لتحت وتفكيرها كله مع وليد ووش اللي يسويه عند مشاري
************************************************** ************************************************** ************************************************** *******************************************
قبل خمس دقايق
مشاري كان ينتظرها تخلص لمح وليد وهو يدخل الفله قام متوجه له:هلا والله وليد نور البيت
وليد:هلابك ياللي بالسعوديه
ظحك مشاري:والله هذا الدكتور الجني مدري شلون لقطني وهذي مو اول مره يقطع اجازتي حسبي الله عليه بس
وليد:هههههههههه لاتكذب عليه ياخي قول له الحقيقه بلا رايح السعوديه بلا هم
مشاري:ههههه وانت صادق <<طالع ساعته تأخر على الدكتور قال بترجي وهو مايبي هالشي ابد ابد بس مجبور فعلاً تأخر:وليد بنت عمي الحين بتنزل ممكن توصلها لي الجامعه لاني تأخرت
وليد بقلبه:اجل بنت عمك ابتسم وقال:ابشر غالي والطلب رخيص
مشاري ابتسم ابتسامه صفرا وقال بقلبه:لو علي ما خليتك تلمحها حتى بس حكم الله علي قال بهدوء:انا طالع انتبه لاتسرع البنت امانه معك <<وطلع يركض
جلس وليد ينتظر وشاف الملاك ينزل احلوت يا الله بدقيقه زاد حلاه

12 - 9 - 2014, 11:36 AM

وليد ببتسامه هاديه بينت غمازاته:امممم والله مشى وقالي اوصلك له
قالت بفجعه:نعععععععععععععععععععععم؟؟؟
استغرب ردت فعلها وقام متوجه للباب وهو يقول:ترى انا مو وحش وما اكل البشر
كانت خايفه تبقى بالفله وش طولها وش عرظها لحقت ورا وليد وركبت ورا طالعها من المرايه وقال:انا مووو سوااااااق
كرهت ردة فعله وقامت لقدام بدون اي كلمه وهي لاصقه ف الباب طالعت فييه بنص الطريق خلاص طفشت تبي تأكد شكوكها رفعت جوالها
وظغطت ارقام بيدينها الناعمه جاها صوتها وهي نايمه:هلا والله شوشو
شموخ :هلافيك ((ركزت على كلمتها الأخيره وعينها متعلقه بوليد))سحاب <<وليد دق قلبه وبلع ريقه يوووه ياكثر شوقه لهذا الأسم وبان التركيز عليه
سحاب:شوشو شايفه الساعه كم عشان تدقين انتي
شموخ:والله نحنا بالعصر ياعمه وش منوممك العصر
سحاب صرخت وبان صوتها من ورا الجوال:يووووووووووووووووووووه شوشو ا ب ي ا ن ام ممكن
ظحت شموخ متعوده على سحاب:هههه فقعتي طبلتي اقول سحابوه مو عشانك بنت الـ..... تعامليني كذا <<قالتها وهي تترقب وليد اللي بعد مايسمع اللقب وش بيكون موقفه
اما وليد فرمل بنص الشارع وطالعها انصدمت انه عيونه تغرغر بدموع قالت بسرعه:سحاب حبيبتي روحي نامي الحين وانا شوي اكلمك اوكي
سحاب بستغراب:اوكي <<توترت سحاب وماقفلت السماعه ومن رجة شموخ ماقفلت السماعه هي الثانيه سمعتها سحاب وهي تقول:ليش الدموع
رد وليد بصوت مكسور:ليش تسوين كذا<<سحاب عقدت حواجبها وتجمعت دموعها بعينها هذا صوت ولـ يـ ولـيـد
شموخ ببرأه:وش سويت
وليد ودموعه على خده:والله حرام انا بالقوه تناسيت هالمخلوقه ليش ليشششش تذكريني فيها << سحاب بصدمه تسمع الكلام ومستغربه وجود شموخ مع وليد والدموع تنزل من عيونها بصمت
شموخ:يعني انت السبب
وليد عقد حواجبه:السبب
شموخ:انت تحبها
وليد بصوت مكسور:اعشقها واعشق كل همس وكلمه منها اعشق كل شي فيها بس مو بيدي والله <<حط ايده على وجهه والدموع تنزل بدون شعور
شموخ عصبت:اجل ليش سويت اللي سويته ليييييييييييييييش فهمني تدري البنت دخلت بأنهيار عصبي من بعدك والحين الحين<< بقهر: سارت شبه بويه
ماتبي تحب مره ثانيه ولا تنحب تدري انك كسرت هالمخلوقه ما تبي تنجرح مره ثانيه
قاطعها وهو يقول بصدمه:بويه؟؟؟؟
************************************************** ******************************************

12 - 9 - 2014, 11:36 AM

البارت السابع
v
v
قاطعها وهو يقول بصدمه:بويه؟؟؟؟
شموخ بصوت عالي شوي وقهر على سحاب :اييييييييييييه بويه لا لبس لا شكل بعد ماكانت تنطق الأنوثه من قبلك ليش سويت فيها كذا لييييييييييش
سكت وهو يتذكر كيف كان يعشق هالأنسانه يموت بشي اسمه سحاب هي الهوى اللي يتنفسه كان يغار عليها حتى من ظلها كانت تحبه بيوم بس خلاص
بدا يروي السبب لأبتعاده قال والدموع تسبقه(من 4 سنين كان يوم الفلانتاين دقيت عليها وردت بصوتها اللي اعشقه واعشق الدلع الطبيعي فيه:يادنيتي اشتقت لك
ابتسمت :وانتي اكثر ياعمري هبي فلانتاين دي
ابتسمت بخجل وقالت وهي تلعب بخصلات شعرها اللي تعدت اخر ظهرها بسبب طلبي لها تخليه يطول:وليد بقولك شي بس بقفل بعدها بسرعه
ابتسمت اعشق خجلها بكلامها كل شي فيهااحبه:قولي يا روح وعمر وطوايف وليد كلهم
قالت سحاب بهمس ودلع:اممممممممم احبك <<وقفلت
صرخت بأعلى صوتي واخيرا قالتها اااااه على همسها لي 3 سنوات منتظر هالكلمه واخيرا قالتها قمت انقز وانا مالك الدنيا بين ايديني من كلمتها
بعد المغرب رحت لمحل بعد ماقررت اجيب لها هديه توجهت لمحل خاص بشغل الفلانتاين بس كانت الصدمه اني اشوفها مع شخص متأكد انه ماهو ابوها ولا
اخوها شبت فيني النار وانا اغار من ظلها حتى كانت بيدي باقت ورد ورميتها بألأرض دقيت عليها وبحسن نيتها حسمت الموضوع لمن سألتها:سحاب انتي بالبيت ولا بره
كانت بطيب نيه تبي تخفي خروجها لانها ماتبيني اكتشف انها بتجيب هديه قالت: لا انا بالبيت وين اطلع مافي احد يطلعني وانت تقول ماتبيني اطلع مع السواق <<كنت اشوفها وهي تتكلم حاطه يدها على اذنها ومبعده عن الشخص اللي كانت معه ما جا براسي ذاك الوقت الا انها تعلب على الحبلين
عصبت هنا وبدات اسبها بأبشع السبات وهي بعيني مو اكثر من خاينه حقيره بدأت اقولها الكلام اللي جرحها كثير من غيرتي:ترى لا يغرك الأيام اللي كلمتك انا زي ما كنت اكلمك اكلم عشر ونفس الكلام اقوله للعشره بنات امثالك
والمساكين كلهم يصدقون <<ظحكت بستهزاء من ورا قلبي:على العموم لاتسوين لنفسك امل لاني العببببببببب عليك مو اكثر وانتي بعد لاتمثلين دور البرأه ترى زي ما كلمتيني كلمتي عشره معي يالله الحين انقلعي لاني طفشت منك وبدور لي هبله ثانيه العب عليها
كنت اسمع شهقاتها وماردت غير بالله يسامحك وقفلت وبعدها ماسمعت صوتها
<<< كان كل هدفي اجرحها قبل تجرحني بس كنت اجرح نفسي ولمن جلست بعد ايام افكر مع نفسي تذكرت انه لها اخو بالمواصفات هذي اخوها بالرضاعه قلت بنفسي:ايه صح صح يعني انا ظلمتها يعني هي مو خاينه << قعدت اصيح وانا اقول:كيف اقنعها ترجع لي انا هنا بديت اظرب نفسي
بقهر كيف خسرتها غبييييييي كيف قدرت اخسر حبي الأول والأخيرررر بديت اهمس مثل المجانين بأسمها �

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
اشتاق لك واثرك هنا تحتريني	حنين الأشواق	همس الشعر والقوافي	8	9 - 2 - 2023 01:50 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
انظر في مر تك واترك مر ة غيرك	نظرة عين	همس المواضيع العامة	4	22 - 2 - 2015 08:58 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

رواية قول احبك واترك الدنيا لعيونك

همس للقصص وحكايات وروايات